رواية عشق البدوي الفصل الخامس 5 - بقلم نور الشمس

..خلني اتوكد من.كلبي والصعيبه ماتصعب علينه حنا ارجالها

..ونعومك يخوي .مو كانك حامي شوي.. اكولك مايعطون الساده مايعطون الا النسبهم بتاخذ البنت غصب عن اهلا انت والا اشوو... فيها مراجل هاي السالفه.. بنت مهي من مواخيذك لاتفكر فيها

..علامك عصبت بكول اتوكد يعني انا اهرج  او متوهم او يمكن اهي اعجبتني شفتني عشكتها الحين..
بعدين لو حبيت مالي بالهرج هذ الي اعرفوو اتبع گلبي وين يوديني لونها تستاهل مافي شي يمنعني واذا اهي مابتسوى الحرب عگلي براسي اعرف خلاصي لاتزيد بهرجك معي

..يابوو ازعلت انت والا شوو ..انا بخاف عليك اعشگ ابدويه من ثوبك ولاتلوع كلبك بعشگن ماهو لك 

..لون عشكت انا طوع گلبي اذا كانت ابدويه والا احظريه علويه والا من عامة الناس امتى ماگطع مخي ودگ گلبي ورجف ع شوفتها .. تشوفني معرس ان شاءالله

..أن.شاءالله نفرح بيك عن كريب

...........

مرام ..

رجعت دايخه الي حسيته صح لو اني متوهمه عبالك نظراته بيها جرأه وذب كلام مو حلوو يمكن.. المشكله الكلام ماعرفته شنوو يقصد
بس عيونه ابد مانزلن ولايستحي صدگ جذب منين اجانه هذا
بس زين والله اجه منافس العموو ياسر وولد عمه واخواني بشهادة الكل بس همه الحلوين بمنطقتنه
البنات الي وياي يكللي حرام عليكم لو توزعون ولدكم.ع المنطقه وتحسنون النسل
لو تتحاسبون يم.الله ماخذين الجمال كله وعايفين الباقي هيج
اكثر شقاهن وياي ع ولدنه ويكولن الساده كافي نوعوو واخذوو منه

اتذكرت شكله شعره عالي بي طول نازل ع نهاية رگبته ومغطي اذانه عبالك مدرج گصته وكلش ثخين وعيونه طوال وحلوه الوحيدات ذني الي ركزت بيهن او شفتهن لمحه بس من رجعت ذاكرتي بقن ابالي الباقي من ملامحه وملابسه ماركزت بي ولا اتذكر حته ماعرفت لابس دشداشه لو تراك بس شو لهجته تختلف اعتقد بدوي
واني ليش افكر بي يمكن اول شخص حسيته اتعرضلي اباب بيت اهله ولد منطقتنه وولدنه من ادك بيبانهم ويطلعون ميرفعون راسهم ابد
وكله علويه وعلويه ابد ميقللون احترام
طردت افكاري مالي خلكه

تعبانه واريد بس اوصل البيت وانتهيت من النعاس
مصطفى اجاني گلي روحي ارتاحي نامي اني وكميل نوزع راح اوزع الوجبات بس جماعة.عمي ياسر كميل يوزعهن  راح يجيب هيثم ابنه ويجي هم يتونس هيثم وهم  هوه يطلع حته نكمل توزيعنه لان عون وزيد اولاد عمي راحوو للعوائل المحتاجه

هزيت راسي اي مااكدر انطق من.التعب
واني افكر ماشاءالله الله يزيد ويبارك كل سنه يزيد اكثر من العام السنه حاروو وين يوزعون عمامي

دخلت للبيت هوسه واصوات الكل عاليه انطيني هيج ناوشيني هيج
ابويه شافني ابتسملي وگال

..ماجوره يابه مبين عليج التعب

ابتسمتله بتعب
جاوبته حبوبه

..هاي النادره مرام ماخلت شي ماسوته وي عمامها وقرتلنه قصايد بصوتها الي يرد الروح

ابتسمت فرحانه لان مدحتني يم ابويه
مشيت للغرفه واسمعهم يسولفون

تگله يمه هذا يويسر شلع گلبي
انه حاسبه الاجازته البارحه كون هوه يمنه
شو يكلي بعدهي اجازتي ظال من غير زواج والله شنهي مو مستعد بعمره انت كميل بطولك لو لا مو يتناوشك الا شويه
خايفه خاف تحلاله سوالف الطربگه وي ربعه ويتيه دنيته ودينه

