رواية عشق المومنين(أبناء الساده) الفصل الثامن 8 - بقلم نازك الحمراني

صباح الخير حبايب الكل استغرب ليش حذفت عشق المؤمنين لان جاي ارتب السرد الكم من جديد وارتب الاحداث بسبب حدث مهم صار بجزء الثاني استوجب مني الترتيب ،والتعديل يعني حتى نحافظ ع تسلسل التحداث ونربط بجزء الثامي والي قاري عشق المؤمنين جزء اول يرد يقراه حتى من ابدي بلثاني يكونون مسيطرين على الحدث وجبت التنويه

#عشق_المؤمنين
الجزء السابع

واجمل بدايـــة ليومي.. هي السلام عليك
ابتاه يــاأبـــا صــالح ابتسم ف أنا أتخيل أنك يا أمامي ترد عليه السلام بــ أبتسامة
وتقول لي وعليكم السلام يابني

کعدت بعد ماگملت سلامی علی امامي بدلت ملابسي وافكر بعقيله الي صار متزامن ويه تفكير ديني ماختل اي شي بلعكس بقيت ثابت مثل ما أنه ومن يوم الوعدت جدي مااقترب الها ولا أحچي

زاد حبها بگلبي،زاد شوقي ولهفتي عليها بحيث مرت تلث أشهر واني مشايفها،لكن كل يوم يمر يزيدني اصرار اخذهة حليله

عطلت الجامعات والعطله ماعطلت شوقي بلعكس،فرحان لان صارت مرحله ثانيه
وبگلبي هي الاولى والوحيده،والحبيبه
گلبي كأن نار عليها لكن اكو شي مخليني
اصبر واصابر على الشوق هي راح تصير اليه،تصير زوجتي عاجل وليس اجل

ثقتي بربي،وعطاياه الي كل يوم يفاجأ عباده بعطيه،هي تبقيني مااااأيس،وحتى من تجيني لحظة ولهه،وحب العقيله أتذكر

أعلِّلُ النفس بالآمالِ أرقُبُها
ما أضيقَ العيشَ لولا فسحةُ الأمَلِ

الامل ان رب العالمين مايظلم عبده
لذا العطله من اجت رجعت أخدم بلعتبه الحسينيه ويه رفاق العشق الاهي،الصحب
المؤمن الي من نختلي من الخدمه نكعد
نستمع المشايخنه الاجلاء ،وتلقينهم النه باهمية حفظ القرأن،واهمية نكون قدوه حسنه الشبابنه والجيلنه

عقيله بقت تشغل بالي مانسيها كل خطوه
اخطوها هي تمشي ويايه ممشى الدم
صارت اسمها مرتبط بأسمي....

بدا الدوام الرسمي للجامعه وفرحان لان عقيله ايضا دوامها بلش وقررت اروح الها

توكلت على الله ،بدت خطواتي دخولي الجامعتها واحس أمتلت ريتي هواء جاي منها وكفت من بعيد أتنوع الها بيدي السبحه احرك خرزاتها وأستغفر ربي..

عيوني تتصفحها نفس مكانها كاعده عل مسطبه، وتقراء كتاب ،هدوء ملامحها
ملبس عبايتها ،أحتشام لبسها ،هو الي يجيبني من مسافه ،حتى أشوفها من بعید وا أريح قلبي العليل بيها وقارها واحترام نفسها، ينطيك أطمئنان نفسي ،من أشهر أراقبها ،ماراحت عن بالي ولا يوم

بهل لحظه كرهت نفسي ونزاعجت تصفح وجوه الطلاب الها واني ليش كل فتره
أطلع من الدوام واتحمل أزدحام السيارات
بس علمود أشوف قارورتي من بعيد...

