رواية عشگ أهل الجنوب الفصل الثالث وثلاثون 33 - بقلم أسيل

_خليني اسرح شعرج

ساره :نواف ليش تسوي هيج بيه

_انا اريد اسوي هيج بلا سبب مرتي وبنيتي شنو يعني

ساره :ليش لأنك تحس بذنب بموضوع نجوى وسعد

_لا مو احس بس هذا بالفعل ذنبي انا

نزلت راسها و حسيتها بجت حضنتها وخليت ايدي على خاصرتها سحبتها لصدري زادت دموعها ردت اهدئها ما كدرت وكفت وابتعدت مني مسحت دموعها بس بعدها تشهك وكلت

_كافي ساره لا توجعين قلبي أكثر

ساره : وقلبي اني شسوي اله

_شتريدين اسوي

ساره :رجعلي سعد

صاحت وهي تبجي خلت ايدها على حلكها ضحكت بغصه وكفت انا ايدي كمت ما أكدر اسيطر على رجفتي وصحت هل مره من صدك نفجرت قلبي وجعني هلكد ما ضام الي بصدري وكلت كلشي مره وحده

_شعبالج.. انتي شعبالج مرتين انحرم من ولدي ومره انحرم من مرتي والمره الثانيه مرتي الي اعتبرها مثل كطعه من قلبي الي احسها مو بس مرتي لا حبيبتي وبنيتي واختي وروحي والفرحه الي بحياتي الفرحه الي جنت منتضرها طول عمري صرتي بحياتي ولأن انا الإنسان الجحش الي ما اعرف شون احافظ عليج خسرتج لج خسرتج شون ما خسرت ثقتي بنفسي لج اريد اثق بواحد كمت ما أكدر طول عمري الموت يلحك ورايه ويأخذ كل ناسي الي احبهم لج بديت اخاف الله يعاقب بيه لان مسوي شي ضالم و الناس يدعون عليه كل ما اغمض عيني ادعي من الله يكصر بعمري من يوم الي اختفيتي اي اي جنت اتعارك ويه البيت كلهم وانا اكول الهم ما اقبل ادورون عليها بس انا ما ضل مكان ما رحت اله حته بس اشوفج لو بس اطمئن انتي بخير رحت لكل مكان ذكرتيه وتحبيه ساره انتي تعرفين انا شصاير بيه لج ادعي ليل ونهار الله ياخذني عبالج هينه عبالج هينه ادفن ولدي الاثنين واثنينهم انزلهم بيدي بالكبر لج بيدي نزلته ودفنته لسعد ابو منو بعد يصيحون الي كل تفكيري جان شون ارجع للبيت واشوف عيونج تبجي ومن فتت اشوف عيونج ادور على سعد بين ايدي وما تدرين سعد راح وما يرد كل الي أبالي شون راح اصبرج واهون عليج وانتي تكليلي اعوفك لج كل الدنيا حسيتها ضاكت بيه تمنيتج يمي تضلين وانتي عفتيني اي انا عصبت وبسبب عصبيتي نحرمت منج اشهر وبسبب انا شيخ واتفاخر ب المشيخه وفضلت غربه على بنيتي الي حلفت راح احميها طول عمري كسرت قلبها لان دافعت وما فكرت بعقلي ضليت اعاند والله نبهني اكثر من مره بس ما افكر بعقلي جنت وهل الله حرمني من وليدي واحتمال حته منج انحرم لج والله وداعتج بعد ما اتحمل اعيش بوجع ثاني ما اريدج ترحين حلمت بحسين شايل سعد وعاتبني عليج ودار وجهة زعلان مني نار نار شابه بكلبي كليلي شسوي وانا خادم والله تعبت كلش تعبت

احس الدموع ترست عيني وصوتي بح من الصياح وهي تبجي جاسم جان واكف يم الباب صافن رادت توكع كامت ما تكدر توكف لزمتها بسرعه كعدتها لزمت ايدها ورفعت راسها

