رواية عشق المومنين(أبناء الساده) الفصل الثاني وخمسون 52 - بقلم نازك الحمراني

صباح الخير ...ارجو قرائة الفاتحه على روح اختي سجى وروح الصديقه العزيزه(ايثار)

(ولَا تَخَافِي ولَا تَحْزَنِي)

-لا يعاملنا الله بمنطقية قاسية؛ إذ لا يقول هذا لصالحه متغاضيا عن حجم ما كُسر في الفؤاد.. الله أحنّ علىٰ خواطرنا ما

عقيله
سمعت خطوات سيد مجتبى راح گمت فتحت الباب لکيت سيد علي أجى عليه باس ايدي وركض للسرير صعد لزم ايد ابوه يبوسها باس لحيته ورگبته

بقيت صافنه مو طفل ياربي تصرفاته مثل شاب رفع أيده اثنينهن حضن رگبة سيد مهدي يحاچي

-لاااا تووح(لاتروح)بعيد أحبك

-انا أحبك وليدي وبكري يا بويه ياعلي خوما تعبت ماما من چنت هناك بلمستشفى

-ناه ناه حتى مااخليها تبچي انت تضوج

-يافدوه ياروح ابوك هيچ اریدك تحب ماما حتى انا احبك ورب العالمين يحبك

كام علي،راح للكومدي طلع سجاده مالتي وسجادة ابوه فرشهن وطلع سجادته الزغيره وخلا يم كل سجاده تربه وسبحه هو هيج يحب يبهر ابوه

گله سید مهدي

-الله يحفظك يانظر عيني بس مااكدر يبوي انا هسه اصلي على المصلى

صافنه عليهم وفرحتي مانطيها الاحد ودي اعبر احچي اندك الباب دنبست حجابي وفتحته

دخلت عمتي زينه بيدها مبخره گالت

-عمه عمه خليني أبخرچ انتي وسيد علي ووليدي سيد مهدي اليوم السيد عازم الساده گلهم وحتى خابر اهلج حتى يجون وحتى امج واختج الله يحفظها

فرحت وعيني السيد مهدي بقت عمه زينه أتبخر بينا وتقراء المعوذات واية الكرسي كال سيد مهدي

-يعني جدي سواها موووو

جاوبت عمتي

-يمه المايخفى عليك مايخفى على عقيله أنت تعرف كلش زين هذا بيت العائله كل جمعه وخميس من رمضان السيد يعزمهم يعني مو جديده عليك

رد سيد مهدي

-بس عمة همه كلمن عند بيت مايصير وانا بعدني شايل منهم مايصير والله

كعدت عمتي تصبر بيه گالت

-شوف ابني مهدي وخل حتى ابنيتي عقيله تسمع كلشي هااي الدربونه طول بعرض جانت كاع ابوك بستينات بيها بيت واحد الي هو بيت ابوي سيد باقر وابوه وجده يعني كاع جامعها هذا البيت وبس ابن عن جد أزوج ابوي وبقى بيها

تالي زوج أخواني گلهم وهمين احنا بقینا آبهذا البيت بس بعد ماتوفى ابوك(الله يرحمه) وبدو اهل أمك يردون امك لان حلوه وزغيره وكاعده بوسط حموين شباب

حرص سيد باقر عليگم أنت وامك وسيد مجتبى وزع الهم ألكاع كل واحد نطاه ٣٥٠ متر ليش حتى مايبتعدون عنه
وهم ماتبقى عيونهم امفتحه عليگم ویحسدوگم
وهم نفس الوقت ولا ينطي بينا ولا بیهم لان أي أب بهاي الدنيا يحاول يجمع ولده وبناته حتى لو اكو واحد بيهم
اعز من الثاني فا جدك يايمه يحاول يجمع الشمل والچبير مو مثل تفكير الأزغر منه..جدك أهم شي عنده يبقون احفاده ولده يمه

ولي سواه علمودنه قبل وحتى هسه وخصوص انتم مامسوي الأي واحد من ولده مع ذالك من عاداته كل اسبوع من رمضان يجمعهم كل جمعه من الايام العاديه

ومن تصير مناسبه لازم الكل يجتمع فهذا الشي لازم نقبل بيه لان جدك علمودنه سوى المايتسوى

رد سيد مهدي

-والتهام عمه راضيه عنه

ردت
-لااااااابد ماراضيه وحچیت واحچي والحد هسه وكعت علينه ام عامر تراضيني مااقبل

دخلت ام سيد مهدي كعدت يمي گالت

-هلا يمه عقيله زينه اليوم

هزيت راسي ابوس ايدي معنى زينه

طبطت على فخذي وبديت فعلا احس ام مهدي تغيرت ويايه وتحبني واحس مو هي لان شخصيتها المغروره وتعاملها بگبر وفوقیه اختفت گالتلي برجاء

-الخاطري اطلعي للعزومه

تبسمت احرك بايدي واشر على گلبي معنى مسامحتهم
رجعت طبطبت عليه وكالت

-منوو مثل گلبچ بس سید مهدي شايل فد مره عليهم..

اندار سيد مهدي على امه وگلها

-يعني ام عامر راااااأااح تجي استغفر الله

-اي ياسيد مهدي ترى انا وعمتك زينه ماقابلين وحتى جدك ماقابل عليها بس علمود ابنه وترى هذا بيت جدك الاصل..وييقى هذا البيت وانت تعرف مفتوح للعدو قبل الصديق

وللغريب قبل القريب يمه انت تعرف جدك يتمرض اذا يشوف زعل بين ولده...لان يعرفهم قاسيين وبدهم اليوم قبل باچر یطلعون منااا ویتعارگون علی الورث

-اي وانا هم اعرف بس مع ذالك اكو شي اسمه حدود وهمه ونسوانهم تعدو وتجبروو

-ميگدر یخلیهم براحتهم همه ولده وتعب عمره وشبابه الي راح والي فناه الاجلهم نتحمل اشويه علموده مثل ماتحمل على علمودنه فراك ولده وخلانه أحنه ألگل بلگل

-ومرت عمي

-مرت عمك الكل عرف شني هي بس نسكت الخاطر الساده وترى هيه من زمااان نحسه دخلت علينا چنه عادتني لان انا اطلع للدوام وانيقه وابوك يرگبني بصدر السياره وهي لا تبقى بلبيت

بحيث أشوف الغيره بعيونها من اطلع الى ان ارجع للبيت بعد ابوك الله يرحمه چان مدللني ضعف دلالك العقيله بحيث گلت حقها تغار من دلال ابوك بس يگولون مایحسد المال اله صحابه وانا حسدت نفسي على أبوك الله يرحمه راح مني مثل شربت مي

-الله يرحمه بس يايمه وعقيلتي وكرامتي

-بيدك ترجعهم

عقيله//تناوع عليه سيد مهدي بعد مااجته رساله بنقال وتبسم تقرب اليه ومد ايده وكفني حط ايده على جتفي وكال

-طبعا يمه نحضر انا ومريتي

تفاجأت اشلون يحضر والصار بس مع ذالك انا افرح الفرحه وشنو اليسوي سيد مهدي صح الصح بلنسبه اليه

ام سيد مهدي وعمه زينه فرحن والكل ضحك وانا هم شاركتهم وعيوني تصد السيد مهدي وجهه المستبشر ماعرف شنو الرساله الي اجت وخلته هلكثر فرحان
كالت عمتي زينه.

-يله سيد مازال رضيت والثواب هو على روح مولاي امير المؤمنين عليه السلام واحنا نتخلق باخلاقه

-تمام عمه تمام

دار عليه سيد مهدي باس راسي وكلي

-اريدچ تلبسین صایه،والذهب مالتج،واعرف لابسه اسود على امير المؤمنين واعرف تنزعي بعد كم يوم بس لبسي الذهب
هزيت راسي طلعو وانا اخذت سيد علي بدلت اله

سيد مهدي//الحركه صارت بگلبي واعرف جدي ماراح يفوت يوم ٢٧رمضان اله ويعزم عمامي ونسوانهم ولدهم وبناتهم اول خطوه سويته اتصلت بمجتبى عضيدي يدبر أليه محامي،مو من معارفنع بس كون شاطر

وفعلا شاف اليه محامي قديم من بغداد گمل الیه اجرائات انا آریدها ومحد یعرف بیها غير سيد مجتبى

كعدت بصاله وبدت العامله زنان والعلويات يمدن السفره للأكل لان ميز الطعام ١٢كرسي ميكفي،عدد الساده...انملت السفره بصحون مالذ وطاب وشنو تشتهي الأنفس

بقيت كاعد عل كرسي ماأگدر من عمليتي جدامي سيد مجتبى بعد ماخلص أتصال،ورجع بوجهه علامات النصر

،اشرتله شكككو؟

ضحك گلي
-كلشيييي يجيك بارد وحار ومكسب

-اعرف بيك عضيدي

ألكرسي مريم لان جلد ووترگب عليه طبلة فوگهه صينية بيه شوربة وعصاير جابتها عمتي عافته
وتتحسر وتحجي

_سودة عليه من ورة العمليه بس شوربة والعصاير تأكل
ردت عليهه

_الحمد الله نعمة

أجت عقيله أشرتلهة تكعد بصفي بلكاع ،تبسمت اليه لابسه صاية و الحجاب لونه أسود كأنما بدر كامل بليله كعدت يم رجليه وبحضنها سيد علي،عفت ايدي على حلگ وهمست الهة

-قارورتي ليش هلكثر حلوه حيلچ علیه

صاح مجتبى

_اهوو شني سالفة سيدنا مووو العذال هوايه

_الحارس الله

_يله خليني خليني أسمع گلمة گلمتين اتعلم منگم صرت مثل لواعيب طوبة عايف أيدك على حلگگ وتتهامس

