رواية عندما يكون العشق صوفيا الفصل الثالث عشر 13 - بقلم ruqaya H algurtani

آه إن قلبي صغير جدا ، حتى انه لا يكاد يُرى ، فكيف تضع به أحزانا بحجم الكون ؟ قال : إن عينيك أصغر حجما أيها السائل ، لكنهما قد تحويان المدى.
جلال الدين الرومي

صعب تكون بعمر صغير وتتعامل معاملة شخص بالغ وتتحاسب ع خطأ مو خطأك..
لاخطأي.. اي اني سمعت اشجان.. بس كل مااريد الوم روحي وارجع واكول ليش مجان يكلي ليش مشاركني كشخص بالغ يريد ننجمع بيت واتصرف بعقل.. بس وقت تقرير حياتنا هو واهلي قررو لان بعدني طفلة مو واعية مااعرف َمصلحتي..
عقلي مو براسي...
دام يعرفون كل هذا الكل.. شون يامنوني ع بيت وجهال.. شون اكدر اتحمل أعباء الحياة واني بعدني عقلي مو كامل....
ذكريات الماضي تموت.. واليوم حسيت علي انظم لمجموعة الوحوش الي استغلو ضعفي.. واستباحو جسمي رغما عني...
هو اني جرحت رجولتة بغيرة ممبررة وهو تاركني تايهة بشكوكي.. كتلة كل شي...
ماعدا العانيتة ويا رشاد وفؤاد.. اشياء اذا ذكرتها يمكن اموت روحي...
أخطاء غيري.. الي اختارو ينفذوهة علية..
نسة فؤاد.. جكد جان يتلمس بية ويهددني..
عمود لااكول لأمي المشغولة بمرض اختي وزعلها.. نستني كاني مموجودة تولدت عندي رغبة بالانتحار واني بالخامس ابتدائي..
عايشة بالخوف..
لااكون انتهكت عذريتي.. واني صغيرة..
اشباح الماضي دايما تطاردني..
جنت ميتة خوف من ليلة العرس... خايفة احد يلمسني..
مجرد طيف لامس روحي وحسيت بالامان ويا علي شوي وكلت هو رح يطلعني..
طار ويا الهوى.. مثل مطارت احلام هواي وخيالات رسمتها..
طلع ميختلف عن غيرة وحش ثار عمود يثأر لكرامتة الجرحتهة بلحظة طيش...
ماحضني.. وماظمني...
اغتصبني.. عمود يكسر خشمي مثل ميكول...
معقولة اني دا اشوف كابوس...
اي.. متاكدة اني عايشة بكابوس.. وهسة اصحة وكل شي رح يكون حلو..
وعلي.. رح يحضني.. ويكلي لاتخافين اني يمج...

فتتت.. للحمام.. ذبيت ع روحي مي..
جان اكو مراية بالحمام..
باوعت ع ارتداد صورتي بالمراية..
تقربت .. واباوع اثار الحب مثل ميكولون..
بكل جسمي..
نزلت راسي.. مكان حلم.. باوعت ع  رجلي..
والدم.. نازل... وثارت جواية صرخة وعيت ع الصار بية..
اخذت موسيقى الحزن.. الي بدت اول نوتاته من عصرة صدري.. وتغير ملامح وجهي تقربت خطوتين ولامست المراية..
صارت الصورة اوضح..
لا.. لا.. ياربي.. اني.. يارب.. لا..
انكسرت.. علي.. كسرني...
جان اكو حجر بالحمام... ضربت المراية..
وصرخت صرخة الم..
لااااااللللااا...
لاااااااااا..
ضربت ع وجهي...
ووكعت .. وسط أجزاء المرايا المتكسرة ومااحس  روحي تختلف عنهة ضميت رجلي.. وجسمي.. وظليت ابجي..