_اسف والله اسف وداعه ولدي مو قصدي هاي هاي صرت عصبي وعدت السالفه هذا هو راح ارجع للديره واخلي يمج سايق ويحرسج بس حته اطمئن عليج بعد ما تشوفين وجهي استحق استحق انحرم منج

ايدي ترجف حضنت راسي بسرعه لصدرها وباست راسي وهي تشهك وكالت

ساره :لا تعوفني بعد لا تعوفني بوحدي

ابتسمت وبقيت راسي على صدرها واشم عطرها الي اعشكه جان يحمحم جاسم ويكول

جاسم :الشيف الوسيم وصل اكله يا تميمه الحظ

_جااااسممم

جاسم :قابل شنو حلو وشاب و وسيم وطبخه مبين طيب والريحة ترست المطبخ

_جاسم مو اجي اسحلك

جاسم :اوكي اعتذر منك

مشه جاسم وكال وهو يبتعد من الغرفه بس صوته واضح وعالي

جاسم :يا تميمه الحظ سوف اصنع لكي غذاء صحي لأجلك أيتها الاميره

ينرفز بيه باوعت بوجهة وضحكت الدموع تارسه وجهة وهاي مر يومين جانت الأعراض شويه متعبه ساره و ابوي تعبان فأخذنه جاسم ما عافنه ابد وانا بقيت ما افارك ساره ابد لان خايف يصير شي بيها وانا مو يمها وهي رادت ترجع تشوف ابوي طبعا بعد مطالعه النتيجه وصلنه للبيت ساره بقت تباوع على البيت حسيت بقهرتها وكلت الها

_خلي اخذج لمكان ثاني

وطلعت امي تمشي وفاتحه اديها وفتح جاسم ايده عود حته تحضنه جان يحضنها غصب عليها ضربته وتصيح عليه يهدها وهو جاعصها جان تعضه وصاح بوجع وعافها وكال وهو متوجع

جاسم :يمه هن سنين عندج وعضيتيني لو نشلع واحد منهن

رسميه :يا دايح يا مسربت يا ازرك ولك تعوف مريتك اربع ايام ومن نحجي وياك ما تجاوب اله وره خمس ساعات لك يا مدحفس يا بيتنجان

جاسم :يمه شني هاي تره هاي تنمر

رسميه :تغلط علي ولك

البنات جانو يحضنون بساره ومشت امي بعدتهم مرحبا وهي تضرب بيهم وهن يضحكن حضنتها امي وباستها وكالت

رسميه :توه ما البيت نور يابعد كلبي فوتي فوتي ارتاحي وسويت الج كلشي تحبيه

جانت ساره مبتسمه مشو الولد وسلمو عليها وفرحانين برجعتها فتت شفت ابوي جان نايم بالفراش وكعدت ساره يم راسه باست ايده وراسه وبقت تقره اله قرآن وأيدها على راسه جان يكول الها

حيدر :رجعتج يا بعد هلي بالبيت هاي تسوه الدنيا بويه عذري هل ارعن جان مثلي بصغري ما يفكر بس عصبي بس غيرتني وجه الخير وخلتني اصير هل انسان بويه لا تخلون زعلكم يطول صح الي خسرناه كطعه من جبدنه بس هذا أمر الله وليدي امانه يمج وانت امانه بركبتك ساره لا تزعلها بعد ارعن

_بعيوني ابوي تدلل بس رد النه بصحه وعافيه

ابتسمت ساره وكالت وهي لازمه ايد ابوي ومبتسمه

ساره :ها عمو بس لا كبرت تره نزوج عمه رسميه اذا يصير شي عمرك طويل ان شاء الله

وكامت تضحك امي وكال

سيف :عاين عاين خدودها حمر صارن بويه جنها راح تزوج وراك

بقينه نضحك هواي تغير من البيت البنات غيرو بيه هواي اشياء اشوف ساره كل شويه رافعه راسها تباوع منا ومنا جنها ادور على شي وكلت الها

