رواية عشق المومنين(أبناء الساده) الفصل الثالث وخمسون 53 - بقلم نازك الحمراني

السلام عليكم متباركين بلولاده الطاهره
............
...........

اعضائة لا هي ** ولا هي**انا شايفة واتذكر ولد اخواتي اكو اشياء عدهم مو مثل نوار.. اي نوار يختلف هواي يختلف
بصوت عالي من الصدمه عطت
- شنهااااي عزااااا

من علو صوتي اتحرك نوار من مكانة وكوة رفع راسه همهم بكلمات ممفهومه ورد رجع نام
شمرت الغطاا برعب وصدمه أبتعدت خطوات ايدي على حلگي جسمي كلة يرجف من الشفته ياربي شنو الي شفته شنو الجاي يصير

نوار يحك بعيونه ويرجع يشوخر صاير طينه كعد ورد نام شي بداخلي يجبرني ارجع اشوف مره ثاني مو لشي بس اريد افتهم لاااا مو افتهم اريد اعرف انه مزوجه شنو ومنوو اعرف نوار صار صديق اليه بس شنو هذا

رجعت نصيت مديت ايدي رفعت الغطة شوي بحلقت عيوني نوار متمدد على ظهره وفاتح رجله مغصت بطني
ودي اتقيء أكو خلل ياربي الفوك شي والجوه شي ثاني
ياربي الطافك ورحمتك انا بحلم لو علم،اي جهال خواتي
انه احفظهم بيدي،واغسلهم ياربي مووهيچ ماگو هیچ
ماگوو شی یشبه الاشوفه،شي مختلف شي مصاير درست حتى الاحياء واعرف شنو معناها الاعضاء الداخليه اي اعرف نوار شنو قصته

حتى من طهرنه ابن ريم اختي،اي  سرحت شوي بفكري اتذكرت ابن اختي ريام اي ريام مو ريم مرة نزع ملابسة جدامي  عمرة سبع سنين  نوار شوي اكبر من** ابن اختي ابو السبع سنين
معقولة رجال بهالعمر هیچ یگون***‌لاااا لااااااعزة هذا مو بس صغير أكو نواقص، وشغلات مكاملة

مكدرت اوخر عيني الفضول حشر براسي مدري شجاني بقيت اباوع انتبهت على نفسي شبيه انه صافنه متت خجل من روحي استغفرت ربي ورجعت غطيته
تسحبت على گیفي اخذت نقال نوار ردت ابحث بلگوگل

بلا مااگتب شفت نقاله هو نفسه نوار چان یبحث لان بسریچ گلشي طلع يمي ابحث بالكوكل عن حالته...
انصدمت بالمكتوب بكوكل تشوه ونقص بالاعضاء التناسلية
مدري افرح مدري أبچي بس تاكدت بسبب هالشي هو ميكدر يقترب  واكيد اهلة يعرفون بي ممعقولةة امة ابوو ميدرون بحالته ماكدر اصدك هالشي.مكدر استوعب

داخلي  تناقض كلش جبيرر  فرحانه لان مستحيل يصير شي بيني وبينة مستحيل يجلس مني مجلس الرجل من المراة
وبنفس الوقت بداخلي غصة جبيرة وقهر حرك گلبي
معناهه اهل رعد يشوفوني بعين صغيرة وكلششش صغيرة همين لان مستحيل يجازفون ويزوجون ابنهم وهو هيج حاله لو ما شايفيني اني واهلي بعين صغيرة وشايفينه على كد ايديهم...

كعدت ابچي واندب حضي جنت متصورة نفسي جبيرة بعينهم والي عزوتي ومكانتي وتالي انصدم بواقع اغبر غيرلي كل حياتي
حسيت معدتي كلبت ووجع بعيني  والم براسي قوي راسي حيطك فركت جبهتي غمضت عيوني ماكو فايدة

ما اكدر اتحمل بعد راح اتقيئ
لبست الحجاب وطلعت اركض  للحمام قفلت الباب وغسلت وجهي مارتاحیت الي يصير ويايه ظلم ماكو فايدة استفرغت وذبيت كلشي بمعدتي مو كلش ارتاحيت بس ارحم...
غسلت وجهي ونضفت مكاني گوه وگفت على حيلي حتى ملابسي بعدهه مبللة من سبحت نوار مابدلتهه الجو شوي الیوم احسه کسر بروده لاااا هوو صیف انا بردت من الصدمه ومن ملابسي مبلله

عيوني من البچي مغوشة وراسي يدك بي جاكوچ..
انتچیت على الباب وطلعت على الصيدلية تصير فوك المغسلة على صفحه حايط الحمام..
فتحتهة وكمت او دور حبوب مسكن يسكن هالالم العندي طلعت هواي مسكنات بس معرفت شنو اخذ اخذلي من كل شريط حباية وشيريد يصير خلي يصير
وذا متت هو عمر وهو زواج نحسب عليه وزواجه غلط
وحب غلط اي الله عاقبني بهيچ زواجه لان حبیت بدون
اذن من ربي

اخذت الشرايط كلهه ورحت للمطبخ مخذوله مكسوره دخلت وشفت رعد كاعد يدخن ودي احچي مابيه

اگله ویجوز یعرف ومغلس
.
رعد//هذا حالي من حبيتك
اجروح گلبي منك
وبعده گلبي يريدك
هذا حالي وياهو مثلي
أبگل دعاء أول ولف أنخى ألك وادعيلك

مكدرت انام وطخ براسي اشرب جاي طلعت من غرفتي بوجهي للمطبخ وبيدي تلفوني اكلب بي 
خليت مي بالغلاية و انتظرته يغلي كعدت على الگرسي وطلعت باگيت جگاير وسحبت جگاره منه ورثتها
جريت نفس وسمعت احد يستفرغ بالحمام كمت على حيلي وصلت باب المطبخ واستحيت اتقدم خاف وحدة من نسوان اخوتي متخربطة لان صوت نسائي لو اخوتي يستفرغون جان بين اصواتهم مثل دريل الهمر اليزرف الحايط
استحيت اروح ورجعت لمكاني بقيت اكلب بالتلفون طلعت الهتفون من جيبي وحطيته بأذني  اخذت الكوب والشكر انتضر الغلاية غلة الجاي وصبيت ورجتت لمگاني
كعدت على الميز ونزعت وحدة من السماعات من اذني
سمعت خطوات احد جاي للمطبخ تنهدت بضوجه

_هسه على حظي منو يكعد بهليل عدلت كعدتي جائز هاي وحده من نسوان أخوتي تريد شغله او شي
تناوعت شفتها دخلت تمشي بهدوء وكسره مدنجه وملابسهه مبللة من فوك لجوة وصلت يم الثلاجه مدت ايدها تريد تفتحها والغصه بعيونهه واضحه
اخ يا كلبي شكد مشتاق الها ورايدها..
بس مثل ما جنت مانع نفسي عنهه من حبيتها اول مره ومحافظ عليهه

هم لازم أحرم نفسي من حبهه گوه وابقى محافظ عليهة
وابقى مسيطر على مشاعري واعتبرهه ماتت.. بس والله مشتاق الهمسه من صوتها
مشتاق اسمع ضحكتهه
مشتاق لسوالفنه وحجاياتنة
غضيت البصر عنهه والتهيت بتلفوني أگلب بیه بحرگه
گلبي يشوفهه رغم عيوني مو عليهه... بدون ماتندار عليه همست تحاچيني

