رواية عشق المومنين(أبناء الساده) الفصل التاسع وثلاثون 39 - بقلم نازك الحمراني

.......مساء الخير. دعواتكم بقرار ٣١٥.....

سبب التاخر من مريم نفسها ولان انتم ردتو بارت خاص الهم وهذا بارت طويل عنهم

...........
كَونَّي مِثال لِكُل فَتاة وأجعلي مَنْ سيَّدة نِساءِ العالمين قَدوَّة لكِ ولا تَخجلي مَنْ عدم فَعلكِ لاشياء أن تَقولي بانها حَرامًا فالحَرام يَبقىٰ حرام ولو كَانَّ الجَميع يَفعلهُ وأن لم تَوجد فَتاة تَعطي العباءة حَقَّاها كَونَّي أنتِ مَمنْ يُعطَي هذا الإرث الحَق وأترُكَّي كل شيء يسيء للعباوه ولا تَخدعكِ الدُنيَّا بِملوثاتها

غفران..سالت مريم

_اي كملي مريم شنو صار

_هو شنو الماصار من أسولف الج القصه هو جان رايح للدوام اكيد ورجع خوما يبقى بلجيش

-اي وشوكت يجي يخطب مو انتي تكولين حبكم صار اله سنتين وحدخلون بثالثه معقوله مالكى بهل سنين يوم يجي يخطبج بيه وخصوصا قصة حبكم مابيها تجاوز..مجرد نظرات مو

-اي والله حتى حجي زايد ماااكو اول سنه نظرات كتمنا كلشي لان هو يكلي مااريدج تتفطنين على سوالف اليحبون خلي حبنا كاتمينه وحتى من اجي اخطبج الله يوفق حبنا ويختمه
بزواجنا منا لمن تتخرجين

-حلو الحجي وبعدين من تخرجتي

-هو من كلي حخطبج رجع وراها من الدوام أخوه الجبير تعارك ويه نسابته وخلص الاجازه بين تهديد ابوه وبين تهديد النسابه

-اي وخلصت العركه وبعد من عركة شطلعت من سالفة

-هووو اجى يخطب بس توفى جده،ولحكته جدته تالي اتفقنا ورى دورت السنه وكتلج احنا نحجي بحدود مكتفين من اركب الخط

-هو عسكري لو خط مافتهمت

-غفران هو أخوي سيد سلمان مأجر الخط اليه الواحد من عمام رعد رجال جبير بلعمر ومن يرجع رعد من الجيش يسوي نفسه يساعد عمه وياخذني هو للخط

-زين عمه ليش ماادخل ما ساعده معقوله ميعرف بابن اخوه يحب وشلون يقبل ينطي خطه بهل سهوله

-غفوره محد يعرف بحبنه يخاف عليه من كلشي يكلي اذا انا مااكتم السر فكيف اريد غيري يكتمه اليه يعني حتى الاقرب اخوانه ماكايل اخوه نوار هو الاقرب اله ولان الوحيد باخوانه فقير وهم من كايل اله انا احب مكايل اله منو

_نوار الي حيصير خطيبج

_اي هو يكول فقير وكد مافقير وحباب رعد هو يختار اله ملابسه يحبه ويعزه

-من وراج راح تخرب خوتهم ههههه

_الله يستررر

_اتشاقى حبي وهسه فهمنا خلصت دورت السنه وخلصت عركة اخوه ونسابته سنه منا وخل نكول چم شهر العرگه ماصار اله مجال بهل گم شهرر معقوله ماصار مجال

-غفور انتي تعرفين٢٠١٧صارت هواي عمليات للجيش وهواي حروب ضل يجي بشهر اربع تلث ايام وحتى ماصرت اشوفه ولا هو يوصلني ابد

-ليش؟

-لأن عمه بدى يشك بيه كايله اذا ماتكلي ليش تاخذ بنت سيد ابو سلمان وبنت ابو عبيد أكل الابوك يحب وحده منهن وهو لان يخاف عليه كل العمه مو صوچک صوچي انا اساعدك واكول عمي تعبان بعد فلااا اجيك وتحلم اشوفني وتحلم اساعدك

-والله معدل ورجال من صدك

-اي مووو كتلچ ماکو مثله والله یخاف علی سمعتی حتی من الهوی بحیث حرم نفسه من شوفتي ولا تطلع عليه حچایه

-رحمه الاهلچ وین تلگن هیچ زلم معدله اشو اني من بعد عباس(الله يرحمه) يجيني لو ابو خشه والكذله قاتله ومدهن ويلمع اكثر مني لو يطك العلج بحلكه

لويجيني واحد مامخلي عرس ماراكص بيه ليكول راكوص العشيره

لو ذاك اليوم اجاني واحد تناوعت من الشباك لابس البنطلون لزك وسنسلة بلركبة والبدي مشلتح وبلا جواريب بحيث كلت الامي مااقبل بيه من هسه هذا الروحه ماجايب جواريب شلون راح يعيشني

كالت مريم
-موزين يمشي على الموديل

-لاحبي اليمشي على الموديل راح يعشك بنات على كد الموديلات الثكل محلاه الرجال عوفيج مني كملي وبعدين اشلون التقيتو

- مالتقينا فد شهر وراها بفتره رجعنا التقينا

-وشلون التقيتو

-مثل كل مره يوكف ركن حتى يشوفني دورات بسياره ودورات لا يوكف ورى شجره مقابل الوظيفه

هل مره اشرلي اجي تعجبت ليش اجى ويأشر من بعيد ماهو ابوه اجى البيتنا ونطيت الموافقه وقرو الفاتحه يعني عادي يجيني

-ابنفس أليوم قريتو الفاتحه لو شنو اجى

-اي نفس اليوم لان والده مستعجل لايصير شي
بعمهم الزغير او يموت اخذوه الايران يسوون
عمليه اله
ماعنده احد ياخذه او ابوي هم مستعجل لان يريد يطلع حج هو وأمي

-اي وشلون صارت

-هو بيومها ااجى ابوه خطبني وصادف موبايل امي عطلان،واجازه اخذت اسبوعين ونطيت الموافقه وامي فرحت لان وافقت من خلصت اجازتي اجاني رعد وبلخط سالته

