رواية عشگ ابن السواتر الفصل التاسع 9 - بقلم زينب العبيدي(زينبيه)

مساء العافيه والصحه على كل متابعيني وهذا بارت لعيونكم راوني تفاعل وانزللكم بعد اليوم تستاهلون انتم غوالي

#عشگ_ابن_السواتر

بقلمي #مولاتي_يازينب

البارت #٩

اتجهنه وصلنه للاطراف بمنطقة ال،،،، وهنا بدت الاشتباكات جانت خططنه

كلش قويه وقائدنه مسيطر بيدنه اشتباكات وحرب طاحنه فقدنه هواي هواي شهداء وكل واحد

يطيح من عدنه انطيح ابداله ثنين  بس الي ماساعدنه هم جانو محتلين المنطقه كلها يعني

صايره ارضهم  ومسيطرين بيها اكثر من عدنه في بداية الامر تقدمنه عليهم الى ان بخططهم

القذره كدرو يغدرونه من الخلف والغدر شيمتهم أمرنه القائد انو ننسحب من جهت الشرق

وصار علينه الصلي من كدام ومن ورا جنه نحتمي بين الدبابات ونمشي اهنانه اتصوب اشرف

بضهره انه كلساع التفتت ابمكان اريد اشوفه ماكو ضليت اباوع بالوجوه فقدت عقلي وانه

اصرخ وين اشرف وسيف ضل يدور وياي بالوجوه صرخ سيف اشرف طايح اهناك ضليت

اركض رحتله وجان الارض الي بيها طايح كلش خطره بيها قناص وسيف لحكني ضلينه نركض

مثل ماوصانه القائد بشكل متعرج والطلقه تعبر من يمنه بس الله الحافض سحينه اشرف ورا

تل مال اتراب جان نازف هواي وتعبان نزعت قميصي واحاول اسد الجرح بي وانه اتلفت من

خوفي على اشرف ومن المكان الي احنه بي

علاء لاتخاف اشرف ما راح يصيرلك شي راح نطلع منا انشاء الله نطلع منا ضليت حاضن

اشرف وسيف فوكانه ننتضر اجلنه يمته يجيلنه لان ماكو مفر واشرف ينزف وحالته تتعب جنت

حاضنه وابجي خاف لا افقده شلون اذا فقدته ما اريد افكر ولو مجرد تفكير راح نطلع انشاء

الله نطلع ابخت دعوات امي لو امه راح نطلع منا صار المغرب وجهه اشرف بده يتغير الوانه

ضليت اباوعله ومابيدي حيله ماريد افقده لاء اشرف ضحكتي اذا يروح انسه الضحكه ويا

التفتت على سيف سيف خل اتضلم الدنيه بعد وناخذ اشرف ونتجه للبساتين والي بيها بيها

بلكت نلكانه واحد يساعده

سيف. شورك وهدايت الله بس العجيبه احنه اشعجب محد اجالنه القناص جان يرمي علينه

معقوله الله عما عنه

علاء ويجوز كتلو جماعتنه المهم هم ميه بالميه راح يجون اهنا ويشوفون الضحايه احنه لازم مانتئخر

اشرف وبالكوه يحجي علاء عوفوني وروحو ماتكدرون اتشردون وانه ثكل عليكم

علاء هههه شبيك خويه انه ماعفتك من جانو كلها اهنا واكدر اشرد تريدني اعوفك هسه  ولك لو

اموت ما اعوفك انشاء الله اذا النه موته نموت سوه

سيف. اشرف حبيبي انته بطل ما راح تموت انشاء الله راح نلحك عليك

اشرف. ابتسمت ماكو احله من الشهاده في سبيل الله هذا حلمي وياريت يتحقق وانتم لازم

تنقذون حياتكم حرام عليكم تخاطرون بأنفسكم الوطن محتاجكم عوفوني وروح

علاء اشششش بس اشرف اورا ساعه اضلمت الدنيه وجنه نسمع صوت اطلاقات نار جداً بعيده

علاء يله سيف يله بسرعه سنده وخل نركض

علاء سندنه اشرف ايد على جتفي وايد على جتف سيف وشلت رجله اليمنه وسيف اليسرا الله

ومحمد وعلي وركضنه نركض والتعب والخوف والضلمه كلها ويانه جانت اكو اطلاقات نار بس

مو يمنه صوتها بعيد اضاهر جاي ايكتلون الضحايه الي بيهم نفس بس احنه وين انروح انضل

قريبين منهم بس لا وحياتك يا اشرف لو اركض بيك الدنيه كلها هم لازم انقذك دخلنه ابين

البساتين والاشجار وبعدنه نركض ونركض سيف. طاح من التعب وهو يلهث

سيف علاء بعد ما اكدر عطشان اريد ماي

علاء سيف خل نطلع منا

سيف علاء انته تضحك على روحك ماكو طلعه منا البساتين ماتخلص

علاء والحل ياسيف اشرف راح يموت علينه

سيف علاء اكعد انته اهنا ابين الحشيش وي اشرف وانه راح اتسلل بلكن انشوفلنه بيت او شي

