رواية عشق المومنين(أبناء الساده) الفصل الأربعون 40 - بقلم نازك الحمراني

السلام عليكم.... كل عام وجيشنا الباسل بالف خير في عيده ١٠١...اليوم خميس اذكرو اختي بلفاتحه وفي دعواتكم الخفيه ...عوضتكم بارت طويل

.....
كل كل شيء بيد الله ، انا وقلبي وسائر أمور حياتي ، هذه مواساتي المُطمئنة"

صوت وشه بأذني قويه چنت مغمضه من شفت نفسي مانضربت فتحت عيني وتناوع سيد مهدي حاط ايده وفاتحها قريب الاذني يعني الراشدي مالاحني الحمد الله ومرت عمه ماضربتني...الضربه والصوت صارت على ايد سيد مهدي وهنا سيد مهدي جانت عيونة تجدح نار جان جف ايدة كلة مفتوخ وبعدين قبض عليهه اعتقدت يريد يضربهة بوكس من غضبة دفر ايهه ليغاد وحجة بعياط

-شوووفي يااااا مرت عمي،لهناااا وتلزمين حدودچ گلشي ولاااااا مرتي،تعرفين شنووو مرررتي، يغني كرامتهه كرااامتي احتراامهه من احتراامي.. الله واكبر علييچ تردین تضربيها وانا واكف،شنوو ماعدها زلمه يدافع عنهااااا والله وباالله،
وتاالله اخررررررر مررررررره واخر لحظه

ان سمعت حاچيه حچایه ویه آم ابني لگون نازع ثوب الاخلاق والدین،والاکص أللسان كلمن يجاوز عليهه واكطع ايد كلمن يفكرررر يمد صبع وااحد على حرمتي

تناوعت الجدي ساكت وام عامر متعصبه حيل و تبچي عاد ام سيد مهدي صاحت

-انت الهنا وكاااافي شلووون تجاوووز على مرت عمك وانا واكفه
،وجدك واكف گوووول هاي علمود المجدايه
ام عامر گالت

-عوووفي يعلي صوته بعد وبعد اذا الله نطا العمر وعاش واانا ابني المات ابني عزوتي حزام ضهري لااااا وفوكاها عمي سيد باقر ساكت معناها راضي عليه وعلى جسارته ويايه

عاط سيد باقر بيهن

-كااااافي ولچن حرررام علیچن البنیه مامسویه شي وانت ام سيد مهدي هذااا ابنچ العلیل،والمرض داگه
وهاي چنتچ الیتیمه خافي الله بيهم....مو انتي شتريتي
عمره بدموعچ الی ان طاب،وزوج تالي تحاربينه بلحرمه اليحبهاااا ولچن تذكرن من اجانه والموت جاي وياه
لاعين سالمه ولا عظم حررررررام عليچن شهل جبروت شهل طغيان وانتن علاووووي

وانتي انتي ام مهدي هذااا ابنج البقيتي علموده بشمسسسس تندعين كون بس نفس يبقى تالي عاش حتى تاذي باكثرر شي يحبه

المصايح على اله حس سيد مهدي،نكطع،ارتجى على الباب،اجى يوكع منه سيد علي لزمته منه خليته للكاع ورحت السيد مهدي سندته ويايه امه تبچي
تحاجي وتتوسل

-يمه أبو علي،وليدي،شبيك،يمه أكعد بعد امك اكعد وانا امك كله منچ ام المشاكل ام البلاوي

چیت علی سید مهدي وسيد باقر ويايه
گومنا سندناه،ومددناه علی التخم بقیت اقراء على راسه
وسيد باقر ويايه يدعي ويبچي وام عامر راحت الى أن كعد سيد مهدي يفرك براسه كال

-شنوو الصار ردت احچي سيد باقر گله

-یبعد جدك خافنك ماتاخذ دواء ليش يبويه ليييش
جاوبه سيد مهدي بعد ماعدل كعدته ويمسح بيده على صدره

-لاااا جدي جاي اخذه بس شويه دورات يضيج صدري واختنك ماكوو شي، اخذ راسي وباسه

-لاااا تبچین ام علي وجهج راح حبييه...كام باس راس امه
-يمه ألسموحه عليت صوتي بس خلاص الهنا بعد حتى مااخسر بري بيچ آلقطعه راح آبلش بیها بس اذب بتلو
راح للمغسله غسل وجهه وانا هم غسلت وجهي وبقت امه تبجي وتعيط وياها سيد باقر يجادلها

اخذ ايدي سيد مهدي ،كلي

-يله تعاي انروح

كالت امه
-هستوك جان وجهك صار اصفرررر وجنك حتتخربط وين طالعه اديحها هسة نزلت بيك كل العافية وتريد تفرفرهه..
تناوعلها سيد مهدي،هز راسه يحوقل(لاحول ولاقوة الاباالله العلي العظيم) من رخصتچ یمه

حسيت نفسي تعبت من الهوسة الصارت وسيد علي ضل يبجي
اخذته غسلتلة وخايفة اتحرك من مكاني خاف همين يصيحين عليه لزم جتفي سيد مهدي وحضني وحضن علاوي

- يلة حبيبتي امشي ليش وكفتي

- مو.. سيد علي ديبجي

- هسة من يصعد بالسيارة يسكت كل الجهال هيج

- قربت راسي عليه وهمستلة.. تريد الصدك خايفة اطلع لا تصير هوسة ثانية

- أفا عليج يمج مهدي ابو علي وتخافين هاي الحجاية ما مقبولة منج هيج اطعنين بية معناهه مابية خير وما استحق احميج

- لالا والله مو هيج اقصد سيد مهدي والله اسفة العفو مو هيج قصدي بس

- كلش زين فاهم قصدج لاتبررين .. ويابنت الناس ليش تكليلي سيد مهدي عبالك غريبة تحجي وياية..
وج بابا انة رجلج دلعيني طلعيلي اسم حلو من يمج مو تكليلي سيد مهدي حسستيتي صديقي ديحجي ويايه

- هههه يعني شنو اكلك ياسيد والله استحي

ام عامر- واكفين عيني عينك تحركون بكلبي الله يحرك كلوبكم ان شالله

اتنهد سيد مهدي بقوة ودنك راسه
- استغفر الله امشي ام علي خلي نطلع اتأخرنة

لزمني من ايدي وشال علاوي بأدية وطلعنا جنت احاول اكتم قهرتي من معاملتهم اليه ونظرت الاستعلاء عليه
فتحلي باب السيارة وصعدت ونطني علاوي بحضني وشال عباتي جانت حتى يسد الباب..
راح فتح باب الكراج وصعد السيارة وساقهه وطلعنة ورد نزل سد الباب وانطلقنة
اشوف عليه مبين مهموم من الصار بس يحاول يضم علية يرسم بسمة بوجهه
خطية سيد مهدي ماله ذنب صح امة ومرة عمة ميحبني بس مو ذنبة ليش يشيل نفسة هيج ذنب.. حاجيته وهو يسوق

-سيد لاتضم مبين بعدك تعبان خلينه نرجع للبيت وارتاح لاتبقى مقهور

التفت اليه ذابلة عيونة رغم هواي يحاول ينعشهن..

-اي مقهور.. مقهور لان ماتخيلت بيوم اهلي راح يكرهون زوجتي مقهور لان مصدوم بيهم يدعون الدين وهمة مامطبقي ويباوعون بطبقية وفوقية عليج..
والاكثر قاهرني اشوف مريتي تنهان ومادافعت الها

تبسمت اله
- كل هذا السويته علمودي من صياح وعياط وتهديد وتكول مادافعتلي..
بالعكس سويت العليك واكثر همين

- انة اكدر اصير طايش واستهتر واتجاوز على امي ومرة عمي بس والله مو خوف منهم خوف من الله وتعرفين شنو يعني عقوق بالنسبة الامي اما مرة عمي فزحمة لان شفتي جدي سيد باقر هو ردهةة فماحبيت اتجاوز اكثر

- بكلامة خلاني احس بقيمتي لو شكد ما احمد الله واشكرة ماوفي هالنعمة الجبيرة
رديت ابتسمتلة واباوع على عيونة..
لاااا مولاي، ترة مهما يصير بينة يبقون اهلي ترى ويجي يوم يحسون على نفسهم..
خفف السرعه والتفت عليه وجهة والضحكة تارسته واخذ ايدي يبوسها

- جا انة ليش حبيتج من فراغ من هالكلب الجنة كلب سمجه ..
ولج شما اسوي مااجازيچ یاام بیتی..

- خجلني بكلامة دنكت راسي وماعرفت ارد عليه شحلو من يحجي كلامة عسل الا انة الثول كلة نازل بية لا اعرف ارد ولا اعرف اتغازل وياه مثل ميسوي..
بعدة ماخلص حجية سيد مهدي ورد اختنك علاوي وكوة يجر النفس عفنة كلشي وانخبصنة بيه ورأسا داس بانزين وزيد السرعه حتى نوصل

- هسة نوصل للدكتور نجيك سيد علي و الباچر سفرتنا نشتري شغلات للسفر وهم نغير جو لا تخافين...

