رواية عشگ ابن السواتر الفصل السابع 7 - بقلم زينب العبيدي(زينبيه)

لك فديتكم فدي متابعيني وعلى راسي انتم

#عشگ_ابن_السواتر

بقلمي #مولاتي_يازينب

البارت #٧

وثاني يوم  لبست وكملت وتعطرت واخذت سياره اشرف وديت حسن يروح مكاني للشغل وصلت

ع الجامعه اتصلت ع جنه واخذتلي اذن بلدخول واول مره ادخل الجامعه جانت عالم ثاني

شباب اشكال وبنات اشكال شويه واجتلي جنه ويها بنات ثنين

جنه علوشتي حبيبي 

علاء جانت خاله العبايه على جتفها تمشي وتسحل بيها امبين ماتعرف تمشي بيها كلتلها هلا

حبيبتي

جنه هاي صفا صديقتي وهاي سجى بنات هذا علوشتي وحبيبي وعمري

صفا اها هذا الي جان يلحكج اتذكرته هههه ابو السياره

جنه خزرتها اي هو وانتي ليش مضغوطه جريت علاء بسرعه من ايده

علاء سحبتها من ايدها تعرفين هاي العبايه ليش تسحل لان ما خالتها اهنا وشلت العبايه وخليتها على راسها

جنه اوي علوشتي كلساع توكع من راسي

علاء تتعودين حبيبي واخذتني المكان الحفله وجان عباره عن تجمع شباب وبنات وكيك وشمع

ونفاخ🎈🎈 ومجرد ما رحنه للمكان ضلو يصفكون الجنه ويغنولها وبعدها الكل اجه سلم عليها

وباركله والي مغصني ومرد كلبي يصافحونها بالايد حتا الشباب وصلن عيوني الكصتي لا

واجه واحد اضن انه شايفه اي اي شفته هذيج المره لمن يضحك ويسولف وياهن هي وصديقاته

صافحها بالايد وبئيده الثانيه يربت على جف ايدها ويكوللها يارب اشوفج باعلى المراتب ويصير

عمرج ١٠٠ وفوك وهي تضحك وهو بضحك وياها

علاء. باوعت الجنه وخزرتها

جنه. اوي ياربي شهل عقده رحت يمه شبيك حبيبي

علاء حجيت وانه قابض على ايدي وصاك على سنوني واحجي على كيف كلتيلي زملاء دراسه

ماكلتيلي يكضكضون بئيديج عرفت جرائتج من وين جايه

جنه علاء لاتسويها ضلمه عليه حبيبي شنو السالفه

علاء لاسالفه ولا شي اول شي هذا الشي حرام وثاني شي انه ما احب مرتي منو الكان

يلمسها او يباوع عليه فهمتي

جنه اخ راح يبط جبدي هذا شكد عقده اتنهدت بحسره انته لازم اتضوجني بمثل هيج يوم

علاء. اوك خليني اروح وضلي انتي وي زملائج حجيت بغضب وديري بالج اتصيحين علي

وتكليلي ارجع  ورحت بس نسيت نقالي على الطاوله رجعت اريد اخذه جانت جنه دايره وجها

وتحجي وي شكم ابنيه صدمني حجيها وهي تكللهن لا هو صار عنده شغل ضروري وراح

صفا يعني حتا ماجابلج هديه

جنه. ههههه لا حبيبتي جابلي وجابلي هواي  شايفه هذا المحبس البيدي هو الي جابه وسعره

مليون دينار وسبقكم كلكم وامس هداني ايها وكال انه اريد اقدم هديتي قبل الكل

سجى بس هو شدعوه حتا ماتانه تقطعين الكيكه

صفا باوعت شفته واكف وراها رديت على سجى كلتلها يمكن مامتعود يلبس بدله غاليه وضلت

تحك بجلده

جنه انتي شنو تحجين شلج بهلحجي هذا

صفا. هه حسبالج ما ادري انتي الي اشتريتيله البدله الي لابسها حتا لايفشلج ويجي ابملابسه لمخلكنه

جنه انتي تماديتي هواي حجيت واني صاكه على سنوني علاء راقي وطول عمره راقي وكل ملابسه ماركه

صفا هههه واضح اكول على فكره اني شفته جاي بسياره عاديه ازباله متسوه وين الكمارو الي كلتي عليه

جنه. اي هاي سيارة صديقه سيارته بالتصليح شبيج مضغوطه

صفا لا ابد مامضغوطه اني متئكده من الحجي الكلته  والدليل هههه الصدمه على وجه استاذ

علاء وراج

جنه خليت ايدي على حلكي والتفتت وراي بخوف ياربي اني شسويت وشنو سمع

علاء. ضليت انافخ وباوع بعيون جنه الود ودي اكلها وافشلها كدام طلبت الجامعه كلهم اتقربت