كلش ضايج كال

-ابوي يريد يخطب الاخوي جدامي وانا مشتعل نار وشاك بشي

كتله ليش جدامك

- الناس وافقو ابوي يكول أعرف خالهم صاحب ارشد وابوهم واخوهم الخاطري وافقو ماريد ابطي خطوبة اخوك وعرسكم اسويه سوه بس اهم شي خطوبة اخوك وتالي اخطبلك لتحبهااا ورى اسبوع

هنا تفاجات وجاوبته بكسره ودمعتي بعيني ونفسي يرجف وافرك بديه من توتر وصدمة

-يعني أبو رشيد ابوك هو نفسه الاجى علينه وخطبني الاخوك مووو الك انت

ومااكلج ياغفران شصار من كتله هيج كام صرخ وعيط وحتى دمعة بعينه

وضلت حايرة وابجي مادري شسوي وهوة يرجف
ومتعصب
كتلها

-خطيه موقف يوجع الكلب وتالي شلون من سمع وعرف الخطبها اخوه انتي

-ياتالي ماكدرت أحاجي من الاعصاب اول مرة شوفة هيج العيون حمرررررررررر ودمعة تلالي وعروك ايدة
بقى بضرب بلستيرن

حتى ايده صلبت شكد ما يضرب بلسترين وساعة يعض بيدة وساعة بضرب على صفحة كلبه

ويصيح شلون هسة احلهة فهميني وانتي خطبتي لخوي

ضليت بس احاجي واردد انتة حلهة مااكدر مااكدر أرجع ارفض

وهوة يرجع يصيح ووووولج كلبي راح يوكف ووولج منتضرج سنتين وحسرة عليه حتى نضرة

اي حسره وووااخاف عليج من الهوى وتالي ترحين مني والمن الخوي
ولج كون اموت ولااااااتحمل هيج يوم

وياغفران هذا اليوم مانسى كسرته وكسرتي

-شبيج مريم هدي هدي هدي تحجين وتبجين المفروض مااا أذكرج اساعدج س لازم نلكى حل بس معقولة ماسمع بخطبة اخو اسم البنيه الخطبه
اهلها منين

-سالته وكتله انت من اجيت من دوام ولكيت اخوك خاطب ماسالت منو البنية ماستفسرت ....رد عليه

-هوة اني اجيت من الدوام ماخذ يومين اجازة لن وضع متوتر و انذار وعود أحاجي ابوية أنروح انا وياه نخطبج رحت للبيت سبحت ونزلت احاجي ابوية فأجني بخطبة اخوية نوار

وكلي انتة ورااه أخطبلك
بعد ماسالته منو وبتمن لأن مااريد اتاخر عليج علىج بس من اريد طلع كلي البنيه خطبته خوك خوش بنيه ومؤدبة وحلوة
وبنت ناس طيبة

ردت عليه من أستعجالي واني طلع كتله بيه الخير لنوار والتاخذه شسمه

رد عليه ابوية مهجة بوية بنية مهجة
طلعت واجيتج كبل تعالي وفهمني شلون انتي وهية الخطبوهة اسمه مهجة

وج غفورة كمت من ارجف وجسمي ينخض بساعته شكلة وشحاجي وشفهمه

وهوة نارر لاخلة اصبع ماعضة لاخلة ايد ماركعهة حتى راسة ركعة بلسترين خو شفايفه من كد مايعض بيه حتى زلغت

مره يصيح بصوت ومره يهمس ويعيط ويعض بصبعة يريد يسيطر على نفسه ماكو واني مخلوسة وابجي شلون افهمه خااااايفه مكدرت افهمه

-شبيج مريم اني دخت شلون هوة مايحترك ويلطم منو مهجة وانتي تكولين خطبوني

-مو اني اسمي مركب شكد ماعاندو ابوية وامي كلمن راد اسم
ابوية راد مهجة وامي مريم
وطبعاا حل لنزاح بوقته يسولف سلمان محد يزعل سموني
مهجة مريم
البيت كلة وصديقاتي يصيح مريم الااا ابوية مهجة يصيح

-وتالي من كتله شلون نصدم ياعيني الله يساعده

-تالي كتلهة واني ارجف وصوتي من كوة طلع
صحت رعد رعد
دار وجه عليه نفسه عاالي
شبيج ترجفين وج من حركة كلبي صيحت لاتخافين بس هذا اني من تعصب افقد

واني اااااز يد بلبجي والرجيف وهوة وجه قلق وخوف عليه من شافني هيج ردت عليه اني اسمي مركب

اباوع عليه عيون زادت حمار ونطن عليه وشفة جوة راحت من عظ وحجى بصوت ناصي شنو اسمج مركب ماجاي استوعب على حظي اسمج مركب

كتله واني مدنكة راسي اسمي مركب مهجة مريم

رفعت راسي وشوف دمعتة نزلت من عينه ضالة شكد حابسه ومتوكع وشفايف ترجف ورد عليه

_ووووو ولج صار عدي امل من ذكرت اسم خطيبة اخوي اسمه مهجة وانتي مريم عبالي اااااااكووووو خطأ بلموضوع كلليلي شسوي
اروح الابوية الي قنع اخوي يزوج واروح وكلة خطبت حبيبتي وقرتو فاتحته تعال بطلو وخطبوهة الي شلون فهميني

جاوبته

-اني الشسوي ااااااروح اااااااكلهم لااااااا ورة ماوفقت يخلون بيه ان وتعرف شنو ابوية مايتفاهم

من شافني هيج كلت

زاد رجيفي وبجيته صوتها على كسر كلبي كسره اندار عليه مسخ وجهه انطاني كلنس وبطل مي

كلي شربي وغسلي وجهج راح يوكف كلبج ماااااا اقصد اخوفج مني اناااااا راجع لهلي وتفاهم والكالي حل

رجعني للبيت راح وكت دوام دخلت للبيت سلمت على امي وكبل للفراش ضلت ابجي بخنيك
وكتم صوتي وهذا الي صار اني مااكدر ارجع ارفض
لان شافوني مكيفة ونطيت رد