- حضنت ابني قوي وضليت ادعي الطريق كلة يكون مابي شي ..
سيد مهدي صار يطافر بين السيارات بس يريد يوصل للطبيب
دقيقتين وصلنة
نزل قبلي واخذ علاوي مني ونزلت وراه وقفل السياارة بالريموت وصعد يركض وصلنا لدكتور احنة حاجزين قبل وقت هواي اطفال وعوائلهم جانو بالعيادة من شافهم وعلاوي شوي اتنحس وبجة اخذته من ابوه وحضنته يلة سكت..

دخلنة للطبيب وكلي هنا..
صعدت سيد علي على سديه بس ماقبل يكعد ضل يبجي ويتحرك حضنة ابوه ونام يمة وانة لزمت ايدة يلة شوي هداء
ضل الدكتور يفحص بي
التفت علينه كال مبي شي مجرد تعب وتحسس بصدره يخلي ضيق تنفس عده

رد عليه سيد مهدي
دكتور يعني مابي شي جا ليش يختنك ويصير ازرك

- عادي جاهل يلعب ويكمز اكيد يتعب ويتعرض الاجهاد كلبة ويختنك

- ان شالله زين شلون تروح منة هالحالة

- لا تخلو يبجي هواي ولا يتعصب لاتعرضو للتراب سوولة حمام بخار يفتح صدرة

- سهلة ان شالله.. زين يحتاج اعرضة على طبيب خارج العراق اني رايح بأجر لأيران هم يحتاج اعرضه على دكتور وسويلة فحوصات هناك

-على راحتك..
هم عدهم اجهزه احدث من عدنة بس حالته متستوجب وبقت يمك

- الف شكر..

- طلعنه من دكتور واحنه مطمنين على وليدي سيد علاوي جنة كلش خايفين عليه ومتوترين بس بعد هالحجي لا كلبنة ارتاح وصارت الضحكة تطلع من جوة كلوبنه..

- الف الحمد لله والشكر يحتاج سجدة شكر لله وصلاة شكر لوجه الله اصليهه على سلامة علاوي..

- اي والله ابو علي بس نرجع للبيت اسجد واصلي لوجه الله تعالى..

- يلة هسة نطلع للسوك نتسوك براحتنة وشتريدين تشترين اشتري شنو عندج نقص اخذي

- ان شالله...

رحنه السوك صف سيارته على جهه ونزلنة..
هو لازم سيد علي وانة اتمشى وياه خطية شايلة ميريد يمشي يخاف عليه لايتعب..واني خفت على سيد مهدي لا يتعب ..
سيد نزل يمشي ليش شايلة

- لالا خليه لا يتعب شايلة على جتفي ماعلية شي لاتخافين

- زين خلي نشتريلة عربانة ونخلي بيهه ورانه فرة طويلة خو مو تبقى شايلة وتفتر هو يتعب وانت تتعب

- صار..

- اتمشينة اني وياه للمحل شفنالة عربانة حلوة مريحه اخذهه ب90 الف خلينة علاوي بيهه ومشينه هو يدفعهه واني وياه امشي.. وعلاوي يلعب بالملاعيب الي بالعربانه

كل المحلات دخلتهه اخذت ملابس معينة ومو هواي لان خليت ابالي اشتري من ايران يكولون بضاعتهه حلوة ورخيصة ف اخذت بس الاحتاجة االعلاوي ولسيد مهدس والي..
وعلاوي همين جان اله نصيب من السوك كلما شاف لعبة جلب بيهه وسيد مهدي راسا يشتريهه وميقبل احجي يكول خلي اذا ابوه ميشتريلة ويشبعه منو يشبعه ويسكتني..

تونسنا ونسه مصايره حتى نسيت المغثه الصارت وكفنة يم محل كلش عطشت شفت محل عصاير طبيعيه واشتهيتهه.. سيد اشتهيت عصير

- اشتهيتي عصير يمعودة هالمحل بكبرة كدامج.. اختاري شتريدين واجيبة..

- والله مشتهية بلنكو

- هههههه ولج يمعودة البلنكو اله غير معنى نوب شكلة مرتي تريد بلنكو ونتفاشل وياهم

- ها لا صدك ليش شنو معناه

- معليج معليج اتشاقة وياج
هسة اجيبلج بلنكو.. وانت بابا شنو تريد

- جيبلة عصير مشمش يحب المشمش

- واني اريد بطيخ مشكل يالوز احنة..

- دخلنة سيد مهدي للمحل كعدني على الطاولة ويمي علاوي بالعربانة وهو راح طلب العصاير لفيت نفسي بالعباية زين وطلعت جف ادي وعدلت كعدتي مستحية احس الناس كلهه تباوع عليه..

ثواني ورجع يمنة سيد مهدي وكعد يلعب وية علاوي ورة خمس دقايق اجى ولد شايل العصاير خلاهن وراح..
شربنة العصاير وعلاوي ماخلص عصيرة اني شربته وراه وردينه طلعنة..

- تحبين نتعشى بمطعم؟

- لا فدوة سيد اني العصير وكوة شربته جدام هالناس احس العالم كلهه عيونهه علية

- الي يباوع عليج افكس عيونة لاتخافين محد باوع عليج..

- لا اني ادري محد يباوع عليه بس اني استحي اكل كدام احد..

- يلة براحتج تريدين ناخذ سفري وبالبيت ناكلهن

- اي احسن وية الاهل ناكل

- تدللين.. شتريدين اجيبلج

- كيفك شتاكل اني وياك
ابتسملي ورحنة يم مطعم وكفنة وكفني على جهة وهو يمي
لازمهة عربانه علاوي واكفة اباوع عليه بدة يغفي مبين حبيبي تعب يريد ينام..

استلم علاليك العشة وشالهن واني ادفع العربانة وصلنة السيارة صعدني وصعد علاوي بحضني وسد الباب وخلة العربانة بالصندوك والاكل بالكشن الورة وصعدوساق السيارة ورجعنة للبيت..

سيد مهدي...
رجعنا للبيت وافكر بمرتي لازم الگلشي اخلي حد.. وهواي يتاجوزون عليهه وهي متحجي واني ارجع تعبان من الشغل الكى مشاكل عالكة بالبيت
مرتي من نوع مدافع على نفسها بقيت افكر شلون احميهه منهم بين ما ابني البيت واطلع..

الى ان وصلنة دخلت السيارة و دخلت العلاليك للمطبخ شفت الوجوه مكلوبة.. السلام عليكم

عقيلة- نزلت بيدي علاوي نايم الوجوه كلهه مكلبة ويباوعولي بغضب سلم عليهم سيد مهدي واني وراه محد رد السلام علينة سيد باقر ماعرف وينة يمكن نايم
بعدنة ماكعدنة ودك تلفونة
اشرلي سيد مهدي وكلي

-حبي اني رايح هسة شوي و اجي وية العشره.. اذا جعتي اگلي لاتبقين جوعانة

-لا سيد انتظرك تجي

- احاول ما اتأخر..

بعض الأمور جمالها في آن تكون سرًا كـ دَعوة بصلاتك لروح ما.وروحي ان تحفظ زوجتي وابني

طلعت من البيت شفت امي مكابلة الام عامر كاعدة تراضيها اكيد
عفتهم وطلعت للكراج

شفت جدي واكف يم الباب الخارجية يحچي ويه عمي ابو عامر يگله

- وينةجنت شكد دكيت عليك ليش ما اجيت بسرعه

- غير جنت بالشغل قابل جنت العب خير شصاير

- وتسألني شصاير اناا اسألكم شصاير شعدكم وية اليتامة بس گلولي شنووووووو طلابتكم ويه اليتاما سيد مهدي وووووووحرمته

- هم سيد مهدي ومرته

- كولو لروحكم ليش مجلبيلهم شعدكم ووووياهم

- ماعدنة شي وياهم انت مركز بحياتهم اكثر منهم

- خصم الكلااام محد يوصلهم منكمم لااا وحق الله احرمكم من الورث وهجولكم واخليكم تعضون اصابعكم نددم بيمن طالبيهم بويه عوفوهم كاااافي نافسيهم نفس راح تموتوهم اتقو الله بيهم

عمي جاوب جدي

-متقين الله الحمد الله بس القاهرني انت واكف بويه وشاهد شلون تجاوز مهدي على ام عامر وكل هذا ساكت وتجي تعاتبني وتحط الصوج بينة فهمنيي شلون ترضااااهااا ابن اخووي يتجاوز على مررتي وهي بمقام اامة

اتفاجئت من كلامهم سديت باب السيارة وتمشيت الهم وراسا قاطعت كلام عمي وكلتلة

-الله بلخير ياعمي
مارد علية السلام وماقبل يباوع بوجهي ماهتميت راسا دخلت بالموضوع..
ترى ماااجاوزت ولا تعديت وقليت ادب كل السويته حجزت بين مرتي ومرتك مرتك

- وانت ليش تدخل بين النسوان ماتسحتي حاط روحك وياهن

- شنووو ااادخل بين النسووان شنو هالحجي دكلك مررتك اجت تضرب مرتي راشدي شتريد اااسوي مثلآ وانا زلمه واكف بطولي وحيلي اسكت عن اهاانة مررتي وانا شايفهه دتنهاان بظلم مو على حق

اتخيل انا زلمه ويمي حرمه تنضرب وتنهان بلا سبب وماادافع الها الكاع تنفتح وتنطم اذا صدك اسكت مو مرتي اصلآ مو من الرجوله ماادافع عنها فكيف هل حرمه زوجتي وام أبني...

