رواية عشق المومنين(أبناء الساده) الفصل السابع 7 - بقلم نازك الحمراني

....عشق المؤمنين...

...نازك الحمراني....
...عشق المؤمنين....

اريد أن أكون قربكِ
ملاصق "مزاحمآ..
طالبآ للأجر"
ك صفوف المصلين....
جنبكِ من غير فراغ...

وأريد أن اختركِ..
لنتوضى معآ
نُصليَ نحفظ القُرآن معاً...
أريدكِ حليلتي..
لِنصلي صلاة الليل معاً...
سيدتي أنتِ نصف ديني...
وبكِ سيكتمل كل ديني...
أريدكِ سكن لنَصوم معاً...
أمارس حقوقي...معكِ..
وسأقترب...وأقترب.
لتولد ثمرة حبي منكي..
وننشئه معآ مؤمن"مطيع...

...السلام عليكم..يجوز ماتعرفيني أو حتى ممنتبهه عليه أنا مهدي الهاشمي حفيد سيد باقر

أو أنتي عقيله حفيدت حجي أبو كامل...
أني أعرفچ اتم المعرفه ممکن نحچي علی آنفراد آندارت علیه قاطبه حواجبهة ودور نهضت مثل المصدومه عیونها آجت لعیوني كد طرفه بسيطه تخورس لساني ومكدرت أحچي ألحظه لاول مره هيچ یصیر بیه

صفنت وضعت من عيونها من برائتهن من خجلهن وهي أتفاجأت اكثر مني
لأن صرت قريب عليها كلش خجلت
نزلت عيونها بسرعه مرتبكه

وانه ضعت بلحجاب الي لابسته منطي دوره فاتنه ناحت وجهه ومحدده بأطار قمري والعبائه مسدوله بعنايه من على راسها الأخمص قدمها بيها كل جمال بريء نادر الوجود چان ودي أدنج،انحني،حتى
وابوس طرف عبايتها..واكلها..

-اتخذتكِ حليلتي"حبيبتي"قارورتي"ياااا
ريحانتي أتقبلين بي

توترها خلاني وعيت على نفسي وبداخلي شي يغلي منها من جمالها رزانتها المغريه
أني هيچ حالي يصير...

سكتت افكر بوضعي أنه سيد مهدي هييچ
یصیر بیه مو أني أربع سنين بلجامعه...
مادنت نفسي ولا تناوعت على أي أبنيه...
مو أربع سنين بلجامعه الشباب يسموني المعقد واليحبني واليودني يسميني العابد المتصوف الناسك لأن مارفعت عيوني على أي بنيه ولا تقربت من أي وحده

شكددشفت بنات هواي وهن نفسهن.... رادني وحاولن يقتربن اليه لان يشوفن وضعي المادي وجدي الشخصيه الاجتماعيه المعروفه ولان انه مااقترب الاي بنيه سواء جميله او لا

شجاني هسه أبنيه شفتها مجرد تبچي
...وتمسح خشمها
ماشفت موقف يثير ولا اي مشهد فاتن يجذبني فقط حزينه،ومتكأبه

شفتها مجرد أنسانه عاديه بعبائه زينبيه بوقار وحشمه دينيه تعجر الوصف عنها

شفت وجهه الخاضع وشفافها الي على طول اصد ليها يلهج بذكر الله،ورحمته

أي يجوز حبيتها الاجل هالة الايمان الي من تتناوع الها تهيس قشعريره منها او لأن حبيتها من أول دمعه شفتها منهاااا

مامقتنع بشي اسمه حب أو ماچنت آعرف شنو الحب..أو أمن بوجوده..لأن اعرف انو الحب فقط وخالص لله وحده

شنو هیچ آبنیه حزينه تقلب کیاني..مجرد أبنيه مهمومه
ابنيه أخذت عقلي"وقلبي" ومو بس هيچ
صرت عاجز آن آحجب حبي عن الناس..
الكل حس بتغيري الجذري،وانه مغلس من الكل حتى ماادخل وياهم بنقاش

