رواية عندما يكون العشق صوفيا الفصل الثاني والأربعون 42 - بقلم ruqaya H algurtani

قلت للعشق ذات ليلة: أصدقني القول، من أنت ؟ قال: أنا الحياة الباقية وأنا العمر المتكرر. قال: لا تنظر إلى ذاتك مرة بعد أخرى .. فقط أنظر (إلي) فأنا أقرب إليك منك.

         جلال الدين الرومي

جلست في إحدى زوايا ذلك المكان الذي اعتدت ان الجأ اليه واشكي همي اشكي ضنك العيش ظلم الناس الالامي وجعي، لكن اليوم جئت اليكي يارب وكلي انكسار وجع يارب.. يارب ان كنت قد اخطأت، قصرت بعبادتك، او ظلمت احدا يارب.. يارب سامحني اغفر لي،
ربي.. ربي..
انطيتني اثنين حمدتك وشكرتك..
اخذت واحد.. حزنت بعدين كلت الحمدلله قدر وشاء الله انطى والله اخذ.. والله عليه العوض..
يارب.. يارب فدوة ربي.. فدوة احفظ ابني نجي.. ياربي فدوة.. نجي ابني مالي غيرك الجا الة بهالمكان.. ياربي هاي موتي يارب خلص مبقالي شي غير هالولد..
اني منكسرة.. تعبانة..
ظليت.. ابجي عالم طالعة وطابة وتتفرج ناس تنقهر وتطلع.. واني كاعده بمكاني..
..........    .............. .....
عودة للوراء..
شهد: هااا.. دكتور عفية بشر شبي همام..
الدكتور؛ يعني ياام همام.. صارلنة جكد سوا.. وماشين ع نظام وكتلج ياام همام.. ابنج... كليتة تعبانة.. شون ياخذ بروتين دمر كليتة للتالي..
شنوووو...
لا.. مستحيل.. ع ايدي دكتور يا بروتين...
الدكتور: بنتي.. ابنج مراهق واصدقائة يروحون نادي رياضي وكلهم ياخذون بروتين.. عمود يصير عدهم عضلات طبعا الانسان الطبيعي دمر كلياتة، فمابالج.. باانسان كليتة تعبانة..
ابنج دمر صحتة للاسف...
شهد: صدمة.. مابعدها صدمة.. ابني ديموت كدام عيني وموكادرة اساعده..

تعب جسمة من كد ماغسل كلياتة.. صاار شهرين بالمستشفى نطلعة العصر.. رجعة بالليل متخربط.. كام ميكدر يتحرك من مكانة عالكرسي، راحت امتحاناتة علي..
......  .....   ....
همام: ماما.. فدوة.. مو كادر اكوم ع رجليه..
زينة.. اريد مي..
حتة شربة المي سم علي صارت..
زينة.. اسف استفرغت عليج..
زينة؛ ميخالف حبيبي هسة اغسل.. ولايهمك..
شهد؛ بس..اشوفة هيج.. مااكدر لازم ابجي...
همزين زينة موجودة.. زينة كلبها قوي اكيد هاي الصفة ورثتها من امها..
جانت اقوى مني..
زينة: ماما.. هاي بعدج.. تبجين.. ليش ياامي..
والله خطية همام ينقهر من يشوفج هيج..
شهد؛ حبيبتي زيونة همزين انتي موجودة.. جان انهاريت..
زينة: وين ماما تحضنيني.. ناقصة حفلةمال زواع..
شهد؛ ياحبيبتي.. روحي ماما.. غسلي..
راح انزع دشداشتي ونغسل لهمام خطية صار يومين ماغاسل وضايج..

شهد؛ اروح انظف مكانة.. والكاع ونفوتة حمام..

زينة.. اكبر نعمة انعمها علي رب العالمين..الحمد لله ربي.. الحمدلله.. عمل زين سويتة ودا اشوف تبعاتة هسة..

زينة :ها.. ماما.. بعدج صافنة بس لاكاعدة تفكرين بحبيب القلب..
شهد؛ ابتسمت ابتسامة.. متعبة.. يحيى.. مثل غيرة.. حجي وبس.. وينة مو كال.. اذا احتاجيتيني اكون يمج.. وينة هسة..
وينة.. اذا ابو.. بس سمع تبرع وتطابق طفر وماقبل حتة يسوي الفحص بحجة مريض..

