رواية عشق المومنين(أبناء الساده) الفصل الحادي وثمانون 81 - بقلم نازك الحمراني

السلام عليكم...اسئلكم الدعاء لروح اختي المرحومه(سجى)

غفران//احبك سيد سلمان...رغم  گلتها بلحظة حب وحنانه لگن لمستها  بگلبي

جردني من دواخل غفران الخوافه،الغير مطمئنه...جعل مني انسانه ثانيه ماعرف اشلون او كيف بس الا گدر اوصفه  هو

يفهمني من أكون ضايجه
‏يعرف اشلون يسمعني واشلون يخليني اسمع گلامه بقناعه تامه

یضحك ويه ضحگتي حتى لو چان ضايج
‏يگعد یمي اذا اتمرض حتى لو عنده شغل
‏
يلمس ايدي بحنان ویحسسني بلأمل
يدور عليه بلبيت اذا دخل ومالگاني
گم مره حاولت أختل بممر حزني رهبتي
خایفه لا تضيع فرحتي بس هو يجي ويطبط عليه

يساعدني يفهمني الصح والغلط لان رغم تعلقي بديني وبصاحب الزمان تعلق قلبي وللساني خلاني أتعلق بلامام الغائب تعلق وجداني يهمس باذني من أتعصب

-غفورتي لااا تتعصبين زايد تخيلي هسه يدخل فجأةالامام الحجه عجل الله فرجه
ويلگاچ عصبیه علی توافه دنیویه تخیلي
صوتچ عالي اعلى من صوت اقدامه من يحضر الچ شنو راح یگون موقفچ

اجاوبه بقهر وخوف علی صحة امي

-مووو تعبت وانا اشتاق الاخوي علي الله يرحمه..
تعبت وانه اخاف لا امي بوحده من شوطات الضغط تموت...
تعبت وافكر بابا اشلون يتعب حتى يكمل بيتنا
يبوس ايدي وبأسواء حالاتي يطبط عليه

يگلي بطمئنان

-اذا تعبتي خلي ايدچ علی گلبچ ونادي ياصاحب الروح أن روحي متعبه
ياصاحب الامر اجعلني من صحبك
وهنا بقدرة  الله راح يسمعچ ويَستجيب!
وتحلُّ السَّكينة بالقلب فجأةً
كمُواساةٍ إلـٰهي

بعد گلامه العاطفي والديني باذني ارتاح واختل بسده الى ان بديت انسى شي اسمه قلق اسمه رهبه

عمتي الي هي ام سيد سلمان حنانها عليه اكثر من ام......
حتى مره تمرضت ورغم رجليها تاذيها صعدت الغرفتي وگعدت تقرا علی راسي

خواته من يجن يحلفني اگعد مااشتغل يشيلن البيت شيل..
يحبني على حب اخوهن ولان يشوفنه يحبني فرحانات..
هنا عوض ربي چان چبیر وفوك ماردت

احلى شي بسيد سلمان حبه الخواته رغم علاقتنه طيبه ويه اخواني بس ابيت سيد سلمان غير شي شفت

صادف بدايه شهر ذي القعده..چنت انظف الكلدور مال غرفتي واسمع صوت البنات اجن افرح بجيتهن لان خوش بنات

لبست حجابي ونزلت الهن..طلع سيد سلمان جايبهن ماادري ضل بخاطري ليش
الى أن گلي جدامهن

-حبيبتي بسرعه غيري ملابسچ

-شگوو عیني

-رووحي حبي مثل ماگلت سوي

ـ بس خلي اسبح جنت انضف

ـ ننتضرج لا تتاخرين

،، صعدت الدرج بسرعه دخلت الحمام وسبحت على السريع  وتنشفت طلعت مشطت على السريع ولبست بنطلون وقميص طويل وحجاب وعبائه..
نزلت وشوف البنات گل وحده جایبه اگلها بسله وياهه

رگبنه السیاره ومافهمه شي ياهي   اسئلها تضحك ومتجاوبني الى ان گالت ریام

-هسسه تشوفین طقوسنا بهیچ ايام لاتستعجلين

،، وصلنه الحدیقه گلش حلوة داير ميدورهه اشجار وبنصهه ثيل وورد نزل سید سلمان فرش غطوه على الحشيش.. ونزلنة وراه

وكل اشوي السيد يغمزلي بس للان ماعرف شعدهم
بس اضحك وياهم على الواهس

تجمعن البنات اشرلي السيد اكعد گعدت راح نزل ابوه بلگرسي ورجع شايل بيده علبة چبیره وعلاگه...
نزع شحاطته وگعد على الغطوة و
خواته فرحانات ويانه ..
گالت ریام

-هلاااا بلهدایه الحلووه

ریم گالت

-یارب البالي

منى گالت

-والله انه صار هواي مفارگتکم لازم احسن هدیه انه.

فتح السید العلبه وطلعت گیکه مگتوب بیها ((مبارک ولادة السيده معصومه))
گال سید سلمان..

-یله بنات رفعن ایدچن..خلینا نقرا
رفعنا ايدنه قرا سيد سلمان

(( اللهم صل على فاطمة و ابيها وبعلها وبنيها و السر المستودع فيها  اللهم ارزقنا في الدنيا زيارتها وفي  الاخرة شفاعتها (اللهم بحق السيدة فاطمة المعصومة عجل فرج قائم آل محمد صاحب الزمان صلوات الله وسلامه عليهم روحي لهم الفداه))
كل احنه رددنه (روحي له الفداء)

رجع كال(يا أُخت الروؤف اقضي حاجتنا)
نردد وياه(ياخت الروؤف اقضي حاجتتا)
هنا گال سید سلمان

تفاجات بهيچ طقوس لان السیده معصومه ولادتها اتصادف(١)ذي القعده
وهسه(١٠)ذي القعده

-هسه اريد تفهموني شگو ماگووو

رد سید سلمان

-شوفي ياصبر گلبي من چنت فتره داخل درس قراني انه وصديق طلعت وياه من الدرس للسوگ چنت عمري اربعطش سنه

هو اگبر مني عمره عشرين سنه..اشترى هدايه الخواته كل وحده حجاب فسالته
ليش خواتك خمستهم نفس اليوم نولدو جاوبني

((لا بس هذا اليوم هو يوم الاخت ربت عاشت على يد اخيها هي السيده معصومه ف أنا على گد افلوسي كل ولاده اشتري شي الخواتي هم يوم مبارك وهم ادخل الفرحه لقلوبهن.

یاغفورتي من ذاك الوگت  الهذا الوگت انه
قررت امشي على خطوات صديقي واحتفل بعید الاخت ویاهن گل ماتجي ولادة السيده معصومه(عليها السلام) نحتفل

ـ شو محجيتولي

ـ  لان حبینا نفاجآچ مو لشي ثاني

-زین شعجب السیده معصومه بالذات

جاوبني

-لان علاقتها باخوها متینه وهو الوصي عليها وعلى خواتها العلويات خصوص هي علاقتها ويه الامام الرضا(ع)قويه شتاقت اله وتعرف اذا سافرت المكان اقامته راح تموت لان هي مدللله لگن شوقها الاخوها گان اگبر من مشاق السفر

جمعت خواتها وسافرت هي والعلويات الى خرسان وصل خبر للنظام قافلة السيده راح توصل

هنا اتباعه اعترضت قافلتها بامر المأمون
 

لان كلما تتقدم المكان اقامة الامام تكبر قافلتها بلمحبين الموالين ف  تصدّي الها
جلاوزة النظام،

وقتلوا وشرّدوا المحبين وقيل إن السمّ دُسّ لسيّدة المعصومة غصبآ وهناك بمدينه ساوة، فارقت الحياة وعمرها ٢٢سنه

گالت بنت ریام

-خالو السیده معصومه عدها جهال

جاوبت انه بدل عن السيد لان حسيت سيد سلمان يريدني أكمل عنه

-من بعد اذنك

رد

-تفضلي غفورتي

-شوفي حبيبتي وصية الإمام الكاظم بأمر تزويج بناته بيد الامام الرضا عليه السّلام كاله لازم  تزويج أخواتك من الأكفاء فقط، وذا نعدم وجود الأكفاء، لا تزوجهم ابد يعني مو بلزوم اله يزوجن لكن؟

لان هنه عزيزات ومكرمات يملك الامام أرض جبيره حدّدها بحدودها على أولاده وبناته اذا متزوّجن وماعدهن معيل
سهمها من الارض وارباحها الهن

وهنا السيده حالها حال علويات ماتزوجن وبقت مدلله عند اخوها بلا زواج اذن هي العلويه الكريمه المدللله

ابتسم اليه سيد سلمان وهنا بدى يوزع هدايه الخواته وگال

-فا انه یاخالو اقتدي بمولاي الامام الرضا عليه السلام لازم أكون أخ وسند وصاحب الاخواتي او اقل شي اذكرهن بهيچ یوم البعض يشوفها شي عادي او مو مهم لكن انا اشوفه شي چبیر لان الفرحه بوجوه خواتي تسوه الدنيا

بقى يوزع الهن هدايه وحتى اليه سهم هديه ساعه وسوار سوليتير كالت ريام

-هاااا عيوني سيد ليش هية اختك

جاوبها

-اختي وحبيبتي ومرتي

ضحكنه وجانت سفره من العمر رغم تذكر سلمان اخته مريم كل سنه تحضر وهسه ماموجوده " 
بس حضرلهه الهدية وضمهه اله على صفحة وگال من تجي انطيهيا..

