تحميل رواية «عشگ ابن السواتر» PDF

وهذا بارت هديه بس كون راضين

#عشگ_ابن_السواتر

بقلمي #مولاتي_يازينب

البارت #تكملت البارت ٩

الرجال هاك هذا ماي بويه تعال ادخل اهنا

علاء. جانت بيدي دولكه مال ماي شربتها كلها عمت عيني عليك سيف ولك عطشان كتلي

عطشان يسقيك علي ابن ابي طالب من حوض الكوثر الف رحمه على روحكم عفتوني ثنينكم

سوه ورحتو فرد روح مو صويحبكم ما اخذتوني وياكم

الرجال ها عمي شبيك اشوفك تبجي وتحجي

علاء اي عمي ابجي وليش ما ابجي عمي كتلوهم اثنين من اصدقائي ثنين من الورد

الرجال. الله ينتقم منهم شر انتقام ارتاح بابا اكعد ارتاح اتعشه حتى تسبح وتغير ملابسك

علاء مشكور ياعمي ماعرف شلون اجازيك انشاء الله الله هو الي يجازيك

الرجال. جبتله العشه يله اعوفك تاخذ راحتك اكل واشبع ولاتشيل هم انه راح اطلعك منا

علاء شلت اول لكمه ردت اخليها بحلكي بس كلبي ضل يلعب عفت الكمه من ايدي وفتحت الباب

على كيف وطلعت ورا الرجال بدون مايحس بيه شفته اتجه بالبستان وانه ورا جان يحجي

بالتلفون صرت ورا النخله واسمعه يكلهم هذا هو يمي اي راح يتعشه وادخله يسبح موتتئخرون

اي من الحشد يالله اتانيكم

علاء. لا يالنذل حجيت بصوت خافت ودكيتها ركضه طلع اسلاحه وصوب علي طكاني طلقه

برجلي طحت بالكاع وجان هو يركض باتجاهي كمت من شدة الموقف وكملت ركض بس وانه

اعرج نسيت اسلاحي يمه دنكت على طابوكه انه جنت قناص وعندي خبره بهذا الشي التفتت

عليه وجان يركض هو اتجاهي صوب المسدس علي بس قبل لا يضغط على الزناد شمرت

الطابوكه على عينه ضل يصرخ من عينه وانه استغليت الموقف وشردت ضليت اركض واركض

ورجلي تنزف والوجع هد حيلي بد ضوه الفجر يطلع وصلت على شارع العام جانت اكو محل

صغير مبني من خوص النخل بس محد بي دخلت بي وانه ميت وجع نزعت حزامي وشديت

رجلي فوك الجرح بشويه حتى اكطع النزيف وخلال ساعه سمعت صوت مشي وحجي رجال

وهو يذكر اسم الله

الرجال يا الله توكلنه عليك

علاء انه اشاهدت وسلمت روحي وكلت شلي يريد يصير يصير بعد مابيه حيل اشرد دخل

الرجال المحل وبده يبسط بالمحل وجان مامنتبه علي طبعاً محل يبيع زيوت مال سيارات داس

على جف ايدي صكيت على سنوني وما صرخت وبينما هو جاي يعدل علب الزيت طاحت من

عنده وحده بصفي غمضت اعيوني ما اريد اشوف الي راح يصير

الرجال بسم الله الرحمن الرحيم انته منو وشدخلك اهنا حجه بصوت عالي وكله خوف

علاء فتحت عيوني وماخفت هلمره اكله عن حقيقتي كتله انه من الحشد وتحاصرت وما اندل

طريق الرجعه حجيت هلحجي وجنت متوقع لا متئكد راح يطلع اسلاحه ويرميني بس الحمد الله

اروح شهيد

الرجال اشششش نصي صوتك انته اشجابك اهنا حجيت بصوت ناصي هاي المنطقه كلها دواعش

علاء الحض جابني

الرجال ماعليك بويه انه هسه راح اخذك البيتي بس انتضر شوي

علاء. راح الرجال بس هلمره ماتبعته مابيه بعد خل يكتلني ويفضها هي موته لوموتين شويه واجاني

الرجال شوف بابا شسمك

علاء اسمي علاء

الرجال شوف بابا علاء خابرت على ابني راح يجيبلك دشداشه وغتره تلبسها وتتلثم وتذب

هدومك هاي وياخذك البيتنه وبعدين انجيبلك دكتور

علاء. مشكور ياعمي حجيتها وانه بعدني لا مطمن ولا مرتاح ادري بالدواعش خونه وكلشي

يسون بس ماكو مفر شويه واجه ولد عمره تقريباً ٢٣ سنه

الرجال بويه محمد علاء بأمانتك اتوصله الباب بيتنه وتضل ويا على ما اجيبله الدكتور واجي

محمد حاضر بويه من عيوني هاك خويه البس هاي بسرعه هاي انته جاي تنزف

علاء. نزع اشماغه ولف رجلي حتا لاتنزف وساعدني البس الدشداشه وجانت كصيره علي بس

ماشي الحال

محمد لف الغتره وتلثم بيها شوف علاء شيسئلونك كلهم انه ابن عم محمد وين هويتك ماشايلها

طلعت مستعجل ونسيتها وهسه راجع عليها

علاء صار اخذت الكامره من جيب البنطرون مال البدله وضميته بحيب الدشداشه واخذت

وصيت سيف وضميتها هم

ابو محمد بويه محمد ما اوصيك علاء امانه بركبتك ما اريد اي خدش يصيرله وبس توصل خابرني

محمد من عيوني بويه لاتشل هم

علاء صعدت بالسياره وي محمد طبعاً ما جنت اكدر امشي كلش سندني محمد مشينه

بالسياره وكلساع اتلاكينه سيطره مال دواعش ويكلي محمد اسكت انه احجي سوي روحك

ترتل وحجيك ما مفهوم لحد ماوصلنه يم سيطره جان واحد داعشي قذر كل رحمه مابوجهه

وكف السياره وسئل محمد منين جيتك

محمد من منطقة ال،،،،

الداعشي انطيني هويتك

علاء ضل ايبا وع بالهويه ويباوع على محمد ودنك يباوع علي انته منو وين هويتك

علاء. ثكلت الساني وحجيت بحجي مامفهوم

الداعشي شنو شيحجي هذا

محمد هو يرتل بس جاي يكلك انه ابن عم محمد وهويته ناسيها بالبيت وهسه راجعين عليها

الداعشي انزل

محمد ليش ينزل

الداعشي كتلك انزل لك

محمد. ترا هو معاق ومايكدر يمشي

الداعشي معاق ها

علاء مد ايده علي وسحب لشماغ من وجهي وضل يباوع علي هواي وراد ينزلني بالكوه فتح

الباب وراد يسحبني جنت خايف لايشوف الدم برجلي اجاله واحد ثاني من ورا وكلاله يزيد تركه

الثاني جان يحجي خليجي هذا محمد كليوم ايمر بينه انعرفه زين

يزيد اها سديت الباب ياله توكلو

علاء. التفتت على محمد شفته اتنفس بعمق اهنا انه ارتاحيت حسيته صدك خايف على حياتي

سبحان الله كلساع اوصل للموت وما اموت

محمد الحمد الله والشكر هاي احنه وصلنه تعال خويه علاء

علاء سندني على جتفه ودخلني للبيت خلالي فراش وخابر ابو

محمد بويه وصلنه اتانيك اتجيب الدكتور بس استعجل ترا الولد ينزف اي اي راح اصبله اكل

محمد اخذ راحتك علاء راح اجيبلك لكمه تاكلها واجيك

علاء. مشكور ياخويه الله يكثر من امثالكم ويجزيكم خير

محمد على شنو تشكرني الناس للناس ياخويه احنه مابينه فرق لاسنه ولا شيعه بس هذوله

دخلو بيها وخربوها دمرو بلادنه الله يدمرهم ورحت

علاء مديت ايدي بجيب الدشداشه طلعت الكامره فتحتها اخ ياكلبي من شفت صورة اشرف

معقوله راح اشوفك بس بالصور ماتوكف اكبالي وتحاجيني ولك اشرف لو ابجي عليك العمر كله

ما اوفي ربع حگ صداقتنه جان المقطع محتوا (( اشرف كاعد ومصور وجهه وهو يحجي جنه

يدري بروح راح يموت فترك صوره وصوت ماكتب ابورقه وقلم اشرف. الكل واحد راح يشوف

وصيتي هسه انه راح اكون روح ابلا جسد راح اشوفكم كلكم واضل وياكم سلامي الامي

يمه لاتبجين علي امانه اريد زفه ماريد فاتحه يمه هلهليلي وكولي وليدي عريس راح للجنه

سلميلي على خواني وخليهم يديرون بالهم عليج علاء. خويه يالكلمة خويه قليله وياك انته اكثر

من اخو انته اشرف ابذاته بس اطول شوي ههههه شوف علاوي انه كتلك جنه مو الك وراح

اتعبك انه عندي الك مره وجنت ضامها الك اخلافي انته تستاهل وحده مثل راويه علاء وصيتي

امانه بركبتك تتزوج راويه من بعدي واريد گمر بنتي تصيحلك بابا لان بس انته تستحقها من بعدي

ماريدها اتصيح للغريب ولان انته ذاتي من راح تصيحلك بابا راح احسها صايحتها الي

لاتكلها بيوم انت مو ابوها وحتا اسمها غيره بالجنسيه وخلي باسمك راويه والنعم منج من مره ما اضن اكو

مثلج هواي وفيتي وياي يا ام كمر انتي بعدج صغيره واكيد العمر كدامج راح تزوجين بيوم من

الايام انه ما اريد بنتي تربه وي غريب اريد بنتي تربه بحضن علاء راويه امانه اتزوجي علاء

من بعدي علاء احسن مني بهواي راح يحبج ويصونج ويصير ابو البنتج وانه لاتفكرين بيه

انسيني انه هم راح انساج راح اتزوج من حور العين على عنادك علاء هههههه يعني احله منج

راويه ودعتكم بيد الله لاتنسوني من الدعاء انه مامديون افلوس ولا صوم بس مديون صلاة يمه

صلولي سنيني الماصليت بيها وهذا الوجه الك علاء حتا لاتنساني وكلب وجهه ك العاده اخير

مره ماضحكت هسه اضحك الله عليك ))

علاء ضليت اضحك وابجي وابوس بالكامره وابجي ولك اشلون كلفتني ابوصيه تكسر الضهر

شلون اخذ مرته شلونه يهون علي ليش اشرف ليش تكسر ضهري بس والله الخاطرك لخليهم

بعيوني ولو اعرف اجدي بالشوارع ما اخلي بنتك محتاجه شي هاي بنت الغالي واجن ابالي

كل ذكرياتي ويا كل ضحكه وكل سالفه كل سر كلته اله اتذكرته من يركص بعرسي وتذكرت

شكله الي كلساع يكلبه ابوجهي اتذكرت من ناكل سوه واتذكرت اخر عشه والبيض بالطماطه

وشلون يكلي متعشي ثلاث مرات وشلون لمن ابوس بكمر وهو يصنف علي ويكلي ماغاسل

سنونك جان ابدي اطلع صرخات الحزن لبداخلي صرخات الوجع والفركه شلون ارجع للبيت

وانته مو وياي تعبت يا اشرف كلش تعبت تعبني فكدك ما جنت اتصور انته هيج عزيز عندي

الله يرحمكم ياخويه انته وسيف ويغمد روحكم الجنه بعد ويامن التحق وثنينكم عفتوني

محمد كافي ياخويه كافي اقرالهم الفاتحه هذوله شهداء لا خوفاً عليهم ولاهم يحزنون كوم اكلك

لكمه

علاء يالكمه الي اتهنه بيها بعد راح طعم الاكل منعندي من راح اخوي

محمد لا ياخوي اكل وماله داعي هاي السوالف كلها انشاء الله اخوك راح شهيد وكاعد هسه

بالجنه ويباوعلك ينكسر خاطره عليك هسه اذا ما اكلت

علاء. اكلتلي لكمتين بالكوه رغم انه ميت من الجوع بس احس الاكل مر بحلكي شويه واجه ابو

محمد ويا دكاتره ثنين وممرض فحص رجلي الدكتور وكال الطلقه داخله جوه ومتحركه وكاطعه

شراين ولازم عمليه بأسرع وقت

ابو محمد دكتور بس مثل ماكتلك الولد شارد يعني ديرو بالكم عليه ما اريد احد يدري بي

الدكتور اكيد هلشي بس لازم انقله هسه يالله سندو وياي وانه راح اخذه على طريق البساتين

ابو محمد مشكور يادكتور ماتقصر انته

علاء اخذوني للمستشفى وكبل للعمليات وبعد العمليه دامت ساعه ونص على ماطلعو الطلقه

ورجعو الشراين والعضم جان مضرر شويه انه هذا الي عرفته من حجي ابو محمد لان انه

ماوعيت على نفسي اله وانه اون من وجعي ابيت ابو محمد وكلساع ينطوني مسكن وابرت منوم

وجنت انام ومن انام ارتاح اشرد من تفكيري باشرف وصورته الماتفارك عيوني وبس اصحه

يجي كبالي وراجع ابجي واتذكر

يتبع،،،،،،

صدك وانساك ياخويه

هوالبشر هم ينسه ذاته

ليش

استعجلت

انت وكل شهيد الطاح وفه الكاع

ياسيف العراق ومهرته ودرعه

اقنع الروح يمكن لو كلت انساك

بس گلبي الدفنته وياك شيقنعه

مراحب متابعيني اني مو قصدي ابجيكم او اهيج مواجعكم بس هاي حال العراق وهذا واحد من الاف موالفه مابين شهيد وجريح

الله يرحمهم برحمته الواسعه وهم يستحقون الدمعه من عدنه هذا اقل شي انقدمه الهم مقابل ارواحهم الي الي قدموها النه

#عشگ_ابن_السواتر

بقلمي #مولاتي_يازينب

البارت #١٠

ورا شكم يوم استعاديت صحتي موجود الالم بس عايش على المسكن طبعاً ما كدرت اتواصل

وي اهلي لان تلفوني ضل بالوحده العسكريه القائد طلب من عدنه نغلق اجهزتنه وانه لمن

غلقته عفته بالوحده العسكريه ونسيته هناك ومن شدة الموقف الي مر بيه نسيت اخذ تلفون

اشرف جان همي اخذ بس الكامره وانه ما حافض اي رقم عدا رقم اشرف حتا

جنه ما حافض رقمها وانه طريح لفراش ما اكدر اكوم اله ورا ثلاث اشهرالناس

الي انه عدهم جانو محتارين شلون يوصلوني الاهلي جزاهم الله الف خير بس جان المدينه

كلش خطره ومحد يفوت ويطلع منها اله بتصريح من الامير هيج يسمونه الدواعش لعنت الله

عليهم اما اهلي ابمثل هيج وكت وصللهم خبر من الوحده العسكريه بأن احنه استشهدنه انه

واشرف وسيف لان صدك محد يكدر ينجو من المكان الي احنه انحصرنه بي ما اوصفلكم ردت

فعل اهلي واهل اشرف شلون جانت

لسان حال ابو علاء

ابو علاء الو

القائد الو حضرتك ابو علاء

ابو علاء اي انه ابو علاء

القائد  مبروك ابنك انزف شهيد

ابو علاء. رئستاً لزم كلبه وصرخ بوييييه علاء بويه ياعليوووووي بووووويه رحت وخليتنه المن يابويه اجت

امي تصرخ على صريخ ابوي افتهمت وصاحت يمه وليدي يمه ولييييييدي يبوووووووي وضلت تلطم على

صدرها وتشلع بشعرها مثل لمخبله وتصيح يمه علاء يمه علاء وتكرر هاي لحجايه وادور بالغرفه

ومره تهلهل ومره تصرخ ومره تنعي وعلى صوتها اجن خواتي ومرت اخوي الي بدورهن شلعن

شعرهن من الطم على راسهن وراحت مرت اخوي الجنه الي جانت نايمه فتحت عليها الباب

ابفزعه ولج كعدي المن نايه ولج شلج ابغرفتج بعد وراح راعيها

جنه. انصدمت وما جاي تستوعب كلام مرت اخوي تكلها وتصرخ عليها شنو انتي شجاي

تحجين شتكولين فهميني شنو غرفتج شنو راعيها

مرت اخوي ولج علاء راح وانهدم بيتنه

جنه. ضلت تصرخ لا جذب لا علاء عايش هو كلي راح يرجع وضلت تصرخ وتبجي وادك على

وجها هذا جان حال اهلي  اما حال اهل اشرف مايقل عن هذا الحال واهل سيف بالمثل بس

اليفرق هي الحقيقه ان هذوله انفقدو صدك واحد على وشك زواج والثاني عنده طفله يتيمه انه

جنت مشتعل نار ادري ان خبر موتي راح يوصللهم وانه عايش شراح يصير بيهم ياترا حال

امي شلون راح يصير ضليت اقاصي التعب والوجع وفكد الاحبه والغربه والخطر وشوكي

الاهلي وشوكي الصديق عمري الراح وبعد ما منعنده رجعه ضليت عند هذول الناس ما شفت

منهم اله كل الطيب والزين ناس والنعم منهم جانو محتارين بيه يساعدوني باكلي وبشربي حتا

بروحتي للحمام ولمن جان يروح محمد وابو للشغل جانت عندهم بنيه اسمها  ساره اتساعدني

بكلشي جنت كاره قربها مني ما احب تتقرب مني الهاي الدرجه تلزمني وتساعدني بلبسي وجنت

اكلها دائماً عوفيني اكدر ادبر هلشي بس هي ماترد وحتا توكلني من ايدها طبعاً اهلها يدرون

عن هذا الشي كل ضنهم ان هي جاي تسوي زين بس انه ماجنت مرتاح الهذا الشي واشك

بأمرها الى ان اجه اليوم وتحقق شكي ورااربع شهور من كعدتي يمهم جانت الساعه ب ٢:٠٠ باليل حسيت واحد كعد يم رجلي

فتحت عيوني بسرعه شفت ساره

علاء انتي اشجابج اهنا بيش الساعه

ساره الساعه ب ٢:٠٠

علاء كومي طلعي بابا كومي لا يشوفج احد يمي ويفكر غير شي

ساره لاتهتم أكلهم جاي اساعده يروح للحمام

علاء اهاا وانتي شتردين بالحقيقه

ساره علاء اني معجبه بيك او لا حبيتك

علاء ساره انه متزوج اضن كلتلكم هذا الشي واحب زوجتي حيل مو مال حب وخرابيط وانتي

بعدج بنيه صغيره عيب هلحجي اهلج ضافوني وماقصرو وياي لاتفشليني وياهم كومي طلعي

وانه الي بحالتي مستحيل ايفكر بلحب

ساره. لا علاء مو بكيفك اني حبيتك يعني لازم تحبني

علاء اشوفج انتي هواي جريئه عيب بابا حفضي مايات وجهج وشيبات ابوج

ساره. علاء. كتلك حبيتك يعني حبيتك تتزوجني لو اسويلك مصيبه

علاء اعلى مابخيلج اركبي انه ما اتزوج حثالات مثلج يله روحي واستحي ع نفسج انتي بنيه

عوفي الجرائه الغيرج

ساره اها هسه ارويك الجرائه على حقيقتها

علاء ضلت تفتح بقميصها علاء عدلت كعدتي ولزمتها من شعرها انتي اشجاي تسوين روحي

بابا روحي ودفعتها

ساره اسكت لاتخليني اصرخ واكلهم اعتده علي وحاول ينزعني ملابسي

علاء ماراح يصدكونج انتي الي جايتني برجليج انه ماجيتج

ساره. اي عادي اني اجيت اساعدك انطيك ماي مثل ما انته صحت علي واني جبت الماي بس

انته جان قصدك مو شريف وحاولت تتحرش بيه

علاء. طكيتها راشدي

ساره لحكو،،،،

علاء بعدها مامكمله احجايتها وخليت ايدي على حلكها فدوه الج ساره لاتسوين هيج انه جاي

من بلد غربه ومالي أحد اهنا وتعبان من فركت اهلي وكافي شوغت فكد اصدقائي لاتكملينها

علي

ساره. يله خوش ماريدك تزوجني بس نتونس شويه

علاء. روحي نامي هسه روحي ونتفاهم الصبح

ساره اوكي رايحه اني هسه بس الصبح ماتكدر تشرد مني

علاء. جنت خايف كلش ما اعرف شلون افكر لازم اطلع من هذا البيت والصبح اجاني ابو

محمد طبعاً انه مانمت طول الليل خايف تجي وتسويلي مصيبه

ابو محمد ها بويه علاوي شلونك اليوم

علاء. حجي خل اطلع وياكم للشغل اختنكت من البيت

ابو محمد ياريت يابويه اكدر اطلعك وياي بس خايف لايكضوك وحياتك عزيزه عندي

علاء زين خل اروح الاي مكان

ابو محمد اشرايك اخلي ساره تاخذك للبساتين

علاء ها لا لا ساره لازم اتضل اهنا يم امها انه اروح

ابو محمد بابا مايصير تروح ابحدك انته كلشي ماتندل والدواعش بكل مكان

علاء. لا عادي ما اروح الاي مكان عمي اشصار على طلعتي من الانبار 

ابو محمد بويه والله جاي احاول بلكي انحصل النه ترخيص انطلعك عسما تهريب يله بويه

انه رايح

علاء الله وياك عمي تنهدت بحسره شيفكني من هاي اجاني محمد وجايب الريوك

محمد يله خويه علاء سمي

علاء. مشكور ابو جاسم كعدت اتريك انه ويا كتلك محمد انته وين رايح

محمد رايح للشغل اساعد الوالد

علاء. محمد خليك اليوم اهنا انه ضايج

محمد. اي تدلل كلشي ولا ضوجتك ياضيفنه

علاء مشكور خاف اكلف عليك

محمد لا ماكو اي كلتفه بس الوالد اخاف يتعب خطيه الوحده

علاء. لا لا روحله انه مابيه شي اتشاقه وياك لا ضايج ولا شي

محمد لا ابد انته كتلي ضايج يعني ضايج

علاء لا خطيه ابوك

محمد. نفتر شويه وبعدين اروحله شرايك نروح للبساتين ونرجع وكت الغده

علاء. يله خل انروح راح محمد كال الساره تجيبلي الدشداشه اجتي وجايبتلي الدشداشه

ساره يعني شردت ماوفيت بوعدك

علاء لا انه ماشردت محمد طلب مني اروح ويا

ساره. ويمته نتفاهم مثل ماكتلي

علاء باجر باجر ياربي هلمصيبه الطاحت على راسي

ساره لا باجر ولا شي بعدين بالليل اجيلك

علاء. عافتني وطلعت اجاني محمد جزاه الله الف خير

ورحنه للبساتين المنضر جان كلش حلو وبنفس الوقت يشوغ الكلب من اتذكر اشرف وسيف

وموتتهم بالبساتين رجعنه للبيت وي صلاة الضهر جان الجو ربيع ومو حاره لذالك اتئخرنه

تغدينه انه ومحمد وراح محمد  لبو وانه لفيت راسي وسويت روحي نايم خايف لاتجيلي

وتسويلي مشكله وبينما انه اتضاهر بالنوم صدك غطيت بالنوم وماكعدت اله وابو محمد يكلي

بابا اذن المغرب شبيك اليوم تعبان وذاب روحك جنك جتيل

علاء. هههه اي عمي تعبان

ابو محمد ابشرك وليدي محمد حصل تصريح يطلع يوم الخميس وراح نطلعك تهريب

علاء. بس شلون راح اطلع تهريب مايكضوني.

