رواية عشگ ابن السواتر الفصل الرابع 4 - بقلم زينب العبيدي(زينبيه)

اتفاعلوووووو❤️

#عشگ_ابن_السواتر

بقلمي #مولاتي_يازينب

البارت #٤

علاء. والله حجيك مقنع وعين العقل لازم احجي وياها واتصور باجر اروح احجي وياها

اشرف لاعيني لا باجر خطوبت اخيك وانته اول الحاضرين لازم

علاء لا عود صدك باجر باجر على الخير والبركه موفق انشاء الله اكيد انه اول الحاضرين

اله اشلونها المره الي راح تاخذها شفتها لاء

اشرف اي ياعلاء شفتها الحمد الله ابنيه سبحان الخالقها ابنيه ماناقصه كلشي بالعكس زايد

عدها كلشي وكل المنطقه تحلف ابشرفها ويمدحون اخلاقها بعد شريد

علاء. ونعم المره تستاهل اشرف والله تستاهل هيج مره

اشرف يوم الالك علاوي وتاخذ جنه او الاحسن من جنه هاي بقت يم الله بعد

علاء. فدوه الحلكك اريد جنه ماري الاحسن منها

فرقد. انه اموت واعرف يوميه توكفون هاي الوكفه وكل عشر دقايق اشوف اشرف يصير وجهه

جنه قرد ويكلب خلقته هيج 👈🏻👹ويصحيك من صفنتك وتبقون على هاي الحاله تبسبسون عشر

دقايق ولكم اشتحجون وليش هذا الشي متكرر دائماً

اشرف دخيل ربك انته شكد حشري وانته شكو كلت ابكلبي لو تدري جاي نحجي على اخت

مرتك جا شويتنه بالفرن

علاء اكول فرقد باجر انته معزوم على خطوبت اشرف

اشرف وانته كيفك تعزم خطوبتي لو خطوبتك اول مره اشوف نزيل ويدبج ( مثل شعبي)

فرقد يجوز شاف ماعندك دم وماتعزمني صار احسن منك وعزمني

اشرف. لا عاد ابو امير انته بدونك مايحله شي

فرقد. مشكور ياخوي الله يتمم عليكم انشاء الله وردت اروح ورجعت التفتت عليهم اكلك ماطول

مايحله بدوني شي كلولي على شنو يوميه اتبسبسون

علاء. هذا اشرف بايخ واسوالفه بايخه لاتهتمله ماكو شي مهم بس هو من بياخته الزايد يوميه يبسبس

اشرف. فتحت عيوني ع كبرهن ردت احجي بس شفت علاء يعضلي شفته ويغامز ابمعنى

اسكت الخاطري سكتت امري لله لايتفشل هلنخله 🌴

علاء ومر اليوم وصار يوم ثاني جنت اتجهز علمود خطوبت اخوي وعضيدي وصديقي اشرف

طبعاً امي تعرف امه وصويحبات من زمان لان بيت اشرف جانو كاعدين يمنه وبعدين شالو

ضلت علاقتهم امي وامه متواصله وراحت امي ومرت اخوي لبست انه وكملت ورحت الاشرف

وجان طالع صدك عريس والقاط عليه يجنن يابعد روحي ياخوي الله يتم عليك ورحنه البيت لبنيه

جان اشرف كلش فرحان وانه فرحانله وعقدله السيد

علاء الف مبروك يالغالي منك المال ومنها لعيال

اشرف يوم الالك حبيب كلبي خل نزوج اول وبعدين يجون لعيال مو بالخطوبه يعني هاي

ماتنكال هسه تنكال بالعرس

علاء. كبر طمك هسه اله تفشلني

اشرف ونيههههها

فرقد. خاب عمه شهلضحكه هاي الولد خطب واستخف فشلتنه اخو العروسه يباوع عليك

اشرف. وانته شمدريك انته هذا اخو العروسه

فرقد لا بس يشبهه ههههه

اشرف خاب دسكت لا اطكك بوكس على عينك واطفيها انته وين شايفها

فرقد لا عمي حشه لبنيه مستوره الله يحفضها الاهلها ويهنيك بيها لاشايفه ولا اعرفها

علاء. اكول فرقد صدك ابو جنان شنو طبيعته انه ما اشوفه رجال متكبر واحسه متواضع هواي