_أشلونگ
خفت عليها وعلى نفسي من حبنا وعشگنا وحتى لا أنطيها مجال ‌بقيت منزل راسي
-تمام

حسيته تريد تحجي شي  بس اسلوبي البارد وياهه خلاهه تتراجع ‌رفعت عيني عليهه شفت بيدهه گومه ادوية
اخذت بطل مي من الثلاجه وخلتهن على الكاونتر حتى تشربهن ردت آگلها هالمخبلة شكاعد تسوي..
كمزت من مكاني ونترت بيهه
شكاعد تسوين؟

ـ مسگنات
ـ تريدين تنتحرين بهالادوية كلهه؟
ـ لا تخاف ما اعصي ربي لأجل بشر غدار

ـ رجعي الادوية اخذيلج حباية وحدة..
ـ الوجع البية.. لو بيك
جان ضربت نفسك طلقة مو بس تاخذ هالكد ادوية

ركض عليه وجر الادوية كلهن مني وراح تلفهن جوة المي خلاهن بقيت واكفة اباوع عليه شديسوي عباله اريد انتحر علمودة..
گتله

-لو فكرت انتحر ابد لا تتخيل راح انتحر علمودك

نگتت ایدي من الماي سديت الحنفيه صكيت أسناني بغضب وبصوت ناصي حجيت
لعد أشعندچ لحد الأن كأعدهه وشسوين بكل هالادوية
بقيت ساگته ماكدرت اجاوب  او بالحقيقة ما اعرف شجاوب شنو أگوله

آخوك مو طبيعي
لو اكله اهلك يحتقروني
لو اكله كرهتكم وكرهت روحي وانت اولهم
ولو ما اخااف الله احرگگم واحرك نفسي بالبنزين..

ساكته ودموعي بعيني تسولف بمگاني بس هالمرة رعد ابد ما فهمني وراح لغير موضوع
همس بصوت ناصي

_يله رجعي من وين ماأجيتي يا مريم وكافي تفگیر واستسلمي للأمر الواقع وراح اریحچ مني باچر راح اسگن بیتي
.
تحرگت خطوه صوبي وگفت تباوعلي بنظره مفهمتها
گالت

ـ استسلم للأمر الواقع؟
يعني چنت تعرف بالمصيبة وساگت ماگلتلي ولا گلت لأهلي حتی اداري اخوك وانا الساذجه بلوسطه من چنت اتسولف وتگول اخویه نوار اقرب شخص علیه وهو یسولف ویگول رعد اقرب علیه لیش وگعتني بهل مصيبه

ـ يامصيبة؟  عن شنو تحجين بالضبط..
ـ ما اكدررر اصدك انت مچنت تدري ولا تعرف بشي

رعد//درت وجهي منها ورثت جكاره ثانيه اااخ ياوجع گلبي همين عاتبتني ومن تعاتبني احس حيلي ينهد لاني نكثت بوعدي الهه..
جاوبتهه

-والله العظيم ماجنت ادري حگ الخطبچ ابوية لنوار يلة عرفت
ـ وليش مانبهتني ليش ماحچيت لسلمان على الااقل

ـ لا انت مو طبيعية اليوم شتريديني احجي لسلمان كل عقلج انتي
ـ لعدد تعوفني هييچ
ـ همست بحزم ونتر..
-نصييي صووتچ بلا فضايح سحبت الجگاره والجداحه ورحت للغلايه طفيتها ومشيت من صوبها وهمست
استسلمي لامر الله وهاي هية..
ووين متشوفيني احذري تتقربين مني خطوه وحده بعد
بالچ ثم بالچ
يا..... حرمة أخويه...

مریم//كال حرمه اخوية باستهزاء باوعت بعيونه والغيظ والقهر كاتلني اول تالي رعد هيجي يحچي ويايه معقولة ربي
معقوله يدري باهلة ذبحوني ودمروني ويباوعولي بعين صغيرررة ورغم هذا ماسوة شي
ولج ياغبية اااصحي على نفسچ لو رايدچ بالف طريقة ياخذچ بس شافوچ على كد الاييد وهو قبل ااصير على كد اييدهم
فووك كسرتي انكسررت ااكثر
كلهه بچفة وغدر رعدد المافهمته ولا استوعبته بچفة ثانية بس هسة من كلامه كلشي ووضح
واكفة بمكاني وابچي اريد استوعب حالتي..

حط الكوب بالسنك وحجة ويايه بدون حتى ميلتفت عليه..
ـ لااااتنسين هالكلمة بعد... أنتي... حرمة... أخوي... فهمتي

رعد//بعدني ما معتب باب المطبخ وانا أگول هل گلمه الهه واحاول اقنعهه  وانا نفسي ممقتنع بيهه..
قبل لا أطلع التفتت عليهه لمحتهه منهارة من البچي بس ماكدر اسويلهه شي...
عفتهه ومشيت من القهر والغضب والحسرة رفست الكرسي بعصبيه  وراح للجهه الثانية من المطبخ
سويت الطريق خطوتين لغرفتي كعدت بالغرفة اندب حضي وابچي بشهگه اعرف الزلم‌ ماتشهگ بس من یصیر شی یعجز الرجل عنه ینهار

بقيت ادخن واكلب بالفيس ولكيت كدامي عبارة وقفتني..
احبك ترى مو گلمه ولا  سالفه وتگضي..
أحبك وصار حبگ حزن يشربني ياگلني
وتعب يشبهني من ابچي
احس كل الكلام اليوجع يوصف حالي انا ومريم... 

مریم//طلع رعد من المطبخ بعد ماصدمني صدمه عمري..معرفت شسوي احچي لأهلي
احچي لأهله واكللهم اكتشفت ابنكم يعني قابل شنو حيسوون
زين ااهلي شنو اككللهم بعد ماشووفتهم النيشااان
شلووون رااح يقتنعووون بكلاممممي شرااح ااحجي ربييي
شسوووي شلووون هيچ‌ سوويت برووحي شلون طاوعت اااهل نوارر وكذبت على ااهلي شلوووون

باوعت للطباخ واجتي براسي افكار شيطانية رحت اركض فتحت العيون كلهه وكلت احرك البيت وكلنه نحترك واااخلص
بس سمعت الصغير ابن رشيد كعد من النوم يبچي اسنغفرت ربي وطفيت العيون وفتحت شباك المطبخ عزة بعيني...

اووول تالي اافكر هيج اافكار ااني مريم هييج يصير بية  ااني الخايفة الله وصايمه مصليية
حسبيي الله ونعم الوكيل علييكم
بيت النذااله والخسة تفوووو..
تمشیت  الغرفتي ودموعي تصب  دخلت للغرفة رگعت الباب قوي   وگفت كدام المراية اباوع على علب المكياج مالتي
كرهت روحي وكرهتة ونفسيي لعبت منة

شنو چان يقصد عمي ابو رشد من اخذني لنوار رغم يعرف رعد يريدني اكيد لان وكف وية ابوية قبل چم سنة من مرينه بأزمه ماليه وراد من ابوية يردله الدين بأبنه...
يعني اني مجرد رد الدين بالنسبة الهم لان استخسر بية ابنه رعد الصاحي المابي شي واخذني لنوار المريض
وفوكاهه حتى رعد طلع مثلهم ومثل حقارتهم
اكيد ما معتبريني چنة لبيتهم ومستحيل حاسبيني مثل بنتهم لان مستحيل لو عدهم بنت يزوجوهه لشخص حالته مثل نوار

انهاريت من البچي من عرفت حقيقتي بعيونهم وشلون ينضرولي بدون وعي شلت علب المكياج كلهه وضربت بيهه المراية فلشتهه
كعد نوار من الصوت رغم جان نايم وماحاس بشي..

