رواية عشگ ابن السواتر الفصل الثالث والعشرون 23 - بقلم زينب العبيدي(زينبيه)

واحله بارت الاحله سهرانين

#عشگ_ابن_السواتر

بقلمي #مولاتي_يازينب

#البارت٢٠

علاء. صحيت على نفسي وانه بالمستشفى وكل اهلي يمي

نرجع شويه بالوكت الساعة الاصابه

عباس. بصوت كله بجي لا خويه علاء لاااا

واحد من الولد خلي نشيله ناخذه للاسعافات الاوليه يجوز ماميت

عباس بسرعه يله

مرت عليه خمس ساعات انه فاقد وبالغلط وصل العباس الخبر انه متت عباس ضل يبجي

ويصرخ طبعاً انه وصيته ابوصيتي قبل لانطلع للحرب وهو هم وصاني خابر على اهلي يبلغهم

انه متت وحجه ويا ابوي

ابو علاء. الو ها علاء

عباس ابصوت كله بجي وحزن عمي انه عباس مبروك عليكم ابنكم راح شهيد

ابو علاء. علااااااااااء بويه علاااااااااء

ام علاء. التمينه كلنه على صوت ابو علاء وهو يصرخ يمه وليدي اعليوي الغالي ولجن لحكني

اخيجن راح مني ولج رراويه لحكيلي رااح وماشبع منج يمه يحبج وروحه بيج يمه گمر راح ابوج

الثاني يماااااا مقسوملج تتيتمين مرتين

راويه اجيت اني على صوت خالتي ام علاء واني ادك على وجهي وتخيلت اشلون يحجي وياي

ويكلي انه احبج ومن يكلي منو ضامن حياته يرجع اي اي بذمتي ضلت ضحكتك وسعادتك

اني حضي الفگر مايكعد يوم اويلي عليج ماما گمر ابوج الخلفج راح وابوج الرباج لحكه

علاء انلجمو اهلي مره ثانيه وانه على قيد الحياة

ولمن فقت من البنج شفت دكاتره يمي وبعض الجنود اول مافتحت عيوني سئلت على

عباس واحد من الولد الي وياي بنفس الوحده العسكريه كال عباس موجود مابي شي بس

الحرب مستمره وهو وياهم

الدكتور علاء. حالتك شوي صعبه اصابتك بليغه اخترقت هواي من جسمك ومشت بضهرك بس

الحمد الله مو يم العمود الفقري ولا يم الحبل الشوكي انشاء الله لليل راح انقلك للبصره وتضل اهناك

بالمستشفى

علاء ضليت اون من الوجع انطوني ابر منومه ومسكنه وصحيت على نفسي وانه ابمستشفى

ال،،،، بالبصره وراجعين واهلي كلهم داير مايدورني طبعاً راجعين مخابرينهم وكايليلهم انه

عايش فتحت عيوني وانه ابوع بوجوهم واشوفهم كلهم يبجون سئلت عن ابوي

علاء. يمه وين ابوي شبي وجهج ازرگ

علياء. ضربت على وجهه لان اجالنه خبر انته متت اسم الله عليك احجي واني ابجي ونبوس

بيدي وبراسه وابوي بالردهه صعد سكره وطاح علينه

ام علاء. يمه وليدي يمه شلون بيك شنو يوجعك شنو يئذيك ياربي فدوه اروحلك دور الوجع بيه وخلي وليدي يتهنه بشبابه

علاء حجيت بالكوه اسم الله عليج يايمه

حسين علاء انت لو تموت امي لوتجلط ابوي لوتموت صدك لو ماتصوب بعد

زهراء حسيون اسكت عمه بعينك

علياء رشيت ع وجه حسين ماي من البطل الي جان بيدي ( يكولون الماي يبطل الشر والفال الموزين )

حسن ههه ثول يالغبر

حسين جا والله موتنه يوميه نبجي وندك ويطلع عايش

حسن ولك وين انروح اذا صار بي شي هذا علاوي الخير والبركه

علاء. فدوه اروحلك خويه الخير بيكم انتم انشاء الله العنده هيج خوان شيريد من الدنيه بعد