يعني شلون اوصفلك

اشرف. قصده يكول يعني هو قاضي وانسان ذا منصب بس متواضع والي مثله شايلين
خشمهم

فرقد اي عمي كلش انسان متواضع عادي مستعد يكعد وي الفقير على ابساط وبالكاع

وماعنده اسوالف الغرور وأيه قرأنيه دائماً يكولها وحتا انه حفضتها من عنده يكول (( بسم الله

الرحمٰن الرحيم ان اكرمكم عند الله اتقاكم )) هاي دائماً يرددها ويكول محد احسن من احد

اله بتقوى

علاء احس حجيه طمني هواي بس مو كلش يعني مو معناها ينطي الواحد مثلي لا ورا ولا

كدامه بس ريحني كلامه

كملت الخطبه وانه ضليت يم اشرف لحد الساعه ب ١٠:٠٠ باليل اتعشينه سوه وبعدها رجعت

البيتنه وعزمت باجر اروح واحجي وي جنه وفعلاً ابيوم ثاني كعدت الصبح خليت حسن يروح

ابمكاني غاب من المدرسه علمودي وانه بدلت ملابسي وساعه اعدل بشعري على لمرايه ياترى

راح اعجبها راح توافق علي صعدت بسيارتي ورحت وكفت يم بابهم وانتضرت لساعه ب ٨:٠٠

طلعت على صوت هورن السايق مالتها

جنه. شفت علاء. ابتسمت اكيد هسه راح يكول صدفه صعدت بالسياره وردت اشوفه اذا يلحكنه

او لاء

علاء طبعاً انه لا أشرت اله ولاحجيت ويها ولاشي كلت خل اتبعها اوين ماتوصل وراها وهم

راحو على لبنيه الثالثه الي وياهم بالسياره اباوع عليه من الجامه وهي تباوع علي رفعتلي

حاجبها ابمعنى ها شتسوي هنا

علاء. انه ضحكت ابتسمت ابوجهه بس اجت لبنيه وراحو وانه وراهم وصلو لجامعه نزلن

اثلاثتهن فتحت باب السياره ونزلت جنت متردد اصيح عليها وبصفتي منو اصيح عليهاا واخاف

اتفشلني كدام صديقاتها وضليت ما بين الحيره وحيره اشوي وشفت اجه يمهن ولد شاب امرتب

وانيق كلش هنه سلمن عليه ويضحكن ويا كلبي انترس غيض وعكدت حواجبي اتمنيت امشي

بخطوات سريعه والزمه من ياقته وارفعه بالهوه واسطره بالكاع وارجع افر وجه جنه ابراشدي

اسد حلكهه

جنه. باوعت على علاء اشو هذا وشكله كلش ضايج شيريد ياتره وليش لاحكني اخاف

مالاحكني انه اخاف صفا لو سجى صديقاتي معجب ابوحده بيهن لا ياربي بعيد الشر ههه

بس اني شكو ليش بعيد الشر خل اروح اشوفه احسن كلت السجى والصفا من رخصتجن

اجيت اتقربت عليه

علاء جنت بعدني ضايج من عدها ومن خفتها

جنه. هممم يا ترا هم اداوم اهنا وصدفه وشفتك مثل هذيج المره

علاء. اتنفست نفس عميق وفكيت عكدت حواجبي كلتلها لا انه جاي علمودج انتي

جنه. دنكت وجهي حسيت حراره صعدت الراسي ورجعت وفعت عيوني بعيونه جان كلش طويل

بنسبه الي عني لازم ارفع راسي كتله جاي علمودي اني

علاء. اتنفست مره ثانيه نفس عميق كلتلها اي عندي حجي وياج ما ادري اذا عندج وكت

اتسمعيني او لاء

جنه اكيد راح اسمعك بعد وكت ع المحاضره

علاء. جنه انه ما اعرف شلون ابدي

جنه ابتسمت لا وتعرف اسمي بعد

علاء. اي عرفته من فرقد وابوج لمن حجو وياج

جنه اي اسمعكً احجي

علاء. جنه انه اعتقد لا مو اعتقد متئكد انو عندي شعور اتجاهج شوفي جنه انه ما اعرف الف

