رواية عندما يكون العشق صوفيا الفصل الحادي والأربعون 41 - بقلم ruqaya H algurtani

لا تنطفئ ، ربما كنت لأحدهم سراجا وأنت لا تشعر.
جلال الدين الرومي

الحزن احساس بشع احساس يخليك عاجز، متعب أعمى اي الحزن يخليك تكون اعمى متشوف الحقيقة مرات حتة تخليك تعيش تخيلات مخيفة دمر حياتك وحياة الحواليك..
واني بعز صدمتي ع ابني دخلت بحالة من الشك وصدكتها هو هذا تصوير العقل والشيطان الي يستغل حزن الانسان لكي يزين الك صورة مغشوشة، جنت متاكدة يحيى دخل حياتي عمود يدمرها يضيع اولادي، هو كبر براسة سالفة التطوع،
ودفعة للموت.. طبعا الجزء الصاحي من عقلي جان يكلي لا ليش باعي جكد يحبج شسوالج جهالج متعلقين بي.. استهدي استغفري.. بس الشيطان ماتركني بحالي..
اي هو يريد ينتقم مني عمود اشجان..
اي، واكيد الدور عالباقين..
من رجعنا واني مااحجي ويا ومجلبة بهمام خايفة علي..
واني حابسة روحي هو قايم بالبيت وزينة تساعدة..
واظل اراقبهم.. هاي بس زينة يحبها لان بنت اشجان، اكيد يحبها، يمكن يخطفها او يقشمرهة ويجرها وياه لهذا مجنت اعرف شااسوي مااكدر اسجن شباب اثنين بالبيت..
وباايام صار تاخر همام عن البيت مصيبة، ولزمة التلفون بيد زينة كارثة..
كعدة يحيى بالبيت اكيد مخطط لشي خطير،
تعبت.. تعبت هواي..
شهد: وين همام.. وين زينة...
يحيى؛ زينة رايدة شي من المكتبة.. وراح همام وياهة بالسيارة..
شهد؛ سيارة.. يمة ليش انطيت لاابني سيارة..
تريدة يموت..
يحيى؛ اخذت نفس عميق، شبيج شهد هاي مو اول مرة متعرفين همام من يريد شي..
شهد: كلة.. من وراك.. انت علمتهم..
جانو فروخ بالبيت حوالية، انت طلعت عينهم..
بعد مااكدر اسيطر عليهم..
يحيي: شهد جانو صغار، صارو شباب..
شهد.. ميصير هيج تبقين.. انتي حتة طبيبج مدا تروحيلة، نفسيتج تعبانة..
شهد: كول.. مخبلة كول.. انت هذا التريدة.. مو..
الي اريدة.. شهد.. اني اريدج ترجعين لحياتج لشغلج لااولادج شهد علي طلب من همام يجي يمة، الولد مختنك من الرعب الزارعتة بيه..
شهد.. انتي طول عمرج قوية لاتنهزين...
شهد: يحيى.. عوفني.. اطلع من حياتي..
يحيي:اطلع من حياتج شهد ليش هيج وحبنا، هيج تريديني اعوفج..
مااعوفج.. اني مااكدر اتخلى عنج..
شهد؛ لو مو كايل لعمار يروح مجان رااح... اااااني.. شهد اني.. يعني طول ذيج الفترةمصدكة، اني دزيت ابنج للموت..
سكتت مرديتلة..
يحيى: دخلت هالبيت.. واني احبج ولان احبج حبيت كل شي وياج واولادج صارو اولادي..
ردت اكسبهم، مااكدر احاسبهم وااذيهم مردت اكون زوج الام الظالم بس اذا انتي شايفتني مذنب.. اني انسحب من حياتج.. بس كومي رجعي قوية لااولادج ومرح تشوفين وجهي بس لاتنسين جهالج مراهقين شباب محتاجين شخص قوي يوكف وياهم وينسندون علي..
مو شخص ضعيف..
رح اطلع بس تاكدي كل افكارج غلط..
صحيح، اني ليش احجي.. اني رغم كل هذا ابن خالة اشجان، بحياتي مرح اصير مصدر ثقة بالنسبة الج صارلنة 6اشهر مزوجين، واني عايش ويا وحدة شكاكة كلت ميخالف الزمن يااكدلهة اني شنو، بس الظاهر اني غلطان..
يحيي: اني اسف.. اسف حبيبتي..
سامحيني.. مع السلامة..
شهد؛ باسني من راسي وطلع ومعاد شفتة،
الجهال بدو يتذمرون اول مرة احس يحيى ترك فراغ جبير بالبيت،
شهد؛ يعني.. زبالة متنذب..
بيت مابي اي شي اريدة، شنو مهجوم..
جنت متعصبة طول الوقت..

