رواية عشگ ابن السواتر الفصل الثالث 3 - بقلم زينب العبيدي(زينبيه)

بنات بعد ما راح انطيكم موعد منا لحد ما اشوف تفاعلكم

#عشگ_ابن_السواتر

بقلمي #مولاتي_يازينب

البارت #٣

وبيوم ثاني والساعه ٤:٠٠ الفجر جنت اصلي وامي اتحضر جنطتي اليوم التحق خلصت

طويت  المصلايه وكمت لبست البدله  العسكريه وجنت اشد البسطال تكرمون مالتي اجتلي امي

وكا العاده دمعتها ابعينها وتباوع بعيوني خلت ابركبتي كلاده عاديه بيها قرآن صغير بجلده

سوده

ام علاء يمه دير بالك على روحك عين الله تحرصك يالولد وينصرك.على عدوانك

علاء امين يايمه بس لاتبجين فدوه اروحلج انه

ام علاء وزدت بالبجي يمه خايفه عليك يمه خايفه تروح وبعد ماتشوفك اعيوني خايفه بعد ما اشوف هذا الطول

علاء. امين يارب هيج وتصير واستشهد اشفايتلي يايمه

ام علاء يمه انته اشفايتلك صدك عريس ويزفونك للجنه بس احنه اخلافك بالضيم ياعامود بيتي

علاء. بستها على راسها الكم الله يايمه يله يالحنينه هاج هاي لفلوس خليهن يمج ولاتنسين

تخلين حسن يروح للفرن ورا المدرسه وديربالج ع ابوي وطلعت وامي ذبت وراي طاست الماي خابرت على اشرف

علاء ها يله اشرف وينك

اشرف. انتضرني على راس الشارع انه رايح على سيف وجايين عليك

علاء. يعني تتئخر

اشرف شغلة ١٠ دقايق

علاء خوش سديت التلفون واخذني رجليه بخطواتي يم بيت القاضي  وكفت يم الباب وانه اباوع

هسه انه اشجابني اهنا ضليت واكف مدة دقيقه لاحضت اكو كامره بالباب طكيت كصتي

وشردت بس انه ليش شردت هسه شيكولون من يشوفوني خل ارجع اسوي روحي اسئل على

بيت فرقد دكيت الباب وبسرعه انفتح دخيلك ياربي طلعلي ابو ذانات اقصد ابو جنان هو

وكلبيته لمخططه

ابو جنان. ها علاوي بويه

علاء اسف على الازعاج عمي والله جنت متردد ادك الباب بس شسوي مثل ماتدري بيه اليوم

التحق وردت اروح البيت فرقد ما اندل حتى اوصي على اخوي ويطول باله ويا كلت ابنفسي

خرب رسك عليوي اشلون سفطت هذا الجذب اثاريني مو هين

ابو جنان لا عادي بويه اصلاً انه اكعد يوميه هيج وكت اسقي الحديقه وما اخلص منها اله ساعه

كامله خبرك انه احب الزرع وهاي السوالف بس تعال انته شنو بالحشد

علاء. اي والله ياعمي

ابو جنان بسته من راسه الله ينصركم ياوليدي ويحفضكم ويردك البيتك واهلك سالم

علاء. مشكور ياعمي امين الله يخلصنه من هلشراذمه الي عاثت بالارض فساد واباحت دم الابرياء

ابوجنان اي والله الله ينتقم منهم شرا انتقام

علاء بهل اثناء دك تلفوني

اشرف. لك وينك انه واكف على راس الشارع مو كتلي انته اهنا

علاء. ها انه انه يم بيت القاضي

اشرف. بل بل بل شوداك اهناك خاب مو كتلك لاتباوع ليفوك تنكسر ركبتك

علاء وانه اغير الموضوع حتى لايفتهم ابو جنان ها اي على خير على خير انه جايكم بس امر ابفرقد شوي