جاوبها ابوي وهو يضحك

..يمه جيل گبل وحد وهسه وحد ياسر سبع ماينخاف عليه وتره صدگ بعده مانازل عدهم انذار
وحته لو على گولتج يريد يطربگ هم بمحرم لاتخافين مايسويها انا اعرفه ولو هوه طول وكته محترم ظلت سوالف التليفونات وهاالسوالف گبل جان مراهق هسه ماله بيهن هالسوالف سأليني عنه

..جاليش مايرضا يعرس

بعدهي تحچي وسمعت صوت كميل سلم عافت عمو ياسر واندارت عليه

..انه اشكيلك من ضيمي وضيمك اكبر بالله هذا ابنك شمتاني مايعرس متعجب بس هوه مرته ماتت ولك والله لو هيه بيدها وتكدر تحجي جاكالتلك فكر بروحك وعرس ولك يمه العمر يمضي ماتفطن على روحك الا وانت خسران وكتك وهواي شغلات

خليت ايدي على گلبي واني اسمعها يبوو الا تحاجي يعني راح يصير نار هسه ويعصب اسبوع لو اكثر

جاوبها بصوته وهوه ضايج

..حبوبه مو وكتها

..لا وكتها بفرحة الزهره توكل ماكو بعد ظله ولك شوف الشيب ماخذ راسك ليش ابنك هذا ماتريدله اخو يباري
ماتشوف عمامك واحد مستند على واحد وكلهم عدهم ولد خير من الله

زيد ازغر منك بشگد مو هالعرس وولده خير من الله

..حبوبه تعبان لاتلومين بيه مااكدر والله نفسي مامتقبله شلون يعني

..لان عگلك.رافض الفكره اخطب وشوفها مره ومرتين وتتقبل

..اورط بنت الناس وياي ..انه روحي مو عارفها شتريد اخليلي وحده حقل تجارب اجرب احساسي وياها ونسيت لو بعد.. اعرف روحي ماناسي والدراسه هم ماخذه كل وقتي والدوام .. رادت تحجي كتلها
عن اذنج حبوبه انه تعبان اروح ارتاح

طلعت واحس الموضوع هذا يوترني ويطلع روحي مااكدر اكعد من.اسمعه اخذت هيثم بدون كلام وطلعت لاكتني امي بالباب شافته ضايج كالت خلي يمي نخلص ونجيبه بالليل هوه واختك روح ارتاح
شرتاح وهذا حجيهم هيج جروحي

رجعت للبيت فارغ دخلت للغرفه
كلشي يذكرني بيها شلون اتعايش وي غيرها واني حبيتها بروحي واذيتها بدون قصد ماادري بيهم جابرينها ولاادري بسببي انجبرت تترك دراستها بكت احلامها وتاليها انباگت مني ابد ممعترض ع الموت كلنه نموت الي بيه وجع والم فراگ
قريت هالابيات بصوت حزين

المفارك حبيبه تلوگله الماجور
وانا الماجور اظنها تلوگ اليا
انه انطر صرت چالنبي يعكوب
شماتكمل سنه نفس الاذيه

هذي الابيات دائما تذكرني بيها

مسحت دموعي حسيت حركه بالبيت
طلعت من الغرفه لگيت مصطفى
مرتكي ع الحايط وعيونه مليانه دموع من شافني عدل وكفته ردت اضيع على نفسي وعليه

..ها صفاوي حبيبي كملتوو توزيع

..تنهدت اي كملنه

..شو اجيت امي ومرام منو يجيبهم

..اني ارجعلهم عود ..بس مو هسه من يخابرني اروح لبوي هم راح يجي وداني وراك كال شوفه لاتخلي وحده ع مااجي

..اي مو جاهل اني شكو عليه ..باوعتله مايحچي وباله مو يمي

تعال شبيك انت شو مامرتاح

..ابتسمتله بتعب ومنين.تجي الراحه ابوي وداني عليك لان يحس بيك بس اني منو يحس بيه
ماخلوني ابقى بالبيت خمس دقايق لان هيه موجوده ومن ادخل امها الا تكومها
انوب حظي اجيت شارد من عيونها وعيون اهلنه الي تلاحگنه لگيتك خوش محضرلي اجواء
احس حروره بصدري والله ومخنوگ خنگه الله يعلم بيها