ياغفران بقت يمه شوفلة حل الورطة وزاد همي اختفى ماتبين من رقم امي خابرته مغلق

-الله يعينكم سالفتكم تحير وشلون تنحل شبيدج بعد انتي شتكدرين سوين اذا هوة ماكو
اختفى وجهاز مغلق وخطبتج بعد ثلاثة ايام شنو بعد اليسوي
وكلي امرج الربج وهو صاحب الحل

مريم//رمش عليه اخوي سلمان كمت مستعجله لفيت جسمي بلعبائه كالت غفران

-هاااااا وين

-اخوي رمش عليه كال من ارمش اطلعين،وعفيه كولي شسوي هسه وشنو القرار .
بقت صافنه عليه جاوبتني

-شوفي الوضع الهسه بيه انتي جدا صعب،طووول هل فتره انتم متكتمين على الموضوع وساكتين زين هسه انتم قريتو الفاتحه يعني اخو رعد عرف انتي موافقه وعرف انتي قبلتي بيه

تخيلي راح ترفضين هسه وراح تكولين مااريده وفل نفرض أهلج وكفو وياج وراحو كالو بتنا ماتريد ابنكم هذا تريد رعد وتحبه واحنا وياها

انتي بهل حاله راح تسوين حرب داخليه بين الاخوان هاي اولا
ثانيآ راح تشب عداوات بينهم حتى لوذاك ما يحبج لان فضلتي اخوه عليه راح يكره اخوه...

ثالثآ سمعت اهلج راح تروح برجلين واحنا مجتمع عشائري سواء تحضرنا او اتقدمنا نبقى اهم شي عدنا السمعه،والشرف بس يروحن كلشي ينتهي

-زين شسوي بهاي الحاله الله عليج غفران ساعديني
والله راح اموت قهررر تعبت وحتى كلبي احسه راح يوكف ياربي

-شتسوين ياعيني الحجي بعد مايفيد نحجي ونكول ونعيد ونكول خايبات لااااااتعشكن،لااا تتمعشكن
،اكعدن استجنن، همدن 'ولجن بطلن ماكووووى

-اي والله بس والله بس النظرات

-يااا جا مو هي النظرات دولاب،المهم شوفي الاحسن هسه ترحين وتكولين الامج ماااريد هاي الخطوبه وراجعت نفسي طلعي اي عيب بلولد

-ماشايفته اصلاا

-امممم سوي نفسج كلشي مقبوض كلبج من هل خطبه
مناااا لمن يملون اهل الولد ونوار يروح يخطب غيرج ويكمل ويعرس

عاد رعد يجي يخطبج المهم كنسلي كلشي

رجع سلمان رمش مره ثانيه وثالثه لبست العبائه عدل طلعت بسرعه والدمعه حاصرتني ركبت السياره وسلمان طول الطريق يتصل همزين ماملتفت عليه

درت وجهي للجامه وافكر برعد شنو هسه سوى وشراح يسوي خايفه عليه وجهه تغير وكد ماتعصب بسرعه صار احمر وخطوط حمر بعينه برزن عض ايده هواي كرضم اضافره يارب تعدي على خير وماتصير مشاكل

قبل لا نوصل سالني سلمان

-خير شو مووو على بعضج

-مابيةشي..

عدل كعدته ولزم معصم ايدي لان اجيت انزل

-من يومين جنتي الفرحه ماواسعتج الصبح من رجعتي والحد هاي الحظه كلشي تغير بيج حبيبه سولفي اذا اكو شي مضوجج
غمضت عيوني ،وقررت اكله

-اي انا ما

مكملت حجايتي ابوي اجانا وجهه يضحك كال

-هااا سلمان ابو رشيد خابرني،متعارك هو وابنه رعد
رجف كلبي وانا اسمع اسم رعد،واريد اعرف التفاصيل
كال سلمان بضوجه

-رعد يتعارك ويه ابوه لابويه ممعقوله رعد مااأااايسويها صدك هو عصبي بس محترم جدا ومايسويها لان يحترم ابوه رغم كلشي وهو ملتزم يعني بار بابوه

-ماادري بس اعتقد يريد يخطب وحده يحبها
ضحك سلمان يجاوب ابوي

-رعد يحب ابد بويه شكد احجي وياه وذا جان يحب فلازم وحتمآ انا اعرف ماتعرف شكد ملتزم ويستحرم ويخاف على عرض البنات،ماتشوفني مأمن بيه زايد
صفنت وبعد كلام سلمان كلشي خلاني ساكته وماكدر اكول شي هيج ماخذ نظره عليه ومامن بيه من يعرف شنو حيكون ردت فعل اخوي نزلت وبقو يسولفون

وسوالف ابوي وسلمان ضيع كولشي براسي جمعته دخلو وراي ابوي وسلمان درت عليهم وكلت

-ماااااريد انخطب ماااااريد
ابوي صفن هو وسلمان نظرت ابوي خلتني اتخردلك بسرعه مشيت الغرفتي ابجي وخايفه من الي كلته شمرت العبايه والجنطه دخلت امي ورايه اطك بخدها

-فلك الفلكج وج شلوووون تكولين هيييييييج بجيت اجت شبكتني كتلها

-ماااكدر يمه رهميها من يمج وخل يلغون الخطوبه
مسدت على راسي وكالت

-يمه عين وماصلت على النبي من يومين فرحان ليش تغيرتي هااا يمه كيد عيون جوارينه من شافووكشخة بيت الحجي وسياراتهم

-يمه مااكدر مااكدر مااااريد

انفتح باب الغرفه دخل والدي معصب

-هااااا بويه ليش ليش رافضه،كووولي بويه لاااا تخبليني

لاااا تجننيني،ليش تبجين ليش شنو يدور براسح حاجيني لاسكتين

رفعت راسي وابوي واكف وايديه ورة ضهرة وكفته مال واحد متحلف وعيون ابوي تخوزر بية

وهاي نضراته خلتني حتى اشك بروحي مسوية مصيبة جبيرة جاوبته بخوف ..