زينة: ماما.. عمو يحيى.. جان يسوك..
هو ليش كام مايجي..
انتي زعلتي..
زعلتهم، تحاسبيني انتي، روحي لاابتلي بيج..
زينة: ماما.. كافي.. كافي اخوية الله يرحمة، بيتنا انهجم.. رجعي ماما لاحياتنا.. تتهدم....
شهد: جنت منهارة.. كلش.. كعدت عالكرسي وكعدت ابجي...
زينة: خلص.. ماما.. خلص.. اني اسفة باجر اطلع اني وهمام نتسوك انتي كومي ارتاحي..
شهد: دفعتها.. وكتلها.. روحي وعوفيني..
ظليت ابجي بعدين غسلت وجهي
وصعدت انام..
بنص الليل سمعت همام يحجي ويا يحيى عالماسنجر..
صوت وصورة صار جكد ماشايفتة..
جان عندي فضول ارضي شكوكي..

همام؛ هلو حياوي شونك..
من زمان جان يحيى يكول للولد اني اخوكم الجبير، ويصيحولة بااسمة حتة
من احجي عليهم اكللهم عيب كول. عمي..
هو يكلي عوفيهم.. ع راحتهم ذولة اصدقائي...
يحيى: شونك انت وشون صحتك واحوالكم خما زاغل..
همام: الحمدلله تمام.. بس الوالدة الله يسلمها خانكتنا خنكة مرتبة..
يحيي؛ عيب ولك، لاتحجي ع امك هيج صير رجال ودير بالك ع امك واختك..

همام؛ يومية.. عدنا حفلة..
ابوية دز علية كال تعال هناك ليش انت بمحافظة واني بمحافظة..
دير بالك همام، امك بعدها مقهورة ع اخوك..
همام؛ يمتة تجي انت..
شهد: ظليت انتظر يكلة لهمام قرارة بالرحيل.. لارجعة فيه..

اخذ نفس، والله ياهمام عندي شغل.. ومدا ينطوني اجازة باجر امر اشوف شمحتاجين..
انت محتاج شي..
همام؛ لا.. سلامتك.. بس تجي العطلة الربيعية اطفر يمك.. بعد..
يحيى؛ والله حرامات بيك الدلال ولك همام امك منو الهة غيرك..
يلة روح اقرا وشد حيلك...
بس مشيت خطوات سمعت تلفون زينة..
وسمعت صوت زينة تبجي..
عمو يحيا اني حيل ضايجة، امي متعصبة وحيل متغيرة..
بس صيح، بيتنا جحيم صاير..
جنت انتظر افكاري الي هيأتلي يحيي سبب دمار بيتي وضياع ابني.. بس اكتشفت انو دمرت حياتي الهادئة ودلال زوجي الي
بسبب الحزن الي جنت عايشتة كررت تجربةجنت اكره امي واحملها مسوولية الي صارلي نسيت اني راح الي واحد وعندي اثنين كنت مفتهمة حبي الهم وخوفي عليهم، جحيم وتسلط..
فتت للحمام انتبهت اني بكم شهر تحولت الى جثة شعري، عيوني الي اختفت وسط الهالات السود.
احس جسمي ضعيف..
صلاتي نسيتهة.. شغلي والتزاماتي.. كلها توقفت صرت اشبه بشخص متوحد ومستبد براية، ومااشوف ومااسمع ومااحس..
شون هيج خربت بنياني.. غسلت وتوضيت وفرشت مصلايتي..
وكعدت اقرا قران... ونويت بس يجي يحيى الصبح اصالحة واطلب يرجعلي..
رحت اطمنت ع اولادي.. وقررت من باجر ارجع لشغلي، واصلح الهدمتة بكم يوم..
طلع الصبح.. كعدت اسوي ريوك للجهال..
جان لو يحيى لو زينة لو بالغالب همام ويا اصدقاءة..
شهد؛ همام.. همام..
كوم يلة ماما كوم اكعد..
همام؛ هااا.. ماما كاعده من الصبح..
شهد؛ ورايا شغل يلا كوم..
زينة؛ ماما.. هاي انتي كاعده..
شهد؛ صباح الخير زيونة.. اليوم العصر نطلع للسوك.. نشوف شنو ناقص بالبيت..
زينة؛ مو عاساس عمو يحيي.. يجي اليوم..
شهد؛ مااعرف بس اكييييد.. مرح انتظر يحن علية ويجي يسوك..
ماما.. انتي ليش هيج تحجين ع عمو يحيى، وهو كل مايخابر يسال عنج ويوصينا عليج..
همام اشرلهة لزينة.. عمود لاتكمل ظنا منهم اني مااريد يحجون ويا..
شهد؛ شو تاشر سيد هماام.. انتو دتحجون ويا وخالصين، ليش تجبجب انت واختك..
همام؛ متكليلي شسوالج الرجال.. شو خطية ماموجود ويسال شونهة امكم دير بالكم عليها..
شمالج انتي.. احد محصل رجال بهالوكت..
ابتسمت واحس حتى تحريكة عضلة وجهي يااذيني ويوجع صدري بس ابتسمت غصبا عني لازم اكسر حاجز التعب وارجع لحياتي والملم عائلتي..
راحو الجهال لمدارسهم وظليت انتظر يجي يحيى مااجة الظاهر هذا حجي يقنع الجهال ويخلص من ملحتهم..

