رواية عشق المومنين(أبناء الساده) الفصل العاشر 10 - بقلم نازك الحمراني

عشق المؤمنين
نازك الحمراني..

(إنّ العبد يكون له عند ربّه درجة لا يبلغها بعمله فيبتلى في جسده أو يصاب في ماله أو يصاب في ولده فإن هو صبر بلّغه اللّه إيّاها).

فزيت ياريتني مافزيت جسمي مو جسمي
وجع قوي،وجهي، اريد افتح عيني مااكدر
اريد أجر نفس صدري مهشم،واتوجع ماكو بس وجع صحت، من الألم وصرخت
ماجاي أتحمل ولا أكدر اقاوم الألم حالي مثل المكسرين جسمه عظامه عظمه عظمه ألم فضيع اريد أحد ينجدني من دائرة الوجع الي جاي أحس بيها

بچیت،ومو أي بچي اريد اعرف شنو بيه أي عضو أبجسمي أحركه أتوجع وتعذب أريد ألتفت على الجهه اليمنى عبالك راسي واحد طاگه بچاقوچ‌ حدید عملاق

التفت علی الجهه الیسری، احس ماي حار يطيح بأذني أرفع ايدي اليمنى مخلوعه
ايدي اليسر مكسوره رجليه ماحس بيهم

وجهي ملفوف كله،ماعرف ليل نهار جيت ارفع جسمي الوجع طگني من الهامه الى الاصبع الچبیر صحت مره ثانیه ممتحل ةالوجع أصيح منه،موتوني موووووني مااريد أعيش،ارحموني مااتحمل الألم

وجهي ملفوف، رجلي مجبوره كل نفس أخذه احس اضلوعي تدخل بريتي وتزرفها حتى النفس يوجعني وجع موت

ظهري،مااكدر احركه من احچي عبالك
مثل الطاعني بخنجر بلعومه والخنجر واصل للعظم الضلع رجلي ماكو مجرد الم

صحت بوجع يارب موتني،موتني يارررب لا تختبرني، الألم قوي ياالله ياالله ياالله
عيوني،عيوني اريد اشوف وين انه يارب
ماكو أحد يجاوب سكتت مااكدر اصيح لامبس اسمع بچي جدي يمي.
وأمي....اريد اكلهم موتوني ولا هل ألم...
مااريد اعيش...والكم حتى النفس يوجع

بِسْمِ اللهِ الرَّحْمَنِ الرَّحِيمِ : إِلَهِي أَلْبَسَتْنِي الْخَطَايَا ثَوْبَ مَذَلَّتِي ، وَجَلَّلَنِي التَّبَاعُدُ مِنْكَ لِباسَ مَسْكَنَتِي ، وَأَمَاتَ قَلْبِي عَظِيمُ جِنَايَتِي ، فَأَحْيِهِ بِتَوْبَةٍ مِّنْكَ يَا أَمَلِي وَبُغْيَتِي وَيَا سُؤْلِي وَمُنْيَتِي ، فَوَعِزَّتِكَ مَا أَجِدُ لِذُنُوبِي سِوَاكَ غَافِراً ، وَلا أَرَى لِكَسْرِي غَيْرَكَ جَابِراً ، وَقَدْ خَضَعْتُ بِالإِنَابَةِ إِلَيْكَ وَعَنَوْتُ بِالِاسْتِكانَةِ لَدَيْكَ ، فَإِنْ طَرَدْتَنِي مِنْ بَابِكَ فَبِمَنْ أَلُوذُ ؟ وَإِن رَّدَدْتَنِي عَنْ جَنَابِكَ فَبِمَنْ أعُوذُ ؟ فَوا أَسَفَاهُ مِنْ خَجْلَتِي وَافْتِضَاحِي ، وَوَا لَهْفَاهُ مِنْ سُوءِ عَمَلِي وَاجْتِرَاحِي ، أَسْأَلُكَ ـ يَا غَافِرَ الذَّنْبِ الكَبِيرِ ، وَيَا جابِرَ الْعَظْمِ الْكَسِيرِ ـ أَنْ تَهَبَ لِي مُوبِقَِاتِ الْجَرَائِرِ ، وَتَسْتُرَ عَلَيَّ فَاضِحَاتِ السَّرَائِرِ ، وَلا تُخْلِنِي فِي مَشْهَدِ الْقِيَامَةِ مِنْ بَرْدِ عَفْوِكَ وَغَفْرِكَ ، وَلا تُعْرِنِي مِنْ جَمِيلِ صَفْحِكَ وَسَتْرِكَ ، إِلَهِي ظَلِّلْ عَلَى ذُنُوبِي غَمَامَ رَحْمَتِكَ ، وَأَرْسِلْ عَلَى عُيُوبِي سَحَابَ رَأْفَتِكَ ، إِلَهِي هَلْ يَرْجِعُ الْعَبْدُ الآبِقُ إِلَّا إِلَى مَوْلَاهُ ؟ أَمْ هَلْ يُجِيرُهُ مِنْ سَخَطِهِ أَحَدٌ سِوَاهُ ؟ إِلَهِي إِنْ كَانَ النَّدَمُ عَلَى الذَّنْبِ تَوْبَةً فَإِنِّي وَعِزَّتِكَ مِنَ النَّادِمِينَ ! وَإِنْ كَانَ الِاسْتِغْفَارُ مِنَ الْخَطِيئَةِ حِطَّةً فَإنِّي لَكَ مِنَ المُسْتَغْفِرِينَ ! لَكَ الْعُتْبَى حَتَّى تَرْضَى..