وادور راح اذبها كلها وحده وانتي استلميها انه احبج واضن هلشعور من اول ماشفتج بغرفتج

جنه. صار بيه شعور لا يوصف صدمه على خجل على رجفه على ارتباك على خوف وفرحت

اجتمعن كلهن بيه وخربطني امتمت بالحجي بس ااا ها من رخصتك علاء المحاضره راح تبدي

علاء اوكفي جنه عفيه شي واحد اريده منه اريد احجي وياج اكثر يعني مو هواي بس نص

ساع اريد اعرف منج شغله وانتي بكيفج

جنه بس بس المحاضره

علاء جنه والله انه مو من هذول الي يلعبون ولا هذول ايوم ويومين ويملون لاء انه جاد وياج

وعندي احجايتين واريد اكولهن الج هاج هذا رقمي يمته مايصير عندج وكت بس رمشي علي

او حاجيني واتساب والله العضيم احجيلج هلكلمتين وبعدها انتي حره وحتا رقمج امسحا اذا

تحبين

جنه مديت ايدي ع الرقم وهي ترجف اخذت الرقم بحركه سريعه وخليته بجنطتي حجيت واني

شفايفي ترجف اي اي يصير خير درت وجهي ورحت ياربي هذا اشسوه بيه لخبط مشاعري

طبعاً ولا محاضره حضرت ضليت اضرب اخماس باسداس شنو وليش ومعقوله حاولت اوازن

مشاعري وخليت كلشي ابكفه رجحت عندي كفت الفرح اكثر من غيرها معقوله اني فرحانه من

احجايته اي يمكن وجايز اصلاً اني دائاً افرح من اشوفه لازم احجي ويا واعرف شيريد

علاء. رجعت ورحت للفرن كبل جني امسوي انجاز حسيت روحي انه نيوتن من اكتشف

الجاذبيه حسيت روحي روميو بالحب حسيت روحي بطل مثل باتمان وانه كل الي سويته كلتلها

احبج بس عندي هلكلمه كلش جبيره وموبسرعه تنكال ومو الاي وحده طبعاً كلت الاشرف عن

كلشي هو شجعني ضليت كاض التلفون من رجعت لحد الساعه ب ١٢:٠٠ بالليل اتانيهه

تتصل زهكت روحي كلت بعد مامنها مجال يجوز ماتتصل يجوز ضحكت علي وعلى مشاعري

شنو انه واحب وحده مثلها أيست واستسلمت للنوم بعد ماغيرت ملابسي جنت استوني غاط

بنومتي وسمعت تلفون ڤن ماڤن هزاز يم راسي شلت راسي ابسرعه وانه فاتح اعيوني بكبرهن

على شاشة النقال اي هذا رقم غريب رفضته ورجعت اتصلت عليها

علاء الو.

جنه بصوت بالكوه ينسمع من الخجل والخوف الو

علاء. هلا جنه كلت ابنفسي هلا بهلصوت هلا بهلطله

جنه ها علاء شنو ردت اتكول

علاء. جنه انه حبيتج حب شريف الله شاهد رفع راسه

حسين اخوي ياهو هذا شريف جا مو اسمه اشرف

طبعاً حسن وحسين اينامون وياي بنفس الغرف كلتلها لحضه خليت التلفون جوه

المخده وكمت طلعته جلاليق روح نام يم امك لا بارك الله بيك ورجعت يم حسن كتله حسن نايم لو كاعد

حسن لا نايم تعبان من الشغل ونايم

علاء كومته من فانيلته روح نام يم اخوك طلعتهم وسديت الباب ورجعت للتلفون الو عذريني

جنه لا عادي ع راحتك

علاء جنه شوفي انه حبيتج وماشجعني ان اعترفلج اله نفاذ صبري وكل يوم يمر وانه افكر بيج

ماكدرت اشيل لاصورتج ولا ابتسامتج من راسي شوفي الله يشهد على كل كلمه احجيه حتا

من التحقت اهناك اول شي من اصحى اتذكر صوتج واخر شي من اغمض عيني عليه هي

صورتج ما اعرف اشلون صار هذا الحب ابسرعه وفجئه بس هيج حسيت

جنه علاء. ما اعرف شحجي بس انته من مساع الصبح لمن كتلي انته تحبني لحد هسه اني

فكري وبالي مشوش ما جاي اعرف حتا احجي ما ادري ما ادري شلي صار

علاء. انه اكلج هسه اشلون تحصلين على جواب السؤالي استرخي وغمضي عيونج واتنفسي بعمق

جنه اي وبعد

علاء جاي اطبقين

جنه اي.