تمشينه ويايه ابن عمي واخته زينه بنيه صف ثالث متوسط صارو يمي ولسى اركز بكعدت عقيله

حين أراك ياريحانتي أستطيع تحمُّل أيّ شيء البعد ، القلق ، والتعب فعينكِ تزيل
كل الهموم

جفلت من صفنتي على وعدي مااحجي
وياها كلت الزينه

-شوفي ذيچ ام‌العبائه ،والحجاب الاسود هایه روحي الها تسلمین علیها وتگولیها
یگول سید مهدي "أن لاتبدين زينتكن"

ردت عليه زينه

-بس هي ممخليه مكياج ترى مبينه لا
تشوفني زغيره اميز الوجهه الطبيعي من
المو طبيعي

-لاااااا اكيد هي ممخليه مكياج لكن هنا الزينه تجي مو بس المكياج الجمال اذا جان ملفت فتنه

-وشنو اگول الها

-خبريها بلي گتلچ علیه واکدي عليها ان انا اخاف عليها والمفروض من لقائنه الاول بأول السنه اكلها تتنقب مو هسه من صارت مرحله ثانيه...

-وبعد

-هاي هيه روحي توكلي وگولي بسم الله الرحمن الرحيم

راحت زينه تتمشى صوبها رديت اتناوع العقيله الوم نفسي ليش فاتني موضوع
النقاب أو يجوز وعدي الجدي ربطني ابقى مااحچي وياها

بس ليهنا وكافي لازم تتنقب هيه زوجتي
أني سيد وهاشمي غيرتي الهاشميه بدمي
هي الي تخليني أريدها تتنقب ماأريد القاصي والداني يشوف قارورتي
جوهرتي مااخلي اي احد يشوفها غيري

ويل للحب الذي اتعب قلبي الثمل بكِ
اتعب فكري الذي لايفكر الا بكِ

توجيت على مسند الحايط واعرف نفسي جاي أتصرف من دون حنكه زين ليش هيچ أتصرف شجاني مكدر أسيطر، اتحكم بتصرفاتي رغم اعرف الاسوي خارج نفسي،وخارج ارادتي

‏منذُ أن عرفتك حتى هذا اليوم
‏لم تمضِ ليلة على رُوحي لم أحبّك فيها .

بقيت قلق واكف خاف ترفض حچي زينه لان من حچیت ویاها ذيچ المره كلامي چان حاد ویجوز خلاها تكرهني

ويجوز تخبر أهلها عنيويكرهوني...
ويجوز كالتلهم عن تهجمي عليها من فتره.، وجهي تعرق شكد فشله أذا صدك كايلتلهم شجاني شنو فرقي عن المراهق...
هواي تسائولات جاي تجي العقلي..لكن ختصرت نفسي وحبي الها بسطرين

جميع من حولي اتحدّث معهم بنضجي ، بعقلي ، إلا معكِ اتحدّث بعاطفتي بقلبي

وهنا صدك حبها صار أختبار وامتحان
وجدي يريد يشوفني كفأ الها لأن هي بنت صديقه المرحوم،

وثنينهم أمنوني عليها
خاصه جدها لزم ايدي وگالي ((ابني ترى هاي حفيدتي يتيمه وفقيره،ومالها أحد
اريدك تحافظ عليها لان تعبت هواي اعتبر
هي امانتي وامتتها عندك خليها بين عينك

جاوبته بوكتها(تدلل هي ابطن عيني ويايه
انشاء الله مااخليها تحتاج أحد)

هنا بررت هي مارح ترفض حچي،لان مثل ماوصفها جدها،انسانه مؤمنه فقيرة گلب

زينه تتمشى الهة وانه أتنوعلها وكفت بقى
بيدي كتاب نهج البلاغه،فتحته أحاول
ماأبين أنه أتنوعلها وخطوات زينه تقترب ألعقيله،وترد تلتفت عليه.بقن شر دقائق
يسولفن وا راقبهن شيحچن‌ ومتوتر منهن الى ان شفت عقیله آبتسمت ياألله أشكد حلوه من تضحك...

ثغرها تبسم...
فزقزقت منها العصافير
ثغرها تبسم...
فتفتحت أزهار الربيع

تمنيت ضحكتها أطول،واني أدعي .یارب ضحكت خیر زينه تسولف وياها...