زينة: ماما.. اني اسفة.. والله موقصدي اضوجج..
اني الاسفة زيون دا احملج اكثر من طاقتج.. حتى امتحاناتج شون مجان امتحنتيهم..
زينة: ماما.. امتحانات شنو.. طز بالامتحانات اهم شي همومي يكوم بالسلامة..
وكل شي يتعوض..

شهد: ياحبيبتي.. حضنتها وعيوني كلها دموع وهي هم دمعت عينهة.. احنا الاثنين بشدة.. ومحد حاسس بينا..
زينة: مااااما..
صاحتني.. زينة.. جانت ايد همام متكئة ع جتف زينة..
دتساعده يكعد ع الكرسي المتحرك..
دائما عيني تراقبهم.. ياترى لو زينة اخت همام الحقيقية.. هم جانت تحبة وتداري هيج..
ماما.. ماما...
شهد: يوووو.. اني صافنة وهاي المسكينة وحدهة مبتلية..
جيت.. جيت..
هااا.. ماما.. شكو..
رفعت تيشرت همام.. جانت اكو تقرحات بظهرة..
اويلي يابة.. كانو لحظات الموت تحاصرني مو تحاصر ابني..
اشرتلي انو ما نثير انتباه.. همام.. بس شهكتي حس بيهة..
همام: هااا.. ماما.. شبيج..
ترة اعرف اكو قرحة بظهري.. حسيت بيهة..
بلكي اموت واخلص.. عمود ارتاح واريح..
ضربتة زينة ضربة خفيفة.. اسكت لاتحجي هالكلمة وتقهر امي... كل شي مابيك.. حصان وتركض فد شوية..
بس انت ماتسمع كلااام..

همام: هو واحد.. رح يموت بكل الاحوال ليش كوة يجلب...
شهد:كاااافي.. تحجي هيج.. كلة من ايدك انت.. ليش تمشي ورا جماعتك.. ليش.. هيج سويت بروحك ياامي.. والله مناقصة اني لييش هيج نقصت بحياتك ليش..
زينة تاشرلي.. كافي ماما هو هم مو ناقصة..

