رواية عشگ أهل الجنوب الفصل العشرون 20 - بقلم أسيل

المريه :انا دخيله عدكم عند الشيخ نواف بشاربك شيخ استر عليه يردون يكتلوني

بسرعه خلت ساره عبايه على جسمها ملابسها مشككه جانت تباوع على أبويه عبالها هو الشيخ نواف ابويه كال فوتوها وكلوها وره ما ترتاح نشوف مصيبتها فوتوها البنات لجناحي صعدو لان اكبر من بقيه الغرف... كعدنه نسولف انا وابوي والولد وكلت لبوي

_اتصورها دخاله عرض؟

حيدر:اصبر خلي تنزل ونفهم يجوز شارده بايكه ناهبه جابرينها على الزواج

جاسم :بويه بس مبينه مكتوله معقوله مغتصبيها

حيدر :الله يستر عليها جتي طالبه الستر وبيت الشيخ أبو نواف ما يرد احد ان شاء الله مشكله بسيطه وتنحل السالفه

_ان شاء الله

وره شويه نزلت ساره و وياها البنيه مبينين مسبحيها ومنطيها ملابس نظيفه و حجاب لازمه جنطه بيدها وكعدت منزله راسها وكال ابوي

حيدر:بنيتي شنو اسمج

البنيه :نجوى شيخ نواف انا جايتتك دخيله على الله وعليك احبن رجلك والله راح يذبحوني وانا لا علي ولا يمي

وكعدت يم رجله بالكاع وطشرت الأغراض الي بجنطتها بيها فلوس وجم قطعه ذهب وكالت وهي تبجي وتخلي الفلوس والذهب بحظن ابوي وكالت

نجوى:وروح امي كل هذا الي عندي ذهبايات امي وجم فلس جنت اشتغل ابيع خبز فلوس حلال وروح امي ابوس ايدك شيخ لا تخلي ابوي ياخذني يريد يزوجني لابن عمي سكير وما يخاف الله وانا الي عشت طول عمري بوجع ومحافظه على روحي يريد يزوجني هل نهزمت وسمعت بكرم الشيخ النواف بس جم يوم والله واخوي يجي يدرس بأمريكا وكلي راح ارد بس يصير الي مجال وياخذني وياه وهذا كل الي عندي

حيدر :بنيتي كولي يا الله والج الأمان رجعي فليساتج وذهبايات امج والج الأمان بنيتي لحد رده اخوج بس انطينه الرقم وعنوان بيتكم ومن يا عمام انتي

نجوى :لا لا عمي فدوه هد العشاير وألله انفضح بس يجي اخويه هو يجي يسندني بعدكم فدوه اروح الكم لا تطردني

حيدر :استغفر آلله بنيتي هذا هو الج الأمان والبيت بيتج

نجوى :الله يرضى عليك الله يسعدك شيخ نواف وينطيك الصحه والعافيه

_انا الشيخ نواف هذا ابوي الشيخ حيدر

نجوى :اسفه اسفه على راسي

رسميه :ولجن كومن كومن كرمن الضيفه

ساره :راح احظر الها غرفه الضيوف

رسميه :لا انتي مره الخير ما تتحركين

ساره :ميخالف يمه ما اتعب نفسي تعالي قلبي جمعي أغراضج وكومي ارتاحي بالغرفه وراح يصعدن البنات الاكل الج فوك

جمعت أغراضها و وكفت مشت لساره رفعت راسي وعيني صارت بعينها (من هل نظره راح تبدي المصايب) دارت راسها ما ارتاحيت الها ابد مشت وصعدت فوك ابوي ضل يباوع عليه وكتله

_ما مرتاح لهل مصيبه

حيدر :نطردها يعني

_لا لا استغفر الله

جاسم :راح ادور بموضوعها اطمئن خويه

_سالم أبو موسى

#ساره

استقبلها احسن استقبال كسرت قلبي اخذت ملابس الها من علياء لان أضخم مني ومتروسه جسمها متروس صدر وزنود وحنطاويه وعيون سود كبار كحيله وشعر عسلي لصدرها وثخين ماشاء الله البنات صعدو فوك واني جنت اعدل الها بالجربايه وطلعت الها بطانيه و جراجف جديده كامت تساعدني ما قبلت خليتها تكعد وفاتن البنات وملاك وياهم وخلو الاكل الها على الطبله وبقينه نسولف عمرها 30 سنه عايشه بغداد بس ابوها رجعها هنا اخوها يدرس بأمريكا اكبر منها ما مخلصه دراسه وسمعت على نواف من الناس وهو خير وخوش انسان وطمناها وكمنه كل وحده لغرفتها رجعنه تمددت بصف نواف وراسي على صدره حسيته مهموم وكال

نواف :لا تتقربين منها

_شنو

نواف :الدخيله

_لا خطيه تكسر القلب يتيمه حسيتها مثلي ما الها احد غير اخوها

نواف :ما مرتاح الها ولج وانا شنو ما الج احد

ضحكت وعرف بيه اتحارش بيه وباسني حضنته ونمت وهاي مرت ايام اقترب الدوام وردنه نروح اني ونواف حته اشتري كم قطعه ملابس محتاجه وهو بعد عمري ما قصر جنت ابدل وفاتت نجوى وفزيت جنت بالفانيله والبنطلون وضحكت وكالت

نجوى :يا جفلتج

_لا عادي قلبي بس متعلمه اي احد يفوت يدكون الباب فوتي قلبي

نجوى :لا لا شكلج مشغوله راح تطلعين

_ي قلبي محتاجه اجيب شي ويايه الج

نجوى :لا تسلمين خلي اجي وياج ضايجه واحس هم على قلبي (اني من اعزم نفسي ويه احد على طلعه)