اشرف فرقد اشعندك وي فرقد

علاء اي اي اكله مثل ما وصيتني لاتشيل هم احجي هيج حتا ابو جنان مايحس بشي

اشرف. اهاا مثل ماكتلك ولك انته فد واحد لوتي ملطلط عود هسه شستفاديت شفتها ديله يله

راح نتئخر

علاء. يله الله وياك الله ينتقم منك حجيت بصوت هامس  ودرت وجهي على ابو جنان اي عمي

ماكتلي عمي وين فرقد

ابو جنان فرقد بالشارع الورانه بويه قبل الاخير ابيتين بابهم اسود وابيض

علاء. مشكور ياعمي الله وياك

ابو جنان. وداعت الله بابا علاء ترد بالسلامه بابا

علاء. نسبلت ورجعت الاشرف لان عيب اروح الفرقد وانه ماعندي شي واذا سئله عمه اكل الفرقد

دكيت الباب وماطلعتلي ها شلوني بالحذب استاذ

رحنه وطول الطريق اسوالف وضحك طبعاً احنه اقصد انه واشرف وسيف دائماً نروح ونرجع

سوه انه واشرف اصدقاء من ايام الدراسه بس سيف اتعرفنه عليه اهناك بالحشد هو من

معسكرنه ع العموم احنه انضل قرابة العشرين يوم بالدوام ونرجع عشر ايام عطله وصلنه

وكا العاده تدريب بالنهار وحراسات بالليل ومابين الخوف والقلق والاشتباكات الي تصير يوميه

طبعاً احنه بلانبار انقاتل وجانت كلش خطره المنطقه بس الله الحافض كليوميه شهيد طايح

بس الف عافيه عليه وايدينه بيديهم انشاء الله وننصر وطنه ابدمنه وطول هاي الايام  صورة

جنه ابالي وتراودني مثل الطيف ياخي شبيه هي كله كم مره شفتها ليش هيج صورتها وياي

وعلى طول معقوله حبيتها لاياربي ماريد هذا الشي يصير هي وين وانه وين وعلى كولت اشرف

لاتباوع ليفوك تنكسر ركبتك بس موبيدي هذا عقلي مشغول بيها اتمنه دائاً اعرف عنها اهواي

اشياء مثل عمرها وشتدرس وشتحب ما ادري ليش هاي الرغبه عندي هلشي مستغرب منه انه

شبسرعه استحوشت  على عقلي ابكم نضره منها وابتسامه وحده او ثنين بختصار ابشوفتين

بس استحوذت على عقلي ولا تتعجبون اذا اكول اتمنى ارجع للبصره اليوم قبل باجر بس حتا

اشوفها كاعد مابين افكار تجيبني وافكار توديني ماشوف اله انزرع اكبالي هذاك الوجه اقصد