الفرحه مادامت طلعت من خشومنه رغم چنه نسولف بیها انه وعمتي ونضحك من كل گلبنا اجتنا مريم تبچي وتحچي وفوك القهر خواتها دارن  عليها دفعتهن وانا من العصبيه صرت  اصرخ واصيح

مريم...مريم ...صرخت بخوات سلمان  مفزوعه

-كاااااااافي  وووولچن هااااي اختچن من دمچن ووولحمچن وووانتن بس تفگرررن بزلمچن وعیالچن اااادري شلووون مااا تفگررن باختچن…

بقن واگفات على جهه وخايفات وحدة تباوع للثانية تربعت بالگاع وشلت راسهه خليته بحضني واضرب علي گيفي على خدودهه وهي لاحس ولا نفس

ـ وج مررريم گعدددي يمعوودة مررريم حبيبتي عزة بعييني

عمتي جرت بطل مي من الگومدي بدت ترش على وجه مريم  رفعتهه شوي بيدي احسهه تتنفس بس تنفسهه بطيئ گلش

صرخت بخواتهه الواگفات ..

ـ يمعووودااات سووون شييي خااابررن على سلمااان اطلعن اااجرن تگسي خلي ناااخذهه للمستشفى

ردت ام. سلمان
ـ هسة اااالبس عباتاتي وااطلع اجيب تگسيي..

لبست عمتي العبايه بسرعه وطلعت ترگض من البيت ومريم بدت شوي ترجع لوعيهه بقيت اضرب بيهه على وجهه بگف ايدي بهداوه شربتهه شوي مي بعدهه مو گلش استفاقت بس گامت تناشغ من البچي متت قهر عليهه احاچیها

-لاااا تبچین وچ مووبيدچ الصار ..اگعدي

تناوعت الهن بعدهن واكفات صحت بيها

-ادررري شگلتي لنفسسچ ياا ريااام من تريديين تقتليين ااختچ

ـ اغسلل عارهه

ـ وچ اااستحي  اانتي اگبر مني گل عقللج تحچيين هييچ هاااي اختچ وتری اذا ماتت تروحييين اعداااااام گبل للمشنقةةة لان البنية متزوجه علي سنة. الله ورسوولة وانتي اتهميين علييه

ردت ريم بغضب
ـ اخاف چنتي تدرين ياغفران ووومثولتهه علينه ومسوية روحچ متعرفين شي

تعصبت ولو ما مريم بحضني چان گمت وگل وحده اعضها من زردومها بس اكتفيت بجواب

ـ ترررى مو غفران التضم شي بي سالفه چبیررره بس  الفررق عندي عقل وفرزنت الحچي گله یعني من گل عقلچ راح سيد يعقدلهه هي وحماهه اذا ماعندة علم داخل بيهه او لا نوار

ردت ريام
ـ والشفنااه شنوو وچ عييني مبين نيشان وجديدد يعني ماالت منووو مثلااا غير هو مااخذهه لا تخبلینی

ردت ريم
ـ زين فلنفررض ما اخذهه نوار ..
ليش هي سگتت من طلعت نيشانهه چان گالت مو مالتي هذاا ووچ غفراان متنعقلل السالفةة ااگو شي ممفهوم و منفتهمة لاتخلینه نختلف وانتي اختنا

جاوبتهن

ـ هسة لاتصيررن محللات نفسيات تعالن گابلني خلي نشيلهه نحطهه علي الفراش بدال ما مشمورة بالگاع المگرودة

اجن عاونني بهل لحظه دخل سيد سلمان شاف مريم بهيچ وضع اجى عليهه اخذهه من ايدنه وخلاهه على الفراش شاف حلگهه يجري يدم ووجهه مزلغ ومتاذية وشعرها منكوش صرخ بينة..

ـ شبيههه منوو هيچچچ مسووووي بيهه

بقيت ساگته ماعرف شنو احچيلة بس باوعت علا ريام وريم

، خزر خواته وبخوف باوع المرريم
-منوووو بيچن لمسهاااا بالله الگريم لیگون غضبي عليها چبیرررر

ریام ومریم گالن

-السووته ماینسگت عنة لاااازم نحسسها بذنب وتتعاقب

عاف مریم وگف بوجهن

-ومنوووو انتن وتحسسسنها بالذننب هوووانتن فتهمتن الصاار اصلا حتى تتصررفن بگيفجن ‌ولچن هاااي الدنيا كلها عليهاااا محد رحم بحاالهه

گالت ریام
ـ انت تحجيي هيج لانگ زلمة متهتم لحچي النااس بس مافگرت بأهل  زوجي شراح يحچوون ازواجنه شلون يتصرفون من يعرفون اختنة متگلبة بين اثنين اخوه

عاط بیهن
ـ اااانچببن لاااا تضلن تلغنن وتخربطن بهالحجييي ..
صبرررچن یبنات امي وابوي انا اعلمچنن
… وووين اامي غفرران

ـ طلعت تجيب تگسيي حتى نشيل مريم

ـ لا اله الا الله هسة. ووين االگاهه

وكفت اتناوع  اشلون يبرن الاخوهن بعذر اقبح من ذنب عين على مريم وعين على ريام وريم وعين على سلمان

اتذكر فرحة البارحه مادامت علينا بضحگنا ولمتنا …

مريم غايبه عن الوعي واخوها  يسعفها خواتها حنن وگامن يبچن

اشوف سيد سلمان  دموعه تكت على اخته رغم هو دمعته عزيزة وواضح عليه تخربط رغم هدوئه وگل شوي يلزم گلبه
ویگول

-یااااربي حيرتي وانه وحدي لاااا تخليني احتاج غيرك يارب لاااا تخليني بحاجة غيرك

انقهرت عليه وهو وحده وخوفه على خواته وغلطتهن بحق اختهن وخوفه على مريم وضعها

تقربت على مريم اشوفهه بعدهه مايعه روحهه شالها سيد سلمان صاح عليه

-تعاااي ستررري شعرهااا وجيبي عبايه ثانيه لان ملابسها مشگگه

اجت ریام تتقرب من عنده وهو شایل مریم نترر بیها

- ررووووحي منااا لاتتتقربيبن عليههه مامحتاجتجچ
ريمه تقربت رفع راسة  وخزرهااا ...

رگضت جبت عباية وحجاب الهه والي

رتبها وانه لبست عبايتي ،طلعت وياهم
عيوني للبنات عرفت سيد سلمان اعتتبرهن غريبات من ماقبل ياخذهن

لاگتنه عمتي اشر الها سلمان ترد للبيت وانه وياه رحنه بسيارته وصلنا للمستشفى فتح الشباك سلمان صاح

-بسرررعه نحتاح سدية
ماقصرو الممرضين من باب المستشفي اتلگونه بالسدية لان ما سمحولنة بالسيارة ندخل للمستشفى الا تفتيش 

نزلنة اني وسيد سلمان شالهه و حطهه بالسيدية واخذوهه الممرضين

نزلت نرگض وراهم خلوهه بالردهه وبقيت يمهه

سيد سلمان راح يفتر مره يگطع باص مره يرگض يجيب دوه ...

خفت لا يگون سگرهه صاعد وياذيهه لو طالع فد مرض جديد بيهه لو ضلع مگسور عدهه فد مرة روحهه مايعه مابيهه تحچي

ااجة الطبيب سحب دم منهه سأل بخزرة عين.. 

ـ شبيهه المريضة

ـ بقيت ماعرف شحچي 

جاوب

ـ واضح متعرضة لتعنيف لان هالمناظر صارت طبيعية عدنة للاسف..بس منو هل مره من اهلهه لو اهل زوجهه

رديت
ـ ها..  واگعه من الدرج

ـ اختي يادرج اليسوي هيپچ‌‌ بالبنت‌ شني
الدرج عنده اضافر يخرمش وجهه؟ شوفيهه شلون مفلشة

على العموم ننتضر التحاليل والاشعه واحتمال نحيلگم لمجلس تحقيقي زين اكو احد جاي وياگم

ـ اي زوجي  هسة يجي

ـ تمام..

عافنة الطبيب وطلع گعدت انتضر النتيجه

اجتي الممرضة مرة ثانية وضربتهه ابرة شگلت الهه مغذي وهمين ضربت المغذي ابرتين مادري مالت شنو دقايق وگعدت مریم والمغذي بايدهه تألمت منه لان اصلا توجعهه وگفت يم راسهه  واني وياهة ابچي بحرگة عليهه شوي تحرگت ايدهه جرت المغذي وشاغت روحهه  لزمت ايدهه وقربت ستاند المغذي

كالت بتعب وحلك وارم من الضرب

-ليش ماعفتوني اموت

-استغفر الله مريومه حبيبتي لاتحچين هيج و حمد الله على سلامتچ ياعمري

-سلمان وین

-راح یجیب التحالیل مالتچ

صارت تحجي بحرگة گلب وتبچي

-لییش مافهمني خووواتي ليش هيچ حجن عليه تدرين حچيهن ذبحني اگثر من ضربهن

-يفهمن تالي .. لاتبقين تفگرين بيهن اهم شي اخوج سندچ واگف بضهرچ‌لاتخافين

ـ الله يحفظة الچ والنة‌ بس شلون تريديني مافگر بيهن يبقن خواتي

ـ لااا تكبريهااا حبيبتي هنة خواتچ الگباررر والمفروض يفگرن بيچ ويسندنچ مو يصيرن ضدچ وگاعدة تفگرين شلون تقنعيهن گلتلچ طالما سلمان وياچ لا تشيلين هم یاعیوني

-بس اتخيلي لوو سلمان صدك  مثلهن وانتي تطلعين وحده شريره چان شنوو صار بیه هسة

-اي لیش تفگرین هیچ يا مرريم
..شنو هالمأساة  اهدئي شيلي گل شي من بالچ‌‌ اهم شي تهتتمين بصحتچ