ألألم يزيد ماينقص ماينحمل مااحس منو اليمي ومنو اليبجي ،وجهي ملفوف تقرب صوت اقدام قرب عليه بودي أگوم حتی اعرف صوت منو وهمين منو الاصوات الكاعده یمي ومنو صاحبهم بس من لزمت الايد عرفت هذا دكتور

رفع راسي بحذر بس چن یرید یفصله عن جسمي كد الألم بدى ينزع أللفاف،من صفحة عيوني وكل لفه يلوفها للضماد
كان يسحب روحي مافتح الضماد گله بس
مگان عيوني ومااريد افتحها أخاف انصدم بلي اشوفه....

من خلال أختصاصي ودراستي والوجع عرفت كلشي بيه مكسر وگلشي بيه غير قابل للتصليح

حتى أحس راسي مكسوم نصين گل جهه وجعها شگل صوت آمي،وجدي يمي
ماسألت أي أحد عن أي شي لأن اقل كلمه تموتني وجع سكتت وبقيت ساكت بس اللساني يستغفر ،ويسبح،،وحزين جسمي عاجز يكوم يصلي فقط الوجع رفيقي

"إن الله تعالى يقلب حياة الانسان بين شدة ورخاء،وبين رخاء وشده حتى يؤجر أجر الصابرين والشاكرين في آن واحد، ويَعلم أخيرا أنه لا مؤثر في الوجود إلا هو، وهذا أعظم درس من دروس الوجود.

ضربوني مهدئات ،وكل مااصرخ هم اخذ مسكنات،وبقيت هذا الاسبوع عایش عل مهدئات، وذا ماگو أو يتاخر دكتوري أبقى أصيح الغوث من الوجع، كل لحظه تمر...
ادعي ربي يموتني ولا هل ألم مينجرع
وا أحس أ نشلع كلبي... وي كل شهكه مني

تمر الساعه واليوم،والوجع وياهن،يكبر
ألى أن كعدت بنص لليل أريد أصلي بس أشلون أکوم واتوضى أضافه مفعول لمهداء خلص،وبعد مایضربوني ابرتين...

صادف صيف‌ بکعدتي مشغلين المكيف بغرفة المستشفى ،لان من شويه چانت بنص الصیف والمگیف برد الغرفه وصارت البروده براسي بقى يصل عليه،،وي كل نفس أخذه الوجع يزيد، أيدي اليسرى أوتارها مكطعه اليمنى كوه حركتها اريد اعرف مصير ويه هذا الوجع الي يزيد ماينقص

رفعتهاا خليتها على صدري..مجرد خليتها شهكة شهكت ألم‌ عرفت ضلعي مكسور بقيت أتلمس صدري شخصته مكان الكسر ونصدمت من عرفت ألضلع السائب

نزلت دمعتين مني غصب تعصبت،غضبت ضربت بأيدي على الچربایه..لآن هاي الحاله تصير من يتعرض واحد‌ من الاضلاع للكسر

ويكون ضلعين او اكثر مکسورات ويضل يعاني المصاب بهذه الحالة من شغلتين . اولاً الوجع القوي موت بمنطقة الصدر

ثانياً ضيق في النفس وي كل شهقه وزفير يزد الالم لان الجزء المكسور من الضلع
يتحرك بشكل معاكس عن بقية الاضلاع
واني اتلمس الوجع زاد

لا أرادين بچيت بحرگه مأيس من كلشي..
وادعي على نفسي بلموت‌ وردد یارب موتني موتني موتني وخلصني مااتحمل

وتراولي صورة عقيله وهي تشوفني هيچ حالي شخص مأيس فطنت على نفسي
وين حبي الرب العالمين وين الصبر على بلاء وين القوه على الوجع أنا هسه جازع

اردد باسف
-استغفر الله ربي واتوب اليه ياربي مو قصدي اجزع، وتدري بيه ماجازع يارب ماينحمل الوجع، ساعدني صبرني يارب

كأن نسمة هوى بارده أجتني بوسط الألم
ذكرتني بساعتها امي الزهرأء عليها
وضلعها المكسور، أنه مثلها أذأ أتنفس الضلع ألسائب يضرب على رئتي امي ألزهراء عليها السلان هي ريحانة الحبيب
شلون تحملت هلكد وجع.

