رواية عشق البدوي الفصل الرابع والثلاثون 34 - بقلم نور الشمس

مساءالحب 🌹

البارت 4200 كلمه بيها تعويض موو 😉

رغم الالم البي حاولت هواي اختصر حته مااضوجكم اكثر بس كل انسان تمر عليه ايام يحس بيها الامل معدوم وربي العالمين ميترك احد حاشا لله ينسه عبدة

ربي يشافي ويعافي كل مريض
…………… .

اتاخر الوكت وهوه مراجع خفت عليه خاف ساق وهوه عصبي ياربي شصار بي
حته تليفونه ناسي هنا ماماخذه

شكد فطيره اني كل هذا واحبه

بس اني متأكده يحبني شلون يصدك حجيهم
اني هم اتسرعت رغم حقي بالسويته ومو ضايجه بس اتسرعت من كتله تعتقد اغري اخوك واخوك  خضعلي وباعك  اي رجال مايتحمل ياربي شكد هادئ اليوم فقد اعصابه

بس هوه حته لو يدافعلي ثبت عليه التهمه لو سمع ابو اخوه شراح يگولون عليه اول من اجه ابالي همه لان هواي يحترموني

هوه يكول خفت عليج ياخوف هذا الي يخليه يتصرف هيج وياي،

اتذكرت من جانت شوك زعلانه مهرة دوم عدهم وهوه يروح يوميه

من دريت كتله بعد متروح الهم جنت فاقده وعصبيه وهوه يضحك ويگلي

..يامحلاك وانتي غيرانه يول ماهن عيون يطيحن الطاير بالسما لاتخزرين انا بدون خزرتهن ذايب فيهن

اني ضايجه ومقهوره الايضحكني مامعقوله كل هذا مو حب انوب اني الغبيه اكله شمسويلي انت
صدك واحد من يعصب يظل يخربط اصلا سوالي المحد مسويه

الله لايوفق كلمن كان سبب بقهري وقهره

ظليت حايرة رغم ضوجتي عليه زعلي ثكيل وابد ماارتاح الا يبررلي واهله يعرفون كلشي

يارب اروح لو ابوي يجرم بحالي ويموتني لو انطه بنتي
احسن شي ابقى زعلانه بمكاني بس يحلم اراضي
مثل كل مره من اعصبه اني اراضي

تلمست الضربه

ماتوجع بس من اجيسها لو احرك ايدي وارفعها  حيل توجعني
خفت من المرض خاف الي ابالي يطلع صدگ
نزلت دموعي خايفه ع بنتي منوو الها وراي
هاي بحملي طلعتلي نفسها ومااهتميت كلت تغييرات بس ماجانت توجع وتطلع وترجع تختفي
الضربه هيجت المها
جنت ماكايله عنها خوفي يمنعني ودخلت ع النت وبحثت مرات القنوات اللبنية يصير تغييرات بيها
بس هسه شنوو ضو حته رضاعه مرضعتها من صدري اعتمدت ع الممه لان عندي دوام وتركت صدري وحدها

اتخيلت روحي اموت وركاد بعدي يتزوج ويعيش طبيعي وامه ترجع علاقتها بي وكلها ترتاح الا اني يبقى گلبي مشلوع ع بنتي وماارتاح لا بدنيا ولا اخره

شهكت من البجي واني اتخيل الموقف
عقلي راح لبعيد وصرت اشوف كلشي كدامي 

اتذكرت بيوم ولادتي

جنت راجعه من الدوام
تعبانه حيل الوجع والثگل اسفل ظهر وبطني بس خفيف

وهوه بشغله اتصلت بي كال امر الهلي واجيج

تركته لان مليت واني هم اخاف الله امنعه من اهله بس اذا يحبهم شكوو طالع منهم

مو هذاعمي ياسر بنه الشوك يم امه ودوم بيبي عدهم
جان بانيلي يمهم ومرتاح ومريحهم يومه يخلص بين شغله وروحته الاهله وكعدته وياهم اطول بالساعات واني وحدي صح من يجي ميقصر بس لو جنه اقرب احسن كمت مااكله تعال ولا شوكت تجي
خليته براحته مدامني اني مرتاحه هم 

اللويات تجيني وتروح
حاولت اشغل نفسي واوهم نفسي البيه تقلصات

ردت اسأل عن اخبار صوفي  عمي ياسر ناقله المقر الوزاره  ومرتاح بدوامه واهلي هم ارتاحوو
وصار فتره مجاي

وبطريقي اسال زينب
باعتبارها مجربه الطلوگ قبلي

جنت يمهم وشفتها شلون تتلوى وصارت عندي رهبه وخوفه حته وجهي صار اصفر من خوفي عليها
بس كميل كلي كومي لاتبقين هنا روحي
بس شيكعدني وفضولي شلون ترضي رغم الخوف
باوعتله شلون يوجهه