رعد//چنت احاول اخمد بس ماكو فايدة الشيطان مجعبلي ومتربع براسي يوسوسلي
ومريم لازگه بعقلي ما اكدر اتخلص منهه
آشكد اكافح نفسي حتى امتنع عنهه وشگد هسة قسيت عليهه بالحجي بس الواقع غير شكل
ما اكدر ابد ما اگدر اطلعهه من عقلي
كل شوي اتعوذ من هالشيطان
بس يذكرني گلبي رمضان خلص وانفتحت ابواب جهنم لأمثالنه
مسحت وجهي من الدموع ردت اتأكد مريم بعدهه بالمطبخ لو راحت
مديت راسي من الباب جان هدوء البيت وماكو صوت بالمطبخ يعني مريم رجعت لغرفتهه..
جريت نقالي وكعدت اگلب بلگي انعس دقايق وسمعت صوت قوي شي انكسر ما اعرف شباك وكع..
وبحكم اني عسكري راسا اجة ابالي الحرامي جاي يعيد عدنه المكرود ميدري اني موجود..
گمزت من فراشي وجريت سلاحي وية كمزتي سحبت الامان وطلعت حافي دورت بالبيت مالگيت شي المطبخ كدامي والهول جيگت الباب مقفولة والشبابيك مابيهن شي اتعوذت من الشيطان ورجعت لغرفتي وصلت يم غرفة نوار وسمعت تنهدات وبچي ونوح بصوت مسموع عرفت هالصوت من غرفة نوار.. اتقربت يم الباب وسمعت  مريم تبچي..

روحي راحت عليهه وجیت راسي على الباب اتمنيت افتح الباب واركض عليهه اگلهه سامحيني اكيد كلامي جان ثكيل عليهة..
  اريد اصيح واكلهه گافي مريمتي لا تبچين گافي يابنت الناس  ما تأقلمتي وية وضعچ
بس ماگدرت..
بقیت  يم الباب متخشب ورجلية متساعدني اتحرك وابتعد عنهه وارجع لغرفتي

مریم//نفسيتي تعبت من كلشي ومن البيت كلة شفتة كعد مسحت دموعي ونترت بي..
-ارجع نوووار ارجع نام ليش كعدت.. شعندك كعدت اصلاا.. ‌باوع علية وكوة يحچي حچايته ثكيلة من هالبلاء الشاربه

ـ مـ مر.. يم.. شبـ...بيج
كلمه شبيچ ذبحتني اگثر
ابتسمت ودموعي بعيني
گتله
-وفوكاهه تسألني شبچ
معقولة تسألني شبيچ.. 

نوار//استغربت من تصرفاتهه ردت ا گوم رفعت الغطى شفت نفسي مالابس شي بس مغطى بالمنشفة والجرجف انصدمت شلون نزعت ملابسي!
استحیت دنجت عرفت مريم عرفت بوضعي وصار هيچ حالهه هم حقهه ماخذه رجال ممحسوب على الزلم ردت انزل من الفراش مكدرت كلش دايخ وراسي يوجعني ..
نترت

ـ ارجع ارجع نام لخاطر الله
ـ بس اهدئي... لاتضلين تبچین
ـ اكثر من هيچ هدوووووء مااااااااااااكدر  لاتطالبني بشي ماكدر عليه

نوار//جبرت نفسي اكوم من مكاني وخرت الجرجف ونزلت رجلي حاولت اوكف انچفيت على الگاع مگدرت اتوازن وِلا اوگف

مریم//شفتة وكع ركضت عليه اشيلة..
باوع علية وستر نفسة.. للس بجامته من كوة
همس  بمفاجاه
ـ انت شـ...ـفتي گ..ـل شـي و.. وعـ عرفتي بحالتي موو

ـ  سكتت ماحچيت بس دموعي جاوبت بمكاني
ـ ااحچييي شفتتتيييني
ـ وشراح يغير من الحال... وذاااااا شفت هااااااااا
ابتعد عني وگام على حيلة يترنح صار يتصرف بهستيريه يضرب بايديه على باب الكنتور وشال التيبلامب وشمرة وهو يصيح بس مفهمت كلامه
باب غرفتنة اندك وسمعت صوت رعد يصيح..

ـ نواااار شبيكم شصااير افتحلي الباب شنو هالتكسيرر بالغرفة
صاح نوار علیه
ـخووویه  رررعدد اااخوك انتتتتهة خلص اانتهييت ووووولك اناا التاايه من يوم الجابتني اامك
تعال يخوي شوف اخيك شصار بي

مریم//آتهستر نوار ابتعدت عنه خفت لا يضربني لان كلشي بالغرفة يشيلة ويشمرة
رعد برجله یکسر البابا من خوفي ماگمت افتحه لا احصل طگه لان نوار گسر گلشي

اندفع الباب حييل دخل رعد  للغرفة نوار وگف بزویه
رعد ابلحظه تحول الگتله حنان شمر السلاح الي بيده على الفراش مالتنه
وتقرب  بخطوات يحاول يلزم نوار  بقيت واكفة بنهاية الغرفة وميته بچي من الموقف رعد یهدي نوار يطبط عليه وانه منو اليه

ابتعدت عنهم بخذلان  لان نوار يتخبط  بلحچي بگلشي
تمشيت یم باب الغرفه  أبچي وخايفة من هالموقف اهلة گلهم گعدو على بچي وصراخ ونوار اجة ابوه وامه واخوته ونسوانهم يحاولون يهدئو
محد ديفهم منهم شنو القصة بس حسيت ابوه يعرف بالديصير وكف منچي على عوچيته ومدنك راسة ويمسح دموعه معقولة محد يعرف حالته بالبيت غير ابوه...

حسيت علیه  همس رعد اليه رفعت راسي لكيتة واكف بوجهي صاك سنونه ويحچي بغضب وحقد

رعد//من سمعت صريخ نوار كسرت الباب برجليه لان گلشي بس ولا نوار يصير عليه شي اخذته الحضني يبچي هدأئته ماسگت عفته بيد صادق  يهدي ويگله
-ماذا جرى لصغيرنا الوسيم
-اخوووك متئذي
-نعم اخبرني ماذا جرى ثگلته امه المسبب لبكائك

-ابوگم السبب
-ابانا ابی ابي قل ماذا به نوار  يتهمك
جاوب ابوي
-اشتعل شيب ابوك انت بس بعد تحچي اعلگک بلبنگه
-امآااه ماذا به ابي

-يمه انت تسودن المايسودن اخوك متعارض وامك خرسه وانته تحچي حچي مسنسنات(مسلسلات)هاااي مال  الزلمه الفويسد المدربجه(المدبلجه)