ابو محمد شوف بويه راح نحفر مكان الكشن الورا بلسياره ونخلي بس جلده وهيكل انت اتنام بذاك المكان

ونرجع جلدة الكشن وراح تنام ابيه انت خاليلك فتحت تنفس من جوه بلسياره صدك راح تتكسر لان

انته طويل شوي بس اتحمل بس طلعتك من الانبار

علاء مشكور ياعمي بس راح تخرب سيارتكم

ابو محمد ولا يهمك يابويه اهم شي حياتك عندي اغله من السياره

علاء مشكورياعمي ما اعرف شلون اطلع من جزاكم

ابو محمد. احنه نريد  الله يجازينه

علاء انشاء الله ياعمي الله يجازيكم عني الخير

ابو محمد يله يابابا كوم صلي حتا نتعشه ونبلش شغل بالسياره وانته تعال اكعد يمنه

علاء. صار فرحت كلش وبالاخص انه راح اتخلص من هاي الاسمها ساره وماضل شي كلها

ثلاث ايام الله واشوف اهلي بعد اربع اشهر غياب عنهم جزاكم الله خير جاي يتعبون وياي صلينه وتعشينه وجابو فيترجي وسوالهم السياره جان الكشن سهل

،

ان ينحفر لان جاي قالب واحد حفرو وضل بس الهيكل والجلده الفوك جان مكان كلش ضيك

اضيك من التابوت بس ميخالف راح اتحمل اريد ارجع الاهلي اشتاقيت الهم ورجعو الكشن

فوك الهيكل حتا لايبين شي ودخلنه للبيت هم راحو نامو مباشرتاً تعبانين من الشغل الله

يساعدهم غطيت وجهي بالبطانيه وشغلت الكامره وانه اباوع الاشرف واتذكره ودموعي نزلن

لا شعورياً شوصف خوتك يا اشرف ومنو الي راح يعوضني عنك هم اكو واحد يسد مكانك

ماكو فدربع ساعه وحسيت حركه يم راسي طفيت الكامره بسرعه وخليتها جوه راسي وسويت

نفسي نايم

ساره سمعت الصوت لاتسوي روحك نايم

علاء لزمت الغطه وشالته عن وجهي وبعدني مغمض عيوني ما اريد افتحهن بس حسيت ايد تتمرر

على وجهي ولحيتي وانشالت البطانيه ورادت تدخل وياي فتحت عيوني بسرعه دفعتها انتي

شنو غبيه سنو تنامين يمي ماتخافين من امج وابوج واخوج

ساره ماما وبابا هسه بسابع نومه ومحمد يم زوجته وهم بسابع نومه ماخايفه من احد لاتصير

جبان دريت بيك راح تروح الخميس ف لاتحرمني من عندك هاي الثلث ايام

علاء بابا حرام انتي ماتخافين من الله اهلج مايشوفونج صح بس الله موجود شلون تردين اتسوين

هيج وانتي بنيت بيت

ساره. اول شي اني مو ابنية بيت اني متزوجه ومطلكه وثاني شي اذا انت تخاف من الله

اتزوجني

علاء. بس انه ما اكدر اسوي هذا الشي والعدت اسباب واولها واهمها ما اكدر اخون اهلج الي

ساعدوني وكفو وياي واخوج الي راح يعرض نفسه للخطر على مودي وثاني شي انه متزوج واحب زوجتي وثالث شي انه من غير محافضه وما اكدر اضل اهنا

ساره اهلي ماراح يدرون ومثل ما كتلك زواج ما اريد الا اذا انت صدك خايف من الله

علاء كافي ساره لج اكو واحد مايخاف من الله بس انتي والامثالج مايخافون

ساره يله علاء بلا لغي زايد اتقربت مني تريد تبوسني دفعتها بسرعه

علاء لحضه لحضه روحي جيبيلي مي انه عطشان

ساره اوك ودير بالك تلعب بذيلك

علاء ياجلبه جلب انه قابل والعب بذيلي كبر لهل خلقه ياربي شسوي وين اروح خليت المخده

على وجهي ياربي ساعدني صارت الكامره يم وجهي وصرت ذكي واتذكرت ان اكدر اصور شغلت الكامره

وخليتها جوه البطانيه حتلو بس اسجل صوتها اجتني وجايبه الماي

شربت منه شويه وخليته

علاء. ساره والي يرحم والديج انه ما اكدر اخون ثقة ابوج واخوج بيه دخلوني البيتهم وانه رجال

غريب ليش اتسوين هيج

ساره كتلك ابوي واخوي ماراح يدرون هم بهيج وكت نايمين ومستحيل يكعدون

علاء بس انه ما اريد انه مو مال هاي السوالف

ساره. شوف مو كيفك غصبن عنك اني حبيتك ومستحيل اتروح منا قبل ما اسوي لبراسي

علاء. ولج ليش اتصيرين غبيه ليش اختاريتيني انه روح الشارع متروس دواعش انذال قذرين ماعدهم

هلشي حرام سوي وياهم التردينه

ساره. لاء اريدك انت انت وغصبن عليك لاتخليني اصرخ واكعد اهلي هسه واكلهم جاي يتحارش بيه

علاء وبدت تنزع ابملابسها كلتلها يله هسه صرخي وكليلهم جاي يعتدي عليه وانه اثبتلهم العكس

ساره وانته شنو الي تكدر اثبته هههههه

علاء عندي هاي وسجلت بيها كل حجيج وكفت التصوير وشغلته الها

ساره لا ياحقير صرت اتهددني

علاء ضلي بعيده عني احسلج ترا فضيحتج ابين ايدي

ساره. اتفوو عليك اول مره اشوف هيج واحد مثلك اتصحله هيج فرصه ويرفض

علاء. الي عرفتيهم قبلي كلهم انذال وحقراء وانه مو مثل هذا النوع هسه طلعي اوخري عن

وجهي  مادري ليش تصرفاتها اتذكرني بجنه ياترا جنه ومن تصحلها هيج فرصه تسوي هيج

لا لا مامعقوله اتسويها جنه بس وياي جريئه

ومرن هاي الثلث ايام بنفاذ صبر وتعب ليكول ثلث اسنين  ورا صلاة الفجر

ابو محمد يله وليدي وداعت الله هذا رقمي يابويه من توصل لهلك خابر علي طمني وانته ياوليدي

يا محمد اذا ماتوصله سالم بره الانبار لاتردلي فاهم

محمد فاهم بويه علاء. بعيوني يله ياخويه تعال خل اساعدك تصعد

علاء جزاكم الله الف خير وكثر الله امثالكم والنعم منكم ياريت الناس كلها لو مثلكم عرضتو

نفسكم للخطر بس علمود تنقذوني الله يحفضكم انشاء الله من كل شر ويخلصكم من هذول الدواعش

ابو محمد امين يارب

علاء. ساعدني محمد انام داخل الكشن جان مكان كلش ضيك اتكسرت طبكت رجاي الحد

بطني وجانت رجلي تصل علي من الوجع بس راح اتحمل غطاني بالكشن وكلي لا تطلع اي

صوت ودور وجهك لي جوه حتا لاتختنك ويجيك  هوه من الفتحه كتله صار ومشينه وانه ما

ادري بالي يصير بس كلساع اسمع اصوات السيطرات توكفنه وانه كلساع اكول اهنا راح

ننكض بس الحمد الله والشكر عبرنه الحدود الانبار ومحد كضانه وكف السياره محمد وخر

الكشن كوم خل اساعدك تطلع وصلن البر الامان

علاء. جنت مامصدك وانه اباوع يمنه ويسرا معقوله راح ارجع صدك طلعت من الانبار سلامات

وراح اشوف اهلي مثل المسجون وطلع افراج جنت احس نفسي ماعايش وجني ستوني شفت

الضوه

علاء مشكور يامحمد شكد ماشكرتك قليل بحقك

محمد لاتشكرني ياخوي هذا واجبي  ولو انت جنت ابمكاني هم راح تسوي هيج 

علاء. نزلني اهنا انه اروح للبصره

محمد. انته شتحجي ياخوي انزلك خل اوصلك حتلو يم سيطره مال

الجيش العراقي

علاء وبالفعل صرنه قريبين من سيطره مال الجيش العراقي صاحو علينه بلمكبر الصوتي ننزل من

السياره ونرفع ايدينه اهنا محمد رفع الرايه البيضه ابمعنه احنه وياكم ونزل من السياره

ونزلني هم من نزلني صوبو الاسلحه علينه حسبالهم راح ينزل اسلاح بس ماضربو لحد مانزلت

انه وجان محمد يصرخ عليهم احنه من الحشد الشعبي لاطلقون النار اتقدملنه واحد والبقيه

امصوبين اسلحتهم علينه

علاء انطيته هويتي خويه انه من الوحد ال،،،، تحاصرت انه وثنين من اصدقائي هم انكتلو بس انه ضليت

وهذا الولد ساعدني حتا اطلع من الانبار انه من اهل البصره

الجندي. الحمد الله على سلامتك ياخويه وبوسني والتفت على محمد. مشكور  ياخويه والله

يكثر من امثالك انته روح ماطول وصل يمنه يعني وصل يم اهله

يتبع،،،،،،

.

شلونكم عساكم بخير متابعيني الغوالي ارجوكم اتفاعلو اذا انتم اتفاعلتو راح انزللكم اكثر

#عشگ_ابن_السواتر

بقلمي #مولاتي_يازينب

البارت #١١

علاء. اخذني الجندي وداني للبصره اول مادخلت للبصره حصرت كلبي عبره وبجيت على

اشرف اتذكر هذا الطريق انطلعه سوه ونرجعله سوه بنفس السياره واحد كاعد يم الثاني ولمن

ينام يخلي راسه  على جتفي ابكل مكان الي ويا ذكره اربع اشهر صار على وفاته جذب

اذا فديوم نسيته وصلني البيتنه

الجندي يله علاء الله وياك

علاء. مشكور يخوي

وكفت باب البيت وانه مادري شلون راح ادخل عليهم وصار الهم اربع شهور معتقدين انه ميت

دفعت الباب ودخلت مشتاق للبيت كله والاهلي واحد واحد والله العضيم مامصدك وكل ضني انه

بحلم شفت صورتي امعلكيها يم باب المطبخ ومكتوب الشهيد البطل الشاب علاء ال،،،،، اي مثل

ماتصورت كل ضنهم انه استشهدت وكفت اباب المطبخ وانه اشوف مرت اخوي لابسه اسود

وجاي تطبخ انعگد اللساني ماعرفت شحجي اصلاً نسيت النطق شلون صاير ضليت واكف

وماكدر اتقدم لحد ما انتبهت علي مرت اخوي اهنا هي صرخت وشردت هه اتصورتني روح

علاء يمكن اتقدمت بخطوات كلها فرح وشوگ وتعالت اصوات البجي من داخل البيت لان مرت

اخوي كالت الامي ان هي شافت علاء او روح علاء هم متصوريني ميت لذا لمجرد ذكري ضلو

يبجون شفت امي اااخ يالحنينه مشتاگلج

علاء حجيت بصوت بي رجفه وبي عبره يمه اهنا انتبهو علي ماعرف شلون اوصف شعورهم

بس الخوف امبين بعيونهم على صدمه على فرح اهنا امي سمت بسم الله والتفتت على خواتي

ام علاء يمه تشوفن الي اشوفه لو بس انه جاي اشوف طيف وليدي يمه واذا جاي احلم لاتكعدني

علاء. ركضت الحضنهه وانه ابجي مثل طفل صغير

علاء. يمه لا هذا مو حلم احجي وانه ابوس بيديها ورجليها يمه انه الله نجاني من حلك الموت

اتحاصرت اهناك وضليت هاي الفتره كلها بس يمه اشرف مات مات اخوي وضليت ابجي

بحركه التمو كلهم عليه ويبجون وياي خواتي يبوسن بي وامي تشمني وتبجي وخواني وابوي مامصدكين بيه انه يمهم

ضلو يشكولي عن افراكي وتعبهم ابلياي وفعلاً هذا الشي واضح بوجوهم كلهم متغيرين

بلاخص امي وابوي وبعد شوط من السوالف والحضن سئلتهم عن جنه

علاء يمه جنه وين

ام علاء يمه عند اهلها راحت ثالث يوم العزا تلزم عده عند اهلها بعد انت تدري خوانك اكبار

ومايصير

علاء. ضحكت حلوه هاي واحد عايش ويسوله فاتحه ومرته تلزم عده

زهراء. اي تضحك ولك متنه شبعنه بواجي حتا كبر رمزي سوينالك جان اكثر شي قاهرنه ان

ماحصلنه حتى على جثتك

علاء يمه انه رايح اشوف جنه

ام علاء روح يايمه روح وفرح كلبه

علاء. رحت البيتهم دكيت الباب طلعتلي ام جنان وصرخت يبووووووي يمه شبح كلتلها بكلبي

وهرش شبيج كلتلها عمه لاتخافين انه علاء.

ام جنان بس انته منين طلعت مو ميت ربي دخيلك ورحت اركض على ابو جنان

ابو جنان شبيج خير مخطوف لونج

ام جنان تحجي وهي ترجف عع ع ع عاع علاء شبح علاء واكف بالباب

ابو جنان صلي على محمد وتعوذي من ابليس شنو شبح علاء اهنا وندك الجرس مره ثانيه

ام جنان ولك الشبح هذا الشبح وركضت الغرفتها

ابو جنان طلعت ونصدمت من شفت علاء اكبالي ماعرفت شحجي ضليت امتمت

علاء. عمي انه علاء انه ماميت بس جنت محاصر بالانبار واهلي حسبالهم متت

ابو جنان شبكته وانه اشم بيه وابوسه الف الحمد الله على سلامتك ياوليدي والله حيل انكسرنه بيك

علاء. مشكور ياعمي الله يسلمك جنه وين

ابو جنان اتفضل بويه اتفضل جنه بغرفتها

علاء دخلني للبيت وصلني يم غرفتها

ابو جنان تلكاها اهنا

علاء فتحت الباب ودخلت جانت جنه نايمه لابسه دشداشه بيضه عجبتني ليش مالابسه اسود

معقوله هذا حد معزتي اربع اشهر بس اجيت يمها خليت اييدي على شعرها مشتاقلها موت

حضنتها حيل وهي نايمه

جنه فتحت عيوني على كيف ورجعت سديتهن ورجعت فتحتهن بقوه واني احس ثكل على

جسمي يا ربي هذا منو وشلون دخل الغرفتي

علاء رفعت وجهي باوعت ابوجهه شفت عيونها انكلبن ليفوك وانسحنت روحها وطاحت خفت

عليها وانه اضرب بيها وارش وجهه بالماي

علاء جنه جنه اسم الله عليج

جنه. فتحت عيوني ورجعت صرخت

علاء خليت ايدي على حلكها اششش فضحتينه اي يجنه انه علاء لاتخافين انه مامتت

جنه مامستوعبه الحجي الي يكوله يعني شلون مامتت احجي واني بنبرة صوتي رجفه

علاء. اي جنه انه اتحاصرت بالانبار واستشهدو سيف واشرف وبس انه الي طلعت من الموت

جنه. شبكته مامصدكه نفسي معقوله كتله علاء اني تعبت هواي ابفركاك بجيت هواي

علاء. تعبتي هواي بس مامبين هذا الشي اشوفج لابس ابيض واليحب طول الدهر يلبس اسود

بس انه ماردت منج طول الدهر اقلها سنه

جنه. لا علاء انته فاهم غلط اني لابسه اسود بس وكت النوم انزعه ما اكدر انام بالاسود يخنكنني

علاء يله جنه لمي ملابسج وامشي وياي للبيت

وما ان رجعنه للبيت ولكيت بيتنه متروس ناس طش الخبر بسرعه خبر رجوعي واقاربنه كلهم

ابيتنه وحتا جيرانه والموقف الي مستحيل انساه شوفت ام اشرف الي تكسر الخاطر اجتني

وتكلي ها يمه عسى اشرف هم عايش كلي راح يجي وراك مو علاء شبكتها وانه ابجي ياريت

ياخاله والله انطي من عمري على عمره بس اشوفه

ام اشرف اوي يايمه اوي ياوليدي رد صويحبك ليش مارديت ويا ولك يمه هذا الي تكول عنه علاء

الغالي تعال شوف غاليك رد بالسلامه تعال اتلكا وتحمدله السلامه زين يمه ياعلاء دفنت وليدي

لو خليت الجلاب تاكله 

علاء. كعدت بالكاع وانه ادك على راسي لا ياخاله مادفنت والله ماكدرت ادفنه بس جبتلكم

وصيته وياي مصور نفسه وهو يحجي

ام اشرف تعال يايمه تعال خل تشوفه مريته وخوانه تحجي وهي تبجي امشينه للبيت يايمه

علاء رحت وياها للبيت انطيت الكامره لخو اشرف الجبير هو ربطها ع الشاشه جانو الكل

متجمعين اخوانه وخواته وحتا مرته ردت اطلع ما خلوني اخو الجبير منعني كلي انته حسبت

اشرف وبيك ريحته ومن انشوفك انشوفه واشتغل الفيديو ومجرد ماشافو صورته كلها ضلت

تبجي وانه ابجي ويا هم ومردت كلبي امه الي كامت تبوس الشاشه لزمها ابنها اوكفي يايمه خلينه

نسمع شنو يكول جانو يبجون ويسمعونه ولمن ذكر وصيته الي بأن اخذ مرته واربي بنته  ضلت

تصرخ لبنيه وادك على راسها لا يا اشرف لا انه دنكت حقها انه هم ماريد هذا الشي لزمنها

اخت اشرف ومرة اخو اوكفي ياخيه تاني خل نسمع شيكول لحد ما وصل وحجه وياها بالوصيه ويكله

انسيني ضلن ايصرخن النسوان ويبجن ردت اطلع مره ثانيه ما خلوني احسهن يردن ياخذن

راحتهن بالطم والصريخ بس لا اخوان اشرف ولا امه ترضا انه اطلع  شغلو الوصيه ثلاث مرات

ويسمعونها

علاء وانه خال المحبس على حلكي ابوسه واحجي ويا  فجعت اهلك يا اشرف يتمت بنتك ورملت

مرتك وثكلت امك بيك اخير شي طفو الكامره كلتلهم اكدر احتفض بالكامره

ابو مصطفى اخو اشرف الجبير اي ياخوي احتفض بيها اصلاً اشرف مامات هو انت اشرف

وصيت اشرف راح تتنفذ بالحرف وبنته محد يربيها غيرك اهنا صرخت مرته وطلعت من الغرفه

ما اتزوج واحد عكب اشرف

ابو مصطفى ماعليك ياعلاء بعدها مفجوعه

علاء وانه ما الومها الي انفكد فجعنه كل احنه بس الي الشرف اربي بنته

ام اشرف يمه خلي الكامره اليوم يمنه خل اقنع لبنيه واهلها

علاء ابراحتج خاله

ام علاء لا يايمه يا اشرف كلي يمه انه مو خالتك

علاء ضليت ابجي على حجايتها وبالكوه احجي كلتلها صار يايمه طلعت رحت على بيت سيف

وانطيت اهله الوصيه وهم شبعت بواجي وياهم  رجعت االبيتنه عيوني

مورمه وكعدت وي اهلي الي ماشبعو من شوفتي واحسهم بعدهم مامصدكين انه يمهم واكف

اكبالهم  سولفتلهم شلون شردت والناس الي ساعدوني ضلو يندعون الهم

علاء بويه انه اشرف وصاني اتزوج باوعت الجنه وحجيت راد بنته تربه يمي يعني اتزوج مرته