ضحكت

_ لاتخلي بالك يمنه ترة ندوخك و انت ماتحتاج تعلوم

التفت على عقيلة عايفة ايديه على وجه وتضحك وجه احمر

_ربي لاااايحرمني من هل وجهه

التموووو العمام ونسوان يسلمون مدت ايدي لزمت اید عقیله اتلاعب بآصابعها

عمي ابو عامر سلم

-السلام عليگم سيد مهدي ترى طاح الحطب يبن خوي مووو

درت وجهي على عقيله

-وعليكم السلام ياعمي الحطب ولي صنعه مجازاهم على الله واهل بيته يم محكمة العدل الله العدله

-يعني ممسامح

-وبشنو يهمك سماحي، وانتم تعمدتو تهينوني، بأعز شي على گلبي،وباعز شي عند الرجل شرفه

رد عمي الثاني

-وتالي يا أبن اخونه

-تالي انتم بيت جدي،وبزاد جدي اعتبروني مو يمكم لان هسه انا كاعد يم حضرت زوجتي المصون وعند الجمال يسكت الكلام المباح

وجوهم بدت تنغاض،كعد جدي وهو يسلم التلفزيون عالي اذن الاذان وصوت المدفع بلفطور ملا اركان الصاله مديت ايدي افلس تمر العقيله وهي مدت اليه كلاص عصير برتقال شربته وكتله عساج سالمة ياالغالية

بدو ياكلون والگل يعرف طبيعتي وحتى عقيله أگل شوربه وتالي اصلي وبعدين افطر

گملت صحن الشوربه وعقيله گملت نصه..اشرت السيد مجتبى

-عضيدي وووين الفايل

التفتو عمامي على صوتنه

تعمد سيد مجتبى يعلي صوته

-ااااااي ااااي صار خووي هذااا

تعال كترر ألطبلة على صفحة أجى مجتبى نطاني الفايل شال ألطبلة وكف يمي وخوزر بيهم منتظرني أفجر مفاجأ

كال جدي

-هااااااا شنوو هذا سيد مهدي

فحتت الفايل

-هيچ شغلات خفايف كاتبهن باسم قارورتي

عمي ابو امير انشحط وعمي ابو عامر ومرته شرب كلاصين مي طبك

تبسمت الهم كتلهم
-ترى ماحاچي شي يخليكم تغصون

گال مجتبى

_مووو مولاي انت مو مفاجأه محضر مفاجأاااااااات

فتحت الفايل طلعت اول ورقه سلمتها العقيله
اخذتها مني كتلها صافنه

-هااااي سياره النترا ٢٠١٩باسمچ

صاح عمي ابو عامررر

-شنووو ماااعدنا نسوان تسوووق منين جبت هاي سالفة وليش باسمها

جاوبته مبتسم

-لااأااا تجمع عمي انت ماعندك نسوان تسوق أما أنيي فهذا الشي يرجع اليه(بعقلي،وبكيفي،وبفلوسي وتعبي وبقررراتي وحبي الزوجتي)

اجى يحچي جاوب جدي

-تستاهل ام الساده بس بويه خاف ماتعرف السوق

-لااا جدي معلمها تسوق من فتره ومجرد ماجدي امير المؤمنين ينطيني مرادي ويرجع صوت ام سيد علي راح تسوق سياره الدوامها

غصت وشركت ام عامر وتكح بصوت وتحجي ....

-دوام اي دوام هذا هي قابل مداومه

-اممم مو عقيله طلع تعينيها مدرسة اعداديه البنات(..) بأركولها

ردت ام عامر

-بس هي خرررسه شلون داوم

-لااأاه حشااا حشااا ربي تبقى حرمتي خرسه وترى الخرس الصار الهة بسبب الظلم وعمر الظلم قصير والظالم لابد ان يتحقق عليه الجور

كال جدي

-سيد مهدي عفيه وليدي عقيله تستاهل بس هااااااااي كلهاااا مفاجأت

جاوبته

-لاااا جدي ابد ماكو مفاجا لان المفاجاه الاكبر من تعرفون حصتة لسيد مجتبى بصيدليه الي بغداد شتريتها انا لان مجتبى مارادهااااا

جاوبت امي

-يااا يمه وتعبك مجتبى

رد مجتبى بضحك
-مووو سيد مهدي دفع ضعف سعرهاااا فا اعرف نفسي ماارفض هيج بيعه والربح أجاني بيدي وهم ماراحت الغربه

كال جدي

-وليش وانا ابوك اشتريته

رديت عليه واني خلي سيد علي واكف بصفي

-اشتريته لان ردت راتب شهري يجري العقيله والنص اشتريته الها..

وكف عمي ابو عامر متعصب

_شنو هذا تصرف هذا لعب مامقبولة منك

تقدم عليه مجتبى خطوتين لزمته من ايده ودنج عليه وخلة اذنه يم حلگي

_موو صابر گووووه اريد أحچي

همست اله

_خليك ريلاكس اعصابك خليه بااااردة كللش بفريزر ..

تبسملي وهزلي راسه وأفتهم شريد

جاوب مجتبى عمي ياا ابو عامر

_ انت شعليك شنو ضارك مااخذ من فلوسك
فلوسه وهو حر بيهن وهن تاليهن لعائلته خلي اخوي على راحته تعبة وحرر بيه

بقت متبسم وعايف ايدي جوة خدي

عمي ابوامير اجة وكف گالي

_يا ابن اخوي هذا تصرفك جاي أتشيخ الغريبه علينه وعلى نسوانه

ردت عليه عمتي زينة

_ياخوية هذا تعبة ويريد يدلل مريته شعلينه احنه

دارت وجه عليه عمتي زينه

_ الف عافية واجت بواست عقيلة تستاهلين أم سيد علي يااريت نسوان كله مثلچ

واجت امي وباركت العقيلة وكالت الهة

_عقيله هذا اقل شي يقدمه الج سيد مهدي لن تستاهلين صدك لوكال قارورتي

يتبارگن البعض صوت ام عامر بلباب لازمة عبايته وتصيح

_يالة ابوعامر خل نمشي هذا لعب وسحورة
زلمة مو بيدة مو بعقلة و مسطور ضال بلاا رأي

امي حاجته بنتررر

_تعرفين منو سيد مهدي هذاااا ابني الدكتور العقلة يوزن بلد والسحورة تحچين بيهة ألاااااانتي مجربته وهل تسولفين بيه

صحت على أم عامر

_تعااااااي ام عامر وين رايحة گملي فطورج وشوفي هديتي الاخيرة لحبيبة عمري

رد عليه مجتبى

__يااسيد مهدي ألضغط علك بقى سكر اطوها شربت نومي بلا شگر ألام عامر

باوعت علينه وهزت ايديه

_ترى ماضايجه بس أگلك هذا مو تعبك وجاي تبذر بي

صاح جدي صوت عالي وبخزرة

_ام عامر الزمي حدودچ

طبكت الملف اتبسم وطلعت منه ورقة وكفت ومدت ايدي لعقيلة وكفت ايد على مگان العمليه وايد لازم ورقه كتلهم

_ هاي هديتي ألچبيرة بيت راحتي وسكينتي بيت خالي من مشاكل بيت خالي من حساد بيت خالي من نفاق والجدل بست كصت عقيله وايده ونطيتهه ورقة

_ هاي الورقه مهمه كلشششش ياقاروتي كلشششش
مهمه البيت الجديد الي بنيته وبعد مده يگمل صارر وتسجل بأسمچ ياعزيزة الروح ....

حين أخترتي شريك يُحب صاحب الزمان "عج" لن تضطري لمراقبته أو الخوف منه، لأنه يراقب إمام زمانه في حرڪاته وسڪناته، سره وجهره، فهو أبعدُ عن ظُلمك أو أذاك .ولا يسمح لاحد أن يؤذيك
"من يُحب صاحب الزمان لا خوف منه ولا خوف معه ولاخوف عليه
........
......

.....
لا تسألني عن لحنِ الحنين فأنا لا املك سوى وترٍ حزين..اعزفُ عليهِ ألمي..ويتراقصُ عليهِ الأنين..

مريم//أسمع عمتي تجاوب أختي تدللين شغلتچ يمي تعالي من الفجر وميصير خاطرج الا طيب حتى نثبتلج وليدنه زلمه من ضهر زلم اطلعهه كدامج وتلزميهه بيدچ بعد..

طلعو اهلي واني بقيت صافنه بحچي عمتي هاي مين جابت هالثقة يعني شنو راح تسوي مين وشلون حتجيب النيشان...

