رواية عشق المومنين(أبناء الساده) الفصل الثاني وسبعون 72 - بقلم نازك الحمراني

السلام عليكم....انتظرو الصبح انشر الگم بارت لان الفیس مایحمل...والبارت حیگون علی سید سلمان وغفران انتظرو

....
قد تمر بيوم سيئ ، أيام سيئة ، سنوات سيئة ، ولكن ‘ليس هناك عمر مطرز بالسوء ، أنت من يستطيع تغييرك لا أحد " غيرك أنت من يختار كيف يفصل حياته "
-تقلد علی ضعفي لان ضعيفه تضحك عليه وتگلي راح اختفي بس اتذكر كلش زين يافهييم ‌هاي الضعفيه شسووت بيك خلتك تفتر شوارع كربلا شارع شارع فيي سبيل اتشوفهااا

خلتك تنام بالشوارع في سبيل متنجمع وياهه ابيت لان تعرف نفسك مو ثقة جدامها

الضعيفه خلتك تنخى الايمة امام امام وتنذر نذوور ال االله سبحانه وتعالى في سبيل تصيرر الك

هاي الضعيفة طريتلك عقلك من راسك وخلتك بدون عقل هايم على وجهك
متعرف شسوي

الضعيفه خلتك تتوسل بالسايق حتى تاخذ سيارته وتجي بالخط حتى بس تلمحهه وتشوفهه

الضعيفه خلتك تعوف دوامك وبقيت بلا وضيفه وراتب

- عفت الزيتون والسجين من ايدي وگمت
من مكاني

هي بعدهه تحچي وتعد وتصف رافعه حاجبهه ولافه حجابهه وتأشر الروحه

فرحت بعدهه تذگرلي هالامور مسويهن علمودهه الف الحمد لله والشكر بعدهه تتذكر شلون چنت احبهه وشصار بية بسببهه يعني مو بس السلبيات تتذكرهن...
وكفت كدامهه وهي تحجي ابتسمت وكلتلهه..

-شوفي يابنت الناس مااريد اتعصب عليچ وماانگررر وما متندم علی اي شي سويته
بس ابو فاضل عمت عيني ماقصر ويايه

هسه وين انا والضعيفه تجمعنة غرفه وحدة وفراش واحد رغم كل الضروف المرينة بيهه وطريقة زواجنه بس حاليا انتي على ذمتي و بالحلاااااال وهذا اهم شي

رب العالمين استجابلي رغم الفلم المرينة بيه اني وياج بس ربنا ضاملنة هالشي ومقرر بعالم الذر انتي الي مو لغيري

وحتى بعدچ باگر دتخيلين شگد رب العالمين يحبني سخرلي هواي امور
و منهه اخوي البقينة عشرين سنة حاسبي رجل مثلنة حالة حالنه تالي يطلع بنت وماگر يسوي وياچ شي ..

كل الذكرتي ميقلل من شاني بالعكس...
دليل حبي الطاهر والنقي الچ لان طحنا انه وگلبي بيچ

رب العالمين استجاب الگلبي  الحمدالله
عایش بخیر اهل البیت وشافو اسمچ يُصاحبني گلمّا جمعتُ ایدي بالدُعاء.

ـ هههه مصدك نفسك راح ابقى وياك  وفوگهاشمتان باخوك

ـالظاهر انتي مينفع الحچي وياچ ابد
لو ابقى اشرح واحجي الف سنة همين راح تطلعيلي حچاية زايدة من جوة الگاع وتغثيني بيهه...

بس خلي ابالچ كلامي مو معناه مشمت بأخوي او أختي  بالعكس مستعد اضحي بكل شي علمودهه تحویشت العمر والجهاد جبته الاجلها ولو مایگفي اروح ابيع وحده من گلیاتي
حتى اخليه يعيش مثل ماالله مقرر اله

بس القصدته تعقيب الكلامچ مو ااااااكثر..
الحمد لله معناه بية حظ وبخت وانتي الي ومصيرين الغيري  وهسه يا بنت الناس خليني ارتاح ترة هلگان اليوم

ـ وشريد اسويلك هاهية انتهى كلشي وارجع لهلي

ـ لاتسوين شي والله كريم من نرجع  بس چفيني شر لسانچ الحلو اليوم لازم ارتاح شوي اروح اگمل تحالیل لنوار راح يسووله العملية الفجر واني من البارحة ما غمضت عيني

ـ همممم.. الفجر العملية؟

ـ اي...

گمت من مگاني طلعت الشاحنة مالت التلفون من الجنطة رحت للچرباية شگلت الشاحن بالكهرباء

اتمددت احس فقرات ضهري طگن من الوجع هي راسا كامت من الچرباية كعدت على القنفة الصغيرة وبيدهه تلفونهه.. .
شفتهه تتأفاف وتتململ..
.
ایدي چانت علی عیوني گتلها

-شبيج ليش ضايجه

ـ معليك

ـ براحتچ

ـ چنك ماصدگت

ـ يابة شتريدين

ـ النت هنا مو زين واريد اتصل باهلي اطمن على ابوية صوت وصورة

ـ اي صح انتبهت مو شي..
اخذت تلفوني شفت الرصيد عندي بس اربعت الالف دينار حولت الهه رصيد الفين..

ـ شنو هاي

ـ دزيتلچ رصيد ولو قليل بين ما ارتاح واطلع اشتريلچ كارت

ـ شسوي بي

ـ اشترگي نت على الشريحه وفضيهه

ـ منو گلك ماعندي رصيد

ـ عندچ او ماعندچ حولت الچ هالعندي ومن اطلع اشتريلچ كارت سدي حلگچ وگافي لغوة خليني انطمر چم دقيقة..

استغربت منهه اول مرة تسمع گلامي وتسگت مابقت تدرم يمكن لن صحت بصوت او  التهت تشترك استغليت الفرصة سكتت. غمضت عيني وغفيت...

مريم///من طلع رعد واني حاقده علیه‌ فد مره سبحت وصليت شوي ارتاحيت من خضة الطريق وكبسته

متت جوع  كعدت اكلت شوي صدر دجاج بس علمود تروح الدوخه شربت الادوية ومن التعب نمت ماحس الا وجه متقرب عليه

فزيت وبدون وعي ضربتة راشدي عرفت هذا رعد ما انگر انرعبت منه اعرفة عصبي نار وميتحمل هيچ تصرفات خفت يستفرد بية شگد حاولت ابين گدامه قوية
لسی حافضني اكثر من نفسي آحيانا اكرهه بشكل لا يطاق لان دائما يستفزني ببرودة اعصتبة وكلامة واحيانا انقهر عليه من اشوف مابيدة شي..

