رواية عشگ أهل الجنوب الفصل الثاني وثلاثون 32 - بقلم أسيل

_ زين اذا جان مو حميد

جاسم :هاي اراده ربك بعد خويه لا تسوي هيج بروحك

حيدر :كول يا الله وليدي لا تضل خايف

_انا دعيت عليها الله ياخذها زين واذا صدك أخذها مني الله جاسم بويه فاتت روحي راحت وياها وعلي زين شون اصبر نفسي اذا جانت السالفه مو لصالحنا انا وياها

مشت امي الي جانت زعلانه مني من يوم الي طردت بيه ساره وحضنتني جنت جني طفل من خوفي وخلت سبحه بيدي وكالت وهي ترفع راسي وتمسح بوجهي جني طفل بين ايدها وكالت

رسميه :استغفر ربك وخلي ظنك بالله جبير آلله حرمك من ولدك ومرتك الأولى بس الله راح يسعد لك قليبك هذا لأن انا راضيه عليك وابوك راضي عليك انت بس كول يا الله وخلي حملك على رب العالمين وراح يهون كلشي وداعتك

خلت ايدها على قلبي لزمت ايدها وبستها وخليتها على كصتي وبقيت كاعد اسبح استغفرت الله طول العمليه ايدي ما وكفت من الرجف محد قبل يروح للبيت ابويه يصلي هو وأمي اخذو غرفه اهلي حته يرتاحون بيها ما كمت من كبال الغرفه كعد جاسم بصفي وخله ايده على رجلي وكال وهو ينطيني جاي وبسكت ما اكلت شي من البارحه وياها وكال

جاسم :خويه اكل اشرب شي

_انا وياها ناكل سويه فاتت لغرفه العمليات جوعانه وتريدني انا أكل

جاسم :خويه لا تسوي هيج بروحك تحتاج تضل قوي وتعينها

_جاسم قلبي يوجعني تعرف جاسم انا تخليت عنها عفتها يا خويه و وجعت قلبها انا عفتها وره ما توفى سعد وانا ذبيت كل الصوج بيها وحسستها هي الي كتلت سعد بس والله قلبي جان محروك اعرف غلط الي سويته انا اعرف والله من تقربت الي ذيج الحيه وروح سعد وحازم انا جنت أكلها انا احب مرتي ما ادري شصار وتقربت الي وصار الي صار

جاسم :خويه ما ادري شكول الك الله ياخذ حقكم بس والله ساره خوش بنيه وكلنه متفقين على هل شي بس انت لا تزعل مني بس اذا ما سامحتك حقها اعرف قلبك محروك ومقهور بس عصبيتك هاي تخسرك ناس تخسرك ناس يحبونك ويردون رضاك انت وجعت قلبها وطردتها وهي حاسبتك كل دنياها بعد انت الي تكدر ترجعها الك واذا رفضت ما الك حق تجبرها على شي انت خسرته بيدك

_شون ما خسرتك تقصد

جاسم :افه عليك انا عضدك (سنشد عضدك بأخيك) انت لو ادوس راسي برجلك راضي واحب ايدك بس خويه لا توجع قلبي وتكلي انا مو اخوك

سحبته وبست راسه اختنكت ضربته على ضهره وجان يكول

سيف:ها جاسم قشمرك بجم فلس وصالحته

ضحك جاسم وانا هم مشو هو ونبيل وخلو ايدهم عليه محسسيني هم بضهري وما يعوفوني يحفظهم الباري الي ويسعدهم وما يشوفوني مكروه بيهم وطلع إيفان كمت بسرعه وكتله

_ها بشر شنو نوعه

إيفان :اصبر شيخ اول شي الحمد لله على السلامه ارتاح خير بإذن الله سحبنه عينه من الورم العمليه تسهلت بشكل مو طبيعي بحيث الهدوء الي صار بيها خلال العمليه عدها ايمان قوي برب العالمين الصراحه يا شيخ اني احسدك على زوجتك ووبأراده الرب أتمنى تطلع النتيجه حميده وراح اخليها ضمن أولوياتي واستعجل حته نبدي نقرر اي مشفى نجري العمليه ان شاء الله دقايق وتطلع الي أريده محد يتعبها خلال الحجي وبدون ضيوف هواي شخص واحد وياها بالغرفه اختارو وما اريدها تنام اول ساعه خليها كاعده وراح اطمئن عليها بين فتره وفتره

