رواية عشق البدوي الفصل الثاني عشر 12 - بقلم نور الشمس

حبايب البارت بدون مراجعه
ولتكلولي قصير لان. متعرفون شلون كتبته.  للعلم البارت ٢٧٠٠ كلمه

اريد انهي احداث الساده بالتسلسل حته نبدي بالبدوي ونتسلسل اباقي التفاصيل لحد الأن السرد اعتبره متسلسل بدون. احداث لان مااريد اختصر البارتات الجايه يكون. التركيز ع المشاعر

……………

ركاد..

ابا شوگ تنطگ وتكلي وش فيها رويحتي
كلمتا

..شووگ وشفي شفيها الحبيبه؟ 

تنهدت بضيق وغلقت الخط عيني ع اخويه المتلهف الاخبارها
عبالك يحس بيها ويعرف من شنو تخاف
جاوبته واني احاول ابسط الموضوع

..ماكوو شي..  تنهدت واني اشوف عيونه تكذبني كملت كلامي

..هوه مو ماكو شي بس هيه خوفها مو معقول قاطعني بضيق

..خلصينا يبنت أنطگي

..اوو باوع من الاخير خالتها اليوم طالبتها بشكل رسمي هيه وزوجها من ابوها وبوجود الكل وخايفه لان جدتها العلويه گايلتلهم خلي تكمل امتحاناتها وهيه الكم ماتلگه احسن منكم وهيه تكول اذا الجده رضت معناها الكل اقتنع ..

عيني عليه نطقت اخر جمله عگد حاجبه وتنهد حاجاني بهدوء وهوه يمسح لحيته بخفه
گال

..كلميها وگوولي لها خلها تركز بدروسها وتخلص وتخلصني ومالها صالح بالباگي مادام خشمي يشم  الهوا هي لي ومتصير لغيري الا لو كنت بارض النجف هامد 

..اسم الله ياستار شبيك ركاد ليش احسك تحجي بتحدي شتسوي قابل خلي ابالك احتمال متصير الك

..للاه متصير الا لي

..خفت عليه كلش حسيته اتضايق ويكابر گتله

انت شبسرعه هيچ حبيتها

..مني عارف الي اعرفوو حبيتا وبس ليه وكيف مني عارف
گمت الحيلي درت لشووگ

كلميها وانا جنبك الحين فهميها
تنسى الي صار وماتفكر بوه

ولو اهي تحبني بصحيح
تركز مع دروسها وتنجح وهدية نجاحها مني خطبتي لها
ماباگي كثير اشهر وبتعدي

كلمتها شووگ وانا ودي باخذ الجوال واسمع صوتا لاكن ماردت اندم خفت اسبب مشكله وانا مو داري

ارتحت من شفت شووگ اضحكت ضحكت بدون مااعرف شي السالفه تخيلتا اضحكت واضحكت انا بواهس  ..

ول ريتچ بعد مبسمي وطولي

طلعت من غرفة شووگ للصاله الكل كانو جالسين

جلست جنب والدي

گلتلو يبوي رايدك

..سم يبوك

انتبهت الكل موجود وعينهم مني معگول باين علي وشافوو حالي مگلوب رغم اني ارتحت لاكن ودي اذبحها اعله گبله حتى لو اضمن هلي وبعدين اهلها

حاجيت ابوي وعليت حسي ليسمعوو الجده وامي وخوياني

..يبوي بخاطري بنت رايدنها بواهس عاشگن ملهوف يشووف الدنيا بعيونا

جاوبني ابوي مبتسم

..والعاشگ مالوو غير وليفوو
وانا حاضر يبوك انت اشر وانا اجدم

ومايصير خاطرك الا طيب
علمني منوين هالبنت الي خذت عگلك يولدي
وخلت گلبك الامر الناهي

..درت ع امي ام سجاد ..يما انتي تعرفيها وتعرفين اهلا بعد انا رايد بنت الساده اخت السيد كميل
ومصطفى

شفتها ابتشرت وتبسمت لاكن سرعان متلاضت ابتسامتا

..يافدوه رايد مرام زينة البنات بس يمه اهلها صعبين ماينطون ماحبيت الا مرام منوو ينطيها

