رواية عشق المومنين(أبناء الساده) الفصل الثالث وسبعون 73 - بقلم نازك الحمراني

السلام عليكم...لاتنسو اختي من صالح دعائكم...

-
-إذا اجتمع العشق الزوجي مع العشق الإيماني ، كانت الحياة الزوجية جميلة جداً

صاحت ام سلمان

ـ يمة سلمان ارجع انا افتح الباب..

ـ شسالفة يمة قابل شگو لاتخافین
فتح الباب وصفن ثواني بمگانه بعدين

گال..
اهلا.. اهلا وسهلا ياهلا بيگم تفضلو

ـ معرفنة منو بالباب بس دخلت مرة لابسة اسود من فوك ليجوة ووشايله بيدهه جنطة مال لحاف لونة اسوود فاحم
دخلت للحديقة وية رجال شوي چبير بس كلش يشبه عمو ابو سلمان

خزرتني المراه بغضب وعبالك روحهه گاشة مني استغربت ليش هيچ تباوعلي ..ماحچت ولا گلمة
بس خلت ايدهه على حلگهه وسوت روحهه تهلهل

بس مو هلاهل عبالك عياط مثل صوت البزون من تنوح وانا گلش اشائم من هالصوت
صوتهه خوفني خليت ايدي على اذني ..

راسا كمزت عمتي ام سلمان ووراهه البنات وصرخت

ـ ام افنان!

باوعت لعمتي تك عين ورفعه حاجب وحجت بنتر..

-اي عيني ام افنان ليش مستغربة چنچ شایفه ملك الموت

ردت عمتي

ـ لالا يمعودة ليش نستغرب احنة اهل...

ـ شنو تبقوني واكفة بالباب..
اااداخل لوو ماااتحبون نجي انبارك

اتقربت عمتي  علیها اتباوسها

-لااااا الحبیبه بلعگس البیت بیتگم وسلمان ابنگم

-اذا اابنة لیش تفاجا ولسانة نعگد من شافنة

-لااا خیه مووو لان عزمتچ ومااجیتی متخيلنة تجين بعد..
زارتنا البرگه خيتي ياهلا بيج

-تردیني اجي العرس وانا بنيتي جوه التراب؟
اصلا ألكل عرف ودرى بعد مادفنت بنيتي  تحرم عليه الاعراس وو الخطوبات والافرااح
بس العزا والمصاب اركض عليه عااااااد افرغ وجع گلبي بموتت بنتي

-الله يرحمها

اشر اليه سلمان بعينه اگوم
گمت اسلم باوستها.. بس هي جانت گلش باردة وياية
باوعتلي برفعت حاجب

ـ هي هااي عروستكم

ردت عمتي
ـ اي عيوني بنيتج الثانية هاي غفران

ـ بنيتيي شنو..
انا ماعندي غير افناان الاخذتوهه مني برمشة عيين

،، اشوف امي محتارة مدتعرف تحجي وخواتي ساگتات يباوعن بالوجوه غفران وامهه مستغربات

ـ الله يرحمه يا مرة عمي

- يوو شگد فررق بيناتهن عييني ترى بنتي افنان احلى واجمل،وانزك وخشمها زغييرون چنهه لعابة عاب گلبي عليهه راحت وماتهنت بشبابهه وجمالهه

،، كلش استغربت من حچيهه لاتعرفني واول مرة تشوفني وهيچ تذبلي حچي بعد سنة شتسوي بية..

وگفت امي لزمت ايدي حيل لان عرفتني من وجهي النگلب احمر تعرف بية لو بيدي  اتعارك وياهه بس مو مال عركة عيب

گوه لازمه نفسي گلبي راح ينفجر اريد احچي وافرغ حركة گلبي بيهه حتی ولو بكلمتين..
تقدمت عليها لزمتني امي من ذراعي گرصتني  سكتت وبلعت لساني

راسا ردت ريام

ـ ووووووچنتنه الجديدة همييين حلوة يا مررت عميي شبيهه اشو جمال واخلااق

ـ ها تحبوهه لجنتگم

ـ وليش مانحبهه يامرت عمي خوش بنية وحبابة

ـ سودة عليه ليش بنتي هيج صرتو وياهه ليش الكل صار ضدهه

ـ الله يرحمهه راحت لدار حقهه بس منو چان ضدهه شتقصدين

ـ شأقصدد ليش چان يخونهه ابنگم لو مااا ابنكم يخونهه همين تحررك روحهه سوودة عليية بنيتي شسويتو بيهه

ردت ام سلمان

ـ ليش ام افنان اليسمعچ شيحجي شسوينه ببنتچ بلة ومنو گاااااااال سلمان چان يخونهه آبني يخاف الله وعمررررره مااااسوى الحرااام

ـ المرة گلبهه دليلهه وبنتي حساسة ومو غبية لو ماشايفته يخونهه ماچان غارت عليه ومو اله حرام اگووو متعه یتختلون بیهااا

ـ  يا ام افنان شبيچ شغيرچ على سلمان مو چنتي تحبي حتى بعد وفاة بنتچ حضنتي وبچيتيي يعني چنتي تعرفين بي بريئ  ليش هسة تتهمي

ـ لان اااااابنگم نسة الچانت تحبة وموتت روحه علمودة وتالي راح عاش حياته..

ردت ريام

ـ وولو مو وقته هالحچي بس محد ظلم افنان غير نفسهه  هي ماااااااااعدهه ثقة باخووي وگلش زين تعرف سلمان ميدور نسوان بخت بالحلال وماقبل يتزوج گوة انوب بالحرام

ـ لو شما تحچيين مستحيل چنتكم هاي تحب اخووچ مثل بنتي

ـ حتى لو متحبة ااااااااهم شي عدهه ثقة چبيرة بزوجهه متبقى تشگ بي وتگرهه بعيشته

گفت عبايتهه ولفتهه عليهه ونفخت روحهه..

