رواية عشق الغيث الجزء الاول +الجزء الثاني الفصل السادس والعشرون 26 - بقلم samsamaa_sayed

الفصل التاسع
     الجزء الثاني
     عشق الغيث

قاطعهم صوتها الانوثي القائل : غرام اسمها غرام
نظر غياث إليها لتعتلي الصدمه علي ملامح وجهه
غياث بصدمه : سبأ !!
تقدمت سبأ نحوه مردده بملامح حزينه : اتوحشتني جوي ياغياث جوي
غياث : يعني انتي عايشه فعلا !!يعني كلام غرام كان صح !!كنتي بتضحكي عليا كل ده
سبأ بخبث : لع ياغياث لع اسمعني ارچوك معنديش وجت واصل

نظر غياث لشادي مردفا بامر : اتفضل انت دلوقتي وبعدين نتكلم
نظرت سبأ لشادي باانتصار فغضب شادي للغايه واتجه للخارج عازماً علي فعل شئ ما
اما عن سبأ فاانصدمت عندما شعرت بيد غياث القويه تهبط علي وجهها بعنف

غياث بصوت عالٍ يحمل من الحزن مايكفي : ليييه لييييه عملتلك ايه عشان تعذبيني كدا لييه  ده انا حبيتك من كل قلبي كنت مستعد اعملك اي حاجه بس تبقي مبسوطه ليه عملتي فيا كدا ردي عليا
اردفت بحزن : كان لازماً اعمل اكده عشان احميك ياغياث

غياث : تحميني من ايه وليه انطقي
سبأ : احميك من ال عاوزين يجتلوك عشان الثروه احميك من سميرة واخوك وخيتك
نظر إليه بغضب شديد مردداً : متجبيش سيرة امي ولااخواتي علي لسانك انتي فاهمه !!والعبي غيرها انا مش مصدقك مفيش اي مبرر او دافع يخليكي تعذبيني طول المده دي

امسكت بيده ودموعها تهبط بغزاره : صدجني هو ده ال حوصل اخوك كان هيجتلك لو منفذتش ال طلبه مني عاد انا بحبك جووي ياغياث وكنت بموت كل يوم وانت بعيد عني وانا شيفاك بتتعذب واصل بسببي مكنش بيدي اعمل غير اكده حتي ولدك ال كنت عيزاك تفرح اني حمله

فيه مجدرتش اجولك كنت خايفه اخسرك انا هربت منيهم وجيت علي اهنيه كانوا عاوزين يجتلوني لما وجفت جصادهم كانوا هيجتلوني انا وولدك بس لو مش عاوزنا انا هرچع ليهم ومعدتش حياتي فارجه معايه واصل

نظر غياث إلي عيناه ومن ثم قام بااحتضانها بقوه مردداً : لا مش هسيبك تضيعي مني تاني مش هسمح لحد انو يأذيكم انا اسف علي كل ال انتي اتحملتيه لوحدك ده اسف ومش هرحم اي حد كان السبب في بعدك عني

اتجهت بهاتفها نحو غرفتها بسرعه وهي تنظر للهاتف قائله : هنعمل ايه عاد ياغرام الحيه رچعت تاني واخوي مصدجها واي حد هيجرب لها هيموته وخصوصا بعد حملها ده

تحدث غرام من الجهه الاخري وهي تجفف عبارتها بقوه قائله : كان حل كويس لما اتصلتي بيا فيديو عشان اشوفها واسمع الكلام ال قالته بس بظهورها المواضيع هتتعقد شويه بس لازم نتصرف بحذر لان اي غلطه ولو صغيره هندفع تمنها غالي متحاوليش تتكلمي مع غياث دلوقتي لان عقله مغيب تماماً فاهمه !

واتعاملي معاها ببرود تام لحد مااتصرف انا
اشارت برأسها بالإيجاب مردده : حاضر ياغرام بس متبكيش عاد ان شاء الله الموضوع يخلص علي خير
غرام بإبتسامه صغيره : حاضر متخافيش وخليها علي الله وكلوا هيبقي تمام ان شاء الله انا هقفل دلوقتي  عشان عندي مشوار مهم الصبح او بمعني اصح لازم ننهي شوية حسابات

اريچ : ماشي خلي بالك علي روحك سلام
غرام : سلام

عند غياث وسبأ ظل محتضنها وهو يفكر بحزن (انا عملتلك حاجات كتيره اووي بس انتي استحملتي اكتر جه الوقت عشان اوقف كل واحد عند حده وانهي كل الخلفات دي )

سبأ بتفكير (انت اغبي واحد انا شوفته في حياتي ياغياث غبي وانا بكره الاغبيه بكره تندم علي كل حاچه  ميبجاش اسمي سبأ لو مخلتكش تجتل روحك عاد تحت مسمي انك بتحميني )

ابتعد غياث عنها قليلا ليتجه مصطحبها نحو غرفته
غياث : ارتاحي دلوقتي والصبح نبقي نتكلم
سبأ بإبتسامه صغيره : حاضر

عند عامر فتح عيناه بتثاقل واخذ ينظر حوله بتفحص وجدها تنظر إليه ببرود مردده : حمدلله علي سلامتك يابن الثامني الف سلامه عليك انت اكده بجيت زين

