رواية عشگ أهل الجنوب الفصل السابع عشر 17 - بقلم أسيل

َ_شبيج ساره

ساره: ها مابيه ولا شي

_ لا بيج شي كوليلي انتي صاير وياج شي محتاجه شي احس بعدج ضايجه من هذاك الموضوع بنيتي اعتذر وحقج عليه

ساره:  لا والله وداعت عيونك مابيه شي... تريد بطيخ

_ لا الف عافيه اكلي انتي

ساره: بعد احسن أكله وحدي

_ لا يا حقيره

وضحكت واني هم وكملت تباوع تلفزيون مرت ساعات جانت نايمه على رجلي واني احرك ايدي بين خصلات شعرها و وجها  كعدت وباوعت عليه وجنت مخلي ايدي على خدي وكالت

ساره : اوف بيش الساعه

_ها قلبي الساعه 2

ساره: ليش لعد منايم

_ مجايني نوم ساره احسج مو مثل قبل بسبب الي صار هل شي انتي تغيرتي هواي وما اعرف شصرف وياج عصبي بس احبج واخاف عليج مثل روحي انتي

ساره: اوكي ما اكذب واكولك لا بس تره عادي ب الأخير انت مكدرت تتركني بسبب اهلك وهاي اني يمك

_ بسبب اهلي؟ لا غلطانه هواي

ساره : بلي اني اعرف انت انجبرت على الزواج بيه ونفس الوقت مجبور تبقه وياي علمود اهلك ما اكدر اشيل فاطمه من قلبك ولا اكدر اعوض ابنك بس الي جنت رايدته مكان الي بقلبك شوف ب النهايه اعرف اني انانيه لان ما اكدر بدونك ولا الي شخص غيرك واحبك فوك كل هذا اكثر مكان احس بيه بالأمان هو حضنك لهذا ما اكدر بدونك

_انتي كلش مفتهمه الموضوع غلط لا اهلي الي جابريني عليج ولا شي انا الي حبيتج وردتج ما اجذب عصبي انا واتنرفز من الي يصير وخاصا من رديتي على حجيي وبوجهي وكتها صرتي بوجهي هل شي خوفني ممكن بيوم راح تغلطين بشي اكبر وكدام الناس ويكولن هل شيخ مرته الي تجازوت عليه وخفت ترحين لغيري وخفت من نفسي عليج وفاطمه ما اجذب زوجتي وحرمتي جانت وابني قطعه من روحي اخذهم الله وعوضني بيج ساره انا احبج فلا تفكرين انا مجبور لو ما احبج

ساره : الله ياخذني قبل لا أتجاوز عليك لو أنزل راسك وكلت وسويت هيج لأن خايفه عليك ربي لا يحرمني منك

_ عمرج طويل بنتي ولا انحرم منج وارجع واكول تره حقج على راسي

ساره: سالم راسك ريح قلبك مااشيل بقلبي عليك اني احبك هم

شفت وجها احمر حضنتني وخلت راسها على صدري خليت ايدي على ضهرها والثانيه على راسها العب بشعرها نامت بحضني الليل كله... كعدنه الصبح لكيتها كاعده كبال المرايه وخلت التليفون على الميز وجان شعره مفتوح ولابسه كلبيه ورديه ومخليه مكياج شفتها فرحانه وكالت

ساره : صباح الخير

_ شهل مصباح الي يرد روحي صباح الخير كلبي

ساره : يله الحمام جاهز وما كعدتك لان ادري بيك تعبان شويه

_تعالي حبيبي

ساره : لا حبيبي كوم واريد افاتحك بموضوع مهم

_خيرج كولي

ساره :لا قلبي كوم صحصح و ان شاء الله خير

كمت وهي مشت حضنتني وباستني من شفتي وراحت يم الكنتور لبست ذهبها فتت سبحت وطلعت وهي اجتي تنشف شعري بالكوه توصل الي خليت ايدي على خاصرتها وكملت خلت عطر الي باست ركبتي وكالت

ساره :ماشاء الله عليك حبيبي جنك العافيه

_اكو شي راح تكولينه يقهرني لو يفرحني ضل بالي

ساره : ما أعرف والله الصراحه

_انتي مريضه؟

ساره:ما أكول لا بس  شويه

#ساره

حسيت كلبه نقبض الصراحه اي مريضه شويه ما اجذب ولزمت ايده باس ايدي وكال

نواف: اوديج لأحسن الأطباء اسفرج بره لا تخافين ما اعوفج واضل احبج انتي تعبانه من شفتج بالمستشفى من بجيتي مو؟ وانتي طالعه من غرفه سمر

