رواية عشگ ابن السواتر الفصل الثامن 8 - بقلم زينب العبيدي(زينبيه)

#عشگ_ابن_السواتر

بقلمي #مولاتي_يازينب

البارت #٨

وبيوم من الايام جانت الساعه ب ١١:٠٠ باليل جنت انه وجنه بالغرفه دك تلفونها هي تلخبطت

علاء. شبيج

جنه لا ابد حبيبي مابيه شي بس هاي صفا وما احب ارد عليها اتغثني بحجيها

علاء. قصدج ماتكدرين تجذبين عليها لان انه موجود

جنه لاتكول علي اجذبين اني مو جذابه

علاء. والحجي الي تحجينه الهن الي كله مو صدك شنو اسمه

جنه. لاء بس اني ادافع عن نفسي وعنك

علاء. ليريد ايدافع ايدافع بالحقيقه ويسكت اكبر اللسان بس انتي لمن اجذبين هذا معناها انو

انتي انسانه ضعيفه مهزوزه ماعندج ثقه بنفسج وهلشي مايعجبني بيج هواي صفات مو الي

تمنيتها

جنه شنو قصدك انته ندامان

علاء. لا ماندمان بس اتمنه لو تغيرينهن تصيرين احله وتكمل صورتج الطيبه

جنه. سكتت ودنكت

علاء. حضرتي جنطتي

جنه. اي حضرتها

علاء. زين جيبيلي شي اكله جوعان

جنه. حاضر ورحت

علاء صحت عليها اوكفي اوكفي انتي ليش نازله بهذا اللبس انه شنو كتلج لو انتي تتقصدين

تغيضيني شوفي لاتكليلي نسيت شبعت من هاي لحجايه اخواني شباب ومراهقين حرام عليج

تنزلين هيج تلبسين شي فضفاض وحجابج على راسج لا اكسر راسج

جنه اوي شكد عقده ونفسيه انته كرهتني بحياتي من كلشي حرمتني حتا اللبس الي جنت البسه صار حرام علي

علاء. اضن انتي الي قبلتي بيه مثل ما انه بس انه ماقبلت بيج مثل ما انتي وكتلج شروطي من

البدايه وهسه روحي بسرعه لبسي وجيبيلي شي اتزقنبه

جنه واني ابجي لبست روب طويل وخليت الحجاب على راسي ونزل

علاء شدي زين

جنه شدينا اوي شكد معقد

علاء. مجرد مانزلت اخذت التلفون ونزلت طلعت برا ما ادري ليش احساسي كلي ان اليتصل

بيها مو صفا فتحت التلفون جان اكو مكالمتين فائته من ابراهيم عكدت حواجبي ولزمت التلفون

بقوه كئنما خايف لا يشرد مني دخلت على محادثاته هو وياها جانت مئرشفه المحادثه وشفت

كلامها ويا وهي تشتكيله من عندي وتكله معقد وحرمني من كلشي من البسه والطلعه وانه

مامتعوده على هذا الشي ماجنت اضن حياتهم هيج اضوج من امه هواي ادخل نفسها بلبسي

هيج ولاتكعدين يم افلان ونصي صوتج ونوب شغل البيت وجهال وهوسه وهو يرد عليها يكلها

اطلكي ليش ضاله ويا الهسه هي تكله احبه لعلاء ما اكدر صحيح انه تعبانه بس حبه يهون علي

وهذا حجيهم جان بغير وكت بس شفت محادثه مالت اليوم وهو يكلها جوجو باجر يلتحق زوجج

ترا عدنه حفله ورا المحاضرات ونتغده بره احنه والزملاء  وهي تكله اي يلتحق اعرف بالحفله وهو