-ماذا اناااا ياامي
-اي  والعباس انت چا تجوز من ابوگ

اجی ارشد یم‌ صادق وبقو یسولفون ابوی منصي راسه
وخواني يحاولون يلزمو ويهدئون بنوار وانا العصبيه
والحرگه من مريم  اي هي سبب الي وصل نوار  الهاي
الحاله الممو طبيعية
ابد وااكيد مريم حچتلة عني وعن حبنه وانهار بهالطريقة
الخبر مووهين الزوج يعرف زوجته تحب اخووه طلعت من الغرفه ادور عليها وين رايحه واشوفها واگفه یم غرفتي دايره وجههه تبچي وصلت یمها عطت بغضب گتلها

-وولج ااحچيي شحجيتيلة نطقيي

ـ شأنطق ليش هو قابل ميعرف
ـ االله يييصخمم ووجهچ شيعررررف ووولچ نوااار كلشي ميعرففف وانتي كلش زززين تعرفيين ماااعندةة خبرر لو عندةة خبررر چاان مستحييل یتزوجچ

مریم//صفنت عليه شنو ميعرف مستحيل ميعرف روحه.. نترت
-اااانت شكااعد تحجي واالله هو كلييي

ـ قسما بالله العلي العظييم يامرييم اذا نوار صاار علييه شي لااا ااشررب من دمچ شراب الحد ماترجع وچ انتي تعرفين شنو معنى  ااخووي وچ نوار وااعرفة ميتحمل صدمااتت

جاوبته
ـ شنوو هالعيين الصللفة وفوگاهه تحملووني الذننبببب.
ولگم شنوووو انتم من بشر
بعدني ماكملت گلامي وردي على رعد  سمعنة صوت مسدس انضرب وعيطة قوية من الولد وصريخ من نسوانهم ركض رعد  جدامي وركضت وراه

وصلنه للغرفه شفت نوار واگع بالكاع بين اخوته وجهه كلة دم و غركان بدمه....رفع ایده الرعد يگله باخر نفس

-خووویه رررعد لاتعوفني

.............
........
.........
سيد مجتبى...تناوعت الجدي وشفت ردت فعله من حچي سيد مهدي اعرف بيه ضاج،ومقهور بس سگت الاجل امي طلعت الحيه ام عامر بقيت كاعد
اتناوع للعمام ونسوانهم شلون يخزرون بسيد مهدي وغزله بمريته جدامهم..

رأسا رفعت راسي الجدي وانا اشرب عصير البلنگو
-اي جدي عمامي ضايجين وانت ساكت خيركم شبيكم ليش هالتجهم بوجوهكم
صاح عمي

-ومنين انضووج من بزرنا

-هييچ‌ابالي اتصورت ضايجين..

المهم الحچي الجدي..
شنو ناوي عليه وانت تشوف السيد ماخلا شي اليه وكله الزوجته
رد جدي

-ماله وحر بيه ليش وهو قابل بس هذا عنده اشو خير من الله والحمد لله والشكر
خلينه بيك

-واناا شكو عوفني جدي امخمخ الشغلي ولا أگلگ ارید اشتغل وياك اشاركگ لان الصیدلیه راح تسلم ارباحها المرت اخوي ويجار محلات الصناعيه وراتبي مايكفي سفراتي ولا مصاريفي

رد عمي بغضب

-وشدعووو هلكثر تصرف راتبك ٨٠٠الف وحده كافي عليك وفوكها الايجارات يجن بلمليون ونص لووبس تبذير وذا ناسي يا ابن اخوي اذكرك التبذير حرام يصيرون اخوان الشياطين

رجعت كلاص العصير مبتسم بستهزاء

- يلة قابل يصير الشيطان اخوي مو هذا المسكين المتدين جدامكم اذيتوه الى ان الله كال بس بلكي الشيطان تخافون منة وتبتعدون عننا
،رد عمي باستغراب فاتح عينه وحلكه على كلامي

ـ اها

ـ اي بالله ياعمي هالفلوس الاستلمهه مايكفن  لان اني كل شهر وثاني بدوله شكل وهل شي يرادله صرف وفنادق ومطاعم يعني الفين دولار واربع تالاف دولار متكفي
لو شدكول سيد مهدي
رد عليه

-عضيدي يراد مصرف وانت رجل مقتدر مماد ايدك الاي شخص اما بنعمة ربك فحدث

-هاااا جدي هذا يمك سيد مهدي يكول اما بنعمة ربك فحدث
رد جدي

-موووافق بويه انت  تشاركني بس عندي شرط
-عفى كوول يارب يكون خيرررر اسمعك بين ماغسل ايدي واجي

-لاااا لتغسل اكل من هذا الكاستررر

-شسالفه جدي تر  مووافق على شرطك قبل لا تكوله
-اي اعرف خصوصآ من أگلك على زواجك والبنيه مو غريبه علينه لان تعرف اخيت عقيله البنيه ماوراها زواج

-هههه اعرف جدي قابل انا عزبه وتفتر بيه اله ازوج

-لابويه بس هل الحرمه غير

-شني قابل ام البصمه

عمامي تناوعو بضوجه وسيد مهدي ضحك واشرلي بعيونه گال

-لا حول ولا قوه الا باالله هااااا
سید مجتبی

رفعت ایدي الجدي
-اي كوول جدي منووو هل الحرمه الي مااااكو منها
جاوب

-انت محد يسگتك اله اخوك البنيه هي بنت عمك ابو امير ونعم الحرمه وبنيتنه وعلويه
گمت من الاگل وعیوني العمامي اجاوب جدي

-شنووووو هذا الحچي وييين صااايره حتى العاقل مااا يقبل بيه شنووو يااجدي مااالگیت اله من بناااات عمي

عمامي گامووو على حيلهم مستغربين من كلامي وصراحتي وياهم و صاح من بينهم ابو امیر

-اااحترررم نفسك ولهنا الزم حدك محد ذااابهه علييك

-وذااا مالزمته شني تسوووي وترى اقصد بنات عمييي مثل خوووات لاااا يلف عقلك غير شي وتتبلا عليه

رد جدي
-وشبيهن بنااات عمك

-جدي رحمه الجدك ترى اريد اتشارك وياك بشغل بس مااتفرض عليه شي مااريده خاصه الزواج هالشي مووو بيد اي شخص هالشي بيدي فقط

-وانا اشوكت افرح بيك

-عندي بنيه بالي

-قصدك البغداديه مووو لووو تموت ماااتصيرلك مرة وانا عاايش

اجت امي وعمتي عل  صياحنا
-ياااااا هاااي شبيكم  منووو  هالبغداديه انووب

-يمه ابنيه احبها مناك

ـ ووين شفتهه

ـ يعني وين اشوفهه غير هية اداوم  بصيدلية وشفتهه
راد يدخل سيد مهدي بس اشرتله مايدخل.. لان ابالي افكار هوواي
رد جدي

-هذااا العندي وهذذااا الگلته وشفتي تاليتها ياام مهدي

رد عمي ابو عامر
-هااااي تاليت دلالك الهم واحد وزع افلوسه للغريبه والثاني اتجنن بعقله ومايريد بنت عمة دمة ولحمة وبكل عين صلفة يحجيهه جدامك وجدامنه

رد جدي
ـ بعد الحجي ماخلص
رد عمي
ـ لا خلص ماضلت اهانة ماهانوهه النه من ساعه الدخلنة
.. رايحين ومشكور على الفطور يله كوووم ابو اميرر
رد ابو امير