أبتسامتها خجوله، رفعت راسها مثل لدور على شي شافتني....ودنجت ملامح وجها تغيرت من مبتسمه الى مغنتبه

مهما كثرت انواع السعادة تبقي أنتي .. أجملها السعادات التي عشتها

ليش غنتبت وانه اشوفها السعاده كلها ياحظك ياسيد مهدي،شافتك وعرفت بيك كاعد تتناوع راحت هيبتك هسه دكول يتلصص عليه..

وكفت تودع بنت عمي بأبتسامه وراحت
تعبر الممر، الي يدخل على قسمها زعلت أكيد،يارب لا تخليها تزعل مني بلاسبب

لايلق بكِ الحزن،الوجع أَنتِ لستِ امرأَة ، أنتِ النساء ، و أحياناً كل البشر

راحت حاولت احافظ على ثباتي تقربت
زينه فرحانه و گالت

-سيد مهدي ياأبن عمي انطيني البشاره

-هاااااا بشري شصار

- تدري أشكالت من كتلها على نقاب
كالت أفكر....هههه

-جديات وافقت يعني، يعني..مازعلت

-لا بس كالت أفكر وبتسمت ،گالت گولیله جاي أتشوفك كل يوم تجي للجامعه
وتوكف‌‌ ورى العمود مره تقرأء نهج البلاغه
ومره بيدك كتاب مجنون ليلى...

درت وجهي حسيت بخجل ايماني گتلها

-ها صدك يعني تعرف، انه جيها کل یوم

-ای تعرف

حسیت بتوتر‌ وارهاق نفسي، لوين رح أوصل بهل حب

-یله زینه خلینه نروح طلعت من الجامعه
وصیت‌ زینه واخوها لایحچون الاي أحد عن الصار

رحت الجامعتي، عندي محاضرات تطبيقيه وثانيآ هي تعرف اجي شدكول مراهق

هل فتره يار ضغط الدراسه وكوزات
فتحت الملازم اريد اراجع مكدرت
عرفت جدي ليش ميريدني أزوج هسه...
لأن أختصاصي صعب،وهو شاف الصعوبه
من والدي الله يرحمه يدرس وخاطب

ويجوز لو أخطبها ألتهي بيها وذا صار الزواج...يجوز انسى جامعتي خلاص

هو هيج وبعيده،ولب العقل طار كيف تصير بين أحضاني

يا الله اجعلني أعيّش ذاك اليوم اللي ما تسعني فيه الأرض ويطير فيه قلبي من شدة الفرحة وما القى تعبير فيه أبلغ من سجود الشكر لله.وقول كلمة يارب اشكرك
على كل ألنعم خاص نعمة عقيله زوجتي

........
"العُسر لن يدوم، والشدَّة لن تطول، والليل يتبعهُ فجر، والصَّبر أجمل العبادات،

احب اردد هيچ نوع من الادعیه خصوص من ارکب سیارة الجامعه وصلت للبيت لكيت ماما تصب غدا الخالو،من شافتني گالت
-تتغدين ويه خالچ لو‌تانین غفران حتى اصب الچ سهم

جاوبتها

-ابدل واصلي وانتظر غفران

-براحتچ حبیبتي

بسرعه بدلت وتوجهت للوضوء اصلي افكر بلي صار وخايفه لا اكون غضبة ربي
رغم حسسته انه اشوفه من يجي اريد استغفر ربي مااريد ارضخ النفسي الي تخليني أصير مثل بنات يحبن قبل الزواج

رفعت ايدي حتى اكفر عن نظرتي اقراء

‏"يارب بكُل حواسي أُناجيك، أسعدني يا الله، حقق احلامي يارب كن معي و أحميني ياربي، أغفر ذنوبي جميعها، أجبر خاطري، وأحفظني في ودائعك يا الله، وابعد عني يارب شر الناس واجعلني يارب مباركاً اينما كنت وثبتني على دينكَ حتى ألقاك، واجعله لي زوجآ صالحآ لايكن الشيطان عليه وكيل أنك على كَل شي قدير."

لملمت السجاد وافكرن غفران أساعدني...
أي هي وبس رئيها ورجاحة عقلها يهمني...