گلها نامي ع جنبج الايسر وديري وجهج هنا وهيه خطيه مطيعه اله رغم الالم

ظلت ناطيته ظهرها وهوه يدلك بظهرها ومن تتلولى ينطيها ايده تتمسك بيها بقت ساعات طويله وهوه ميقبل يوديها يكول تتبهذل هناك هنا اريح اني اعرف شوكت اوديها  الحد ماوصلت مرحله كلش
چان يراقب ساعته
كلها يلله هسه نتوكل اخذ امي وخابر دكتورتها وصعدهم بسيارته وراح
ساعه ونص خابرني كال جابت
فرحتنه بوكتها مو طبيعيه

اجتني مغصه قوية واني اتذكر وجع زينب

يارب سهل عليه يارب
اتمنيت ركاد يمي
اخاف صدك هاي ولاده

خابرت زينب كالت شوفي منا لشوي اذا زاد ولاده وخابرينه حته عمتي تتحضر واكل الكميل يوصي بيج
ترة
اليوم مصطفى جانه حته يجيبها الج
رجعت كالت عمتي تكول اجيها هسه اني واخوها

كتلها لا من اريد اروح اكلها تلحكني للمستشفى
ماردت امي تجي لأن اريد اتوسل ركاد ع عملية وامي ماتقبل راح تخليني ع الطبيعي واني مااتحمل

زاد الالم واتصلت بركاد بس فتح خط سمع صوتي مخربط واتنفس سريع گال

..ها شفيچ اجيج

..فدوة الحگلي مااتحمل بعد

دقايق وصرت اشوف بيهن الموت بعيني
وصلي باسني براسي ويتلمس اديني اهدي بدلي وخلينا نروح

..ركاد مااريد اجيب حباب خل يبقى ابطني
جنت صدك ودي الطفل يبقه من. الخوف

..بلا اخبال حبيبه انتي كويه اتحملين

..حباب  خلهم يسولي عملية

..يبوي خلنا نروح ونشوف شو الله كاتبلنه بس هدي يبعد العمر هدي ربج معج لاتخافي
وانا مو بتاركج جنبج بس اهدي

رحت وطول الطريق حته من يروح الالم ابجي من الخوف

كتله فدوة كلهم ع العملية

..مرام ليه هالخوف تحملي وجع ساعه ولا ايام وشلك بالعملية تاذيك لكثر والله

..اووو ع اساس انت مجرب انت شايف للبيه ياساعه فدوه اروحلك مااريد

..يبنت وانا بيدي وماشلت الوجع عنك شو اساوي هاي نتيجة تكونين ام ..اجل الله ليه جعل الجنه تحت ارجولجن

تحملي وخليني اعرف دربي يرحم اهلك ترة والله مو عارف كيف اوصل وادبرها والا لا اعصابي اتلفت بالله العظيم

وصلنه المستشفى ولكينه كميل منتظرنه الخوف واضح ع عيونه كال

..مرام حبيبتي قوي روحج الله يكومج بالسلامه الدكتورة بنفسها تشرف عليج لاتخافين

.. اريد عملية فدوة

..خلي تشوفج طبيبتج لخر حل لعملية بكيفج ترديها انتي شنو عبالج سهلة وهيج اطلبينها اضرارها هواي بس للمضطره يسووها

عيوني بركاد تتوسل وهوه الخوف والربكه واضحات عليه كتله حباب قنعهم

..والله لو كانت بصالحك انا اطلب يساوولك يفداك عمري بس خلك گويه واصبري لنشوف
لاتتوسلين بي مابيدي شي انا وانتي انتوسل الباري وربي مايگصر معانا

..دموعي نزلت ركاد اذا متت واني جايبتها حبها ودللها بس لتخلي مريه تتحكم بيها حباب بس انت ربيها وليها تروح الامي والخوالها

..بلا هبل ماني ناگص وصاياك محد مربيها غيرك

..واذا متنه اني وياها ادفنها بحضني حباب

.لا اله الا الله يبنت يوميه يولدون ليه مفاولتلي بالموت انا افداجن بروحي منتظرك هان ونطلع سوه لاتخافين بس لا تستسلمين حرمتي ماهي ضعيفه مااحب الضعيفه انا خلك گوية

دخلت الطبيبه وبقت بعيوني وذاكرتي نظراته يقويني بس هوه خايف اكثر مني يمكن لان اول طفل مامعقوله هالخوف وترجع النسوان تجيب من جديد
يارب قويني

ظليت اقرأ ادعيه ومن تجيني الم قوي انسى كلشي اسكت بس استحي من كميل اصيح كلهم عرفوني اخته والدكتورة كالت طبيعي تجيبين بس يرادلج وكت ومرت ساعه وره ساعه
الحد ساعه وحده بالليل يلله جبت

راح الالم التعب  كله واني اشوف بنتي

طلعت واشوف الكل جايين عمي ابو ركاد وجراح واخوانه سجاد واياد

ومصطفى وامي وكميل الي فرحته وابتسامته بسلامتي اني وبنتي مو اقل من فرحته بيوم ولادة زينب