- هاااااشنو معنى كلاااااااامچ بله آحتى بگبرههه وتحچوون علييه المظلوومه ليشش

ـ شنو ليش مرت عمي منو جاي على افنان منو جايب سيرتهه بالموزين گل فترة نذكرهه ونطلع الهه ثواب وبسنويتها نطبخلها ونوزع لروحهه وانتي كلش زين تدريين ليش هالحچي

زمخ سلمان

ـ كااااآفي ريام

ـ لا والله ما ااااااااااسكت قابل شعدنة عشرة غيرك هو هالواحد وصارله سنين مترمل و ميقبل يتزوج وكلهه من سنين عمرة راحت

گامت على حيلهه ام وفنان و التفتت على سلمان..

-وانت یاسید زماااانك  بسرررررعه نسيت المظلومه هيچ ركض ركض وگ لو انت الميت چان موتت رررررررروحهه وراك گد متحبك بس طلعت صدك متستاهل

دنجت استغفر ربي ورفعت راسي بهدوء

ـ ليش عمة شغيرچ لیش اااااااطعنین بیه  وانتي تعرفين اخلاقي موووووو چنتي تحبيني گل هذا لان تزوجت

ـ اي لان أتزززززززوجت.. نسيت حبهه و جمالها واخلاقهاااااااا
الماااگو منها اثنین

-ونعم من تربیتچ
ولو ماخلوقه‌ مااختارها زوجه لان هاي مباديء قوانين شريعتنه الاسلاميه الحقه (اختارو لنطفگم)یعني زوجتي غفران هم ذات دين وحسب وخلق وثقافه عاااليه 

ردت ام افنان..

ـ ليش لااااا اانت صاحب السان وصاحب اللسان غلاب يغلب اليمة بالحچي.

لزمتني امي من ايدي وهمستلي

ـ گومي يمة حچي عائلي بيناتهم

ـ شلون نكوم شنگلهم

ـ من رخصتكم.انتو اهل اخذو راحتگم

رد سلمان

ـ وانتو هم صرتو اهلنة عمه ماگو غريب

ردت ام افنان

ـ ها يسلمان.. بهالسرعه سويتهم اااااااهل وخليت راسهه براس بنت عمك

-متحملت حچيهه تحچي حچي مثل سم اخذتني امي بدون متحچي تجرجر بیدي تسحبنة منهم  دخلنا الاستقبال بقينا وحدنا 

-تری ذووول بيت عيالچ مو بیت اهلچ اللسانچ لمیه وجدامهم لا تفلتي وبادب  جادلي الیحاچیچ

-شفتیها تهزز ایدهااا وتحچي ويايه

-ميخالف يمه شفتيهم محد راضي عليها...

ـ سمعتي ريام شگالت

ـ شنو شگالت

ـ كالت گوةة اتزوج اخوهه يعني گوة اخذني مایحبني موووو شدگولین

ـ گااااااااااااافي غباء لچ عفتي كل المدح المدحوچ بي وچلبتي بهالحجاية صخونه

-هااا علیه یمه

-ووچ وغمه بالچ علی نفسچ والله البیت وحشه بلیااااچ

-لیش وحشه ارجع ویاااچ وگان الله یحب المحسنین گلشي ولا تستاحشيني يمة

-مااايصيرلچ چااااره هسه اانا رايحه طالما ابوچ طلع برة
صدك گملتو لو لا؟

ـ شگملنه هاااا

ـ شو ها شنو صاير

ـ اي اي گملنة  یمه خطية ابوية وعمي وابو فنان بری بقو

ـ همزيییین مادخل ابوچ وسمع هالحچي.. يلة بنتي مثل ماوصيتچ

-شنو وصیتیني يمتى

-خرب امچ وووچ رررایحه

ـ الله ویاااچ

ـ ديري بالچ علی نفسچ وعلى زوجج وداريه خوش زلمه رچلج
لاتعانديه ادري براسج اليابس

-خرب بلحظ توصبني اني عليه دروحي وصي عليه

_مايحتاج اوصيه مبين من عيونه شلون متلهف عليج لا انتي وجه نش ذبان

_هاي انة دبقي  شوي بعد یمه

-ابوچ مستعجل يابنتي يلة انا رایحه مثل ماوصيتج

رجعت امي طلعت  سمعتها كالتلهم مع السلامة وطلعت اني  ووراهه زتنها البنات وعمتي وصلنها للباب..

اسمع كلام سلمان وية مرت عمة گلش بادب
رجعت ريام وعمتي وريمة شافوني يم الدرج وكافة بقن يچن ويايه ويكللي لاتهتمين لحچيهه نفسيتهة تعبااااااانه من موت بنتهه

ثواني وطلعت ام افنان وشافتنة يم الدرج واگفين

صاحت
ـ ياااااااااااا ملتمين على جنتگم وعايفين ضيفتگم!

،ردت ام سلمان

ـ لا عيوني  وصلنة ام غفران للباب وستونه دخلنة

اتقربت ام اافنان يم الدرج وباوعت فوگ
هي هم هناك غرفتچ

ـ اي خاله فوگ

ـ دهاچ هاي هديت عرسچ ماااگدرر اصعد

ـ ااخذتهه گوة وكلتله..

- شكرا شگرر لیش گلفتي نفسچ

ـمااااگووو تکلفه لان  أحنة نوجب العالم بس شنسوي للميوجب وميحسب حساب العشرة

الكل سكت ومحد جاوبهه
رمت السلام وطلعت. وراحو

ردت ريام

ـ صدك چذبب شهالقابلية عدهه بس علی هذااا الحچي مالتي  مااارح تجي بعد بس عمي المسگین واگع بیهااا

رد سلمان
ـ تری حقهااا أم مفجوعه بموت بنتهه

ـ وتجيب هدية لحاااف ااسوود اااسودد

ردت ريمة

ـ بي مغزة ومعنى هاللحاف

اتقدم سلمان واخذ للحاف مني

ـ هذا اخذة ابيعه وشكد متكون فلوسة حتة لو خمستالاف اتبرع بفلوسه للايتام

ردت ام سلمان

ـ اي يمة شؤؤم للحاف اسود هدية عرس شكلتي لروحتچ يا ام اافنان

،،،  مرت السالفة ع خير

صار اليل ونفس العذر عندي وماتقربلي بس خطية چان ينگت ويضحك ويايه ومن يطلع اصلي

البنات رجعن لبيوتهن وبقيت وية عمتي

نزلت تالث يوم ورابع يوم اشتغل وية عمتي بس حلفت ما اشتغل
كلتلي

-ماعندي شي كلشي جاهز وطبخت
بس استحيت ابقى هيچ كاعدة
لزمت وصلة مسح غركت بيت مي  وكمت انضف امسح.شافني سلمان و اجی یمي  يساعدني حبيت موقفة من ينضف  ويايه  ما يستنكف ولا تعالة بالعكس..