-بنت عمك تااااج راسك وترى بنتي ماامرخصها علويه ومستوره وبنت عز ودلال وفوكها امراه قانونيه ودكول ماااريدهاااا

سكتت مجاوبته بس خليت عيني بعينة واتناوعله..
رد ابو عامر
-يله نطلع خويه ورانا بيوت
طلعو عمامي
صاح جدي
-ولك بنات عمك تاج على الراس

-وماگایل شي عنهن اخلاق ومؤدبات بس مو بنفسي ماشوفهن غير خواتي ماكدر اتزوج حدة منهن لأن ابالي وحده

-اخرررر حچي عندي يامجتبى السمعتهةة
-وااانا الاول والاخير عندي كلته

گمت من جدي حتی ماغسلت ايدي عفت كلشي وطلعت و امي تمشي ورايه تلزم بية وتتوسل

-هااأ يمه ويين

-للگبوررر ارتاح من حموینچ وعمچ

صاح سید مهدي

-عضيدي اووكف مووو  هيچ تنحل المشاگل

-ماگو اي مشكله عضيدي رايح لاتخلي ابالك ارتاح
-ووين

-الموسى بن جعفررر

-عليه السلام..  لاتسووق سرييع

ـ لاتخاف عليه.. عمر الشقي باقي
امي گالت

-اجي ويااااك يمه

-عندچ دوام گعدي يمه ما اكدر ارجعج

-يضل بالي

-لاااابد يمه عندي شقه هناك قابل ابات بالشارع

دنجت  بست ايدها تقدمت على سيد مهدي حضنته

-اذا احتاجك تجيني

-لاتخوفني عليك

-بس گولي توكف ويايه

-اوكف ضد الدنيا وياك

- اعرف بيك سند وعضيد وماتخيبني

ـ كلي شتريد تسوي

ـ مو وقتهه سيد بعدين

عفتهم وطلعت ركبت سيارتي سديت البيبان طلعت من الچگمچگه گلنس مبلل مسحت ایدي ووجهي طلعت علچ بالنعناع تهديت وانطلقت البغداد
افگار تاخذني وانا افگرر بقراري وشنو راح اسوي
لازم ارد الصاع صاعين استهزاء عمامي من غير نسوانهم

وجدي الي يحاول بكل مناسبة يفرض عليه شي ماراغبة ويصيح عليه كدامهم اذا ابقى مامزوج راح يزوجني على ذوقه سقت بتهور مثل سياقتي من سافرنه الاربيل

حتى ماوگفت باي استراحه،الى ان وصلت للمجمع صعدت خطواتي للشقة ضايج واريد افضفض احچي ماريد  ادخل الشقتي مختنك شقة ميسم صارت كدامي ،هي هاي هيه اروح الها

ردت ادك الباب رجعت واتراجعت  ماكدرت شيكولون عليه الناس رجعت الشقتي شمرت مفااتيحي على التخم هلكااااان رفعت ايدي الساعه تسعه ونص هسه عرفت ليش ايدي مشنجه ساعتين متواصلات انا اسوق
من كربلا البغداد بلا توقف
غمضت عيوني فزيت على دگت الباب، مسحت وجهي
الساعه عشر منو يجيني بهل لليل

گمت افتح الباب وتراجعت خطوه ليورى متوقعت راح اشوفها بهيچ سرعه رغم اعرف انا جاي وراح اشوفها بس متوقعت بهيج وقت اشوفهه
ألجمال ألبغدادي متوزع على وجهه بسخاء
ألجمال البغادلي منتشر على طول جسمها بتبذير

بجامه ورديه وردها أزغار شعرها على طوله مفتوح يلمع أعتقد چانت تنشف بیه بشسوار زاده جمال وطول یوصل الاخر ظهرها
وجهه أحمر تحاول اداري وتمسح أدموعها  الفاضحهه خشمها الاحمر گلشي بيها

مميز ،نازك،والاكثر البجامه تظهر كلشي يوگف گلبي وعيوني الي بقت ادور ودور وتبحث عن اقل تفصيله حتى ماانسى هي انثى گامله طلعت اليه من مصباح علاء الدين وحسب وصفي وحسب طلبي والي صدمتني وهي تگول

-اخوي يريد يسافر وياخذنه ونعوف بابا بسجن
گتلها
-لیشَش

-لان گتله احبك

فتحت عيني وغمضتها درت وجهي ورجعت عليها

-ماسمعت زين شنو دكولين

-لان گتله احبك هو عااااند

دخلت للشقه حتى مانطتني مجال احچي كعدت على التخم تحچي

-انت مووو خابرتني وگلت راح اجي اخطبچ هو تعصب وضاج وتنرفز وگال الچ مهله یومین وذا ماكو نروح بعد نسافرر لان مالنه بقاء هنا

كعدت يمها

-وابوووچ

-هذااا القاهرني ابويه حتى مريض اشلون نترگه هنانه وحده مدا اعرف

طلعت نقالي خابرت صديقي عنده معرفه بضباط الداخليه ونطيته تفاصيل عن اب ميسم وگتله انریده یطلع هل یومین..جاوب

-یطلع بس الگفاله وفلوس الدین

-انا علیه گلهم اسددهم

-اذن دز محاميك يدفع الگفاله وانا اسهل امر خروجه
غلقته تناوعتلي ميسم

-گووول والله بابا یطلع هاليومين

ـ معقولة متصدكين بكلام سيد مجتبى
كمزت من مكانهه وحضنتني استغربت منهه اول مرة بنت تحضني

ـ ولگ اموووووووووت علیییك ااامووت علييك مجتتبى ماصدكه بابا راح يطلع مممصدددكةة اابد

- حست على روحهه حاضنتني راسا ابتعدت عني وبقت تعتذر عن هالتصرف..

ـ اسفة اسفة مو قصدي بس مكدرت اسيطر على شعوري بالفرحه

ـ عادي لاتهتمين

وهسه شنو اسوي راح تسوي

ـ مفهمت شنو اسوي

-گووم اخطبني بسرعه شنو تنتضر

-گعدي ميسم
.
- تراجعت  عن كلامك موووو

-لا عندي شرط وهسه اروح اخطبچ من اهلچ
-شنووو؟

-تلبسین حجاب وتلبسین لبس واسع ومستور 

-نمونةةة يمعوود اسهل شرط عبالي شي صععب
-اگید

- طبعااا اگید ميحتاجلهه سؤاال

-یعني ماگو تراجع بعدين

-ابد اصير خوش بنيه وحبوبه وداعت عيونك الملونه هيجي والبس ربطه شفايتلي يمعود

ـ جان اتحجبتي اذا شفايتلج

ـ جنت اريد احد مثلك يحفزني

- هههه يله رووحي وانا اجي وراچ

-ارید ابقی یمگ

-میسم رووووحي لا ابتلي بيچ

-ما ما
-وابو فاضل اذا ماطلعتي

-االله ااالله هالحلف ااموووت عليه حروح وداعت عيونك الملونه لان كولشش اموت على واحد اهيييچ یحلف

تبسمت من حجيهه وحبيت حبهه صح جريئة بس حبيت جرائتهه
.. طلعت هي وانا دخلت للحمام اسبح نشفت شعری ولبست قمیص ساده وبنطلون حجري اسود..
وصلت لشقه واعرف لازم يكون بيدي شي بس خليني احدد قرار يمهم واغركهم هدايه

دگیت الباب اي أكيد هنا امها وراح اخطبها خلاااااص لهنا وبسسس ماريد جدي ياخذ قرار عني
دگیت دگه وحده أنفتح صوت صاح بهدوء

-منووووو

رديت بنفس الهدوء متمالك نفسي گوه
-آنااااااا مجتبى..