أو حتى اشيل فكرة احب انسانه حب قوي هلكثر، وانه مواعد امامي ألمنتظر أكون جندي من جنوده،اكون انسان صالح
الأجل يوم الظهور

ألأجل انتصار المظلوم على الظالم چنت هیچ مقرر وثابت بقراري ،وحتى صرت من اشتاق الها وگلبي يريدها بقوه

أركب سيارتي، واروح السرداب الحجه اكعد داخل السرداب،اعتذر من امامي ألليل كله اخلصه أستغفار وصلاة الى ان
شفت حب عقيله حب مو دنيوي،ولا هو حب ياخذني من ديني،النفسي العصيه

بلعكس خاصه من عرفت هي حافظه ست اجزاء من القران،وانه جزء واحد واهيس مسوي أنجاز قوي،

خلصت صلاة الليل داخل سرداب الحجه المنتظر عليه السلام، وكأن صوت داخلي يگلي ابقى ثابت على هذا ألحب،لاااتعاقب
نفسك على شي ياخذك لطريق المنتظرون

وهنانه خلاص گلبي حكم على عقلي،ان الحب احد عطايا الله للبشر،الحب،اجمل هبه من الله للبشر حتى نكون فئه صالح

الحب حلال،وبيه اجر،وحسنه أذا چان مبني على حب الله وأهل بيته،وذا چان الصدق وا الوفاء،والعفه احد سمات الحب

من يومها ألكل عرف بيه أنا عاشك عقيله
جدي وامي واخوي تفطنو عليه شلون متغير لكن أنه مامنتبه على نفسي

او منتبه لكن حسیت أبالغ من اشوفها ابقى صافن وبصفنتي عليها اكدت الجدي أنا صرت "عاجز وعجز أن آخفي حبي..
والعجز لا يطاق

فوك عذاب قلبي هسه أغلي نار الشباب يتنوعلها..وهی تخصني انا وبسسسس وهي ولا على بالها...مااتحس بنفسها هي ملفته هيه تملك كلشي حلو هي مثل ورده تملك العطر ،والانبهارحتى الألم
أنيقًا على عينيها

لازم أخليها تنتبه على نفسها وتحرص لان هاي زوجتي حبيبتي "...جاوبتني
وبتردد

-وعليكم السلام ورحمة الله وبركاته منو حضرتك ترى ماأعرفك
ولا تعرفني ومازال مااعرفك "فا ما بينا كلام
كالتها وهي مدنجه راسها متوتره
"ومصدومه"من هجومي المباغت وكلامي الجاف
وعصبيتي العصبيه..اجت تروح...كتلها

-لاااااااااا ترحين لان احنه بينا كلام أشياء هواي ألي ماتعرفي ياعقيله انه وانتي بحكم قريبين للأرتباط أو على ابواب زواج لأن قارینا فاتحتنا على ايد المرحوم جدچ وعلی اید جدي سيد باقر

-هااااا بس انت مووو

-أنااااا أريدچ تکونین نبهه فقط أولا يعني أنتبهي الضحكتچ کون تخلین ایدچ علی حلگچ من تبتسمين لأن تحصلين ذنب كل شخص يسرق لب عقله بابتسامتچ

و انتبهي الکعدتچ من تردين دكعدين لاتميلين جسمچ وجهچ لیکدام لان آتکون الفتنه من منطقة الظهررر وهنا یدخل الشیطان بعقول المؤلفه قلوبهم

تعرفین لييش احچي هيج لان انتي لا بسه عبائه زينبيه ،مباركه،ولازم تعرفين قيمة هل عبائه

وأتمنى تكون هاي أخر مره هيچ تکعدین چنت مدنج،من‌احچي وياها وشابك ايد فوك أيد رفعت عيوني حتى اختم كلامي

شفت شفافها ترجف ودها تبچي تحچي مو من عندي من أشياء هي ممتفطنه عليهن وانه فطنتها نزلت دمعه منها مكدرت متحملت موقف برودها وفقاريتها

رجعت رجلي ليورى خلتني أخجل جدام كضم غيضها، أبتعدت منها وجهي الها
وخطواتي ليوى أبتعدت .عاجز بخطوات مصلي يستغفر عن ذنبه...