علي: شهد.. باباتي.. حبيبتي فتحي الباب...
فتحي.. وكل شي رح اصلحة رح شوفين الايام الحلوة.. مثل مااتفقنة..
ورح يصير عدنا اولاد..
وكل شي رح تتمني اسويلجيا....
فجاة اختفى حتى صوت نحيبها الي جنت اسمعة من ورا الباب...
شهد.. شهد.. دسمعيني..
واسمع صوت تكسير وصرخة شهد.. خفت.. وماكدرت اتحمل.. بعد..
كسرت الباب وفتت لكيتهة كاعدة وقطع المرايا متناثرة جواها..
واكثر شي خوفني.. الدم بكل مكان..
جانت فاقدة.. ومو حاسة بشي..
غسلتلهة بلكي تصحة..
بدلتلهة.. وركضت بيهة لزمن..
دكيت الباب..
اعرف زمن موجودة..
زمن: هااا علي.. هلو تفضل..
عزة.. لك هاي مو شهد...
علي :بس فتحيلي الباب افوت السيارة..
لك علي شبيهة..
علي؛ زمن مااعرف.. هسة احجيلج تعاركنا..
وصار الي صار..
لطمت ع خدهة....
عزة العزاك.. علي. وك ليش هيج..
علي؛ زمن.. شهد.. دتنزف.. ماوكف الدم..
زمن... لاتفوت.. اني البس عباية وجاية وياكم وديهة مستشفى....
علي: اخبر.. اهلي اهلها..
زمن: بعدين.. بعدين..
امشي نوديهة وبعدين.. نبلغهم.. الله يستر..
ضليت اضرب... ع وجهة.. متصحى....
زمن؛ علي هاي فاقدة الوعي.. خاف بلعت شي..