جنه فتحت عيوني على كبرهن شنوووووو

علاء. اششش سكتي هاي وصيت صاحبي ولو اعرف اموت هم انفذها

جنه. عادي نفذها كمت رحت الغرفتي بسرعه

ابو علاء بويه شوي شوي اتفاهم وي مريتك ترا حقها صدك هاي وصيت اشرف وادري باشرف

عزيز عليك بس راعي شعور مرتك حاول تفهمها بهدوء

ام علاء. الله يعينك يايمه على ما ابتلاك والله نكسر ضهرك ياوليدي الحمل فوك طاقتك

علاء. اتنهدت بحسره اي يمه صدك الحمل فوك طاقتي اخ يا اشرف لو موجود جان ماصار كل

هذا رحت للغرفه ولكيت جنه اتلم ابملابسها دخلت سديت الباب

علاء جنه لحضه  سحبت الجنطه من ايدها خلي اتفاهم وياج جنه انه مو حباً بيها راح اخذها

بالعكس انه مو هاين علي اتزوجها بس انه الخاطر اشرف اشرف وصاني على بنته ورادني

انه اربيها مو غيري رادها الي تكول بابا

جنه. اي انته اتزوجها وذبها ابراس اشرف وكول وصيه هذا فلمك كاشفته علاء ماتجيب ضره على راسي فاهم

علاء جنه. ولج انه جنت ميت بالنسبه الكم مدة اربع اشهر ولج ليش ما احس بوجهج بي فرح

الشوفتي اشو انه مشتاكلج حد رحمت الله حتا من شفتج لابسه الالوان ما اهتميت اهم شي

جان عندي شوفتج جاي اكلج اشرف وصاني اوصيته امسجله على فيديو تعرفين منو اشرف

اشرف اكثر من اخو اكثر من صديق انه احبه حب واعشقه وهو مثلي جان ولج دمر حياتي من

راح ماكدرت اسويله اي شي حتا دفن ما دفنته عاد انفذله وصيته علمود بنته ومرته اوعدج انه

راح اتزوجها بس بالاسم يعني علمود بنت اخوي وبس وراويه راح تعيش حالها حال خواتي

بالبيت بس لاتعوفيني وترحين مشتاقلج جنه

جنه واني ابجي لو ضال ميت ولا راجعلي بهل خبر تزوج علي جبيره يا علاء

علاء. اجت احجايتها مثل الخنجر ابكلبي استحقرتها كلش كلتلها معقوله اكو انسان يحب

ويتمنه الموت الحبيبه اتخيلت نفسي لو انه ابمكانها اكيد وبلا شك جنت راح اختار تصير

الغيري ولاتموت وانحرم من شوفتها للابد عفت الغرفه وطلعت رحت الاامي خليت راسي بحضنها

وانه صافن واتذكر من اول يوم عرفت بي جنه لحد هذا اليوم شلي قدمته الي من تضحيه وليش

انه هلكد احبها انه جاي احبها وهي ماتقدر هذا الحب اتذكرت احجايات اشرف من يكلي جنه

حبتك نزوه اي صدك نزوه ولو ما نزوه جا ماملتني جا ماذبت حزنها بسرعه لو انه مكانها راح

ابجي عليها دهر مابين فكره وفكر غمضت عيوني وانه بحضن امي

يتبع،،،،،،،

،،ليس كل مايطرق باب القلب هو حب،،

سلام متابعيني شلونكم حبايب ماعودتوني على هذا البرود راوني تفاعلكم الحقيقي علقو وصوتو ترا علاء بطل ويستاهل

#عشگ_ابن_السواتر

بقلمي #مولاتي_يازينب

البارت #١٢

علاء مرت ثلاث ايام وانه ما احجي وي جنه استهضم من احجايتها معقوله تتمنالي الموت وانه

كلتلها زواجي بس الخاطر اشرف وبنته اجتني هواي تعتذر مني كا العاده كضت عمرها كله

ادوس ابطني تبجيلي كم دمعه وانه الغبي اسامحها

جنه. كافي علاء لاتزعل مني والله مو قصدي

علاء جنه انتي تعبتيني تعرفين شنو تعبتيني رجعي شريط حياتنه ليورا وشوفي يايوم ارتاحينه

بي وكله من ورا اعنادج وراسج اليابس وجرائجت الزايده والسانج الطويل وغيرتج الي ما الها

اي معنه شوفي يايوم احنه ارتاحينه بي بدون مادخلين مشاكلج بالنص اقصد مشاكلج الي ا

نتي تفتعلينها جنه رحميني كافي عليه الي مريت بي بس موت اشرف خذه نص من عمري غير

المئاسي الي مريت بيها وضيم الدنيه والتعب قدري هلشي

جنه. اوكي راح اقبل تزوجه بس شوف عندي شروط هي تنام يم خواتك وانته ابد ماتكعد وياها

ولاتشوفها ومصروف ما الها منك بس الگمر اوك

علاء. اوك بس هي راح تصير بذمتي يعني حرام عليها ما انطيها مصروف

جنه. اشمصروف التنطي الها هو انته يادوب امكفينه احنه

علاء حمدي ربج جنه ماطول جاي ناكل بالحلال وعايشين بالحلال مامحتاجين شي

جنه انته الي مامحتاج شي بس اني لا كلشي محتاجه انته شوفرتلي وين طلعتني وين

سفرتني تجيني عشر ايام وتغيب عشرين يوم شنو جبتلي من هديه اقصد هديه تسوه اكو يوم

طلعنه تعشينه بره وكعدنه ابمطعم محترم لو فاجئتني بتلفون جديد او ساعه ماركه يعني شي

يسوه حتا اعرف بيك شكد تحبني

علاء. والله انتي غبيه شوفي شلون جاي تقيسين الحب تقيسينه بالفلوس ولج الفلوس ماتسوي

حب و ربما ورده ابلاستيكيه من كلب يحب احسن من عقد ذهب من انسان يقشمر عليج انتي

شلون تفكرين وليش مو مثل البشر وبعدين انه ماطكيتج على ايدج انتي تعرفين ضروفي كلش

زين وتعرفين انه صاحب عائله جبيره وحالتنه تعبانه ويادوب عايشين كله وقبلتي بس هو مو

صوجج صوجي انه الغبي الي صدكت انج تحبيني وماتهمج لفلوس عفتها طلعت وانه كلبي

مقبوض من حجيهه وجسمي مسموم خذني رجليه البيت اشرف وكفت اكبال الباب ونزلن

دموعي اشرف ياخويه اطلعلي خل احجي وياك خل اشكيلك همومي اشرف ضاك صدري

وماعندي غيرك افرغ همي يمه

اه ياصاحبي دليني وينك اريد اجيك

اختنكت الروح ويم بابك وكفتي

بيه دمعه بيه حسره وجيت انه عليك

ادري بس صدرك يسمع شكوتي

هايلحنين ماناوي تضمني ابين ايديك

صعبه اكولن خذاك الموت ومنك واكطع رجوتي

بقلمي مولاتي يازينب

اخو اشرف الوسطاني اسمه ماجد شافني واكف اباب بيتهم ودموعي على خدي

ماجد ها علاوي حبيبي اتذكرت اشرف وجاي تشوفه

علاء اي ياماجد مشتاقله والله

ماجد تعال ادخل علاء احنه هم مشتاقين الاشرف ومن انشوفك انشوفه

علاء دخلت وانه عيوني ادور بكل البيت ابكل مكان النه ذكره اهنا اكلنه واهنا اتشاقينه اهنا

رفسته وهنا طكاني اهنا نمنه واهنا ضحكنه يار بي لو بالطيف اجيبه والله انكطع كلبي على شوفته

ماجد. علاء يمته تجي تخطب راويه

علاء. اتنهدت بحسره ما ادري يا ماجد مايهون عليه

ماجد بس هاي وصيت اشرف وصدك احنه بس وياك انأمن على بتنه كمر

علاء. بس ام كمر مكسوره خطيه واخاف زواجي الها يزيد كسرها

ماجد لاتخاف ياعلاء احنه وديناها يم اهلها وامها قنعتها بأن هاي وصيت اشرف وهي بنته واله

حق بيها وين يأمنها بعد موته

علاء. اها بس

ماجد لاتبسبس ياعلاء كول ما حاب اتنفذ وصيت اشرف

علاء ابد حشه والله بعيوني وصيت اشرف وبنته ومرته

ماجد اكيد مرتك الثانيه ما راضيه

علاء وحتلو نفترض ماراضيه غصبن عليها هاي وصيت الغالي والعيون كمر كلشي اسوي

ماجد. باجر ياعلاء جيب اهلك واحنه نروح وياك نخطبلك راويه وهي خطبه وهو زواج

علاء. على خير اله وين خالتي

ماجد. امي ارتفع ضغطها وخذاها اخوي ابو مصطفى للمستشفى

علاء. يله انه رايح من رخصتك

راويه. يمه شلون اتكليلي اتزوج من كل عقلكم لو انتي ابمكاني تزوجين ولكم رحموني مو

اشرف ماصارله اله اربع اشهر

ام راويه ماما شوفي لبنيه مو حلو اتضل عند اهلها سواء اطلكت او اترملت اخوانج ماراح

يخلونج ابليه زواج وانتي تعرفينهم كلش زين فا يايمه هاي وصية اشرف الله يرحمه ولو مايدري

بصويحبه كفو جا ماكفله ابنته وكله لاتكلها انته مو ابوها يعني هو يعرفه يايمه راح يصونج

ويصون بنيتج ويايمه الي يعرفه رجلج الله يرحمه واثق منه احسن من الغريب الي يزوجنج اياه

اخوانج ادري هذا الشي صعب يايمه بس هاي سنة الحياة وبعدين اشرف الله يرحمه تنسينه

لان الله انعم علينه بالنسيان بالاخص وانتي ماعشتي ويا غير عشر اشهر ومن هل عشر اشهر

نصهن كضاهن بالحشد راح تنسينه يايمه

راويه يايمه مستحيل انسا اشرف مايتعوض وضليت ابجي هذا ابو بنتي شلون راح انساه

روايه بنيه عمرها ١٨ سنه مخلصه المتوسطه وامبطله بالرابع جانت جداً جميله ورزينه وعاقله وعقلها اكبر من عمرها بهواي

علاء. يوم ثاني اخذت امي ومرت اخوي ورادت جنه تجي ويانه بس انه رفضت ادري بجنه

السانها طويل وخاف تجفص اجت ويانه ام اشرف وهي طول الطريق هي تبجي وامي تبجي

وياها واخو الجبير اتذكرت لمن خطبت جنه راح وياي اشرف بالخطبه ابكل مكان الك ذكره ولك

ماتكلي شلون انساك انوب تريدني اجيب بنتك اكبالي ما اطول عليكم رحنه نخطب ماجنها

خطبه جنها رايحين العزاء كلحنه غاطينه الحزن ويمكن اكثر واحد ضايج من بعد امه هو انه

ما راحت صورته من بالي وهو اخر شي ابتسملي ومات هاي الصوره مامرافكتني الشيخ يعقد

وانه صافن يسئلني وانه على صفنتي

ابو مصطفى خويه علاء وين شارد بالك الشيخ يحجي وياك

علاء ها

الشيخ بابا كول وراي

علاء رددت الحجي ورا

الشيخ الف مبروك

اخو راويه. خويه دير بالك ع البنيه

علاء. بتكم بعيوني هاي وصيت اشرف مستحيل انساها

اخو راويه يله انه اكلها اتحضر ملابسه واخذها وتوكل على الله

راويه لميت ملابسي واني ابجي ياربي ليش يااشرف ما اريد تزوج ليش تجبرني

علاء. طلعنه وننتضر راويه يمها امي وام اشرف ومرت اخوي شويه وطلعت لبنيه امدنكه وخاله

وجها بالكاع اخذت جنطة ملابسها وخليتها بالسياره جانت سياره اخو اشرف جبيره وكل احنه

جايين بيها

ام اشرف وهي تبجي يمه ياراويه هذا هلاء وليدي الله شاهد انه حسبت اشرف يمه خلي بعيونج

وانه ادري بي هو ماراح يقصر وياج ولا وي بنته

راويه انه جنت بس ابجي ماحجيت ولا احجايه

ام اشرف وانته يايمه علاء مايحتاج اوصيك لان ادري بيك انته شنو زلمه امعدل ماتحتاج الوصيه

علاء. خاله. اقصد يمه همه بعيوني لاتفكرين وكمر اشيلها ع راسي ومستحيل اخليها تحتاج

شي

وصلنه للبيت نزلت انه وشلت الجنطه مجرد مادخلنه جانت جنه واكفه اباب المطبخ وخاله ايديها

على خصرها

جنه. هاا اشو جبتوها يعني هي خطبه وهو زواج

علاء. فتحت عيوني على كبرهن خليت اصبعي كدام حلكي ابمعنى اسكتي ولا كلمه

دخلنه كعدت لبنيه بالصاله وهي كاسره ركبتها ومدنكه بالكاع كعدت يمها امي

ام علاء. يمه. هواي الي مريتي بي بس هاي وصيت اشرف. ولان هو عزيز عدنه نفذنه وصيته

ويكولون الميت اذا ما اتنفذت وصيته مايرتاح

علاء. شوفي يا راويه. الله شاهد ان مامر عليه اخو مثل اشرف بحياتي كلها احبه اعشكه

كلشي جان بالنسبه الي وفكده مو نكسر ضهري لاء كسرني نصين وعايش بنص واحد هسه

انه لان صدك اعتبره هو نصي الثاني وانه احب واعز كلشي يتعلق بي ويخصه اهله وامه عندي

هم مثل اهلي وحتا بنته الله شاهد ان فرحتي جانت مثل فرحته بيوم صارت وحتا انتي ياراويه

اخليج على راسي وما اخليج محتاجه شي اهم شي يرضه علي اشرف هذا اقل شي اقدمه

اله

جنه. اها. اهنا الحجي لا سالم راسك هي مامحتاجه راسك بس اخاف انته محتاج راسها

علاء. خزرتها جنه ولي الغرفتج يله يايمه اخذي راويه خلي ترتاح ابغرفتها طبعاً احنه فرغنالها

غرفة حسن وحسين وهم ضلو ينامون يم ابوي وامي

علاء سحبت جنه من زندها وسحلتها الغرفتها

جنه طكيته على ايده اوي اوي كسرت ايدي شبيك

علاء شوفي من هسه اكلج لبنيه ماتدنين يمها وماتسمعينها حجي شوفي جنه ترا هي مكسورة

جنح ديري بالج تزيدين كسرتها عليهه

جنه صحت ابصوت عالي اوي اوي وشدعوه خايف عليها هلكد

علاء. اتنفست نفس عميق اطرد الغضب الي بداخلي نصي صوتج لاتخليني اتعامل وياج

بطريقه ثانيه اي خايف عليها وما اريد واحد يتعرض الها هاي بقية اشرف اوصيته بعدين

لاطلعيلي بسوالف الغيره الماصخه هاي كتلج هي راح تعيش وياي مثل الاخت جنه هذا الحجي

لاتعتبرينه بس حجي اريدج تفهمينه بهذا اشرتلها ابئصبعي على عقلها عفتها وطلعت

صار وكت العشه لبنيه ماطلعت اتعشت ويانه طبعاً كل احنه عاذريها ومقدرين ضروفها عدا

جنه الي كلساع تذب احجايه ماصخه

علاء. خويه زهراء كومي صبي صينيه وديها الراويه وكليلها اشمحتاجه وكمر خوب ماناقصه شي

زهراء صار حبحب

جنه خليج انتي اني اروح اوديلهه

علاء لاء كلت زهراء انتي ماتتقربين صوب غرفتها كلش

جنه واني ابجي ليش علاء ليش هيج اتسوي بيه شنو يعني شراح اسويلها

علاء. يله زهراء بسرعه ورجعت اكل

جنه عفت الاكل وكمت رحت الغرفتي واني ابجي

ام علاء. يمه علاوي على كيفك وي مريتك ادري بيك انته مكسور كلبك بس لا اتذب حركتك

بمريتك وهي بنت دلال على كيفك وياها احجي وياها بالسان حلو مو كله بالصياح والتعنتك

علاء اتنهدت وكلت بنفسي يمه هاي مايفيد وياها لالسان حلو ولا اصياح ومشكلتي انه احبها

علاء مر اسبوع رحت راجعت الوحده العسكريه الي جنت بيها حتى ارجع الشغلي وارجع

الحماية الوطن ولي أكمل ما بدئت من مشوار اتصلت عليهم وحولوني ع القائد كلش فرحو بيه

لمن عرفو بيه عايش طبعاً كافئني القائد او يعني هديت رجوعي بالسلامه انطاني مبلغ قدره

٢ مليون دينار عراقي اما اشرف وسيف ف اعطت العوائلهم الدوله قطعة ارض ٤٠ مليون

طبعا اهل اشرف كالو هذا كله ايضل البنت اشرف وماكو غير ابوها وحده الي يتصرف بيهن

قصدهم باأبوها انه اخذت لفلوس والقطعه ضلت موجوده ذخر لكمر وامها من طارق الزمان

اشتريتلهم سياره نوع تاهو حديثه تشتغل على خط بصره بغداد تنقل مسافرين وخليتها عند ولد

سايق على عرف فرقد وراح يكون الفلوس او الوارد مخصص الكمر وامها بس وبقيت لفلوس

الضلت يمي اشتريت غرفه الراويه حديثه حقها هذا وحق بنتها واشتريت هواي ملابس الراويه

والكمر والعاب هواي الكمر واشتريتلها هي وامها كم قطعة ذهب وبقه مليون كلت انطي الها طبعاً قبل لا اسوي هذا كله

استشاريت اخو اشرف ابو مصطفى وهو كلي لتشوفه انته سوي واشرف يثق بيك اكثر من

عدنه فا على راحتك طبعاً هذا الشغل كله سويته خلال اسبوع وبقه عندي اخر شي لمن

اشتريت الغرفه والملابس والذهب ورجعت ع البيت وانه محمل على العلاليك صحت الزهراء

وعلياء ايساعدني

زهراء. ماشاء الله المن هذا كله علاوي

علاء. هاي فلوس راويه وكمر وجبتلهم شكم شغله

جنه طلعت وشفت بالطارمه كومه علاليك شنو هذا

علياء هاي شغلات الكمر وامها

جنه فتحت اعيوني على كبرهن شنو يعني شغلات

زهراء. ملابس وذهب وماعرف شنو تعالي شوفي انتي

جنه شنو شنو شنو شنووو باوعت العلاء وخير ياطير جايب هذا كله لايكون نيشانها

علاء. اخذت نفس عميق كلتلها هاي افلوسها انه كلشي ماجبتلها من جيبي شي هذا تعويض

من الدوله الاهل اشرف واهل اشرف تركوهن الكمر وامها

جنه. اها وديني الاهلي

علاء وليش بالله

جنه هيج اريد اروح ازورهم بعدين بالليل بابا يرجعني

زهراء همست العلياء اكص ايدي منا اذا ما رايحه الاهلها حتا تشتري ملابس شوفيها اشلون انضغطت

علاء سمعتهن وضحكت طبعاً ما استبعد هذا الشي اتسويها كلتلها روحي خابري على ابوج

يجيج لان انه جاي انتضر العمال هسه يجون ويجبون الغرفه

جنه ياغرفه هاي

علاء غرفه الراويه وبنتها خطيه شنو ذنبهن كاعدات ابغرفه كلشي مابيها غير كنتور وبس

جنه. ضليت افور من الغضب ياربي شنو هذا الحض الي عندها هم رجلها ميت وهم عدها

حض انه اشوف الرجلها ميت تنحس بس الاخت لا كاعد حضها فلوس وغرفه وذهب وملابس

وسياره واني بنت الدلال ماجابولي شي خابرت على بابا ضروري تجي علي هسه

علاء. رحت الراويه دكيت عليها الباب طبعاً هي ماتطلع من غرفتها غير بس للحمام

راويه منو

علاء انه

راويه شتريد

علاء. ما اريد شي اريد احجي وياج بس

راويه لحضه لبست عبايتي وحجابي نزلته على وجهي وخليت كمر بحضني ودنكت عليها كتله اتفضل

علاء. دخلت سديت الباب

راويه علاء خلي الباب مفتوح

علاء فتحت الباب ورحت كعدت راويه انتي تدرين ضل يمي فلوس من الاربعين مليون انه جبتلكم

بيهن شوي شغلات وملابس واشياء تفيدج وتفيد كمر واشتريتلج غرفه بعد لان حرام كمر اتنام

بالكاع وهاي فلوسكم انتم وضل يمي مليون هاج لاتصرفينه على اشياء تحتاجينها انتي وكمر

ترا انه موجود بس اذا انتي بنفسج ومادكدرين اتكولينه الي كولي الامي وهي تجيبلج

راويه مشكور ماتقصر

علاء. على شنو تشكريني هذا اقل شي اسوي اتجاهج واتجاه بنتج ميخالف تنطيني كمر شويه

راويه. كمت ونطيته كمر واني مدنكه وجفوف ايديه ضامتهن بالعبايه

علاء. اكول راويه. اريدج اتفرغين الكنتور مالتج وطلعيهن برا بغرفت البنات لان هسه راح يجون

العمال وياهم الغرفه حتا يشدوها انه راح اصيح العلياء وزهراء وازهار يساعدنج

راويه انشاء الله

علاء. ماجنت اشوف شي من راويه جانت عباره عن شي اسود بس صوتها جان كلش طفولي

وكلش ناعم طلعت واخذت گمر وصحت العلياء وزهراء وازهار يساعدن راويه وانه اخذت الطفله

وكعدت يم بابنه بلشارع وانه ابوس بگمر واشتم ريحتها الله يرحم ابوج اخ شكد جبيره مال

الله يرحمك ماتطلع من حلكي مايهون علي اترحم الروحك مااريد اصدك انت رحت عفتني

اشرف تعالي بلحلم عليك بداعت گمر ياخويه والعباس مشتاكلك ومشتاك نكعد كعدات كبل

ياربي نخيتك الاتردني اريد اشوف اشرف بلطيف لو بس المح شكله اتحسرت وسكت شوي

باوعت الگمر انتي هم

اشتاقيتي البابا فدوه لهل ضحكه فدوه. الهل صوت شتلغي انت اشتحجي ما افهم للحلوات انه

