رواية عشق المومنين(أبناء الساده) الفصل الثاني وثمانون 82 - بقلم نازك الحمراني

السلام عليكم

و أنى لهذا القلب الصغير أن يتحمل جمال حُبك !!
وتحسب نفسك جرم صغير .. وفيك انطوى العالم الأكبر
!!
.....
سمعتة من گال طالق مبين مخنوگ اعرفة من ينقهر اضطر يگول نعم تم الطلاق
وانه اضطريت اجاريهم لان اخوي وكرامته اهم

صرخه داخلي مكتومه مااگدر اطلعها  واگثر هم بسبب نظراته المتخاذله..
واعرف نظراته متروسه قهر خذلانه مني ومن اهله ومن اقرب الناس اله

گومو اخوانه وابد مارفع راسه لا اليه ولا الاي شخص سد الباب اخوي سلمان كد وجع البگلبي كانما انسد على اصبع رجلي

كومتني غفران للغرفه دقايق واسمع البيت صار هدوء عرفت طلعو هنا دخلت
ريمة وريام للغرفه متعصبات انطيت الغفران كلاص المي..
اجتي ريام وكفت يمي وانه كاعده على الچربایه عاطت بیه

ـ وووووچ شنوووووو انتي وذاك الثورر ابو راسيسن  شگوولگم وولااااعبالگ متزووجين غصصصب وهو حماچ ومن هالافلام الهنديية

- شتقصدين ترى مااالي خلك

ردت ريمة
-بااعي هااااي الماااالچ خلك قشمري بيها سلمان لان انه اشوووف مو عميةة وولچ چنگم عشاااگ هسسه تفهمیي فلمگمم انتي تعوووين وهو يعووي يتوسل وبالسلاااح يلة قبل يطلللگ شنوو القصة چااان يعشگچ گبل لو انتي على ذمه ااخو ووو عيينة زااغت عللليچ و رااادچ  ولچ فهميني

وگفت  وجاوبتها

ـ لااااااااتضلين تخوطين بالحچي

اجی ابنها یبچي دنگت علیه شالته وانه أستغليت تسگت طلعت من الغرفه حتى  اروح غسل وجهي صاح سلمان بنبرة تخوف مرعبه بحيث وجهي صوفر

-مررررررررررررررررررررريم

وگفت بمگاني مثل خشبة صفره يابسه حتى اشفافي يبست حسيت سلمان راح يسوي بية شي لان غضبان مبين شال بگلبة عليه من تصرفي وسگوتي همست بصوت ناصي…

ـ هاااا خويه انا هنا

خزرني

ـ شنووووووووو معنى تصررفچ من ساعه

تقرب علیه تراجعت ليورة همست‌ بخوف

-خویه ياآاااااتصرف

خفف نبرة العصبيه،وگال

ـ ليش هالبچي شنوووو معنى السوويتوو قبللل شووووووي

درت عیوني يمنى يسرى سكتت ماعرفت شجاوب بس ابچي هذا گل الگدرت عليه
وهو واگف منتظرني اجاوب وانه ساكته

رجع عاط

ـ فهمييییيينيي شنوو الصااار بييينگم ليش هالببچي معقووولة  تزوجتيي غصصصب معقووولة خلال شهررر حبيتي ورددتي و اتعودتي علييه ووولچ فهمييني لااااااااااا تسگتین وتخليني اطرش بالزفة

غفران//اعرف امریم تحب رعد وفتهمت الطلاق صار گوه علیها وگوه وافق رعد بس من طلعو العشيره والناس من بيتنا شفت الدنية گلهه مگلوبة على مريم

وهل مره مو بس خواتها حتتتتى سلمان وگف يحاسبههه اتذگرت نفسي بيهه من چانت تصرفاتي ممسؤلة وعاند امي واريد احد يجي يوكف ويايه هنا رگضت عليهه حضنتهه وگتلهم

ـ شنو سالفه  يمعووووودين شبيگم اذگرو الله شنو هالحجي مالتگم

گال سلمان

ـ لعددد شتفسرررين السوووته هي وويااه وووچ غفررررران گصررررت رگبتي بييين العشاااير الجمعتهه حتي ارررد اعتبارهه واعتبااري وتتااالي تگااابلة وتبجيييي

جاوبته
ـ حبیبي أ..أيجووز تخاف من گلمة المطلقة تعرف مجتمعنة ميرحم المنفصلااات وهي بعدهه صغيررة مااواعيية

رد بهصبيه
ـ لااتبررريلهه غفررررران تصرررفهه غااااامض خلييي تگعد ووتفهمنه تررة عقلي بدة يضررب اخماس باسدااس

ردت ريم

ـ وااااالله من البدااية گلت الگم الشغلة مو خالية ومتنعقل شلون تعقلووهااااااااا انتم وحده تزوووج ومتنطينة خبرر لو ما هي عاجبههه الووضع ومتختخهه
هي تحبه عاشگته وتریده فوافقت علیه

ردت عمتي
ـ وچچ یمه يمعودة ااحچي گولي فهمينة ليش هيچ تسوين بينة وچ بگد ام الفلسییین وثبرتينه ثبرر

حضنت غفران صاح سلمان

ـ لچچچچ ليشش گسرتيني جدام هالزبالة ومااا مشيتتتتي بگلمتي وانا گل السويته علمووودچ ولخاطرچ حتي ارجع گرامتتچ بين هالسااااااقطيين

شلت راسي  گتله

ـ بس ااآااااافهمنيي الله یخلیك

عاط بقوه هز البيت

ـ صووووووتچ لاتطلعيييي ماررريد اسمعهة ابد ابد ابدد

ااانه الربیتچ‌ علی ایدي وگوول عمرهااا ماتغلط هااي تربيتي تااالي تگسريني مااشي نسيتي شلون علمتچ مااوكف شيي بعییییينج ماااوگف من انه وحدي وهمه سته  ااتلاووويت بنصهم حتى اخذچ

وووووچ چنت بحلگ المووت لخاطررچ  ولخاطر يگون اسم عائلتنه عالي وتالي تگابليي وتبچين گأنوو مغصووووووبة على طلاگ واطلع اناا باطل وجبرچ

ردت ريام
ـ ااي والله خووویه حتی تلوومني ودگول علیه قااااسیه تری عبااااااالگ عشااگ من سنيين مصدگو حتی لو زواج(طك عطيه)

لاااا وفوگهااااابطلاگ شلعناهم اااااثنينهم شلع سالفتچ موووووو خااليه يا خييتي

معرفت شحجي ..گلامهم صحيح بس ياعذر اقدم وشلون اقنعهم..

ردت ريم…
ـ اااااانا هم حسيت بيناتگم شي هالبچي والرفض مااااینتج عن زواج صارلة شهر وبالاجبار مثل ماجاي تگولییییییین

همست
ـ أ… أنت  أنت موو تعرفون الازواج بينهم مودة ورحمه

رد سلمان باستغراب

ـ مووووده ورحمه مووو بهالسرعه اتخذتي زوج الچ يا مريم؟
لچ شلون گدرتي تممين زواجچ منه وانا حالي مثل المغفل بينگم چنت ااحسبة صديق وگلت هسة يحافظ على اختي لان صار مثل اخوهه واگثر وتالي… الگاه خاين العشرة ومتزووجچ من‌ وررررایه

وولچ گسرتييني يامررريم والينگسر ميتصلح بعد صعـــــب

بقووو یحچون ولگل  ضدي الی ان راحو گلهم وعافوني بس غفران بقت يمي

گالت وهي تحضني
ـ شصخمتي ولچ چااااااان لاززم تتحگمين بانفعالااااااآااتچ

ـ وووووالله مااآآآاااااا متقصدة. غفران مو قصدي والله مو بيدي

ـ هااآاااي المووو قصدچ خلتچ هیچ زرعتي الشگ بنفووسهم بالسويتي وبصراحه حقهم الدموع والبچي والمشهد الدرامي الشفناه لا صار  بالافلام والمسلسلات ولا دار بلقصص الاقراهم

ترى چنت اقرا بلواتباد واگول ذول البنات مايستحن جدام اهلهن يبچن علی البطل وهسه انتي صرتي مثلهن شگلتي لروحچ من سگتي ومقبلتي تطلگين مافگرتي بالسبع عشاير الگعدت شراح يحچووون

مافگرتي باخوچ وخواتچ وخصوصا ريام گاعدتلچ على الزلة

جاوبته
ـ ماااااآابيییة حيل احچي بعد غفرااااان
بس والله مو بيدي هيچ تصرفت چاااان تصرررررف عفووووووي مووو بقصد

ـ عساااااهه بحضة وبخته السواااااهه

ـ غفران ساعديني ما انگررر حبي اله ما اگدر ااااانساه هو اول رجال افتح عيني عليه وانتي تدرين بحبنة العذري تعرفين شكد حلمنة نصير لبعض گلة على ايدج صار غفران

