رواية عشق المومنين(أبناء الساده) الفصل الثلاثون 30 - بقلم نازك الحمراني

////مسائكم محبه////
//////نازك الحمراني////
///////عشق ألمؤمنين////
....
سأصبح أب لأبننا
............... .

"وَاصبِر لِحُكمِ رَبِّكَ فَإِنَّكَ بِأَعيُنِنَا " إن كنت مصداقاً فزدني يارب صبرا...

عقيله///
المُمهدين والمُمهدات !
في زمن الغيبة الكبرى الكثير يحتاج للعلم
والمعلومه لكن قبلها يحتاج لنور والبصيره
لنسعى ان ينتقل النور من كلامنا قرائتنا
نحو من يجالسنا يرى فينا ممهدون حقآ

رغم ممصدگه بلي صار باليل لان ذايبه ملگوت وغزل ولمسات وحنيته سيد مهدي كعدت أفرك عيوني من النوم العميق والضحكه تارسه وجهي جدامي ساعه ذهبيه كزاز تشير٩ الصبح

تناوعت يمنى يسرى سيد مهدي ماگو تلمست مكان نومته شلت مخدته قربتها الوجهي أتلمسها واشتم عطرها

شگد عطره زاگي رغم هو عنبر النعرفه لكن أحسها واشمه غير لان يجيبه من السعوديه أصلي مدري لان هو يخليه ويتلابس ويه مسام جسمه وصلاة ألليل

أنتبهت على لبسي لابسه ثوب نوم جريء فاااضح
خطيت وجهي هاي انه هييچ آلبس جریئ

گمت أي لازم أگوم لأن ألسيد طلع الغرفه
وبيده نيشان الليله سمعت صوت الهلاهل
والضحك العالي

بسرعه سحبت ثوب كشمير ابيض طويل بيه خرز من يم الصدر حد الحاشيه لبسته وكفت ثوب المرايه ألبس حجابي وتحنيك

درت وجهي على دگة باب الغرفه،التفت
دخلت عمتي ام مهدي فرحانه متبسمه
خجلت کلش،من الوضعيه نظراتها تتناوع اليه من فوووووووووك اليجوه بتكبرررر
بحيث ضاعت ضحكتها من شافتني گالت

-يااااااافتاح ياااااااااعليم یارزاق یاگریم شنوه هاااااایه‌ آلبهذله شلابسه شنو هاي البس وعوجت حلكهة شمئزت

چنت منصیه راسي رفعته متفاجأه من كلامه گلت

-العفووووو عمه هذاااا عليه

جاوبت تهز ايدهااااا

-لاااااااا عينييييي ماااااااااكو شي أطلعي يريدچ سید باقر خل يشوف البهذله شلون صايرة

خجلت من نظراتها ومااعرف شنو تقصد
رغم الگلبیه شيى راقي،فصال فستان بس نوع قماش كشميرر وعريضة عليه
مابيه ضيق بس ليش هيج حجت
بس تعديتها اطلع من الغرفه

مشيت مثل كلدور عريض يصير جدام الغرفه حتى بيه طخم ملگي،وسجاده وباجورات عملاقه وثريا جبيره بسگف طلعته صارت الصاله بوجهي

شفت سيد باقر الي أشوف بيه جدي الله يرحمه أقتربت منه احب أيده واسلم

-السلام عليكم جدي

دنج يبوس راسي متبسم

-وعليكم السلام بنتي السباعيه الگفوو
أنتي فرحتي لان فرحة ابني وليدي البار سيد مهدي

وخلي بالچ معزتچ من معزت السید واکثر
لیش آکثر لآن بنت رفیجي حجي أبوكامل
يعني اي واحد يأذيچ گولي اليه ومايردچ بس ألسانچ
من الحنيه لبصوته نصيت حتى اجاوبه

-أشکرك جدي متقصر لزم أيدي وگال

-تعااااي يبويه نروح للطرمه وهناك أوكفي يم سيد مهدي اريد انحر ألگم خروف اوفي نذري

-نذر جدي

-اي بويه نذرت اذا عدت لليلتگم بسلامه وردت روحة
وليدي
انحر دم الوجه الله تعالی،لان يبوي العين عليگم آثنیگم