يكلها راح تاخذين راحتج ك العاده وتضربين العبايه عرض الحايط وهي تكله اكيد ياصخام

هاي ياعبايه علاء جنت اقرا المحادثات وكلبي يشتعل نار وانفاسي تصعد وتنزل ركضت دخلت

للبيت وامشي بخطوات متسارعه رحت الغرفتي فتحت الباب بقوه وجانت جنه ادور على شي

عرفتها جاي ادور على نقالها

علاء شدورين

جنه. لا ابد ادور على فوني

علاء. قصدج هذا

جنه عضيت على شفتي وحجيت بالكوه اي

علاء ماأدري بيج هلكد ملانه من عندي وصرخت بصوت ولج هذا يهو ابراهيم يازفت طكيت

النقال بالحايط اتقربت عليها وانه فاتح عيوني على كبرهن وصاك على سنوني ولج اتذبين

العبايه من وراي وترحين حفلات ورا الجامعه ولج تكرهين امي يمن فدوه ترحين لتراب رجليها

لان شريفه وتعلمج ع الصح ماتحبينها انتي تردين اتضلين ساقطه طول عمرج لمي هدومج

جنه. ع ع علاء أ أ اني افهمك والله العضيم ابراهيم اخوي علاقتنه اخوه لا اكثر ولا اقل

علاء لزمتها من شعراها ادري اخو سافل وانتي اسفل من عنده لج تخافين من عندي تلبسين

عبايه لج وين راح الله تكوليله ان ماعرفهم هيج عايشين جذابه حياتنه اسؤ من هيج وقبلتي

يانذله ودفعتها حيل وطاحت ع الجربايه وصحت عليها بصوت عالي ولج انتي تحجين وي ولد

وانه محذرج من هلشي الف مره كتلج هذا الشي حرام قبل كلشي وكتلج اغار عليج ما احب

واحد يشاركني بيج وانتي تستعرضين جسمج لليسوه والمايسوه ولج تعبتيني حيل ياريتني

خذيت كلام اشرف وماتزوجتج

جنه. كافي عااااااد اني ماخنتك وابراهيم اخوي وصدك حياتكم ملل وانته قيدتني وبعدين انته

الي خنتني واله شتفسر اهتمام مرت اخوك بيك  لمن ترجع من الحشد اول ماهي تنطيها

مصروفها لا وهي تغسلك ملابسك وتعطرهن وتجيبهن الي للغرفه شتفسر هذا الشي

علاء ،بنت ال لا محشوم ابوج بس انتي مثل امج لج حياتنه ملل اي انه كتلج حياتنه ملل احنه

ناس فقره  عايشين على كد حالنه صرخت بصوت كتلجججج لو ماكتلج ومرت اخوي هاي

التحجين عنها ياغبيه لان اصيله وشريفه وبنت ناس اجاويد تخدمني وتسويلي الشي الي انتي

ماتسوينه الي يعني هي لو شايفتج انتي الي تغسلين ملابسي وعطرينهن جا هي ماسوت بس

تدري بيج انتي خايسه همج نوم واكل وطلعات ولبس وجامعه وعايشه بالجذب تعرفين انه

تفكيري احسن من تفكيرج بهواي لمن ارجع ومستلم راتبي اول ما انطيها مصروفها هي

وجهالها لان هي ارمله وهذوله ايتام من ريحت اخوي واكسب بيهم أجر قبل الكل

جنه طلعت جنطتي واني الم املابسي هذا الحجي اضحك بي على روحك

علاء لج غبيه ورفستها لو اريدها وتريدني جا اتزوجه وما خذيتج جريتها من ايدها وذبيت عليها

العبايه وانه اسحل بيها سحل صارت اكبالي امي

ام علاء يايمه عزا ليش تسحل بالبنيه ركضت سحبت ايدها من ايده

علاء. خلي تولي بنت ال خل تتكسح لهلها ما اريدها ما اطيقها بعد

ام علاء لا يمه ابرضاي عليك يايمه لا اطلعها من البيت

علاء صرخت بصوت يمه انتي مالج علاقه لاتدخلين

ام علاء لا يمه فدواتك باجر انته رايح ومن اباوع الها تسليني واتذكرك خليها يايمه عليك بداعتي

علاء. عضيت على اصبعي حيل اخ يالقهر شوف اشلون ادافع عنها وماتدري بيها شلون

تحجي عليها اخذت جنطتي وبدلتي العسكريه يمه انه رايح البيت شريف الله وياج بس ياريت

من ارجع ما الكاها وطلعت بسرعه

ام علاء روح يمه امودع بالله ومحمد وعلي الله يردك الي سالم ويهديك وليدي تعالي انتي يايمه

