رواية عشق المومنين(أبناء الساده) الفصل التاسع والعشرون 29 - بقلم نازك الحمراني

///صباح الخير////
////نازك الحمراني
حبايب چان عدنه مجلس،وثواب،مالحگت
اگتب لان التهیت التمس منگم العذر

........‌
أغرب مقولة للإمام علي عليه السلام عندما قال :
"أنا لم أُسِئ لأحد ، ولم أُحسِن لأحد"

فقال بعض الحاضرين باستغراب : يا أمير المؤمنين : أنت لم تُسئ لأحدٍ هذه نعرفها وكلنا نشهد عليها ،أما أنك لم تُحسِن لأحدٍ
فكيف ذلك ونحن وكلّ من في المدينة نعيش من فضل الله وفضلك علينا ..
فقال الإمام علي (ع)أماسمعتم قول تعالی
"" بسم الله الرحمن الرحيم""
إِنْ أَحْسَنتُمْ أَحْسَنتُمْ لِأَنفُسِكُمْ ۖ وَإِنْ أَسَأْتُمْ فَلَهَا ۚ صدق الله العلي العظيم
فوالله إن أحسنتُ فما أحسنتُ إلّا لنفسي

"عقيله//

رفعت ايدها ابتعدت منها خطوه تعصبت وگالت تشحن ابوي عليه وتبسمر

-هاااااااااا هااااااااااامو كتلك ابو رامي رح تكسر ركابينا هل عارسز،المامتربایه سوت روحها خایفه مني ترى انه رفعت ايدي اريد ابوس راسها بس هي ساااااق***** شتوقع من وحده مثلها

هل كلمه غصه بگلبي لان تطعن بيه تطعن
بشرفي بهتان ودون وجهه حق

نزعت النقاب وندارت عليها دنجت راسي گتلها
-حسبي الله ونعم الوكيل بيچ یاظالمه

تقربت مني عصبیه

-شوووووووووفي ووووووووووولچ بنت ناجيه مال تتحسبين گبالي وبوجهي راح أسكتلچ داده، لآن توچ داخله بیتي يعني ماأحاچيچ حتی مدگولین سمیره متعرف الواجب والاصووول

بس أگلچ عووود شني عود لابسه ذهب تغورين بيه قصدچ وتحرگین گلبي

-لا اله الا الله شنوه مسویه واغور بییییچ

-هااااا الابسته لیگول مرت صااااااایغ
اجت يمي كلش مدت ايدها على صدري تلمست الكلاده دور جرت آیدي تتلمس المحابس الثنين لابستهن گال

-بنت نااااااجیه ووووووولچ ذهبچ ثکیل آریده‌ الیه الگلاده وحتی التراچي

ردیت بقهررر

-لااااااااخاله لااااااا والله موو مالتي خاله هذا أمانه مالت سيد مهدي مو اليه والله

هزت ایدها تجاوبني

-وووووولچ تخلخلت ضلوعچ غير نيشانچ یعنی الچ ومالتچ غبيه دوومچ گال امانه یا امانه تقلدین خالچ الشفیه بلا أمانه

دجیبیهن يلثوله جیبی المن تلبسیهم ونتی راااح تطلگین عیب المطلگه تلبس ذهب

جرت آيدي وانه راسي حيل يوجعني من الملش والتملخ الصار عليه التفت وابوي واكف وبعده عصبي وهي عصبيه خفت لا يگتلوني مره ثانیه لان خاویه من الملش

جرت ايدي حيل مكدرت أسوي شي لان چتفي يوجعني من سحبني عمي زهير
أخذت المحابس بعنف حتى نشخط اصبعي لان اضفر ابهامها طويل وعريض

صرخت لان اصبعي جرى منه بسرعه دم شاغت روحي من الوجع دخت اريد الدم يوكف بين ماملتهيه بوجع اصبعي

مدت ايدها على صدري جرت الكلاده
أيدي الكلها دم ني أجر وهي أجر..اتوسل

-"فدوه خاله لا لگلاده الله یخلیچ ...بویه گول الها تعوفها بویه الله یحفظك حاچیها

عاد والدي نقهر علیه.....صاح بیها

-کافييييي عوفيها يامرأه خل ترتاح ستوه
زهيرر شبعها ضرب

ردت على والدي بنتر

-جاااااااي اگرب عليها مشغلتها عيني أبو رامي هسه اريده اريد ذهبها اريده يعني اريده والااااااا اخذه اليه معليه أطلع منها

عيوني الأبوي باوعلي ضايج وعيونه حمر
حتى زراك عينه ممبين كد ماحمر محچى شي طلع وعافني بيد سميره الظالمه

ِسميره قوی مني واضخم مكدرت أقاومها خاصه من بيدها الثانيه من فوك الحجاب ملشت شعري انه مناك خاويه،احس بهتت الدنيه بعيني من الوجع

ملشتني ملشه شاطت روحي رفعت ايدي اوخر ايدها من الوجع استحرم اطكها اكبر مني،خذت محبسي الثاني الچبیر لان حیلها حیلین و ايدي نملت دم من اصبعي
زحلگت الگلاده من ایدي واخذتها مني

والتراچي چنت لابستهن مدت ايدها على اذاني رادت تاخذهن

بس چانن تراجي برم آم آلقفل ولان يفلتن مني هواي ومره ضاع تك منهن گوه لگیته ماما صمغتهن بعصاره أميري‌اليه حتى کبعد ميفلتن ولايضيعين

حتى فاتحه مالت أخوي"علي"الله يرحمه
منزعتهن ظليت لابسه حجاب استحي ماكدرت ةنزعهن

فهي رادت تاخذ التراچي منزعن تعبت كد ما أقاومها وهمين من جرت الترچیه انجرحت أذني جرى منها دم هواي عاد خافت لاتنشرم

بعدت مني مخذتهن صاحت على رامي.