شافني سيد مهدي غمز اليه مد ايده حتى اجي يمه گلي سيد باقر

-أوگفي يمه حتى اجيگم

وگفت یم سید مهدي لزم ايدي دار وجهه وهمس

-افيشششش ياأنتي أفيششش ياشوفتج ترد روح

-عيب منا جدك وعمتك،واخوك لايسمعوك

-وانه اشوفچ بس انتي وينهم

اجى سيد باقر لازم خروف مطله للگاع ویاه سید مجتبی یشاقی هو وسید مهدي
بنظرات خجلوني شلون فضيحه

لجيت روحي على سيد مهدي لان سيد باقر بيده سچین بدا ينحر الخروف جوه
رجليه اني وسيد مهدي رغم خوفي من منظر النحر مطمئنه لان واكفة يم سيد مهدي

رد همس بأذني

-حبيبتي هذاااا الخروف ينذبح لان گدرت أخش بيچ
احنا نتونس وخروف ینحر

تنوعت له متعجبه

-هااااااااااااااا صدك يعني كلما تتمگن مني يذبح جدك خروف مااعرف شنو خلاني احچي هيج.. يجوز من فرحتي بقربي من سيد مهدي أو من خجلي الي راح بليلة
البارحه

گال سید مهدي وبضحكته الرزنه

-ههههاي وعلى هل حسبه جدي المكرود...
شگد راح یخسر لان يرادله بليوم الواحد فد عشر خمس،خرفان...

دنجت راسي احس وجهي نار من كلامه...
رد کرص خدي يتغزل

-فدوه للیخجل وخدوده تصير حمررر

عمتي أجتي علينه تحجي بطرف خشمها

-يمه مرت عمك اجتةلعلويه ام عامر تريد تبارك العقيله عوفها اشوي ترى ماطايره

رفع ايدي باسها غمز اليه ورد تناوع الامه

-صار أخذيها يمه وديربالچ حرمتي غاليتي هاااا

ابتعد من عندي تبعت امشي وراها مرتبكه ووصلت للصاله شفت نسوان ثنين سلمت

-السلام عليكم
ردن

-وعليكم السلام اشرتلي عمتي اباوس ام عامر أجيت عليها چانت گاعده علی تخم وگفت تباوسني بس حتى ماطخت خدي

گعدت یمها عمتي تحاچي العامله حتى اجيب ضيافه التفت ابتسم الام عامر ولن تتناوع بنظرات أقسى وأتعس من نظرات عمتي

ستغلت عمتي تحچي ويه العامله وبصوت ناصي بحقد چن مترید عمتي تسمع گالت

-مبرووووك عليچ سيد مهدي الي عاش وحب،وزوج الي يحبها،وتعين بشهادته

وأبني سيد عامر مات وماتهنى لابحب ولا زواج،ولامره ولاشهادته لزمها وأتعين بيهة

توترت وغصه داخلي من الموقف عرفت من حچیها هاي هي أم عامر لي مات ابنها بلحادث من راحو الأربيل...

گمت ارید أرجع للغرفه لأن عمتي اجت يمي وتتناوع الگلبیتي،مراضيه عليها ولا على لبسي وجودي بوسط هيچ نظرات
متعب

اترخصت أطلع من الصاله صار جدامي سيد مهدي جر ايدي صرت قريبه عليه ي
تناوع يمنى يسرى يحچي بصوت ناصي ويمسد ايدي بهداي

-شكو حب وين رايح

-للغرفه الله عليك اروح عيب لا يشوفنه أحد زحمه

-زين ليش مبقيتي يمهم لو شتاقيتي الي
.ترديني اجي بوراچ

-لالا لا حبي

-شگولتي عيدي خلي اذني تسمع بعد

-هااااااا

رفع ايده لزم خدي، بقت أصابيعه أداعب خدي، قرب وجهه عليه مگدرت امنعه لان ضعت بلمساته باس خدي الأيمن رد باس خدي الايسر

أبتعد مني خطوه وجهه احمر اگثر من وجهي گالي

-من تخجلين أنسى الحچي و ماعرف وين اروح ومنين أبدي

-شكرك سيد

-الشكر لله ياروح السيد مو بيدي عاشگچ
تحملي عشگي والملحه الزايده مني

-اريد اروح اقرأء قرأن

شردت منه امشي بسرعه تبعني للغرفه دخل يسد الباب التفت عليه

-سيد مهدي شلون تعوف خطارك

-ماعدنه خطار ذول اهلي وناسي يعرفون
عريس

-يعني شنو

أقترب و يردد أيه قرأني
-(مِنْ حَيْثُ أَمَرَكُمُ اللَّه)يعني هاي أوامر ألله قارورتي،مااكدر أغضب ربي حرام وانه سيد يصير العقاب عقابين عليه

أفتركت عليه بلمفتاح سد باب الغرفه
اجى عليه وكلمات الغزل الجريء تسبق فعله حاوطني وهو يحضني وبين ايده....