ندبتها وابچي بحسره عليها واحاچیها

-ياسيدتي يازهراء يمه يلزهره انتي تعرفين الم العظم من ينكسر

‏- يحكى أنّها كلّما تنفّست .. تألّمت ..!
لعن الله من قيلَ له أن في الدآر ( فآطمــه )! ، قآل : وإن !
بنت من؟
أم من؟
حليلة من؟
ويل لمن سن ظلمها وأذاها

يمه واني هسه موبس ضلع كلشي بيه مكسر تكسر يمه ساعديني بعد ماتحمل
امي يازهراء احلفج برضوا ضلوعه بكربلا
اغيثيني خلصيني موووووو رااااح أموت

ويه كل حچايه الوجع يگتلني گتل صحت‌ بشوغه ،وحسره،وجع ياااااازهراء
يااااااااااازهرااااااأاااااء ياااااازهرااااااااااء
.
صوت اخوي سيد مجتبى اجاني فتحت عيوني ارید اشوفه،مشتاق الهم ،سبوع وعیوني مااشوفهم بيهاا، وهسه لاااااااا نفتحتن بس من البچي مغوشه من الدمع

دخل سيد مجتبى كعد لازم ايدي گلي

-يفيدك أخوك بعافيته،بصحته يابعد أخوك
شبيدي عليك خويه، هييچ اخوك يشوفك تبچي ومايسوي الك شي گلي شسوي

كتله بحركة موجوع

-روووووح، روووح ، رووح صيح للطبيب يضربني مهداء..ووووووولك اخوك يموت
يموووووت من الوجع منين ألكاهاااااااااا ضلوعي من راسي،من عيني من رجلي من ايدي،من كلياتي رووووح صيحه

-صاااار صاااار يخوووي تدلل رااااااااايح
ركض لطبيب المقيم وانه بقيت اضرب بيدي من الوجع الى أن جاب الطبيب
گلي

-هااااسيد مهدي شسالفه هاي انت المؤمن
هييچ ترید هیچ تسوي بنفسك زين ماتخااااااااف على ضلوعك من تبچييي

ماحچیت ویاه ضربني أبره، ولساني حالي
يندب

بسم الله النور، بسم الله نور النور، بسم الله نور على نور، بسم الله الذي هو مدبّر الأمور، بسم الله الذي خلق النور من النور، الحمد لله الذي خلق النور من النور، وأنزل النور على الطُور، في كتاب مَسطور في رَقٍّ منشور، بَقَدر مقدور، على نبيٍّ مَحبُور، الحمد لله الذي هو بالعز مذكور، وبالفخر مشهور، وعلى السَّرَّاء والضَّرَّاء مشكور، صلى الله على سيدنا محمد آله الطاهرين

الى أن هدئت ورديت نمت نومه مابيها وجع واشوف بعالم الطيف واشوف نفسي نايم على چربایه بس مو مال مستشفی..
واشوف مریه منقبه او من النور ماشفت وجهه اجت وكعدت يم راسي ما أمكن أشوفها زين لأن كلشي نوراني بيها نوراني سمعت صوتها الي چان حنین کلش...دگلي

-ها يمه مهدي جزعت...جاوبتها

- يمه تعبت،وهلگت من الألم بس والله ماجازع.

رجعت دگلي

-شلون تتعب مشوارك طويل يمه...

-والوجع

-الوجع أني يمك وراح أخفف عليك أنت أنسان من الأخيار،من الطيبين المباركين

فرحه داخلي من گالت هیچ التفت علی رجال اجی صوبنه تقریب شاب بس خشن وطويل بضخامه رفعت راسها اله......
وتحچي وياه ودگلخ

- يمه هذا بامانتك ...جاوبها

-هو بعهدتي ومگانه قریبآ یمي

فزيت افتح عيوني صاير الصبح والشمس
جايه من صوب الشباك ضلوعي وراسي خاف الألم بيهن مو مثل الليل

تتاوعت يم رجليه أخوي مجتبى يمي كاعد ويشهك من البجي عيونه حمر من الدمع مديت ايدي وخليتها على ايده...ارد اهدئه...

-عضيدي ليش تبچي يخوي

دنج باس ايدي ويحچي بحركه..وحزن

-يخويه ألخاطر محمد صير زين الله يوفقك علمود أمي امنا تعبت تعبت الخاطر الزهراء الي بقيت أنت تندبها طول الليل ...

-أمي صدك وينها وين أمي سيد

-امي ولك خويه امنا راح تموت عليك
امي تعبت وراح تموت

-گووول لاتقطر اتقطر بلحچي

-من يومين ألدكتور كال الأمي حالتك ميئوسه،وماكو شي صاحي بيك وذا احنا
صدك نحبك ونريد الراحه وعدم التعب
ألك والجسمك الموت أفضل...

فكايل الها عمي قاسم
-عوفي الدكتور وخلينه نروح نشوف سيد مهدي...

بقت تباوع العمي،وللدكتور ممصدگه السمعته‌ تهسترت وطلعت بشارع...بس عباتها على راسه وحجابها ‌مالابسه شي برجليه حافيه...

شافها سایق جدي رگبها گوه بسیارته گال
الها وین تردین ‌گايلته هسه وبسرعه نروح للامام وفعلا راحت ویاها عمتي لحكتها

وقرایبنا والعالم گلها آجت تشوفك،الي اجى من بغداد ولي من النجف ألا امنا.. راحت الابو فاضل تعنت اله وبحرگه
واكفه باب الحضره برى ماداخله بقت بشارع"بشمس

وهسه من انت نایمه وتدعي خابرتني عمتي تسولفلي تكلي ألناس كلها ألتمت على بواچيها وحچيها ويه ابو فاضل علیه السلامو كاعده بابه بعز الحر والشمس تگتل

دگله گلشي ولا ابني هو لي طلعت بي من دنيا، أريد عافيته منك ياأبو فاضل.احلفك بزهراء عليها السلام.

