رواية عشق المومنين(أبناء الساده) الفصل التاسع 9 - بقلم نازك الحمراني

صباح الخير
نازك الحمراني الحاضر يبلغ الغايب داضيف احداث مو بس اعدل احداث استعد بيهن للجزء الثاني ها ولا تجاوزون على الابطال ولا على السيد الچبیر..لآن البشر غائب ملائکته سجل واحنا بشهر حرم مانتحمل ذنوب...انتقدو نقد بناء وصدقا الابطال مستحيل تلگون بخلقهم واخلاقهم بگل القصص آصحاب نسل طاهر راقيين اقسم باالله لو تسمعون کیف يحجون ولو تشوفون وجوهم نورانیه من الايمان وربي خجلت جدام تواضعهم لذالك كلمن يحافظ على حسناته لايطيرن
.......

...نازك الحمراني...
....عشق المؤمنين....

اليحبك يا ابو صالح مثل ميثم كون
يُصلب ع النخل ويصيح احبنك

دخلت للقسم بسرعه رغم الجو بارد وجهي يصب عرك من العصبيه والخجل بقبت داخل القاعه ماطلعت مرتبكه كلش

وچان اليوم كلش متعب محاضره ورى محاضره بحيث دراسة هواي بس خلصت المحاضرات طلعت للحديقه يصير داير ميدورها زرع يعني محد يشوفني من أكعد داخلها

رحت كعدت عالمصطبة دنجت أنكت عبايتي ،ومنتظره عقيله فتحت الملزمه وبديت أقرأء مندمجة لان عدنه محاضره اخيره اقرى ومنفصلة عن العالم الخارجي

مرت دقائق وقطع جو الدراسي اصوات جدال شباب وهوس واظن عركت طلاب أثنين والبقيه حواجيز اي لان صوتهم عالي چنها عركه بینهم...

رجعت اقری اناشکو بهاي الهوسه بعدها صارت الاصوات عاليه المکان الکاعده بي چان وراه هم حدیقه، والمجادله چانت قويه...صوت الیهجم قوي بارز..هل صوت خلاني ارفع راسي وصفن اريد اعرف وين سامعته كمت تقدمت اشجار الاسبس حتى اشوف شنو صاير رغم مو طبعي اعاين عالولد...

بس اريد اتاكد صوت هذا الشخص قوي ومألوف،وچني سامعته..صاح بعلوووو

- لك گتلك لاااااتجي يمي ولا تحچی اي شي ساكت الك الصبح وهسه تحچي بسوالف بايخه ولك انت شلون تسوي هيج چا خفت الله،تحاول تتلمس أبنيه وفوكها تجر حجابهاولك شنو قصدك تهتك سترها يا عار ياديوث ياعديم الرجوله

-لاااااتجاوز عباااااااس تعرف احترمك لذا انه ساااااااااكت وراح اسكتتتتتت

-انه اريدك تحچي ولك متحلف الك من الصبح ماعندك عرض،ماعندك غيييييييره
لو هي نكطه وممسوحه منك وخلي بالك
أذاااامحد مربيك ومعلميك حق الله وينه ترى اني اربيك واعلمك الستر شنو معناه
ياماعندك غيره ولا عرض،من صدك اريد اعرق تقبل واحد يجر ستر أختك..يادون

مديت راسي حتی آشوف شکو معقوله
بلجامعه واحد يتحارش، ألفضول بداخلي ولن شفت آبنية چانت تلملم بشالها ترتبه وتبچي تريد تستر رگبتها والشاب يعارك بكل غيرة وشهامة،علمودها صارت عندي رهبه،واحترام من موقفه حمیته...وشلون وجهه أحمر من كد الغضب...وهو يهدد
نفس موقفه من دافع الیه،اشگد غيور هذا شگد شهم،شگد صاحب فزعه،وحمیه

بقیت صافنه ومتبسمه وتخيلته اللهیچ حظه موقف بطولي تصیر مشاهدهه ب الافلام المصریه القدیمه هسه من يدافع عليها تحبه ويحبها هيچ اجی بالي...
بگلبي كلت أشكد عنده غيره هل ولد..

عجبني موقفه‌بس الماعجبني بيه‌ لا لحيه ولا شوارب، وجه صالخه صلخ،وشعره شويه ثخين ومسوي بگله من تعصب نزلن منها خصل علی گصته

رجعت للمسطبه أستغفرالله ربی واتوب الیه هسه اني شعلي بيه،وشعلی بگلته بكفي موقفه يدل عنه انو عنده غیره.. .
لأن يتعارك علمود أبنيه وهو ميعرفها

رجعت الکعدتي منتظره عقيله...كالت اتمر عليه بيني وبين الكليه مالتها مسافه قريبه اريد اشوف شكل سيد مهدي
سنتين خابصتني بيه لأن قبل من أجااااا صعدنا فوك السطح ومشفته زين

بقيت ادرس محاضراتي بس الهوسة والعركه كبرت مكدرت افتهم شي
رجعت شلت جنطتي والملزمه..

رفعت راسي اباوع....وبين ماالم غراضي
عرفت سبب هل عركه من جدالهم
انو طالب متحارش ببنية وهي غالطة عليه وضاربته
والولد متهجم عليها رايد يضربها وبصدفه مجرور شالها و صاحب الصوت الجهوري
تضارب وي المتهجم من شاف شال البنيه جاي يوكع..طافر علولد يريد يضربه هذا الي فهمته من الطلابه

قررت اغير مكاني، وافكر هيئة الشاب موغريبه عليه خصوص صوته
طبكت الملزمه وضايجه من هل هوسه
عود أختاريت مكان هادىء أراجع بيه...
بس دراسه هل ملازم الصعبة جدا
بهذا الجو المشحون بالصياح مترهم

أبتعدت بخطوات سريعه...و منزله راسي
واني امر من يم هوسة الطلاب اليتعاركون وهمزين من فتت چان العركة خلصت المتجمهرين أفترقو... جاي أبتعد
صار مقابليلي ولد دنج عالفكس مالته يلهث بانفاس متقطعه..
من وصلت يمه كلش نزلت راسي كعادتي
واجتي عيني عالفكس نفسه رجفه خفيفه بكلبي هذا نفس الولد الي رزل الشباب الضايقوني بريم نفسة صاحب الفكس

يميل القلب لمن يريد.
لكن تركت حلمي بودائع الله.