_تصعدين ترتاحين شوي الطريق طويل جان فامشي ريحي لحد ما يصير الاكل

ساره :لا لا هسه اساعد البنات مشتاقه لمتهم والله

علياء : ما عليج عتب صعد خيه ارتاحي كلشي حاظر بس ضاله الدولمه محتاجه ساعه زمان يله خويه نواف اصعد انت وياها

مشيت ولزمت ايدها وصعدنه صارت كبال غرفه ملك ومشت دكت الباب وفات بس شافتها ملك نزلت راسها وكالت

ملاك :الحمد لله على السلامة

ساره :هيج يهون عليج ما تجين تسلمين عليه

ملاك :اسفه

ونزلت راسها بجت ملاك مشت ساره وحضنت ملاك وكالت وهي تضرب على ضهر ملاك على كيف

ساره : وعيونج وداعه عزيز قلبي يا ملاك ما زعلانه منج بس زعلانه عليج لانج تركتي هل سنه وجنت أتصور راح تصيرين طبيبه بس تعرفين شنو انا هم تركت هل سنه والسنه الجايه يا ملاك اذا ما صرتي طبيبه اكتلج والله بالصونده ومحد يدخل

ملاك :أ.. اي والله

ساره :وثاني مره اي واحد كان من يكن يحاول يهددج لو يتهمج بشي والأهم من هذا اذا يتهمج لو يهددج بشرفج اول شي تكفين بوجهة وتاخذين حقج منه تخليه طول عمره ما يندك بيج وتجين تخبرين امج وعمامج وهم الي يوكفون بضهرج فهمتي وشكرا لان دافعتي عليه

ملاك :اسفه والله لو بيدي

ساره :أشششش أشششش هذا بعد امر الله كلنه توجعنه خلي ثقتج برب العالمين كلش جبيره لان راح يعوضنه بأيام حلوة

ملاك :شكرا ساره

حسيت بأيد على جتفي التفت وجان جاسم وعلياء والبنات كلهن وره واخوتي وكال

جاسم :مثل كل مره ترجع للبيت تصلح الوضع وترجع كل الأمور طبيعيه شون نجازيها

ساره :جازوني بلا تخلون شخص مره ثانيه يفرق بينكم خليكم واحد سند الثاني ولحد ينام زعلان من الثاني العمر كصير واني ابسط مثال كبالكم

ابتسمت وجان يسحب جاسم الكبوس من راسي عرفته والله راح يسويها وكال

جاسم :بعد ما يحتاج شامبو صابون ركي زياده على شعره راح شعره الي جان يغيرنه بيه

سيف :راسه جنه دعبله

نبيل :لا والله جنه دهروبه فلافل

ضحكت ساره من كل كلبها والبنات هم وسحبت الحزام وشبطت نبيل وسيف خليتهم ينكزون ونسوانهم متشمتات بيهم يضحكون وموسى كاعد بالكاع يضحكك ومشيت لجاسم جان يسحب بسرعه علياء وخلاها كباله وكالت

علياء :خطيه لا تطكه والله يغار منك لأن شعره مفلفل

جاسم :ولج عليله

ضحكت وره ساعات جانت ساره متممده بصفي على الجربايه وغافيه وانا جنت اشتغل لان الشغل كله متراكم عليه الدنيا ليل فزت ساره ولزمت ايدي بسرعه وضلت تعاين علي وخرت الورق غمضت عينها والدموع تنزل كعدتها ما قبلت تكعد خلت وجهة على بطني وضلت لازمه بتي شرتي كل قوتها وانا ضليت احرك ايدي على ضهرها هدأت ونامت عرفت بيها نامت من ارتخت بحضني مر يومين ابوي تحسن شويه وساره صح احسها طبيعيه بس بعدها تخاف مني بعد اكو حزن بنضرات عيونها ما فاتت ابد لغرفه سعد ولا تتقرب منها تغدينه وشربنه جاي ساره وجاسم ماكو مشيت وشفتهم بالحديقه واكفين طلعت ومشيت جن جاسم بيه شي وكلت