--مااعدي شي ولايدور بالي شي بويه مااريدة كلبي معصور كلش من هاي زواجه

-زين ليش قبلتي ذاك اليوم هسه شكولن للناس للعبه والله كلبه معصور مدري محصووووورر وووماااتريد شنو الحجي المخربط

-بويه فدوه لاتغصبني

تعصب يعيط

-شنووو اغصبج دراسه وفاهمة وكملتي،وظيفه وداومتي،بعد شنووو شتردين
بموافقتج اناااااااااااا نطيت رد للعالم مقصر انة بعد لاتحيريني ليش نكلبتي بين يوم واليلة

-مااريدن شي ماااريد

اجى اخويه سلمان اخذ ابوي وانا بقيت يم امي ابجي كالت

-هاااا يمه صدك حجاية ابوج جنتي فرحانه حتى بستي خدي منا ومنا شتغير

-التغير انا مااريد بس شو نظراتج جن مصدكه انا ما عندي شي مووو يمه

-لااااا يمه مامصدكه لان انتي بنتي الي ربيتها وتعبت عليها وابوها الدنيا تحلف براسه وراس جدها واخوها
يمه بس ابوج نائب ضابط ويشك بروحه بس هسه اخوج سلمان يفهمه

-اي يمه عمري مامنزله راسكم ابد..شسوي حتى ابوي يصدك انا ممسويه شي ولايشك بية ونضراته
كامت من يمي،وراحت للميز امي اخذ القران ألي بلمجر

-شنو هاي

-قران كومي روحي الابوج وحلفي اله اعرف بيج برئيه بس كتلج أبوج نائب ضابط ويشك بروحه
كمت اخذت القران من ماما وانةماا اعرف شلون يحلفون

اول مافتخت الباب رجعت خطوات بخوف اهز راسي ممعنى انا بريئه
انسد الباب حيل ودخل اخوي سلمان مقهور سحب ايدي حيل واخذ القران مني باسه اجى يحاجيني امي صارت جدامي

-يمه سلمان حتى انت تشك بخيتك

-يمه انا اشك باختي

كتله
_سلمان انا والله ممسويه شي...

رد سلمان عليه

-اشلوون تفكرين هييج انا أصدك انتي مسويه غلط انتي تربيتي،وربايتي ماممكن تغلطين وحتى لو تغلطين مو مال وحده توطي راس اخوها الي تباها بيها جدام الناس

-اي انا تربيتك وحترمت وكفتك ويايه اكمل دراسه وكملت وهسه عينتني يمك بس ماخنت تربيتك والله ولا سويت الي ينزل راسك

-اعرف ولهيج يا اخت سلمان ماحاجه تبرررين الاي شخص حتى لو اليه ولاحاجه تحلفين بلقران

طلع من الغرفه

رجعت كعدت على الچربایه لازمه القران،مخنوگه امي هزت ايدها محتاره ليش بيه ليش ضايجه سديت وراها الباب لان سمعت صوت خواتي،اجن ومااريد احد يسمعني حجي او ملامه لزمت مخدتي خطيت وجهي بيهااا صرخت أبچي حيييل،هاي هيه كلشي انتهى

اخويه سلمان مأمن برعد يعني من أكوله اخسر ثقته بيه وتخرب علاقته ويه صاحبه،وهو يكول رعد ملتزم مااكدر احچي ولازم اسكت،اي اضحي بحبي ولا انا ولا رعد نخسر ثقة سلمان

بچیت الی آن غفيت،اسمع اصوات خواتي،وجهالهن واسمع امي تكلهن رجعت تعبانه عوفنها الكعده وتدلل اسمع الضحك،واسمع عمامي،ونسوانهم يضحكون والكل فرحان،الكل سعيد

اله انا ناصبه العزا،والطم بين ضلوعي وجوه روحي عزاء مايهمد اله من يرجع صاحب گلبي

فزيت من البچي على دگت الباب ورى ساعتين،مدري ساعه وني احس اكتفيت بچي گمت واشوف نفسي بعدني لابسه ملابس الطلعه فتحت الباب اختي الجبيره منى

باوستني و دردم

-خاأاااب شمالچ الدنيا مغرب، مايصلح الغرفه ظلمه
رديت

-مو بگد ظلمة گلبي
اندارت عليه وگالت

-هاااا مریومه مو علی بعضچ

-لااا مابیه شي بس افكر ماما وبابا شلون افارگهم

-یمعوده عیب والله حطبين ١٨سنه انا بكدچ عندي حميزان وكيون ، ومنصور

-الله يخليهم الچ

-خوش عیني خليني اشيرلچ جبتها ویایه

-اروح البس گلبیه قصیره حتی علی راحتچ
گعدت وبقت اختي ريام تحچي وتسولف وانا ولا يمه واختي ريمه جابت اكل مااكلت،يسولفن وانا بس أكول اي او لا،

مر اليوم ثگیل وبعد مااحچي اليه السگته لان مثل ماگالت غفران لازم هو يقرر،ولازم انا اسكت لان حتوكع الاذيه عليه

ألليله الارق اخذني،خواتي نامن بغرفتي كمت من الغرفه افتر بلبيت،شسوي،وشنو أعمل ،طلعت للطارمه جسمي لسى يلبگني من الشيره واسمع اخوي سلمان يسولف ويحچي بتلفون يگول

-ارجع البیتك،وعيب اجادل أبوك وقدر موقفه لان اليوم
لزمت كلبي خاف تتاجل الخطوبه وعمامنا والعشيره تعرف فمايصير انت تريد تستعجل قبل اخوك مايضر سواه تاجلت خطوبتك بعد شهر روح صلي ركعتين ونام

رجعت مقهوره اعرف الحچي ويه رعد بس هاي هيه هو هم خجلان من اخوي ومايكدر يحچي وهم ابوه عازم ناس وهم مايكدر يكول
رجعت نمت وكعدني خواتي الصبح البيت مخبوص ولازم اروح للصالون،

رحنة نأجر والبدله من نفس الصالون كتلهن اريدهة بسيطه وبدلة مستورة وبدون دلعة واردان ومقفلة انتن اختارنهة لون وهاي موصفات
ضلن يحجن شنو غير راح يعقد شرعاا وحلالج يشوفج تردين تجفنين وكومي انتي شنو واختاري
ردت ...