أستغفرت ربي على لحظة ضعف بدرت من مشاعري، ماعرف ليش رغم صار سنه كامله اشوف الفكس وايد صاحب اللفكس واشايفه شكله لكن ممركزه بيه ابد

أنداريت ماأريد أرز بيه أو أصدن عليه سمعت صوته وراي يصيح

-اأااااااختي غفران اااااااختي غفران قلمچ
وكفت متصنمة وحسيت بحرارة بخدودي
باوعت لمحاضراتي البيدي ضغطت علملزمه، ماكو القلم أكيد وكع من الدفاتر من عبرتهم

بقيت واگفه ومدنجه واجى وكف جدامي عيني على حذائه ايده منزلها لازم الفكس
صار مقابيلي ،وهم ماباوعتله حتى من مد ايده مديت ايدي اخذت القلم،وهنا ختل
توازني المستحى جفة أقوى من الأولى
لأن أقتربت منه وأسمع انفاسه المتقطعه..

مااعرف شوصفها رجفه مثل رفيف اوراق الشجر بوقت ألاعصار لحيث بادت ايدي ماحسيت أله وكعت كل ملازم محاضراتي بالكاع دنجت بخجل وخوف ألمهن
ودنج هو يلم وياي..

وعيوني على أيده هو اكثر مني متوتر وايده ترجف....حتى سير الساعه الحديد مالت ايده هم متوتره مثلنا..وهي تهتز وي هزت رجفت ايده

عرفت هو متوتر أكثر مني..بس ليش
ليسمع صوته وعركه وي الولد ميكول هسه هذا حاله وارتباكه

واني ارد اكوم سهوا رفعت راسي صارت عيوني بعيونه أنفاسي من الخجل زادت
كون الكاع تنطم وتبلعني بهل لحظه
ويجوز هنا طمأنت نفسي بترتيله كتبتها مره من المرات

لا بأس ببعض اللُطف، لا بأس بقليل من الحُب، لا بأس بِمن يكونوا عونًا لنا ونحن في أمس الحاجة للكلمة الطيبة،يارب لاتجعلني غليضه مع احد من عبادك كُل

غمضت عيني شهل موقف السخيف الصار، واني حتى من چنت أشوف فلم بي هيچ لقطه او اسمع بنیه تسولف هیچ‌ صار بیها أکلها يابه كعدني من ألنووووم هل لقطات مصیر بس بلآفلام
صارت بیه....

وجهي صوفر ولاوزم أتحرك أخذت القلم من أيده بقوه عبالك مانه عليه ومتكبر أبتعدت بسرعه صارت مقابيلي صديقتي ايناس هي هم اصير جارتنا...أقتربت مني
مبتسمه تضحك

-هلااااااا والله هلاااااااااشلونچ، غفران شخبارچ امووووورچ

جاوبتها مترردده

-هاااااا الحمد الله...حجيت بعصبيه حتى ماابين متوتره وینچن لا نور لا آنتي
بعد لا تعوفني وحدي عفیه کلشي ماادبر

ضحكت عليه وتلزم ايدي

-هااااي شبيچ ولچ آشبیچ مصوفره منو طاخچ‌ خااف ممتریگه

لزمت وجهي اتلفت يمنى يسرى رديت

-هااااااااااا هااااا أي نسيت ها مو هناااااك طاحن ملازمي ولد لماهن شلون مااصوفر
بهل أثناء اجتي نور...

-،امممم وين ياولد

-ووانه انتبه قابل كلمن يشيل سلعه اروح
أگوله اسمك وعنوانك

-ياااااااابه على كيفچ یله نروح

رجعنا للقاعه. أفكر صار سنه اشوف اللفكس والاید‌‌ اليوم شفت صاحب‌الفگس

لا وفوگها جت عيوني بعيونه‌آشكد عيب..
کعدت علی الاستیج الاستاذه تشر....واني احاول أركز بشرحها ماستوعبت شي الی خلصت المحاضر وراحت والطلاب كلهم طلعو على ألستيج كاعده انه وصديقاتي

طلعت بعدهن ايناس تريد تشترينا مي من الكافتريا نطيتها فلوس جاي أحاچیها

واشوف نفس الولد كاعد مقابيل قاعتنا...
عل مصطبات الي مقابيل قسمنا يتنوع اليه ضجت منه ستوني امدح اخلاقه ودينه،ادبه صديقاتي يمي واحنا نسولف
بالي مويمهن أفكر هل ولد عليمن يتنوع...
خاف مو عليه....وافشل

بدت محاضره لخ دخل الاستاذ...وهو على كعدت، بحيث ماأنتبهت الشرح الأستاذ...
لأن متوتره من نظراته یاربي لزك شلون اذا يبقى هييچ اروح اتعارك اكره الرجال الي يتناوع للبنات

اشوي أجى صديقه يمه يمه شنو يقصد..
ودي أكوم اتعارك وياه بس شكلولن اله
لا تكعد عل مصطبه هايه لان مالتي...
لو اكله ليش اشيل عيونك على القسم..