علاء رخي اعصابج ودوري عن الشعور بكلبج اشراح تلكين عليج بداعت ابوج اشراح تلكين بس

كليلي انه راح اسكت واسمعج عسما اتضلين ساعه ادورين هم ميخالف

جنه بالفعل غمضت عيوني واخذت نفس عميق اتخيلت نفسي ابحدي ونسيت علاء وياي على

التلفون اجه ابالي اول ماشفته بالغرفه وشلون نزل اعيونه بعيوني وشلون اني جنت عصبيه

وبعدها من شفته ارتخت اعصابي وتذكرت لمن هو يغسل واني اباوع على طوله من الدرج

وتذكرت لمن شفتها بالديوانيه اشلون لا ارادياً دخلت راسي من الباب وباوعتله وشلون ابتسملي

واني ابتسمت وتذكرت لمن لحكنه بالسياره اشلون فرحت من شفته لان جان قبل فتره غايب

ومختفي وشلون اليوم لمن كلي احبج اشلون اتلخبطتت استنتجت من كل هذا ان اني الي جنت

اركض ورا شوفته وتريحني نضرات عيونه وابتسامته

علاء. جنت ساكت اسمع بس انفاسها يكفيني هذا الشي وبهل اثناء لقد تم انهاء المكالمه

الرجاء قم بتعبئت الرصيد طوط طوط علاء لا يالحض حتا اهنا تبعتني شويه واجتني رساله ع

الواتساب مكتوب بيها (( دورت ولكيتني اني هم انجذبلك ماعرف شنو الشعور لبداخلي يمكن

حب ويمكن اعجاب بس كل الي احس بي افرح من اشوفك ))

علاء. قريت الرساله خمس مرات وي كل مره ينفتح حلكي اكثر واكثر وبالخامسه وصلت

الابتسامه من الذان للذان اتصلت عليها من الواتساب ماردت كتبتلها رساله (( ردي فدوه عندي

حجي وياج )) شفتها قرتها صارن الخطين زرك

علاء. اتصلت مره ثانيه هلمره فتحت خط كلتلها جنه ما اوصفلج فرحتي والله موفرحان لاء طاير مستوي فرح

جنه هههه ضحكت بخجل

علاء. بس قبل كلشي جنه انه رجال فقير ماعندي املاك وهاي السوالف سيارتي هاي الي

شفتيها وبس وانه اداوم بالحشد واشتغل عند فرقد بالفرن المعيل الوحيد الاهلي امي مره جبيره

وابوي رجال مريض عندي خواتي ثنين واخواني ثنين ومرت اخوي المتوفي عدها جهال ثنين

بيتنه بسيط كلش يعني ربع بيتكم حبيت اكون وياج صريح وهاي ضلت يمج كلش عادي اذا ما

موافقه اهم شي راحتج

جنه لا علاء الحب ماينقاس بهاي المقايس والفقر مو عيب بالعكس انته رفعت راس الي مثلك

انقرضو وماضل منهم بس اشكم واحد انته بركبتك عائله كامله ومعيشهم هاي شهامه منك

بالاضافه الى انك جندي وادافع عن الوطن احله شي هاي هاي غيرتكم هاي معناها انته من

الشباب الغيورين

علاء ااف هذا كله انه اشكرج واهلج شنو موقفهم

جنه ابوي انسان كلش ماتهمه هاي السوالف ولمن زوج جنان من فرقد جان يعرف ان فرقد

كلشي ماعنده خله الورا والكدامه وابوي دخل ويا شريك بالفرن واشترو ولمن اشتغل فرقد

واستعدلت احواله عرض عليه بابا ان يشتري حصته من الفرن وبالفعل فرقد اشترا حصت باب

من الفرن ابتص قيمتها هذا بابا طول عمره ماتعنيله لفلوس اني ما انكر امي اتحب المضاهر

