رواية عروس البيت الاسود الفصل الثاني عشر 12 - بقلم لارا سالم

ادري طولت عليكم
ماقريت تعليقاتكم خفت منها طبيت كبل كتبت البارت 😅
اليوم اعوضكم انزل بارت ثاني بليل ❤️

................................

طبيت للبيت سريع الا شويه انجبح شايله الفستان امشي سريع سريع
متت اريد بس اوصل غرفتي

ركضت عالكنتور طلعتله بجامه و الخاولي حطيتها بباب الغرفه طبيت و سديت الباب

حطيت اذني عالباب اتصنط حيصعد لو لا
اسمع امه عالدرج تشحن بي : عايفها ع راحتها زايد وليدي شهالمنظر مالتها اليوم كلها تباوع ع جسمها

شاهين جاوبها بهمس : عيني عليها ماسوت شي والي باوع اقلع عيونه

عمتي : ها حنينا و كلبنا رجف ؟ لتنسى وعدك اليه ولابنك
هالبنيه ماتصيرلك مره للابد النا غايه منها ناخذها و نشمرها ع اهلها
مرح تشمت العشاير بينا انت نطيت كلمه

شاهين : بعد وكت ع الموضوع يبين ابوها و نشوف

عمتي : ماكو نشوف اطلكها يعني اطلكها
عسى ارجع اخطبلك طليقتك اسويلك عرس جديد لا صار ولا استوى
بس هاي ماتبقى ع ذمتك الناس اكلو وجهنا اليوم كلها تلمحلنا بعيونها تباوع عليها و علينا

رجعت لفراشي كلت بكلبي ياريت اليوم كبل باجر عساني لا صرت جنتكم ولا عشت لحضه بهالبيت علساس كلش ميته عليكم

اني وافكر انفتحت الباب لكاها مقفوله
دك الباب مافتحتله
رجع دك مرتين تلاثه مافتحت

الصبح كعدنا نكرب من الصبح البيت مخبوص خبص وره العرس
شلنا الغراض نكنس و نمسح شلهت دشداشتي و بديت امسح

رغد كلتلي: عبالي نكسر ضهري خل نكعد نسولف عالعرس البارحه وين صعدتي من وكت

- جنت تعبانه نمت

سمعت صوت ورايه كال : نوم العوافي
اني و بالكاع نداريت بسرعه شاهين بالباب شايل علاليك

رفعها : شيلي مني رغد
حجاها هو و مخنزر عليه

كمت نزلت دشداشتي بديت ارجع بالغراض

رغد : شجايب وياك

شاهين : غده اليوم

رغد : شالمناسبه احنه نطبخ

شاهين : علمود مهدي و وداد

رغد : تتشاااقه؟

شاهين : مايريد يبقى بالفندق خابرني من الصبح كلي اليوم راجعين

رغد :   شجاه هذا بس لا تعاركو

شاهين: بعد مامبين استعجلي بالطريق همه

اني ناطيتهم ضهري اشتغل و اسمع كلبي انقبض

نص ساعه سمعت الهلاهل بالمطبخ و صوت البوس و التحضن
طارو بي و بوداد

بقيت افتر بالهول سويت نفسي ارتب

رغد جتي : ماتجين تسلمين حور جوي العرسان

- اي اي صح يله

مشيت وراها جريت نفس رحت للمطبخ

مرته عمتي تبوس وتحضن بوداد ما عافتها
مهدي شافني انطفت الضحكه بوجهه

رحت مرته اندارت : هلاو حياتي حور

- نورتي حبي الف مبروك

وداد : يبارك بعمرج كلبي

تخطيتها وصلت لمهدي مديت ايدي سلمت : مبروك شايف كل الخير

مهدي : تسلمين

حجاها هو و مدنج راسه راسه كال ابويه وين

كلوله بالشغل كالعاده كال اروح اسلم و ارجعلكم لعد

طلع كعدنا ويه مرته رغد تسئلها شلونه الفندق ارتاحيتو بي

وداد : من العمر طبعا بعدج تسئلين ههههه لو مامهدي ضيعها بدخان جكايره وحده وره الخ ثول الغرفه

عمتي : هاي عود نبهته كبل فتره ووعدني يخففها شجاه رجعلها

رغد : عريس و متشنج يمه شتردي طرزان قابل

ضحكو ع حجايتها

لليل التمينا عالعشه يسولفون ويضحكون
كملت اخذت كم ماعون فارغات عالميز غسلتهن صعدت لغرفتي