اردف عامر بضعف قائلا : هند
هند ببرود : متخافش عاد مهاذيكش كيف ماعملت عشيجتك انت ف امان اهنيه ولحد ماتتعافه وتيجي زين ماهتشوفنيش واصل تتصبح بالخير

وقفت وجاءت لتذهب ولكن امسكها من يدها مرددا : لع ارچوكي متهملنيش لوحدي …ومن ثم اكمل بصوت ضعيف : بعترف اني كنت غبي ومجدرتش حبك ليا ولاخوفك عليا ولاجدرت تحملك ليا ولجرفي ولطمعي ولاجدرت وضعك الصحي وبسببها خسرنا ولدنا انا اسف لكل ال حوصل عايز ابدء معاكي صفحه چديده

بس بعد مااجفل موضوع رضوي وسبأ مهيسكتوش غير اما يجتلوا غياث ويأخدوا الثروه كلها وخيتك بتبني هتتأذي وفي احتمال كبير انهم هيجتلوها وياه
نظرت إليه بصدمه قائله : يجتلوها !!وخيتي بالتبني كيف مفهماش حاچه واصل كل ال اعرفه انك متفج انت وسبأ انكم تدمروا غياث بس كنت متاكده انهم هيغدروا بيك واصل

عامر بتعب : هفهمك كل حاچه بس توعديني انك هتفضلي جاري ومتسبنيش
هند بحزن : اوعدك
عامر : ……………………

عند غرام وقفت تبكي وهي تنظر للسماء مردده بصوت حزين (بهرب من نظرات الناس ...علشان عرفوا حكايتي معاه
عارفين انه نسيني خلاص ………)

اخذت تردد كلمات الاغنية بحزن حتي انتهت وظلت تبكي بشده

اردفت بضعف قائله : ياررب قوييني يارب واحميه ممن كل شر يارب اديني القوه اكشفله حقيقتها يارب متخذلنيش ومتمسهوش بسوء يارررب
احست بيدها توضع علي كتفها فانظرت إليها بحزن فااردفت هي باانزعاج : بطلي عياط بقي حرام عليكي نفسك

غرام : صعبان عليا نفسي اووي يافاطمه حاسه ان ربنا مش هيجمعنا في الاخر حاسه بقلبي واجعني اووي انا عمري ماكنت ضعيفه كدا ولاعمري اتمنيت ابقي كدا بس انا بيحصل معايا كدا ليه معرفش انا تعبت وزهقت من كل حاجه

فاطمه وهي تحتضنها وتربت علي ظهرها بحنو : اهدي وكل حاجه هتبقي كويسه بس انتي قولي يارب وربنا عمره ماهيخذلك ابدا
غرام : ياررب

فاطمه بمرح : بطلي بقي التيشيرت باظ خلاص اوعي ياست الحق اروح
غرام بإبتسامه صغيره : خليكي معايا النهارده
فاطمه : مش هينفع لازم اروح عشان زوزو مستنياني تيجي انتي معايا !!

غرام بتفكير : ماشي انا حابه اشوف مامتك وباباكي خديني معاكي
فاطمه : ماشي يلا بينا

اتجهت فاطمه نحو النافذه فااردفت غرام بضيق : بطلي بقي شغل الحرميه ده وشغل العفاريت في حاجه اخترعوها اسمها باب بطلي تدخلي كدا وتطلعي كدا عشان متقعيش

فاطمه وهي تغمز لها : مايقع الا الشاطر وبعدين انا مبحبش البيبان هتيجي ولاتلفي وتيجي بحراس فهد بااشا
غرام بتفكير : لاحراس لا انا مش ناقصه هاجي

هبطت غرام وفاطمه بحذر شديد من النافذه بعد التقاط غرام مفاتيح سيارتها وهاتفها اتجهوا نحو سيارة غرام وصعدوا بها ومن ثم انطلقوا سريعاً نحو منزل فاطمه

بعد مرور بعض الوقت في احدي المناطق الشعبيه
اردفت فاطمه قائله : بس بس وقفي العربيه هنا مش هتقدري تدخلي بيها اكتر من كدا
غرام : المكان امان هنا يعني !!

فاطمه : عيب متخافيش انتي في منطقتي يلا بينا
ترجلت الفتاتان من السياره واتجهوا نحو منزل فاطمه
صعدوا علي درجات السُلم المتهالكه حتي وصلوا لمنزلها

اردفت غرام : تتحسدي والله اول مره اشوفك بتطلعي سلم
فاطمه بإبتسامه : للضروره احكام
سمعت غرام صوت رنين هاتفها فانظرت للهاتف وزفرت بضيق

فاطمه : مين !؟
غرام : فهد !
فاطمه : طب ردي شوفيه عاوز ايه بدل ماتحصل مشكله
غرام : طيب

اجابت غرام وهي تضع الهاتف علي اذنها بينما طرقت فاطمه الباب بخفه فافتحت إليها وزينب بنظرات متوتره

اردفت فاطمه وهي تنظر إليها بتفحص : مالك يازوزو في ايه !؟
صمتت عندما وجدت الباب يفتح علي مصرعيه وتقف هي ممسكه بالمسدس وتضعه علي رأس زينب
اردفت بخبث : مفأجاه !!
……………………………………………………………