ارتاح قلبي وراح سيف بشر اهلي وكلهم طلعو ينتضرونها حته يشوفونها طلعوها الممرضات ابتسمت بس شفتها بقو اهلي يتحمدون الها على السلامه وجانت مبتسمه تعبانه جانت حيل لزمت ايدي ورخت ايدها وجان بيدها شي باوعت عليها جانت سبحتي ابتسمت وهي تباوع بوجهي وكالت بصوت مبحوح

ساره :اخذتها بدون إذن منك

_الج حق تاخذين روحي ما اكول لا

سيف :أممممممم

ضربه جاسم على راسه ضحكنه نقلوها للغرفه وكلت لجاسم ياخذ اهلي للبيت يرتاحون مقبل رادو يبقون بس كلت الهم يرحون فاتو واحد واحد اطمئنو عليها وراحو ردو للديره لان مشاكل صايره بسالفه الشيخ ومنو يختارونه ابوي سئلني وكتله هذا قراري الاخير الصراحه رشحت جاسم بس جاسم كال ما يريد ما يكدر ياخذ مكاني لو على كص ركبته كلته اني موافق بس هو ما يرضى قافل بالموضوع فتت الها وابتسمت وكالت متكدر أدير راسها مثبتيه لان حته ما تتحرك ومضمدين راسها وكالت

ساره :عفيه اريد.. نواف وينه

_عيونه لنواف

مشيت الها ولزمت ايدها كعدت على الجربايه يمها خليت السبحه مالتي بيدها وجهة اصفر شفتها يابسه جانت وكالت

ساره :صرت مو حلوه مو هواي اخذو من شعري

_مخبله والله مخبله ولج شايفه الكمر يغار منج محاطه شي بوجهج ونور محمد كله تارس وجهج الحلو هذا

ضحكت وغمضت عيونها  مسحت خدودها من الدموع وكالت وهي لازمه ايدي

ساره :شويه مي عطشانه

_بنيتي ما أكدر ميقبل الدكتور كال تفك بنج يله

ساره :او.. اوكي زين بلل شفتي شويه

اخذت كلنس ونكعته بمي نضيف وبارد وخليته على شفتها صارت رطبه وخرته للكلنس ومسحت القطرات البقيه مال مي من يم شفتها دنكت والله دنت نفسي على شفتها بستها على كيفي بعدت عنها شويه وكلت الها

_لا تحرميني من ضحكتج

ابتسمت بوجهي ومرت ساعتين شربت مي ونامت فحصها إيفان وكلشي جان تمام حمدت الله الف مره وشكرته بقيت اراقبها طول الليل

#ساره

فتحت عيني جسمي يوجعني تذكرت البارحه كله نواف يمي ما عافني ولا دقيقه اخذت سبحته من عنده من قبل العمليه بيوم بدون ما اكول اله ومن طلعت من العمليه نطيتها اله بس كال ابقيها يمي هاي السبحه جانت لجد نواف وانطاها عمو حيدر ل حازم الله يرحمه من هو طفل وما فاركت ايد حازم لحد وفاته اخذ نواف السبحه من ايد حازم وهم بقت بيده وأخذتها اني منه لان حسيتها جزء منه  طول العمليه افكر بيه وهي بيدي... تحركت وكعدت عدل ماكو احد بالغرفه حسيت بروده مو طبيعيه راسي راح ينفجر من الوجع مكان المغذي بيدي يوجعني وخرت اللزكه وطلع نواف من الحمام لابسه بلوز نيلي وجينز اسود وكبوس عزه عبالك ممثل معدل لحيته ضجت والنبي هسه البنات كلهم يباعون عليه مشه بسرعه وهو مبتسم وكال

نواف :يا صباح الخير ياوجه الخير

_ه.. هلو

نزلت راسي ما اعرف شبيه يعني اني هسه متأكده شكلي محلو وهو يجنن هسه يحجون شنو عاجبه بيها واخذها نزلت رجلي بلكاع اريد اكوم اغسل وكال

نواف :خلي اساعدج اصبري

ما كدرت أرفض لان تعبانه وجسمي ما يعيني سندني حته اوصل للحمام انطاني ملابس سديت الباب غسلت وجهي بس باوعت على شكلي وشعري نترست عيوني دموع درت وجهي بسرعه غيرت ملابسي لبست جينز وبلوز عريض سمائي غسلت وجهي وايدي ولبست حجاب شيفون بصلي حته اغطي راسي وجهي تعبان طلعت من الحمام سندني لحد ما رجعت للجربايه كعدت وخله مخدات ورايه رفع رجلي على كيف وكتله