_لا مجنت باجيه لان مريضه بس

نواف : وجعتيلي قلبي كولي شبيج وريحي قلبي

خليت راسي يم صدره بعدني جنت ما مدكمه الدشداشه وخليت راسي يم قلبه وبست قلبه وخله ايده على راسي وكتله

_تره اني حامل

نواف : اي حبيبي لتخافين ش... ش.. شنوووو

ضحكت وجلبت بدشداشته وبالكوه كال شنو غص بالكلمه وخرني وما اباوع بوجهة والكعبه ميته خجل ورفع راسي وكال

نواف : شكلتي قبل شويه ما سمعت عدل

_ اوف نواف اني... اني حامل بشهري الثاني فتت صار يومين

نواف: لا تشاقين

_ نواف... والله ما مشاقيه وداعتك انت

نواف: يعني راح اصير اب وانتي امه هيج حامل

_لا لا  يمكن راح نصير جيرانه شبيك ممصدكني هاك

فتحت التليفون وشاف رساله سمر مكتوب بيها "حبيبي تأكدت من حملج و من صحته الطفل ميه بالميه بس بعد صحتج الأهم" وصاح وهو يضحك

نواف : يا الله يا الله الف الحمد لله الك والشكر يا الله ساره بداعة حسين انتي لا  يا الله

ضحكت ونزلت دموعي ما كدرت اسيطر واني اشوف فرحته كعد على الكرسي رجله ما شالته واستغفر ربه لزمني وباس ايدي وكام بسرعه دكم الدكم ولزم ايدي وكال

نواف : صحته مابيها شي

_لا ابد الحمد لله اول شهر جان شويه تعب بس الحمد لله احسن صرت

نواف :فدوه الحمد لله... وانتي شبيج

_ لا مابيه بس شويه جسمي ضعيف فلازم ادويه وفيتامينات حته يجي لطفل ان شاء الله بصحه وما يتعب جسمي

نواف : الريشه ما تطخيها ومن هسه راح اخذج يم احسن الأطباء اخذج لبغداد خليج مرتاحه قلببي

حضني وشبعني بوس وانوب جعصني اني بس اضحك الصراحه الكاع ما شالته من عرف الخبر حقه هل شي ونزلنا جوه ولازم ايدي والكل جانو كاعدين على السفره كدام الأكل وضحكو كلهم بس شافونه والضحكه تارسه وجه نواف وكالت

رسميه : يمه توك رد الدم بوجهك جان من زمان نزلتو هيج

نواف : يمه بشري راح اصير اب

رسميه : شنو من منو

نواف : من بيت الجيران يمه شبيج ساره حامل بشهرها الثاني

وما اسمع غير الهلاهل الي ترست المكان وكامت تبوس بيه هند وزينب وعلياء واجتي رسميه ادفع  بيهم والدموع تنزل من عينها وهلهلت وباستني رحت بست ايد عمي الكل جان فرحانين بصوره مو طبيعيه

و هاي مرت اشهر صرت بشهر ال 8 هسه كاعده بحضن نواف واكتب هل قصه... قصه حبي لشيخ يسوه الدنيا  لحب الله عوضني برجال سند ونعم السند رجال ارفع راسي بيه وهو يرفع راسه بيه و هسه احنه منتضرين سعد الي جاب السعاده لدنيتنه    واني قررت بعد ما اجيب سعد واكيد بموافقه نواف راح ارجع اكمل كليه الي طول عمري جنت احلم بيها وهي اصير كاتبه احيانا الأنسان يصادف بشر يخلونه يتمنى لو متعرف عليهم من قبل وهاي الي صار وياي فقدت عائلتي واخويه واحلامي كلها بس الله عوضني بعائله خلتني اسعد انسانه بهل دنيه ونواف يوم بعد يوم يحبني ويدللني اكثر تغير صار انسان ثاني ... وها نسيت اكول تره نوره اخذها ابن خالتها وافتكيت منها

وعاشت عيشه سعيده 😊

🌿🌿🌿🌿🌿🌿🌿🌿🌿🌿🌿🌿🌿🌿

والله وكتبت البارت الاخير ☹️ تخيلو اخر بارت بعد منو يكلي نزلي بارت او كملي 😭😭😭😭😭😭 حشتاق الكم هواي
ف حبيت أكول الكم شكرا من كل قلبي لأن خليتوني اسعد انسانه ب الأيام الي فاتت ب تعليقاتكم وكلماتكم الحلوه احبكم كلش هواي ❤️
وبأمان الله استودعكم يا احلى ناس
وان شاء الله أنزل قصه جديده عما قريب

تمت
#2020_8_20 🌻