خلص.. استهدو.. تعال همام.. نغسل..
ماما.. بدلي الجراجف ونظفي مكانة بين مااخلص..
جكد قوية.. وشخصية ربي يحميها يارب..
حبيبتي زيونة..
زينة؛ يلة تعال يالمدلل..
دومك تحب تسرق انظار الحواليك..
وموهدن امي..
حرام عليك..
شو يلة انزع..
خ نغسل شوي شوي عمود لانبلل.. الجرح..
تكدر تنزل راسك..
عفية هالكفشة المن مربيهة..
مال نزينك صفر..
همام: زيني.. زيني.. بلكي للكبر كبل..
زينة: همام.. ليش هالحجي تحجي.. ترة كلش ضوجني وضوج امي بحجيك..
بلة ماتحجي..
هماام: اريدكم تتعلمون على هالكلمة..
اني حاس مو مطول..
عمود ماتنصدمون.. اني اليوم باجر مودع.. لازم تعرفون..
زينة؛ ماتموت.. ماتموت اني اتبرعلك..
همام؛ شتتبرعيلي ولج وتبقين.. بكلية..
وحدة..
زينة : المهم تبقى عايش.. اني مااكدر اعيش بدونك..
همام: ليش.. توج داتكولين.. مدلل خلص ي مني..
زينة؛ لان اني احبك همام.. احبك كلش هواي..
اذا انت شايفني اخت اني شايفتك دنيا..
انت مو بس اخوية انت صديقي وحبيبي وفارس احلامي من يوم وعيت على الدنيا واني اشوف مواصفات زوجي بيك، وكل ماجنت اقنع روحي احنا اخوة، الكى مشاعري انجرفت للجهة الثانية، وحتة لو جنت حاسبني اخت بس صعب اتقبل انت ماموجود بحياتي انت سندي همام وجودك بس يحسسني بالامان يلة كافي ارفع رجلك خل اغسلها..
همام:هاي.. اول مرة اعرف زينة تحبني وعدهة مشاعر اتجاهي نزلت راسها ومسحت عينها عمود لااشوف دموعها..
جان اعتراف بلحظة تعادل سنين.. بس بعد مفات الاوان يازينة.. فاات الاوان..
زينة: يلة همام.. دنك راسك اغسلة..
اعرف كانت كوة تمنع دموعها لاتنزل..
بس اعرف دتموت من الداخل..
زينة: تعال هنا اكعد.. اخذ شمس.. مو قوية بس عمود عظامك..
همام: تخافين ع عظامي والنظام كلة خربان.. ههههههه..
زينة: بلة سوالفك همام ماتضحك..
اروح اشوف امي..
شهد: جنت كاعده واسمع حجي همام وزينة.. اويلي عليج زينة ماورثتي مني بس حضج السيئ.. واحد حبج بالكبر والثاني بااخر انفاسة.. جنت حاضنتها عافتني وصعدت فوك..
شوي وسمعت صوت همام..
زينة.. زينة... يووووم.. وينكم مسحت عيوني ورحت ركض..
هاا.. هاا يمة.. بيك شي..
همام: يمة.. حضرو نفسكم نروح لكربلاء..
شهد؛ عزة.. يمة.. وينة وين السفر.. وانت بهالحالة..
همام؛ اروح يم ابوية..
شهد؛ ليش يمة مقصرين وياك احنا..
يمة.. مامقصرين.. بس الي خلاني بهالوضع.. خ يطلعني منة.. خل يشيل وياكم..
شهد؛ يمة ابووك مريض حتة لو وو.
همام؛ مريض بس مرح يموت.. اني اريد اعيش..
شهد؛ يمة رح تعيش.. بس لاتكصر بعمرك بهالسوالف..
همام: خلص يمة هو خط لو يوديني لحياة جديدة لو يوديني لوادي السلام.. اقرب الكم..
شهد: كاااافي.. يمة فدوة لاجيب سيرة الموت..
همام؛ لازم سمعونة هواي عمود تتعودون..
يلة يوم عجلي خل نرووح..
بس.. يمة..
يمة.. ترة اني حوصلتي صغيرة.. لاتموتيني هسة..
شهد؛ صمالله يمة.. ليش تكول هيج..
اوووف.. يمة يلة قبل لاتغرب الدنيا..
شهد؛ حاضر يمة..
يمة زينة.. زينة..
جتي ركض.. ها.. ماما.. ها.. همام بي شي..
لا يمة مابي شي يريدنا نروح لكربلاء..

زينة؛ يمة.. شيودينا.. يموت بالطريق هذا..
هسة احجي ويااا..
لزمتهة من ايدهة.. عوفي زينة عوفي..
تعبت..
بس ماما..
يلة حضري غراضنا خل اروح اخابر فايق بلكي موجود..

فايق عفية ساعدنا..
همام: ماما.. عفية كعدي كدام.. خلي زينة يمي...
ماشي ماما.. مااشي..
وصلنا نص الطريق وبدا التعب يبين عليه..
اااخ.. اخ...
زينة؛ هااا همام بيك شي نروح مستشفى..
شهد؛ ها ماما.. بيك شي..
همام؛ تعبت شوي.. ظهري كام يوجعني..
زينة؛ لمت رجليهة وابتعدت عمود المجال يكبر..
تعال همام.. حط راسك.. ع رجلية..
همام؛ اخ.. زيونة اخ...
شهد؛ ظلت دموعي تجري واني اسمع همام يشكي لزينة وهي تمسح باايديهة ع شعرة ولازمة ايدة وتحاول تهون علي..
زينة تعرفين ذكرت اغنية  تذكريهة مال سيف نبيل هاي اليكول بيها.. لاتروووح القهر ذابحني بعدك بهذل احوالي
مليت

اباوع ع اليشبهك ماكو البالي
حرام تعوفني بدمعة وگلب خالي
وك ما فكرت بيه شراح يجرالي
هلكد ما أون ملوني جيراني
يا الغالي عليّ شيرخص الغالي
الا بحالة وحده انساك تدري شلون
احب طبق الأصل يشبهك يلغالي
ابقه يمي اشتاك الك
واتنفسك مثل الهوى كلشي بعدك ما بقالي اني والميت سوه
فكر بداعه عشگنا قبل متسافر بعيد
جرحي شيصبره بغيابك ابد ميفيد الدوه
ابقه يمي اشتاك الك
واتنفسك مثل الهوى كلشي بعدك ما بقالي اني والميت سوه
فكر بداعه عشگنا قبل لا تسافر بعيد
جرحي شيصبره بغيابك ابد ميفيد الدوة

