رواية عشگ ابن السواتر الفصل الثاني والعشرون 22 - بقلم زينب العبيدي(زينبيه)

السلام عليكم متابعيني عذروني ع التئخير بس والله فرغه ماعندي حتى اكتبلكم وتفاعلكم مايسوي واهس محبط ماتعودت عليكم هيج

#عشگ_ابن_السواتر

بقلمي #مولاتي_يازينب

#البارت١٩

راويه هزيت راسي. بمعنى اي وسمعت صوت كمر تبجي ورحت الها جانت نايمه لگيت يمها

علاء يمه هذا يمتا اجه رجعت ردت اطلع

علاء اوكفي تعالي اخذي گمر

راويه. اجيت واني ميته من الخجل مابدي اباوع النضراته

علاء. سحبتها من ايدها وكعدتها ع الجربايه. شلت الشكاله من شعرها فتحته شنو اليمته ناويه

تضلين هيج تتصوريني راح اتحمل اشوفج اكبالي واقاومج لاتكليلي وخر ايدك ولاتكليلي

لاتلمسني ولاتكليلي اطلع بره لان كلشي ماراح يصير من هذن

راويه. حاولت اسحب ايد ي من ايده ماكدرت ضليت اطگ على ايده حيل واتوسل بي عوفني فدوه

علاء لزمت ايدها اثنيناتهن راويه. خلينه نبدي حياة حلوه كافي ترا انه تعبت والله الدنيه راوتني هواي وماخلتلي مكان ارتاح بي

راويه اي ميخالف نبدي حياة جديده بس عوفني على راحتي بس لاتجبرني على شي وشيل ايدك من ايدي

علاء. ادري تحجين هيج حتا تصرفيني بس انه جاي احجي جد راويه تعبتيني والله احبج والله

حتا جنه ضليت ما افكر بيها صار تفكيري بيج انتي اعشگ كلشي بيج شكلج تصرفاتج وخجلج

وحتا دموعج راويه فهمي انتي صرتي مرتي كافي تشلعين كلبي

راويه هسه انت شتريد فدوه عوفني

علاء. ما اريد شي تعالي كعدي يمي خل انسولف اتعر ف عليج وتتعرفين علي

راويه اي عوف ايد ي راح اكعد

علاء. عفتها وضليت اسولف الها عن حياتي من اول الي فطنت بي على الدنيه لحد ماحبيتها

سولفتلها هواي عني وعن اشرف بدايه الامره جانت ماتشاركني بالحجي بس بعدين شفتها

اندمجت وياي

علاء. تدرين ياراويه هواي نصحني اشرف ما اتزوج جنه وكلي جنه ماتصيرلك ورادلي وحده

مثلج انتي مرات اصفن واكول يمكن اشرف جان يعرف بالمستقبل ان بيوم من الايام راح يموت

وتصيرين انتي الي هو بالوصيه هيج كال كال انه ماتمنيتلك وحده اله مثل راويه وجان يعرف ان

جنه راح تشلع كلبي

راويه. انته هواي تشبه اشرف هسه من سولفتلي عنك حتا تفكيركم يتشابه اشعجب ما اخذت حجيه

علاء. ما اعرف ليش ابوكتها يمكن جان حب جنه ماليني وبوكتها جانت هي تقنعني بالكلام ان

راح تصبر وياي ماعرف ماعرف يمكن هذا غلط مني بس ماعرف شلون هسه اصلح هذا الغلط

راويه افتهم منك انته ماتحبها هسه

علاء. لا مو ما احبها بس ما اريد قربها احسها اتعبني

راويه. شنو هذا الشعور المتناقض هذا

علاء ضحكت شسوي بعد  هذا الاحس بي

راويه بس هذا احساس مو طبيعي

علاء انعم الله عليج يعني قصدج مخبل

راويه ابتسمت لا العفو

علاء اف ذوبتني بأبتسامتها جا من تضحك شلون

علاء سولفيلي انتي عن نفسج

راويه عادي اني حياتي مثل اي بنيه اهلي ماخلوني اكمل دراسه بثالث وبطلت

علاء. وليش بطلتي خاف كسولي

راويه. ابتسمت لا هو مو كسولي بعد اني مستواي جوه النص

علاء جوه النص يعني كسولي

راويه لا لا موكلش جوه النص يعني جوه النص بدرجه

علاء يعني كسولي متحسن

راويه. اهووو لا ياعمي اني شاطره

علاء بدينه بالحماوه احجي صدك

راويه لا لا والله كتلك يعني جوه النص المهم خليني اكمل ووو عشت ابيت كله ولد يعني اخواني