تعالي لاتبجين هاي مشاكل اتصير هواي بين المره والرجال اتحملي وصبري ما الج غير زوجج

حاولي ترضينه يايمه والله يهديكم انشاء الله نامي ومسحي دموعج وبعد شكم يوم يرجع ولا ك

أن شي صاير وترجعون شحلاتكم دخلتها الغرفتها وسديت الباب عليها ورحت

زهراء. اوي يايمه تدرين من طبت البيتنه لليوم عفسته يامكرود ياخويه ماتهنيت وي هاي الصخله

ام علاء يا يمه عيب لاتغلطين على مرت اخوج الله يهديهم بعد شنسويلهم يوم يومين ويصالحون

علاء رحت يم بيت اشرف اتصلت عليه

اشرف الو ها علاء

علاء. اشرف انه يم بابكم تعال افتحلي الباب ولو الوكت متئخر بس شسوي ياخوي بس مخنوك من البيت

اشرف. لا علاء صدك جذب ثواني ونازلك احنه ما انام هيج وكت نزلت فتحت الباب العلاء جان

شكله مهموم ومغموم كلش ربتت على جتفه خفيف تعال ادخل ادخل البيت بيتك

علاء. دخلت

اشرف. شبيك علاء اشصاير

علاء. اشرف مابيه حيل احجي بس كل الي صار انه تعبت ياريت اخذت حجايتك وماتزوجتها

تعبتني يا اشرف  كليوميه اكتشف بيها شي يخليني اتنرفز من عندها

اشرف مو كتلك جنه مو لبنيه المناسبه الك بس الله كريم انه احس ،،،الفرج قريب

علاء شتقصد بالفرج يا اشرف

اشرف. عو فنه من الفرج هسه وكلي متعشي لاء

علاء. لا والله مامتعشي بس ما اشتهي

اشرف هو انته كيفك ماتتعشه غير انه متعشي ثلاث مرات وبعدني جوعان تدري مال شنو

يابويه بيض ابطماطه وكلاص جاي ودوس اخوي ابو حثل

علاء. ولك ثلاث مرات متعشي وتتشهه

اشرف ولك غير انه اليوم ماماكل كليوم اتعشه اربع مرات ونص

علاء والنص شنو هو هذا

اشرف فواكه تالي اليل وحلويات جبس وحب وعلج

علاء. ماتكلي وين يروحن هذن كلهن
يله روح يله جيب النه بيض بطماطه خل نزقنب

اشرف من عيوني رحت كلت الراويه سويلنه بيض وطماطه وجيبي كمر يمي ( كمر بنت اشرف
الي عمرها شهر )

راويه. صار

اشرف رحت يم علاء وانه شايل بنتي كمر وكتله هسه لو متاني شويه على ماتكبر كمر وازوجك ايها

علاء اكيد شافطه مثل ابوها شسوي بيها

اشرف وهو يحجي بصوت طفولي ويحرك بيدين كمر لك بابا عليوي ناقث انته ثافط وروح لبوي

عثر فدوات

علاء اخذت لبنيه من عنده وانه ابوس بيها صدك جنها كمر وانه احجي وياها ولج انتي منيلج

هاي الحلات كلها اشو ابوج جنه قرد بوست ايد يها وترستها بوس

اشرف طكيته على علباته خاب كافي مصيت حلاتها كلها بحلك، هذا  بالله غاسل سنونك انته

حتا اتبوس هذا الجمال

علاء. رفسته وانه اضحك عليه ياخي شكد ناقص انته شوفي بابا مو طلعين على ابوج طلعي

على امج اكيد صاكه

اشرف. انجب ولك صاكه شنو غير اطك بالكاع ههههه

علاء. جا راوينه ايها

اشرف لا ولك جنها قرد خاف انه ينطلع بيه الباب البيت هي وجها حده الباب الغرفه

علاء اي تطرد عيون جا ماتكلي هذا الكمر عليمن طلع ورجعت ابوس بيها

اشرف. الاخ منقص حنان يمكن شكول عليج جنيه مادري جنه راح يشفط بنتي شفط شويه

وندك باب الديوانيه الداخلي وكام اشرف جاب العشه  واخذ لبنيه وانطاها لمها وتعشينه انه ويا

