رواية عشق البدوي الفصل الحادي والثلاثون 31 - بقلم نور الشمس

حبايب عذروني البارت بدون مراجعه

واسفه ع التأخير خطاري طولو يلله راحوو ومكدرت انزل البارت قليل كملته يلله

البارت ٣١٥٠

ركاد ..

كان ابالي السعادة اخذتا يوم صارتلي محبوبتي وفعلا انا سعيد بس ماني مرتاح
من اول ايام وانا احاول احميها واساير امي الي جايبه بنت خالتي كل يوم تعرضها علي وانا بعيني اشوفا كيف تضايگ مرام
من اول ايام لما ادفعنها بعمد

كلوو في بالي امسجل متحمل واشوفا صابرة ومتحمله حته ماشكت لي

طبعا حببني فيها اكثر
تزوجتا وابالي الحب الو حدود املكت گلبي واخذتا وملكتا
اكتشفت بحبي لها يزيد يوم عن يوم  اشوف گلبي طوعا
احاول اعوضها المغثه الي تلاگيها من امي بكلام طييب اتغزل فيها واظهر اعجابي لها كل وكت وحين
اغركها بعواطفي واباها ترتاح يمي وتنسى كلشي
والحمدلله كانت اموري ماشية تمام

الين اليوم الي جات امي وكلمتني وحاولت توهمني انو مرام تتحرش بسجاد
او هم الاثنين مستغلين غيابي ع هالاساس وصلتلي الفكرة

هذا الي ماكدرت اتحمله
اول شي اخوي انا عندي غلاه غير سجاد صديگ ماهو اخو وبس
وثاني شي  حرمتي واثق منها واعرفا زين نعم التربية ماتساويها ولاتفكر فيها حته

حيل استصعبت الموضوع
والي زاد قهري  وخلاني اخذ قرار  الطلعه مهرة تعرف وامي مكلمتها وجاية اتوسط بينّا

خفت يسوولها مشكله ويكيدن الها واحتار مابين اخوي وحرمتي وانا عارف الاثنين وظامنهم

صار لازم اطلع ومهما صار مااتراجع عن هالخطوه
وطلعت واستقريت رغم فرحتي بزوجتي وانتظر منها طفل
وفرحتي بيها نورت بيتها

الا ان كلام ابوي يدگ براسي حرمني النوم
كيف كنت ظالموو گبل وكيف خذلتو الحين

وحتى امي انا اعرفها اكثر واحد من ولدها تهتملي وتكون اگرب لي ماادري ليه من تزوجت شدت معي ومع حرمتي رغم انا متعود ع طبايعها وكنت اسكت وسكتت اول زواجي بعد
لكن زادت وزاد لومها وضغطها ع الكل
مااعرف امي شو الي تبي ساعات احسها تبا والدي بس غرورها وكبريائها يمنعها تصب غضبها بغيرو

اليوم الي ثالث يوم في هالبيت رغم اليوم يلله حسيتوو بيتي والي اما نوور بوجود الحبيبه
مع هذا ظليت مثل الليلتين الي سبگنها عيني ماتاخذ نوم فكري يم اهلي
حته الجدة من يومين موصية اروح اجيبا من عمامي وانشغلت عنا
الحياة تشغلنا غصب عنا بعمري ماكنت اخلي ابالي اتأخر عن الجده يوم
عزمت الصبح اروح اجيبا
فكرت شو عذري منا واكيد ماتعبر عليها سالفة اطلع بدون سبب
تجي معي والا تزعل ع تأخيري وتركي للوالد

گطع صفنتي صوت خطوات مرام
كتلها روحي ارتاحي اعرفا تعبانه وحملها يتعبها ودوامها بعد

مارضت تروح وطلبت مني أسولف معها وافضفض لها
شو اگول وشنهو العذر الي اتعذرو بدال امي السكوت اولى
ماردتا تطول بالسؤال اخذتا ورحت لفراشنا نومتا بين اديا وماعرف كيف نمت

كعدت الصبح هي راحت الدواما والتعب باين عليها وانا رحت للمعارض خليتلا نسخ من المفاتيح
وطلعت للشغل للضهر اجاني سجاد بدلني ورحت اشوف ابوي وهالمرة شوفتي له غير ابا يعرف احساسي ومحبتوو شكبرها داخلي

