رواية عشگ ابن السواتر الفصل الثاني 2 - بقلم زينب العبيدي(زينبيه)

متابعيني عمود موعد البارتات مثل ما عودتكم كل ما تفاعلتو وصوتو وعلقتو اكثر كلما كتبتلكم ونزلت اسرع

البارت الجاي ب٥

وبعد انتم وشطارتكم

#عشگ_ابن_السواتر

بقلمي #مولاتي_يازينب

البارت #٢

علاء رحت للشغل وجان اول يوم الي صح متعب بس الي هون علي ان انه متعلم ع التعب

بالاضافه الى اشرف الي گضه طول اليوم وهو مابين موال وموال وبس يغني الشهاده لله

جان صوته حلو بس انه ماكايله ابوجهه هههـه خباثه

الساعه ب ٧:٠٠بعد صلاة العشاء دخل علينه رجال ستيني ويضهر من هندامه انو رجال ثري

دخل والبسمه مرسومه على وجهه وكال السلام عليكم

علاء واشرف. وعليكم السلام

فرقد وعليكم السلام هلا عمي هلا سحبت الكرسي اتفضل عمي

ابو جنان مشكور وليدي فرقد

اشرف. اكيد سفن ك العاده تشرب

ابو جنان لا ياوليدي والله ماجاي اشرب خليك لاتجيب شي بس اريد صمون ب ٥ الاف الاهل

عازمين اهلهم

فرقد وجاي الجيش ك العاده

ابو جنان اي والله يابوي جاي الجيش اله الولد منو اول مره اشوفه

فرقد هذا العامل الجديد صديق اشرف اسمه علاء

ابو جنان حياك الله وليدي علاوي

علاء. ايحي اصلك عمي

فرقد. هذا القاضي ابو جنان بيتهم ابنهاية الفرع هو يصير عمي ابو مرتي

علاء. اتشرف بيك عمي

ابو جنان يله خلصوني اريد صمون بسرعه اريد اروح الابو السبالت يشدلي السبلت الجديد

اشرف عمي ليش تروح للغريب علاء يعرف ايشد سبلت موهيج علاء

علاء اي اعرف كلت بنفسي خوش انكربت شكول عليك شريف

ابوجنان لا خاف اتعبك بويه

علاء لاعمي لاتعب ولاشي انت تدلل انت روح واخذ هذا الصمون و١٠دقايق وجايك بس اجيب العده مال الشغل

ابو جنان مشكور علاوي الورد يله اتانيك ورحت

فرقد والله ياعلاء سبع صنايع والبخت ضايع يله روح جيب عدتك وروح العمي

اشرف اي هذا صكارك اتخاف منه فرقود هههههه يله السويج علاء روح بسيارتي سيارتك اكيد عطلانه

علاء هههههه اي والله عطلانه اخذت سيارت اشرف ورحت جبت العده ورحت ع بيت القاضي

كلها تعرفه جان بيت كلش جبير ماشاء الله وبناء حديث عدهم خطار
دكيت الباب طلعلي ولد صغير عمره خمس سنوات

الولد ها عمو

علاء روح. صيحح الابو جنان

الولد اي

علاء راح الولد شويه واجت وياه بنيه حلوه وكالت نعم اني جنان شنو تريد

علاء هاخويه لاما اريد شي بس ابوجنان كالي اجي عمود سبلت اشده

جنان ها خويه اعذرني ههه بس هذا ابني كلي. اكو رجال يريد جنان هسه اصيحلك الوالد

علاء لاماصارشي شوي واجه ابو جنان هاعلاوي بابا تفضل علاء. دخلت وجان اكوجهال هواي

وكلساع واحديجيني اينط فوك راسي وصياحهم عمو ماعمو واسئلت الجهال الي تفت الكلب

ابو جنان هنا بهذا الغرفه هاي جان اهنا سبلت وعطل اريدك تشده بمكان القديم

علاء صار عمي بس اخذلي طريق اجيب العده من السياره

ابو جنان اي وليدي رحت اخذ طريق

شوي ودخلت وحده تحجي بلتلفون وعصبيه شكلها يسطر ودخلت وهي تصيح بلتلفون وفتحت

الكنتور وماانتبهتلي وهي تكول

جنه اني ثواني وجايه اريد اعرف شلون تحجي عليه هيج حجي منو حاسبه نفسها وتحجي حجي من يمها