وماقبلت على فرقد بهذاك الوكت بس الشور الاول والاخير بيد بابا

علاء. الحمد الله كلش ريحتيني جنت خايف لا اخسرج بسبب هاي الفروقات الماديه

جنه يله علاء من رخصتك لازم انام باجر وراي محاضرات اضافيه من وكت طبعاً جذب اني

ماعندي شي بس ما اكدر اطول ويا اكثر احس جسمي كله يرجف ما اتحمل نبرة صوته والبحه

الي تتغلغل داخل كلبي

علاء. يالله على راحتج نوم العوافي بس جنه يعني يصير نتخابر كليوميه حتلو مو كليوميه يعني

بين فتره وفتره حتا اتعرف عليج وتتعرفين علي

جنه. شوف علاء اني كلش ارتاحيتلك واحسك مو من هذول شباب هلوكت الي يدور هاي

السوالف الكتاب امبين من عنوانه وانته شكلك بكول هيج ماعندي مانع احنه نتخابر كليوميه

بالعكس هلشي راح يساعدني اعرفك امثر وتعرفني اكثر وهسه يله باي

علاء باي سديت التلفون ومعت ع الجربايه شبكت لمخده واكلها احبج ولو هي لمخده ماتنشدك

جنها ابلوكه

مرت ايام وانه كليوميه اخابر الجنه احس روحي بسرعه بسرعه تعلقت بيها حجيها كلش حلو

ومايعدي يوم اذا ما احلم بيها يعني صدك حبيتها بجنون وبفتره قصيره كلش انه بذات نفسي

جنت مستغرب من هذا الشي بس الضاهر هذا كلبي ولكة ضالته

اشرف. جنت خايف كلش على علاء ادري بي حب الشخص الغلط والمجتمع الغلط جنت اخاف

من اشوفه فرحان واحساس ابداخلي يكلي ما راح يرتاح لان مو جنه لبنيه المناسبه الشخص

مثل علاء بس شسويله وهو هم شيسوي اصلاً كله بيد كلبه اما انه فخطبتلي بنيه دره مال الله

صدك ماشايفها اهواي لان اخوانها متشددين ومايرضون ولا قبلو حتا اجيبلها نقال بس لبنيه

كله اتسولف با اخلاقه وامي اهواي تمدحها

جنه. من يوم الكلي علاء ان هو يحبني احس حياتي اختلفت صار بيها فد شي جديد فدشي

حلو اسمه علاء جنت احب اسوالفه وحجيه واحب صوته واعشق طوله جان انسان عفوي بكل

معنى الكلمه وشخصيه مرحه وجديه بنفس الوكت

علاء خلصت الاجازه وصار يوم التحق اتصلت على جنه جانت الساعه ٤:٠٠ الفجر ادري بيها

نايمه بس خل تولي اريد اودعها دكيت مره ومرتين ماكو جواب كمت توضيت وجاي اصلي

وسمعت نقالي طبعاً مادري شنو كلت بصلاتي المهم خلصتها مثل ما طبيت بيها ورجعت اتصلت عليها

علاء الو

جنه بصوت كله نوم ونعس الو

علاء ها نايمه

جنه اي

علاء عذريني حبيبتي كعدتج بس حبيت اسلم عليج قبل لا اروح

جنه اتروح وين تروح حجيت واني مستغربه

علاء اليوم التحق وهسه اكمل واطلع يعني ب ٥:٠٠ تقريباً

جنه علاوي والله خايفه عليك خايفه لاتروح وبعد ماترجع

علاء الله الله منو كدي وجنه تخاف علي جا يوميه راح اروح جتا اجازه ماراح اخذ حتا يوميه

تخافين علي

جنه لا جد علاء والله شلون راح اتحمل تروح هلكد لا ورايح للموت برجليك والله ماراح ارتاح ولا يهدالي بال

علاء اكول يالكيك ادعيلي ارجع بالسلامه والج مني يوميه اتصل عليج واطمنج علي

جنه زين تعال بس خل اشوفك حتلو من بعيد

علاء جا وابوج الي يكعدلي من الغبشه

جنه وانته وين تدري ابوي يكعد من الغبشه على كولتك هههه

علاء ولج هذيج المره اجيت يم بابكم واتمنيت اشوفج انوب طلعلي ابوج هو وذاناته وكمت اعلس