أني هيچ آتنوع لعيونها وشفافها،وحركاتها ابتعدت منها من دون ما التفت..ألى أن أبن عمي صاح عليه منتظرني...تركتهااااا خجلان من ربي،من نفسي شلون هيييييچ ارکز حتی لو قارین فاتحتنه لیش اصفن اضيع،كأن ماكو رب يحاسب
ليش ارضخ النفسي الاماره بسوء

طلعت من الجامعه ركبت السياره واني أستغفر ربي عدلت المرايه...اريد اشوف وجهي ليش هيچ آصرفت...وهیچ آتنوع الها أجاوزت حدودي اعاتب نفس واجلدها

وين غض البصر سيد مهدي النظره بشوق
أول حبال الشيطان سقط عليك
يارب أستغفرك...رفعت أيدي أشوف الوقت ساعتي واكفه..طلعت الموبايل. بهدعش ونص عندي محاضره تطبيقيه
مااكدر أروح شي وبكلبي ثكيل...سقت أفتر بسياره.. وكل أشوي ألوم ألوم نفسي

ليش أتنوعت لشفافها..أريد أشكي ذنبي الربي ومحد يدليني وين اشكي بس ربي

لفت السياره أروح للمحل هناك بلمكتب
الكى جدي نزلت السياره دخلت للمحل
هوسه ونقل بضائع عمال هوايه سئلت العامل على جدي..

-تعااااااا وين جدي

-هناك السيد كاعد بلمكتب

تركت العامل اصعد درج المحل فتحت باب المكتب جدي كاعد على الكرسي يمه اوراوق،وحاسبة زغيره،ولابتوب،المكتب صاير لخه
تمشيت مسافه عشر أقدام...وبزاويه المحب اكو غرف ه ..بيه جام خان
شفت جدي كاعد..على كرسي يم ميز عليه حاسوب يراقب العمال من الكامره..

دخلت بلا سلام كعدت على كرسي مقابيله..

-جدي رحمه الجدك شني عقيله مال سايب ومحد اله هسه دكوم تخطبها اليه
.ولا دكلي مستعجل ترى انه ميييييييت

..نتر بوقار وبهيبه

-انت بيك شي مهيدي يبويه ماااايصيير

نهضت متضايق من وضعي رحت ورى الميز صرت جدام جدي هو لاف الكرسي عرف اريد احط راسؤ على رجله لان هو يعرف البيه والمابيه هو الي رباني زغير

كعدت يم رجله أيدي مخليها على مداسه
والثانيه أشرت على گلبي

-مولاي...گلبي يوجعني ألحك الأبنك...

نقهر عليه وجواب

-يابعد گلب جدط تسلامة گلبك أشبیه گلبك يوجعك...

-جدي باگووووووووو گلبي..هسه أجيبه مالي غيرك..
تناوعلي وهو يرفع حاجبه ويبتسم...

-اوووووووووووف بوووووويه وين چنت وبیااااا مگان حتی جدك يعرف منو باگه‌.

-چنت بلکلیه...مال عقیله..تنوعلي بضوجه

-سيد مهدي صدك چذب بويه...هاي أنت الرزن"العاقل،المتديين

-كاااااااااااتفي يااااااااااسيد...يااااااااعقل زوجني ياها لا أصخم وجهك
والله "اصخمه
ترى الف فكره"وفكره براسي بسببها والشيطان
لا يلعب براسي..
انجدني جدي....
خليت راسي بحجره وهو خله ايده
على راسي ويمسد بشعري ويحچي...

-شووووووف أبني أنت سيد وأبن رسول الله...يعني من تذنب
رح يكون حسابك مضاعف عن الشخص العامي

لأن انت من نسل رسول الله بويه تعوذ من شيطانك أنت مو اي زلمه انت زلمه خاف الله....وماتغضبه
وتعرف علوم ال البيت(عليهم سلام)
تعرف شني الي يرضيهم وشني الي يسخطهم بويه شنو الي صارلك...مو أنت چنت آدگلي أنشاء الله أكون من جنود القائم الموعود..
هيچ جنود القائم هیچ وضعهم يشكون
من حب الدنيا وزمردها

انت بأقل اختبار توکع وهو الحب الي بگلبك...مو انت من چنت تضوج تردد مقولة جدك( يادنيا غري غيري))

گوووم بویه گوووووم وعدل نفسك لاااااا طاوعهااا تتمرد اعليك..