..مايخالف يمه بنحاول 

ابوي ماحجه شي لانوو يعرفهم حسيتوو يفكر
بعدا گال

..لاتشيل هم يبوي ان كانت لك ماتصير الغيرك وانا معك ومااخليك الا واحگگ حلمك

..كفوو يبوي ..لاكن مو بالحين. انا كنت اهوجس واحس اني وحيد  وردت مساندتك لي وردتك تكون على علم خلها تخلص السادس وانا اتووكل

..يصير خير لاكن بشرط
البنت ماتعرضلا ولا تاخذها لدروب مهي بدروبها سوالف الحب والغرام. هاي خلها بعيد عنها
بنت الساده كنها بنيتي اهلها اصحاب وگفات لي
جدها هوو الي زوجني من ام سجاد واهوو الي قنع اهلا
لاتسوود وجهي معاهم اخوانها نعم الاخوه مرفوع راسهم بين. الناس لاتنزل روسهم يولدي لو ساويت منهن لاني ابوك ولاني بعرفك

..والله يبوي اني خايف عليها وعلى اهلا اكثر من خوفي على روحي ولو بيدي الگلب وسيطرتوو كان. سيطرت عليه وماساويت اي شي ولا بساوي
مارايدنها الا بحلال الله ونبيه

..الله يجدم  الخير يبوي اصبر والصبر تاليو فرج

..الله كريم

ارتحت من. كلام والدي رغم كلامه وعاني وخلاني اشعر بذنب بس انا ماغلطان. ليه هالشعور ماني مذنب بحبها انا صادگ وعند وعدي ماني من  الي يخلفون الوعود

عيني ع امي كنها مو عاجبها كانت متضايگه وتنافخ انا ادري ودها بمهره بنت خالي وتباها لي لكن وش بيدي ع گلبي

الجده هزت ايدها وهي اتهرج

گلت
ول ول بدت تهرج هرجن ماهوو مفهوم مثل كل مره من. تضايگ

ناديته

..ول علامچ يجده تنافخين وش الهرج الي تكولي ابا اسمعووه

..عاشگ ياگرة عين امك مالگيت  تعشگ الا بنت الساده يولد

..وشفيهم يجده حظر مايعجبوچ

..للاه ماهو السبب السبب يجده انك مگبل ع ايام. مابتسر الياده صعبين وبناتهم اصعب 

.. مايصعب علي ..الله كريم يجده اندعيلي وربي يفرجها

… ......

..مرام.

الليل كله وي هيثم سهرانه حرارته مرتفعه
گعد ابوي يصلي صلاة الفجر وشافه جنت توني محاجيه كميل گال ليش كاعدات امج وين كتله تحضر الجية  كميل

..يابه باجر يجي كميل مو اليوم روحو ناموو

..لا يابه هسه راح يطلع دره بهيثم مريض

اتخربطت احواله من عرف بمرض هيثم

..شبي هيثم شو خليني اشوفه وياهوو منكم بلغ كميل بساع بكيفجن تتصرفن

اتلعثمت واني اجاوبه

..يابه هوه كال بالي يمه متحلم مااعرف شنوو المهم هوه مامرتاح باله يمه

..لا اله الا الله ..ماصدكت يفتح. صفحه جديده خو ماياذي بنت العالم من اولها شفتهمت منه شعرفت

جان يحجي وي ونفسه وخرت عنه وشاف كميل اتفحص حرارته

لزم جبينه وهوه يردد دعاء النور دائما اذا احد مرتفعه حرارته ابويه يقراه عليه وينصح بي
مذكور عن اهل البيت عليهم السلام
ردد

بسم الله الرحمن الرحيم ، بسم الله النور ، بسم الله نور النور ،بسم الله نورٌ على نور ، بسم الله الذي هو مدبر الأُمور ، بسم الله الذي خلق النور من النور ، الحمد لله الذي خلق النور من النور ، وأنزل النور على الطور ، في كتابٍ مسطور ، في رقٍ منشور ، بقدرٍ مقدور ، على نبيٍ محبور ، الحمد لله الذي هو بالعزِ مذكور ، وبالفخرِ مشهور وعلى السراءِ والضراءِ مشكور ، وصلى الله على سيدنا محمد وآله الطاهرين