استفزته بكلامي وردت اطلع قهري وظلمي من ابوه
حجت كلشي عليه وماردت ابين اني ضعيفة وأخاف منه
بس بداخلي خايفة لايسويلي شئ
جرحته بكلامي بس كل هذا مسيطر على عصابه اشوف لمعة بعيونه من يباوع عليه

وكلما اشوف حبه الي ازيد بكلامي وأجرحه وخليه هو المصدر الوصلني هيج وضع

وصل حده وضل يحچي وعاف صوج بيه بان كله من وراي وماعترضت على زواج ولا رفضت داس بلحچي  واني ماسكتت اله كلما يجرحني ‌ذبلة حچاية يشتعل نار
لان المر بيه وصار محد يتقبله وكله منه واهله ومن سگوتي

شفته تعصب ونطن عروك ايده وركبته وضل يصيحح انقهرت ودمعت عيني شافني وحيدة محد اليه حتی لو ادعي عليه  بس حچي السان مو من گلبي

رغم قهرني يضحك ويستفزني ويعيب عليه ضعيفة  ماسكتت اله وعدتهن كلهن المرن عليه وضعيفه شسوت بحاله وخلته مايندل دربه سكتت لان بصوت تعبان كال يريد ينام سكتت منه

م اتصل على اهلي رقم بس مو مثل الصوت والصورة النت بهالفندق يجي دقيقة وينكطع ثلث ساعه لعب نفسي...
من حولي الرصيد صار وية العندي تقريبا خمس تالاف دينار دورت اشتراك اسبوعي بس ماگفت اشترگت يومي بين ميجيبلي رصيد واشترك..

أتصل هسة صوت وصورة  اشوفهم وأرتاح خليت السماعات باذني وراسا اتصلت على تلفون ريم جاوبتني ريام كل

-هلا حبیبتي بالحمام ريم..اشلونچ

-زینه مشتاقه الگم عفیه دزولي صور بابا وهو نايم وتعبان بالمستشفى متت قهر وبچي عليه..

ـلاااااااااتبچين مريم اليوم رحنه لجيرانه وردنة كاميراتهم نشوف بيهه منو دخل على ابوية بس الحقراء ماقبلو

گلبي انقبض من هيج حچت ريام

-شعجب ماااااااااقبلو

ـ نذاله يمعودة يتحچوون

ـ يعني شنو يگولون بشنو يتحچون

ـیگولون جيبو اذن شرطة يلة نطلع الكاميرات هاي مسؤليه والله لو ما اخاف الله جان بليتهم وكلت الداخل لبيتنة من طرفهم

ـ لا حرام تهمة الزور خيتي شبيچ

ـ يجوز حراامي واستفرد بابوية لوحدة وهيج صار وياه ليش يكطعون سبيل المعروف

ـ وهسة شراح يسوون

ـ ردت من سلمان يروح يقدم بلاغ بس ماقبل

ـ والحل..

ـ ان شالله ابوية يصير زين وهو يحجي كل شي ماعدنة غير حل لان الشرطه والبلاغ وهالسوالف يرادلهه كوم فلوس

وانتي تعرفين الحالة شوي تعبانه هالفترة لان سلمان كعد من الشغل والفصل والزواج كلهه التمت سوية اضافه علاج ابوي ومستشفى خاصه

ـ هسة عوفو سالف الزواج خلي ابوية يصير زين

ـ ماسمعتي امي شحچت تكووول العرس بوكتة يصير

ـ لااااا عفيييية گوووولي غيرررهه يعني مگتووبلي ماحضررر عرس اخوية الوحييد

ـ ولچ انتي باربیل تخبل شسوين بالعرس

ـ ترة ماااااشااقة رياام لاتسوون العررس

ـ امي مستعجلةة مريم مو پكيفنةة هاي وصية ابوية وخاف اسم الله عليه يصير علي شي اصلا اليووم بالليل راح نطلع ابوية وباجر نسوي العرس

ـ اانتو صددك متحبووني صدددك ممعتبرييني وحدة منگمم اادري ليشش هيج تاذيني ليشش هيييج رياام وولچ قدري ااناا ماحضررت شي لاخوي سلماان وصديقتي غفران

ـ لا تنقهرين حبيبتي والله مو بيدنة هاي كلمه ابوية وامي مصممة تريدين تحچين وياهه هيانهه

ـ اي انطيني اياهه

ـ يلة لا تتاخرين لان شوي لخ نروح للمستشفى نطلع بابا..

اجتي امي تلبس بشيلتهه كدام الكاميرا متقبل تطلع بدون شيلة باوعت عليهه شفت وجهه تعبان طكيت بچي..

ـ بنيتي شلونچ رجلچ اااشلونه سويتولة العملية

ـ كلنة بخير يمة الفجر نسويلة العملية

ـ سلمان يكول مال بروستات

ـ تلعثمت بالحچي ماعرفت شرد..ها
ريم وريام سمعو اجوي يركضون

ـ شنووووو عندةة بروستاات رجلج

ـ ها... يعني.

كالت ريام

ـ عزةة العزاااج راح مستقبلچ ياامرييم

ـ شبيچ ريام مفتهمت

ردت امي
ـ نچبي عاد ريام لاتضلين تلغين‌هو مرض جابه حال باقي الامراض باچر يطيب ويصير زين شنو هالحجي

ـ شكاعد تحچين يمة احتمااآاااال چبيرر ميصير عدهه ضنا البروستات تمنع الحباله

ردت امي

ـ اانچبيي عااااااااد يا ريام من يوم يومچ تخيطين وتخربطين بالحچي چاااا شگوو
و مسفري الاربیل غير حتى يعالجوو.. ااحچي انتي نطقي

ردت عليه امي بعيطة

ـ شنو يمة شحچي

ـ شگووووووو مسفرين رجلچ مو علمود تعالجو..

ـ يمة انا اريد أكلچ شي

كمزت ريام وريم كدام الكاميرا

ـ گوووووووولي وچ شبيچ بس لاتردين تطلگین منه

ردت ريم

ـ والله حقچ ااااااهم شي الخلفة هو شكو الوحدة تتزوج غير حتى تصير ام

عاطت امي بيهم

ـ ااانجببن وگاااااافي لغوة زايده طلاااااك شنوو بلة ماستحييتن مو تعرفن ماعدنة بنية تطللك ادبسززياااااات
ووانتي االلخخ كولي شبیچ

ـ ها.. لاااااا ماگووو شي بس مشتاقتلگم

ـ تشتاقلتچ العافية بنتي.. يلة يمة روحي لرجلچ للمستشفى وهناك نخابرچ نطمئن عليگم

ـ لا يمة ماروح بس رعد يروح يمة

ـ عيب يمة عيب المرة الاصيلة التوگف وية رجلهه بالمستشفى وهو عمليته بمگان حساس وانتي مررته ووچ فهميي عادد

امي دتحچي وعاطت بية

ـ لچ مريم شنووووووو هالصوت

ردت ريام..

ـ يمچ صوت شخير عزةة بعينچ منو بالغرفة وياااااچ

ـ ما اااااعرف مين اجتني سرعه البديهية بالكلام..

يعني منو بالغرفةة غير انا بفندق كاااعدة وحايط على الحاييط..

بقن يحچن بس ابد مدفهم كلامهن بالي مو يمهن نزعت تك السماعه من اذني وبقيت اكول الوو سويت نفسي مااسمع امي وخواتي

الى ان سديت المكالمه آنتبهت على رعد فاتح حلگه ويشخر صوت شخیره یگعد الموتى .. عرفت هذا غص بالنوم وامي سمعته

طگیت خدي الله لا ينطيك ياارعد
خرررب حظييي فضحنيي الله لايوفقك رحت عليه بيدي اااكعد حيلل

-انت شصخمتتت لخاطر الله..

رعد//چنت غررررگان بحلم وردي حلمت مريم مسامحتني وسلمان اتفهم الوضع وگاعدين گلنة ملتمين ابيتي و مريم مسوية گیگة وعصير ناكل عصرونية گل عقلي هذا حقيقة مو حلم...