علاء بويه هاي طلعت ملابس بس لاراح تبدل ملابسها اتحمحمت بصوت عالي احممم احممم

جنه التفتت فتحت عيوني ع كبرهن انت منو وشلون دخلت الغرفتي

ابوجنان دخلت شفت جنه تصيح بعلاء جنه هاي شعندج اهنا

جنه بابا هذا منو وليش بغرفتي

ابوجنان هذا الولد ابو السبلت جاي ايشد السبلت الغرفتج

جنه واني احك براسي اهاا اسفه بس ماانتبهتلك

ابو جنان روحي بابا روحي

جنه طلعت ورجعت التفتت علولد قبل لا اسد الباب لكيته فاتح عيونه وبعده ماتحرك وهو يباوع

علي بسرعه دار عيونه من شافني اباوع عليه

جنه اني جنه عمري ٢٠سنه طالبه جامعيه ٢سنه كليه قانون ُاني صغيره خواتي وعندي وحده اصغر

مني هي جنان متزوجه اني الصغيره يعني المدلله احب اكون باحسن

مضهر ومهتمه بنفسي ومعندي طلب مرفوض

شفت الولد الي اسمه علاء ماعرف حبيت شوفته وضحكت ع صدمته نسيت نفسي جنت

ضايجه ومتعاركه وي وحده وياي بلكليه بس بعد ماشفته فرحت كلش وضليت بس اضحك شنو

الفلم ما ادري

علاء كملت شغلي ومتت من التعب اوف ياربي انكسر ضهري وجنت احجي بداخلي خايب ابو جنان مادري شسمك

ما تساعدني واكف جنك السياب انت وذاناتك وبعد شوط طويل من التعب ردت اروح بس لزم

عليه ابو جنان اله اتعشه يمهم

ابو جنان لا والله ماتطلع ياوليدي اله تتعشه اهنا

علاء بس ياعمي الوكت اتئخر

ابو. جنان بويه قابل انته بنيه وتخاف الوكت يتئخر عليك

علاء. ابن ال،،،، قصفني 😂 كتله لا عمي بس الاهل اموصيني على علاج واخاف الصيدليات تعزل

ابو جنان شوف ياوليدي انه كلت ماتروح اذا ماتتعشه يعني ماتروح واكو صيدليه الي

ابمنطقة،،،،، اتضل حتى ب ٣ باليلل وبعدين يابابا يا علاء انه اليوم راح اتعشه الوحدي اذا

انته رحت الاهل عازمين اهلهم وراح بكعدون نسوان ابحدهم هههه وانه خبرك ما اعرف اكل

ابحدي ها شكلت

علاء. مثل ماتريد عمي.

ابو جنان تعال بويه علاوي اغسل ايديك اهنا على ما اكلهم يحضرولنه العشه

علاء. جانت المغسله جوه الدرج والدرج دائري جنت اغسل بيدي واباوع الوجهي بالمرايه واكول

حتى امرايتهم اطلع الوجه حلوو صارت حركه فوك بالدرج رفعت اعيوني لا ارادياً وشفت نفس

لبنيه الدخلت علي للغرفه بس هلمره واكفه وتباوع علي واول ماشافتني شردت يخرب بيتك

عليوي هسه انته خلقه اخلاق اتباوعلك هاي الصاكه لو حوله لو خبله شويه واجاني ابو جنان

ابو جنان يله بابا علاء تفضل

علاء. زاد فضلك عمي دخلت الديوانيتهم جانت كلش جبيره فخمه ابمعنى الكلمه كعدت شويه

وجابو السفره وجان ابو جنان يفرش بيه وانه كمت حتا اساعه وبهل اثناء اجت عيني ع الباب

وشفت الي مدخله شويه راسه وتباوع علينه ابتسمت ابوجهه لا ارادياً هي خلت ايدها على

حلكها وشردت انه ضليت كلساع عيني ع الباب هسه تجي ماكو الضاهر وكفت بعيد وتنطي

الابوها الاكل تعشيت وكملت وشربنه جاي وطلعت من بيتهم الساعه ب١١:٠٠ بعد ما انطاني

ابو جنان افلوس تعبي وكبل ع الصيدليه اجيب علاج ابوي ومنها على السوبر ماركت واتسوك

لهلي وشويه حلويات الجهال اخوي رحت وديت السياره الاشرف ورحت ع البيت دخلت وجانت

امي كاهده وتانيني امبين القلق ابوجهه وخواتي ريه وسكينه اقصد علياء وزهراء جاي يدرسن

ومرت اخوي كاعده يم امي وجهال اخواني تلكوني اجه عمو اجه عمو بوستهم وانطيتهم الحلويات