علي: شتبلع يازمن.. بنص العمال فاتت مثل العاصفة مخلت كلمة مكالتهة ولاحجاية محجتها فضحتني  .. فتت بهدومي وماسكتت..
واخرها هيج وصلنا..
عود دا اسويلها مفاجاة...
شهد: كلهم.. علية.. كلهم اذوني..
علي: كعدت... شهد.. حبيبتي...
زمن؛ ركز بالشارع يمعود لاسوي حادث..
شهد: حضنت زمن.. وكعدت ابجي..
وج زمن... كسرني.. كسرني..
دمرو حياتي...
اووف.. ياربي موتني وخلصني.. تعبت..
علي: صمالله عليج شهودة.. لج.. اسف والله.. اسف.... الله يلعن الشيطان..
زمن؛ شهودة حبيبتي اهدي.. اهدي.. هسة وصلنا للمستشفى..
وصلنا لمستشفى كربلاء التعليمي...
جابو سدية.. طلبنا طبيبة نسائية اول مدتفحصها عاطت..
الدكتورة: زمن.. هاي متعرضة لااغتصاب..
زمن: دكتورة متعاركة ويا زوجها.. وصار الي صار...
هاي متزوجة بصدريتها هاي..
دكتورة بعد عاقد عليها..
لا.. باطل.. هيج سيادة الظابط..
غيرك واحد افتح ملف بالشرطة..
يحتاجلها خياط..
وابرة مهدئة البنية متعرضة لاانهيار..
وانت تعال تفضل وياي عندي حجي وياك..
شهد؛ ظلت دموعي تنزل.. واحس الاصوات صارت صفير بس اشوف ناس تريد تعرف شصار..
كليلي عيني هاي البنية جتي بالصدرية شبيهه..
غمضت عيني.. ويمكن حتى وجع محسيت بي..
غمضت عيوني.. وتمنيت مااكعد..
صحيت.. وامي جانت تبجي..
ابوية واكف ركن يحجي ويا علي..
رافت الجهة المقابيلهم..
فؤاد.. ماكووو..
اول ماجاي المستشفى متعارك ويا علي..
سالت روحي.. هسة شرح يصير..
فتحت عيني.. جتي خالتي.. تقدمت بااتجاهي.. بالخير عليج يمة بالمبارك..
شهد: استغربت ع شنو تباركلي وابنهة ذبحني..
جتي امي.. وحاسة محد لازم يشيل هذا الاذى غيرها هي وصلتني هنا...
رضي زلمتج ... رضي زلمتج..
ماعدهة غير هالكلمتين علمتني ياهم...
اجة ابوية باسني من راسي... وعلي مفات..
رجعت غمضت عيني واني متاكدة بس ارجع تبدي رحلة الملامة وكلة من وراج..
زمن بيومهة تعبت.. خطية.. وصار عدهة نزف... جاي قصي ماخذهة..
واني اكثر احد محتاجتة هي..
طلعنا ثاني يوم كملت الاجراات... وصلنا علي للبيت..
سندني رافت وامي..
ومشفت علي...
بعدين عرفت عمي ضاربة من سامع..
ومقربين موعد العرس نهاية الشهر مجرد مراسيم عادية كدام العالم.. عمود لايحجون...
بس اصير زينة نكمل اخر اجراات.. ازوج بيت اهلة لما تخلص الشقة وترميماتها..
وصيت زمن لااشجان ولا خالد يفوتون علية ارتكب جريمة..
مر اسبوع بغرفتي مطلعت..
ولاحجيت.. ولااكلت من خربت شدولي مغذي....
وراها.. ابوية كال لاامي ع العرس..
واني ثرت ثورة مااريد  ازوجة مااريد هو  كال اتفاق.. وبعدين يعوفني... خل يعوفني هسة اكرهة مااريدة..
وجان لازم مهمة اقناعي زمن.. تلزمهة..
زمن: كليلي.. صارلج جكد على هالحالة..
جكد.. صارلج..
متحجين..رح ظلين ساكتة..
شهد؛ اني كتلهم مااريدة..
زمن؛ منو هذا المتريدي..
شهد: ماازوج علي لو يموتوني..
زمن : انتي وحدة رعنة..
بهالاثناء فات علي هرج الدنيا..
سمعتي رجلج وصوتة.. من خبالج والله خبلتي للولد..
شهد؛ حتى انتي يازمن..
زمن؛ لج ماما حبيبتي..
اكو وحدة تتهجم ع رجلها..
شهد؛ لاتكولين رجلي..
مااريدة..
علي: ياهو المتردي ولج..
شهد؛ زمن كليلة يطلع مااريد اشوفة..
علي: لج.. انتي الي صار من وراج..
انتي استفزيتيني..
شهد؛ مااريدك.. كرهتك.. مااريدك..
زمن: علي اطلع اني احجي وياها...
علي؛ لج غيري رجال جان دفنج..
شهد؛ غيرك رجال انت لأ..
علي؛ زمن.. سكتيهة زمن لااجرم بيهة مرة ثانية..
شهد؛ شتسوي تغتصبني مرة ثانية..
علي؛ ولج.. يااغتصاب انتي مرتي...
مو.. مرتك.. مو مرتك...
علي؛ مرتي وغصبا ماعليج..
ولو مو عيب من عمي واخوانج هسة اسحلج للبيت لازواج ولاغيرة.
شهد؛ شفتي زمن من هسة بدا يهين
ب

ية...
علي:من ايدج ولج انتي شون تثقين بوحدة مثل اشجان مو ذاك اليوم تحجين عليهة..
شهد: مكلتلي عندك شقة..
يعني اذا اشجان دزتج شقة مو زينة وانتي طبيتي مثل الثور  الهايج..

شهد :ولو انت كذاااب..
علي؛ زمن طلعي.. خل اعرف شغلي وياها..
زمن؛ علي.. بلا عصبيتك رجاءاً..
اطلع اني احجي وياها..
شهد: كمت ابجي..
علي: بعد متفيدج دموعج.. غبية.. فد يوم توكعينا بمصيبة من ورا عبطج..

زمن: اطلع.. علي.. وبلا هالحجي المحلووو...
طلع علي وهو محمل ولا واحد من اهلي كالة شدسوي باااعوني زمن..