بس ليش هيچ گلبي يخفك،،من ذكرته
زين المغص الي يصير عندي شنو صدك احب سيد مهدي.وحبه دخل الكل جسمي
بحيث يصير مغص اخ ياربي

‏حبيبي الله هناك أمور كثيرة يجدر بي أن اناديك من أجلها كل عمري، لكنك تعرفها دون ندائي وتحفظها دون تكرار النداءات
وأثق تمام الثقة أنك مدرك لضياعي دونها ، للهم معيتك في كل شيء آمين

يارب يارب مااريد أكون انسانه حالمه حتى لو قارين فاتحتنه ومنطين موافقه هو محرم عليه مو زوجي حتى احبه سامحني يارب مااريد افكر بيه

أشلون ماافكر بيه أشهر هو كل فتره يجي يتنوع من بعيد، ماطالب مني بس نظرات
ماتعدى غير شي...
رزانته"شخصيته"عيونه للكاع أذا فاتت منه أبنيه" كلامه التوجيهي اليه"برغم حچا بتهجم بس حبيته...

حبيته،وسكن قلبي رغم عني من لحظه
الي جدو الله يرحمه حچى عنه ومدح بيه وباخلاقه من كالي سيد مهدي يعتبر من حفظت ألقرأن، هنا دخل حبه بقلبي من
سمعته يقرأء دعاء الحزين صوته عذب

كل يوم أشوفه يوكف يم العمود
ويراقبني وكل يوم حبي له يكبر هذا وصية جدي وابويه ونبض قلبي..

سيد مهدي بيه شي يشد اله كلشي بيه مهذب،،خلقه واخلاقه وحتى تسريحة شعره العاديه...

قميصه يسد حتى أخر أزرار الحد ركبته..
عيونه للكاع من يمشي، حاضن كتاب بيده
حتى قميصه أنتبهت عليه
يخلي فوك البنطلون مايريد يجسم جسمه
ولايريد يثير البنات

اذن سيد مهدي نصفي الثاني ، وشبيهي...
سنه كامله مره على حچیه وياي...
بس ليش أني أحچي بيه هواي‌ويه نفسي
مو بس أحچي لاااا افگر بیه

العطله صارت مرحلة حزن وشوق اله صرت منتظره الدوام علموده،ولاول مره
افكر بشخص خارج عائلتي بدى الدوام اول مادخلت فرحانه لان بسرعه صرت مرحله ثانيه

دورت على سيد مهدي بساحة الجامعه يعني مااجى تناوعت بين الحيطام ماأجى حسيت نفسي مضيعه شي بقيت اطلع وادخل من القسم عسى ولعل يجي

ضجت كعدت على المسطبه طلعت كتاب اراجع بس چذب افكر بسيد مهدي وليش
مااجى رفعت راسب شفته جاي أرتاحيت
تنهدت

اريد اعرف اذا حبيته وليش حبيته هو
وهو مره وحده حچی وياي مره وحده
وچانت هجومیه ولهجة الأمر أستخدمها...
بلحظتها خلاني أبچي بحرگه لیش حبیته

توترت من دز بنت عمه عرفتنی علی نفسه زين هسه يطلب مني البس نقاب..
واني ماعولت نزعته من اجيت هنا
آشلون ارجع اتنقب..بلحظة تفكيري دخلت غفران، وهي ضايجه كالتلي بلا سلام

-هاااااا عقيله ليش ليش چااااا احنه موو گلنه نطلع سوه للجامعه...جامعتنا وحده
وگليتي يم گليتچ لیش سویتي هيييچ

گمت الغفران اعتذر منها وكتلهة وانه اشبكها حيييل

-والله نسیت رحت وي جاراتنا ونسيت.. حبيبتي غفوره من باچر نطلع سوه بس ليش ضايجه صاير شي...

كعدت يمي شمرت الملازم بلكاع

-أي صاررررررر وصااااارت مووواقف
هو نفسه ابو الفكس الگتلچ علیه ..شفته هنااااااك بجامعتنا.. بس هم ماشفت شكله
عرفته من الفكس مالته

دنيت عليها اطمئنها

-أاااي وذااااااا يجوز صدفه أز يداوم هناك

-ماااادري بس احس يتابعني....