عاط عمي بوجهي

-وتضربهاااا

تفاجات كتله

-عميي لااااتاخذ الحچي من طرف واحد مرتك هي راادت تضرب مرتي راشدي واناا كل السويته لزمت ايدها وبعدتها بكل ادب واخلاق لان انت اذا تعرف اخلاقي المفروض ماتصدگ ام عامر

- مثل ما اانت تصدك مررتك انيي اصدك بمرتي

حجي باقر- استحي على نفسك يويل منك شنو هي مغالب ياهو الي يصدك بمرته ويجذب الثاني ولك اني جنت موجودد وحاضرر بكل الصاار وهمين مرتك جذبت ولعبت بعقلك ولك مااناوي ااتوب وتعرف مرتك شنوو

عمي خجل من نفسه من جدي حجة وياه وبقى يبلع ريجه عرف مرته تچذب ومالفة حجي وهاي مو اول مرة تخلي بهيج موقف بس هو ميجوز يبقى يصدكهه ويتفاشل وية ابوه راس انسحب بسرعه وعافنة ودخل للبيت

كلت الجدي..
شنو راد عمي منك

-لاااايبوي هييچ ماراد شي وين طالع انت بعدك مريض ارتاح بعد جدك

-رايح شويه ضايج كلت اغير نفسيتي عقيله لان ماتحچي وانقهرت من الصار ومنا علي مريض وكلهه التمت عليهه فكلت اطلعهه شوي تتونس وهسة احسها احسن

- اي عاشت ايدك ابني البنية حبابة وفقيرة وخوش بنية الطيبون للطيبات وانت طيب والله رزقك بيهه

- الحمد لله.. يلة جدي اروح الصاحبي شوي واجي

-الله وياك فد لا تتاخر

- ان شالله..
طلعت اجرت تكسي لأن مااكدر حتى اسوق احس تعبت من المشاكل.. وصلت قريب على حسينيه مكان گلي بيه سيد حامد شفته لازم كتاب بيده
ومنتظرني سلمت

-السلام عليكم

-وعليكم السلام هلا بابو علي بس لا جاي تحاچینی علی الزواج

-ههههه مو ارید ادخل بسببك للجنه

-اووف ياسيد مهدي گلبي تعبان ماكدرر يازواج اريد اوصل الشي،
اوصل المقام احلم أكون بيه خاصه بعد ان فقدت امي وابويه والاكثرهن خلصت حربنا ويه داع ش وزملائي بلحوزه نالو الشهاده قبلي أتحسر لان ماصرت ويه الثله الختارهم رب العالمين لذالك اقسمت اترك شغل الدنيا لاهل الدنيا

ورضيت بحياة الزهد والعفه حتى يرفع الله الحزن عن قلبي

-انشاء الله يرفعه وانت مازال تحب الشهاده تنالها لان من احب شي مات عليه

-اممم مو انت هم تحب الشهاده مع ذالك الله يحفظك لان انت صاحب مامنك اثنين

_شوف ياسيد مهدي احد الطبين يكول يطلب الإنسان أحيانًا من صديقهُ بأن يدعو له بالشّهادة، فنجيبُ مُجاملين عموماً :

- كلا كلا حفظكم الله، وجودكم ضروريّ.

بينما الحقيقة هي أن هذا الدّعاء دعاء عظيم لا يجب أن نـغفل عنـه بحق بعضـنا البعـض، وهـو فـيض كبيـر نعجز عن درك حقيقته، فنحن عاجزون عن فهم مقام الشّهداء، يكفي بأنّهم في مقام "عِند ربّهم يُرزقون".

_فعلا سيد حامد كُلنا غافلون منو مايحب الشهاده وجاي تشوف الدنيا متوكفو كد الظلم البيها ماكو مكان بيه راحه. الدنيا دار شقاء بس انا قلاها احسن منك أطلع اغير جو مزوج عندي طفل

أنت ساجن نفسك بسجن الحزن

-لا ماساجن نفسي انا اطلع بس مو دائما ما احب الاختلاط ويه الناس لان الابتعاد غنيمه وذا اروح او افكر اطلع اروح ازور اائمه رضوان الله عليهم او للنجف او للحوزه ومازال انت ضايج تعال اخذك المكان دائما اروح اله يكعدون بيه زوار يحچون بظلامة الامام الغائب

-اااااخ صااااار سنين مارايح هيج مكانات بس وين كون مو بعيد رجليه تاذيني

-لا لا مو بعيد حسبت عشر دقائق تعال امشي ويايه

لغف عباته ونزع اعمامته خلاهم بعلاكه طلعها من جيبه رتبهن وتمشينا

كتله

_ليش سيد حامد نزعت العمامه

_افضل حتى احس نفسي بسيط مثل هاي الناس الي هسه راح نروح الها

_يله نتوكل

تبعته اريد اشيل من بالي كلشي المشاكل والهوسه نمشي دربونه ندخل الثانيه نطلع من وحده ندخل غيرها الدرابين ظلمه الى ابتعدنا من صار جدامنه شارع مشينه بعدها صارت جدامنه ترابه مشيناها

ورى التراب تله ناصيه صعدناها نعبر نزلنه منها وصلنا المكان متجمعه بيه شباب وشياب اعدادهم ثمانيه تسعه شاعلين نار بلوسطه الكاع يبچون ویستغيثون بمولانا الحجه عجل الله فرجه الشريف ايدهم على روسهم ىيبجون حتى ماانتبهو علينا من وصلنا الهم

كعد سيد حامد على الترابه كعدت يمه واسمعهم
يسولفون عن ذنوبهم عن المعاصي يحاچونه متوسلین ‏

يصيح واحد منهم ياابا صالح اتيتُكَ كي تُصلح خُربة قلبي فَخُذ بيدي سيّـدي خذ بيدي والله احبك اناااا اعذرناااا على ذنوبنا من تنعرض علييك مولااااااااي اعذرنااا احنااا

الثاني يكول ‏يامولانا الذبيح..متى لحنَيني تسِتجيب
موولاي انت وحيد غريب بهذاااا العالم لا عندك اب يواسيك لااا اولاااد فوكاها ذنوبنا تأذيك

صاح ثالثا

_الله يسا عد قلبك مولاي اليوم على ذنوبنا بس احنا انريد انصرك كلشي جاي نسوي الاجلك جاي اشتغل اقرا ادرس اتقوى كله في سبيل الله وسبيلك

الجو روحاني'جو يخلصك من اثم الدنيا من محبة الدنيا من تشوف هيج ناس بسيطه تستنجد وتبكي امامها كل خميس كعدت مقابيلهم ابجي ويه بجيهم بدو یقراون دعاء الحجه بخشوع واناي يهم استغيث احس ارتاحيت

كالي سيد حامد

_هسه عرفت ليش ازهد وخالص حياتي ىديني لله
لان مثل مايقول احد اساتذتنا الافاضل وواختر صحبة تخجل أن تفعل بينهم ذنباً، وإحذر من صحبة تخجل أن تفعل بينهم طاعة

_فعلا كلامك سيد الكعده هنا مريحه للنفس

_اي مريحه تعرف ليش بلخميس والاثنين تصير الكعده هنا

جاوبته

_اكيد لان تعرض ذنوب محبي اهل البيت على الامام الغائب عجل الله فرجه الشريف

_احسنت سيد مهدي

_احسن الله لكم

بقيت يمهم مره يستغفرون مره يسبحون الى ان قرا سيد حامد الهم دعاء وهو دعاء السجاد عليه السلام

*اللهم لاطاقة لي بالجهد ، ولاصبر لي بالبلاء ، ولاقوة لي على الفقر ، فلا تحظر عليه رزقي ، ولاتكلني الى خلقك ، بل تفرد بحاجتي ، وتول كفايتي ، وانظر الي وانظر لي في جميع اموري .*