ردت ارجع لان الساعه ١١صارت جائز عيب فتحته ميسم
تضحك وفرحان لافه شال كالت

-هاااا شنوه رئيك دا اتعلم عليه هيج حلو

-تجننين بس بعد الكذله شوي ضميهه

-يعني كلش ولا شعره تطلع

همست قريب عليها

-ولااااا شعره لان اغاررر عليج
طفرت تصفك وتكمز وتضحك وتحچي

-فديت فداوي للي يغار
استحيت منها لا يشوفنه احد نترت

-وووولچ اثگليييي عيب

حطت اصبعهة بحلگها

-اوووي دگولك شويه شويه ونبي ونبي اتعود

-اوووكي هل مره سماااااح

-يعني اشوگت الخطوبه تصير

- باچر الصبح نروح انا ویاچ نطلع الوالد وبعدها نتفق علی الخطوبه
صوت وراي

-هاااا حبيبي سالمين واگف باب بیتنا، خویه وح ویه وحا ویه وحاوي

التفت اسلم

-اشلونك  ما واگف اعتباط بلباب ولا مراهق
شاب مستعجل وجاي اطلب ايد اختك المصون وتوقعت أنت مو هنا گلت اروح اطلبها من الوالد
تفاجا یفتح عینه

-من ابوي اشلون هوو بسجن
ابتسمت اله

-لاااا ماگو سجن بعد

-اشلون والمبلغ هواي منو يدفعه اقصد گفالته ودین الناس الدیانه تفتر حتی راح اهج منهم
جاوبته

-گلشي دبرت الفلوس والگفاله يمي

مد ایده يصافحني و گال..

-ادخل ادخل خویه ادخل لیش واگف خلينة نفتهم

دخلت جوه استقبلتنه الام وجهه مبتسم هم لابسه بجامه مثل بنتها گالت

-هلاااا یوووم عیوني صار هوايه مشايفيك

-اهلا خاله والله بين الشغل او اهلي

-اتفضل اتفضل استريح

كعدت وكعد حسام وگال

-یمه جیبي العصايررر و بقلاوة الخاصگيخليهه مو حرامات بنسيبنه المستقبلي
رجع التفت اليه

-اي اتفضل سيد مجتبى..
بس كلي يعني صدك راح اطلع الوالد وتدفع گفالته
وراح اسدد دین الدیانه وبعد

-ماگو بعد هوو هیچ یوم یومین الوالد یطلع بس الاریده اخطب اختك منك
امي ماراح تگدر تجي ولا عمامي لان مختلف وياهم خوال امكن اجيبهم بس الاهم عندي اخوي يجي سيد مهدي

-ونعم منك ليش لا زلمه معدل وتارس هدومك وطالما أنت مقتنع بيهه خلص اخذهه مكبعه

-جدا مقنع  ومع ذالك ما ابخس بحق اختك ماراح اظلمها وهل شي انت بنفسك راح تتاكد منه

- بس حاول تجيب عمامك مترهم خطوبة بدون اهل

-مااكدر اوعدكم ابدا بهالشي لان بيننة خلاف

كاعد يحجي اخو ميسم ووكع العصير على ملابسة واترخص مني راح يغسل

ردت ام حسام
-اشلون نزوج بنتنا بلا اهل منو يرضاها

-ياخاله انا اخذها منا بدلة العرس بعد مانعقد محكمه،وسويلها ذاك العرس اليعجبچ عدنه قاعه خاصه بینا واحسن من گل قاعه
ردت امها

-يوم  ابني  مدا تحس انت أتقلل من بنتي ومجاي تقدر مشاعرها
جاوبت ميسم

-اووهووو ماما اني قابلة وارايدته وهالشكليات متهمنيي لأني ااعشقة وامووت علييييين

خزرتها وحطت ايدها على حلگها
جاوبتهااا
-اعرف خاله انتي هسه متحذره مني لكن حيجي اليوم الي تگولين علیه نعم الابن

-يعني اشلون؟

جاوبت ميسم

-يعني ياماما قبل لايجي حسااام خليني اكلج
انا مقتنعه بي وحبيته وعشقته وماصدكت يباوع عليية ويصير نصيبي هو همين يحبني
بس الفرق انا أول ماشفته حبيته وبعدين اهله ناس اگابررر ساده راقیین ومعرووفين ومختلفین عنا بگولشي وكلشش حبابون

تبسمت وگلت وین عمامي خل يشوفون ميسم تگول علیهم حبابون حتی مو حبابین
اجی اخوها نشف ايده الكلنس
گال

-یعني تعتقد صح انو تجي تخطب بنات الناس بلا موعد
المفروض تجيب اهلك وتاخذ من عدنه مووعد قبلهاااا
وتجيب اهلك ولازم الوالد موجود
درت وجهي الميسم وشفت وجهه تغير وخافت اخوها يرفض راسن جاوبت

-اهووو حسام عمته لا امه اي امه دزتلي رساله وگالت حنجیگم بعد گم یووم وهذا طلب بعدين اهله

جاوبت وبثقه

-اعرف خووفك على اختك اليه الشرف اجيب اهلي بس انا اليه ظرفي غير يعني مااخذ اختك اله وانت ضامن كوول حقوقها وتضمنهن بيدك من المليون للمية مليون

رأسن جاوبت امها
-يوم مادام هي موافقه ابوها ان شالله يوافق مستحيل يرفض لأن ساعدته وطلعته من السجن.. انا ماعندي مانع وحتى اخوهااا وانت عرفنه انت ابن اصوول ابو غايب مدح بيك مدح مصاير
ابتسمت وجاوبتهم

-اشكرچ خاله وممنون یعني هسه تمت الزواجه
جاوبت ميسم وهي تهلهل

-هاااي اسرع زووواجه بلعالم

جاوبت وعيوني الميسم

-انطيچ مهله تفگرین

_انااا افگرررر

جاوب اخوهااا يهز راسه

-اتشرفت بیك يلنسيب اهلا وسهلا بيك

گمت منهم مترخص حتی اگمل الاجرائات، طلعت من عندهم  اتصل علیه الضابط،وفرحني بقى بس الشيك اسلمه حتى يطلع

دخلت للشقه خابرت سيد مهدي فتح خط

-اشلونك حبيبي

-هلاااأ بيك خووويه گووول

-محتاجك بشغله مهم

گوووول   عضيدي

-تجيني تكدر البغداد لادگلي لااأء بسيارة سايق جدي
مريحه وساعة زمن

-ليششش

-اريدك تشوف البنيه الاريد اخطبها

-انتظر اطيب فد كم يوووم

-عضيدي بس تعاااال

-خووووش جاي جاي الصبح يمك

-حبيبي
تمددت على التخم فرحان ومنتظر جيت سيد مهدي نمت بحيث حتى السحور ماكعدت فزيت ويه ضوه الصبح..على صوت هلاهل سحبت نقالي لكيت اتصال من الضابط صديقي فتحت خط