كومه اسالة براسي خلتني ما أگدر أرگز على شي انتبهت على صوت امي تريد تحضني حتى تطلع راسا اندفعت عليهه وحضنتهه دمعت عيني ملزمت نفسي

گالت اختي ريام

ـ شبيچ ليش تبچين

ـهاااا لاااااا ماگووووشي بس لان ماشفت ابوية ولا سلمان اريد اشوفهم واحضنهم مشتاقه كلش

ردت امي

ـ اي يمة حقچ هسة بلگي الناس الغربة العند عيالچ طلعون وتشوفيهم بالهول

ـ موو اله اشوفهم حتى لو بس المحهم بالمطبخ انعم الله كلش مشتاقتلهم واريد شوفتهم

ردت اختي ريمة

ـشلچ بهل عياره يامريومتنه هووو صارلچ چم يوم من عفتيهم الله يساعد كلوبنه صارلنه سنين

ردت عمتي

ـ هاي سنة الحياة عيوني ان شالله ابو ارشد يعوض مكان ابوهه واني بمكان امهه

والولد حموينهه حسبة اخوتهه لا تستاحشين بنيتي

جاوبت امي

ـ والنعم منگم ام ارشد متقصرون

ماحچيت شي بس مسحت دموعي طلعت وية امي وخواتي وصلتهم يم باب الهول وگفت لمحت رعد واكف وية سلمان

عيني ما أچتي على سلمان رغم جنت مشتاقتلة موت بس ثبتت عيني على رعد احسة حزين بس جدامي يگابر الجگارة ابد متفارگه لو ما واجب الصيام هالشهر چان النهار كلة بحلگه

مقهوره عليه شعره اشعث وممرتبة رغم هو ابو الاناقة بحياتي ماشفته هيج متبهذل اعرف ومتاكدة هيج صاير بحاله علمودي

بس اتمنى اساله ليش ليششش نكث بالوعد وعيشني بحلم وردي ليش هيج سوة چان كال يابنت الناس كل واحد بطريق ومن يومهه اقنع نفسي بنوار وخلص

صراخ بداخلي لو ينسمع چان كالو عدنه ميت..
ماحسيت الا ريام تنغزني بايدي حييل.. ااااي

ـ ااااااااااشبيچ ااااااشدعوة اتاذيتي

ـلييييييييش هيچ كرصتيني

ـ اااااااريد اااااشوف ليش هالصفنة على سلمان مدري علــــى رعـد شعندچ ويااااه

ـ فزيت من گلتلي رعد..

نفضت ايدي منهه متلبگه

_رعد شنو؟ هااااااااي شبيچ

ـممماااا بيه بس شكوووو صافنه على هذيچ الجهه

ـ غير اخوية واكف ومشتاقتله

بس عينچ مو على سلمان

ـ وشمدريچ لاتتهميني زوور

ـ وولچ الي يشوف صفنتچ يحسب هواي حسابات

ـ كاااااافي ريام لخاطر الله قابل الصفنه حرام

ـ اذااااا جانت بهالطريقة اي حرام واكبر حرام

ـ لا انتي أبد ابد مو صاحية

سحبتني على جهه لوحدنه اني وياهه..

ـ اني مووطفلة ياا مريم عيونچ أگلت رعد أگل احچي شنو القصة شصاير بالهبيت احس اكو مصايب صايرة ومحد ديحچي منگم

ـ عزا شنو هالحجي والله العظ...

بعدني ماگملت حطت ايدهه على حلگي

ـ قبل لاتحلفين يابنت ابوي اتذكري مخافة الله ولچ وينهه وين مريم التستحرم وتخاف الله وين مريم الابد متچذب لو على گص رگبتهه

وين مريم الاولية احچيلي خيتي شنو صاير انتي ونوار تزوجتوو لو بعدگم زين ليش هيج تباوعين لرعد وميته قهر سوالچ شي اتحرش بيچ احچي حتى هنا يدفنه سلمان

بحلقت بعيوني

،ـ لااااااا لااااا عزا العزاني اابد والله العظيم لا تحرش بية ولا شي اصلا كلش مؤدب

ـ لعد ليش هالنضرات الغريبة المدعرف افسرهه ولچ اني بنضرة مني اعرف النغل منو ابو شكو مصيبة من مصايب رجلي مسويهه واهلة اعرفهن على الطاير بس انتي حرت وياچ من ساعه الدخلنة وانتي موو على بعضچ حتى عمتچ حسيتهه غريبة

نسوان حموينچ بس يباوعن زين نوار وينه اشو لا اجى لا سلم علينه

رديت بثقه

ـ بنص الزلم ترة حالهم حالنه متشددين بسالفة اختلاط النسوان وية الزلم وهسة لان هوسة وهواي نسوان مادخلو يسلمون مثل ما اني مكدرت اسلم على ابوية

رادت بعد تحچي ريام بس اجتي عمتي ام ارشد ونقذتني باللحظة الاخيرة

ـ وين مرت نواار تعاااااي يمه تعااااي

رأسن صحت ودايره وجهي من أختي

_هناااااا عمة

ـ تعالي عمة تعاااااي ابوچ واخوچ يريدوچ بالطرمه

عفت ريام ورحت اركض لكيت الطرمه فارغة مابيهه احد بس سلمان وابوية وعمي ورعد واخوته ونوار واكف وراهم رگضت وحضنت ابوية اتمنيت ما ابچي بس مكدرت راسا كمت اشهك
ابوية وسلمان انخبصو بية

ـ ها بابا شنو هالبچي لا تبچين اهل نوار اهلچ ابوه و امه بمقامي انة وامچ واخوته حالهم حال سلمان يعني ما طلعتي لمكان غريب حتى هالبچي كلة

سكتت وكتمت بگلبي شحچي ومن يا مصيبة ابدي

رعد// أحاول أتلافه مريم حتى أبقى صايم مثل گل السنين الراحت أجو أهلها وانا واگف يم سلمان أيدي بجيوبي واسولف

أجت مريم حتى تسلم على ابوها وهي تحضن ابوهه واخوهه وتبچي تمنيت اخذها منهم واحضنهه محد يعرف الي بكلبنة غيرنه هي تبچي وتشهك بصوت عالي واني عيوني حابسه الدمع مااريد أنزله

أبتعدت منهم اغسل جهي بحجة تراب دخل عيني
حسيت بنفسي ضعيف هاللحظة لان مكدرت اسيطر على دموعي

وو هذا ابد مو طبعي معروف عني جلد بالمواقف العصيبة وهذا حال العسگري شفت ابوية سحب امي وراحو على جهه مدري شيحجون عفتهم وطلعت برة البيت ادخن بهالجكاير الصارت سلوتي بکل وقت

ابو ارشد//ولج ام ارشد خاف مرية نوار حجت شي لاهلهه گالتلهم شي

_لا لالاااا تخاف ياعيني مافارگتهه واصلا گلتلهم باجر يجون يشوفون النيشان

ـ شنووو وليش تکليلهم هييچ

ـ اااااااش ابو ارشد مو وكت حچي لاتفضحنه

مريم//بعد ماحضني سلمان وابوية رجع صاحني بابا وحضني مرة ثانية وصاح نوار
حضنه اثنينه كل واحد من ايد اني على اليسرة ونوار على ايدة اليمنه

ـ اسمعني عمي نوار هاي بنيتي الغالية الهادئة الماتطلع منهه العيبة ولا الناقصة يمكن اني بهذيچ الايام ماكدرت احچي وياك لان ابوك جان مستعجل بس هسة لازم اوصيك عليهه هاي امانتي عندك شكد ماتحترمني وتقدرني تحترمهه وتقدرهه وحتى لو بيوم صار بينگم ضيجه خلك ياوليدي اتذكر هي عافت بيتهه التربت بي واجتي ابيتك بين اهلك وناسك تعيش وياك فلا تضربهه ولا تاذيهه ولاتسمعهه كلمه توجعهه

رد عمي ابو ارشد

ـ لاتوصي حريص ابو سلمان انت ماتعرف نوار لان ممحتك بي ترة الولد هادئ وصوته مينسمع والله اشوفهم لايكين لبعضهم اثنينهن عقال ورزنين

ـ لايكين البعض ياظاالم النفس يا مستلط يامستبد وين تروح من الله بسالفتك هاي ولك كافي يارعد كافي بعد ميفيد شي خلي يحجي قابل الحجي بفلوس

ـ حجة ابوية الكلمتين وسلمو وطلعو فرغ البيت وبدت الچناين تنضف جنت مسطورة وراسي يوجعني والعدسات رغم ما اذني بس احس شي غريب بعيني وبس اريد انزعهن

هسة اجي وياكم عمة بس ابدل ملابسي واغسل واجي

ردت ام ريتاج

ـ لااا عيوني لاااااا أگعدي انتي عروسة هسة لاتخلين ايدچ بشي عود من يتزوج رعد خدمي ويانه

ردت ام سكينه

ـ عيني شكو بيهه خليهه تساااااااااعدنه مو نكسرت ضهورنه من الفجر لهسة بس نكرب

ـ ميخالف ميخاالف ام سكينه نتحمل هاليوم ومن باجر تخلي ايدهه ويانه بالشغل..

ـ لا ميخالف هسة ابدل واجي وياكم راسا مشيت وعفتهم دخلت للغرفة بدلت هدومي شمرتهن حتى ماعلكتهن ورحت للحمام غسلت وجهي ردت انزع العدسات بس نوار مدري وين صار اختفى باوعت لنفسي بالمراية ماكو غير اعتمد على روحي فتحت عيني وردت امد اصعبي مكدرت الخوف كتلني هاف افكس عيني

زين هي ممأثرة علية ولا واجعتني ليش مخبوصة بيهه خليهه من يرجع هو ينزعهه الي

حطيت الحجاب على راسي وطلعت وياهم رحت للهول الم الهوسة خلصت لم وترتيب وية البنات ورحت للمطبخ لكيتهم كلهم ملتمين بالطرمه يغسلون الجدورة رعد متشله وايده كلهه صخام ويجلف بالجدر الجبير

ونوار همين متشله و يجلف بالجدر الثاني وباقي الولد وياهم الي يذب الزباله الي يرجع الغراض لمكانهه حلوة لمتهم ومساعدتهم لبعض..
شفت نوار يشتغل حافي دخلت جوة جبتلة النعال الاستيك وطلعت دنجت وخليتة يم رجلة رفع راسه واتفاجئ من شافني

ـ مريم!

ـ اي ليش متفاجئ شفتك حافي وجبتلك النعال

ـ اي صح لان الشحاطة تعدم بالمي رحم الله والديج حبيبتي ..