صارت بتسعه ونص ودعتهم اروح للبيت وكلش تبعان ومشاكل اليوم تخلصت منها امشي مبتعد منهم وصوت استغاثتهم توصلني نزلت دمعه من عيني
اردد

"اللَّهُم ذَلِل نَفسِي فِي نَفسِي وَعَظِم شَأنَكَ في نَفسي"

ركبت تكسي ارجع نزلت من السياره دخلت البيت هدوء حتى جدي وجدتي نايمين'عمه زينه كالت

_شلونك سيد

_هلا عمه اشلونج

_اجهز العشى او اخلي زنان اتجهزه

_لااااا مشكوره حبيبه تصبحين على. خير

فتحت الباب على كيف عقيله على السجاده اتصلي، المستحبات وسيد علي نايم بسريره كعدت على الچربایه تعباااان وكل جسمي يأذيني تناوعت يم سرير سيد علي عقيله محضره جنط السفر

ردت أمدد جسمي كامت مخلصه من الصلاة وتبتسم كتلها

_تقبل الله قارورتي

_منا ومنكم صالح الاعمال اكوم أجهز العشا وكفت تنزع سدار الصلاة ضفيرتها تمايلت يمنى ويسرى على ظهرها تمايل كًلبي ويه كًل ميله

بحركه وهمسه و‏حنية مُفرطة تتمايل ضفيرتها
وتذيب أحزان عَميقة فشلت أنا في نسيانها.

وكفت مسبل عيوني لزمت طرف الضفيره رفعتها الخشمي اشتمها غمضت عيوني شفت غصله غيره جاي توكع من شعرها لزمتها

"كُل ما هو منكِ من أنفاس أ حتى شعره احده يجب ألّا تهدر وترمى "

سحبت القراصه من شعرها وبديت افتح بيها على كيف وصلت النهايتها فتحت شعرها السرح الي من اثر الضفيره صار بيه كسرات متموجه مثل موجات رمل الصحراء..

‏احبكِ..بوعدٍ قطعته أنكِ ستكوني الاخيرة الى نهاية عمري وان لا سيدةً غيرك قد تسكُنني.

كالت بصوت ناصي

_ليش ماتخليني اجهز الك اكل مووو انت جوعان

_يا هاربه يا حبيبه يا زرقاء العينين ، يا روحِي أنا .

_والله هواي عليه انت

_وانتي نعمه واكبر نعم الله اليه

خجلت أجت تمشي خطوه سحبتهااا من ايدها ظهرها صار على صدري

همست الها
_ممكن تبقين يا من تجعلين نَفسي مُطمئِنة

_هااا موو

_الخاطري ابقي قارورتي لأرتوي'وابتهل ولا أتذوق ماتحت النحر بشبر وازيد من الشبر اصبعين حتى أجاهد بيدي وأحتضن واقبل'حتى تلك الرجفه التي تخترق نبضات قلبي

درتها اليه مغمضمه عيونها بديت أهمس الكل رمش بعينها

قارورتي عانقنيَِ
بعمقَ
بعنف
بعطفَ
بقوه
،بشغف
برغبه
و بعظمه والله انا احبك جَداً ،

_وانا ياسيد من سادات ال محمد يامولاي حين أنظر إليك أعرف بأن هذا ما تعنيه كلمة حياة

_صرتي تكولين حجي مثلي

_لان انت حسنه وبعشر امثالهة كل ايوم اتجازه انت اشارة حمرة ؟ كل ما اشوفك گلبي يوگف.

أبتسمنا سوه

أُحِبّكِ واحب الغزل الذي بيني وبينَك،
النظر التي لا يفهمها سِِوانا،
الاشارات التي تخُصُّنا،
مكاننا المُفضّل الذي يجمعنا،

عشنا الذي يشهد ثورات حبن
العفوية بيننا وكلّ ما هو وقتيّ لكِنّه باقٍ..

احبك وحب كل شيءعادي لكننا نشعُر بانفراديته وتميّزه في ذاكرتنا ومشاعرنا،
لأنه يخُصّنا وحدَنا

فعلت كل شيئ لتذوب انوثتها بيدي
فكان الارتواء .....

كعدت الصبح مبتسمه لان حتى صلاة ألليل من صليناها انا وسيد مهدي اخذنه منها اجر المتزوجين

تناوعت الابني نايم بسريره رجعت اتناوع السيد مهدي نايم ومخلي ايده على عيونه مشيت ايدي على ملامحه الرجوليه واثار الحادث المنحوته على وجهه منطيته جاذبيه

كل اثر بخده وجبينه ناحتات اثر بقلبي وروحي حبيبي الي صار لان طلبت ودعيت دعوة والده بكل صلاة وهسه زوجي وعشقي رغم فات على زواجنه اربع سنين بس شغفي وحبي اله ماخلص ولا انتهه..
بايدي صرت اتجول على ملامح وجهه ولحيته،شاربه الخفيف رفعت وجهي عنه مره اخجل منة و مره اتناوع اله بحب وخجل

اي لسى الخجل ويايه مثل عروس بليلة عرسهه تارسهه الخجل..
من اذكر قربه مني
قضى على خجلي لان مغرقني بحبه وحنانه، ما اتمنى يعوفني حتى ماحبه هلكثر

تخردلت من لمساته ورجعت اغطي نفسي بلغطوه لان حرك عيونه وتهمهم معنى هو كاعد
غطيت نفسي وبلمحه سحب الغطا مني

-قارورتي الج عين وتغلسين مني وانتي هسه جنتي دتمشين ايدچ علی وجهی وخليتني اتسودن

ابتسمت اله ودرت وجهي عنة اغطي من الخجل

- انا هذا الخجل يوترني ويخليني اتهوررر
يا الله لقد ابتسمت بخجل أكبر ثم فتحت عيناها تدريجيا لتشرق منها شمس الصباح..

سحب ايدي وكعد يداعب اصابعي بشفايفة سحب راسي لصدره ويحرك بشعري اسمع نبضات كلبة وكأنو تنادي بأسمي

-هاي ابتسامتج الحلوه لاااااا ضميها لان اريد على طول اشوفج مبتسمه

-ماتختفي ابد طول ماانت يمي ومحاوطني بحبك وحنانك

-محاوطني ويمي هاي دعوه ونداء شرعي للقرب يعني شلون مانسافر

-ليش حبي وشنو جاب السفر بالنص

- هسة معليج بالسفرر يعني راغبتني

- انتبهت على نفسي هاي شحاجية اني متت خجل اريد ارفع راسي ماكدر بعد

-لالا لاضمين راسج صار سنيين واني انتضرهه مننج تحجيهه وتسمعيليها وتحسسيني انتي راغبتني مثل ما ارغبج

- هاي شبيك سيد مهدي فدوة مو هيج والله اخجل

- هو انا هم اعرف حضي ماحجيتي ولا بينتيلي رغبتج بية كل هالسنين الا بيوم السفرررر

- اي دفسرلي شنو شبي يوم السفر غير افتهم

- اممممم خلیني اعدل كعدتي واتباها جدامچ قارورتي... مثل ماتتباها هي حافظه القران كله

یعني ياحبي ياا ام سيد علي بما انو انا دارس وماخذ دروس حوزويه اكثررر منچ احد وصايا النبي الكريم محمد صل الله عليه واله وسلم لأسد الله الغالب علي(عليه السلام)

ياعلي اذا خرجت في سفر فلا تجامع أهلك من تلك ألليله فان قضى بينكما ولد ينفق ماله في غير حق حيث
القران يقول ((أن المبذرين كانوا إخوان الشياطين))
وايضا أكد النبي الحبيب بحديث ثاني((ياعلي لاتجامع أهلك أذا خرجت الى سفر مسيره ثلاث أيام ولياليهن فأنه أن قضى بينكما ولد يكون عونآ لكل ظالم عليك

- لاصدك.. لالا ياعمي اتراجع عن كل تصرف اتصرفتهه

- السفر يتأجل وداعت عيوونج قابل ايران طاايرة بس تعاالي

- متت خجل من حجاها دفعته بسرعه وكمت وصلت يم باب الحمام كتله

-البارحه بليل انت ضيعت يوم ..هسه لااااا اروح ابدل واكمل و ارجع اغير ملابس سيد علي تكون انت جاهز

- ها اخر كلام يعني

- هههه اي اخر كلام وجواب نهائي

-هههه يله امري الله
كعدت لكيت على التخم الي بلغرفه بنطلون رصاصي وقميص اسود وترواكه لان الجو بارد وايران بعد ابرد
ملابس سيد علي هم يمي قميص كابوي،وبنطلون كابوي

عقيله لبست مانتو والعبائه والنقاب اخذنا غراضنا والجنط طلعنا للصاله سلمت على جدي وعمتي امي خطية عيونهه دمعت حضنتني وحضنت سيد علي وتبجي.. ما نتأخر حبيبة نجي بسرعه

سيد باقر- اخذو رراحتكم وليدي منو راكض وراكم
سلمنة عليهم واجرنة تكسي وطلعنة للمطار الطريق كلة اباوع على عقيلة بالمراية الجانبية تبجي ومقهورة حقهه يمكن جانت تريد توادع اهلهه بس ماصار مجال..