ـ زين شلون شأگللهم شلون اثبت برائتي واني رعد اخذني

ـ حبيبتي سهلة والله العظيم سهله
اصلاا حلچ موجود بس انتي تخافين من خيالچ

ـ شلون فهميني شسوي

ـ ناخذچ نفحص عذريتج وراح تبين انتي اليوم لو البارحه لو قبل شهر لو قبل سنة ماخذچ..وانتي گلتي البارحه بالليل صار ‌گلشي  بينگم مهما يگون هو زوجچ يعني مسويتو الحرام والتخافين منه

ـ وسيد سلمان واخواتي راح يصدگون برائتي

ـ سيد سلمان لو عندة. شگ بيچ‌ مستحيل یوگف وياچ لان تعرفي من يتعصب ميتفاهم ف لاتخافين

ـ شگد فرحانتلچ لان صرتي اقوى مني غفران

ـ بزود اخوچ صرت هيج قوية جنتي تعرفيني اخاف من خيالي واتحمل واسگت بس الرجال الطيب نعمة چبيرررة من الله…

ـ الله يخليگم البعض

ـ فدوة لقلبچ حبيبتي .. ويخليچ اليه
يلة شدي حيلچ وگومي مشتاقتلچ

ـ والله اني اگثر بس شلون وابوية ميريدني

ـ شلون عرفتي

-مو انه اجيت الابويه

-شوكت

گعدت تسولفلي من اجتي وهيچ اتصرف عمي وياهه وهواي سولفنة مبين عليهه هذيچ الايام مخنوگة چانت وتريد تسولف وتفضفض

جاوبتها

-لییش عمي صدگهم والله لو یدري اخوچ

واحنا نسولف دخل سلمان بيدة اكل والادوية تقرب علیها

-شلونها خیتي

-زينه

گعدناهه ووگلناهه ونطيناهه الادوية ف اجى طبيب گال حالتهه مستقرة وسألهه تريدين نسوي مجلس تحقيقي بالصارلچ بس مريم رفضت وقعت على الورقة وطلعنة

نوره/// بقیت وحدي خايفه قلقه مستحيه و وگل فگره تعیسه اجت بالي خصوص من أخذو رعد للمستشفى وهو الوحيد سندي

همات مريم اخذها اخوها وانه بقيت بنص هل هوسه لافه جسمي بلعبايه ودور منو راح يتگفلني بعد رعد منوو راح يخاف عليه غيره

بقیت اباوع لامي ومنتضرتهه تگلي تعاي الحضني بس. ابد ماتصرفت هيچ تصرف ولا باوعت لوجهي اصلا

حسیت انه غريبه بهذا المكان وما انتمي اله وعلى ساعه يشحتوني زين اذا طلع وين اروح...اذا انتظر رعد عند منو انتظره

بقيت متردده وخایفه من ابوي وهادي يمگن راح يسوون بية شي نضراتهم تخوف  خلي اروح الغرفتي لان محد متحمل وجودي

الگل یخوفني بعيونه عبالك الصار ذنبي متناسين هو ابتلاء ولازم الصبر عليه كمت بهدوء متوجهه لغرفتي ومغطيه نص وجهي بلعبائه صاح هاادي

-ووووين ام ابو ااااالطلايييييييب

ـ ها هادي

ـ اووووگفي خل نعرف مفتهمناچ مررررة رجال وومره مریه شهالنبررة التحچيين بيهه

وگفت وگتله

ـ اتت اخویه لیش تعيرني يعني؟

تقرب ویهز بیده

ـ زيين ليشش اسنين ساكت من انت هيچ حالتتتتك وتری الحجاب لاااایگ عليگ

ـ ووشمدريني هاي حالتي

ـ. سبحاان الله بس عرررفت تتزووووج ونزفك على بنيية.مثللك  ااذا متدرررري بروحك زلمة. وگدهه شگوو قبلت تتزوج

نصیت راسی ارجف خووف

ـ ابوي خلصني كتل من الخطوبه الى يوم العررس وانت بيدك تفگني منه لاتحملوني الذننب وانتو گلگمم مشتررگين بجريمتي

دفع چتفي

ـ والك عييين وتصيح

ـ ترة ماصيحت بس هاي نبرة صوتي

ـ وگالب روحگ لمرة يالعاار اااحذرر ترفع صووتگ بوووجهي بعدد

ـ لا تضل تشمر بالحجيي هي بقققت عليية اااي اصييح ااااصييح وواااعلي صووتي وشيرريد يصيرر خليي يصيررر كافي جزعتوونييي لا چنت ووولد خلصااااان ولا صررت بنية وخلصصت

هم عليه يريد يضربني شمرت عباتي ارید ااتلاوی وياه

رگضت ام ريتاج عليه وابوهه سيد عسگر
لزمني وبعد هادي التفت لان ابوية اجة رفع ايده يريد يطگني راشدي نترت ايدة

صاح بيه
ـ هاااااا وووولك فوووك شينك گووواة عينگ تدفع ايدي

جاوبته

ـ اااانت اااخررر واحدد بهالبيتت تحچي بالشيين ااانت الجرمت بيية انت الجنييت عليهه ودمرتني

ـ ولك چنت وولد ماهيچ يطلع صووووتك انگلبت بنیه وختزیت واتخبلت  هاي رباتت العار رعد

ـ اي رعد خلاني قويه وساعدني لان  ما اااتحمل ظلمگمم وتمرد عليگم…
يعني شسووي حتى تعوفوني بحالي اتسحبت منگم حتى اروح للغرفة وابنگ هو
بدا يهين و يذبلي حچي سممم ليشش هوو الصاار بيديي

وواالله لوو بيدي اابقى ووولد و افضحگم بالمنطقة وويووومية اارجع شاارب لوجه الصبح ويووومية اتعااارك وية واحد واجيبلگم بلاوووي ومصاايب واخليگ ماتلحك تدفع فصوول للعاالم بس الصار مو بيدي نمتتتت رررجااال گعدت مرررة

ـ ااانچبب عاااااااااد صوووتك

ـ ما اااسكت ولا ااقلل صوتي شتريد تسوي سوووي لعبالك صرت مره واخاف
بلعگس من چنت ولد خاایف هسه ابددد مخايف من شي واتلاوة وية اگبر راس

عفتهم ووگفت بنص الهول وعیوني الام سكيينه

-ونتن يااااعفيفات زمانچن ألي تريد تعااير من چناينةة اليخافن الله خلي يعايررن
الحياة گلشي بيهه ديييين والمضموم عند الله  اليوووم
يطلع باااچرر ومحد ضامن نفسة

كالت ام ريتاج

ـ اهدء نوار ميستاهل كل هالصياح محد يگدر يندك بيك رعد وارشد وحتي اني وابوية وياك

ـ ساامعيين بيت الشعر اليگول
هذاا ماااا جناااه اابي
ولم اجني على ااحد…

محد منكم متقبلللني محد منگم حچیی ويايه بصفة الانثى لان ممتقبليني

گال رشید
-احنا یمج لاتخافين

-یعني تلفيني يمك بين  مايطلع رعد

-اكيد  لان انتي تعرضتي للظلم ومهما يگون تبقين اخوي او خيتي المهم دم يجمعنة

-متاكد خويه

-ومن شوكت احجي ومااطبق

صاح هاادي

-خاب تبقى فطير لان انت مرتك ماحاكمها

-لاااا خويه ما خذه حچي اي مره

سمعت صوت ام سگينة ضحگت ودخلت لغرفتهه هزيت ايدي عفتهم مهتميت مثل
ما گال رعد  لازم اتعود علي هيچ مواقف

عبرت من یم امي مامهتمة بية  بالچذب ماحضنتني وطبطبت عليه  احسهه بقمة برووودهه وياية

اصلا خوفهه ولهفتهه على چناينهه اكبر واگثثرر من خوفهه ولهفتهه عليه

ردت قبل لااا اروح

ـ لا ابني موهيچ انت عزیز علینا والزغير  بسس

ـ ياامي شوفي محد متقبلني بسببك ظلم ابويه لهيچ محدد هنااا الة سلطةة عليه

عاط  هادي

ـ ااانتي مووو  بكييفچ تمشين على حل شعررررچ

نداریت علیه بستهزاء

ـ هسة صررت مررة وتگلي انتي بكيفگ ستووك چنت تعاملنيي گ ووولد اااسمع اااي حچاااية ماتحجوون ويايه فقططط رعدد اله سلطة عليه عجبگم گاان بها ماعجبگم عساااگم

رد ابوية

ـ بلة مات رعيد شلون يفلت عيااارچ

ـ ااي ارجع وولد اذب العباااية واحلق شعري واعوف لحيتي ماشيلهه بعد وفنةة اليحچي وياي بعد خلص عصرر الاستبدااد مالتگ ااانتهى ورااااح

رد سيد عسگر
ـ گافي ابو اررشد اانت وولدك ماتعبتوو اجيتگم‌من تالي وراسي انفخ من الصياح والمصايب الصارت استغفر الله ربي واتوب اليگ لا اله الا الله محمد رسول االله ..االهم لا تؤاخذنا بما فعل السفهاء منا..