من يمها كلش دنيت حلكي يم اذاناتها مشكور حبيبتي على الاهانه الي حصلتها من وراج

وعلى كل الجذب الي عايشته انتي اذا تتمنين واحد هيج روحي اخذي ماله داعي اجذبين

جنه ضليت ابلع بريكي

علاء اتبعدت عنها وابتسمت يله حبيبتي من رخصتج اشوفج باي واشرتلها بيدي

صفا ياترا شنو كلج

جنه التفتت عليها واني مبتسمه كلي لاتهتمين الحجي ناس مثل صديقتج هاي  اكيد هي غيرانه

من عدنه وعفتهن ورحت

علاء ما اطول عليكم بسوالف المهم ضليت زعلان وياها ٢٠  يوم هي هواي ذلت من نفسها على

مودي اهانت نفسها بالرسايل طبعاً انه ما حجيت وياها ابد لحد ما اتدخل ابوها بالموضوع

شكيتله من الحاله الي احنه يبها وهو والنعم منه ماقصر ويها رزلها ارزاله من العيار الثقيل

وكلها لو تلفين الكون كله مثل علاء ماتحصلين وحجي مثل هذا وتصالحنه بس بعدني ثكيل

وياها ماخذ على خاطري من عدها انه ما انكر كلبي يصرخ يحبها الصراحه ما ادري لكه بيها

يمكن لكه بيها جمال رقه ودلال وترافه هلشي الي يرضي كل شاب وبالاخص المحرومين مثلي

اخير شي طلبت منعندي نتزوج طبعاً انه جان ردي

علاء لا بعد وكت خلينه نتعرف على بعض اكثر انه يوميه اكتشف بيج شي جديد

جنه. لا علاء كافي بعد ما اكدر اضل بعيده عنك حجيك هذا يكول انته بعد ماعدت تحبني

علاء. مستحيل اكون ما احبج انه عقلي وكلبي وكلي وياج بس هلينه بعد

جنه لا علوشتي فدوه حبيبي اريد اكون يمك وعلى مسؤليتي وهلمره اضمنلك ماراح يطلع شي

من عندي ماتحبه

علاء. بس انه ماعندي والادري بيج انتي تحبين المضاهر وتردين عرس طنان

جنه. علاء تدري شنو اريد عرسنه البس بدله ومن بيتنه تاخذني البيتكم

علاء. والله اتمنه يكون هلحجي من كلبج ادري بيج ماراضيه

جنه. ولويش ما راضيه ماطول راح اكون يم حبيب كلبي كلشي ما اريد بعد علوشتي حبيبي

بس ترجع ويخلص دوامك يوم ثاني نحضر العرس فديتك

علاء اوك خل اتصل ع الاهل واخبرهم
((لا اعلم اين كان عقلي ولماذا لم اتئنا في الحكم على مصيري  ايعقل لئني فعلان كنت اريدها رغم تصرفاتها الهوجاء واحب قربها))

طبعاً انه خلال هاي الايام اشتريتلي غرفه على كد الحال  وخليتها ابغرفتي الي انام بيها انه

وخواني يعني صارت الي ابحدي بس ما اعرف اذا اكدر اتحمل جنه وسوالفها او لاء بس الي

متئكد منه انه مستحيل اعوفها احبها بجنون ما اتخيل انه اكدر اتزوج وحده غيرها طبعاً اشرف

عرضلي هواي وعارض هذا الزواج المستعجل طبعا بالمناسبه اشرف اتزوج وصارله على زواجه

١٠ ايام

اشرف. ياخي لاتستعجل انه ماحس جنه لبنيه المناسبه الك علاء انته مشوش وماتعرف اشجاي

اتسوي احسك بس محتاج حنان وجاي تفكر بهذا الشي وبس وهذا الشي غلط فكر الكدام بعد

اخوك جنه مو مناسبه الك وراح اتعبك يرادلك وحده فقيرة كلب وهلصفات ماموجوده بجنه

علاء. لا اشرف انه اضن محتاج شي واحد محتاج جنه وبس صحيح هي تعبتني بس حتاتعبها احسه حلو

اشرف. مو كتلك علاء انته مشوش عقلك جاي يكول انه تعبت وما اكدر اتحمل بعد وجنه مو لبنيه

الاريدها وكلبك يكول لا محتاجه هي وبس طبعا لاتكلي شلون عرفت  انه دمك اليجري بعروكك