النسوان حاولن يطببنها جوه بلحضره.....
لآن الشمس على راسها وكاعده بلكاع الحاره وهي أبد مقبلت....
كاعده بابه ادكلهم الحد ميخابروني يله..

وهسه حلفلها السايق بالعباس انو أنت عايش ماميت ومابيك شي بس يريدها دگوم لأن أربع ساعات وهي كاعده بنص شارع گبال باب ابو فاضل ودمعتها ماوكفت بلا وعي ‌كاعده والناس تتفرج عليها

گوم سید مهدي امنا راح تتخبل والله منظرها يبچي الصخر ...حتى الزلم بچو علیها

سيد مجتبى یسولف علی امي ربطت کلام عمتي و السايق ويه بچي امي مع حلمي عرفت هذا ابو فاضل لي متكفلني...
وهسه بفضل الله وگفته صرت زين....
بس لیش یگلها انا گفیله الحد مایجینه

ساعه واجت امي شبكتني تبچي انه وياها ابچي،بيه مابيه تحملت الوجع وشبكتها واكتور متعجب عليه عايش

وبهل فتره بد جدي يجهزني الگل انواع ألعلاجات آلنفسيه‌والجسديه

وبدت عملیات الوجه،ورفع الگزاز الناعم بین الخلایا وبرغم نص وجهي يتلثم...بس شفت نفسي وجسمي صبحت هزيل جدا.

بس مافاد ويايه شي،حتى الحمام يجي سيد مجتبى يشيلني ،ويرجعني،وحتى هو يمشط شعري يزين لحيتي،ويغير ملابسي

ماقصر ويايه أخوي بس احس تعبته بيومها شالني من الچربایه حتى يكعدني علی للکرسي المتحرك،لطشت ايده بحافة الچربایه کعدني بسرعه وراح للحمام الداخل غرفة المستشفى

ماسألت بقيت منتظره شوي وطلع أيده عليها ضماد،انتبهت للكاع،أكو نقطة دم وعرفت من لطشت ايده انجرح بحافة الچربایه وماحسسني،حتى ماأنقهر عليه

هيچ اخ شلون آجازي، رغم أيده ملفوفه كمل لبسي ومشط شعري وعطرني دخل جدي علينه وسيد مجتبى يجهز علاجي حتى اخذه،
سلم جدي

-سلام عليكم ولدي الحلوين

جاوبنه اثنينه

-وعليكم السلام....كعد يمي جدي طلع علاكه سوده وگال

-هذا جواز سفر مالتك أنت وسيد مجتبى ولاوراق وكللل التحاليل والاشعات وانت سيد مجتبى تنطلقون وتسافرون بأسرع وقت ماشي ولدي

جاوب سيد مجتبى

-أي جدي الله يفرحك خليه هناك احسن بلگن یوگفون علی علته راح يموت من العلاجات

گال جدي

-هااااا وليدي وين سارح غير جاي نسولف
بعد مااااأاكو شي اسمه ألم انشاالله من نرجع ترجع آنت سید مهدي البطل

-لااااا جدي منتظر دكتوري لأن وجع بكليتي اليسرى،وهذا الوجع حتى لو مايشخصه الطبيب انه اشخصه بنفسي

-ماكو شي وليدي ألاطباء هنا كلشي سوو ولي يگدرون علیه

-أي بس نوروني يعني الضلع ألسائب محد گلي بيه من خلال وجعي وتلمسته عرفت شي ما أله حل ،رجليه مركبين بلاتيين بيهن أثنينهن وهم عرفت من اشتغل التكيفف البلاتين برد وبقى يصل على العظم وهمين ماگلتو الیه

-شتریدنه آنگولك يابويه

-جدي أنت وسيد مجتبى أريدكم تحچون حالتي ترى الجدامكم دخل دخل دورات تطبيقيه عند أحسن الدگاتره والاساتذه قبل لا ااااتخرج طبيب باشهر طوال يعني أعرررررف گلشي گلیتي من شنو تعاني

تقرب سيد مجتبى تنهد وگال

-شوف مولاي،أنت مؤمن وتعرف الله حق المعرفه يجوز أكثر مني لأن انه مو مثلك
متعمق بدين

-وضح مجتبى وضح

-سيد مهدي مادام گلت بس مجتبی معناها معصب یاأخي گلیتك أليمنى متأثره بلحادث، والدكتور قرر يشيل جزء منها اثناء العمليه، لازم تلتزم بعلاج حتى نحافظ عليها

-وبعد

-الباقي تعرفه انت هسه الدكتور الهندي حچینه ویاه وقرر لازم نستعجل بسفر

-أمي وين

-هسه تجي وفت نذرها وطشرت واهليه داخل الصحن وكملت طقوس الزياره وراح تجي

-سيد عامر وين ماهو ولا سيد امير ولا زيد وينهم

-كلهم زينين بس متضررين اشوي

-اريد شوفهم

-قبل لا نسافر وتشوفهم

جهزنه نفسنه للسفر ومنتظر الساده يدخلون ،اجو واحد ورى الثاني يسلم عليه اتناوع الهم سيد عامر ،سألتهم

-وين سيد عامر اريد اشوفه،صار اسبوع هو مايطول هلكد يعوفني حتى بلجامعه يعوف ستيج مالته ويجي يمي معقوله اسافر ومايجي