ام علاء. يايمه وينك اتئخرت ضل بالي يمك

علاء اول شي السلام عليكم

الكل وعليكم السلام

علاء يمه هذا واحد رادني اشدله السبلت وراها لزم عليه اتعشه يمهم

ام علاء اي يايمه جان خابرتنه تلفون ابوك مابي رصيد واحاجيك

علاء يمه تعبت هواي وراح عن بالي اتصل عليكم

ام علاء الله يساعدك يايمه ويبعد عنك التعب ويعينك ويوسع رزقك ولا يضرك ياوليدي

علياء هوب هوب حجيه اشوفج اتحبين علاء اكثر من عدنه شنو الفلم

ام علاء لا يمه ابد كلكم اعزاز كلبي بس وليدي علاوي خطيه شايل حمل اكبر من سنين عمره

ويكسر خاطري وهو الهسه لازواج ولاشي

علياء. اي والله صدك الله يخلي النه خيمه يارب

زهراء. اميين

علاء. هههه مشكورات ريه وسكينه اشوف حاباتني اليوم

زهراء حرام عليك ياخوي هو احنه شعدنه غيرك

علاء همممم شكراً ولو مامصدك التفتت على امي اله حسن وحسين وين يمه

ام علاء. جوه يايمه ايلعبون بهذا لبري شيشن مادري شسمه الجبته الهم

علاء ههههه قصدج لبلي ستيشن يمه

ام علاء. اي هذا الصخام المادري منين لفانه

علاء اله ابوي وين جبتله علاجه

ام علاء. نام خذه حيلي

علاء اي يمه هذا علاجه انه هم رايح انام واول ماخليت راسي ع المخده والبك يكرص بيه اجت

صورة هاي لبنيه اكبالي وهي مبتسمه ردت اذكر اسمه. شنو صاحلهه ابوها شنو ياربي راحت

من بالي وهاي السالفه لتضوج لمن تجي تذكر شي ويروح من بالك يشلع النومه من عيونك

خايبات غمضن نامن فدوه روحلجن هذا التواسيل لعيوني وكله ماغمضن لحد ماسمعت صوت

الاذان خرب حضك علاء ولك مو انته نعسان اوراك شغل خل اكوم اصلي والله كريم كعدت

اصلي ولكيت امي وابوي يصلون كلت لمي يمه خاف انام هسه مو تكعديني بالاربعه ويبدي

الجذب مالتج علي ترا انه مانمت كلش كعديني بالسته حتلو اتئخر شوي وصدك واسويها

اصلي وانام على لمصلايه ماحسيت اله وامي تكعد بيه لك يمه علاء ولك الساعه ب السته وعشره كوم

علاء حجيت وانه كلي نعس اكيد هاي العشره جايبتها من جيبج ماترتاحين اذا ماتحطين فوك

الساعه شويه وبالكوه سحلت روحي من لمصلايه النايم عليها وانه عين امغمضه وعين تريد

تغمض ادور ع الحمام اختفه اثاري انه داخل بغرفة خواتي

ام علاء ياء يمه وين رايح

علاء للحمام اندري وين صاير الحمام حجيت وصوتي كله نعس

ام علاء يايمه خذيت حيلي وليدي سوده علي تعال يمه تعال

علاء. اخذتني من ايدي للحمام اتخيلوني ابطول النخله وامي قزمه واصله الخصري وتغسل

ابوجهي فدوه اروح لي يديناتها

ام علاء يله يايمه راح اصبلك اريوك بدل ملابسك وتعال

علاء. لبست ملابسي واخذت لستكان مالت الجاي ورشفت منه رشفتين ورجعته يله يايمه محتاجه شي

ام علاء. لا يايمه محتاجه سلامتك يمه

علاءرحت ع الفرن وانه متئخر ساعه كامله وامس اله اشتغلت انه بس والله اذا يرزلني ابطل

امشي واحاجي روحي

فرقد. اللهم صلي على محمد وال محمد جان ضليت للسبعه خاف بيك بعد نومه حجيت وانه اضحك بصيغة شقه

علاء كله من ورا عمك الكسر ضهري هو وذاناته

فرقد هههه يله يله خطيه اشرف ابحده وانه ما اكدر اعوف الفرن واروح اساعده

علاء لبست المريله ورحت الاشرف وجان غاط بالطحين اجيت اريد اشيل ويا الطحين واخلي بالمعجانه الكهربائيه

اشرف لا ياشيخ والله اخاف مابيك

علاء. ياريت والله تسوي شغلي اليوم واخذلي نص ساعه نومه

اشرف اكول اشتغل اشتغل وجريته من كفشته

علاء. خرب دين الكفار ايدك كلها طحين وشعري كله دهن

اشرف وعساس هسه منو مكلبتك انته لو تصير من فوك ليجوه كلك طحين عادي

علاء مجرد ما كمل احجاياته طكيتلي صفنه واجت ابالي لبنيه الشفتها وابتسمت ابحدي وفزيت