صعدت غسلت وبدلت..
لبست الاسود واذكرت عمار ونكرتة واتذكر حجية هو يكلي مفرقجية..
جنت محتاجة اكعد واشم بهدومة وابجي.. مامصدكة ابني مااات..
اووف.. ياامي.. لو جاي يومي قبل يومك.. سودة علية جاهل مشاف شي من حياتة .
ظليت على هالحطة ساعة.. وبعدين قررت انزع ملابسي وارجع انام..
اندك الجرس مال باب.. مسحت عيوني.. دااشوف منو بالباب..
شهد: منوووو....
فائق؛ هذا اني ام همام..
شهد؛ فتحت الباب لكيت السايق مال شركة يحيى..
شونج عيني ام همام..
هلو فايق شونك..
الحمد لله..
البقي بحياتج ام همام العووض بالباقين اخر الاحزان..
الله لايشوفك مكروه فايق..
كلنا على هالدرب بنتي.. الله يصبرج ويجعل مثواه الجنة..
امين يارب..
استاذ يحيى وصاني اسوك الكم وكالي اذا احتاجيتي شي خابريني واني اجيبلج..
اخابرة..
قصدة تخابريني اني لان احتمال ماكو تغطية.. وميكدر يتواصل وياكم لهذا بلغني.. وعندج رقمي اذا احتاجيتي شي بس خابريني اجيبلجيا..
شهد: عشت.. فايق..
بس اني مسوك اذا تردين افوتلجيا..
شهد؛ خليهم هنا بالحوش وهسة افوتهم اني ظليت كاعدة واني اشوف يحيا ممخلي شي مموصي علي..
فايق؛ هذا ام همام..
شهد: تسلم تعبناك ويانا..
تعبكم راحة ام همام..
مع السلامة..
مع السلامة..
ام همام.. انتظري..
هاا خير فايق..
هذا الظرف كال استاذ يحيى انطيجيا..
شنو هذا..
مااعرف كال وصللهيا واذا احتاجيتي شي كولي..
دخلت الغراض جوا..
صعدت بدلت ملابسي.. لان راح علية الوقت واحس جسمي صار اثقل ورا جية فايق..
اني مو بس خسرت ابني اني خسرت زوجي السند الي كان يحميني من ظيم الدنيا..
جنت حتة من اريد اخابرة الكى تلفونه مغلق، اني حاسة بالتعب اكثر...
لمن نزلت عزلت المسواك وسويت غدا نسيت الضرف الي انطانياه فايق من يحيى...
اجة همام...
همام: الله واخيرا رجع مطبخ فرحان... شهالروايح الطيبة لازم حياوي جاي..
شهد: استحي ولك عيب، ماااخلص منك انت ماعاجبك العجب ولك همام مو من اول كمزة تريد تروح يم ابوو ك..
همام: ااااااني...
شهد: لاخيالي.. معرفتك ناقص هيج..
همام؛ مو انتي يااامي خوفتيني وعيشتينا اجواء ذا اوذرز..
هاي شنو.. يمة...
همام؛ اني اكلج... هذا فلم رعب.. الأب يروح للحرب.. والاماية من الضغوطات..
صارت مريضة نفسية وكتلت جهالهة بالاخير وكتلت روحها..
ايا ناقص... والله ناقصَ.. وفوكاهة جبان...
همام؛ هههههه، اكلج شهودة.. شنو هاي..
اويلي يابة دولارات.. وصل المدد..
لازم حياوي مر  اليوم...
شهد؛ يادولارات.. عوفة.. ولك...
همام؛ دام عندج فلوس ورقيلي.
شهد؛ ولك انت شنو ماعندك احساس...
الفلوس  عندك شوكت خلصت....
همام؛ انصرفت ماما..
شهد؛ شويةخف علية، خل ارجع لشغلي
همام؛ شكو تشتغلين دام حياوي موجود
شهد؛ ذاا احجي وياك بجدية اني ويحيى راح ننفصل..
يعني نرجع لحياتنا..
همام؛ ماما انتي شنو انتي والاستقرار ماعدكم علاقة يومية.. يومية مغيرين حياتنا، يحيى هم مثل بابا.. رجال صاينج ومداريج.. ليش.. ليش مصرة تخربين كل شي حلو بحياتنا...
همام..تعال وين رايح..
لجهنم بلكي ترتاحين...
شهد: اني.. مااستاهل يحيى...
مااستاهل...
جتي زينة نفس همام..
يعني وين جنت اني يحيى.. شسوى بية غيابك..
دمر كل شي بحياتي..
اني لازم ارجع يحيى.. بس وينك.. وينك يايحيي...
خابرت فايق وسالتة.. انو كل ماادك ع تلفونة يطلع مغلق..
وماكو نت...
فايق: لااااا... هسة ادزلج رقمة بتركيا.
شهد؛ يحيى.. بتركيا...
فايق:العفو.. متعرفين..
شهد: والله التهيت بالعزا مال عمار وهو خطية تعب هواي تراكم علي الشغل..
اي صحيح..
المهم حصلت رقمة...
ظليت الليل كلة افكر شون رح ابدي ويا حوار...
اخر شي.. دكيت وكلت خل الحجي هو يجي وحدة..
يحيا: الووو..
شهد؛ الو.. هلو يحيا..
يحيى؛ شهد.. هاي انتي..
شهد: اي.. يحيى هاي اني
يحيى؛ شونج.. وشون الجهال..
زينين.. الحمدلله..
شهد.. بيج شي.. محتاجة شي..
جان اسلوبة ناشف.. ماكو لاحب ولاتوسل.. مو من عوايدة.. ظليت ساكتة وبعدين اطلقت العنان..
الو.. الوو.. شهد.. وين رحتي..
يحيي.. رجاء ا لادز شيء..
ممحتاجة..
يحيى :هاي انتي ماخذة رقمي من فايق.. وخسرانة رصيد.. دتكولين هالكلمتين.. خلص رجعي لشغلج وبعد مالي علاقة بيج..
بس الجهال شنو ذنبهم لاترحميهم ولاتخلين رحمة الله..