مو بس مايستنگف وجهه دوم مبتسم او حتی لو مو مبتسم المهم ماتشوف ال ضوجه والحزن بوجهه تناوعت اله

گال

-هم گولي

-لااااا تردين تحچين بس ساگته

-لاااا بس هیچ اشوفك عندك مشاگل وقلق وتعب وانت ابد ما تذمر مثلي ليش

ابتسم لازم الماسحه وتناوع اليه

-اذمر واحزن وانقهر استحي والله

-ليش تستحي من الحزن والقهر ماهو احنه بشر هاااي طبيعتنا

-اي طبيعتنا لكن گ مسلمین ونقراء القرأن
ونعرف أن گلشي يجرى علينه من رب الگون فا ااستحي أحزن لان رب العالمين امرنا بيدنه وهو ارحم الراحمين اي شي يصير يااما اختبار يااما بلاء لتخفيف ذنب
وثنينهن رحمه النه اذا مو بدنيا بلاخره

درت وجهي خجلت من حچيه

قال: أستحي أن أحزن وأمرييد الله.
لازم الماسحه وانا امسح نضفنة الاستقبال والهول والمطبخ ولو نضيفات بس گشة على السريع طلعنة برة للطرمه نطاني الصوندة وكلي رشي مي وهو يمسح بالماسحه
من يندار اباوع عليه اتأمل طولة وعرض جتافة وجسمه بس احسة يريد يتلفت انزل عيني

شكلة حلو وسيم ومتفهم وعقلة چبير معقولة القدر ضحگلي لو القدر يضحك عليه خايفة لا اتعلق بي واخسرة..

تعوذت من الشيطان  استغفر
خلصنة ودخلت اسبح طلعت من الحمام دخلت الغرفة شفت سلمان كاعد بلعت ریگي..

ـ تعبتي اليوم

ـ لا..  بالعكس الشغل خفيف

گام من مگانه واتقرب علية حسيت راح انكبس هالمرة ويريد يگمل سالفتة...ویا طلابة السالفه الماتخلص

همس

ـ ماخلص العذر الشرعي

ـ لـ.. لا

ـ طيب شوگت تخلص

ـ دنجت راسي خجلانة منه

ـ حبيبتي صرت زوج وعادي هالامور تنحچي كدامي

ـ ااريد ابلع ريكي ما اگدر حسيت غصيت وعیني دمعت من الغصة

ـ اسم الله اسم الله..

جر كلاص المي يمي ونطاني ياه..

-ليش غصيتي..

ماحجيت كوة شربت مي

ـ لاتخجلين غفورتي احنة واحد

ـ هزيت راسي يعني اي

ـ ماگلتيلي شوگت تخلص

ـ بـ..  بعد مو اليوم

ـ ليش آگو يوم دورتج

ـ عفية والله استحي

ـ مابين المتزوجين خجل ومن حقي اعرف ياعمري شگد اطول دورتچ اليوم رابع. يوم ع زواجنه

ـ هو.. 7 ومرات عشرة وتدري مرات بقى اكثر

ـ عشرة شنو هاي استحاضة يسموهه..  اذا هيچ دتحتاجين طبية يعني

ـ ها.. اي.. لا مادري.. الله كريم

ـ ههه تمام.. 
تحتاجين اجيبلچ حفاضات شي

ـ بيدي كلاص المي همزين ماشربت منه لان بحچايته غصيت مرة ثانية ممتعودة احد هيچ يگلي خصوصا رجل لا ابوية ولا اخوية..

گحيت واشرتلة بيدي يعني لا والتفتت عنة ضحك وراسا طلع من الغرفة شربت شوي مي ومسحت العرك بگصتي كعدت اتنفس شوي

اتاخر ربع ساعه تقريبا نزلت سالت عمتي عن سلمان

گالت

-خابرة صديقة وطلع

فرحت لان طلع توضيت وصعدت لغرفتي اصلي بديت بصلاة العصر وانفتحت الباب ما اكدر اتحرك بالصلاة  والتفت اشوف منو خلصت گوة صليت سلمت وحتی ماقریت زیارة عاشوراء ولا سبحت تسبيح السيده

گمت  لميت گلشي‌نزلت جوة شفت باب السطح مفتوحه مديت راسي بفضول اشوف منو طلعت عمتي دتشر هدوم تنفست الصعداء عبالي سيد سلمان شافني

طلعت اشر ملابس وية عمتي اساعدهه شلت السلة ونزلت شفت سيد سلمان
بالاستقبال يم ابوه
گعدنة شوي سولفنة وخصوصا عمتي كل سوالفهه عن الماضي وعلاقتهه باهل زوجها وشلون سيد سلمان چان شالع كلبهه لان وكح

صار العشا گمت وية عمتي حضرت احنة تلث نفرات مو هواي ناكل وعمي نسويلة شوربات خاصة اله وسوب

گملنه غسلت المواعين عمتي اتمددت يم عمي بالاستقبال وسلمان فرش السجادة بالهول وگام يصلي المغرب

استغليت  يصلي صعدت بسرعه لغرفتي صليت المغرب والعشا ومازرت زيارة عاشوراء

وعرفت الگذب بدى يحرمني من زيارة عاشوراء ومن تسبيح السيده

لميت على السريع گعدت علی الچربایه اسبح بيدي السبحه الالكترونية

شوي ودخل سلمان.. 

ـ ها غفورتي  تعبتي هاليومين

ـ لا قابل شدسوي خطية عمة گلشي تشتغل متخليني اشيل كشة

نزع سترة التراكسودة وبقى بالفانيلة وبجامه التراك.. 

آجى كعد على الچرباية يمي..  ارتبگت من هيج سوة رغم صارلنه اربع ايام متزوجين بس هذا عقلي شسوي

اتقرب عليه مد ایده حضني وبدة يلعب بشعري حسيت حرارتي ارتفعت وجسمي اتشنج
احاول انهزم منه ماگو فايدة

قرب راسة على خدي وشفافه تنزل بهدوء لرقبتي راسا كزكز جسمي اانهزمت گمت من يمة وگفت يم الجرباية

ـ ليش انهزمتي

ـ مو..