-مو اناااا احبنهاااااا واريدهااااا

-ميخالف اصبرررر تحبها وتريدها أوعدني بعد لاتروووووووح الجامعتهااااااا ولاااأ تحچي وياها وذااااا فاتتت من فرع انت تفووت من ثاني وماااتحچي اي شي وياهلااااا الى أن تتخرج أنت وكمل
اروح أخطبها لك...عيوني له...

-أوعدك جدي نهضت منه جاي أطلع كالي

-بويه مهيدي هل حب هو أختبار الأيمانك
روح أبني أتوضى..
وصلي ركعتين أستغفار...

وذا كدرت روح زور جدك الحسين عليه السلام وغاااااااااااد اشكيله لبداخلك...رح يساعدك رفعت راسي واني حاس بذنبي
بست اید جدي ركبت السياره...
ومقرر اروح للزياره... بس تذكرت عندي كورس تطبيق بلجامعه مااكدر لفتهااأاا السياره رحت للجامع قريب على محل جدي توضيت واني حزين من نفسي..
وحزين على روحي خطوات داخل المسجد....اخذت تربه من داخل الصندوك.
صليت ركعتين الأستغفار من خلصت بقيت اردد دعاء

(اللهم اجمعني بمن احببت فيك جمعا حلالا طيبا لا فراق فيه في الدنيا ولا فراق فيه في الآخرة واجعله لي من لدنك رحمة لا أشقى بعدها ابدا و عزا من لدنك لا أذل بعده ابدا واجعل بيننا من لدنك رباطا متينا وميثاقا غليظا ونورا لا نضل بعده ابدا وارزقنا زيارة بيتك الحرام وأرضى عنا وارزقنا لذة النظر إلى وجهك الكريم وانت راض عنا سبحانك انك على كل شيء قدير)

.............
..عقيله..
رجعت للبيت لأن ماچان عدنا محاضرات.
دمعتي بعيوني..شنو ليش يتعصب عليه...
كلامه رغم يحجي بحرگه لکن حسسني بذنبي،انه لابسه عبائه شنو يكلي مفاتن

يجوز رب العالمين بعثه اليه يكون ناصح
المفروض ماازعل ولا ااضوج ماتغديت توضيت اصلي الظهر...والعصر...
أستغفرت ربي...هاي أول مره أحچي وي شخص اجنبي..

بس الحظه أذكرت انو هو خطبني"وقاري فاتحتي. والمهر تحدد..أطمئن قلبي.
رجعت أبچي وأني أذكر عصبيته..كلامه..
برغم الوقار..الي يحيط بيه ومظهره الرزن
بس عصبيته وياي بلا معنى بقيت أفتر بلغرفه اروح واجي منتظره غفران چان عدها دورة انكليزي لأن سادس وصعب

لزمت سبحتي،لان ماما عمتي ماتخليني أغسل شي اله من تجي غفران ونشتغل سوه

حاولت اخلص الوقت استغفرت الجدي
خمس ميه مره تمددت على الچربایه
اكمل تسبح

لشوي أجتي غفران نهضت نتظرتهة تبدل
درت وجهي الهة صافنه عليه...

سدت باب الكنتور وكالت

-أي عقيله..چنچ باچیه"وعندچ حچي"
سولفي علما اجيب الغدا نتغدى سوه..

-هاااااااا لا لا ماكو شي..يله خل نكوم نحضر الغدا سوه ميته جوع منتظرتچ ناکل سوه....