_ها يلعزاز خيركم ان شاء الله ماكو شي

ساره :اريد جاسم يدبر الي لقاء ويه نجوى

_رجعنه لنفس الموضوع

ساره :اريد اشوفها تعرف بيه ما اسوي شي

_انا موخايف منج انا خايف من نفسي اذا شفتها

ساره :انت كتلي راح تنفذ الي كلشي أريده واني اريد قلبي يرتاح

_خويه دبر الها شوفه ويه نجوى وانا وياها

هز براسه وثاني يوم سوه موعد الصبح و احنه الطريق كله ساكتين اشوف ساره تعاين بره الشباك وكلت الها

_يوجعج شي

ساره :شويه دوخه بس مو قويه

_ماشي اي شي يوجعج تكليلي زين

هزت براسها فتنه للسجن وجان عند جاسم عرف جبير هناك فخلاها تجي لغرفه الضابط الجبير الي هو صديق جاسم ويعرف بكل القصه جانت كاعده وانا واكف وراها وجاسم يم الباب فاتت نجوى وبس شافت ساره ضحكت ضحكه مال بنات شوارع وتمشت وصاحت الضابطه بيها تمشي عدل وكعدتها كبال ساره بس بينهم مسافه وكالت

نجوى :هاي شنو هيج اشتاقيتي الي لو انت اشتاقيت الي

ساره :اريد من عندج جواب

نجوى :وشنو استفاد

ساره :ادعي الج حته الله يسامحج

نجوى :الله لا يسمع منج اي دعاء

ساره :ان شاء الله يسمع كل ادعيتي اله الدعاء الزين الج ومن اترحم الج ان شاء الله ما يقبله مني ليش دفعتي بس هذا الي اريد اعرفه متعمده لو شنو

نجوى :ما دفعته

ساره :تره التسجيلات كلها سمعتيها باذنج وحكمو عليج أربعين سنه سجن تعرفين بهل شي راح يضيع كل شبابج بالسجن تذكريني طول كعدتج بالسجن تذكري كتلتي طفل بريء ما اله اي ذنب بس لان انتي غرتي مني لان الله نطاني الي ما انطاج اياه لان حرمج تعرفين ليش حرمج من كلشي عندي اياه لان انسانه وسخه وخبيثه ومنافقه وحقد ابداخلج سواد ماكو اي بياض و فوتناج ابيتنه استقبلناج احلى استقبال وخفنه عليج وداريناج بس انتي انسانه حقوده وحقيره خليج هنا طول عمرج

نجوى :اي عادي المهم حرمتج من اعز ما عندج كل ما راح تنامين بصف رجلج راح تذكرين جنت بحضنه بحضنه وحده دفعت ابنج برجلها

جانت نجوى تستفز ساره ايدي ترجف أشر جاسم الي ما ادخل أشر الضابط ياخذون نجوى ما حسيت بس بأيد ساره نفاضه الجكاير الكرستال وضربت بيها وجه نجوى وكمزت لزمت نجوى من زردومها والله لو ما ساحبها جان شلعته بيدها وكع حجاب ساره بالكاع ونجوى تصيح مثل المرعوصه وتبجي خشمها تهشم والدم ترس المكان ترس وكالت ساره وهي تصيح ونجوى تريد تهجم على ساره

ساره :بس حبيت اكلج تره حكمج إعدام ومراح اتنازل عن حقي لا بالدنيا ولا بالأخرى شوفي شون الله راح يحرمج من رحمته

الدم ترس ايد ساره كاعده بالكاع والكاع نترست دم ونجوى تصيح وساره تريد تمد ايدها على الحجاب خلت راسها على صدري وارتخت رفعت راسها انطاني جاسم مي غسلت وجهة ما فتحت عينها كمت بسرعه شلتها ولف جاسم الحجاب على رأسها واعتذر من الضابط على الي صار حان يكول

الضابط :والله عاد حيل بيها جانت مرمره حوصلتنه طبها عرج

اخذت ساره للمستشفى فحصها الطبيب وجانت عندي تقارير خاصه بيها نسخه بتليفوني شافها وره دقايق طلع الطبيب وكال

