رواية عشق البدوي الفصل الحادي عشر 11 - بقلم نور الشمس

مساء الحب 🌷

رغم خطاري ووقتي الضييق حاولت اصدق وياكم واعتذر منكم اذا اكوو قصور مني

البارت 2467 كلمه

مرام ..

سمعت كميل يحاجيه ويصبره وهوه صوت انفاسه عاليه عبالك طالع من سباق
صرت اقدم رجل واخر رجل اريد اشوفه ومااريد
تقدمت لكيت كميل منصي گاعد مقابيله مقرفص رجليه وحيل متأثر

بدون ماانطق وكفت مقابيلهم
گلي كميل

..هاا مرام جيتوو

هزيتله راسي وعيني ع مصطفى الي عيونه حمر دم وعروگ ركبته ووجهه باينه رفع راسه عليه حسيته راد يسألني
باوعلي وباوع الكميل وسكت

كميل گله كوم انزل وانتي مراح روحي ساعدي امي البيت انگلب

كتله صار واتقدمت المصطفى

..صفاوي گوم حبيبي گوم امي بالها يمك

حاچه كميل گله انطيني شي اريد ارتاح راسي يريد ينفجر

نزلت واسمعهم ينزلون وراي اخذت المكناسه والمكرافه ورحت للمطبخ انظفه
امي شافته بس ماحچت شي احنه كلنه حاسين بي ومتأثرين عليه شنريد نگول
انطاه كميل منوم وراح نام

واني كملت ليلتي صافنه وافكر تكدر رمله تنساه هوه يكدر يتزوج بعدها ويحب غيرها لو حياتهم لهنا وتتوقف لو تستمر بدون حياة

خابرتني اشواق تسأل على مصطفى ورمله لأن هيه تعرف بوضعهم مني
حچيتلها الصار وضاجت عليهم نمت بقلق
گعدت ثاني يوم البيت كله ع اعصابه منتظرين مصطفى بيومها جمعه كميل موجود
گله اكعد خلي نروح نزور وصدگ گوه قنعه وراحوو زارو اجوو بالليل تعبانين مصطفى راح نام وكميل طمئن امي وابويه عنه

مرت الايام احنه تعودنه وبدينه وياه نرجعه السابق عهده ضحك شقه سوالف جنت احسه يجاملنه وبس يسرح وي روحه يرجع وجهه وملامحه تبين زعله

الئ ان جماعته صاروو يجوه ويطلعوه وياهم غصب وحته زوج رمله منهم ميعرفون شي عنه بس يحب ومتصيرله الكل متوقع ابويه مقبل ياخذله غريبه وبينلهم هذا السبب

اني بديت اقرا بجد اكثر بده الدوام ومتحضره للدراسه مسبقا اصلا مشفت عطله
السنه سادس وان شاءالله اطلع معدل
بهالفتره الراحت ركاد هوه الي يوصلنه وبعد مترجيت اشواق انو متخلي يحرجني لان اترك الخط واريد ادرس اني ومو مال الحب وهالسوالف تركني مضايقني ابد
بس مرات يقرأ ابيات شعر بصوت يكلم. نفسه احسهم الي ..اغاني يختار حلوه نظراته ابتسامته شي بداخلي يفرح باهتمامه الي وفرحانه لان نفذ كلامي هم

بيوم اخر يوم الي للدروس وصلنه وابد محاجاني شي بس سلم ونزلت مهتميت اله واشواق بعد يوميه اشوفها بالدوام بس من فتت لبيت حسيت بوحشه بداخلي معقوله اثر بيه اي اثر بس اعجاب مو حب والاعجاب عادي مابي شي بيني وبين نفسي
وبس حرام والله لازم ابدي انساه وبعد ماانتظر شي منه ابد اني اصلا زواج منه مستحيل اتزوج اعرف هالشي ليش اورط نفسي

رجعت واشوف امي مبتسمه وفرحانه
فرحت الفرحتها كالت ولج مبيين هاي خطيبة كميل گصتها خير علينه

جاوبتها متفاجأه
..ياخطيبه

..يوو غير كميل كلي حضري نفسج ترحين تشوفيها البنت الي اباله ابوو يعرف كلشي وكلي خطبيله وحته الحبوبته كايل گبلي هالولد عفيه العلويه الولد والاحفاد يختمون يمها يلله

هسه صبرت ابوج كلشي بشورها كلت بلكي ولدي مثل ابوهم تالي هم انركنت وباقيه هيه الكل بالكل للاولاد والاحفاد

..يوو يمه هسه انتي على هاي مو زين وخطب هوه هيه بس هاي معجزه ومتخليج تفكرين بغيرها بس كليلي منين هيه بتمن شكدها حلوه لا احچي