رحنه للمطبخ هي تحمی الآکل وانه اسوي زلاطه من توتري كتلها

-لااااا صبين الاكل بلمواعين هي مرك الفاصوليه وتمن طيبتهن تنوكل بجدرتها

ردت

-كتلج وراج سالفه يله ناگل بجدوره حتی على گولت ماما التاگل بجدر بیوم عرسها تمطر السما

-هههه والله ياغفران كملي والله كريم امكن اسولف من اشبع

-عند البطون تعمى العيون

صرت أكل وافگر شلون افاتح غفران بهيچ موضوع،وشلون أبدي

گملت وانه منزله عیوني منها ماريد اصد الها لان كل ماارفع عيوني تضحك بوجهي

كملنه غسلنه المواعين رحنا للغرفه..‌
واشوف غفران سدت الباب حيل مثل وحده تريد تسوي تحقيق

گتلها
-هااااأ شگوووو لااا تناوعیلي هيييييچ اصیح ماما علیییچ

-تری جاي أباع طبيعي

-لااااا تركصين حواجبچ

-انه یمتی

-هسه

-عوفي عيوني واريد هسه وحالا أطلعين الجوزه من حلكچ شنو صار وخلاچ‌هیچ

-اجى اليوم للكليه...

كلتها ايدي على عيوني اغطي وجهي منها

جرت ايدي حيل‌ من وجهي تتنوع..

-يااااااااااااا منوووووو منوووووووو ولچ عقیله یبووی سولفي حبيتي من ورايه وماگلتي اله من اجى عوود ليشش هااا

خليت ايدي على حلگها ورحت للباب هو مسدود بس قفلته بلمفتاح نداريت عليها

-یااااا هاااي انتي تگولین بوجهي هييچ استغفر الله

-اي غير انتي گلتي اجى منوو اجى اكيد رجال ومنو الرجال الي خلاچ متوتره من اجییییییییت الحد هسه،اله واحد انتي تحبينه وماتردين اعرف منو

بقت تحچي الى ان گلت الها بصوت ثابت

-سيد مهدي الهاشمي اي هووو اليوم اجى ومن دون الايام اليوم چان عدنا ریست..
کعدت علمسطب صدیقتي سكينه واكفه مقابيلي وسولف على عرگتها هی وجدتها مايله جسمي عليها ابتسم لان سوالفها دوم اتضحكني مااشوف اله واحد يگلي...

-ممكن أحچي وياچ جیت اشررد والله لان ول مره ماعرفته...بس من طوله
ورزانته وثگله تذكرته...

-هااااا وشنو گال ،وحچی حچي حلو لااا

-لااا استغفر الله بلعكس ضجت لان حچی بعصبیه،وجهه ناااااااااااااااار من العصبیه.
حتی شرایین وجهه مبینه...حچی وراح
من راح مرتبك،بحيث ماکدرت ارد عليه لان صدمني ومن رفعت عيوني الاول مره عليه كد ماقهرني لكيته مركز بيه

..انصدمت آکثر لان مركز بيه وبكل تفصيله بيه حتى استحيت متت شسوي گوليلي راح اموت من الخجل و الضوجه غفوره حبابه حبابه لا تخبرين ماما عيب هسه شدگول علیه تربیتي عقيله توگف داخل الجامعه طول بطول ویه رجل اجنبي يمه

تقربت مني،غفران تنبهني،وتنصحني

-ديييييييريييييييي باااااااااااالچ عقيله‌ بعد لاتحجين وياه ابد ابد ابد حتى لوووو قارين فاتحتكم،هو بحگم محرم علییییچ
اذا سمحتي اله يحچي وياچ مره ثانیه

راح تهینین نفسچ،گرامتچ قبل لااااتهینبن
ادبچ،وتربیتچ،وخلي بالچ اهلي ميدرون انو سید مهدي كعد يجيچ للكليه
فلااااااااااسمحيله بعد يحچي زايد وياچ
او يطلب منچ طلب..
لآن یجوز بعدین یطلب منچ تطلعين وياه
بحجه خطيبته صح کلامي

جاوبته

-آي صدك حچيچ وذهب ورح أعامله حال الطلاب تدرين ضجت منهماغلبهن لاة كلش كل أشوي واحد من الطلاب دازه طالبه...لو مدري شنو عود يتعرفون...ابد مااقلد الهم..
لان الكل بنظري أجنبي ومايحل عليه...