مجرد حچیت هیچ دموعهم نزلت وحدها جانت ايدي على مساند الكرسي المتحرك
نزلتهن وگلبي عالم صاير شي عطت بيهم

-ووووووينه ووووووووينه ووووووووينه
بچیت وانه كاعد،بچیت وحتی أيدي مااكدر أرفعها ألكل واكف يشوف حالي ويه اقل حرگه مني أتألمبقیت أبچي راح صديقي وأبن عمي رااااح واحلامه هوي يااااااارب استغفر الله ربي واتوب اليه لأحول ولا قوة إلا بالله العالي العظيم
وا إنّا لله وإنّا إليه راجعون مكدرت اسكت

عيطت صدري واضلوعي الوجع بيهن هاج وتخربطت من الألم شالوني من الكرسي
واردد بحرگه گلب

دُلَّني فإني تائه، وأرشدني فإني حائر، وقوِّني فإني ضعيف، وأقسمُ بكَ عليك؛ أن لا تنسَ حظَ خاطري مِن جبركِ يا اللّٰه

أجاني جدي بقى يقنعني أسافر ،مابيه اجادل،ركبت الطياره سافرت للهند أنا و
سيد مجتبى الي ماترگني بأيدي سبحتي
واسبح

الحد مااااااوصلت عل كرسي المتحرك ومن طبيب الطبيب بلشنه باول عمليه الاوتار الايد،سويت عمليه الوجهي اربع عمليات الراسي

اربع عمليات الرجلي لأن الفخذ عظمه متهشم بعدها بدو بالساق عالجوها بركبه صطناعي وخلوي الفخذي المتهشم بلاتين
والساقي بلاتين الالم بقوة الله بدى يخف بعدها رجعت تقريب شهر

ألحد مارحعنه الكربلاء ماااةةاكدر امشي
تعبت من العمليات وحتى الألم لسى بعده لسى يحاربني ماخف الألم ،

وصلنه الكربلاءوالقبه الذهبيه لاحت وهنا تذكرت ذكرياتي ويه عامر،كلهن هاجن عليه عرفني مجتبى أفكر بعامر گلت السید مجتبی

-شلوت نلا سید عامر‌

جاوب
-الله یرحمه مات اول واحد‌والبقيه رضوض خفيفيه...ومن طلعناگم انت چنت میت،وعامر بس مجرد طگه براسه بس جدي وازن حياتك بفلوسه،لان مايريد يخسرك مثل ماخسر سيد عامر

الي يبچي عليك أكثر من بچی علی ابن عمي، ام عامر تعصبت علی جدي وتعيط

-کله منننننننننننننننك كله منننننننننننننك لو مزوجه حبيبته لیش خليته بحسرة اليحبهاااا ليش مات وماماخذ حبيييبته
اله يگمل طب گمل طب بس مااااااااااات

جاوبت مجتبی

-ماادري شگولن بس ام حقهاااالحد یلومها

تذكرت عقيله ،رغم ماناسيها بس هسه وين هسه،وين،بس لاااا زوجت اي هي هسه مزوجه

وصلنه للمستشفى،لكيت جدي،وامي هناك
،منتظرينه،استقبلنه الكادر الطبي،عدهم اتصال ويه الدكتور الهند،رغم سووو اليه اثنعش عمليه بس أهنا العمليه المصيريه على وجهي،

ارتاحيت نص ساعه متمدد ومتحضر حتى ادخل الصالة العمليات مااضوج اصبر نفسي بحبي العقيله

أعتقني يالله،مِن التوقُعات التي تجلبّ الخيّبات. لأني ياالله أعلم أنك أرسلت لي تلك الحبيبه جعلت رغبتي بالعيش في هذه الحياة مُزهرة، اللهُم لا تقطع قربها ولا رائحتها ولا وصالها عني .

طلعت من صالة العمليات مهدود حيلي كد ماسويت عمليات هذا الشهر الضماد
على وچهي ومتمدد علی الچربایه فتحت عيوني الحمد الله اشوف بيه وصوت جدي،وامي دخلو عليه سلمو عليه جدي
لزم ايدي وگال

-هاااااا یبعد ابوك شون صرت،

-الحمد الله بس يجدي اخبار عقيله شو لااااااگلت لااااا حچیت خاف تزوج غيري

-شدگوول یبعد جد‌ك

-جدي ألفاف واصل ألحلگي أگلك عقيله
وين أخبارها شنو خاف تزوج غيرررري

-لااااااء ابد ابد ماتزوج غيرك

-ليش متاكد

-لأن انا وجد عقيله الحجي ابو كامل صرنا وكلاء بعد مااخذنا موافقتكم
وعقدنالكم،أنت وعقيله بحكم متزوجين

ألضماد بوجعي وتعصبت من حچي جدي
اخذ خلگي ..حس بیه مجتبی وگال

-لیش یاجدي حتى لو هسه محد يدنالها
بس لو مزوجهم..