_والله مدري بس عادي اطلعين مو خطره عليج

نجوى : يمعوده نطيني ملابس خلي اجي وياكم

فتحت كنتوري وطلعت ملابس الها زين اوكي اني عادي تاخذ بس ما احب احد ما يستأذن مني اخذت بنطلون و فانيله حمره وقميص احمر وبيه مربعات سوده وبيضه الصراحه جديد بس ميخالف فاتت للحمام زين اني قياسي أصغر من قياس جسمها و لبست اني قميص وردي فاتح و جواه توب ابيض و طلعت حجاب ابيض وسمائي الوان بارده فات نواف بس دك الباب حضني وباسني من شفتي وبقيت اضحك اريد بس افهمة مو وحدي بالغرفه وكتله

_البنيه جوه نواف

جان تفتح الباب مال حمام وشعرها مفتوح بس بالفانيله والجينز صدرها مبين وجسمها نواف يباوع عليها شعرها مفتوح وادكم بالبنطلون وكالت

نجوى :لج هذا صغير

دار نواف راسه وهي كمزت وكالت ييبو وسدت الباب و هو طلع وطلعت وراه وكتله تريد تجي ويانه ما قبل بس كتله خطيه ومحبوسه صار إيام ضاج ونزل وره شويه اخذت الها ملابس من علياء المهم بدلنه وطلعت وسعد بحضني ما قبلت ابقيه يم ماما رسميه احسها هي تعبانه خطيه مو مال ازيد عليها حمل وطلعنه تسوكنه واشتريت كم شغله شو هاي انطلقت الصراحه مو مشكله خلي تشتري بس كل شويه ساحبتني لمحل ملابس مال نوم ومشتريه عبالك معرسه ونواف يبعد بعيد وكل شويه مشتريه شي وتكول البس ثوب نوم ما أكدر بجامه وبدي اله ثياب نوم ونواف ورانه يعني زحمه والله لحد هسه استحي ابدل كباله وهوه يضحك عليه شويه جريئه وتضايقت من هل شي سعد جوعان نطيته ممه كعدنه ناكل سعد صار بصفي و هي يم نواف

#نواف

كاعدين بالمطعم هل بنيه وكحه وجريئه كلش يعني تشرح لساره هيج لبسي لرجلج وهيج وهي لو زوجتي جان لبس هيج وهيج الي واشوف ساره استحت ورجعت ليوره حته انطيهم مساحه كاعده بصفي بالمطعم وكل شويه طاخه رجلي وكلت لساره تنطيني الوليد وتاكل انطته الي وكمت من صفها ومشيت بيه شويه وهاي مرت ايام حجينه ويه اخوها لنجوى يكول بس يخلص الامتحانات يجي وميريد تدخل العشيره لان راح تصير مصايب وينفضحون ما قبلو يكولون اسم العشيره يكول انتظرني بس ارجع وكتله ماشي مرت ايام وسويره بنيتي بدت اداوم وسعد مرات يبقه يمي لو يم البنات رجعت من وكت اليوم أخذت سعد من امي وصعدت فوك وهو وياي كعدت اشتغل جم شغله غسلت وغيرت لبسي جان يلعب بلعبته ويتكلب على الفراش يمي ضحكت شكد احبه بيه ملامح امه وعصبيتي فدوه لعمره ربي يحفظه فاتت نجوى بدون ما ادك الباب كعدت عدل وهي بالتراكسود رصاصي تفاصيل جسمها كلها بارزه درت وجهي كحيت ودنكت اخذت سعد وكالت

نجوى :راح أخذه اشربه حليب خطيه شبع بجي مستغرب امه ماكو

_هسه ترجع

نجوى :سعودي حبيبي جمال عيونك جنها عيون ابوك زعلان انت ضعفانه خديداتك لان محد مهتم بيك تعال يا بعد روح نجوى اصيرلك ام انا لعيونك والله

باسته وطلعت وهو بحضنها رجعت ساره فتحت الباب و جان سعد ب حضنها سلمت عليه وخلت سعد بصفي فاتت سبحت وطلعت لابسه دشداشه جديدة ورديه وكتلها

_دشداشه جديده

ساره :حلوه

وافترت ضحكت جانت كصيره وكطن مشت وحضنتنتي كعدتها بحضني باستني من شفتي وخلت ايدها وره ركبتي وكالت

ساره :أحبك

_يبعد حيلي

ونفتح الباب وجانت نجوى كامت ساره بسرعه من حضني وعدلت ثوبها وضحكت نجوى وكالت

نجوى:اي اي اسفه كملو بس جنت اطمئن على سعودي عبالي وحده

ساره :لا حبي يمي أخذته من زنوبه وياريت الباب ادكيه مره ثانيه تعرفين يعني اخاف نبدل لو شي

نجوى :مو قصدي

وطلعت عصبيه نجوى ومشت ساره سدت الباب وقفلته ضاجت ورجعت كعدت تأففت وكالت

ساره :الله يستر منها ولبسها ما حابته بالبيت بين الزلم والبنات همه لازم احجي شي وياها

_على كيفج وياها مبينه ما تعرف شي

ساره :اي واضح دافع عليها

دارت وجهة مني انطتني ضهرها وتلعب ويه سعد ضحكت وتمددت بصفها

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

هلا هلااااا بحبيبات قلبي

ان شاء الله يعجبكم هل بارت مرحبا ولا تنسون تصويت هو بس دوسه ع النجمه مراح تخسرون شي

وشكرا لكل تعليق تركتوه الي وشكرا لكل شخص صوت الي