والحظتها اخذت فكره عن سيد مهدي...
انو انسان ابداخلي سميته جريء جدا...
أو ماعندة مستحى لكن من ارجع اتمعن الموقف،

لا،أني حلاله وحقه مو بس هيچ
ماچنت آتوقع اتجرد من خجلي في يوم لگن بين ايد سيد مهدي أنسى الخجل
وأنسى روحي

ماچنت اعرف الزواج بیه سعاده وراحه
بسب الي اسمعه من صديقتنا أيناس...
أو اخوات ماما، الي ابد ممرتاحات

لكن الزواج من انسان عنده قرب من الله
يختلف!!
الزواج من شخص يطبق قوانين الله
يختلف!!
الزواج من المتدين دنيا جميله
يظل كل تصرف يتصرفه برضاة الله

گلشي صار الي ماچنت آحلم بیه فکیف واني عايشته
حسن التبعل الي أطبقه مع سيد مهدي واتبعته بلمقابل هو مطبق الله الله الله في نسائكم

انقى شي من یقترب مني...
وهو يردد دون مايغفل
يكرر دون ان ينسى ...

يرتل قبل مايتمكن دعاء قبل المضاجعه
" بسم الله، اللهم جنبني الشيطان وجنب الشيطان ما رزقتنا"

بعد دعاء وبعد التمكين مايتركني ابد
يبداء غزله لمساته،كلامه، مداعباته
شفت بي الزوج النصوح هو بكل شي يسوي يقدم ذكر الله.....

عرفت دعائي الي اكرره من سنين جاب نتيجه حفظي للقرأن حصدته بزوج صالح

شهر كامل حاول بيه يسعدني...
بكلامه "وتعامله....
لمن أاتنوع التصرفاته...احمدالله واشكره
لأن الله نطاني هيچ رجال....

شهر گامل بگنف سید مهدي اسعد زوجه رغم المنغصات الی بدت تظهر بوجه عمتي مني

شهر خلص بسعاده كد مااحچي بيها مااوصل الوصف حقيقي الها
مرات اكول
ماكو رجل مثل سيد مهدي يختلف بكلشي

الحظات المرت وانه احسب الشهر بسرعه خلص جنت كاعده على طبلية المرايه

أتبسمت اله طلع لابس البرنص يلعب بحزامه ويفره والايد الثانيه لازم خاولي ينشف شعره،

ميبطل هاي الحرگه حتی آتبسم واخجل وانه ماأمل من مراقبته...

صار ورايه لزم چتفي وجهه للمرايه افترك عليه....تلمس شعري گلي

-بعده رطب،مبلل انه انشفه الچ حبیبتي
دنج على ميز الكومدي طلع سشوار رگباه بنقطه شغله الشسوار

ومن المرایه اتناوع اله یشیل خصله وینشف بشسوار،یشیل خصله وی يضربها بشسوار انقهرت عليه واگف ینشف شعري هو رجله لساها تاذي ميريد يحسسني لسى متاذي دائما يبين اليه هو طاب ومبي شي

نشف كل شعري وبدى يمشط بيه على كييييف وحتى اعفي من التعب گمت بسرعه سويت نفسي جاي الم الملابس لتوصخن واعبيهم بسله الملابس

اجى عليه ياخذ السله بهدوء ويرفع ايدي
يبوسها وايد الثانيه لازمني من خصري عیونه بعیوني گالي

-زوجتي الحبيبه أچم مره اکلچ أنتي
مالچ شغل بآي شي وبأي شغل معليچ أهتمامچ بیه‌ اني وبس

-موو هایه ملابسنه

-ألعامله‌ زنان هي تغسلهن وتگويهن یعني
هل أيد ماتتحرك بس أليه"وعليه وتعرفين شلون تتحرك عليه غمز بعينه

شبگني يمسد شعري أندك باب الغرفه ردت اتسحب منه وجرني عليه

-هاااأااااااااجاي تفلتين مني مو مليتي

-لا بس اريد اشوف منو الجاي يصيح

-محد يجراء يدك الباب واني يمچ لآن نبهتهم من ادخل للغرفه مااتطلعين اله من اطلع انه

-میخالف حبيبي خاف شي مهم

-مااكو أهم منچ عندي

صوت عمتي تصيح

-عقيله عيوني والدتچ وأختچ اجوي يردوچ فرحت بداخلي وأبتسامه بوجهي.