علاء. وانه راح اتبرع ابطل دم للجرحا اشرايك اتبرع بيك

اشرف لا انه منتهيه مدتي وغير صالح للتعبئه

علاء ههههه اله اشلونك انته وشلون الزواج وياك 😉

اشرف وانه احك براسي ياخي ماشفت منها ثلاث ايام والتحقت بس علاء شنو اوصفلك

هلمخلوقه قليل بحقها تنحط على الجرح يطيب

علاء. هاي ثلاث ايام وتحجي هيج وتكلي لاتزوج

اشرف هو انه عرفتك من البدايه غرت من عندي وتريد تزوج

علاء. جان كل كلام اشرف اله قناعه بداخلي بس كلبي يرفض يصدكه ويجذب كل حجيه فعلاً

انه احس نفسي ماراح ارتاح وياها رغم كل هذا اريدها اي اريدها ما اتخيلها اتصير الشخص

غيري انه ليش احكم من مجرد تخيلات او من شكم مشكله خلي اجرب حضي وياها

وقبل لا نرجع بيومين من الحشد جنت محتار كلش واتمنه لو تصير معجزه وتنقذ حياتي وضعف

الحاله الي انه بيها شلون راح اتزوج وانه بركبتي عائله كلش جبيره شلون راح ادبرها  بس

صدك الله يسمع دعوة الداعي اذا دعاه حتلو جوه سابع ارض ومابعد الشده الى الفرج

ومايضل حمل مطروح ونعم بالله

الساعه ب ٢:٣٠ وجنت انه لازم واجب حراسه على غرفت القائد شويه واجاني نفس الولد الي

شغلني وكلي القائد طالبك خذه هو مكاني بالحراسه ما اطول عليكم رحت للقائد

القائد اتفضل بابا

علاء كعدت سيدي كالو طالبني

القائد اي بابا انته مو من اهالي البصره

علاء اي

القائد بابا اكو قطع اراضي اهناك بالتنومه وفوك بلكت اتشوفلي قطعه على عرفك انه اهلي

اهناك بالبصره بس انه كاعد ابغداد واريد اخليلي بيت اهناك من اجيلهم

علاء من عيوني سيدي

القائد اريد قطعه ٤٠٠ متر

علاء تدلل

القائد انته اهلك وين كاعدين

علاء بالمنطقه ال،،،،،

القائد حالتكم شلونها عندك اخوان واب وشيشتغلون

علاء لا الحمد مستورين عندي ثنين اخوان اصغر مني طلاب ثنيناتهم وابوي عايش بس رجال

مريض مايشتغل

القائد ومنو الي يصرف على هاي العائله بس انته

علاء. اي بس انه

القائد الله يساعدك شوف بابا اذا شفتلي اهناكً قطعة ارض مناسبه وجبيره الك مني تاخذ

قطعه بصفها ٢٠٠ متر هديه الك وبعد انته كيفك اتصرف بيها على راحتك تريد تبيعها تريد تبنيها اتفقنا بابا

علاء مشكور سيدي بس ماله داعي

القائد اكلك هديه تكلي ماله داعي روح باباروح اتوكل وشوفلك قطعه زينه ها واخابرلي ع السعر

وانه احولك افلوس

علاء صار ومشكور مره ثانيه

علاء رجعت الواجبي وانه فرحان واحمد الله الف مره واشكره الله ماينسه عبده ابد 

رجعنه ع البصره انه واشرف وسيف جان اقتراح اشرف بأن انه اشوف للقائد قطعه واشوف

شكد سعر ال ٢٠٠ متر واخذ فلوسهن بدل ما اشتري قطعه وبعدين ابيعها وابيع بيتنه واشوفنه

بيت احسن من هذا واكبر يكفينه كلنه وانه شفت فكرته حلوه ومناسبه أجلت زواجنه ع الشهر

الجاي انه وجنه وشديت الهمه وشتريت للقائد قطعت ارض ومثل ماكلي اشرف  شفت سعر

٢٠٠ متر وكلت للقائد ع افلوسها وهو ورا يومين حولي الفلوس بعت بيتنه وشتريت بيت اكبر

ما اوصفلكم فرحت اهلي الصغير والجبير الحمد الله فرحتهم تسوه الدنيه عندي مرت الايام

واجت ايام واجه اليوم المتفقين عليه انه وجنه يوم زواجنه وانه واكف اباب الصالون انتضر جنه

تطلع انتضر حبي وحياتي انتضر شوفت عيونها شلون راح تكون بالبدله البيضه اكيد راح

تطلع احله واحله وشويه وطلعت وهي مغطيه وجهه بالكبع والبدله تمشي وراها واختها لازمتها

من ايدها ادليها الطريق جان حلم ماينوصف جانت فرحه ماتنحجي ومشاعر كلش غير حسيت

روحي املك الدنيه بهاي اللحضه اي احبها وحيل احبها لزمتها من ايدها وبست ايدها وكلتلها