_لا تعب نفسك ويايه

باوع بوجهي لا اراديا نزلت راسي خله ايده على أصابع رجلي ضحك وكال وهو يفتح الجنطه

نواف :شي طبيعي قطعه ثلج اصابعج نفس الشي من جنتي تريدين تضوجيني تخليها على رجلي حته ابرد وتضحكين جنت اسوي نفسي ضايج بس حته اشوف الضحكه بوجهج متعرفين شكد احب هل حركه واحبج من تسويها الي لو من اعصب لو ازعل من شغله تجين وتخلين اصابيع ايدج الثلج على ركبتي وتضحكين هاي الضحكه الشريره والطفوليه من كل قلبج متدرين الفراغ الي عشت بيه وانتي مو يمي المهم بنيتي وصيت اكل حته تاكلين وبعد شويه يجي إيفان يطمنه حته نطلع من المستشفى

يحجي ويايه بكل حنيه صوته الدافي والهادي بقه كاعد كبالي لبسني جواريب صوفيه يباوع عليه مكدرت ارفع راسي واخلي عيني بعينه

نواف :يوجعج شي

_لا

نواف :متأكده

_لاتباوع عليه دير وجهك حباب لا تباوع عليه بهل نضرات

نواف :شنو

_بشعه

نزلت الربطه من راسي تقرب مني رفع راسي بطرف اصابيعه بأس عيني وخشمي وخدي وشفتي على كيف وبرقه مو طبيعته هاي وخله ايده على راسي يم العمليه وكال

نواف :بيوم الي اموت راح اطلب من الله ما يرزقني بشي ولا ينطيني شي غيرج ما اريد لا حوريه ولا بطيخ راح اطلب منه بنيتي ضوه حياتي وفرحه عمري ورفيقه دربي اريد احلى بنيه بالدنيه والأخرى اريدج الج شما راح تحجين انا اشوفج حلوه واذا عدتي سالفه انتي مو حلوة راح افكس عيونج فهمتي حلوه مثل العافيه شكلج وكذلك اذا على شعرج تره كال الج إيفان راح يرجع شعرف نفس الشي نفس شعرايات راسي

وخر الكبوس من راسه بقيت صافنه مسوي شعره مستوى واحد شعره الي احبه يا الله الثخين الي يغارون منه كل إخوانه عليه مسوي خفيف ومستوى واحد مكدرت اتحمل ودمعت عيوني هي ضحكه وهي بجيه وكتله

_تشبه الكيويه

ضحك وباس كصتي سحبته وخليت ايدي على راسه و هو رخى راسه يم ركبتي وقريب صدري وكتله

_ليش هيج سويت

نواف :ما يهمني لا شكلي ولا لبسي ولا فلوسي ولا اي شي بالدنيه انتي الي تهميني ولو تطلبين هسه روحي ما تغلى عليج

ندك الباب وكعد نواف عدل وخليت الحجاب على راسي وفاتت ممرضى وبيدها الاكل وما شالت عينها من نواف باس راسي وايدي وكال وهو يبعد الحجاب من راسي

نواف :ارجع واكلج انتي كلشي حلو بحياتي لا تصورين أدير بعد وجهي منج

_او.. اوكي

نواف :تاكلين شويه

الممرضه :اني اوكلها ماعندي شي ابقه هنا وياها واساعدك (شوفي لج تره هسه مخلصين من حيه روح لا ادفنج)

نواف :لا خلصي شغلج وطلعي انا اريد اوكلها بيدي ممنون منج خيتي

حجه وياها بجفاف تقرب مني ويباوع بوجهي مبتسم وكال

نواف :بس نطلع نرجع للبيت كلشي يعجبج راح يجرالج فهمتي ماكو شغل بس راحه لحد ما تطلع نتيجه الخزعه وبعدها نقرر وين نسافر نسوي العمليه

_ان شاء الله انت شوكت تسوي الفحوصات

نواف :ان شاء الله عما قريب

_ما طولنا هنا ما تسويهم وتخلص

نواف :لا عندي دكتور صديق الي ان شاء الله اتفق وياه بس افرغ لا تخافين ملتزم ب الادويه والاكل و جكاره وحده ما مخليها بحلكي

