رواية عشگ أهل الجنوب الفصل التاسع عشر 19 - بقلم أسيل

#ساره

مرت اكثر من سنه ونص على زواجي من نواف حب حياتي الإنسان الي سندني بكل اوقات تعبي كل تقلبات مزاجي جان ويايه كل عركاتنه ونكرتنه جانت تنتهي ب إعتذار واحد من عدنه ونكعد نضحك سنه ونص على حبنه جنت دائما قلقه ومهزومه من كل شي بحياتي بس هو كدر يفهمني كدر يفهم غربتي و ابني سعد هو بذره حبنه صار عمره سنه شلع قلبي وكح وكح ناااار نوب صوته من يصيح لو يبجي عالي يزرف طبله اذني وعمه رسميه تشجعه وتكلي نواف هيج جان بصغره وليدي صلاه النبي عليه سمين وابيض وعيونه نسخه من عيون نواف ونفس شعري عيونه عسليه خشمه صغير عمو حيدر كل ما يشوفه يصفك اله ويكله (كريني كريني اريني اريني) ومن يشوفه سعد يصيح من كل قلبه ويتشنج ويحرك بيده ورجله عود ابقه غني وصفك وهو يكمز بحظني بحيث نموت ضحك عليه نوب موسى يابه يغار يموت غيره من سعد لان حته ابو مدلله بس اني دائما اجيب اله سوالف حته اكله انت اخو سعد وسعد يحبك وسعد كل ما يشوف موسى يجر شعره لو يعفط اله وهذا يشيط للسمه ونواف يضحك ويروح يواسي من يبجي... هاجر زوجه حسين الله يرحمه ويغفر له ويسكنه فسيح جناته صار علاوي عمر تلث سنين من تجيني واشوفه اكزكز عليه نسخه حسوني فدوه لقلبه سجلت البيت مال حسين باسم علاوي ردت اسجله باسم هاجر بس ما قبلت بنت اصل رجعت تدرس حته تاخذ شهاده وتعين نفسها وابنها ما تقبل تتزوج شكد اجوها ورادت رافضه الموضوع تكول ابني اربيه ويكبر وهو يصير سندي بلكي تزوجت و رجلي اذه ابني لو طرده قافله على الموضوع وأهلها طبعا سوو جناح كامل الها عزلو الها وما مقصرين باي شي وياها واني كاعد انطي حلال وفلوس حلال حسين لهاجر وابنه متقبل تتوسل بيه حته ما انطيها بس اني كلت الها اخذ فلوس واني جذب كلها مخليتها بالبنك لعلاوي بس يكبر بإذن الله ويصير بالغ هل فلوس كلها تصير اله اما سيف وهند هنوده صار عدها بنيه عمرها شهر سمتها دعاء طبعا تخبل ربي يحفظها اما جاسم وعلياء مصار الهم طفل غير ملوكه صار عمرها صار17 سنه صلاه النبي شايله حسن مو طبيعي حنطاويه على عيون عسليه وشعر بني طويل وثخين و ناعمه وعيون كبار خضره عبالك اسبانيه قمه بالجمال والأخلاق تدرس وشاطره تريد اطلع طبيه ونبيل وزينب اكتفو بموسى الي مرمر حوصلتهم كلنه بخير والحمد لله على هل نعمه حاليا اكتب و سعد بصفي يجر بشعري حته انتبه اله واني متجاهلته صاح وتشنج حته العب وياه ضحكت وسديت الدفتر...

وبست كروشه رفعت التي شيرت مالته وبقيت ابوس بيه واطلع صوت وهو يضحك وكتله

_حبيب ماما حبيب امه ضايج منو ضايجه اليوم اكل هل كرش

وبوسته ويحرك ايده ورجله ويضحك يمه ريحه الجنه بيه وما اسمع بس صوت نواف يكول

نواف :لج كافي راح يغص الولد

التفت اله وبس شفته واكف كمت بسرعه وحضنته صار اربع ايام مسافر طك قلبي عليه وبوسته من ركبته وصدره حضني وكال