-اي مازال ممحاچیچ عوفیه

-اي بس ضجت المهم عوفيچ بشري
السيد العاشق أجى لووو بعد اختفى بالچ

....توترت من كالت السيد ااعرفت أشلون ابدي....بس كتلها..

-دز عليه أبنيه هيچ تقریب عمر مراهقه.

-وشرادت وشگالت

گالت......

-السید یگول لیش تظهرن زينتكن
فجاوبتها بضوجه

-يازينه اني لابسه أسود وممخليه مكياج
اصلا البيت گله مابیه مگیاچ....طبعا هي بشوشه وتضحك

ردت علیه

-السید يريدچ تتنقبين لأن بيچ فتنه
والجمال وجمالچ فاتن جدا

الله علیچ غفران اکلچ صدك هيچ انه حلوه وافتن ،باوعتلی بجديه

-اي صح كلامه تدرين ليش

-اي بله لييش هيچ وبلا چذب

-شوفي انتي بيچ وقار صلاة الليل وگلنه
نعرف صلاة الليل تنطي جمال روحي وهالة ربانيه تحيط الوجه وتخلي اليشوفچ حتی لو قرده تصیرن‌حلوه فگیف انتي تجننين اكيد تزيدچ صلاة االيل فوك جمال الفعلي،جمال

-أي غفران حبي بس اني لابيضه كلش
ولا عيوني كبار ولا شي ليش هيچ یغار علیه...

-يحببببببببببببچ حب من صدك

-ماادري بس هو فطني على اشياء صدقا
خلاني متمسكه انو انه راح أتنقب

كامت غفران وهي معصبه تهز ايدي

-شنوووووووووووو تتتنقبييييييين لييش زوجچ
أخوچ..
أبوچ"
أبن عمچ..ويريدچ‌تتنقبین

جريت ايدها٠..آرید اقنعها بقراري

-شوفي غفران أني طول دوامي العام
والله والله.كلساع أتصچم أو اسمع کلام غزل،موگتلچ ودي ابطل من الجامعه

فا هاي اول يوم بلمرحله الثانيه اارید هاي السنه همات أعاني لأن أحصل أثم....

-انشاء الله رح تقبلين تتنقبين موو

-أي أقبل وهذا أحسن سبب أجاني وهو لو میغار علیه مچان نصحني ألبس...

-ام النقاب گولي علموده هوو

-اي يجوز بس هم علمود ديني وغيرت الرجل على قدر دينه

دخل أخوي علي يشاقينا..وسمعنانجادل على نقاب صاح

-هلا بخواتي العزيزات،ووولچن بسسس
دري أرويسيه....
أشبيچن تتناکرن...کامت غفران من یمي

-علي مو حقي تدري عقيله من باچر رح تتنقب...باوعلي بضوجه

-ليش عقيله مو أنتي چنتي ضايجه منها..
من رجعناچ من سمیره شنو الجد

-ماکو بس احسن

-خاف لبالچ علمود الدین ترى الدين حلل ظهور الوجه...والكفين..

-أي صح بس أشوف أستر هيچ شدکول..
کعد یمنا..علی الچربایه یسولف

-شوفي عقيله ،وأنتي غفران‌أني أخوچن
....وآّّي شي
تحتاجن"تردن.
مايردچن بس لسانچن....ومادام آنتي مقنعه..
فا أنت لبسي‌مالچ علاقه بغفران ودردمتها هي تحب تلاشيچ

-شكرا خويه‌ربي يستر عليك ویحفظك

رجع الغفران كالها
وانتي غفران خويه..ادري تحچین الخاطرها بس خليها دام مقتنعه...احنا وياها وهي شتطلب احنه سداده

فرحت بحچي علي أخوي...واقتنعت غفران....

طلع من الغرفه وانه رحت الكنتوري
طلعت نقابي القديم جاي أغسله طلعت للطارمه وكفت يم المغسله شطفته وبقيت انكت بيه وغفران تضحك عليه

رتبنه البيت،ولملمناه،الحد ماصارت دنيه االعصر جى أخوي وبيده علاكه....صاح

-شووووفي عقيله شجبت ااااالچ

رحنه انه وغفران عليه

-كوول شجبت الله عليك

-جبتلچ نقاب حتی مادکولین،آخوي علي ميذكرني...نطاني العلاكه فتحت فرحانه

..عيوني له..