زينة؛ بداعتي.. لاتبجين دموعج غالية علية.. الهوى اذا اذاج امووت..
زينة: ماابجي هيج ذكرت الاغنية وانقهرت ع عمار يحب سيف نبيل..
همام: موعودين اني وعمار.. لازم نلحك بعض..
بس اني ان شاء الله مااعوفج..
رح نبقى سوا واظل اداهرج واعجز وياااج.. لحد ماسنونج توكع ومتكدرين ضحكين..
تخيلي جكد المنظر يضحك..
رح تكونين احلى عجوز..
زينة؛ امسح دموعي.. وابتسم وداخلي جرح ينزف..
ياربي يكون تفاءلة خير...
شهد؛ مكدرت حتة ادير وجهي متجية براسي ع المقعد وابجي وامسح كل شوية بشالي دموعي..
حتة فايق دمعت عيونة..
وصلنا كربلاء ويا اذان العشا..
شهد؛ وصلنا بيت رأفت..
همام؛ لايمة.. روح لبيت ابوية كبل..
شهد؛ يابة ابوك ميكعد خاف مسافر..
همام؛ دقيقة.. اخ يمة..
رح ادك علي..
الو..
علي؛ هلو بابا شونك شون صرت..
همام؛ بعدني عايش مثل ماتشوف.. لو يهمك جان سالت..
علي؛ هااا.. هذا تعلوم امك.. متكلك اني اسال عليك..

همام؛ هو اني هم كلت اجي يمك.. احسن ماتعب روحك تسال ومايوصل السلام..
علي؛ انتي وين؟
بباب بيتك..
موجود لو ننتظرك بيت عمي قصي..
اكو احد جاي وياك..
همام: امي.. وزينة جاييين...
موجود انت..
المفتاح بالسندانة دخلو هسة دقايق وجاييكم..
شهد: شكرا.. الك.. فايق تعبناك ويانا..
تفضل الكروة..
فايق: عيب عمي عيب.. احنا اهل كروتكم وصلت..
شهد: لا فايق.. شون ميصير..
همام: اخ.. زيون اكيد رجلج خدرت طول الطريق.. راسي بحضنك..
فدوة الك همومي.. فدوة الك..
همام: كون الله ينطيني عمر واردلج نص كلامج الحلو هذا.. اخوة ولا حب..
زينة: همام.. سالمين شبيك..
همام: مااابية.. بس احس كلبي رح يطير
زينة؛ دنيا ليل وين يطير اكعد راحة..

همام: اصبري وهسة شوفين لو مو ليل..
اني اريد احجي حجي هواي تعبت اخاف واخبي..
زينة: اني اكول تاكل لكمة وتاخذ دواك وترتاح..