بس الصار فزيت على ضربة بأيدي طيرتلي چ تفي يمكن المارينز هجمو علينة اريد افتح عيوني مابية حيل بودي ارجع انام اسمع مريم تحچي وتدعي

مفتهم الانا بي خبطت عندي بين الحلم والحقيقة.گوة فتحت عيني اليسرة. واشوف مريم واكفة فوك راسي..

بعدت ایدي من وجعي

-دهرررر صابچ اید گاروبه ووووچ بگد الفلسین بیمن طگیتیني  بعصااا صبررر هاااي ايدچ الع ظمه عوذه جنچ عزراييل واكف على راسي

ـ حييييل بيك شفااايتلي چان قبضت روووحك وخلصصت منك

ـ وچچ ااشبييج چنت مطمور شمسويلچ اانا ونايم انوب گولي ردت اغتصبچ استغفر الله

ـ اانت ماأااااااكو. بعقلك غيرر هالسوالف

ـ اااااااااي غير افتهم شگووووو گعدتيني بضرب  اگو شي صايرر

ـ ووولك سوويتلي مصيبة شگبررهه شووف اهليي يتصلون علييه شگلهممم

ـ والله عرفت گیگتج وعصيرچ وراهم مصيبة گولي شگو

ـ ياگيگة یا عصير اانت بعدك ناايم اضااهر وممستوعب الصخاام الوگعتني بيي كووم

ـ اللهم طولچ ياروح
رجعتيني لايام الجيش من چانو يلزگونه بالدفرات بنصاص اليالي..

نزلت رجلي على الگاع افرك عيوني كعدت بمگاني على الچرباية.. سحبت باگیت الجگایر ورثت الجگاره نفخت الدخان ليفوك

-گووووولي شسوويت مصيبة واناااآااااا مطمور ومادري بروحي

ـ عزة بعييني عززه بعيني هاي ثالث مرة يتصلون شحجييي

ـ وووولج بااااباا ااحچيي فهمييني شكووووو منو يتصلل

ـ امي وخوااتي سمعووك تشخرر

ـ شنو..

من هيج حچت جريت بوش صدك موقف صعب ماعرف شلون تطلع منه..

افتحي خط بسرعه ليش متجاوبيهم راح اطلع برة الغررفةوانتي افتري بالغرفة

ـ عزة بعيني شكلهم ليشش ماجاوبت

ـ ادري غير اطفيين بيانات الهااتف
اسمعي اتصلي عليهم رقم وگليلهم افتح خط بس متسمعون بالواتساب لان النت تعبان وخابرتكم رقم

ـ معقولةة يقتنعوون

ـ هسة اقتنعوو اولاااااا خاابريهم بسررعه لاتضلين تماطلييين

ماچذبت خبر راسا خابرتهم رقم جاوبتني ريم..

ـ ليش متجاوبين على الواتساب شنو صار وياچ

ـ ماصار بية شي بس النت تعبان اجاوبگم متسمعون

ـ ترة احنة مو غشمةة مررريم مو البارحه صار عدنة واتساب ومنعرفلة ااانتي اصلاا مافتحتي خط علينة

ـ بيش تريدين احلفلچ اجاوب متسمعوني.

سمعت امي تحچي عليهن وتگلهن

-انتن ليش تچذبنهه خطیة موزين النت يمهه وخواتي ممصدكات
اخذت التلفون ريام..

ـ فهمينه شنو هالشخير اليمچ چان

ـ بسم الله الرحمن الرحيم ياشخير يمعودة كلتلچ من الجوارين

ـ لچ مريم هالسوالف ماتمشي عليه عبالك احد وياچ بالغرفة غافي وشخر من‌التعب

ـ گاااااااااااافي حرام علييچ تدرین اخاامن هیچ سوالف لان رعد يم اخوو وانا هناا لوحدي شمدريني بس لا الفنددق مسكون لخاطرر الله

وفوگاهه صاار اااليل اگلچ محدد يمي شنو تشگيين باخلااقي اانتي واختتج

ـ على كيفچ ليش هيح تعصبتي

ـ لعد شنو معنى كلامچنن يعني لو يمي ااحد ليش اخابرچن وافضح نفسيي ااصلا كافي يارياام كل شغلة ولازم تحققين بيهه والله تعبتيني حرام علييچ كافي

ـ غير خايفة عليچ ياعيني وختنة الصغيرة شعدنة غيرچ

اخذت التلفون ماما وحچت ويايه.

ـ يلة كاااافي بنتي كومي غسلي وجهچ وبدلي هدومچ خابري حماچ يجي ياخذچ لرجلچ واحنة همين مستعجلين نريد نروح لابوچ

يلة بنتي سمي بسم الله ماكوووو شي وگومي وان شالله هناك نخابرچ‌ ونطمن عليكم..

ـ بوسيلي بابا وسلميلي على سلمان
سدیت ت التلفون صافنة علی نفسي شنو هالقابلية الصارت عندي على الچذب والاقناع وچذبه تجر چذبه فوگاهه..

حسيت هاي مو انا غير وحدة جدامي رعد صافن عليه

صفگ وگال

ـ آااااااااقنعتيني

ـ گله بسببك انت واهلك صرت وحدة جذابة واتقن الجذب فوگاهه

ـ ان شالله يكون چذب ابيض هههههه

ـ الچذب چذب ميتلون...
انتضرني ابدل ملابسي واجي وياك

ـ شعجب

ـ امي گالت وماريد اگسر گلمه امي
يكفي الكلام الكسرته..

ـ راح انتضرچ برة بدلي بسرعه

ـ احسن...

ـ اخذت تلفوني وكل الفلوس بالجنطة حطيتهه بجيبي مابقي شي بالفندق غير الملابس. .
طلعت برة وگفت الباب وبقيت انتضرهه
ورثت جگارتین وهي لساهااا ممخلصه

مريم// دخلت للحمام غسلت وجهي اتمنى ابچي وافرغ هالحسرة البصدري ماگدرت اتوضيت وطلعت غيرت هدومي ولبست تنورة وقميص وشال وعباية اخذت جنطة بيهه تلفوني والسبحه وگتاب ادعية وباكيت كليس چان بالفندق اخذت منه
كمشتة وخليته بالجنطة لبست حذاء فلات وطلعت...

لكيت رعد واگف يم الباب مرتجي ورافع تك رجل على الحايط وساند نفسه وبيدة الجكارة المتوكع من حلگه

عفت الباب مفتوحه طلعت وهو سدهه ورايه ومشى بصفي
ساكتين اثنينه وصلنة للمصعد ودخلنة بي

جوي جماعه ويانه اثنين رياجيل ووعائلة رجال ومرته ووياهم اثنين بنات واثنين ولد كلش صغار اعمارهم خمس سنين وجوهم كلش حلوين ‌ابتسمولي ورديتلهم الابتسامه

شافني رعد وخزرني بنضرة ونفث تنهيدة قوية اتقدم وصار جدامي واكف وانا وراه غطاني تقريبا خلة جگارة بحلگه

بعصبیه وغضب فتح دگم ردان قميصة وبده يلغف بيهن مثل واحد سگف ردانه يريد يتعارك استغربت منه هذا شبي كل عقلة يغار من جهال..