رد ابوية

ـ تقصدني بهالحچي ابو عسگر

ـ لا اقصدك ولا اعنيگ بس البنت تايهه ومتعرف حالهه وممستقرة نفسيا گافي بطلو هوسة مووصرتو فرجه بين الناس ماعدگم بس الصياح تتفاهمون بي

بویه ام ریتاج اخذيهه بنتي دخليهه وياچ للغرفة خلي تريح اعصابهه

رعد///
نقلوني للمستشفى گل الاتذگرة. صعدوني بالسيارة ارشد وصادق ووراهه ما اتذگر شي… 
فتحت عيني بالمستشفى شفت الطبيب فوگ راسي راد يفتح تحقيق بس ماقبلت طلع وبقو اخوتي يمي

حچو ويايه بس بالي مو يمهم يم مريم ونور الوب اريد اطلع گعدت بطرك الفانيله المشگگه گلت الارشد

ـ بسرعه خابر على البيت خلي يجبولي نور

ـ وشتريد من نوار

ـ نووره اسمهه صار نوره ارید تجيبهه يمي شمدرريني اهلگ شراح يسوون بيهه

ـ شسالفه تری مو لهل درجه عاد لااتخاف يمهه ام ريتاج والچناين وامي

حاولت اگوم الجرح اذاني بس ستندت بيدي وگتله

ـ انت ماتفهم ولااا راح تفهم وهسسه  وخر خليني اگوم

ـ وووووين لخاااطرر ربگ ووين مولي

ـ اريد اروح المريم بالي مشغول عليهه

ـ لگ شبيگگ اانت تخبلتتت يااامريم وسيد سلماان گالبها ناار عليينة

ـ انا مستعدد اتحمل النار ووولگ مرتي واريدهه‌مررتي

ـ مرتگ تريدهه شنو ووولگ لاتگلي تمتت زواجگ عليهه

ـ مرتي على سنة الله ورسولة عادي اتمم زواجي منهه عووفني لااا تخليني اكفر باهلك واحد واحد

ـ رعد ماتخيلت البنية راح تتقبلك

رد صادق

ـ لقد قال لك اتم زواجه يعني دخل بها الم تفهم دخل بهاااا  الف خير ومبارگ عليك يا اخي منگ الماال ومنها الاطفال

عطت بيهم

ـ لگم يامال ويا اطفال ابووووهه طردهه اليوم اخذتها البيتهم الضهر  لبيت اهله وابوهه ماتقبلهه بسبب هادي الگلب النذل
شوف شحاچيلة وشلون قنعه

گال ارشد
ـ اگعد يخوي جرحك غميج وفقدت هواي دم بطل ونص حطولك وكالو بعد ينرادلة

باوعت الچیس الدم  انداریت علیهم

-تمام ماااضل شي ويخلص البطل..  بس يخلص تاخذوني لبيت ابو سلمان

گال صادق

-وهل جننت یاهذااا ان الرجل يطلبك بثأر ثار الصداقه وثأر الكذب سيقتلك لا محال

-وشتردوني ابقى مررتي ولكم مرتي افهم
زواجنا صحيح كامل

گال صادق

- فهمنا انت دخلت بها لگن هل استحللتها اقصد هل هي تقبلتك

-لا اعرف...
من نعلعلاه ابوك ماادري اقصد ماادري بس اروح البيت ابو سلمان

گال ابو ارشد

ـ لااااااااااا أااانت تخبللت ررسمي ووولگ يريد ييدگنة  ويگاومنه وجاب دگاگه اانت شتحچي تريد تروح للموت برجليگ

ـ مو مهم .. المهم مريم

خلص گيس الدم طلبت خروج بس الطبيب ماقبل گال

-مااگدر اطلعك هستوك اندار الك دم ما اگدر اجازف لازم نضبط وضعك

جاوبته

-ترى مو بگیفك اناااا اريد اطلع منا اطلع على مسؤليتي

-تمامآ مثل ماتريد بس اطلع وقع على مسؤليتك انا مالي دخل بأي مضاعفات

مدیت ايدي،دخل ارشد لازم قميصه ماعرف منين جابه لبسه اليه بس مادگم
لان اکس لارج

طلعنا وصلنا للرسبشن وقعنا تسجیل خروج وعلی مسؤليتنا..

رگبوني الولد السياره تمددت ورى ويدردمون عليه وانا بالي يم مريم

گتلهم
-گاااافی حچي مايقدم ولااا ياخر يله يااا ارشد ويا صادق مرو من يم بيت ابو سلمان

مرينه شفت بابهم مسدودة مايمهم احد اتخيلت راح اشوف سيارات ووزلم لان گال راح يدگنة ويگاومنه عشائريا.. 
بس ماشفت احد اوگف ارشد اريد ادخل الهم

ـ لاااااا انت مخبل وتريد تگتلنة گلناا وياك  يابةة روح لاتضل تسولف شلون تريد تدخل بنصهم مخبل

ـ ووولك مررريم يمهم

ـ وليش محسسني جنت تعشگ مريم ولك ماصارلك شهرر من اتزوجتهه شبسرعه طيرت عقلك

ـ استغفر الله غيرر مرتتي شلون ماحبهه

ـ السالفة متنعقل

-ديله تشگگني برووحی تحرك رجعني

تنرفزت منه ماقبل يوگف وورحنة للبيت

وصلنة وية المغرب لگيت محد موجود بس ام ريتاج وابوي وامي ونوار واخوتي 

گعدت على القنفة اجت  ام ريتاج

-حمد الله على سلامتك ترى خوفتنا شسالفه

-الله يسلمچ

-رایحه اسویلك لگمه

تمددت اشوي جابولي شوي اگل بس مالي نفس اگل ..

گعدت ام ریتاج تسولف ومن سوالفها
عرفت قسم من الچناين رايحات لاهلهن وقسم منهم اهلهن اخذوهن لان عرفو بالصار ونوار تحول بنت وعلى اساس احنة مو خوش نسب وميتشرفون بينه

متصورين اختي من هذول الشباب الي مو راحه  الاستغفر الله  ميدرون هذا مرض وبتلاء رباني

اجتي نوره گعدت یمي باست ايدي تبجي ومقهورة . .

- ليش البچي خيتي

ـ متاذي گلة بسببي

ـ مالچ ذنب بالصار لاتضلين تحچين هیچ

رد هادي
ـ دشوووف حتي گعدته مثل الوولد ااگو بنية هيج تبچيي ووولگ شسوويت لو عاايفة يفطسس ولا هالفضااايح

جاوبته بعصبیه

ـ ووولك گافي هادي تحملتگ هواي ترة لااتتخليني ابيس بيك تبيس اطلع حليب امك من خشمك

صاح

ـ وتالي وياااااك متريد تسمع من عدنة ولا گلمةة وبس الي برااسگ تمشي وتالي وووين وصلتنة اخوك خليته بنيه

عفت گوب الچاي وگفت جدامه

ـ مو انا ولا نوارر ولا مريم النة ايد بالصار گل الصار بسبب جبروت ابووگ وطغيانه…

رد

-دشووف حالك گصتك خياط ومشددده
وايدك مرفوعه بلفاف الرگبتك خشمك وارم گد ماشبعت بوگسات من سلمان وبعد وبعد احنه خوتك هوو غريب خليتني اتيهه وجنزك تجنز

واحنه نصايح انه وهادي وارشد وصادق يهددئونه سمعنة هوسة اباب البيت وصار رمي قوي وصل للطارمه

سحبت السلاح من ايد ابوي حتى اطلع جلبو بية الولد

-وين رااايح رمي قووي

-خلوني اطلع ولگم

لزمتني نوارة

-لاااا خويه لااا تطلع الخاطري

ـ ماا ارمي علييهم اسلم روحي الهم انا وسلاحي وشيصير خلي يصير ااحنة الغلطانين من ساسنة لراسنه

ماخلوني اطلع ..بقينة واگفین جوه البيت الی صار رمي كد ست طلقات وهداء

اباوع لابوي شگد خايف مرعوب من الصار ومفرفح ميدري شيسوي گل شوي ينفض بعباته ويلطم علي راسه

گتله

-شلون رمي على بيتك ملبلب تلبلب

-شتقصد ولك والجهال تصارخ وتكول رمي املبلب تلبلب هوو ونسه چلب

-لااا مو ونسه بس شوووف نفسك اشلون خاأاااایف من الفضایح بين الناس…
خايف من فضيحة الدنية وماخايف من فضايح الاخرة

عااط بیه
ـ اااسگت ياارعييد ماامتحمل گشششة هسة اعاارگ ذبان وجهي مو عاد انت…

رجعت انهزت الباب بدگة قوية وسمعنة اثنين يصيحون بصوت عالي باسم ابوي

ـ  ابو ارشد اطلعووو

طلع ارشد وصادق ووطلعت وراهم الگل گعد خايف بما فيهم ابوي وهادي

وگفت متقدم اخواني صادق وارشد

-منووو انتم ولیشش الرمي

جاوب رجال من بين اربعه

-احنه ازلام من عشيرة محايده بينكم وبين الساده لان الساده ناطيگم عطوة حتى تحولون عليهم

-ابشرر خویه وصلت الرساله الرمي الصار هاأاايه دگة الساده وانتم المنگولین تامرون والتريدو يصير بس شگد العطوه الحد یایوم

-عطوة الساده تبقى مفتوحه

صاح ابوي

-رعيد ارتاحييت

مريم/////
رجعت للبيت گوة امشي من وجع الضرب شفت ريام وريم وامي ومنى اختي جاية من السفر

رگضت عليهه ممصدگة منى هنا يمنة حضنتهه وتباوسنة وغفران وسلمان رحبو بيهه شافتني هيج اتخبلت اضاهر ريام وريم وامي ماحاچين الهه شي
..

مر الوكت وماشفت ابوية ممنوعه من الدخول لغرفتة ريام وريم يريدن يحچن بس سلمان مانعهن

منى تتسال گل شوي شنوو صاير فهموني راحن غفران والبنات يحضرن العشة وسلمان طلع امي صاحت عليه وين ررايح العشة كلله اتعشو انتو انا اتاخر عليگم

ـ يمعوود ووين يمة شعنددك طالع

ـ سالفة عشاير لاتدخلون ببيهه

بقت امي يمي تباوعلي بالنضرات مبين مقهورة عليه..