..يعني جنت تسمعني

مصطفى المصلحتك والله تتندم بعدين
اذيه الك والها والعوائلنه كلها من سنين طويله لاننطي الغرب ولاناخذ غرب وهاي الجينات مو زين تتكاثر لازم نبتعد

..انت تدري بكلامك هذا مايغير شي لأن لو يغير جان تغيرت انت دخلت السنه العاشره وبعدك مامفكر وانت تزوجتها وعشت وياها ايام واشهر والي منعك عنها الموت بس الي مانگدرله ابد ..والحد اليوم انت انتفضت بس لان.كالولك اتزوج غيرها
عوفك مني وكلي انت ليش ماتتزوج

..لان مااكدر احب وحده بكدها مااكدر اشيلها من گلبي واخلي وحده مكانها

.. وليش تشيلها من گلبك مستحيل تنشال ومستحيل تحب غيرها مثل ماتحبها بس تكدر تتعايش وتعاشر غيرها وحب العشره يختلف

..وليش اشيل ذنب التتزوجني مادام اشوف نفسي مو كادر مامجبور اتزوج كافي عليه همي انوب تانيب الضمير مابيه حيل

..الله كريم براحتك

..وانت ؟

..اني شنو قصدك افكر بغيرها واتزوج وراح احبها بعدين ؟

..طلعت فاهم سؤالي جاوب لاتسأل

..اني اختلف عنك ع طول كدام عيني هيه ..
ابيت جدي.. من اروح لخوانها ..من تروح الدوامها من ترجع ..الهسه عندي امل اني مستعد اضحي ومااريد جهال نهائيا بس هيه خطيه ظلت يمها الشغله

جاي احاجي رن تليفونه طالبي بالمستشفى
راح بدل ع السريع وطلع

شويه وراسلتني مرام تسال عليه حجيتلها شلون لگيته وشنو حجينه وشصار
اقرب شي اليه هيه تعرف كلشي عني احسها صديقه مو بس اخت

رحتلهن بالليل جبتهن ابويه ابيت عمه وكميل جاي ورايح للمجلس واني مالي خلگ اروح
بس من شفت سجاد واخوانه وياه
صارلي واهس ع الروحه
وصلتهن بالبيت سبحت وبدلت وطلعت
واني ابالي اسأل سجاد صح همه لهجتهم بدويه بس مكسره عادي الكل يفتهمهم الا اخوو اريد افتهم منه لو الحك.ع كلمه وحده ماكوو ردت اساله وين جان وشعجب هسه يلله اجاهم

رحت للمجلس الظاهر متاخر كميل مكمل القرءان وبادي يقرأ

الليلة ليلة القاسم ابن الحسن عليه السلام
احنه نسميها ليلة العريس ليلة الثامن من محرم  
بهذي الليله كلشي يختلف الصياني مليانه خضار وحنه وشموع وملبس وچكليت
هذي العادات كلها نسويها مراسيم
والا بالحقيقه سلام الله عليهم ماسوو كل هذا
بس بوقت الي طلب القاسم.عليه السلام يبرز للمعركه
الامام.الحسين عليه السلام طلب يزوجه وحده من بناته بعقد شرعي  حته يكون اجره كامل عند الله سبحانه

عقدله على وحده من بناته وطلع للحرب استشهد
لذلك احنه نسوي مراسيم حنه الي هيه ظاهريه بس والحزن هوه السائد بهذي الليله

دخلت وانه اسمع كميل يقرا

جسام ياضنوتي رايح   رايح مخليني

وكفت لحظات واني اسمعها بصوته الكله حنيه
اشوف المجلس وقوته شكد حلوو منظر رهيب
كلت يارب ريح باله وخلي يعيش الباقي من عمره براحه

كمل المجلس طلعت وي سجاد واخوانه
حلوه الكعده وياهم بس اتعرفت ع اخوو واعرفت همه مو من ام وحده
الولد دمه حلوو حيل محبوب وعنده حظور
شكله يجبر المقابيله يحترمه
اني يمهم جاي نحجي ونتعرف رن تليفون
حاجتني مرام تريدني اخذها

كمت منهم مترخص كتلهم اوصل اهلي للبيت اصر ركاد يوصلنه تشكرت منه وكتله وي كميل نرجع بسيارته

ركاد..

