رواية عشگ ابن السواتر الفصل الرابع والعشرون 24 - بقلم زينب العبيدي(زينبيه)

السلام عليكم حبيباتي اريد اوضحلكم فد شي ترا الكتابه مو فد شي سهل يعني شي يتعب بالاخص واني عندي مسؤليات بيت وزوج واطفال وكله ومامقصره وياكم ادزلكم باليوم اما بارت او ثنين واحياناً حتى اثلاثه بينما تلكن باقي الكاتبات تنشر بين يوم ويوم وبارت واحد واحيناً اكثر من ثلاث ايام اتطول ومامنزله شي كله واقره تعليقات بعض البنات بيها كلام مجرح او تكول ملينه ومن هذا الحجي خلي شوي تقدر تعب الكاتب واني ماضاله ع اشكم وحده تحجي هيج بس حبيت اوضح لان مو من العدل حجيهن

#عشگ_ابن_السواتر

بقلمي #مولاتي_يازينب

#البارت٢١

جنه. علوشتي اني اريد اكلك شي

علاء شنو شبيج جنه

جنه. اني حامل

علاء لا لا صدك عود

جنه اي صدك اني اليوم الصبح سويت اختبار بالبيت وطلع ايجابي

علاء. ما اوصف الفرحه الي دخلت بيه الله واخيرا راح اصير اب الابن من صلبي شلت گمر

وابوس بيه گمورتي حياتي راح يصير عندج اخو لو اخت انتي شنو تردين

جنه. باوعتله بنص عين وكلت بنفسي اتخسي هاي تصير اخت الابني شجابها علينه هلفو هاي

راويه. اجيت حتا اخذ گمر حتا انومها وبالصدفه سمعت علاء يكول الگمر راح يصير عندج اخو

اكو شي حز بنفسي وضجت لا ارادياً بس سويت نفسي ما ادري واجيت اريد اخذ گمر

راويه. يله ماما گمر امشي انام

علاء. بست گمر من خدها يله روحي نامي تصبح على خير ياحلو

جنه اكول راويه.

راويه نعم

جنه انتي لمن حملتي بگمر هماتين ضلت نفسج تكلب وراسج يوجعج

راويه. حاولت اضم حزني وكلتلها اي

علاء. جنت اباوع لعيون راويه حسيت بيهن حزن انه اعرف اقره عيونها كلش زين تحاول اتضم

بحزنها بس عيونها فاضحاتها لكن شكد طيبه حتا حزنها اتضمه وماتعبر عنه

جنه. اي مو اني صارلي اشكم يوم راسي كلش جاي يوجعني ونفسي تكلب واحيناً اشتم رواح اكلات

وتجي عبالي هههه وصايره هواي احب اشتم ريحة علاء اكيد هاي سوالف النساوه

راويه. بالعت الغصه الي حضرتني وكلتلها ع الخير جنه حامل

جنه هزيت راسي بضحكه اي حامل يارب يجيني ولد يشبه ابو

راويه امين يله من رخصتكم ونزلت ليش ياربي اني هيج ضجت معقوله اني بديت احبك ياعلاء

واغار عليك من جنه راويه واشرف نسيتي سكتت شويه الضاهر صدك نسيت اشرف وعرفت

الحب وي علاء صدكً جنت عايشه وي اشرف لكن يضهر اني حبيته كا زوج وبس اما علاء فا

الضاهر حبه بده يخترق گلبي وجاي احبه اكثر من زوج والدليل اني اضوج من قرب جنه اله

وما مرهـ نمت اله وصورته تجي ابالي وكل حجيه ونضراته ضليت مابين فكره وفكره واني خاله

گمر بحضني حتا اتنام انفتح الباب وشفت علاء اگبالي

علاء. سديت الباب واجيت كعدت ع الجربايه يمها جريتها من خشمها وضحكت وكلتلها شبيج

راويه. ابتسمت. مابيه ليش تسئله وبعدين انته مو زين عليك تصعد وتنزل درج هواي

علاء. منو كال لايكون دكتوره راويه هي الي شخصت الحاله

راويه. ضحكت لا بس شي اكيد مو زين عليك يعني عمليه بضهرك اكيد هاي الصعده والنزله اتئثر عليك