ـ تذگرين يمة من گلتلچ ماريد اتزوج نوار وسگتيني

ـ ليش يمة انتي چنتي تدرين بي ؟

ـ لا طبعا ما ادري بي

ـ چاا شگو بعدد شمدرينة  بي هو هيج

ـ بس انتي ماوگفتي ويايه من رفضته

ـ مپان بي شي يتعيب ليش ترفضي بيت ابو ارشد خوش نسب

ـ وهالخوش نسب جرت مذابح بينة

ـ ماچان عندچ سبب مقنع تررفضي

ـ ميحتاج سبب مقنع او لا    يايمة بس مچنت مرتاحه الهلزواج وخلص

ـ الصار صار بعد منگدر نرجع شي .. بس اريد افتهم شي النيشان شنو سالفته

ـ مو مالتي مالت وحدة اسمهه ام ابراهيم بشارع بيتهم گاعدة

ـ شنووو عزة العزااچ وليش سگتي

دنحجي اني وامي وما ادري مين طفرت ريام

ـ يعني صدددك سالفة اشتريتو النيششان

ـ لاتضربيني بعد مابية. حيل انضرب والله جسمي يوجعني

ـ مااضرربچ بس فهميييني گلشيي بالتفااصيل

غفران///جان عدنه علم قبل يوم بجية. منى خابرتنة بالليل وگالت وصلت گربلاء وباجر اجيگم بس بالهوسة الصارت نسيناهه ونسينة گلشي

وگفت يمي بالمطبخ تريد تتعرف عليه خطية رغم مشتاقة الخواتهه وابوهه وامهه بس تحس بغصة لان ماحضرت عرس اخوهه الوحيد

ـ عفية ااحجي غفران شصااير لاتخليني مثل الغريبة عنگم گلشي ما اعرف البنات ماحچن شي وامي ساكته بس عيونهن فضحتهن ومن شفت مريم اتخبلت شمسوية شنو صاير

ـ شحجيلج والله ماعرف مين ابدي

ـ ااحچي اي شي يجي ابالچ بس فهميني ليش خيتي هيچ حالهه شنو صار

ـ راح اختصرلچ بس الله يوفقج اذا مافتهمتي لاتصيحين ولا تعيطين بس گولي عيدي واني ابقي اعيد واصقل الى ان تفتهمين

ـ يجوز بعدچ متعرفيني بس لاتخافين مو طبعي الصياح ولا العنف احچي وطمنيني شصاير

كعدت احجيلهه بالمختصر عن الصار وياهه وفهمتهه..

ـ يعني تصحيحح لو تحوييل

ـ لا خيتي لا استغفر الله مووو تحويل تصحيح هو اصلا بنية خطية ترة. همة ناس مستورين مستحيل يطلع وااحد بيهم يسوي هيچ شي الا اذا مريض

ـ واگو تقارير شي يثبت گلامهم

ـ اي گلشي عد رعد اخوه

ـ لا اله الا الله…
لله في خلقه شؤن سبحانگ ربي

ـ الحمد لله من تفهمتي الصار

ـ لان شفت هواي حالات بايران العمارة الگعدت بيهه چانت اگو عائلة عدهم هيچ حاله

بس بالهند لا چانو يجون زلم مبيهم شي ويتحولون لو نسوان مبيهن شي ويتحولون يعني مو مريضين

ـ لا خطية هالنوار مدري نورة صار اسمهه تقهر سالفتهه

ـ وعلى هالسالفة ضربنهه هالضرب الظالمات

ـ مو

ـ وچ عيني احچيي فهمييني

ـ هسة انتي فتهمتي سالفة نوار ومريم

ـ اي افتهمت شنو بعد

ـ اهل نوار من عرفو بابنهم ممسوي شي وهو اصلا بنية زوجهه ابو رعد من رعد ابنه

ـ يعني شلون زوجهه من رعد يعني رجعت لهنا واجي طلبهه

ـ لا خيتي لعد ليش ضربوهه لوجاية. هنا وطالبهه مرة. ثانية ماجان حجو

ـ لعد شلون

ـ اجى حماهه الحقير هادي ومدري شحجة. لابوج ووافق بس وراهه صار بي شلل

ـ يعني شلل ابووية بسبب بيت ابو رعد

ـ اي

ـ وسلمان يدرري

ـ لاا مااجان احد يدرري متشوفين گايمة القيامة هنا

ـ حسبي الله ونعم الووگيل

ـ روحي گعدي يمهه خطية طيبي خاطرهه والله اختچ فقيرة امر من حالي

ـ خلي اساعدچ

ـ لا حبيبتي قابل شعندي خلصت ماعندي شي…

التمن خواتي وامي يمي بس غفران بالمطبخ آتمنيتهم يطلعون واخذ التلفون واخابر رعد او نورة گلبي محترگ عليه اريد اعرف شلون صار..

سوولي مجلس تحقيقي خواتي‌حچيتلهم گلشي

كالت ريام

ـ تندلين بيت هاي البومة ام براهيم

ـ اي اعرف بيتهه وين

ـ باجر نروحلهه ونسوي عليهه شدة ياورد ونشبعهه دمغ وحق القران اذا ما اعترفت وبرئتج گدام الناس يگون امردهه مرد

كالت منى..
ـ مرومة حبيبتي انتي اتزوجتي رعد بالواقع لو لا

،،، بقيت ساگتة ما اعرف شحجي خايفة لا يضربني دخلت غفران وحجت بمگاني

غفران// صبيت العشة. واجيت اگللهم يگومون يتعشون وسمعت منى گالت هالگلمة عرفت مريم ماراح تحچي تخاف بس ميصير نبقى ساگتين السگوت يدمر گلشي ردت احجي وكمزت ريام

ـ غيررر لو دااخل عليييچ يگوون ااذبحچ هنااا والله العظييييم

تراجعت گلت ما احپيلهن هذني ميتفاهمن احچي لسيد سلمان احسن وهو يحلهه

گتلهن
ـ مو وگت تسألنهه هالسؤال

ردت ريام

ـ شلوووون مو وووگتهه شلوون هسسسة. اعترررفي دخلل علييچ لو لا لو تريدين ااجرجرج يم الطبيبةة

ـ ااي رعدد دخل علييهه
حجيت هيج وگامت حريق بالغرفة وگفنه اني ومنى وعمتي نفازع لمريم صرخت منى بصوت عالي

ـ وووولچ گاااافي قاابل هو زنةهو زوااج بشرع االله

ـ اااي انتي شگوووو علييچ لا حضررتي عررسهه ولا عرس ااحد ملتهيهه برجلچ بالهند ومدري ووين مصايف عديلة منوو بس ااحنة شلوون وولچ  ااني رجليي حضرر و حمااتي حضررت العررس وشافو نواار ياخذهه اانوب يصبح يمسي يلكون ررعد محبلهه

صرخت ريمة
ـ عزااا وصخاام بووجهيي بس لاصددك

رديتهم
ـ حتى لو حبلت مريم من رجلهه حبلت ترة مو بنغل

ردت ريام
ـ عزة بعييني على الفضيحه هسة لو رعد ونوار يتشاهبوون جان اتيهه عليهم بس هذاا طوويل وضخم جنة مططي وهذا سلبووح سيااان شلوون ررربي ووولچ شسوويلچ شسووويلچ‌ وويبررد نارري

ردت ريم

ـ انا عقلي وگف ماگمت اعرف افگر. اابد

ـ عوفي التفگير لسيد سلمان..  الله سبحانه يگول العبد بالتفگير والرب بالتدبير

ردت منى
ـ انتن مووشرط تحچن لازواجكم ترة العدايل وين يتلاگون هذا رجلي وووين شايف رجلچ ياريام وانتي ياريم وين متلاگي رجلچ ورجل ريام اشو الدنية. ماخذتنه شغل ومرض وبلاوي حتى نسينا  منو اقربائنا ومنو ناسنا

ردت ريام
ـ والفواتح ياامگثررهه بهالبلد معقولة ميتلاگون من يجي يوگف بفاتحه ويعرف هذا عديلة رجله هالغبرررة شأحجيي وشأگوول

ـ ذكري الله شمتفاولة على ابوية لو على امي ياستار الشر برة وبعيد

هواي لاموني خواتي بس حقهم وسگتت استاهل الصار ويايه..
بالي مشغول على سلمان وعلى رعد

اتعشيت شوي ماگدرت اگل واخذت الادوية
كمت صليت الفرائض وبعدين صليت صلاة رگعتين لوجه الله بنية يحفظلي اهلي واخوية ويحفظلي رعد رغم گلشي احبة مو بيدي ما اگدر ابتعد عنة من شفتهم مصوبي انهبطت ومتت بجي عليه رغم جنت حايرة بمصيبتي وحايرة باخوية لاينغدر

گعدت علا السجادة قريت سورة يس والانشراح بلگي ينشرح صدري خلصت وگمت تمددت بفراشي ..

سمعت صوت سلمان دخل وصارت ضجة گمزت من مگاني ورحت ارگضلة اريد اشوف شصار…

عرفت داگين بيت ابو ارشد بالسلاح وگف گلبي على رعد اتمنيت اسألة بس ماگدرت احجي بس دموعي تجري… .