ونروحله ويابلهدف يابلنجف وهاي وصيتي سلمه لهلي

علاء شبكته حيل دير بالك على نفسك سيف بسته على كصته الله وياك خويه

سيف والله وياك ما راح اتئخر عليك ورحت

علاء خليت راس اشرف بحضني وهو ينزف دم من حلكه وانه امسحه وهو يبتسم حجه اشرف

وبالكوه يحجي من شدة التعب والنزف

اشرف. علاء بجيبي كامره ومصور بيها وصيتي اخذها واذا سلمت نفسي للجليل شوف

الفيديو وراوي الاهلي والراويه

علاء مجرد مايحجي هيج احس خنجر ويكطع ابكلبي ما استوعب اشرف يموت ياربي اذا موته

موتني ويا ماكو خمس دقايق من روحة سيف من يمنه وسمعنه طلقه قريبه وصرخة سيف

غمضت عيوني بحركه ونزلن دموعي بحروره عرفته استشهد ضربت النخله اليمي لا سيف

لاتعوفنه احنه محتاجينك سيف خويه احنه اجينه سوه لاتعوفوني ابحدي باوعت بعيون اشرف

كلها ادموع اشرف سيف عافني لاتعوفني انته مثله اشرف ما اكدر بلياك اشرف افهمني

احجي واني ابجي راد يحجي اشرف بس اللسانه ثكل ماكدر يحجي شي ابتسم ابوجهي

وطاحت دمعته من عينه  وطاحت ايده من ايدي

علاء. لا اشرف حجيت وانه صوتي بي حزن وخوف ورجفه وعبره حجيت بصوت ناصي كلش

اشرف انته ماميت اليموت يغمض عيونه اكيد انته كاعد اشرف انته مامتت كلي انه مامتت

اشرف يا ضحكتي اشرف ياسري انته اشرف ياسالفتي وبجيتي اشرف كافي عاد حاجيني

اشرف ما اريد اصدك انته متت اشرف ولك لاااااا اكعد شبكته وضليت ابجي بحركه ولكم ما

اتحمل افراكه ولكم شلون ارجع ابليا وطول عمري جنت ارجع ويا ضليت نايم ويا طول بطول

وغركت وجهه بدموعي اتمنه من اكوم من يمه الكا عايش الكا بي نفس بس جذب مايصير هذا

الي راح اشرف من حياتي ماصدك ماكو بعد اسمه ولا اكدر اصيحه ولاينط بوجهي وهو كالب

وجها الحلو ولانتعشه سوه ولايمرني بسيارته ولاولا،،،، سوالفك هواي شنسه منهن

ياربات الفشگ ما قصرت وفيت
تعنيت المناي ارويحتك خضره،،،
ذواق الوطن ضاك الترافه البيك
زفك من وكت قربان للزهره،،،،

اتذكرت الكامره مديت ايدي بجيبه اخذتها ضميتها بجيبي نزعته محبسه الي جان بيده بست

المحبس حيل وخليته بصبعي لصغير جان هو انعم من عندي كمت ردت اروح ورجعت التفتت

عليه شفت طوله الحلو مدود بالكاع رجعته بحركه وبوسته بكل مكان اخ ياخويه ماينطي كلبي

اعوفنك واروح بسته بجفوف ايدي راح ارجع ادفنك انته وسيف بغير وكت مره ثانيه وردت اروح صرت

شوي بعيد والتفتت عليه جان طالع بس بسطاله تكرمونو من بين الشجر ضليت ادك على راسي

مو بيدي ما اكدر اعوفه رجعتله مره ثانيه ولك لو اخذك وياي لو تاخذني وياك اخاف من امشي

بعد ما شوفك ضليت اشم بريحته اريد اعبي رياتي من عنده لحد ما سمعت صوت اطلاقات نار

قريبه رحت من الجهه المعاكسه وانه ما اشوف الطريق من دموعي صورة اشرف ماتروح من

عيوني ضليت اركض بين البساتين جنت ما حاس بالطريق الي جاي اركض بي لان اشرف

نساني كلشي ضلت بس صورته بعيوني لحد ما طحت من التعب جانت ساعه بيدي باوعت عليها

ب ثلاثه باليل حسيت حلكي نشف ومحتاج كطرت ماي كعدت من التعب بين الشجر طلعت

الكامره من جيبي مجرد ما كضيتها رجعن دموعي يطيحن اشرف شلون عفتك ياربي مايسون

شي الجثتك بست الكامره وجنت اشم بيها ريحتك وكمت كملت طريقي شفت بيت ابين البساتين

جنت خايف اروح بس لازم اروح اذا اضل هيج راح اموت دكيت الباب ماكو اي جواب ادك وانه

اتلفت يمنه ويسرا دكيت مره وثنين ماكو خفت لا يجي احد ويشوفني كلت خل اطفر واضل

كاعد بره لحد مايطلع احد من اصحاب البيت وبالفعل طفرت وي طفرتي طلعت ابنيه انصدمت

بيه وصرخت سديت حلكها

علاء اششش خويه ستري عليه الله يستر عليج جانت اكو غتره على امتوني درت وجهي عنها

هاج خويه غطي روحج

البنيه انته منو وشجابك اهنا

علاء. خويه الله يستر عليج صيحيلي رجال من البيت راحت لبنيه تركض شويه واجت هي ورجال جبير

الرجال خير انته منو

علاء. عمي الله يخليلك بنيتك ويستر عليها انه اتحاصرت وما اندل طريق الرجعه منين خليني

عندك اليوم وباجر اروح

الرجال انته منين بويه

علاء انه من البصره

الرجال انته وي الحشد مو

علاء اترددت اكله بس هلشي واضح من لبسي  كتله اي

الرجال تعال بويه تعال اتفضل روحي نور بابا حضريله اكل شرب

علاء. مشكور اعمي بس انه كلش عطشان

الرجال تعال عمي تعال هاك هذا ماي وادخل اهنا

يتبع،،،،،

ماضل بيه نفس غير نسمات عطرك
وما اذكر من عمري شي بس صوت ضحكك

توقعاتكم علاء يرجعلو هم مصيره مثل مصير اخوانه