ـ لاتخافين بس سلميني نفسچ صدگيني متحسين بشي

ـ اهز براسي يعني لا بس لساني مشگل ماكدر احجي
مو.. كتـ

ـ لاتستحين غفران
اول وتالي هي براسچ ولازم تتصير وتتم مو اليوم باجر بس ليش نأخرهه

ـ مو كتلك علية الشمسة

من حجيت هيج اتحول شخص ثاني دفر الكلاص الپان يمة على الگومدي لبس شحاطة وكف رافعلي حاجبة
استغربت عصبيتة وخفت منه بنفس الوكت كأنو ماعرفة هالشخص مو سلمان

ـ كلشششششششششششششي ياااغفراان اتقبل
الاااااا الچذب

ـ
طگیت خدي يعني هووو اجى اليووووم عرفت درة بية يمگن عمتي شافتني لو هو شافني عزة بعيني شراح اسوي

گتله

-ممچذبه

رفع ايده

-اااااااشششش اشششششش لااااتوگعین
نفسسسچ بچذبه ثانيه بسببي وتحمليني ذنبببببچ

-هااااا شلون یعني

ـ انااااااااااادخلت لكييييتچ اتصلين الضهر ماحچيت ولا نطقت طلعت وسديت الباب ورايه

والمغرب كذلك صليت فرض وصعدت الچ لكيتچ تصلين يعني انتي نضيفة وتچذبين عليه وگلشي ممكن اتقبل الا الجذب يااااااغفران..

بقى يحجي وعصبي عليه ماكدرت انطق بگلمة وحدة احس لساني انعگد اني اللساني يهلهل بگل شي واخذ حقي ثالث ومثلث

يم سید سلمان مگدرت انطق صح الحق وياه بس حتى گملة مني ابرر لنفسي مگدرت احچيهه

-بس انه

-شني انننننتي طالما چذبتي عليه نزلتي من عيني للاسف والله بنيتلچ صوررررره مثاليه بخيالي واتمنيت متشوهيه بس صار العكس..

حچی  هالكلمتين وطلع من الغرفة
صار الليل واني لوحدي فوك ابچي اندب حظي ليش هيج سويت 
نزلت جوة لگيتة نايم بغرفة خواتة باوعت عليه غاط بالنوم وعلى صدره گتاب(دستغيب))

مرت يومين  وهو ينام جوة  حتى گلامه قل وياي
اجة يوم السابع بس  ماسوينه حفلة بس اجوي الاقارب واخواته وامي..

وعقيلة دازة هداية السبعه بيد امي ما اتأخرت لبست نفنوف ابيض وبيه سيمه ذهبيه وحجاب ابيض وطلعت

استلمني خواتة فرحانات ويهلهلن ساعه يحچن عن ليلة عرسهن وشصار بيهن واني صافنة عليهم مخترعه.. 

خفت بزايد عزة بعييييني هيچ راح يصير بية اني هم.. 
انوب جزت نفسي اكثر من سلمان من الخوف..

بنفس اليوم رن نقال سید سلمان طلع المتصل سيد مهدي السبیگر عالي كال

-السلام عليگم

-وعلیگم السلام عدیلي

-معزومين انت واخت حليلتي على الغدة باچر  تتفضلون يمنة..

اندار سید سلمان شافني وگفه ردت احچي گام من یمي وطلع خارج البيت

بين ماساعدت عمتي ربع ساعه صعدت الغرفتي لزمت النقال اخابر عقيله اريد اعتذر منها مانجي لان سيد سلمان زعلان

فتحت نقالي لگیت مسج بلواتساب فتحته من سید سلمان گاتب

-السلام علیگم اتحضري باجر معزومين يم اختح ع الغدة.. 

شمرت النقال حتى ميريد يشوف وجهي ولا يسمع صوتي دزلي مسج

ثاني يوم الصبح دز مسج كاتب

-'يله جهزي نفسچ اختچ وزوجها منتظرينه

فرحت بسرعه بدلت نفنوف لون زهري،وشال افتح منه باربع درجات نزلت لكيته لابس قميص اسود،وبطلون اسود وحذاء لونه جوزي يلمع وجاي يلبس الساعه يتانق بلبس الساعه گل مره لون

تتاوع الیه البسي وانا گاعده عیونه الحذائي الاسود ماحچى شي طلع طلعت وراه رحنه ألبيت عقيلة وصلنه دگینه الباب اول دگه فتح‌النه سید مهدي

سلمنا

-السلام علیگم

-وعلیگم السلام

_ياهلااا بلعرسان نوررتونا برجلگم الیمنی دخلو دخلت جوة بقی یسالم ویه سید سلمان دخلت

تلكتني عقيله

-تعااااي مشتاقه الچ اشلونچ

-انتي اشلونچ انه اكثررر وچ وجهچ مورد
هااااي گله من العزال

-اي والله راحه مابعدها راحه شسولف الچ یاغفران الحد الان ممصدگه اعیش في يوم هيچ استقرار وهدوء

-الله يديمها

-امين  مو بس هيچ جاي انه اطلع للمارگت وحدي واسوق وحدي وحتى سيد مهدي هاااي مرتين يخابرني اجي للمستشفى حتى ارجعه للبيت بربچ تتوقعین هیچ یصیر ویایه

-لاااا ابد الله یدیمها علیچ همزین فگیتي من ام عااامر وقهرها ونگیگها

-هوو فگیت بس

-بس شنوو

-ذاك اليوم گاعده وحدي الجهال نيمتهم صارت ١١لليل والسيد ماگو سمعت طبطبه بلبیت طلعت للطارمه ملگیت احد

-یاااا بس لا جن بیتچ

-لاااااا ولچ الباب انسد حییل مال گراج

-قصدچ حرامي

-الحرامي يبوك

-يعني منباك شي

-ابد حتى الماطور على حطته

-منو اذا مو حرامي

-ماادري بس انه كل يومين اكنس الحديقه بماطور الشفط والگی ورقه مثل طوبه وافتحها والگی ورقه بیها ورقه ثانیه وگلها ابر ناعمه ومگسرر مگتوب بیها موت موت فراق فراق ومگرر اسمي واسم جهالي نطيتها ااسيد مهدي  اخذهاالجده وبطله