لاا اني تعبانة ابقى بصالون وانتن صعدن طابق ثاني واختارن حي الله لون مو مهم اهم شي مو فاضحة
هزن ايدهن ماعجبهن الحجي

اخواتي ريام وريمة وراحن

واني خليت ايدي على خدي
ما اريد اختار هنة اخواتي يختارن.. مثل مااهلي اختارو اليه خطيبي

اعرف مو مثل اي مخطوبه لازم افرح بس مااكدر احس كل لحظه راح اموت بيها..لبست البدله لونه سمائي ومثل ماردت اردان كيبور ثخين ودلعة مقفلة مبين شي مااريد اخو شوفني مدلعة
كون يكرهني يشوفني بعينه قردة مااريد نضرة اعجاب البدله كلش مقفله

بدت ام الصالون
تخلي المكياج..يجوز حتى مافطنت على نفسي ولا على التسريحه سلمت نفسي الها وهي تخطط

رجعت للبيت والحزن تارس روحي الكل فرحان ولبالك فرحتهم اليوم وانا داخلي يبچي..

اذكر من گلت الرعد یوم خطوبتي انا وياگ راح اکون اسعد وحده بدنیا کالیوم خطوبتي وانا تعيسه
احب رعد كثر مايحبني مااكدر اصير الغيره..اباع على بدلة ومقهوره..ودي اگله وافقت غصب

مسحت دمعتي الطاحت حتى محد يفطن عليه
اجت امي يمي اخذت ايدها وبستها ...

كالتلی
-لا تگعدین بلهول تعاي جهزنه الغرفه الجوه لان چبیره دخلت للغرفه الكل كاعد من اقربائنا والغرفه متزينه بنفاخ،ونشرات النسوان وجهالهن متجمعات ويسولفن

اجوي اهل الولد وبدن يهوسن،لهناك وصارت هلال ومباركه دخل العريس ولاكدرت اباوع عليه بس شفت لابس قاط رصاصي وصوته شويه خفيف،اجتي مريه عجوزه

كالت

-يله نوار لبسها الحلقه بعد هي مرتك
بس شفت ايد نمدت وبيده حلقة وترجف مااحس لااختي ريمة ندستني رفعت راسي الهة تاشرلي
انطي ايدج نطتيه ايدي بلاااااا مانتبه

لبسني وندستني ثاني مرة وكلتلي ولج شبيج صفنين لبسيه حظي اخذت حلقة من علبة مقدفة حمرة كدامنا وهوة مقدم ايده لبسته وسمع هلاهل مرة جبيرة
وحجت

-يلة نوار واحد يشرب الثاني عصير... وطته كلاص شربت مد الكلاص اليه اشرب وانتبهت اليده البيضة الترجف تالي وكع عليه من العصير..كالت امه المرة جبيرة وفشلانه

-عيوني خير خير.. يصيبج

بس انتبه كل اشوي حركات نوار
الي يتلمس بيده البدلة ويتحسرر الى ان كالي

-لو مخليه اي شادو لون البحر يكسر على البدله والتسريحه لو مخليتها كلاسك ويه تصميم البدله جان طلعتي شي واو

رفعت راسي الة من يحجي احسه يستفزني وصوته ماادري شلونه صدت عيني الة وشوفة
وجه ابيض على حمار والعيون على عسلي
وشعر بي شكار وسرح نازلة خصلة على كصته لحية شكره مطشره منا ومنا شوارب خفاف يدوبهن طالعات هنة وسكسوكة خفف

من شافني اباوع عليه تبسم
ورفع شعرة ليورا وكال اني حلو اعرف يشبهوني بلممثله شارون استون موو

كالها وهو وعبالك فرحان بروحه
رجعت دردت وجهي

وضجت واختنكت اشرت الامي كتلها

-حتقيء شوكت تخلص الخطوبه

-عيب ولج شنو هل حچي...هنا كانما نوار حس وكام يريد يطلع اجت امه وكفت كدمه وشورته

رجع التفت ومد ايده الي حتى أكوم
كمت وكفت مصنمه ومنزلة راسي

رافع راسي بصبعه باس كصتي

وكال
-طالعه كلشششششش حلووو والبدله ذووووووق

باوعت عليه يحجي وعيونه تجول على البدلة
حتى شكيت بروحي خاف طالع مني شي ويباوع لن ناضراته
ربكني أنتبهت امة جرته من ايده وكالتلهة خلينه يمه نطلع

بقى واكف عاد امه كالت اله

يمه روح واحنة نجي وراك
طلع ورجعت كعدت واحس صدك اريد اتقيئ من نضراته شلون راح ترهم وياي وتعايش وية الوضع واني من هسة مشمئزة منه

ماادري لأن اخو رعد عيوني غوركت من ذكرته
فزيت من صفنتي على صوت صيحة قووويه

.....

رعد..
يالشايل وجوه السفر كلها بسواليفك
عايشلك بكيف الغرب بس ميت بكيفك

احلامي ويه مريم چبیره،اخاف علیها من گلشی حتی من نفسي بقيت حبها بگلبي من اول ماشفتها ، ماردت اعترف الگلبي عقلي راضخ اله وانا احب الوضع ابيتنا مايخليني افكر احب ولا ازوج قسوة ابويه علينا خلتني اتخذ قرار ابني قطعتي يله افكر بزواج
صرت كل واجب اروح اله اشوف بيه صورتها وحچیها

خاصه من حچت ویایه بعفویه،حبیته وخلاص مابیها شي مميز اعرف ابنيه عاديه بس گلبي خلاها اميرة مريمتي،وحبيبتي،حافظ عليها حتى من نفسي حتى نضرة الريد اهيم بيه ماسوته

مريمتي من اعترفت الها احبها ماحچیت موضوع او بشي جريء حتى تبقى حمامتي البيضه البريئه ومن ازوجها انا اعلمها وانا الاخذها العالم الجرئه

طلبتها بكل سجده،وركعه،خمس مرات التقينه خارج اطار المسموح النه مرتين حچیت تلفون ویاها،ومن رقم امها،احچي بسبيكر محول الصوت لان اعرف ماعدها نقال

اجى يوم الحسم القررت اخطبها حتى لو ممكل بناء قطعتي، واشوف اهلي فرحانين،بخطوبة اخويه نوار لان اهل البنيه موافقين