تقرب عليه سيد سلمان وحضني

ـ لاتبچين خيتي الااااا اجيب حگچ رابع ومربع وعلى خشومهم الانذال .. تعشيتي

ـ هزيت راسي يعني اي
گلي يلة روحي ارتاحي حتى تصيرين زينة…

غفران//// جان گلش عصبي سلمان رغم هدوئة بالحجي وية مريم بس هو نار مينطفي لان گل الصار ابوهم سببه

گعد سلمان وحجة گلشي لابو بس جان غضبان على مريم وميگدر يباوع بوجهه

صبح الصبح واجوي عشاير گومة علينة ياخذون عطوة لبيت ابو ارشد ..
  وعمام سلمان گاعدين وية سلمان

سويت چايات وسمعت سلمان يگول يطلگهه رعد يلة ذاك الوگت اشوف شنو القصاص الاقتص منهم بي ..
الاصوات گلش عاليه ومريم تصم اذنهه وتنهار بچي

طلعو العشاير وعمام سلمان ووكفت سيارة زوج ريام يم بيتنة شفناه من الشباگ طلع سلمان عليهم ونزلت ريام ..

شفت سلام يأشر بيدة ويحچي مفهمت خليت حجابي على راسي وطلعت ارگض عرفت زوج ريام طاردهه وماخذ جهالهه منهه يگلهه اختج مو زينه وزوجهه شاهرهه بين اهلهه شگد زعطوط وماعندة غيرة…

دخلت تبچي وتريد تضرب مريم بس منعناهه وتصیح

ـ گلة من وراااج ضااعو جهاالي اخذوهم منيي يگلولي اختج گحـ ووج ليشش

رد سيد سلمان بعصبية

ـ اااگطع لساانه اليحچي هيييج الزلمة بيهم خلي يگابلنيي ويحچي هالحچي ااختي اشررف من الشررف فتهمتيي لو لاا ورجلچ حسابه یمي

ردت ريام
ـ هسة شسووي دبرونني جهالي اخذوهم منيي اريدهم

ردت امي
ـ لاتخافين يجيبوهم محد يتحملهن بس انتي رجلچ حقيرر تجيییین هنا تصيرين فرعوون علينة ويم رجلچ زرزور مبلل ترجفين رجف منه

ـ غير رجلي وابو بيتي

ـ محد گللج وولي گليلة ااحنة بيا حال نحير بييچ باختج بالمصاايب يمعوودة شگد غبيية لعبتي روحي

،،، عافتهه امي وراحت لابوية

گعدت ريام يمي تبچي وتنوح اخاف احجي لاهمين ترجع عليه

ـ اگلج انتي تعرفين بيت ام ابداهيم مو

ـ اي اندلهه

ـ خوش…
سلمان ووينگ سلمان

ـ هنا هنا.. بدلت ملابسي ونزلت من غرفتي..   گولي

ـ خلي اختگ تاخذته لبيت ام ابراهيم

ـ منو هاي ام ابراهيم انوب

،،،،، كعدت ريام تفهم سلمان وتگلة خلي نثبت برائتهه گدام ابويه على الاقل

ـ و انة محتاجه اتعاارگ اريد اروح اتعااارگ والله لا اسوي لبيت ابو ارشد فضيحه متتسووولف بالشارع

ـ شتحچين

ـ لا تگلي شتحچيين ااحنة نسوان واذااا هدييينة ماوراانه لا فصووول ولا عشااير ااامشي اريد افترررس بيت ابو اررشد

ـ يلة مريمة گومي لبسي بنطلون جوة هدومچ ورايحين هداده على هالهمج…

-لیش بنطلون

-گلشي يصير يطلعن حبشكلات العيد وتصير فضايحنا المايشتري يتفرج

مريم//  لبست بنطلون وعباتي وواخذوني وياهم غفران ماقبلت تعوفني خطية بقت عمتي يم عمي وگلنة رحنة دليتهم على بيت ام ابراهيم ووگف سلمان سيارته ونزلنة

دگينة الجرس وطلعت بنية صغيرة گالت اامهه ام ابراهيم وام ارشد طالعين

ردت ريام

ـ ووين طالعين خابرري اامچ گليلهه اانتي ووين اهل مريم يردوج

ـ ليش منو انتي

ـ معليچ بس هيچ ااحچي وهي راح تفتهم

جرت التلفون وخابرت امهه گلتهه بيت ام مريم يردوج

جرت ريام التلفون منهه وصرخت

ـ انتي وين عييني احنة اهل مرريم جاايج بالسسالفة التعرفيهه

دة احجي وياهه وردت امي من تلفون ام ابراهيم استغربت

ـ يمة…  انتي وين يمة

ـ تعالو يمة ارجعو للبيت ام ارشد وام ابراهيم هنا

ـ شنوو هذني يمجچ.

رگضت ريام وريم صعدو للسيارة
واني وراهم داس سريع سلمان حتى نوصل للبيت بس وصلنة طفرن من السيارة مو نزلن

دخلنة البيت وشفت ام ابراهيم وام ارشد ..
كالت ريام

ـ هااااا يااعجووز البييين شعنددج جاااية تريدين اطبخيين طبخه ثاانية عليينة. همين

ردت ام ارشد تحچي بگسرة. وذل

ـ اني جاية وجايبة ام ابراهيم وهذا القران ويايه حتى ابرئ بنتگم گدامگم وهذا گتاب الله شاهد عليه

ـ وشنستفااااد عيييوني طعنتوو باختي واشترريتو نيشان غير نيشاانهه وجذبتو عليينةةة وصخمتوو وجوهنةة وزوجتو بنتنة من ااابنج الثااني وتالي هسة جاية ببررود اعصااب وتگولين سامحوونة

ـ بيتي انهجم بسبب اب ظالم انا ماچنت اعرف ابني نوار هيچ حالته والله ياخاله

ـ والفضيحه…  تدررين زوجيييي طردني واخذ جهالي منيي بسبب سالفتگم الخاايسة ووولج هسسسة اذا اشرب من دمج منوو يگللي ليشش

،، صارت عرگة گلش جبيرة بين خواتي وام ارشد المرة جاية تعتذر وابويه من حلفو گدامه بالقران وخلو على راسهن گام يبجي ويباوع عليه وياشر بيدة

مصدگت رجع يشوف بوجهي رحت رگضت وارتميت بحضنه

حچت هواي ام ارشد وگلشي وضحت لاهلي بس سلمان گللهه شما تحچين ماگو شي برر فعلتگم

ـ مو ابرر وليدي بس والله ارشد ورعد ونوار وصادق مو مثل البقية يعني خصوصا رعد ونوار هواي ظلمهم ابوهم

ـ هذا شي خاص بيگم انتو اهل انا حگي ماعوفة ضهرتي برائة اختي لان انهجم بيتچ مو هيج گلتي

ـ اي والله ياخاله

ـ يعني لو مامهجوم بيتج جان هادي تبقون التهيمة بأختي لازگة زين مافگرررتي من هجمتي بيتنة وابوية وگع مشلوول بسبب جذذب ابنچ هااادي ابويه فقدد صحته وااختي اابنچ شووه سمعتهه گل هالشي ما ووگف بعينج ولا اهتميتلة بس من بيتج انهجممم وگلشي انگششف اجيتي ترگضيين

ـ والله ياوليدي محگومة من رجال والله مو بيدي

ـ انتي هسة همين محكومه من رجال بس عادي طلعتي واجييتي ليمنه .. رجاءا ام اررشد لا تحاوليين تگسررين گلبي انتي وعائلتچ غلطو بحق ااختي وغصبا عنگم ادفعون ثمن غلطگم..
ووابنچ يطلللگ ااختي لا بالله الگرريم وووين ما اشووفة اقتله بشررفي

ـ لا يمة لا عليش هالحلفان ان شالله يجي ويطلگهه ويسوي التريدو..
يلة خيتي ام سلمان اعتذر منج ونترخص

..طلعت ام ابراهيم وام ارشد من بيتنه مگسورة خاطر… لان حتى امي ما نطتهم وجه…

گلبي انقبض من عرفت سلمان يريد يطلگني من رعد گمت ادعي ربي يگون اطلع حامل اصلي صلاتي واسجد بيهه سجدات طويلة للدعاء واقرة قرأن حتى اطلع حامل من ذيج الليلة وما نفترق انا ورعد…

اخاف احجي واگول ما اريد اطلك سلمان ميتقبل حجاية بهالامر بس غفران تعرف بية…

اخذتني ثاني يوم ريام وامي للطبيبة وگشفت عني گالتله البنية صارلهه يومين متزوجه وجرحهه نضيف مابيهه شي

ـ وشلون نثبت صارلهه يومسن متزوجه

ـ ليش انتو شنو الموضوع ليگون جايين ادورون خياط وارجعهه بنية ماسوي شي يغضب الله

ردت امي
ـ لا عيوني البنية متزوجه على سنة الله ورسوله بس اختهه تخربط بالحجي ومتعرف شتحچي.. 

همست امي لريام..
امشي گدامي وگافي فضايح..