بقيت حرك القلم بيدي وافره، ايناس صديقتي همست اليه وتأشر على عباس

-يااااااااااااا عزااا وووووولچ شوفييييي هذااااا الولد جارنا أسمه عباس...شجابه علينا وشجابه القسمنه وحتى قسمه مو هنااااااا اي لان الأدري بيه هو مرحله ثالثه قسم أنكليزي وقسمهم كلش بعيد عنااا
شجابه هنااااااااانه هوووو قسمهم فوك الطابق الثالث...
شنزله علينا بس خاف على زملائه...
لأن هم كلهم ملممومين يمه والكل يحبه

أنداريت عليها فرحانه وحده تعرفه جاوبتهاااا براىه

-معقوووووله جارنا متأكده...شو مشايفته
وين بيتهم بفرعنه

-ااااااي موحقچ انتي مطلعين وتعرفین سوالف الدربونه آشلون تعرفيهم هههه

-هااآااا چاااات هو شنو اسمه یجوز ماما راح تعرفهم اذا كتلها

-الولد أسمه عباس،أبن أم هاني أبو هاني
مؤذن الجامع،وابو الحسينيه القريبه على منطقة الشهيد

-يعني قريب علينه ومنين هووو

--ياااااا همه مو منانه يعني مو من كربلا چانو محافظة واسط وابوهم من ازوج ام هاني علمودها اجى سكن كربلا

-بس ماعرفتهم وصفي بيتهم زين

-اهوووووو بيتهم الي بيه سدره مال نبك كلما نرجع من المدرسه انشوف الجهال تشلبخ على حايطهم ويشلعون نبك منها
يصير بيتهم بركن وحتى من چنا ازغار انه وياچ آنروح علمدرسه آنمر علی بیتهم وانه الکط النبك الطايح بلكاع

-ووووولچ اي دائمآ والدته آسلم علینا
.خوش مريه خيره وفقيره

-همه كلهم ناس فقره وعلی کد حالهم...
هو وآخوانه وآخواني وخوانچ آصدقاء
حتى نفس الموكب مال عبدالله الرضيع يلطمون بيه..بمحرم أخو يلزم الطبل...وهو وعباس يلطم بزنجيل بيت أبو هاني دره مال الله أبوهم صار مؤذن لام تقاعد من سنييييييين بسبب صحته من حرب ايران

يعني بين قوسين(على كد حالهم)
بس ابو هاني عنده الدراسه أهم شي خطيه يلمها منا..ومنا حتى يكملون.
زوج ولده أثنين ووووكلللللللللللللللللللهم بنسوانهم وجهالهم كاعدين نفس البيت..
بقو ثنين ولد ممزوجين وابنيه وحده ممزوجه وليممزوجين عباس وحسين.
المفروض تعرفينه...اخته ويانه بلمتوسطه
نفس حواجبه عباس ثخان ومشموره ومثل بياضه همين

صفنت بگل گلمه تگولهاااا عاد نتبهت علیه

-يله کافي خل نغير الموضوع شو كيفتي

-غير سألتيني ههههه.

خلصت المحاضره طلعت من القاعه واني بالي شجاني اتصرف هييچ وشنو معناها اسآل عنه مو هذا الشي ضد مبادئي ضد ديني ،ضد العفه،لمت نفسي وضجت من روحي زين خوفي من ربي وين تقديسي
للعبائه الزينبيه وهيبتها،واحترامها

ليش أفكر بشخص مااعرفه وهو مجرد موقف نقذني بيه،يارب استغفرك يارب
رفعت طرف عيني للسماء ورددت

اللَّهم استجابة لتلك الدعوات العالقة بين أوصالي .في حلقي اللَّهم قلبي وما به

اتجمعنا باب الجامعه أني عقيله وصديقاتي أجرنا تكسي..نلم الكروه على الروس حتى نوفر فلوس ملازم رجعت للبيت عقيله تحچي وياي..رفضت أسولف
اصلا مالي خلك النفسي حتى ماتغديت

فرشت سجادتي،خليت التربه، أصلي واستغفر ربي...بچیت وآني ساجده
اريد رب العالمين يسامحني على ذنبي
دعيت دعوه خالصه
أللهم لاتكلني الى نفسي طرفة عين فأضيع ولا غيرك فأذل...يارب يارب يارب
بقيت ابچي على تصرفي...وشلون بگلبي نعجبت بيه وهو شخص محرم..اردد

(اللَّهُمَّ إِنِّي أَعُوذُ بِكَ أَنْ أَضِلَّ، أَوْ أُضَلَّ، أَوْ أَزِلَّ، أَوْ أُزَلَّ، أَوْ أَظْلِمَ، أَوْ أُظْلَمَ، أَوْ أَجْهَلَ، أَوْ يُجْهَلَ عَلَيَّ).

.....
سيد مهدي
حين أركِ بعبائتكِ..
تتقدس عيوني..
ويكون مائها الوضوء
ورمشاها سجادتي..

وحين أقترب منكِ
اتنفس الطهر الطهور
ياسيدتي تزيدني أيمانآ
وتجليآ بنعم الله
عندما ارى زرقائك...

