رواية عشق البدوي الفصل الثاني والثلاثون 32 - بقلم نور الشمس

ألزلن ألساني ولسانك

ألزعل عوفه أعله صفحة

شنهو ذنب گلوبنة

……………………………

فتحت الباب الجدة وهند صارن گبالي
مابينت صدمتي ابتسمتلهن وسلمت عليهن سلام يليق باهل زوجي والبيت هذا مدام بيته بيتهم
اني اعرف الاصول وهالسوالف شلون تأثر  من حبوبه دائما تكول نص الضيافه الملگه الزاد والعزوبيه بدون ملگه حلوو ووجه يضحك مايفيد ولايريح الضيف

بست الجدة براسها همه هيج متعودين وهيه تحبني واني احبها ماغثتني ابد بالعكس جانت تسندني بس من راحت فترة الولدها ظليت وحدي محد يدافعلي بس يحبوني ام سجاد وولدها وعمي وبيت جواح بس عمتي وعذاري هند ماخذه دور المتفرج ماالها علاقة

گتلها بابتسامة

.. نور البيت بوجودج وطبتله البركه
هيج وخلينه نشوفج من زمان

ورحت الهند بوستها وهيه مرتبكه وخجلانه
ماترفع عينها
فوتتهن للبيت توني مكمله تنظيفه ومخليه جدري ع النار اطبخ بس طبخ مال نفرين شويه
نصيت النار  وذبيت صايتي لبستها لان طلعن افتح الباب لابسه قصير
بقيت بثوبي القصير مكياج مخلية اليوم جمعه ركاد يجي من وكت وثوبي اعوفه اعرفها تحب هالسوالف وترتاح ع حفيدها تشوفه مرتاح عشت يمهن صح قليل بس عرفتهن يحبن وحده دوم مهتمه بنفسها بس بيهن طبع ميعلمن يقلدن وهذا الكره ميثه بسوالفهن كامت تسوي عكسهن

رحت يمهن
فرشت افراش للجدة بالكاع ماترتاح الا تتمدد
لو تخلي مخاد وره ظهرها

جبتلهن مي وعصير قدمت
وكلت الهند لاتتقيدين البيت بيتج كومي شوفي البيت
كالت هسه اني وياج نشوف

راسلت ركاد كوه تتخبل الحجيه من التليفونات من. تشوفنه لازمينه 
كتله اجونه الجده وهند جيب وياك اكل من. بره وسوي للجده سمك شوي فاهي خاف ماتاكل مالح
دزلي

ياهلا فيهن

تم انتي لاتساوي شي خلج معهن

رديتله ان شاءالله

جدورتي اصلا مكمله رحت. طفيتهن
ورجعت سألتني الجدة

مرتاحين كتلها الحمدلله مرتاحين
حاولت تفهم السبب الخلانه نطلع بس بدون متطلب بشكل صريح اني ماعندي شي اوضحه اني اصلا مااعرف سويت مثلها وصلتلها الجواب بغير طرق انو اني ماادري السبب

اقل الساعه واجه ركاد اشووف الفرحة الي بوجهه غير..  ترس المطبخ مسواگ ومن الباب صاح

..ياهلا وسهلا
توو نور الدار ..عز الله گلبي ابتشر
الغالية جايتني برجولها

راح يمها نصه عليها باس راسها وايدها

..فديتج بروحي يجده وش اساويلك اليوم
والله لوني اعلم بجيتك لذبحلك ذبيحه

بس ماعليه بتنذبحلج ماانتي طالعه اليوم لاتفكرين برده

ضحكت وهيه تباوعله فرحانه تبوس بوجهه 

بعدها انتبه الهند

..ياهلا بهنادي رويحة خويج كيف احوالج  نورتي داري وتراهي دارج بعد خذي راحتج وذبي العليك ليه لابستهم.