عيوني كانت تنظرلو غير نظرات كل مرة
فرح بشوفتي وهالمرة امي اطلعتلي حبيتا براسا مانسيت دعوتها بس ماحبيت اعاتب ولا هي سهله كدام اهلي وربي افشل امي سلمت عليها وكني ماسامع شي

بس الكلمات تجرح ويظل جرحها في الداخل ماهو بسهوله يتعالج وان تعالج يظلو اثر
رحت منهم للجدة حاولت اعتذر منا لكيتا عارفه كل شي ماعاتبت بس كالت ماهي منك هالطلعه يولدي الله يفرحك بس لاتنسى ابوك المحنه ماتضعفها مسافة

ارتحت الكلامها رغم حسيت بي ملامه بالاول بس لو يعرفوني ليه اطلعت مالاموني

ردتا تجي معي البيتي مارضت وصلتا ورجعت للبيت
شفت الحبيبه زعلانه ومتضايكه سلمت وردت علي سلاما من طرف خشما

..شفيها الغلا مين الي مضايگها

..ركاد بدون هاي السوالف جوعانه وميشبعني هذا حچييك
اذا انت هيج مهتم الاهلك ومارايد فراكهم شكو اطلعت بيه

..خليت سويجي ع الطبلة ورحت اغير هدومي واهي تفتر معاي
وانا اغير جاوبتا

..ولو طلعت يعني انسا اهلي برايج ماهو كل وكتي معهم كنت في الشغل ورحت اشوفهم وبعدا جبت الجده عندهم

انتي ليه جوعانه وانا جهزت لج كل شي شو الي تبي اروح اجيبو بس لاتعصبين هذا ثاني يوم لنا خلينا هادين شوي شوي علي تراني تعبان مثلك وازود بعد 

..ماكتلك انسى اهلك اصلا طلعتك اني مارايدتها اضوج من الوحده واجيت اليوم من وكت وظاله بالساعات وحدي ماالي واهس أكل وحدي
حضرت اكل من اجيت من الدوام رغم تعبانه  وعبالي ناكل سوه بس انت اتأخرت

..ليه لا ناكل جهزي واتدللين ومرتن ثانيه كولي تعودي ع غيابي ممكن. كنت بشغل بيع والا شي تحرمين روحك الزاد يعني

..ظلت عيني عليه احسه يحجي ابرود واني معصبه مو وكته هذا الحجي
كتله انت صدك جوعان لو تجاملني

..والله حگ الله انا ماكل وشبعان بعد
بس شوفتج تفتح النفس وتخليني اكلك انتي معاهم

ضحكت وكوه واريد اكتم الضحكه بس طلعت

..اي ها هذ هوو اضحكي فديت عيونج لاتزعلي يبنت ماني حمل هالسوالف الله يشهد الي فيني كافيني خلينه مرتاحين

……………… ..

شووگ ..

فتحلي ايده ودخل رحت حضنته بكل قوتي
ابتعد عني ولزم وجهي بأيديه باس وجناتي وعيوني وارنبة خشمي

..شوو باوعيلي

ركز بعيوني زين
وكمل كلامه

..حمامتي اعصاب وماتتحمل شنو الي مرجف صوتج ومخليج اعصاب البارحه خليتيني ادور نزله بنص الليل

..سالفه ختولي المهم انت يمي هسه

ضحك وكال

..والأهم بهذا شكلج والفراش دافي

غمزلي بطرف عينه
اخجلت منه گتله

..يعني يومية انت تگلي تردين اجي تحجي صدك مو تشاقه يعني تكدر ومنتظر مني اكلك يلله

..لا مو اكدر بس لعيونج كلشي اسوي واذا ماحصلت اجازه مستعد اجيج وبعدها اتعاقب اتحمل اذا العقوبه اذا ع شي يستاهل مثل وجودي هسه يمج

جان يحجي ويغير ملابسه مبيين تعبان نعسان من الطريق

كتله

..بس لاجاي وراح تتعاقب

..لا دبرت مساعده يومين واجازتي عكبه يعني ابقى يمج عشر ايام

حيل فرحت ومن فرحتي انطلقت واني احاجي احسه مسوي كل هذا علمودي اجه بنص الليل واخذ اجازة وحاول كتله

