رواية عشگ ابن السواتر الفصل الخامس والعشرون 25 - بقلم زينب العبيدي(زينبيه)

السلام عليكم متابعيني اتفاعلو حبايب القصه قربت على نهايتها

#عشگ_ابن_السواتر

بقلمي #مولاتي_يازينب

#البارت٢١

تكملت بارت ٢١

علاء حاولت افتحه لكن جان مقفول برمز رحت بسرعه غيرت ملابسي واخذت النقال ورحت على

واحد اعرفهه يفتحلي الرمز وبالفعل ورا ساعه سوا الي اخذت النقال بلهفه وفتحته ااااااااااخ

لوادري هيج جان مافتحته صرت اقره الرسائل وعيوني حسيتها راح تطلع وكلبي صار طبل

حرارتي ارتفعه ميه جسمي كله ضل يرجف ورجلي مايعينني اوكف كعدت بلشارع وانه اباوع

داير مايدورني احس الناس كلها تباوع وتضحك علي وتأشر ويكولون شوف حبيبته اشسوت بي

ويكولون زوجته خانته

ماانسه هذيج الراسائل وحجي الحب والغزل وحجي الجريئ الي بيناتهم وهو يكوللها رورو اي

هاي الي انه اكولها الي جنت اضن بس الساني ينطقها واذانها بس بصوتي تسمعها وهي

تكله حمودي ااااخ ربي ارحمني واخذ روحي هسه مااتحمل هل موقف بعد ياربي لاتختبرني

بهيج شي نفسي تئبه وغيرتي ماتسمحلي زوجتي اتحب وتواعد رجال ثاني وبيتي ويدخل

ويطلع  على راحته وفوكاها ضرب اخوي وهسه اخيي بين الحياه والموت  ربي فدوه اخذ روحي

احبها ومامصدك هيج بيوم تسويي بيه اشرف انته جاي تشوف ومتئكد وتسمع وشاهد على

الي صار اشرف شسوي ساعدني اطلكها وبنتك منو الها تربه عند وحده هيج سواتها واذا

اخليها على ذمتي ما اتحمل اخذ بنتك من عدها بأي حق اخذها اشهرها يم اخوانها راح

يذبحونها وياخذون بنتك جريت شعري بكل ماعندي من قوه حسيت راسي راح ينقلع رحت على

البيت ما اتذكر اشلون وصلت بس الاذكره انه مشيت وين وشلون ومنو فات من يمي ومنو سلم

علي ما ادري مثل المبرمج دخلت للبيت قسماً جان جسمي كله يرعش مثل الي طالع بعز الشته

وهو مالابس شي هيج جانت حالتي عيوني بكصتي  واحس بركان  شاب ابصدري اتمنيت اجر

اسلاح واكتلها وارتاح  والي يصير يصير بس توكف بعيني گمر التمو اهلي علي جانو يحجون

بس مامركز بحجيهم وعيوني اتجهت على راويه ماجنت متصور ورا هاي البرائه اكو شيطان ورا

هذا الشرف اكو عار اكو انحطاط

راويه اني انتبهت نضرات علاء علي  ومثل الشرار وكل اهله انتبهو على هذا الشي وضلو

يباوعون علي تغير لون وجهي مادري ليش خفت شنو الي مسويته اني حتا علاء هيج يباوعلي

علاء. لزمتها من ركبتها وانه اخنك بيها ليييييش ياساقطه لييييييييييش يا عاااااار

راويه جنت احس انفاسي راح تنكطع واني ارفس جوه ايديه اني شنو مسويه وهو هيج يكول

عني بالكوه اهلا كدرو يفكوني من عنده لولا الله ثم حسن الي انطا بوكس على وجهه خلا

يعوفني جا اني هسه بعداد الاموات ضليت ابجي واشهك وجنت خايفه كلش اسمع اهله

يصيحون عليه شبيك علاء شبيها راويه

علاء. صحت بصوت يرعد لج وين التلفون طلعي هسه

راويه وجنت بالكوه احجي من بين شهگه وشهگه ياتلفون

علاء تلفون الي تراسلين بي حبيبج

راويه ياحبيب علاء ويا تلفون التحجي عنه انته شبيك

علاء حجيت وانه الهث من التعب ماطلعين التلفون بسيطه ولج انه اطلعه ضليت ادك ع التلفون

وعفست الغرفه عفس ماخليت لاكنتور ولا مجر ولا اي شي لحد ماشلت مندر الجربايه وطلعته

راويه. والله علاء والله قسم هذا مو تلفوني هذا اشلون اجه الغرفتي

ام علا يمه علاء فهمنه اشبيك انته شصاير

علاء. هجيت وانه الهث من التعب يمه حضرت راويه المصون الشريفه البريئه صاحبة الوجه

الملائكي اتحب وتتمعشگ وتتواعد واحنه ماندري وهذا الشخص الي كلنه عشنه بقلق من ورا

جانت راويه ادخله للبيت والله يعلم شنو يسون وانه اكول اشمعنى بس اليوم الي انه يم جنه

يجي هذا الحرامي اثاريها سافله وساقطه شوفو شوفو حجيها شمرت النقال على امي ولج

ليش يانذله جان كلتيلي ولج عاجبج حسين بين الحياة والموت كله بسبب هذا السافل العاشكته