اخ مااشبع من بوساتج ورجعت ابوس بيها طبعا جان عمر گمر ٥ اشهر هستوه تتعلم تكعد

ز

شكلها يجنن ودبدوبه ودمها يخبل وبس تضحك وعيونها كبار

اجه حسين كعد يمي وخذه كمر من

عندي وحسن بلشغل اجو العمال وجايبين الغرفه ونزلناها ونصبناها وفرشناها وبعدها راحو

واجن خواتي نضفن الغرفه ورجعن كل غراض راويه ورتبن الغراض الي جبتهن كلهن واسمع

ضحكهن اطمئنت لمن سمعت صوت راويه وياهن تضحك هلشي ريحني كلش انه رحت سبحت

وبعادها رحت يم فرقد وضليت يمه لحد الساعه ب ١٠:٠٠ لحد ما عزل الفرن جبت حسن ورجع

عالبيت سئلت امي على جنه كالت اجت جابه ابوها

علاء. يمه انه جوعان مامتعشي خلي البنات يسولي عشه

ام علاء اي يامه هسه اصيح الازهار

علاء لا يمه لا خطيه ازهار شنو ابتلت بيه شوفيلي علياء لو زهراء

ام علاء والله مادري يايمه ماخذلك ثنين نسوان وتريد خواتك يسولك عشه هههههه

علاء ماريد يمه ماريد

ام علاء جذاب ماتريد امسوين شوربه لتحبها انته

علاء والله مادري عنج يا ام علاء

ام علاء شو اكعد اهنا اكعد انه راح احميلك العشه

حسن يمه وانه وياج

حسين يمه وانه وانه

علاء. هسه انتم ماعرستو اله وي عرسي وانته حسن منو استوه كله لفه

حسن. هي لفت فلافل قابل اشماكل هاي ماتسوي شي المعدتي اذا ما اشرب شوربة ام عليوي

مايرتاح كلبي

علاء. اشرب اشرب وانته شنو مو متعشي

حسين ماكل من جدر ابوك جوعان واريد اكل

علاء لا ماماكل من جدر ابوك ماكل من جدري انه

حسين ها عيرتنه

علاء وحتلو اعيرك هسه انته تستحي

حسين اي همزين تدري ما استحي لاتحجي وتعب روحك

علاء. والله يا الله عبالك هما اخواني لكبار وانه الصغير مالهم اجت امي وجايبه صينيت

الشوربه خلتها يمي كلتلهم والله اليدنه ايده اكسرها عاد هم اهنانه بدو بهجومهم علي وصارت

عركه ع الكمه ونتعارك انه وياهم بعدين كمت اكتل بيهم وهم وضلينه نتعارك ومكارب اخير شي

طكيتهم راس براس وشردت وانه اضحك صعدت الدرج واتندمت لان ضحكت لا ياعلاء ليش

لاتضحك نسيت انته افگدت ضحكتك اهناك بالانبار ودعتها وي اوداع اشرف دخلت للغرفه

يتبع،،،،،

مساكم الله بلخير يالربع

حبايب گلبي اني لمن ارد ع تعليقات بعض البنات الي فاهمات شي غلط ارد حتا افهمهم الوجها الصحيحه لحالة الابطال لان اني اعرفهم واعرف قصتهم لان سمعت المبررات منهم هما بس البنات حسبالهن اني اتعصب عليهن او اضوج لابلعكس رايج ابدي هذا الشي يعجبني بس لمن اتكونين فاهمه شي والواقع شي ثاني اني بس اوضحلجن يعني لامتعصبه ولاشي بلعكس انتم اعزاز ع كلبي الله شاهد كلكم افرح بتعليقاتكم

#عشگ_ابن_السواتر

بقلمي #مولاتي_يازينب

البارت #١٣

دخلت للغرفه

ولكيت جنه امبدله وامكيجه ومعطره وطالعه غير شكل

علاء. ولك يابه شنو هاي منو انتي

جنه ها عجبتك علوشتي

علاء. اله عجبتيني وبس غير اطكين بالكاع

جنه جريته من ايده ما طول عجبتك راح اطلب منك طلب

علاء انتي تؤمرين

جنه اريد غرفه جديده مثل الي جبتها الراويه

علاء وشبيها غرفتج سنه ماصارلها

جنه مابيها شي بس عاجبني غرفه مثل مالت راويه

علاء اكو احد كايلج انه كاعد على بنك ما يحتاج اكلج ماعندي المفروض انتي تعرفين هذاالشي

لان ما احب اكول هاي لحجايه هواي جنه والله لو عندي ما اخليج محتاجة شي بس شسوي

انتي شايفه ضروفي

جنه بس انته عندك مليونين انطاك اياهن القائد وينهن بيع غرفتنه وجيب النه وحده حلوه وجديده

علاء بدل ما اشتريلج غرفه بهاي المليونين اخذ امي وابوي للزياره الي صارلهم سنين مارايحين

ويزيد منهن وتكفيني العيشتكم

جنه يله انه ماعندي مانع بس اخذني وياهم للزياره

علاء. الله كريم انه مفكر اخذكم كلكم

جنه شتقصد كلكم يعني حتا راويه ويانه

علاء اي وليش لاء

جنه. علاء اني هلراويه ما احبه واذا اتروح ما اروح

علاء. جنه ليش ماتحبينه ترا لبنيه خطيه حبيبتي انتي شلون تفكرين كتلج لبنيه راح تعيش وياي

اخت ماعندي اي شعور اتجاهه انه بدون شي ما مرتاح وياج بحياتي كاضيتها مشاكل علي

انوب طلعتيلي بسالفة راويه حبيبتي شي واحد اريدج تفهمينه ان انه احبج والله احبج انتي وبس

جنه. ودي اصدك هلشي ودي اصدك انته تحبني

علاء. يعني اذا انه ما احبج شكول عليج انتي وعلى شعورج هذا ماتسمينه حب جا انه

شسمي الي تسوينه وياي بس انتي الحجي ضايع وياج بس شي واحد خلي ابالج انه بديت

ازهك منج ومن تصرفاتج وهذا الشي راح يخسرج حبي ديري بالج وقد اعذر من انذر

جنه ضليت ابجي يعني هسه اني لابسه ومعدله نفسي ومسويه جو وانته اتسويلنه مشاكل وبعدها اتهدد بيه

علاء. ضحكت انتي مادري شلون تفكرين ما ادري انتي غبيه ما ادري تتغابين ولج هو انه الي

جاي اسوي مشاكل لو حضرت عقلج الطفل

جنه وماطول عقلي طفل والطفل شلون يعاملونه مو ياخذو على كد عقله

علاء. وهو انه ماخذج على كد عقلج ولو اريد اخلي راسي براسج لا اهوووو اقري على الدنيه

السلام

جنه. ما ما انته كله تهدد بيه

علاء جنه تعالي شوي خل اعلمج التهديد اشلون صاير ترا تعبتيني

جنه ما اريدك ما احبك

علاء كيفج انه رايح انام يم امي

جنه ما ما ما لا لا لا لا تعال ركضت وطفرت عليه وشبكت ايدي على ركبته

علاء. رفعتها المستواي وبستها وباوعت بعيونها راح أأدبج بطريقتي ووووووحدث ما حدث

اورا اشكم يوم كلت لمي يمه انه راح التحق اليوم رجعت للحشد بنفس الوحده العسكريه

ام علاء اوي يمه لا تشوغ كلبي ماتدري يايمه من تروح لحد ماترجع شنو يصير بيه لاتروح يايمه كافيك

علاء. لا يمه عيب علي اختل بالبيت مثل الجبان واخلي هل انذال يدوسون ها الارض الطاهرا

انتي ادعيلي والي كاتبه الله يصير

ام علاء يايمه انه دوم ادعيلك الله يحفضك ويحرصك بس كلب والده موبيدي من احجي هيج

وبالفعل الساعه ب ٤ ورا صلا الفجر لبست وكملت وتريكت ودعت جنه وامي وكلت لمي

علاء. يمه. كمر وامها خليهم بعيونج وحيل ديري بالج عليهن يمه لاتخليهن يحتاجن شي هإج

هاي فلوس خليها يمج وعندج هم لفلوس الي ينطيج اياهن حسن دبري بيهن عيشتكم

جنه. زين ليش اتوصي بس على راويه ليش ماتوصي بيه

علاء. جنه انتي شبيج كافي عاد لا نرجع النفس القوانه شفتيني انه على ابوي المريض

ماوصيت يله في امان الله

جنه كلت بنفسي ما عليه ياعلوشتي لو غاب القط العب يافار

علاء طلعت من البيت بس هلمره طلعت ابحدي لا اشرف ولا سيف اطلعت بس ما وياي رفگه

والطريق وحشه ابلياهم ما فاركتني صورتهم وسوالفهم طول الطريق الحد ماهومت عيني بالنوم

وتحققت امنيتي وشفت اشرف وسيف هذا الحلم ما انساه جان يخبل اجاني اشرف وسيف

وهم لابسين ابيض جان المكان خيالي كله ورد وزرع يفتح النفس ووجوهم حيل بيضه ابتسملي اشرف وجن انه ركضت

عليه شبكته وحضنته وانه اشتم بي وابوسه وشبكت سيف وانه اكلهم مشتاقلكم كلي سيف

امشي ويانه علاء الجبهه الجاي انقاتل بيها تختلف اهنا اشرف التفت على سيف وكله لا سيف

لايجي ويانه منو يضل يم كمر ورجع التفت علي وكلي سلملي على امي ومرها بين فتره وفتره

ترا تفرح بشوفتك سلمت بنتي بيدك وانته ماكصرت مشكور

ياخويه وضل يردد كلمة مشكور ياخويه اكثر من مره وهو يبتسم ودارو ضهرهم ومشو وانه اصرخ

عليهم تانوني اشرف سيف تانوني فدوه اهنا كعدت وانه مفزوع ادور عن يميني وعن شمالي

ماشفت احد بس العبريه الي صاعدين وياي. ليش يا اشرف ما خليتني اشبع منك ليش

ماكعدت وياي اطول وحاولت ارجع انام هواي ياربي اشوفه مره ثانيه بس ماكو فايده

جنه الساعه ب ١٠:٠٠ الصبح شفت راويه طالعه من الحمام وهي لافه الخاولي ودخلت كبل

الغرفتها رحتلها فتحت الباب عليها

راويه بسم الله نعم اتفضلي

جنه. انتي ياترا هلكد شريفه ومنزله الحجاب جوه عيونج لو اخاف كرعه

راويه. هلشي يخصني اني

جنه اشوفج تحجين امعلك

راويه لا ابد لامعلك ولا شي محتاجه شي

جنه. هو انتي هذا صوتج لو دا تتماوعين

راويه. وليش اتماوع اني الي مثلي حالته تسمحلها تتماوع

جنه عيني وشبيها الي مثلج الي مثلج ماتزوج اتضل اقل شي حزنانه سنه اشو انتي ماكو

اربع اشهر وتزوجتي ومنو صديق زوجج والله عين كويه ونفسيه وكيحه

علياء جنه. احترمي نفسج واحترمي لبنيه هاي وصية اخوي اشرف الله يرحمه وبعدين انتي

اشجابج اهنا اضن علاء كايلج ماتتقربين الغرفتها ابد

جنه. وانتي شكو كيفي البيت بيت زوجي وادور بي وين ما ادور والتفتت على راويه اكول انتي

راح يصيرلج اهنانه تقريباً فوك لسبوعين وماطلعتي من غرفتج شنو يابه احنه نخدمج انسويلج

الاكل والشرب ونغسل امواعينج وانتي بس تاكلين وتنامي

زهراء سمعتها وهي تحجي واني فايته اشو بالله وخري وخري علياء خل اشوف الي كاضيه

يومها كله تغسل وتطبخ وتنفخ ولج شحال لو ما حتا ملابس زوجج ازهار تغسلهن وامي تطبخ

واحنه انضف متكليلي شمسويه انتي تدرين لو يدري علاء ان انتي ماتسوين شي بالبيت

يكسر ايديج بس غير امي لتضمضملج

جنه. اشوفج حيل حاقده زهراء اشدعوه كل هلغل ابكلبج

زهراء. لا حبيبتي اني ما حاقده بش احنه شنو شفنه منج اكو يوم من الايام كعدتي يمنه

سولفنه سوه وضحكنه سوه وحتا من نجي نكعد يمج تكومين وشايفه نفسج شوفه واكل تاكلين

اله من بره واي شغله ماتسوين ويانه وابشرج انه ما اكرهج ولا احبج والخاطير علاء انجاملج

جنه اوك هذا حجيج كله اكوله العلاء بالحرف

زهراء كوليله شنو حتا ابمشاعري تغصبيني واني هم اكله دخلت ع البنيه وحجت وياها حجي

ماصخ واكله هي كاعده بالبيت تاكل وتنام شو دوخري وخري خل ادخل راويه لاتهتمين الحجي

اي واحد اهنا اوك

جنه بسيطه يازهراء بسيطه اضاهر انتي ماتعرفين منو جنه

زهراء شو دروحي اعرفج جنه مدري جنيه مادري شيسمونج اعرفج كلش زين واعرف بيج حيه اصلا بس اني الفاهمه معدنج

راويه. كافي عاد كافي زهراء مايحتاج هذا كله ليش سويتنها مشكله عادي اني عادي اطلع

وياكم وانضف واشتغل بس وكت يكون موجود علاء ما اريد اطلع

جنه اي هم حقج اخاف يشوف كرعتج ويخترع

زهراء شنو يخترع منها ما اخترع منج عليج النبي راويه شيلي حجابج

راويه لا زهراء ماله داعي كافي

جنه وشنو يكون جوه حجابها ضامه الجمال

زهراء ولج غير احله منح بالف مره شو انتي نزعي نزعي مسويه روحج خجوله اشو حسن

بالشغل وحسين بالشارع ونزعتها حجابها وطاح شعرها الحريري على طول ضهرها وجنه فلتن

براغي وجها وصارت مثل هذا 👈🏻😨 ها شفتي صدك راويه ما جذب السماها راويه

راويه. شلت شعري لفيت حجابي

جنه ويعني شنو هذا تعتبرينه جمال واذا شعرها طويل هي اصلاً مو جميله درت ضهري ورحت

واني مشتعله نار بسيطه يا علاء بسيطه وحتا انتي يازهراء اذا ما ابجيج دم

راويه. ليش سويتي هيج يازهراء

زهراء يا اختي تغث مابالعتها ولا اكدر ابلعها من اجت لليوم هي تهين بينه واحنه ساكتين والله

شنو الخاطر علاء وعلاء لويدري بسوالفها جان طلكها من زمان مايدري هيج تحجي ويانه وي

امي وابوي بقلت ادب تعاملنه مثل الخدم والمتسولين وگوت عينها علينه حسبالها ماكو واحد

يردها اوخايفين من حضرت جنابها

راويه بس هيج راح تخربين حياتها وي اخوج وراح اتغار وانه ماردت هذا الشي يصير ردت

اتقرب الها ابطريقتي ونصير خوات وافهمها ان علاء مثل اخوي وانه مثلجن

زهراء. لا انتي شكد قديمه هذا الحجي كله حجا الها علاء بس الي مثلها مايفتهم لغة الاوادم

ولج هي شلعت بيبان كلبه لعلاء

راويه ادري جان اشرف يسولفلي عنهم الله يرحمك يا اشرف جان هواي يخاف على اخوج

ويضوج على موده ومايحب جنه

زهراء هسه انتي لاتضوجين روحج وصدك انتي يا راويه ليش حابسه نفسج بالغرفه ترا اتعبين

والله طلعي سولفي ويانه افتري بالبيت ترا الدنيه ما وكفت حد الهنا

راويه. اكيد راح اطلع خوب ما احبس نفسي طول العمر بالغرفه بس لمن يجي علاء ما اريد اطلع

علياء وليش ياراويه ترا علاء هم حاسبج وحده من خواته

راويه. هسه حاسبني وحده من خواته اخاف يصير عنده شي اتجاهي ما اريد هذا الشي يصير

علياء. لا راويه ماكو شي من هلحجي اذا يريد يصير شي اتجاهج يصير من اول لحضه شافج

بيها لاتحبسين نفسج

راويه ما ادري ع العموم خل ابدل الكمر واطلع

علياء يله اخذي راحتج

علاء مرت الايام وصار وكت رجعتي طبعاً هاي الايام الي كضيتها يوميه جنه وتتصل تشكيلي من

زهراء مره ومره من علياء ومره من راويه ومره من امي وحتا من اخواني شكتلي انه ما انطي

بأهلي كدامها ابد رجعت للبصره دخلت لبيت وي الغده جانو يتغدون

علاء السلام وعليكم

الكل التفت وعليكم السلام وكامولي يسلمون عليه وجهال اخوي شابكيني ويبوسون بيه عدا

راويه الي راحت ركض الغرفتها حتا بتها نستها ما اخذتها واجتني كمر تزحف وتضحك يمه

فداها كلبي لبنيه شلتها وشبعتها بوس ولك انته شلون حلو منين الله خالقك خالقك من فاكهه

شوي كرز على تفاح احمر على فراوله

زهراء كول جميع الفواكه الحمراء واختصر

حسين لو تكول مخلوقه من شاني مثلاً وتفضها

علاء بالله هسه انتم اشضاركم حلكي وجاي احجي بي

جنه جنت نازله من الدرج وجايبه وياي كارتون البيتزا حتا اضمه بالثلاجه شفت علاء جاي

ركضتله علوشتي حبيبي الحمد الله على السلامه وبسته ع خده

علاء الله يسلمج حب التفتت على امي يمه لبنيه عافت الغده وراحت صيحولها انه رايح الغرفتي

وانتي جنه صبيلي غدا جوعان

جنه. تاكل بيتزا حبيبي

علاء اكو واحد يعوف طبخ ام علاء وياكل هلخرابيط هاي

جنه ميلت حلكي هسه البيتزا صارت خرابيط هو انتو وين واصلتلكم حجيتها على كيف

علاء سمعتها وهي تحجي هيج هاي شنو شايفه روحها انه اعلمج صعدت للغرفه وتانيتها لحد

ماصعدت وانه احجايتها اتفور ابكلبي هي فتحت الباب وشايله بيدها صينيه اول ما فتحت

الباب اجاها راشدي معدل فر وجهه اخذت الصينيه من عدها وخليتها على ميز التواليت انتي

شنو قصدج اتهينينه شنو يعني احنه افكور لو ماشايفين ولج هو انتي فكر هو انتي المو قنوعه

انتي لمن تشوفين الشي تتمنين اتحصلين عليه احنه مقتنعين وراضين بعيشتنه وحامدين الله وشاكري

جنه شبيك علاء ليش تحجي هيج احجي واني ابجي ولازمه خدي

علاء. سمعتج شنو كلتي مساع يله لمي هدومج وامشي لهلج لا انه بعيد عنج مرتاح ولا انه اليمج مرتاح

جنه ضليت ابجي واتوسل بي لا فدوه علاء والله مو هذا قصدي جنت اتشاقه وياك لمن حجيت هيج ليش تفهمني غلط

علاء جنه تعبتيني روحي لهلج بالكت ترتاحين وانه ارتاح شويه

جنه ليش علاء هنه عشر ايام اتضلهن اهنا تريدني اروح وماأشوفك فدوه ما اريد اروح لهلي

علاء نزلي يله ولا تراويني وجهج ما فد مره ريحتيني بدون مشاكل وجع راس

جنه نزلت واني ابجي

حسين. شبيهن عيونج ايمطرن اكيد غيمهن علاء

جنه انته انجب

حسين هي لاتغلطين احترمي نفسج اصغر عيالج انه جبحج وجبح اليشاقه وياج الاهي ياربي

علاء يضل يحب راويه ويعوفج يالصخله ام عيون خضر

علاء اتغديت ونمت وما گعدت اله وي اذان المغرب جانت جنه نايمه يمي وشابكتني ما جاي

افتهم شي من هاي لبنيه لا عدها كرامه ولا عدها مستحه امتعبتني امئذيتني على شنو احبها

ما ادري عصرت خشمها حيل انتي اشجابج اهنا

جنه مشتاقتلك علوشتي وشبكته وبسته

علاء وخري عني وخري اريد اكوم اصلي ودفعتها وكمت صليت ونزلت جوه وكلتلهم باجر نطلع

لزياره كل احنه الكل فرح وماجنهم رايحين لزياره جنهم رايحين الباريس ولو الزياره تسوه ابو باريس واهلها كلت لبوي ها بويه

بيك شده على السفر

ابو علاء. ماطول زيارة اهل. البيت اكيد بيه يابويه

علاء على خير انشاء الله باجر الفجر ورا الاذان نطلع حضرن نفسجن بنات وكلن الراويه هم اتجهز نفسها

زهراء صار انه رايحه اكلها

علاء وكليلها خاف محتاجه شي الها او الكمر

زهراء صار حبي

علاء. كمت اريد اروح اصعد اجيب نقالي من فوك عبرت من يم باب غرفت راويه جان الباب

مفتوح وزهراء تحجي وياها بينما انه جاي ادور عيوني واصعد انتبهت الراويه طالعه بالمرايه

مالت الكنتور وهي تحجي وي زهراء فتحت اعيوني على كبرهن جانت لابسه دشداشه سوده

نص ردن وقصيره شوي جوه اركباتها بيضه بشكل وشعرها طويل وشكلها ايخبل ايجنن كلها

ترافه بينما انه صافن

حسين علاء شعندك واكف اهنا

علاء سحبته وسديت حلكه اصص وكص شبيك شتريد انته

حسين ليش واكف اهنا وصافن خوب ماكو شي

علاء. اكلك بالله ماتصملي حلكك هذا اشكبره بعدين انته ماتعرف تحجي على كيف يله اصعد وكل الجنه تنطيني نقال