-كووول حبيبي

-شووف سيد المتهم طلعناه والشيك انا ضمنته خلال اسبوع يووصل موو تتاخرر

-لك فديت ربك مشكوور

غلقته رحت غسلت وجهي،اندك باب الشقه فتحت واشوف السايق واكف ومتوجي عليه سيد مهدي تقربت
حضنته حييل

-بربك اكووو اخ بدنيا مثلك عمليته بعدها خضره ويجي
بسرعه الاخووو والله افديك بروحي على گلبك اليحبني

-اسگت وخلني لان متمدد بسياره ممرتاح وعفت مريتي

-اخخ يم الحيايه

-اللهم اني صائم

-تقبل الله

-مجتبى گوووول شگووو والله اذا شغله تافهه لگون مجنزك تجنزز

-اريد اخطب

-اي وين البنيه اهلها منوو ؛شو
وضعهم،التزامهم،واقعهم
ارتاح وتالي تشوفها

-لااااا هسه لان الدكتور يريدني العصررر
لزمت ايده فرحان

،يله تعال ذول خمس درجات وتلگاهم
-امري الله

لزمت ايده وصعدنه الدرج بايه بايه الى ان وصلنه للشقه
الباب مفتوح لان من الصبح الناس چانت تجي تبارك ولو
بس ابو غايب وابو السوبر مارگت همه البارگو
دگیت الباب اجی حسام گال

-تفضلووو تفضلووو
دخلنه كعدت السيد على التخم اجتي الام سلمت

-شلونك عيوني سيد مجتبى يااا منو بس لااا اخووووك اي امبين يشبه الك
گمت اقدمه

-اخوي وعضيدي،وابوي ،وامي،وجدي،وعائلتي،وكل الدنيا هوو الوحيد الي يفهمني وافهمه الدكتور الراقي سيد مهدي ابو علي

-تشرفنه هلگد تحبه
جاوبتها
-افدي بروحي
جاوب سيد مهدي
-اعذريني يجوز اجيت بلا موعد ومن غير استئذان لكن استعجال اخويه وتطرفه هو الي خلاني بهيج موقف

جاوب ام ميسم
-لااا شدعوه عيوني البيت بيتكم اخو الغالي
اجت ميسم لابسه بجامه والشال شامرته شمرر ضفيرتها
طالعه وكذلتها اشرت الها رتبتها بسرعه وكعدت تسلم

-السلام عليكم شلونك اخو سيد مجتبى فد فرحت من شفتك ونبي محمد فد احبنك انت ومجتبى لان انتم

حطيت ايدي على حلگي اكح سكتت
گال سید مهدي والضوجه بوجهه
-يعني اخوي رايد ابنتكم المصون بس ممكن رجال البيت
صاحت ام ميسم

-يله عيوووني ابوو حسااام دتعال خلينه انشووفك وين يوووم حسسام الشاب يريد رجال يحجي وياه

دار سيد مهدي وجهه بيد سبحه يسبح بيها وايد الثانيه على بطنه اجى ابو ميسم رجل اريحي وياه ابنه وكفنا انسلم كعدنه گال سید‌مهدي ..

-الله بلخير
رد ابو ميسم

-الله بلخيررر نورتونه اشلونكم

-الحمد الله مااعرف اشلون افاتحكم بلموضوع
جاوب ابو ميسم

-لااااا تفاتحني اصلا البنيه تحب الولد والولد يحب البنيه
ليش نحرمهم من بعض

رد سيد مهدي

-يعني ماراح تسالون

-وليش  نسال احنا نشتري رجال

-زين طلباتكم

-الي صار كافي وزياده

-يعني موافقين

-اي موافقين

گام سید مهدي گالهم

-اترخص لان ارید ارجع قبل الزوال حتی ابقی علی صیام
-یعني افطررر واقضي شموازيك

-ماكو شي يوازيني فقط عندي وقت ماحاجه افطر

طلع سيد مهدي يترخص منهم واعرف بيه ضايج نزلنه للشقه وهو ساكت كعد على التخم سديت الباب گتله

-هااا سید گوول

تنهد ضايج تناوعلي
-مجتبى وين راح تشمر نفسك

-لاااا دگول هیییچ یجوز اگون سبب بهدايتها

-عضيدي ترى اختگت من دخلت الهم الی ان طلعت یااخي مااريد اخذ بختهم بس ليش عينك عميه افتحها شووف الحواليك

-ماااگو شي واصلا چنت اراقبها یله اتخذت هيچ خطوه
-عضيدي قبل لا اروح لازم انصحك الزواج مو بس جمال
وعناد الزواج رساله يعني من راح تفگر تزوج  لازم تگون گد المسؤليه وتختار الصح حتى ماتتندم

-ماتندم انشاء الله

-امين بس انت لازم ماتختار الانسانه الماديه اوالي اهلها
يفگرون بلماده

-لاآا میسم موو هیچ

-زین لیش انا حسیت هیچ اتمنی اطلع غلط بس راح تتعب اذا تاخذها ماديه لان المراه المادیه تعتبر بنگ وتسحب منه ماتعتبرك زوج

إلمراه الماديه تبقى طول الوقت عايشه بلمقارنات تبقى تقارن نفسها بفلانه وعلانه حتى باقرب شخص الها وتبقى تنگ علیک افلانه عدها هیچ وذيچ تملك هلج

-لااا میسم قنوعه

-مااااشي عدها غرور فكرت بهيج شي راح تعيشك بذل وتعب وتخليك مثل شخص مسعور يلهث حتى يرضيها
وتتسول العاطفه تسول اذا غرورها راد منها

لزمت متن سيد مهدي وگتله

-للاا میسم انثی داخلها طفله عنیده جسره مثل گاگو داخله فستق حلبي ماتحب المظاهر حبتني اليه انااا
حتى من اختنك الگاها هی الی ادگ باب گلبي وطبطب عليه وتفهه شنو يريد

-انا اخوك والك ناصح اتمنى لاتستعجل بقرارك

-انشاء الله

-بس  ليش مكبر الموضوع ترة احنة لان عايشين بمدينة دينية تشوف البنات فد مرة منغلقات واي شي يسوونه عيب وميجوز ترة بنات بغداد يختلفففن

ـ لااا حراام علييك يا اابن ااامي حرام عليك تدخل بخطية هالبنات العايشات هنا ليش مو عدنه اصدقاء من بغداد اشو بناتهم مو هيج وبيهن ملتزمات ااككثثر من بنات المحافضات الدنية التحجي بيهه..بس اانت بصرااحه اختيارك خطأ مو لان بغداد خطاء لااااااا
لان هو خطاء وخاايف لاتندم بعدين

-وهسه تامر بشي حتى اروح واخلي يفوت كم يوم واحاچي جدي

-اشكرك ومانسى وگفتك

-ولا تنسى انا اخوك يعني لا تستعجل باي قرار اله من انطيك خبررر
تحاضنه وراح سيد مهدي

راح سيد مهدي وبقينه نتواصل انا وميسم حتى نكمل اجرائات المحكمه اعرف سيد مهدي ممقتنع بس خلاص انا ماخشيت عليه شي...گمل عقد المحگمه بعد ان دفعت افلوس حتی العقد یجهز گامل...واتفقنه علی المهر ۲٥حاضر ٢٥غايب...اشتريت الذهب وگملت گلشي اعرف بنفسي بديت اصرف بفلوسي دون وجع گلب
بس هذا الاريده،وعقلي قرره