كعدت يم نوار سئلته

-،انت شايفها

-لا ماشايفها بس مااريدها

-غير تشوفها يله تحكم ليش كارهه

-مو كارهه محد بيكم يحس بيه حتى انت الاكول احسن
واحد بيهم متفكر ماجاي تشوف شكلي وشنو البيه

-شبيك تخبل بس عوزك لحمه وشويه طول
-لااااا رعد روح حاچي ابوبه مااريد مااريد ازوج اني مو مال زواج

-حبيي كول ياالله وفكرر الناس خوش ناس والبنيه بنت الاصول قله بهل وكت وليش مو مال زواج شناقصك زين شسمها

-مهجه

-الله مهجه ولك هاي تخلي حياتك كلها بهجه
،يعني ماتاحاچي ابووي مووو

-خن احاچي عليه ودور عليك

ركبت سيارتي ،حتى أبشر مريم انو انا راح اجيها الجمعه،وهنا چانت الصدمه،نفسه البنیه الخطبها اخوي هي حبيبتي

شرید اسوي جنوني،عصبيتي بينت يم مريم عضيت ايدي قهرر وضكت طعم الدم بس لاااا
كلشي بحلگي مررر

رجعت منها للبيت لكيت ابويه يخابر بشيخ العشيره هووو هيچ حالته،یحب الفخفخه،یگله

-اریدگ تجي وليدي الزغير خطبت اله من الساده شفت حتى االساده تحب تناسبنه بقى يسولف الى ان ختم مكالمته كالي

-كووول شكووو جايني وشياطين الدنيا براسك
كتله
-ماااالكيت اله مريم تخطبهة الاخويه هااااي اليه تعرف شنوو اليه يعني محد تعبان عليها وخايف لجلها كثري

انااا السهرت اتمناهة استغفر الله حتى ماافكر بيها تفكير شيطاني
انااا الاريده واشتاق الها واحرم نفسي منها هاي تانته تكبر سنة سنة وصير الي ومالتقي بيها حتى الله يبارك اليه بيها
انا الاوكف بركن حتى الليل ومااخليها تعرف بيه جاي
ليشش بويه ليششش تكسرر فرحتي

-واناااا شمعرفني هية تريده بعد ماايفيد الحچي شي صار وراح

-لااااا يفيد لاتخليني اسوي شي ماترضى عليه

-تعصب واجى زنخ ياختي ويلهث

-ولك شسوي أفهم اريد ابين للكل وحتى للطبيب الي چان یدزلي الحبوب الذكريه ابني رجال ومالكيت احد ولا بنيه مؤدبه وفقيره مثل اخوك اله بنت صاحبي

-بس انااا اريدها بويه انااا عاشكها شلون ترهمه لخوي بوية مايصير حرام عليك

-انت عندك حضوظ لو تروح الاحلى وحده تقبل بيك لان زلمه خشن وشايل نفسك اخوك بس صاحبي واهله قبلو

-انة عدي حظ وينه حتى ردته ماحويته وراحت مني وخووي شناقصه وهيچ تحچي شو چنه ترگي واحلى واحد بينه بس هوة يخجل هواي

-هوو هنا الطامه چنه ترگي ويخجل

-وشنو الغاثك بهل موضوع يخجل موو هو هذاااا عذر هذاا البنيه رايدها اناااااا بوية كلبي مااكدر بعد
هيج راح تكتلني بيدك اب يقتل ابنه

-ولك باچررر عگبه یصیر شي هل بنيه اهلها عدهم عيب طلااااك

-بوووويه انت گلبك قوي وتنسى لان عسكري باجر انا زوجك اغاتها بساشرررر وامرر امر

-بويه ماااريد غيرهااااا احبهااا حررررام عليك

-مووو اااالك ااااااااااااافهم وماارجع ابگلامي سمعتي وثگل حچايتي ماانزلهن علمود گلبك الخايس

تعصبت گمت وبوي وگف گتله

-انهززم بیها من ظلمك ولااا تتحداني لاان اسويها

رفع ايده طگني راشدي تعصبت حييييل رفعت ايدي بكل. قوه وو صميتها ضربت الباب الي ورى ابويه حييل بحيث ايدي كسرت الخشب ودخلت بلكسر توجعت لان تشككت بلخشب الصاج مال الباب

. سحبت ايدي نابت بيها الخشب منا

وابويه منا عاط بيه

-وللك ترفع ايدك ياااگلب

درت علیه
-هذاااا الكلب راااایح وبعد مااتشوفني دووومك تگول عندي سبع ولد هسه صارووو ست

جر ايدي يحاچيني بهدوء

-اي بووويه وتبقون سبعتكم خيمتي لااااتروح

سحبت ايدي منه وطلعت رگبت السیاره اروح السلمان ذكرت هووو دوم يگلي الصاحب الوحيده الاثق بيه،قررت اراسله دزيتله مسج كتبت

-شوو ماكوو
رد

-ملتهي اعزم قرایبنا علی خطوبة رضيعتي

ركنت السياره
والدنيا لليل،،طلعت باكيت الجكاير ادخن،وفكرر بشي يطلعني انا ومريم باقل خسائر،ادخن وافكر،

مالكيت نفسي اله وانا مخلص باكيتين
بثنتين خابرت سلمان فتح خط كتله

-السلام عليكم

-وعليكم السلام شو ضايح

-ابويه يخطب الاخوي جدامي ترضاها

-هههه ماهو اثنين اخوانك اصغر منك اتزوجو جدامك
ومن أگلك ليش تگلي اريد أكون نفسي روح راضي ابوك وخلك رعد الاعرفه

-سلمان

-گول خویه

-ماگو شي

غلقته فتحت باب السياره كلها ريحة جكاير،نزلت اتمشى گبالي گبة ابا الفضل العباس تمشيت صوب الحمامات توضيت غسلت وجهي اريد التفتيش يخلص حتى أدخل الى ان وصلت للحضره
من بعيد صحت وبصوت عالي حتى الزوار التفتو عليه
-_هااااا ياشيخ الزلم هااااا ياااعباس هااااااا يابوفاضل
عباس ياشيخ الزلم اجيتك متعني ومكسور
على گلبي مضيع حبيبه وضيعني
ياشيخ الزلم عباس اجيتك لاتردني
عاشك والعشك مرض ريتك تطيبني
تجمع گلبي،وگلبها ویهمد گلبي وتريحني