عوجت حلگها امي وهيه تهز بايدها اسكتي المن تذكريني بت موظفه وياه امها بقسم بالاشعه مدري شيسموها وهوه يعرفها تجي الامها يكول متدينه واخلاق وبت ناس بس هيه ارمله

..لحظات صفنت بيها وبعدها استوعبت ليش امي مو فرحانه فرحه كامله كتلها

.. اي وعدها جهال

..لا هيه ناقصه بعد ..خطيه عروس تلث اشهر ومتوفي زوجها بحادث من خمس سنين بس هيه زغيره ومتخرجه العام تربية رياض اطفال يكول

..اي الحمدلله اهم شي حلوه وحبابه

..ماادري بعد اهم شي عاجبته قابل المرحومه جانت حلوه من حبها وذبح نفسه عليها عاديه كلش اخوج مايحب الشكل

..يلله الحمدلله اشوو ممقتنعه ليش من دخلت حسيتج فرحانه وهسه اشوفج كوه مقتنعه

..ياا نسيت الفرحني شي ثاني خابرتني خالتچ تريدچ الأبنها

ماادري ليش خفت واول واحد اجه ابالي ركاد گتلها

..يمه ياخاله كلشي ولاتفتحين الموضوع عندي سادس وادرس واكمل عود الله كريم

..اي ولج هيه هسه متريد بس عقد تحجزج وتكملين سادس تتزوجون وبعدها تكملين دراسه يمهم وهوه دوامه بغداد يكول اجر هناك ونستقر ابغداد لايمنه ولايم. اهله

..يمه عوفي الموضوع
تركتها ورحت ومية فكره ابالي منين طلعلي هذا واهلي اكيد يقتنعون شلون بيه
للعصر امي فتحت الموضوع بعد ممكمله كميل كلها هالموضوع ينسد نهائيا عدها دراسه مرحله صعبه بدون. شي الطالب يتشتت فكره بالبكلوريا وانتو تحجون. بخطوبه خلي تنجح وبعدين الله كريم

الحمدلله سمعته حيل اتغرت نفسيتي وهم وانزال مني
رجعت اكمل دراستي واحس روحي صدگ حره ليش تقيدت رغم الموضوع بعده بس كلام

اووف ياركاد ليش اجيت ع بالي معقوله اتزوج غيره والي صار اعتبره مرحله مرت بحياتي مو بوقتها ولا بأوانها
اني شعرف عنه هوه منو يكول مو حاله حال الشباب يجرب والحمدلله منطيت من. نفسي ولا راح انطي جاي افكر واجتني رساله

لامكان لك في قلبي انتي قلبي

شمرت التليفون مرعوبه يمه يارب دخيلك منو هذا
اكيد ابن خالتي التحفه عباله تموع روحي مجرد مافاتح فوني هوه اني وين شايفتك وصرت بقلبك والله ياربي
الشاب الفرنسي ولايگعد بمجرد مايخطب راسا صارت حبيبه اله وعبالك ساهر ليله ونهاره مو يحجي يتعارف لا گبل حبيبتي وحياتي اعرفك تعرفني
انطيت الرقم حظر ومسحت الرساله

اذا عادها انطي الرقم المصطفى وهوه يتصرف وياهم

بس الحمدلله ماكررها اتصلت عليه اشواق تستفسر مني حسيتها مو ع راحتها حسيت احد يمها ماادري شنوو الخلاني اكلها ع خطوبة ابن خالتي وجواب كميل وع الرساله هم كتلها بس يعيدها انطي رقمه المصطفى
يمكن. ردت اشووف اكو تاثير اليه يم. ركاد لو بس كلام

لو لأن اني

تعودت احجيلها كلشي ماعندي صديقه بس نبراس وهيه صندوق اسراري بس شنوو هيج سر خطر مااكدر اكوله لان عقوبته الاعدام اذا طلع بين الكرايب تصير السوالف اشكال مااكدر اشرحلها اعجابي ومصارحته الي ومحاولاته للقرب مني والشي الي خلاني انعجب بي اكثر
مضايقني بعد مطلبت من اشواق ابد بس عيونه تحجي كلشي ومرات يذب كلام. مو يمي بس احسه الي

راحت اشوواق وثاني يوم رحنه نخطب الكميل واني خليت نفسي اجت بيبي وكعدت يمها اترجيتها تقنعهم لأن لو تطلع نخله براسي ميقبلون
عاد هيه مكالتلهم شي ولاطلبت بس علت صوتها وكالت