درت بعيوني على راويه شفتها شايله گمر واكفه هم اخدودها حمر اضاهر هم داكه على

وجهه ليش جايبين گمر اهنا المستشفى كلها امراض

ام علاء جا وين انخليها يايمه راويه اصرت تجي ويانه

علاء. رفعت عيوني اباوع الراويه فرحتني احجايات امي

علياء. يله امشولنه خل انشوف ابوي خطيه رحنه كل احنه التفتت على راويه انتي خليج يم زوجج اخافف يحتاج شي

راويه هزيت راسي ابمعنى اي

علاء. اشرتلها تكعد يمي على الجربايه طبعاً انه ماجنت نايم على ضهري لان العمليه بضهري

ونايم صفح

راويه كعدت الحمد الله على سلامتك علاء

علاء. الله يسلمج ليش معوره خدودج هيج

راويه دنكت ماحاجيته

علاء ابتسمت وحجيت بالگوه خفتي علي

راويه. هزيت راسي ابمعنى اي

علاء لزمت ايدها الله لايحرمني منج

راويه. عفته شوي لازم ايدي وبعدين سحبتها

علاء. گمر حبيبتي شفت ابوج ورجعني ماخذاني ويا اتمنيته ياخني ويا بس هو الضاهر هواي

يحبج ومايريد يخليج ابهاي الدنيه بدون ابو ويجوز الخاطرج الله ماخذاني بست ايد گمر هي

ضحكت ورادت تشمر نفسها علي بس امها لزمتها

راويه لا ماما لا بابا متئذي بي واوا

علاء. راويه. نصي صوتج لا يسمعج احد صوتج حلو يلفت الانتباه

راويه. هزيت راسي ابمعنى صار

علاء شويه واجت ازهار. وهي تبجي

ازهار. شلونك خويه علاوي الحمد الله على سلامتك ولك ياخوي انته راح اتموتنه والله

علاء. ضحكت الله يسلمج جا شبيدي انه بحلگ الموت والله ماياخذ روحي

ازهار. اسم الله شنو هلحجي هذا الله يحفضك

علاء. اشكرج خويه بس انتي ليش اجيتي وتعبتي نفسج

ازهار يعني اني ليش اجيت مو انته اخوي مثل ما اجن علياء وزهراء اني واجب علي اجيك

علاء الله يخليج الي ياخويه ولا يحرمني من طيبتج انتي شلونج محتاجه شي والله ماصار عندي

وكت امر عليكم سامحيني ياخويه مقصر بحقكم بس والله لو ترجعين هواي مفتقدينج

ازهار لا ياخويه مامحتاجين بس سلامتك ولاتشغل بالك احنه مرتاحين يم خالتي وبعد ما اكدر

ارجع يمكم اعذرني اله وين ابوي كالو طاح خطيه وارتفع سكره

علاء. بالردهه الثانيه

ازهار من رخصتك علاوي اروح اشوفه واطمن عليه

علاء. على راحتج راحت ازهار ورجعت باوعت الراويه اخذوني وياكم للبيت ماريد اضل بالمستشفى

راويه خل انشوف الدكتور شنو يكول

علاء. خل يولي الدكتور مايعرف وين دواي وين راحتي انه راحتي من اكون يمج ودواي عيونج الحلوه

