رواية عشگ ابن السواتر الفصل السادس 6 - بقلم زينب العبيدي(زينبيه)

#عشگ_ابن_السواتر

بقلمي #مولاتي_يازينب

البارت #٦

علاء. اذكر قبل حفلة النيشان ابيوم راحت مرت اخوي هي وجنه وجنان اجرن بدله واشترن

حلقه ولمن رجعت مرت اخوي حسيت ان ابكلبها شي وتريد تحجي بالااخص لمن سئلتها اشلونها

جنه وشلون شفتيها خوش ابنيه لو لاء جاوبتني

ازهار والله شكلك ياخويه علاوي لبنيه خوش ابنيه بس ما ادري شنو اكلك

علاء شبيج ازهار شنو مادري شتكليلي

ازهار انه سمعت جنه تحجي وي اختها وتكوللها انه بعد اشوي ارجع انه وياج الابو المحل هذا

ونبدل البدله هي لان مو حلوه ورخيصه ناخذ وحده اغلى من عدها وارقى ونبدل الحلقه هاي

لان ماتسوه ومو حلوه

لان كل الي اشترينا مايسوه ابسبب ضروف علاء ونروح نحجز عد غير صالو صالون احدث

وانه راح ادفع الفرق وبدون مايدرون هما شوي حسيتها جاي اداريك ابنفسها تلبس اغلى

البدلات وتروح ارقى الصالونات بس ضروفك الي لازمتها انه خوفي ياعلاء انو هاي لبنيه

ماتسلك عدنه يعني بنت دلال واحنه حالتنه يادوب امكفيتنه

علاء ميخالف انه احجي وياها حجيت هيج ابرود بس انه ابداخلي مشتعل نار احساس ايئذي

لمن تريد اتوفر الشي الاحسن الحبيبتك ويكون ماعندك رحت للغرفه ابسرعه وتصلت على جنه

جنه الو ها حبيبي

علاء اشكد دفعتي فرق

جنه ها شنو يافرق

علاء كليلي اشكد دفعتي فرق بالبدله والحلقه والصالون

جنه ها يافرق انته شنو جاي تحجي

علاء صحت ابصوت عالي جنه كتلج اشكد دفعتي فرق لاتسوين روحج غشيمه انه كلشي ادري

جنه. علاء مالك علاقه بالفرق هاي هديه من اختي الفرق كله جان هديه لاتفكر بيه

علاء وانه ما احب استعطي من احد وهدايه افلوس ما اريد انه اكدر اوفرلج كلشي كليلي

دفعتي فرق لاتخليني اطلع من طوري

جنه. دفعت فرق ٨٠٠ الف عليهن كلهن

علاء. اوك انه هسه جاي وجايبلج لفلوس سديت التلفون وعضيت اصبعي بحسره صعبه كلش

صعبه علي انه ارفض احد يساعدني مثل الضعيف او الفقير الي مايملك النفسه لاحول ولا قوه

نفسي كلش عزيزه فوك المعقول اخذت ٨٠٠ من لفلوس الي ضامهن ورحت ابسرعه دكيت الباب

شفت جنه طلعت ابوجهي

علاء هاج ديري بالج اتعيديها جنه كلشي تحتاجينه كليلي انه انه ما اقبل مساعده من احد

جنه. اخذت لفلوس واني كلبي يتكطع ياربي هو ماعنده ما اريد أذي واضغط عليه وبنفس

الوقت اني مايعجبني البس الشي الرخيص اتعودت على ارقه المديلات كتله اوكي ماعيدها

علاء شوفي جنه انه كتلج من اول ما صارحتج ابحبي انه رجال ع كد حالي وانتي وافقتي

وكلتي اتحمل وياك كل ضروفك لا اتعبيني اترجاج ومن هسه اذا متكدرين اتعيشين مثل ما

عايش انه انسحب من حياتج

جنه لا لا  علاء انته فهمت غلط

علاء درت وجهي ورحت هذا جان اول وتد جارح دكته جنه ابكلبي يجوز هي حقها من ناحيت

ان هي بنت دلال وتحب تلبس كلشي غالي بس مو حقها وما معذوره لمن كلتلها انه كلشي

ماعندي وانه نفسي عزيزه وما احب استعطي من احد وهي كسرت احجايتي وصغرت من

شئني وبعد اذكر ابيوم حفلة النيشان  لمن رحنه انه واهلي حتا البسها الحلقه اخذنه ويانه