-زين معرفتو منوو

-لااااا معرفنه بس من سولف الامي كالت يجوز ام عامرر

صاح سيد مهدي بهدوء

-ام علي يله معازيمنه جاعو ماي ضيفناهم
وعصیر وشربنا  الغدا

-صار سيد

حضرنه الغدة انه وعقيله جايبين سمچ من برة شوي عقیله  مسويه برياني دجاج
ومرگة بانيه فواک وگاستر وزلایط انواع

گملنه كلشي وكعدنه ناگل یباوع على سيد سلمان مااخذ
راحته وية سيد مهدي وجن يعرفه من سنين

حتى من شفت سيد مهدي شلون يحاچي ومتعجب بيه وبگلامه ومعلومته

من يمي نبهرت بيه واخذتلي صفنه عليه شافني اباوع تبسم دار وجه  دنگت من فشلتي

كملنه غدة وصبت چاي عقيلة الهم بلستقبال آجت يمي

گالت

_هاابشرررري مانفگت عقدة

_لااااااآاا بعده ينام جوة ومعتگف ومطنشني

_صوجچ غفران انتي من سولفتلي ذاك اليوم بلمخابرة مارضيت عنچ

_شسوي ماتگوليلي والله انه ادري بتصرفي  بي نتائجة مؤذية الي اكثر مما الغيري خطأي الفادح ولي ناقضت نفسي وعقيديي وايماني اني ماسلمت امري لله

-ووووچ‌ موو خاف یهج‌ منچ

شوية  رن نقالي فتحته سيد سلمان دز رسالة كاتب( يالة عندي طلعة))

گمت گلت العقيلة

-غير مرررة نشاووف

طلعنا وتسالمو

سيد مهدي  ابتسم

گلي

-شوفي يااخت حليلتي  التوفيق  معقود بالنية السليمة  وصاحب النيه الصادقة ترجع نواياهم  عليهم بالخير الوفير ولو بعد حين..

-اشگرك ابو علي

-شوف سيد سلمان اخت حليلتي وحتى حليلتي مانجرفو ورى  موجة  تغيير موديل العباءة لان هاي العبائه الزينبيه الي يحبّها الحُسين بدونها ماتگدر المرآه دخول صحنه فكيف تريد‌المرآه الدخول لقلبه؟

ولان اعرف اخت حلیلتي من ام علي انت اخذت نعم المراه الي راح تگون الك سند

رد سيد سلمان

-اشكرك سيد مهدي وانت الگعده ویاااك راحه نفسيه چنت اسمع عنك لگن تبقی الحقیقه مبهرره لان سبب تمرد الشباب الاشوفهم بشارع اتوقعت اندثار الشباب المهدویه

-بلعگس سید سلمان رغم اعدادهم قليل
ورغم المُعاناة التي يعيشُها هذا الجيل في المُحافظة علىٰ إيمانهِم صعبة للغاية.
لگن روح بلخمیس للمراقد راح تسمع أنينَ عاشقي يوسف الزهراء ألكل يبچي، حتى لو أذنب،  حتى لو عصى،
كل الزائرین حين يذكر أسم صاحب العصر والزمان تعتصر قلوبهم ألماً لغيابه، ولگل یصبح متی تظهر يافارس الحجاز

جاوب سيد سلمان

-سيظهر عزيز الزهراء وسيملأ الارض عدلاً وقسطا بعد ما ملأت ضلما وجورا

-امين يارب بس وين رايحين مو بعد وگت

-عندي شغل وقبلها اريد انروح للزياره انه وغفران

-الله يديمگم انشاء الله عيدوه هاي زيارة حيل تونست ويااك

تفاجات من گال نروح للزیاره طول الطریق لازم السبحه ومایحچي وانه ام اللسان جدامه ساگته ارید اعتذر عن چذبتي وذنبي خطأي الفادح ولي ناقضت نفسي وعقيديي وايماني اني ماسلمت امري لله  لا انه مسلمه امري لله بس ليش تصرف عكس هذا شي

خليني مااحچي وياه ومبتعده عنه ماگدر خوف لفقدان مسيطر عليه الكل يعوفني بطريقة مفجعة اذا مو بارادته مثل عقيله من زوجت وترگتني فبارادت الله من مات اخويه واستشهد عباس الله يرحمهم

وصلنه بين الحرمين ازدحام گال وعینه للقبه
إنَّ مَحبَّة الحُسَين عَليْهِ السَّلامْ تَنفَذ حَتى فِي قَلب العاصي، إذا رأيتَ قَلبك قَد مَاتَ فأذهَب إلى الحُسَين عَليْهِ السَّلامْ.

نصيت راسي اريد ابچي همي وحالتي ورهاب الفقد الجاي اعانيه رفعت ايدي
ادعي ((بقَلبي المُتعَب جدًا، مولاي يا أباعبدالله أجبر هذا القلب))

التفت على ابا الفضل((السَلآمُ عَلىٰ حَبِيب الحُسَين وَ عَضِيده))

صرت ورى سيد سلمان وهو يقراء الزياره
بين الحرمين بقينا خمس دقايق تالي رجعنا للبيت وهو ساگت بس یسبح بسبحته وانا لازمه السبحه الالگترونیه

دخلنا للبیت  گال الامه

-حبیبه طالع بشغلة اشوف للمحل محتاجه شي

-سلامتك ربي يحفظك

مر اليوم العشرين  وهو يتجاهلني ابد ميباوع بوجهي ولا يحچي ويايه رغم شكد اندگيت بي واخلي الاكل جدامة وافلسله لحم وانطي بس كانو مموجودة يمة
عمتي تسالني مادري شجاوبهه اضل ساكته

جنة كاعدين على الغدة وكالت عمتي

ـ يمة ليش صارلك عشرة ايام تنام هنا.   بالبداية ماردت ادخل كلت رجال ومرته بس صارلك فوك الاسبوع ليش شنو صاير