ـ اااعرف بس الصار مو قليل شلون ينسي اخوچ ااشلون ينسي صارت عشاير ودگة وسلاح .. صعب يامريم موقفگم صعب

ـ ماگول الصار سهل وانا نفسي چننت ممتقبلته.. بس والله رعد يختلف يختلف من السما للگاع اتذگر حنيته وخوفة عليه وحرصة ومداراته آلشعوري وچچچچچچ غفران چنت ااااادوس ابطنة بالاهانة والحچي والدعاء وبقى متحملني گلشي اتذگرة يشفعلة عنددي ماگدر انساه ما اگددررررر

ـ ااااهدئي ياعيني ااااهدئي الحچييييي مو هيچچچ وبعدين محد گلچچچ انسي

جاوبت  وانه اناشغ
ـ ززززززعلو مني گلهم شلون افهمهم وانا معگود لساني وتردين الصدگ گلهم مووو بعيني عندي ااهم شي سلمان اشلون اگدر اصالحه

باست راسي
ـ مالچ علاقه خلي عليه بلگيییی يسمع كلمتي و الله يحننن گلبة

-لاااا حقچ ماااتعرفین هوووو شگد قاسي اعرفة اخوية واعرفة کلششش زين

ـ تعلمیني للاسف هاي الخصلة بي مخربته شگد صفاته تخبل بس قساوة. الگلب عندة مو طبيعية

ـ غفران الله يخليچ گليلهم شيردون مني بعد مو الرادو نفذته خلي يعوفوني بحالي الله يخليیییچ

اتناوع الها مقهوره علیها آلگل عايف مريم لوحدهه اتخلو عنهه مسگینه ااآانطيتهه ادويتهه شوي هدأئت گومتهه للحمام سبحتهه وطلعتهه هي مقبلت ابقى يمها انه رفضت طلعت الهه ملابس وراحت تصلي اطئمنت عليهه گعدت للسجادة تناجي رب العالمين وتبچبی وطلعت..

مریم//خلصت الفرائض والنوافل وگعدت اقرة قرأن.. آدعي ربي يريحني ويريح رعد ويريح سلمان گلنة تعبنة واتأذينة من الضروف
((يا حيّ يا قيّوم برحمتك أستغيث ، يا ودود يا ودود يا ودود يا ذا العرش المجيد، يا فعّال لما يريد، اللهم إني أسألك بعزك الذي لا يرام، وملكك الذي لا يضام، ونورك الذي ملأ أرجاء عرشك:

طلعت بلیل،سلمان جان كاعد على القنفه شافني راسن صعد…

بعد هذا اليوم مرت الايام عليه اسود من سواد الليل

وانه بهل فتره أنطويت وانعزلت عن خواتي عدا منى لان صار اي سالفة لو بعشيرة زلمهن تصير يذبنهه براسي ويگولن اني السبب ..

ريام رجعت لزوجهه هو اجى عليهه ورجعهه لان سلمان لبسة وماقبل يطخلة راس ف احترم نفسة واجى يرجعهه واخذلة خوش رزاله من سلمان دگته بالعضم…

ريم زوجهه طلع زين مو مثل متگول وتحجي وعود خايفة منه بالعگس گاللهه لاتوصلين خبر لاهلي الصار امر الله ومالنة دخل بي…

خواتي بعد ما اجني للبيت خصوصا ريام صارت جياتهه گلش قليلة
وريم تجي نص ساعه او ساعه وتروح واصلا ما اتواصل وياهن واذا رادن يسولفن يذبن حچي عليه مثل السم ف اتجنبهن
ومنى رجعت لايران حتى تكمل  عالج زوجهه 

غفران ويايه
لگن من يجي سيد سلمان تترگني وتروح يمه هو ميقبل يگعد يمي فمننجمع غير على الغدة او العشة

اعرف بي يحبني بس مديگدر يسامحني لان گسرت گلمته

مع ذالك حنيته عليه بعدها لان ينطيني فلوس وگل الاحتاجه يجيبة الي وشنو يجيب الغفران يذكرني بس ميباوع عليه ولا يعبرني

ابوية حاير بمرضة وطول النهار نايم خطية بس غفران ويايه حتى روحتهه لاهلهه قللتهه وگامت متبات يمهم علمودي…

گلهم رجعو لحياتهم بس اني حياتي اتوقفت أما أمي فقصتهه قصة لوحدهه

(عدهه المرة من تطلك بعد لاتحف ولا تنضف نفسهه ماكو داعي تسوي هالامور لان ماعدهه رجال وهذا گله بتحريگ من ريام هي تگللهه المن تحف وتنضف وجهه رجال وماعدهه لو هي عيارة )

وتجي امي تهوس عليه اذا شافت غفران لازمتلي ملقط لو خيط  سيد سلمان ميقبل يوگف بوجه امي واخواتي لان يسوون هيچ

هواي ايام اتمنى ارتمي بحضن سلمان وابچي واگله سامحني بس جان يصدني اذا يشوفني اتقرب عليه يروح لغرفته او شو وين المهم ميشوفني

صارت امنيتي اتصل على رعد او نوارة واشوف شلونهم شلون عايشين ..
ارقامهم بعدهه عندي رغم سلمان غير السيم گارت بس من اتذكر  گلمت سيد سلمان  ( كسرتيني) اتراجع واطگ بچي
اگره روحي من هالگلمه

سمعت بيت ابو ارشد شالو من بيتهم… بيهم الرجع لمحافظته
وبيهم مدري وين راح وصفى بي الدهر…

ماقبل سلمان ياخذ فصل فلوس منهم گللهم اختي مو بضاعه وتدفعون بيهه فلوس‌ اختي اغلى منگم ومن عشيرتگم
بس الثمن جان شيلهم من المنطقة وتقرييبا انفضحو بمنطقتهم
ووصارت سيرتهم على گل لسان
المهم نفذو گلام سلمان وصار اليريدة

لگالي اخوية  دوره تعلیم خیاطه‌ومگیاج  الگادر والموضفين بي نسوان يشتغلون المتعففات والارامل والمطلقات

بهالفترة اخوية مشة بمعاملة تغيير جنسية من ((عزباء لمطلقة))
مالحگت اشوف هويتي مگتوب بيهه متزوجه …

غابت عني الدورة الشهرية فترة من الزمن وصار عندي امل اگون حامل وارجع لرعد رحت اني وغفران حللت ماگو حمل
گالو احتمال ضعيف اخذو دم همين ماگو حمل
ورغم هذا چان عندي امل اني اكون حامل مثل امل المحرومة من الخلفة صارلهه سنين

بس بالشهر الثاني اجتي العادة الشهرية وگالت الطبيبة تخربطت بسبب حالتج النفسية…
عرفت نفسي محامل دگيتهه بچي مصاير

غفران تحاول تهون عليه بس ماگو فايدة
احس بفراغ چبيرررررررر محتاجه حنان رعد محد احتواني ونساني حنيته لان الكل صار ضدي...فصرت اذكر حسناته ماا اذكر اغتصابه وتعديه

هواي ايام بطريقي للدوره المح شخص يشبه رعد اشوفه من شباگ سيارة الخط
واضحگ على روحي لان اعرف رعد خلص مو بگربلاء خارجهه…

 
واعرف من ن درجه حبي اله صرت اتخيلة بالوجوه وبگل مگان احبه هل شي مو بيدي هو حب مراهقه صار بتعب

هواي بطريق من جام السياره وبساعة انتظار الخط اشوف خيال رعد وحاچي

اعتذر منك لان غلطت،وجاوزت عليك لان انت چنت حیاة انت الحبيب المحب الي حاول يحافظ عليه

وانه الجرثومه الخليتك تضهر اقبح مابيك انه جريتك الهذا الطريق وهو مو طريقك
لان اسنين انه وياك عمرك ماطلبت مني شي يغصبني ويغضب رب العالمين

اخوي ومرت اخوي يردون يطلعوني من حزني وتعبي مايعرفون  أنت الدوه الي انتظره كل لليله حتى ارسمك بخيالي وابقى اناجيك

تنتهي ساعات الدوام وانه علاقتي بگل گادر الدوره محدودة اخاف لا وحدة. منهن سمعت بسالفتي واتفاشل وياهه
بدت عیوني تتفتح اشگال سمعت قصص من النسوان الموجودات .. والمثل يگول من شاف بلاوي الناس تهون عليه بلوته

غفران/الصار بهاي الفتر بيت سيد سلمان خلا البيت كلشي يتغير بيه اله حب سيد سلمان اليه باقي ويقوى كل يوم

مرت الايام وصادف  يوم عرفه نضفنه البيت كله اني والبنات وعمتي هم ساعدنه  صعدت اسبح  ميته حر شهر الثامن وصايمين وسهر الاجل صلاة الليل متمسكين(لا تطفئوا سرجكم ليالي العشر)
الدنيا حاره يزداده اجر الصيام المستحب
لان القلب كلما اشتدت به الغفلة اشتدت به القسوة فإذا ذكر الله ذابت هذه القسوة كما يذوب الرصاص فى النار "   

