رواية عشگ ابن السواتر الفصل الاول 1 - بقلم زينب العبيدي(زينبيه)

مرحبا متـــــــابعيـــــني. شلونكم

اتمنه اشوف تفاعلكم بلقصه ترا استاهل لان تعبت هووووواي

ع فكره الصور مو لاصحاب القصه الحقيقين

#عشگ_ابن_السواتر

بقلمي #مولاتي_يازينب

البارت #١

ابحرت في دنياي باحثاً عن مرسى لعشقي
حتى ضننت اني ليس لي فيه نصيبآ
فعشقت حبيبتآ قد عاثو بها الاشرار فسادآ
جرحوخديها الناعمين باضفار السلاحيِِِ
كسروا لها قلبآ قد وسع الدنيا بحبهِِِ
وملئوها ارامل وفقرآً وايتاما
عليكِِِي ابكِِِي يارض فراتِِِ
دماً ياارض الحبِِِ يا ارض السلاما
ياعشقي
وحبي
ياشعراً وقولاً وعبرٍ واحكاما
سأفنا وكل شبابكِِِ حتا نعودبكِِِ
ضاحكتاً
عروسا زفت بدم الشهدائي🌹

بقلمي مولاتي يازينب

في احد شوارع البصره كدام بيتنا الصغير كا العاده السياره عطلانه وفاتح البنيد ومسيس

جوه السياره وانه اغلط واشتم على السياره سمعت هورن سياره طلعت من جوه السياره

اشرف. هههه اشجاي اسوي

علاء حجيت وانه الحن ابكلامي عطلانه عطلانه كا العاده عطلانه ولك شريف

اشرف. هو انه يا يوم عبرت من يمك ولكيتك كاعد ابطن السياره كله جواها

علاء وانه امسح بيدي بخاولي ياخي شسوي بعد وين اولي اكضي الاجازه افرفر بالسياره

على هاي الكراوي التعبانه

اشرف يمعود دبيعها اشو تشتغل بيها ب٥ الاف تصلحها ب١٥ الف

علاء. فتحت الباب مال سيارة اشرف وكعدت يمه وين اولي تدري بيه راتب الحشد مايكفي

اهلي. ماشاء الله عليهم هواي شوكلهم

اشرف ولك ذكرتني الفرن الي اشتغل بي العامل امس بطل شرايك تشتغل ابداله

علاء. ولك فرن وانه ابيض ويكتلني الحر شتريدني اصير بعدين انه وين اعرف هاي السوالف

اشرف. عساس شلونها سيارتك البيها تبريد اشو ٢٤ ساعه تفر بسيارتك وفاتح الجام بالشمس

علاء. لا وفوكاها الجامه ماتصعد

اشرف هاي هي وهسه معترض ع النار وحر الفرن

علاء عمي شمعترض بس ماعرف هاي السوالف يعني شلون

اشرف. خويه انه حالي حالك اشتغلت كلشي ما اعرف انوب اتعلمت اذب طحينات بالعجانه

وشوي مليحات وخمره واغبگ ماي وشغل العجانه ويبدي الدوي مال العجانه صارت عجينه

وتعال رويهن وهيج سويهن دعابل شلون من جنه صغار نلعب بالطين انوب انسويهن مثل شكل

الصمونه هذا الشكل الجمبقلازي ههههههه وتحطهن بالفرن هذا البيت الجبير الكله نار ماكو

دقيقه وتجيب الخشبه الجبيره وخب اغرف وطلعهن

علاء😂😂والله كلش عرفتلها من الجمبقلازيه مالتك يله امشينه

انه علاء من مواليد ١٩٨٨يعني عمري ٢٨ اتميز بطولي الفارع ههه يعني من اريد ادخل من

الباب يطخ راسي طولي ١٨٥من اهالي البصره مخلص الثالث متوسط انه اداوم بالحشد الشعبي من

اول ماصدرت الفتوه المرجعيه بالجهاد عندي هدفين بالحياة لو استشهد لو انتصر ونطلع هل

مخلوقات القذره من ارض العراق طبعاً احنه حالتنه الماديه ضعيفه شوي انه المعيل الوحيد لهلي

وعايلتي تتكون من امي وابوي الله يحفضهم ويحميها وثنين خوات اصغر من عندي وثنين خواتن تؤم

عمرهم ١٤ سنه وعندي اخوي الجبير ومتوفي جان بالعماله وطاح على راسه شيلمان ومات

الله يرحمه من سنه ٢٠١٠ اتوفه مرته وثنين جهاله ضلو يمنه ابنفس البيت

اشرف انه صديق علاء ونفس العمر احنه اكثر من اصدقاء واكثر من اخوان وحتا اهلي واهله بينهم صداقه وعشره عمر

فرقد (ابو الفرن)والله يا اشرف شكلك انتم شغله وحده بيكم من ترحون للحشد منو الي يعني

هم لازم ادور عامل بديل اله مثل ماسويتلك

اشرف لايخوي فرقد لاتشيل هم العامل تلكاه انشاء الله بس هذا اخوي عزيز كلبي علاء لازم