كيكه هاي عاده عند العراقين يكصو ن كيكه اواحد يوكل الثاني ومن هاي السوالف جان بيتهم

مكتض بالناس شفت الكيكه تختلف وما خلو الكيكه الي جبتها انه خلو وحده من اربع طوابق

هاي وحده والوحده الثانيه جابولي ذهب كومه اكلاده ومحبس وتراجي وسوار وحلقه وشيعو

دعايه ان انه الي جبتهن الها كله علمود صديقاتها واهلها لايحجون عليه بأن انه حالتي ضعيفه

كهربني هذا التصرف وجنت طول الحفله انه ضايج وبعد ماخلصت الحفله رحنه ع التصوير انه

وياها واختها طبعاً طالعه روحي ماحجيت وي جنه ولا احجايه وحتا المصوره وكلساع كلتلي

شبيك مغندب دضحك شويه حتا تطلع الصوره احلى وجنت اضحك بالغصب عني ضحكه

مغصوبه امبينه هذيج هي صورنه وكملنه ورجعتهن ع البيت

جنان. علاء انفضل اكعد يم خطيبتك شوي

علاء. على طول وافقت لان ابكلبي حجي ولازم اطلعه كعدت شويه واجتني جنه هي وبدلتها مبتسمه وتباوع بعيوني

جنه علوشتي شبيك ضايج

علاء خزرتها انتي وبعدين وياج صحت بصوت عالي انتي تتعمدين اتصغرين من شئي

وتستهزئين بيه وبضعف حالتي

جنه. اشبيك علاء ليش اتصيح صوتك لايسمعونك اهلي

علاء كافي جنه لا اطلعين روحي انه امس شنو حجيت وياج انتي ماتفهمين انه حالتي ضعيفه

وكتلج هذا الشي من البدايه وانتي وافقتي ابكل رحابت صدر يعني ماله داعي اتجيبين كومه

ذهب وتكولين زوجي اشتراهن الي وتجيبين كيكه غير الي انه جبتها اذا انتي مفتشله من عندي

ليش وافقتي علي

جنه لا لا انته مفتهم غلط اني اشلون افتشل منعندك

علاء. بصياح جا شتسمين الي جاي تسوينه ليش اجذبين على اهلج انتي ابنفسج كلتيلي الفقر

مو عيب اشو هسه جاي تجذبين وسويتيني مليونير بعيون صديقاتج واقاربج لا ياجنه ماحبيت

هذا منج

جنه نزلن ادموعي لا علاء فدوه لاتضوج من عندي اني مامفتشله من عندك بس انته ماتعرف

هذن صديقاتي حقيرات ويحبن يحجن على الواحد يعني لو مامسويه هيج جا تلكه خبري باجر

بالكليه منتشر ها شنو حفلتها ابسط من الي جانت تحجيلنه عنه ابسط من احلامها الي جانت اتسولفها النه

علاء شديت على قبضتي وخليتها على حلكي ودرتوجهي عنها ابحركه سريعه ورجعت التفت

عليها وتكليلي مامفتشله جا هذا شيسمونه شيسمونه ياجنه هاي الفشله ابعينها انتي جاي

تكولينها بلسانج شلج علاقه بكلام الناس ماطول احنه انحب بعضع ليش تخربينها بحجي الناس

جنه خليت ايدي على حلكه وسديت حلكه فدوه علاء فدوه والله اسفه وبعد ماعيدها هذا تصرف