ألتهيت بلامتحانات النهائيه أخر كورس ومرحلة تخرج، شهر كامل مشفتها ذاب
جهدي للدراسه الى أن اجى اليوم الي تجمعت يم جماعتي بحفل تخرجي واجى جدي ويايه والفرحه ماواسعته مفتخر بيه

أجى وكف يمي شفته عيونه تدمع ماريد
شوفه مقهور دنجت عليه بست ايده مسحتها وكفت اساله

-شنو أشبيك مولاي شو تبچي ولا دگلي لان مفتخر بيك دموعك دموع حزن قهر

. جر حسره وياها دمعه مسحهه بچفیته

-یابویه یا سيد مهدي تخرجك مو هین آعلیه ذكرني بيوم تخرج أبوك‌الله يرحمه
ابوك الزلمه الزين،الطاهر،البار،الحنين تعرف الوحيد من عمامك حقق حلمي
بكلية الطب وتخرج على أيدي. وهم حفله
سويت اله مثل حفلتك ومثل ما سويت بهايه الجامعه وحضرت التخرج وياه

-تربيتك بعد مولاي،الله يحفظك النه بس اظن ابوي من حب امي،زوجته بسرعه
مو مثلي شلعت گلبي واله اتخرج يله

تبسم يمسح لحيتي ورد

-لااااا وليدي أبوك همين چان یحب أمك
وهمين گتله تتخرج يله تزوجها لان‌ابوك
عشگها عشگ قوي

-وووووانه أگول گلبي رچیچ من‌حبیت طالع على أبوي الله يرحمه من يعشك عشگه عشگ وفا‌ي ياخذها ياخذها

-اي بويه هو وفي وحنين،ومثلك رويحة حلال،ومتدين وچان یعشك الشهاده حتى مره گلي بويه اريدك تندعيلي لان دعاء الوالد مابي حاجز يوصل ادعيلي أكون من الصالحين المستشهدين والناصرين لدين محمد وال محمد

-الله جدي هييچ‌ گلك بيوم تخرجه رغم يحب أمي راد الشهاده

-أي بويه رغم يحب أمك راد الشهاده تدري سيد مهدي بيوم أستشهد والدم
حسيت الدنيا ظلمه وماأتسوى أعيشها..
لأن مر شريط حياته كلللللللللللله جدامي

أبني الچبیر تعبت علیه وکبرته ودللته
وتخرج دكتور،بوكت چان مو یاهو الیجي يصير دكتور وراااااااها زوجته، فتحت اله أحسن عياده ویافرحته بلعياده سوده عليه ثمن سنوات داوم بيها مو آکثر بعد

تدور صار عنده أثنين ولد وفرحته بيك ماتنوصف حتى اذكر گلي الله يحبني رزقني بولد واحد ورى الثاني وهمين مايحبني لأن المال والبنون زينة الحياة خاف انغر وتاخذني العزه بلمال والاولاد

جاوبته
-لااا يبوي الشهاده اذا كاتبه الله الك حتى لو مخلف عشر أولاد يخليك تلبي نداء الشهاده دون ماتعلم رب العالمين محدد ألگل عبد موته خاصه بیه حسب نیته‌ ودینه واعتقاده وهااا ترى انه محصنك انت وخوتك وحفظ الدعاء تقرا الولدك
والدعاء تردد

"حصنت نفسي وأهلي وأحبتي بمدينة لا إله إلا الله ومحمد سقفها وعلي بابها والحسن والحسين جدرانها وفاطمة قفلها وجبرائيل مفتاحها الَلَھـﻤ حَصَنْ عـائلَتَيَ وَنْفَسَيَ وَأْحِبَتِيْ بحَصَنْڳ آلَحَصَيَنْ وَحَبَلَڳ الَمِتَيَنْ منْ ڳيَدَ آلَڳائدَيَنْ وَحَـسَدَ آلَحَاسََـدَيَنْ وَ سََحَـرَ الَسَاحَرَيَنْ وَ ظَلَـم آلَظَالَمِيَنْ وَعـبَثَ آلَـعـابَثَيَـنْ وَتَسََلَـطَ وَتَلَبَسََ آلَجَنْ آلَشَيَاطَيَـن

رد عليه گلي
-گلي بويه هسه حسيت بخوفك عليه ولیش گلنا نام تحصنه خوفي على سيد مهدي وسيد مجتبى خلاني أكتب دعاء التحصين اخذته من سيد علي من رحتله للنجف گلي كتبه وحفظه مثل حجاب الهم

والدعاء لطاني سيد علي يختلف عن دعائك شكل ومضمون

گتله اقراه الیه وطبعا صوت ابوك حزين مثل صوتك قراه اليه صبح الجمعه وهو

" بسم الله الرحمن الرحيم لا إله إلا الله بيني وبين أعدائنا، لا إله إلا الله بيننا وبين خصمائنا جبلاً حائلاً وسداً مانعاً وستراً محجوباً وسيفاً قاطعاً وناراً محرقة وبحرأً عميقاً لا يصلون اليناّ لا بقول ولا بفعل ولا بسوء من هذا اليوم الى غد ، والى الأبد ، (فَسَيَكْفِيكَهُمُ اللّهُ وَهُوَ السّمِيعُ العَلِيمُ )

-اي حافظه و اذكر جدي صدك الى صرت بلعداديه هو عندي تخلي امي بجيبي سؤال جدي بيوم استشهاده وين چنت

-اااااخ‌یاسید مهدي عبالك البارحه صار ماأنسى الموقف الحد مالجسم يروح جوه التراب بيومها چنت مسافر،وانه چنت احصن ابوك وعمامك،وادفع صدقه كل بداية شهر هجري لحفظ حياتهم التهيت بهاي الأشهر،أكبر الشغل،وواسع المحلات

كأنما مطمئن أبوك وعمامك گبرو وزوجو ماعلیهم خوف،وگلما آلتقي بعمامك بوجبة او على سفرة أكل نبقى نسولف بشغل

عمامك كلمن أخذ محل،أو معمل بشتغل بيه،التجاره تحب الفلوس،چنت حافظ دعاء التحصين بورقه محفظتي،طلعتها
خليتها على ميز المكتب ورحت اشغله من رجعت للمکتب سألت أبوك كالي عمك
سید قاسم راح الصلاة الجمعه گتله والاوراق الهنا وینهن گالي كلهن قديمات لميتهن هنه والجرايد وحركتهن گلبي نغزني بقيت استغفر رب العالمين عسى نار گلبي تبرد