جنت لبنيه الوحيده وعلي شغل البيت كله لحد ما اتزوج اخوي الجبير مو بس الكراب حتا

يفرضون ارائهم عليه كل واحد رئيه مختلف ولازم ارضي كل واحد

علاء كل اخو يحب يفرض رئيه على اخته

راويه. بس اذا عندك اربع اخوان وكل واحد رئيه يكول شي مثل اخوي الجبيره يكلي تكعدين من

الساع ب السته لان انه دوامي على وكت واريد ريوك واخوي البعده يكلي لاتنامين لحد الساعه

بالوحده لان انه ارجع بالوحده واريد عشه واخوي الي ورا يكلي ليش الطارمه وصخه واخوي

الي ورا ايكلي لاطلعين للطارمه ولا الباب البيت يعني لازم ارضي الكل. هيج جانو طول حياتهم

ف اني اتعلمت ارضيهم بطريقتي

علاء اهااا  يعني تعبانه من اخوانج

راويه. لا اني ماكلت هيج ابد لبنيه الماتخدم اهلها واخوانها لاخير البيهه بس اني جاي اسولفلك

عن عيشتي قبل وهيج استمرت حياتي الى ان تزوجة اشرف احترمني اشرف هواي الله يرحمه

وماحسيت ويا بأي نقص جان يسمع مني ويحترم رئيي تحسرت

علاء. اشرف طول عمره يستمع من الناس وانه اكثر واحد يعرفه اااخ ياراويه لوتدرين شكد

مشتاقله اي قسماً مشتاقله مثل مامشتاقتله امه هسه

راويه. طبعاً اشرف ماجان عنده سيره غيرك انته  كليوم وضروري يحجي بيك اشسويتو

وشحجيتو جان يكلي هو احسن من عندي بهواي حتا على نفسه امفضلك

علاء مستحيل اكون انه احسن منه اشرف رجال مامنه ثنين

راويه. اني اشوفكم ثنينكم نفس الشي لان عاشرته هو وعاشرتك انته احسكم نفس الاطباع ولو

تشابهون شويه جا كلت خوان

علاء واحنه بالفعل اخوان

علاء ضلينه انسولف لحد ماسمعت صوت امي تصيح تعالو تعشو معقوله كعدنه كل هاي

الفتره الله ياراويه الوكت وياج ماينحس بي هلحجي گمر كاعده ويانه وتلغي ابحدها  لزمت گمر

وبوستها شلت گمر ورحنه نتعشه واباوع الانضار كلها علي ويتغامزون ابيناتهم جني مسوي

جريمه شبيهم هذول ياناس ترا هاي مرتي بس يمكن فرحانيلي وهلفرح ماشفته بعيونهم من اكون

وي جنه وهلشي يثبتلي ان مو بس اشرف الي جان شايف جنه ماتناسبني كل اهلي نفس

التفكير بس انه الاعمه الي ماشفت هذا الشي اله بعد فوات الوان فقررت لازم اخلي جنه امام

الامر الواقع تختار اما الطلاگ او تعيش وياي ع الشرط الي شرطته الي هو تكون هي وراويه