ـ يمة قدرچ عالي یلغاليه  بس هالشغلة بيني وبين زوجتي ماحب احد يتدخل

ـ النبي عليه السلام يكول استخيرو واستشيرو يا ابني يجوز اگدر اساعدگم واحل مشگلتكم

ـ اني احلهه حبيبة لا تخلين بالچ بهالامور..
عفتهم وكمت من الغدة

،،،  كام سلمان وبقيت وحدي وية عمتي ماگدرت اخلي شي بحلگي من القهر فد مرة جافاني متخيلت هيج قاسي سالتني عمتي

-بنتي شنو القصة شصاير سگتت مگدت اجاوبهه هو ماقبل يحچي دنجت راسي وبجيت

گالت
ـ شوفي يمة شما صار بين الرجال والمرة بكلمة حلوة گلشي يروح..  اليوم بالليل صيحيلة اتحجيي بأي شي بالغرفة مثلا ثلاجتگم عطلت الگلوب طفى وسحبي من يصعد احضني وشوفي اكص ايدي اذا نزل يمنة بعد

ـ ها

ـ اي يمة  شعبالچ الزواج ميصير ينام الرجال هو غضبان ع زوجتة صح ماعرف شصاير بينگم وما ادري ويامن الحق بس مهما يكون يابنتي انتي حبابة وخوش بنية وهو زينه الشباب لاتخلون الشمات تضحك علينه

ـ صار عمه

اجی الليل ولبست سيت نوم ازرك ستن هو مشتري كل شوي اتختل بالغرفة خاف يصعد وهيچ يشوفني...

اوصل للباب اريد اصيحلة وينعگد لساني
مليت من حالتي
لبست كلابية فوك السيت ونزلت جوة لگيته گاعد يتفرج اخبار بالهول.. 

بقيت افتر يمة ولا عبرني سويت كهوة وجبتلة ولا كأنو شايف بشر...

هاي كهوة

ـ شفتهه

ـ خاف تبرد

ـ عادي

ـ رفع صوت التلفزيون شوي وبقى يسمع هالاخبار اريد اكلة امشي نصعد فوك متطلع من لسان

تالي لبسني وماشرب الكهوة نصى التفلزيون ودخل لغرفة خواته ينام
بقيت مثل الصنم واكفة شسوي مادري
عرفت كلش قافل تجاهي احترمت نفسي وصعدت لغرفتي

وبابا اتصل
هلو بابا شلونك
- بخير  انتي اشلون صحتج يابه
-الحمد الله مشتاقه الكم
-والله الج وحشه بويه اللبيت خالي بلايج مدنكدر نتعود غيابج

ـ والله اني اكثر حبيبي بابا

ـ السيد اشلونه
-الحمد الله
-بويه غفران..
ابو عباس الله يرحمه خابرني گال طلعت حقوق اولیدي الشهيد و لان  چان بوقت جهاده ماگو راتب وهسة سوولهم رواتب وحقوق باثر رجعي استلمنه حصتنه وهسه المرته الدور طلعت حصهة

-انه يقصد..  حصة الي؟

-اي بويه الج..  تعتبرين ارملته

ـ بس

ـ لاتخافين جاوبت مگانچ گتله بنیتي صارت الها حياتها الخاصه وزوجت

ـ صدك كلتلهم

ـ اي يابنتي خو مو نظم على العالم قابل مكسورة عينة

ـ لا مو هذا قصدي..  وشنو كالو

ـ گالي
وحقوقها شلون.. گتله اي حقوق مانريد ولا نريد نفتح مواضيع انسدت من سنييييين تخص عباس الله يرحمه...

گلي خوش بس لازم تجي تتنازل لان تراگمن ومانگدر نستلمهن احنة اله هي تجي توقع يلة ناخذهن حرامات يبقن هيچ

-ليش بويه مو طلعت حقوق ابنهم واستلموهه بحيث شفت صورة بيتهم من الناس دبل فاليوم صار  واخوانه گلهم اتعینو بجاله وبدمة لیش رجعو علیه انوب

- مو گتلچ يابویه تعتبرين ارملته.. انا خصمته وكلتلة تتنازل   اتنازلي لان ماااگو شي يربطنا بيهم بعد ومااريد  اي شي ياثر على زواجچ لان رجلچ خوش واحد یخاف الله ماكو داعي نغثة بهالامور

-یعني ضروري اروح ميصير انت تروح بمگاني

-اي بويه ضروري تروحين وذا السيد ماقبل ياخذچ انا امر عليچ باچر الصبح نروح مجرد ماتوقعین نطلع من عدهم ميحتاج اكثر من نص ساعه

-موووو مااگدر

ـ ليش متكدرين شنو صاير

ـ ها لا ماصاير شي بس سلمان شوي نحس بهالسالفة

-اذا رجلچ مایقبل اخابره احجي وياه

-لااا لا ميحتاج تعااال باچر تلگاني مجهزه نفسي

- خوش من ارمش عليچ طلعي

-صار بابا

-الله ویاچ

سديت التلفون وادري بي ماراح يهتملي ويلبسني مثل كل يوم كلت عليمن اكله واتحمل منيته ويبقى لابنسي يجي بابا ياخذني احسن..

الحظه  بقيت متردده اشلون اصارحه بهيچ موضوع مادري لازم اگلة وانتگل

بس شلون واحنة طول هل ايام مبتعدين عن بعض... رتبت الغرفه..ورحت للحمام اغتسل غسول الجمعه خلصت مددت السجاده
صليت صلاة الظهر وقريت سورة الكهف وسبحة تسبيح السيده الزهراء..قريت زيارة عاشوراء من كملت صلاة الظهر

لبست حجابي ونزلت جوه ادور سيد سلمان وين
البیت مبي احد بس اسمع صوت عمتي تسولف ويه عمي مشيت للديوانيه الباب شبه مفتوح شفت سید سلمان  فارش السجاده وساجد لابس دشداشة بيضة وعرقچینه بیضه طالع جنة ملاك صالح هذا اليسولفون بي

لاغف جوة العرقجينة گذلته اجتي عيوني على محبسه والحلقه زاهيات بيده والله
اصابعه ورديه رغم كثاقة الشعر الاسود بايدة بس ايدة وردية فد مرة..

تناوعت الايدي لعبت نفسي صح بيضة بس اشو مو مثلة وردية
اي وذا ايده اكشخ قابل هو يغسل ماعين يشر هدوم يشتغل مثلنة..
طبعا هم الولد اغلبهم هيچ ایدهم..