راويه دنكت كافي علاء لاتحجي هواي انته تعبان

علاء اهنا اجت جنه وابو جنان

جنه واني ابجي علوشتي حبيبي اسم الله عليك ليش هيج ياروحي موتتني خوف عليك

علاء ابتسمت الها اسم الله عليج انه مابيه شي

راويه رفعت عيوني على جنه وجانت هي هم تباوع علي

ابو جنان الحمد الله على سلامتك بابا علاء خطاك السوء

علاء. الله يسلمك ياعمي انشاء الله ماتشوف السوء

جنه. اشلون اتصوبت علوشتي كل يوم امخوفني عليك

علاء. والله ذبحتوني شبيدي على امر الله

ابو جنان والنعم بالله الضاهر زهكان من هاي لحجايه

علاء ابتسمت بالكوه. اي والله ياعمي يهو الي يشوفني يكلي هيج شويه واجو اهلي وياهم

ابوي فدوه اروح الشيباته عيونه كلها ادموع اجه باس بطن جفي سحبت ايده وبستها

ابو علاء. كل الحالتين انته رفعت راس بويه شهادتك او نصرك هي عز للوطن

علاء. وانه منك اتعلمت هل اصرار شهاده لو نصر ماعندي خيار ثالث

جنه يعني بعدك ماتبت وناوي ترجع للحشد

علاء اذا انه تبت وغيري تاب منو يحميج ويحمي هاي الناس كلها

ابو جنان بارك الله بيك بابا والله يشد من عزمك ويگوي كلبك ويشافيك

علاء ضليت ثلاث ايام بالمستشفى ضل يمي حسين شبعني قهر وضيم غبي مايفتهم وبس نايم
ويلعب بنقاله

علاء حسيون اريد افتهم بس انته واخوك حسن مو توم يعني حسن الله انطا يجوز عقلين يعني

تلكه العقل مالك عنده بس كلي براسك هسه شنو

حسين. ابراسي جوراب مامغسول صارله ست اشهر

علاء. امممممداك يالاثول متكلي منين الله خالقك

حسين خالقني من جوراب

علاء ثول قافل ع الجواريب اليوم

حسين. لان خنكتني ريحت الجواريب مادري منين جاي تجيني مادري هذا يهو مانازع جواريبه صار شهر

علاء اششش يالاثول فشلتنه لايسمعونك المرضه لو الدكاتره طبعاً احنه بالردهه مو ابحدنه وهذا حسين صوته يلع

حسين جا هسه انه مجذب وصاح بصوت عالي اخوووان الي ماغاسل رجليه يروح يغسل ترا انذبحنه

علاء. انه سحبت البطانيه وغطيت وجهي فشلني الاثول عاد اهنا ضلو يضحكون المرضا
ومرافقينهم

علاء اجاني عباس وهو مدري يضحك مدري يبجي شفته كلش فرحت بشوفته

عباس. الحمد الله على سلامتك علاوي والله خوفتني عليك

علاء الله يسلمك

عباس مشكور ياخويه انه مديونلكً بحياتي لو ما انته جا هسه انه بعداد الاموات

علاء. الحمد الله على كل حال بس انته ياعباس لاتتهور تراحياة كل واحد بينه ثمينه والوطن محتاجنه

عباس. اي والله صحيح هذا تلفونك علاوي واعذرني على الي صار خويه خابرت اهلك وكلتلهم

انته متت ترا والله من حركت كلبي من وصلي الخبر انته ميت

حسين احجي وانه عيوني بتلفوني والله ياخويه لاتعتذر ولا شي احنه متعودين عليه يوميه جاينه

خبر علاء مات واحنه بجينه ولطمنه وبعدين طلع عايش مادري يمته يسلمها مادري هي روح مادري علج