-ولللللللچ ندى ندیوه تعالي اخذيها الغرفة الجهال..تنهمد وياهم مدري شنو أشاف بيها رجلها وذبها هل ذبه الله يستر علينا هل مامتربایه

كمت من الگاع،الوجع بگل جسمي لان بگل مان مکان طگتني همس بوجع

-حسبي الله ونعم الوكيل

-اتحسبني الحمد الله اغلب اليتحسبون ما حصلو حقهم لان ربچ رحیم فما یصیر بیه شي وحسبني منااااا للباچررررر هااااااااا ووووووووووووولچ عقییییییییله عود كومي اشتغلي وحركي نفسچ مو خدم عندچ...

مگدرت آگوم أجتي ندى آقتربت مني دكومني متفاجأه عاطت اول ماشافتني

-يااااااا خاااااله شمسويه بلبنيه ذبيحه تايهه وين عميييي موو هاي بنته الله اكبر

ردت عليها سميره

-دنچبي اخذيهاا وسگتي لووو دلعچ رامي

دنگت ندی مقهوره

-الله يساعدچ خیه شصاير بيچ وبشعرچ
چنت فوك اعزل بلمخزن مااسمع شي
تعالي خیه هاي ظالمه متخاف الله تعاي غسلي وجهچ من الدم سمیره الظالمه والظالم سالم ربي يفكچ من شرها عود بعدين گوليلي اسمچ مبینه تعبانه

تنوعت الوجهه ندى آزغيره عمرها أقل العشرين متوسطة الجمال....
وجهه اصفر تعبانه من الحمل..جاوبتها

-رحم الله والدیچ أني عقيله....

-هلا بعقيله

لملمت من الگاع عبایتي،وشحاطتي،حتى البوشيه اخذتني للحمام غسلت وجهي والوجع مااعرف منين كل جسمي يون

البيت على وضعه هو هو مامرتبي ولااا معدلي دخلت الغرفة أخواني تبسمت كبرانين صار سنين مشايفتهم..

كلمن ملتهي بلأي باد مالته يلعب بيه
رامي وسامي اكبار ...التفت الندى اسالها

-رامي وسامي وين شو ماهمه

-خيه رامي يشتغل ويه ابوچ بصناعیه وسامي يشتغل محل ياسين ابن عمچ

مقهوره بيدي النقاب،والعبائه بلحظه كلشي فلت مني وضاع ذهبي محابسي اله قرأني بيدي مافاركني ولا تيهته رغم الضرب خليته على صدري..فرحانه ماعرف ليش فرحت

لان سميره كدرت اتجردني من ذهبي بس القرأن حتى مطاح من ايدي احسها بشاره
خير عليه انو القرأن بيدي وماوكع

كعدت بزوية الغرفه فتحته أقرأء بسورة يوسف ،وكمية الظلم والصبر بيها...گملتها

قريت سورة مريم أستبشر گلبي سبحان الله كلها عباره عن اشارة ودلائل قدرة الله ومعجزاته في تحقيق ألمستحيل بحيث
كمية الظلم والصبر وحتى الطعن بشرف
..لكن النتيجه مريم عليها السلام صارت سيدة النساء بطهارتها

قريت واحس طاقتي وصبري استمده من كل حرف بلقرأن حتى الوجع اختفى مني
دخلت عليه ندى كعدت يمي كالت

-شو اشوفچ مبتسمه رغم الصاير بيچ‌من طك وتعب وقهر ليش

سديت القرأن وبسته حتى اجاوبها

-شوفي ندى انه كد مااحب اقراء قرأن كل سوره عندي الها مكانه خاصه عندي مثلة سورة مريم، الله سبحانه حقق بيها معجزتين لسيده مريم ونبي زكريا عليه السلام بالمرتين قال الله""هو عليّ هيّن"، ونادى الله على مريم "ألّا تخافي ولا تحزني"، و"أن كلي واشربي وقرّي عينًا"،

ردت عليه
.-الله وصفچ للقرآن حلووو رغم انه من يجي شهر رمضان اقراء قرأن بس عمري مافكرت مثل تفكيرج

-بلعكس فكري بلقرآن وتعلمي لان مارح تلگین جواب عن سؤالچ ومظلوميتچ اله بلقرآن الکریم

-مو‌ انتي مو مثلي مگمله گلیه ودارسه سهل عليچ تحفظيه آنه وصلت سادس ابتدائي ومكملت

رديت اجاوب ندى

-بلعكس كاعده بلبيت وماعندچ دروس اخلی دروسي بس القرأن لان من بلشت
اقرا واحفظ جنت بلبتدائيه

-شكد حلوه بس وين الوقت

-احنه نخلق الوقت حتى نحفظ القرأن

--هسه انتي حافظته لو جذب

-استغفر الله وليش اجذب انه حافظته ومابقى كم جزء واكون حافظة للقرأن

-من بختچ والله نااامي هسه ورتاحي الحد ماا البخيله تگلي سوي أكل اسويلچ

طلعت ندی ‌لزمت سبحتي استغفر ربي حد ماتعبت نمت مطمأنه ماشكيت الأي شخص همي مثل كل مره شكوتي مباشره الله بلقران....

فزيت
على صوت ندى عدلت كعدتي ندى گبالي
ومخليه صينية العشا ماعون بيتنجان اربع قطع ازغار وماعون طماطه زغير وكرصة خبز أزغيره.

تناوعت الها

-شووو مبتسمه ليش

طلعت چیس علاگه سوده فتحته بیه خبزه ثانیه تفاجئت سالتها

-ندى لیش خبزه بصینیه وحده بلچیس...
خو ثنينهن بصينيه

ردت

-آوووووووووف شگد ماگول اووووووف میخلص گلبي اذا أگلچ خاف اتچذبيني

-حشاچ یمعوه

- سميره وحده گحفه بخيله موتتني جوع الله يموتها گلشي حساب "وكتاب شوفي حتی العشا حسبت اني وياچ هاي الخبزه الزغيره واعرف انتي جوعانه من الظهر الحد هسه مماگله شي وانه حامل هم جوعانه من نهد غداها فاخذت خبزه ثانيه بسر
-سر....
ليش؟؟

-لا تتعجبين أني أول مزوجة رامي شفت بخلها طبيعتي ماستحي من المايستحي
الخبز ذبته عليه....