..ياسر

..عيونه

..احبببك

گلتها واني احس بيها ودي اسمعه دكات كلبي شلونها
عيني عليه من سمع رفع راسه مامصدك وابتسم
قرب عليه شال شعري المتناثرة خصلاته
وبرقبتي من الخلف باسني وطول ابوسته اتحولت بوسته الأقوى حسيته اخذني بين ايديه وصار اشتياقنه ولهفتنه تتكلم بينه  أجسادنه وارواحنه  تلاگت

ثاني يوم الصبح كعد من وكت غسل وطلع العمتي الصبح تكعد طلعت وراه اني فرحت بشوفته حيل بس كل ماتتلاكه عيونه اني وياها احس نظراتها الي مو طبيعيه بيها سؤال
سمع صوت احمد كعد يريد يطلع الشغله
راحله هوه يسلم. عليه

ظلينه بس اني وياها عمتي كالت

..ولج شووگ كون كايلتله ع سالفة البارحه
ومخليته يجي انصاص الليالي ابد مامسويها

ارتبكت وسؤالها خوفني ونبهني الشي مو ابالي حجيته بساعة عصبية ونسيت

جاوبتها اريد ابعد نظراتها وشكوكها

..لا عمه ابد شنو السالفه

..عفيه بنيتي ولدي ابد ماادخلهم بهالسوالف وحگج تاخذينه مني بس اذا سمعت مسولفتله وهوه مايرضا ويعاتب اخو لو يعاركه لو يتجاوز ع مرت اخوو وتصير فتنه تخسرين محبتج عندي واني اكلج من الاخير ولدي لا انتي ولا الكبلج كدرن يغيرنهم
خليج وياي ولاتخسرين مثل الگبلج

..عزه بعيني كتلها ان شاءالله عمه اني مثل ماتردين

وبداخلي ادعي كون مايجيب طاري ياسر مااريده يدافعلي بس يجنبني الاحراج هسه ويتركني حته لو طايح حظي

اريد بس اني وياه ننفرد حته اوصي ماكو انشغلت بشغلي وهوه راح للسوك وكال اشوف اخواني وابو كميل ومصطفى يعني جوله خرب بحظي الا اليوم
تسويلك جوله صباحيه

كل مايجتمعون عمتي ويجيها واحد من ولدها الخوف يذبحني ذبح بس لاياسر شاكيلهم واجو حجو الامهم
انوب من دون. الايام كل شوي واحد جاي يصبح عليها

هذا كله والضهر بعده ماصاير

النهار هنا يمهم شطوله
اتذكرت امي سوده عليه تكومني الصبح تريدني اكعد واظل نايمه للظهاري بالعطل

هنا بالسبعه اني مسويه ريوك العمتي هذا قانونهم بس احسه حلوو النهار طويل وشاريد اسوي يكفيني

اجه ياسر بوقت الغده جنت اگلي الدجاج احمربي
راح للغرفة
طفيته ع السريع ورحت وراه
شفته رافع اردانه يريد يتوضى
حاچيته

..حبيبي يسوري 

رفع عيونه عليه وابتسم

..ترة ناوي اصلي هسه گولي وره هالكلمتين عندج شي لو هيج

..بس اريد منك شي وبالعافية صلي

..كولي محتاجه شي

..حباب مو تكل العمتي اني كتلك ع المشكلة

..هسه هاي ال حبيبي ويسوري خليتيني انسى شنو أكول بالوضوء ع هاي انتي

ضحكت لان شفته يضحك

كتله اي ع هاي

..ومنو كلج اني ناوي اكول اخاف انتي عبالج اروح اعاتب اخوي لو احاجي ميادة

اني اكتلج ابد لدخليني بهالسوالف
اني اخر واحد اتزوجت بالبيت وتقريبا صرت فاهم الاغلاط الي صارت قبلي واتجنبها
مدام الوالده موجوده وانتي ماشيه عدل ماينخاف عليج ومايحتاج ادخل لأن الامور تتعقد
هسه خليني اروح اصلي وليظل بالج
اكيد امي سألتج ع سبب جيتي حسيتها من. الصبح. منتظره مني شي بس اتصرفت عادي
بعدين ياحلوة انتن راح تعيشن عمر هنا
احمد حاله اقل واحد بينه مااعتقد يطلع ومرته تحاول تضغط عليه
واني لو ادري امي تكدر تعوف بيتها
اخذها واطلع اخليج يمها بغيابي
بس هيه مستحيل تعوف بيتها واني ناامدر اطلع بيج واني دوامي بعيد