ماهتميتلة ولا عبرته وصلنة الطابق الارضي طلعنة اشرولي هالاطفال بيدهم واشرتلهم

گل هذا وما حچى رعد بس ينفث تنهيدات وغضب.. عجبتني هالسالفة احلى شي من احرك گلبة احس مي بارد ينزل على گلبي..

ـ تعالي نروح بالسيارة

ـ ليش مو المستشفى قريبة ميحتاج سيارة

ـ حتى تكضيهه تاشرين لهل طفل وتضحگين لهلطفلة

ـ وانت شعليك

ـ امشي جدامي مريم وگافي لغوة

ـ عود شنو تغار حضرة جنابك

ـ استغفر الله ربي... امشي امشي

طلعنة الكراج الفندق نطيت كارت الرقم النطونياه دخلنة وصلنة السيارة فتحتهه بالريموت وصعدنة

كعدت وسدیت الباب باوعت عليه بنضرة ووياهة ابتسامه خبيثة

ـ خاف حاسب روحك صدك رجلي ومسوي روحك تغار

ـ رجلچ ونصصص وغصباا ماعلييچ

ـ ماكو شي يغصبني ترة بعدك متعرفني

ـ انا مو زعطوط حتى ااغار من اطفال..
بس ماشفتي هالولد الي بلمصعد شلون يباوعون عليچ

ـ ولد؟

ـ يعني كل عقلللج اغارر من طفل عمرة خمس ست سنين مثلااااااا

ـ ما انتبهت عليهم چنت مركزة وية جهال
.
ـ متشوفين كفيت ردااني ونفخت روحي وخليتچ ورايه

بابا بگل مگان اگو الزين والشين واگو ناس من يعرفون هذا عربي يتحرشون بأهله وتعلك چنت متحضرر للعركة

ـ وكل عقلك تتضارب وية اثنين

ـ وكل عقلچ اشوفهم يتحرشون بيچ واسكت؟..
بس ربج نقذني وخلاهم يخنسون ويتراجعون..

ـ سويت نفسي ما مهتمة عدلت عباتي والتفتت على الجامة اتفرج

شغل السيارة وطلعنة الاجواء حلوة اتمنيت اهلي ويايه فتحت الشباك اجتني نسمة هوى عذيبية ردتلي روحي الطريق ازدحامات المستشفى قريبة بس لان استدارة يصير بعيد..

طول الطريق ساكتين ماحچيت
وصلنة المستشفى ودخل السيارة
نزلت وانتضرته يطبگهه وياخذ كارت من الكراج ورحنة للمتسشفى

ريحه الديتول كفخت بخشمي
مستشفى چبيرة وبيهه هواي اقسام

دخلنة بالغرفة يم نوار‌ نزعت عباتي وخليتهه علی جنب وبقيت بالتنورة والقميص والشال

ـ جوعانه مريم

ـ لا ابد ما اشتهي

ـ ادويتچ جبتيهن

ـ لا نسيتهن..

ـ صدك تحچین.. هسة شيرجعني

ـ ماريدهن..

ـ خلي تخلص سالفة نوار واليبقى من الفلوس اشوفلچ طبيب مختص بحالتج

ـ اعرف حالتي احسن من الطبيب..
من اخلص منكم ومن شرگم ارجع طبيعيه ومبية شي

ـ سكتت عنهه ماريدهه تنفعل وتتخربط..
عفتهم وطلعت للطبيب اساله شنو بعد يحتاجون شي او لا

ـ بقيت يم نوار اتمعن بشكله او شگلهه ماعرف بيا صيغة احچي وياه..

مشاعري مخربطة تجاه نوار ماحس بيهه حقد ولا ضغينة ولا شي بالعگس گلش مقهوة عليه

اخلي روحي بمگانه اشوڤ مشگلتي اهون من مشگلته انا باچر عگبة اطلك واخلص وتنسد سالفتي واذا درو اهلي بالصار اگيد راح يزعلون ويقاطعوني

بس ورة فترة يحنون عليه لانهم اهلي بس نوار شلون من ينگلب بنية شلون تواجه العالم شلون راح يتقبلوهه الناس اذا اهلهه محد متقبليهه بس رعد

شلون هو راح يتقبل حالتة حتى ماعرف بأي صيغية احچي وياه
شسويت بينة يانوار
هسة لو رافض تتزوجني ماچان صار الصار

الله يساعدك مدري يساعدچ على حياتچ
عدلت كعدتي  على كرسي يم السرير ومقدمة نفسي واتأمل نوار‌ ورجعت نفسي وارتجيت دخل رعد بيدة علاكة..

ـ جبتلچ اكل بسگت مالچ حليب خالي الدسم وهاي لفتين گباب دجاج جبت

باوعت

- شو محاسب حسابك

طلعت لفة وخليتهه يمة على الميز..

ـ ماريد اكلت فلافل

ـ ماحچيت شي بس باوعت عليه

ـ انتي ونوار اهم اثنين بالنسبة الي

ـ كلامة يخليني اضعف
حزت بگلبي ياكل فلافل ويجبلي كباب ما اشتهيت اكل طلعت سبحتي گمت اسبح
ورعد طلع برة..

طلعت وراه اريد اشوف وين يروح
لكيتة  كاعد على الكرسي بعيد شويه عن غرفة وصافن وعايف ايده جوة راسه متوجي عى الحايط والممرضات سافرات  رايحات جايات  يفوتن من يمه
وعود مثل حالي طول وجسم وشعر يتمايل وياهن والبالطو الابيض يشع عليهن  

صفنت على جمالهن سامعه الكرديات حلوات بس جمالهن عن قرب احلى وكفت اجت وحده من بعيد تتمايل برجلیها چنها
مو عراقیه  الشعر اشگر وطول چنها طول رعد شطوله جسما مقسم تقسم   لعد شبيه انه حضي هم عظام وهم كصيرة

طگت الغيره براسي قربت يم رعد حاجته مدري شنو فز وگف وهية  ضلت تحچي وياه وبيده اوراق بس مااسمع زين بس توصوص ضحكت وهوة اخذ قلم وقع

احس نار شتعلت بيه وسديت الباب.. حيل  هو انتبه على صوت الباب التفت عليه وهية راحت

رحت اله وكتله

- شو هنا كاعد

ـ ميصير نبقى اثنية وياهه.. لازم مرافق واحد مو اكثر

ـ هااا شوفك مرتااح على كعدة هنااا على الاقل ادخل جوة اتمدد شمدريهم همة

ـوين مرتاح و هاي قوانين مستشفى ميصير نخترقهه.. دخلي جوة يم نوار.