بس هو السفر هيج تحس بغصة وانت بطريقك للمطار متعرف شتريد تبقى يم اهلك وناسك لو تروح وتكمل طريقك..

وصلنة للمطار وعقيلة ردت نفس وضعهه التقيء اجاها رغم ماماكلة شي خطية وشايلة ويايهه اكياس تستفرغ بيهن حتى لا ادمر المكان

حاولت كد مااكدر اطبطب عليها لان جانت مقهورة خايفه..
دخلنة المطار وكعدنة خليتهم بالرسبشن ورحت اشتريتلهم بطالة مي ونساتل وشوي بسكت مالح وجبت نسكافة وحليب وباكيتات حليب لعلاوي

..ام علاوي اشربي هالنساكفة دافية شوي تكعد معدتج

- لالالا ابدد خاف اتقيئ

- انت على لحم بطنج مترهم تبقين هيج زين تريدين اجيبلج باكيت حليب تشربين شوي

- لا فدوة سيد عوفني بس التهي بعلاوي شوفة شيريد
اخذت بطل المشي شوي غسلت وجهي وشربت. كمعه منه
كومه ناس بالمطار تريد تسافر وجهال هواي سيد علي شاف الجهال يركضون ويلعبون وانطلق وياهم وابوه يركض وراه يخاف عليه ليضيع واني كاعدة بمكاني ويمي الجنط ننتضر شوكت ينادون هاى رحلتنة

اتعرفت على بنية يمي كاعدة حلوة وانيقة كعدنة نسولف طلعت هي وزوجهه رايحين لايران يريدون يسوون طفل انابيب صارلهم سبع سنين متزوجين وماعدهم طفل طلبت مني ادعيلهه بالولد الصالح ةطلبت منهه تدعي لابني بالصحه والعافية..

ورة اكثر من ساعتين يلة صار وكت طيارتنة طلنة برة لكينة طيارة كلش جبيرة منتضرتنة يمهه سيارة مثل الوري الجبيرة بيهه درج يوصلنة للطيارة من صعدنة حسيت بخوف مو طبيعي

كعدنة بالمقاعد الوسطانية لان من تلث مقاعد ولازم حتى سيد علي يكون بمقعد لوحدة ومحزم من تقلع الطيارة كعدنة وعلاوي صار بالنص وتحزمنه وبدة تقلع الطيارة رجعنة ليورة وراسنة مرفوع ليفوك بمواجهه سكف الطيارة بس جان الضغط كلش كابس على كلبي وكوة اتنفس خفت على علاوي لا يختنك لو يتعب لان دترتفع الطيارة

- لاتخافين حبيبتي بس تستقر الطيارة بالجو يرجع كلشي طبيعي هاي بس بالاقلاع
ماخلصت هالفترة الا واني متشاهدة

- خليت سيد علي بحضني الى ان هبطت الطياره
نزلنه المطار يادوب اجرائات الجواز وراسا اجرت تكسي للنفس الفندق الستقبلنا قبل..
هسه هم راح يستقبلنا
عقيله ابتسمت وكالت

-الله نفس الوقت الي اجينا بيه الايران ونفس الفندق تذكررر سيد وهمينه بشعبان

اخذت أيدها
- شلون ما اتذكر..
نفس الاماكن ونفس الاشخاص والاهم من هذا..
نفسي حبي الچ قبل
بس هسه آگثر واگثر

- دنكت راسي وهمهمت بخجل

- وانتي نفس الحب؟ لو اكو شي اختلف

- مستحيل يختلف اناااا هم نفس حبي الك بس هسة أكثررر

-يعني چنتي تحبيني ورفستيني رفسه اخت الموت اذا متحبيني شنو تسوين ههههههههه

-لاااا تذكرني

-ههههه مو ماتنسيي

- اهوو سيد

- لاااا يلةة مااذكرچ هههههه
لان اخاف علی حبیبتی لاتزعل

ضحكنة سوية وصعدنا بلمصعد
وهم داخت عقيلة وصار وجهة اصفر وشفته بيضة
وكف المصعد وتمشينه للسويت وقبل لا ندخل دخل علاوي قبلنة للسويت وضل يلعب بالاغراض واني لازم عقيلة اتجيهة وحاجيه شبيج ياحبيتي ليش
وجهج اصفر ودايخة يجوز لأن ما ماماكلة

- ماادري بس دوخة زادت عدي ولعبان نفس

-قاروتي حبيبتي نرتاح ونروح
شوف دكتورة شوف وضعج
وجهج ماعاجبني ابد

- حسيت بنفسي كلش عطشانة شىربت شوي مي ومغصتني معدتي فد مرة ركضت للحمام اتقيئت لكيت دم ديطلع وية القيئ
جان يمي السيد شاف الدم لو اتخبل

- دددددم ليشش دددم فهميني شنو اكلتي

- هي معدتي صار فترة توجعني

- ااامشي للطيبية اامشي مننتضر

- ستونة اجينة سيد خلي بس نرتاح من الطريق وكعدة المطار خلي بس ابدل ملابس سيد علي اكيد جاع هية

- كلهه ملحوووكة هسة اشتريلة من الطريق اكل اامشي لبسي عباتج دنرووح للطبيب لاتاخرينة

كمت شلت العباية وخليتهه على راسهه وساعدتهه بالنقاب وشلت سيد علي ولزمتهه ونزلنة اخذت تكسي وكلتلة اريد طبيب معدة وباطنية كلي الك لو للمرة كلتلة للمرة واخذني للطبيبة وصلنة وطلبت شوي تحاليل اتاخرنة تقريبا

ساعه وكلولنة باجر نجي ناخذ التحاليل باجر تطلع ونطو لستة اكل لعقيلة لازم بس عصاير طبيعية تشرب سالتهم شنو بيهه كالو باجر يبين الافضل نتأكد

قبل لا نتكلم بقيت حيران وخايف من كلامهم رجعنة للسويت وطلعت جبتلهه فواكه واشتريت عصارة وكلاصات وكعدت اعصرلهه واشربهه جدا صعبة هالليلة مرت عليه لان عقيلة وابني اثنينهم اتمرضو سوية

ماصدكت نامو كمت اصلي صلاة الليل واندعي الهم الى اذن الفجر عقيله كعدت كالت

_ليش مكعدتني اصلي وياك

_ملحوكًه حبي

اممت بيها وصلينا الى كملنا وحطيت راسي ونمت يم عقيله وبلوسطه سيد علي

صار الصبح واني اتكرضم اريد اروح اشوف شنو تحاليل عقيلة بس المرض رجع الها والورم

كلت اعؤفهم بالسويت واروح اجيب التحاليل...
بس بعدني ماطلعت وعلاوي اتخربط فد مرة وعقيلة لبست عباتهه ودكت رجل الا ناخذة لطبيب اخذتهم وطلعت لمجمع الاطباء بي طبيبة عقيلة وبي طبيب اخصائي يشوف علاوي شبي...عقيله كل اشوي تردد ياامي يازهراء مره اخاف عليها مره على سيد علي باوعتلي بنظره خوفتني

سَلامٌ عَلىٰ الطُمَأنينة التي تجتَاحُ قُلوبُنا
بمُجردِ قَولنا يا مَولاتِي يا فَاطِمَة .
............
رعد
وينك يل ضيعتك وينك يل ماحويتك
تمرضت وصرت افَرفح عَافية من اسمع بِـ طيفك جاي

ادري الكاعد احجيه حرام وميصير بعد صارت مرة اخوي وميجوز اباوعلهه لو افكر بيهه بس هو غير لو العقل يجوز والكلب يوكف واخلص...

كمت من الكرسي تقربت عليه وهمست اله

شال. راسه نوار وكال

-ترى انا مانايم وسمعت الحجيته كله

ابتعدت عنة خطوات ليورى تقريب مترين تقريبا بحيث ظهري انطك بلباب افرك براسي حييل بين فرحان بين ضجت اي فرحان خليه يعرف انا اعشك مريم واموت عليها. واريدها

بس لااا يارب ااااااخ يارب شنو هالمصيبة الوكعت بيهه اااشلون اني كدرت و امنت بي شلوون وليش خرطت كلشي يمه

لا لا لا ممعقولة هو شارب وفاقد ماممكن ومستحيل يكون سمعني تقربت منه مايحجي بس يهمهم وايده جوه راسه نايمه عليهم رجعت تقربت كلش لااااااااه ياربي هذا مغطي وجهه يجوز يبجي خررب حظي المصخم ادري وين نايم هل حظ المشخط انوب انه ماضلت حجاية عندي ماحجيتهه

بقيت واكف سندت اي على الميز أشو ميتحرك مديت ايدي ندهته اهز بيه من جتفة ما كو ردة فعل ولا حتى تحرك

_ نواار نواار خاب وجفن نوار اكعد

محجى بس كال

- هم هم

رجعت هزيت جتفه

-خااااب شبيك انت نايم كاعد ولك دحجي

ماكو اي جواب رديت حركته نفس الوضع..