سواسيه فتصلت على ابو جنان وبلغت بالشرط وكتله خلي جنه تختار ماعندي اي حل وسط

وشرط اذا رجعت وياي تبدل كل اسلوبها لان اقل زله اطلكها كل شخص وعنده احدود الصبره

وانه صبرت هواي ونفذ صبري سديت من عنده التلفون ورا ربع ساعه تلفوني مابطل بس يدك

وانه ما ارد جانت جنه تتصل اخر شي دزتلي رساله وكالت انه موافقه على شرطك راح ارجع

واغير كل اسلوبي واعيش عيشتكم صار عندي شعور ضوجني ماعرف ليش جنت متمنيها

ماترضا ع الشرط وتطلب الطلاگ

جنه. اي اموافقه على شروطك ليش ماموافقه هه هه ضحكت ابمكر واني الي راح اخليك تكره

حتا اسم راويه ورجعت دزيتله رساله شوكت تجي علي

علاء. رسلتلها رساله من ارجع انه باجر التحق

جنه اوك اني قبل لاترجع بيوم اروح للبيت

علاء. هذا هو سديت التلفون رحت حتا اشوف غرامي وعشقي وين جانت جاي تغسل اماعين

وكفت اباب المطبخ واباوع عليها وهي تغسل هي مامنتبهه علي

راويه. بينما اني جاي انضف المطبخ واغسل المواعين حسيت اكو واحد جاي يراقبني التفتت

لكيت علاء واكف محتاج شي حجيتها بالكوه

علاء ها لا بس اريد احجي وياج اريد اسولف وياج جنت ادور عن اي موضوع بس حتا احجي وياها لان حتا حجيها احسه راحه الي

راويه ابتسمت نص ابتسامه انته ماتشبع اسوالف

علاء ابتسمت ودنكت راسي ورجعت رفعته جان اشرف الوحيد الي يسمع مني مجرد ما احس

نفسي عندي حجي الگه رجلي واكفه يم بابهم ادري محد راح يعوض مكانه بس كلت عسى

ولعلى راح تسمعين مني

راويه علاء شدعوه زعلت جيبلك كرسي وتعال اكعد سولف اني مكتلك شي

علاء. ابتسمت بس كلت خاف ضجتي لان كلتي ماتشبع سوالف

راويه صبيتله كلاص جاي اتفضل اتفضل وجبتله كرسي اكعد اهنا

علاء بويه ماكاضتني الگاع من الفرحه احس روحي طاير تكول جاي تحجي غزل  كعدت وانه

اباوعلها من جوه ليفوك

راويه اسمعك

علاء راويه اتصلت ع ابو جنه وكتله وسولفتلها الحجي الي دار بيناتنه

راويه احجي بدون ما ابارع عليه ملتهيه بغسل المواعين اكيد هي مو مثلي يعني هي زوجتك

وعن حب تزوجتو ليش تكوللها هيج ان هي مثلها مثلي

علاء يجوز انتي ماعندج شعور اتجاهي بس انه احبج ويجوز احبج اكثر من جنه رغم انه

مامتخالط وياج بس احس براحه مجرد اباوع الشكلج وانه كلتلها هيج لان بلفعل اريد اعيش

وياج مثل ما عايش وياها

راويه بس اني ياعلاء مااحس بتجاهك شي ارجوك لاتحبني زايد

علاء موبيدي ياراويه هذا كلبي الي متحكم بيه ماتكليلي شسوي

راويه ارتبكت ما احب اسمع هل حجي وغيرت الموضوع وكتله هسه نرجع للمهم شنو جان رد

جنه ع شرطك

علاء اتحسرت وافقت وكالت راح اعيش وياك مثل عيشتكم وما اعارض شي

راويه زين حلو هل شي اشوفك ما فرحان

علاء تمنيتها تغار تبدي اي حركه اي شعور اي كلمه تدل ع غيرتها ماكو اضاهر صدك

ماتحبني هل راويه ،،،كلتلها ماعرف صدك ما فرحان

راويه لاياعلاء العن الشيطان هاي زوجتك وحبيبتك لاتعوفها ولاتخلي مشاعر واهيه تسيطر عليك

علاء تملكني الغضب من حجيها وبرودها شنو من بشر هاي حبها حاركلي دمي وهي تكول

واهيه كمت من مكاني خليت كوب الشاي ع الكاونتر حيل وكلتلها بغضب حجيج جاي ينرفزني

راويه بخوف من عصبيته بس اني شكلت

علاء جاي تستهزئين بمشاعري وتكولين شكلت

راويه مااقصد استهزء بس مااريدك تحبني وتتعب واني ما احبك

علاء بعصبيه اكبر لا  أتحبيني فاهمه واذا مو برضاتج غصبا عنج عفتها وطلعت ما ادري ليش

اتصرف بعصبيه يمكن لان الدنيه تعبتني هواي وكمت احس هي راحتي الوحيده وهي رافضتني

راويه ولاول مره اتشجع وصحت عليه ماكو شي غصبا اعلى مابخيلك اركبه

علاء. التفتت عليها بغضب واجيت عليها بخطوات متسارعه لزمتها من فكها كلتلهاانشوف ياراويه