كمت أخد عجين أوقبل لاتجي عمتي الحيزبونه لان تحسب ألشنك وتحسب ألخبز خاف ينقص من تروح من يمي
اخبزهن وأخشهن بغرفتي

-ههههههه تعلميني بيها عشرت عمررر
هاي مرا ابوي خلينه نسكت حرام الغیبه
ندعي الله يهدي....باوعتلي ندى بضحگه

-يااا يهدي تردین الله یهدیها أشلون هاي لو الف نبي يجون براسها يقرون ماتنهدي
أبد! گفيلچ الله‌ یهدي أبليس يهدي الجن
يهدي الكاوليه ما يهدي سميره الظالمه

-وبناتها هم هیچ تعاملهن عدها ثنین

-لچ مادگول چنتي حامل لازم تاگل زین
اهووو‌ خيه حتی بناتها بس أزوجن ورتاحن وبقيت أني ولولد

ترى مراضين عليها بس أمهم شيسوون
يله أكلي البيتنجان وتخيلي كباب سوك
والطماطه همبركر والخبزه بيتزا
لان هذا العشاء اليومي...المکرر

-خااااااااااف ماعدهم

-ياااااااا وووووووووولج عمي يشتغل
وزوجي رامي الكل ينطيها وهي رح تموت بخلها
تنوعت آلآیدي ندى وهي صافنه گ

-أكلچ حلقتچ وین تری سمیره ماآخذت غير محبسي وآلگلاده...
والله بيها سبع ارواح هل ظالمه

ذكرتني بحلقتي چان تصمیمها صب ثکیل
گولي هسه وين حلقتچ عقیله ⁹

-لاندی وین آخشها...سالفة حلقتي سالفه
-سولفیلی

-هااااا يعني عندچ وگت اآسولفلچ..حلقتي وين

-سولفي عقيله سولفی أشعدنا...ابتسمت الها الاريحيتها

-باعي من أسبوع أخذتنا ماما للزياره...
انه وغفران

-الله الزياره صار شكد مارايحه

-الحمد الله ماما گل شهر تاخذنه المهم رحناالحضرت الأمام ألحسين عليه السلام

دخلنا المكان يسمو معرض ألحسين عليه السلام مكان فد شي حلو گلشي محابس عطورات ترب،سبح سجاد اكسسوارات

هاي الشغلات كلهن مستعملات مكتوب عليهن ورقه مكتوب وجدت في شباك المطهر أشتريت وحده منهن رجاليه للسيد
طلعت من المگان رحت للحضره ازور

من وصلت يم الشباك لزمته أبچي درت وجهي على صوت وحده بنيه تبچي وتندعي تالي نزعت حلقتها الفضه شمرتها داخل الشباك من خلصت انه هم خلصيت

تبعتها حتى اسألها وفعلا وكفت بلصحن منتظره امها رحت عليها سالتها

-ولو اتمنى تعذريني بس شفتچ شمرتي حلقتچ لیش وتمنى تعذريني مره ثانيه

-ماااكو اي ازعاج بس انه احب واحد حب
طاهر شتريت هاي الحلقه باسمه واله هنا
نذرت ونخيت وبچیت اذا صار اليه اشمر الحلقه النذرتها اله

-وهسه صار الشي الردتيه

-بعدني ورى تلث ايام يصير البرهان
فاعرفت الفكره شنو

-شنو الفكره

-ألفكره انو المزوجه او المزوج يشمر حلقته بشباك حتى يرجع ألك زوجك أوزوجتك...

بعدها رجعت داخل المرقد نزعت حلقتي من أيدي وذبيتها بشباك الامام عليه سلام
دعيت(يارب رد لي زوجي ردآ جميل)

-يممممممه يعني شمرتي حلقتچ الذهب..

-اي لأن اهل البيت ماخاب من أمن بهم وفعلا ورى چم یوم اجی السید یرید یرجعني اله

-ونعم منهم بس ذهب وللللچ

-وزنها مثقالين

-اي حبي وعاشت ايدچ علی الاگل

مر الیوم بهل فتره القلیله انه وندى خلال يوم واحد فضفضنا البعض سولفت الها گلشي وسولفت اليه كلشي

خلصنا عشاء
اجى رامي وكف باب الغرفه..ردت أكوم له أسلم عليه مد ايده حتى اكعد

-هلا عقيله استريحي لاتگومين....طلع
تذكرت(علي الله يرحمه) عمت عيني‌علیه من یجی وحتی لو الصبح متشاوفین لازم يبوس راسي من يسلم.

لليل حرت اشلون اتواصل وي سيد مهدي
نسيت الذهب الاخذته سمیره

مشتاقه له شوق قوي...وهمينه مقهوره عليه الكل جرحه بلحجي وصاحو مشوه

عيرو بوجهه،وتشوهه محد فكر بيه هل راح يضوج وينكسر خاطره ویتاذه بس هو شخصيته قويه يبلع الوجع

الحد الصبح كعدت وهمين نفس معاناة العشا والاكل شفت مصايبها وي چنتها الي عليها كل الشغل

وهي حامل وجهه اصفر تكعد الصبح تحضر ريوك تغسل الطرمه "وتكنس وتمسح"وتعجن وتخبز..وسميره بس تفتر على جاراتها،وتفتر بلبيووووت
لو تروح البناته

ندى تعابانه بلبيت من شفتها كوه تشتغل
اشتغلت أبدالها كل الشغل عليه..هي تكلي

-لا لا عقيله انتي خطار......كتلها

-لا خيه ارحمو من في الأرض...
يرحمكم من في السماء)نعمه المساعده

الشغل عليه بس الخبز عليچ لآن والله ماعرف له حتى بیت آهلي منخبز...
ماما تنطي گونيه طحين للخباز...وهو يخبزنا مامه ممعلمتنا عل الخبز

رغم مشاكل سميره بس ويه ندى الكعده حلوه حتى من تخبز‌ واني اوكف وياها
نسولف ونضحك لأن شاركتها بخطتها قبل لا أشنك العجين تاخذ شنکات ضمهن بلغرفه ونرجع نكمل خبز

سمیره رغم گبرت وچننت بقت حالتها القدیمه ماغیرتهامن یصیر موعد الغدا آو العشا تصب الها ولابوي ولولدها...