-اشكرك خويه ربي يوفقك ويرزقك من اوسع ابوابه

ضحك وگلي
-خااااااااااب مو راااااااااح تخليني أتخبل جايبلچ ذهب قارون هههه هو نقاب
وبلعافیه عليچ...

-اشکرك والله....رحت ركض للغرفه فرحانه أجربه....لبسته وأتنوع النفسي

بقت ماما لازم أكلها رحت اساعدها نحضر العشاء...وهي تطبخ وكفت يمها ارتب الكواب...كتلها

-ماما بعد رح البس نقاب..لأن ضجت من هل شباب بس يصچمون

گالت بلا ماتلتفت

-عقيله والنقاب ماله شغله بشباب‌‌ بس‌راح
آگلچ براحتچ
دنیت علیها بست راسها فرحانه...

وکد مافرحاته اگلت بیضتين سلك وخبزه كامله فرشت اسناني ونمت أفكر بسيد مهدي أكيد من يشوفني لابسه النقاب
.يفرح
الصبح كعدنا أنبدل...كالت غفران

-عقيله أكلچ مو أكو سيارات يرحن للجامعه..
ليش أنأجر خط بخمسين الف للوحده
يعني اني وأنتي مية الف بشهر وبابا خطيه بس هل راتب بعد انروح بسيارات الريم
شدكولين..

-أي خوش فكره بس كون نطلع من وكت.
لان يرحن بسرعه

روحي هسه كدامي حجزيلي كرسي...بس أكمل لبس النقاب

-ديله رح بس أشرب چاي واروح الحك بيها...
راحت غفران كدامي أفكر بسيد مهدي...
الي تعلمت أشوفه كل يوم...
يارب...اجعله نصيبآ لي....والخير فيه

"العُسر لن يدوم، والشدَّة لن تطول، والليل يتبعهُ فجر، والصَّبر أجمل العبادات

..............
أللهم إني توكلت عليك و أستودعتك كُل دعوة فاض بها قلبي ، أللهم أرزقني حلاوة أستجابة وأجعل لي نصيب في كل شيء تعلق بها قلبي .

اردد الدعاء وامشي حتى اوصل للركن
بدت خطواتي للشارع سريعه الهوى أشوي عالي وعبايتي تتطاير...لازمتها بشده حتى ماتبين ملابسي
امشي بسرعه لازم أوصل للركن مال دربونتنا هنا توكف سيارات الريم عبرت الدربونه وبيتنا يصير بنهايته الشارع العام شفت السيارات والطلاب مال الجامعه يصعدون..

باوعت للسياره أكثر شي ولد بيها...قليل بنات زين شلون ادبرها لملمت عبايتي
ولازمتها ردت ارجع عقيله كالت صعدي وحجزيلي يمچ‌ کرسي...
التفت على بيتنا عقيلها لساها ماكو....

ياربي قويني،هاي أول مره أطلع وحدي...
صديقاتي المرحله الأولى راحن كدامي...
لو أدري رايحه وياهن...

فاتت جارتنا أم هاني..تصبح

-صباح الخير بنتي.. ربي يساعدكم على دراسه ،شلونها أمچ....

-زینه الحمدالله...باوستني وهي تروح....
صعدت للسياره. الم عبايتي بأيدي..
وايدي الثانيه.. كامشه جنطي

اول ماصعدت الولد تتنوع عليه متت خجل دنجت راسي احاول اعبرهم. وخايفه واجت بالي افلام هواي راح يصچمون راح یصوفورون‌ هناااا تقویت
وهمست

-ياربي وين غض البصر ذول مو اسلام
عبرتهم كوه شفت الكراسي الكدام
كلها مقبطه بس كرسيين...
على الصفحه اليمنى بلأخير شاغر

كعدت على واحد...والثاني خليت جنطي حجزته لعقيله كدامي ولد كاعدين....
وراي ولد...من صفحتي ولد
طلعت موبايلي.....أتصلت على عقيله احچي بهمس

-ووووووينچ عقیله حجزت مكان الچچ السیاره رح تحرك...جاوبتني

-روحي ولچ آتآخر بعدني ..