شهد؛ انت لازم تجي نتفق..
يحيى؛ ع شنو نتفق..
شهد: تعال... ونحجي..
اني رايحة..
يحيي؛ الله ويااج..
شهد؛ هيج كالي روحي.. ماكو.. مشتاقلج..
احبج..
جان يابس...
انتظرتة اسبوع.. وهم ماكو...
رجعت شغلي.
المحامي جلال:حمدالله على السلامه
غيرج وحدة جان غير تصرف.. بس انتي موصى عليج قوي..
شهد: منو موصي علية..
جلال: غير زوجج الله يسلمة..
الشركة مالتَة.. زبون دائم عدنا..

شهد عرفت اني غلطت.. وخسرت الشخص الحبني...
زين شون.. شون ياربي..

خلصت امتحانت نصف السنة... ردت اسوي لروحي مفاجأة.. بلكي يحيا بالشمال..
زينة خايرتة وكالتله..
وجان متلهف لشوفة زينة..
وقابلني بوجه عاتب ومتاذي وشايل بسبب الحجي الحجيتة، تخيلت
رح يسامحني ياخذني بالا حضان.
بس كان فكرة انو ننفصل موقتا لحد ما اعرف مشاعري صدك.. اني مو متهم كل شوي توجهين الة تحقيقاتج..
شهد: انتي ماحبيتيني.. ماااردتني بحياتج..
مااعرف اني شايف كل واحد يروح لحال سبيلة.. الاتهام وجهتي الي مستحيل رجال يكدر يتناسا الظاهر اني ظغطت عليج عمود توافقين.. بس انتي هسة حرة..