ياخذ الشغل راح يفيدك صدكني

فرقد. والله شكدر اكلك يا اشرف

علاء. انه عندي اخوي عمره ١٤ سنه عود من التحق للجبهه هو يداوم مكاني

فرقد خوب هو مو طالب بعد انته تدري دوامنه من ٥ الفجر للساعه ب٩

علاء اي طالب

اشرف اهووو فرقد خويه هونها وتهون يجيك ب ١٢ ورا الدوام واحسبله نص الراتب وايام العطل

والجمع يداوم اعتيادي

فرقد صايرين ومن باجر ياعلاوي ب ٥:٠٠ اداوم

علاء. اوووف ياربي جا الخمسه لازكه بيه اهناك بالحشد بالخمسه اهنانه بالخمسه

اشرف. مشكلتك علاوي مشكلتك اتحمل مثل ما انه متحمل شنسوي بعد نركض ورا العيشه وما ملحكين

علاء. يله انه رايح باجر اشوفك

اشرف وين تعال اخذني وياك انه اليوم اجازه واسطات 😂

علاء اها لعد عشاي عدكم اليوم

اشرف. وانته منو كلك تعزم روحك بس هم يالله تعال انه مالي غنى عنك والحجيه مسويه دولمه ايحبها خشمك

علاء. يله امشينه للحجيه يله

ورحنه البيت اشرف وجانت عائلتهم متكونه من ام اشرف مره جبيره كلش واخوه الجبير متزوج

واخوان ثنين اصغر من اشرف واخت وحده متزوجه كعدنه عدهم ومابين سوالف وضحك

ام اشرف. يمه شروفي رحنه ع هاي لبنيه الكتلك عليها المزيونه الي شفتها انه بالعرس هذاك اليوم تذكر

اشرف. اي يمه اذكر واكيد كلتلج ابنج قرد وما اريده

ام اشرف لا يمه ينكص اللسانها كبل لاتكولها

علاء. حجيه بعد هاي الحقيقه انتي ما سامعه القرد بعين امه غزال هو جاي يكلج انه قرد وانتي تكليله لا يمه انته ملاك

ام. اشرف. لا يمه شبي وليدي شحلاته عين الله تحرسه وتحرسك يايمه

اشرف. اي هسه حجيه اختصرينه شكالو

ام اشرف يايمه لو شايفها شلون حلوه تنكرط يايمه وعمرها ١٨ اسمها راويه وصدك راويه

احمد اخو اشرف يمه كافي عاد ماتشوفين وجهه فلت كليلنه شكالو

ام اشرف يمه كالو هاي الساعه لمباركه اشرف يگبع وياخذ

اشرف لا لا يعني ماكالو قرد ومن هذا الحجي شفت علاء القرد بعين كل الناس غزال والغزال

بعينهم شاذي مثلك

علاء. هو يضهر هيج السالفه اي حجيه ويمته نتوكل ونفرح باشرف

ام اشرف. يمه انه كلتلهم بعد يومين ويلتحق وليدي ورا مايرجع انشاء الله انروح نخطبها ويعقدون

علاء وخلص اليوم ورجعت البيتنه فرحان الاشرف كلش اتمنيت يوم الالي والكالي وحده بنت حلال

يوم ثاني الصبح الساعه ب٥:٠٠

ام علاء. يمه علاوي الساعه ب ٥ اكعد

علاء. اي يمه كعدت وجريت اللحاف غطيت راسي

ام علاء سحبت اللحاف يمه كوم اكلك اكعد وانته اتغطي روحك

علاء. كمت اخ يايمه والله تعبان ابدي انام نومه للعشره مو هواي

ام علاء اتحسرت سوده عليه يايمه والله شبيدي عليك جاي احس بيك يايمه احسك وانته تتعب

وتشلع كلبي وتاخذه وياك من اتروح للحشد اتخاطر بروحك الله يحرسك يايمه ويحفضك الشبابك

علاء مشكور يالغاليه هذا دعائج يردلي الطاقه سبحت وبدلت باوعت للساعه جانت استوها

بالخمسه التفتت على امي وهي جاي تصبلي اريوك ادري بيش الساعه كعدتيني عود

ام علاء ههههه جا يمه لازم اجذب عليك شويه اذا اكلك الساعه بالاربعه ونص ماتكعد اتكلي بعد وكت

علاء. طكيت كصتي عود ليش كلجن الامهات اجذبن بالوكت حتى اشرف يكول امي اجذب علي

وسيف صاحبي هم ماشاء الله الله يحفضجن الجذبجن

ام علاء يالله يمه اكل صارت الساعه ب ٦:٠٠ اتئخرت

علاء عمي خل اكل لاتسوينها ب ٧:٠٠ تريكت وكملت وقبل لا اطلع ها يمه محتاجه شي اجيبلكم وياي

ام علاء يمه ابوك خلص دواه جيبله دوه من الصيدليه والبيت مابي مسواك واختك علياء محتاجه

اشكم شغله من السوك تريد مصرف

علاء. وجهال المرحوم وزوجته محتاجين شي

ام علاء. لا يمه الله يديمك انشاء الله

علاء دوا ابوي من ارجع اجيبه وهاي عشره انطيها العلياء وهاي عشره دبري بيها مسواك البيت

اليوم ومن ارجع انه هم اجيب وياي

ام علاء. الله يرزقك يايمه ويعوضك خير

علاء اي يايمه كثري من هلدعوه فدوه الحلكج وطلعت من البيت وانه شايل الدنيه فوك ضهري

يتبع،،،،،،،

وللقصه احداث،،،،،