كملت سبح وبدلت لبست شلحه فيروزي  عريضة  خفيفة قصيرة  ارتاح بيها وسيد سلمان يتعقد منها مايحبها لبسته لان هوة موهنا

خابرتني  ماما

_شلونج غفورة سيد شلونه

_زينين الحمد الله

_بشري بنيتي اجتج شهريه لااا ترة اني جاي احسبلچ

_لاا ماگووو لايروووووح بالچ تعرفيها من زمان تتخربط ماتجي بوگتها

_غفيررران شغلي عقلچ من قبل العرس بيوم غسلتَ بشهر سادس واحنه بثامن وماكوو

فهيت عليها ماتدري بية علست آثنين وعشرين يوم يالة تمم زواجنه وانه افگر واهمس وية روحي

ماما  عااطت

_وين رحتي مو احچيييي وياچ

_وياج ماما  هسة انتي دگیتي ازوج وزوجت وهسة طلعتيلي بسالفه الحباله  بعد وگت ماما خلينة نتونس نگون نفسنه

_وووووچ اني آكلچ انتي حامل مبين من عيونج مغورگه روحي الدكتورة اليوم باجر عيد ويعزلون

_الله كريم يجي سيد سلمان واكله تدللين
هيچ وطلع حامل وبعد لقاحچ مااخذه

_ام للقاح تری بس من تعصبيني وانه اتعصب من مداهرچ وراسچ اليابس اطيچ لقاح زوجتي وانتي بعدچ‌ زعطوطة

-الووحیده انتي تشوفيني زعطوطه هنانه
عند عيالي يسموني ام عقل الچبیر ام الافگار ام الرزانه

-یاخذوچ علی گد عقلچ وبعدين لاضيعين سالفتنه طفل بطنچ موبيدچ ولابرجلچ حتی متاخذين القاح

-تدللین حبیبتی احبچ

ـ شعندي غيرچ بشريني شخبار حماتچ

ـ خطية ماما تعبانة مريم ابد مو على بعضهه

ـ الصار وياهه مو سهل بالچ علیهاااا

ـ همزين لگينالهه شغل على الاقل تونس نفسهه....

ـ الحمد لله خطية…الله يسهل امورهه وامورگم بنيتي

ـ حبيبة روحي ماما للجميع بس شو البارحه من راویتچ السولیتیر انتي وعقيله ضحكتن ليششش

-عزا العزا عدوچ لاااایسمعچ احد ویصدگ
سولیتیر هوو محبس فضه بحجز زيرگون
تقلید

-لیش تقصفیني خليني عايشه الحظه

-براحتچ یمه بنيتي عیشي مدامچ مرتاحه حبینه ومرتاحه ویاه

--بفضل دعواتچ یمه

-وابقى اندعيلچ انتي واختچ‌ يلة بنتي عندي ابرة بعد نص ساعه اروح للمضمدة اضربهه  

ـ الله يشفيج ماما حبيبتي ديري بالچ على روحچ

ـ ان شالله بنتي ..مع السلامة ولاتنسين جيبي تحليل حمل روحي حللي اخذي سونار اي شي المهم لاتبقين گاعدة

ـ  ان شالله ماما ان شالله ..
يلة مع السلامة…

سديته الخط  اضحك من سوالفهه بعد ماحلفتني اروح دكتورة

صفنت  احسب شگد صار من زوجت وشوكت وصلني يبوو شلون دوخة 
اني زوجت  یوم تلطعش شهر سادس واحسب بديه وبلمبايل

يصادف ورة العيد عشرة بشهر شوال   آذكرت اشصار ليله عرسي وسويته بسيد سلمان غطيت وجهي بديه من فشلتي وبقيت اضحك

اضحك بهستريه من ذكرت  ساعة الوم بروحي .ساعة اضحگ على روحي ..شلون تخبلت عليه وچذبت  گتله عليه شهريه واني غاسله قبله بيوم اوف شگد مااريد انسها مااكدر

لا نسیته من تمم عليه ليلتنا شلون ليله بدايته رعب وختامه مسك چان يوم خمسه بشهر سابع   وهية اخر شهريه الي چانت قبل العرس بأربعة ايام

و قبل العرس بيوم تنضفت منه وهسة احنه اليوم عشرة  بشهر ثامن  فات على موعده شهر

يعني معقولة اني حامل مره اصفن لااااااا شبساع حبلت

اصلااا ماااحس بشي هاي امي زوجتني وضلت تفگرر بحملي

ماتدري ليش عيوني مغورگة من قهري على مريم وسالفته ماتنحل وتعب سلمان وصدمته بصاحبه

فزيت من صفنتي وسيد سلمان فوگ راسي

_ها ياصبر گلبي شعدج صفنين

_ماگو شي هيج حسبه بالي اشوگت اجیت

_حسبتيش بس لاتفگرين وتخططين شي الله يستر

كمت وكفت كدامه
ـ وشبيهن حسباتي ابو الاشبال

_لااا مابيهن شي بس ذگرت شگم وحدة وضحگت

_لامو مثل قبل هاي جديدة ويرادله حساب شهريه ماكو

تنهد ضايج يحاول يغطي حزنه وتعبه من يجي يمي…

_ حبيبتي لاتعبين روحج يجوز حامل

حضنت ركبته بديه

_شمدريك سيد شنو عدك سونار وفحصتني

_لاا بس  قبل ايام شفت رؤية حلوة  رايح  زيارة الغريب الطوس گملت صلاتي وجاي اسبح تسبيح الزهراءعليهاالسلام
واجت بنيه صغيرة محجبه لابسه عبايه وطالع بس قرص وجه حلوة كللش شايلة سلة ورد احمر مدت ايده وطتني وردة  وراحت أخذته منه شميت عطرها كلش حلو فزيت من نوم  والعطر بعدة بية یجوز انتي حامل لو عن قريب تحملين

-اشلوون

-شنو اشلون ماواثقه بامكانياتي لو عندج شك حتى نجرب

-لااااا عيني منوو كال اشك بس ليش ربطت الوردة بالحمل

- هواي امور خلتني اربط هاي بهاي…  بس هسه‌مابیه حيل اشرحهه وخلي بالچ رغم ملتهي بلمشاگل بس بالي يمچ واعرف العذر الشرعي ماجايچ

_اللهم صلِّ على محمد وآل محمد  عقل لو دفتررر

-گولي ماشاءالله وان شالله خير 

-هيچ متلهف یصیر عندک طفل

-مو بس انا گل اثنين متزوجین. هيج يصيرون متلهفين يتوجون زواجهم بذرية صالحه ان شالله  واليجي من الله انعم الله

،صرت اتمنى اگون حامل لخاطر فرحه عيونه الشفتهه قبل شوي گلتله لعد العصر اروح احلل.

- ماشي اخذج ونروح تحللين

تغدينه وگملنه قبل العصر بشوي بدت تظهر عندي علامات الشهريه اذني تحگني
وحبايه زغيره تصير جوه خشمي وغيرهه من الاعراض عرفت لاحمل ولا شي گلت عليمن نصرف فلوس خطية خلي نوفرهه لغير شي

غلست ماگلتله وهو هم التهى بشغله جايته وطلع عليهه..

تالي اجتني الدوره بشگل گامل كلش انقهرت بس اتعوذت من الشيطان. واتذگرت الاية القرانية (( عسى ان تگرهو شيئا وهو خير لگم)) ..

بلیل رحت الاهلي لگیت عقیله ويمها گاعد سید مهدي ابنه يمه وبنته بحضنه سلمنا گعدن سلمان يم سید مهدی امي صاحتنه انه وعقیله

رحنا للمطبخ لگیناها تصب گاستر محضره صينية كرزات گالت

-یله حطن الخواشیك وحده تاخذ الكاستر وحده الكرزات بشري غفران

-اجتني الشهريه

-لااا حرامات يله حبيتي ان شاء الله ربي يرزقچ الشهر الجاي

گالت عقیله

-لاآاا تستعجلین تونسي والله وگلشي مقدر ومكتوب من اضوجين القدر ماراح يتغير بس انتي صحتچ وعقلچ یتغيرون

-اشگرچ عقیله

-اي تشكرني مو احنه غرب يله ناخذ الصواني حتى لو زغير هسه تشوفين سيد مهدي اشلون ياخذها

-هوو منو مثل سيد مهدي تعلميني

صاحت ماما

-وولچ ورجلچ اشبی

-حچینه علی نسیبها العزیز لاااازم نمدح یله امش ي ايدها تحگها لا تگرصنه ههه

دخلنه للصاله وراسن سید مهدي گام وگل معتاد تقدم على عقيله اخذ منها الصينيه وحجايته التعودنه عليها