من رفع راسه من السجود جفلت ممتوقعه راح يخلص صلاة بسرعة ويرفع راسة الاعرفة يطول بصلاتة

تناوع الي ونزل عينه رجع سحب السبحه
وبقى يسبح مسح وجهه لملم السجاده وكام كعد على التخم

فتحت الباب ودخلت يمة. اتقربت عليه ولا چن بشر دخل يمة..

-تقبل الله
منصي وعينه باوراق يراجع بيهن

-منا ومنگم

ـ بقيت واكفة ما اعرف شلون افاتحه بالموضوع. هو فد مرة لابسني ولا ناطيني وجه..

اتمنيت يحچي كلمة يگلي گوولي احچي شنو عندچ ولا يمة
عاد احترمت نفسي وراسا حچيت بعد شسويلة ميقبل يتصالح..

-خابرني بابا و گال حقوق شهداء مال الحشد الشعبي طلعت... ولان ماايريد يبقى اي تواصل بينا وبين عائله الشهيد  الله يرحمه لازم اروح واتنازل عن حقي لحتى مو گل شهر التقي بعائلته...

ايده ضغطت على الاوراق بقوه  رفع عینه بنظره وحده وماحچى شي ولا گال حرف..
رجعت گتله
یعني انت تروح لو ماتروح ويايه

ضل ساكت ماجاوبني

زين لعد بابا حيجي عليه لان لازم استعجل هو بابا گال اجي عليچ  الصبح بس بسرعه نوقع وارجعچ يعني ما اتأخر..

ماحچى اي شي بعده شايل عليه اجتي عمتي يمنة وگالت

-ها يالله واخيرا تصالحتوو

ـ بقينة ساكتين اثنينة ماحجينة شي

ـ يا صدك تحچون سويتو زعتلكم مثل زعلة الجهال الهه اول مالهه تالي

ـ اني ساکته ماگدر احجي وهو يكلب باوراقة

جاي اطلع عمتي گالت

ـ هسة لو اعرف على شنو متعارگين چان ارتاح گلبي ياا ولدي الدنيا متسووة ضيعتو احلى ايام عرسگم بالزعل وتالي يطلع على شي تافهه
وانتي يابنتي اذا تضوجين نزلي جوه يمنه

گتلها
-عمه  من الصبح يم البنات الحد الهدعش ورحت یمچ ویم عمي سولفنه وحجينة بعد ليش اضوج الله یحفظگم

-سيد سلمان شبيه يمه ليش انتم هيچ بس فهموني

جیت آجاوبها سید سلمان‌

گال
-یمه خل تصعد عندی ملابس فوک تغسلهم..

ـ سكتت عمتي لان تعرف ابنهه ضغطت على ايدي وابتسمت ومشت وعافتنة

گلبي كلش شال عليه هواي يجرحني قابل شسويت صح ضميت عليه وماردته يتقربلي بس مو معناهة يقاطعني ويعتبرني چذابة هالچذب ابيض مو اسود ويجر لمصايب على العموم انطيته خبر بعد شسويلة  عفته

صعدت الدرج بضوجه بوجهي للحمام ردت ابچي لان بعده ضايج مني دورت ملابسة بلحمام اشو
ماااگو اي ملابس

تناوعت للسطح شفت الملابس مغسوله ومشروره هأاااي
اشوگت  غسلهن..

خلص اليوم بين اساعد عمتي وبين الصلاة...

همين نمت بفراشي لوحدي صارت تحز بكلبي هالسالفة ماريدة يتقربلي بس اريدة يمي گمت اگره الغرفة لان مينام بيهه لو ما اخجل چان نزلت نمت يمة على فراش اخته بس الخجل والمستحة التربيت عليه اخذت هواي من حياتي

صرت ادور بكتب الادعية عن دعاء.اقراه و يحنن گلبة علية بس ماگو

الليل صار طويل ومااعرف شنو اسوي
كعدت اصلي واندعي وابچي صح غلطت بس واالله عقوبته اذتني متخيلت هيج راح افتقدة لا اني احبة مو افتقدة

راسا رجعت لوعيي لالا ماحبة افتقدةة لان اتعودت عليه مشاعري مخربطة ماعرف شسوي كل شوي احچيلي شغلة واقنع روحي بيهه

گوة نمت...  يمكن ساعتين وگعدت طالع الصبح..  متوتره بطني ممغوصه فد مره مخليت ورد ماسويته كملت تبديل ملابسي لبست الحجاب تحنگت
لبست الجواریب والعبایه اخذت جنسيتي والنقال بجنطه ونزلت
سلمت علی عمتي لان گاعده بصاله هي

وعمي گالت

-هاااا یمه صباح النور.. راح یجي ابووچ

-لااا گال رمشي عليه واجي يعني بعد شوي يوصل

-شرربي چاااي عااد

-اي اي حشرب گمت یم عمتي صينيه وگلاصات وترمز چاااي صبيت اليه اول

رشفه گتلها

-عااااشت ایدچ چاااي يجنن

-الف عااافيه بنيتي
اليوم جيبي ابوج وغداه يمنة مو تعوفي يرجع البيتكم

ـ ها..  والله مادري خاله اشوف

ـ اي شنو تشوفين غدااااااه يمنه شلون ترضيهه وصل للبيت ويرجع منضيفة..

ـ الله كريم خاله هي خلي تصير ومتتعرقل وان شالله خير

عيني ادور سيد سلمان اشلون اطلع ومااشوفه لااااززم اروح أسلم عليه قبل لااا اخابر بابا عفت الكلاص ورحت للديوانيه شفته لاااابس قميص اسود وبنطلون اسود ويسد الاحزام سحب ساعه لبسها دار خطفت عيني عليه شفته طالع صاگ يخبل صدك يهنيالي بي شگد وسيم...