كعدت عالفراش انتجيت رفعت رجلي اكلب بالتلفزيون

طلع بالتلفزيون تاريخ خطر ببالي من شوكت ماجايتني الدوره الشهريه ؟
فتحت اصابيعي احسب كذا يوم كذا كذا
متأخره عليه اسبوع و يومين!
الله يستر

اني وصافنه افكر اجاني مسج عالموبايل

مهدي : نزلي ليش حابسه نفسج بالغرفه

- شبعت الحمدلله وماحابسه نفسي ولا شي .. شلونك

مهدي :  يهمج امري

- يهمني ليش مايهمني

مهدي : سوالج شي البارحه

- منو

مهدي : منو يعني شاهين

- لا ليش تسئل

مهدي : جنتي عصبيه وجهج شاحب انتي وطالعه

- خلاني امسح المكياج

سكت بعدين جاوب : فهمت

- خفف مسجات لتنتبه مرتك باي

بنفس اللحضه خابرت ساره من الملل

اسولفلها عالمراسيم و العرس كال : وهو

- منو

ساره: مهدي

- تزوج بعد شذكرج

ساره : توج كلتي كالب وجهه طول العرس

- شمعرفني خجلان يجوز

ساره : يولي هذا يحبج

- دكعدي يمعوده شيحب مني مرت اخو و الحجي عليه بفلس بالمنطقه و ماخذيني رهن لما ياخذون حقهم من ابويه شيحب مني

ساره: يمكن كل هذا خلاه يحبج مرات البشر يتفاعل و يحب الضعيف
يحب الي بعيد عليه

- مقهور عليه يا الفيلسوفه  متعاطف ويايه مو اكثر

ساره : اليتعاطف يتعاطف يوم يومين مو سنه ونص وهو وراج وراج

- بس هو ماعترفلي

ساره : بس راد يبوسج نسيتي

- لخاطر الله ساره هالموضوع يضايقني وانتي ترجعين تذكريني بي
غيري السيره شاهين يدخل الغرفه باي لحضه

ساره : هذا الثاني شلونه وياج

- كعد ويايه كبل فتره يريد نبدي من جديد

ساره : بشرررفج ! وشجاوبتيه

- شجاوبه كتله لا

ساره : شلون اعجنها هسه مخبله انتي بابا شبيج ليش

- وره كل الصار بقه شي نبدي علموده

ساره : تحبيه تحبييه و مبين من تصرفاته كلبه ديلين عليج يوم بعد يوم شبيج حور لتقفليها بوجهه

- مامقفله شي بس اذا وافقته يعني موافقه ياخذ ثاره من ابويه تردين انطي باهلي علمود سعادتي ؟ ليش تحملت كل هذا لعد
ثم بعده ويه طليقته

ساره : يروحلها

- اي يبات بره مرات

ساره : شلون صابره حتخبليني

- منو كال متحمله هالغرفه تشهد ع البجي و النوح مالتي
ماكو ليله نمتها الا ودمعتي ع خدي بس شبيدي
خلي وياها لما ينتهي زواجنا

ساره : انتي زينه احسج تحجين بتعب

- فوك متتصورين الحمدلله ع كل حال
يله لازم اروح هسه كبل ميجي شاهين يفتحلي تحقيق

ثاني يوم اني وارتب بالغرفه اندكت الباب كلت ادخل

فتحت الباب مرت مهدي : اكدر ادخل

- طبعا

- من البارحه معتكفه هنا خيرج

- الهي نفسي بالشغل مابيه شي

- عد لكيتي خوش لهو اني صرت هنا يوميه اخذج نطلع نفتر

- ههههه ضحكتيني منو يخليني اطلع

- وليش ميخلوج

سكتت

- اهااا ذاك الموضوع اي نحبستي تالي ارتاح زوجج؟

- المسئله اكبر من زوجي بهوايه ثار و فصليه منعرف وين توصل

- خير ان شاء الله خير امشي ننزل عد اختنكت من الغرف

- ليش اختنكتي رجلج وين لعد

- مهدي طلع الصبح للشغل و كال اتاخر

هزيت راسي حته اول ايام عرسه كاضيها شغل بالورشه

نزلنا اني وياها عمتي عقجت وجهه من شافتها ويايه

شربنا جاي سولفنا رغد ويانه تسولف و تضحك

صار العصر كالت كومو نفتر شويه

رغد : طلعو انتو اني مالي خلك بعدني تعبانه عالركض الركضناه بالعرس

عمتي : تكلمي عن نفسج ست رغد مو كلمن يدربن من هالبيت ع مزاجه

هزيت راسي اني واشرب الجاي

وداد : اني عروس عمه يحقلي ادلل و اخذ الاريده ويايه ليش هيج

عمتي : حبيبتي روحي وين متردين بس هاي رجلها ماتعتب الباب
مو كلامي هذا زوجها منبه علينا