ذبت صايتها وحجابها من حاجاها عبالك اجاها الفرج جانت متقيده
دار عليه وكال جهزي الغده الجده تاخذ دواها بعد ساعه
ماترهم نأخرها

كتله صار

كامت هند تريد تساعدني

..گلها خلج ريحي يخوچ يجيكم جاهز

حسيتها تقيدت بالزايد كتله جان خليتها

..لاه انا معاج اساعدج جهزي وانا اشيل
اول يوم لها جايه مو مال نشغلها

..براحتك اني مو عن شي بس خاف تتحسس ويصير ابالها

..لا تعرفني اريدها ترتاح اول جيتها علينه

الا اكول الجدة حجت يمج شي

..لا حجي عادي

..زين ..اجل عطيني الصحون عنج

..خليني اخذ السفره افرشها

اخذت السفرة فرشتها

وهوه جايب اكل هواي خير من الله فرحت
بيبيته من شافتنه مرتاحين ونضحك ونسولف وياها وي هند اكو كلمات جانت تكولها عني الركاد عبالها ماافهم لهجتهم بس اني فاهمتها واعرفها مابينت عرفت بس ركاد جان يضحك گلها

..تراهي اعرفت كل شي ماتخفي عليها خافية

ضحكت هيه وگالت

..وانا ماگلت شي گلت لك  خلتك ماتشوف دربك

ابتسمت وابالي اعرف كلامها امبطن

عاد وره الجاي هيه حاجته

..ليه يجده تركت بيت اهلك ليه تخلي ابوك واخوانك شو عذرك للطلعه

باوعلي وابتسم اشرلها عليه

..هالزين كلوو مايستاهل اطلع لجلوو
ماني ناسيهم ولاني گاطع عنهم وانتي تدرين كل يوم انا امرهم
لكن يجده هي تخاف الله وتحلل وتحرم وهالشي مزيد غلاها حبتين عندي

قاطعت كلامه بضحكه وگالتله

..حبتين وبس

علت ضحكاته بصوت قليل اسمعه هيج يضحك

..حبتين لكن گد الشمس والگمر

..يجده حرمتك ادخلت گلبي الله يشهد ماني كارهتهه بس انا كتلك من گبل لغريبه تغربك وماجذبت

..حشاچ يجده ..بس حرمتي ماهي من الي يغربن ولا انا الي تغربني حرمه
الغربه ذيج ماغربتني ونستني هلي

كتلج البنت تستحرم وانا اباها طول الوكت متزينه  واشوف زينها ومحاسنها ماحرام هالزبد يتغطه يوم كامل

حجاها بضحكه گالتلة

..وليه مااتزينلك لو كنت جنب اهلك؟ السالفه غير يولدي

..لاغير ولا شي اتزينلي يوم ادخل حجرتي اجل انا بحجرتي شو اساوي بزينها اباها اتزيين گبل وبحجرتي نسمي وندخل بالمضمون ماهيج والا لا

..ماعدت تخجل  انت ..ماعبرت علي ولاصدگت لكن يولدي حگك ومهنا بمزيونتك ومهنايه فيك

..يسلمج الله يجدة..  وان ماأعبرت انتي افهمي الي بالگلب تجرح خلها تجرح فيني بسكات ولاتفضح خلها يجدة  مو لازم تعرفيها

المهم انا مرتاح وادريچ تهمج راحتي وانا فرحان فيك واليوم ماتطلعين

..لي طلبة يمك

..انتي تامرين ماتطلبين

..يومين بعد حنة خويتك عذاري

..ادري يجدة

..حرمتك تاجي وانا طالبتها منك 

..لايجدة تعذريني لو طلبتي روحي اعطيك.. لكن حرمتي  ماتروح ٩ الگاطعه اني لو مكانهم هم هيج اكول
باوعتله بنظرة استفهام اتجاهل نظرتي وكمل ووجهلي الكلام

..عذرها معها يجده اسأليها گبل يومين كنه عند الطبيبه وكالت لا اتحرك ولاتتعب عمرها وانا اعرفها لو راحت تنسه عمره وتاذي روحها والي ابطنها ماتروح احسن لها وانا گلبي يتطمن

باوعتله متعجبه رحت للطبيبه كالت كلشي طبيعي
شبي ركاد احسه متقصدني احسه يريد يبعدني

اوو ومايبعدني شنو يعني اهلي لو اهله
بس ليش
هاي الليش اخذت هواي من فكري وقلقت راحتي
ماانتبهت شكالتله ولا هوه شحجه بعد فصلت

للعصر كالت اروح حاول يأخرها مااقتنعت وكالت الي
عينج عليه وخلي بالج من عمرج يجدة
وانا اعاود عليكم ماني كاطعه