-قارورتي ضيافة الاهل ماتحلى اله منچ

باوعت علیه وضحگت تقدمت قبل لا اوصل السید سلمان ماگام بس اخذ الصينبه مني وگال

-مشگوره الغاليه

امي كرصتنه علی گیف التفتنه علیها انه وعقیله گالت

-شووف سبحان الله گل واحد بیهم وطریقته بلاحترام الچن...
چانت هاي السهره ماتنسي وانه نظراتی السید سلمان ونقاشه ویه سید مهدي حول القضيه المهدويه ومتطلباتها

بعد ماتعدة على زواجي ثمانيه  اشهر ومااصار حمل  وهية وموعده كل نهاية شهر تجي وهسة احنه  بشهر ثالث واليوم سبعة بشهر  وماگو  مااجتي شهرية

واني افگر اذا سويت تحليل بيتي يبين
العصر اطلع لصیدليه اجيب آختبار الحمل

كمت صليت ركعتين ام البنين وادعي
وليلة ولادة الامير علي عليه السلام تلاطعش رجب ربي تمم عليه واطلع حامل وافرح سيد سلمان وهوة خطيه مهموم

للعصر نزلت وكلت لعمتي اروح صيدليه اشتري علاج وجيب مواد للكيكه‌‌ حلويات سوي صينيه احتفال بلمولد الامام

فرحانه المريم سلمان دخل اليوم حچى وياها لبست عبايتي رحت شترت الاختبار ضميته وجبت الغراض وبلشنا اني ومريم نحضر واحاول اغير اله جو وماخليها تفكر زايد اهم شي اخوها صالحها

كملنه الكيكة وشويناه زينتها مريم وعافته بثلاجة واني حضرت صينيه الحلويات وشمووع وعفته على كاونتر بس نتعشى نحتفل بهاي ليلة العظيمه

صعدت اسبح دخت شويه نمطلت على الجرباية وماحسيت  على لمسات على خدي وسيد كعدني

_حبيبتي ليش نايمه لهيج وكت اذن المغرب بيچ شي

_لامابيه شئ بس نمطلت وماحسيت نمت  راح اكوم اصلي

توضيت اجيت سيد يصلي لكیته فارشلي المصلايه وكفت وراه اصلي كملنا ضلينا نقرأ زيارة عاشورا

نزلنا جوة تعشينا شغلنا ام بي ثري‌بتهالات ومريم جابت صينيه وبدينا نشعل شموع شعلت اول وحدة وطلبت اطلع حامل وافرح السيد

مريم شعلت شمعة وعيونه غورگن دموع وشفايفه تتحرك وتلهج بلدعاء‌‌ بیدي أخذت چكليته شمرتها عليها واشرت اله فتهمتني وكاامت

كتله العصير جيبي ويااج مريم ‌بقينه نحتفل ونصفك وفرحانين بهاي ليلة ولادة الامام رغم كل واحد وحزنه بس هذا اليوم كل مشكلة وحزن تتترگ على صفحة ويبقى هاي ليلة للاحتفال والفرح

ترخصت منهم صعدت وذكرت الاختبار اخذتهه رحت  للحمام حللت آتناوع  بقلق واريده بسااع  يبين ورة دقیقه بين خطين حمر

مصدومه وگلبي يهفك  يعني حامل هل مرة خطين مو مثل ذيچ مرة خط واحد ‌حمدت الله وشكرته  وغسلت
الاختبار وسميت عليه وعفته بجيس صغير وعفته على الميز ابو مرايه اريد سوي مفأجأ اله

نزلت جوة  أخذت كصات كيك وحلويات وعصير من ثلاجة صعدت الحك أکمل وسويله مفأجا قبل لايصعد واني فرحتي ماتنوصف واريد افرح السيد 

غسلت لبست سيت ابيض ومكيجت هل مرة حلو وداريت رووحي كللش   وعفت على طبلة كيگ والعصير وحلويات وثبتت شموع بس ماشعلتهن االاختبار على صفحة هذا فرحتي 

أنمطلت على جربايه نطيت ضهري للباب تغطيت حسيت دخل السيد
غمضت عيوني سوت روحي نايمه  اجة وگف على راسي عرفت ماشافه وراح يجي ينام وتضيع فرحت المفاجاه

سيد سلمان//هل فتره جدا متعبه بلنسبه اليه عمري مصار اختلاف بيني وبين خواتي تعدي ريم  وريام على مريم اذاني حسيت انا موخوش اخ الهن لان عصبني

لكن الصدمه الاكثر هي اختي مريم ربيتها
على ايدي وقبل لاابوي يشيلها انا شلتها الاول مره مااگدر اقسي عليها وابقى مخاصمها بعد مرور تلث اشهرر دخلت
بغرفتها لأن گلنا مبتعدین منها بس انه موصي غفران عليها

شفتها گاعده یم گرویته بغرفتها والشباك مفتوح صافنه صفنه قويه بحيث مادرت بيه من دخلت عليها كانما الااااااف الافكار
براسهاا تفتر

همست الها

-الماخذ بالچ یتهنی

التفت الیه بخجل گعدت یمهااا مسحت دمعتها

-ووین صافنه خویه

-تعب...تعب...تعبانه الملامه تقتل،والعتاب
یجرح ونظراتكم لهسة  تلوموني وتعببت

أخذت ايدها بستها امسد عليهااا

-ليش مو غفران وياااچ چنت متخیل راح‌
تگون الچ اگثرر من اخت لان اتساعدچ

بلعت غصة احزانها وعيونها نملت دموع

-تساعدني تحچي ويايه وتصبر عليه وهي مرت اخوي بسسس انتم اهلي انت اخوي الوحيد وهنه أخواتي

جرب تعيش وضعي من  اطلع من الغرفه الى ان ادخل اخاف ارفع عيوني واشوف شلون تباعون عليه بملامه وصير انسانه ضعيفه الشخصيته

-انتي ضعيفة الشخصيه

-اي خويه انه من دون رضاك عليه ضعيفه الشخصيه ضعيفه من دونك بحيث  الي يطبطب على چتفي ينخلع غضب عليه كسرني

-ماعاش اليگسرچ

-مو یگولون الاب هو المعلم الاول بس انه شفتك انت الاب والاخ والسند وهسه
ليش خويه ليش هيچ علیه

بچت وتبچي اخذتها الصدري كل جسمها يرجف مثل طير مذبوح كأنما گلمة(شبيچ
فجرت اگل مشاعرها المگبوته

بعدت راسها من صدري

-همه اشهر قليله هييچ سوت بیچ گااافي دلع لان اذيتيني بحچیچ راح ازعل

رجعت حضنتني تشهك تتوسل

-لاااااا خويه ابد هسه حسيت ربي راضي عليه من رضيت محتاجتك انت تشوف العقوبه شهرين قليلات انه اشوفهن عذاب

-لاأأأا حشاا اعوفچ رراح نرجع مثل قبل خوتنا واحسن بس بعد لااتتصرفین من راسچ عندچ اخ وخوات یحبنچ..خلینا احنا اهلچ نحچي عليچ بس مانسمح الکائن من یکون یتعداچ

-اشگرک خویه والنعم منگم

-یله رایح للیله مولد امیر المؤمنين غسلي
غسول الزياره وحتى ننوي نصوم باچررر گل احنه وهم عازم خواتچ علی افطور

-هاآااا  احلی خبررر

اندک باب بیتنا"طلعت اجو الشباب لان متفق ویاهم انروح نگمل خدمه الموالین
ونوزع ثوابات

صعدت للغرفه غفران نايمه عفتها هااي صار يومين على هل حاله...لبست قميص اسود وبنطلون اسود...ساعه سوده وحلقه ومحبسي العقيق اليماني. مشطت شعري
لبست حذائي بعد ان مسحته وطلعت

لگیت امي كاعده يم ابوي ومثل گل سنه من‌ آخدم اخذ الچراویه الخضره من ايد امي والبسها علی چتفي بست راسها وراس ابوي طلعت

لگیت الشباب واگفین تارسین الشارع

-السلام علیگم

-وعلیگم السلام یاابو الاشبال شو تضحك

-والله لبسگم وگله اسود رایحین لطامه

گال سید گمیل( بیت شعري)

نحن بنو المصطفى ذو غصص
يجرعها في الأنام كاظمنا
عظيمة في الأنام محنتنا
أولنا مبتلى وآخرنا يفرح
هذه الورى بعيدهم
ونحن أعيادنا مآتمنا
والناس في الامن والسرور وما
يا من طول الزمان خائفنا
وما خصصنا به من الشرف
الطايل بين الأنام آفتنا
يحكم فينا والحكم فيه لنا
جاحدنا حقنا وغاصبنا

-فعلا سيد كميل افراحنا احزاننا
گال

-یله هل مره انت تگرر ورد نادي عليا مظهر العجائب

-وشمعنا كل مره انت وانا صوتي موحلو

-لاااا انا الحمد الله رزقني بتلث اشبال هل مره نريد الله يرزقك كون ولد مهدوي او ابنه زينبيه