..يا هاي مريمه كاعده مامبدله ولج شعندج عشره اخوان. لو. همه عدهم عشر خوات كومي بدلي غير اخت العريس انتي والاصول تكول تحظرين محد من. الكاعدين علق عاد اني انطلقت ع السريع

رحنه البيتهم واني متلهفه ياريت تكون حلوه شنو شكلها ياترى ولو الأخلاق اهم بس المرحومه صح متتعيب بس مو يم جماله

استقبلتنه امها احلى استقبال وبيبي تصلي على محمد وتدعي

دخلنه شويه والابنيه جابت الضيافه
ركزت بيها
وجهه عريض تارسه لاضعيفه ولاسمينه بس هيه قصيره بيضه كلش عيونها كبار شكلها كلش حلوو
حجت حبوبه وامي واتفقن. ع كلشي اتعارفنه وطلعنه وامي حيل فرحت بيها ممتوقعتها هيج يمكن

وحبوبه هم تكول مبينه خوش بنيه
رجعنه فرحانين كلنه بس كميل ماكوو اي تغيير عادي الموضوع مو يمه اصلا واني كعدت اشرح بشكلها

وطولها وجسمها وعيونها ونافخه نفسي عشتوو اخت العريس اخذني الواهس فزيت من صوت كميل وهو ينبهني كافي شرح

انتبهت مصطفى موجود صح ممنتبه ايده بتليفونه بس حسيت كميل ماقبل اشرح شي يمه عله صوته

وكال ميجوز هالشي بعدهي حته مو حلالي بعدين متعرفين وصف النساء للنساء امام الرجال حرام

حسيت على نفسي كتله والله من فرحتي نسيت
هيثم جان فرحان وكل شويه يسأل كميل بابا شوكت تتزوج يعني من اصير بالاول متوسط عندي اخ صح
جاوبه

ان شاء الله وگام

حسيته متضايق كلش اووف شنوو ذنبها البنت اذا ميريد ..

ركاد..

رسلت لها وتحسفت انا وش بلاني اهي تلميح ماتبا المح لها

تخاف اشغلها اكوم ابعث مسجات لا وصاير شاعر بعد عسا ماتكون اعرفتني والله اني مفتشل من حالي
انا ليه مافكر من يرضا على خياتوو وصار بيني وبين خوياها زادن وملح

احذف رگمها حته لا اضعف بعد ماكافي صوتا الي يوميه شايل ذنبوو ومشيلها معي

والله ان الحب حلوو لولا الذنوب الي تجينا معوو

طردت افكاري واخذت عهدن على نفسي ماعيدها مرتن ثانيه

ساعه وظليت اهوجس ليكون اخوها شافها وش بيكون موكفها وش بيكون موگفي معاهم لو اعرفووني انا المرسل ماني خايف گد ماخجلان وخوفي كلوو عليها

رحت كلمت شووگ تتصل عليها تعرف اوضاعها وانا متضايگ من روحي لاني خليت شووگ مرسال مابينه حسيت إني بفتح عيونها ع هالدرب الي يايصيب يايخيب

بس ماباليد حيلة احاول اكون گرييب لها واحميها
خابرتها وگالت كلشي لها

أشعلت انار بجوفي نارن ماتبرد الا لما تكون لي وحلالي

ولد خالتها هذ من وين ؟ومالگه يخطب الا مرامي

تكدر خاطري ومحتار بامري صح فرحت برد كميل

بس مابرد ناري هوو گايل لما تنجح مارافضوو تمام
وانا خايف تكون خطبه مأجله

وبنفس الوكت مگدر اخطب هالوكت اخاف اشغلها ومتوكد مابيعطون
ومكدر الح اعليهم بالطلب بحجة الدراسه
وانا ناوي انگل جاهة العراگ كلوو لهم
مابس كبيلتنا

تحيرت ليلي مانمتوو وانا اتگلب
اه ياگلبي ماتعلگت الا بعلوية

والله انها احلى تعليگه

واحارب الدنيا كلها لأجلها

بس ابا اعرف هي تحبني تبغاني والا لا

احساسي يكول انها تحبني وانا خايف احساسي يخوني واكون راسم ع الا شيء

مرت ايام وانا اتگلوط واتشوى بنار هاديه
امي ابوي الكل انتبهلي والكل صاروو يعرفو إني مبخالي