ضحك وكال الركاد مبروك تتربى بدلالك جبتولنه بنيه الكرار لو كبروو نجدد النسب بس هالمره ناخذ منكم
ماننطي

ضحك ركاد وگله مانلگي احسن منكم

رجعت بذاكرتي الحالي هسه

اني اروح الاهلي شكلهم والله لو سمع ابويه يطلكني وينطي بنني الركاد
واني صح زعلت بس اموت بدونه مو مال طلاك بس اريده يعترف بغلطته ويوكف اهله عد حدهم

من عصبيتي مااعرف شحجيت وحقي والله مو زين مني وسكتت من سمعتهن حته شوك رغم دافعتلي بس زعلت عليها لان سوت نفسها متدري
هم حقها شتكول قابل
اخخ التفكير ذبحني عندي دوام باجر وحيل تعبانه ونفسيتي صفر يوميه ركاد يساعدني ع مريومه
ومن. صارت الهسه يروح الهله بس ع يرجع من وكت ع مودها وبوقت دوامي اخليها يم امي وزنوبه فدوه متكول ومرات اوديها الشوك تتونس عليها
نرجع اثنينه مشتاقيلها وهيه هم صارت تعرفنه وتفرح بينه تبيين حبها الابوها ويتخبل عليها
بس المخبلنه بجيها ساعات طويله احير شسوي وطلع الله يكون بعونها مغص ولادي
اول ايام ماجنت اكدر انام ابد من داومت ركاد يساعدني عليها الفجر يخليني انام وهوه يحاول يسكتها لمن تنام ينامله ساعه ويرحع الدوامه
توها صايره تتحسن شويه

رجعت من ذاكرتي شفتها اتناغي اجيت ارفعها عن افراشها الالم ذبحني مااكدر

اجه ابالي هالمرض نزلت دموعي تتحجج بس اني سامعه مياذي
هاي من الضربه بس جي قبل طالعتلي نفسها بس اصغر جان

رغم هذا كله بالي يمه
وين راح وشراح يسوي وليش الهسه ماكوو

اندكت الباب وزاد خوفي دنيا مغرب

كلت بصوت تعبان

..منوو

اجاني صوت جراح وعمي

انا يبوي افتحي الباب

ارتبكت حيل كتله دقيقه عموو رجعت لبست صايتي وحجاب وطلعتلهم ومريومه بيدي

شافت عمها جراح شمرت نفسها عليه تعرفه من يجي يطلعها وياه مرات بالباب من يجون عمامها سجاد واياد وياخذوها وياهم للبيت يرجعونها لمن تبجي تنعس يلله

عينهم عليه وعيني ع الباب منتظره دخلت وراهم بس سدو الباب وهوه ماكوو

انحرجت من شفتهم يباوعولي فتحت الباب ودخلتهم للبيت ورحت اجيب مي واضيفهم عمي صاحني

تعالي يبوي
ابا اكلمك

صار واضح عندي جيتهم الهالسبب قويت نفسي مدام مااروح الاهلي تكبر راح اتقوى واخليهم همه مسؤولين عني واشوف يرضون البتهم هالكلام
عركة نسوان ومشاكل بسيطه ماهان عليهم
ورجعوها معززه مكرمه

كعدت كبالهم رغم دموعي تنزل بس اني بداخلي قوة عجيبه
امسح دموعي وينزلن اكثر
صارن ينزلن بدون ماارمش

گال يبوي كافي دموع انا هان الك ماني عليك شو الي تبي يجرالج بس مالك طلعه من بيتك حگوكك انا ماخذها وانا ابوج ماني ابو الركاد

بجيت بصوت وشهكاتي زادت
جراح اتضايق حيل وصاو يستغفر
گال

.. يخوچ بس دموع حگچ علينا
وتره ركاد مامنوو والله انتي فاهمتو غلط
هوه ماكان شاك فيج هو حاميج من ضيكة الخلك
وكلنا عارضنا طلعتكم ويوم. شرح الاسباب وافكنه لحتا مايزيد الكلام
يعني كلنا ندري الغلط ماهو بيج
الي صار غلطه منه هوو هم احتار والي سواه زين لج ماهوو عليج

كتله

..اني سمعت كلشي اليوم وابيتي ولو مااحترمه واقدرة وعندي تقدير خواته من تقيرة جان ماسكتت
والهسه اني لو مااحبه واقدرة جان رحت الاهلي ومالكيتوني
بس الي سواه وياي والموقف الخلاني بي ابد موحلوو
عذاري هنا حجت وبت خالتكم اكيد حاجيه الاهلها
ومن واحد الواحد الله يعلم شنو الينكال عني

احنه ناس ماعدنه غير الشرف واهلي لو سمعوو والله لحظه ميخلوني

ومو سهل اهل يسمعون هيج عن بتهم
قبل اشهر شووك مشكله بسيطه شمو جان موقفكم كلكم
اخذتو حقهاروكعدت ابيت ورجعت معززه مكرمه صح لو لا
تقبلون البتكم الي صار وياي اذا تقبلوه اني اقبل وامشيها واكول عادي