-عفیه خلينا نطلع مشتاقه الماما وغفران

-تمام طلعي هسه ويجي الليل يصير خير

لبست حجاب وطلعت للصاله امشي حيل سلم على ماما"غفران وبقيت شابگه ماما الی ان گعدت بدينا نحچي بأريحيه نضحك رجعت الدوخه عليه لزمت راسي

ماما گالت

-شنو عقيله یمه ليش دايخه خاف تعبانه

ردیت

-لاااااااااا ماما ابد متعبانه صار شهر حتى كلاص مي مشايله‌ گله الشغل على العامله زنان بس النسائيه فاتتني ١٠ايام

ضحكت ماما وگالت بثقه

-يارب ربي يتمم لعد روحي حللي‌دخلت عمتي أسلم من وری خشمها

-شلونچ عيوني أم أحمد

گامت ماما تسلم ردت

-هلا علويه عذرينا أجينا بلا موعد بس صوت عقيله من خابرتها البارحه بليل چان تعبان ولآن بنیتي وأعرفها‌ حتى لو تتوجع متحچي

نظرات عمتي تخوزر رفعت حاجب وگالت

-أي عيني حقها الكعده تكسر وهي حتى سمنانه مجاي شوفيها لأن بس كعده ونوم
والحرگه برگه.....

ردت ماما

-السيد ترى ميخلها سالتها أنه

-اي اعرف بأبني ميت عليها هاااااا واريد منچ لاوات أتعلميها تغير هل كلبيات گله تلبس دشاديش أعراض ومحلوة علميها هنا بيت السيد باقر افلوسهم اسد عين الشمس
وهل لبس واحنا خطارنا وناسنا ينتقدون

أشوفن ماما شگد ماضیجه ماما خفت
ضوجتها بس تبينت بحچیها وهي ترد

-أم مهدي عیوني أنتي عقيله يجوز او متأكده ماكالت أنو آبنچ سید مهدي ديگلها تلبس هیچ...

وذا على البس الحمدالله كلها تلبس حلو...
حتى الفقير يلبس يامكثر الملابس علويه گامت ماما تتناوعلي

-أترخص وانتي يمه روحي حللي لاااااا
تگعدین علی نفسچ

-صار ماما صار طلعت هي وغفران واني تبعتهن أوصلهم للباب

سالتها

-ماما شخبار اگلادتي الذهب والمحابس
الي عند سميره....

-والله يابنتي رحت السمیره وعلمودچ دخلت بیتهم سئلتها علیهن حلفت دين قسم مماخذتهن ولا ماخذه اي محبس

كتلها ابذمتچ سمیره....انشاء الله متتهنين بيهن، تصرفیهن بعافیتچ ردت بصلافه

-أمين....

گلت‌ الماما متعجبه من الحلفان

-عجیب ماما شلون‌ تحلف بس شسويلها بعد خلاص صدك بذمتها...

باوست ماما وغفران ودعتهن أفكر بعمتي أم مهدي ليش تشمر حجي يوجع
والى متى رغم أبداخلي أني مااهتم...

واحب اخلي نفسي بموضع الصبر "والبلاء
لآن ارید آختبر سعت صبري.،وانشراحه
اختبر كضمي للغيظ،

بس تحاول تاذي ماما، مااكدر أسگت لأن حچیها استقبلته بهدوء، رجعت للغرفه
دور على سيد مهدي طلعت بری ألحديقه الغرفه...

واشوفن سيد مهدي فارش السجاده على ثيل الحديقه وساجد يقراء قرأن بترتیل كعدت علی المرجوحه أغمض عيوني
أستمع الصوته العذب،لاول مره اسمع احد یقراء قرائه صحيحه تامه مثل سيد مهدي

الاكثر لان اموت عليه فا اسمع،بقلبي قبل لاسمع اله باذني يقراء وانه مندمجه الى وصل الايه
(فَإِذَا تَطَهَّرْنَ فَأْتُوهُنَّ مِنْ حَيْثُ أَمَرَكُمُ اللَّه)

عقلي يتأمل أحكام هل أيه،ومحتواها
ذايبه بتجويدها" وحروفها، أنقطع صوت سيد مهدي،فتحت عيوني واشوفه واگف مقابيلي ومبتسم لازم‌ القران گال

-شوفي القرأن شون يريدنا

گتله
-شتقصد سيد شنو یرید

-"من حيث أمركم الله"واني كلام الله أطبقه و گفت مقابيله...