طفولي من عندي انته تسوه عندي كلشي وشنو لفلوس انته اهم من لفلوس عندي علاء لاتضوج

خلكك ولاتتكدر اني غبيه اني حقيره اوعدك ماراح اعيدها

علاء اتمنى هلمره ايكون وعدج الي صادق

جنه لزمت اذاناتي وكتله التوبه هسه اكعد اهنا

علاء كعدت وجريت نفس عميق

جنه وكفت اكباله اشرايك بيني حلوه

علاء. درت وجهي وتحسرت

جنه علوشتي كافي لاتكبر الموضوع وكلي اشرايك به

علاء باوعت الها من فوك لي جوه جانت لابسه بدله منفوشه زيتوني ومكشوف صدرها وايديها

جان وجها امزين بالمكياج شكد هي حلوه بس طالعه احلى كلتلها اتجننين اطيرين العقل اتسودنين

جنه اجيت كعدت على رجله

علاء انصدمت من حركتها الي سوتها رفعت حاجبي وكلتلها انتي لش جريئه الجرائه موللبنات للولد

جنه ولك والله اني خجوله بس حبك الي خلاني اصير جريئه شوفت طولك الي يسحرني والي يخليني اصير جريئه

خليت ايدي على خدها اتلمس نعومت خدها حسيت كلبي راح يطلع من صدري وانفاسي

تتسارع وصار صوت نفسي مسموع ما ادري يمكن لأن اول مره تصير قريبه مني الهاي الدرجه

ويمكن لاًن اول مره المسها

جنه خليت راسي على جتفه

علاء. اتوترت كلش رفعت وجها ابئيدي وبستها

جنه ماحسيت بعد ابشي حسيت نفسي طايره بالسمه

علاء وخرت من عدها بس الي صدمني هي رجعت باستني فتحت اعيوني على كبرهن وانه

اباوعلها ياخي مااحب جرئتها ما احب لبنيه اتكون جريئه المفروض هسه هي تخجل او حتا

تشرد من يمي بعدت حلكها بالكوه

جنه ههههه شوف حلكك كله حمره

علاء سحبت كلينسه من يمي ضليت امسح ابحلكي واباوعلها انتي عادي عندج يعني هاي البوسه بسيطه

جنه مافتهمت شنو تقصد

علاء اقصد ابنيه مثلج اول مره تنباس المفروض تستحي تخجل ومو تنقضين عليه مثل الاسد

على فريستها وترجعين تبوسيني

جنه اووووي اشكد يفشلني ياربي كتله والله كيفي انته ملكي الي وابوسك يمتا ما اريد وكلشي

اسوي ابمزرجي ولاتضل اتفشلني كلساع ياخي كتلك حبك سواني جريئه ونضرات عيونك هاي

تخليني ما اقاومك

علاء عكدت حواجبي ولج هذا الحجي مفروض انه احجي دكومي يله كومي وكومتها من

حضني خل اروح البيتنه احسن اخاف تسوين شي اكبر

جنه. لا علاء خليك اتعشه يمي

علاء. لا حبي اريد اروح يم اشرف

جنه اوكي يله باي

علاء بايات ورحت يم اشرف وتعشيت يمه ابيتهم

علاء اكول اشرف انته من تروح يم خطيبتك يعني شلون

اشرف شنو هو الشلون انه خطيبتي ماشايفها غير اثلث مرات قابل مثلك يحسره😒

علاء اي اي بهاي لثلث مرات شنو تحجون مثلن شنو سويتو ياخي علمني

اشرف انجب 

علاء لا ولك والله بس يعني اقصد يعني يعني هم بست خطيبتك وهي شنو جان ردت فعلها

اشرف ولك انه من اروح اشوفها مانكعد ابحدنه لو نسوان اخوانها لو امها حسره علي البوسه