بالحجي

جنه هههههه لا ما اسمحلك تكول على بابا هيج

علاء. ف يت البابا انه وبنت الباب شوي ودخلت علي امي كمت اصيح بصوت عالي ها جبار

اي جايك جايك خمس دقايق وانه يم بيتكم تانيني خوش

جنه اني متت من الضحك عاد ما لكيت اله جبار

علاء ايلوكلك ايلوكلك جبتر

جنه بسيطه علوش اني اعلمك يله انتضرك باي

ام علاء ها يمه تعال اتريك وليدي هاي جنطتك يايمه

علاء بستها ع راسها ومسحت ادموعها خمس دقايق ابدل واجيج بالفعل لبستج ىتريكت واخذت

جنطتي وخابرت على اشرف كتله لاتجيني انه اجيك ورحت يم بيت ابو جنان وكفت بعيد شوي

حتل لاتصورني الكامره واتصلت ع جنه كلتلها انه ابابكم طفي الكامرات لاتصورني

جنه اي ثواني نزلت بسرعه طفيت الكامرات لكيت بابا بالصاله يتريك هو كليوميه يسوي الروحه

اريوك يتريك وبعدها يسقي الحديقه

ابو جنان ها بابا جنه وين رايحه

جنه ها باب لا ما رايحه بس احس روحي مختنكه وماجايلي نوم كلت افتر بالحديقه شوي

ابو جنان تعالي بابا اتريكي وياي بعدين نطلع انه وياج نسقي الحديقه

جنه. لا بابا بالعافيه اني ما اشتهي اني طالعه قبلك انته خلص والحكني طلعت اركض حتا

لايسئلني بابا بعد سؤال فتحت الباب لكيت علاء اكبالي فديت طوله اني

علاء. مجرد ما اشوف هاي لبنيه ترتاح نفسيتي بس الي استغربت منه هي طالعالي بدون

حجاب وبتراك النوم مالتها ضجت من تصرفها شنو هلثقه الزايده عدها ما اربدها اتثق ابأي

واحد حتا بيه خذتني الغيره عليها حتا من نفسي

جنه شبيك علاء شكلك ضجت

علاء. جنه شوفي صحيح احنه ماصارلنه هواي وي بعض وماتعرفيني عدل بس انه من شفتج

وحبيتج هذا هو كتبتج ابأسمي ما اريد احد يشاركني بيج ولا تا بنضره وما اريدج تثقين بحد

واريدج تصونين نفسج حتا من عندي انه هسه انه بصفتي منو وطلعيلي بدون حجاب انتي

بعدج مو حلالي

جنه خليت ايدي على راسي اتلمس الحجاب ماكو وبعدين خليت ايدي على حلكي وصرت ورا

الباب كتله والله ناسيه روحي والله مامتعمده اطلع هيج اشلون اطلع هيج يبووو الخجل موتني

واحس روحي صخنت متت من فشلتي

علاء يله يمعوده روحي لبسيلج شي خل اشوفج قبل لا اروح

جنه علاء ترا بابا راح يطلع برا

علاء. مالت على حضي اي والله

جنه. علاء. روح دور من باب الخلفي واني شوي واجيل

علاء اوكفي اوكفي ياباب هذا

جنه دور من الشارع الثاني عدنه باب خلفي

علاء يله رايح مو تتئخرين علي ترا اتئخر

جنه ركضت رحت خليت روب طويل وخليت الشال ع راسي ونزلت رحت للباب الخلفي بدون

ميحس علي بابا ادري بي ملتهي يسقي الزرع ههه فتحت الباب وشفت علاء يمشي من بعيد

يسحرني ابطوله وبالاخص هسه وهو لابس البدله العسكريه وخال الجنطه على جتفه وصل يمي

وهو مبتسم

علاء. اي هسه تعجبتي ابنيه هيج اتحافض على روحها بعد عندي طلب ولو مصختها وياج

بس الخاطري سوي

جنه انته تؤمر مو تطلب

علاء. اريدج من تروحين لاجامعه تلبسين عبايه

جنه فتحت اعيوني على كبرهن عبايه

علاء اي عبايه سوده تنحط على الراس وتستر لبنيه

جنه. بس يا علاء اني ما اعرفلها والله وحتا ما اعرف شلون امشي بيها يعني تصور من اروح