صليت على محمد واله واني اسمعه
باس راسه وحاجاه

خرب بيتي ياجدي شبيك يبعد جدك
شجاك اتمرضت خايف عليه يعوفك وغيرك ياخذه
مايكدر يعوفك روحه معلكه بيك ياجدي والله شالع كلبي انت وابوك وانت اكثر كلها بصفحه وانت بصفحه ادعي صار سنين كون التجي الابوك بنية حلال
ان شاء الله مايخيب ظني

بچيت ع هيثم واني اسمع كلام ابوي جنه نسه وجودي
دار عليه بويه روحي نامي وراج خطار وتعب ودراسه عندج انه اظل يمه شويه واكعد مصطفى يداري بين مايجي ذاك المشلوع گلبه

..لا يابه مانعسانه اني شعليه يجن عماتي يساعدن امي واروح انام شوكت مااريد راح اجيب كتبي واكعد يمه اراجع وانت ارتاح وراك عالم تتبارك

..الله يكويج بنيتي اذا هيچ اروح بس لاتغفلين عنه السخونه مو زينه عليه

..لا ابد مااعوفه

…… .

كميل..

سنين صار باعد فكرة الزواج لاني مو متقبل غيرها
ذيچ مريتي رغم الكل يوصفها بالعادي اني اشوف روحها اجمل واحب روحها عمري مانظرت الها نظرة رغبه لو شهوه بشكل او جمال اني رايدها روح
شاب جنت وكدامي هواي فرص
جنت اشوف هواي يردني وحاولن بس ماشفت غيرها
دائما من تشوفني تخجل وتنصي راسها لو تختفي عكس البقيه من بناتنه ولاني رايدها صرت اتخيل هذا خجل منها لأنها حاسه بيه ولأن هيه تريدني تقدمتلها واجتنه الموافقه سريعه طاير من الفرح چنت سوينه كلشي بالعجل تزوجنه ومن اول يوم اكتشفتها ماتريدني مجبوره عليه حسيت بيها من نظرات عينها مو نظرة خجل بكثر ماكانت نظرة كره
حاجيتها وطمنتها مااقربلها وردتها تحجيلي وحچت كلشي

صبرت عليها شهر شهرين استسلمت لي وبأرادتها تقربت منها مقرب الزوج الزوجته وكان هذا اليوم احلى يوم بعمري
مرت اشهر حملت وجابت هيثم اعرفنه الاعاقه والتهينه بالمراجعات والطبيب وبين دراستي ومسؤلياتي يجي الليل ومجرد متكون يمي احس كل تعبي راح
باختصار جانت راحتي

چنت أكلها احجيلي شنو حاسه شنو جنتي تردين تحجيلي كلشي وجنت جزء من تعاستها بفتره من الفترات هالشي يحز بخاطري رغم اخر ايامها صرت اشوفها تعشقني وتستقبلني بلهفه وهالشي صعب فراگها عليه اكثر

ماردت اظلم بنات الناس اني مؤمن اعرف للزوجه حق على الزوج
مثل مااله حق عليها
حقها يحبها يحترمها يقدرها يشوفها راحته وأونسه
يحسسها باهميتها بحياته
واني مامتأكد الگي كل هذا بروحي المجروحه

بس الكل صار يضغط علي حته نفسي بدت تريد وتميل الوحده ذبحتني بين الدوام والدراسه وصرت اعوضها بانشغالي الحد التعب
اني كأي رجل احتاج للمرأه بحياتي اعرف لا اني راهب ولا قديس بس خايف من نفسي اظلم وحده ثانيه وياي وهالمره بغير ظروف وغير امور اني مو فاهمها اصلا

من طلب مني هيثم بلسانه حسيته صح. يحتاج اخ وسند واني هم لشوكت ابقى وشنو الفايده ؟
عبالي انسى بس ماجاي انسى يراد اتقدم. خطوه واغير من. نفسي لو شويه شويه

اول مااجت ابالي زينب

زينب بنت ام زهراء امها موظفه ويانه انسانه طيبه محترمه ارمله وعدها بنات اثنين الاثنين متزوجات اولاد عمهن امهن من غير عشيره بس ماتركت بيت زوجها وبقو اهل زوجها مقدريها ومقدرين بناتها دائما نسالها عنهن لان هنه كل حياتها وابد ميوكعن من السانها