ـ رفعت راسي شفت رعد يباوعلي من جوة لجوة ويخزرني بنضرة عتاب وقهر

حاولت ما اهتم لازم بمرور الايام هو يتعود واني اتعود على هالوضع..

عفتهم ودخلت للمطبخ چان كلش هوسة باصوات النسوان العالية.. گلنه تعاونه بيناتنه وخلصنه الشغل

صاح صادق

_ان والدي مازال يتعبنا ويتعبنا حتى يقول عنه الناس أنه گريم

جاوب رعد

_اي فنگ روح أحچي يمه هيچ اله العگال يگطعه عليگ وعلى مرتك ولدك

جاوب صادق

_لااا يااخي لا أقول له لأني أحب العيش في كنفه

جاوبه رعد

_أنتم گلكم ابقو. هيچ أله انا عگسگم

رد صادق

_نعم يااخي المتمرد الثائر حتى أن للسان حالك يقول لن أعيش في جلباب أبي

عفتهم يسولفون دخلت للغرفة كاتلني التعب رغم ماشتغلت مثلهم خطية همة من الصبح يشتغلون بس احس جسمي متفلش

وراية بشوي دخل نوار مبلل من فوك لجوة اخذ ملابسة وراح للحمام ورة شوي اجى يمي وتمدد على الجرباية باوع عليه وضحك..
اشو تضحك شبيك

ـ مبين عليج تعبانه

ـ والله تفلشت رغم ما اشتغلت هواي مثلكم..

ـ احنة متعودين على هالشغل ابوية كول الوكت عندة خطاطير وعزايم تعرفين كليط كومه وشأكو زايدة ناقصة تصير يمنه فهالشغل عدنه زلاطه

ـ عزا ااذا صدك راح اتفلش تفلش معناهه

ـ هههه لا اني اشتغل بمكانچ يمعودة لاتخافين

ـ هسة عوف العزايم و تعال نزعني هالعدسات

ـ شنو اذتج؟

ـ لا ابد بس مستغربتهن ماريدهن

ـ تدرين شكد لايكاتلج..

اتقرب عليه ينزعني العدسات واني اسولفله شصار ويايه وشلون امي واهلي استقبلوني واتعجبو بالمكياج ومن هالسوالف من نزعت العدسات حسيت براحه مو طبيعية عبالك حتى راسي جان يوجعني ضم العدسات

واجى جايبلي قطرات شنو هاي؟

ـ قطرات تنضيف لا تخافين

حطيت القطرات واتمددت
بعدة ماكعد نوار واندگت الباب.. راسا راح وفتحهه..
عمتي وعمي واكفين بالباب..

گلهم

ـ ها يابة خو مصاير شي

ـ اريد ادخل احچيلي چلمتين وياكم

ـ البيت بيتك ادخل يابة

ـ وگف كلبي من دخلو علينه عرفت علمود هالسالفة التريدهه ريام عدلت كعدتي وابتسمت بوجههم
راح عمي كعد على الطابورية وكعدت عمتي يمة بالكاع واجة يمي نوار

نباوع عليهم منتضريههم يحجون

ـ اسمعو انتو مو صغار اثنينكم كبار وعين الله ترعاگم اهلچ يا مريم يريدون يشوفون نيشانج وهذا حقهم وواني لو عندي بنية همين هيج اسوي

راسا ضاج نوار واتململ.

ـ اهوو همين رجعنه لهل سالفه

ـ اهلهه يريدون يشوفوون اابني افتهم السالفةة

ـ معليك يابة ااطلع منهه اني اكللهم معليكم بينة

ـ شنوو معليكم بينةةة انت بيا قرن عايشش بيا زمن مو شفت ووولد عمك واخووتك الكل يوكفوولهم بالباااب الحد ميخلصون هسة مو زين منيي كلتلهم ماريد احد يوكفلة عوفو على راحته بس لشوووكت نبقى نمطمط العالم تريد تشووف

ـ وشعليهه العالم بشي خااااص بينةةة اني ومرررتي

ـ ااااسكت عاااد وولا تكثررر حجي شترييييد يكولون عن ااابني مو رجاااال يالاااثول

ـ صوتك نصيي حجي ماكو داعي للفضاييح

ـلعددد خلص گدامكم سااااعه وحدةة وبس تااخذهه وتفض شغللتك اااليووم

ـ ساااعه شنوو

ـ ااي صدك ساعه هواي لان هي تفض بخمس دقايق

ـ صدك چذذب هااي شكااعدد تحجيي. ساعه لازم استعد وساععه

ـ وولك شترييد يبووية لا خمس دقايق قابل ولا ساعه تكفيييك وهاي صارلكم ثلثت ايام
اااحجي شنو فهمنييي متكدررر لو شنو فلمك

ـ بقيت ساكت ما اكدر اجاوب ولا اعرف شنو اجاوب

ـ اخذ حبايتين جبتلك من هالحبوب

ـ حبايتين؟ تريد تسوي بية جلطة انت تعرف هالحبوب شتسويي تسوي جلطة وخفقان وتخثر بالدم ومصايب تريد تموتني

ـ تموووت ولا العااارر ويكولون مااكدر ياخذ مررته

حجت ام ارشد من مكانهه

ـ اني عندي اقتراح يريح الطرفين

ـ شعندج انوب انتي ياايمة گوليي طربييني

ـ هو شوي صعب بس يمشي غرض

ـ يعني شيمشي؟ فهميني

ـ اني ممتعودة احچي حجي جريئ كدام ابوك.. بس

ـ اااحچي ام ارشد خلصينة من سواد الوووجه

ـ اي اني هم خايفة من سواد الوجه.. اكلك يمة خذهه باصعبك مابيهه شي

راسا عاط نوار وكام على حيلة

_شنوووووو هل خراااابيط شنووو هاللعباان النفسسس شلووون تقبلوههه على البنييية هيييج ااسوي بيههه

ـ ولكك اااكعد ياااالغبييي جااا شتريييد اااذ انت ماابيك حححظ شلووون ندبرهه كدااام النااااس

ـ يااابة لاتكوول ماابية حظظ لااتحجيي هالحجييي

صارت عركه كلش جبيرة بين نوار وابو وامه صياحهم طلع برة الغرفة

وانا نت مصدومه من كلام عمتي جسمي كلة يرجف اريد اسيطر على اعصابي ماكدر بس اندفاع نوار ودفاعه عني وماقبل هيج يسوي بية خلاني شوي اهدئ

گلبي يدك من الخوف احس راح يوكف كلبي صوت عمي جهوري وعالي كلش انقهرت على نوار حسيته بورطه واني همين وياه بورطه

اخوته ونسوانهم كلهم التمو اباب غرفتنه يصيحون خير شكو شبيكم بس الباب بعدهه مسدودة محد فاتحهه الهم

حسيت بفشلة وفضيحه وخجل صرت بنص هدومي خفت يفتحون الباب وما اعرف احچي بعد دخل رعد وياهم

راسا بدون تردد حچيت رغم جنت كوة تطلع الكلمه مني بس ماعرف مين اجتني هالثقة الخلتني احجي..

عـ عمي اني عنددي عذر شرعي و ميصير يتقربلي ترة

ردت عمتي

ـ شنو هالكلاواات ياعذر شرعي مو كمتي لغرفتج صليتي من جنه نفطر

ـ اي مو متعودة هيج ابيت اهلي من عندي عذر شرعي ما احجي وامارس حياتي برمضان كدام اهلي طبيعي

رد نوار بنتر عدهه عذرر او ماعدههه هالسااالفه ماسووويهه وشتريدوون تسووون سوووو اناااا بکيفي بگيفي

ارشد/// خيررر يمعووودينن ضل باالنه شنو هالصياح شبييييكم افتحووو الباااب لو نفتحه احنة

رد عمي ابو ارشد..

تعاال ادخل شوف هالمصيبة العندي

رد نوار بغصة

ـ يابة لااتفضحنيي بين اخوتي ماكو داعي ادخلوهم بالموضوع

ـ اانجب اانت

دخلو اخوة نوار كلهم للغرفة وية نسوانهم وكعد عمي وعمتي يحجون بالسالفة واخوة نوار على وجوهم علامات استغراب وتعجب شفت وجه نوار انگلب صار احمر وايدة كامت ترجف

خطية الله يساعدة مو هينة عليه هالسالفة انطعن برجولته كدام اخوته لمحت رعد واكف اخر واحد يم الباب وصافن على حجي عمي وعمتي الاخوة انقسمو بيناتهم ناس يكولون معليكم بيهم لاتجبروهم على شي وناس يكلون عيب شنو مماخذهه اخونه مو زلمه بس رعد ماعلق على الموضوع وضل واكف حاط ايدة بجيبة ومدنك راسة ويسمع ..

صادق جاوبهم

_ارجو منگم التروي قليلا لان هكذا أمور يجب وحتمٱ ان تؤخذ بهدوء وانت ياابي سيد القوم يجب ان تحكم بعدل

_خاااااب دسگت ولا تتفلسف علينه

_لاااا ياابي ماهكذا عهدتك حين اقول رئيي لابد ان تحترمه لأني أحد أبنائك وگلنا قرارنا واحد و مشترك والديمقراطيه صوتها عالي تنادي(نوار ومريم شأنهم داخلي لا للتدخل

عاط ابو ارشد

_وحك هوووو علي أذاا مانلصمت أنا الصمك

خلى أيده بجيوبه صادق

_لاااا تتعصب اهداء

وكف يم رعد

صارت هوسة ومصايح حجت ام ريتاج

ـ يابة ليش تضغطون عليهم اني عندي بياض وجهي بعدني ضامتة اخذو شوفو لاهلهه

ردت ام سكينه

ـ هاي شبيج ام رتوجه
عيني يابة مو عود انتي الذكية البينة ترة ماصارلهم يومين تلاثة من متزوجين وانتي صارلج كذا سنة متزوجه ترة تبين وتبين كلش واضحه

رعدـ لاتعظموهه وهي سهلة..