طلعنا من المجلس وجلسنا مع الربع شوي تعرفت ع بعضهم
السيد مصطفى وسيد عون وزيد ربيعة سجاد واياد
اولاد ديره باين عليهم اجاويد
وانا لي نظرة في الرجال من كبرت وبديت اطلع وعرفت اشكال من الرجال والصحاب
ماماشيت لا الكذاب لانوو ماينعرف صجوو من كذبوو يتوه ويتوهني معوه

ولا راعي وجهين الي يحجي يمي ع الناس ويحچي يم الناس عني

ولا ارافج البخيل لانوه جبان والبخل نوع من الجبن وانا والجبان هيهات نترافگ

من اختار الصاحب اتعب معوه واجربوو
للساع ربيعة سجاد ونعم منهم ولد عرب يعرفون اصول الضيافه يضيفون ويكدرون
ارتاحيت معاهم

رجعنا للبيت

دخلت الوجوه ماطمن ابوي ماهوو موجود
ومرت ابووي عيونها مدمعه
وامي ماهي بعد
البنيات مضايگات وجدتي وجيهه باين عليه الفرحه
سلمت وسالت

..في شي ليه الوجوه مگلبه

ردت علي جدتي واهي اتبسم

..مافي الا الخير وجوهنه فرحانه وين شفتا مگلبه

..اجل دووم الفرح وعساج دوم فرحانه گوليلي وش مناسبة الفرح فرحونه معاكم

شفت امي ام سجاد تركت مكانها واهي تجاول تمسك دموعها

سجاد انتبه الاموو واياد فز معها وشوگ تناظر الجده بنظرات ماهي سليمه

ابا افهم الموضوع سمعنه صوت ابوي عالي واهووه يصيح

..احترت كيف ارضيج من اسنين وانا صابر عليچ واكول انا غلطت معا واتحمل وصابر على جنونچ ومتحمل نظرات اولادي الي كلها ملامه لي
واكول يجي يوم وتعگل
دام ماوراج عگل فهمي ولدج ولايلوموني بعد

سمعت طبكت الباب بقوة
وخطواتو السريعه الي صارت صوبنه بدون مايكلم واحد منا او يسمع كلامنه طلع بدون ماينظر لنا

سألت الجده

..وشصاير يجده وشبلاه ابوي وعلى من يصارخ

اطلعت امي مزعوجه والجده شافتها وانهدت

..الله لايرضا عليجن بتذبحنوو انتن تدولب بيجن اهوو خسر صحتو وعافيتوو ربحي بيجن يمكمعات
گطاط الي يگط روسجن انتي وذيج ام حبيبي
ماتخجل ولاعاد فيه حيا تكولو حبيبي وانا وبنياتو جالسات معهم

..ضحكت رغم الوضع مايطمن
يجده وانتي مضايگتك هالكلمه ماهي عيبه يجده الحين الرجال واحد بيكل للاخر احبك وحبيبي

..وععع ارجال بتكول احبك حبتهم الرگطه كول امين

ضحكت شوگ وگالت شنوو يعني الرگطه

جاوبتها

..بتكصد الحيه لونها مرگط تسميها الرگطه

..ضحكت بصوت عالي واهي تخوزر فيه

..الثگل زين يبنت الحظريه ثگلي

صاحني ركاد ورحت معوه

..شفيها امك ليه مضايكه وشفيها الجده

..امي جانت كاعده يمنه وبيبي استلمتها اكس مربع

..تحچي عدل يبنت وشلچ بملافض الولد اكس مربع شنهي هاي لاتكوليها مهي للبنات مالت كهاوي هاي

..ضحكت يبوو ع الكلمه تحاسبني غير اسمعها منكم اخواني

اي المهم بيبي لعبت جوله بامي من شافتها اجت يمنه

تكلها متضايگه ست الحسن لانوو اهملك وراح الحرمتوو ماهي الاصل وانتي اللفوو وهيهات يتساوه اللفو وي الأصل

امي جاوبتها

لاعمه عادي ليش اضوج حقها
جاوبتها بيبي وهي اتذمر

..عمه العماكي ولهوو الهاكي
سنين وانتي حارمتهم

وامي حلفتلها انو هيه بالعكس متريد تحرمكم منه وانو الي يصير مو ذنبها بس الجده شسوت حجت عليها لمن ملت اخر شي شافت امي تعدل شعرها
گالتلها

مال الگط الي يگط راسچ فرحانه بكوشتج الصفره انتماوع منها يتراوالچ (مال الكص الي يكص راسچ فرحانه بشعرج الاصفر تموع ارواحنه  منه  عبالچ )