على شكل اشرف وهو خال وجها ابوجهي وما اكلكم شكله مايوصف كالب الخلقه هيج بالضبط 👹

اشرف. لا والله وتبتسم لازم عندك شي

علاء. خرب بهلوجه جنت احلم احلام ورديه شفت وجهك وصارت رماديه اعدل خلقتك من عساها ضلت هيج وماانعدلت

اشرف لاصدك عليوي شعندك اشو سرحان وتبتسم

علاء ولك والله ماكو شي بس امس شفت ابنيه ابيت ابو جنان اطك بالكاع وتباوع علي شرد

عقلي وياها شوي

اشرف اكول لاتحلم انوب منو بنات القاضي

علاء. من كبر طمك هسه انه شكتلك كتلك ابنيه حلوه واباوعتلي قابل كتلك راح اتزوجها

اشرف هههههههه لا ولك بس كلتها حتا لاتفكر بهذا الشي

فرقد. اشوف صوتكم طالع البرا و ولاعجينه يمي شنو الفلم والتفتت على علاء وانته يمته وصلت

ويمته وصل الطحين الشعرك دروح روح غسل

علاء. هههههه ضحكت ورحت اغسل جوه المغسله وخليت الخاولي على راسي انشف شعري

وسمعت فرقد يصيح علي

فرقد علاء تعال استعجلي اشويه

علاء اجيت وانه خال الخاولي على راسي

فرقد. حطلي صمون بالفين البيت عمي بسرعه

علاء التفتت على الجهه الثانيه وشفت لبنيه نفسهه خرب دين الكفار هاي هيه

فرقد منو هي

علاء حكيت ايدي اقصد البكه الكرصتني امس وخرت الخاولي عن شعري وعدلت شعري بحركه

سريعه والتفتت عليها مره ثانيه وهي بسرعه دارت عيونها جنت اخلي الصمون بلعلاكه وكلساع

ارفع عيوني اباوع عليها وهي تدير نضرها بسرعه او تدنك اف ولجن كافي ياعيوني استحن

شوي احجي وي عيوني بس لاحياة لمن تنا انطيتها العلاكه وعيوني تباوع ابوجهه وتدقق حيل

انطتني الالفين وانه اباوع على ايدها اف مو ايد جكليته والمحبس يلمع جنه لؤلؤه على ايدها

اف والاضافر اول مره اشوف اضافر ابياض الثلج استحيت اقرب ايدي يم ايدها تطلع جلحه

ملحه يم ايدها لزمت الالفين وصرخ علي فرقد

فرقد. علاااء هاي اشجاي اتسوي عود صدگ تاخذ منها افلوس ولك هذول اهل المره

علاء التفتت عليه. خرب رسك وانه اشدراني يجوز انته تاخذ من اهل مرتك فلوس هسه هاي

الصرخه كلها على الالفين طيحت كلبي بالكاع رجعت التفتت عليها وهي مبتسمه ذيج الابتسامه

الطيرت عقليي من راسي عمي هاج اخذيهن لايسويهن علي مليونين مو الفين هي دارت بعيونها

على فرقد

جنه شسالفه فرقد هذا حقك والله ترا ما اخذ الصمون

فرقد لاجنه صدك جذب تردين المره تفضحني وتخزيني

جنه. عود ما اكللهه

فرقد لا لا اخذيهن وروحي هو ابوج كاضيها كله بلوشي ياخذ ويروح ماجنه قاضي ههههه

جنه خليت ايدي على حلكي وضحكت يكطع سوالفك فرقد يله مشكور ودرت وجهي ورحت

علاء وانه امفهي ويكطع ابليسج وابو ابليسج واقارب ابليسج على هاي الطله الحلو

اشرف. ياهووو علائووو وين امفهي

علاء. ماحاجيته ورحت يم فرقد

علاء. اكول فرقد. يعني لبنيه متعوده تجي اهنا يعني تاخذ صمون وهيج

فرقد. وانته ليش تسئل

علاء. لا بس اكول يعني تريد تدفع فلوس وانته ماترضه اكيد لو من قبل تجي جان عرفت ان انته ماتاخذ فلوس منعدهم

فرقد. اي والله هاي اول مره تجي وهم ما ادري شعجب كل مره ابوها بس ما ادري يجوز عدهم

ضرف

علاء. ها. وضليت طول اليوم بين صفنه اتجيبني وبين صفنه توديني وما افتكيت من نغزات

اشرف الي ينغزني اياها بعد ما عرف ان هاي نفسها البنيه الجنت دايخ بيها

يتبع،،،،

بماذا تفكر ياقدري وهل ستضع تلك الجميله المدلله في طريقي