وطلعت برا بشارع شلي يخليني اتعصب اي اريدها اتحبني اي لازم تحبني غصباً عنها

تحبني اريد ارتاح اشرف ساعدني اريد ارتاح شلون خليتها تحبك علمني حتا اخليها تحبني

اشرف صدك تعبت مامرتاح بدنياي زين اذا ماتساعدني اطلب من الله ياخذني يمك ورجعت

للبيت اخذت گمورحت البيت اشرف طبعاً دائماً انودي گمر يمهم بعد هاي بنتهم وحقهم رغم هما

كلهم يكلولي بنتك ولا مره كل لي بتنه او بنت اشرفكعدت يمهم لحد الساعه ب ١٢:٠٠ ماحسيت

على نفسي اله لمن نامت گمر

ام اشرف. يمه علاويهاي گموره نامت خطيه اخذها وروح للبيت اخاف تكعد من نومتها

علاء ههه يمه طردتينه شنو انريد انام يمج شلون يعني

ام اشرف اوي يايمه الساعه لمباركه صدك وتسويها

علاء.والله ياخاله ياريت بس. صدك كمر نامت وخاف تكعد وتريد امها وانه باجر التحق

ام اشرف امودع يايمه ايحرصك امير المؤمنين ويردك النه سالم

علاء مشكوره يايمه يله تصبحون على خير ورحت

اول مادخلت البيت لكيت راويه تلوب على بتها

ام علاء هاي هل اجه علاء خبلتينه وهاي گمر نايمه عليش الخوف يايمه الماخذها غريب يعني

راويه اف الحمد الله يله خاله روحي نامي اسفه لان ازعجتج

ام علاء لا يايمه لا ازعاج ولاشي بس انتي قلقتي روحج على الخالي بلاش تصبحون على خير

يله يايمه علاوي روح نام وراك كعده الصبح

علاء. دخلت للغرفه خليت گمر على جربايتها ورحت صعدت فوك طلعتلي ملابس وسبحت نزلت

لكيت راويه قافله الباب اهااااهيج ياراويه دكيت الباب

راويه منو

علاء الجني ليش قافله الباب

راويه فتحت الباب شتريد

علاء اريد انخمد

راويه. بس انته صعدت فوك حسبالي راح اتنام فوك

علاء دخلت وسديت الباب قفلته

راويه. ليش تقفل الباب

علاء. ليش ما اقفل الباب يعني مره ورجال بغرفتهم كلشي يصيربيناتهم عيب واحد يدخل عليهم 

راويه ع ع علاء شنو راح يصير ابيناتهم انته شبيك شتحجي

علاء. زوجج واريد حقي الشرعي

راويه ضليت ابجي بسرعه فدوه علاء فدوه اروحلك لاتغصبني على شي ما اريده

علاء. وما اضل انه ورا رضاتج

راويه والله اصرخ واگلب الدنيه واكعد اهلك كلهم

علاء صرخي يكولون مره وتدلع على رجلها

راويه ضليت ابجي الخاطر اشرف فدوه  علاء

علاء. اشرف ماله علاقه وهو ماراضي ع الشي الي تسوينه انتي

راويه. علاء والله اوعدك عوفني اليوم ولمن ترجع من الحشد كلشي يجرالك

علاء. محد ضامن روحه يروح ويرجع انه رايح للموت ويجوز ما ارجع

راويه. لا اسم الله عليك انشاء الله ترجع فدوه امهلني هلي المهله بس

علاء اتقربت عليها وهي ترجع ليورا ماكو فرق اليوم او لمن ارجعً انتي الي حديتيني على هذا الشي

راويه. والله اسفه اذا ضايقتك بحجيي والله ما اعيدها وصرت ع الحايط واني اريد مهرب منه

بعد ماكو ردت اوخر من جانبي خله ايده رحت ع الجانب الثاني خله ايده الثانيه ضليت اتوسل

علاء كافي لاتعبين نفسج خليتج براسي اتقربت عليها ولثمت اشفايفها بقوه رغم مقاومتها الي