التفت وشافني دنجت راسي والتفتت باوعلي بخزرة على وجهه

-هااااا‌ گملتي

-اي حخابر بابا يجي ياخذني بعد خمس دقايق

-ابوووووچ ليش ياخذج وانااااا موجود وین رحتتتتتت هااااااااا ياااغفراااان

حچی بضوجه وتوتررر جاوبته برود

- كلتلك البارحه وماجاوببتي  على العموم بعد احسن مااخابر بابا لان يتعب

عدلت عباتي وحجابي عمتي تباوعلي وتبتسم
اول مرة اشوف عمة ام الرجال طابکه وية چنتهه على ابنهه

راح للمراية مال الهول اخذ مسك ومشط شعرة جر عطر وتعطر عبالك عريس ورايح يزفو مو رايح لدائرة ومعاملة.. 

زين هسة اني ليش ضايجه شكو بيهه اذا تأنق..  دمعتي بعيني لان تمنيت يحاجيني

سلم على اهلة وطلع قبلي للسيارة اني هم سلمت وطلعت وراه صعد وفتح الباب وصعدت بالصدر يمة تشغل السيارة

طلعنة للشارع خابرت بابا

كلتلة

-بابا لاتجي السيد ياخذني

'ماشي بويه سلمي على السيد

-وعليگم السلام یوصل

مااكلتلة بابا يسلم عليك لان اگید عرف سديت التلفون وخليتة بالجنطة وعيني على اشارع اتفرج چان ازدحامات وگل شوي توكف السيارة

وبابا يتصل بسيد سلمان ويعرف وين وصلنة ويرد يتصل على اهل عباس
وصلنة للدائرة تقريبا تسعه الا ربع صف السيارة ونزلنة مشينة سوية  دخلنة التفتيش هو للرجال واني للنساء طلعت لكيته واكفلي...

دخلنة استعلامات الدائرة  وسمعت صوت مبحوح يصيح

ـ غفراان

ـ التفتت شفت ام عباس ووابو عباس باوعت لسلمان

كلتلة

- هذول اهله..  اتقدمنه يمهم وسلمان سلم عليهم وهمة ردوله السلام
شافتني ام عباس وبجت 

ـ بالخير يمة

ـ خير ليصيبج خاله

ـ سودة عليه ياوليدي هو الوحيد الخسر شبابة محد خسر مثلة

حچت هل گلمه وضلت تنوح

وانه أباوع عليها صايرة أحوال وكگلشي متغير بيهم لبالي بس بيتهم حتى ذهب لابسه سوارات بعد ليش تتحسر عليه

سلمان اتضايق من هالحجي...  كلتلهه

- الله يرحمه

شفت ابو عباس دمعت عينة حاول يگتم دمعتة ماگدر..  راسا كام يبجي ويكول يابوية ياوليدي ردت تشيلتي لكبري تالي انا الشلتك

هالحجاية كلش اثرت بية ام عباس كامت تشهك وتبجي حصرتني دمعتي يعني مستگثره علیه ازوج وهيه  لدها بخير الشهيد متمتعين

القهرني ابو عباس يبچي بحرگه علی بچیه لزمتني ام عباس اجت توگع بلگاع لزمتها جرت ایدي وانا وياهه ثنينه من قهري على نفسي ولان چذبت على سيد سلمان وماعشت وياه گ اي عروسين
نزلت دموعي وهية تنوح

وتكول أالموت ياخذ بس زين

من گالت هیچ وگفت مسحت دموعي وهذا وقتي بعد راح اصارحه واگله احبك واعتذر

التفت السيد سلمان حسيته بعد الصار اتغير اكثر وصار شخص كلش جامد
اتأخرنة من ساعه تسعه للحد هدعش ونص بين يصيحون باسماء الارملات والطابور طويل على گد البصرر وگل هاي الجهال الهنا ايتام والنسوان ارامل والامهات ثگلی

امسح ادموعي وارجع ابچي على نواح الامهات الى ان هواي اتأخرنة

وقعت وبصمت تتازل الى ان خلصنة تسالمنه وطلعنة

صعدنة السيارة ومانطق سلمان بحرف
طول الطريق ينفث غضب وعصبية ويضغط على الستيرن عصبي على الشارع اي شي كدامه وده يتعارك وياه

الاول مره اشوف يصيح على  سيارات اثنين  بعلو صوته

-هاااااا ماتشووفوون ولگم لو سواق جدد
تصايح وياهم صح ماوگفو بس بالطريق اتلاغو لزمت گلبي من الرعب..

اتناوع للطریق شو مو بیتهم مااخذني الطريق بيتهم هذا الجسررر ياخذني على طريق اهلي نزلنا الجسر وعبرنا شوارع قبل لا نوصل التقاطع يروح الاهلي وگف السیاره بقوه عدل الگیر التفت علیه

بغضب وعيونه حمر متعصب حتى خصلة من كذلته تحرگت گد ماعصبي

گال

ـ طوووووول هاي الايام وانتي تتعززين عليه باول ايام زواجنة چذبتي
وبالچذب ما اجيتي واعتذرتي

اتحملت اهمالچ الزوجي اليه
وبقيت ساكت ومتحمل رغم بالشرع هالشي حرام وحرمته عليچ انتي مو عليه

اشوفج تضحكين وتسولفين وية خواتي وامي
وبالتلفون ضحگتچ عالیه وية اهلچ وممهتمة لمشاعر زوجچ ابدا
فقط لان چان رايد حقة الشرعي منچ

ايام نمت جوة وماهتميتي ولا دزيتي حتى مسج تعتذرين بي وتگليلي اصعد اشتاقيتلك

دمعه مانزلتي عليه ولااااااا اهتميتي الي
وتالي بس شفتي اااااهل المرحوم عباس انهاريتي بالبچي

-بسسس

-واخیررررا سمعت صوتچ الیه یاااغفراان
هذاااااااااااااا حدي وياچ بعد مانتراهم
لان گلشي انتهة بيناتنه يابنت الناس وكلمن يروح بطريقة..

شعور لايقال واذا قيل لايفهم
يخسر الانسان مره ويبقى خائفا..خائفا دائما
كيف للمرء ان يعيش بدون تفكير  كيف يالله وفي داخله الف شعور سيء
ابكي كثيرا واتعثر دائما ولكني لازلت قائما احارب افكاري التي ستقتلني يوما ما
واني متعبه تعب الروح المهلكة التي من كتمانها تمزقت وتبعثرت
اني انسان لايرغب باكثر من ايام هادئة وقلب مطمئن والايمسة فزع او شك
((الخاطره بقلم غفران هسه دزتها))
#یتبع