عشگ ابن السواتر الفصل التاسع والعشرون 29 - بقلم زينب العبيدي

السلام عليكم متابعيني الورود🌹🌹

#عشك_ابن_السواتر
#بقلم_مولاتي_زينب
#البارت_الاخير(البراءه)

امي وخواتي شلونهم (اباوع على ابوي وهو المرض والتعب ماخذ من عمره هواي سنين اووف احس روحي متعبه بالزايد)

ابوعلاء. زوين بويه زوين واهلك كلهم زينين ناقصنه وجودك بينه

علاء هزيت راسي بيأس بمعنه الله كريم وتحسرت

حسن لاياعلاء لاتتحسر انت مضلوم واكيد الله وي المضلوم اتفائل بخير حشه يضيع حقك

علاء. هزيت راسي ونعم بالله

الشرطي. اتفضل علاء وكت محكمتك بدت

علاء. اي (وكمت وانه متأكد مثل كل مره. راح تتأجل صار سنه نفس الشي محكمه ورا محكمه وتطلع بتأجيل ))

((الشرطي وكأن قره افكار علاء كل))انه احساسي هل مره غير اتفأل

علاء. غير هه لا يخوي هذا البلد المضلوم يضلموه والظالم ينصروه يهذا البلد المجرم يقدسو والعفيف يذلوه الله كريم

الشرطي. اي والله وياك حق بس عند الله ماكو هيج قانون الله كريم بعدين المحامي هذا واثق منه يامه خلص قضايه اصعب من قضيتك هسه تعال ندخل

((دخلت المحكمه وانه واكف بين القضبان وعيوني على ابوي وحسن الي عيونهم بعيني ويتأملون هلمره غير عن كل مره))

(( بعد شوط من الكلام محامي الدفاع رفعت الجلسه لتقرير الحكم وانه ادعي ماتتأجل بعد ياربي حتى لو اروح اعدام بس خل يتقرر مصيري واكطع رجه هذا الشايبه الي عيونه تتأملني واكطع رجه هذيج الام الي كل يوم تموت الف موته بس اريد قرار))

بعد مرور نص ساعه جنت منصت ومدقق وكلبي يكلي راح تتأجل كا العاده بس فاجئني صوت القاضي وهو وكأن الكلام يمر ببطئ وكأنما مايريد يخلص كلام الحكم وحالف يشلع كلبي وكلبهم

((حكمت المحكه حضوريا على المتهم علاء عبد السلام بالبرأءه من دم المجني عليها جنه محمد المحمدي رفعت الجلسه ))

علاء. ما استوعبت الكلام وبعدني بصدمة كلام القاضي يتردد براسي. وانه اباوع على ابوي واخوي وهم كلشي بيهم فرحان اجو يحضنون بيه. وانه بدت الابتسامه تنرسم على وجهي تدريجيا. وعيني تحاوط كلشي واخيرا راح افارك هلمحكه٠ باوعت على الشرطي الي رافقني طول هلمده وصار صديقي
جان يباركلي وفرحان بالافراج بعدها. اجاني المحامي ببتسامة الانتصار ))

المحامي. الف مبروك يا علاء

علاء. ماعرف شلون اشكرك. بس كل الي اكدر اكوله ابفضلك بعد الله انكتبلي. عمر ثاني ابين اهلي واحبابي

المحامي. الصراحه ياعلاء. انه ماسويت شي انته بريء وهذا حقك. بس اذا حاب تشكر احد فا اشكر ربك ثم القاضي ابو جنان

علاء. (حجيت بصدمه) ابو جنان

المحامي. اي نعم. ابو جنان اتوسطلك لان قضيتك جانو هاملينها حسب ماكلي هو لذالك كل مره تتأجل
فهو الي شد الهمه عليك وحجه وي هذا القاضي الي واخيرا اصدر حكم الراءه الي انته تستحقه من زمان