حسين ما احجي وياها

علاء وليش

حسين تجاوز علي

علاء تجاوز عليك ليش تجاوز عليك شنو كلتلها

حسين شفتها تبجي ردت اتشاقه وياها واضحكه عود كلتلها شبيهن اعيونج يمطرن اكيد علاء

غيمهن الج وهي غلطت علي

علاء. ولا يهمك ابو علي انه اعلمها شلون تغلط عليك

حسين كفو منك وقلدت جنه علوشتي

علاء. ضحكت طاح حضك هواي متئثر بيها يله روح منا روح خل اجيب نقالي صعدت فوك

فتحت الباب شفت جنه اتوترت وما ادري شنو ضمت مره تبتسم مره تسكت كلتلها شبيج وتلخبطت

جنه لا ابد مابيه

علاء اها وين نقالي

جنه ها ما ادري

علاء اخذت التلفون من على الجربايه وطلعت وكفت يم الباب ياترا هاي اشجانت اتسوي رجعت

فتحت الباب عليها فجئه جانت جاي اتمشط بشعرها

جنه ها شبيك

علاء كلت بنفسي لا الضاهر ماكو شي بس انه صرت مااثق بيها وهذا سبب خلاني اتخيل هي

متوتره يمكن سديت الباب وماحجيتها ونزلت رحت الام اشرف كلت خل امر بيها ورحتلها دخلت

وسلمت عليها وكلتلها اشرف يوصلج سلام وصاني امر بيج

ام اشرف. ضليت ابجي اوي يايمه يا اشرف حتا وانته ميت اتوصي بيه اي يايمه ياعلاء

لاتكطع بيه ترا انه ارتاح من اشوفك وجن شايفه وليدي

علاء يمه احنه باجر طالعين للزياره اشرايج اطلعين ويانه ترتاحين شويه

ام اشرف لا يمه انه هم راح اطلع لزياره بعد ثلاث ايام ياخذني ابو مصطفى

علاء هلى راحتج يمه وكعدت يمهم فد نص ساعه ورجعت للبيت

يوم ثاني الساعه ب ٥:٠٠ ورا صلاة الفجر

يتبع،،،،،

وهذا هديه للسهرانين

#عشگ_ابن_السواتر

بقلمي #مولاتي_يازينب

#البارت١٤

يوم ثاني الساعه ب ٥:٠٠ ورا صلاة الفجر. يله يمه خلصونه عود هاي من امس كلتلكم حضرو نفسكم

ام علاء يمه انه خلصت وخواتك هم هاي بس ازهار ومرتك

علاء ولج زهيرا ازهار خلصينه

ازهار اي اي خويه جايه جايه هذول موتوني  ماينشلعون من لفراش (تقصد ع اولادها)

علاء وكفت يم الدرج وصحت بصوت عالي خايبه جنه

راويه اكلجن هذا اخوجن دائاً يصيح كلوله عيب الناس نايمه جوارين يمنه والساعه ب ٥:٠٠ الدنيه فجر

علياء هههه لاخيه مايصيح بس من يتعصب كتله خويه صوتك الناس نايمه يمنه جوارين عيب

علاء دروحي صعدي الهاي شوفيها وين

علياء صعدت دكيت الباب

جنه منو

علياء اني جنه يله يكول علاء تىئخرنه

جنه اي اي خلصت

علياء فتحت الباب واني فتحت عيوني على كبرهن واني اباوع الوجهه مصبوغ صبغ من المكياج

حتا من تروح للكليه مو هيج شبيها هاي البنيه اتسودنت نزلت اميله  حلكي صار اكبالي علاء واني  انزل من الدرج

علاء شبيج

علياء رئستاً عدلت شكلي لا مابيه سلامتك خويه

علاء رفعت عيوني شفت الوراها جاي تنزل هاي شنو جنه حجيت بعصبيه

جنه شنو علاء شبيكم كلكم هيج تباوعيلي

زهراء والله عجيب الوحد من يشوف هيج مناضر غريبه لازم يباوع

جنه وشنو المنضر الغريب ياحضرة زهراء

زهراء. اقصد وجهج ياست جنه اضن احنه رايحين للزياره

ام علاء كافي يايمه انتي شلج غرض رجلها موجود ويحاسبها

علاء لا يمه عوفيها زين اتسوي بيها انه اريد هي اتعلمها حتا بالكت تشوف اصغر منها وتعرف

اكثر منها

جنه. وانتم شبيكم امناشبيني

علاء روحي غسلي وجهج تدرين بيه كلش زين انه ما احب هاي السوالف بعد مو رايحه للزياره

جنه. واني شنو مسويه غلط

علاء. بلا لغي زايده وروحي غسلي وجهج

زهراء همست العلياء. خايبه هاي راح تموت من الغيره يايوم هي خاله هيج مكياج الهلدرجه بس

من شافت جمال راويه راح تسودن

علياء. اي ولج انتبهت هلشي واضح

جنه رحت غسلت وجهي واني ابجي

علاء صعدنه بالسياره وانطلقنه جانت جنه طول الوقت بس تبجي وتناشغ دزيت الها رساله من

تلفوني ما اكدر احجي يم اهلي كافي جنه لاتبجين حبيبتي تدرين بيه كلش زين ما احب هاي

السوالف ليش اتسوين الشي المااحبه هي قرتها وردت علي لا انته متقصد اتفشلني كدام اهلك

علاء رديت الها لا والله انتي الفشلتيني كدام اهلي انه طول عمري انصح ابخواتي واعلمهن

مايسون هاي الحركات واعلمهن هذا الشي حرام ومايصير التبرج كدام الناس تالي تطلع

زوجتي هيج شنو يكولون عليه هسه

بعد ماردت وصلنه الطريق المطاعم نزلتهم يتغدون

نزلو وجانت جنه شايله عبايتها وطالع نص بنطرونها وجانت كلش نشازج من بين خواتي ومرة

اخوي وراويه وتمشي ابحدها ماتمشي وياهن صحت عليها كلتلها نزلي عبايتج وستري روحج

ترا جزعتيني حيل وامشي وي البنات شبيج معتكفه

جنه. يا بنات الامشي وياهن زهراءالي سمعتني ارزاله وانته قبلت عليها لو مرت اخوك الي خاله

عينها عليك لو هاي الاسمها راويه المغرور مدري على شنو شايفه نفسها لاشكل ولا شوفه لو

علياء هلحيه هاي ام خنيس امسويه روحه زينه

علاء احترمي نفسج هذن التحجين عليهن خواتي ومرة اخوي مصختيها كلش جنه هنه مو هيج

ابد بس كلمن يرا الناس بعين طبعه وهسه نزلي عبايتج وامشي عدل بلا هاي لمياعه مالتج

جنه نزلتها نزلتها مو جاي اكلك اني اتعثر بيه ومو كايلتلك

علاء. اي يشييلونها اشويه مو شايلتها لركباتج باوعي للبنات شلون يمشن وامشي وياهن لان

مايعجبني تمشين ابحدج لو ترحين تمشين يم امي لو امي هم بيها خلل فني

جنه امك مو بعمري حتا امشي وياها وليش ما انته تمشي وياي

علاء. ترديني امشي وياج حضرت جنابج وانتي تمشين ورا العالم كلها وانه امشي خطوات سريعه يله اشوف كدامي

روحي امشي وي امي لو وي البنات

جنه. صار حجيتها مندون نفس ورحت امشي وي ام علاء

ام علاء ها يمه جنه

جنه هو شنو الها

ام علاء لا يمه ماكو شي بس حسبالي ردتي مني شي واجيتي يمي

جنه. اعتبر هاي طرده

ام علاء. ثكل يابنت الناس ثكل انه عمتج مو بنتج حتا اتحاجيني هيج

جنه رحت امشي بسرعه بصف علاء  شفت امك طردتني

علاءخزرتها كلتلها اششش صوتج دخلن هنه للحمامات يغسلن وانه وابوي واخواني انتانيهن

جوه داخل بالمطعم

راويه. علياء هاي شكد ثقيله مرت علاء

زهراء. اكثر مما تتصورين

جنه. ماسمعت شي من حجيهن بس اسم علاء وتكوله هاي راويه الي تتمويع بصوتها التفتت

عليهن شبي علاء اشوفج كلتي اسم علاء

راويه. اي واذا كلت اسمه

جنه مامسموحلج

راويه مع احتراماتي اله والخواته هو مايهمني واذا كلت اسمه اكو مشكله

جنه اي اكو هواي مشاكل

راويه. المشاكل اضاهر عندج ابنفسيتج انتي ليش مو راضيه تقتنعين ان علاء الج ابحدج وبس

واني مو شريكه وياج حبيبتي اطمئني انه ما اريده ولا هو يريدني وعمري ماراح افكر بي ولولا

وصيت اشرف اني ما اتزوجه

جنه. اوي عساس انتي منو يكلبج

زهراء ردت احجي راويه سكتتني

راويه سكتي زهراء ماله داعي فالروض ليس يضره ما قد يطنطن من ذبابة وتعديتها ومشيت

زهراء وعلياء وازهار طلعنه وراها

جنه هاي الادبسز هانتني

راويه لزمت علياء من ايدها علياء خلينه نكعد الوحدنه

علياء لا حبيبتي مايرضا علاء نكعد الوحدنه باعي المطعم كله شباب وعوائل

ازهار راويه شو انتي جاي تعضمينها السالفه ترا مابيها شي لازم تتعودين على علاء ابيناتنه

وهو مايكدر ايسويلج اي شي اذا انتي ماترضين فضلاً على ان هو معتبرج مثلنه اخت لا اكثر

انتي يجوز ماتعرفين علاء بس احنه نعرفه زين ثقي بي مثل ماجنتي اثقين باشرف ترا هم من

طينه وحده

راويه دنكت وماجانت بيدي حيله غير اكعد وياهم على نفس الطاوله

علاء شنو تاكلون طفرت جنه من بيناتهم

جنه اني اريد بيتزا اذا اكو

علاء ما اتصور اكو بيتزا صحت للعامل وسئلته كال ما كو عدد النه الاكل الموجود وطلبنه اكلنه

وكملنه دفعت لحساب ورحت اشتريت الكمر وجهال اخوي حلويات ورجعنه للسياره وبعد طريق

طويل جانو اهلي كلهم نايمين وبس كمر الوحيده تلغي وتضحك ابحدها انه اسمع صوتها

التفتت عليهم جانت  ابحضن امها وامها نايمه خاله راسها ع الجامه تلفت نضري كلما اباوع

الها رغم انه ماشايفها هواي كلها كم مره سويت الگمر بئيدي تعالي وهي اجت تشمر روحه

علي وهي تصرخ فزت امها ولزمتها بسرعه

علاء انطينياها

راويه. رفعت حاجبي وباوعتله بصدمه يعني مثل الواحد لمن يفزع فجئه من النوم بس بسرعه رجعت

تعابير وجهي الطبيعتها  قربتله گمر وخذاها

علاء اخذت كمر وانه ابوس بيها ليش ماتنام ياحلو جنك جني صغيرون وكضيت الطريق كله

اعلمها تسوي بوسه ولمن وصلنه اله باستني ونامت فدوه الطولها والشكلها وفدوه للبراعه العدها

دمها حلو على ابوها الله يرحمك يا اشرف وصلنه ونزلنه ابكربلاء الحسين عليه السلام اجرتلهم فندق ثلاث

غرف خواتي ثنينهن وراويه وازهار بغرفه وامي وابوي وحسن وحسين بغرفه وانه وجنه سوه 

جانت ايام حلوه كضيناها بكربله بس جنه شلعت كلبي حيل طلعت الزياره من خشمي تضحك

بصوت عالي وتحجي بصوت عالي ملفت للانتباه وانه كلساع اشيط واتعارك وياها غير هاي

سالفت عبايتج نزليها ولفي روحج عدل وسالفت المكياج الي طلعتلي بي صفحه يوميه عركه انه

وياها من الصبح لحد ماتغسل وجهه هذا غير ان تريد تاكل بارقه المطاعم وماتريد تكعد بأي مطعم

وتريد تشتري كلشي اتشوفه حسبالها انه كاعد على بنك وكلساع وذكرتني انته اشمشتريلي

وشجايبلي وانه اكلها محد طكج على ايدج انتي تدرين بيه شنو وقبلتي علي مثل ما انه وماله

داعي لغي زايد وتحجين هاي لحجايه اورا ثلاث ايام اليوم نطلع من كربلاء الحسين عليه السلام نتوجه الى

نجف علي عليه السلام كلتلهم روحو صلو الفجر و ودعو الامام حتا نطلع نتريك ونروح للنجف رحنه اعتيادي

صلينه اهناك وكملنه ومتفقين نلتقي بهذا المكان كل احنه اتئخراً البنات علينه اقصد بالبنات

زهراء وعلياء وازهار وراويه

جنه اوو ياربي هسه هذا كله تئخير

حسين اشعدها الملتزمه بالمواعيد

جنه انته ليش تتدخل واكفلي مثل العضم ابلعومي انته وهاي اختك زهراء

علاء كافي عاد مو وكتها اشويه واجن البنات ازهار وعلياء وگمر شايلتها زهراء وراويه مو

وياهن بسرعه كلتلهن وين راويه

جنه وشدعوه ابسرعه كلبك انخمش على كيفك لايحوشك ضغط

علاء ما اهتميت الحجيهه وسمعت ازهار وهي تكول

ازهار والله يا علاء ما ادري وين اختفت اول بدايه راحن البنات علياء وزهراء ايزورن داخل الضريح  ولمن رجعن

خلينه گمر وجهالي يم زهراء وعلياء ورحنه اني وراويه انزور بس هي تاهت من عني وصار ساعه اندورها وماكو

علاء. غير تتفقن على مكان تجتمعن بي حجيت بعصبيه

ازهار اي والله متفقين نفس المكان الي كاعدات بي علياء وزهراء انتضرناها هواي ما اجت

جنه ويجوز شارده كلشي توقعو

زهراء ما اضن عدها جرائه هيج وتشرد وجنت اقصدها بلكلام

علاء. انتم رجعو للفندق انه راح ادورها واجيلكم

جنه اجي وياك

علاء. ماحاجيتها كملت طريقي بسرعه وانه ادور على راويه بكل مكان بس ماكو رحت المركز

المفقودين حتا ينادن عليها خاف طالعه بره وبينما انه جاي اكللهم على اسمها شفتها جايه

جايبها واحد شاب ويا رجال جبير وهي عيونها امورمه اضاهر باجيه هواي بعد هي تقريباً

ساعه كامله ضايعه الوحدها

راويه. مجرد ماشفت علاء ضليت اناشغ وابجي

علاء اجيتلها ابسرعه انتي وينج حجيت بعصبيه مو متفقات تلتقن ابمكان شلي خلات تعوفينهن

راويه. واني ابجي. والله ماعفتهن رحت الهن نفس المكان مالكيتهن مادري يمكن مو نفس المكان

مادري مادري

علاء التفتت على الرجال الجبير الي جابها وهو جان يكلي على كيفك يابويه وياها ماصار شي

كتله مشكور ياعمي ماقصرت طلعت اكلينكس من جيبي مسحي ادموعج ولاتخافين هاي انه

وياج

راويه. گمر وين

علاء. گمر وي اهلي راحو للفندق

راويه مسحت ادموعي

علاء. زين انتي ليش تبجين قابل راح تضيعين للابد

راويه. لا بس اخاف اضل الوحدي اني

علاء. يله امشينه للفندق

راويه. خل اشتريلي ماي كلش عطشانه

علاء. تعالي. تستنكفين تكليلي جيبلي ماي

راويه لا ابد بس ما اريد اكلف عليك

علاء لاتستحين مني راويه  وطلبي اي شي تردينه رحت جبتلها بطل فتحته الها ونطيتها وانه

اباوع. عليها شلون تشرب جانت عطشانه من الخوف لان شربت نص البطل

راويه. اجت عيني بعين علاء شفته يباوع علي  عكدت حواجبي ودرت وجهي هذا شبي يباوع علي

علاء. هذا بسمار الك علاء شبيك تباوعلها ورحنه للفندق  اتلكتني جنه

جنه ع الخير وين لكيتها اخاف لكيتو بعض ويطلع هذا من تدبيركم

علاء. جنه بلا حجي ماصخ روحي راويه صعدي الغرفتج وانتي تعالي وراي دخلنه للغرفه

ولزمتها من شعرها انتي شلي اموكفج برا وهذول الشباب كاعدين بالاستراحه

جنه. اوي عوف شعري جنت انتضرك

علاء ولج بطلي من هاي سوالفج تعبتيني عاد وبسوالفج هاي راح تخليني صدك احبها وافضلها عليج

جنه بسوالفي لو انته تريد تحبها اصلاً وماتعرف شلون وبعدين هي هاي شنو الي بيها ينحب

صدك ماعندك ذوق

علاء. لاء هاي كلشي بيها ينحب حلوه لاتكولين مو حلوه لان هي اتجنن مؤدببه وشريفه وكلش

خجوله من النوع اليعجبني حتا بطل ماي تستحي تطلب كلش تختلف عنج انه احب لبنيه مثل

شخصيتها هي مو مثل شخصيتج وكافي عاد ترا طفح الكيل وبعد ما اتحمل حجيج الماصخ

احذرج لاتعيدينها انه مابيني وبينها اي مشاعر بس انتي بتصرفاتج راح تخلين هلشي يصير

عفتها وطلعت رحت اجيبلهم ريوگ نتريگ بالفندق بعدها نطلع

جنه. ضليت ابجي لا يا استاذ علاء اكيد ماراح اخلي هلشي يصير لو على كطعت ركبتي انته

الي مو الغيري

علاء اتريكنه وكملنه واحنه بطريقنه للنجف راويه تعبت ولعبت نفسها حست روحا اتريد تتقيئ

كلت للسايق يوكف السياره نزلتها غسلت وجهه وضلت واكفه بالهوا شويه وانه واكف اباوع عليهه

جنه لا عاد كافي مصختها علاء صحت عليه بصوت عالي

ابو علاء هشش بابا صوتج شبيج شبي علاء شسوه شنو المصخاه هاي

جنه واني اصيح صيحو عليه ردو شويه ماتشوفه شلون واكف يبارع على هاي الماتتسمه

حسن. صوتج نصي منا السايق عيب استحي شويه

جنه. دروح انته والسايق نزلت الجامه وصحت على علاء. على كيفك عيونك لايطلعن ليبره وخوفي

مايرجعن بعد.

علاء. اشتعل گلبي نار وعيوني صعدت بكصتي ضليت افور وافور من الغضب شلون تصيح

بالشارع والسايق موجود وكدام كل اهلي  كلت الراويه يله صعدي صعدت اخوي حسين  اخوي

كدام يم السايق ورجعت انه ورا كعدت ابين جنه وعلياء لزمتها من ايدها وعوجت اصابعها حيل

احسابج من نوصل

جنه. ضليت اصرخ اوي اوي اصابعي اصابعي

علاء فتحت عيوني على كبرهن خليت ايدي على حلكها وعصرت وجهه حيل صوتج من گبر كون

اي عفيه عفيه عليج خزني كلبي عليج عساس هو ناقص راح ينفجر من وراج واذا انفجر كلش

مو من صالحج

جنه لو تموت لو تحترك ما اخليك اتصير الها انته الي وبس فاهم

علاء. خليج هيج خليج. راح تندمين على كل احجايه حجيتيها وكل صوره رسمها الج تفكيرج

السخيف

جنه شنو تفكيري سخيف هي هاي الحقيقه انته ميت عليها ولو تموت ما اخليك تصير الها مو كيفك غصبن عليك

علاء تنفست بغضب لا وتغصبيني بعد بسيطه تحملي كومي علياء كعدي ابمكاني كعدت علياء

ابمكاني وانه صرت يم راويه

راويه. ضليت كلي ارجف هذا اشجابه اهنا لزكت على الجامه كلش ودرت وجهي ع الجامه شويه وتنكسر ركبتي

علاء انه افور من الغضب جان همي كله اغيض هاي الحقيره الي ائذتني بحجيها بس انه اعلمج

جنه. شفتها راح كعد يمها واني اشتعل كلبي نار وضليت ابجي

علاء. باوعتلها بنص عين من جانت تبجي اول مره احس دموعها يريحني تستاهلين لان صدك

قليلة ادب باوعت الهاي لبنيه خطيه لزكت يم الجامه الله شكد خجوله ياريت جنه مثلج اتذكرت

فد مره من المرات كلي اشرف جان استوه متزوج راويه.