-الله كريم كلشي رزق يخوي

حضرنه البقصم..وجابو قزانات العصير كسرنه الثلج..كشرنه البرتقال...وكلما نخلط بلخلاط نخلي بلقزان(قدر كبير)الى ان نملى جبنه حيل وخلينه...شلت الچفچیر وبدیت اخوط واقرا الورد بنیة رزق الولد

يا أبا الغيث أغثني يا علي الدرجات
حل عقدي فك قيدي يا محل المشكلات
أنت لي إن ضاق صدري
أنت لي إن ناب دهري
أنت لي إن حط قدري
يا محل المشكلات
سيدي أنت مناتي
سيدي أنت رجائي
لك أخلصت ولائي
يا محل المشكلاتي
سيدي أنت سنادي
سيدي أنت عمادي
في مماتي ومعادي
يا محل المشكلات
يا إلهي من توسل بك والطهر المفضل
لقه خير المؤمل يا محل المشكلاتي
يا إلهي سد فقري فرج اللهم ضري
نور اللهم قبري يا محل المشكلاتي
سيدي أسألك نيلي وبلوغي كل سؤلي
صالح الأعمال هب لي يا محل المشكلاتي
صلى يارب على أحمد ما على الأشجار غردطائر أو لاح فرقد وعلى الآل الهداة

اللهم بحق محمد المصطفى وعلي المرتضى وفاطمة الزهراء وبنيها

كررتها والشباب ورايه تقراء واحنا نكرر

(( ناد علياً مظهر العجائب تجده عوناً لك في النوائب  كل هم وغم سينجلي بولايتك ياعلي ياعلي ياعلي)))

وزعنا العصاير على الناس التمشي وزعنا للسواق وللاطفال،ويهوسون الشباب ويه قصيده شريف الموسوي
انت قلبي بجوف صدري ساكن وبنبض علي
امشي دربي يطول عمري لو يخــلوني هلي
من سكنته ... دكته سكته
من سكنته ... دكته سكته
يا علي يا علي .... يا علي

خلصنا توزيع الحلويات والعصاير مرينا على مقام الامامين الزوار شبه متواجده بسبب كورونا لگیت سید ابيضاني وجه بيه هاله رحمانيه بعمامه سوداء بصوت شجی یقراء ورد ولادة امير المؤمنين

اشرت لشباب نوگف یمه نستمع الگلامه الي ماينشبع منه رغم ماعندي معرفه بيه
لگن نحول جسمه وقفته مسگنت ملامحه.تجبرک تسمع صاح

وليد لكعبة هو حیث قالت امه الشریفه فاطمة بنت أسد حینما خرجت وبيدها مولودها
«إنّي فضّلت على من تقدّمني من النساء، لأن آسية بنت مزاحم عبدت الله عزَّ وجلَّ سرّاً في موضع لا يجب أن يعبد الله فيه إلا اضطراراً،

وإن مريم بنت عمران هزّت النخلة اليابسة بيدها حتى أكلت منها رطباً جنيّاً،

وإني دخلت بيت الله الحرام فأكلت من ثمار الجنة وأوراقها، فلما أردت أن أخرج هتف بي هاتف: يا فاطمة سمّيه علياً فهو عليّ، والله العليُّ الأعلى إني شققت إسمه من إسمي، وأدبّته بأدبي، ووقفته على غامض علمي، وهو الذي يكسر الأصنام في بيتي وهو الذي يؤذن فوق ظهر بيتي، ويقدّسني ويمجّدني، ويهلّلني، وهو الإمام بعد حبيبي ونبيي وخيرتي من خلقي محمد رسولي ووصيّه، فطوبى لمن أحبّه ونصره، والويل لمن عصاه وخذله وجحد حقّه».

ان سماع هذ القصه هيه من البرگات ومن الگلام الذي يحقق الحاجات الصعبه

ختامها مسك أوصيگم ونفسی اولآآآآآآ
لاأااااا تؤجلّ صلاة لغير وقتها فهي استثمارك الأعظم، في ملكوت السماوات.
حتى تجهزو قلوبگم لنداء السماء
أسعد الله أيامگم بمولد أمير المؤمنین عليه السلام ونهلو الیوم بقضاء الحاجات

گل احنا صلینه(اللهم صل علی محمد وال محمد)بعدها صلينه وزرنا رجعت للبيت تعبان وحتى ممشتهي لان هواي اكلنه حلويات

دخلت اهلي گلهم نایمین..شسالفه الیوم لازم یوم الدعاء تمشيت الغرفة مريم الضوه مفتوحه وبيدها ضياء الصالحين وتقراء أعمال يوم الغدير

بقيت ورى الباب واكف ثواني مقهور منها وعليها..اتحبه وهو لعب بعقلها امبين تحبه
وتحبه وهو غدرني وداس بيتي اي متاكد
عيونه عليها وانه چنت مآمن بیه ودخله لان اشوفه ملتزم ومایترك اي فرض وخادم حسيني

ابتعدت من الباب ماريدها تحس  چنت
اراقبها و اندعي الها بتوفيق وراحة البال
صعدت ومتاکد الگی  غفران هسه تتعبد

دخلت مشغله الضوه الازرك..ونشرات داير ميدور الچربایه فتحت الضوهم مخليه اليه كيك وعصاير..تمشيت الها على كيف
لابسه ومتجهزه مثل عروس فرحت بيها
بس  شو چنه بخامس الف نومه مدیت ايدي اهزها

-صبر گلبي صبر گلبي شنو نمتي مو اريد نحي ليلة المولد

مااحاجتني أ گید نایمه رحت للگنتور طلعت بجامه قطنیه...وخاولي حتى اسبح
گملت غسل الزياره رجعت للغرفه أنتبهت
أگو شریط اختبار ومن گد ماچانت المرحومه تحچي بيه عرفت غفران حامل

وهنا لان راوغتني راح العب عليها اشوي
لان فرحان واحلى شي چنت منتظرته كأنما امير المؤمنين حقق طلبتي وهي  فرحتي بحمل غفران ما اعرف شلون اوصفهه ماكو منهه فرحه.

راح يصير عندي طفل من بعد هالعمر الوصلت اله ومنين من الاحبهة..

صليت رگعتین الشکر..وسبحة تسبيح السيده الزهراء..‏اشكر ربي على نعمة الرزق ولااختيار..لان اختاريت روحاً  متعلقه بأمير المؤمنين علي عليه السلام
واختاريت انسانه بقلبها يسكن حب أهل البيت

غفران..من دخل السيد گل ظني شاف شريط الاختبار لااا شو راح مني فتحت عيوني تناوع اله واكف يم طبلة اکل من الکیکه شرب شویه عصیر

السجاده‌مفروشه چان یصلي يعني ماشافه دفعت الغطاء وگلت بعصبیه

-ادررررري بعد وين اخلييييي وتشوووفه هاااااا هااااا

لزم  گلبه لان شرك بلعصير وگال((سلامآ قولا من رب رحيم))

-شنووه عيني شفت جنيي ضيعت ام المفاجاه ليشش

وگفت اروح انزع سیت النوم لان ماشاف شریط الاختبار..بس لزم ایدي مبتسم

-ووين رايحه أم نرجسس

-يانرجس

-ام علي

ضربت صدره على كيف

-هاااا يعني عرفت ليش لعبت بعصابي

حضنتها

-يعني موو حلوو لعب الاعصاب موووو

بادرت

-اي مووووحلووو

-حبيبتي  الف الحمد الله والشكر على احلى زوجه واحلى ام بلدنيا

-فرحان

-كلششش واشكرچ

باسني بكصتي وهمس

_الف مبروك يااعمري

-یبارك بيك حبيبي يله خلصنه ورانه عباده

-قرب الزوجه للزوج عباده لان نتعوذ من الشيطان الرجيم

لحظة الفرح وتحقيق الامنيه جمعتنا كأنما غايبين عن بعض مو ساعات لا أشهر كل واحد بينا يعبر عن الاشتياق عن الحب للثاني وباقصى درجه ممكنه

ليلة الافراح والمسرات هي لليلة الحاجات  لليلة حبنه لليله خاصه بينه بيها سعاده  تنسينا كلشي حولنه متعب 

لان جمال الحظات الحلال والتمكين الحلال أصدقها من يكون القرب على وضوء من تردد((اللهم لاتجعل للشيطان سبيلا))تكررها خوفا وعشقآ على الزوجه

وخوفآ وامانآ للنطفه وللبذره الي تنزرع بارض(اختارو لنطفكم) القرب مو مجرد شهوه ورغبه القرب هو رساله هو ورد من الله للحافظين فروجهم هو واجب الزوج على الزوجه المدارات،التدليل،الترغيب
واجب الزوجه على الزوج حسن التبعل

بهل لحظه صرنا جسد واحد احساس واحد دگت گلب وحده لتگون  ليلتنا بين اقامة ذكر الله وبين اقامة افراح بس بطريقتنا الخاصة