علاء. ((التفتت على الشرطي وبسرعه كتله)) من رخصتك اريد تروح الابو جنان وديني اله

الشرطي. اي تدلل

علاء(( التفتت على ابوي وانه اشوفه لازم التلفون ويتصلكتله بسرعه)) لا بويه لاتخابر على امي. انه اريد افاجئها وهسه انه شوي واجيكم

((رحت انه والشرطي. وجان كاعد ابمكتبه يم قضايه الزواج والطلاق وبعد ما استأذن الشرطي من ابو جنان حتى يدخلني عليه دخلت. جنت خجلان من ذنب. مو ذنبي جنت ابدي اصرخ واكله وداعت بنتك هي الي بدت هي الي خربت حياتي ويها حبيتخا بصدق حبتني بغش جنت قابل تعيش وياي مثل ما هي وقابل بحبها وانه الممنون لكن هي طغت وحرمتني وحرمتك منها ))

ابو جنان. (حجه بحسره) اكعد بابا علاء ليش واكف.

علاء. ((اتقربت منه وبست راسه )) مشكور ياعمي انه اشهد ان انته رجال مامنك ثنين ولو عدنه بهل باد من امثالك عشره. جان عشنه بخير

ابو جنان. اول شي الحمد الله على سلامتك ثاني شي لاتشكرني انته بريء

علاء. عمي ابو جنان. ((حجيتها بحزن وبنبرة خجل)) اكيد هسه انته محملني. ذنب حرمانك من بنتك بس قسما بذات الله جنه مثل ما. شلعت كلبك واخذته وراحت شلعت كلبي. واخذته وياها. والله ياعمي حبيتها ودموعي اخر الليل تشهدلي. ومو هينه علي كل يوم كضيته ويها. صورتها ماتفاركني بس ياعمي انته ماتعرف. الي جان يصير ابيتنه. جنه خبلتنه. ومو بس انه خبلت كل اهلي. ورغم كل هذا انه احبها )؟

ابو جنان ((حجه بحسره والدمعه بطرف عينه )) علاء. انته من يوم الخطبت جنه. سلمتك ايها. وكلبي بارد. عرفتك راح تحبها وتعلمها الصح من الغلط وجانت رجوتي بيك. وماقصرت وهم جنت اعرف. بنتي جنه شنو. جنه مثل امها. وتصرفاتها من ساسها الراسها غلط اذالك انطيتها الك جنت أأمل تتغير بجالك وتسوي الي ماكدرت انه اسويه لكن صار العكس. جنه زادت مانقصت ع العموم الله يرحمها تركت ابوها خاوي من بعدها روح لهلك يابويه خل يفرحون بشوفتك تره الابو والام. عدهم بالدنيه شوفت ضناهم. الله يحفضك الشبابك

علاء. ((طلعت من بعد ماودعته حسيت بي انكسار الدنيه كلها. رحت على بيتنه انه وبوي وحسن دخلت للبيت الي احس نفسي مشتاك حتى الحيطانه بصووت عالي صحت )) يماااااه وينج

ام علاء. يمه هذا حس علاء اي والله حس علاء خايبه يمه علياء. سمعتي. حس اخوج

علياء(( بصدمه)) اي والله يمه هذا صوت علاء يمه معقوله علاء طلع من السجن

اجت زهراء وهي تركض على امها. يماااااا يمااااه علااااااء علاااااء طلع طلع من السجن

حسين. وهو. استوه كاعد من النوم. طاااالع النخل علينااا من بين كل الاشجاار وجب السلام علينا مرحبا يااا علااااء