_اي اخذ راحتك الكعدة هنا تنسي كلشي

_انتي شگاعد تحجين اني بياا حال
هاااا لايكون صعددت الغيرة عدج من شفتي ممرضة تحجي وياي

_وعليمن اغار انت بعد ماتهمني كلمن بطريقه

رعد//‌طلعت برة الغرفه وعفته يم نوار لن ميتقبلون ثنين مرافقين طلعت برة الغرفة ببعد گمم متر گعدت علی كرسي
اخذتني صفنه وروحي تلوب على جگارة ماكدر ادخن

أفكر شلون راح تنحل ويه سلمان واني لامنتبه لليمشي ويفوت من يمي لحد مااجت ممرضةتحجي انكلش بس الفهمته منه تريد اوقع
على ورق تخص عمليه نوار قريته وقعت
حتى مادققت بشكله مو بالي

سمعت طبگت باب غرفة  نوار
راحت ممرضه و انتبهت المريم عيونه ناطتهن وعاضه شفته جوة واجت يمي تسال صاعدة عده الغيرة وجاية هادة
ردت اراوغه بلكلام بس المكان مايسمح وهية السانه
بيكيسي جاوبتها

- ها صعدت الغيرة
ذبتله حجاية سم ودخلت للغرفة

مريم//ماجادلت رعد عفتة ودخلت يم نوار. آحرگ بروحي حرك بس خل نرجع بعد يحلم يشوفني
كعدت اسبح بسبحتي واستغفر اريد ارتاح شويه

واشوف نوار  وحرك ايدة وبعدين فتح شوي عينة ..
راسا صليت على النبي وطلعت اركض لهفانه لرعد..

-الحك الحكك رعد نواار كعدد

كام من مكانة يركض شفناه فاتح عينة ويباوعلنة بس بعدة مابي حيل يمكن ممستوعب ركض رعد يصيح الاطباء

اشوي جوي اثنين فحصو وكالو

-اي الحمد الله استرجع وعية بس مو بشكل كامل..

نوار تناوع النه رد رجع نام

خابروني اهلي واخذتلهم صور لنوار وحچى سلمان ويايه ووية ورعد

بقينة سهرانين نصلي وندعي الة ان طلع الصبح واخذو نوار للعملية

حسيت راح يغمى علية من الارهاق اريد انام اخذو نوار ونمت بمگانه ورعد راح وكف اباب العملية

ماعرف شكد غفيت بس كعدت نوار يريدون يطلعو من المستشفى شفت الساعه بالعشرة ونص تقريبا

ـ دورت مريم لگيتهه نايمة بغرفة نوار عرفتهه تعبت خطية
بقيت واكف يم باب العملية تقريبا من ساعه سبعه لساعة عشرة يلة طلعوهه

طلع الطبيب وگلي

-الحمد الله ااااااااخوك رسميا صار امراة افرغنة كيس الدم من الرحم وسوينه تجميل للمنطقة وشلنه الزوائد.. يبقى علاج الابر والمدلگة وغيرهه

ـ شنو ابر ومدلگه مالت شنو

ـ انت تعرف ان اخوك انثى والهرمونات الچان ياخذهن ذكريه واذت جسمهه الصدر اتوقف عن النمووو شبه ااااختفى يحتاج تشتري مدلگه حتى تسوي مساج وتمارين للصدر من غير الابر اللازم تاخذهه

حتى يرجع الرحم يشتغل طبيعي.. تدري لو متأخر بعد سنة او اقل من سنه كحد اقصى اختك چان فقدت الامل بان تكون ام بيوم من الايام.. الحمد لله على سلامتهه. لان عدها اخ هیچ یخاف علیها

ـ الله يسلمك دكتور.. هذا واجب
طيب شوكت اكدر اطلعهه

ـ خليهه يومين يمنة هنا تحت الرقابة والثالث اذا ماصارت مضاعفات اخذهه..

ـ ان شالله...

-طيب شوكت تستفيق

ـ بعد مو هسة.. روح ارتاح اذا تريد وارجع بعد فد ساعتين وراي عمليه ثانیه

-مثل حالت نوار

-اي بس المراه هل مره  هي رجل بلاصل لكن القضيب مضمور
والله يسترررر

ـ ان شالله ربي يوفقك دكتورر

طلعو نوارة على السدية حاطيهه نايمة وماحاسة بشي خذناهه للغرفة ولگيت مريم نايمة صحيتهه خليت العباية فوگاهه...

-یله اااااامشي خلي نرجع للفندق مو هسة راح تگعد بعد شوي

ـ نجحت العملية

ـ اي الحمدلله..
يلة امشي انا هم تگسرت طالما هي نايمة نرتاح ونرجع...

نطيت فلوس للممرضين وگلتلهم يعتنون باختي بين ما ارجع..

صعدنة السيارة وطلعت خارج بارك المستشفى.. تقريبا صارت ساعه دعش وربع. على يمنتنه ويسرتنه محلات وبوتيكات ومولات.. ضلت افتر وهية صافنه من شباك وتباوع

ماعرف شجاني وتذكرت كلمة مريم من كالت البس احمر من تموت وحلفت الا اجيبلهه احمر

طبكپگت السيارة يم مولات وطفيتهة
تنزلين؟

ـ وين شنسوي نازلين

ـ دمشي هسة بعدين اكلچ

ـ لا مابية حيل جسمي يوجعني

ـ اوك ما اتأخر..
رحت لاكثر من خمس محلات الاسعار كلش غالية كوة لكيت فستان ااحمر حلو مكسم على جسم جبت قياس مديم لن هية ضعيفه وجبته على كد فلوسي ب35 دولار هذا ع ارخص شي ماكدرت اتأخر اكثر عليهه دفعت حساب واخذته وطلعت..

ورديت اخذتلهه گارت ابو العشرة رصيد حتة تخلي نت..
صعدت السيارة وخليتهه بحضنهه..

ـ شنو هذا

ـ هذا الوعد..

ـ شنو؟

ـ مو البارحه وعدتچ وحلفت... اليوم نفذته.. فستان احمر تلبسي من اموت

سوت نفسهه مامهتمه شالت العلاكة وخلتهه فوك كير السيارة..
مشيت على گيفي حتى اشوف اكل ناخذلنة..
مشتهية شي

ـ لا

ـ تريدين تتغدين بمطعم لو اجيبلچ غدة للفندق

ـ الدجاجة ترة بعدهه بالثلاجه

ـ هسة بردت شلون تاكليهه

ـ ها يعني تصرف على الاكل بس من ردت غرفة لوحدي سويت نفسك ماعندك فلوس

ـ هههه شيطان شسوي

ردت بغضب ونرفزة

ـ والله العن من الشيطان

ـ عفتهه ماجاوبتهه..
دخلت السيارة ودخلنة للفندق
وصلنة الغرفة وبعد مابية اوكف راسا ارتميت على الفراش بملابسي غفيت

مریم/ حقه الليل كلة مانايم اخذت ملابسي ودخلت اسبح وطلعت اصلي..
گملت وهلگت تعب جوعانه وما اشتهي اكل.. خليت راسي على السجادة بالگاع وغفيت

--كعدت لكيت مريم لابسة چادر الصلاة ونايمة على الكاع
خفت اشيلهه واخليهه على الفراش لاتكعد و تسويلي هوسة وطلع السانه

تحركت بهدوء اخذت ملابسي ودخلت للحمام طلعت شوي دجاج من الثلاجة واكلتة وبقيتة برة بلگي شوي يحمة ولو بعدة طيب مافقد طعمة..

فتحت الباب طلعت على كيفي من الغرفة ورحت لنوار..
وصلت للمستشفى شفت الاطباء وحچيت وياهم عن حالتهه كال

- حاليا مستقرة بس الافضل متصارحوهه بشي يعني تمهدولهه الطريق شوي شوي..