ياخلاف وانته الحمره بعدها ابحلكك وتكلي علمني ماتعلمني انته

علاء رئستاً ابحركه سريعه مسحت حلكي

اشرف يعني صدك اكو حمره ابحلكك جانت 👏🏻هههههه

علاء انجب لك ورفسته كلبته بالكاع 

اشرف ههههههه كبستك ههههه خرب حضك اكسرت ضهري مو رجل عمود مال كهرباء

علاء يله يله في امان الله شردت حتا لا يشهرني ادري بي راح يلطشني اليوم خرب حضه

اللوتي شلون كبسني

جانت هاي لوعه وبعد هم دكت وياي الناقصه بيوم من الايام جنت كاعد يمها وهي جانت

تحجي وي صديقتها ع شي ضروري بلدوام جنت اباوع وياها بلتلفون وهي تراسل وبحركه

صعدت المحادثه باصبعها ورجعت نزلتها لمحت صوره ساعه كلش حلوه ومكتوبه على الصوره

شكرا علوشتي

علاء بله بله خل اشوف هاي الساعه

جنه بتوتر هالا هاي ساعه صديقتي

علاء اي خل اشوفها

جنه خلها تولي هسه وعوفنه منها وخلي انسولف تر انت اليوم رايح للجبهه وراح اشتاقلك

علاء سحبت تلفونها من ايدها وانه عاكد حواجبي وكلبت المحادثه وشفت ساعه مرصعه اتطك

بلكاع ومره دب جبير ومره محبس ذهب امبين غالي من شكله ومره بدله وكلهن كايله عليهن

من خطيبطي علوش واني ماجايب الها اي شي من هذن رفعت عيوني خزرتها وهي خلت ايدها

ع حلكها كلتلها بعصبيه ليششش مااله داعي اتجذبين ولج مو انتي وعدتيني ولج ليش يعني تفتشلين اتكولين

خطيبي كلشي ماعنده وعلى كد حاله وتكولين الحب اثمن واغلى من الفلوس ليش تحسسيني

انتي عندج المضاهر اهم شي وطلعين النقص بيه وتهينيني بس لا اضن انه الشخص الغلط

ومو الي تردينه وانه فرضت حبي عليج بلغصب لكن لا  بس ارجع انشاء الله من الحشد افسخ

هاي الخطبه الغلط  وكمت طلعت وهي تركض وراي وتبجي

جنه لاعلاء فدوه اروحلك لاتروح وانت زعلان مني فدوه علاء والله اني احبك علاء حاجيني علاء

اوكف شوي

((مهلا لماذا ايتها المدلله اولم توعديني بأنكي ستحبيني ولن تكترثي لكلام العواذل اتعبني فقر الحال وعسر الحال. وانتي فوقهما تعذبينني رحماكي ارحمي رجلا تعز عليه نفسه))

علاء رحت وعفتها احبه امووت عليه ليش هي اتهيني بهل طريقه وتوضحلي عجزي بان انه

مااكدر اوفر الها كل الي تريده بس انه من البدايه كلتلها انه ع كد حالي ويادوب مدبرها رحت

الاشرف ملاذي واخوي وصديقي المقرب وفرغت همي يمه وسولفتله على كلشي

اشرف انعصر كلبي وهذا الي جنت خايف منه كتله علاء هذا الي حذرتك منه مشكلت فارق

المعيشه لبيناتكم والتفاوت الطبقه هاي نتيجتها مستحيل مايكون بينكم مشاكل مثل هاي

علاء بس هي كالت تحبني ليش هيج سوت بيه بعدين.

اشرف علاء راح اكلك وانته استقبل مني ما انوي اكسر كلبك بس هاي الحقيقه ترا جنه جاي

تحبك حب نزوه لان الحب الحقيقي مايكون هيج الحب الحقيقي مبني على التضحيه ولو تحبك

من صدك جان ضحت بالمضاهر والفلوس علمودك

علاء جانن احجايات اشرف ثكيله علي كضيت راسي بثنين ايدي امنعهن ايدخلت العقلي ما

اريد اصدك كلامه ما اريد افكر بحجاياته ما اريدهن يطلعن صدك عفته وكمت بدون اي

احجايه امشي وانه ابرر موقفها واجذب حجي اشرف واكول لا طفله وباجر تتعلم لا هي تحبني

هواي ومن نتزوج راح اعلمها على طبعي وكضيت هذا حالي منا لحد ما رحنه للحشد وهي

صارت متصله علي اكثر من ٣٠ مره مارديت عليها مرن ١٠ ايام اهناك مابين الحرب والشهداء