همام؛ اليوم عيني مو قابلة تنام..
زينة؛ همام.. انسى الحجي الحجيتة..
اعرف بعد ماسمعتة..
همام: صح.. صار عندي امل بالحياة  اريد اعيش..
زينة: الحمدلله..
شهد: هاي بعدكم واكفين..
يلة ماما.. فوتو.. خ نشوف.. شكو ماكو.. نسوي عشا..
همام: مااجة ابوية...
شهد: لو اعرف شتريد انت من ابوك..
همام؛ شغلة.. لازم هو يحلها..
علي: شنو.. هاي الشغلة الي لازم ابوك يحلها..
همام: يووم.. سوولنة.. عشا..
شهد: كتلني الفضول.. وبعدين سمعت همام وعلي صوتهم علا..
علي؛ هاا.. همام.. شونك.. ديديرون بالهم عليك..
همام؛ الحمدلله.. دايرين بالهم ممقصرين..
علي: غصبا عنهم.. اني اوصيهم ع طول..
همام: المهم يابة.. عوفنة من مداراتهم وخلينا بيك..
انت لازم ساعدني..
علي؛ شون اساعدك.. تريد فلوس..
الفلوس متفيد.. اني اريدك ساعدني..
شوون يعني
اني محتاج متبرع..
علي: ومين ادبرلك متبرع افتر بين العالم واكول محتاجين متبرع..
زين مو بنت خالك كالت تتبرعلك..
همام: ليش.. ادور وانت موجود.. شنو قصدك..
انت تبرعلي..
شنو.. اني.. تريد تموتني تورثني بالحيا..
شهد؛ جيت ع صوت همام وابو.. وخايفة..
شهد؛ خير شكو.. ليش صوتكم طالع..
علي: تعالي.. ست شهد.. شوفي تربيتج..
هو هذا ابنج ورباة ايدج..
شهد؛ خير ماما.. ياورث يافلوس مامحتاجين احنة..
همام؛ اي يمة مامحتاجين دومك عازل روحك.. مالك علاقة بينة عمرك ماكنت اب النا.. ماحسيت بينا شااحتاجينا شااكلنا..
عمرك ماكنت سند ..
عمو يحيى.. كان النا اب اكثر منك..
علي؛ امشي.. لك امشو طلعو برة..
شهد؛ ظليت حاجز.. ومو فاهمة شنو الموضوع.. علي حتة نسى ابنة مريض..
وظل يصيح ويعيط..
همام؛ من وراك انت.. من ورا سوالفك اني دا اموت.. تباوع ع طفلة تريد تتبرعلي واني الي من لحمك ودمك دا اموت كدامك ولايمك.. ربي يموتك.. ان شاء الله تموت حالك حال الجلب وحيد محد بحالك..
علي؛ امشو طلعو برة.. يلة طلعو..
شهد: كانو طنين اذني زاد مكادرة اتحمل.. واني اسمع كل هذا الحجي اليوجع..

وعيت ع صوت زينة تصيح.. همااااام..
وراها نقلنا.. همام لمستشفى قريب..
وظل بيهة يومين علي دز خبر سوا التحليل مال مطابقة وطلع مامتطابق..
واني كلي شك سوا.. بس يريد يبيض وجهة..
اوووف..
زينة؛ ها ماما.. ليش كاعده هنا....
شهد؛ هاي شبيهة ايدج..
زينة؛ ماما.. سويت تحليل..
شهد؛ ليش شبيج.. يمة سوين تحليل..
زينة؛ اني اتبرعلة لهمام..
شنوووو..
مثل ماسمعتي ماما..
اني رح اتبرع لهمام.. ورجاءا لحد يعارضني..
شهد:مكدرت احجي ولااعارض صعب تشوف ابنك الي  ماعندك غيرة يذوب ويختفي وانت تجلب بكل وصلة امل بلكي يعيش..