عباس 😂😂خرب حضك ولك هذا اخوك

حسين. اي والله ادري اخوي هو يريد الشهاده خل يموت ويفضها يوميه هابطنه

علاء. معليك منه عباس هذا ماعنده عقل عنده جوراب براسه

حسين. خرب عرضك علاء اله اتذكرني بجواريب رجعت اشم الريحه وصحت بصوت عالي مو

كلتلكم غسلو رجليكم وذبو جواريبكم

علاء. شو انطيني عباس انطيني التلفون خابرت على اهلي حاجيت ابوي بويه تعال اخذو

حسين ترا شيل المستشفى ماكعدها عود خالينه يمي مرافق عود خالينه يمي عون صار اطكع

من فرعون وسديت التلفون شويه واجه الدكتور كلي علاء بعد شويه العصر انرخصك وقع على

استمارت خروجك

علاء وقعت وطلعوني العصر حسين وعباس اخذوني بالبيت وخلوني بغرفة راويه لان جوه وجنه

غرفتها فوك ما اكدر اصعد الها والي عجبني ان جنه كلش متغيره ولا حجت اي كلمه كالتلي

اهم شي راحتك ماجنت اعرف ان هو هذا الهدوء الي يسبق العاصفه ضليت بغرفه راويه شفت

من عدها اهتمام كلش جبير تساعدني بأكلي وبشربي تنطيني علاجي بنتضام كلش طيبه وحبابه

علاء. راويه انه جاي اتعبج وياي

راويه. لا علاء ليش تحجي هيج هذا واجبي ولو انه ابمكانك جنت راح تسويلي نفس الشي

علاء. رورو ياعيني مارف كلبج شويه عليه يمته تحبيني مشتهي اسمع منج احجايات حب

راويه دنكت راسي وسكتت

علاء فدوه للخجلان رورو والله مشتاقلج

راويه ابتسمت وضليت اعصر بأ صابعي

علاء حسيت بيها راح تموع من الخجل ياناس شنو هاي من ابنيه زوجها وتخجل مني اف احلا

شي هاي امووت على الخجل انه مديت ايدي اريد الزم ايده هي كامت بسرعه من الجربايه

راويه اااا علاء اكيد انته جوعان ماتغديت مساع خل اروح اسويلك شوربه

علاء. بس انه تغديت وانتي وكلتيني اذا حابه توكليني بعد فا انه جوعان

راويه خلاص عشر دقايق واخضرلك الشوربه ورحت

علاء. اتنفست بعمق وغمضت اعيوني وبتسمت احبها والله احبها احب كلشي بيها حلو لك مو

يكولون كل حلو بي لوله وين اللوله البيج راويه وانتي اللوله البيج صارت احلى منج

جنه. علوشتي نايم لو كاعد

علاء فتحت عيوني شفت جنه اكبالي ابتسمتلها لا كاعد

جنه كعدت يمه علوشتي اريدك تتصلي على ازهار اريد اعتذر منها وخليها تنسه الي صار

حتلو هي غلطت وياي اني مسامحتها وخليها ترجع ويانه للبيت

علاء. رفعت حاجبي جنه شو تقربي علي

جنه ابتسمت وتقربت عليه شبيك

علاء خليت ايدي على كصتها لا مامصخنه ااااا شاربه شي شنو هلحجي هذا عمري ماسمعته منج ولا متوقع اسمعه

جنه. دنكت اااامممم علاء انته مو طلبت مني اتغير واعيش وياكم مثل عيشتكم فا لازم يصير

كلبي طيب مثل كلبك وانسه واسامح

علاء. اي ياجنه فدوه اروحلج انه اريدج هيج على طول ماتدرين شكد كبرتي بعيني لزمت ايدها وبستها

جنه سحبت ايده وبستها وبهل اثناء دخلت راويه

راويه. ضليت اباوع بوجه علاء مره وبجه جنه مره لاول مره اضوج من قربهم من بعض بس

مابينت هذا الشي اكيد اني ما احبه وجاي اتوهم

جنه كمت اسفه راويه دخلت الغرفتج مندون اذنج

راويه ببتسامه لا عادي جنه اني ماعندي اشكال شوكت ماتحبين تعالي خليج ليش كمتي

جنه. رجعت كعدت

راويه هاي الشوربه علاء

علاء. اي وكليني

جنه. متت من الغيره ابدي احط على راويه بانزين واحركها بس ماعرف شلون سيطرت على

نفسي واني اباوعلها وهي توكل علاء

علاء. گمر وين

راويه. گمر يم حبوبتها

علاء. ابيت اهل اشرف منو وداها

راويه لا لا يم امك

جنه. ليش هي مو بنتك شي اكيد امك هم حبوبتها

علاء.هزيت راسي ابمعنى اي حاولت ما اباوع على راويه هواي حتا لا اجرح كلب جنه بس هم

جانت عيوني تخوني اهنا دكت الباب امي

راويه اتفضلي خالتي حياج

ام علاء يمه علاوي اجو صحبانك بالحشد جاي يطمنون عليك سوده علي كلهم من غير محافضات وجايلك

علاء اااا بس محد خابر علي هلا كل الهلا بيهم انه اغير ملابسي وشويه خل حسين يجي يساعدني اكعد ع الكرسي