للزياره اضل كلساع ادوس على طرفها

علاء مو مشكله جيبلج عبايه قصيره وي طولج

جنه بس علاء فدوه متلك ما اعرف امشي بيها

علاء جنه لازم تتعودين ترا انه احب هيج ابنيه صاينه روحه اني خواتي ومرت اخوي كلهن

ايلبسن عبايه وكل اقاربنه يلبسن عبايه

جنه زين اوعدك من نزوج البس عبايه بس مو هسه

علاء اشكد حلوه لحجايه مال نزوج كون تصير صدك بس هم اسئلج ليش

جنه. كتلك ما متعوده عليها على ما اتعود عليها البسها من نتزوج

علاء. هذا مو حجي منطقي شوفي هذا اعتبريه امره تلبسين عبايه اسلاميه وبين فتره وفتره

تلبسين عبايه مال راس يعني مره طلعي بالاسلاميه ومره بعباي الراس لحد ماتتعودين ونترك

العبايه الاسلاميه ونلبس عباية راس بس

جنه اوك ولو هذا الشي صعب بس احاول

علاء. والج مني اول عباية انه اشتريها الج

جنه اوكي شكراً ☺️

علاء. يله اتئخرت ديري بالك ع نفسج ومثل ما وصيتج ما اطلعين هيج واندعيلي ارجع بسلامه

بس حتا اشوفج درت وجهي ردت اروح

جنه لزمته من ايده ودرته علي

علاء اقشعر جلدي من لزمت ايدها باوعت بعيونها واشوفهن كلهن ادموع

جنه عصرت ايده حيل علاء اني خايفه عليك دير بالك على نفسك الخاطري

علاء. شلت اصابعها بيدي الثانيه وافتحهن واحد واحد انه مو كتلج لاتثقين بحد ليش لزمتيني

انه ما اقبل ايدج اتبامس ايدي اله بالحلال

جنه. متت من فشلتي كتله اعذرني بس ماحسيت على نفسي

علاء انه عاذرج حبيبتي انتي بس انه مايهون عليه الزمج لزمت حرا وله انه اكدر كلشي اسوي

جنه علاء انته مثالي ماكو منك ياولد هيج يحجي ولد شاب وي بنيه ابحدهم وكل بشر مايمهم

وبينهم علاقات واتصالات هيج يحجي وهيج يسوي انته كبرت ابعيني لا مو كبرت انته ترست

عيني روح الاه يرجعك الي بالسلامه

علاء. ابتسمت ابوجها راح اشتاقلج ماتكليلي اشلون ما اشوف هلكمر اكبالي جنه يجوز من

ارجع افاتح ابوج ابموضوعنه بعد ما اتحمل اشوفج بعيده عني ولو انه لا وراي ولا كدامي بس

اهم شي اخطبج

جنه ماسيطرت على فرحتي وضحكت وحجيت بصوت بي ضحكه صدك علاء

علاء اشكد جنت فرحان بس من شفتها فرحانه احس روحي امغطت اشوي واوصل العمود

الكهرباء ولج اي صدك راح اتموتيني لاتفرحين اكبالي ولاتضحكين اكبالي ولاتباوعين بعيوني

لاتكضيني ولاتوكفين اكبالي انه ما اقاومج يبنيه واذا راح اضل هسه يمج معناها انه والتسعع

الصبح واشرف حرك التلفون علي وانه مسوي صامت

جنه ههههههه يله يله روح امودع بيد الله الله يحفضك ركضت دخلت للبيت ابسرعه جبت طاست

مي وجان هو يمشي بعيد ذبيت المي والطاسه ورا حتا يصير صوت ويلتفت طبعاً الطاسه

صارت طشار

علاء جان الشارع هدوء وسمعت طاخ حسبالي هجمو علي الدواعش التفتت شفت هاي الملعونه

واكفه وتضحك سويت اله باي وهي شمرتلي بوسه بالهوا ياخي هاي اشتحجي ويها هاي

ماتجوز انه شنو كلتلها عضيت اصبعي ابمعنى تهديد

جنه ضحكت ودخلت جوه هو يكتل ويكلي لاتسوين هيج مو بيدي ياخي انته جذاب

يتبع،،،،،،،