يعني حضري نفسج الكلشي وهاي العصبيه مالها داعي خليج قوية اتعودي وسيطري ع اعصابج واعرفي شلون تاخذين حقج بدون قلة ادب

صفنت محتارة شحاجي هوه صح ومو صح
اني شلون. اصير قوية اذا هوه ميسندني بدون سند مااكدر اتصرف

ظليت صافنه فززني
گال

..هسه تخليني اتوكل ع الله واصلي وترحين تكملين شغلج
لو ناجلها واقفل الباب ونطلب العفوو من الله

فزيت وكيل ايدي ع يدة الباب كتله الله ينطيك العفوو بس عمتي شكلها وراح انصب غدة
ضحك بصوت وضحكت ع ضحكته

مر اليوم وعمتي رحعت طبيعيه وياي

…… ..

زينب طبيت الرابع وتقريبا صرت احسن اشوف نفسي جاي اتقبله بس مو مثل اول يعني هيج احس كوه
بس فرق هواي وصار عندي امل ارجع مثل اول واكثر

مرت يومين ومتماشيه وياه طبيعي من اجه من الزيارة رجعت اموري وياه تمام وهوه حيل فرح بالتغيير وكال هاي الله اتقبل دعائي الج والله كل دعائي الج مو الخاطر نفسي لأن حاسج تعلةبتي وصدكي من. اشوفج تعبانه نفسيتي تتعب احب اشوفج مرتاحه ولو جنت مييت تعب اشوف وجهج مرتاح وملكاج اليه مبيين راحتج يروح كل تعبي

واني صدك نفسيتي شويه صارت احسن حته وي هيثم اشاقه واضحك وهوه يكلي زين رجعتي وياي مثل اول مااجيتي كتله ليش اني شومت اتغيرت عليك اني احبك مثل اول واكثر

جاوبني بحزن حسيته اكبر من عمرة مرات احسه ضاب ويحجي مو طفل يحجي حجي كبار
كال اكلج خاف تمولين غيران واني منتظر لحظه لحظه يصير اخوي او اختي

ضيعت ملامح وجهي المتفاجأه بكلامه بضحكه
كتله لا مااكول عرف بيك اكثر واحد فرحان حته اكثر من بابا

ابسم وكال

والله من صرتي حامل اتغيرتي هواي وعبالي بعد متحبيني مثل قبل لان اجاج طفلج

..اخذته الحضني وهوه خجول ويتحسس السنة يروح للاول متوسط اباله هوه كبر

..حبيبي بالعكس اصير احبك اكثر واكثر لأن انت صديقي وراح تصير اخو ابني الجبير راح تعلمه وتصير اله اخ وبمنزلة اب لأن انت اكبر منه او صديق كبير شلون عمو مصطفى وياك

ابتسم بفرح

..شوكت تعرفين جنسه شنوو

..بابا اليوم ياخذني بس معاند ميريد يعرف شنو نوعه

..اني اقنعه واخلي يعرف

..انت وشطارتك بعد

رحت كملت شغلي وعمتي تريد تروح المرام تشوفها وتريد تخابرها وتتأكد زوجها طالع لان تستحي منه

كملت شغلي وعنتي راحت
وكعدت يم هيثم حجايته ظلت ابالي وصرت اراجع نفسي اخذت عهد ع نفسي بعد ابد ماانشغل عنه
اجه مصطفى وسال ع عمتي كتله يم مرام
اشوفه ظل يحوم ويروح ويرحع وره ساعه كال مااجت كتله لا تريد شي
شفته اتردد بجوابه حرك جبينه يدلكه وكال بتردد