وعرفت بيومها أبوك طول هل فتره من يروح الصلاة الجمعه،حتى ينقتل يستشهد
وانه انفجع بيه بيه نهاريت وردت اجزع
بلعت حزني بگلبي الصبرني صويحبي حجي أبو گامل لان شفته شلون بطل ومقاوم رغم دفن بنت ناجيه وابنه كامل الضابط الشهم

صار هو مثالي الاعلى و بقى لازم احافظ على تارثت ابوك وحتى احافظ عل مركب يمشي أمك شابه زغيره حلوه خفت تزوج

وبقو الخطابه يجوها،من كل مكان وهب ترفض، حست بخوفي وقلقي اجت عليه وحلفت الي وكالت

-لاااااتخاف سيد باقر ابنك سيد أبو مهدي أول رجال واخر رجال بحياتي، لاتخاف عمي أني وأنت نربي، ألساده سوه ليش محسسني همه أيتام مثل ايتام مسلم بن عقيل رضوان الله عليه اشو انت موجود وانه فوك روسهم وهمه ذكرى من زوجي

عرفت امك اصيل،وحريصه عليكم ماتشوفني ماأزعلها لو تطلب لبن العصفور
لأن انه وياها داريناكم انت وسيد مجتبى
بماي العيون...واليوم من تخرجت اشوف بیك أبوك....

لأن همين أنتظرت من جديد تكبر يوم "يوم،، والحد ماأزوجك،وافتح الك أكبر عياده،وحتى بيها مختبرات راقيه

-ماااااتقصر جدي مسحت دموعي ودنى عليه حضني يبچي...ضجت عليه هواي بچه وبقى شابكني يبچي مااحب اشوف دموع بعیون الآحبهم، دفعته عود ضايج

..صاح جدي

-أشبيك ابني خليني أتنومس بيك

-لا جدي مابيه أييييييي شي،بس مابقى على تخرجي شي الحفله وخلصت الامتحانات كملناها أريدك بسرعه زوجني
عقيله زوحني عقيله

-لااااااتستخف واثگل

-یااستخف والله لو ماأنته واگف بوجهي چا هسه آني والحب بلحفله وأبني يفتر علينا، زوجني ياها،زوجني لا أحرك روحي

جر ايدي يمازحني بهيبته واحترامه گال

-أاااااااااااخ اااااخ يلمستخف هيچ بحالك صاير حتی آبوك ماسوى سوايتك

گتلك لاتخاف لان مو گلشي تاخذه بسهوله ومثل مايگولون آلحب على قدر المشقه
ابني، ومادامك تعبان بحبك الها‌ رح تنولها
اخطبها الك بعد ماعدنا شي.ذا تريد هسه
هيچ وبنت الغالي اصير چنتي...

-صدك هسه شوكت يعني

-مووو يابعد روح جدك، سمعت أنت ولد عمك واخوك رح تسافرون تعوضون تعبكم
من الجامعه وترحون الأربيل...

-اهووو أي أي جدي صح...نغير جو هناك

-هااااا يعني نأجل سالفة الخطوبه

-أي جدي نأجل بس هاا أوعدني من نرجع تخطبها الي بسرعه وحك شهيد كربلاء...
كلبي معلعل عليها، وانت يطيك العافيه جاي تضحك عليه لان معذب بلحب

-انه اضحك عليك يمتى

-هااااا شوف شلون تضحك...باوعلي وهو يلعب بلحيته

-اكلك انت شوووووووكلش منتهي عاد تعرفني أني جدك هيج جاي تحچي...خو ماتيهتني، ماضيعتني

دنيت بست خده حيل واصيح

-أي جدي والله جدي أعرفك...وحك الله اعرفك هسه رايح اروح هناك أنكص صور

-وين

-بجامعة الحبيبه،،والغاليه،قارورتي

-سميتها قارورتك

-ااااه اي قارورتي،العزيزه

-يمتى تسافر انطيكم فلوس تتونسون الحد ما تملووون

-انشاء الله باچر ناخذ سياراتنا نسافر
ولا تنسى ارجع من اربيل هي خطوبه وهي عرس وهي حنه بيوم واحد..

بست راس جدي ورحت الأبن عمي عامر
لكيت يمه زيد أخووو وكفت يمهم كتلهم

رايح اروح الجامعة(..)هناك حديقتها أحلى والثيل اخضرر

-متأكد خاف ماكو خضار قوي

-لااااا هسه ترحون تلگون حتی ورد بیها

فزحت من قنعو اخذت روب التخرج
والقبعه‌هم كذالك انطلقنا بسيارتي متلهف
وهناك دخلنا آلجامعة الغاليه...عفتهم رحت يم العامود شفتها

يا الهي لا أدري ما هي الطريقة الصحيحة أن أقول لها دون أن أتحدث : أنا مشتاق
فقد كان عليها
أن تكون
عادية جداً
بارده جدآ
متململه جدا
لِمَ كل هذا
الجمال ،
في عينيكِ
لم هذا الون
الأزرق في مقلتيك
رُغم علمكِ بإني ضعيفٌ
عاشق متصوف إمامكِ
أتروق لقارورتي هزيمتي ..

خليت أيدي على العامود چانت وآکفه ولابسه نقابِ شلون لا یکل عليها عرفتها من دون البنات رغم منقبه...بيدها كتاب تقراء وكل شوي تسحب البوشي اشوي..
حتى تكدر تقرا..

تچیت راسي عل عامود. صافن عليها...