رعد/طلعت من بيت عمي ابو سلمان شخص  مگسور ومدمر مستند على ايد صادق وارشد  گال صادق

-اخي لما الحزن فلتذهب الى الجحيم لو گانت تحبك لفعلت المستحيل

رد ارشد

-والله صادق اول مره يحچي شي صح

-متعرفون شنو اعاني هسه او قبل لكم انااا گد ماا احبها وردتها تممت زواجي رغم چان مو بالي اتمم ستفزتني متحملت  وقررت أدخل بيها

أول ماتممت قربها الندم گل یوم یقتلني
حتى بلحظة القرب نحرني الف مره لان دفنت حبي قبل ان يموت دفنته نادم مثل الطلع من بلد البلد غريب يتمشى الشوارع وضيع طريق الرجعه للبيت

مريم  كرهتني وحقدت اعرف
بس انه احبها  وعقلي وقلبي يردوها لان نخلقو حتى احبها بصدق

الولد يحچون وانه  اگو فرحه بگلبي …
ممصدك شفت مریم تبچي عليه وترفض الطلاگ مثلي وسگتت متقبل تتطلگ مني
حسيت بأمل انزرع بية من جديد

الایام مرت صعبه علینه خصوصآ آهلي باعو البيت وراحو للناصریه حتی صادق لان متعلق بامي

اني واخوي ااارشد ونورة بقينة بگربلاء ارشد اشترى گاع بخان النص بناه ببلوك بس كلش مرتب لان طگاه سیرامیك ولبخ

هنا فلوسي خلصت شفت نفسي مضنوگ فد مرة بعت البيت وشتريت بمگان ابعد منه تقريبا ببستان اشتريت كم متر منه

البيت ميه وخمسين متر ومية متر زرع زادت شوي فلوس بعد أن بعت بيتي انا  ونورة سگنه بیه وترگنه بغداد حتى نصير قريبين على ارشد  لان ام ريتاج صارت تفتهم حالة نواره

اما أبويه حتى السيارة خذهه مني ومقبل ينطيني من فلوس بيتنة الباعه لا حصتي ولا حصة نورة اختي اخذهن من عدنه

من طالبت بحصة نوره گلي بغضب

- عندك بيت ملگ انت ممحتاج ونورة ممتقبله يعني ماأعترف بيهاا ابد واصلا هي بنت وهويتهه ولد على شنو انطيهه تولي متستاهل…

بقت اختي برگبتي وعلاجها كلش غالي من غير الفيتامينات الي گل علبه تجي سعرها فوك مية الف وروحه جيه فقررت

اشتري سايبة مستعملة حتى اكدر اخذها للطبيب كل شهر علمود الدوه

الفلوس البقيه فتحت من ضمن بيتي محل فيترچي وتصليح سيارات

رغم نورة چانت خايفة لا يعرف سلمان احنة بعدنة بحدود گربلاء بس اتمنيت يعرف هالامر حتى يشوف شگد مشتري اخته ورايدهه..

دائما ودي اروح بسيارتي اتبع مريم من تروح لشغلهه حتى احميهه ومرات اگول مخاطر الطريق هواي حتى اذا لاسمح الله صار شي اني وياهه سوية نموت…
بس لا عندي شغل بالفيترية ولازم ادبر علاج مريم الا ان اطيب

بهاي الفتره گدرت اطلع نورة من وضعهه النفسي بسبب الطبیبه بس بقت متكدر تتخلص من الصار  متقوقعه بالبيت محد يمهه غير ام ريتاج مرات تجيهه مو دائما

گدرت انقذ نواره من الهي بيه بعد ان خلصت اخر فلس عندي بدأ وباء گورونة والشغل گلة وگف والسوگ انضرب وگلشي ارتفع …

بهل فتره بديت اشتغل الصبح فيترچي والعصر اروح أشيل گواني للمخازن اخذ الحمل وحدي لان لازم اتقدم خطوه نحو مريم...گلما ارجع للبیت واشوف نواره تطبخ اتذگر من چانت هي ومريم يطبخن بغداد

حاولت انساها راسن يجي بالي عنها
ضحگتها،سوالفها،صوتها، شقانا سوه

الجكاره الشي الوحيد المصبرني على وضعي ادخن الى أن  احس صدري تعب مره من المرات اشتاقيتلها حتى حسيت  جاي اموت من الشوق

جسمي يرجف والجكاره بيدي تهتز عيني
حمر لان ماريد ابچي جسمي صار حارررر
كلش ردت أگوم اطلع من المخزن جائز صخنت

اول خطوه مشيتها لزمت راسي حار كلش هااااي الصخونه مو مرض جسدي هاااي صخونة حبي والفراق..حرارة تخيل انو مريم راح تجيها قسمه وتزوج غيري

ضربت راسي تلث مرات حيل لان التفكير بيها تعبني اقرر انساها يرجع عقلي يتخيل راح تصير ملك غيري

رحت للحمام المخزن فتحت المغسله اغسل وجهي مسحت المرايه ونعكاس وجهي ماعرفته للحيه ثخنانه وجهي تعب
مثل الي مغادرته الحياة

مسحت وجهي زين عرفت مابيهة مرض ولا اي وجع مرضي وجعي هو گلبي

رجعت اشيل بقية الگواني وصار تعب روحي وجسمي سوه كأن سكرات الموت طويله تعذبني دون نتيجه گملت شغلي من التعب نمت على ارضية المخزن

الفجر رجعت لللبيت وقررت اروح المريم نمت ساعتين ونطلقت تعديت من يم خط مالتهة شفت سيارة الخط وهي بيها هنا گلبي عصرني حيل لان حبیت انسانه هدتني بس الوجعةة

‏لااااااانا اعرف گلش زين مريم تحبني اعرف گلبها  ینبض بس اليه وگم مره یصیر هوی عالي ابعث بيه سلام الها..اعرف راح تصير رجفه بجسمها لان وصلها سلامي

الصبح اجتني سيارة ولد اصلحه رحت للمكان  السياره عطلانه حتى اصلحها

فحصتها وعرفت من الدبلات دخلت وجوه سياره جاي اصلح الزيت صب على وجهي..كمت امسح بيه بعد ان صلحت السياره وكتبت بدهن الاسود
أحبچ یامریم یاحبیبتی یا قاتلت الحب

رجعت للبیت لگیت نواره تباوع مسلسل ویه موت البطل خلصتها بچي گتلها

-مووو  تموتینه جوع من وری البطل  یله حبي راح الدار حقه اريد اكل جوعااان

تشمر عليه اي شي جدامها وتصيح

-لااااا تقلد على دموعي واليوم ماگو اگل

وبلفعل البیت یتگئب من وری فلم خیال
او مسلسل معاد  وگوم انا اطبخ الها والیه
منا لمن تبدي بمسلسل جديده نموت جوع

صار شهر شعبان گثرت المناسبات الدينيه
رغم حضر التجوال وكورونا بس الناس اغلببها ممصگه او مماخذه الحذر

گاعدين انا ونورة نتغدة وتلفوني دگ  شفت هذا رقم امي راسا جاوبتهه مشتاق ومتلهف

-هلااااااا يمة شلوونچ

ـ بخير وليدي انت شلون اختك شلونهه

ـ مشتاقيلج والله يمة

ـ وانا جاية الكم ييمة انا بالگراج ماندل اجيكم منین

فزيت من مگاني ..

-شنو انتي بالگراج ياا گرااااااج

ـ لا تنخبص بگراج گربلا انا راح اروح للامام ازور وتعال هناك نتلاگة

ـ ادري يايمة ليش ماحچيتي ليییییسش ماخابرتيني من طلعتي من محافظتكم
مو كورونا وحضر تجوال شلون اجيتي

ـ  بعد صارت ياابني واجيت علي الطرق البرية والسیاره حتی عبرت بین البساتين واجينة..

ـ ابقي بمگانج وانا جايج رگاض…

ـ لالا ااريد ازور روحي مفرفحه على زيارة هناك تلگاني

ـ يلة براحتج حبيبة سديت التلفون واخذت السويچ ..وگفت

-ها تجين نورة ويايه

ـ ها شدكول اجي

ـ يلة يلة اامشي خلي نستقبل امي ونزور الائمة..