مرت 3ايام جتي نتائج الفحص مال زينة..
الدكتور: ست شهد.. زينة..
احب ابشركم الفحص متطابق..
ورح نبلش بااجرات تحضير المريض للعملية..
وطبعا تكتبين تعهد عمود زينة بصفتج ولي امرهة..
ولي امرهة.. ليش..
طبعا.. لان قاصر.. ومتدخل عملية الابموافقة ولي امرهة..
انتي مو والدتها...
اي طبعا بس مو والدتها الحقيقية  اني المربيتهة..
بها الحالة.. لازم ولي امرها يوقع....
اذا موجود اوكي واذا لا منكدر نتحمل مسوولية..
رجعنا.. لبيت رافت واني اشوف ابني يذبل كدامي وناس طالعة وطابة رافت اقترح يتبرع لهمام بس بحالتة هو اصلا كلياتة تعبانة من الكيمياوي.. وميفيد..
شكرتة وشكرت موقفة..
رجع رافت كسر جدار الصمت. براي..
اني عندي فكرة.. تحل هالازمة..
شهد: اخذت نفس.. وكتلة..
كووول خوية..
زينة تزوج همام وبهالحالة هو يصير ولي امرها..
زينة؛ ميخالف المهم  همام يطلع منها..
شهد :جان الكل يشجع ويقرر واني اشوف زينة ضحية.. مو من حقي اخذ قرار عنها وهي بعدها صغيرة..
مالكيت الاروحي بنص الحضرة..
زينب: هوني ماتسوة مصير الحياة تستمر.. لاتبجين..
الي كاتبة الله هو يصير... واللي مقدرة النا احلى مايكون..
شهد؛ وين الحلا صار 17سنة ادور الفرح مو لاكيتة ياهم هذا الي ميخلص..
زينب:قدر الله وماشاء فعل.. لاتعترضين..
شهد؛ يعني ابني رح يموت انتي هيج شايفة...
زينب؛ العلم عند الله محد يعرف منو يموت قبل منو..
شهد؛ هو بس اني اشوفج لو كل هالعالم شايف..
زينب؛ المهم عندج يشوفوني.. لو انتي الحاستة..
شهد: اني شفت رؤيا.. وظليت اشوفها من جانو جهال.. شفت اشجان تلتف مثل الحية ع همام تريد تخنكة وهوصغير.. بجيت.. اعرف ربي.. ابني..
زينب؛ لان شفتي اشجان وحية.. هيج عبالج..
ليش متكولين.. الموت كد ماحاصر ابنج تظل الحياة محاوطتة وحارستة.. الحية حياة واشجان هي زينة الي تريد تتبرع لاابني والطفل حياتة الي متنتهي بمرض..
شهد؛ زال الخوف وارتسمت بسمة بشفتي.. يعني عادي اخلي زينة تزوج همام مو حرام علية خاف اظلمها.. بعدها صغيرة..
زينب : الله يعلم.. الله لايفجع ام بولد ولااخت باخو واني انفجعت بموتت اخوية وابنة.. بس الواحد يكول موت مظلوم ولاتنام ظالم..
زينب.. زينب..
لاتروحين..
جنت غفيانة واجة سيد شافني كاعدة كالي ميصير تكعدين هنا هذا مكان للرجال.. كعدتج مو صحيحة روحي للحظرة مال نساء..
راسا تلفتت حوالية معقولة جنت نايمة..
مستحيل اني نمت كل هالوقت... ظل السيد.. شايفني مو ع بعضي..
بنتي مضيعة احد..
شهد: سيدنا.. فدواتك.. جنت كاعدة.. واجتي بنية.. لا مرية بكدي.. وحجينا هواي همام علي اشجان زينة..
اخذت نفس... ولزمت الحايط.. معقولة اني اتخيل..
اخذني السيد وحجيتلة كل الشفتة والمرات شفت زينب..
راسا صلى عالنبي.. وال محمد..
وكاللهة.. بنتي.. انتي شفتي سيدة زينب عليها السلام..
وهي سيدة المظلومين.. ومنو غيرها يكافي.. ويوكف للناس المظلومين.. انتي وحدة صاحبة كرامات..
شهد: حسيت انشرح صدري.. ونسيت همي ممصدكة روحي.. الحمدلله ياربي رحمتك يارب..
رحمتك وفدواتك بية رجعت للبيت وظليت.. اصلي واقرا قران..
وتمنيت يتم كرمة علية بشفاء ابني..

بقينا بيت رافت.. واني انتظر معجزة تصير وديحضرون زواج زينة.. بهمام..

واني انتظر معجزة تصير..
وبديت استسلم لحد ماخابرني د.. بمستشفى الخيال.. وبشرني اكو متبرع ولازم نحضر بأقصى سرعة..
فرحت وكيفت ورجليه ما كدرت توكف عالكاع..
اخذت سيارة ورجعنا اني وهمام وزينة..
وكلي فرح وسعادة..
راسا ذبينا غراضنا وبوجهنا للمستشفى..
نام همام وبدا الطبيب.. يشرحلنا شنو لازم نسوي..
وكل نظري بس وين هذا المتبرع متلهف ة اشوفة واشكر منا..
دكتور.. ممكن اعرف منو المتبرع..
دكتور؛ لا ممكن.. هو طلب الموضوع يصير بلة محد يعرف..
شهد؛ يعني شنو.. بدون فلوس مننطي فلوس..
لا ميريد فلوس..
شهد؛ شمعرفة بينا دكتور الموضوع بي انة..
لايكون علي ومستحي منا وكال خل الموضوع سري..
مرت ايام وبدينا نحاول نحافظ ع صحة همام ونثبط مناعتة استعدادا للعملية.. ولاننسى المتبرع لازم هم يكون بصحة..
بس كلي فضول..
جتي الممرضة تطمن ع همام..
وكالتلي.. انتو محضوضين اول مرة اشوف متبرع كل بالة يم المريض اليريد يتبرعلة..
يكول ابنة..