وبعدين نمنه وبعدها كعدنه الساعه بالاربعه صلينه ماشتهينه نتريك لان متعشين متئخر وبعدها

لبسنه وطلعنه وام اشرف ذبت ورانه ماي وتندعيلنه رحنه على سيف وكبل ع الانبار اخ جنت كلي

هم وحزن وتعب كلما اتذكر سوالف جنه يضيك خلكي تعبت من التفكير بهذا الموضوع اريد جنه

شويه تروح من راسي شويه ونط اكبالي اشرف

اشرف علاء

علاء التفتت عليه وجان كالب خلقته ك العاده ما ضحكت ولا علقت

اشرف رفعت حاجبي عجيب ليش ما علقت

علاء مالي خلك اسوالفك اشرف

اشرف افااا عليوي ولك انه صويحبك وحبيبك وخيك وتكلي مالي خلكك بس مقبوله منك

اشرف تدري باجر عدنه هجوم على المنطقه ال،،،، خابر اهلك واسمع صوتهم لا كلشي يصير حتا جنه خابرها

ميخالف علاء خاف بعد مانرجع لو شي

علاء اي ادري بعدين اخابرهم ج بس ما اضن احجي ويها

اشرف تقصد جنه لا علاء احجي وياها ميخالف كتلك شغلتنه خطره وخاف مانرجع ومايسوه

الزعل يله انه راح اكوم اخابر الاهل

علاء خابرت على تلفون ابوي

ابو علاء. ها بويه. شلونك

علاء بويه انه زين بس حبيت اسلم عليكم بويه ابريني الذمه باجر عدنه هجوم على وهاي دنيه

ماندري منو يموت ومن. يضل عايش محتاج دعواتك يالغالي لاتخبر امي بشي

ابو علاء والدمعه بطرف عينه الله يحفضكم ياوليدي كلكم ويردك النه سالم وينصركم انشاء الله

ويعلي شانكم

علاء مشكور يالغالي منو يمك

ابو علاء هذول حسن وحسين جاي يدرسون

علاء نطيني اياهم اسلم عليهم

حسن ها علاء شلونك

علاء. هلا بيك حبيبي زين انه حسوني دير بالك على دراستك وعلى شغلك انه ادري بيك انته

مثل اخوك سبع ويعتمد عليك مو تعوف اهلك محتاجين شي خوش ديربالك على حسين هذا

شوي طايش وهبش علمه

حسن. انشاء الله ياخوي بس انته ليش هيج تحجي

علاء. هيج اوصيك انطيني حسين احجي ويا

حسين. ها علاء شلونك

علاء هلا بيك حبيبي شوف حسين صير عاقل وبلا طلايب واخذ حجي اخوك ودير بالك ع دراستك

حسين. اهوووو اي خوش خوش راح يفتحلي محاضره

علاء. عود هاي جاي اكلك اخذ الحجي يله لرعن ودي التلفون الزهراء وعلياء اريد احجي وياهن

حسين. ريه وسكينه اندري وينهن اوكف خليك وياي

علياء. ها حبيبي علاء شلونك شخبارك

علاء هلا بيج علياء انه زين ما طول انتم زينين علياء ديري بالج ع نفسج وعلى اختج وعلى امي

درسن ياخويه واصلن مراتب عاليه ولاتغرجن الدنيه وتذبن عبايتجن بيوم حتا لو دخلتن الكليه

وشفتن اشكال والوان خلن شي واحد ابالجن ان اكو الله ورانه حساب بالكبر

علياء. ضليت ابجي علاء ليش تحجي هيج احس كلماتك كلمات امودع

زهراء اخذت التلفون منها ابسرعه شنو امودع وين رايح علاء

علاء. حبيبتي زهوره لامودع ولاشي بس اوصيكم هاي دنيه وكلشي يصير بيها امي وين

زهراء امي جاي اتصلي

علاء انطني اسلم عليها

ام علاء هله يمه وليدي شخبارك

علاء. هلا بيج يمه انه زبن انتي شلونج

ام علاء شنو يمه محتاج شي عوزك شي بردان يايمه ادري اهناك الدنيه بارده وشته يمه ادفه زين