والضيم ومابين كلبي يتكطع على جنه الي تتصل باليوم اكثر من ٣٠ مره وغير الرسائل

والصوتيات الي ادزهن وهي تبجي وتلعن ابروحها وتطلب السماح بس كله وانه كلت لاء خليني

اجلد كلبي حتا ماتعيدها بعد الى ان بيوم من الايام ما اتصلت جنت كلش قلق عليها عشر ايام

وهي تتصل اليوم اشمعنى وهيج الساعه بالوحده بالليل تقريباً بينما انه جنت صافن وفكره

اتجيبني وفكره توديني اتصل علي رقم غريب رفعت التلفون الو

جنان الو هلو علاء شلونك

علاء ابخير الحمد الله منو حضرتج

جنان اني جنان اخت جنه علاء جنه اليوم وكعت علينا بالمستشفى صارلها ثلاث ايام لاتاكل

ولاتشرب وبس تبجي وتكول علاء زعلان عليه علاء فدوه خابر الها اني خايفه عليها كلش هسه

اني موجوده يمها بالمستشفى بس هي نايمه ومركبيلها مغذي

علاء متت من خوفي لا اسم الله عليج جنه هاي انه امتعبج عساني ماشميت الهوا ولاتهنيت

ابلكمه ولا ارتاحيت ابنومه اسم الله عليج رديت على جنان ابخوف هسه اخابر الها وسديت

التلفون من عدها ابسرعه اخذت التلفون وطلعت برا اتصلت عليها ابسرعه ماجاوبت من اول رنه

ياربي احفضلي حبيبت كلبي لايصير بيها شي من وراي ورجعت اتصلت مره ثانيه فتحت خط

وصوتها امبين تعبان

جنه واني ابجي علاء فدوه سامحني علاء لاتعذبني وتكطع بيه ترا حالتي صعبه ابلياك

مشتاكتلك والله

علاء اسم الله عليج احبيبت كلبي شبيج ياروحي عساني ابمرض ما اصحا منه انه الي مرضتج

جنه زدت بالبجي لاحبيبي لاتدعي على روحك والله اني مابيه شي جان ناقصني اسمع صوتك

وهسه من سمعته صرت زينه

علاء ليش جنه ليش امئذيه روحج اذا صار بيج شي شتصورين راح يصير بيه تصوريني راح

ارتاح

جنه ماطول انته هلكد اتحبني وخايف علي ليش ماجاوبتني كل هاي المده 

علاء جرحتيني هواي بتصرفج

جنه اسفه اني والله اشتاقيتلك ياحبي وعنت علي شوفتك وانت ماشتاقيتلي

علاء كلمت اشتاكيت قليله والله

ابي ارسلك قنابل شوك
تضمك من تحت ليفوك
عجبني هواي انا شكلك
وعيونك خياليه
يول كل لون بيك ايلوك
مصيبه شكد جميل وذوك
يغار الحسن من وصفك
ابيك بكل حسن نييه
يضل كلبي بيك محروك
غربلني انا هل مخلوگ
كلتلهم يجيبو اسمك
كالو اصبر شويه
اناجاهز ترا الحربك
احبك حيل بدمرك
واحبسك بوسط كلبي
يانبضي تدك بيه