علاء همممم خايفه علي هلشي حلو بس الاحلى غيرتج الي رسمنها نضرات عيونج شكد فرحت

بحمل جنه بس من شفت غيرتج الفرحه اكبر من حمل جنه تعرفين شنو معناتها يعني علاء فاز

بكلب راويه واخيراً هلراويه حبت علاء

راويه. ضليت ارمش بعيوني واحاول اطلع حجي وابرر موقفي بس ماطلع وياي شي اي ماعرف

اجذب كلشي واضح فضليت ساكته محجيت شي

علاء ابتسمت على حركتها وكلتلها ها حجيي صح لو جاي اتبله عليج

راويه بلعت ريقي وضليت اعصر بأصابعي وهزيت راسي بمعنى اي

علاء لابويه لا مامصدك تعالي خل اشبكج حتا اشوف انه بحلم لو لاء

علاء كمت شلت گمر اخذتها الجربايتها وفتحت ايديه الراويه ولاول مره احسها جايتني طوعاً

وبكل رغبتها شبكتها لحد ماحسيته راح اطب ابصدري وهمست بذانها ولج تحبيني

هلشي موزين علي يرفع كريات الدم الحبيه بكلبي ضليت ابوس بيها بكل مكان واموت ع خجلها

جنه جنت واكفه ورا الباب وسمعت كل كلمه كالها الها ومايدري هو هيج الشيطان بداخلي

وحلفت اله احرك هذا الحب وحتا رماد ماخلي يضل منه

اتصلت ع ابراهيم ابراهيم باجر ابدي بتنفيذ الخطه

ابراهيم اوك على راحتج وانه جاهز والي طلبتي موجود

جنه. ضليت بين يوم ويوم افتح الباب مالت المطبخ بنص الليل ويكعدون الصبح يتفاجئون منو

الي فتحه يعني باليوم الي علاء يمي افتح الباب مالت المطبخ وعلى اشكم مره ضليت اصرخ

عساس اني شفت رجال غريب بالبيت وفد مره من المرات جان علاء نايم يمي بالغرفه نزلت اني

بخفيه الساع ب ٣:٠٠ بالليل عساس اجيب مي فتحت باب المطبخ كا العاده وخليت بالطارمه

مالتنه قريب من السياج انعال رجالي تكرمون طبعاً مستخدم انطانيا ابراهيم ورجعت المكاني

بالصاله وضليت اصرخ

جنه. حرااااامي. لحكولي الكل اهنا كعد واجو واني سويت روحي ابجي وخايفه واحاجي علاء

والله نفس الشخص اشوفه دائماً اهنا وبس يشوفني يركض ويشرد يعني هذا الحرامي ياترا

شيريد

علاء وانه محتاروالغضب واصل الحده حرامي يدخل البيتي لا ونفس الرجال يتكرر علينه دائما

اكو سر وليش ضليت اباوع ابوجهه خواتي ضليت اشك بكلشي بس لا لا خواتي ترباتي

ماعدهن هاي السوالف كلت الحسن وحسين بعد راح يضل كل يوميه واحد اهنا يكعد بالصاله

وماينام مره حسن ومره حسين ومره انه لحد مانشوف هذا الشخص منو

جنه ابتسمت ابمكر هذا الي اريده

علاء طلعت برا وانه ادور بلكن اشوفه اشوف سياره اشوف اي شي شفت نعال رجالي يم

السياج مال البيت اخذته ودخلت جوه كلت الحسن وحسين هذا الكم لو مال ابوي

ام علاء. لا يمه مو النه ولا الواحد منهم

علاء شمرت النعال بغضب اكيد الهذا الخسيس بس وين يروح مني مردي اكضه

جنه. ورا كم يوم تممت نهاية الخطه وختاريت يوم الحراسه الي يكون على حسين وعلاء نايم

عندي طبعاً اني من الضهر استغليت فرصت وجود راويه بالحمام جاي تسبح خليت التلفون

جوه مندر الجربايه مالتها. هذا التلفون انطانيا ابراهيم بي هواي رسائل بتواريخ متعدده كلهن