اشرف. علاء. ياخي والله جنه هاي ماتصيرلك ما اعرف ليش انه حاس ان راح تتعذب وياها

علاء لا يا اشرف. انته كله اتفاول بالموزين

اشرف علاء. لاتتزوجها والك مني اشوفلك وحده مثل زوجتي والله خوش بنيه وادري هلصنف

يعجبك لا انته مثلي  واحنه ماتعجبنه ابنيه مثل جنه بس ما ادري شلي صارلك انته

علاء اي والله صدك يا اشرف طلع حجيك كله صدك انه ماتعجبني بنيه مثل جنه وتذكرت يوم يكلي اخر مره التحقنه بيها

جنت ضايج من جنه وهو كلي ماضل شي راح تفرج يمكن جان قصده ان هو راح يموت وينطيني

هاي الجوهر الي عنده وصلنه للنجف

ونزلت جنه عيونها امورمه من البجي استئجرنه فندق وكعدنه نرتاح شويه وبعدها نطلع انزور

ونصلي ونروح نتغده

جنه واني ابجي علاء انته ليش هيج اتسويه بيه والله اني احبك مو بس احبك اني مجنونه بيك

واريدك الي الوحدي بس

علاء لاتعليق ضليت ساكت

جنه. علاء فدوه حاجيني شبيك والله اني احبك وما اريد هاي تشاركني بيك

علاء. جنت مرتجي عدلت كعدتي لزمت وجهه بيد وحده لاخر مره اكلج هي مامشاركتج بيه انه

زوجج انتي وهي زوجتي بس  علمود گمر والوصيه لكن من ورا تصرفاتج هاي راح تخليني احبه واعتبرها زوجه  مثلها مثلج

جنه. وزدت بالبجي مستحيل شمسويه اني حتا اخليك تحبها من خلال تصرفاتي

علاء لان انتي كل حجايه والثانيه وكلتي انت الي موالها جاي تنبهيني ان هي مثلها مثلج

زوجتي. وحلالي وبعد تصرفاتج الي دائما انبهج عليهن وانتي تتجاهلهين مع علمج ان هذن التصرفات احبهن انه شفتها هي مطبقتهن

بحذافيرهن بدون ما احجي وياها ولاكلمه

جنه عن ياتصرفات تحجي اني كلشي تكلي عليه اسوي

علاء تسوينه بس قبل كلشي اتجادلين وتعاندين وطيح وصله من الساني ياالله تسوينه لا ومرات

اضطر ارزلج او اكفخج اله تفتهمين بينما هي تلكيها ملتزمه بحجابها وعبايتها ومحترمه

وصوتها ماينسمع من تحجي وخجوله وابد مو جريئه بحيث من احجي وياها ترد علي بكلمتين

وتتلعثم

جنه اي اهنا الحجي كول انت معجب بيها او تحبها وذب اللوم ع تصرفاتي ماخليت شي زين ماكلته عليها

علاء انتي غبيه لوتتغابين لو تجذبين ع نفسج انتي تعرفين كلش زين هاي الصفات كلها بيها

وانتي مفتقرتلهن واتعرفين حجي الحجيته كله صحيح بس نفسج تئبه تعترف بهل شي بس انه

اكلج انتي الخسرانه اذا اتضلين على هاي تصرفاتج وهاي سلوبج

جنه. مسحت ادموعي مستحيل علاء شايف مستحيل اخليك اتحبها وتعوفني

علاء هههههه اكول طفي الضوه خل انام شويه

جنه. طفيت الضوه واني اتوعد الف وعد ان مستحيل اخليك تحبها وراح تشوف اني ادافع عنك وبشراسه

يتبع،،،،،،،،

ان كثرت همومي ووجعي وامنياتي التي لم تتحقق بدئت اراها تتجسد امامي شئ فشئ فيكي يامن لم اعرف سركِ الى الان

#عشگ_ابن_السواتر

بقلمي #مولاتي_يازينب

#البارت١٥

علاء. رجعنه من الزياره جانت الزياره كلش حلوه لولا تصرفات جنه واسلوبها المنرفز مرت الايام

بسرعه وانه احس ابجنه تتبعد عن گلبي بتصرفاتها ما احسها جنه الي حبيتها والي وعدتني

الي راح تصبر وياي على كلشي بس انه اعترف الغلط مني ماجان المفروض اخذها حتلو

حبيتها الفرق بينه اهواي بس هي هم اقنعتني ان هي اتحبني وماتهمها المضاهر ولا لفلوس

والبيئه العايش بيها انه ولا طريقة تفكيري وبنفس الوكت بده گلبي ينجذب الراويه الي احسها

كامله من كلشي واحس عقلها جبير رغم هي اصغر من جنه حتا اهلي كلهم يحبونها بينما كلهم

يتحاشون جنه وهي اشوفها بسيطه ومداريه اهلي وتضحك وي اخواني وتسولف وي خواتي

ويكعدن سوه وتساعدهم ابكلشي والي شالت حمل ابوي عن امي وصارت هي اتلبيله كل

احتياجاته وحتا علاجه هي تنطي ضلت تكبر بعيني هلمخلوقه واحس صدك ان هاي هي لبنيه

الي جنت ادور عليها هاي لبنيه الي كلي عليها اشرف الي راح تعجبني وبس المشكله مو اهنا

المشكله ان هي ابد ماتخلي عينها بعيني او حتا تحجي وياي احسهم كلهم اقرب الگلبها مني

حتا لمن تريد تسئلني عن شي ماتجي تسئلني هي تخلي واسطه ابيني وبينها وهلشي بده

يتعبني لان حبها بدا يدخل الگلبي ونضرتي اتغيرت الها صرت احب شوفتها واحب اتمعن بكل

تفاصيلها بدا يغريني شكلها احب اسمع صوتها الطفولي ارجع للبيت متلهف بس كون اشوفها

انه ماهملت جنه لا بس هي الي اذتني حيل بتصرفاتها انه نصحتها يامه اتصير مثل ما احب

ومستعد انطيها كل الحب ومحد يشاركها بيه بس لا حياة لمن تنادي جانت راكبه راسها ومصره

تئذيني بكل احجايه وتئذي اهلي

بيوم من الايام وكاعدين نتعشه كلنه وكا العاده جنه ماتاكل طبخ البيت وطالبتلها اكل من بره بس

كاعده ويانه خوفاً علي من راويه يعني حسب تفكيرها المريض خاف هي تكعد يمي وتتحارش

بيه ماتدرانه المتمني هلشي وماصاير

جنه. عجيب اكو واحد ياكل دهون بالليل شنو هلمقليات هاي ماتخافون على روحكم من السمنه

زهراء. لا حبيبتي احنه مانسمن متعودين ويعجبنه اكل المقليات على كولتج

جنه. لا حبيبتي اتسمنون وجاي تتكدس الدهون بس انتم ماحاسين على هذا الشي من ورا

هلبيتنجان والطماطه

علاء. اكول اكلي اكلج وخلينه ناكل اكلنه شبي الباذنجان يكرص بنت ابو ذانات

جنه. شبي ابو ذانات هسه صار ماعاجبك

علاء لا عمي الرجال على راسي والنعم منه بس انه جاي احجي على بنت ابو ذانات

جنه اوي حسين شبيك هيج تشرب اشرب عدل اكو واحد يصك ع المي بشربه وحده

حسين ضليت ابلع بالماي بلع واطلع صوت حتا اغيضها شوي

جنه اوي لعبت نفسي

حسين لعبتهم روحي الغرفتج اكلي عاد احنه اهل ومتعودين واحد ع الثاني وما غريب اله الشيطان

جنه حجيت بعصبيه حسيييين شنو قصدك اني شيطان

حسين عاد اله بعبه طلي يمعمع انتي خذيتي على روحج اني كلتي شيطان

جنه ذبيت الخاشوگه جانت يمي ع الماعون هي ترا انته زودتها

علاء خزرتها اشششش صوتج لا يعله ماحجه شي انتي خذيتي على روحج وحاسه روحج غريبه

جنه. انتم شنو متفقين علي تهينوني كدام هاي الماتسوه

ازهار منو قصدج ماتسوه لايكون قصدج على راويه

جنه. اي عاويه مادري راويه جبتوها الي مادري منين وهسه تتمضحكون علي كدامها

راويه ابتسمت على حجيها شهل مخلوقه هاي

جنه نعم نعم نعم  شنو حجيتي علي صوتج شوي

راويه. لا سلامتج ماحجيت شي حجيت بهدوء

جنه واني اقلد على صوتها لا سلامتج عدلي صوتج شوي عيب اتسوين اغرائات بصوتج

علاء جنه كومي صعدي الغرفتج

جنه. هاي بدل ماتسكتها الها

ابو علاء  بابا كصري الشر وصلي على محمد ترا ماكالت شي البنيه

جنه بصياح لاااااااا عاد طالت وشمخت حتا انته عمي والله انتم مابيكم واحد يحجي الحگ كلكم باطل

علاء كمت من مكاني مثل المكروص سحبت جنه من شعرها وطكيتها راشدي فريت وجهه حجيت

وانه فاتح عيوني على كبرهن واحجي بتهديد والله ثم والله اذا انعاد الي سمعتها اكسرج

تكسير واخرب وجهج ولاتعتبرينه هذا بس حجي ترا زودتيها وطفح الكيل ولا حسبالج ابوي او

واحد من اخواني  ما يردونج لان انتي عندج اللسان  ودافعين عن نفسج لاء هم ساكتين الخاطري

انه وله واحدهم مسموحله يحط راسج بالگاع ويدوسه لان انتي مو مال احترام صعدي

الغرفتج ولاتراويني وجهج فاهمه

جنه صعدت للغرفه واني ابحي وادعي عليهم كلهم بالاخص راويه

ابو علاء ليش يابويه ليش هيج لاتلومها ترا هي طفله

علاء. لا يابويه مو طفله بس هي  غريبت الاطوار ماعرف لوين تريد توصل بهذا اسلوبها اتنهدت

بحسره انه طالع شويه يم فرقد

ام علاء تعال يمه كمل اكلك وبعدين روح

علاء. انسدت نفسي الله يسد نفسها ما اشتهي عفتهم وطلعت

ام علاء اوي سوده عليه يايمه ولا مره ارتاح وي هاي الي اسمها جنه گضا كل عمرها تعب بتعب

وياها وليدي باجر يلتحق بدل ما اداري وتباوع الحلكه وتنفذ طلباته لا هي تعانده وتنرفزه وتشرده من البيت الله

يساعدك يايمه مره هيج ماتنراد

علاء. اتصلت على فرقد بس مايرد الضاهر التلفون مو يمه كعدت بالشارع وانه اتخيل اشرف

كاعد كبالي سديت عيوني وضليت اتخيل بصورته ضليت احجيله انه شكد مشتاقله وشكد

محتاجله اريد اشكيله اريد افرغ من حزني وهمي ماكو صدر اوسع من صدرك يسمعلي

شحلاتك هسه لو تجيلي فجئه وتكلب لي وجهك مثل ماجنت اتسوي وتضحكني غصبن عني

وخذتني فكره وجابتني فكره وبديت اسولف وي روحي واوجه حجي الاشرف كأنما كاعد كبالي

وبعدها ماحسيت على روحي اله وانه اسمع صوت الكلاب اجلكم الله تنبح فتحت عيوني على

كبرهن وانه اتلفت يمنه ويسرا شفت نفسي متجي راسي ع الحايط  والضاهر نمت ومحد

بشارع وبس صوت الكلاب كمزت من مكاني طلعت النقال باوعت للساعه جانت الساعه ب

١٢:٣٠ وانه طلعت ب ١٠:٠٠ من البيت يعني نمت كل هذا الوكت ومادري بروحي ياترى شكم

واحد شافني وشكالو علي محد انكسر خاطره علي وكعدني بس يمكن حسبالهم مانايم لان

هلشي بعيد  واحد كاعد بالشارع ومرتجي ودنيه ضلمه ع العموم خل اروح للبيت باجر وراي

كعده من الفجر رحت للبيت لكيت بس امي تنتضر والكل نايم

ام علاء. يمه اتئخرت وين جنت

علاء يم اشرف اقصد لا لا يم واحد صديقي

ام علاء الله يرحمك يا اشرف يايمه بس ليش اتئخرت الهلساعه وانته باجر وراك التحاق

علاء. لاتشيلين هم يايمه روحي انتي نامي وانه رايح انام

ام علاء يالله يايمه تصبح على خير

علاء وانتي من اهل الخير راحت امي وانه كعدت بالصاله شبعان نوم نومت الشارع حلوه

ههههههه صعدت فوك جبتلي افراش من غرفتي لكيت جنه نايمه كلش ضايج من عدها ومن

تصرفاتها فرشت بالصاله شغلت التلفزيون وخليته ع فلم ونصيته جعت لان انه ماتعشيت كمت

للثلاجه همزين جان اكو فواكه خليتهن ابماعون ورجعت المكاني واسمع صوت كمر تبجي شويه

شفت راويه طلعت ومانتبهتلي وهي شايله گمر وراحت ع الحمام تغير الگمر انه ضليت صافن

امفهي عليها كلشي بيها حلو جنها مو من طين استغفر الله جنها انخلقت من جكليت رجعت

وهي لافه گمر بالخاولي شافت التلفزيون وطفته وهذا كله وماشافتني لان جنت نايم بالضلمه

راويه هذا منو مخلي التلفزيون مفتوح

علاء هاي انه شغلي

راويه يمااااااا بسم الله وكعدت بالكاع بسرعه من خوفتي واني كلي ارجف

علاء اجيت عليها ركض اسم الله اسم الله هاي شبيج

راويه والدمعه بطرف عيني وشفايفي يرجفن من الخوف انته منين طلعت

علاء. انه من زمان اهنا طلعتي ماخذه گمر ورجعتي انتي وياها كله ومانتبهتيلي لو اكول

كصير وما ابين بيها مجال بس مو هذا الطول كله

راويه ابتسمت بس انته جنت بالضلمه حمحم طلع صوت بدل ماخرعتني هيج

علاء. عمي انه اسف حقج علي

راويه انتبهت على روحي واني جاي اسولف ويا هاي اشجاي تسوين راويه اخذت گمر ورحت بسرعه

علاء. راويه اذا گمر مابيها نومه انطينياها

راويه. خلي البسها حجيت بدون ما اباوع عليه

علاء اوكي شغلت التلفزيون رجعت اكل واجت راويه وجايبه گمر خلتها يمي وراحت ضليت

ابوس بگمر والاعبها طبعاً گمر صارت تحبني كلش ومتعلقه بيه حيل ضليت اضحكها والاعبها

واوكلها وياي لحد مانامت على صدري فدوه اروح الها انه شلتها على كيف واخذتها يم امها

ردت ادك الباب بس مدري شنو الي خلاني ما ادك الباب يمكن لان اريد اشوفها مثل ما هي

بدون الحجاب فتحت الباب على كيف جان الضوه مشتغل بس هي نايمه مو نايمه وانما بس

امغمضه عيونها اتقربت على كيف خليت گمر ع الجربايه

راويه فتحت عيوني بسرعه حسيت بحركه ع الجربايه تفاجئت من شفت علاء داخل عليه كمت مفزوعه

علاء خليت اصبعي على حلمي كلتلها اششش لاتكعد گمر

راويه ركضت على حجابي خليته على راسي وحجيت بهمس وعصبيه انته اشدخلك اهنا واني

اتلفت يمنا ويسرا ادور ع العبايه لان دشداشتي جانت قصيره لحد اركباتي شفت العبايه

ركضت عليها بس واني اسحبها سحبها علاء من ايدي

علاء. مادري شلي خلاني هيج اسوي وضاع الكلام من حلكي ضليت اتنقل بين عيونها وكلبي

شوي ويطلع من صدري ضليت اسحب بالعبايه واتقرب عليها وباوع الرجفت اشفايفها هواي

خافت ولمعت بعيونها دمعه جانت بنسبه الي هواي كصيره رفعت وجهه بيدي وضليت صافن

بحسنها كل الي اعرفه انه تلخبطت وماعرفت شحجي وكل الي سويته مو من عقلي جان كلبي

مسيطر علي جذبني شكلها ضليت احتار وين اباوع بعيونها الي بيهن دموع بس ماطايحه

لو بخدودها الترفه لو برجفت شفايفها حضنت وجها بيدي ثنيناتهن وجانت هي  مصدومه

من فعلتي خليت اطراف اصابعي على شفايفها

حرب سويت من شفتك

دخيل عيونك وشفتك

وحبات الكرز خدك

وبسماتك جنونيه

اجيبك غصب لو بالطيب

يالجرحي معاك يطيب

دخلت بنضرتك كلبي

وانته الحب بس ليه

لو كلهم يصيرو جنود

احارب لجلك الموجود

وينه الواكف ابدربي

ولا واحد ولا ميه

انا جاهز ترا الحربك

احبك حيل بدمرك

واحبسك ابوسط كلبي

يانبضي تدك بيه

🎼🎼

راويه نزلن دموعي بالغصب ماتحملت هلمنضر شلون علاء ايباوعلي بنضره مو نفس النضره

الي وعدني بيها استجمعت كل قواي ودفعته حيل من صدره وجريت العبايه منه لاتصير دنيئ

وحافض عليه اني مرت اخوك لاتنسه هلشي

علاء. جانت احجاياتها مثل الصعقه الي صحتني من من سكرات الحب رجف كلبي من

احجايتها اي صدك شلو نسيت انتي مرة اخوي انتي مرة اعز صديق عندي بس شلي خلاني

اسوي هيج فعل طلعت برا بدون اي حجايه مارديت عليها بشي وكضيت الليل كله سهران وافكر

انه ليش سويت هيج لزمت محبس اشرف الي جان بصبعي وبسته بحركه ليش يا اشرف

ورطتني هلورطه انه حبيتها ونسيت هي بيوم جانت ملكك اسف يا اشرف بس كلبي خاني بس

اوعدك هاي اخر مره ضليت كاعد لحد ما أذن الفجر صليت وانه متروس كلبي ندم سبحت

ولبست البدله العسكريه سوتلي امي ريوك وتريكت وطلعت وصلت ع المعسكر وضليت كليوميه

احرگ بدمي ع الي سويته وصورة اشرف مافاركت بالي اشلون اتجرئت خليت ايدي عليها

ضليت كل يوميه قبل لا انام الوم بنفسي واعتذر من اشرف وبعد الي صار بسبوع تقريباً

ومثل ما قال الرسول واهل البيت عليهم السلام ان من رئا الاموات با المنام كمن رائاهم في

الحقيقه  واجاني اشرف بالحلم الله شاهد اجه وهو لابس ابيض بأبيض ورا نور يمشي بس

هيئت النور هيئت مره انه بالحلم فرحت بشوفته وهو خذاني الحضنه شبكني حيل وبعدها

حاجاني بعتاب وكلي ليش يا علاء ليش انته متحسف وندمان ترا راويه أمانه جانت عندي

وسلمتها الصاحب الامانه راويه حلالك وهسه مرتك وانه عندي غيرها خير من ربي لاتلوم بروحك

هاي مرتك وحلالك ولاتغضب ربك عليك واتذكر باسني على كصتي وراح والنور تبعه كعدت من

الحلم مفزوع وادور اشرف يمنه ويسرا معقوله اشرف اجه عرف بيه ندمان من سوايتي  واجه

بلغني هاي الرساله يعني انته ماضايج مني اشرف وشلون تكلي امانه وسلمتك اياها ويقصدني

انه صاحب الامانه نوعاً ما هذا الحلم ريحني لان جنت حاس بالذنب وتئنيب الضمير وباجر

ورانه هجوم ويمكن لو ما شفت اشرف بالحلم جان باجر بالي مو وياي مثل الايام الي فاتت

حمدت الله وشكرته الف مره وتمنيت كون اشوف اشرف كل يوم حجيت وي رب العالمين وطلبت

منه ان مايحرمني من شوفت اشرف بالحلم لان انه ما اكدر ابليا

ازهار جنت انضف بالبيت الساعه ب ١٢:٠٠ بالليل قبل ما انام كلت خل انضف البيت اشوي

وبالصدفه فتت يم غرفت جنه وسمعتها تحجي بالتلفون اني مو قصدي اتصنط عليها بس

شداني كلامها وهي تكول

يتبع،،،،،،

اضاهر انتو اتعودتو ماتنامون لحد ما انزل بارت للسهرانين😒بس انتو تدللون ❤️

#عشگ_ابن_السواتر

بقلمي #مولاتي_يازينب

#البارت١٦

ازهار جنت انضف بالبيت الساعه ب ١٢:٠٠ بالليل قبل ما انام كلت خل انضف البيت اشوي

وبالصدفه فتت يم غرفت جنه وسمعتها تحجي بالتلفون اني مو قصدي اتصنط عليها بس

شداني كلامها وهي تكول

جنه ابراهيم والله تعبت شسوي كلي هاي راويه لازم اسويلها سالفه واطلعها من حياة علاء علاء بس الي فكر وياي اترجاك

ازهار وضلت تحجي كلام هواي بس فجئه والضاهر انتبهت على الخيال الي امبين من جوه

الباب فتحت الباب بسرعه واني شردت بس مالحكت

جنه. ازهار. تسمعين علي

ازهار لا جنه جنت فايته بالصدفه

جنه. اي فايته بالصدفه ولزكتي يم بابي

ازهار جنه كتلج فايته بالصدفه وكل حجيج سمعته تحجين وي ولد منو هذا

جنه خزرتها والله يا ازهار ثم والله اذا وصل الحجي العلاء هه يكولون اعوفج  اسويلج مشكله

مامرت على بشر وخلي ابالج ترا ابراهيم صديق لا اكثر ولا اقل وسديت الباب بكل قوه

ازهر غمضت عيوني من صوت الباب

جنه. اكيد ازهار ماراح تسكت راح اتسويلي لعبه وتكول العلاء  ضربت

باصبعي على عقلي فكري يا جنه شنو تسوين حتا تتغدين بيها قبل ماتتعشه بيج شنو شنو لكيتها ،،،،،

بسيطه يا ازهار هذا ثمن الي يتصنط علي  خليتج ابالي

علاء صار الفجر وطلعنه هجوم على وحده من المناطق الي استحلوها داعش جانت معركه كلش

حاده طاحو بيها شهداء من عدنه وجرحا اهواي وانه اتصوبت اصابه عابره يعني عبرت الطلقه