ام علاء يله يمه راويه ساعدي يبدل وانه راح ادخل الولد بالهول

جنه لا لا اهنا نفذ صبري وبين الغضب بعيوني

راويه. طلعتله ملابس واني كلي ارجف شلون راح اساعده يغير لبسه كل مره واحد من الولد

ايساعده لو حسن لو حسين لو امه جنت اتوسل برب العالمين كون جنه تكلي اني البسه بس

الضاهر هلجنه هواي تغيرت وصايره مطيعه

جنه. جنت اعرف اذا اضل اهنا بعد ثانيه اخرب خطتي وكلشي يفشل لان الغضب صار واضح

بعيوني اخذت ماعون الشوربه وطلعت

راويه حجيت ابنفسي لا لا جنه فدوه لاتطلعين

علاء راويه استعجلي شوي فشله من الولد

راويه. طلعتله اتراك وخليته يمه

علاء. راويه ترا انه ما اكدر لا البس ولا انزع يعني ساعديني شوي

راويه اجيت اساعده يغير ملابسه وجنت كلي ارجف

علاء. جانت كلش قريبه مني حسيت روحي راح افقد السيطره واشبكهه واضرب اصدقائي عرض الحايط

راويه لبسته وجبت المشط مشطت شعره وخليتله عطر

علاء لزمت ايدها وبستها مشكور ياروحي انتي

راويه سحبت ايدي بسرعه ابتسمت هذا واجبي لا كلساع تشكرني وجبتله الكرسي المتحرك لان

هو مايكدر يوكف على طوله بعدها العمليه خضره وردت اساعده يكوم

علاء. لا رورو حياتي انتي ماتكدرين انتي كتكوته وصغيرونه وانه ثكيل اخاف اطيح عليج وامردج

راويه ابتسمت على احجايته

علاء روحي صيحيلي حسين ايساعدني شويه واجالي حسين

حسين والله لاني حبلت لاني تنسيت اجاني الولد من ورا البيت ادري ابتليت بيك خلفتك ونسيتك

انوب تعال شيله هو انته تنشال يرادك اثلاثه يشيلون بس برجلك

راويه واني اضحك وكتله اذكر محمد شسالفه

حسين والله راويه شبيج انتي حسبالج علاء من يموت يخلوله تابوت واحد يلزكوله ثنين ياله يكفي

ومن يدفنونه رجليه يروحن ع الميت لكباله وعندج لحساب جا الله شكد غاضب على هذا الميت

وخله رجلين علاء على صدره

راويه ضليت اضحك بصوت عالي على حجي حسين

علاء انطيت احسين رفسه كعدته على الكرسي المتحرك يله كومني الولد ينتضرون

حسين. ترا اكلك تلفونك يدك ومابطل من مساع يمكن جانو يخابرون عليك هذوله قبل لايجون

علاء وانته اشدراك جا وينه تلفوني

حسين عندي ومالي خلك اجيبه الك جنت جاي ارسل من عنده

علاء كضيته جريته من شعره وضليت ادك عليه الغبي الاثول الارعن ماتصيرلك جاره

راويه فكيت حسين من علاء واني اضحك بالكوه لا علاء خطيه حرام عليك عوفه هو هذا اعجوزي

رجله مايحكها اذا حكته يحكها بالحايط مايدنك عليها

حسين ها ولج اشوفج كلبتي علي ترا مو من صالحج وانتي اربعه وعشرين ساعه ذابه كمر يمي

راويه لا لا مو عليك على علاء اكول مايلوح رجله يحكه

علاء ابنفاذ صبر يله خلصوني ساعدوني

حسين والله تدلع علينه هو انته رجليك وتمشي عليهن بس شيل روحك وحطها بالكرسي وساعدته

وكعدته على الكرسي وحصلتلي كفخه من عنده وانه الممنون دفعت الكرسي وديته يمهم

علاء بعد مرور ٢٠ يوم بدت حالتي تتحسن يعني اكدر اكوم امشي بس مو بكثره لان عمليتي

جانت جبيره والطلقه مشت بضهري ونطوني اجازه ثلاث اشهر مع الراتب كامل وعلاوه من

القائد شفت تعامل راويه هواي تغير وياي صارت تتقبلني كا زوج ومهتمه بيه وهلشي جان

امفرحني كلش اما جنه رجعت تبني حبها بكلبي وترفع من مستواها بنضري ورجعت هذيج

جنه الاحبها ومثل ما اريدها بالضبط صارت تقارب راويه بالاطباع اهنا صدك حسيت روحي

ملك من الله رزقني بهيج زوجات

جنه. علوشتي اني اريد اكلك شي

يتبع،،،،،