ـ اي خوش بس اتوضة و البس العباية والحجاب

ـ انتضرچ بالسيارة لا تتاخرين..
رحت توضيت وطلعت شغلت السيارة واجتي ترگض نورة

صعدت ومشيت سريع وصلنة يم الامام طبگت السيارة ونزلت خابرتهه ماجاوبت عرفتهه داخله الامام دزيت نورة وبقيت واگف برة بين الحرمين دخلت ورة ثلث ساعه طلعن اثنيهن…

رگضت الهه  وبوسته  دخلنة زرنه وصلينة واخذت حلاوة وفواگه وشوي گرزات وحلقوم وجگليت

وهالسوالف امي تحبهه ولان شعبان اعرفهه تعلگ شموع وتسوي صواني حلويات… صعدنهه ورجعنة للبيت

عرفت امي تعبانة من ابوية ومن الچناين ومهزومه منهم…

لاتخافين يمة انتي يم ابنج وبنتج ابقي يمنه ولا ترجعين

ـ تعبت يارعد ابوگ صاير مينجرع لان بعد محد احترمه بسوايته وگاعد بالبيت ينغص علية  والچناين صارن الگل بالگل خصوصا مرة هادي تأمر وتنهي

وعمامك وعماتك ونسوان عمومتك والشماته البعيونهم قتلتني

اتخبلت ببعد ما اتحملت حاولت ما اهتم بس مگدرت گللتة يارجال انة رايحه لولدي ومالي گعدة يمگ بعد وطلعت من البيت

ـ گل الهلا بييج يمة والله يارريت نورة ضايجه خطية من الكعدة لوحدهه

ـ اتزوج يايمة وجيبلهه ونس

ـ غير مريم ماتدخل مرة لهلبيت هي الوحيدة الحتوت نورة وفهمتهه هاي چناينج شوفي شسون شعملن بس ام ريتاج زينه وياهه وبس مريم الترهم جنة لهلبيت

ـ بعد عندگ امل ترجعهه

ـ ومافقدته بيوم لان اذا افقدة يعني اموت

ـ اسم الله يمة اسم الله…

-عااشگهه یمه واحبها

-الله یبرد گلبك الله يجمعگم بالحلال ويحنن گلب سيد سلمان عليگ

-امييين

مر  گم يوم و ابوي يخابر على امي وماتقبل ترجع ويگلهه اريد احچي وية رعد وانا ارفض ما انسى اذيته الي ماديا ومعنويا…

بيوم صارت مناسبة ولادة الحجه المنتظر عجل الله فرجه الشريف..وانا بديت ارجع رعد الملتزم دينيا التزامي بصلاتي متركته ابد بس شفتي نفسي ذاك رعد الاولي

وجدت نفسي الضيعتها فترره...طلعت امشي الشوارع ورغم الحضر لبست گمامتي وافتر شوارع كربلا بليل سمعت سيد يگول

آنّ ولادة القائم (ع)هي ليلة الخامس عشر 
ووالده العسكري ومولده ليلة النصف شعبان وأمه نرجس، وُصفه ناصع اللون، واضح الجبين،
أبلج الحاجب،
مسنون الخدّ
أقنى الأنف
أشمّ، أروع،
كأنه غصن بان، وكأنّ غرته كوكب درّي، في خدّه الأيمن خال كأنه فتات مسك على بياض الفضة، وله وفرة سمحاء تطالع شحمة أذنه، ما رأت العيون أقصد منه ولا أكثر حُسناً وسكينة وحياءاً. وبعد، فهذه هي أقوال علماء الأنساب في ولادة الإمام المهدي (ع)،

تقربت واشوف اليحچي نفسه سيد مهدي
الي ساعدني لازم صينيه يوزع عصاير للسيارات وكفت يمه اسلم

-السلام عليكم

-وعليكم السلام

-عررفتني سيد

- بلا صغرر بيگ خوية لا والله

-انه الساعدته بقضية سلاحي العسگر المسجون وحطيتلي محاميگ

- ياااااهلااا وسهلا شلوونگ ااخباررگ عسااگ بخييير

ـ الحمد لله عايشين يخوي بهالدنية

ـ عاشت ايدگ متحذر من الوباء حفاظا على حياتگ وحيات الناس

ـ واجبنه سيد ..

ـ تعال ويايه عندي توزيع لان الناس راح تدخل بيوتها حضر بالسته رراح تصير

ـ اي ليش لا ..نطاني صينيه بديت اوزع وياه وارجع للسرداق اخذ عصاير وارجع للشارع اوزع
ربي ماحرمني من هل خدمه چنت قبل ویه سلمان هسه ویه سید مهدي

اربع ساعات وياهم حتى لملمت الصحون والكلاصات والحلو اخوه سيد مجتبى ولد عمه مجتمعین گلهم للخدمه

بس سید مهدي بيه شي يخليك تحب تحچي وياه يجوز لان مقهور عليه يعكز برجله

أو يجوز لان رغم البذخ ملامح وجهه بس هو متواضع حبيت القرب اله لان هو نفسه المكان النوكف بيه انه وسيد سلمان قبل تقربت منه گتله

-سید انت ابن رسول الله واحس تعبت گلي شني اسوي وارتاح لان المشاكل براسي هووواي والعقل واحد

دنج باس راس ابنه لان هم يوزع كانما نسخته لابس ثوب اسود مثل ابوه ومخلي على چتفه چراویه خضره..وهم لابس مثل ابوه شحاطه سوده

باوع عليه سيد مهدي وگال بهدوء

اذا انت مهموم بيقين (دع عنك القتال هذه الليلة وأخبر الله أنك متعب، وأخبره بأنك تائه ترتجي نوره، وأنك حائر لا ينصفك الكلام، أقرّ له بعجزك وإنه وحده القادر، وأخبره بأن الأحزان باتت تملأ القلب، وأن الآلام تحيط بك من كل جانب، وأن كثيرًا من أحلامك بتّ تراها أمامك كالسراب، وأخبره عن الأشواق التي تهدّ كل ذرة من كيانك، وأخبره أنك هائم تبحث عن السكينة والطمأنينة، خاطبه وألِحّ عليه ليهبك طمأنينة القلب وسكينة الروح، وأخبِره بضعفك وحاجتك..

واخیرا قل له أنا عبدك الضعيف يا الله أُشهدك أني رضيت، ولكني يا الله من فرط ضعفي بكيت."⁣وسوي مثل ماگتلك واقرا مثل ماقريت
راح ترتاح فد مرره

-اناجي ربي كل يوم سيد

.

-من تناجي رب العالمين لازم بيقين أن الله يسمع و يرى، ولا تترك ا للوحشة في صدرك موقعاً ..
امن بگلنة "كن فيكون" بقلبك مو لقلقه لا تجزع  ابد أجمعوا أملك وثقتك، وسلم  التدبير إلى الحي القيوم "

ولاتنسى صاحب الامر

-لا ماااناسيه هو منقذ البشريه وامام المظلومين

-مو بس منقذ البشريه استشعر مظلومية الإمام (عجّل الله فرجه) واستحضار مظلوميته ب لسان الروايات تذكر الامام بانت الوحيد، الشريد، الطريد، الموتور بأبيه، والذي يرى قتلة آبائه قتل ومحاربة
وشيعته بأم عينيه ومايگدر الأخذ بثأرهم إلّا أن يأذن الله (عزَّ وجلَّ) فإذا كان الحسين (عليه السلام) غريباً ووحيداً لأيام قليلة،إمامنا الحجه ابن الحسن هوو غريب ووحيد وشريد وطريد لقرون من

-اشكرك سيد اشگد گلامك يريح حتى كزبر جلدي

-مازال كزبر جلدك وارتاحيت اذن انت بعدك ماطلعت من دائرة المحبين الموالين

مرت شهرين بعد للقائي باالسيد رجعت هلكان من الشغل تعبان دخلت البيت اتذگرت  امي ونورة  راح يحضرن  بيت جارتنه مسويه درس حوزوي گوة اقتنعت نورة تروح وية امي

رجعت للبيت حضرت الغدة وگعدت اتغدى ورة شوي دخلت امي ونورة…

ـ ياا يارعد جايبتلك هواي اخبار

ـ شنو يمة گولي خير ان شالله

ـ خطية تتذگر الولد الوگفلك وطلعك من السجن من اختك نورة ضربت نفسهه طلقة

ـ اي شلون ما اتذگرة اسمة سيد مهدي ابو علي من فتره اخذت بنصائح واحس ارتاحيت گلش یمه انسان یحببچ بگلشي بيه مرضات الله

ـ سوده عليه شبابه

-ليش يمه

-خطية هو نفسه طلع طبيب ويداوم بمال گورونه  اليوم نطاك عمرة المگرود الله يرحمة

تفاجات مقهور دمعتي وحدها نزلت اصفك بديه واردد
ـ لااا… لاا اله الا االله استغفر الله والله بعدة شباب وابنة صغيرر يمه ابنه متعلق بيه تعلق قوي حتى يقلد ابووه ياربي

ـ اي والله گالو مرته صغيرة وجهاله صغار خطية واالله هالگارونه اگلت هواي ناس

گمت من صینیة الاكل

-هااا يمه وويين

-لازم اسأل عن بيته واروح اقدم الواجب الله يرحمه ويغفرلة انسان يعجز الوصف عن وصفة انا لله وانا اليه راجعون

گالت نورة
ـ منو يگول يسوون فاتحه الوباء منتشر وهو اصلا ابنهم متوفي بالوباء

ردت امي
ـ لا يسوون الناس گالو باچر اول يوم يگعدون خطية…

سلمان//// رغم جنت شايل بگلبي على مريم بس جنت انقهر عليهه من اشوفهه هيج حالهه..