_ماشي

تريكنه انا وياه هو هم جان ما ماكل شي من البارحه وياي فات جاسم بقيت صافنه وهو مبتسم وكال

جاسم :ها شونكم

_ش.. شجابك هنا مو كلت رجعو

جاسم :اي رجعتهم ورجعت الكم ما اعوفكم لوحدكم مرتاحين بدوني ها خيه جنج ما حابه جيتي هنا

_ياااااااا لا وداعه وليد

قبل لا اكمل غصيت بالكلمه اني ليش رجعت طبيعي عبالك وليدي سعد عايش بعده شفت نواف يباع بره الشباك بالكوة سيطرت على روحي نزل جاسم راسه وكال

جاسم :انا اعرف مو وكتها والله بس خيتي عذريني لو بنيتي حاجيه من وكت اعذريني ما ادري

_جاسم

جاسم :أمريني

_تعال اكعد كبالي ما أكدر اضل دايره وجهي وجعني راسي حباب

مشه وكعد كبالي على الكرسي قريب مني وكلت اله

_بداعه علياء عليك بداعه بنيتك وامك وابوك بداعه نواف عليك الله احلفك بكل عزيز وغالي عليك احلفك بالله ما ينفتح بعد هل موضوع كبال ملاك تره ملاك جانت تحب سعد بكد

سكتت حسيت بغصه مو طبيعيه تنهدت اجذب على منو اشتاقيت لعطره وضحكته اشتاقت لصوته وصياحه احس روحي نوخذت مني دنكت راسي وكتله

_مشتاقتله مشتاقه لصوته وضحكته مشتاقه لعطره بعدني ما شابعه منه ليش ليش ما إذتني اني ليش أخذت اكثر شي سعدني بهل دنيه

جاسم :اعذريني خيتي سامحيني بداعه غواليج لا تعبين نفسج وتوج طالعه من عمليه

_وينها

جاسم :منيه

_نجوى

جاسم : بالحبس ما تطلع لو تبوس الرجلين طول عمرها

_اريد اشوفها

نواف:لا

_ليش لا اريد اشوفها

نواف :ما يحتاج تشوفينها خليها تتعفن بالسجون

_راح اشوفها وانت الي راح تاخذني الها انت كلت الي ما راح ترفض طلب الي وطلبي اشوفها وافهم السبب حته يبرد قلبي المشتعل بنار فهمت

هز راسه جنت ارجف والدموع تنزل من عيني ودرت وجهي وكعد كبالي خله ايده على رجلي مسحت عيوني وندك الباب وفات إيفان مبتسم وكال

إيفان :منو مزعل الكمر

جاسم :أنا

_لاااا لا والله لا جاسم محشوم اخويه لا والله دكتور بس خنكه بصدري

إيفان :هاااا اكيد اخاف مزعلج الشيخ

_لا والله ابد

نواف :انا مو بس مزعلها انا زعلت هواي غوالي على قلبي واستاهل كل الوجع الي بيه

إيفان :هاي شنو شيخ اخويه جاسم كولو يا الله تره ساره تحتاج راحه نفسيه وما تضوج وتنقهر

_اي شوف دكتور دائما يقهروني وما يسمعون الكلام

حاولت الطف الجو من شفت جاسم ونواف مغثوثين ما اريد ازيد الهم عليهم رفعت عيني وشفت نواف يباوعلي بنضرات ما ادري شون افسرها بس مقهور وضحك إيفان وبده يجيك فحوصاتي وطلب احرك ايدي واصابيعي ابتسم وكال

إيفان :راح اخلي الج محلول مغذي جديد وبس يخلص تكدرين تطلعين ويارب النتائج تبشر بخير مثل هاي

نواف :ممنون منك دكتور

إيفان :هذا واجبي

جاسم راد يطلع بس كتله يبقه كاعد ويانه مقبل وجريت ردان نواف وجبره يكعد ويانه ردت اعدل المخده وكام نواف عدلها الي شفت جاسم يباوع ومبتسم والله اعرف راح يستغل هل شي هو و نبيل سيف وكتله

_ابو ملك بشرني شنو طلعت ملك

جاسم :تركت السنه لأنها تمرضت

عرفت تركتها بسبب عمايل نجوى جنت مشتهيه لبن وزعتر كلش مشتهيته نواف جان كاعد يباوع عليه قلقني بنضراته وجاسم يلعب بالتليفون التفت لنواف كام بس باوعت عليه وتقرب مني وكال