زمن: الحق ويا..
لج.. اكو وحدة عاقلة لدغت من وحدة حية مثل اشجان.. وترجع تصدك بيهة وتصعدين شقة.. لج شمعرفج وين دازتج..
بلا شقة مشبوهة ويجي علي وتصخمين وتتعزين..
شهد: ولووو.. هو غلطان...
زمن: ضلي عاندي.. ظلي لما تدمر حياتج..

شهد؛ اني اعرف حظي.. حياتي كلهة تعب وبهذلة واجة علي رح يكمل عليهة...

زمن: يعني ليش البجي.. شهودة حبيبتي ماماتي... لج ميصير تمشين ورا حجي.....
ياحجي زمن شفتة صاعد.. كدامي..
واااذا.. الرجال ديصبغ شقتة وفرغها من اثاثها بيومين عمود الخاتونة البطرانة.. تجي وتتفاجا.. خوش مثل مكال.. هبيتي هبة بلا متسمعي..
ولج.. هذا علي.. لو يدور سوالف مكسرة جان مكلبج..
شهد: زمن.. اني مااكدر ازوجة..
زمن؛ هم رجعنا نفس السالفة..
شهد : زمن مااكدز هاي ثاني مرة احس جاثوم ع صدري.. ومن تقربلي شفت رشاد..
زمن: شذكرج  بي.. انسي ماما راح وتعفن بالسجن...
ميخالف.. بس لسة الذكريات تجي تهاجمني..
زمن: انتي رفضج علي..
لاا.. اكرهة مااريدة..
زمن؛ متريدي.. وحدة عمرهة 18تطلك من ابن عمهة ورا كم شهر من خطوبتهم متسالج الناس ليش..
لج شهد فكري بعقلج بطلي هباتج، من يومين كتيلي علي ملاك نازل من السما.. شااتغير ولج..
شهد؛ كل السويتة بجيت.. وظليت اخطط شون اخلص.. فكرت اهرب ، كرهت سكوت اهلي..
واكثر شي كرهتة..
من امي كالتلي.. خاف تكونين حامل..
هنا وكفت لحظات..
لا.. مستحيل اكون حامل..
قبل الزواج بكم يوم استاذنو من قصي لان ابو كان ميت جديد... وهذا الشي زعج علي لان اظطر يستعجل.. جان يوووم عادي جدا.. حفلة عشاء عزمو الكرايب عمام وعمات...
ماكو اي مظاهر للفرح..
جتي ام الصالون للبيت..
لااا.. هاي ليش هيج العروسة.. وجهة اصفر وجنهة بعزة..
ام شهد؛ يمة بعدهة صغيرة وخايفة..
ام الصالون؛ لاتخافين حبيبتي ليلة وتعدي..
كلنا مرينا بيهة..
يلا فتحي شعرج..
ماشاء الله..
يخبل هسة يطلع بالتسريحة...
شهد؛ كصيليا..
لاااا، حرامات..
اريد افاجا زوجي..
يريدني اكصة..
لا ميفتهم وماعندة ذوق هالشعر الحلو..
بس بكيفكم..
زمن؛ رحت جبت.. جاي للام الصالون لكيتها متحضرة تكص شعر شهد..
لزمتها اخر لحضة..
عيني شدسوين.. تسوين مصيبة رجلها ميقبل..
هي كالتلي..
تمشين ورا وحدة زعطوطة.. دتسوي عناد بخطيبها..
هاي هيح شهد.. واني هم كلبي ماانطاني اكصة..
يمة لاتبديهة بعناد.. حياتج صير جحيم والرجال ينفر منج..
شهد؛ ضحكت..
اني اعلمة من اليوم هم مو يريدوني مثل ماهو يريدج..
اني اليوم اخلي يكره حتة نفسة..

زمن: هاي السكتة مو خالية وابتسامتج هاي الصفرة خايفة منها..
شهد؛ مو عرسي.. لازم اضحك وافرح..
شهد.. خايفة منج.. استهدي برحمانج وابدي بداية جديدة..
ماااشي.. مااشي..