ـ الكل انتبه على صوتة من حجة التفتت عليه رفعت راسي بخجل اريد اشوفة شراح يحچي

حچى بصوت رزين

ـ ماچان اله داعي يا ابوية تفضح نوار بهالطريقة
هالصياح والعياط ماله معنى خليته علچ بحلك اخوته ونسوانهم

يحچي هيچ وحاط ايدة بجيبة وميباوع على احد بس يحچي بحركه كلب ونترة ونوار يسمعله وعينه تدمع ويداري دمعته

گال ألأبوه

ـكاااافي بويه وترى اسهل منهه ماكو جيبو دجاجه وذبحوهه واخذو دمهه وفضوهه

ردت ام سكينه

ـ عيني رعيد انت متعرف بسوالف النسوان ترة.
دم الدجاجة يختلف عن دم البنية فتهمت ياخوية
وترة اهلچ اكيد مو غشمة
لو غشمة وميعرفن؟

رد رعد

_ اذا موووغشمةةةة جيبولهم طلي مو بس دجاجه

ام سكينة بعيونهه ضحكة ما اعرف شبيهه
ردت عمتي

ـ صح يختلف وهوااي يختلف..

بقو كاعدين الولد بغرفتي يدورون حل نوار متحملهم راسا طلع من غرفتنه..

طلعت اركض وراه بس مالحكت بي طلع خارج البيت كله بس لاهمين يشرب يارب شلون شدة هاي عفتهم ودخلت للحمام كعدت ابچي على الصار واغسل بوجهي بلكي انسة هالفضايح

طلعت من الحمام باوعت من الباب لكيتهم ملتمين بالهول ويحجون يعني غرفتي فارغه همزين ردت اروح لغرفتي وصاحتني عمتي

_تعالي مريم..

اتنهدت واستغفرت الله ..

_ اجيت عمة
ورحت يمهم

كال عمي

ـ ترة هذا كلة الدنسوي علمود اهلچ منريد احد يحجي عليكم
يمكن متعرفين نوار
بس هو كلش حساس ومو مثل اخوته شوي يختلف وبهيج مواضيع حساسة يحتاجله ياخذ وقت
احنة اهله متفهمين هالامر بس تعرفين الناس متتفهم ويا عمو الخاطري ماريد توصلين شي لاهلچ

هزيت براسي يعني اي..

من الفشلة ما اگدر ارفع راسي واشوف بعين احد
صرفهم عمي كلهم وكل واحد راح لغرفته بس الحجي والهمس صار مينجرع مدري اني صرت حساسة اكثر من اللازم..

فرغ الهول والكل راح وبقى عمي وعمتي يمي

ـ اسمعي عمة ماردت احجي كدام الچنايين بس راح ادبرلج بياض الوجه مال عروس انزفت هالام وياكم
رد عمي

ـ شلون يعني؟

ـ لاتگلي شلون بس خليني اطلع هالوكت لبيت ام ابراهيم

ـ ساعه عشرة بالليل يابة شعندج رايحه لبيت ام ابراهيم هالوگت

ـ بنتهه الصغيرة عرست قبل نوار بيوم واحد يعني نفس الفترة خليني اروح اتفاهم وياهه واجيب بياض الوجه منهم لان باجر اهله يريدون يجون من الصبح

ـ استغفر الله من عمتت عيننك يانواار ياعاررر اخووتك دائما مكصر ركبتي بين الناس

ـ هسة لاتضل تحجي خليني اروح وادبرهه بلكي تدبر

ـ بس عمة الاعرفة البنات مينطون نيشانهن لان يخافن من السحورة او ينجبسن مدري شنو

ـ ياعمة من العوز العوز والفگر كلشي يطل البشر كامت تبيع كلياتهه مو بس تبيع خلك وصلة بيهه شوي دم..
وهمة خطية ناس ماعدهم واحنة دائما نوكفلهم باحتياجاتهم ما اعتقد تبخل بهالشي علينه خصوصا مقابيل فلوس مو بلاش...

ـ بقيت صافنة على عمتي وحچيهه
قنعت عمي تاخذ بيدهه تلث مية الف وتروحلهم وصدك راحت جابت عبايتهه وطلعت هي وعمي سوية..

عفتهم ودخلت لغرفتي وبقيت صافنه على احداث اليوم الصارت بينة
تقريبا جانت الساعه عشرة وربع بقيت انتضر نوار و عمتي يجون
تقريبا وية ساعه 11 ونص بالليل اجتي عمتي ونطتني النيشان مغلف بعلاكة نايلون..

اتعجبت بسرعه اجتي تقريبا ساعه كالت بيت بنتهه لام ابراهيم قريب هنا بالمنطقة واشترت منهه النيشان ب300 الف واتواعدن لا ام براهيم تحجي لاحد عن هالموضوع

ولا عمتي تسوي شي بالنيشان يعني كل وحدة اخذت الامان من الثانية.
طلعت عمتي وبقيت اني وهالنيشان اللي الكل مخبوص بيه

عندي فضول اشوف شنو هالدم الي يكولون عنة يختلف عن الدم العادي

مديت ايدي وبديت افتح بالعلاكة وطلعت حضينة مالت اطفال جاهزة لونهه ابيض عليهه قطعه دم بالنص تقريبا بطول الاصبع..

وصدك لونه يختلف مو احمر مثل الدم العادي لايختلف وبي تدرجات اللون بالنص غامق كلش وبالجوانب افتح
نفسي لعبت من هالشي راسا لميته ورجعته بالعلاكة ورحت للحمام غسلت ايدي..
بقيت انتضر نوار ماكو

صارت ساعه وحدة نص الليل وماكو ادك بالتلفون مغلق ماعرف المن اسأل بس مكدرت اتحمل ابقى كاعدة كلش نعست وتعبت خليت راسي ونمت وماحسيت بشي...

سمعت الباب تندك طلعت عمتي تكعدني للسحو ما مشتهية اكل بس لازم اكوم حتى اصلي طلعت برة لكت بس عمتي وام ريتاج كاعدين يسوون سحور والبقية نايمين رحت وياهم اساعدهم.. اكلج عمة ترة ما اجه نوار ليهسة

ـ ياعزة نوار مارجع مو بالغرفة

ـ لا تلفونه مغلق من ساعه الطلع

ردت ام ريتاج

ـ سوايتكم ياعمتي وياه مو حلوة ومو بمكانهه شلون هيج تحرجو بين اخوته

ـ متعرفين عمج وجبروته ضيع الولد وضيعنه بسوالفه...

لاتكولن لعمچن نوار مو بالبيت يسويلنه هوسة وشيخلصنه بعد

هسة اروح لرعد واكلة يطلع يدور عليه وين يروح قابل هذا رمضان الناس تبقى كاعدة للسحور اكيد لو بالمولات لو بالامام

ـ راحت عمتي كعدت رعد واحنة كملنة سحور ونصبناه وام ريتاج راحت تكعد البقية خاف يريدون يتسحرون
جنت بالمبطخ لوحدي اجيب الخبز واجى رعد..ما باوعتله ولا هو حجى شي شرب كلاص مي وورث جكارة وطلع فتح الباب الخارجية وصعد سيارتة واني اباوعلة من شباك المطبخ ورد سد الباب وراح
اتمنى هالاحساس بداخلي تجاهه يموت وينتهي..

اتسحرنه وشلنة المواعين الصبح نغسلهن..
رحت اتوضيت وكعدت اقرة دعاء البهاء بين ميصير الاذان..

اذن وكمل صليت وكعدت اقرة قران وبعدة نوار ما اجه ولا رعد بقيت كاعدة اقرة قران الى ان طلع الصبح..
تقريبا ساعه سبعة الصبح يلة دخل نوار للغرفة سديت القران وصدقت وكمت عليه.. ها نوار اتأخرت وين جنت

ـ كاعد بالامام اعاتبة وابچي. عل. حظي

ـ لاتخلي الصار يأثر عليك

ـ شلون مياثر الصار ذبحني وهان كرامتي ودمرني

ـ عمتي دبرتلتي نيشان مال ناس تعرفهم وكالت لاتحجون لاحد

ـ اي لان تعرف ابنهه مابي خير

ـ اذكر الله نوار يجوز تحتاج طبيب وسهلة سالفتك لاتكبر الموضوع

ـ اريد انام كلش تعبان

ـ صايم؟

ـ اي صايم اتسحرت بالامام لايضل بالج.. اي احد يجي لاتكعديني

ـ تمام..
ماكدررت انام طلعت غسلت مواعين السحور ورتبت المطبخ هو كلشي مرتب ونضيف ميحتاج شي
بس جنت متوترة من جية اختي ريام اخاف لا تكتشفت هالنيشان مو مالتي ما ادري شبيه من الخوف حيغمى عليه

صارت ساعه تسعة والبيت بعدهم نايمين بس عمتي وعمي كاعدين عمي بالديوانية وعمتي يمي..
شوي واندك الجرس وطفرت من مكاني شفت من شباك المطبخ اخوية سلمان واخواتي وامي اريد افرح بجيتهم بس مدكدر خايفة حتى البسمه متنرسم على وجهي
اتلگتهم عمتي وكعدنة بالهول وسلمان يم عمي بالديوانية راحت عمتي وكعدت ارشد لان تدري بنوار ميريد يشوف احد

غمزتلي عمتي يعني جيبي النيشان رحت للغرفة وجريته وطلعت يم اهلي فتحت العلاكة وطلعته وشافو وراسا رجعتة امي للعلاكة
وضلت عمتي تحجي وية امي وتسولف بغير مواضيع
ريام خبصتني..
ما متاذية خاف اذاج لاتخلي يتقربلج هذا جرح من يطيب ومدري شنو..