-شلووون ولچ

-روووحي بعدني ..

سديت الموبايبل مثل المسطوره صرت...
حرکت السیاره...والشباب لآن کاعده وحدي.بدو يحچون حچي سخيف....واحد كال..

-البنات اغلبهن يبيعن شرف علينا...
وهو شرف بعيد عنهن...

الثاني كال...

-لك بسرعه ينطن نفسهن بس واحد كلهن لو سمعهن كلمة حب

حسيت بخجل..من كلامهم...
لفيت عبايتي بمستحى وبكلبي أستغفر..

وكف ولد مقابيلي شكله مو راحه...وهو يحچي

-ممكن جنطتج اريد أكعد السياره مقبطه...

الكلام طلع بتوتر ملحوظ..

-بس..بس محجوز صديقتي...ضحك بمياعه

-بس صديقتچ ماکو...سحبت جنطي وخليتها حاجز
كعد يمي وانه سحبت جسمي كله رزيته على الجامه اله شوي أريد أطلع منها...
بقيت استغفر وهو يحاول يطخ رجله برجلي لو يحاول يحرك ايده حتى يطخ
لعبت نفسي من حركته...وتصرفه..

أجاني صوت من كدامي صوت عالي
بس هو يحچي بهدوء واثق...كال

-خويه غفران ليش كعدتي هنا...مو حجزتلچ بلآول
الکرسي الأول ألچ....
دورت عليچ اشجابچ هنا
هاي الكراسي الأخيره للشباب...مو الچ

أقترب من كرسي وكف على راسنااااا مثل ضابط معصب و يحاچي الولد

-من رخصتك هاي أختي...لیش تکعد یمها
ومنو سمح الك تجي يم كرسيهااا هااااااا

ظل يمتمت الولد

-ها أسف اختك اختك هاااا ماادري....بس شفت كرسيها فارغ

-وذاااااأاا شفت كرسيها فارغ مووعيب
وين الرجوله،وين الخلق القويم

-متأسف خویه عباس احسبها عليه

ماحاچا بس اندار علیه ونتر بهمس

-وآنتي غفران بعد لااااااااااااااااادكعدين هنااااااااا...اشر بصبعه على كرسييي

مكدرت اجاوبه لان يحچي بثقه رجع گال

-لاااا تجین‌ هنا لام البنات انتن هناااااك مكانچن بلمقدمه...
لآن دشوفین هوااااااي بلا غيررررررره يستغلون هل وضعيه...‌صچم الولد بکلامه

کعد یمي لعد ماگام الولد لکن شتان بینه
وبین ذاك عديم الذوق من كعد عباس يمي دني جسمه على طرف الكرسي بحيث اله شوي يطيح

وهنا حسيت انو استغفاري الله دز اليه منقذ بس ماعرفته منو...بس اسمه عباس

لكن بين مااعدل طرف عبايتي أنتبهت على ايده لازم بيده الفكس نفسه هذا الفكس الي مشخبط عليه بقلم جاف..
نفس الولد الي من چنت بسادس آشوفه...
ونفسه من داومت آول یوم بلجامعه شفته أريد أتنوع الوجهه...حتى أعرفه
حتى ادقق ابوجهن مكدرت الخجل سيطر عليه... یعني لو ما الفكس ماأعرفه
كلساع أندار أشوي وأشوف...الشخبوطه بحرف..غ..

وصلنا للجامعه، ونتظر كل الطلاب ينزلون يله نزل هو
نزلت وراه...من شفته نزل نزلت وراه واشوفه دنج ينكت بنطلونه...