بس مسنحيل تقبلون انتم بعد لحد يكلي تصير

اني عتبي ع ركاد مو ع احد غيره
جان مفهمني كايلي ليشيخليني اسمع من غيره ليش ينطي مجال الهم يحجون عليه وثبت التهمه بتصرفاته

حاجاني عمي

..يبوي ركاد ماكصر معك وطلع من البيت حته يصفي كلده من ناحيتج انتي وامه لايكد ينطي فيج ولا ويكدر يتخله عن اموو

حگج اخذنا الي تكلمت عنج اخذت جزاها وركاد ماسكت وهم تدخل

الي اريدوو منج ازعلي وتدللي وخوذي حكج بس في بيتج ان طلعتي تسوء الامور وماهي لعبة اعراض العالم حفظي ماي وجهي جدام اهلج الخاطر شيبتي

..هدأت اني اصلا مااريد اروح بس ماردت ركاد يستضعفني اجتني فرصه ابقىع اساس الخاطر عمي وجراح

كتله هاي هدومي محضرتها وجنت منظرته هوه يوصلني مااريد اخابر اهلي خافيتصرفون غير تصرف بس الخاطر جيتك عمي انت وابو عبدالله
خاطركم جبير عندي اني باقيه بس لايحاجذني ولااحاجي ابد خل يتركني هاي الفترة ماله علاقه بيه

..بنت اصول يفدنج الي يتطاولن عليج ..اني وزلمتج بينج وبينوو وركاد خوش ركاد ما لأنو ولدي بس هوو يحبج ويهمو امرج ماراح يضايگج

بقو شويه ردت اضيفهم راحوو
ماقبلو ع طرف الساني ارد اسألهم عنه بس ويني ووين زعلي خل اغلس

…… ..

شووگ طلعت واني صايره نار وهند تحجي ع عذاري وامها تكلهن خافن الله اني طول الوكت بالبيت ماشفت عليها شي قمه بالادب اصلا

وعذاري تنافخ جي دافعنالها

واني النار البية شيطفيها شلون تذب حجي ع جنتها واخوان ولدها انوب اخواني وسجاد هم
سجاد عندة ركاد اغلى حته من اياد يمكن الي هوه ابن امه وابو يروح يباوع المرام

سجاد اصلا منتظر يتخرج ويتزوج بنيه وياه بكلية اهليه وابوي كاله الي تعجبك اذا بنت اوادم اخذها لك ليه لا

بس هيه ماموافقه بعدهي ويحاول وياها
يعني حبه من طرف واحد

وصلنه للبيت اكول الامي لو تصير مشكله اسكت احسن

اتصل عليه حبيبي وخرت عن عذاري وهند مشتاقتلهن عود طلعت اللمة من عيني عذاري ماتبطل طبعها شكد حقوده

جاوبت حبيبي مشتاقتله هواي وردت اكله عن ضنوني وشوكي
بس اتأكد يلله امي العصر تاخذني احلل

جاوبته مشتاقتله حيل ناسيه المشاكل وكل ضوجه صارت وياي اليوم

الوو

..هلا بهالصوت شلونها غاليتي

..مشتاقتلك هواي هواي

..واني اكثر والله وين انتي

..جنت ابيت ركاد كتلك عزمنه ع الغدة وهسه اجيت الاهلي

..بعدني حاقد عليه اخوج منا للسنة التجي يلله يجوز اتقبله حسب تعويضج الي

..ضحكت يا وانوب انت الحاقد هوه راح يصير سنه وبعدك مناسي بعدين انت الغلطت وياي اصلا اخوي متسامح

..اي كلش متسامح ..كليلي مرام شلونها

..زينه الحمدلله تسال عنك

..الحمدلله مشتاقلها والله من اجي اعزمها يمنه بس بدون اخوج الي لعدني اغص بي

..لاتحجي ع اخوي مااقبل

..لا كلشي ولا اتقبلين اشاقه وياج بالعكس احبه واحترمه بس صدك اذاني ذيج الفترة 

كليلي شلونج انتي فتحيلي كام اريد اشوفج

فتحتله كامره

..فدوة الهالخقه شلون اني بيج

..ضحكت كتله شبيه

..مابيج بس تخبلين ..صدگ منو وداج البيت ركاد ورجعج

..عزه ولتفوته فايته الا يسال شراح امله اكيد نايقبل وحدنه طالعين
كتله اني وخواتي اياد وصلنه

..ها خوش سلميلي ع الاهل ولو رجعتي خلي احد يوصلج واذا تردين باتي اليوم اذا عاجبج

..ضحكت فرحانه بسته بالهوة

احبك ياسر

..اني هم احبج حبيبتي اخذذ راحتج

بعد جاي اريد اكمل حجي اسمع اصوات عرك برة

سديته وطلعت اسمع صوت الكزاز يطشر
كلبي رجف

صوت ركاد هذا

طلعتله الكل مجتمعين ويردونه يفهمهم وهوه مثل الاسد الغاضب انفاسه عاليه

يجر ويكسر يريد بس يوصل هند وعذاري

شافني كال تعاي شوك

مين الي كايل مرام جر نفس وكمل كلامه
مين الي كايل مرام تعرض روحها السجاد وبينهم شي