واني وندى مو من سگان المنزل ابد ندى أضم النا اكل ومن تطلع سميره‌ نكعد يالله ناكل ونسولف ونضحك‌ زاد تصچیمات سمیره الیه وعل كايمه ولكاعده تحچي

تغلط بلا سبب وکلامها گله گح** ساق*
وهمین فشاير ماعرف من اي قاموس تجيبهن...

بس تريدني ارد عليها علمود تتعارك ويايه
بس انه أسکتت منها ماحچي بس ندی تحچي علیها وتراددها ما تسکت ابد...

وتتعارك وياها وتكب العيطه بينهن....
علاقتهن ابد مابيها أمل

بیومها جابت فاکهه سمیره...وزعت للولد
ومانطت الندی...

اجت علیها ندی وهي مخوصره
ابقي يحيزبونه لا تنطين اليه لان زوجي زوجي كلشي يجبلي بليل وفوك هذا كله.
ألي طريقتي من اكل...اگلچ
واشبع نفسي...ردت سميره

-اشلون بله...واني كلشي بحسابة

-هههه بحساب حسابچ مال اغبیاءوثول
لان خرفیتي وزهرمتي

أتنوع العركتهن حچايه من سميره...عشره
من ندى ابد متسكت برغم عايشه بيت اهلي اكو مشاكل بس مو هیچ
وعركاتهم عاديه مومثل هنا بس قررت اتابع عركهن...اتعلم اشوي

اشويه ندى خففت عني حمل سميره
البنيه كلش حبابه وساعدتني...

ثالث يوم اختنكت على سيد مهدي
من طلعت من اهلي ماماخذه مو بايلي...

كعدت ضايجه اجاني حسوني الزغير مد ایده نطاني موبايل خابرت فرحانه طلعت غفران أتصلت عليه من موبايل
حسوني اخويه الصغير الله هادي...

گالت التلي وهي تبچي

-عقیله حبیبه‌ تری خابرت سيدمهدي گتل
روح انقذ مرتك والدها أخذها ضرب و ملخ

-وشسوه

-صار عصبي وعاط اله ياخذ الهواشم وياه ويهدون على بيت ابوووچ‌ بس ماما جرت الموبايل..وفهمت لايتهور
لأن سيد مهدي صار عصبي كلش من درى

وحتی‌من النقال سمعته يصيح حتى على جده.....حبیبه لاتخافین انشاء الله نمشي على خطة ام فواطم هي گالت خابري خل يلگی حل وهسه رایحه حبي

فرحت لأن عرف بيه عند ابويه ردت أخابره من حسوني ماقبل ينطيني موبايله بعد...
اجتني ندى بيدها موبايلها. گالت‌
.
-أخذي عقيله...خابري زوجج بلكن يشردچ من سمیره...

بس سؤال مااعرف منين جايبه برودچ

-اشكرچ حبیبه..طبيعتي والله موبارده
مو بارده بس عندي عهد مع الله آنو شم ااتعب بدار الدنيا وديني ثابت..
دار الأخر تكون أجمل

-بلعافیه علییچ

آخذته منها.
اني حافظه رقمه مهدي دزیتله رساله...
كتبت اني عقيله...خابر

اشوي ورن عليه فتحه واني مشتاقه الأنفاسه موبس الصوته حتى العصبيته بعتاب .....كال

-السلام عليكم ليش عقيله گلبي مرمرني عليچ ومشتاق هيچ خابرت علی موبایلچ
.ومرديتي

-موبایلي تفلش مني...

-أي اعرف أختچ خابرتني..وتبچي عليچ
انو والدچ ماخذچ انطیني عنوانكم عقيله

-هاااا عنوان بیت ابوي

-اي اي انطيني ياه أنتي زوجتي واخذچ غصب عنهم عود گلت بادب اخذچ اصول لكن میستاهلون الادب اناااا سيد مهدي مرتي حرمتي،وحبيبتي تتجرجر من بيت البيت وتنهان

رديت
-لا لا مااحب الغصب أنتظر خالي..ارجوك

-ولچ ماانتظر لا يأااااااااااااااااذيچ عقیله
متتت الف موته من كالت اختچ اخذها غصب وللللچ رویحتي بس انطيني العنوان رحمه البرودچ گلبي مشتعل نار...
لا يأذوچ أذا أذوچ احرکهم حرك

-لاااااا عفيه مولاي هذا أبوي مهما يكون

-علی راسي عمي على رااااسي أاااااابوچ آنطيني العنوان وطلعي بلباب اخذچ ما اتعارك وياه والله اخذچ

تعجبت من کلامه یرید آشرد من اهلي
...جاوبته

-لا لا لا لا ابد ..سيد مهدي شنو تنهبني من اهلي ونهزم وياك من بيت أبوي شدگول الناس عقیله نزلت راس أبوها ونهبت..ونهزمت

رجع النفسه العصبي...وهو يزفر بغيض مكتوم.

-رررررررررروحي عقيله نامي وچ امرار اگول هاي ماتفهم شبيييچ مرتي تعرفين شنيه مرتي وعلى ذمتي

-ميخالف سيد شلون ترضاها اطلع بنهيبه ويه زوجي

-وووووووووووووچ مریتي شنهي ياعالم لاتموتيني برودچ

روحی حبیبه خل افكر بعيد عن كلامچ
لآن ماآوصل النتیجه وياچ....بس يفور دمي وحرك گلبي

...............