فالكل جنه نسال عنها وعنهن من باب المجامله وهيه دائما تتحمد الله الچبيره زهراء عدها ثلاث اطفال مرات بالمناسبات تجيبهم وياها بيبيتهم
والصغيره زينب تزوجت وهيه بالرابع اعدادي
ابن عمها للاسف وهيه  عروس اشهر قليله واندعم
واتوفه كلنه بوقتها تاثرنه عليها لأن. طفله
رحنه للعزه وحظرناه
تقديرا الوگفات ام زهراء وي الكل اي واحد محتاج منه تساعده حته الي متعينين جدد يمنه وجايبين زوجاتهم وماعدهم احد اي شي يحتاجن هيه موجوده ومتتردد ابد

عرفنه منها زينب

تاخرت سنه ع الدراسه وبعدها كملت دراسه

وظلت زينب دائما تتردد ع امها مرات وتجي
هنا تريدها للونسه اشوفها ثگيله عاقله كلش وتكسر خاطري احسها تمثلني بغير صوره اني رجل والرجل ينسى او عنده صبر اكثر واشوف نفسي تعبان شنو موقفها هيه

ماادري ليش اول مافكرت اتقدم فكرت بيها

مشينه وعقدنه وماالتقينه ابد الا بوجود الاهل
صار الزواج اخذتها الكربلا ورحنه بفندق

شعور غريب بداخلي صممت ابدي حياة جديده وانطيها حقها بس اجه ابالي يمكن ظروفها جبرتها يمكن هيه مو ناسيه
اريد ابعد افكاري وافصل حياتي عن حياتها وشعوري عن شعورها اني ليش افكر بدالها

طردت الافكار مني دخلنه الغرفه
اشووفها متوتره واكفه وتفرك بأيديها
علكت سترتي ورجعتلها
واني اباوع الشكلها اريد هالجمال يغريني ولو شويه يغيير من حالي ويقدمني خطوه بس اذا حبيت جمالها حبي مؤقت اني اريد اعيش وياها عمر وحب العشره اقوى ان شاء الله

اقنع بنفسي كلام مو مقتنع بي بس اريد احفظه واخلي ابالي وغصب عني اشعر بي اني اخاف الله بيها تقدمت عليها بأبتسامه رفعت راسها وبستها بجبينها وخدها اريد اشووف نظرات عينها هيه تعاني مثلي لو لا هم تحاول تتقبل حياة جديده ممخططه الها

خليت ايدي على وجهه واني اتحسس خدها الناعم بنعومة القطن وبياضه بأبهامي شفتها غمضت عينها
استمريت امشي ابهامي اتحسس خدها اريد اتاكد من احساسي
حسب خبرتي اعرف حركة العين تختلف بطريقه واخرى

يااما عدم راحه وانزعاج والم روح مكتوم
تحاول تخفي

يااما راحه تفقد الانسان السيطره على شعوره فتكون ردة الفعل بهذي الطريقه
بين هالخيارين خبرتي تگلي مغمضه براحه

حسيتها سهلت عليه المهمه ولو ضي قليل
بست جبينها وارنبة خشمها
لزمت كفها حسيتها رجفت

..معقوله اتفاعلت وياي لو ابالها غيري اي ليشمغمضه يمكن هذا السبب
اتراجعت للخلف تركت ايدها بقوه دفعتها اريد اصحيها گتلها

..اخذي راحتج بدلي اني اروح اصلي

رحت توضيت وصليت دعيت الله يصفي گلبها وگلبي

خلصنه صلاه ردتها تتعشه مااكلت ولا اني الي نفس
تركت العشه شفتها دخلت للحمام
طلعت وهيه بثوبها الابيض الي يظهر اكثر مما يخفي
منضيه راسها خجلانه وشعرها مغطي عيونها
ضحكت واني اتخيلها مخليه شعرها حته لتشوفني بيها
حركاتها بريئه مثل طفله خجوله تغطي عينها ابرائة تتصور الي متشوفه هيه هوه هم ميشوفها
اخذت راحتي واني اتفحص كل ملامحها وتفاصيل هالجسم. المليان بترتيب خففت عني بهالحركه انطتني مجال اكثر

زوجتي وحلالي واني من. سنين محروم
تقربت الها
خليت ايدي على جبينها ورددت دعاء ليلة الدخله

اللهم بأمانتك اخذتها
وبكلماتك استحللتها
فان. قضيت لي منها ولدا
فاجعله مؤمن تقيا ولاتجعل للشيطان فيه شركا ونصيبا