زادك النقاب جمالآ
وزدتيه هيبتآ ووقار

أخذت كلامي وسمعت طلبي كيف أضيع
وكيف مااعشقها حد التحبب

صوت مجتبى اخوي عالي.....صاح

-ووينك ياااااااسيد مهدي تعال مو انت جبتنه الهاي الجامعه غير نكص صور

عيوني الاخوي مره أو ألها مره ثانيه
حسيت سمعت أسمي من بعيد ختلت ورى العمود مبتعدت لا تشوفيني.شلون موقف هسه شدكول عليه ابتعدت منها
وگلبي بقى يمها....

رحنا الحديقتهم ناخذ صور والحديقه مقابيل مكتبتهم اجت هي وصديقتها تسولف رغم البوشي ممبين منها شي
لكن انه أشوف ملامحها وحافظهن بقلبي

احس مليت عيوني منها واني اطك صور وي اصدقائي وبه ابن عمي ...

مشيت خطوات يم شجرة ورد اتامل هذا الجمال مدري ليش حسيت تراقبني من تحت النقاب حمدت الله وشكرته عرفت هي رايدتني مثل ما اني رايدها وحابها..

جريت ورده أزغيره...ودي اقطفها ونطيها الها بقيت مجرد اتلمس بيها...وصافن على عقيله.على صفنتي كصلي مجتبى صورة والفلاش كطع صفنتي
انداريت على مجتبى وهو يقرب الكامره
ويراويني

-شووووووووف هااأاااااااي الصفنه مالتك تخبل يلعاشك،شلون حلوه عيونك تلمع

-،عيب انه اخوك الچبیررر شدگول

-ماااا اگول بس انت تحچي عليه‌ بقی مجتبی يقلب بفلاش الكاميرا وگفتها حسيت هاي الصوره اجمل صوري هذي .
واني كاض وردة بيدي، وعيوني صافنة
....على قاروتي خلدت اول نظرة عشك

لهناك واحد من جماعتي صاحلي..

-مولاي تعاااااااااال تعاااالو ذاك المكان خوش مكان تبعته ألمكان همزين يخليني أشوف عقيلة وصديقاتها

اشرتله بايدي وبيد الثانيه اسبح معنى

-لااااا ما قبل.نكص صور لان هاي الصور جماعية وراها المكان تصير ألمكتبه وكفه يمها عقيله واكيد ياخذون نسخ عنها
صحيح قارورتي منقبة ميبين منها شي

لكن غيرتي هاشمية مستحيل أقبل ولو ظلها ينطبع بصور مو دور تتلاقفة الطلاب بالبوماتهم....

كصينه بغير مكان جاي أطلع واشوفها تتنوعلي وبگلبي أكول واشر بيدي
أسبوع وتصيريني حليلتي..

اسبوع وآرتشف رحیق ثغرچ...
عليكِ السلام وتحيّة حب وللقاء
هذا كل شيء الأن ،
وأعوذ بالله من كل فكرةٍ تبعد حبي عنكِ

طلعنا من الجامعه...بعد ما خلصت من الصور ورحت للمستشفى عدنه درسي تطبيقي خلصنه رجعت للبيت چنت تعبان
ورغم التعب بس راحة نفسية داخلي
يارب تمم زواجي منها بالخير...
طلبتها منك يارب مو بن أدم...

سبحت وتمددت الحد الفجر مكدرت أنام طلعت من غرفتي لكيت العامله زنان تجهز ريوك گتلها

-صباح الخیر زنان حضري جنطة السفر...

-صار بابا هسه انه يحضره

رجعت الغرفتي بدلت ملابسي فرشت سجادتي صليت صلاة الليل...وقريت دعاء السفر...

طلعت لگيت سيد مجتبى مكمل قبلي...
كاعد على ميز طعام یتریك رحت بست ايد جدي وراس امي كعدت يمها..
العامله اجت تصبلنا چاي تريكنا وخلصناها بين سوالف وضحك الى أن خلصنه

كمنه حتى نروح حضنت أمي وتوصياتها

-لاااا تسوق بسرعه عينك على اخوك لاتاكل من مطاعم شعبيه تغطى زين
وجدي وياها ماقصر يوصي گال

-راااح تطلع بری جبت آلك سياره بهبهان
جديده من تسوق انت وخوك ولد عمك
لا تتهورون بسياقه واحنه نحچي بلباب
أجوي ولد عمي سيد قاسم ولده سيد زيد وسيد عامر وسيد امير بسيارتهم

راح جدي يوصيهم وهم يضحكون
واني مجتبى ركبنه بسياره، فرحان بيها لان عجبتني وجدي جابها اليه شكرته ورحت أسوق سيارتي....

انطلقنه وطريقنا الأربيل خلصنا الطريق
ضحك وسوالف، ونتسابق منو الاسرع وصلنا هناك أجرنا فندق...وبدت سياحتنا احلى مايكون

دخلنه الاربيل وهناك اخذنه صديق جدي ومتعهد برحلات افترينه داخل أربيل ومطاعمها وفنادقها الراقيه والاحلى چان البوفیه المفتوح مالذ وطاب

اخذنه المتعهد ألشقلاوة ،لبسنه برمودات ورحنه الجبل كورك واخذنه صور حتى اجى مجتبى يطيح كد ماكص صور

بعدها رحنا الكلي علي بيك وراوندوز بيخال وكل مكان نوثقه بصور رحلتنه شبابيه،من صدك غيرنه جو، ليشوفنه مايگول ولد عم اخوان علی کد مانتشابه بلملامح العلویه الهاشمیه

عامر،مو بس صاحبي هو حتى زميلي من اول يوم بلأول ابتدائي الى أن تخرجنه سوه...كل مكان نكص بيه صور سواء تلال او جبال نرفع صورة حية عود أحنه اطباء

انطلقنه بعدها الفاملي مول وفاملي ڤان
ودخلنه قاعه التزلج واحد لازم الثاني
ليشوفنه يگول ذول يركصون چوبي بس احنه من الخوف هيچ‌سوینه