مرت ساعات العرس بسرعة.. صعدوني بسرعة.. فوك...
وراح الكل بقت زمن تحجيلي.. وتفضفض ويايا لان هي هم مرت بتجربة مو زينة ويا زوجها بعديت تاالفو.. بس حجيهة مخلاني احس بالراحة..
بالعكس تولد عندي.. قرف اتجاه الجنس الاخر، صار بالي انو احنة جنس للمتعه فقط... وغيرة كلة كذب..
ظليت متوترة وخايفة.. خايفة اتاذى..
تعبانة كلش.. شااسوي.. راحت زمن..
فرغت الغرفة..
نزعت البدلة.. ماانتظرت علي.. وراحت افكار مخليتهة بالي.. وتصورات لهاي الليلة جكد رح تكون خاصة ومهمة... بس كلها راحت ادراج الرياح..
بجيت شوية وباوعت ع روحي.. بالمراية كرهتها..
زحفت الميز بعيد عن الباب.. مااريد اشوف روحي..
علي: راحو كل الخطار وكعد ابوية يحجي وياي وينصحني...
مااعرف شمحضرتلي خبالات.. بس كلي لهفة اخيرا شهد صارت مرتي...
رح انسيها الصار..
واحنا كاعدين سمعت صوت اشياء تندفع..
ام علي: يمة علي اصعد.. اني مااريد اشوف مرتك.. ومسوية شي جديد..
علي؛ صعدت الدرج.. وكعدت استغفر وادعي ربي يصبرني وميخليني.. اتهور وياهة..
وصلت يم الباب..
متردد افتحه.. وكفت دقايق.. حست بية..
فتحت باب الغرفة.. علي هذا انت.. زين جيت.. تعال ادفع الميز وياي..
شهد.. هاي شكاعد سوين..
شنو شدا اسوي مدتشوف رح ظل تتفرج..
علي: شهد دنيا ليل..
وااذا.. مااكدر انام.. اذا محركتة..
اي هيج احسن.. شردت تكول..
علي : شهد.. هاي ليلة عرسنا..
شهد : صدك نسيت اسفة حبيبي..
هسة انزع كل شي.. اكيد انت مستعجل..
شبيك واكف يلا انزع تعال بسرعة.. لاتتاخر..
علييي: شهد.. شبيج..
شبية.. مو هاي الهوسة والبدلة وكل شي عمود هاي الشغلة..
علي: استغفر الله.. شبيج اليوم مو طبيعية..
شهد؛ اليوم لاا.. اني طبيعية بس الايام الجاية مااعرف النظام شنووو..
علي:حطيت ايدي ع ايديهة..
شهد.. يلا لبسي ملابسج.. بسرعة..
لييييش..
لبسيهم.. فايت حمام اغسل واتوضا وانتي تفوتين ورايا نصلي.. اول..
شهد؛ عوووفك من الصلاة.. قحطت.. لاتصلي تعال.. يفوتك.. الونسة...
جرتني من ايدي.. لزمتهة من ساااعدها... شهههههد..
شكو.. شبيك.. مو هذا تريدة.. مو كلكم همكم هذا يلة تونس بالشرية الجديدة..
ماحسيت روحي الاضاربهة ودافعة ع السرير..
علي؛ انتي زوجتي وبت عمي.. مو بنت ليل للونسة..
نازل اجيب العشا وانتي فوتي.. غسلي..
غسلي دماغج وفرغي الي..
شهد؛ ظليت ساكتة ورجع التشتت يهاجمني.. اني الغلط.. لو هاي بس كسب اهتمام.. عمود اكون الرايدهة...
ليلتهة مااتقربلي علي.. ونمت اني عالقنفة.. والصبح لكيت روحي نايمة عالجرباية وعلي  ماكو...
للقصة بقية...

لاتنسون تصوتون عالبارت اذا اعجبكم