وداد : بعد خل يكطع الهوا و المي عليها فد مره

عمتي معجبتها الحجايه سكتت

بيومها مهدي رجع بليل متأخر اكل لكمتين و صعد نام

انتبهت وداد ماهتمت ضلت بالهول تكلب بموبايلها
سئلتها ليش مصعدتي وراه ؟

وداد : كالب وجهه عليه

- ع شنو

وداد : لان مارضيت اروح وياه للبصره اسلم ع كرايبه

- لو رايحه والله تتونسين خوش ناس صاحبين كعده

وداد : و اتمرغل بالجول اني واحذيتي نوو ويي
بعدين رجلج وينه لازم حلاله حضن ثاني

حجايتها كصتني كص كتلها : براحته ينام وين ميريد شلي علاقه تصبحين ع خير

صعدت لغرفتي اهز بيدي ناكصتج خاف

استغرب عليها يوميه تنزل بالستريجات تفتر بالبيت
والذهب مالتها ع طول الايدينات و الركبه سلاسل
و كل فتره تروح سناتر صبغ و تسريح واكريلك
جريئه كلش تضحك بصوت عالي
ذبت ميانه ويه شاهين من اول يوم تشاقه و تصفك ايد بايد وياه
لمحتها مره بالهول كاعده يم مهدي تتهامس وياه تقربت تبوس شفته
و ايدها جوه ببنطرونه
اني دا ادخل الهول لمحت المنظر رجعت ليوره سريع يبست علي شفته
عيالي مجانو موجودين واني بغرفتي يعرفوني ما انزل ماخذين راحتهم ماعبالهم انزل فجاه

رغد هم مره لمحتها مدري شمسويه سمعتها تدردم ويه امها : ماتستحي جسمها يراري بالهدوم كاعده ببيت عيال مو بيت ابوها شو ماخذه راحتها زايد

مرات نسوي شيره رغد تسوي و تكلي او اني اسوي واكلها
كلنه مره لوداد ضحكت علينا : اني بالصالون اسوي هم عايزه اسوي بالبيت و الوص نفسي

تروح صالون بنات ثنين يشتغلولها جسمها شمع
بس علاقتها فاتره بمهدي لا هيه متلهفه عليه لهفه عروس
ولا هو عاجبه الوضع رغم جمالها و اناقتها و لسانها
بس باله مو يمها

مره بغرفتي اكلب بالموبايل سمعت صوتهم يتعاركون بغرفتهم
رحت اسمع اني وقافله الباب

وداد : متكول لامك هالحجي كلما رحت لاهلي صاحت شعندج و ليش رايحه احد كاللها اني حور اخذتوني مدلله واضل مدلله

مهدي : لبسي هدومج

وداد : بعد ! ماتريدني اتقربلك هم

مهدي : لدوخيني فضيها لبسي اوديج لاهلج

وداد : تره مليت من برودك و مشاكل اهلك اسمع و اسكت امك يوميه مسمعتنا قوانه لازم نمشي عليها بعد ماصبر اكثر
مو احجي وياااك ليش ساكت

مهدي : روحي لاهلج يومين و يصير خير

وداد : اني احجيلك علمود نعزل مو تكلي يصير خير
كاعده احجي وياك اني وين بالك

مهدي : وداد كتلج ما ادري هسه روحي والله كريم

وداد : باوع احسن حل انت ضل يم اهلك واني ابقى يم اهلي
من تريدني تندل دربي
لو تلكيلي بيت وحد تكعدني بي

مجاوبها

وداد : بالقران مو طبيعي احجي ويه صنم اني

مهدي : تعبااااان و راسي يفتر ماتفتهمين انتي

وداد : واني كلت لعندي مهدي و اشوف كلامي لو كلام اهلك

مهدي : استغفرك اللهي

لبست هدومها شلون مجان طلعت سريع نزلت راحت لاهلها

بليل طلعت للحديقه افتح المي عالساكيه شفته كاعد يدخن صافن

- بيك شي ؟

- شبيه مثلا

- اني دا اسئلك

- متعرفين يعني

- موبايلي ديدك لازم الحك اصعد كبل مايسد

- لتتهربين تعرفين البداخلي عدل و تغشمين نفسج

حجيت وياه حوار طويل فهمته الي بباله مستحيل يصير بس يضل شخص قريب مني ووكفاته ما انساها ماسمع مني خلاني اتعصب و اطب جوه