سيد مهدي/////
...أنتِ النور المنیر یافتاة
في فراقكِ تنفسة أهاة
فأنا من دونكِ بلاجسد
ميت بلا روح بلا رفاة

بقيت محتار برود عقيله... وكرامتيي من رفضتني احس انهانت من اجتي امها وأختها ردت أكلهم ياخذوها مكدرت واني أتخيل افاركها ولي زاد الطين بله
اختها غفران من اجتي البيتنا تبارك الأختها موقفها عدائي ویايه

وراها بيوم زمن أجى خبر وفاة علي أخوها تاذيت عليه انسان شهم مااعرف اشلون أخبرها من كتلها اخوچ اتوفی
آنهارت بلبچي...عليه

بلحظتها حسيت أني سبب دموعها
أنمرد گلبي عليها شلنا الفاتحه ویاهم...
لآن أبوعلي كلش منهار على ابنه ومگد
گلشي يسوي لان احترمه واحترم شخصه

لگیت محد بحال أحد لزمت متنه گتله

-لااااتهتم فاتحة ابنك احسن فاتحه اعرف انت واحمد منهارين خابرت على صديقي
طباخ اجى وحتى من يطبخ انه اوگف على راسه

رغم الوجع بجسمي الموقف ويه اهل عقيله يطلب الوقوف الفاتحه محد شالها رگبت سیارتي رحت للسوك سوگت مسواك تلث ايام نزلو العمال للبيت الهم

سيد مجتبى من شافني تعبان وياهم ماترگني راح طلب اجازه اليه واله من المستشفى وهمين ساعدني صار يوزع الچاي ،والماي

وجدي سيد باقر جاب المؤذن الياذن ويقرا قرأن،،وجاب الناعي

ادخل اللبيت اهل عقيله مره بليوم من ادخل ابو علي شگد چان ودي اشوفها حتى لو من الباب مكدرت مره وحده بس یمها نسوان هوا ي

خلصت الفاتحه رجعت البيتنا ضايج
بالي فراق قارورتي الحزن براسي مسيطر
أجاني جدي كعد يمي...

- شمقرر بويه تجيب عقيله....مدنج راسي بيأس

-لاااااااا مولاي خليها عند اهلها أفضل الها
وأفضل أليه واريدك بويه ترتب غرفتي
اريد الحمام داخلي چبیر بیه واريد همين جاکوزي بخاري چبير مو زغير

والمنور الي ورى مساحته مية متر الي ورى الغرفه ادري مساحته چبيره اريد بيه حديقه سیاجها عالي لان يراد شمس العظامي وتنفس زین الرئتي التعبانه

تبسم جدي وگام

-صار يبوي الي دگوله يصير گلشي اسوي الك وابني الك گلشي التريده بس لااتتگدر يبعد جدك

-مشگور بويه راح اگلفك هواي فلوس لان باچر آروح للهند محدد موعد من ست اشهر...‌على العمليه إلدكتور من بريطانيا..
يجي للهند هناك

أستاذي ودگتوري هو ألمشرف على حالتي گلي روح شدگول جدي أبلش وسوي عملية تجميل

-يبويه مثل مگتلك بلش ذب حمولك على ألله وعلى جدك رسوله

حضرت نفسي للسفر،اني ومچتبی..
وبدت رحلة العلاج سويتها للعملیه هناك
برغم الألم

وبدین كل يوم عمليه شگل وعذاب شگل ثاني بس احس الأمل هل مره قوي
بقيت بلهند بحدود اربع أشهر اضافه للعمليات العظام هناك علاج الطبيعي متطور عدهم طول هل فتره...

من أشوف الموبايل
أكول أخابرها...بس موقف الرفسه بالي وحتى الوجع يذكرني وانقهر منها

العمليه نجحت بنسبه تسعين بلميه
ايديه بديت احركها طبيعي، رجلي امشي طبيعي بلا عكازهوالفرحه ماوسعت قلبي..

نفسيتي تحسنت رغم بقى عندي كورسات علاج مكثفه وقوانين حت احافظ على وضع ايدي وأقدامي

گتبولي الاطباء البريطانين والهنود علاج خاص يجيني من الهند بالاف الدولارات كل شهر

يعني اربع الف دولار ادفع كل شهر حتى ارجع للعراق...

وفعلا رجعت للعراق بحدود أيام داومت بلمستشفى وبوظيفتي الاحبها بيومها انا خفر افتر على المرضى اطبطب على هذا وافحص ذاك

جاي اكعد اخذ ستراحه بيدي كوب سفري مال كهوه وچان یرن موبايلي فتحته

...رساله أسم عقيله صداع قوي أجاني
...تلعثم كلشي بيه وتخربطت
دخلت للغرفه بعد ماكل المرضى نامو...
شمرت سماعة القلب وكعدت عل كرسي
ارید گلبي يهداء لان تخربطت اموري

مشتاق الها وممصدك معقوله تحبني
اتصلت بيها وبگلبي هواي كلام حچیته..
اسمعها تبچي بكتم...

-ليش رجعت تقسى عليه تأكدت تحبني...
بس برودها بينلي العكس

خفارتي خلصت طلعت مستعجل...
رحت الغرقة جدي ...يصلي صلاة الليل
كعدت يمه...

-جدي رحمه الجدك....هل ابنيه مرض
مابرى منه گابرت اريد اعتقها من أنانيتي
هسه عرفت رايدتني...گال

-تعال صلي واقرأء قرأن آناچنت منتظرك يبوي تجيني اعرفك تحبها ومتكدر بلياها
بس انت لو مطاوعني وخاش بيها ماچان صار الي صار

-اي جدي ماگاتلك غير الخشه

-اي لان اريد اطمن عليك يبووويه

گمت من جدي ماگدرت أنام واحسب الصبح يمتى يجي

دز جدي على زلم عشیرتنه الهواشم العصر اجو گلمن بسیارته اربع او خمس نفرات

رحنا البیت خال عقیله تقریب ۸سیارات من غير سيارتي أستقبلنه خالها خوش استقبال حتى طمئنا...