-ودراسته يبويه صعبه

ألتفتت أمي ساكته ماحچت بس تقراء قرأن يم راسي عاد انه سألت جدي

-جدي رحمه الجدك عقيله مريتي..واني اتنوع الها من بعيد، اخ ياجدي.مااكدر اتحرك زايد لييش يجدي

نقهرت وتذكرت عامر،چنا نستهزاء بلموت
وأجانا بسرعه چنا نضحك أشلون نفتح عياداتنا ماتحقق حلمنا، ردت أكوم مااكدر
أستعانيت برجل ألمساعده والعكاز...ردت
احچي أصيح بس دخل الدكتور ...گال

-هااااا سید مهدي وووين وين خلينه نفتح الضماد صارلك ست ساعات

عدلت كعدتي امي وكفت گبالي،وجدي وسيد مجتبى وبدى الدكتور يشيل الفاف عن وجهي، وراسي...احسن ثگل ونزاح من عندي افتح عيوني واسدها أمي وجدي وسيد مجتبى نظراتهم ماتبشر بأي خيررر التفت الجدي مثلهم الدكتور هم

جريت العكازه ستعانيت بيها...لأن وجه امي واخوي من انزع الفاف،مصدومين
صحت بأخويه

-ساعدني تعال سيدمجتبی، سندت ایدي عليه، والأيد الثانيه بيها عكازه رغم فرحت بقيت أكدر اشويه امشي بس ما أنتبهت زين، لان اريد اشوف وجهي

سيد مجتبى گلي

-اكعد يخوي ارتاح شسالفه مستعجل
ماجاوبته وكفت مقابيل المرايه مثبته على الحايط بلغرفه...

أنصدمت أكثر منهم ،توجعت أكثر منهم بوجهي متشوه رفعت أيدي أتلمس الجروح الخشنه الي بكصتي أتلمس خدي المحفر وجهي مشوه كليآ،تلمست الهامه راسي أكرع والكرعه كلها خياطات
ميصيرلي شعر وراي بعد عمليات،يلحمون الجمجمه.. لأن الكسر صاير بنص الراس

كزيت على أسناني بغضب ماتحملت منظر وجهي مرعب فكيف عقيله أشوفني
.كيف ياربي

درت وجهي الجدي

-هاااااا جدي شوف شوووف شووووف عقيله شافتني الشاب الوسيم الشعره اسود فاحم

خليت ايدي على وجهي؟ عصبيه مقيته..
بقيت اجر نفسه بحرگه‌‌.تركت العكازه
طاحت‌للگاع هسه حبيبتي عقيله راحت مني‌، بعد ماااتریدني،رااااح تخاااف مني
بغضب سحبت المرايه من الحايط شمرتها حيل للكاع اكسرها ،منهار اتناوع أتهشم الكزاز مثل ماتهشمت احلامي
مثل مااتهشم گلبي،وملامحي

اردد بخجل من ربي
‏أسألك ألّا يتوه فؤادي بعد هُداه،وألّا يضّل قلبي الطريق.

ألحظه أختل توازني طحت للكاع على ضلوعي

كل شيء ينتظر وقته ، كل شيء قدره الله بميعاد . لا وردة تتفتح قبل وقتها
لا شمس تشرق قبل حينها ،
الذي لكـ سيأتكـ في الوقت المقدر له .

..................................
عقيله

أطير النورس...الا تعيرني جناحك
ارى غائبآ...صار عني بعيد ..

كتبت خاطرتي بنص الملزمه لان مرت تلث اشهر سيد مهدي ماكو، انتظر كل يوم يم العامود الي چان یجي بيه افكر اكيد هسه أتخرج..لازم يخطبني وينه

صرت أنه كل يوم أروح للعامود أوكف أنتظره عفت نص المحاضرات رجعت للبيت مخنوكه فرشت سجادتي..وادعي

-يارب احفظه بكل مكان، يارب حتى لو هو مابيه خير اليه، أجعل كل الخير فيه
بقدرتك بين الكاف والنون...التي تقل لشيء
كن فيكون...

اجت غفران كالت

-هااااا وين صافنه اقبلي بلي جاي ألچ یگول علي خوش شاب

-غفرران كافييي لو هو لو ماازوج...لأن هذا ختيار جدي، وختيار گلبي.

واول شخص انظرله نظرة حب....
مااريد انظر الغيره...

-زين هووو ماااااكو شلون

-ماااااعرف غفران وحتى حرت اشلون أوصله،اريد واشوفه، وتعرفين احنا علاقه ماعدنا ويه اهله
وحتی عائلتهم بعد جدي ماكو اي علاقه ومنطقتهم غير منطقتنا...

-مااعرف شنو أگلچ یاعقیله صدك حيره

-غفران أحبه وخايفه عليه خايفه كلش

رفعت ايدي للسماء ادعي من خوفي عليه

اللهم إني أعوذ بك من فواجع الأقدار ومن فقد الأهل ،والاحبه ومن حزن القلب وحرقة الشعور اللهم إني استودعتك نفسي ومن اختاره قلبي يارب اجمعني به انك أنت ألرحمن فأرحمني .