عرفت بيهه تحب رعد بس من شوگت حبته وشلون صار هيچ حب ما اعرف ما سالتهه ولا ردت اسمع اي اكلام عن هالموضوع لان اعتبرة شي وراح …

بس ماتركتهه خليتها تدخل دورات تاهيل وتعليم الخياطه والمكياج  وهاي الدورات تابعه للعتبة الحسينية گلت شوي تشغل وقتهه وية النسوان ليش تبقي بالبيت… 

دائما اشوف غفران تريد تفتح موضوع رعد ومريم وانا احذرهه تفتحه ماريد رعد ينذكر بالبيت ابد المهم خلصت منهم گلهم وطردتهم خارج گربلاء…

ولو حالة مريم تخليني افگر الف مرة ارجعهه لرعد بس اطرد الفگرة من راسي واتعوذ من الشيطان…

خلصت العدة مالت مريم واخذتهه هي وامي وابوية وغفران نزور النجف وگربلا وگلتلهم من يصير عندي مجال اخذگم للگاظم ان شالله

نطيت فلوس لغفران وگلتلهه تنطيهن لمريم تشتري هدوم جديدة عطور اي شي تريد  وهنا غفران رادتني احچي ويه مريم مثل قبل ماگدرت عقلي رافضهه…
حدودي وياها بس سلام وكلام بلا شقى

بعد العدة بأيام اتقدم عريس من اقارب امي لمريم بس اول مرة اشوف مريم بحاله عصبية وتصرخ عوفوني ماريد اتزوج جان انفعالهه گلش قوي ورافض للفگرة اباوعلهه هاي مو مريم الچانت متفگ حلگهه واي شي ينطلب منهه تسوي…

وری فترة رد اتقدملهه شخص غريب منعرفة گلت لامي تحچي وياهه واذا تريد الزواج حتى اسأل عنة وعن فصلة واهله وهالتفاصيل

عفتهم وطلعت بيوم الجمعه ولو احنة حتى يوم الجمعه مرات نگعد بي نجهز طلبيات تجينة يعني رزق اضافي ليش نتبطر…

گلت من ارجع الگة امي فاتحه الموضوع وياهه..

ف بهاليوم الجمعه رجعت من وگت من شغلي لان چان الجو حار واربعه من عمالي اتخربطو

فما بقى احد منهم خطية يادوب جهزنه نص الطلب والنص الثاني على ثاني يوم خليناه..

اجى صاحب المحل اليمي وهو يملك كل المحلات الماجرهن  گالي

-السلام عليكم

-وعليكم السلام

-هاااااأااا بشررر سيد گلت انتظر يومين واجيب الاهل وهسه اليوم الرابع وتعرف الزواج حصانه وخير البر عاجل

جاوبته بضحك

-انشاء الله اليوم تعال..وربي يكتب البيه الخير الاختي والك

-يارب والله اتمنى اناسبگم لان شفت بيك
اخ وانه شخص وحيد مثلك بلا اخ

-مووو شرط انت وحيد بلا اخ او سند معناها الدنيا راح توكف نبينا يوسف عليه السلام عنده ١٢ اخ لكن شنو رمو للموت وخلو ينباع حاله حال عبيد الخدم وهو من نسل طاهر

بينما نجدقوله تعالى(أن إبراهيم كان أمه)
هو شخص واحد كدر يدعو مشركي العرب إلى ملة إبراهيم لان چان أباهم وباني البيت الي بيه عزهم وهنا اجى لفظ الأمة الرجل الجامع للخير  ويعني عنده من الخير والتحمل بقدر أمة، أي الجماعة كثيرة من الناس

چان إبراهيم أمة ، أي مؤمنا وحده ، والناس كلهم إذ ذاك كفار  چان إمام هدى وقانت مطيع

مد ایده یسلم

-ونعم منك سيد اشكرك لهيچ ارید استعجل بموافقت رضيعتك حتی اشبع من سوالفك

-انشاء الله البيه خير ربك يقدمه

قفلت المحل فرحان لان ان شالله  خوش قسمه اجت لاختي ..
كد فرحي  رجعت العمال لبيوتهم گلهم گادودين واصحاب عوائل…

ركبت سيارتي دخلت للبيت بدون هوسة ارید اشاقي مريم لان حسيتها ضايجه الصبح ولو ذيج الفترة همين تركتهه بس هسة خلص نفتح صفحه جديدة وهم اقنعها بهذا الولد صديقي ونعم الانسان

مشيت على كيف جاى اعرف منين هذا الصوت العالي اعرف ابوية وگت الضحى ينام ..

وصلت للهول سمعت مريم تحچي لغفران ووامي بالمطبخ بنتر وحدية

ـ ماااااااااااااريد أتصخمم ليش مچلبيلي اتززوجي اتزوجت شحصللت هاااااااااا شحصلتت

ردت امي
ـ لعد تبقين هيچ ولچ محد دايملچ

ـ مااااااااااريد احد يدوملي خللص اعيش هيچ واموت هييچ

ردت غفران
ـ ومنو يستاهل توگفين حياتج لخاطرة

ـ ررعدد يستاهل اافقد حياتي لخااطرة وعلمودة مو بس افقد حياتي احنن اله اشتاااقلة اشتااقيت لسوالفة ولشقاا  ولدمة الثثگيل چااااان يتخبل اذا يشوفني ساگتة لازم يتحرش بية ويحچيني اشتاقيت الگل شي بي

ردت غفران
ـ ييعني رغم السواه وياچ وانتي بعدج تحبي وتتذگري

ـ شلون انسااه..
هو صح السواه غلط بس ماگدر اگرهه ياغفران احبة ومووو بيدي حب عذرري من اياام الوضيفة

ولچ‌ چان ياخذ سيارة ابو الخط ويجي علينة حتى بس يشوفني وهو راجع تعبان من الجيش ماا اگدر انساه لو هو موجوود چان بگل ثانية يگعد يضحگني ويداهرني

ميخليني لوحدي مثل ماعشت الوحددة واني ابيت اهلي هناا بينگم وبنصگم

ردت غفران
ـ أهدئي حبيبتي السگر لا يرتفع

ـ خلي يرتفع بلگي اموت واخلص اهلي مني اضاهر أنه ثگيلة علييهم وگل يومين جايبيلي رجال ..

مختصر الحچي يااااايمة لوو رعددد لو مااريد مووو انه الانگشف على زلم اثنين ورعد مابي شي يتعيب أصلا‌ ياريت عندي شجاعه واتصل عليه واطئمن علييه ويااريت ارجعلةة

ـ تريدين تموتين أخوچ شسوين تتصلين عليه

ـ بس آطمئن شلونه اااااااااخبارة وين هو بعدة ابغداد شلونهه و نورة أشلوونهاااا

ـ لااااااااااتخافين بخير مبين عليه بخير وعايش حياته ويجوز مزوج

ـ لا مستحيل رعد اعرفة يجوز عااااايش لخاطر اخته مو لنفسة هو ماااااااايعیش النفسه ابد عااااایش بس للناس ومايزوج لان يحبنييي مو حب مررراهق،حب رجل
رزن ثكيل

-والسواه بیچ وغتصااااااااااابه اااااالچ

-انه السبب انه انه مو هووو السبب
عمره مچاااااان هیچ یتصررررررف حتی من چان یحبني ماااا حچى گاتم بگلبه

صورة ماچان يطلب مني مثل منسمع هالايام گلشي حراام پان يبتعد عنة ومیسوي لان يحترمني و یحترم سلمان
بس انه الاجیت وعترفت اله وگتله احبک

وعبالج سمعني واستغلنيي  ابدد طلع بسرعه من بيتنا من هذا حبیته وماگدر واشوف غيرة بعد

الولد يخااف الله بيه يخاااف الله بييييه ماااريد ازوج غيرررررره هوو شاااااف جسمي يحرم على غيرره يشووف

وذا سلماااان جاب اليه رجال متدين لو درة من الله هم مااااريدةة والله اانتحررر وافضهه واخلصگم واخلص من هالعيشة

بقت مريم تحچي وغفران تبرر تهسترت لان عرفت غفران تعرف بيهم وبعلاقتهم

العصبيه خلتتي نسيت گلشي حلو
نسيت ابوي نايم ومريض
نسیت تعقل نفسي
نسيت اشلون أكون هاديء
نسيت مرتي حامل
نسيت الود البيني وبين احبابي

بس ابالي غفران ضامه عليه واشوفها شلون تساعد و تسمع

الغضب سيطر عليه وانعمت عيوني مگدرت اسمع اگثر

كزيت على  اسناني قبضت ايدي بقوه بحيث اضافري داخل رحى ايدي

رفعت رجليه دفرت الباب بغضب وزمخت بصوت عالي..
مـــــرررررررررريـــم غفررررررررران

.....

أولاً وأخيراً،
تبقى المواقف أصدق الأدلة

.

#يتبع