طلعنة من الطبيبة ورجعنة للبيت

مر عشر ايام وعشيرة رعد جابوه وجابو ابوه وسيد عسگر حتى يطلگني ..
سمعت صوت رعد وحيلي انهد

........
رعد//
اجى چبیرنا گاعد بصاله چنت جاي الملم غراضي ماابقى
هنان لان نظرات هادي النواره تخليها بس تبچي صاح عليه ابوي اجي الچبیرنه

دخلت اسلم وایدي بعدها مضمده وشادها بضماد يوصل الرقبتي.سلمت وگعدت یمهم

-الله بلخیر جاوب چبیرنا

-الله بلخیر بویه وحمد الله علی سلامتچ

-الله یسلمك شيخ بس هذول خواني كلهم شعجب انا دزيت عليه

-شوف وليدي رعد الصار الحد الان محد يستوعبه بس احنا ك عشاير گبار ماعدنه شي مانستوعبه لان گلشي مر علينا وشفنا وعالجنا بيناتنه لان اغلب المشاكل تصير بين عشيره وعشيره لابد بيها الخال وابن اخته اله سالفتگم چبیره

-مفهمت

-السالفه حچیتها الخوانك وابوك سيد سلمان الحق وياه لان انهتك شرف اخته يگدر یحاسبها حاله حال عربنا یحملها الغلط ويگتلها وتنسد السالفه بفصل یگسر ظهرگم

بس الواگعین بیده مایرید فلوس یرید حگوك تنرد اله والخيته

-وشنو طلباته

طلباته اهلك مايبقون هننانه بهاي المنطقه،ويشيلون منها للابد
وابوك وافق ليش حتى يحافظ على مگانته جدام اهله  وناسه واحسن حل گاله ابوك هو يرد للناصريه يم ربعه يحبونه ويقدرونه وهم نطمطم على السالفه

-والشرط الثاني شنو

-تطلك اخت السيد

وكفت ورجعت كعدت متفاجيء

-صدك هذاااا الحچي ماااايصير حراام

-ليش حرام وهذا الشرط الثاني وبعد ثالث

-لاااا هوو راح ابوي يتفاهم وياهم وان شاء الله سوء الفهم ينحل

-ابني ترى اخوو ها المرتك مصرر على الطلاق لااا يحقگم
قانونیا

-بس هذاااا ظلم وهي مرتي ورايدها

-ياظلم وذا انت رايدها هي لا طلگها وخل اخوانك كلمن يرجع الشغله والبيته

-زين وانا وبيتي

-كاافي وليدي ترى السيد شرح النه طريقة الزواج ابنيه قاصرر وزوجتها انت وانوب تممت الزواج ورجعت سكنتها بيتك هي واختك دون علم اهلها

-وذا هي رادت تبقى على ذمتي

-سمعتها باذني كالت ماريده

شيخنا...ترى مااگدر استغني عنها لحظه وهاي الايام المرن مره عليه

-ابني انت رجال الف من تتمناك عوف هيچ مريه ماوراها بس وجع الراس وانه ازوجك اخاتها

-شيخ انت صاحب حظ وبخت بيا حظ وبخت اطلك

-لان هذا هوو الصح وذا انت بعدك مصر وتريدها طلگها وتالي روح اخطبها من جديد بعقد جديد ومهر جديد ترى بنات الناس موو للعبه

-اذا اطلگها ماظن ترجع

-لااااا ترجع والبنيه  اذا مكتوبه الك ماتروح لغيرك

گال هادي

-شوو انت حيرتنه هلكثر عاشگها خاف من هیه چانت بذمتت اخوك الصار مره تحبها

ماهتميت اله گلت للشیخ

-یعني ماتدخل

-لااا ابني ادخلت وخوها قافل وگارهك گره الحيه والبطنج

لزمت گلبي الگل طلع ولازم اطلع ویاهم مامستوعب الجاي يصير ثاني  مره احس متگتف ومااگدر بعد اخذ مريم الحضني

الوجع ينهش بگلبي حسيته راح يوگف من القهر مارید اصدك راح اخسرها للمره الثانيه...كلمة طلاك من مريم مثل سيف حاد يگطع گلبي

طلعت من البيت مخنوك سقت بيدي اليسرى وگوه حتی مامسیطر علی نفسي وگفت گبال بیتهم عسی اشوف مریم وحاچیها واشوف شنو رئیها بطلاگ

شفتها طلعت من البیت تشتري من المحل الجدامهم وجهه ذبلان وبيه اثر ضرب معقوله سلمان ضربها لاااا مااعتقد..المحل  كلش قريب عليهم بعد اربع بيوت

نزلت قبل لاتوصل هي للمحل سبقتها و اشتريت باكيت جكاير وهي اشترت جداحه...ماشافتني تبعتها همست

-مريومتي مريتي..بقت تمشي سمعتني حچي كسررر اخر ذرات امل منها

-كااافي رعد الجرى منك كاافي كسرتني دمرتني تعبتني والنتيجه شوف وين وصلتنا روح منا الله يخليك رووح وابعد عن حياتي روح شوف البنيه الي تحبك وتصونك
انا لا احبك ولا اريدك وكرهك

رجعت مخذول اسوق بخبال حتى ردت اسوي حادث وصلت البيتنا

اجت نواره يمي

-هأاا رعد شنو راح تسوي

-شسوي جاي تشوفيني مربط

-مربط بس مريم تحبك

-لاااا تكرهني كره مصاير

-منووووگلك قابل شفتها

-اي رحت الها حاچتني كالت اكرهك انساني

-ساعة شيطان

-ساعة حقيقه واعرف مريم من تحچي

-وشنو راح تسوي

-خلاص همه عشيرتي يردون الطلاگ وهم گلولي أنذبگ من العشيرة اذا متنفذ طلب
لان دازين  السيد سلمان ناس بيهم حظ وبخت وشيوخ عشاير گبار ومعروفين حتى مايخليي  امل وطلك لان قافل 

-لاااا تأيس أگو امل

-أگوو امل اصلا هذا شيخ الاجى اليوم اخو شيخ خير جاب ناسه وزلامه صرفت دم گلبي على گل شيخ وسيد  وياه
حتي يرجعولي مرتي ماگو فايدة سيد سلمان قافل رغم حاچوه انو هي زوجتي شرعا بس چان لاوي ايدنة بالصار

وگایل خدعونة يعرفون بابنهم مرة وزوجو اختي وشوهو سمعتهه يم ابوي وابوي صابة شلل بسببهم هواي حگوگ اله علينة ماگدنة نسدهه

حددو اليوم واخذوني العشيرة لبيت سلمان بيدي امانه لسيد سلمان ماخذهه بيدي…

دخلنة ولگينة عشيرته وعمامة يسدون عين الشمس ..

وگفت يمه سلمت عليه مارد عليه .. شلت العلاگة وخليتهه يمة وهمست.. 
هذا برائة اختگ من گل حجاية حجاهه هادي اختگ اشرف من عائلتي گلهم بس لاتحرمني منهه

باوعلي بنضرات احتقار حطمتني ..

سلمان/الموعد اجی ارد اعتبار اختي سبع عشاير جايب ابو ارشد يطلبون مني الصلح وهنا وگف كدامي رعد وگلي

-برائة اختك هنا متحملت اخذت العلاگة فتحتهه وباوعت بيهه ما طلعتهة برة شفت بيهه دشداشة مديت ايدي بالعلاگة شفت بيهه بقعه دم مبين دم زواج ..

ارتاحيت من جانب وغضبت من جانب ثاني من عرفت هالنذل متزوجهه بدون مينطيني خبر خليت العلاگ يمي وباوعت لسيد عسگر..

ـ يلة سيد استعجل خو مو اضل طول اليوم مگابلهم وهمه وراهم بس دگات ناقصه

گال سيد عسگر

ـ ميصير اطلگهم الا بموافقتهم يا ابني ياسلمان هيچ حرام الطلااگـ

ـحرام مو اانت الزوجتهمم وچانت ااختي مموافقةة

ـ انت سيد وتعررف هالامورر الزواج مو مثل الطلاگ حتى رعد چان مااااااااقابل يتزوجهه بس الزواج توفيق راسين بالحلال وابغض الحلال الطلاق يا ابني

ـ ااختي مترريدة ووهيچ نسييب اناااااا ماااااتشرررف بيي

صاح رعد

ـ گتلووني بس طلاااااگ ماااطلگگ

عاط سلمان
ـ انت ااخر واحدد يحچييي ولااا تتفرعن بعمااامك ترررة هناا اخلي طلقة بنص رااااسگ واخليهه تترمل بدااال الطلااااگ

جاوبته
ـ يااريت شتررريدد تسوي سسوووي بس طلاااگ مااطلللگ ااريدهه زوجتتي واريدهه یاعالم یاشیوخ اریدهاااااا

صاح
ـ رادتگ المنييية تريدهه ماتريدهه اااحنة شگووو المهم ااااحنة ماانريدك وحتی ابد ماااانتشرررف بيييگ

رد سيد عسگر

ـ اهدئوو يا وولدي متنحل المشااااااگل بالصياح والعنااد يااسيد سلمان الرجاال يريد مرته وهالطلاااگ حررام وغير جاائزز راح توگع بذنب انت بغنى عنة

ـ طلك سيد وااناا قاااابل اتحمل هالذذنب مثل ما زوجووهه بدون علميي ماخلوولي اعتبااار

ووفوگاهه دخل علييهه هنااا هسة مايريد يطلگهه خل یطلگها الا ارتگب بي جرييمة واروح سجن ماايهم

ـ استغفر الله زين يا اببني خليني اسأل اختگ تريددة او لاا

ـ ميحتاج ابوية وگيلهه

ـ وان… ضروري اسألهه يجوز تريد زوجهه يجوز تگون حامل ضرووري نعرف رأيهه

مريم//بثمانيه  راحت غفران ويه سيد سلمان للحوزه وامي راحت للسوك كعدت ردت اسوي جاي الجداحه خربانه والغلايه ماحب چایها
اخذت افلوس من المجر سيد سلمان يخلي مصرف لليحتاج لبست عبايتي وطلعت اشتري بسرعه خفت مجرد اخذت الجداحه واسمع صوت رعد

-مشتاقلچ حبیبه شلونچ‌منووو ضاربج
رزلتها من ورى گلبي مشتاقه اله ولالم بروحي يوجعني اكثر من جروحي مابينت اله ابتعدت منه والدموع بعيوني دخلت بسرعه للبيت

غفران//الوقت صار اصعب من الصعب، احاول كد ما,گدر احتوي البيت لان مريم تعبانه نفسيتها وين وين يله تجي تگعد یمنا سید سلمان یركض يمنى ويسرى على الشغل لان يريد يوفر العيشه الكريمه العايشيها اهله چانو
ویرکض بعلاج ابوه