عيني الامي لطمت وجهه وسجاد عكد حواجبه
ابوي وجراح فهموو الموضوع صاحوو عليه

.ركاد كافي

صاح بعلوو صوته

..مو بكافي مو بكافي

طلعت بليلة ضلمه ومادت الظله بعد في بيت تنهان بيه رجولتي وتنشتم وتنعاب حرمتي والاصعب خفت اتفارك انا واخوي

اشر ع سجاد

اتقدمله سحاد

..ركاد منو كلك شبيك انت مصدك

..لا بالله ماني مصدك بس مارردت اضايكم والمشاكل ماتكضي
ردت اريحكم وارتاح

..ارتاحي ييمه ضميت هالسالفه وبسبتج الكل يعرف فيها

مرام مين الي كال

صفنت بخوف اطارفي رجفت

مو طبع ركاد هذا شصاير بس وده يفترسنه
نقذني صوت هند كالت عذاري الي كالت وتعمدت
اسمع حرمتك بس ناعبالنه اسمعت
وانا وشوك مارضينه عليها ولله

ماحسيت الا عذاري مجرورة من بين امها وامي وهي صايره جوه ركاد رادو يخلصونها بكل طريقه جتفو تجتف يلله

عافها وكعد بالكاع يجر النفس كوه

عذاري وجهه انترس دم وشعرها اتكطع
اخذتها امها وهيه تدعي ع مرام تكلهم صاحبة مشاكل ابوي سمعها هيج كالت
شمرها بعكاله وكلها والله ماراعي المشاكل الا انتي وبنتج مرمرتي الولد الله يمرمر حالج

ركاد حيل تعب ماادري شيفكر

نصه عليه سجاد باس راسه

..هالسوالف تصير بين الحريم لاتهتم
كلشي يتصلح

حاجاه ابوي حرمتك وين

..تبا تروح بيت اهلا يبوي والي يسلمك لاتخلها تروح تكبر المشكله خلها تهدأ واكلمها انا هم غلطت بحكها

ماتحملت كلامها وضربتها يمكن مااتذكر كيف وشو الي صار

هي ابالها انا ثبتت التهمه عليهاوماني مفهمكم تكولي انت ظلمتني ومافهمت اهلك ولا فهمتني

انا طالع مااريد احد ينطرني

حاجاه ابوي

ركاد انا اروح افهمها بس انت لاوحدك تروح خل معك سجاد

طلع ركاد بدون مايحجي وسجاد لحكه

وابويه ةلب البيت ع ام جراح وعذاري كلها خابري زلمتج يجي ياخذك الحين

وانتي ام جراح تكعدين هان بس نامثل اول مالك مل تكدير ولا احترام فكدتي كدرج ومنزلتج بعيني

وكلام هواي طال ماسكت لمن شاف دموعها تنزل وهيه مستحيل تبجي شمو كلام مضموم بكلبه حجاه
الجدة جانت اكثر وحده متأثره ع ركاد واني دموعي كامت تنزل ع ركاد ومرام خطيه شحالها هسه

كامت تحجي حته ع ابوي كالتله من كالك بوكتها حان مخرسها الحرمتك اكبرت واستخفت من تالي افكدت عكلا وغيرتا خلتها اتخبط وماتعرف كيف توزن الامور

امي ماحجت بس ذخلت الغرفتها والظاهر عتبها يطول وي الوالد خطيه ابري وركاد ماعدهم حظ ابد حته براحتهم اكو من يقلقهم

اتذكرت اهلها والله لو دروو يكلبون الدنيا متله يابه بس تروح مرام الاهلها مستحيل يرجعونها والله كلشي عدهم عادي الا الشرف

طلعو هوه وجراح يقنعونها

خابرت سجاد كال نزلني بنص الطريق وطلع وحده اتصلت عليه لمن مليت مارد

… مرام

طلعوو مني احس براحه من دريت بيهم دارين وضامينوالسالفه خجل مني وخوف عليه

بس اتي ابقى زعلانه غير يجي هوه

سمعت حركه بالباب

رحت الغرفتي بنتي يمي خليتها ونمت وانطيت ظهري

اخذ فراش وغطا وطلع بدون نايتكلم وحته مريم ماحاجاها ولا قرب يمها رغم هيه كاعده ومتململه تريد احد يلعبها

كعدت واحس بخنمت اول مرة يعزل فراشه عني حته بالزعل الي يصير بينه ينام يمي مايطلع فوماها هوه الزعلان

مرن يومين لاهوه حاجاني ولا اني .. وحته دوامي مارحتله  ولاهوة رايح الشغله بس يلاب مريومه يمه ويتخابرون هوه وسجاد الي عرفته هوه مخلي عمي يجي يبقيني