-بس هنا تفسرها على هواك موووو

رد

-لا أشلون بس انه انسان اخاف الله و احب اطبق الايه الي أقراها

هم حسنه وهم تمتع كعد يمي مستمر يحچي گتله

-مفهمت والله

حط ايده على چتفي

-يعني يا حبيبتي من ألگى ايه بيها سجود أسجد،واقراء دعاء السجود

من الگى امر أنفذه....
من الگى تسبيح اسبح

-اي سيد مهدي،بسببك هل أيه من أسمعك تقراها احس رح تجيني وتتقرب

-ههههه لا والله

-آي والله یااا سيد

بعدني ماگملت حچي أدنى عليه يحضني ويشم بيه فيشششش يارويحتي محسيت اله شفت نفسي مشيوله من الكاع شالني واني بين أيديه گتله
.
-اوگف سید

-عیوون السید

-شوف یا سيد مهدي اريد اروح للطبيب

...نزلني للكاع وجهه قلق خایف علیه لزم وجهي وكصتي يفحصني لزم معصم ايدي وحسب خبرته الطبيه يريد يعرف ضغطي

رجع لزم وجهي يسالني

-ليش ليش خيرچ حبیبه شنو یوجعچ گولي گولي

رديت

-لاااا هیچ والله بس ارید آحلل ....

بتسم الیه یحاوط وجهي بيده
عرف شنو اقصد

--شفتي اشلون الهواشم.مائهم بيه بركه
ونطفهم تحصد بسرعه

-يعني متاكد اني حامل

-حسب خبرتي وعيونچ اشوي ذابله أگول
احتمال تسعين بلميه...ربي انشاء الله يفرحني فرحة العمر يله هسه بدلي...

دخلت للغرفه لبست فستان مخصر وفوگه العبایه‌كملت تبديل ملابسي
اريد نطلع سيد باقر بوجهنا صار....ا

راح اله سيد مهدي يبوس ايده

-جدي رحمه الجدك ادعيلي اريد البشاره بهل طلعه...

-روحو یبعد جدك وبگل خطوه دعائي الكم...
صوت عمتي أم مهدي...

-روح يمه ربي يفرحك بس أنت ولیدي

بكل حرف من حچي عرفت ماراغبتني...وضوج مني

كلام سيد مهدي وهو يرد عليها...

-اشكرچ یاجنة الله همسلي لاضوجين
لأن اني وانتي نفس واحد تلقائيا من تدع
اليه.....يوصل ألچ مباشره
انتي هوائي الي اتنفسة

رديت عليه
وانت روحي وأماني من دنياا

اشكرچ یاجنة الله همسلي لاضوجين
لأن اني وانتي نفس واحد تلقائيا من تدع
اليه.....يوصل ألچ مباشره

جاوبته برود

-ماعندي شك حبي...

-شنو قارورتي...

-حبي

-لاااااااه ترى هواي عليه،یارب لطفك ورحمتك هواي عليه الاعيشه ويه حبيبتي

طلعنا نركب السياره ركبت بصدر يم سيد مهدي فرحان بیه وفرحانه بیه مانعرف منو اسعد من منو ومنو بینه یحب الثاني أكثر الى ان وصلنا المجمع طبي...

نزل جدامي بين ماا عدل النقاب،والعبائه
جاي افتح الباب لكيته هو فاتحه نزلت
مجمع طبي بنايه راقي

دخلنا الوحده من الغرف المجمع شفت سيد مچتبی کاعد بغرفة المختبر عيونه للناظور يحلل سلمنه

-السلام عليكم

گام من الگرسي يضحك مد ايده على سيد مهدي

-هلا بلعرسان وعليكم السلام.شونك مهدي

رد سيد مهدي

-هلا بعضيدي صار شهر عايف الشغل عليك أنطيني أبره اسحب دم من مريتي

مفهمت شيقصد. الى ان اجى سيد مهدي كعدني للكرسي وگلي

-الیوم‌ زوجچ هو الیاخذ الدم منچ ممنوع غيري يحلل الچ مد ایده اخذ ايدي سرفن الردان هو بدی یسحب الدم علی كيف

غلق السرنجه بغلقها اندار نطاها الأخوه السرنجه...وهو يضحك

-مااوصيك تطلع النتيجه اتصل عليه...