فرحت معناها مو كارهتني بعد مثل ماهية

رجعت الغرفتي وابالي مية فكره
هوه اجه وراي عينه علية حاس بيه

كتله ليش ماتخليني اروح اريد افهم مو علمود شي

..مو لازم تفهمي مااباك ترحين وخلص شو ياثر عليكي اذا مادخلتي بيت هلي ماياثر شي
لو مانعك من اهلك اجل شو تساوين

..تره مثل ماگلت اهلك همه ليش مانعني والناس اذا سألت كرايبكم

..مايهموني روحه لهناك مافي لا اليوم ولا بكرا ولا بعدوو ولا بعد سنه ولا عشر اسنين

انصدمت من كلامه

..صدگ تحجي

..اجل اكذب ..مافي روحه انا كلي لچ وبين گلبج واديج وشلج في هلي

..براحتك انت اعرف اني ماجاي افهم بس مثل ماكلت همه اهلك انت وياهم تتصافون

..امبلا هذ هو الصح

مرت ايام واني وياه احل ايام عايشه واحلى دلال وحته موضوع اهله نسيته شعليه بي هوه هم مايدخل الاهلي من الباب ويرجع خاص بعد التحاق مصطفى بس يتواصل وياه ع التليفون ع طول
دخلت الشهر الثالث وبدت اصعب ايام عندي
اتذكرت بيوم عرس عذاري تعبانه وحته المي الاشربه ذبيته كلت الحمدلله مارحت
بس وحدي لا اكدر اكل ولا اكدر اشرب شي الدوخه موتتني المغرب وصلت بيه حاله اتمددت اباب الحمام
الحد ماارتاحيت نمت بالصاله
ماكدر اروح للغرفه اخاف الباب تندك ومااسمع
ماادري شكد نمت بس الوكت متأخر
حسيت بحركه وخطواته قربت عرفته هوه
اريد افتح عيوني ارفع راسي احاجي مااكدر احس عبالك باقيلي شويه وادخل غيبوبة
سمعت اسمي بصوته طردت النعاس والنحول كوه
ابتسمت اله بتعب رغم كبل ساعات حقدت عليه خلاني هالكد وحدي
گال

..مرام شفيك يالحبيبة

..ركاد فدوه تعبانه مااكدر افتح عيني جاي ادوخ

..ماماكله شي ماتجوزين

طلعلي بطل لبن مالح شربت شويه منه بقه يمي احس شويه الدوخه خفت بس تعب مو طبيعي احس بي من كد متقيأت

كال شفيج متغيره ساعات خليتك مثل الورد
كتله تعبت شويه

ثاني يوم رحت للطبيبه انطتني علاج

وظليت اراجع كل شهر وحياتي مثل ماهيه واحلى
كل يوم انام واخر شي اسمعه احلى كلام منه
واكعد ع غزل احلى كلشي حلوو ماعده روحاته الاهله وعلاقته الي ماجن اكوو شي بينهم واني الي مانعني من كلشي يخصهم مناسبات اعراس حته عمامه بس هوه يواصل ويروح
بس الي تغيير عمي وجراح صارو يجون وحته لو ركاد نوحود او لا يجون يسلمون عليه واخاف محتاجه شي ويرحون واكثر جيات جراح وياه ميثه وعبود

بشهر السادس بالحمل

صارت  الامتحانات وانشغلت حته الاهلي مارحت
وهوه مثل كل يوم يروح الشغله واهله ويجي بس بالساعات اليجيني يعوضني عن الدنيا كلها
ايام المراجعه بسرعه خلصن
امتحنت ولازم اخلص واروح مرحله ثانيه
وخلصت اول يومين عطله نوم وراحه بعدها رحت الاهلي بعد جية مصطفى بيوم
ركاد وصلني وراح الأهله

خابرتني ميثه كتلها اني يم اهلي كالت عبالي اجيكم باجر نمرلكم اذا موجودين فرحت بيها صدك اريد احد يجيني البيتي مليت من الوحدة امي تستحي من ركاد رغم يفرح بجيتها
ويوميه تسالني ليش مايوديج الاهله اذا همه متصالحين وليش امه ماتجيكم
واتعذر باعذار ماتقنع احد