هاليومين كلهن واني افكر بهاي الكتله ماراحت والمها جاي يزيد

دخلت ع النت وبحثت اعراضها اعراض ورم

بالليل صارت الفكار السوده تسيطر ع عقلي بجيت واني اباوع البنتي وهيه بسريرها

بجيت بصوت عالي نااريد ارضي اني ماغلطانه بس مشتاقتله واحس هذي ايامي الاخيرة ومااريد زعل اريده محتاجته حيل

خوف بداخلي  مو طبيعي حته دكات كلبي اتسارعت
ليش البشر يخاف من الموت وهوه حق ونهايتنه كلنه
شنو السبب بعده عن رب العالمين لو حبه الحياته يخلي يتمسك بيها  اااه من هسه اشتاقيتله اشتاقيت الحضنه اللمساته الخوفه وحرصه لهفته ودلاله

لشتاقيت البنتي اتمنيتها تكبر كدام عيني

امي اخخ يمكن لمي اكثر وحده تتاذه مشتاقه الكميل المصطفى الابوي اريدهم كلهم اريد اشوفهم اشبع منهم

والله حاسه روحي اودع اريد اوصيهم ابنتي

لميت نفسي وصرت اتخيل كل واحد شنو ردة فعله لو متت امي ابوي اخواني عمامي بنتي الا ركاد ماجاي اكدر اتخبل ردة فعله

غمضت ونمت بوضعية الجنين شهكت بصوت عالي وشهكه تبعتها شهكه

حسيت بحضنه لمني
جريت نفس قوي اريد اتنفس بقربه
دفن راسه برگبتي

..لا انا ولا انتي الي نكدر نبعد عن بعض ليه نعاقب ارواحنه على شي ماهوو بدينه

بجيت من سمعته عباله ابجي لان زعلانه مايدري بالي بيه

دارني عليه دفنن نفسي بركبته وصرت ابجي واتنفس واملي رئاتي بعطرة

..كافي يرويحتي لاتعذبيني بدموعج كلشي يتصلح حكج علي وجدامنه وكت نكدر نتجاوز فيه كلشي حصل

هزيتله راسي بخوف

..ماعندي وكت شهكت وكملت كلامي
رماد اكو ورمة بقدري اني مريضه

بعدني من ايده وكعد الحيله انخبص

من ضربتي لج اخاف من صربتي تروح لاتخافين

هزيت راسي نافيه طلعتلي ابداية حملي وراحت وحسيت بيها بنهاية حملي هم
بس بسبب الضربه صارت توجعني

مد ايده عليه شفتها ترجف بصوت مليان خوف وقلق گال

..وريني لشوف

اخذت ايده وخليته عليه اتحسسها بشمل دائري
ماحجه شي بس اخذني الحضنه وصار يبوس ويشتم بيه مو برغبه لا بخوف وحنان.

مانمنه للصبح لا اني ولاهوه
يهديني ويكلي مافي شي لاتخافين عادي وبتصير بس الخوف البعيونه ماكدر يخفي

صار الصبح
اخذني للطبيبه خلينه مريم يم امي وكتلها رايحه للدوام

وصلنه ع الطبيبه ودكات كلبي تزيد الفحص السريري والاشعه والاجهزه
ماحسينه الا عابر الضهر

دخلنالها اني وركاد جانت عذنها ماتخليها بعيني تشرح الركاد حالتي
كالت شلون حست بيها وشومت عرفتها

كلها من يومين انضربت بصدرها وحست

..لا و مال يومين صارلها هواي عدها وممنتبهه الها ممكن بسبب الضربه عرفتو وهالشي من صالحها الله يحبها التاخير ابد مو بصالحها انطيك تحويل بتقرير طبي للجراح… .. ابغداد عملية باسرع وقت ولتخافون ممكن بس الرمه تنشال ميحتاج رفع الصدر كله

ماادري شوكت كعدت وشلون بس انتبهت عليه من كومني بايده والتقارير لازمها بايده

مسح دموعي بايده رغم عيونه مليانه دموع

اخذني صعدني بالسياره ورجع للصيدلية جاب العلاج

تاخر عليه شويه احه مبتسملي بس عيونه حمر ورموشه الطوال ماكدر يخفي بللهن

..تعبتك انا وخليتك تنطرين شوفي هاللعبه جبتها المريوم برايج تعجبها

..غنضت ودموعي نزلت اخذ راسي بايده خلاه ع صدره

..لاتخافين كالت سهله بس هي تنشال ومن باجر الصبح حنا نروح وربنا يسهل بس خلي ايمانج بالله
انا طلبتك من الله من اول يوم شفتك طلبتك منو بالحلال واخذتك الله يدري مايعيش ركاد بدونج
عندي ليمان بالله انتي تظلين لي ام بيتي وكلبي
حبييبتي وغاليتي