شافني بلا ما يحچي اخذ اللفكس وراح...
وانه همين دخلت للقسم أجر نفس كوه....
شنو هيچ یصیر بیه....هل موقف الصعب

لعبت نفسي من ذاك الولد یرید یتلمسني.
وستبشرت من الثاني دافعلي...اشكد فرق بين الأول..الي يتحارش
والثاني الي خله كعدته على حافة الكرسي حتى مايحرجني.....
والله فشله لازم اخلي نفسي موقف محرج
شكعداني مكان الولد

بسمّ الله ع قلبي حتى يهدأ ، حتى يطمئن ويسكُن .
.............
سيد مهدي

قارورتي الشفافه انتِ
ريحانتي النديه أنتِ
وعلى سبيل حبي لكِ
اقسم بركعة الوتر
انكِ وتر قلبي...
وحبيبتي...

مر اسبوع كامل...واني متلوع.. بين حبي
.ودراستي
اكيد هسه تكرهني لأن كلتلها تتبوش...

ذبيت جهدي للدراسه بعدها مابقى عدنا بس المرحله السادسه للأختصاص
وهسه الخامسه...صعبه كلش

بس الشوق...يكلي روح شوف عقيله انت ماراح تخصر شي

خصوص جدي واثق انو هي اليه واني أوثق بكلام جدي لأن هو رجل حكيم
.بكلشي

بدلت ورحت الجامعتها بحجت اكص صور لأن حديقتة جامعتهم أحلى...

لبست قاط لونه كاحت ورتبت شعري عند الحلاق ولبت مناظري الطبيه الشفافه..
لبست رباط رغم تحفظ عمي كالي مره الرباط بيه أشكال...

انطلقت للجامعه انه واصحباني وهناك أخذنا صور...اخذنه هواي الحد ماملينه بتعدت من جماعتي

أريد أشوفها من بعيد حتى لو مانريدني انه اريدها
یارب قاروتي حلمي الذي ملاص لي حلمي الذي استشربته حتی اصبح مني ، اجعله واقعاً أمام عيني يارب ، اللهم ارزقني فرحة لا تسعها الدنيا ومن عليها ، وعوضني بما هو خيراً لي وارزقني حظاً تدمع عيناي فرحة به .

تناوعت للبعيد أي هاي قارورتي. أعرفها
من الف أبنيه...أعرفها حتى لو متنقبه..

يعني چنت مصدوم من ردت فعلها رح
تعند ماتلبس لوتجي تعاركتي وتروح
تالی آنصدمت بیها ان هي فرحانه وتلبسه

اي لابسه النقاب
معناها تحبني...
وتريد رضاي...
تريد قربي
تريد وصالي
تريد حبي
الفرحه وسعها بوسع الدنيا...
وكفت ورى العمود الحجري موجي راسي رفعت راسي للسماء
-يارب أن قلوب العاشقين تتخاطب
تتعانق فأجمعها مع بعض البعض يااخالق الحب اجمع قلبينا

درت الها أتنوعلها بلا ماأركز بيها
التفت شافتني من بعيد ختلت و رجعت ورى العمود..وايدي على گلبي...

- من قال إنك في كفّة و العالم في كفّة؟
‏ - أنتَ العالم كله انتِ الكفتين گلي
-وعلى حبنا الف ايـة فلق

نزعت منظرتي امسح طرف دمعة فرح بجفني رجعت لبستها....

طلعت بسرعه الفرحه هاي يحتاج الها صلاة وسجدة شكر رحت للجامع الخاص للجامعه وبطبيعة اني دوم على وضوء...
اي مكان اروح له...لازم متوضي

دخلت للجامع اخذت تربه وصليت ركعتين شكر لله..
خلصت سجدت ادعي...

-يارب ماطالبها من واحد...طلبتها منك..
احفظها الي ،وجعلها نصيبي وام اصلابي

كملت رن موبايلي جماعتي رادوني
عدنا موعد بلمستشفى

طلعت من الجامع جاي اركب سيارتي
وشفتها بوجهي جاي تطلع من جامعتها

ولسان حالي يگول...منقول

قل للمليحة فى الخمار الأسود
ماذا فعـلت بـناســك مـتعبـــد

قد كان شـمر للصلاة ثــيابــه
حتى وقفـت له بباب المسجـد

فسـلبت منه دينــه ويقـيـنــــه
وتركتـه فى حــيرة لايهتــدي

ردي عليه صلاتـه وصيــامــه...
لاتقـتـليـه بحـق دين محمــــد
.......................

#،يتبع