گلتلهه

_كلشي مابية لاتخافين هو يعرف هالسوالف

مر الامر على خير وسلام من طلعو اهلي رجعت صليت صلاة الشكر من كد مجنت خايفة

مرة الايام رتيبة وعادية صيام وفطور وسحور رعد بهالايام ماشوفة لو يبات يم اصدقائة لو بالامام حسب مسمعت من عمتي

يجي للبيت يسبح ويطلع عمتي كالت يومية معزوم يم صديق وهيج مخلص حياته ابد ماراح لدوامه ولا ذكرة وعمي كلما يحجي وياه يكلة متفق وية الضابط ماداوم لاتدخل...

جنت مرتاحه بايام رمضان حسيت خشوعي وصلاتي ماراحت لان رعد يتجنبني وماضل بالبيت
العلاقة بيني وبين نوار صارت علاقة صداقة قوية رجعت لوضيفتي اداوم ومشت الحياة وبدت تصير اسهل شوي

صار جرح الامام علي سلام الله عليه وكل الجناين راحن يم اهاليهن يحجن ويسهرن الليل
العدهم طبخ والعدهم قراية

عمي وعمتي عزموهم وراحو للنجف معزومين يم بيت صديق عمي وكالو منهه نزور الامام ويبقون ايام ليلة القدر هناك همين ...

البيت فرغ ماضل احد بي
بس اني ونوار
حسيت بوحشه بالبيت اول مرة من يوم زواجي هيج يفرغ
لاطفل يبجي ويلعب لا نسوان تسولف لا زلم موجودين..
مر يومين الجرح والاستشهاد حسيت بخنكة مو طبيعيه مشغلة التلفزيون على القرايات واتفرج بس اختنكت اتمنيت اروح ازور الائمة..

البيت وحشة يانوار

ـ اكيد تريدين تروحين يم اهلج مو

ـ والله ياريت...
شفته ضل ساكت وعيونه حزينه...
اذا متريد اروح عادي ماروح

ـ ماعندي احد لاصديق ولا احد حتى رعد هملني وملتهي وية اصدقائة

ـ تعال ويايه لبيت اهلي

ـ لالالاااا مريم لاا
ـ ليش شبيهم اهلي؟

ـ تاج على الراس.. بس خجلان وماعندي عين اشوف احد منهم
هو اخوتي وكوة متحملهم

ـ بس اهلي ميدرون بشي

ـ بعد اتعس.. شلون اشوف بوجه اهلج واني ضاحك عليهم.. مشوفهم نيشان مال ناس ثانين
هالامر خلاني احتقر نفسي اضعاف مضاعفة..

ـ لاتفكر هيج نوار مثل متفقنة ورة رمضان راح يجي الطبيب من الخارج وتروحلة وتشوف علتك شنو

ـ والجناين وحجيهن وضحكهن وتهامسهن عليه عبالج ممنتبه يا مريم

ـ لاتخلي بالك يمهن النسوان اذا ماعدهن سالفة يخلقن سالفة ويتلامزن عليهه وانت مابيك شي حالك حال هواي مثلك

ـ منو المثلي مريم.. استغفر الله ربي.. ماريد اخنكج ويايه تريدين اخذج لبيت اهلج دخلي بدلي واني هنا كاعد انتضرج

ـ اذا تجي ويايه اروح

ـ لا تضغطين عليه مريم خليني هنا

ـ لعد خليني هنا وياك شعندي رايحه..
ـ تبقين هيج مخنوكه

ـ زين خلي نروح للامام

ـ اتمنى اخذج والله العظيم بس ياريت تفهميني خصوصا اليوم مالي خلك روحي ولا الي خلك لشي

ـ يلة براحتك

ـ بس ميهون عليه اشوفج هيج مخنوكه.. باجر ليلة 23 ليلة القدر اذا تحبين نروح للامام الحسين نحج هناك
ـ ياريت والله

ـ صار تؤمرين...

ـ شتريد على الفطور

ـ مامشتهي شي..انتي شنو مشتهية حتى اجيبة

ـ لاهسة اشوف شنو اطبخ

ـ لا لاتطبخين يمعودة احنة نفرين.. تريدين كباب شوي لو دجاج شوي على التمن لو عاجبج سمج؟

ـ لالا مو مال سمج.. جيب دجاج شوي على التمن بس جيب نص دجاجه ترة منكملة

ـ عادي حتى لو ضل منه للسحور لو لثاني يوم مينذب..
لو عندي سيارة جان اخذتج فريتج بالسوك اعرف بيج مختنكه

ـ يلة وعدتني باجر نروح نحج بالامام..
ـ وعند وعدي..

ـ صارت ساعه تلاثة ونص وطلع نوار الدنية صيف تكتل والنهار طويل وانتظر منا لمن يصير اذان الفطور

بقيت بالبيت لوحدي شكد حلو البيت صارله تلث ايام نضيف بس اكنسة كنسة خفيفة والمواعين مو متلتله بس والله الهم وحشة البيت فارغ بلاياهم..

طلعت مواد محلبي وكعدت اسوي اعرف نوار يحب المحلبي... انفتحت الباب الخارجية ودخلت سيارة رعد ارتبكت شوي بس بقيت واكفة جريت الحجاب ولبسته ودخل للمطبخ...

ـ خلصت هذيج الايام كلهه ابات يم اصدقائي لو بالامام ماريد اضل بالبيت.. خابرني صديقي امجد من بغداد يعزمني على عرسة بالعيد باركتله وكلتلة اذا اكدر اجي ليش لا كلي عزمت كل الاصدقاء ولازم تجي..
ندري بي هو جان يحب وحدة من زمان واهلهه ميقبلون بي.. سالته هي نفسهه لو غيرهه كلي شنو غيرهه هي نفسهه الاحبهه انتضرتهه وانتضرتني وغصبنة الاهل يقبلون بالامر الواقع...

احس غصة صارت بكلبي باركتله مرة ثانية وكلتلة ان شالله اجي رجعت للبيت اريد اخذ ملابسي واهج كاره ابوية وامي واخوتي وكاره نوار ومريم

سبحان الله معقولة هاي حوبتي الخلت اخوي ميكدر ياخذهه
احس راسي بي كومه ناس كل واحد يحجي شكل ويسولف لوحدة
فتحت الباب ودخلت لكيتهه بالمطبخ واكفة ..
السلام عليكم

ـ جاوبته بدون ما التفت عليه..
وعليكم السلام

ـ دخلت للغرفة ولميت جم هدمة الي غيرت هدومي ولبست تراك صيفي نص ردن ابد مالبس شتوي حتى لو باردة البس قمصلة اذا فد مرة ابرد
طلعت ماشفت نوار لا بالهول ولا يم مريم بالمطبخ..
سالتهه..
وين نوار؟

ـ طالع يجيب فطور

ـ هالغبي شلوون يطلع ويعوفج لوحدج بالبيت

ـ اولا لااتغلط عليه..

وثانيا ليش ميخليني بالبيت قابل راح ابوك غراضكم؟
كلش زين اعرف شنو يقصد بس ماتحملت يتصنع خوفة عليه..

ـ لــــج شنووو هالحجيي

ـ على اي اساس تغلط وتكوولي لـ

ـ لان كلااامج مخخرربط شنو اخاف تبووكين البييت ووولج بابا انتي وين تحجيين

ـ لعد شتقصدد بكلامك؟

ـ لان اخاف علييج يووويل
ميصير تبقيين بالبيت لووحدج مصارلكم شهر متزوجين متعرفين احد من الممنطقةة هذاا بيا عقل عافج وطلع

ـ لخاطرر الله كاافي جذب كااافي ماملييت

ـ متحملت حجيهه ويايه هيج معلك وفوكاهه متباوع بوجهي تشتغل بالحلاوة وتحجي من ورة خشمهه

حاقده عليه كانما لازمه مستمسك اتقربت عليهه ووكفت بسدهه على يسرتهه يم الطباخ اباوع عليهه مدنجه وتخوط بالحلاوة ولا باوعت عليه ولا عبرتني..

من احجي وياج عوفي كلشي من ايدج والتفتي عليه وحاجيني مثل الاوادم

ـ طفيت الحلاوة ووكفت متخوصرة اله.. واذا ماسويت مثل متكول شتسوي؟

ـ مستحيل انتي مريم الاعرفهه

ـ التعرفهه ماااتت من يوووم الككذذذبت عليييهه ياااكذااااب
اذا مووو كدد كلمتتتك ليششش وعدتني واااملتني ليششششش خاابرتني وكلتلي كلشييي انتهىى لاتخافييين وخليتنييي اااصدك ليششش ووولك ياا رعد ليشش صدمتنيي صدمة عمرري

ـ اهدئئ مو هيج الحجي موووهيچ

ـ شلون اهداء ااانت تدري اااني بعدنني ممتتقبلةة ووضعيي ممتققبلةة كلشيي بهالبيييت ممتقبلةة اااخوووك ممتقبلةة نفسيييي ياااجذاااب

ـ والله العظيييم ماجذبت عليييج اقسم بالله و بصحتي وعافيتي اقسم بالائمة واحد واحد مماجذبت ولا راح اااجذب عليج بيووم من الايااام من خابرتج جنت مرهم كلشي ووية ابووية ومتفقق على كلشييييي..