لا تجبنين والي يسلمج ماهو الي في بالج بعيد الشر عنج حعل يومي كبل لا اسمع فيج شي

عمري وروحي مالي وحلالي كلي تحت رجولج

ماكو شي مالو علاج والله لشريج شرايه

بس لاتضعفين

اخذني للبيت انطاني علامي ماقبلت اكل رغم جايب اكل نمت بدون مااحس ع روحي حته بنتي نسيت اسال عنها

………

سجاد

الموقف الي صار وعرفته بعدين مااثر ع خوتنه اعرف ركاد واعرف قصده والي سواه صح
شيكل الزوجته مثلا امي تتبله عليج صعبه كلش
ابد مو سهله باعتبار امه هاينته اله
مااعرف شنو من خلك الشايله الي يخلي يسلم عليها ويتحمل عتبها اذا طوول وماجاي
يشوفها
جنت جوه وفكري يم زوجة ابوي وين تريد توصل بهاي مشاكلها كاعد بالحديقه

اندفع الباب وفات ركاد
تعبان يجر التفس كوه ورجل تتقدم ووحده يرجعها
جر نفس عبالك مخنوك دخل وبالي يمه

اليوم. هوه بالناصريه عنده مراجعه الاهله
فرحت من كال الصبح ماخذها للطبيبه معناها اتصالحوو

ربكتني حالته تقدمتله وسألته

..ركاد شفيك

اتعداني ودخل للبيت فتت وراه
امه كاعده بالصالة والكل مجتمعين ماعدا امي الي زعلت ع ام ركاد من سمعت بالحجايه
وابوي طرد مهرة وكلها خل يجون اهلها لو انتي ترحين وياهم مالها ظله
بس راحت الخالتها الثانيه من سمعت كلام ابوي واني اصلا ماارتاحلها ارتاحيت من طلعت

فات ركاد بدون مايسلم نزل يم رجل امه

دنك عليها باسها

انصدمنه من الموقف همه متزاعلين وجان يتهدد

بصوت تعبان اترجاها ودموعه نزلت

..سحبي دعاويك يايمة كولي الله يريحوو لو تكولين الله بياخذ عمروو كولي الله يطير رزكوو بس لا راحتي ييمه لاتمتحنيني فيها
بموت انا والله

والي يسلمج سحبي دعاويك عني

يشهد الله الموت ارحملي

اتفاجات امه من حالته رفعت رسه وحضنته

..اسم. الله عليك يمه شفيك

ابري اجه يمه مامتعودينوالضهف من ركاد دائما قوي ومامهتم بس خوفتنه حالته حيل
ابوي كله بتك. فيها شي شفيك يبوك

..رفع راسه فاتح عيونه مايريد يبين دموعه بس نزلوو غصب عنه

گال

..مرام يبوي فيها ذاك المرض وبكرا انا مسافر من الصبح عطتني دكتورتها تحويل

..الكل استنكر والحزن خيم علينه كلنه
حجينه حالنه حال احباب مل مريض يتلقه هالخبر

..ركاد يجوز غلط اشتباه يمكن ورم حميد

هند كالتله خاف تليف نفس الشي المل صارو اطباء بس حته نشتت خوفا

..مسح دموعه بطرف ايده

..لا بالبدايه كنت مثلكم مفمر بكل شي الا ذاك المرض

خليت مرام بالسياره ورجعتلها وشرحتلي كل تاخير مو بصالحها وممكن يسيطرون عليه

تنشال المتله وبعده تتعالج اما باشعه او جرع كيمياوي

گالها وطلع للحديقه ابوي كال خلوه
وحده

اني بالمطبخ واسمع صوت شهكاته

بعمري مامتخيل اشوفه بهالحال

امه صارت تبجي عليه وتكول والله حته دعاويي مو من كلبي والله مايتقبلها

طلعتله تبجي حضنته وصار صوته اعلى

ميثه وجراح طلعو من بيتهم مو فاهمين اتفاجاوو من شافوه
اشرتله يجي لايساله
حجيتلهم الصار جراح جر كرسي وكعد وميثه اتخبلت تبجي بصوت عالي ع صوتها طلعن امي وهند وصار بيتنه مناحه
ابوي فرقهم وطلعله

كعد يمه بمستواه طلعت وراه

..كاله هذا اختبار الك من ربك انت گلبك متعلك فيها والله مايختبرنه الا بالي نحبوو طلع عبرتك وضعفك هان حنا نسندك ونكون ذراع الك لاكن خلك گوي جدامها
وخلها تشوف الدنيا بعيونك بعدا حلوة. وزاهيه ماكو شي مالو علاج وانا تحت امرك بالي تريدوو خذها وابعث تقاريرها للدول والرحمه من الله عسا يرحم حالنه

هز راسه وغسل وجهه
وطلع

ماخليته وحده رحت وياه مرينه ع اهلها اخذ مريم صعدنه وخلاها بحضنه سقت بمكانه الطريق كاه مانشفت دموعه

خابر كميل وكاله اريد اشوفك الليله ضروري

لولد هم انخبص اباله اكو مشكله بينهم كله لا بس اريد اشوفك ومو بالبيت اني وياك بس كله تعال للعياده