علاء ضليت اسولف ويها لحد ما صار وكت الاذان وانه من امس مانايم لج اشسويتي بيه

احجي وانه افرك بعيوني من التعب نسيت روحي وياج وانه من امس مانايم اورانه تدريب

جنه اسفه حبيب كلبي والله اني ماقصدي بس مشتاقتلك شسوي

علاء بعد كلبي انتي فدوه الج انه يله كومي صلي ونامي وانه هم راح اصلي بيباي

جنه بايات امووووح

علاء بدينه يله روحي روحي اموووحات سديت التلفون ورحت اتوضى وفرشت سجادتي وعيوني

عين امغمضه وعين تريد اتغمض ونط هذا الشاذي اكبالي اقصد اشرف وكالب خلقته كا العاده

كتله شتريد خير وخر خل اصلي ترا والله انام وانه واكف

اشرف ياخي شموازيك اتخابر صارلك جم ساعه كلما افز الكاك مو بفراشك ماتكلي شنو الفلم

هسه راح اطير منك

علاء رفسته طيرته بالهوا وطبيت بالصلاة على طول

اشرف هاي رفستك معناها اعوذ بالله من الشيطان الرجيم

علاء ضحكني وانه جاي اصلي

صار وقت الاجازه وبيوم الي انريد نرجع جان استلمنه رواتبنه اكو واحد من حمايت القائد أشر علي رحتله

ابسرعه لان جنه انريد انروح

الولد انته يالطويل وين جنت شو ماشايفك

علاء اشلون هذا الطول كله وماتشوفني

الولد هههه اكول المهم تريد اتصير من الحمايه يعني طولك وضخامتك مناسبه لهذا المنصب

وطبعاً ابراتب ضعف راتبك  وبل اضافه الى اكراميه الي تجيلنه من القائد بس احنه

شغلنه راح يصير اصعب من الجنود يعني لازم نفدي القائد ابروحنه لان هذا مصدر قوتنه ومثل

ماتعرف القطيع ابلايه راعي يسيب

علاء حجيت ابسرعه وانه كلي فرح اي اي موافق ماتهم الخطوره هي موته لو موتين

الولد اوك تعال خل ندخل للقائد

علاء. اشرت الاشرف وصحت بصوت عالي خمس دقايق واجيك

دخلنه على القائد

علاء السلام عليكم

الولد سيدي هذا الولد اسمه علاء الي كتلك عنه راح يفيدنه

علاء. بس انته كلت ماشايفني شلون عرفت اسمي وشلون كايل للقائد علي

الولد ههههه هذا الطول كله وماشيفك

علاء هههه

القائد اي علاء انته من باجر اعتبر نفسك بالحمايه

علاء. حاضر سيدي بس انه اليوم اجازتي يعني اشلون

القائد اها عادي خلص اجازتك وتعال على طول داوم بالحمايه

علاء. مشكور سيدي

القائد يله وليدي روح لاتتئخر

علاء. رحت فرحان طاير ولك شريف ولك شريف احجي وانه الحن بأسمه

اشرف حجيت ابتعب شنو خير ابشنو جايلي اليوم انه ما احصل منك بس غير الشكاوي

علاء لا ولك هلمره ابشاره

سيف وشنو لبشاره بس لا هي صدك جنها ابشاره لان انته دخلت للقائد وطلعت

علاء ولكم مادري بخت امي مادري بخت اهلي مدري بخت مرتي خلوني بالحمايه وراتب

مضاعف لا وبعد اكو مرات تجي اكراميات من القائد

اشرف لا لا عود صدك خايب بخت كاعد على تخت خوب جان صاحولي انه

علاء جا غير التوفيق من الله سبحانه وتعالى خلاني نخله وهاي فائدة النخل

سيف. ياعمي الف مبروك عليك منا ورايح راح البس كعب عالي بلكت يخلوني حتلو حمايتك انته

اشرف ولك هو هذا شيحمي يرادلي سور الصين العضيم حتا يغطي ديله يله مبروك عود

علاء مضغوط مضغوط احجي وانه الحن

اشرف كلبت خلقتي وغيرت صوتي وانه اقلد مضغوط مضعوط عابت كون جنك غول

علاء يله يله امشونه لانتئخر ويصير علينه ليل ويكضونه الدواعش وما الحك اتمنه بالمنصب

الجديد وصلنه للبيت و كا العاده اهلي على نار ينتضروني من دخلت عليهم كل واحد ابصفحه

هذا اليبجي وهذا ليبوسني طبعاً بشرتهم ابمنصبي الجديد وهم كلش فرحو

ام علاء. اي يايمه هسه تكدر اتكون روحك وتتزوج هاي وجها خير عليك لبنيه

علاء اي والله صدك وجهه خير علي الله يخليها الي دخلت سبحت وصليت العشه وتعشيت وكبل

رحت للسوك وشتريت الجنه عبايه مال راس وكلاده ناعمه ذهب بيها كلب صغيرون وبيها حرف A