شهد: المتبرع هنا نايم بالمستشفى..
ممكن اشوفة..
الممرضة: هااا.. لا.. يجي ويروح..
شهد: زين ممكن تنطي هالورقة من تشوفي..
عفية متقبلون اشوفة.. انطي هاي الورقة عمود ارتاح..
حطت الورقة بجيبها وطلعت ظليت امشي وراها شفتها فاتت لغرفة ودخلت وراها.. لكيت يحيى جان كاعد.. ويحجي ويا الممرضة..
شهد؛ يحيى.. هذا انت..
الممرضة؛ اني اسفة ماانتبهت والله..
شهد؛ من الصدمة والفشلة لزمت كلبي مصدومة.. ومو مصدكة...
يحيي:شهد.. شبيج.. شهد...
صحي.. صحي.. شبيج روحي صيحي الطبيب.. بسرعة..
كعد بصفي.. وهو خايف لابية شي.. بدقايق جتني نوبة من البكاء، ممصدكة..
ملكيت روحي غير حاضنتة ليحيى.. جنت شاكة.. شاكة والله تكون انت شفت بعيون سيدتنا زينب.. شفتك انت وكذبت روحي..
يحيى.. لاتروح.. لاتعوفني اني احبك..
والله احبك بس لاتعوفني..
يحيي؛ مااشي.. ماشي.. بس انتي خو مابيج شي..
جان بية وهسة خلص راح الوجع كلة..
حطيت ايديه ع كلبي...
جان يوجعني وهسة راح الوجع.. راااح..
اجة الطبيب.. جر ايدة..
هااا.. ام همام.. شبيج..
يحيى : مابيهة شي.. بس مجانت تعرف..

بلحظات وكفت متبسمرة ممصدكة بس تخيلت كل  هذا الحجي كلتة بس ماكلت.. جنت بوضع الصدمة اني شبية معقولة كلام يحيى صح اني ليش توقعت علي مااتوقعت يحيى.. هو يكون المتبرع..
سكتت واني اسمع الذكتور يكلي ام همام.. بيج شي.. ضغطج هبط..
طلعت من الغرفة وحاسة روحي رح اوكع استندت ع جدران المستشفى اريد اوصل لطرف غرفة ابني وبنتي الفرحانين انو اكو نسمة هوا رح تمنحهم حياة طويلة..

اخر شي لكيت مقعد بي؛ 3كراسي كعدت واريد استوعب واسال نفسي
شبية اني.. شبية مريضة مرض مو كادرة اتشافى منة، والي يستحق هذا الحب ع بعد خطوات مو كادرة احس جكد يحبني..
لا ميحبني.. خايف ع زينة من ريحة اشجان.. لايصير بيهة شي..
ليش طلع هسة اكيد من سمع زينة تريد تتبرع لهمام اجة ديساعدهة..
اوووه.. يااشجان جكد محظوظة انتي..
عندج شخص ظل يحبج حتة وانتي بالكبر..

يحيى: شهد..
اتفاجات.. واكف وجايبلي مي.. وعصير..
هاج.. شربي خاف نزل ضغطج..
شهد: هو اني بية شي يخلي الناس تشرد مني... بية فد شي مشوه محد كادر يستقبلة..
كلي يحيى.. بية..
يحيى: لامبيج.. انتي ست البنات..
لعد ليش تنهزمون مني.. ليش..
مخبلة..
شهد... شهد.. اهدي انتي تعبانة..
امشي اوديج للبيت وارجع لهمام.
ارتاحي خلص ابنج مرح يصير بي شي..