الى ان اجى ابوها وعنها وهجوم عمها غير مبرر وهو يصيحوصاح على جدي

-مااااالگم‌ فااااهمین مااااعدگم عرض ولا غيررره ننطيگم چلبه سرحو بیهااااا

ضغطت على ايدي تمنيت اجنزه تجنز
فكرت أشلون اخليها بهيچ موقف يحملوهازثمن عصبیتي ‌بساطه يكدرون يأذوها

خصوص شكل عمها عصبي جدا متهور تناوعت الجدي شفت الحزن بعيونه‌ عيونه مفضوحه وفضحته

بيهن حزن ماشايفه بحياتي عليه وگلها ساكته‌ عمامها اربعه فقره خیرین بس الچبیر ویاه والدها تهجمو وآتعس لحظه عمها من طرد جدي گاله

-شررروطگم گلهااااا مو بعیني ومهرها مايعوض ثمن السمعه الطلعت عليهاااا وهذا لوو مابيت اختي چان طردتگم‌ من عنده ولاااا الفیگم بیه

گمت من التخم ردت ارجع عليهم جدي لزمني جدي

-يبوووووي عوفك من عرج الهواشم وعصبيتك ألخاطر مريتك عوفهم

-تجاوزو عليييك جدي

-يصير خير يبووي كلشي الخاطرك يهون
طلعنا واني أكثرهم حزين...ركبنا سياراتنا
عمي جعفر صار عصبي.... ندار عليه

-طلگها دكتور مهدي طلگها ذوله طمعانين ويريدون فلوس‌مبين عمها طماع..

انت دكتور والف وحده تتمناك ياعمي طلگها مهدي وفضها‌واذا بيهم خير خل يكدرون يطلعون حقوقها...
جدي صاح

-ااااااسكت وووولااااااا تاكل بختك البنيه مالها ذنب بطمع عمها هي رابيه بيت خالها ابن رفيجي وصديق عمري

نب عمي ابو عامر

-بويه صاحو عليك شلون نسكت قابل بس هي بنيه بهاي الدنيا

-كااافييي وسكتووو مالكم غرض لاااااا بوليدي ولا حرمته فاااهمين فااااهمين

رد عمي

-فهمنه هييي من توصل السالفه يم حفيدك واخووو لازم نسكت

وصلنه للبيت والمجادله صارت قويه شويه وطلو جماعتنه الساده كعدت يم جدي بعد ماطلعو كل عمامي...

گتله

-جدي رغم الصار اليوم اناأااامااترك عقيله بعد مااعرفت تحبني لو اموت مااعوفها الاخر نفس بيه هو الها وچنت منتظر فد حركه منها طلعت هي تحبني بكد مااحبها

الي دمرني كبريائي وهي خجلها سبب سكوتنا وسبب سكوتنه انخفى هل حب

بس أختها چانت اشجع منا اثنينه خلت حد الهل سكوت...
تنوع اليه

-صح يبني....الله کریم اله اردها الك حتى
لو يطلبون وزنها مهررر اهم شي يبويه افرح بيك وانت تخش بيها وتبشرني

جاوبته اريد اضحگه

-هووو انه همین مثلك متحمس اخش مو علمودي اريد اشوف شتحصل من اخش اشو انه الارتاح

-راحتي من راحتك وليدي مهدي يا أبن الغالي

مرت أيام وتصالاتي ويه عقيله منقطعت فرحان بيها راح الخجل منها وتسولف اي تحب تسولف گلشي واناااا اسمع الحچيها واخلي ايدي على خدي اتناوع الها

بيومها رجعت من المسشفى بين مسبحت
تغديت گلي جدي وهو يگوم من السفره

-تعال یبوووي للمكتب

-صار جدي غسلت ايدي ورحت الجدي كعدت گباله بیده مخطط بنیان گتله

-شنووو هذا جدي

-هذااا تخطيط ورسم عدنا مشروع حسينيه چبیره انت تشرف على بنائها وها
العمال خلو تغذيه زينه الهم

سمعنا صياح وعياط سندت جدي وطلعنا على صوت عمي من شافني گال

-نطلكها منه ولازم بسرعه أشلون هيچ يسون بينا هیچ...المن بقیها دگتوررر

ردت آحچي بس جدي لزم ایدي مقابل ضرب صولجانه بلكاع وصاح بيهم

-طول ماااااااااااأنا موجود صوتگم مايعلى
بهذذذذذذذااااا البيييييت فاااااااااااااااااهم
ألغلط بابني ترگها بلا وجه حق حس علی نفسه وغلطه وقرر يردها الا انتم مالگم اي دعوه وسكتوا گگم ولحد يدنى لوليدي والمرته

لان البنت عزیزه علیه اانااااآ اعرفها....
جدها رفيجي وهو رباها علی ایده

طول عمرها عايشه بيت جدها اهل امها
وابوها وعمامها مسائلين عن حالها
هسه صاروا حريصين عليها

الكل يسكت لانحاسب البنت علی اغلاط اهلها ولا ذنب ابوها ولا ذنب زلمتها العافها
لا وری مدري شگم شهرر رادها عمي خلف الله عليها وعلى اهلها راح يرجعوها اله

عمي جعفر صاح

-مووو همه اجاوزو عليييك

رد
-هذاااا الشي بيني وبينهم وثانيا ابن اخوك رايدها سيد جعفر ولاتنسى خالها تعذر ألنا ورحب بينه

زين والغلط عليك

-شي خاص بيه مالگم غررررررررررض
انتم ماتفهمون

وخالها وين

-اني احلها اناااااااأيعني ننتظر خالها وهسه الرجال عنده شغل......
طلعو عمامي بعد ماكلمن حجى العنده