شهد: يحيي الله يخليك ارجع كل شي. بغيابك... متخربط.. . مو كادرة اتحمل..
يحيي.. مااكدر ارجع شهد مااكدر اظل عايش وياج كرسي انتي ماحبيتيني، طول الوقت ادور عليج بس انتي بالج مو يمي..
شهد : يحيى.. اني اعرف تعبتك وياي..
بس مو باايدي المريت بي مو سهل يحيى سامحني، اني غلطت وياك هواي..
بس من ابتعدت وحياتي كلها تخربطت..
اني عرفت قيمتك لمن بعدت عني..
جنت ابجي واحجي..
سد الباب.. وجرني من ايدي كعدني كدامة..
اني مااريدج تعرفين قيمتي اريدج تحبيني...
يحيى اني احبك...
لا.. انتي محبيتيني شهد.. الي يحب يسامح يلكي اعذار لحبيبة بس اني طول الوقت عايش وياج بجلسة تحقيق..
دائما لازم الكى ادلة ابرئ نفسي، واذا مالكيت اتحضر للحكم مالج بالطرد..
شهد؛ يحيى.. اني نفسيتي جانت تعبانة..
نفسيتي مدمرة.. انت اكثر واحد تعرف المريت بي..
يحيي؛ شهد.. انتي تخليني اوصل وياج نقطة صعبة رجال يكولها.. بس اتمنى نص الحاستة اتجاه علي..
انتي بعز ما طاعنج وكفتي دافعتي عنة رغم كل شي سوا بيج بعدهة عينج تلمع بس تجي سيرتة، انتي مابطلتي دقيقة تفكرين بي..
صعب احجيهة بس حجيتهة.. وبعد مااكدر اكمل..
يحيى.. اني اختاريتك الك مااختاريتة..
صحيح.. اني طول الفترة راحت جنت اقنع روحي انتي اختاريتيني ما اختاريتي علي..
بس كفتة دايما هي إلأثكل انتي حتة ماكلتيلي احبك من كل كلبج..
يحيى.. ابقى وياي لاتتخلى عني..
عمري مرح اتخلى عنج بس صعب اكون قريب، مااكدر كرامتي معادت تسمح انزلها أكثر.. كافي الخسرتة لليوم.. بس اذا فد يوم احتاجيتيني عمري مرح اتاخر.. بس لملمي روحج ورجعي شهد القوية..
يحيي.. اني بدونك ضعيفة انت مصدر قوتي انت سندي.. الي استند بي من الايام.. شون تريد تعوفني هسة..
يحيي: غلطانة... غلطانة حبيبتي انتي أقوى انسانة شفتها بحياتي.. لاتخلين اي احد يفقدج ثقتج بنفسج اني منج استمديت قوتي..
بس.. ثقي بروحج.. لاتنكسرين..
شهد: ظليت لازمة ايدة اتمنى يتراجع اتمنى يرجع مثل زمان ويحضني.. ويكلي احبج..

وراهة بيومين.. رجعنا اني وزينة لبغداد وقررت اقنع نفسي خلص اني وحدي حتة يحيي تركني.. همام بقى يم ابو بالعطلة ورجعت لشغلي وردت التهي مثل مكالي يحيى.. وماانكسر بس كل ليلة جنت اذكر الخسرتة وابجي علي.... بس احاول الملم شتات روحي الضايعة بين ماضي خلاني اسيرة وحاضر ضيعتة باايدي..
خلص باقي المستقبل لازم يكون احسن..
مرت العطلة ورجع همام للدوام ودا الاحظ صحتة بدت تتراجع..

همام معاد ذاك الطفل الممكن السيطرة علي..
وحتة بوجود عمار جان هو الولد الي يسمع الكلام.. بس جماعتة التفو عليه دلو درب التدخين.. وكام يخربط بالأكل..
جكد مااحجي ميفيد..

يحيى؛ ظل متواصل ويا الجهال كمت حتة مااسمعة يسال علية، حقة اني مااستاهل كل السوا علمودي...

بدت امتحانات نهاية السنة وانتكس همام الانتكاسة الي يااما تفتحلة باب للحياة او تنقلة لعالم الاموااات..

للقصة بقية..
🌸🌸🌸🌸🌸🌸🌸🌸
غدا الجزء الاخير من القصة ارجو ان تكون خفيفة عليكم وحبيتوها وحبيتو الاحداث الي نقبت معاناة خمس بنات هم جزء من مجتمعنا،
تحياتي..
نازك الملائكة..