خويه ولو اتعبج بس امي اتاخرت وماعندي وكت كلشي يصير خاف اروح ع غفله عاد بس اسلم واطلع بس جنطتي حضرت الملابس بس صار ساعه اريد اعرف ارتبهن ماجاي ترهم اجيبها منا ارجعها منا

كتله تدلل من عيوني

جابلياهم ورتبتهن كلهن احس كلبي وجعني عليه صار كم شهر من عشت وياهم رغم عصبيته بس اخلاقه عاليه كلش ولا مره خله عينه بعيني حته من يطلب شي او صدف والتقينه عيونه بالكاع
بس احسه غالي عليه
دعيتله بكلبي جاي اسد الجنطه واتذكرت
رحت جبتله قرءان صغير مني كتله هدية مني الك للحفظ اتضكرني وفرح بيه باسه وضمه بالجنطه وسدها
انتظر اهله وصدك كم ساعه واتصلوو عليه العصر كلش طلع شفت دموع عمتي ماكدرت اخفي دموعي
كال سلمولي ع مرام وكلولها ماردت اضوج واضوجها ابقى وياها ع التليفون وجنه ممتوادعين احسن
خسيه من خابرتها وكتلها اتكأبت
المغرب بضوجتنه طلعنه للطبيبه زميلة وي كميل
دخل وياي
كالتله كلشي طبيعي يحجون انكليزي وصرت اطرض بالزفه هسه اعرف انتو اطباء بس مو وكتها ابد اريد افهم

ايست اسأل ع الطفل شنوو جنسه لان هوه مايريد يعرف بس شو صدفه كلها حاولي تعرفيلي جنسه اذا بيين عندج

ضحكت الطبيبه كالتله واضح كلش ولد مبروك دكتور ربي يتمم بخير ويوم اباركلك بسلامته وسلامة امه اتشكرها

واني دكات كلبي صارت الف
احس الفرحه الي ابداخلي متنوصف
اباوع بعيونه نفس الفرحه

عرفت هيثم محاجي ماردت اكله وابينله ولاهوه جاب ذاري ماكتله ليش غيرت رأيك اخاف ياخذها بغير قصد

جنت حيل فرحانه وحته الشارع الطريق اباوع واقرا اللافتات بفرح وابتسامة ناسيه الدنيا والناس وكلشي احس الله عوضني

حسيت ع ايده لمست ايدي بابتسامه وعيونه تلمع كال

..مبروك حبيبتي اشوفج فرحانه جان يفرق عندج اذا ولد لو بنت لو تفس الفرحه اشوف فرحتج اكثر

..لا والله الف الحمدلله المهم سلامته اي شي يجي بس مااخفيك فرحتي بي تختلف احس الله عوضني اني من وعيت فاقدة اب ومحرومه من اخ احس الله عوضني بالولد وراح يصير عندي سند لا اب لا اخ
اعندي الف الحمدللة

..اني وين رحت متعرفين غلاج عندي كلشي اصير الج اب اخ حته طفل ياريت اذا الاخيره هسه من اوصل اطبقها لأن تعبان واريد ادلل

ضحكت ومن بين. ضحكاتي نزلت دموعي

..انت حبيبي

باوعلي بنظرة احسها غيرت دمات گلبي

گال

..الله يقدرني بس حته اسعدج واشوف الفرحه دوم بعينج وثغرج واكدر اغنيج عن كل شخص تحتاجيه

غمضت ومااريد احساسي هذا يختفي

وصلنه للبيت الوجوه بعدهي كئيبة ع التحاق مصطفى وعمي اتصل بياسر يشوف جماعته بمركز الدريب يوصون عليه خاف يطلب مكان خطر كلشي يسوي مصطفى
ياسر كله لتخاف اني وراه

هيثم يباوعلنه يريد جواب ضحك كميل ونزع سترته واتقربله بس حجه بصوت عالي استحيت وردت اروح بس صوت عمتي وكفتني كالت

ها عمه شلونج شكالتلج الطبيبه

..الحمدلله عمه احسن

كمل كلامه كميل وي هيثم وكال

..تريد تعرف شنو الجايك اختارلك اسم انت وخالتك اتفقو عليه سوولكم قرعه بكيفكم اختاروو اسم ولد حلوو