دعاء صار وسيلتي وحاجتي شتاقيت الها أتصلت عليها مغلق جهازها
جدي شافني متوتر ..كلي

-روح يبني أخدم بلموكب' روح البيت امير المؤمنين ولو تروح السرداب الحجه
عجل الله فرجه هناك خلصهادعاء..وذكر ربك لأن كلشي بي ذكر الله يقوى

اذكر ربك واندب حتى يگمل زواچك من مريتك وتخش وارتاااااح

لان القران یذكؤ( إِنَّهُ هُوَ يُبْدِئُ وَيُعِيدُ )
‏يعيد القلب الذي زاغ*السعادة التى غابت
‏العافية لتي انقلبت والعلاقة التى انقطعت

‏الرزق الذي نقص..
‏ويبدئ مالم يكن واستحال..
‏فقف على بابه..
‏بانكسار الفقير، وأمل الواثق

-مشگور جدي

وانه ماكذبت جدي أنطلقت للكوفه...
وهناك دخلت البيت أمير المؤمنين
دخلت الغرفته خليت التربه والسبحه
صليت ركعتين هديه...

أستغفرت ربي مفاتيح الجنان فتحته
أبحث بيه
عن دعاء الي من تضيق بيه السبل أقراه..

""يامن تحل به عقد المكاره ويامن يفل به حد الشدائد ويامن يلتمس منه المخرج الى روح الفرج ذلت لقدرتك الصعاب وتسببت بلطفك الاسباب وجرى بقدرتك القضاء ومظت ع ارادتك الاشياء فهي بمشيئتك دون قولك مؤتمرة وبارادتك دون نهيك منزجرة انت المدعو للمهمات وانت المفزع ف الملمات لايندفع منها الا ما دفعت. ولا ينكشف منها الا ماكشفت وقد نزل بي يارب ماقد كادني ثقله والم بي حمله وبقدرتك اوردته علي وبسلطانك وجهته الي فلا مصدر لما اوردت ولا صارف لما وجهت ولا فاتح لما اغلقت ولا مغلق لما فتحت ولا ميسر لما عسرت ولا ناصر لما خذلت فافتح لي يارب باب الفرج بطولك واكسر عني سلطان الهم بحولك وانلني حسن النظر فيما شكوت واذقني حلاوة الصنيع فيما سالت وهب لي من لدنك رحمة وفرجا هنيئا واجعل لي من لدنك مخرجا سريعا ولاتشغلني بالاهتمام عن تعاهد فروضك واستعمال سنتك. فقد ضقت لما نزل بي يارب ذرعا وامتلات بحمل ماحدث علي هما وانت القادر على كشف ما منيت به ودفع ما وقعت فيه. فافعل بي ذلك وان لم استوجبه منك ياذا العرش العظيم وذا المن الكريم فانت قادر يا ارحم الراحمين""

احس حملي خف رحت للنجف زرت الحضره..وكفت مقابيل واناديه..

-يامظهر العجائب ياعونآ في النوائب..
مكدرت أكمل استأذنت الدخول للمرقد واحاچي

-ياجدي اريدها منك مو من بشر منان..
أنت الوسيله بين الأرض والسماء...
انت النجم والقمر انت السهل والجبل
اريد مريتي منك ياقالع باب خيبر مريتي

فحبيبتي لٱ ترضى الا بقلب مزدهراً غارق في حُب الحُسين عليه السلام وانا مثلها

طلعت من الحضره شفت هدايه نسائيه تنباع حلوه معرض الامام سجاده "وچادر
"وسبحه"وقرآن لونهن آزرك مثل لون عيون عقيله أشتريتهن...فرحان

رجعت للحضره مسحتهن بشباك...ازورهن واخذ بركات الشباك طلعت ودعت أمامي
وأول دعواتي أكون حبيب...من أحباب اهل البيت
واخرهن يكون زواجي..رضاء الله
وسبب لولادة جند من جنود الأمام القائم.

سيِّدي إن كانَ اسمكَ سكينةً لِقلوب مُنتظريك، فَكيفَ بِرُؤياك؟

رجعت وبطريق خابرتني غفران فتحته...
تبچي بحرگه وتناشغ

-السلام عليكم سيد مهدي خالي خالي

-شبيه خااأااالچ

- اخذ عقيله اخذها شبعت ضرب وتملخ
لا يأذوها
حاولت امسك نفسي مااتعصب...حجيت بهدوء

-انطيني العنوان خويه اروح... سمعت صوت والدتها...تحچي

-ليش تخابري مو عسب واجاني صوتها

-شلونك ابني يمه ماتنحل الأمور هيچ
خالها بعد کم یوم یرجع...لان هیچ تکبر السالفه
اخذ كلامي...

-صار ام احمد..
غلقته وداخلي يغلي
اشلون اوصلها...رجعت للبيت دخلت للغرفه...

أتناوع للتصميم مثل الديكور الأوربي الي بالي كلشي متناسق مثل مااريد

خليت هدية الصلاة علميز...
اريد الكى حل عقيله أشلون اوصلها..
طلعت سبحتي من جيبي وبقيت اكرر اسم الله

-يا خبير...اتذكر جدي كالي من تريد تسمع خبر
عن شخص عزيز عليك...
كرر بسبحه ياخبير بايمان" وتصديق"..
تسمع خبر كملت الف مره ياخبير

صاحني جدي...أنروح للجامع صادف خمسه صفر دخلت للحمام...سبحت
لبست فانيل نص ردن...سروال أبيض..
وثوب أبيض...