شطح اخترقت طبقات الجلد بزندي بس ماقبلت انهم ايسعفوني واصريت اكمل الحرب وياهم

وبفضل الله وبدم الشهداء نكسنه الرايات السود وانتصرنه ورفعنه رايت الله اكبر

ياعراق احنه ولدك لاتهم بلي يطيح

هذا باجر من علي يستلم تصريح

بيها ع المعبر يفوت وللجنه يدخل

فدوه نغدي  كلنه المهم سالم تضل

بيدينه نجلي هذا ليلك ونرد النهار

ذوله مو كدنه انت تعرف ذوله كلش اصغار

احنه جنود الفحل عباس

غيره وشجاعه ونخوه وحساس

هذا وعد الك منه استمع

فدوه احنه نروح لترابك جمع

بقلم  مولاتي يازينب

رجعنه ع الوحده العسكريه ونقلوني للمستشفه نزفت هواي وضمدولي زندي ماكو ساعه واتصلت علي امي

ام علاء الو يمه اشو كلبي كارصني عليك من كعدت الصبح يمه خو مابيك شي

علاء لا يمه لاتهتمين انجرحت جرح اصغيرون وهسه مابيه اله العافيه وهاي انه جاي احجي وياج فدوه اروح الكلبج لاتعبين كلبج

ام علاء طكيت ع خدي بخوف يمه صدك عود جرح صغير ولتجذب علي

علاء يمه وغلاتج جرح صغير

ام علاء اي يمه الف الحمد الله يله يمه ارتاح اخاف تعبان

علاء. اوكفي اوكفي يمه انتم شلونكم اقصد يعني خواتي وجنه وراويه

ام علاء. يمه كل احنه زينين ناقصتنه شوفتك

علاء. وگمر كون مامحتاجه شي

ام علاء يمه گمر مشتاقتلك اتباع الصورتك وتصيح بابا

علاء. فدوه لخديداتها يمه ديري بالج عليهم وسلميلي على ابوي

ام علاء يوصل يابعد امك علاوي وليدي الله يحرصك ويحفضك من كلشر

علاء. امين يالغاليه وراحت وسديت التلفون واجت ابالي صورة راويه وعيونها المليانات دموع

وشفايفها الترجف شلون اكسب كلبج صرتي انتي كل همي ربي دخيلك الطف بيه لوتطلعها من

كلبي لو تحنن كلبها عليه

مرن ايام الدوام وانه بالمعسكر اول مره احس روحي صدك متلهف ارجع للبيت هذا مو يعني

ان محد يهمني قبل لكن هسه صار الاهتمام اكبر ورجعت للبيت وانه فرحان واضحك ابحدي

طول الطريق شنو الفلم اتخبلت بس اوكف علاء انته نسيت جنه مو هاي الكتلت روحك عليها انته

طايح بين نارين انه ماكرهتج ياجنه لا بعدني احبج بس تصرفاتج ضايقتني حيل وخلت كلبي

يميل الراويه شنو هذا التفكير ياربي ضربت على راسي حتا اطلع التفكير تعبت طول الطريق

وانه افكر حتا مانمت وصلت للبيت كا العاده العصر اوصل انه

جنه. انه اعرف اليوم جيت علاء لذا جنت خايفه كلش من ازهار تكول العلاء عن ابراهيم واني

ادري بعلاء مايطيق ابراهيم كلش وراح يسويلي مشكله لو دره  فقررت اسوي الااتي

الضهر وقت الغدا تحديداً والكل كاعدين يتغدونواني طلبت ديليفري بس بعده موصل  صعدت

الغرفتي جان عندي صندوق اصغير احتفض بي بكل الذهب مالتي اخذته وحطيته بغرفة ازهار

بدون محد يحس علي  ونزلت كأنما كلشي ماصاير ولمن سمعت

هورن الديليفري لبست حجابي وطلعت اركض عساس وطحت بالكاع وسويت نفسي متئذيه

حيل ورجلي انلوت وصرخت طبعاً كلهم اجو علي واني مسويه نفسي متئذيه لزمت ايد ازهار

كلتلها فدوه ازهار صعدي الغرفتي جيبي جنطتي بيها فلوس تلكينها بالكنتور جنطه سوده

صغيره فدوه حبيبتي

ازهار. ومن طيبت كلبي صعدت اجيب جنطتها

جنه ضحكت بداخلي بسيطه يا ازهار هذا الي يدوسلي على طرف

علاء دخلت للبيت لكيت امي والبنات متجمعات ويشربن جاي وجنه كاعده الوحدها اطگطگ ع

النقال طبعاً محد انتبه علي بس گمر صرخت بضحكه وتصيح بابا وهم على صوت گمر انتبهو

سلمت على امي وخواتي وعيوني على راويه شلت كمر ابوسها واجتني جنه كمزت علي

وباستني كلتلها بصوت هامس نسيتي انه زعلان عليج

جنه ونسيت اني اموت عليك حتلو زعلان

علاء. بعدين نتفاهم التفتت على راويه شلونج راويه

راويه دنكت وحجيت بالگوه نحمد الله

علاء الحمد الله والشكر التفتت على امي يمه ابوي وين

ام علاء. يمه ابوك تعب كلش ونام اليوم سكره مانزل

علاء يمه جا ليش عايفينه حسن وين ما اخذه للمستشفى

ام علاء. يمه حسن بالفرن ردنه ناخذه انه وحسين بس ابوك الله يحفضه معند

علاء حجيت بخوف روحي روحي كعدي خل ناخذه المستشفى وانه راح ابدل ملابسي

ام علاء يمه ماراح يرضا اسئل البنات هاي راويه ضلت تقنع بي لحد ماطاحت وصله من

اللسانها يكلها مابيه شي

علاء. هو كيفه خل ابدل وانزله انه اكعده

ام علاء اوكف يمه اوكف تعال يمه خل انشوف جرحك وين تصوبت حجيتها بخوف

جنه ضربت على خدي متصوب شوكت وليش ماكتلي

علاء. يمه مايسوه جرح صغيرون لا يهمج

زهراء لا ياخويه شنو جرح صغيرون بالله وين اتصوبت

علاء. نزعت قميصي وطلعتلهم زندي وانه عيني على راويه بلكت ينكسر خاطرها علي شفتها

با. وعت ع الجرح وبسرعه دنكت  وامي الي كلبتها مناحه

ام علاء وهي تبجي اوي يمه سوده علي جا يوميه متصوب يمه اتشوهت مره رجلك مره زندك اوي يمه بيه ولا بيك

علاء بستها على راسها اسم الله عليج يمه فدوه احنه وكلشي يصير بينه قليل ماطول انتم

عايشين ومرتاحين خلي كلشي يصير بينه باوعت بعيوني على راويه واحجي وي گمر بس القصد الراويه

علاء گمر حبيبي مانكسر خاطرك علي ماوجعكً كلبك شوي ولك انته ماتحس بيه اهنا طفرت امي

ام علاء لا شلون يمه اصلاً هي لازمه صورتك وتصيح بابا

علاء ابتسمت على عفويت امي اما راويه شفتها ضاجت كلش وراحت الغرفتها والله اجيبج

اجيبج حتا لو غصباً عليج هو انه ما اكدر بعد اتحمل بعدج علي

زهراء رفعت حاجبي واني اباوعله زحفت وصرت يمه الگوله الج ياگمره والمعنى الج يا امها

علاء باوعتلها بطرف عيني اشجابج انتي اشجابج وخري منا لا اطكج بالكلاص يا امها يابطيخ

زهراء والله هي مال بطيخ بطيخ شلون بطيخه اف اني مامقاومتها جا انته شلون

علياء زحفت اني عليه من الجهه الثانيه بطيخ شنو ولج كولي تفاح احمر كولي  كرز كولي فراوله شي ترف هيج

علاء. جنت اتبسم الحجيهن وفعلاً هلشي كتلهن اي والله

زهراء اااااا ها فلتتها

علاء ها شنو اقصد انه على گمر شبيجن انتن ثولات

علياء. لا يابه بعد انته حجيتها من لا وعي يعني اصدق الكلام والك مني اساعدك بس انته اطلب

علاء اااا صدك اقصد لا لا شنو تساعديني هو شنو شبيجن انتن وكمت من يمهن الله اليستر منجن ريه وسكينه

جنه على شنو تحجون بالله

زهراء زلم وجاي نحجي سوه انتي شكوه

علياء فتحت حلكي انجبي انتي زلمه اني مو زلمه

علاء ضحكت على زهراء كلت الجنه شي ابيني وبين خواتي اله تعرفينه مو كلشي لازم تعرفينه

جنه. اي ع العموم بس اني اجيت اسئلهن عود اذا شايفات صندوق مالتي صغير اخلي بي

الذهب دائماً ماشايفاته بنات كلبت الغرفه ومالكيته

زهراء ليش هو منو يدخل الغرفتج

جنه اني هم اكول هيج بس عجيب مالكيته

علياء. دوري عدل اكيد موجود وماشفتي

جنه اكلج خبصت الغرفه روحي شوفيها

ام علاء. يمه صعدن دورن وياها خطيه وين راحن ذهبات لبنيه

زهراء حجيت بصوت هامس تستاهل اندور وياها احنه والله فايخه انتي يايمه

جنه لا عمه مايحتاج ايدورن اكلج ماضل مكان مادورته واني متعوده اخلي بالكنتور هو وجنطت

فلوسي السوده الي مساع جابتها ازهار صدك ازهار ماشفتي انتي مساع من صعدتي جبتي

الجنطه

ازهار لا ماشفته لكيت الجنطه الوحدها

جنه بس محد دخل الغرفه بس انتي واني متئكده خالته بهيج مكان

ازهار انصدمت

علاء التفتت عليها شقصدج ياجنه حافضي على الفاضج ازهار منه وبينه وما اسمحلج اجرحينها بكلامج

جنه. لعد ماتكلي وين راح من اجيت الهذا البيت لحد مساع الصبح كله اخلي بهذا المكان

فجئه اصعد وما الكا وكلهم يدرون ان محد دخل الغرفتي غير ازهار مو صحيح يا ازهار مو

انتي دخلتي الغرفتي لو جاي افتري عليج

ازهار جنه احترمي نفسج اني مابعازة ذهبج ومو اني الي امد ايدي وابوك اني طول عمري

عشت بهذا البيت ولا مره اتجرئت ومديت ايدي

جنه. ليش هو شنو اكو بهذا البيت حتا اتمدين ايدج علي بس لمن شفتي الذهب دنت نفسج عليه

علاء 😡كاااافي جنه مصختيها ورفعت ايدي ردت اطكها

ازهار صرخت على علاء  اوخرت ايده عنها اوكف علاء وكلتلهااذا ممصدكتني هاي غرفتي كدامج وروحي دوريها مو اني الامد ايدي وابوك

علاء. قسماً بمن احل القسماً اذا رحتي للغرفه وفتشتيها ياجنه طلاكج اليوم

ازهار لا علاء خل تروح اني ماعندي شي ليش اخاف روحي ياست جنه روحي فتشي على راحتج

جنه صعدت الغرفتها غرفتها اتصير اكبال غرفتي واجو هم وراي وعلاء عيونه ايجدحن نار

وينافخ سويت روحي افتش وافتش طبعاً اني ضميته ابمكان صعب بالجنطه الي بيها ملابس

شتائيه وتصير فوك الكنتور دورت بكل مكان

علاء ها ارتاحيتي نبشتي الغرفه كلها بس احسابج وياي تعالي طلعي

جنه لحضه لحضه تعال نزلي هاي الجنط

ازهار. اتئفئفت بغضب هاي الجنط بيها ملابس شتائيه

جنه ويجوز ضامتهن اهنا

ازهار بعصبيه. جبت الكرسي وذبيت الجنط بالكاع تفضلي ياست جنه

جنه فتحت اول جنطه عساس ادور ماكو شي فتحت الجنطه الثانيه لزمت الصندوق بيدي وكمت

بعصبيه واباوع على ازهار شفتي شفت علاء كتلك محد دخل غرفتي غيرها بس اتمنى اتنال جزائها وتكون منصف ياعلاء

ازهار بصدمه وبتلعثم لا علاء لا ياخويه لاتصدكها والله العضيم وروح مصطفى زوجي وداعت

جهالي ما اخذت اي شي والله العضيم دخلت الغرفتها جبت الجنطه وبسرعه اجيت جنت

احجي ومره التفت على جنه ومره على علاء ومره اباوع بعيون علياء ومره الزهراء وكأنما اترجه

منهم يصدكوني خيه علياء زهراء كللهم ان هاي مؤامره من جنه وان اني ما اخذت شي وكفت

اكبال علاء خويه صدكني اني مو اليوم عايشه وياكم اني من سنين وياكم تدري بيه هاي مو سوالفي

جنه لعد سوالفمن لج ضامته ابمكان الجني الازرق مايخطر على باله يعني منو يضمه اهنا

ابنج الصغيرون وبعدين محد دخل غرفتي غيرج وهذن البنات شاهدات

ازهار. واني امسح بدموعي حجيت بتهديد اكيد انتي الي سويتي هيج حتا لا احجي عن الي

سمعته هذاك اليوم

علاء. بعصبيه وشنو سمعتي

ازهار. سمعت مرتك المصون تحجي وي ولد وتشكيله. عن عيشتها وتكله لازم اخلي نهايه الراويه

علاء التفتت عليها بغضب هذا ابراهيم اكيد

ازهار اي اي ابراهيم

جنه. لج انتي شتحجين التفتت هلى علاء انته تعرف كلش زين من هذيج المره اني كطعت

صداقتي بأبراهيم واكيد هي لفقت هذا الحجي حتا تنقذ روحها من الفشله الي هي بيهه

واختلقت هذا الحجي وبالصدفه ان اني صدك جان عندي صديق مما خلتك اتشك بيه هسه

وتنطق اسمه وكامت لكفت الاسم من عندك

ازهار لا والله العضيم والله اني مامجذبه والله العضيم

جنه طلعت تلفوني هاك علاء هاك فتشه مثل ماتحب  او روح الابراهيم وسئله اخر مره يمتا شفته وحجيت ويا

علاء صحت بصوت عالي كااااااااافي اخذت التلفون من جنه وطلعتها بره الغرفه وسديتها على

ازهار ودخلت جنه بغرفتها طلعت من البيت وحتا ملابسي مامبدلهن انه اندل مكان الي يشتغل

بي ابراهيم رحتله بس شفته ما اتفاجئ بشوفتي ابد

ابراهيم. انته موووو زوج جنه هلا بيك خويه اتفضل محتاج شي

علاء. اخذت نفس بعمق وحجيت بتهديد شوووف ابراهيم انطيني تلفونك وبدون فضايح والا ماراح يجرالك خير

ابراهيم ووليش انطيك تلفوني غير اعرف فهمني وليش هيج متعصب

علاء انت شعندك وي جنه

ابراهيم اني اخذت باص من جنه بلي صار فرديت عليه بكل اريحيه وبرود جنه جانت زميله

دراسه

علاء شنو قصدك بجانت يعني هسه مابينكم تواصل

ابراهيم لا هي فجئه كطعت صداقتها وياي وكالت رضا زوجي اهم من عندك وانه اتفهمت هل

شي يعني بنيه متزوجه اكيد اتفضل حجي زوجها على صداقتنه

علاء ابراهيم اذا عرفت بيك جاي تجذب قسما بمن احل القسم اكتلك وادفنك اببيتكم

ابراهيم ماله داعي اجذب بشنو تريد احلفلك وهذا نقالي وشوف اذا اكو تصال واحد او رساله

وحده الك حق تذبحني

علاء اخذت التلفون وانه ادور واتفحص بي ماخليت لاواتساب لارسائل لافيس كل مواقع

التواصل بحث ماكو ولكيت اخرشي رسائلها نفسهن الي شفتهن هذيج المرا وصارت مشكله

عليهن بس ماكو اي شي جديد زفرت بغضب وحيره معقوله ازهار تتبله عليها لالا ما اصدق

ازهار ماتبوك ولا تتبله ع احد انه اعرفها زين عاشت ويانه سنين  بس بس هي الوحيده الي

دخلت غرفة جنه واكو شهود معقوله جنه مخططه لكلشي بس ليش وانه قبل شوي ابراهيم

اثبتلي ان مابينهم علاقه وصداقتهم انتهت ولا مخابر الها معقوله ايجذب علي وماسح كلشي

من جهازه اااااخ ياراسي راح يصعد ضغطي من كد التفكير شلون وليش وشنو السبب رجعت

ع البيت ميت تعب منا جاي من الدوام وطول السفر ومنا هاي المصيبه الي طاحت ع راسي

الي ماعرف شلون اتصرف وانصف منو واعاقب منو رجعت وانه وجهي مكلوب كلاب صاير

ازرك من التعب والتفكير ومهدود حيلي

يتبع،،،،،،،،،،،،

عذرني بنات مجاي افرغ بس بالليل عندي ضروف

#عشگ_ابن_السواتر

بقلمي #مولاتي_يازينب

#البارت١٧

رجعت وانه وجهي مكلوب كلاب صاير ازرك من التعب والتفكير ومهدود حيلي

دخلت لكيت جنه كبالي وهي تكلي

جنه علاء لواني لو ازهار بلبيت هم باكتني وهم تتبله علي

علاء بغضب جنننه وخري من وجهي لا ابتلي بدمج

جنه بس ياعلاء انت ماتعرف شسوو بيه هستوه خواتك اشتغلني حجي ماصخ وطلعني اني

الي مفتريه ومتبليه ع ازهار والله اني ماعندي شي وياها ع شنو اتبله عليها وضليت ابجي

اوكف وياي ولو لمره وحده بس ترا مايصير هيج وكله طلعوني اني الغلطانه بس لا هل مره هذا

الشي ماينسكت علي واني رايحه لهلي وما ارجع اذا هاي اتضل بلبيت

علاء عفته وكملت ومشيت وانه راسي راح ينفجر من التفكير منو الضالم ومنو المضلوم

ازهار سمعت حجيهم صعدت بسرعه لغرفتي لميت كل ملابسي وملابس الجهال ولبستهم ولبست

عبايتي ونزلت بهل اثناء راحت جنه الاهله وعلاء جان ممدد بلصاله وامه يمه اني ادري بي

ايحب زوجتها وادري بي تعب من التفكير وادري بي ماراح ينطي بيه ومايجرحني فقررت

انسحب من حياتهم بعد كل هاي السنين

ازهار اخذت نفس ومسحت دمعه طاحت من عيني

ام علاء يمه ازهار وين رايحه حجيتها بصدمه

علاء رفعت راسي ع صوت امي وشفت ازهار اتسحب بجنطة الملابس ولابسه عبايتها كمزت من

مكاني بسرعه وحجيت بستغراب وين ازهار وين رايحه

ازهار مشكورين ياخويه ع كلشي الله يشهد انتم ماقصرتو وياي بشي وعشت وياكم معززه

مكرمه اني وجهالي بس لهنا وكافي بلا ما اسبب الكم مشاكل زايده انتم بغنه عنها

علاء انتي شجاي تحجين احنه اهلج وانتي ما الج غيرنه وين تردين ترحين وهذول (واشرت ع

جهال اخوي) وهذوله بقيت اخوي مصطفى واحنه مانستغنه عنهم ولاعنج وانه حسبت ابوهم

ازهار خويه اني رايحه بيت خالتي اني صدك ماعندي اخوان ولاب ولا ام بس عندي خالتي

كلش تحبني واني رايحه يمها وهذول يضلون اولادكم وتضل انت ابوهم وكل اسبوع هما يمك

علاء لا مستحيل هذا بيتج واحنه اهلج وماطلعين فاهمه

ازهار طاحن دموعي ونعم الاهل والله بس اني بعد ما اتحمل مال اتتهموني بلسرقه هاي حيل اتئذي

علاء تخسي جنه وكل واحد يتهمج بشي موزين ازهار شبيج احنه مانعرفج انتي شنو ولج انتي

جوهره غير ولاتهتمين الجنه خليها تولي بحدها تمل وترجع للبيت وانتي الضاله وجنه هي الي طالعه

ازهار خويه علاء عليك بروح مصطفى وعليك بروح اشرف لاتضغط علي كافي خليني اروح

اريحلي واريح الكم

علاء ازهار

ازهار قاطعته تكفا ياخويه لاتضغط علي

علاء ضربت الحايط بغضب وصعدت فوك بغرفتي

ازهار سلمت ع ام علاء وابوعلاء وزهراء وعلياء وحسين وراويه والبنات ضلن يبجن واني

ابجي وياهن حاولو يمنعوني كلهم بس ماكو فايد مستحيل اقتنع لان كرامتي ماتسمحلي

اعيش وي جنه بعد بنفس البيت

حسين خلي اوصلج انه

ازهار لاحسوني ياعيني انت مايحتاج

ابو علاء وهو واضح كلش تعبان حجه بنكسار خلي يوصلج يابعد ابوج احنه انخاف عليج

ازهار بسته ع راسه مشكور ياعمي الله وياكم ورحت اني وحسين

ام علاء بحركت كلب حسبي الله ونعم الوكيل ع الضالم خربة حياتنه بنت بليس

علاء جنت محتار ودمي يغلي ع طلعت ازهار مو شويه عاشت ويانه سنين وجانت حسبت اخت الي

اتصلت ع جنه

جنه بزعل نعم

علاء بغضب ارتاحيتي طلعت ازهار

جنه وليش تحجي وياي هيج وكانما اني الي بكتها والي تهمتها مو هي وبعدين لازم يصير

هيج لان الي تسوي هيج شي مره يعيده الف مره

علاء جنه قسما بمن احل القسم لو فد يوم اكتشف انتي ضلمتي ازهار وتهمتيها والي صار من