ويركض بسالفة العشيره وثاره من بيت ابو ارشد المايخلص

خواته يحاولن مايحتگن هل فتره ویاه لان يعرفن بيه من يزعل زعله قاسي واعرف  لان جربته من اكتشف جذبتي
شلون جفاني ايام

يرجع للبيت مهدود تعب ،بس فرحان لان بدى يوكف على رجله،بفتره قصيره وبدى يذل ابو ارشد ولده

رجعت من الحوزه من وگت رجعني سيد سلمان بس من دخلنا مريم  ماكوو شمرت الجنطه  بلكاع سيد سلمان تبعني وبسرعه انتبه عليه اجى ورايه دخلت للصاله صحت "مرريم  مررريم

لزم ايدي سلمان حيل

-ليش تصيحين يجوز بغرفتها

-لااأا نفسيتها تعبانه من طلعت حتى ردت اسجلها ويايه

من صحنا اسمها صفن بوجهي وركض الغرفتها فتحها حيل ماكو صعدنا الغرفتنا ماكو كال سيد سلمان تعااي للبلكونه مال سطحنا بيها بابين راح ادخل من ذاك الباب وانتي منا

-ليش وشيوديها هناك بدعافيس

-من جانت تضوج تكعد بيها

رحت الباب البيتونه فتحته لكيتها فارشه سجاده وجهه عركان من الحر جانت تصلي  بيدها سچین فواگه ترید تگطع شریانهها من شافتني وگفت تبچي

-المن اجيتييي عتقيني الخاطر الله

-ووچ شجااااي تسوووين هااا

-امووووت وريحكم مني

-وليش تحچین هییچ

-سمعت سید سلمان ضايج من يفكر بيه وانتي تحاچي حتى يصالح البنات كله هذا بسب منوو هااا انه انه

-لااا مريومه شسالفه قابل هم اول اخوان يتعاركون تعاي
شوفي انه واخوي منتظر صبح عصر ليل وهسه مزوجه واروح الهلي هم اتعارك

مدت ايدها تريد تشك الشريان سيد سلمان وراها لحك بيها حضنها من ورى وچتف ایدها وهزها حییل حتی توگع السچین

اخذ السچین منها دفعها حیل وعاط

-شبییچ تخبلتييييي هاااااا شسووووين جاأااي وليييش هااااا

اخذتها الحضني ودفعتها بغضب

-ليش مريم حرررام عليچ اذا انتي بعدج مصدوومه چان
گلتي النه حجیتي انه صاحبتچ هذاااا اخوووچ شبییچ

تبچي وتصرخ بقوه

-تعبت تعبت تعبت من الصاررر

لزمها سيد سلمان حضنها

-حبيبتي اعرف تعبتي اعرف الصار فوك طاقتج واعرف انا رجال والدنيا اخذتني بحيلها واقل من ساعه وكفت يم اعيالچ عقلي ماستوعب كمية القرف العدهم

محد يحملها وانتي بقيتي عدهم هل فتره اكدر اكول عليچ سباعيه بطله اختي الزغيره بطله..

بس شنسوي ياعيني البيوت اسرار والناس طبايعها واخلاقها وشخصيتها داخل البيت مو مثل ماهمه خارج البيت
واحنا وابویه نخدعنا بطابیعهم الخارجیه

-بس تعبتگم

-ماكو تعب بس تقبليها تخلينه نتعذب بفراكچ وانتي راح اخلين للنار وتموتين كافره يعني تنتحرين على منو والاجل منو ومنووو يستاهل..

بقت تبچي الى ان تعبت سندها السيد ونزلها الحد غرفتها نيمها على چربایتها شغل التكييف رجع لملم شعرها باس راسها ابتسمت اله كالها

-الله  يبردگلبچ ویریحچ الیوم افگچ منه

طلعنا ...ومتردده اگله...اجا تصال وطلع حتی ماشرب چاي اخذت نقالي خابرت عقيله

-السلام عليكم

-وعليكم السلام شلونچ ویه السید حماتچ شلونها

-زینین گلهم بس صار شي اليوم من رجعت من الحوزه وطبعا مو رحت للداوم لا رحت اكمل شغلات التسجيل وشفت قريب على باب بيتنا سياره وتذكرت من طلعت الصبح هي موجوده بس چانت برگن

-اي وشنو الغريب

- الغريب مريم اليوم متكئبه  وحاولت تنتحر اعتقد هذا الشخص هو رعد

-زين ليش مريم مكالت الچ

-اعتقد تحبه وتريده لان متكئبه من الصبح الحد هسه.
واظن هوو چان‌گاعد باب بیتنا ومنو یگلچ یجوز یومیه یجي  حتى يشوفها

گالت عقیله

-گاااافي غفرران ماملتي تالفين افلام براسچ تری تعبتي

-اي شيسمونه الصار

-يسموو تاليف اگلچ اشوگت نروح الاهلي

-السبوع الجاي مااكدر اطلع واعوف مريم

-ليش تعوفيها جيبيها وياچ یم اهلي ماما تقنعها وتخلي راسها يلين

-الله كريم

-مريم گعدتني غفران گالت

-گومي جهزي نفسچ

-لیش شگوو

-ماشي منتظرتچ

لبست ثوب وغسلة وجهي بصابون طلعت لبست العبائه وگعدنا بالهول والناس بغرفة الخطار

مريم تبچي وريام واگفة تسمع يم الباب گعدت يم مريم اهدئهه طلع سيد سلمان وصرخ ..

- مرررريم وووينچ

ـ هنا اني

ـ تعالي هنا اوگفي خلي يسمعج السيد گوليلة تريدين الطلاگ من هذا الجلللب

بقيت ساگتة واني اريد احجي ما اگدر
صرخ سلمان بصوت عالي ..

ـ ااااااحچييي

اريد انطق ما گدرت الغصة خانگتني شهگت وبینت بتنهيدة وطلع صوتي سمعت صوت رعد يصرخ ورة الباب ..

ـ مررريم لاااتبچيين اروحلج فدوةة
مااطلگج وعدد مني مااطلگچ اعرف بیچ راح تنغصبين بويه لا تبچین

صرخ سلمان

-ولك نذل وين تريد توصل..

عافني سلمان دفع باب الصاله و ودخل مبين تلازم وية رعد رگضت اشوف شديصير من باب ثانية بالاستقبال مفتوحه شوي وگفت اتفرج على اخوي ورعد متلازمين

متحملت موقف مريم گسرت گلمتي گدام هالناس وبينت تريد رعد صعدت النار لراسي من سمعت رعد واگف ورة الباب دخلت وتلازمت وياه.. 

ـ لـــــك گلللللب گدداامي وتتتحداااني هسسسسة اطلگههه لا اقتتلگ وانطي ديتتتگ على القنددددرة

ـوووك خوويه سلماان زواجنه غلط بس انا رايدهه وهي رايدتني سامحنة يا ابو الاشبال وانت معروف بگرمگ لاتجني علينة

ـ. ااانجب لللگ بس الگرررن يسگت عن سوايتگمم واناا مو گررن مثلگمم

ـ ااافهم عااد. يا اخي الغضب مو من شيم السادة يگفي عناد ياسلمان اريدهه وتريدني ليش هالعناد

ـ يعني مطلگهه يا ابن ابو اررشد اصبرر
،،، دخل سلمان يمنه بالهول وراح لغرفة ابوية سحب سلاح وطلع يرگض گلنة احنة البنات عيطنة من الخوف على وحيدنه

وانا عيطت خايفة على اخوي وعلى رعد گعدت بالگاع انهاريت ابچي نفض نفسه من عدنة ودخل عليهم الباب مفتوحه جانت وشفت گلشي گدامي

ـ طـلـگهة لا اااقتلك بالله الگرريم

صاحو عشيرته وسيد عسگر

-رررعد يمعوووود اخوها صاحب حق يله طلگهه وگافي عناد

عيني بعينة هو بالگاع گاعد واني مقابيلة اخوي حاط المسدس على راسه والزلم ملتمين عليه بس رغم الهوسة اليمة عيني بعينة ابچي وهو دموعه تنزل علی لحیته  تضراتنه تحچي بمگان لسانه

گال سيد عسگر

ـمایجوز الطلاااق بهيچ حاله  بااطل باطل تريدني ادخل بخطيتهم ماسوويهه

ـ صرخت من هيچ حجة السيد لان شفت بعيونة انفعال حقيقي وممگن يقتل من يوصل لهل مرحله اعرفة  لاخوي من يغضب مرعب يصير

گلت السيد عسگر وانه اوگف

-طلگنييي سيد طلگنيييي

گال سید عسگررر

ـ موافقة على الطلاق بقناعه

ـ اي .. نعم سيد موافقه

ـ وانت يا رعد

ـ معقولة متريدني بعد مريم

ـ مسحت دموعي وگلتلة

- اي.. ماریدگ مااریدگم ریحوني وريحوو اخوووي

كعد على رگبه رعد متاخذل مستند على ايده والثاني مضمده

ـ خلص شتريد مريم انا بخدمتهه

صاح سلمان

-كلشي مااانريد حتى حاضر وغايب ماتريد مااانريد شي منكم ماتريد اختي اي شي منك فااااهم

ردد سيد عسگر گليشة الطلاق وانه رددت وياه كلشي غوش بعيني من سمعت رعد  گالها بحزن مثل ما گلتها انه بقهر بحیث الگل سگت ونقهر لان الوجع بصوتنا كأن روحنا اثنینه طلعت من ختم رعد گلمته

آنتي طالق یامریم

#یتبع

اشكر ادمن جنه علی الغلافات