راويه احجي واني ابجي لا علاء فدوه اله هاي ولك اني ماسويتها واني بنيه عند اهلي اسويها

هسه واني على ذمة رجال يحبني وشاري رضاي واني اعشگ كلشي بي لا علاء والله هاي مو

فعلتي وداعت گمر بنتي وروح اشرف هاي مو اني

علاء ولج فهميني ولج ولج هاي مو رسائلج ولج هذا هو يسئلج شنو لابسه وانتي توصفيله هاي

مو اوصاف ملابسج الي انه حافضهن قطعه قطعه ولج جا الجذب وينه كل الادله تكول هاي

انتي وحتا حجيج ويا عن اوضاع بيتنه كليلي منو يبتلي عليج منو يفتري عليج اشياء محد

يعرفها بس انتي

راويه. علاء والله ما اعرف اي شي بس كل الي اعرفه اني مالي ذنب

علاء ولجججججججج لاتكولين مالي ذب ولج كافي تنكرين ولج اعترفي ورييحيني

راويه علاء لا فدوه  ضليت ابجي لان اني اخاف من الصياح علاء فدوه صددكني

علاء ولج انه الي سويتيني مضحكه وماخذه راحتج ويا وبيتي لزمتها من شعرها سحل الغرفتها

حاولو اهلي يفلتونها مني بس يهو جان اليقترب ادفعه انه دخلتها وقفلت الباب علينه ضليت

اضرب بيها وانه اتذكر كل كلمة حب جنت اكولها الها كل موقف حلو بيني وبينها وجانت هي

تخجل مني وتتسحب وتشرد وانه الغشيم جنت اضنها خجوله مادري بيها تحب واحد ثاني

جانت حارمتني من عدها وهي لاعبه لعب من وراي حسيته راح تموت جوه ايدي عفتها وانه

الهث من التعب طاحن دموع الغيره من عيني ارفعت ايدي وانه امسح بيهن اي انه غيور وغيرتي

ماتسمحلي بهذا الشي ودمعة الرجال شكد عزيزه وماطيح اله من ينكسر صدك وانه اليوم

احس نفسي انكسر ضهري ونتكس راسي طلعت من الغرفه واهلي دخلو عليها وعيونه، تحجي

استغراب وتسائل وعتب وشفقه على حالتها وجنه تبعتني للغرفه

جنه. ماجنت متصوره هاي ردت فعل علاء جان كلش عنيف وقاسي ضليت ارجف ابمكاني

اتخيلت نفسي لو يكتشف اني ورا السالفه شراح يصير طفيت جهازي حتا لابراهيم يتصل

وتندار الشغله علي وهم ماجنت متوقعه بعد ان ابراهيم راح تكون ضربته كلش عنيفه لحسين

لدرجه خلا بالعنايه المركزه وحالته مخطوره

علاء. مرت عشر ايام وحسين اليوم اله صحه من الغيبوبه الحمد الله الله ماقصر وهذا كله

ابفضل الله ثم دعوات الام اما انه فا اخذت النقال وحاولت اعرف صاحب السيم كارت بس

للاسف طلعت السيم كارت غير قانونيه وماطالعه بأوراق قانونيه حالتي ابد ماانحسد عليها

جانت صدمتي كلش جبيره براويه بعد مافرحت ان لكيت راحتي طلعتلي هاي السالفه كرهت

شي اسمه راويه كرهت شكلها وصوتها حتى اسمها اتندمت على كل لحضه كضيتها وياها

وعلى كل كلمة احبج نطقها الساني وانه الي جنت اضنها احسن من جنه بس لا اثاري يا ما

تحت السواهي دواهي مرن علي هاي الايام وانه كلش كئيب اتغيرت حالتي كلش ماصرت احب

لا اسولف ولا اضحك كلش جان ابدي اطلگ راويه بس اشرف يوگف ابعيني وهو يوصيني على

بنته لذالك ماطلگتها ولا كلت الاهلها ولا خليت اهلي يجيبون سيره بالبيت

راويه. مرت علي هاي العشر ايام قسم والله بيها اتمنيت الموت ولا انطعن هيج بشرفي منو الي سوه

بيه هيج منو الي يكرهني الهاي الدرجه اي هي ماكو غيرها جنه جنه لعبتها صح  وماخلت اي

مجال للشك لبستني التهمه من راسي الرجلي بس ماطول اني متكله على الله اعرف ربي

ماراح يضلمني جنت حابسه نفسي بغرفتي اكل ما اكل اله لمن احس نفسي راح اطيح من

الجوع كلش جنت اباوع ابنضراتهم كلهم لوم وعتب ولان اني عاقله ما الومهم لان الي سوته جنه

مستحيل واحد مايصدكه بس الله على الضالم

جنه. اني اطمنت الحد الهنا شفت علاء كره راويه كلش واني اتقربتله بسلوبي الجديد الي جنت

اسوي غصباً عني لان احسه مو اسلوبي ولا الي تعودت عليه بس ميخالف في سبيل حب علاء

كلشي اسوي وستمر هذا الاطمئان الى ان بيوم من الايام

يتبع،،،،،،