ضحك هيثم بصوت عالي وعمي فرح وعمتي باركولنه واني حيل اخجلت ورحت الغرفتي
اجه كميل اتمدد
بدلت واتمكيجت مكياج خفيف
واتمددت يمه

ضحك گال

..ولج بعدج مامتقبلتني كلش جاي اشوف النفس كوه تسحبي اتتقيدين بيه اخذي راحتج

..صح الريحه مو بيدي بس اشتاقلك ومااكدر اعوفك اصلا انت قيدتني غصبا عني

..زين خلي كمامه واتنفسي طبيعي مو من يمي اختنمت وتعالي بحضني اشوفج شكد تتحملين تتقيدين

لبستها وصرت بحضنه احاول اعوضه الايام الراحت مد ماامدر اشوفه يفرح بيه ويرتاح بس الي يضوجني ويخلي الشك يدخل بقلبي من اصير بين اديه وملكه ابد مينطق حرف ميحاجيني ابد ولا كلمه يمولها يخليني اتخيل باله مو يمي رغم افعاله تثبت العكس

ثاني يوم اجونه نسوان عمه وحجن بالزيارة وشلون كميل دةاستغلها دعاء وزياره مصوراته ومشن بالمقاطع الحد المقابر وشفت شلون كميل حاضن قبرها وي النعاوي وشلون بجي يبجي احس روحي اختنكت وحسيت مرت عمه برير متعمده شوفتني المقطع ومااعرف غايتها شنوو
انتبهت الها عمتي وكومتني عنها كالت روحي ارتاحي اذا تردين عمه انتي تعبانه الكعده هاي مو زينه عليج والنعاوي تضيك خلكج واننةتي حامل ووجهت كلامها المرت برير كالتلها المن مطلعتهن النه اني رحت وياجن وزينب مايصلح تشوف حامل وتضوج وتنغث
مااتحملت رحت الغرفتي ونار بصدري احس ضاع الهوة عليه حته من طلعن ماطلعت طفيت الضوه وغطيت نفسي ونمت مو نمت ادعيت اني نايمة اجت عمتي رادت اتعشه كتلها مااشتهي تعبانه وظهري يوجعني

وره نص ساعه حسيت الباب انفتحت والضوة غمضت اكر واني ماادري اكرهه احبه شنو احساسي ماادري اضوج منه اضوج عليه

يكلي مااعرف اعبر اني افعالي الج تثبت
زين البجي والانهيار هذا مو تعبير
مااريد افعال صح افعاله الي تثبت بس صرت عكس الناس اريد اقوال اريد احس بيه حته لو جذب خل يجذبعليه بس اريد يبينلي حبه صرت احسدها ع حبه واكول الف هنيالج

اتغطيت وبينت نفسي نايمة
حسيت ايده لمست كصتي
حاجاني

..زينب زينب مريضه انتي شبيج شعجب نايمة

ماحاجيته غطاني اكثر وطلع

ماادري عمتي كالتله لو لا بس متاكده متكول لان متحب تدخل

اجه اتمدد يمي نص ساعه افكوةر صار هدوء يعني نام

خليت ايدي ع حلكي وبجيت وكوه كاتمة انفاسي
بس صارت شهكاتي تعله غصب عني

حضني وحاول يديرني عليه مادرت شنجت نفسي رافضه

..شبيج يوجعج شي

كالها باهتمام

طكت روحي وسألته

..كميل بعدك تحبها

اتحسر وگال

..شنو لزمت هالسوال هسه وشجابها ع بالج

..بجيت بصوت اعلى وصرت مااهتم ع شنو كاتمه انفاسي واذا عرف يهتم هوه قابل يحبني

دارني عليه غصب عني مسح دموعي وگال

..هيه ميتة ترحميلها متجوزلها غير الرحمة اذا احبها واذا لا بشنو مأثرة عليج بعدين تغارين من يمتة انتي عبالي اعقل من هيج

بجيت بصوت اعلى كتله شفتك شلون تبجي عليها اتمنيتها بقت عايشه وهسه انت وهيه مرتاحين
اتمنيت اني المية مكانها جنت فارله ماعندي شي جان هسه مرتاحه