واني عند اهلي خابرتني شووگ
وحبوبه حاجتني منها كتلها راح اجيكم

خابرت ركاد كال روحي بس لو مافي احد يوصلج انا اجيك اخذك

كتله لا امي تروح واروح وياها وكميل قبل لايروح العيادته يوصلنه
وصدك وصلنه وراح

مشتاقه الحبوبه وشووگ بس مو بكد عمي ياسر بوكتها اليوم نازل من الدوام وشووك مبينه الفرحه عليها
وصار ع زواجهم كم شهر وحمل ماكو بس هيه قلقه وهوه مامهتم يكلها بعد وكت لاتستعجلين

فرح بيه عمو ياسر ويضحك عليه لان بطني شويه بارزه

يكول والله وكو مرام كبرت وراح تصير ام
كاعد يحضرون الاكل وهوه جاب من بره هم رحت اساعدهم
ومرت عمي احمد كل شويه وكالت

فدوه البناتنه شلون نسوان بسرعه حبلت ماطولتي شهر باقيلج تلث اشهر وان شاءالله ابنج بحضنج

حاولت ابعد الموضوع لان شوگ اتحسست كتلها مو ابني بنتي ان شاءالله بيه بنيه اني

..الحمدلله بنيه ولد المهم حبلتي غيرج يتمنن ريحة الحمل
شووگ شوفي بناتنه شلون بسرعه حبلت الزود البناتنه

شوگ ردت عليها بضحكه رافعه حاجبها

..الزود الابنه عيوني الله يتمم فرحته ان شاءالله وتجي البنوته كون طالعه ع عمتها الي هيه اني

..ضحكت ع ردها وكتلها ان شاءالله تطلع عليج

رجعت ميادة كالت شنو قصدج
عود الزود بابنكم وحبلت بسرعه تقصدين ياسر انتي

بسرعه حاجيتها اني خفت حبوبه تجي وتتخبل اذا سمعت منابزهن

كتلها

..ضنو السالفه عمه شبيج منو جاب طاري
بعدني جاي احجي وسمعت صووت

شوووگ تعاي بسرعه هناا

بس ياصوت صاح عمي بأعلى صوته بحيث ذبينه الي بادينه من الرعبه
ردت اروح كالتلي شووك لا ترحين يمه ديري بالج ظلي هنا اني اروح اكيد سمع

.....

شووك..

رحت للغرفه مخليه ايدي ع گلبي واحس الهوه جاي يقل ماادري ليش اتنفس بصعوبه يمكن مو بس خوف  منه خفت لايكون فاهم غلط وسمع الاخيره وفسرها بغير شي

دخلت وكوه شجعت نفسي وحجيت رغم مبين اني امثل الهدوء كتله

..حبيبي صحتني ..واني بكلبي اكول لا ابد بس صوته فطر الحياطين ماصاحني اصلا

..شووگ روحي وي منار البيت اخوج

..هاا

..مثل ماسمعتي

..شنوو مافهمت

..روحي البيت اخوج

..شسويت

..بدون نقاش روحي البيت اخوج وي مرام

..تطردني ياسر انت مافهمت شي

..باوعي كوة لازم روحي اني فاهم كلشي وماطاردج اني روحي وبعدين نتفاهم

..نزلت دموعي وافكر شحجي شكول راح تتشمت بيه ميادة صار اشهر متحملتها ومتحمله كلشي هاي تاليها
كتله اروح بس ماارجع بعد والله

..لاتحجين حجي زايد انلصمي وروحي اني اتصرف بعدين مو البيت اهلج البيت اخوج

اخذت بس عباتي رحت المنار

خابريلي ركاد

دموعي تنزل اربعه اربعه اريد اسيطر مااكدر

لطمت صدرها منار

..عزه شتردين منه شبيج ولج الله عليج اصبري اني احاجي عمي اني اروحله
جاي احجي واسمع الكزاز يتكسر
بغرفة عمي عزه بعيني لو مجايه احس بطني اتقلصت من الخوب امي وحبوبه اجن ع الصوت
وي صوت الكزاز انهارت شووگ خابريلي ركاد بسرعه

احتاريت شاكله
خابرته كتله بطني تاذيني تعال اخذني ارتبك
وكال جايج الحين

شويه واجه صعدت اني وشوك ويانه

كال ياهلا فيج يخيتي كل الهلا

حسيته حس عليها من عيونها بس ماسألها طول الطريق عين الها وعين اليه
يريد يفهم وصل كال فرشيلها وخلج جنبها لين ترتاح والحكيني ابا افهم كل شي