علاء فدوه اروحلج انه لاتخافين علي يمه جنه وين

ام علاء. جنه بغرفتها

علاء يمه وديلها التفون احجي وياها

ام علاء اي يايمه الله يهديك جنه يمه هذا علاء يريد يحجي وياج

جنه فتحت عيوني على كبرهن مامصدكه علاء

جنه الو هلا يابعد روحي وكل اهلي

علاء هلا بيج جنه شوفي جنه انه حبيتج وردتج ماردت غيرج من البنات بس انتي شلعتي كلبي

هواي اذيتيني هواي رغم هذا انه احبج شوفي جنه ديري بالج ترا الستر مريود وماكو احله من

ابنيه مستوره وتصير حلال بس الرجلها ف اوصيج بالعبايه لاتذبيها بعد ستري نفسج ولاتحجين

وي الولد الغربه هواي ترا اطيح كطرت الخجل من عندج وتصيرين جريئه وهذا الشي مو حلو

للبنيه

جنه. اي والله حجيك صحيح واني اسفه واعتذر فدوه الطولك لاتكطع بيه

علاء. جنه باجر احنه عدنه هجوم ع منطقه مخطوره وخاف بعد ما اسمع صوتج ابريني الذمه اذا اذيتج

احبج

جنه. ضليت ابجي وادك على خدي اوي علاء وجعت كلبي وين رايح وليش تكول ماتسمع صوتي

فدوه علاء لاتحجي هذا الحجي ما اتحمل اعيش بدونك كلي راح ترجع ومايصير بيك شي

علاء بس جنه لاتبجين انتي اندعيلنه والاعمار بيد الله بس اوصيج لاتكولين الامي ولا الاهلي ترا

محد يدري بس انتي وابوي ماوصيج جنه لاتنسين الي كتلج عليه

جنه. واني ابجي لا ماراح انسه يابعد طولي روح الله يرجعك الي بالسلامه

علاء يالله الله وياج وسديت التلفون باوعت على اشرف سد تلفونه وخله ايده على عيونه جنه

يمسح دمعه رحت يمه افا عليك اشرف ادري بيك ماتخاف ليش الدموع

اشرف. لا علاء انه ما خايف بس سمعت صوت كمر وهي تبجي اخ وحسيت بعد ما اسمع صوتها

علاء كمر الها الله اذا انته رحت واحنه الف هنيالنه وياريت انروح شهداء رخيص دمنه يطيح لخاطر كمر والمثلها هواي

اشرف اي صحيح اكلك ماشفت سيف وين

سيف. انه هنا

اشرف هذا وينه منين طلع صوته

سيف هاي وراك وراك ابن حلال عند ذكري

علاء يله خل نرتاح شويه ونستعد الله ينصرنه كعدنه واجالنه القائد يحضرنه وينطينه التعليمات

ديرو بالكم ولاتستعجلون ونفذو حجايتي بالحرف ديرو بالكم من القناص بالساحه الفارغه ضلو

ركضو بشكل متعرج لادخلون بيت قبل المختص مال المتفجرات واحتمو بالدبابات يعني امشو

بصفها خاف تصير ضربات غادره اي داعشي يطيح بس بي نفس لاتكتلونه نحتاجه اسير

نستجوبه والله ينصرنه انشاء الله كتبو وصاياكم وخلوها ابجيبكم وهسه كلكم كومو صلو ركعتين

قربتاً الى الله واهداءً للامام المهدي عجل الله فرجه وجهزو نفسكم ننطلق بعد ساعتين

علاء كل احنه كمنه توضينه وصلينه  وكتبنه وصايانه وستعدينه ورا ساعتين انطلقنه باتجاه المنطقه، ال،،،،،، الي معروفه بخطورتها لستيلاء الدواعش على كل شبر بيها

يتبع ،،،،،،،،

فدوتك كلنه ياوطن