هذا 👈🏻👹عرفتو طبعا اشرف وكالب خلقته

علاء اكلك انته ناوي تجلطني وي وجهك هذا جنك داعشي اكشر ونوب الدنيه ليل وضلمه

اشرف هههههه ولك وين سرحان كافي مو موتتنه ابجنه مادري جنيه

علاء. ابشرفك هي مال جنيه الله عليك شفتها اشلون حلوه

اشرف هههه اي والله صدك بس كافي تفكير والله يا علاء المصلحتك اخاف اتعب روحك وتتعب

علاء. اشرف ما ادري اشبيه مو بيدي كلساع وصورتها تمر بتفكيري احاول اشغل روحي بس

ماكو فايده

اشرف ياخوفي حبيتها

علاء مادري مادري كمت وامشي وانه اسولف وي اشرف مااريد هل شي يصير مااريد احبها

احنه الفرق بيناتنه شاسع

اشرف كمت امشي يمه اي ياعلاء قاوم لاتخلي هل حب يعذبك

علاء التفتت عليه يله غير النه الموضوع وكلي هسه يمته تخطب انت ونفرح بيك

اشرف ببتسامه بس نرجع انشاء الله يوم الالك

علاء اي بكمل راسي ولك هي مال زواج وانه دينار مابجيبي

اشرف. الله كريم ياخوي انه مستعد اساعدك بس خل اتزوج بالاول عهههه

علاء. شعنده المليونير ماجنهن كم مليون راح يتزوج بيهن

اشرف.  خايب شبيك حتا الي يصبر عليك اتجزعه مو صوجك صوجي انه خل اروح انام احسن

من مكابل وجهك يسد النفس

علاء اوكف اخذني ويك خل انام اكلك بس صدك هاي البطانيه الجاي اتغطه بيها اكصيرونه

ورجلي يبردن الصبح واذا اغطي رجلي وجهي يبرد

اشرف. هههههه البطانيه مالت اوادم مو مالت نخل هسه انه مو جاي اتغطه امكفيتني وموفيتني

علاء. ذب على رجلي شوي من بطانيتك وانه اغطي راسي

اشرف يله امشي امري لله بس مو ترافس لو تمسد ابرجلي حسبالك جنيه مدري جنه

علاء ابربك هنه رجليك رجلين وامسد بيهن كل شعره هاطول وانه أأشر ابصبعي👆🏻انوب انه اول

مره اشوف شعر رجلين مكنكر 

اشرف. لا والله  الله عليك مو شعر رجليك اطول جنه لحية داعشي مكمل

علاء. يله بلا لغي زايد يله وغطي رجلي وصم حلكك

اشرف. تم وصار وحاضر حضرت النخله المحترم وهاي رجليك وغطيناها وهذا حلكي وصميته

علاء كلش احب اشرف احسه اخوي واكثر ما اتحمل يوم اذا ما اشوفه ونكعد سوه واحشش

عليه ويحشش علي واشكيله همومي وهو هم مجرد ما اشوف وجهه اطمئن واذا ضايج من

اشوفه افرح كل مشكله اتصير وياي الكه رجليه امودياتني يم صديق عمري ورفيق دربي

صويحبي واخيي اشرف الله يخلي الي ويحفضه لهله مرن العشرين يوم كا العاده مابين تدريب

ومابين هجماتنه ع العدو وغدر العدو النه ومابين الشباب الي نفقدها بالحرب بس مايطيح من

عدنه واحد اله ومطيح من عدهم ثنين خلصت رجعنه سلامات احنه الثلاثه ولو جنه نتمنه

الشهاده بس هم ميخالف لو خليت قلبت لازم انضل ونحقق النصر النصر اعضم من الشهاده

رجعت ع البيت وكا العاده اتلكوني اهلي وحتا ابوي المريض يوكفلي بالباب واول مايشوفوني

تبدي دموعهم اطيح تاخذني امي ابحضنها وتشمني الحد ماتشبع مني وابوي جان دائماً

يبوس باطن جفي ويكلي هاي الايد ابفضلها احنه عايشين ومئمنين ببيوتنه احب اهلي كلش

واحترمهم كلش رغم فقر حالنه بس جنه كلش انحب بعض وحنان واحد ع الثاني الحمد الله

والشكر على كل حال والله يحفضهم الي دخلت سبحت ونمت نومه مرتاحه شوي كعدت الساعه

ب ٧:٠٠ بعد صلاة المغرب صليت وكملت  وجنت محتار مشتهي اروحن اعبر يم بيت القاضي 

علمود جنه طبعا شلي يخليني هيج اسوي بس حاربت رغبتي الشديده وكلت مستحيل لاتحبها

يا علاء قررت اروحت الفرقد بالفرن ولكيت اشرف اهناك همين اتلكاني فرقد بالحضن

اشكد طيب هذا الولد رغم اني ماعرفه بس يومين كضيتهن ويا الى ان هو صار صديق وسوه

ميانه ابيني وابينه وشال الحواجز مال عامل ورب العمل كعدنه انسولف ونضحك اهواي جان

حسن اخوي يشتغل ابمكاني والعامل ابمكان اشرف واحنه انسولف وي فرقد

فرقد اله صدك علاء هذاك اليوم عمي كلي انته رايح تسئل عن بيتي وردت اتحاجيني اشو ما اجيت