علاء دخلت عليهم واضحك على اغنية حسين بس الكسر خاطري. وانه اشوف امي ملهوفه تريد تكوملي وترجع اطيح كعدت الها بالكاع واطلقت العنان لدمووعي وانه بحضن امي مثل الطفل ورد لحضان امه شبكني خواتي وخواني. وانه وياهم نبجي بجيت بخركه ماصيطرت على دموعي حتى من جنت احجي وياهم جانت دموعي اطيح. طاحت الفركاهم طول هلمده وطاحت. للبيت الي خله من جنه ما انكر مشتاقله اي انه حبيتها. سمعت صوت طفله من وراي
وهي تكول اده بابي ((اجه بابا))
ضل يرجف كلبي الصوتها درت عليها بسرعه كمر دنياي فتحت ايدي بسرعه وحضنتها اشمها. ابشوك
وابوسها بلهفه هي بضحكاتخا العاليه. البريئه وكلمت بابا الي مافاركت اللسانها معقوله مانستني كل هلمده احبج. ياريحة اغلى انسان انتي احبج يابنت ابوج يابنت روحي رفعت اعيوني. الراويه واكفه بالباب ودموعها على خدهاخجلانه كا العاده تستحي تسلم علي وانه بين اهلي. باوعت الها بحب ضلت تبجي وتضحك

ام علاء يمه تعالي سلمي على رجلج.

راويه. ها. اي( اتقدمت وكتله)الحمد الله على سلامتك يابو كمر البيت مطفي بلياك

علاء. الله يسلمج وحجيت الها بهمس.ياكلبي وحياتي مشتاقلج والله احبج ولج

((دنكت راويه بخجل. واهنا ضل يكح حسين ))

حسين احم احم شكلتلها وخلت راسها ابين رجليها من الخجل

علاء. جريته من ايده مشتهي اتعارك ويا مثل كل مره نسمته بالكاع وصرت اضرب بي وتكافشنه

حسين اووكف مو هسه مو هسه توك طالع من السجن

علاء. باوعتله فشلتني يالارعن. معناها تكلي كوم
اسبح موو

حسين. والله النبيه من الاشاره يفهم

علاء. انطيته جلاق دهربته وباوعت الراويه. حضريلي الحمام

وبعد ماسبحت. وطلعت رحت للغرفه. رادن راويه تطلع بسرعه جريتها من ايدها. وين وين وين تدرين مشتاقلج. بكد هوى الله

راويه. ضلت مدنكه وخجلانه.

علاء. امووت على اليخجلوون بربج ماشتاقيتيلي

راويه.((هزيت راسي ابمعنى اي))

《وحدث ما حدث🙉🙈🙊》

جانت فرحتي ماتنوصف برجعتي لهلي بين امي وابوي وخواني والمره الي مامثلها اثنين وبنتي كمر الي مو من صلبي بس مستحيل يصيرون اعز منها الي من صلبي لان هاي بيها ريحت اخيي وصديقي الله يرحمه بس فرحتي بيها انكسار رغم كل الي سوته جنه بس اتضل حبي الاول الله يرحمها ورا يومين رحت للنجف وقصدي ازور جنه

واول ما وصلت وانه اباوع الترابها المارحم شبابها
دنكت حضنت الكبر وبجيت بحركه وانه اتذكر ايامنه
ليش ياجنه ليش ماخليتينه نرتاح سوه والله حبيتج بس انت ضلمتيني جنه اسف حبيتي كسر بكلبي انت مستحيل ينجبر انت مو هينه عندي واضل احس بذنبي اتجاهج واضل احمل نفسي سبب موتج الاخر يوم بحياتي راح يعذبني هل شي راح يتعبني فراكج
ضلمتج من اخذتج لان انه مو من مستواج ومارهمت حياتنه وضلمتيني من شككتيني بهلي وخربتي صورتي اااخ ياجنه انه مسامحج من كلبي وباريلج الذمه انتي سامحيني ياحبيبه وبريني الذمه

🌹((النهايه))🌹

هاي مثل ما وعدتكم لمن يطلع علاء اكتبلكم بارت مال الافراج

بتاريخ ٢٠١٨/١٢/٢ يوم الاحد تم اطلاق سراح علاء واعلان براءته ☺
اشكركم نيابتا عنه الى كل من ذكره 🤲بدعوه في السر والعلن

👋ودمتم في رعايه الله وحفضه