راح للغرفه
كتلها شصار شكوو

..شحجيلج وحدة اثنين مليت وتعبت واتحملت وهاي نتيجتها ياسر يحلم ارجعله بعد

..هوه شكوو غير افهم اخوج يريد يسأل شكله هسه

..كليله الصار

رحت وگلبي يدك خايفه خجلانه وكل شعور مو حلو بيه
لكيته يهز رجله وحته غترته ماذابها عيونه يحجن عن العصبيه الي بداخله

كال

..شو الي صار

..مااعرف ماكو شي اصلا موضوع تافه ماينحجي

..كوليه  خليني اسمعه شموضوعه هذا الي يخليها تطلع من بيت رجالها وعيونه مليانه دموع

..ماكو شي جنه نحجي ومرت عمي كالت بتنه بسرعه حبلت عابنها سباعيه وهيج سوالف نسوان

..ايه وتزامط شووگ ابنتهم هي ؟ مادريت رزگ الله يتزامط   فيه

تعاركت شوك معاها

..لا بس گالت الزود يرجع الابنه

عشتن والله واعيات چثير

وبعدا شو صار

..ماادري بعد عمي صاحها الشاهر سمعها واجت كالت خلي نروح خابري ركاد

..يصير خير

جهزي عشه وكولن. انتي وهي
وخلها تناديني ماتنام الا وانا عارف كل شي

…

شووگ ..

اتذكرت ايامي وياه اخلصها شكغل تعب ركض بس حته يكولوت مرت ياسر زينه وماتكسر حجايته وماريد احد يتعرضله بحجايه

بس حته يكولون مؤدبه وبنت اصول اسمع واغلس
اتحمل اعصابه

تذكرت بيوم الاجه علمودي وطلب اجازة

فرحت بي ومكيفه ومدللني اسبوع كامل

اني وهوه مرتاحين متونسين
بيوم طبختله برياني كلت العمتي اني اسويله غداه تقديرا مني اله

كملته ع حسب الاصول ومن. خوفي وقلقي منه لبست كفوف وحجاب حته متوكع شعراية مني
وكل شويه مياده تكلي هسه تعبج يروح هيج مايعجبه العجب رجلج

بعد جاي تحجي
ودخل هوه مبتسم

..يابه الريحه جابتني اشوف اليوم. مريتي شمبدعه

ضحكت واحس ميادة انضربت ع حلكها

كتله

..اسويلك. كلشي يعجبك بعد

وكف قريب عليه خله مياده تطلع ماادري شعجب حست بنظراته وراحت اتصورت ماعدها احساس

وكف قريب وحجزني

..ياسر اريد اتحرك

..منوو لازمج اتحركي

..بس انطيني مجال شويه

ضحك وكال

..الشويه تاخذ منج هواي

ابتسمت واحس وجهي اشتعل نار

حباب شويه وخر

..قرب عليه باسني وراح
خربط وضعيتي كلها افكر بي وبحبه مبتسمه دخلت عليه مياده فاتحه عيونها عليه بغضب
مااهتميت الها فرحتي ماانطيها الاحد

صار الاكل وصبيتله احمد بيومها بشغله مااجه ومرته صبت الها والجهالها قبلنه

خليت الاكل
مد ايده اول لكمه وطلعله مو شعرايه وحدة

مجموعة شعر ملفوفه بي قلبل كلش
شاله بيده سكت بس باوعلي
واجه يذبهن

عمتي كالتله عوف هذا ماعونك اخذ هذا بيدها ماعون
جان. طبيعي بس لعبانه روحه مبيبن

باوعتله هذا الشعر بي لون عبالك خصل امييشه اني شعري ع طبيعته ماخلاني اصبغه لو اخصله

كتله والله مو شاري هذا شوفه مخصل
شفت عمتي عضتلي شفتها بخفه
بعد ممكله ملامي لااكدر اكمل لااتراجع شال الماعون جفه التمن بالسفرة وضرب الماعون بالحايط وبعده شكو شي كدامه
كام من الاكل وهوه يغلط ويحجي

نظفت المكان ودموعي تجري اول مرة اشوفه هيج

رحت الغرفتي وماطلعت منها وهوه مااجه الا بالليل

سويت روحي نايمه   اجه يمي حضني حيل
بحيت بصوت عالي ماكدرت امثل صح
باسني ومسح دموعي