درتها عليه واني ابالي تركيزي كله وياها
مااريد اذكر المرحومه ولا اريدها تجي ابالي
اتذكر مقولة الامام الباقر عليه السلام

لاتجامع امرأتك بشهوة امرأه ثانيه فاخشى ان قضيا
بينكم ولد يكون..  مخنثا.. مخبول

كل هالامور مخليها ابالي قبل الزواج وهذا الي ماخرني اخاف مااتقبل غيرها

بس حاليا تركيزي كله وياها
اخذتها الاحضاني حسيتها متشنجه
صارن ايديه وشفايفي يتجولن على جسدها
حسيتها ارتخت اخذتها بلهفة رجل محروم

سحبت اديه من جوه راسها بعد ماحسيتها ثقلت بنومها
رحت للحمان غسلت ورجعت شفتها تتحرك

حاجيتها

..اريد اكول اسمها مااكدر مو. نتعود كلشي جديد عليه احس روحي غريب حته عن نفسي
حاچيتها بابتسامه

..گومي غسلي حته ترتاحين
بدون متنطق اخذت ملابسها وراحت
تمددت واني افكر الشي السويته هوه الصح متاكد من هالشي

رجعت نامت ع طرف السرير خجلانه اخذتها الحضني واني اريد اتعود واعودها

غفيت ماادري شكد متعمقت بالنوم
زارتني المرحومه باجمل طلتها وذيچ ابتسامتها التاخذ روحي
رحتلها متلهف اريد احضنها اريد اطفي نار شوگي بحضنها

اتراجعت للخلف وهي تگلي هيثم يريدك من نطقت اسمه تغيرت معالم وجهه
كعدت كلبي مقبوض وكلي شوگ الها عبالك شخص محروم عطشان ويجون يشوفوه المي لو يكبوه مقابيله
زاد عطشي الها اخخ ودي اروح ازورچ هسه واشم اتراب قبرچ الحاويچ
ليش اتبدلين حضني بتراب
ليش اجيتي وهيجتي اجروحي
طلعت ع البلكونه اريد اشم هوه اختنگت
يارب اريد منك الصبر اريد تزرع حب زينب بگلبي ونااحسسها بشي صعب كلش صعب اكون ظالم. الأثنين
كافي ظلمي الرقيه قبل

شگد مشتاقلچ مشتاق من چنت اغنيلچ

ياحبيبي شگد احبك
نور عيني شگد احبك
وانت انت تدري
يابه يابه تدري
احبك بكد الهوا
شنو الهوا اعز منك ؟

رغم من زمان التزمت دينيا وتركت كلشي من اللهوو غنا وغيره
بس تبقى هالاغنيه ابالي ووين مااسمعها حته لو بشارع گلبي يدگ واتذكر اوقات الجنت اغنيها
تبادلني بابتسامه بس احس ملكت الكون بيها

ظل بالي يم. هيثم خابرت مرام وطلع احساسي بمحله
صليت الفجر كعدت صلت وياي وكتلها عذريني اعوضج غير ايام بس هيثم مريض مكالت شي او تظاهرت عدها عادي
وصلنه الهم الصبح لكيت حرارته نازله ضويه بس بعده مريض
بسته براسه واتي العب بشعره
حس عليه وگعد ابتسم من. شافني بسته حسيت مرضه من الغيره رغم هوه رايد بس صعبه عليه اعرف
شاقيته وحاجيته مثل ممتعودين كتلها زينب تعالي اعرفچ ع هيثم
كتله هذي خاله
ابتسمتله وهوه بادلها بابتسامه
خلصت نهاري وياه وبينه وبين الي يباركون
اجه الليل رحت الغرفتي
شفتها متجهزتلي بس ماجنت جاهز
طفيت الضوه واخذتها الحضني همستلها بتعب نامي ارتاحي اني هم. تعبان

....

مرام ..