جوه راسج توقعي كلشي مني كلشي فاهمه

جنه بلعت ريقي وبعدها كتله شنو علاء لايكون هم انت شاك بيه ومتصور اني ورا السالف

لاعلاء اني ماعندي عداوه وياها اني لااحبها ولا اكرها وضليت ابجي اتوقتهم كلهم

مايصدكوني بس انت لا

علاء انه لامصدكج ولا ما مصدكج انه محتار

جنه اسم الله عليك حبي شوكت تجي تاخذني لو اجي اني

علاء لا لاتجين خليج اليوم عند اهلج

جنه وليش

علاء لان تعبان واريد اضل بحدي

جنه ابحدك لو تضل يم راويه اني هسه اجي

علاء اذا اجيتي اررجعج وتضلين دوم يم اهلج وانتي تعرفين شنو اقصد وسديت التلفون

دخلت سبحت ونمت بعد شوط طويل من التفكير المتعب الي فر راسي فر

كعدت ع صوت علياء وهي شايله گمر وتكللها يله كولي البابا يكعد يتعشه وگمر حبيبتي بس

تضحك كعدت اخذت گمر وبوستها اليوم انشغلت عن الحلو وماشفته

علياء وام الحلو امسويتلنه العشه اليوم كوم اكل من ايديها عسا تطفا نار حبك شوي

علاء هسه اجي يله بابا گموره الگيمر انروح ناكل بويه لج لاتضحكين هيج اذوب اذوب بضحكت

الحلوات وبوستها ونزلنه تعشينه وجان مكان ازهار وجهال اخوي فارغ وكل احنه واضح علينه

فراكهم

علاء بويه امشينا ناخذك للمستشفى

ابو علاء لابويه مايحتاج

علاء بويه سكرك معلك اذا انت ماتخاف ع نفسك احنه انخاف عليك يله كوم

ابو علاء بويه ستوني ضارب انسولين والله مابيه غير العافيه انت ارتاح اليوم تعبت

علاء بويه لاتهتملي حتا لوتعبان اني مصر الا اخذك للمستشفى

ام علاء اي يابو علاء كوم خلي ياخذك علاء

ابوعلاء كايم كايم اكلكم مابيه شي بس انتم ماتاخذون الحجي

علاء اخذت ابوي للمستشفى وضلينه لحد الساعه ب١٢لحد مانضموله السكر ورجعنه

دخل ابوي ينام وراويه وگمر بلغرفه وامي كاعده هي وعلياء وزهراء يسولفن بسوالف ازهار

علاء يمه اريد احجي وياج

ام علاء كول يمه بيك شي

علاء باوعت العلياء وزهراء بمعنه انصرفن وهن كامن باوعت ع امي يمه انه سكتت شوي،،،،

شلون احجيها

ام علاء احجي يايمه شبيك شصاير

علاء يمه اني حبيت راويه يعني احس لبنيه هي الي تمناها كلبي هي البنيه المناسبه واريد

اعيش وياها مثل كل ثنين متزوجين

ام علاء ابفرحه اي الف الحمد الله والشكر يايمه يوميه ادعي بالصلاة كون يحنن كلوبكم واحد

ع الثاني لان احس راويه بنيه ماكو منها واحس سعادتك وياها

علاء اتبسمت على احجايات امي بس مو اهنا المشكله يايمه ودنكت

ام علاء جا وين يايمه لايكون شايل هم جنه

علاء. لا يمه جنه مثلها مثل راويه لبنيه هم احبها وزوجتي. بس

ام علاء. قاطعتها بس اتفكر بأشرف مو

علاء. لا يمه اشرف كلي هي امانه جانت عنده وانه صاحب الامانه الاساسي وسولفتلها على حلمي وشكلي اشرف

ام علاء جا يايمه وين المشكله

علاء المشكله براويه راويه ماتطيقني وماتريدني حجي اعتيادي ماتحجي وياي بعد مو تتقبلني كازوج

ام علاء. يايمه تتعود بس انته لاتخليها ع راحتها وكلشي تكلك اتنفذه الها لاء احجي وياها ع

طول وكلها انتي زوجتي على سنة الله ورسوله وحرام الي جاي تسوينه

علاء انه مقرر احجي وياها ولو هلشي ادري بي صعب وماراح تتقبل مني بس احاول بس

هسه المطلوب منج يايمه اريدج اتمهديلي الموضوع اريدج تحجين وياها عسى ايلين راسها

اشوي

ام علاء صار يايمه

علاء حجيت بخجل يصير هسه تحجين وياها

ام علاء اوي يمه انته هم تخجل انه راح احجي وياها واخذ وياي علياء وزهراء لان خواتك

قريبات منها ويگدرن يقنعنها

علاء. مشكوره يالغاليه ماتقصرين يله روحي انه راح اتانيج اهنا

ام علاء رحت ومجرد ما دخلت على غرفت البنات لزمني وحده من اليمنه وحده من اليسرا

زهراء شنو يمه شنو شنو راد منج علاء

علياء اي يمه شنو اكيد الموضوع مهم ولاجان ماطلعنه

زهراء. يعني يجوز خطاب جاي يخطبني يعني احتمال اكو هيج شي

علياء وليش مو جاي يخطبني اني

ام علاء وجع حتا وجع بنات اخر وكت يتعاركن ع الرجل واحنه جنه من يجينه خطيب بالصدك

انكول مانريد من كد المستحه واليسمعجن يكول معنسات

زهراء. يعني مو خطيب يوووو جا الشغله ماتسوه

علياء اي والله مايسوه صارلنه ساعه انفكر اني وزهيره منو هو وشكد عمره وشيشتغل وشلون

صاير شكله

ام علاء عمه بعيونجن يايمه اخوجن ايريدنه انحاجي مرته

زهراء كلبت وجهي لايكون ايريدنه انراضي جنه

ام علاء ولج اوكفي شبيج تتليكفين

علياء جا شنو يايمه

ام علاء صدك ريه وسكينه ماينلام بيجن علاء وحده تحجي والثانيه تكمللها لاء زوجته راويه

اقصد وبتسمت الضهار اخوجن بده يحب راويه ويريدنه انحاجيه هسه ومستعجل عليها

زهراء. افااا عليج حجيه عد عيناج بهيج سوالف

علياء اليوم اطلعلها علاء بالحب احسن من روميو وبالشجاعه اقوا من بروسلي وبالاناقه افضل

من شاروخان وبالطول اطور من النخله بعد شتردين

ام علاء يله يله الله ويدجن

زهراء رحنه على راويه وعبرنه من يم علاء ونباوعله ونضحك واني اهلهله بدون صوت اما هو

ضال فاتح حلكه وعيونه علينه دكينه الباب على راويه.

راويه. منو

ام علاء انه يمه

راويه اتفضلي خالتي اتفضلي

ام علاء فتحت الباب ودخلت عين الله عليها جنها ورده اشحلاتها وهي اتنيم ابنتها وگمر اول

ماشافتنه ضلت تضحك وتصرخ

راويه هاي انتي مانايمه واني صار ساعه الولي عليج وطلعتي اتضحكين علي

ام علاء. زهورا ماما تعالي اخذي گمر ييم علاء

زهراء يله گمور امشي انروح البابا اخذتها وديتها يم علاء.

ام علاء اول شي يايمه ياراويه انه جاي اكلج لازم اتذبين الاسود كافي يايمه الحزن بالگلب

والميت مايصير اتلبسين عليه اسود الاسود بس للحسين والله يرحمه اشرف ويغمد روحه الجنه

وهو عليه بالعافيه تلكينه هسه عريس بالجنه ومو بحاجة الاسود مالنه

راويه بس ياخالتي اشرف بعدهي مادرت سنته

ام علاء واذا يايمه اول شي هسه انتي متزوجه رجال غير اشرف ومثل ماكتلج الاسود مايرجع

ميت وانتي بعدج اصغيره باجر اروح واجيبلج شكم قطعه الوان وذبي الاسود يايمه وبعد عندي

شي ثاني وياج يمه تدرين ان حرام الزواج ينبني على اساس مصلحه والله مايرضه بهذا

الشي انه ادري بيج انتي حزينه على اشرف بس يايمه اشرف راح وسلم الامانه الصاحب

الامانه مثل ما اشرف كايل العلاء بالحلم

راويه رفعت حاجبي بستغراب ومنو صاحب الامانه

ام علاء سولفتلها الحلم كله والله شاهد يايمه انه ماجذبت عليج

راويه لا خالتي محشومه من الجذب بس اني

علياء قاطعتها بس انتي شنو ياراويه ترا علاء يحبج ومثل ماتدرين بي هو متلوع بحياته وي جنه

ومئذيته حيل ويحس بيج انتي المره المحتاجه لاتكابرين وابدي ويا صفحه جديده حتلو مو سهله

عليج بس حاولي واكيد راح تتعودين

راويه. جنت اسمع الحجيهم واني اهز ابراسي بمعنى لاء مستحيل

زهراء. ياراويه ياحبيبتي والله العضيم علاء واشرف من نفس الصنف وراح تلگين اشرف

الفگدتي بعلاء مو لان اخوي واحمدلج بي بس والله هو شهم وادري بي راح يحبج ويصونج ويسعدج

علياء. وهذا بالاضافه الى ان گمر متعلقه بي اوعت وهي اتصيحله بابا يعني تعرفه هو ابوها

واشرف ابوصيته اموصي ان گمر ماتعرف ابو غير علاء ولو ما اشرف عنده ثقه ان علاء راح

يصير افضل اب البنته جا ماطلب هذا الشي انطي فرصه ياراويه اني ما اكلج هسه حبي او

اتقربي منه لكن سمعي منه احجي ويا سولفو وي بعض لاتصدينه دائماً وشوي شوي راح

تتعلمين عليه مره يسولف وياج مره تكعدون سوه لحد ماتتقوه علاقتكم وتعيشون مثل اي اثنين متزوجين

ام علاء. يمه ترا وليدي متلهف عليج وانه متئكده ماكو مره راح اتسعده مثلج لان هو يستاهل

وحده مثلج وانتي تستاهلين واحد مثل علاء

زهراء وبعدين ياراويه ماسئلتي نفسج اليمتا راح اتضل هاي علاقتكم يعني للموت مثلاً انتي

عايشه بحياته مجرد غريبه ترا اي رجال ماراح يرضه هيج ومثل ما كالت علياء ابدي ويا من

الصفر مثل ثنين توهم يعرفون بعض واذا شفتي روحج ماتكدرين تتئقلمين ويا تكدرين تتراجعين

عن كلشي بس انتي بالاول انطي فرصه وهذا الي جاي نحجي عنه ترا هو زوجج وانتي حلاله

كدام الله ورسوله اتمنى اتفكرين بحجينه

روايه جنت اصغيلهم بس كلبي رافض هلشي صحيح اني ماعشت وي اشرف اهواي كلها

شكم شهر بس ماعرف شلي يخليني ارفض علاء بس كل الي ادري بي اني حالياً مستحيل

احب علاء والنقص مو بي ابد لان علاء الف وحده تتمنه رجال مثله بس النقص بكلبي كلتلهم

صار افكر

ام علاء يله يايمه انخليج ترتاحين ونامي وريحي بالج

علياء وزهراء تصبحين على خير

راويه تلاگون الخير مجرد ماطلعو اني ضليت ابجي شلون ما اكدر لا ما اكدر مستحيل

علاء اجتلي امي انه جنت متمدد بالصاله وگمر كاعده على بطني وتلعب كلتلها هايمه شكالت

ام علاء كالت افكر بس شكلها لبنيه ماتقتنع ابد يمه. انه انصحك تبدي تخصص الكل وحده يوم

يعني غصباً على راويه وعلى جنه لازم تنام بغرفة جنه حتا تتعود عليك وتتعود على وجودك

بحياتها هي صح بالبدايه راح تنجبر بيك بس بعدين وبرور الايام راح تتعلم عليك ولمن تحجي

وياها تضل وتسولف راح تقتنع بيك انه اشوف هذا انسب حل اما الحجي فضايع وي لبنيه

يايمه ما تصور راح تقتنع اله اللهم بعد سنتين اثلاثه اذا انضل على الحجي

علاء بس يايمه ما اريد اغصبها على شي

ام علاء منو كلك يايمه انته راح تغصبها على شي انه اكلك بس نام بغرفتك

علاء اهااا

ام علاء وخلي الشور والكلمه الولى يايمه الك يعني لاتخليها تكول مو من حقك ولاتنام بالغرفه ولا حتا جنه تكلك هذا الحجي

علاء اكيد يايمه مو انه الي تسيطر علي مره بس انه ينكسر خاطري راويه مو حسبالج جنه

امشيه كلمه علي لا والله تخسي جنه والي مثلها اذا يمشن حجايه علي

ام علاء يالله يايمه اخذ ابنيتك وروحو نامو

علاء ضليت فاتح عيوني بصدمه بس يايمه مو اشوف استعجلنه شوي يعني خليها تفكر

ام علاء. يايمه انه شحجي صارلي ساعه

علاء ها اي اي يايمه اي بس انه ماجاهز يعني

ام علاء. ولك يايمه انته شراح اتسوي روح لف راسك ونام

علاء. يمه انتي ماجاي تفتهمين علي يعني انه احبها فطبيعي ارتبك من اصير يمها الوحدنه

ام علاء وتريدني انام يمكم يايمه

علاء ههههه لا شي اكيد ماريدج تنامين يمنه

ام علاء ههههه ولك يمه بعتني بسرعه

علاء يمه مو هذا قصدي

ام علاء قاطعته يايمه كضيتها علي كله مو قصدك روح نام يم مريتك وفضها انه ادري بيك

شتقصد لان مامتعود عليها واول مره راح تنام يمها راح يصير عندك شي غريب بس احسب

نفسك انته عريس جديد وروح نام

علاء صار يمه مشكوره يالغاليه تعبتج وياي

ام علاء لا يايمه هو انه شكم علاوي عندي

علاء اخذت گمر ورحت

يتبع،،،،،،

رحماك ياقلبي سيطرعلى نبضاتك واستجمع قواك في لقاء معشوقتك

حبايب هذا نص بارت للسهرانين مالحكت اكتب بارت كامل لان كلش نعست

#عشگ_ابن_السواتر

بقلمي #مولاتي_يازينب

#البارت١٨

علاء. اخذت گمر ورحت فتحت الباب على راويه جانت كاعده ع الجربايه وضامه وجهه بيديها

راويه. فزيت على صوت الباب وبشهگه علاء انته هاي ثاني مره تعيدها وتفوت علي بدون

ماتدك الباب وخليت اللحاف علي مثل العبايه

علاء. سديت الباب

راويه لا خلي الباب مفتوح

علاء يعني شلون عادي انام والباب مفتوح

راويه حجيت واني شفايفي ترتعش أنام شنو يعني أنام

علاء أنام عادي مثل كل الناس من ينامون

راويه بلعت ريقي علاء انته واعي اشجاي تحجي انته غرفتك فوك شلي يجيبك تنام اهنا

علاء. كعدت ع الجربايه وخليت گمر كعدي راويه خلينه نتفاهم

راويه بعصبيه. علاء لاتجرء بزياده ولو سمحت اطلع من غرفتي

علاء اول شي هاي مو غرفتج هاي غرفتنه انه وياج يعني مثل ماملكج ملكي وثاني شي انتي

هم ملكي وماله داعي سالفة الحجاب والعبايه وانه قررت من اليوم ورايح يوم انام اهنا ويوم

بغرفتي هذيج

راويه حجيت واني ابجي بس ياعلاء انته وعدتني واني زوجة صديقك اشرف

علاء. دنكت ورفعت راسي اتنهدت انتي جنتي زوجة اشرف بس هسه انتي زوجة علاء واشرف

بذات نفسه كلي هذا الحجي

راويه اي اي افتهمت ذاك الحلم الي مئلفه انته حتا تتقرب مني

علاء. بعصبيه وحجيت وانه صاك على سنوني احترمي نفسج بلا تجاوز انه مو جذاب واشرف

اعز منج ومن نفسي ولو ما هيج جا ما اخذتج وحالياً انتي ملكي مايحتاج اتقرب منج بحلم

لاء اكدر اسوي كلشي غصبن عنج والشرع والدين وياي

راويه. ضليت اشهگ وبالگوه احجي علاء فدوه علاء لاتغصبني على شي اني ما اريده واطلع برا

علاء للحضه ردت اضعف بس لا مالازم اضعف من ادموعها كمت وكفت اكبالها راويه شبيج

انه ماراح اغصبج على شي بس انتي لازم تتعودين علي بحياتج وماراح تتعودين علي اذا

انضل كل واحد ابمكان

راويه. بس اني ما اريدك شلون راح انام اصلاً وانت وياي بنفس الغرفه

علاء اي مو انتي نايمه وي رجال غريب بابا انه زوجج اعتبري نفسج اليوم اتزوجتي واول مره

يدخل عليج رجال

راويه. واني ابجي ماريد ماريد ما اكدر

علاء سحبت اللحاف بقوه لاء تردين واذا ماردتي غصباً عنج حجاب اذا شفت على راسج بهاي

الغرفه اشگه على راسج وهسه اشوف كدامي نيمي گمر ونامي

راويه. رحت بخوف حضنت گمر واني ابجي واباوعله

علاء راويه ياعيني لاتبجين والله ما اغصبج على شي كل الي اريده انام اهنا بس

راويه عضيت على شفتي وغمضت عيوني حيل صعبه عليه ما اعرف كلش صعب

علاء. جنت مركز بكل معانيها بكل حركه اتسويها انه متوتر انام اهنا هي اشحالها اتنهدت

ضليت كاعد ع الجربايه واباوعلها لحد مانيمت گمر ماخلت گمر بجربايتها خلتها بالنص

علاء. شيلي گمر

راويه ها لا ما اشيله وشتريد اتسوي سوي اني بنتي متعلمه اتنام يمي

علاء. راويه. خاف انام عليها واخنگها شيليها انه خايف عليها مو علمود شي

راويه. وليش تخنگها شنو ماتحس على روحك من تنام

علاء ضحكت. ليش هو اكو واحد يحس من ينام يعني هو راح ينام راح يغيب عن عالم الصحوه

اكيد مايحس على روحه

راويه لا مو هيج اقصد اقصد لمن انته كلت انام عليها يعني متحس جواك شي

علاء. ما اتصور احس لان گمر بالنسبه الي شي صغير كلش ف ليش تخاطرين بحياة بنتي

شيليها ونيميها بجربايتها واذا تحبين خليها بالطرف مناك

راويه لا لا راح انام جوه اني ويها

علاء. راويه شيلي الطفله نيميها بجربايتها  ترا زودتيها وصبري بده ينفذ

راويه هزيت ابراسي ابمعنى لا

علاء. بصياح وغضب راااااااويه

راويه ب ب بس بس راح اخليها شلت گمر بسرعه واني ابجي خليتها ابجربايتها وغطيتها 

وضليت كاعده على طرف الجربايه

علاء يله طفي الضوه طبعاً انه جان كلش مكسور خاطري عليها الله يساعدها بس والله احبها

مو بيدي اريد اعيش وياها باقي عمري

راويه طفيت الضوه وضل ضوه خفيف دائماً اشغله حتا اشوف گمر لمن تبجي او تتكشف وهي نايمه

علاء انتي ماراح اتنامين

راويه. لا انام انته نام مالك علاقه بيه

علاء درت وجهي للجهه الثانيه حتا تاخذ راحتها ولو انه كلبي مامنطيني اريد ابوع عليها

واشبع عيوني بشوفتها

راويه ضليت كاعده على طرف الجربايه ودموعي ايطيحن الى ان نعست كلش وبعدها ما حسيت على روحي

علاء. طبعاً انه مانايم سمعت شهكاته سكتت التفتت عليها ولكيتها مرتجيه ونايمه وهي كاعده

ضليت اباوع الها اباوع على شعرها الحريري ع اشفايفها الكرزيات حسيت عيوني تريد تاكلها

وهن يتفحصنها ويباوعلها خفت عليها من نضرات عيوني وغرت عليها من نفسي مديت ايدي

عليها حتا اعدل نومتها بس اول مره احس ايدي ترجف هاي ايدي الي شالت انواع الاسلحه وهاي ايدي

الي كتلت هواي اليوم بحضرة مره ترجف عدلتها ومالت ركبتها من الجهه الثانيه وبين بياض

رگبتها كانما قطعة ثلج خليت راسها ع المخده واحس بدكات كلبي صارت مسموعه معقوله محد

جاي يسمع كلبي وريقي على كد مابلعته نشف كانما اول مره الزم مره بيدي بس لا انه اشهد

ان هاي المره الوحيده الي حبيتها وحبها مختلف عن حب جنه غطيتها ضليت اباوع عليها جنت

خايف عليها لدرجه ما اكدر المسها مديت ايدي جوه راسها وضميتها بصدري ضليت صافن بيها لحد ما هومت بالنوم

ام علاء. الساعه ب ٩:٠٠ الصبح كاعدين انه وابو علاء نتريك والجماعه كلها نايمه عدا حسن الي

راح للفرن من الصبح وفجئه دخلت علينه جنه انه من يمي فز. كلبي

جنه. اني طول الليل وكلبي ناغزني ليش علاء كلي لاتجين كلت السلام عليكم وقبل مايردون صعدت الغرفتي

ابو علاء هاي لبنيه شبيها استغفر الله ربي

ام علاء والله مادري شلكه بيها علاء من خذاها صدك لي كالو الحب اعمه

جنه صعدت للغرفه مالكيت علاء وينه لعد معقوله مانايم بالبيت ضليت ادور بالبيت غرفه غرفه

لحد ماوصلت الغرفت راويه جانت مقفوله

ام علاء شخيرج يايمه شدورين

جنه. علاء وين ليش مانايم بالبيت

ام علاء احتاريت شنو ارد عليها بس اجاها الصوت من وراي

زهراء. اني محترگ كلبي ع الي سوته جنه بازهار اني ادري ازهار مو هاي سوالفه وجنه الي

سوت هاي الخطه يمته وشلون ما ادري بس الي ادري بي مو ازهار الي باكت فكلتلها حتا

احرگ كلبها علاء نايم يم مرته

جنه ضيقت على نضري شنو شنو يامره التحجين عنها ،،،،،

يتبع،،،،،،،