نواف :يبعد حيلي

_اروحلك فدوه انت وحيلك حياك الله يا عمري

نواف :هااا لا تبقين هيج ادلليني تره اصير طماع

_كل عمري ادللك والله

#نواف

يبو على هل لسان مالتها اعشكها واعشك لسانها الي ينكط عسل والله طك قلبي عليها صرت مدمن عليها هل اربع ايام بس خلصت رجعت ركض للديره انا وجويسم حزام ضهري و وصلت للبيت سلمت على ابوي وامي وصعدت ركض طاك قلبي على سعود وأمه هم صعدت وفتحت الباب ما منتبهة عليه واشوفها تلعب ويه سعد وادغدغده وتضحك وهو راح يغص بس سمعت صوتي كمزت وركضت لحضني تبوس بيه يابه كل راحتي هي احجي وابوس بيها وهذا سعد يصيح ويتشنج يغار الحقير شلته وضحك ويحرك بيده فرحان خليته على صدري وسحبت ساره لحضني وهي مبتسمه وكلت

_الله لا يحرمني منكم فرحتي بهل دنيه انتو

ساره :يحفظك الرحمن قلبي

طبعا ساره بدت اداوم كليه انا اوصلها وارجعها وبيوم الي مو يمها واحد من الولد يتكفل بالموضوع اول سنه داومت بيها طلعت الأولى على القسم هل شي فرحني الكل يمدح بيها وبذكائها وثكلها ورزانتها ترفعلي راسي هل مرة وصلت تعبان للبيت وسبحت وتمددت نمت وفزيت بالليل الوقت متأخر وهي مو يمي ولا سعد طلعت من غرفتي باب الجناح مقفول جان هاي اكيد تنيم سعد فتحت الباب مال غرفه سعد نايم بجربايته وهي كاعده على الكرويته وغافيه مشيت ولزمت ايدها مبينه تعبانه من وره السرسري باوعت عليه لسعد رايح بسابع نومه شلتها تحركت وصار راسها يم ركبتي وطلعت من غرفه سعد وجان تحجي بصوت مبحوح

ساره :لا نزلني تعبان انت

_شنو قصدج كبرت وما اكدر اشيلج وليش بغرفه سعد انتي

ساره :لا والله

ضحكت وخليتها على الجربايه تمددت بصفها وكالت وهي تقترب مني

ساره :بقيت يمه حته لا يفززك اذا بجه

سحبتها لصدري وابتسمت صدك الله يحبني بست شفتها وطلعت غضب الدنيا بشفتها رجعت بست عينها وخشمها .... هاي مر اسبوع اني بين الشغل والبيت بنيتي ما مقصره بشي وياي كاعد اشتغل بالمشروع جابت ساره الي جاي و مسويه لفه ومكشره تفاحه الي وخلتها على الطبله وكالت وهي مخليه سعد بحضنها ومخلي الكلاده بحلكه توخر ايده ويرجع يخليها بحلكه يحب هل كلاده ما نزعتها من يوم جبتها الها قبل لا تجيب سعد ناعمه وصغيره على شكل نجمه بقيت صافن على ركبتها والكلاده

ساره :ما اكلت زين على العشى جبت الك شي خفيف مايثكل على معدتك عادي نزعجك شويه لو تكمل شغل

_دتعالي يا بعد روحي زعجيني العمر كله راضي بهل شي

سحبتها من ايدها وكعدت بصفي وحضنتها جان يطلع سعد ايده من حلكه تارسها سلاويج ومسحها بوجهي ويضحك الساقط أخذته من حضنها وبقيت اعضعض بيه وهو يضحك سحبني من لحيتي مرت ساعات جان سعد نايم بغرفته وساره راسها على صدري جنت اكلب بالتلفزيون وهي تقره بكتاب رفعت راسها خلت راسها يم ركبتي باستها واخذت نفس وكالت

ساره:الله عوضني بيك تدري شكد احبك

_تدرين بيه شكد احبج

ضحكت هاي حركتها دائما تشم عطري من يم ركبتي تحب هل حركه وسمعنه الباب يندك البره بقوة كعدت بسرعه لبست النعال وبجامتي والتي شيرت نزلت وجانت ورايه ساره وطلع جاسم و نبيل وسيف منو يجينه بهل وكت ابوي وامي طلعو من غرفتهم بس فتحنه الباب وكعت مريه بالكاع ملابسها مشككه وكلها دم وضربات وكالت بسرعه

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

هلا هلاااا بحبيبات قلبي الي مشتاقه الهم بكد الدنيا

طبعا اني  ردت انزل القصه مو هسه بس حبيت افرحكم ويايه بمناسبه عيد ميلادي اليوم ف هاي تمتوعه بسيطه ان شاء الله يعجبكم هل بارت القصير ويله شوفوني همتكم تعليقات وتصويتكم هم

وعلى فكره الخاص مال واتباد ما يشتغل عندي ف بحاله تريدون شي هذا حسابي على الانستا 🦋🐝