وولج يااا مرييم والله العظيم حالي مثل حااالچ واااكثر بسسس ابوية الغدررني بعد ماووعدني وخلااني التحققق نفذ البراااسة

انصدمت من كلي ابوية وعدني..

_ يعني عمي يعرف بقصتنة؟

ـ وعمتج همييين تعرف

حجيت وكلت وبووست الايااادي ومافااد بييه جبرووته طغى على كلشي بهالبييت
دمرني ودمررج ودمر نواار ويانه

ـ مستوعبت عمي وعمتي يعرفون يعني يعرفون جنة نلتقي و....
بعدني ماخلصت كلامي وعاط بية

ـ كاافي غباااء من يايووم انطي سررج لاحد.. كلتلهم اني رايدهه وعيني عليهه وحابهه من زمااان
ولج اانتي شبيج مضرووب عقللج

ـ يعرفون

ـ شفتي مصيبتي شكبرهه
ابوية وامي غدروني مو غريب الغدرني

ـ مسحت دمعتي وعدلت وكفتي..
ارجع واكول ماسويت كل البيدك حتى تحتفظ بية

ـ ليشش وانتيي شسووويتي حتى تحتفظيين بييية
شسوويتي ااحججييي اانتي ررفض مثل باقي البنااات مارفضتييي

ـ تعرررف اهلي متعصبييين تخرجت وتوضفتت ليش اضل ارفض العرسان شتريد يحجون علييه مو تعرف سلماان شكد متزمت مو تعرف اابوية شلون يفكرر انت متفكر بيية بس تفكر بنفسك وخلص

ـ ااني افكر بنفسي؟ ولج لو افكر بروحي جان مااطلعت وهجيت من البيييت جان جعبتلكم هنااااا وتبقى عيني عليييج بالزايدة والنااقصة

وولج اانتي تعرفييين شيصيرر بية من ينسد باااب علييكم رغمم ااعرف مااكو شي بينكم بس النار تاكل بييية ااكل

ـ اتعود.. هذا الموجود

ـ الحجي سهل بس شلون بالتنفيذ
لو اكدر اتعود جان تعودت وبقيت كاعد هنا.. مو رحت بعت العندي والماعندي وبقت بس هالسيارة ابيعهه من اشوف شراية حتى اخلص بيتي واطلع منكم

ـ لزمتني الغصة.. بلعت ريكي وكلتلة..
حتى تتزوج ليال خاتون مو

اتنهدت وفتحت باب المطبخ لو ما صايم جان ورثت جكارة حجيهه يزرف الكلب..

وكفت يم الباب وكلتله..
اي ليش لا اتزوجهه حلوة ومتروسة وحبابة وخوش بنية واهلي رايدهه

مريم// گلام رعد خلاني احترك حرك جاوبته

_ألهل درجه نسيتني

ـ ي لان هستوج كلتيلي تعود.. وداتعود على فراكچ

ـ بالنسوان تتعود

_اعتقد شي خاص

ـ البيت وخلص ماضل غير اجيب المهرة لخيالهه

مريم//شي بداخلي يغلي فقدت عقلي بعد ما اكدر اكابر اكثر واتحمل حجيه المستفز

بدون تفكير شلت جدرية المحلبي الصغيرة الحارة وشمرته على رعد صد الجدرية بايدة بس وكع المحلبي على ذراعه واحتركت ذراعه صرخ وهو صاك على سنونه أااااخ

رجعت لوعيي عزةة بعيني هاي شسوييت المحلبي حرك ذراعة ولهط جلدة اطشرت الحلاوة على جسمه بس اكثر مكان متمركز بي ذراعه اليمنه كلة احترك من المرفق لجف ادة

كمت ارجف من نضرة الغضب اليباوع عليه بيهه راسا بجيت. اااسفة والله..
ماحجة ويايه
اتقرب يم السنك وفتح المي وخلة ذراعه جوة المي البارد وهو يأن بهمس..

وانا اتوسله

اااأسفة وااااالله ااااسفة ماادري شلون هيج سوييت

ماجاوبني ولا حجة ويايه شي
ضليت ابجي وما اعرف شسوي اعرف بي دييتألم بس ميبين عافني وراح لغرفته رحت اركض وراه وكفت بالباب شفته يطلع ملابس من كنتورة..
اساعدك بشي

ـ هسة ارتاحيتي اخذتي ثارچ مووو وشنو هذا الحرگ جدام حرگت. کلبي

دنجت راسي وبقيت ابجي والله مو بيدي ماعرف شبية

ـ شفتي الغيرة شتسووي شفتي شلون تشيل العقل من الراس
متفاجئة بنفسچ مو بلة؟

انااااااا رجال الله يساعدني يومية اكبت غيرتي وناري المشتعلة بداخلي
متشوفيني هالايام خلصتهه بالامام لو يم اصدقائي

ايده حمرره صايرهـ اتمنيت اخذه وابوسها الف مره ولا هيچ يتاذى رغم ابچي واعتذر اله بس كل شوي استغفر واتعوذ من الشيطان اخذ ملابسة وراح للحمام
رحت للمطبخ امسح الحلاوة من الكاع
ماعرف وين صار نوار خلي يجي حتى لانضل نتعاتب والشيطان بنصنه

شوي واجة نوار فتح الباب وطلعت اركضلة واخيرا اجيت

ـ اي جان ازدحام عليه .. هاي شنو شبيج ليش باجية

ـ لا مو

ـ شنو شبيج

ـ معرفت شحجي احس روحي اتورطت ثواني وطلع رعد من الحمام..

ـ تعال تعال الله جابك

ـ ها رعد انت هنا

ـ اي تعال جيب دهن الحروك من الصيدلية ولك مدكدر احرك ايدي

ـ شنو خير شصايررر

ـ ماكو شي لاتخاف مرتك سوت محلبي تعرف بية احب هالحلاوة شلت الجدر ووكع على ايدي

ـ شنو هاي اشو القصة ممعقولة

ـ اي صح ممعقولة بصراحة ردت افطر واكل منه بس ربك عاقبني بساعيتهه.. الحمد لله يبعدني عن الحࢪام

ـ يابو نفس الدنية..
الحمد لله على سلامتك امشي اخذك للمضمد

ـ يامضمد يابة اني عسكري واعرف هالامور جيب الدهن والضماد امشي

ـ كمزت من يمي هسة اني اروح اجيبة ركضت للصيدلية مالكيت غير نص عصارة درمودين وماكو لفاف ولا شي..

ـ ميكفي الدهن
طلعت سويچ السيارة وشمرته على نوار..اخذ السيارة ورح اشتري الغراض وتعال

ـ يمعود امشييي ويايه للمضمد ومناك اشتريهن امشي كووم

ـ لا شلون تبقى مرتك لوحدهه بالبيت وبعدين ماضل شي للفطور وتليل

ـ مرتي؟

ـ اي شبيك شلون تعوف مرتك لوحدهه خطية جديدة على البيت ومتعرف احد هنا مترهم تضل وحدهه

ـ هسة امشي مو وكت حجي واذا على مرتي امشي ويانه مريم لبسي عباتج وتعالي بالسيارة هي اصلا جانت مختنكة وتريد تطلع يلة يلة كافي حجي اامشوو

ـ رحت للغرفة لبست الربطة وجريت عباتي على الجتف لبستهه وطلعت وياهم كعدت نوار ساق السيارة ورعد يمة واني ورة رعد
ما ادري اضحك ما ادري ابجي جنت مختنكة واريد اطلع اشم هوى وصارت بهالطريقة

جانت الاجواء بالمدينة كلش حلوة اضوية ونشرات ادعية بكل مكان تبشرنه بليلة القدر وصلنة يم بيت ونزل نوار ورعد وبقيت كاعدة اتفرج على الناس..

كلبي ممرود على رعد شلون هيج تصرفت وياه احس المة بكلبي اعرف بي يتالم وميبين الحرك كلش مؤذي مو مثل الجرح

نوبة ابچي نوبة ادعيلة شجاني وهيج سويت عزة بعيني صيام الشهر كلة راح لاصلاة تنفعني ولا استغفار كلهن راحن بهالتصرف

تقريبا اتأخرو نص ساعه صار الاذان وهمة بعدهم جوة شوي يلة طلعو ذراعه ملفوف لف من الطول للطول ووياهم علاكة صغيرة صعدو للسيارة وكعدو.. مكدرت اسكت راسا سالتهم..
ها بشرو الحرك خو مو خطر
رد رعد

ـ اي خطر راح يكطعون ايدي

ـ عزةةة ليش هو مو حرك قوي ترة

ـ شمدريج مو قوي قابل انتي تعرفين بالنار الحركتني

ـ رد نوار وهو يضحك

ـ واخيرا رجع رعد لوضعه الطبيعي يحشش ويداهر نسوان اخوته

ـ كرهت نفسي من شفت نوار يحجي على نياته وماخذ الامور بحسن نية حسيت نفسي خاينة..

بقيت ساكته ودموعي تجري واستغفر وصلنة البيت ونزلنه فطرنه على مي وتمرة ورحنه صلينه رعد تيمم بايدة لان ميكدر يتوضى بالمي خلصت صلاة وطلعت نصبت صينية الفطور وانتضرتهم يجون

ـ وين رعد ماطلع من غرفته

ـ لا ماكو بعدة

ـ اكلج هو شلون احترك

ـ ها..هو.. ما ادري
ـ اشو ممقتنع بسالفه راد ياكل ومدري شنو

ـ ما ادري جنت بغرفتي

ـ ادري غير تطلعين يمة تشوفي شيريد خطية لان ماعندة مرة هيج يتبهذل

ـ مو چنت احجي وية اهلي مادري شنوو جان يريد

ـ رعدد ووينك

ـ اجيت

ـ يلة تعال افطر..