..وليه كل هذا

..ابوي راح يرضي امك وبعد ماادري

..حكيت خلف شعري بارتباك

..هذا هوو روحي

لاگاني سجاد طالع من يم امه سالته شفيها امي

..لايظل ابالك سوالف نسوان امي مامتعوده علي هيج اتعوود لاتفكر

رحت للجده وانا اسمعها تلوم اني وتهرج هرج ماهو مفهوم ولانكدر نسمعوو

صحت بسج ملامه يجده خلينه نفهم
صايله وجايله اليوم وشعندج منهو الي مضايگچ

..امك وضرتها يتوغدنن واهن بنياتهن بطولهن
وانتوو ماشاءالله ازلام

ابوك حار واهوو يتلطف امك ويرضيها من اسنين
وامك بترفض واكول حگها بعيده عنوو ومابترضا يجيها بوكت حاجتوو

الحين شو مانعها

فتحت عيوني وانا اسمعها ناظرت امي الي منصيه راسها وطاختوو للكاع

..وش هالهرج يجده ابوي اهوو الي هاجرها لاتلوميها انتي

..للا ماهجرها اهي الي شرطت مايجي صوبها وان جاها وطلب منها مطلب الرجل من حرمتوو تروح اهلها وبتاخذكم معها

..صاحتها امي

..يجده وش بلاج اليوم ليه كارهتني

..اكرهتك اهدومك يحرمه بتموتين ولدي ماكافي ملامة ولدوو وبناتوو

..والحظريه اتراعش واغامز ماعاجبها يرضي حرمتوو الاوليه خطافة الرجاله

..كافي يجده مايجوزلج  هالكلام

اطلعوو سجاد واياد واطلعت معهم
رضيتهم بكم كلمه وطيبت خاطرهم عن امهم
ورجعت وانا اهوجس وافكر

بكلام الجده عن امي وابوي معكوله الي تكوله
وليه كل هذي السنين حته اهي بتلوم ابوي وشنو الي غيرها الحين

مهما كانت علاقتي بامي عيب اسالها عن موضوع حساس استثگلتها

مالي الا جراح اهوو مرافك اوبوي ويعرف كلشي عنوو
بكرا اجلس معوو وافهم كلشي منوو

رديت للبيت وعذاري وهند  نفس الي يدور ابالي ابالهن كنا بصدمه اعرف

ثاني يوم كلمته واكدلي الكلام صح واهو يعرف كلشي
اخذت بخاطري من امي كيف تستغفلنه وليه ماكالت يوم.شافتنه نلوموو
واحساسنه وشعورنه وماعملتنه له كل هذي السنين
كيف نصلحها وكيف نصلح الي بكلوبنه بعد مده من الزمن

عزلت نفسي بحجرتي وماعدت اكلم حد ابوي يومين مرن واهوو خارج البيت ومحد يعرف اخباروو

سجاد واياد يطلعون الربعهم الا انا

صادف يوم عاشر محرم اختنكت من البيت اسمع اصوات عاليه بره وناس طالعه وكنها كثير

خرجت  اتمشى كاصد مجلس الساده

ونسيت سالفة بنتهم واعجابي فيها يوم جابت الطعام

امشي واعدل بغترة راسي لفيتها علي

اسمعت صوت طبه

ناديت الله الله

درت صوبهن صوت ضحكه ووحده تگول اخ

ومعهن سله فيها اواني

تكدمت صوبها وانا اشوفها هالحلوه الخذت ساعات من وكتي وانا افكر فيها يوم الشفتها

ناديتها

گومي يبنت خفيفه طيحتج والا انكسرتي

..ها لا اكوم مابيه شي

..وحدك انتي وهيه ؟

..مشيت بدون مااحاجي واني اجر نبراس من ايدها السرعه المشيت بيها نستني وكعتي والم رجليه

..اكلمك يبنت وحدك انتي وهيه ؟
ماخفتي بهذا الضلام كيف يسمحولك هلك

.. عفيه انت شتريد ليش لاحكنه تره اكل الاخواني والله

..لاحگك وليه الحگك يعني زاتك انا ابا اوصلك واطمن عليك ناديهم لي اخوتك بكلمهم كيف يسمحولك تخرجين بالوقت هاذ

..درت عليه معصبه وعيوني خازرته انت شبيك متكلي تريد تبليني انت تريدهم يكتلوني

..لا بالله نيتي وياك بيضه ابا اوصلجن لدارجن وبس الدنيا ماتامن وانتن غلطتن خارجات وحيدجن بس انتي الله يسامحك مخك راح لبعيد