كال مو عليج اني ادري الشعر مخليته متعمده اني ماجنت منتبه عبالي شعرج كلت اذبه واكل من غير ماعون. تمن بس من كلتيلي مصبوغ مو الي ركزت بي وعرفت
هبه خبيثه شسويلها يعني اطلع قهري بالمواعين ورزلتها وحجيت وافتهمت كلامي عليها
بس انتي مافهمتي

كتله صارت بوجهي واتشمتت بيه هيه شيفيد هذا حجيك

اخذ وجهي بين اديه وباسه

..وهذا وجهج الحلوو واعتذرنه منه وهيه خليها تولي اتجاهليها

..ليش ماتتجهالها انت

..اني مو زين لازم اعصابي عنها والله مامو طاقه للصبر كلها استنزفتها عليها ضسوي مااريد اخسر اخوي

رجعت من ذاكرتي الحالي هذا ماتخسر اخوك بس تخسرني بسيطه ياسر بعدك ماتعرفني والله

اجت مرام كالت املي مااريد اكل كتلها مااشتهي كالت ركاد يريدج رحتله
مبيين عصبي بس هوه حته بعصبيته هادئ يضبط اعصابه هواي اتمنيت شويه من عده اخذ

كال تعالي جنبي وسولفيلي شصار

..كتله سالفه عادي

..لا مهي بعاديه بس ماتستاهل يزتك الهلك

..كال لاترحين الاهلج روحي البيت اخوج وي مرام

..ويتشرط بعد ليه ماترحين الهلج الا اذا كان مامزعلج يبي ترتاحين

..ماادري بس بعد ماارجع

حجيتله كل المشاكل كال بسيطه ماكو رده الا ويلكالج حل

وتكعدين هان معززه مكرمه وشحده الي يگولك ع عينج حاجب

هديتها وخابرته

..مولاي كيف حالك

..يا هلا الله يسلمك ويحفظك الحمدلله

..ماني متصل هالوكت حته انشد ع حالك وبس خليني اخذ راحتي بالكلام انا صريح واجيك من الاخير مااعرف الف وادور

شو غلط خويتي لحتا تكلا روحي بيت اخوج لحتا اعرف شغلي معا وادبها

..لا حشاها من الغلط ماغلطانه ومودبة والنعم منها

ركاد هالنوضوع مو مال تليفرن اجيك ويصير خير وديتها ترتاح يمكم كم يوم واخذها

..وهذي الاصول برايك اتوديها ترتاح تكولها روحي بيت اخوج وتخابر اخوها وهي ابيتك وتطلعلو دنوعا تجري وانت لاطلعت معا لا وصيتو فيها

شو الذتب الي اذنبتوو

الي يبعث حرمتو ترتاح

يمون معها مرضيها مطييب خاطرها وتروح اهلها وجهه مرتاح وتطلب راحة بدنها
هذي الاصول والا لا

..حقك كلشي تموله حقك هسه الوكت متاخر اجيك باجر ونتفاهم

يتبع..

مقتطفات من البارت الجاي 🌹🌹🌹

مرام..

جاي ارضع ابنتي الي متعبتني وحارمتني النوم اني وابوها رغم ياخذها عني الفجر حته الحك انام قبل الدوام يساعدني بيها
منتظرة هالايام تصير احسن لان الطبيب كال ٦ اشهر ويروح المغص الولادي منها
وعدنه خطار خوات ركاد تلاثتهن

منتظره الاكل يتهدر وانوم بنتي واروح يمهن

نامت ورحت اطفي النار عن الاكل

واسمع عذاري تكلهن

..انتن غشيمات ماتفهمن امي شافتها تتگرب السجاد وكالت الركاد وشيلها لانو مالو ثقه فيها
ماتشوفن حارمها طبت بيتنه وحته اخوياي مايخليهم يوصلون بيتوو ولو رادو يشوفونه ويشوفون بنته ياخذها ويروح لهم

سمعتهم واتخبلت

سهله ركاد

انت ع حجايه من عمي بساعة عصبيه شهرين مخلي شوك ابيتك واني هيج يشوفوني اهلك من وراك وصدك هوه يشوفني هيج

واحد وضربني براسي
وصرت اعيد ذاكرتي والمواقف

هذا حبك طلع جذب اكول يربي. ليش بس اني حارمني الروحه الهم

يارب بس قويني اصبر لمن يروحن يلله احاجي حته اطلع كل الي بكلبي