_زين انت شجابك هنا اذا نعسان دكوم كوم روح هناك بغرفتك لاتضل هيج نايم راح توكع من الكرسي
وتتكسر كوم

يشيل راسه يتناوع اليه مغمض عيونه ويرد ينمطل مفهمت شيحجي بس يهمهم جريت الكرسي كوه شلت ايدة ووجيتة من ذراعه سحلتة سحل من المطبخ الحد غرفتة ريحة العرك بيه تكتل ردت أتقيء من ريحته وصلته للسرير

أحس ايدي تشنجت لان وجيته عليه رغم هو خفيف اكدر اشيلة بس الاذية المرت علية اليوم خلتني حتى الريشة احس بثكلهه خليته على فراشة شلت رجليه غطيته

وكفت على حيلي اتأمل غرفته كد ماابويه مستعجل بزواج نوار مشتريلة الاثاث والاخشاب صار اسبوعين الاثاث فخم درجه اولى وراقي يليق بمريومتي كلبي ومهجة روحي

مشاعري ووعيوني مسيطر عليه جو الغرفه شفت ألسرير التاج بيه مسند مقدف وتطريز حلو هنا راح تنتجي عليه مريم من تكعد من النوم

درت وجهي من السرير للكنتور مشيت اله البيبان سلايت هنا راح تخلي ملابسها 'وحاجاتها وانا وين
اخلي كلبي بيا مكان شنو راح يصير بيه من يجيبون ملابسها هو شعرها هسه يله عرفت طويل كد ماحارم نفسي اسألها شكد طوله وحتى ماسالها شعرها سرح ولا مكسر

سديت باب الكنتور أحاول امنع نفسي ماريد اباوع كافي يارعد حرام حرام ياابن الناس حرام حتى التفكير بيهه

جاي اطلع اسد باب اغرفه بس مكدرت اباوع على الفراش واتحسر اختنكت وغصيت بدمعتي وكفت

هنا راح ياخذ اخوي راحته وياهه هذا المكان مكاني يانوار مو مكانك والله مكاني انة انااااا انااااااولى بيهه منك
انااااا الحبيتهه وتمنيتهه وتالي انت تاخذهه مجبور
وانا اريدها برضاتي دعواتي ونذوري وفرحان اذا تصير اليه

ردت اتقيء اكره هالفراش لان راح يجمعكم اتمنى احركه اتمنى احرك الغرفة كلهه...

ولك تعوذ من الشيطان ياغبي كافي ااسكت الكاعد تحجي بي حرااااام اافهم عاد حراام صارت مرة ااخووك.. مديت ايدي على كيلون الباب اريد انهززم انهاريت رجلي متحملت ثكل كًلبي كعدت على ركبي الكاع وايدي سندن جسمي انوح وابجٍي بسكته جسمي يغتض ويهتز لان كاتم الصوت حقي وراح حقي مني
جٍنة متفقين اجيبلهه غرفة تركية هي تحب هالموديلات من انفوت من يم محلات الاخشاب'والمعارض

تالي يجي اخوية يحقق حلمهه الحلمته ويايه
يابختك راح تحضن ملابسهه ريتني يانوار مثلك ريتني أبمكانك خشبة حجر مثل حالك لا مشاعر ولا احساس..
بجيت وابجٍي بعدني ما ارتاحيت عدلت كعدتي توجيت على باب الغرفه دخت كد مانحبت تعبت وراسي ثكل من الوجع لابية اكًوم ألغرفتي ولا مرتاح هنا أبمكاني

هالغرفة تخنكًني بكل مكان يتراوالي وجه مريم..
حسيت على نوار يهمهم مفهمت شيحجي اعرف بي اول مرة يشرب ومدوهن حالة من الشرب

بس بقيت مستغرب ليش هيج ديتصرف طول عمرة هاديء ،ومطيع ،ومتطلع منه الناقصة ليش هيج ديسوي ما ادري...

سحلت نفسي مستعين بيدي مثل رجال عجوز كًمت طلعت رحت لغرفتي..

القهر انو غرفتي بصف غرفته حايط على حايط ميرهم بعد هالوضع لو اعوف البيت لو اغير مكان الغرفة اي اروح بغرفة الخطار بعيده عن غرفة نوار

خليت راسي على المخدة وبقيت اتكلب تذكرت صاحبي جندي من أكله شخبار حبيبتك تدمع عينه يكًلي بحزن "نتهت قصة حبنا بقيت انا النفسي وهي صارت حرمة غيري"

يعني جنت اضحك على صحباني حتى كّتله الزلمه الكوي مايخلي اي عذر يمنعه من حبه وحبيبته
غميت كًصتي هاي انا صرت مثله اولول مثل النسوان ومابدي شي هاي تاليتي لان محافظ عليها وعلى سمعتها ماردت احد ياشر عليها حتى بلغلط تالي هيج إنجازا بلقهر والفراك والحزن

اتكّلب يمنى ويسرى ماعرف شلون نمت وبياوقت..
كعدت بس فزيت على صوت ابوية يصيح ويغلط وكّالب البيت كّلاب ردت اتحرك ماكدرت جسمي خدران لان نومتي عوجة وجتفي وركًبتي متشجنة راسي يوجعني المخدة ماعرف شلون نايم عليهه..

وكًفت لان اتصورت مثل عركات كل يوم يصيح على امي لو اخوتي علمود شي ماعجبة بس عالمرة غير شي اسمعت نوار يصيح ويتعارك ويرفع صوته على ابوية..

بعدت الغطا نزلت رجليه حتى اطلع اشوف شكو بس هنا انا مستغرب ممعقولة يسويهه نوار يصيح على ابويه اتوجت على الجرباية والكومدي مشيت حافي دشوف شكو لكيت ابوية شايل العصى ويحجي وية نوار وامي وارشد داخلين بنصهم

نوار- خللللص خلللللص بعددددد كلشيي بكيفي انت موووووووو تكًلي اناااااا رجاااال اااتي شمعنة بهااي مامعتبرني رجاال

ابو رشيد- طااايح الحظظ قااابل ااالرجولة بالشرررب ووولك انت ابن الحجي الكل يحلف بمظيفه وخيره تالي انت السكط هيج تسوي اخوانك ستتهم يهابون وانت الفصعووون تعيط واكف بوجهي ولك وبعديين يالحيوااان شنو تشك بنفسسسك انت رجال رجاااال ووننص بس اثوول ومرااهق ومتعرف تتصرف وماراح يصير براسك خيرر

-يصير براسي خير موووو انااااا حرررت وياااك انت تريديني نسخةمن اخووتي الكباار وانة مااكدررررررر ماااااكدررى أصيرر مثلهم اليه شخصيتي اليه كياني انناااا مو مثللل اخوتي انااا نوااار وبسس مو رشيدد ولا رعدد ولا ااارششد ولاحتى وهاب ولا رزاق قادر ولا طارق اناا اختلف عن البقيه اافهم هالشي ياابوية

-ااانجببب دماغسزز غصباا ماا علييك بعدد متشرررب ووولك طول عمرررك مااشربت تجي بهالوكت تشررب اانت شايف نفسك من كعدت من النوم اسم ااااامك ناااسيهه

رشيد- ماترهم يخوي حرررام تشرب نوار لاا وفوكًها تتجادل وية الحجي كًول ياهو من عدنه شرب قبلك ومنين جبته ولك

موو بس هيييج شمعنة هسة دتعلم للشررب قبل زوااجك واحنا راح اناسب الساده وولك انت تصييرر مطيي من تشرب يعني من راح تكعد الصبح ماراح تذكر مرتك شسووت وشسوويت وياهه

نوار- هوو هذا الاريييدة اي اي أريد اشرب وانسةةةة هي مرررتي اارريد ااشرب وااشربب وااكعد نااسي شصااار ويايه ااامس ماااريدهااا ماااريدهاا كوون انام واكعد ناااسي كل حيااتي الفاااكسةة العاايشهه بيينكمم
اااريدد ااانسةةةة يااامسلمييين ااريد انساااكم انتوو اهلي وانسة هذيييج مرتتي وانسةة كلشييي ماااريدها ماااريد ازوج اي مريه

رعد- من كال ناسي شصار ويايه امس ارتاحيت يعني نوار ميتذكر شي من كلامي على مريم بقيت واكف اسمعلهم شلون يعيطون وامي تسكت بهذا وذاك ونسوان اخوتي كلمن تهدي برجلها اله أانا بداخلي فرحان لان نوار رافض مريم وميريدهه صار عندي بصيص امل..