عفت الاطباء ودخلت لنورة و وياية الممرضة غيرتلهه كيس الادرار ونضفتهه كعدت يمهه حست من البنج مبين عليهه دتالم اتقربت عليهه بستهه من راسهه.. الحمد لله على السلامة خويه

ـ ا... لله يـ.. سلمك..
عـ.. ـطشان

ـ حبيبي ميصير تشرب مي هواي هسة..
خليتلة شوي مي بحلكه گعدت يمة..

ـ شنو صار لیش جاي اتوجع

ـ ماصار شي اهداء لاتخاف

ـ لا.. ضم علية.. اذكر من ضربت نفسي طلقة

ـ عرفت الزمن والذاكرة متوقفة لقصة الانتحار..

-يابة انسى كلشي ولا تضل تسولف المهم انت بخير

ـ وين اهلي امي اخوتي مريم وين

ـ تحمحمت وكحيت من گلي مريم. بعدهه متصورة نفسهه رجال. متزوجهه..

جاوبتها
-نوار هسة اهدئي اقصد اهداء ياعيني كلهم بخير وموجودين ويسلمون عليك بس ميصير يدخلون

ـ شنو هذا الوجع اتذكر الضربة بصدري مو بغير مكان

ـ اي ياعيني غير صارت مضاعفات بسبب تهورك.. اهداء نوار ولاتخاف انت باحسن مستشفى ويمك اخوك بعد شتريد

ـ ابوية

ـ عوفة عيوني لاتفكر

ـ دايخ اريد انام

ـ ياريت تنام حبيبي حتى ترجع عافيتك..

دخلو الاطباء فحصوهه كشفو عليهه كالو صحتهه زينه اكثر شي اربع ايام ويطلع لكن يحتاج فترة نقاهه طويلةة..

عرفت فترة النقاهه يعني تاهيل نفسي ويحتاج طبيب او طبيبة نفسية..

هالمصاريف ماعرف شلون راح ادبرهه

وگفت جدام الطبیب
كال

-من باچر تبدي تجيبلهه شوي اكل وتوكلهه خفايف لان صار فترة طويلة عايشة على المغذي وحتى جسمهه ضعف اكثر مما هي ضعيفة

-صار دگتور مشگور

نطوهه مسكنات ونامت تقريبا كل خمس ساعات تكعد حسب حسابهم

صار العصر دگيت على مريم بس متقبل تجاوب لو ترفضة اريد اگلهه راح ارجع للفندق بس ماجاوبتني اي زين طالما ترفضة يعني كاعدة مانايمة

اطمئنیت علی نوار طلعت مریت السوك اخذت اتشوي فواكه لمريم ورجعت.. صعدت للفندق

فتحت باب الغرفة وانصدمت مريم ناطيتني ضهرهه ولابسه فستان الاحمر  وفاتحه شعرهه واصل لخصرهه تاشر بيدهه وتصفك

هاي شسوي جاي تدرب من راح  اموت تتمركص وتلبس
الاحمر  لاااا صدگ كارهتني

جاي احاجيه  واسمع اگو صوت بنات وياهه بالتلفون
وگفت على جهه وركزت هاي مثبته التلفون على الطبلة وگاعدة على القنفة وفاتحه گاميرا يمكن وية خواتهه

بس شعجب ديمترگصن مادري شنو السالفة ردت ارجع اطلع من الغرفة بسكوت رجعت خطوتين واندفرت جنطة السفر برجلي وصارت طبة راسا ختلت بين الكنتور والحمام حتى لايشوفوني خواتهه هي ارتبكت وسدت التلفون

مريم ///
ـ كعدت من النوم لكيت نفسي على السجادة نايمة ورعد مموجود لملمت گلشي اگلتلي لكمه بسيطة سدت جوعتي واخذت الادوية دخلت للحمام شفت ملابس رعد ونوار حاطهه بعلاگه بالحمام عرفت هذني وصخات

اخذتهن وغسلتهن كلت خاف ماجايب كفاية ويرجع تعبان ميگدر يغسلهن. كملت وشريتهن بالحمام

طلعت نشفت ايدي و اخذت التلفون شفت ريمة اختي متصلة عليه عبيت الرصيد واشتركت اشتراك اسبوعي بنت
و راسا اتصلت عليهه كاميرا وانصدم كاعدين يمگيجون غفران يعني اليوم عرس سلمان

اباوع ممصدكه نفسي اي والله هاي لابسة بدله وهاي بنت خالتي كاعدة تمكيج..
يعني سويتوههه وزوجتوهم وانا مموجودة دگيتهه بجي وريم تقنع بيه

ـ لج والله العظييم وداعت ابوية امي ماقبلت ناجل مو كداامج

ـ حظي زفت اعرف نفسي ممكتوبلي افرح بشي

ـ شنو هالحچي ياروحي..

ـ احچي وياهه وضعف النت انسد من يمي وهي اتصلت علية بدت اتلح علية هي وبنات خالاتي وكرايبنة حتى اكوم ابدل ملابسي واعيش اللحضة وياهم..

عاندت ماقبلت بقت اكثر من نص ساعه تقنع بية بس انا قافلة الى ان ريام اخذت التلفون

ـ ووينچ

ـ ها شبيچ

ـ شنو نتوسل بيچ احنة كووومي فزيي من مكانچ بدلي سلاباتچ وعدلي عطوبچ وجنچ ويانه شكو سمو مواقع تواصل غير حتى يقرب البعيد وكلمن وضروفه ياا مريم لاتضلين تتمقلجين برراسنه

شنو حاضرة عرس اخوچ‌بالدشداشة وفوكاهه لابسة حجاب ليش منو وياچ بالغرفة

ـ شلت التلفون وفريتة بالغرفة شفت جنطة رعد رفعت الكاميرة وخليتهه بين الحمام والكنتور حتى لاتكول ريام هالجنطة الثالثة المن اعرفهه بگلشي تنقنق فريتلهه الكاميرا بالغرفة وكلتلهه..
ها هسة اتاكدتي ماكو احد غيري

ـ ااااشبيج متگئبه وكاعدة گوومي كوومي بدلي وحضري عرس اخوچ

، شلبس مالي واهس

ـ كومي البسي شعدج

عاطت بنت خالي..

ـ لج شكدد نگناگية شتلبسيين جوة الجبةة

ـ انوب عليه بنت خالي شلبس يعني غير بنطلون وبدي

ـ ااااي كومي انشلعي البسي بنطلون والبدي ونفشي شعرج وردحي وياانه

ـ يا انوب اردح

ـ كوومي شكدد ادقييين الميندق وضيعتي كومه ووكت شوفي غفران كملت وسوو شعرهه وراح يطلعوهه بالصاله لج كومييي

ـ لحضة سديت التلفوون وياهم ورحت بدلت بنطلون ولبست بدي بعدين ذكرت فستان جابه رعد خل البسه
اشوفه زين عليه

لبسته طلع عليه فيت هو قماش تول خفيف وبيه بطانه تسعيني وصدر كصه مالته الفه ودلعه وابروش
كلش حلو عليه

ياله البسه هسة ومن يموت عود هم البسه ضربت على صدي وكلت اسم الله عليه

مشطت شعري هو سرح ميحتاجلة شي فتحته وكلبته مگياج ماعندي جني وحدة طالعه من المكبرة بكفاله بلة هالخلقه شسويلهه..