............
غفران

في مكان ما حيث لا تعلم أنت‏ يوجد من يحبك سِرًا ولم تُسعفه الكلمات ليخبرك، حيث هناك من يرفق اسمك للسماء بعد كل صلاة، وهناك من يتمنى أن يصبح مثلك ويحاول جاهدًا لذلك، وهناك من يكتب عنك بطريقة مبهرة،من يراقب تفاصيلك الصغيرة التي لا تلقي أنت لها بالًا، هناك حيث لاتعلم من ينظر لك نظرة فخر وكأنك كل انتصارته

شهرين كاملات أحاول أبتعد عن اي موقف يجمعني لعباس، حتى ماأنتبه عليه
ما أريد أركز بيه يجوز أنه مو ذوقه فا عليش اكسب أثم وتعب نفسي على شي أنا ممتأكده منه

دورات أشوفه يتناوعلي .او يراقبني من بعد، ويجوز حارس اليه من الشباب هيچ من سذاجتي..آفگر

هاي الفتره صرت أشوفه من أني وعقيله "وأيناس"نور نصعد بسياره الريم مال الجامعه الصبح هو ويانا، بس مافد يوم يوم حچی آو آقترب من‌عدنا

وبرغم مااباوع له..بس احس یراقبني..
ماانكر هل شي يسعدني، كا أبنيه شابه بس بنفس الوقت يضايقني لان أتجنب المعصيه والأثم

تكرررت نظراته اليه بگل مره يكعد علی ألمصطب،مقابيل قاعتنا يجي قبل المحاضره، اشوفه من ارفع عيوني صدفه
والكاه يتنوعلي..

أمرار يظل بحجة يكتب، محاضره
وأمرار بحجة يراجع، أتبسم و حتى مافديوم حاولت اغير مگاني متحججه آنو مادام اني مااباوعله خلاص

أبيومها أجتي طالبه تكعد وراي...كالتنا اني وايناس

-بناااااات أتشوفن هذاك الولد، مو الطويل ولا الكصير ذاااااااااااااكالولد الوسطاني
الابيض ابو حواجب ثخان اشرت علی عباس جاي اشوفنا گتلها

-شبیه هذااأاااا الولد

-ياااااا موتني کول یوم یباوع عليه، أني حتى مليت كد ميباع راااااح أغير مكاني

ماأنكر شي بداخلي حزن، ونقهرت فد مره بس كتمت گمت من مگاني اني وأيناس..
طلعت بسرعه، سويت روحي مامهتمه..

رحت مباشره على ألحمامات بحجة عبايتي تربت، وانكتها، وكفت بأخر الممر...
واريد أتأكد صدك يتنوع الها...لأن بس هي بقت وصديقتها،

أتنوعت له.....چان یتلفت للقاعه، مثل لیدور علی شي ومضيعه حتى قاطب حواجبه وضايج ومن مالگا الشي ليريده ضاج ،أيس ماتحرك
بقى أقل من دقيقه لملم ملازمه ووترك المكان مقهور فرحت رجعت للقاعه
أمشي المرر وانه مدنجه...صار بوجهي

رجعت للقاع،دخلت ومااشوفه اله رجع للمصطب كعد أبداخلي فرحت وجوده علمودي وعدت نفسي...
أنو مااخلي الشيطان يلف حباله عليه...

اجت ايناس گالت

-هااااا شفتي مووو علمودهاااا هووو جاي علمودچ آنتي وهيه تتفيك شلون مكروهه

-أيناس انه شعليه علمودهاااا علمود غيري

-لااااااا شنو شعليچ علییچ ونص فااااهمه

-آیناس حرااام هذا الحچي

-والحرااام هو متلوع وگل يوم یجي حتى
يشوفچ وتگولین ماعلییچ

--مشگلته ایناس مشگلته

-یعني ماراح يجي يوم تحچين وياه أبد

-أنه وأحچي وياه بصفت شنو وليش ترى
يبقى غريب عني

-لااااااا هو زميل وعادي الزملاء يسولفون

-كمت متعصبه،منها اعاتبها

-لااااااا ايناس ماااكوو شي اسمه عااادي مااااكو شي اسمه زميل انتبهي الهاي هل أية القرأنيه...

(ولا متخذات أخدان)
"الاخدان" الصديق الولد اذا اني ابنيه
الاخدان الصديقة البنيه لو اني ولد
ماكو شي اسمه علاقة صداقة
بين الولد والبنيه....حتى لو كلچ خويه
لأن انتي أخوچ بس أبن امچ وأبوچ
لأن الله سبحانه وتعالى حرم العلاقة
بين الولد والبنيه

وذا أكو اخو احنا اخوان في الإسلام
اخوات بل الإسلام يعني يحافظ عليها
ويكون غيور على بنات المسلمين
الكلام بين الولد والبنات حرام

ومايجوز اله يكون للضرورة القسوي
هو هذا الأسلام الصح
اني أبنيه اصون نفسي وأ غض بصري
.فمالي علاقه به..
حفظنا هذا ألكلام على گلوبنا اني وعقيله.
وانتي ياايناس هم حفظي
.

-حفظته حفظته خوش تعالس

-وووين

-كومي انتي ونور...خل نستكشف الجامعه
محبوسات بلقاعه..والاستاذه ماراح تجي

-هااااا صدك الله يبشرچ

عفت كتبي علی الستیج وطلعنا نتمشى
والیوم المعنویات فول بسبب الصار

رحنا شفنا حديقه حلوه‌ وراها حديقه هادئه..‌بيها اشجار مثل السور‌كعدنا بيها...
واصوات العصافير حلوه... چنت مندمجه اسولف ویه البنات...ومااسمع اله صوت
عباس وراي وبيده دفتر گشگول مد ایده بلا مایقترب للمصسطبات یعني يريدني أگوم انه واخذه لان البنات يمي..وگال

-خويه غفران هذا دفترتچ چان عندي....
بقيت صافنه وما أعرف شكول إخذته

صديقاتي أيناس ونور يسولفن...مانتبهن
گمت خطوه أخذت الدفتر فتحته وضوجني الكلام الي بيه......كاتب

-گومي منا لأن هل مكان ميليق بيچ...
هسه وبسرعه أدکومین وماتبقين ولا دقيقه

التفت الايناس والنور

-بناااااات أترخص من عدچن

-روحي احنه باقين

مشيت متعصبه بيدي الدفتر بخطوات سريعه وجهي نار شنو يتحكم بيه انه
كلشي ولا واحد يتأمر عليه...