مجرد ماعطس سید مجتبی گل آحنه طحنه للگاع وصار الضحك بأصوات عاليه
امي كل شوي تخابر علينه وتطمأن وجدي وذا تاخرنه بلرد المسجات تركع مايعرفون
احنه ملتهين بلونسه والسياحه

خلصن السبع أيام واحلى سفره چانت
رگبنه سیاراتنه بطريق الرجعه‌ واحنه‌ نسوق

أشرلي زيد ابن عمي نتسابق منو الأسرع..
صاح‌ بیه

-هاااااااا سید مهدي مووو كدهااااا تخاف

رديت عليه وانه اسوق

-مووو نطيت وعد الجدي ماااسوق حييل

-أنه هم نطيت وعد الأبويه ماااسوق حيل
بس هذا شارع سريع ومحد بيه

-سيد زييييد أگلك وعدت جدددددددي

-لاااااا والله تخااااااااف

هو گال هیچ گلي سید مجتبی

-محد بشارع وفارغ والله

تناوعت يمنى يسرى الطريق الخارجي
مابي سيارات

وكفت سياراتي وسيد زيد وكف سيارته مستعدين للسباق،نزل مجتبى من سيارتي
راح السيارة سيد زيد

وبسيارتي اجى سيد عامر ركب يمي گال

-انه‌ویااااااك ضلع اريد اشجعك اعرف مجتبى اخوك يخاف علييك لذالك ماراح يگلك سوووق حيييل مثل ماانه أگلك

-تمااااام مشكور بس شو سيد امير هم انت اجيت ههههه

-اي والله اخاف من سياقة زيد

دست ابريك مستعد للسباق وسقنا سوى
زيد سبقني يضحك ماكدرت اخون وعد جدي رغم تشجيع عامر بس طول الطريق ااسوقزخلصنا سباق على الخفيف وقریب جاي نوصل للمحافظتنه نريد ندخل كربلا
غوشت عيوني من التعب...

ناوشني عامر مي بللت وجهي بعد ماكدر اسيطر وكفت السياره واجى مجتبى يمي
عود يسولف ويايه لان امير وعامر نامو

اول ماركب هم هو نام يمهم عامر يمي
كعدته انده بيه.

-سيد عااااامر كوم كووم ابن عمي ترى أخوك نعس كلش.گووووم اگعد الله علیك
لاأسوي حادث بيكم

-خووش خووش كعدت انطيته بطل مي
غسل وجهه وكفت السياره بشارع تبادلنا ألمكانات هو ساق توجيت على الكرسي خليت ايدي جوه راسي...مجتبى گالي

-عفیه سيد مهدي شد حزام الأمان لأن عامر يسوق هههه

رد عامر علیه

-هاااااا تتستهزاء دنام نااااام هو انت فالح
بس بلنوم غمضو عيونكم تلگوني وصلتكم
الكربلا وكلمن باب بيته

رد مجتبى عليه

-مااااا اچذب عليك راح نقرا الفاتحه على روحنا الله عليم اخذ حتياطك.....

اندرايت عليه وهو يضحك وعامر يشاركه الضحك گتله

-أستغفر الله لیش سید مجتبی تفاولنا بلحوادث طول عمرنه نسوق

-هههههای هااااي اذا بقى عمرر النه اقسم برب العباد اذا وصلنه سلامات أذبح طلي

ضحكنه ورجعت توجيت على الكرسي
غفيت وچنت باحلامي وتخيلاتي سارح

يمكن بحلمي اسست بيت چبیر وتزوجت عقيلة ‌‌وصار عدنا اطفال سته تلاثه بنات
وتلاثه ولد ابتسمت من نفسي

وعقلي يفكر بيها زايد ويمكن الشيطان دخل لافكاري،،وتخيلت اشياء محرمه فزيت أستغفر ربي، وذكرت الاول مره أغفى ومااقرا قرأن والاول مره اروح سفر ماقاري دعاء السفر برجعه

دورته مالكيته بقيت متوتر هاي أول مره ما أقراه لأن تعبان غفيت وچن حلم حقیر اجاني....

ويجوز مو حلم سيارتنه انصدمت صدمه قويه وكلللللل كزاز الجام مال السیاره تهشم من الصدمه وصار ناعم واجى ترس بوجهي.

أتناوع اريد افتح عيني لان قلت نباهت عامر وهو تعبان ممركز زين واسمع صوت لوري جاي رون سايد حاول سيد عامر يتعدي من الوري مااذكر زين بس سمعت صوت التصادم صار جسمي هلامي يتقلب و يدحرج وي دحرجت سيارتي وتقلبها عالطريق أرتمت السياره حسب شوفي بالجزيرة الوسطية
(الرصيف الفاصل للسايدين )

مفقدت الوعي بس حسيت بسخونة بخدي وراسي باوعت لايدي بعيون شبه غائمة هووواي نزيف هواي دم من وجهي
مااكدر أتنفس اضلوعي ألم أاأااااه أاااااه أااأاا الهيييي رويدا رويدا حسيت هاي هي دنى اجلي وتبخرت احلامي فجأة بقعر المحال..

﴿ على الأرائك متكئين ﴾

زال التعب ، و تمّ النعيم ، الإتكاء !

أسأل اللّه لي و لكم الجنّة.

لكن أسمع بعيد أخوي يصيح بأسمي بصوت بعييييييييييييييييييييد من فوك.
يمي عامر مديت ايدي الرقبته كوه وصلن اصابعي الوسطى والسبابه ابن عمي يمي بلا نفس، وانه ماتحملت الوجع والنزف تشاهدت وقبل لا اكمل الشهادة محسيت بشي الا ظلام دامس سحبني اله المكان مااله نهايه

‏(وَإِنَّا لَجَاعِلُونَ مَا عَلَيْها صَعِيدًا جُرُزًا)
‏كل مافي هذهِ الحياة
‏ من زينة.. وبهجة.. وجمال..