طول هالوكت ورعد يتصل واني ماجاوبة تقريبا مرتين اتصل تالي فتحت بث وية اهلي ورد اتصل گلت خلي اسدة بوجهه حتى يعرف انا گاعدة وميسوي نفسة خايف ويجي مثل ذاك اليوم خلي بقى يم اخته...

شفتني اختي ريم كالت
_ الله ولج حلو هذا فستان ومساع لطمتي منين مشترته

_من مول يم مستشفى عجبني وشترته مساع عبالي الحك على عرسگم والبسه

_ياله هل لبستي بعرسه

وجهت گامرة لغفران وبارگتلهه وريم مثبته النقال وتركص كدامي هي وبنات خالتي  ولابسات فساتين سولي واهس اكوم وياهن شوي

تمايلت ماعرف اركص مثلهن عيني دمعت اتمنيت اكون يمهن وياهن واوكف لاخوي
دخل سلمان وباركلته وبوست الشاشة عود بسته..یلة نقشمر على روحنه عود انا وياهم...

مندمجه بعرس الغالي ابو الاشبال واسمع طبة بالغرفة همزين محد منتبه عليه راسا طفيت النت التفت شفت رعد حاشر روحه بين الحمام والكنتور..

ارتبكت ادور مايمي العباية ولا الچادر جريت الچرجف مالت الچرباية وحطيته على راسي وغطيت جسمي...
ادري ااشجاااابك

ـ اتصلت بيچ خمسمية مرة انتي تسدي بوجهي

ـ ووليش اجييت

ـ ادري ليش لابسة الچرجف بلة اليشوفچ شيكول لتزمينة بقضية دعارة ومتلفلة بالچرجف

ـ عزةة شوف شيحجيي والك عين تباوع همين اطلع بررة ليش اجيت ابقي يم اخوك

ـفركت بلحيتي وهمست

-هو صح چنت اكدر ابقى يم اااااختي  بس انا حبیت الوضع هنا وانتي لابسه الاحمر ومستعدة لموتي

ـ ياااموت ررعد لاتخبلني بلةةة لو شايفييك اهليي

ـ ليش هو شگو شنو عدهم

ـ شفت حضي سلمان اتزوج

ـ صدك والله الف مبرروك الله يسهلة ان شالله.. بس ابوچ شلونه بعدة بالمستشفى

ـ لا طلعو البارحه بالليل واليوم سوو العرس ركض ركض هآاااي وصية ابوية ميقبل ياجل

ـ الحياة متتوقف مريم

ـ اتمنيت اكون وياهم

ـ بس فكرة حلوة بدلتي وفتحتي كاميرا وياهم همين شوي تعوض وهذا الفستان البستي فااات شري ماااموت

ـ شتعوض متعوض شي مو مثل ما اني بنصهم واعيش كل تفاصيلهم وهااا بعدني مصرة تموت والبس احمر

ـ ااااي ميخالف البسي احمر وركصي مثل مساع حبيبتي

ـ شو اخذت راحتك شنو حبيبتيي

ـ اتقربت عليهه وهي ثابته بمكانهه ونفسه يصعد وينزل جانت فحطانه من رکص.. مريم لشوكت تبقين رافضة الواقع

ـ ياواقع.. واقع الاكشر هذا انت كل عقلك تحجي..
اخجل ارفع عيني بوجه خواتي وامي
ابوية مكدرت اشوفه لان بنص الزلم نايم

واصلا مالي عين اشوفة شيگول عني بعد ماشوهتو صورتي بعينة..

اتخيل دخل سيد سلمان مگدرت اشوف بوجهه احچي وياه ومدنگه راسي هو عباله خجلانة ميدري بمصيبته اختة...

ـ كل الگلتي حقج شما تحچين انا وياچ مو ضدچ
بس الصار مو بيدي ولا بيدچ

الظلمنه وظلم اهلچ موجود صح هو ابوية بس يجي يوم ورب العالمين يعاقبة على افعاله..

اتقربت عليهه اكثر
لزمت جتفهه كشفت شعرهه وضميتهه الصدري
ماحچت بس تبچي..وتناشغ
ممصدك نفسي هي سمحتلي هيج اقترب منهه
مريومتي.

- انا رعد ذاك الاولي الماخلف وعدة وياچ حتى من صرتي على ذمة غيرة حافظ عليچ
مريم لا تاخذيني بذنب اهلي والله مالي ذنب

ـ ما انكر جنت محتاجه احد يشگيني ويسمعني من ابچي واشگي چنت محتاجه صدرة اضم نفسي بس اقترب مني ما منعته ضمني لصدرة واستلسمت بچيت وهو یمسح راسي على كيف
الى ان ارتاحيت

كلشي ضدي بهالدنية وخايفة اخسر اهلي ورعد همين اي احبة وكل الكلام الكلتة والحچيتة عليه من ورة گلبي وبساعه عصبية بس ماگدر اهظم السووه اهلة بية ماكدر استوعب چنت ع ذمة بنت وصرت ع ذمة اخوه.

مشاعري كلش مخربطة.. ابتعدت شوي عنة وعدلت نفسي وسحبت الشال خلییته على راسي ضمت فتحت دلعة صدر

-حتى لو مالك ذنب لاتطالبني بشي يارعد

ـ مريم انا صبرت حتى تصيرين ومن انحرمت منچ جاهدت نفسي بكل قوتي بس هسة انتي حلالي

ـ حلال بالغصب.. حرام..

ـ والاحس بي تجاهچ يابنت الناس شلون اجاهدة وانتي على ذمتي شلون امنع نفسي المسچ وهاي جانت امنيتي من سنين

ـ هذا العندي.. انا ممتقبلة فكرة زواجي منك بهالطريقة
واصلا مررعوبة من ردة فعل اهلي ابوية اخوية خواتي نسابتنة شراح يحچون..

اهلك مافكرو بينة ابد فگرو بس بنفسهم
وجاي هسة اطالبني افكر بيك

ابتعد رعد الله يخليك وگافي نضحك على روحنه

ـ رغبتي قتلتني اتمنى اعيش وياهه لحضات اتمنيناهه سوة نعيشهه الرجل غريزخ احسانا غريزته تغلبة ويصير حاله حال الحيوان

مو مثل البنت متفكر بهالامور ‌ ماردت اتهور حتى ازيد الطين بلة عفتهه وطلعت برة الغرفة وبقيت ادخن جگاير اريد اهداء كلش متوتر

ـ من طلع مسحت دموعي ورحت للتفلون لكیت ريم متصلة عليه تقريبا خمس مرات رديت اتصلت عليهه لگیتهم يتعشون شوي سولفت وية خواتي وغفران وبعدين عفتهم ياخذون راحتهم

كلتلي ريم من يدخلون ادزلج رساله
كلتلة اوك انتضر..