الطبيب : اطمئن مابيها غير العافيه بس شويه ضغطها نخفض واعترفت مماكله شي من الصبح

_اي صح بس شربت شوربه عدس أكدر اشوفها

الطبيب اي وعادي تكدر اطلعها

تشكرت منه وفتت وجانت كاعده تمسح بديها واول ما فتت ضلت تعاين على وايدها ترجف وكالت

ساره :ماتت

_عرج ما يطبها

ابتسمت بحزه مشيت وبست راسها وكفتها بس ما كدرت توكف ورجعت كعدت خفت عليها الصراحه وكلت

_خدرن رجليناتج

ساره :اي اي

سحبت الكرسي وكعدت كبالها ولزمت ادينها وكلت الها

_بنيتي انتي تدرين بيه انا ما احبها ولا افكر بيها مو

ساره :اي بس ليش تفكر هيج

_لان كالت الج راح تضل هي ابالج من جانت بين اديني

ساره :لا تخاف تره كلامها كلهه جذب بجذب بس تريد اطين عيشتي انا فاهمه شنو غايتها ومراح تكدر الي

ابتسمت ورجعنه للبيت وجنه كاعدين على السفره وجاسم يشرح الهم شون كمزت عليها وخربت خشمها وهم خربانين ضحك وهي تضحك وخجلانه عمرها ما تصرفت بهل طريقه بس حسيت هل مره ضحكتها من كل قلبها بقينه نشرب جاي وهي صعدت قبلي هي والبنات استغربت وصعدت وراهم وره شويه وشفتها بغرفه سعد وكف قلبي جسمي كله رجف دفعت الباب بيدي على كيف وشفت البنات وياها علياء مخليه ايدها على ضهر ساره والبنات واكفات التفت الي وجان ملابس سعد بيدها اشتمت عطرهم وابتسمت والدموع نزلت من عينها وكالت بصوت مخنوك

ساره :هسه أكدر اخلي يروح يم اهلي ويم خاله راح اوزع أغراضه وملابسه وجربايته كلها على الفقره اريدها فارغه حته روحه ترتاح تعال وياي

مدت ايدها طلعن البنات يبجن والغصه بزردومي صارت مشيت ولزمت ايدها وبستها وحضنتها كل قوتي وكلت الها

_متأكده من قرارج

ساره :اي

_الي ترديه يجرالج شتردين نسويها

ساره :تبقه غرفه لطفلنه اذا الله كتب الي عمر جديد ويصير طفل عدنه

_هل مره نصبغها اصفر فاتح شون ما تحبين

ساره :اسفه

_ليش تعتذرين

ساره :لان شايل همي وصايره حمل عليكم

_انزل اكل لأمي هل حجي وخلي اشوفها شتكول

هديتها ومشيت لزمت ايدي وسحبتني ما كدرت توكفني وكفت كبالي رفعت رجلها وخلت اديها وره ركبتي وخلت وجهة بصدري وباست صدري تعرف بيه أضعف على هل حركه احبها وراح أضل احبها لآخر يوم بعمري مر يومين رجعنه طبيعي انا وساره نوعا ما احس بدت شويه شويه توثق بيه ندك الباب مالتنه بقوة وبسرعه هبطنه منو يدك الباب هيج بهل اخبال فتح جاسم الباب ونزلنه اني وساره خلي اشرح الكم شونه جنه واكفين ساره بصفي لزمت ايدي ملاك يم الدرج علياء وهند وزينب يم باب المطبخ وامي باكه الريحان بيدها وابوي توه طالع من غرفه الاستقبال سيف ونبيل شايلين اسلحتهم وجاسم يم الباب وجان يطلع إيفان واحمد وسمر ضلينه صافنين سندت ساره بس شفنه وجوهم وكال

💜💜💜💜💜💜❤️❤️❤️❤️❤️🖤🖤🖤🖤🖤🖤

هلاااااا هلااااااا البارتات الاخيره مضل شي احتمال بارتين لو ٣ وتخلصون مني 😂😂😂

ف اريدكم تفرحوني بما ان هاي النهايات وتسون الي تصويتات من كل قلبكم 🔪🔪🔪🔪🔪