بس ماكدرت اتسوي شي وووووووحدث ماحدث

علاء. عفتها وكمت رحت لفيت راسي ونمت ما اريد اسمع صوتها وهي تبجي ضليت امركز

وياها وي كل شهكه صوتها يعذبني معقوله السويته غلط ليش استعجلت عليها حسيتها هدت

شويه باوعتلها جان اكو ضوه خفيف شفتها كاعده وصافنه كمت يمها لفت نفسها بالحاف

كومتها وهي تسحب باللحاف وياها

راويه احجي واني ابجي وين ماخذني

علاء نومتها ع الجربايه راويه ماله داعي هذا البجي انه ماسويت شي غلط انتي زوجتي كافي دموع

راويه فدوه علاء لاتعيد الي سويته ترا هواي كرهتك من فعلتك هاي

علاء لا راويه حتلو كرهتيني انتي لازم تتعودين انتي زوجتي وانه احبج سحبتها على صدري

ونومتها جانت ترفض وتقاوم بس اني ربطتها بيدي الى ان تعبت واستسلمت ونامت وهي على

صدري الفرحه ما اوصفها احلى شي صار بحياتي نومتها هاي على صدوي شبكتها ونمت

للفجر كعدت على صوت امي وهي اتدك الباب

علاء اي يمه كعدت التفتت على راويه فتحت اعيونها طبعت بوسه على شفايفها الله وياج

يالحبيبه ادعيلي ارجعلج ماريد اموت وانه ماشبعان منج

راويه. غمضت عيوني حيل وفتحتهن الله يرجعك سالم الامك

علاء. بس الامي

راويه. لهلك كلهم

علاء. وانتي من ضمنهم

راويه. اكيد اني من ضمنهم منو الگمر بعدك

علاء يعني بس الخاطر كمر

راويه هزيت براسي ابمعنى اي

علاء اها كولي الله يرجعك سالم الي انه ترا ما اعوفج وانتي تعرفين شنو اقصد كيفج بعد ضلت يمج ياريت ماتكولين

راويه.  ابسرعه كلت الله يرجعك سالم الي

علاء. لا حرامات وكمت سبحت وصليت لبست بدلتي العسكريه وتريكت وطلعت

جنه جنت محضره كلشي للخطه القادمه الي راح اهد بيها حياتج ياراويه

ابراهيم بس الكلشي ثمن ياجنه

جنه. انته تؤمر ابراهيم مايهمني شلي تريده عسا ماتريد اسنين من عمري هم انطيك

ابراهيم متئكده

جنه. اكيد انته راح اتسويلي فضل وراح يضل دين بركبتي كول شلي تريده

ابراهيم على ماتكمل الخطه افكر بلي اريده

جنه شكراً برهوم على وكفتك وياي.

ابراهيم وانه شكم جوجو عندي انتي تؤمرين وانه طبعاً انفذ

علاء مثل العاده كضينه ايام الدوام مابين الحروب والتدريب اتعرفت على واحد اسمه عباس

جان خبير متفجرات ودربنه على فك العبوات هل انسان حبيته جان يذكرني بأشرف هو من

اهالي لعماره وخطيه هم متزوج اثنين وشالعات گلبه اتعلقت بي هواي بهاي الايام وهو هواي

حباني كلش اهواي يشبه اشرف منطقاً وتصرفاً واسلوباً وبيوم جانت عدنه هجوم على احد

المناطق وستعدينه للهجوم جانت حرب جداً جداً جداً شديده عباس جانت عنده حروره بدمه

ومتسرع هو منو المايحترگ دمه بس مالازم يتهور خذته الغيره وطلع ع الدواعش يرمي مكشوف

انه جانت عيني عليه وتخيلته اشرف ذبيت اسلاحي وركضت عليه ودفعته وانه اركض للساتر

بهل اثناء ماحسيت بس دم ينزل مني

عباس. بخوووف لك علااااااء انته تنزف

علاء. لشدة المنضر وخوفي على حياة عباس قسم انه ماحسيت بالاصابه لوله تنبيه عباس الي

جان مادريت

عباس. لك علاااااااااء اشطلعك

علاء بدت عيوني تغوش اسمع عباس يحجي ويصرخ ويبجي

عباس علااااء لاااااتفقد

واسمع ثنين فوگ راسي يكولولي علاوي اتشاااااااهد وثكل اللساني بالشهاده أ أ أشهد ااان لا االه الى الله وأ أأاشههد ااان محمد رسول الله وأأشهد أأأن علياً ولي الله

يتبع،،،،،،،،