..سمعته يحجي ابرود ومبتسم درت عليه اريد احجي شفته واكف ومتكتف بعيد
كملنه طريقنه مروو شباب يسولفون بالمجالس محد منهم انتبه الوجودنه او مااهتموو
دخلت بالفرع الي يوصلنه البيت عمتي 

طلعلنه جلب ..يمه هذا شكبره عيونه علينه ويتقدم بخطوات بطيئه

رجعنه بسرعه نريد نرجع هوه اجانه يركض اريدلي احد ينقذنه الولد كلها  بشارع جدوو مهدي حاظره المجلس

ركضنه بدون وعي وهوه هجم علينه

صوت الشاب ورانه فززنه صاح ع الجلب
هدوو هدوو
وشمره بطابوگه وهذا ولا وگف تهجم ازيد

بدون مانحس صرنه وراه وصار هوه يتقدم.ع الجلب ويشاگف بايده شال عوده جبيره من الشارع وضربه بيها

راح الجلب بس لمن.طلعت ارواحنه

صاح علينه.وعيونه تخزر مبيين.عليه ضايج

.. انتي الي اسمك مرام لاتطلعين بهذا الوكت الا ومعاج رجال الشارع مايخلا من الحيوانات حتى البشريه

انه تهمني سلامتك غيري يستغلك خلي هالشي ابالك
الحين اما تطلعين وانه عيني منجن او تظلين هان للصبح اذا ماكو احد يوصلجن

..شكرا اخابر واحد من.الولد يجينه

..من.الاول وخابري لابكيفك تتصرفين ع العموم انا رايح لهم اخوتك في المجلس

..عزه بعيني يعرف اخواني كتله فدوه مو تكول يذبحوني والله

..لاه لاه محد بيذبحك انتي الذبحتيني والله فوتي وخليني اولي غاد كلتها وانا اخفي ابتسامتي

ويلاه هالبنت فيها شي غريب يجذبني
والله لو صدگ وصرتي حلالي لشوف شلون تطلعين هالحزه

كطعت افكاري بصوتها

..عفيه مراح اتكول موو

..ول بعدك هان ماكول والله اذا انتي تخافين واهم مابيرضون وش الي خلاك تخاطرين

..عمتي ودتني بشغله سريعه والله وكالت خلي واحد من الولد يوصلج مالكيت احد وشفتها فرصه اطلع بيها بس التوبه بعد

..اجل امني ماكول بس انطيني وعد ماتعيديها

..مااعيدها ابد
كلتها واني اجر نفس كوه من خوفتي

راح هوه واني استمريت ادك بالباب طلعت عجوز عمتي جبتلها اكل لأن تظل تحجي على عمتي وتكول ماكلينه وماشربنه وخلتنه جواعه شفت عمتي تريد ترجع ومتكمل حيتها اتبرعت الها اني ونبراس
بس شلون رعبه وشلون موقف
خابرت عمتي ودتلنه حيدر ابن عمو برير ازغر منه بس المهم ولد ويحمينه

الطريق كله واني افكر بشكله واتذكر اللهجه الي حاول يوصلهع النه ماحجه مثل ارل لقاء بسط لجهته هواي النه يمكن يعرف لهجته ممفهومه

رجعت واحس الموجودين كلهم يعرفون شصار بس جانت المجالس شاده ومحد مييت عليه

شويه وصاحتني حبوبه
اقرالهن التهيت اقرأ ونسيته

ركاد..

ماتركتهن وكفت ع الشارع شفت اجاهن ولد منهم راحن معوو
يلله تطمنت ورحت المجلس
فكري كله يمها والمصيبه شوفة اخوانها تذكرني فيها
وش الي يطلعك من بالي يبنت ابا اركز بالي اسمعو
كرب علي سجاد

..اشوفك جيت ليه عازل روحك عنا وش الي ساويناه لك

..مب يمكم السالفه لاتحمل روحك وتحملني لو ردينه افهمك الا ماكتلي ابوي جاه

..لا ابوك سافر خارج القطر

..وين ان شاءالله

..الله يعلم بس

..سجاد ابا اسالك الساده ليه مايعطون بناتهم مافهمت

..يولد هان.تبا تفهم ابيتهم انرد وافهمك شو الي صاو وليه تسأل

..جثير امور صارت بگلبي حتى انا مو بعارفها

يتبع..