ـ ههه معوق ما اكدر اكل

ـ تعال اكعد اني ومريم نوكلك

ـ كعد ويانه يفطر واني افلس اله دجاج واخلي كدامه ونوار يوكله هو يمناوي مو يسراوي خطية فكوة ياكل..
اكلت لكمتين وشبعت و وبقو رعد ونوار ياكلون كمت سويت الجاي..

خلصو فطور وشلت الصينية
كلتلهم اصبلكم تريديون جاي بس مارادو كالو ممشتهين نوار راد سفن..
وطلع يشتري
بقينة لوحدنه بالبيت رديت اعتذرت اله.. اعتذر مرة ثانية رعد

ـ لا بالعكس تدرين شكد فرحان

ـ فرحان؟

ـ اي معناهه بعدج تحبيني

ـ انت اكثر الناس تعرف هالشي حرام

ـ ليش محسستني نايم وياج؟

ـ عزااا شنو هالحجي شلون هي تحجيي ويايه
كام على حيلة واتقرب عليه

ـ ترة ااني بشر وانتي بشر
واحنة لا معصومين ولا اتقياء
صح نصلي ونصوم ونخاف الله بس هاي مشاعر ...

ـ اني اروح لغرفتي احسن جرني من يدي وورجعني يمه

ـ وتعوفيني لوحدي هنا؟

ـ نفضت ايدي منه ودفعته
متخيلت تحجي هالكلام بهالشهر الفضيل

ـ ومتخيلت تذبين عليه الحلاوة الحارة بسبب غيرتج بهالشهر الفضيل

ـ يعني تعيرني

ـ لو على كص ركبتي ماسويهه

بس ردت اذكرج احنة بشر ودنجاهد نفسنه

ـ اخطأت واعتذر واالله مو بقصدي بس

ـ هي هاي البسس المدنعرف شلون نترجمهه
اني همين ماحب هالكلام والتصرفات تبدر مني..

خلص يامريم راح تخلصين مني بالعيد اشيل لبيتي وينتهي كلشي..

ـ نعصر كلبي من سمعت هالحجي همست صح احنة بشر مو معصومين..
كوة طلعت مني جملة.
الله يسعدك ويهنيك

ـ الجان مفروض يكون بيتنة تتذكرين شكد خططنة لمستقبلنة

ـ دنجت راسي ومسحت دموعي وكلتله الله يهنيك وية التاخذهه راسا عفتة ورحت لغرفتي ابجي وانوح على حضي

حتى ثاني يوم ماقبلت اروح للامام احج هناك
احس روحي مقترفة ذنب كلش جبير ومينغفر وبيا وجه اقابل امامي بهالذنب

مرت الايام ورجعو الجنايين والاهل سالو عن رعد شبي شلون محترك بس ما وضح بشنو احترك وهمة همين ما سألو...

صارت اخر ايام رمضان وكلهم على استعداد لاستقبال العيد
جانو يطلعون يشترون ملابس العيد وجبات وجبات حتى يلحكون

راد نوار نطلع نشتري ملابس بس مقبلت كلتلة عندي ملابس جديدة ميحتاج اشتري ووراك مصاريف طبيب خلي نحتفظ بالفلوس تفيدنه...

خابرني سلمان يسلم عليه و سمعت منة خلص بيت رعد ماضل بي شي وراح يسلمو الة

هالايام كلهه اتجنب اشوف رعد بس يجي للبيت راسا ادخل غرفتي

بنهاية رمضان يمر شهر على زواجي علاقتي بنوار كلش قوية صارت بس ابد ماتخيلته زوج كلش حبيته گ صديق بس زوج ابد ما اكدر لان ابد ما اشوفه يرهم

علنو باجر اول ايام العيد الفطر المبارك والتكبيرات بالمساجد تعالت وتعالت وياهه اصوات الاطفال كامت تهوس وتكمز لان راح يلبسون هدوم العيد
بس الاطفال بينهم اتعاركو لان واحد دفع الثاني فابن رشاد عمرة سبع سنين ضرب بنت عمة ريتاج وخلاهه تبجي
رأسا عاط بي نوار

ـ لك ااثول البنية متنضررب شوف شكبرك بكد البغل وهي بعدهه طفلة شلون تضربهه هيج
رد رشاد

ـ عليمن يطلع اثول غير على عمة الصارله شهر ممدبرهه

ـ حجى هيج رشاد وضحك هو وزوجته واخوته
صح عاط بي عمي بس مافاد

راسا نوار عاف كلشي وطلع من البيت ركضت عمتي وراه بس مكدرتلة عمي ضل يصيح ويعيط عليهم ويكلهم انتو اخوته وهيج تسوون جان استحيتو

رعد وارشد مموجودين لو موجودين ميقبلون بهالحجي

عفتهم ودخلت لغرفتي
صراع بداخلي
اتمنى نوار يشفى من هالمرض ويصير رجل طبيعي
واتمنى يبقى الحال على ما هو عليه ونبقى هيج اصدقاء بدون علاقة زوجية

بس اعرف الاطلبة مستحيل
توضيت وكعدت اختم القرأن هاي اخر ساعات الايام المباركه من رمضان وبعدلي اربع اجزاء مقاريتهن...
كعدت وبقيت اقرة اكثر من ساعتين ونص ختمت القران والحمد لله بقيت اصلي واقرة ادعية خابروني خواتي وتعايدنه واتفقنه ثاني يوم العيد نلتم ابيت اهلي

مكدرت انام كل شوي اتصل على نوار ميجاوب
همزين فاتح تلفونه مو غالقة
تقريبا صارت ساعه ثنتين ووثلث نص الليل
سمعت الباب الخارجية انفتحت وانسدت طلعت لكيته راجع وبيدة علاكة سودة بس همين شكلة مو على بعضة يمكن شارب

ماسلم عليه رغم سلمت عليه بس ماردلي
دخل للبيت وعثر بالكاونتر..يمعوود لا يسمع ابوك شيخلصنه

ـ خلي يسمع اني ااااريدة يسمع

ـ حطيت ايدي على حلگه وجريته للغرفة همزين نوار خفيف مو جثيث كدرت اسحبة للغرفة
دخلت وقفلت الباب..
ااف شنوو هاي ريحتك يمعوود.. بس كووة يحجي حلكه ثكيل

ـ وخري عني..

جيببلي بالمجر مال الكاونتر مفتاح مال البطالة البليلسي

ـ يمعود يابليلسي ببسي اسمه ليش شاررب ضيعت تعبم بهالشهر الفضيل

ـ ااش ااش

ـ لاتشررب هالمنگر هناا بغررفتي حرام لخاطر الله حرام اريدهه تبثى نضيفة

ـ اااش لاتفحتين حلكج وليش هو الاني بيي موو حراام
ليش هيج خلقني الله لييش

ـ قابل انت شبييك هذا مرض عادي حالة حال اي مرض يتعالج

ـ امشي جيبيلي مفتاح البطالة عاد

ـ ما اطلع

تعصب وكام راد يفتح غطة البطل مثل بطل الببسي الزجاج مينفتح بسهولة مل وماكدر يفتحه

راح بالحديد مال الشباك يحاول يفتحه بس انكسر راس البطل وانفطر البطل وانطش على ملابس نوار المنكر
الريحه خنكتني ولعبت نفسي منهه..
يمعود امشي اسببح شهالريحه

عيونه حمر وكوة كاعد احسة ممستوعب شنو احجي وياه

كل شوي يريد ينام وواكعدة تالي سحلته للحمام كعدته وبديت اذب عليه مي نزعت قميصة بس بنطلونه شلون ماكدر اوكفة وانزعه صاير طينه
ذبيت عليه مي دافي وصوبنته بجسمه هو اشتم ريحه الصابون واستفرغ ما انكر نفسي لعبت منه فد مرة بس خطية قهرني

سبحته ووحاولت افتح السحاب مالت البنطلون لان كلة مي يدمر الغرفة. گوة نزعه وبقى بالداخلي لفيته بالمنشفة وفتحت الباب مديت راسي ماشفت احد
اخذته وطرت للغرفة

بس حطيته على الجرباية نام على ضهرة وبعد ماحس بشي
ملابسة الداخلية مبللة
طلعت اله ملابس ونشفته ونزعته الداخلي اريد البسة اول مرة اشوف هالمنطقة بعيني والاضوية مفتوحه
حاولت اغض البصر بس مكدرت لازم البسة الداخلي رفعت رجليه وشفت شي!!

اعضائة لا هي **ولا هي **اي انا شايفه و اتذكر ولد اخواتي من اسبحهم أكو اشياء عدهم مو مثل نوار اي نوار يختلف

بصوت عالي من الصدمه عطت

_شنهااااي عزااااااا

يتبع

‏- ﺷﻲﺀٌ ﻭﺍﺣﺪٌ ﺃﺗﻤﻨﻰ ﺃﻥ ﻳﺤﺼﻞَ
ﻧﻈﺮًﺍ ﻷ‌ﻧﻲ ﻣﻦ ﺳﻨﻴﻦ ﻻ‌ ﺃﻓﻌﻞُ شيئاً ﺳﻮﻯ ﺍﻟﻤﻐﺎﺩﺭﺓ ، ﺃﺗﻤﻨﻰ ﺃﻥ ﺃﺟﺮِّبَ ﺷﻌﻮﺭ ﺍﻟﻮﺻﻮﻝ
ﻭﻟﻮ لمرة .