غيرت ملابسي ولميت شعري وخليت الحجاب انقهرت على رعد يمكن جان جاي يرتاح وماخليته هو كول النهار وية اخوه يببو أخته بعدني مامتعلمه اكول اخته

دكيت عليه وجاوبني..
الو

ـ ها مريوم

ـ انت وين

ـ اباب غرفتچ واكف

ـ صدك والله بعدك هنا..
احچي وياه وركضت على الباب فتحتهه لكيته واكف مقابيل الغرفة سديت التلفون اشرتلة براسي.. يععني تعال ادخل

ـ طلعتلي لابسة دشداشة وحجاب وسمحتلي ادخل للغرفة
كعدت على الفراش نزعت الجواريب والحذاء تعبان نفسيا وجسديا من وضعي

ـ شلونهه نوارة

ـ الحمد لله كعدت شنو سمتيه نوارة

،ـ صدك اي الحمد لله على سلامتهه اي اسهل

ـ اي حلو وعبالهه العملية مالت الطلقة الضربتهه لنفسهه

ـ اكيد متدري بشي

ـ حتى عبالهة بعدنة بكربلاء متدري باربیل

ـ اكلت شربت لو لا

ـ من باچر شوي شوي لازم تاكل والاطباء كالو لاتحجولهه صارت بنت لازم شوي شوي تستوعب وضعهه

ـ يعني شلون

ـ طبيب نفسي يحتاجلهه من غير ابر الهرمونات وشغلات نسائية لازم ناخذلهه تحفز جسمهه

ـ لا اله الا الله.. البارحه صفنت بوجهه خطية كلت مصيبتهه اكبر من مصيبتي

ـ طالما انا موجود مستحيل اخلي وحدة منكم توكع بمصيبة

ـ متكدر شكد متريد تحمينة راح تتعب وبعدك محقق شي..

شلون راح تواجه الناس الجيران الاهل الاقارب اثنينه همنة مينحچي

ـ اصلا ماراح ارجع لكربلاء

ـ لعد وين

ـ انا ماكاعد وساكت.. ‌عرضت بيتي للبيع بلكي يجيب سعر واشتري غيرة

ـ يعني وين

ـ اذا ما انباع أأجرة وأجر بيت ببغداد بفلوسة

ـ بغدااااد

ـ احسن النة گلنة

ـ اابتعد عن ااهليييي مثل المكسوور وجهه ومسوية عايبة

ـ مو هيچ مريم افهميني.. اخذكم هناك نعيش بين منمهد لاهلچ الصار

ـ لا رعد.. انا ماعوف كربلاء روح انت واختك هذا حقكم بس انا ما عوف اهلي

ـ ماقاطعتهه بقيت ساكت انتضرهه تكمل

ـ انا وياك نطلك وكل واحد يروح لمكانه.. هذا الازم يصير  واذا على النيشان الشافو اهلي وانا بعدني فهالشي سهل

ـ يعني شنو سهل شتقصدين

ـ ما اتزوج ابقى طول عمري يم اهلي لا اول ولا اخر وحدة تطلك وتكعد يم اهله..

ـ اطلكچ!

ـ مينفع نستمر سوية باي شكل من الاشكال.. هالشي حاولت افهمه لابوك بس حسبي الله عليه مافهم وقفل راسه..

ـ هذا مو حل تدمرين عمرچ علمود لا ينكشف سر

ـ لعد شنو الحل برأيك.. اضل على ذمتك شيكون موقفي كدام اهلي

ـ الحل موجود وبايدچ

ـ مفهمت وضح

ـ اكيد راح تفهميني غلط

ـ وضح

ـ خلي اتم ليلتنة

ـ شنوووو عينني

ـ افهميني.. بهالطريقة راح تكونين متزوجه فعلا واذا بعدچ مصممة على الطلاق تكدرين تعيشين حياتج بعدهه بدون خوف

ـ كلتلك انت شيطان كل تفكيرك بهالسالفة

ـ انا بشر يحبج ومستعد يضحي بالدنية كلهه لخاطرج ويريد يساعدچ باي شكل من الاشكال المشكلة ماكدر اتقبل اني ما اتقرب منچ وانتي صرتي الي

ـ اهووو رجع لسالفته بابا لاتتخيلل يصير هالشي بسس اتذكرر شلون عقدللنة السيييد وراح تعرف كمية القررف الاحس بيهه تجاهگم

ـ اوك اووك لاتتعصبين بالنسبة الي قدمتلچ الحل..

واذا تريدين طلاك وبس هاي هية تطلع نورة من المستشفى ومن ارجع اطلقچ وارتاحي  ومستعد اتتحمل كل المسؤلية وياچ مستحيل اتركچ

،، الجو حار
ادخل اسبح واغير ملابسي واروح لنوارة.. تحبين تجين

ـ اي لان ضوجه هنا اهلي ملتهين بعرس سلمان

ـ ههه هسة ديدخل دنية قابل يكابلچن ويكعد

ـ يعني شنو يدخل دنية انوب

ـ مو اكلچ بعدج طفلة..

جتفت ايدي ورفعتلة حاحبي.. اي وشتريد

ـ يدخل دنية يعني يتزووج الليلة الحمرةة ياحلوة

ـ احترم نفسك حلوة شنو

ـ يابة جگمة

ـ عود شنو مسوي نفسك دمك خفيف

ـ اي غير خابطة مي وشكر..

غمزتلهه وكمت للحمام دخلت لكيتهه غاسلة ملابسي وملابس نورة وشارتهن بالحمام طرت من الفرحه حسيت بدت تتقبلني..

سبحت وغسلت ملابسي بيدي وعلگتهن ماريد اثقل عليهه وطلعت لابس البنطلون وباقي بالفانيلة.. وحاط الخاولي على رگبتي
.. اشو ممبدلة؟ شنو متجين قلبتي

ـ وشتريديني ابدل هدومي وانت ويايه بالغرفة بلة طلعت من الحمام وشفتي ابدل؟

ـ هههه تفكير ماسوني.. غير چنت اسبح يعني اقل شي عشر دقايق اتأخر

ـ لا عيني اطلع برة حتى ابدل هيج أمن

ـ امري ال الله.. لبست التيشرت وعلگت المنشفة.. طلعت الشحاطة ولبستهه احس رجلي انكبست من الحذاء مشطت

-طالع انتضرج برة.. طلعت وسديت الباب وبقيت واكف برة الغرفة

المشكلة اكو موضفين خدمة سيرفس روم كل شوي يشوفوني واكف برة الغرفة ويضحگون حسيتهم يعرفون مرتي شاحتتني..

بدلت وخلصت وفتحت الباب خابرت اهلي وكلتلهم رايحه للمستشفى وتسالامنة..
نزلتة بالمصعد وصلنة المستشفى

دخل رعد ودخلت وراه على كيفي سديت الباب وطلعت كاعدة نوارة بس لازم اتحذر وماحجي شي عن عمليتهه بعدني مادخلت يم الباب ورعد حضن نوار

ـ واخيرا اجيت

ـ جنت اسبح والطريق شوي ازدحام

ـ ديحجون اثنينهم ووصلت يم سرير نوارة وسأل رعد

ـ وين مرتي رعد ليش ماگو

ـ اثنينة انصدمنه من هالحچاية رغم نعرف بيهه طبيعية بالنسبة الة..

رعد سكت ماجاوب وانا اتقدمت عليهه وكلتله.. الحمد لله على سلامتك....

-اشلونچ مرتي

كنت أتمنى شخصاً يلاحق تفاصيلي الصغيرة , أن يستمع إلى أغانيّ المفضلة ويفهم المغزى من حبي لها , يشاهد الأفلام التي أحبّها , أن يلاحظ حتى تعليقاتي السخيفة ومزاجي المتعكر , أن ينتشلني من نفسي قبل أن أغرق.

#يتبع