مسحت دمعتي وتمشيت ازور بقيت أصلي،الى ان الصبح
صبح وانا مانايم رحت المكان الماي شربت عسى گلبي يبرد

طلعت كعدت بين الحرمين الجوع اخذني وكل اشوي واحد من اخواني يتصل يردون اجي للخطبه
مره شمرت چگلیت طاحت بحضني وحده گالت اطلب مرادك لااااا تضوج ييمه ماتضييييج اله تفررررررج بس أنت أمن خلت بحضني صم مال چگلیت من الجگایر والمروره بحلگي گلیته گله بقیت بس وحده امراد

گمت رحت للحمامات غسلت وجددت الوضوء الحد التلاثه تلفوني ماسكت،
اتصلت امي رفعت الخط

كالت

-هلا يمه رعيد شلونك وينك يمه شگلیت من البارحه للیوم ها یمه

-أي يمه أگلت سم ومرض،!

-لیش تگول هیچ وانت التخاف الله

-یمه رحمه الاهلچ بس انتي جاوبتچ لا تخلیني اتندم صار شي

-لاااايمه بس اخوك نوير رادك بلخطوبه يگول محد یعرفني گثره عود خابره
الله گریم یمه بلعافيه النوار غلقته وانا كاعد على المرمر وأدخن جكاير

مره اذكرها من راحت مني وامسح دمعي طلعت باكيت الجكاير وطلعت منه جكاره كعدت ركبه ونص ادخن صفنت وذكرت من كتلها بيوم الخطوبه راح أخليچ آسعد وحده بدنیا وانتی آتشربینی العصیر آول حتی انا اسیطر علیچ مو انتي وهسه غيري راح يشربچ صوت رجال یمي گلي

-بويه رجلك رجلك طاحت جمرة الجكاره على فخذك لاااا تحترك انداريت عليه واشوفه زلمه معگل ماطفیت الجمره خلیتها علی فخذي گتلها بعد بعد حرگیني خلي التهي بوجعچ وانسی حبیبتي،رجع الزلمه اليمي

گال
-بویه طفیها شجاگ مو حترگت
گتله

-عوفها یعمي ترى مو اكبر من حرگت گلبي ولا اگثر من النار الشبت بضلعي أاااااخ شحاچيك ياعمي الأحبهاااا راحت عني
چنت خایف علیها من نفسي
وهسه ﻋﻠﻰ ﺍﻟﺤﺎﺿﺮ أخذوها مني
محد ﺗﻌﺐ أعليها كثري
تعب گلب
وروح
وحرمان
وحتي الاهل البیت حفظو اسمها كد مادعيت باسمها وكشفت يمهم ﺻﺪﺭي
ردت بحلااااال،وماتناوعت الها بحرام
هيچ تالي يتاجزى گلبي
اتروح مثل حمامه مكسوره الغيري

ماادري شگد حچیت وشگد بچیت اله من للزلمه وراي اله حط ایده متني گالي

-يبوووي انت ازلمه تارس نفسك وشاربك ينحلف بيه لااااتنزل دمعتك وانا ابوك كلشي سهل بس گول یارب
انا هل تشوفني فريضة عشيره اذا تريد اروح وياك وانگل ربعي من الناصريه ونخطبها الك ندخل بعين أهلها وماتصير اله الك كول يارب

-یارب یاااااارب یاااارب والله آگول یارب وگلت یارب ماتشوفني لاشگیت یم اخو ولا ام ولا ابو آجیت هنا یم اهل البیت اجیت الشیخ الزلم ودخلت الدیوانه وارید شیخ الزلم عباس یرد الآحبها الیه رجعت تناوعت للحضره واحاچي ابو فاضل

-هااا ياسبع الرجال،هاااا يبو الرايه هذا زلمه من عربنا وماعنده العندك وگلي اخلي الحرمه تصير الك هااااااااا ياعباس وانت الي تميل الباطل وتگضي الحاجه ماتگدر الحاجتي لاااااه حشى ،وعفاااا

-هااااا يبوي وين بيت الحرمه ومنو المعرس
خنكتني الحسره وكمت دنجت بست راس الزلمه

-المعرس والاخذها اخوي بقى صافن راد يحچي رحت منه
ودخلت ألحضره وتنخى يبرد كلبي

تعبت فد مره حتى للعبان نفس صار عندي،كملت التسبيح رحت الباب النذورات أخذت علك وچان واکف سید معمم شافني حزين
گلی
-محتاج شي

-اي محتاج اجى يطلع شي من جيبه لزمت ايده كتله
لا سيد ترى مستوره بس من بخت جدك هذا العلك شده بيدي لان جانت جدتي الله يرحمها تكول الساده ولد رسول الله اذا شد العلك تنقضي الحاجه
تبسم وطلع من جيبه عطر زغير مسحه بيده لزم العلك وفركه بيده ولبسني ريحة المسك ترست ريتي احس ارتاحيت
ابوي اتصل عليه فتحت خط..كال

-يله رعد انت وليدي يصير الابن يزعل من ابوه تعال وانا ابوك تعال رد للبيت حتى عمامك يردوك واخوك نوار يسال عنك

-شلون وگلبي يوجعني

-انت زلمه عسكري وكوي كلبك وينك وين الحب تعال تعرف بيه مريض ومااتحمل دهره

-الله كريم

-راح تجي بعد ابوك

-انشاء الله جاي

كملت طقوس الزياره لان تعبت واريد انام،طلعت مريت على الصيدليه اشتريت شريط فاليوم..قبل لا اروح البيتنا مريت على بيت سلمان،تناوعت اله الناس طابه طالعه، والسيارات الچانت واگفه كلها رايحه اله هاي السياره الاوبتيما مالت ابن عمي

اخر وحده تحركت یعني الخطوبه خلصت وصارت محرمه عليه ماجاي اصدك كلشي انتهى بلمح البصر حلم تلث سنوات تبخر
مثل ماتبخر عمري