دز مسجات : انهزمي شكد متردين تعرفين نفسج شمسويه بيه

ثاني يوم عمتي ضلت تلح عليه اخذته و راحو جابو وداد
توقعنا تشرط شغلات ثكيله طلعت شروطها تعزم صديقاتها بالاسبوع مره و اهلها هم تعزمهم بالاسبوع مره و بميلادات كرايبها تودي هدايا ثكيله ذهب تكله ماتفشلني وياهم بعد

عمتي وافقت راسا رجعتها بالباب تباوعنا من فوك ليجوه
كلت بكلبي هيه وداد دواكم ساحلتكم وراها مثل الخرفان
مهدي بيومها صالحها و طلعو
كشخًو نزل يتبسم حضنها وباس راسها عكس ايامه الفاتت
حسيته ديضوجني سويت نفسي احجي ويه رغد ماشفت

دزلي مسج بالليل يستفزني بكلامه ماجاوبته

ثاني يوم رحت لامي الصبح الكل بالمدرسه
زهراء تشتغل صبح وليل حته تعيشهم

سولفت لامي عن ايامي عن حياتي ويه شاهين
امي حست من نبره صوتي
كلتلي

- لتنسين هالوضع ما دايم

- شلون يعني

- كلت اذكرج بس .. لتاخذج العواطف بنتي هالناس مانكدر نبقى مناسبيهم العمر كله كلشي اله اخر

- اعرف

- مم اي تعرفين

حسيتها تلمحلي سويت نفسي اشرب الجاي و اباوع منا ومنا

دورتي الشهريه طولت كلش شهرين ماجايتني

تخابرت ويه شهد  كلتلي

- سوي اختبار حمل شتنتضرين

- ماريد شاهين يعرف لازم اتاكد و اصفن شسوي بعدها

- كولي لمهدي يساعدج لعد

- بعد كوليلي حركي نفسج و فضيها
اكول لشاهين ولا اكول لمهدي

- لعد شلون تشمين ع كفه ايدج

- لازم اسوي اختبار حمل بس مو مال صيدليه مو مضبوط
اسوي تحليل دم اضبط بس وين اروح المن ما اندل

- اكو بصفنا عياده شعبيه يسوون تحالليل تعالي اوديج عليها

- هاليومين اشوف وقت محد بالبيت واتحرك الله يستر

انتضرت عمتي تروح للسوك ويه رغد شاهين وداهم
و مهدي بالورشه ووداد بدوامها موظفه

لبست عبايتي و الربطه طلعت ركض عالشارع العام
اخذت تكسي وصلت قريب ع بيت ساره بيتها قريب مو ذاك البعد
خابرتها كتلها طلعي بسرعه ماعندي وكت

طلعتلي نزلت من التكسي ركض اني وياها دخلنا منا ع منا حللت دم
طلعنا من العياده دايخه شويه اشترتلي عصير
شربته صعدت للتكسي رجعت نزلت افتح باب البيت ماحسيت غير مهدي ورايه

- وين جنتي

فزيت : شنو وين جنت يم امي

- كدااامي

دفعني منا و منا اريد اعرف امشي ماكدر دايخه كوه اشوف كدامي
صار يجرجر بايدي سريع لما وصلت الغرفه دفعني و قفل الباب

- ماكو رجال يلمج تشوفين البيت فارغ تطلعين تدربنين وين كاعده انتي

- مو هيج افتهمني

- برري لرجلج عود

-  مرح يعرف شاهين

- تفوتين بعيني

- بس اسمعني افهمك جنت يم ساره صديقتي حتاجتني بشغله ...

- حورر وين جنتييي

- صوتك  دايخه كوه واكفه ع حيلي

- شبيج

سكتت بعدين كتله

- سويت تحليل

- تحليل شنو

- دم

صفن بوجهي مخنزر رفع حاجبه

- حامل

- شاكه ما متاكده

ضل يباوعني نضراته مامفهومه

كال : شنو يمنعني ماكله هسه

- دير بالك الله يخليك مهدي ماعرف شرح اسوي وياه باقيه او لا اذا عرف مستحيل اطلع منا بعد شاهين يلوي ايدي بالطفل
لا تكله انت ماتسويها ادري ...

- من تبدين تضمين و تتختلين اسويها
هاي غير كامرات البيت نسيتيها اضاهر

- شتريد هسه

تقرب مني نفسه صار قريب عليه يباوعني
عيونه تحجي بلا مينطق شي
مد ايده فتح القراصه من شعري يباوعني يتمعن بوجهي
غمضت خفت كلش منه و من هاللحظه

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

....

يتبع ....