يعني ميداليتين صدك خسرتني نص راتبي بس تستاهل حبيبتي اتصلت عليها

جنه هلا حبي شخبارك وصلت لو بعدك

علاء اكلج عادي اجيلكم هسه لو ابوج مايرضا

جنه هذا بابا كاعد يمي بابا يكول علاء اجي هسه لو ماترضا

ابو جنان لا يابويه تعال كل الهلا بيك مشتاقيلك

علاء خرب حضج فشلتني العوبه

جنه ههههه

علاء اكول امج رجعت لو لاء

جنه لاء امي مانويه ترجع شكلها راح تلكالها واحد غير ابوي

علاء هو هيج الضاهر هي لكت هاي حجه حتا تزعل وتروح

جنه علاء ترا بابا جاي يسمع

علاء لا يا عود صدك تسوينها انتي عوبه

ابو جنان بسيطه عليوي تحجي على عمتك الي هي مرتي انه اعلمك ولو هي تستاهل ولا اكلك

احجي احجي على راحتك انه مغثوث منها

علاء حقك عمي حقك عايفتك صارلها شهرين انه لو جنه اتسوي وياي هيج اطلكه واچسحها
لبوها

ابو جنان ها ولك

علاء اقصد اتفاهم وياها وسلام الله على ابوها

ابو جنان يله تعال منتضرينك على العشه

علاء. لا الف عافيه عمي انه متعشي اتعشو انتو

ابو  جنان عود نگنگ ويانه

علاء خمس دقايق وصلت يم بيتهم دخلت استقبلني ابو جنان وحضني كا العاده

ابو جنان يله بابا جنه حضري العشه اجه علاء

جنه اجيت سلمت على علاء هلا بيك علاء الحمد الله على سلامتك

علاء ابتسمت لمن شفتها الله يسلمج انتي اشلونج اشلون صرتي نحجي كلش رسمي لان ابوها

موجود

جنه الحمد الله ابخير

ابو جنان يله بابا صبي العشه

جنه بابا حضرته اتفضلو كومو

كعدنه اتعشينه طبعاً اكلت كلش شي قليل لان انه شبعان ورا العشه جابت جنه حلويات اكلت

فد شي قليل

علاء وكعدنه انسولف على المنصب الجديد وفرحلي ابو جنه كلش وحسيت جنه كلش فرحان 

وبعدها صارت الساعه ب ١٠:٣٠ وابو جنان لازك اريد انطي الجنه الهديه وهو مايكوم

ابو جنان يله بابا من رخصتكم انه رايح اصلي صلاة الليل وبعدها انام

علاء مرخوص عمي

جنه طلع بابا  سديت الباب ورا بسرعه والتفتت على علاء واني مبتسمه كتله اشتاقيتلك موت

ليش هيج اتسوي بيه

علاء. واني مشتاقلج اكثر تعالي شوفي شنو جبتلج

جنه اجيت ركض كعدت ع رجله

علاء طلعت لكلاده من جيبي ها شرايج

جنه الله تجنن حبيبي ولان منك صارت احله يله اشوف لبسني ايها رفعت شعري بيديه

علاء. خليت لكلاده ع ركبتها وانه اباوع بعيونها شكد ما اوصف حبي الها قليل احس روحي

اعشكها ما اكدر ابلايها كون يطلع كلام اشرف كله شك كون يطلع هو  يتخيل لان ما اكدر

اعيش بدون هاي المخلوقه

جنه رفعت حاجبي واني اباوعله راح تضل صافن سد لگلاده

علاء. سديت لكلاده وصارت هي قريبه كلش بحضني ردت الجرائه تبدي مني وسبقتني ك

العاده وباستني هلمره كلش ضجت من تصرفها اتمنه لو مره ابدي انه اريد احس بيها خجل

مثل كل البنات لزمتها من وجهه حيل وبعدتها عني وعكدت حواجبي

علاء انتي ليش هيج ليش انتي جريئه الجرئه مو حلوه للبنات جنه انه احب لبنيه اتصير مؤدبه