مبروك ورحنه على التصوير وصورنه جان العرس عباره عن حفله ابيناتنه اهلي واقاربي المقربين

واهلها واقاربها عدا امها الي ماحبت تحضر العرس طبها مرض جنت اشوف الناس كلها

فرحانه وتباركلي عدا اشرف لمن باركلي ماجان فرحان

علاء. ليش اشرف خويه ليش جنك ميتلك واحد

اشرف. والله ياعلاء خايف عليك من هذا الزواج انه ما اريد افاول عليك بس هذا الشعور قابض كلبي

علاء قل لن يصيبنا الا ماكتبه الله لنا اشرف خويه خل انعيش يومنه ولاتنكد علي  احلى يوم بعمري

اشرف اي صار يله دكو الديجي خل اركصله وحده ونص

علاء. ودكو الديجي وما اوصفلكم المنضر الي اكبالي فطست من الضحك على اشرف  وهو

يركص جنه غساله جاي تنشف ملابس لحد ماجريته وكتله كافي فضحتنه الله يفضحك

اشرف جا شسويلك غير اركصلك وافرحلك

علاء. ماتكصر بس كافي ماضل واحد ماضحك عليك الله يسهل المرتك انشاء الله وتجيبلنه واحد

خبل مثلك حتا خاف جانت ناقصه يكملها

اشرف ههههه ماضل شي ماضل شي بعد ٧ اشهر. ويجي

علاء على خير انشاء الله 

خلص العرس دخلت الغرفتي وكلي شوك اشوفها واشبع من عدها

جنه. باوعتله وشكيت الحلك ضحكه

علاء. الف مبروك كليبي هنيالي منو كدي وعندي جنه مثلج

جنه كمت وكفت بعد ماجنت كاعده ع الجربايه الله يبارك بيك لا حبي اني الي منو كدي وعندي

علوشتي بين ايدي واجيت يمه بسته

علاء اضاهر انتي كلش ماراح اتعبيني وبعد ما اسولفلكم الهنا كافي لان حدث ما حدث طلعو

بره وسدو الباب وموتباوعون من فتحت الباب 😂😂

يوم ثاني الصبح دكت الباب امي

علاء كعدت واجت عيوني على جنه وهي نايمه لا ياربي معقوله لا ونايمه يمي اوف لايطلع هذا

حلم عصرتها من خشمها

جنه فتحت عيوني وابتسمت بست ايده علوشتي امك جاي تصيح عليك

علاء. اي يمه جايلج

ام علاء يمه هذا اشرف يريدك وكلي ضروري تكعدي

علاء. يمه هذا ادري بي ماعنده شغل وعمل بس يخيبث ورداها الي مثل ماسويتها بي

جنه ياخفت دمه هذا اشرف حبيته من سوالفك عنه

علاء حبج برص وتسعه خرس وعشره مكسحين تحب هي ام حلك حبيني بس انه

جنه. كمزت عليه وشبكته انته اموت عليك

علاء يمه يالجرائه يمه ضليت احس بيج انتي الرجال وانه المره

جنه. اصيرلك رجال وكلشي

علاء. غطيتها بالبطانيه انه وياها  خل يولي اشرف ماخلصت احجايتي ودك تلفوني باوعت

شفته اشرف علسته بس ما بطل رنه ورا رنه اعوذ بالله منك يا اشرف يله جوجو حبيبتي كومي

طلعيلي ملابس خل اروح اشوف هذا شيريد انه رايح اسبح 

جنت اضن  حياتي طبيعيه
بس لكيت بيها تعب وي جنه وغيرتها الي ضهرت فجئه من زوجه اخوي المتوفي  وتنرفزني لمن

ماتسوي شغل البيت وي امي وخواتي وزوجه اخوي  واكل ماتاكل من البيت كله تطلب من بره وكل ما اسئلها تكول

مامشتهيه الطبخ ولبسها الغير لائق كدام خواني الشباب وكليوم عركه من ورا هذا الشي  غير

اني عرفت جذبتها على صديقاته الي كالتلهن احنه ماسوينه زواج بلعراق زواجنه صار بتركيا

طبعا هنا انه شطت منها وراحت زعلانه عد اهلها مده. اسبوعين بس الخاطر ابوها رجعتها لان ابوها انسان خير ضلينه

على هاي الحال قاربه ثمان شهور تعبت كلش بس جانت ورا كل مشكله ترجع هي تراضيني

وتذل نفسها الي وحتا تحرم نفسها من الاكل والشرب ومن حبي الها وخوفي عليهاانه اسامحها

وبيوم من الايام الساعه ب١١:٠٠ بالليل

يتبعً،،،،،،،

))((لا اعتب على الدنيا بل عتبي على قلبي الذي عشقكي))((

شنو راح يصير توقعوووووو