-اعرفچ عقیله بلاااا تگولین وهسه راح انام ‌تعباااانه

تمددت غفران وانه كعدت اريد اقراه.
.أفكر ملامحه رغم ممنتبهه هلكد بس هو كلش مرتبه اناقته، وكفته وهو مدنج...
شكله انسان يخاف الله حسيت أمغص معدتي، من ذكرته تبسمت لان هواي بنات يكولون لتحب...كلبها يخفق حيل

بس أني من وصل الحب وكف يمي وصار
مغص..وجع بطني..

استغفرت ودعيت ربي واني بالي و أتذكر سيد مهدي وكلام جدي عنه...رددت

"يارب اجعل فيه الخير لي
وقربني منه برضاتك"

.......

سيد مهدي

وسأحبك اليوم..
وغدآ..
وسأحبك الي يوم يبعثون...

ثاني يوم طلعت للجامعه وقررت بعد امشي على الوعد وعدت جدي ماأحچي بعد وياها،وراح احارب گلبي بلاستغفار الى أن أكمل جامعتي واخطبها وهاي الفتره خلاها جدي أليه أختبار،حتى يشوفني أصبر على گلبي ورغباته لو استسلم،وارضخ الطلباته

طول الفتره الاشهر التهيت بأمتحاناتي...
ومن أشتاق العقيله اركب سيارتي اروح الجامعتهة اخطف نظره منها من ورى عمود الجامعه

وذا گلش اشتاق الها أكعد اصلي صلاة الحاجه ،واستغفر ربي...

تكررت روحاتي للجامعه مالتها متحجج أن انه اراقبها فقط خوفا عليها من كلشي لكن غرضي واضح هو حتى واشوفها من حتى لو بعيد
مجرد نظره،واروح نظره وحده واروح
منها كمت اكرر روحتي كل فتره رغم جامعتها بعيده عن جامعتنا...اروح انه بفرق بنص ساعه..
كلما يندهلي الشوق روح الها اختلس
نظره وحده وارجع.الجامعتي...

مر تلث أشهر أقاوم گلبي..الي يكلياحچي
وعقلي الي يگلي أركز...

تعبت من التفكير حضرت نفسي للزياره..
وأقضي يوم كامل بسرداب الحجه...
اريد أرجع سيد مهدي قبل سيد مهدي الي مخلص وقت فراغه خدمة مذهب محمد وال محمد

غسلت غسول الزياره ،لبست ثوب ابيض وسداره الخضره على چتفي،اجى سيد مجتبى لابس ملابس كاجول ورحت أنه أخوي سيد مجتبى ودعنه ديارنه كربلاء المقدسه
الطريق بين سوالف مجتبى وضحكته وصلنه السامراء بسلامه كالي

-يله عضيدي انه راح اروح البغداد

-الله وياك خويه

رحت زرت العسكريين تممت الزياره
وبعدها بطريقي اتمشى بيدي السبحه لمكان السرداب

كل خطوه تحسسك العالم زغير وانت صدك جرم صغير كما قال الامير علي عليه افضل السلام

نزلت للسرداب وكل خطوه بيها أحس دموعي تنزل بلا سبب
حسيت بقصور نفسي،،نزلت ابگلبي وجع..
وجع من نفسي العصيه...
الي تريد الدنيا...
وتريد عشق دنيا

وما تريد عشق المؤمنين
عشق المؤمنين هنا...
عشق قائدهم الحجه...وهم انصاره
عشق ناصرهم...وهم جنوده

كعدت للكاع رافع ايدي أطلب السماح من مولاي الغائب اريده ينظر الحالي
....ويدعيلي عند الله

"وأبتغو اليه الوسيله"