نواف :شبيج يوجعج شي

_لا لا بس مشتهيه لبن وزعتر وخلص عندي الزعتر واللبن بالبيت اريد من نرجع نوكف انزل اشتري

نواف :تامرين أمر

_شكرا

مرت دقايق نواف طلع يكمل الشغل هو وجاسم وفات نواف وخله صينيه الاكل كبالي ومخلي الزعتر فوك اللبن والخبز مكصكص ومكسب مثل ما احبه رفعت راسي وكتله

_بس كتلك من نطلع ليش تعبت نفسك

نواف :بس انتي كلتي مشتهيه تصورين أكدر انتظر

#نواف

كاعد مكابلها وهي تاكل جنت اكلب بالتليفون وكل شويه اكلب بالتليفون وارفع عيني اباوع عليها اخاف شي بيها فاتت سمره وره ما دكت الباب و وراها عمر جنت كاعد يم جاسم وكفنه بس فاتو وكلته بصوت ناصي (اجه اللوكي)  باوع جاسم وحاصرته الضحكه وعمر سمع هل حجي مشت سمره وحضنت ساره وهي تبوس بيها وسلم علينه عمر وسلم بثكل عليه واني هم والتفت على ساره وكال

عمر :ساره الحمد لله على السلامه يا تميمه الحظ يله رجعي بحيلج حته ترجعين المديره بالكوفي الكل يسأل عنج

_مراح ترجع حاليا

سمره :اي اي نعرف عمر مو وكتها هسه خلي تكوم بالسلامه

ساره :لا تخاف راح اكتب الك مقادير الحلويات وكلشي جنت اسوي

عمر :اكيد ابقه وراج لحد ما ابوك كل وصفاتج

ضحكت ساره كحيت احس قلبي اشتعل بيه نار بقيت اهز برجلي و جاسم خله ايده على رجلي والتفت عليه وكال على كيف وهو مبتسم

جاسم :لا تخاف اخوي هاي يسمونها غيره

غمز الي وضحك حته يستفزني شفت ساره تباوع عليه فكال

عمر :اسمحي الي اليوم يوصل عشى الج اكل كله صحي وكذلك اكل معلب صحي راح يفيدج كله اني جهزته وان شاء الله بس توصلين للبيت راح يوصلج وره ساعه

ساره :لاااا عمر لا سمره ليش تعبتو نفسكم

_ما جان يحتاج تكلفون نفسكم احنه موجودين ونكدر نوصي اكل انا راح اعتني بيها

عمر :الاكل من بره كله دسم ومو صحي ما يفيدها وعلى ما اضن ما تعرفون تطبخون فأنا الي راح اتكلف بأكلها هل فتره

ساره :لا عمر والله تسلم بس اليوم اني بغداد

باوعت الها وين راح تروح وتعوفني انا صاير نار من هذا البارد وهي تريد تسافر

سمره :مسافره ليش وين زين رايحه

ساره :خلاص لازم ارجع للديره تعبت من بغداد مشتاقه للديره وعمتي والبنات مشتاقه للهوى هناك ودكتور إيفان كال احسن شي مكان هادئ مو مثل بغداد اروح الها استراح وكذلك راح اجي أزور المكان بين فتره وفتره واشوفكم وانتو راح تجون

تحجي وراسمه الابتسامه على وجهة مرت ساعات رجعت للبيت فاتت ساره تسبح بالحمام وانا بالباب اخاف يصير شي بيها لان ما يصير تضرب راسها وتوها مخلصه عمليه طلعت من الحمام بس شافتني خلت الخاولي على رأسها يعني هي بس جزء من شعرها زينته كمت لزمتها من ايدها وسحبتها كعدت على الجربايه باوعت على ايدها مكان الكانونه ازرك عقمت الجرح ولزكته الها ما متقربه من مكان العمليه بس غاسله شعرها مشيت ادور على المشط وكالت

ساره :بالمجر

فتحت المجر وجان بيه ملهية سعد اخذت المشط مدت ايدها بس كعدت وراها التفت الي بس لزمتها من جتفها وخليت وجهي بين خصلات شعرها وكلت الها وانا اخذ نفس من عطر شعرها الي احبه

🦋🦋🦋🦋🦋🦋🦋🦋🦋🦋🦋🦋🦋🦋🦋🦋

يارب تحبون البارت الفين ونص كلمه 🙂

اذا قصير افكس عيونكم 😹🥲