شفته واكف هو وصديقه منطلق يسولف يضحك وكفت من بعيد بطرف العبائه بعصبيه تنوع له...شافني

اقترب بخطوات وهو مبتسم..

-السلام عليكم تفضلي أختي

مديت الدفتر أله وگتله بحدیه

-هذااااااا دفترك،موووو مالتي...

ابتسم واخذه

-تمام براحتچ يجوز غلطان، مو انتي

خزرته معصبه،منه وهو متبسم مرتاح
طلعت سبحتي من الجنطه،واني أمشي واستغفر من جوه العبايه مارید ابقی اعصاب وهو يابروده گلبه..‌انه متعصبه منه...

وهو يتبسم الیه ولا چنه حارك دمي، ومتأمر عليه، رحت للحديقه، أدور على صديقاتي ماگو ولا وحده،أبسبب المستفز صديقاتي كامن وراحت، رجعت للقاعه
ولكيت أيناس "ونور وبقيت البنات زميلاتي، كعدت يمهن.. اعاتبهن

-ليش طلعتن من الحديقه المكان هدوء
وحلوومحد يشوفنا....جاوبت أيناس

-والله بيچ حظ...ولچ طلعت هل حدیقه...
مال کبلات،وحبیات،وعشقيات

-ياااااا شلون عرفتن

-الطلاب یتواعدون بیها،ويه حبيباتهم
وآجوي الشرطه مال جامعه علينا،رزلونا بأدب طلعونا، وهم شاكين بينا بحيث من رحنه يتناوعون النه بعصبيه

خليت أيدي على حلگي،واني سئت الظن بعباس، دائما ينقذني، من سذاجتي
ودائمآ اتفشل جدامه،جاي اكعد علی أستيج،واشوفه أجى وكعد على المصطبه
مقابيلي وابتسم لان عرف أنه عرفت بلي صار حرت وين اضم روحي من الفشله...

بعد ماخلص الدوام، گمت اتمشی مريت على عقيله ضايجه خطيه ماكو خبر عن سيد مهدي...وهي مغنتبه حقها لان الشهر الثاني،مدري الثالث وهو ماكو كاعده...يم العامود،أخذتها ورحنا للبيت.

اول ماوصلنن لكينا بابا جاي من سفرته
چان عنده سفره یاخذ بضائع مال ناس
للشمال صار اسبوع مشايفينه حضنته،
فرحانه نطانا كل وحده شهريتها...

دخلنه الغرفتنه مر اليوم عادي بين كعدت الاهل وجدالي ويه أخوي علي، اني وياه رويسيه خلصناها شقى وعرايك بابا يسألنا أشسوينا..وشخبار دروسنا،

نمت افكاري بعباس وغيرته،وحميته على
مواقفه ويايه ثاني يوم رحت للجامعه
اخذت كتاب من المكتبه جاي اطلع

اسمع صوت عباس وراي..

-خوووووويه خوووووويه غفران، ممكن هل كتاب الي بيدچ‌كلش محتاجه...

نصیت راسي مديت ايده نطيته اله
ومشيت بالي شلون ابتعد عنه،وهو يقترب
رجعت للقاعه، بعد مارحت العقيله، لأن الدوام خلص

لملمت ملازمي قبل لا اطلع واشوف الكتاب نفسه عل الستيج، اخذته ويايه للبيت بعد مااكدر ارجعه...

من وصلنا فتحت الكتاب ولكيت مكتوب بيه

اشعار...
روحي تواعدت ويه روحك
ليش تشتلها بقسوتك..

مو هاوي طيش...
یلهواچ کلما یمر ااااااافیش..

أريدچ زلمه بين الناس يا أجمل مره
حلالي وأم روحي تسوين كل مره

وصلت للغزل،جيت اشك الدفتر قريت الجوه....

-اسف اذا أزعجتچ، وجاي اشوفچ ضايجه مني وأتمنى مأاضايقچ بتواجدي القريب عليچ لكن انتي جارتي عرضي لا تعتبريها وقاحه مني ،قصدي شريف،أذا جاوبتيني اليوم....أو باچر..أکون سعید
وبس أدكولين اموافقه أدز امي تخطبچ...

قریت هل کلمات فرحانه وجهي احمر
أكيد الكل تحلف بأخلاقهم ،والمنطقه يعرفوهم، حضنت الدفتر،عقيله اخذته تقراه لزمت ايدي وگالت

-یله انروح نگول الماما

-خاف،متقبل

-دتعاااااي رحت انه وياهة الماما چانت تصب غدا،گتلها

-ماما اجوني خطابه؟؟

.......
#يتبع