دنجت راسي ورجعت لوعيي حتى لو رافضهه فهي هسة زوجته ماكو فايدة افكر بيهه بعد ردت اعوفهم واروح للمطبخ اتريك قابل شسويلهم صياحهم ميخلص ولا المشاكل تنتهي بهالبيت المهجوم

ابو ارشد - للك ياكلبب الشررب يخلييك ديووووث
يخليك بلا غيره ولا عرض

نوار- اااي ااانة قاااابل ااصيررر ديوووث وبلا عرض وذا تريد أخل صاحبي أحمد مو بس احمد زلم ادخل على مرررتي بعدددد ااانتو شخصصكم منييي انا رجال وبكيفي

رعد- بعدني ما طلعت من الهول جاي البس شحاطتي وهيج حجٍى نوار بدون تفكير ولاحسبت حساب ابوية واكف وصلت اله بشبختين كمزت من فوك الطبلة ودفرته برجليه لطمته بالكاع ونزلت بي بوكسات و اصرخ بوجهه وازنخ ياخته

_ياسااقط هاااي تاج راااسك يااخااايسس والله اااذا تفكررر تمسهه بشيي ااشرب من دمكك ياااديوووث اذاا مو كدهه وكفووهه عوفهه للأرجل منك يااخذهه خلي اسمع بيك ماسهه بكلمه الا اددفنكك بهالمكاااان

ابورشيد- مو هيييج وولك رعددد موو هيج الززم اعصااابك ابني عووفه انا احاسبه على هاي الحجايه

ام رشيد- لااتضربةة يمه يمه ااخوك هذاااا اصويحبك وغلللط بساعه عصبييية لاتااخذ كلامه ااانت مو تدري بي من زمان يخربط بحجيييه راح يمووت بييييدك يمةةو رعيد رعيد يمه موو هيييج ووولك

بقيت فوكاه كاعد على صدره واضرب بي بوكسيات خليت خشمه ينزف وماعفته الا اغمة عليه شالني رشيد وارشد من فوكًاه وابوية وباقي اخوتي شالو نوار.. كلي ارشد

_الحمد الله والشكر صدك كلهم الي بجيش مخابيل ومجانين بلا عقل تريد واحد صاحي بيهم

كال شيد

_لايسمعك ابويه هيج تكول ويعلكك فلقه هههههههه

لزمت كلبي الهث اخذته امي وياها نسوان اخوتي ألغرفته واخوتي بقو يمي لازميني

رشيد- شدعوة هالعصبية وشنو هالكلام الحجيتة ترى عيب مهما يكون هذا اخونا وثانيٱ شنو ومنو الارجل من نوار تقصد

ارشد-اي صح رعد صدك ترى صراحه عبالي بس انا انتبهت عليك وعلى عصبيتك

جاوبتهم

- ليش شحجيت؟

- لاتغشم روحك كلامك ودفاعك عن بنت الساده كأنو تعرفهه وهلكثر محروك كًلبك عليها

رديت بنفور ورافع حاجبي

-ااااعرفهه ليييش ما اعرفهه غير تصير أخت صديقي وعضيدي شكد بلا ناموس هاي عود كل واحد بيكم الجبير والبغل مال البيت جان استحيتو بمكًان ما تخبزوون هالنغل اخووكم وتعرفوه الله حق جاايين تحاسبوني على كلامي وياه احسبوهه بناتكم وهيج ينحجي عليهن ترضووهه؟

ارشد- اي صح كلامه هالمرة مخربط نوار

رشيد- امشي نشوفة شصار بي مات عاش الكتلة الاخذهه من ايدك ما اتصور يكًوم صاحي وراهه يجوز حتى بعد مايكًرب حرمته من وراك يذكر اشلون خبزته والعينتين مايسلم ههههه

رديت
_عيب تسولفون هيجٍ شكًد. زحمه خل اروح منكًم هل بيت مال حرك

ضحكًو وبقو يشاقون بيناتهم عفتهم ورحت للمغسله غسلت ايدي من دم وجه نوار نشفت ايدي دخلت للمطبخ شغلت الغلايه اشرب جٍاي سحبت كرسي كعدت متوجي طلعت من جيب سروالي باكيت الجكاير ورثت بقيت افكر بكًلام نوار ليش هيج انكلبت احواله

معقولة هالحيوان(يحب ألولد)وماعاجبة يتزوج لو عنده حبيبة مجهولة هيج تحشي براسه
بس لو يحب وحدة جان ابوية خطبهه اله خصوصا هالنوار هواي مميز عننة كًل احنه ابوي يعزه ومايرفض اله طلب رغم قساوته عليه

طفيت الجكاره ورثت ثانيه لا لا لالا سالفة نوار مو خالية وابد مو طبيعيه.. سمعت امي وابوية طلعو من غرفته وباقي اخوتي ضمدو خشمة اجى قادر لازم كطن مملي دم كًالي

_لاتحرك بكًلبك ترى كعد مابي شي..

_تمام رايح اله

رحت للبراد اخذت كلاص مي مليته ودخلت لغرفته لكيته متمدد ورافع خشمة ليفوك اباوع عليه شمسوي بيه خشمة هواي متاذي وهو ابيض مبينة بيه الكدمات.. حتى خده مجرح

خليت كلاص المي على الكومدي كّعدت بصفة على الكرسي دار وجهه عني ميريد يباوعلي..

_روح رعد من يمي رجائٱ

_بس كّولي عود انت مقتنع بحجيك الحجيتة برة

-وذا حجيت تأذيني بكًل قوتك مو جنت اعتبرك اقرب اخوتي بس طلعت غلطان

- يعني شتريدني اسمعك تحجي بهالاسلوب عن بنية اخت صديقي واسكتلك؟ لا هذه اخلاقنة ولا تربيتنة.. ليش ساكت ااحجي

- ماعندي حجي وعوفني يا رعد لخاطر الله

- فهمنييي شتقصددد

- مااا ااقصدد شيييي عووووووفني

- لك نوار احجي وريحني وضعك ماعاجبني هالاياام اابد ابد شكوو شبيك

- ترى حتى اناااا وضعي ماعاجبني من زمان

-زين حبيبي نوار باوعلي وعوف خشمك ااانت ليش مارايد مرريم بيهه شي

- البنية متتعيب

- زين أنت أتحب؟

- لا

- اذٱ ماكو غيرهه

- شنو ماكو غيرهه فسر

- لك حيوان انت(لو**)أدوور ولدد هل هيجٕ صررت ديووث

- هههه ههههه ههههههههه هههه

-كًااااااافي وفهمني على ااشوو تضحك

- معليك بيه منا وانتهت وياك كد مااذيتني وكسرت خشمي. معليك أددور ولد يدوروني وولد هالشي خاص بيه انت اطلع منهه

- وكل عقللك ااسكتلك واخليييك تفشلني كدام صديقي

- رووح امنع اابوك ااذا تكدر تسوي عليه فضل اصلا

_هوووو. هيج راح اسوي

كمت نوار كمز عباله اضربه طلعت من الغرفه اروح الابويه لكيته بصاله كاعد بيده ستكان جاي ويشرب
كتله بعصبيه

_بووووويه ابنك شاااااذ شاااذ يدور ولد

.........

سيد مجتبى
في النهاية أحدهم سيتجاوز الحب، والآخر سيظل يحب ويبادر لذا احذر ان أنّ الجميلات مزاجهُــن صعـب جــداً ومتلونات كلون بشرتهن وعيونهن

كمل صديقي فتح الصيدليه،وهذا اليوم الثالث انا بغداد مرتاح من نك عمامي خاصه من يردون اخذ من اقربائنا أو ازوج وحده من العلويات قرائبنا

مشتاق الامي وسيد مهدي رغم جاي افتح كامراه وياهم لبست ملابس كاجول بهاريه 'من بنطلون ليكرا وقميص مقفل بابيض واسود لبست الساعه نزلت م الشقه ابالي هواي افكار منها اني ليش مصر اخطب غفران وهي اصلا تشوفني مو يمها

و اتحس انا ما أليق بيها ليش انا مصر عليه هل لان ترفضني وكل ممنوع مرغوب أم لان اريد أثبت الجدي انا مثل سيد مهدي وراح اخطب انسانه مؤمنه مثل عقيله

ركبت السياره ولسى ماعرف نوع مشاعري'ولااعرف دكات قلبي ألمن تدك نزلت يم مطعم حتى اتريك طلبت فطاير بلجبن وكريب بنوتلا خلصت طلبت جِاي دفعت الحساب