مشطت شعري.. طلعت الجدي منتظرني
.بيده چیس فتحه
نطاني غتره خضره خلاها على چتافي.. تنوع اليه

-يبوي رجع سيد مهدي المزيون الحلو
اظن عقيله رح تنصدم بجمالك

-يا جدي خل بس تجي افييييييششش
افييييييش أشبعها صدمااااااات

-ابو الافيششششش أركد ورانا صلاة وجامع مستخف يبوي اثكل مابقى قليل
وتخش بيها

-شسوي اذا رباني سيد باقر هههه خلصها غليه خش ماخش

طلعنا للجامع صلينا الحد المحاضره
بطريق اتصلت رقم غريب
فتحته صوت عقيله..تنهدت وبشوق رديت

-السلام عليكم يامن القلب لديگم

-وعليكم السلام....أوووف ياسيد مهدي والله مشتاقه الك اني بيت والدي

-اعرف واريد العنوان أخذچ من باب البیت والدچ مومال حترام شيريدون يسون خل يسون

-یا تخطفنی"تنهبني"لا لوو اموت..‌مااشرد

-اي عفيه لان اني صاحبچ الاشگر الگیگي
روحي نامي افضل

گلبي نار عليها نداريت الجدي..هو يبتسم

-ها يبوي شكالت هل أصيله

-جدي رح تموتني ادكلي تنهبني عيب
"شدكول الناس بويه اني زوجها ادكلي لا تنهبني...

-ههههها خليها هاي من اهل الله فطيره
وخيره على جدها

-اضحك جدي همزين مجتبى مو يمك...
چان صرتو زود علیه التفت للجام اتناوع للسما

سيّدي،ما حاجتي ليدي
‏إن ردَدتها عن بابكَ؟ما صُنعي
بقلبي‏ إنْ أنتَ لم تنظُرْهُ!

......
//////عقیله//////...
بقیت آتواصل وي سيد مهدي
بهاي الفتره كل يوميه نتخابر...من موبايل ندى أخطيه البنيه اطتنياه ابد متسال عليه حتى من اسولف ویه سید مهدي تبقى لازمه الباب اليه

شگد تمنیت هیچ بفترة الخطوبه يصير حتى اتعود عليه گلش ویروح الخچل اي أبوي ابد مايحچي ويايه اله عمي يجي يعيط ويحچي

سميره رجعت تگرب علیه گل یوم اطلع الیه زوالی مره بسط مره بردات وانه مااقصرت ویاها المهم مدردم

الحد اليوم الثامن بیت ابوي خابرت سيد مهدي وچنت فرحانه اني ویاه

وبدیت کلش اتعلم علیه.وعلی سوالفه
وعلى غزله حبيته موت امرار اكول خاف حلم لان ماكو مثل اخلاقه وغزله وادبه

بيومها صاحتني سميره...علسريع رحت
عفت الموبايل على الثلاجه طلعت انظف الطارمه ماسمع غير بس الصياح..

صريخ ندى ركضت ولكيت رامي يغلط...
وبيده الموبايل

-أحچي هل رقم مخابرته ساعه كامله
منو احچي لا اقتلچ...
سمیره تتنوع الیه والندی تقربت من رامي

-اسئل بنت ناجيه..الي خربت أخلاق زوجتك ندى خافت صاحت عليه لايضربني عاد صاحت عليهم

-لاااا لاااااا مخربت اخلاقي هذا رقم رجل عقيله
من گالت رقم رجل عقيله‌‌‌ مالحگت بس سمعت صيحت ندى‌‌

-لااااااطگوووووهااآاااااا حررررراااام
بعدني ممفتركه ‌‌ماأعرف منين الضربه اجت..

بس رفعني من كصيبتي وهو طويل وجهي بيده راشدي ورى راشدي...طحت للكاع واني راكعه رفع رجله ضربني بیها وهو لابس حذا جلد يضرب على بطني..

لزمت بطني تمددت للگاع رفس وجهي بحیث ندار للجهه الثانیه نفط دم حتی
خشمي طفر دم

حلگي من طرف شفتي الجوه نشك
ضربني راشدي عليه..ويصيح

-تحچین بحلکچ ویاه اله افلش اسنونچ
سحلني وشرم اذني...

ماشعرت بآي شي بلحظتها اشاهدت..
بس اشوف سميره دارت عليه ترفس برجليها بيه برجلهه على عيني وكصتي أسمع ألغلط والفشار...وشي بضبابيه صوت ندى اتصرخ عليهم

-عوفوها مجرمين البنيه سبحت بدمها
عوووفهااا ماتتت الگاع ترستوهاااا من مهااااا
صوتها اعلى من اصواتهم
بقيت اتنوع بربع عين..ندى رگضت فتحت باب الحوش گلبت ألدنيا بصايح....

-يااااااااا ناااااااس لحگووووو تعالووووو رح يموتوها ذول المجرمییییییین تعالوو

تعالو ياعالم "ياناسس سعدوهاااااا حرام
بضبابيه اكثر...افتح‌ عیوني واسدها
الدم وصل الزدومي آکح واشرك بيه

الناس تدخل للبيت هوست نسوان داير ميدورني...يجوز المنطقه كلها التمت علينا...

واني مثل الحبل الغليظ صرت ألنسوان تجر بيه تريده تفرغني من رامي بالكوه وهو يجر

هو اقوى ويرجع يسحلني منهن يضربني باقدامه بحذائه الجلد الابسهااااا

ولاچنه رجال يستقوي بيه محسوب عليه اخوي... هنا دمعت عیني ريته يروح سبع فدوات العلي اخوي

صرت من الالم مثل الطافيه على بحر...
مثل فلين هش طافي بلماي ظلام قوي خاصه من داس راسي برجله اغمى عليه...

بس سمعت واحد يصيييح صوته بيه قوه

-عوووووفهااااا راااااامي لااااا اموتك ليش هيج وياه
الله واكبر

رامي رد عليه

-ااااااطلع منهااااا يااااااسين لادافع الهاااا هاااااااي نفسهاااا رفضتك

-ااااااااااكلك عوفها راح تموت وخرر منهة

-عيطتة ورجفة صوتة وخوفة ولهفتة اسمع بس يصيح يريد يوعيني بلا مايطخني

-عقيله تسمعيني عقيله انا يااسين یاسین ابن‌ عمچ اگومچ تردین؟
#یتبع