رحنا ناجر بدلة عرس بس ميسم عندها فستان امها اخذناه الخياطه صديقتها ورتب عليه تول ودانتيل  مبطن عجبني بساطتها وگل همها انو بیت یجمعنا مو اله عرس وزفه

اخذت البدله وچنت متلهف اشلون راح تطلع علیها لان تصمیمها مثل الحوریه والبرگع طویل.‌‌‌‌. وبیها ذيل فوك الخصر لجوه

وانا رحت اشتريت قاط،مريت للحلاق  اجي صبح بلسبعة سسولي  ترتيبات .متلهف باچر العید،ومتلهف جمعت عمامي بهیچ یوم

خلصت گلشي ورجعت للبيت متأخر  خابرت ميسم امر عليه سته  صبح حجزت اله عد مركز
وكتلهة راح انام تعبان
سدته ونمت

لصبح رحت عليه لشقة عايدتهم وسلمت عليهم واخذتهة وصلته
للمركز
ورحت للحلاق  كملت

رمشت عليه ميسم،شفت نفسي متغير لان
تسريحة شعري(( بومبادور فيد اول))

وصلت للمركز نزلت كلش يم بابه اجى طفل يركض عليه گلي عمو الحلو العروس منتظرتك
صعدت الدرج نطتني طفله ثانيه باقة ورد

انتظرت بغرفه جانبيه دخلت ميسم  بدلته والكاب لابسته

-اللهم صل علی محمد وال محمد  
جاوبت ام الصالون
د
-عیوني مهناي بعروستك اول مرة

رديت
-متقصرين ومشكور منچ
حاسبتها وطلعنه وعدلت الهة الكاب ماخليت شي طلع منه  ومیسم تثاوب نعسانه گالت

-حبیبي بس انا بلاربعه الفجر نمت

-احب المفاجات وارید افاجئهم بحوریتي واميرتي الحلوه بصباح العيد

-هلگد تحبهم

-اهوووو حشی اخوي وامي

-يله انا احب التحبهم ههههههاي

-تدرين  طالعه ايه من الجمال

-احبك

-كااافي خلينه نوصل بسلام لا تجننيني

وصلنه للمجمع دكيت هورن نزل ابوها واخوها بسلمون عليها وانا اشگرت منهم

گالت امها
-شووف ابو حسام الفستان شلون حلو علی بنتك رجعني
الشبابي من للبسته بازواجنه الي صار بلحبانيه
شبكت بنتهااا گتلها

-تعالي ويانه
ردت
-اجيكم انا وابو حسام ثالث يوم العيد ان شالله

رديت

_خاله كل الهلا بيگم تشرفونة بأي وگت..

نزلنه والجوارين شافونه وباركولنه وابوهه وامهه ويانه نزلو
رگبنه السیاره وتوادعنه
وانطلقنة طلعنه الكربلاء بلسبعة ونص

کالت
-حبيبي راح نزل كبوس من راسي اختنكت
-نزلي من نوصل عدلي ودنبسي

شغلت ام بي ثري  اغنية
(هم عريس هم نشمي هم ربعه يزفونه)
وهية   تصفك وتغني وياه الغنيه  وتهز بركبته وتهز جتف
واخذت ايدي وتهوس بيه وباسته 
- كلش فرحانه لن اخذت الحبيته والردته

ابسمت الهة
-اني هم فرحان بيج واخذتج

وشبكت ايدهة بيدي وخلت راسه على جتفي
كتله خليني اسوق على هاي سوايتج راح اكلبه لسيارة

ضحكت وكالت عوفني على راحتي اني فرحانه بيك
رجعت شغلت غنية هادئة

مكتوبة ليك إني أنا اللي تعيشلها..
مكتوبة على إسمك حياتي كلها..
أول ما قلت بحب كانت ليا أنا..
مين تستاهلها غيري أو تتقالها..

مكتوبة ليك و أهي كل حاجة بوقتها..
تكمل حياتك بيا لما دخلتها..
وقت أما شافك قلبي شافت عيني فيك..
صورة حبيبي اللي في خيالي رسمتها
وتحجي ويه كلمات وتتمعن بيه
درت وجهي عليه وبست راسهة

وگل اشوي اختلس نظره الها احاول الزم نفسي من مشاعري السيطرات من يشوفونه عرسان راسا يمشونه ميوكفونه والناس من تشوفنة لوحدنه محد ويانه ينكسر خاطرهم علينه ويدكولنه هورنات

وحتى من گفنه يم سياره بيها نسوان  الله يحفظهن من شافنه هلهلن النه يعني طول الطريق من بغداد لكربلاء ماحسينة لوحدنه العالم الشافتنه كلهه زفتنه والمازفونه  ابتسمولنه

حسيت بفرحه العرس وفرحه الانتصار..
وصلنة كربلا ودخلنة شارعنه
گتلها

-اوعدچ من هذا اليوم راح تتغير حياتچ وحیاتی راح نبدي مع بعض سند البعض ماريدچ تخذليني ويگولون مجتبی ماعرف یختار

-ابد مستحيل صدكني لان احبك

-وانا اوعدچ ماراح ازعلچ بیوم واريدچ تنسین گول حیاتچ قبل لان حیاتچ الیوم وبعد ویایه لان انتی حبي وگلبي وعقلي

-وانا ا عدك ماراح تتعب ولا اتعبك لان انت الماضي والحاضر والمستقبل اليه

بشارعنه واحنة بالسيارة شافونه  الجيران اغلبهم چانو برة بيوتهم بالشارع
استغربو من شافوني ووياية بنية لابسة بدلة
وكفت السيارة يم البيت

والتمو الجيران علينة المستغرب والي يهنيني ويبارك واللي يعاييد
حسيت رديت الصاع صاعين

  الجوارين مستغربين اكو عرس ابيت السيد ومحد عازم ولا حاچي شي مو معقول ومصاير قبل...

نزلت فتحت الباب ودخلنا الكراج والجيران واكفيلي رجعت دخلت السيارة ورديت نزلت

فتحت الباب لميسم باوعت شافت بواقي اثر الدم العجل اليذبحه جدي لمت البدلة ورادت تنزل انوب استحت من هالناس ابتسمت بوجهه وجريت ايدهه
الباب الداخليه ماعرف منو فتحهه منهم بس عرفو انا اجيت وفتحوه

نزلتهه لميسم ودخلنه من باب الصاله اصوات عمامي وجدي جانو يسولفون ممنتبهيلي

دخلنة وصحت بصوت عااااالي
-اااااااالسلام علیيييييييگم

التفتو علينة وانصدمو
الي وگف منهم البقى كاعد بمكانه
وجوهم متتفسر وتضحم بنفس الوقت
راسا ميسم نزعت البرنص من راسهه وبقى مشكل على جتفهه وطلع شعرهه

ـ اسفة حبي بس والله اختنكت طول الطريق لابسته

اشرتلهه بعيني يعني ماشي

صارت ضجه بالصاله و اجت
امي تركض

تقدمت خطوات ماده ايدها تحضن ايدي گتلهم
-اقدملكم مرتي وحبيبتي ميسم..

#يتبع