حاولت ابعد وحاولت ماني گادر

خليت شووگ تكلمها وتطلب منها تفكر فيني وتشرحلا حالي وكيف اهي ملكت گلبي

ماردت اشغلها بس ردت اعرف انا وين حاط رجولي ع اساسن صلب والا رمل هيال

كلتلها تشرح كلشي وماني مكلمها الين تنجح

خابرتها شووگ كلتلها لاتگولين اني معك

كلمتها وانا اسمع صوتا احس بگلبي خفگ

كيف املكت گلبي وروحي بوكت ماهوو بكثير
وش الشعور الي بيعتريني لما اسمع صوتا

ياترى كيف يكون الكادم معا حب وشوك ولهفه
والا تدخل الحرب مايبينهم

احارب من اجلج يرويحتي والله اني مستعد احارب الگبايل كلها مابگبيلتك وبس

وانا اسمع وافكر وكنت لاغي فكرة انو تعترف بحبا لي الين سمعت الي گالتا حسيت انطتني الضوو

الاخضر والامان بعد ومن الحين ماني خايف لا من خطوبه ولا من عمام ولا من خواطيب

مرام ..

بعد مااتصلت خالتي تطلب ايدي امي رجعتلها رد كميل

كالت اني اجي وافهمه ومااترك الموضوع ع جية عرسه احاچي

الخوف الي خفته والشعور الي حسيته مو لان عندي دراسه ومااريد لا هذا شي والي بيه شي ثاني اعرف ابويه مايمنع ابن خالتي متمكن مهندس اخلاقهم

حلوه ماكوو شي يعيبه رغم همه كلش صعبين يعني خالتي بس بالمناسبات نشوفها بلكي هذا الشي يشفعلي اهلي يدللون نسوانهم ويحبون الدلال البناتهم مااعتقد يقبلون افاركهم اشهر وسنين

واكيد كميل ميفرط بدراستي

اسبوع كامل نسيت القرايه بي اريد اركز اني خوفي الهاي الاسباب لو السبب الي ابالي ورافضه اعترف بي هوه الي مخليني بقلق

معقوله حبيت ركاد معقوله مااكدر اتخييل نفسي الغيره ليش هوه شصار وع شنوو حبيته مو حب هذا

اعجاب والا عجاب يتلاشه هالكلمه كل ساعه ارددها النفسي بس ماجاي اشوف تغيير

التهيت ايام بعقد كميل چان بسيط كلش
مشية زلم وعقد حاضرين بي نسوان عمي وامي

وحبوبه واحنه والبنيه ماكو من. طرفها حته صديقه ماكو الها اخت وحده وامها بس الي اعرفه ماعدهن اخوه هنه

بيومها ماطوول كميل بس لبسها الحلقه والذهب

باس راسها وشويه كعد وطلع وكل احنه طلعنه وياه
بس الحمدلله جان مرتاح نوعا ما

ومصطفى من بعد الي صار اول مره يضحك ويرجع الشقاه
بيومها ظل ابالي موقف من طلعنه الصبح

للدوام وشفت نظرات ركاد الي حسيت دغدغه ابطني وكلبي دكاته تتسارع عرفت بيومها شكد اني احبه

ودعيت ربي يكون حظي مو مثل حظ اخواني

بيومها الكل فرحان مجتمعين عدنه رغم الكل مراعي شعور خالتي وعمي الي اجوو وباركوو بس الاجواء چانت اجواء فرح الكل يضحك يشاقه حته كميل جان مندمج وياهم

هاي الاجواء حركت شي بداخلي جنت افكر وبالي كله يم

ركاد وجماله نظرات عينه هدوئه الي ظاهر للناس الي مغطي ع التسرع الي بداخله يخلي يتصرف بسرعه مثل متصرف وياي باول لقاء والي بعده

اتصلت عليه شووگ باركتلي ع عقد كميل وبعدها حسيت بارتباكها وهيه تحاجيني عرفته مكلفها

ع موضوع ويمكن لأن مأكده عليها متفتح وياي بعد
بس اني جنت هالمره متشووقه
اعرف شكوو

گالت

..حبيبتي مرام شوفي اني مضطره افتح وياج

الموضوع والله متعرفين بحاله وشنو صاير بي

ميريد منج شي بس وصاني اعرف انتي تفكرين بي لو مترديه حته يفهم

جاوبتها خجلانه بس لازم. احجي الي بداخلي

والله ياشووگ اني محتاره انتي واخوج دمرتوني

حته دراستي نسيتها ومنا موضوع خالتي الي كارهته

بس الصدگ يمكن اني حبيته لچ ليل نهار افكر بي بس اخاف من نهاية هالشي

تعرفين اليوم.من شفته الصبح

وشفت نظراته الي حسيت احساس

عمري ممتخيلته يعني شي يصعب وصفه اعرفت اني احبه بس طريقنه صعب والله واني خايفه عليه من هذا الطريق