-اتصل بس على شرط اريدك تنطيني البشاره الي گتلك عليها

-أنشاء الله تدلل

طلعنا انه والسید مقابیلنه سوك رحنا نفتر لازم ايدي ماتركها ابد لأن النقاب مالتي اسود طبقتين رن موبايله فتح خط وجهه استبشر انداريت عليه وهو يتصل
أساريره أنفرجت

محچى شي غلق موبايله مقابيلنه محل الذهب من دون مندخل وگف باب الصايغ
حچى ويه ابو المحل ماسمعت شي رحنا المحل ملابس كلبيات نسائيه اخذ بقی ياخذ وينزل كلبيات من دون مااختار
اشترى وطلعنا..

ومن مكان المكان نفتر والضحكه بوجهه مدة ساعه أقدامه بدت توجعه وايده تشنجتزحسيت بيه لان يكز على اسنانه من الوجع وهو مصر يفتر ويونسني ويشتري ومايحسسني بوجعه الى انه
رجعنا للبيت...

دخلنه وبقيت گل تفگیري بتحليل الدم سولفنا كلشي وعن كلشي بس تحليلل الدم مجاب طاريه

أذن المغرب اول مادخلنه راسن رحنه انصلي صلاة المغرب ختمنا صلاة العشاء
وهو يأم بيه...

اجى عليه چنت لازمه سبحه اسبح تسبيح السیده الزهراء عليها السلام
بهيئتة وكعدت السجود خلى ايده على خصري من جهة اليمنى بصوته العذب...
قرأء سورة محمد كامله

الحظه خفت لابيه شي خلص الطريق يسولفلي وينگت ومغلس عن النتيجه وهسه یقرا قران معناها مريضه انه

بقيت ساكته لان يقراء قرأن ألى ان ختم السوره گال مغمض عيونه برجاء وخشوع
"يارب هب لي غلام سويآ

فرحت بداخلي افتركت عليه...

-واخيررااااااأااااللا گلتها يعني أني حامل.

رد بضحكه
-اي حبي مبروك النا مديت ايدي حضنته فرحتي مسايعتني گال

-یله گملي نروح نبشرهم

گام طلع من الغرفه،سجدت شكر لله. شكر رب العالمين

رفعت راسي لكيته فتح المجر رجع وبيده علبه مقدفه حمره،فتحهه وطلع عقد ذهب كامل،طلع الكلاده وهو يلبسني ياها...
والمحبس...

لحظات الفرح من تجي،الدنيا كلها توكف الها....گال

-كوومي حبيبه

-ليششششش

-تاگدت گلهم گاعدین بصاله

مد ايده كومني مشیت ویاه اخذني لصاله مثل ماگال اهله كلهم كاعدين وگفني گلش يمه،

قربني علی صدره وأيده على چتافي الكل كاعد يتناوعون للتفزيون
عمتي"سيد باقر"بنت خاله منتهی والعلويه زينه، وجده سید مهدي اجتنه

كالهم سيد مهدي والفرحه بصوته وجهه
حاضني بين ايده

-جدي ياجدي اريدك تگول خشه مبارگه

وگف سید باقر چن یرید یتِأگد گله

-خشه مبارگه بس لیش ولیدي

-بارگلي قارورتي عقيله حامل بأبني البگر.
سيد علي..

الوجوه كلها مستبشره‌ گامو یبارگولي ويضحگون وعمته هلهلت

اله بنت خاله منتهی‌جانت كاعده بيدها نستله خلتها على الطبله وگفت خزرتني
وخزرت سيد مهدي وطلعت بعصبيه
عيونها تدمع...

انتبهت عليه ردت ارعرف ليش تبچي
بقن عيني وراهة مناااا لمن طلعت الصاله

سيد مهدي حس بيه عرفت اكو شي دار وجهيوايدة جوة حنچي گالي

-ولااااايخصچ ولااااايهمچ أحد الف الف مبارك قارورتي ام علي

-بس اريد اعرف ليش تبچي

-تبچي لان؟؟

#یتبع