علاء ها اي اي اجيت ودكيت الباب عليك جنت اريد اوصيك على حسن يعني اطول بالك ويا

وهاي السوالف وجان الوقت متئخر ويمكن جنت انته نايم 

فرقد اي نايم يمكن اعذرني ع العموم حسن بطل واحسن منك يشتغل

علاء. اي طبعاً اكيد هذا الشبل اخو هذا الاسد

اشرف لا بالله ياشيخ قصدك هاي الفسيله اخو هذا النخله

علاء شبيك مضغوط الطول هيبه

خلص اليوم واني كوه لازم نفسي ع التفكير بجنه بس هم مرات يخوني عقلي ويجيب صورتها ويخليها
بمخيلتي ردت اتسودن شنو وليش كل هذا التفكير بهذه لبنيه وليش هلكد تعلقت بيها واني

ماشفتها غير مرتين تعبت احس فكري مشغول وكلبي مشلوع ونفسيتي متشتته وكلساع بمزاج.

لحد ماضاك بيه صدري ومليت من المقاومه  صعدت بسيارتي وجانت الساعه ب٧ رحت وكفت يم

بابهم طبعا انه متصل ع فرقد وكتله راح اتاخر وهوما كال شي ردت بس اشوفها وصارت

الساعه ٨شفت اجت سياره يم بابهم كاميري وبيها بنيه كاعده بلمقعد الخلفي والسايق يدك هورن

شوي وطلعت الحلوه اف عدلت كعدتي حتا اباوع الها زين جانت لابسه قميص طويل لحد ركباتها
لونه ماروني ومجنفه ارداناتها وبنطرون كابوي ثلجي وحجابها اسود وبي ماروني وكتابها

وجنطتها بيدها ولابسه نضاره شمسيه ماعرف شلي ضوجني بلبسها يمكن لان انه ما احب

لبنيه بدون عبايه مال راس احسها استر وقار للبنيه وتصون بي شرفها عن عيون الزلم

وشهواتهم بس هم فرحت لمن شفتها فتحت باب السياره ورادة تصعد بس شفتها اتباوع علي

جنه.  نزعت النضاره حتا اشوف الي كاعد بالسياره هو لو موهو هو نفسه الي اجه البيتنه نفس

الشخص الي عجبني عيونه وجذبني طوله اي هو هذا نفسه ابتسمت لا ارادياً

علاء. اي ابتسمت اي والله ابتسمت لا لا اكيد هذا مو حلم اكيد ابتسمت صدك ولج ليش

اشلعين كلبي ابهاي الابتسامه الحلوه هو عوزه شلع الليل كله خال صورتج ابراسي ونوب

تبتسميلي صعدت بالسياره وحرك السياره وانه على طول ووراهم شفتهم وكفو يم بيت وهم ضل

يدك هورن السايق اضاهر بعد اكو طالبه وياهم وشفت جنه نزلت من السياره وهي تتجه اتجاه

سيارتي وانه كلبي يركع حسيته ايشك صدري بدكاته هاي جايتلي اي ولك جاي اتقربت مني

كلش وباوعتلي من الجامه

جنه.  السلام عليكم

علاء ها وعليكم السلام

جنه. انته مو علاء الي شديت السبلت مو صح ونفسك الي تشتغل بالفرن مالت فرقد

علاء. اي انه علاء

جنه. وياحضرت علاء ليش لاحكنه

علاء. وانه ادير بعيوني منا ومنا انه لاحگكم لا مالاحگكم  بس يجوز بالصدفه

جنه ويعني بيتكم اهنا لو هم وكفت ويانه بالصدفه

علاء. ها لا بس حمت السياره شوي

جنه. ابتسمت ورحت

علاء. بويه كلبي ولكم هاي شلون تحجي مو مثل البشر جنها ملاك وصوتها ماجنه صوت جنه

نغمات اثاري انه ذايب من اول ماشفتها من دخلتها هذيج للغرفه

جنه. شنو هلرجال هذا ياربي شايفه كومه شباب بالكليه وبالشارع وبالسوك ابكل مكان بس

هذا احسه غير يعجبني شكله وصوته البي خشونه وطول قامته هههه ضحكت على شكله من

يدور عيونه منا ومنا ياربي اكيد لاحكنه بس ما اعترف

علاء. خلص اليوم وانه كليومي شارد الذهن وما اذكركم ابهذا اشكل 👈🏻👹 الي ينط كدامي كل عشر دقايق