توجهت بطريقي للصيدليه قبل لا ادخل شفت كشك يبع كهوه وكفت يمه طلبت كوب سفري كهوه بقى يجهز اليه اتصلت على سيد مهدي

_اشلونك

_وعليكم السلام عضيدي ترى طولت

_هو المفروض'اليوم ارجع بس حابب أتونس واغير جو

_مو اخاف من حجِايتك بيها انه

_لااااا يلحبيب ماكو شي ترى اخوك شريف عفيف

_الله يحفظك ماعندي شك

_زين شنو اخبار عمامك ونسوانهم

_ما كو شي مثل ماهوه يمتى تجي اريد اسافر الايران علمود ابني

_روح درب السلامه يجوز اجي وراك

_تمام حبيبي من تحتاج اخوك موجود

_متقصر ابو علي

غلقته مرتاح من صدك أحس بطمىنان من احجي وياه لان أخوي وسندي بعد الله وامي وجدي

أخذت كهوتي ودخلت للصيدليه اول مادخلت رن نقالي ماما المتصله بقت تسولف اليه شنو الصار

جاوبتها

_يمه حبيبتي عوفي مرت عمي ترى راح تخليج تفقدين سيد مهدي هسه معقوله تستحق لاجلها تخسرين سيد مهدي ويعزل من عندج

_الله يستررر ليش يمه

_احجي الاجلج ترى انا منهزم هذا الاسبوع البغداد بسبب عمامي وملحتهم ونسوانهم

_شجاكم يمه عين وماصلت على النبي

__يمه رحمه الاهلج ياعين الله نعرف بلعقل انتي تحبيهن وهنه ولا يمج واحنا خلاص احنا كبرنا مو مال يتحكمون بيه انا وسيد مهدي

_ترجع ويصير خير' يمه لا تبطي عليه

_باذن الله حبيبه لا تحسسينه جاي اروح للحرب
حبيبه وراي شغل

_اوكف يمه جدك يريدك

_شلونك وليدي

_بخير جدي الحمدالله مشتاقلك ضلع

_اثكل وانا جدك لا تاخذني بكلاواتك

_الله يسامحك انا يله راح اسكت كول سيد

_افلوس الايتام والامانه دزيتهن الاصحابهن لان هاي الناس كلش امورهم تعبانه

_اي الحمد الله الايتام كلهم نطيتهم بقو الناس الي كلولك بشعب العصر اروح الهم وراح اشتري طباخ الهم لان جاي يطبخون على بريمز وعلى ساعه ينفجر عليهم وضعهم كلش صعب

_بعد جدك اي لاتقصر ربك رازقنه حتى ننطي هيج ناس هل ناس متفضله علينه لان سببهم الله سبحانه يخفف حمل القبر

_لا تخاف جدي راح اسوك حتى ملابس ومواد غذائيه وشغلات ثانيه

غلقته ردت اشرب الكهوه بردت تنرفزت هسه شيوديني اروح اطلب كهوه من جديد طبيت للصيدليه حتى اشوف منو جاي يداوم بيها

تناوعت والكًاهم اثنين شباب،التفت يمنى يسرى هاي البنت البغداديه ماكّو أخذتلي صفنه معقولة هيج مغرورة لو كبرياء عدها ومرجعت ولا ألحت على الوضيفة لواني زودتها ويها بين الافكار الي تضارب براسي صوت حسين صاحبي

-سيد أشبيك صافن وتايه منو ماخذ عقلك او كلبك

ابتمست اله

-لااااا دكتور حسين ماكو شي هيج بالي يم شغل
بس ردت اسلك على بنية قدمت معقوله رفضت عرضنا،وخصوص وهي خريجه معهد،وداخله دورة صيدله

-ماادري لان اصلا رفضت أمكن معجبها الراتب الي حنطي الها

_زوده الها

-مااعتقد ومااجى بالي ازود الها احنا هسه بدينه مشروعنا جديد وجاي تشوف الصيدليات كووومه بغداد يادوب نكدر انسيطر ونطلع راس المال

-هاااا قصدك هي رفضت
هذا سؤالك بي انه انت ليش مهتم للبنيه وتسال عليه

باوعت اله صفح وهوة يغمز الي ويتبسم.

-مهتم اناااا لا ابد بس لان استاذ حمزه رادها يمنا يعني زحمه هسه تروح تگوله رفضوني
بس انت اتصل عليها اكيد موجود رقمها بلملف وضبط وياهة تجي داوم لن عيب من استاذ حمزة واني مشغول هل يومين يمكن ارجع لهلي
فانت كمل الاجرأت الهة

-اي صدك لايزعل استاذ حمزة

تدللل اني راح اتصل فد شوية اشوفه بعدهي تريد تتوضف

-وانتة شبيك تغمز وتضحك خاب كًبر طبعاا عيب من استاذ حمزة

- عوفك اليوم من استاذ حمزة البار الي مفتح جديد جايبين حاتات يموتن كوله سوريات

درت وجهي متنرفز

-حد الله بيني وبين ألحرام

‐أهوووو نسيت تخاف من الذنب

-يابه عوفك من الخوف متخاف وحده بيهن مرض تنقله الك ويجوز ايدز يجوز زهري ماتخاف على شبابك

-تف من حچیک المن درسنا غير نعرف شنو يضر وشنو ياذي وجاي اخذ احتياطاتي

-ديله رايح منك ابو الاحتياط وهااااااي أخر مره تحچي ويايه بهييچ موضوع...رغم ادري بيك هسه توصل الباب البار وتشرد مثل ذيج المره هههههه

_اي والله ادعيلي الله يثبتني ومااشرد

_استغفر الله

جاي اطلع شفت ميسم لازمه جاهل جان يبيع كلنس بيدها كلنس تمسح دموعه'طلعت من جنطتها افلوس نطته ضحك ضحكه شكت وجهه من شاف العشره الف باوع اليه وشرد منها راح ياشر الصاحبه واكف على الرصيف يراوي العشره

اجت تمشي صوب الصيدليه فتحت الباب الها كالت

_صباح الخير

_صباح النور

عبرت من يمي الهوى شويه عالي حرك شعرها ضرب على وجهي عطره حلو دنكت استغفر لاااا مجتبى لاتنجرف مشاعرك..

تمشي وصوت طكت الكعب'نغمه حلوه ابتسمت الها انتبهت عليها لابسه بنطلون كابوي'وفوكاه ستره كابوي قصيره البنطلون ضيق 'درت وجهي ضايج

ليش هيج سافره ليش هيج لبسها كلش و انا ليش
مهتم كلش

جاي اطلع لان ضجت من ستايل لبسها صاح عليه حسين

_سيد مجتبى اتكول ميسم عادي الراتب قابله بيه

جاوبت مدنج

_خوش اختبرها انا رايح
الاثول صفن عليه عود يكلي هسه جنت اتريدها تجي تالي تكول اختبرها خزرته رجع اتوتر يحاجيها

_خوش تكدرين باجر تجين

ردت عليه

_تمام اني بكرى اجي وداشوف شنو تردون مشكور

اجت عليه وبعدني لازم الباب

كالت

_شكرا دكتور

بعت ثكًل كلش وماحجيت اشرت على حسين معنى اصبر اليه شفتها واكفه منتظره سياره

رحت السيارتي حركتهة وصلت يم ميسم فتحت الجام

_تردين اوصلجِ

_هاااا خاف اعطلك على شغلك

_اذا البيتكًم على طريقي

فتحت الباب واجت كًعدت بصدر سقت السياره وصلنه يم التقاطع وكفت السياره واشفه اطلع الف انطت الوحده متسوله

ماحجيت شي بقيت ساكت راسن اشوفها مديت ايدها بجرئه مشايفها باي مكان او لان اني عايش بهيج مجتمع او صاحبي حسين البومه لازك ويايه هو ولد عمي مخلوني اختلط

كالت

_اريد اخلي البلوتو حتى اشغل ميوزمك

مديت ايدي للجكمجه طلعت الواير وهي ابد مابعدت جسمها عني على كعدتها الواثقه نطيته الها واشوفها اشلون اتشغل النقال وتربطه مسجل السياره
مابعرف كيف بنظرة بتعمل هيك
بتاخدنى ليك وبموت عليك
ما بعرف شو اللى عم يسحرنى هيك
لمسة ايديك ؟؟ ضحكة عينيك ؟!
حسيت بقربك بالامان
صرت بزمان غير اللى كان
عم اعشق انا عم اخلق من اول وجديد
ع اسمك انا عم البس خاتم عمرى بالايد
عم حس بلون الدنيا احلى صار
عم عيش نهار بالف نهار
عم يضحك قلبى متل ولاد صغار
صرت المشوار وعليك بغار
حسيت بقربك بالامان
صرت بزمان غير اللى كان
عم اعشق انا عم اخلق من اول وجديد
ع اسمك انا عم البس خاتم عمرى بالايد

#يتبع