رجعت للبيت بقيت كاعد بسيارتي الى شفت كل الخطار الچانو عدنا راحو نزلت امشي مثل سكران دخلت لان عمامنا ولد عمنا بعدهم جهال اخوتي الخمسه كلهم بلحديقه يلعبون

وكفت على صفحه افكر بخواني خمستهم متزوحين كلهم متجمعين بهذا البيت ليش مايفكرون يستقرون كلمن بيته يطلع ويرتاح اعرف ابوي ممقصر وياهم كل واحد بيهم باني اله فوك عنده سويت كامل غرفتين وحمام نتجمع گلنه بریوك،والغدا ،والعشا،

اعرف خواني يخافون من ابوي لان فارض سيطرته عليهم بس همه باقين حتى يبقى ينطيهم فلوس وحتى يبقون عايشين بكده ويصمگون فلوس بس انا لاااااآاااا

دخلت من باب المطبخ لاکتني مرت رشيد اخوي الجبير

-شنو وينك خويه

-چنت بزیاره

-یااااا توقعت راح تلعب فلك بخطوبة نوار انت وياه صحبان

-بعد صارت اترخص منج ام حاتم
لاگتني امي شبكتني حيل

-ليش يمه تحرك گلب امگ علیگ

-مابیه شي يايمه مو هاي جدامچ

-اسویلك لگمه

-لاااا مشکوره یمه

-چاي

-غلايتي بغرفتي من اريد انا اسوي
مشيت الغرفتي طلعت من ثلاجتي الزغيره بطل مي وشربت حبايتين فاليوم..دخلت للحمام اسبح شمرت روحي على الچربایه ارید نام غفيت ويه غفوتي تفززت وكل اشوي ينهض جسمي حتى المنوم ماقابل ينومني
ايدي على راسي واريد الصبررر اأااااااخ وينك يلصبرررر
تعال خلني ساعه انام..

غفيت الى ان كعدت بنص ألليل بطني كرصتني من الجوع رحت للمطبخ فتحت الثلاجه أكو لحم ماعون
هبرات مسلوك وكامل،هذا من تشريب الغدا

طلعت الصحن وشمرته بلمايكرو،طلعت قوطية ببسي،وخبزه

اللحم صار حار والببسي جهزز
طلعت طرشي سحبت كرسي كعدت أكل اريد اضيع شوقي بلأكل كد ماضايج خلصت كرصتين خبز وصحن اللحم وكاشية الطرشي

جهزت الچاي بين مااصب طلعت باكيت الجكاير من جيب البجامه،كعدت ادخن واشرب چاي
اجا نوار يضحك وضايج

-هاااا رعد دورتك بين اخواني مالگیتك ليش عفتني ورحت مو تعرف محد يساعدني ويفهمني غييرك ليييش
ردت أگوم وهو واگف لزم متني

-ضااايج مني حتى مبروك ماااگو
دنجت وكعدت وگتله

-الف مبرووك

سحب كرسي وكعد يمي وكال

-ولوو انت گلتها بضوجه بس تعرف معزتك خويه ماريد ازوج وابوي غصب غصبني

رفعت راسي ورثت الجكاره دخن كتله بهداي

-ليش رافض البنيه موحلوه لو وين السبب

-بلعكس شكلها زين السبب بيه انا
بلعت ريجي وگتله

-عجبتك يعني
طلع نقاله،فتح الشاشه، گلي

-شوف شلون خجوله،ومتخردله

مديت ايدي وترجف أخذت النقال وأگلب بصور گانما اقلب جروحي طالعه اميره،وشعرها الله طويل اي طويل مثل مااحب مثل مااريد ماادري هيچ شعرهاااااا باوعت للبدلة مستورة كلشي مابين منهة وهية حتى مامنتبه لصور مبينه حزينه

صفنت ودموعي تنزل،مخنوك،والهوى نكطع عني مااكدر اشوف بعد بس لفتتني صوره جاي تشرب عصير ومتبدي عليها فخذها وهي تكرهه الدبك وانا جمرت الجكاره هم حرگت فخذي غمضت عيوني

كال نوار

-شبيييييك ماتسمع جااااي احچي وياااااك
درت عليه وهو يحاچیني وانا بالي يم الصور

كتله
-لااااا اسمعک بس گد مافرحت الك

-فرحت اليه وليش تبچي

-ابچي عليك من فرحتي ذاك أليوم انت زغير، واخذك للمحل اشتريلك جبس حبيبي گبر وصار رجال

تعصب نوار وگام

-حتی انت هییچ تگول ليش محد يفهم وينتبه

راح من یمي ضايج وبقى التلفون بيدي اكلب بهالصور واكول استغفر الله اكول النفسي واستغفر صارت بمثابة اختك يارعد لاتضل تباوع بس عيني ماكدر اشيلهه عنهه

وانا اقلب بصور دخل نوار ضايج بيدة قوطية حسبتهه قوطية سفن

بس من ركزت عرفت هاي قوطية عرك وصاير حالة حال المطي يتطوطح ويمشي

طفيت التلفون وخليته على صفحه وطفيت الجكاره بصحن الاكل جريته وكعدتة يمي حتى لايضل تايه مثل الاثول

اخذت هالقوطية منه وشمرتهه بالزبل رحت للبراد جبت شوي مي وشربته..

ما تحمل دفعني وراسا راد يتقيء جبت سلة الزبل كام واتقيأ الشربة..

رجع كعد بمكانه وخلة راسه على الميز وحاوطة بايديه باوعت عليه مبين نام ومحاس بشي لان شارب وتعبان ..

كتله وانا اورث جكاره

_نيالك يا اخوية يا ابن امي وابوية اخذت مني بلحضة الاحبها و الربيتهه على ايدي سنين

اخذت السهرت علمودهه ليالي والتمنيتهه
بكل سجدة
تالي الصبر والتمني يصفة الك يالصغير..

ادري الكاعد احجيه حرام وميصير بعد صارت مرة اخوي وميجوز اباوعلهه لو افكر بيهه بس هو غير لو العقل يجوز والكلب يوكف واخلص...

كمت من الكرسي تقربت عليه وهمست اله

شال. راسه نوار وكال

-ترى انا مانايم وسمعت الحجيته كله

#يتبع
واشكر الادمن ganah01298631 على الغلاف الجميل