اشرف. ياخي ما جاي اصدك عود صدك هي ضحكتلك لا ونزلت من السياره وحاجتك خايب

اشلكت بيك

علاء. هم انه اكول اشلكت بيه بس تصور اشرف يعني تصور تكون معجبه بيه ولا ليش تبتسم

من تشوفني

اشرف والله شكلك يجوز تضحك عليك او تضحك منك او تضحك الك

علاء. وهس انه شفتهمت منك غير بس تضحك اريد تفسير الحجيك هذا

اشرف. لا لا صدك جد شتحس انته

علاء. والله احس. اني اشتاك اشوفها وبنفسي اعرف عنها كلشي وكلبي بويه ياكلبي من

يشوفها كنه فرقه موسيقيه ماجنه كلب يضل يركع

اشرف اكيد شاد خيط ويركص انه اعرف هاي السوالف بس لا صدك يمكن انته تحبه مو يمكن

اكيد انته تحبها بس ليش يا علاء حبيته

علاء. مو كيفي يا اشرف ابكيف هذا لمصخم وانه أأشر على كلبي

اشرف اي صحيح مو بيدك وحتا هي اضن هم معجبه بيك من الي سولفته الي اشوف هذا

الشي بس هي مو من ثوبك ياعلاء

علاء. ادري يا اشرف والله ادري هي من طبقه وانه من طبقه ثانيه حتا هي شكلها جامعيه  وانه

حي الله ماخذ شهادة الثالث متوسط هذا غير عن لبسها الي احسه مو مثل لبس خواتي ومرت

اخوي  بس شسوي هذا كله ما جاي يجي اكبال عيني بس اشوفها انسه كل هاي الفروقات

شلحل يا اشرف

اشرف. ولو هلشي بعد وكت عليه لو تحاول تفهم مشاعرها وتحجي وياها وتفتهم اذا هي معجبه

بيك وتقبل بيك مثل ما انته وافتهم منها اذا اهلها قد يوافقون ومايعارضون حبكم اقصد

مستقبلكم

علاء. بس مو اشوف بهلشي سرعه يعني انه شبسرعه حبيتها وشبسرعه راح اطلب منها ان

تحبني وتتقبلني

اشرف ياخي مو انته جاي تكول هي دوم على بالي وانته راح يصيرلك شهر من شفتها وهي

مامفاركه مخيلتك قد يمر الواحد بعلاقه عابره بس مو يضل ايفكر بوحد مجرد انشافها مره ومرتين هذا

يسمونه اعجاب والاعجاب قد يطور بنسبت ٩٥٪‏الى حب وشهر مده كافيه انك تعرف اذا انته

حبيتها او لاء خصه وانك مو من هذوله الي يلعبون وي البنات اكيد الي بكلبك مو شي نزوه او

شي من الشيطان انه اشوف ابكلبك هذا اعجاب واطور الى مرحلة الحب اما هي ف اشوفها

من سوالفك الي تحجيها عنها وتصرفاتها وياك ف اشوفها معجبه وهلعجاب يمكن بل مستقبل هم

يطور بس قبل لا اطورون شي لازم اتشوفون هلحب منه مستقبل او لاء من ناحية الفروقات الي

ابينكم هاي وجهة نضري وانته بكيفك ياخوي

علاء. والله حجيك مقنع وعين العقل لازم احجي وياها واتصور باجر اروح احجي وياها

يتبع،،،،،،

هل هذا هو قدري وهل ستكون حياتي طبيعيه هل ستشفق الدنيا ع عشقي هذا مالا اعرفهُ