..يعني تحبي

..اي والله احبه بس تالي حبنه شنوو ..جاي احچي واحس بصوته اجاني

..ياروح ريكاد وگلبوو والله ماكو تالي غير الزواج واخذك لو حاوطوك بنار وسهام

..غلقت الفون بدون مااحجي واحس وجهي بي نار تلهب سرعة انفاسي خليت ايدي ع گلبي واعيد كلماته ابالي

رن. التليفون. بأيدي شفته اشواق غلقته من الرعبه الي بيه
شكد ماخايفه فرحانه

شنو بالحب الي يخليك تحس بخووف وفرح

رعب واصرار احلام صعب تحقيقها بس بداخلك امل امل كلش كبير

صحيت ع صوت امي تصيح تريدني اقدم عصاير الهم بعد العشا والچاي اليوم. ع واهس العقد ناوين يباتون هنا

اووف اول مره اريد اعتزل اروح بعيد عن الناس وافكر بي وبس

مر اسبوع واشواق حاجتني وره يوم كالت يكول اذا تحبني اريد منها طلب تدرس وتنجح بمعدل الي

رايدته حته مانتاخر ويكون اكو سبب للتاخير من اهلها وحته لا الوم. روحي لاني شغلتج

اخذت وصيته واني فرحانه وصرت ادرس بواهس واهس اقوى من الاول وصارت استراحتي

مو بس للاكل والشرب استراحتي تفكيري بي وع واهس افكاري اكل واشرب

جانت حياتي هادئه بعمري ممتصوره احب وانحب ابالي اتزوج مثل اي بنت

اكون عائله بس زواج تقليدي حته اولاد عمي بعد ماكبرنه وع طول ينذكر يمنه ممنوع نزوج اقارب صرت مااشوفهم غير اخوه

مااخلي ابالي شي ناحيتهم اساسا
ماجنت متوقعه احب والي احبه بدوي !

ايامي صارت اسرع

احلى وامر

جربت كل المشاعر

التهينه بترتيبات العرس كميل طلب نجهزله غرفه

غير غرفته الي جانت للمرحومه مصطفى انطاه

غرفته الفوگ وگله اني بالخطار انام اغلب وقتي

واخاف الغرف الباقيه تاخرك يرادلهم ترميم اني ارتب وحده منهن الي

اقتنع كميل وجهزها

اريد اشووف الفرحه بعيونه مرات احسه فرحان ومرات. لا

بيوم. الحنه ماعزم احد

ولاسوه عرس اخذها وراحوو الكربلا

زينب احسها انسانه مجروحه اوو حزينه بس بيها طيبه مااعرف راح. تسعده لو لا هوه راح يسعدها لو مجرد زواج حاله حال هواي زواجات فاشله لارضاء الاهل وبس

بليلتها هيثم كلش اتمرض وماگدرنه نخابر كميل
انطيناه علاج مؤقت خافض حراره

ومسكن الام وعلاج التهابات ع ما يصير الصبح وناخذه. للطبيب

صار الفجر واني گاعده اسويله كمادات وامي هم. منامت وياه خطيه يهذي ويريد ابوه

خابرني كميل

من. شفت رقمه خفت بس جاوبته
سألني على هيثم كتله زين الحمدلله

..مرام الله عليچ هيثم بي شي

..مابي والله بس حرارته مرتفعه وجاي اخليله كمادات
سمعته جر نفس بقوه

وگال

..والله عرفته ديري بالج عليه وكعدي امي وياج. مسافة الطريق وراجعلكم اني

..ليش كميل ابقى ماكو داعي منو گلك انت

..هيه گالتلي والله ..روحها يمه تحلمت بيها رقيه گالت هيثم يريدك

..سكتت واني اسمع انفاسه تخيلي شكله شلون صار
اكيد ضاج. خطيه شفتهم من اول يوم وعروسته شنوو موقفها

گلت الأمي وحضرنه البيت الرجعتهم

ركاد ..

حسيت إني طير وحلگ بالسمه والله والله بس الموت الي يفرگني عنچ

وانا جاهز الكلشي منج ومن هلچ

بعد الاتصال الي صار بينه سكرتو بوجهي

ابتسمت وگلت

مايخالف يارويحتي اطلعها فيك بعدين

صرت يوميه اشوفها من تروح ومن ترد حتى اشغالي صرت اگضيها بوكت ماهو الها ولاتطلع فيه

بيوم اتصلت هيه بشووگ كنت جالس معها من شفت اسما احس روحي اطلعت مني وراحتلا
حاجتها شووگ ومن وجه شوگ الي تغيير عرفت السالفه فيها مصيبه ومهي بخاليه

يتبع..