شهد؛ هاي كلة عمود زينة كلة عمود اشجان ترضى عليك بكبرها..
يحيي؛ شهد كافي افهمي افهمي ياغبية اني سويت هيج لان احبج احبج ياثولة مااكدر بلياج..
صار شهرين.. اتعالج عمود اتطابق ويا انسجة همام وينظف جسمي من التدخين والشرب...
يعني انت من شهرين.. مقرر تتبرع لابني..
محد كلي..
مردت يخيب املج ويخيب امل ابنج..
لحد مااتاكدت متطابق مية بالمية..
وهياتني..
ظلت ايدة محاوطة ايديناتي لحد ماحضنتة.. وابجي ممصدكة ربي نجيت ابني ورجعتلي سندي ودوايا..
الحمد لله يارب... الحمدلله..
كلها ايام.. مضت... وسوو العملية..
والحمدلله طلع ابني بصحة وعافية بفضل يحيى الي قبل مايوهب لاابني حياة وهبهة الي وكبر داخلي احساس ان عمل الخير ابد مينكطع.. اذا صاحبة ظل واصلة جكد ماتتخيل الدنيا تكون ظلمة وتخنقك يجي خيط رفيع ويهدم هاي السلسلة ويحررك من قيودك..
مو شرط الانسان يصلي ويصوم المهم يكون عندة مخافة الله بالناس اليحبهم ويخاف يخسرهم مثل خوفة لخسارتة..
صلاتة وصيامة ونوافلة كلها بالنهاية دينة مو دين حركات ونفاق ومظاهر دينة دين تسامح دين عفا الله عما سلف دين انسانيةواخلاق حميدة..
علي.. ولد بعائلة تحكمها عادات وتقاليد
بس ديانتة انتهت وكت مامشى بطريق الشيطان وتكبر.. واصابة الغرور.. لحد مافقد كل معالم انسانيتة... عرفت حبي اله هو لشعوري بالعرفان علي عيشنيا طلعني من اوسخ  مكان الى سجنة وطبق علي احكامة العرفية.. لحد مااجة يوم خلصت محكوميتي وتحررت مع هذا مكرهتة.. وبقى ابن عمي وابو اولادي..
اما يحيى.. فهو طيف خطفني من اسوء مكان بحياتي.. وانقذ روحي الغارقة بهمومها واحزانها وطلع ابني من الموت..
يحيى.. كان ملاكي الحارس..
ولازال..
تعبت هواي وعانيت وبدت حياتي مستحيل تستعدل... بس كان عندي تفاءل دائما.. وعمري مااذيت احد..
حتى الاذوني..مفكرت اذيهم تركتهم لرب العالمين.. فمن عفا واصلح فااجره على الله..
والله اجرني.. ونعم بالله.. من كرمة وغفرانة..
رجعلي ابني وزوجي ورجعلي كل فرحة بحياتي فقدتها.. بيوم وليلة..

مرت سنة.. سنة من السعادة والاستقرار وهالسنة همام عندة امتحانات اتمنى ربي يكرمني.. بنجاحة وتفوقة.. وقررت اخطب زينة لهمام.. بعد ماشفت مشاعر من الطرفين..
وان شاءالله ازوجهم بعد ماتخلص زينة سادس..
يحيى: كملتي كتابج.. عاااد.. هاي بنتج دمرتني..
شبيهة لماوي.. اصلا هي هادية ومتبجي ليش كعدتها..
يحيى؛ مو باايدي.. اكزكز من اشوفها نايمة وخدودها يمة فدوة لكلبهة..
اكول شهد.. تالي تعلمتي العشق ورا مكملتي كتابج..
شهد: يحيى.. اكول اقرا انت بلكي يفيدك..
يعني شون نخلي لماوي وحيدة مانجيبلهة اخ.. اخت.
شهد؛ طماع.. كلت وحدة كافية.. هسة تريد اكثر..
يحيي؛ تقرب من خدي وباسني.. شااسوي وخدودج هاي العسل احب اسوي خلية..
اي.. كملت كتابي.. هذا الشي الوحيد الاخذتة من علي علمني نهج كامل بحياتي.. يمكن العنوان غريب ويمكن التصوف يقترن بمجموعة من الناس لكن عرفت انو نهج كتابة اساسة التسامح والمحبة والغفران هو اساس مجتمع واحنا اكثر شي مفتقدي بهالوقت التسامح والحب..
اتمنى تكون قصتي عجبتكم واتمنى دوم السعادة والصحة ع زوج وابن شهد ادعولة هاي السنة سادس ان شاءالله يكون ناجح.. ملتقانا بقصة ورواية جديدة وابطال جدد ننقل بيهة واقع يفيد المجتمع والناس.. الحياة دروس.. استفادو منها واجعلو من التسامح والحب شعار الكم..
تحياتي..
نازك الملائكة..
تصبحون ع خير.. اسفة عالاطالة عندي ضرووف وتاخرت...
لاتنسون التصويت عالقصة اذا اعجبتكم..