..ششش لتجيبين سيرة الموت انني شنو شفتي من حياتج وهذا ال الله ماتبه النه كلنه يمعوده شحصلت من حبي هيه
جانت مثل بجيج هذا تبجي وكل ظنها اني نايم جانت تبجي لأن مجبوره
بس للاسف احبها ومابطلت احبها لان اعرف ماعدها شي بس متحب تنجبر ع شي واهلها جبروها  ولو ادري هيه مجبوره والله مااتزوجها وسويتها بعد الزواج من شفتها متأذيه ابتعدت عنها وهيه بنفسها طلبت نبدي حياتنه من جديد وننطي البعض فرص بس الحياة ماانطتنه
الله يرحمها احبها بس هدا مايمنع حبي الج
ولهفتي الج غير

دفعته عن ووخرت عن حضنه بقوة اريد اطلع الي بكلبي كله مدام حجه كلشي ومامهتم المشاعري

اشرتله باصبعي وعيوني احسها تريد تطلع

..لتكلي احبج دير بالك

..شجاج بهالليل احبج والله مامجبور اجذب بس احجي صدك

..ياحب وانت من تقترباي تخرس عبالك حته كلمه ماتنطق امبيين مو وياي اصلا بس اني ثوله

كعد الحيلة وبعصبيه حجه

..شوفي تره اني عاذرج بس هذا كلامج فمري بي يلله تحجي اكثر من مرة كتلج مستحيل تكونين انتي بين ايدي وافكر بغيرح افتحي عقلج وافهمي كافي عاد

مااحجي لان اني رجال امشي بدين الله ميجوز الكلام  والنبي ص موصي بهالشي واذا اتكلمت. والله قضا بهالليله ولد ممكن يكون اخرس

والهذا اني امشي بتعاليم ديني مو معناها اني فكري مو يمج. مشكلتج اذا هذا مجيم وميفكر صح مشكلتج اذا متعرفين لهفتي وياج وتصرفاتي الا كلام تردين

نفخ الهوة وكال استغفر الله ربي واتوب اليك يارب رحمتك

هذي اخر مرة اكلج بيها اني وياج فكري..  واحبج وغالية عليه الله يشهد وكل همي اسعدج
خلي علاقتي بيج وافصليها عن الباقي
المرحومة لتفكرين بيها والبيني وبينها شي خاص بيه
مراح تاثر عليج بشي وحبي اذية الها مو اكثر
لا اني حصلت ولا هية شيليها من بالج وخلي حياتنه صافيه جاينه ولد وعندي ولد منها اريدج تصيرين ام للاثنين

اتنفست واحس صدري يصعد وينزل وايدي واطرافي ترجف اخذني الحضنه وباس راسي وطول حسيته يشم بيه

گال انتي اعصابج تعبانه مبيين

كعد كعده ع السرير وربع رجلي كلي خلي راسج هنا
خليته بدون شعور

صار يسويلي مساج الحد ماغفيت
حسيته من خله راسي ع المخده من نمت باسني بجبيني
كعدت الصبح هوه ماموجود

……

مرام ..

تقريبا اسبوع رجع ركاد طبيعي بس هوه الصبح كله بالشغل يجي يتغده ويروح الاهله ويروح مناك للمعرض يجي المغرب بغيابه ادرس انظف البيت اشغل نفسي ومن يجي نتابع تلفزيون سوه تحجي يومنه والي صار ويانه مرات اتعب ويعتني بيه
الحمدلله صرت واثقه من حبه والي سواه الراحتي لأن هواي ارتاحيت
ميثه تجيني بين يوم ويوم جراح يجيبها ويرحع عليها ياخذها
صرت اتفنن بيها حته طبعات اطبع الها وهيه تفرح واني احس مسوية انجاز بتغييرها وتغيير حياتها تكول جراح حيل اتغيير وياي وصار يحب يخلق وقته بالبيت قلل سفراته يشتريلي يهتم بيه
بيوم العصر اندك الباب ابالي ركاد اجه

فتحت الباب واتفاجأت بجية الجده
جايبها اياد ووياها هند فرحت بجيتها وابالي شعجب هند جايه

يتبع ..