مر ع عرس كميل اسبوع البنيه حبابه تطلع ويانه
وتحاول تتقرب الهيثم وهوه هم مو. متنحس منها بس يريد كميل وياه مثل قبل بقرايته بلعبه وكميل وقته ميسمحله وميريد يزعله والبنيه هم اكيد راح تتضايق بس بالليل يشوفها
احسه بعده ممستقر

اما مصطفى شبه اتعوود او يحاول ينسى

اما اني يوميه بدوامي اشوفه بطريقي
واحس روحي مفضوحه والناس كلها تعرف دكاه كلبي اتخربطت
من اقرب عليه يرفع ايده يعدل شعره لو غترته عذا لابس وصرت اشوف هالحركه منه كل يوم عبالك تحيه

من غير كلامه الي يودي وي شووگ ياكد عليه مااوافق ع ابن خالتي وادرس حته يخطبني وصار هذا هدفي

بيوم جنه متجمعين ابيت حبوبه
جنت كاعده بالطرمه واجه بخشمي عطره
اي والله هذا عطره
يمكن يدري بيه موجوده لو صدفه مر من بابهم
خابرت شووگ احس روحي محاجيته مو محاجيتها

گتلها اني يم حبوبه هنا قريب عليكم

كالت

..اي اعرف هسه اجه ركاد يكل السجاد
يگله

..ول اليوم هوا شارعتا غير بوه انفاس الحبيبه

..احس گلبي يدگ بقوة واني اسمع كلماته الي تطرب الها روحي
كتلها

..شمدريه اني هنا فدوه ارووحله اني
حجيتها بضحك اكثر مما قاصدتها

كالت يكلج

..شهاب وناسوو والدنيا كلا فدوه لعيونا

..شووگ بربج هوه يمج بعد مااخابرج والله هاي كل مره تسوينها بيه

اجاني صوته وهوه يضحك

..ول علام الروح مغتاضه والله إني بشري حسچ مشترا تبخلين عليه بوه
ول ياركاد وضيموو وش يحمل ليا هالسنه وانا للحين عاگل خايف من تاليها يطير عگلي يبنت

سديت الخط وبداخلي فرحه الصدك اني هم اخابرها بس حته اعرف احباره ومن شميت عطره عبالي طالع ماادري راجع
شجابه من يم. بيتنه اذا راجع الاهله يرجع عكس شنوو

طلعت بره اشم. هوه مادام محد موجود ميخلونه نطول بالطرمه افكر وبالي يم ذاك البدوي الأخذ گلبي

وصار يستحوذ على عقلي

شفت. راس من خلف الباب وايد انمدت تفتح السركي
انرعبت بالبدايه وبعدها كمت واني فرحانه

عمي ياسر اجه بعد فترة دوام طويله
حيل اشتاقيناله
فتح الباب عاقد الحواجب جنطته ع متنه
لابس قميص نفطي مقفل تقفيله ناعمه
كاف ارداناته طالع اذراعه الي طاغي عليه السمار من. الشمس لان وجهه وجسمه ابيض
وبنطرون. كتان بيجي حذاء منسقها وياهن وعطره الي ميتخله عنه برووت

عاقد حواجبه وهوه يباوعلي

..لچ ام. السان. شمطلعج هنا بهذا الوكت
حاجاني ويتلفت يباوع الأعلى البيوت

امشي فوتي جوه بعدين اعلمچ

..الله يستر مولانا سلامك وراك كدامك صوجي مشتاقتلك وكالولي عمج جاي كلت انتظره هنا

..ايباا مسيلمه الكذاب ميلحگچ ولج امي متدري بيه جاي

شوو تعاي اشوف شنو هذا البيدج

..عزه بعدك ع طبعك بس هم احبك ميخالف بيدي اسئلة وزاريه تفيدني مرشحات يعني

..اهاا ..يلله تعاي ابوسچ مشتاقلچ

..تقربت عليه مبتسمه اني هم مشتاقه بس شسوي احبك والله المفروض ازعل تره اعرف قصدك

..انجبي مو الي ابالج لو مجرد شاك جان. دفنتج

قطع كلامنه. صوت حبوبه وهيه ترحب

هلا كل الهلا بگلب امه ليش ماگلت جاي

..وشيفرق يايمه هاي فرحتچ بيه كافيه لو تدرين جان. لكيتج متحضره والفرحه وراي تصير مااشوفها بعيني

بعدنه. ع وكفتنه يم الباب دخل ابن عمي برير الصغير  انفتح الباب لحظات
واشووف ركاد واكف نظراته اليه ونظراتي اله
انطبگت الباب بقوة. فززني صوتها ونظرات عمي ياسر الي الي حسيتهن رصاص وسكن جسمي

يتبع ..