اخذنه مريم الشووگ
فرحت بدخلتنه واستغربت وجوهنه كتالها تعبانين جنه بالشغل كالها خلها يمج اشوي واجيها
جانت فرحانه حيل بطرف السانها حجايه ماتكدر تكولها

رجعنه للعيادة باقي مريضين انتظرناهم يطلعون ودخلنه

احتار ركاد شلون يفتح الموضوع وكميل شك اكو شي طلعله التقارير والفحوصات
نزلت دمعه منه مسحها بطرف ايده بدون ماينطق

اصعب النواقف الي تمر عليه
اثنين عدهم هالانسانه اعز مايملكون
بالبدايه كمبل قرا التقارير بدون تركيز بس من شاف الاسم ورحع قراها ومف ع حيله

ظل واكف دفع كرسيه وفتح دكمة قميصه الاولى
افتر بعيادته ورجع كال وين هيه هسه وشتعرف عن حالتها

رماد اعترف بفتح ايده بمعنى هوه مايعرف
ولا يكدر يعرف او يركز

كله ع العموم ماكو خوف ان شاءالله المرض صح من زمان بس ممنتبهتله بس بعده بدايه حجمه صغير ينشال وحده الطبيبه ذاكره باجر احسب احسابي وياك ولاتنطي خبر الاهلي اذا شافت ضعف بعيونهم تضعف خليني اني وياك واريد وحده ويانه لازم وياها مريه

كتلهم امي تروح ماتكول واني اذا تحتاجون اروح

كميل كال لا ماكو داعي

ثاني يوم الصبح اهلي كلهم يمها وسلمو عليها بس ابري ماقبل البنات والنسوان كال يبجن ويأثرن عليها
جراح اخذ مريم يريدها يمهم تبقى وامها اتخبلت كالت مااصعد الا هيه وياي

حاول ركاد يقنعها ماقبلت كلهم خلوها
اخذ جنطتها والي تحتاجه وصعد هوه وكميل وامي وياهم

… ..

شووگ ..

بيوم. المشمله انكير واهسي ماحللت

وره يومين واني يم عيالي ابيتي كلت اروح احلل باقي يوم ويجي حبيبي جهزت بيتي ونفسي والاكلات الي يحبهن

كلت العمتي وماصدكت من الفرحه كالت هسه

رحت سحبو دم. من ايدي ولبي احسه يريد يطلع من صدري خوف وقلق افكاري راحت بعيد صرت اتخيل يوم. ولادتي وفرحة ياسر وفرحتي مخبله مو صاحيه واني الهسه مامتأكده حامل لو لا

طلعت وعبالك الدقايق تمر يسنه صار اكثر من سنه انتظر ياوب لاتفشلني
صتحو اسمي وكمت كوه وعين عمتي عليه تدعي وتسبح

كالتلي مبروك حامل
صرت مااشوف طريقي من الفرحهلت العمتي اخذت جكليت وياها وباركتلي بفرحه احسها فرجانه بكثري

وصلت للبيت وخابرت ياسر

جاوبني بصوت نعسان الظاهر نايم

..الوو حبيبي شنوو نايم

..هلا حبيبتي اي نايم تعبان والله شلونج

..الحمدلله مشتاقتلك

..باجر يبيين شوكج حضريلي الچويتي وي ذبي العباية. اريدها هالمرة اكثر من كل مرة مشتاق

..ضحكت وكتله هالمره تعذرني مااكدر

..بدينه بالعجز مو هيه بكيفج

..لا مو عجز بس اكوو من يمنعني

..شنوو مافهمت منو يمنعج

..حبيبي اني حامل

سمعته سكت رجع كال عيدي اريد اتاكد سمعت صح اني لو لا

..اي والله صح اني حامل

..الله عليج متأكده ولج لو جذبة. نيسان ب اب

..ضحكت لا والله متأكده

..يابه الله يفرحج مثل مافرحتيني روحي امي جاي تخابرني

..اي تريد تكلك اكيد لان جانت وياي
يلله حبي خابرني من تخلص مكالمتك وي عمتي

سديته منه فرحانه

اجوني اخواني فرحت بشوفتهم مامركزه بكلشي من كد فرحتي خلو يمي مريومه استحيت اكلهم بحملي عيب بس همه دوم يسالون امي عني سوده عليه مشلوع كلبهم عليه لان صار اكثر من سنه

انتظرت ياسر يتصل بيه مامو لليل راسلته هم نااتصل اتصلت عليه جان مخنوك حيل

كال ماكتيلي ركاد ومرام باجر جايين البغداد

..لا منو جاي مشتبه شعدهم جايين

..ها ماتدرين انتي

تند وكال زياره يمكن

..مساع جان يمي مامال اروح جاب مريومهرورحع اخذها

..يجوز نسه روحي شووك تعبان اريد انام لاتتصلين بعد

ضجت يربي هذا شبي وره ماخابرته عمتي مخنوك ومايحجي

ومرام ليش ماكالت اروح خل اراسلها احسن

يتبع..