‏ سوف يَزول ولن يبقى لك إلا
صالِح الأعمال فلنلتمس نعيمًا لا يحول ولا يزول من نعيم الآخرة ..

..................

عقيله
الشدائد مهما بلغت وتعاظمت ؛ لا تدوم فرحمة الله أعظم، وفرجّه أقرب فلا تيأس ولا تقلق.!

كلما اتصير هل مقوله جدامي اصبر لان فقدت سيد مهدي شهر وهو ماكو..
وخلص هل شهر وهم ماكو وين راح وليش علقني بيه واختفى أصبر نفسي من أشتاق له
أقرأء قرأن
أصلي النوافل...
ماأريد اظن بيه سوء...
ولااااا اشك بيه لان عندي ثقه قويه بيه

بيومها صليت صلاة الليل...وقريت دعاء الندبه
ولسان حالي(لأندبنك صباحا ومساءآ)

صلينا أني وغفران وخلصنا دعاء ا...
وگلي أمل من‌اروح للجامعه أشوف سید
مهدي رحت للمكتبه چان بیها تنظيف..
فندخل وحده ورى الخ حتى ماتتلف لأن ستوها ممسوحه

بقيت واكفه منتظره حتى ادخل ضايجه بس من جوه العبائه لازمه السبحه أسبح
مااريد أيأس أو اسيء الظن أبد

بصدفه وكأن گلبي راد درت وجهي ومن خلف النقاب أشوفه شلون يتنوعلي...

ولَو أصبحَتْ الدّنيا ركـام..ثِق بأنْ يَبـعث الله مِن بينِ شقوقهَا ضـياء، مَا خيّب اللهُ رجاءَ عبدٍ أحسنَ الظـنّ بِه

ماانكر الفرحه ألي فرحتهه من شفته جاي
أنيق مستبشر يضحك عرفت جاي يكص صور التخرج فرحتله من كل گلبي ودي ابارك أله بس عفتي تمنعني وديني

نقهرت بضوجه لان أسمع البنات يكولن

-شوووو ف هذاااااا يخبل شلون شااااب بشعره أسود فاحم باعن باعن شلون یيشيل قبعة التخرج شوف خصلات شعره شلون توگع علی گصته الله شسوف
وعيونه، أشلون أنيق..هو يلمع سبحته تلمع يكص صور ويسبح
ابتعدت منهن ميخجلن ابد ولا يخافن الله

ابتعدت منهن أرقي السيد من عيونهن
بسم الله ارقيك .. من كل شىء يؤذيك
من كل عين حاسد،من كل نفس وعين
بسم الله ارقيك.. الله وحده يحفظك يحميكمن شر النفاثات فى العقد من شر حاسد إذا حسد من عيون كل النساء من عين من لم يصلي على محمد وال محمد
اللهم صل على محمد وال محمد

كملت رقيتي اله وتناوع اله شلون مرتب نفسه احلى شوفه شفته بيها خاصه من لبس روب التخرج واحساسي يكلي...هو تعمد يجي هنا حتى يشوفني واشوفه..

رجعت للبيت كلش فرحانه وبس اسولف الغفران،عليه وكد ماسولفت بيه بچیت بچیت لان هلگد احبه شبگتني تبچي ويايه گالت

-یعني خلااااااص اتخرج وراح يخطبچ‌
مثل مااتفقو ویه جدي الله يرحمه ولچ رح آفارکچ، یعني هسه رح نتفارك مثل قبل

-لاااا مانتفارك ابد خوات وصديقات للأبد

مر اسبوع گامل ومااعرف شي داخلي
مثل قهر ،حزن حتی من كعدت‌ من النوم متكئبه، وبطبیعة الحال من أتكئب اروح للقرأن..اشوف دليلي بيه..

قريت وسديت الكتاب ماعرفت ليش قلبي مقبوض بهذا السبوع والاكل كوه اكله رغم مو مريضه

بعدها مر شهر كامل وسيد ماكو مو لازم يخطبني..

طلعت كاسيت مشتريته من النجف خليته بلمسجل واني ضايجه...اريد ماأيس من رحمة الله لأن أملي بيه كبير...
شغلت انشودة حسين الأكرف...

أتعبتني يا قلب في دنيا هواك.. تيها ولا ادري متى تلقى مناك

مالي إذا حاولت أن أدنو لربي .. أبعدتني عنه كأني من عداك

تشتاق روحي للسما شوق المساكين ..
احتاج ان اسمو كما احتاج للعين.
لكن قلبي كلما اهفو يمنيني

يا من دنا مني إلى حد الشرايين ..بل كان في ألطافه ادنى ليدنيني

رباه في دنياالهوى لا لا تخليني

من أين لي يا سيدي تصفو حياتي
يوما وقلبي غارق في السيئات

خذني أغثني دلني ربي عليك ..
كم سوفت روحي بلوغ الأمنيات

تغرقني الدنيا بها .. والشوق يطفوا بي ..
يا نفس للرحمن من صحراءك أوبي

مالي بذلت العمر في عصيان محبوبي!

إني أنا الحيران في بعدي عن الله ..
العمر يمضي من يدي لكنني لاهي

يا رحمة الله على مسكينك توبي

لا كان لي هنى .. وأنت عن نواظري بعيد .. مالي انا عن سيدي غنى

يا واهب السنا .. غيرك يا رباه لا أريد .. فأنت أنت غاية المنى.

..........
ششتوقعون...خل نسولف.وتفاعلو حبايب