بأسم راويه وي شخص سمينا بالرسائل محمد وبنفس اليوم بالليل الساعه ب ٢:٠٠ استغليت

انشغال حسين بتلفونه اتسللت بخفيه وفتحت الباب الخارجي الابراهيم وباب المطبخ ورجعت من

غير مايحس بيه

ابراهيم نزلت من السيره وانه ملثم عفت السياره مشتغله ومفتوح الباب حتا ابسرعه اشرد دخلت

بهدوء وبيدي توثيه باوعت للولد الي اسمه حسين لكيته مدنگ على تلفونه ضربته اسفل راسه

وهاي الضربه غالباً تسبب الموت هو صرخ بصوت عالي كلش وطاح مغمي عليه ذبيت تلفون

الي بي الرسائل عساس تلفون حبيب راويه وطلعت مئلف اركض ونطلقت بسياره امشي الف

جنه كعدت علاء. وحجيت بخوف علاء ماسمعت

علاء. شبيج جنه شنو الي سمعته اهنا سمعت اصريخ امي وهي تصيح يمه لحكولي حسين

مات

علاء. نزلت ماعرف شلون طلعت من باب الغرفه وشلون نزلت ما اذكر شي شفت حسين سابح

بالدم لاشعورياً شلته رغم انه عمليتي خضره ومايصير اشيل شي ثكيل وطلعت اركض بالشارع

وامي تركض وراي وابوي هم وبالكوه حصلت سياره تكسي ورجعت امي وابوي ماخليتهم يجون

وياي اخذته للمستشفى دخلو غرفت العمليات بسرعه وانه محترك دمي لاجايب وياي نقال ولا

شي انتبهت على ملابسي لابس برموده وفانيله داخليه ونعال تكرمون مالابس من شدة خوفي

على حسين وابو التكسي جز الله الف خير ما اخذ مني كروه لمن شاف حالتي الاانه بيهه ضليت

متوتر اروح واجي بالمستشفى ساعه لحد ماطلع الدكتور ركضت عليه وكتله ها دكتور اخوي شبي

الدكتور اخوك عنده فطر بلجمجمه وكفنه النزيف بس حالته خطره وداخل بغيبوبه وهسه راح

انطلعه للعنايه المركزه والله كريم ضلت يم الله

علاء ضليت يمه للصبح وبنفس الوقت ابيتنه

ام علاء. لكينه نقال ابيتنه بس مقفول ابرمز ماهتمينه للنقال بس ضمينه على ما يجي علاء

واحنه مشلوع كلبنه على حسين

علاء ضليت منتضر يم حسين كلت خل اروح اطمن اهلي خطيه جانت حالتي كسيفه حافي

وفلوس ماجايب وياي شلون راح ارجع للبيت يله اخذلي تكسي ومن اوصل انطي مديت ايدي

على ضهري اتلمس العمليه لان صار عندي وجع بضهري شفت الفانيله مالتي ناكعه والعمليه

جاي اطلع ماي رحت ضمدوها الي وبعدها طلعت اخذ تكسي كلها اتباوع علي انه والبرموده

وحافي وشعري مكوش وشطولني كلها تضحك علي حسبالهم مخبل يمكن وانه ميت من

الاحراج اخذت تكسي ورحت ع البيت وصلت ع البيت شفت اهلي حال الضيم حالهم وامي

تبجي جان الخوف باين بعيونهم حتا جنه وجهه اصفر وكلها ترجف

ام علاء. يمه علاوي وين اخوك حسين يمه لاتكلي مات

علاء لا يمه اسم الله عليه حسين سوله عمليه هو هسه زين الحمد الله طبعاً جذبت عليها ماكلتلها

بالعنايه لان شكلها يكسر الخاطر

علياء. علاء ليش ماتبلغ الشرطه وهذا تلفون لكينا مالت الحرامي

علاء. حجيت بسرعه تلفون وينه التلفون انطونيا بسرعه

علياء رحت جبتله التلفون

علاء حاولت افتحه لكن جان مقفول برمز رحت بسرعه غيرت ملابسي واخذت النقال ورحت على

واحد اعرفهه يفتحلي الرمز وبالفعل ورا ساعه سوا الي اخذت النقال بلهفه وفتحته

يتبع،،،،،،،،