وخجوله كلش انه اعرف البنات الاغلبيه يستحن حته من خطيبها بس انتي لا غير احس عندج

جرائه

جنه. دمعن عيوني انته ليش كلمره هيج تكلي مو انته خطيبي وكدام الله ورسوله انته حلال علي

الغيرك المفروض يفرحون بس انته كلساع امفشلني لاتبوسيني ولاتشبكيني ولا ولا

علاء. لا جنه هذولاك لو غيري بس انه اختلف اعشق الخجل بالبنيه وهذيج الساعه لمن نصير

بغرفه وحده ورا ماتلبسين البدله البيضه شيلي الخجل  بس هسه انه اشوفج عادي عندج تبوسيني

جنه 😭كمت من حضنه انته هيج جاي تهيني علاء وجايتكلي اني مو زينه وهلاشياء عادي عندي ترا اني عادي

عندي صحيح جرئه بس وياك انته وبس

علاء  مسحت ادموعها انه ماكتلج هيج حته تبجين كتلج حته تكبرين بعيني اكثر واكثر ويزيد

اعجابي بيج حته تصيرين مثلي قلباً وقالباً وهسه يله كومي رجعي كعدي اهنا اشرتلها على رجلي

جنه. ماا   ماا   بشرط

علاء هم تكعدين على رجلي وهم تشرطين علي والله مادري بيج يبنت ابو ذانات بس انتي تؤمرين

جنه باجر مسويلي اصدقائي حفله بالجامعه طبعاً باجر عيد ميلادي وانته ماتدري اريدك تحضر حجيتها بدلع

علاء. اول شي انه ادري ولو ما ادري ماجبتلج هديه ( جذب انه ما ادري جانت صدفه بس

مشت عليها 😜) وثاني شي انتي كلتي اصدقائي يعني شنو اصدقائج ولد وبنات لو شلون

جنه. علوشتي حبيبتي هم زملاء  عادي اني بالكليه وعندي زملاء ما ابيناتنه اله الدراسه وبس

علاء. يعني ماعندج اي احتكاك بيناتهم اسوالف وشقا

جنه لا ابد

علاء اوك انه باجر احضر

جنه شكراً يروحي ردت ابوسه اله شويه وتذكرت وتبعدت عنه

علاء. لا انتي ماتصيرلج جاره بس انه هم عندي شرط جبتلج هاي العبايه الي هي ستر وقار

تحفضج من عيون الشباب الي وياج اريد باجر تلبسينها

جنه لاعلوشتي خليها ورا باجر الصراحه اشتريت ملابس مخصوص الباجر

علاء وليش عكب باجر بابا هاي ستر الله موصي بلعبايه (بسم الله الرحمن الرحيم ياايها النبي

قل لازواجك وبناتك ونساء المؤمنين ان يدنين عليهن من جلابيبهن ذالك ادنى ان يعزفن فلا يؤذين

وكان الله غفورا صدق الله العضيم)) يعني عكب باجر  اكو الله يحاسب وباجر ماكو هل شي لو

شلون

جنه اوي انته شكد عقده علاء ماعرفتك هيج

علاء يعني ندمانه

جنه لا حبي اني اندم على روحي وما اندم على هذا الطول وصار تدلل باجر البسها للعبايه بس

اني هم جبتلك لبسه هديه يعني هاك شوفهن حلوات

علاء وجانت الجنط مال  بدله رسميه فتحتها جانت بدله رسميه كلش راقيه لونه ازرق جويتي

كلتلها شكرا

جنه بس انت البسها باجر مو بس اني البس العبايه

علاء. على خير يالله انه رايح تئخر الوقت

جنه باجر مو تجي علي روح كبل اهناك

علاء الله كريم

يتبع،،،،،،،،،

تحكم الحب ساعاتهُ،،،،، فيمحو الزعل ايامهُ