گتله

تسامحني مولاي على قصوري وي نفسي
وانه نذرت عمري أكون جندي من جنودك الي يستشهد بين يديك اريد مثل ماقال
مولاي الامام الصادق⁩ (عليه السلام)
"لست أحب أن أرى الشاب منكم،
إلا غادياً في حالين ..
- ‏إما عالماً أو متعلماً،
فإن لم يفعل فَرَّطَ، فإن فَرَّطَ ضَيَّعَ،
‏فإن ضَيَّعَ أَثِمَ،
وإن أَثِمَ سكن النّار و الذي بعث محمدا بالحق"

مولااااي ياامامي اناجيك نجني من نفسي
ومن ثم من البشر اريد أرجع سيد مهدي
ألي مايشغله شاغل عن الدين لكن مولاي

انه أريدها اريد حبها يكون رحمه اليه
مو غضب،،بجاه غيبتك مولاي..أريد
حبها لان حبها بيه رضاكم مو سخطكم
قريت قرأن فتحت مفاتيح الجنان قريت
دعاء الغيبه..

أَللّهمَّ عرِّفْنِي نَفْسَكَ، فَإِنَّكَ إِنْ لَمْ تُعَرِّفْنِي نَفْسَكَ لَمْ أَعْرِفْ رَسُولَكَ، أَللّهمَّ عَرِّفْنِي رَسُولَكَ فَإِنَّكَ إِنْ لَمْ تُعَرِّفْنِي رَسُولَكَ لَمْ أَعْرِفْ حُجَّتَكَ، أَللّهمَّ عَرِّفْنِي حُجَّتَكَ فَإِنَّكَ إِنْ لَمْ تُعَرِّفْنِي حُجَّتَكَ ضَلَلْتُ عَنْ دِينِي، أَللّهمَّ لاَ تُمِتْنِي مِيتَةً جَاهِلِيَّةً، وَلاَ تُزِغْ قَلْبِي بَعْدَ إِذْ هَدَيْتَنِي، أَللّهمَّ فَكَمَا هَدَيْتَنِي لِوَلاَيَةِ مَنْ فَرَضْتَ عَلَيَّ طَاعَتَهُ مِنْ وُلاَةَ أَمْرِكَ بَعْدَ رَسُولِكَ صَلَوَاتُكَ عَلَيْهِ وَآلِهِ حَتَّى وَالَيْتُ وُلاَةَ أَمْرِكَ أَمِيرَ الْمُؤْمِنِينَ عَلِيَّ بْنَ أَبِي طَالِبٍ وَالْحَسَنَ وَالْحُسَيْنَ وَعَلِيّاً وَمُحَمَّداً وَجَعْفَراً وَمُوسَى وَعَلِيّاً وَمُحَمَّداً وَعَلِيّاً وَالْحَسَنَ وَالْحُجَّةَ الْقَائِمَ الْمَهْدِيَّ صَلَوَاتُكَ عَلَيْهِمْ أَجْمَعِينَ.

طلعت اشتريت حلويات وزعتهم للأطفال.
ودعت سامرأء...وأمنياتي يم السرداب خليتها وألها أكون من انصار القائم..
ومن الشهداء،المستشهدين بين ايده

ثاني يوم رحت البيت عمي...اتفقت وی ابن عمي حسن يجيب اخته زينه
الي چانت بصف ثالث متوسط....يجيبها للجامعه الي داوم بيها عقيله

وفعلا رحت الجامعة عقيله وشفتها واكفه يم صديقاتها واني على وعدي الجدي
بعد احچي وياهاااا جريت حسره من الشوق،والحب

يازرقاء العينين..
متى لقربكِ الوصال..
انتِ حليلتي من الرحمن

بقيت واكف مقابيلها..وهي متدري
أجتي زينه بنت عمي..واخوها حسن..
وكفت يمي زينه...وهي فرحانه بجامعه لان اول مره تدخل الها،...كتلها..

-عوفي الضحك،انطيج الترديه بس روحي الذيچ البنیه اریدچ آدکلیلها؟؟
..........

تفسير ومعنى
الحليله" الزوجه

قوله تعالى"واتقوا الله وابتغوا اليه الوسيله"
والوسيله .. هي الفعيله . من قول القائل توسلت الي فلان بكذا .بمعنى تقربت اليه ومنه
-
#يتبع