رواية عشق المومنين(أبناء الساده) الفصل السادس وثلاثون 36 - بقلم نازك الحمراني

/////السلام عليكم///

أنَّ الزَّواج الَّذي لا يَكون مبنيّاً
علىٰ إيمان الزَّوجة أو الزَّوج
فلا شكّ أنَّهُ زواجٌ فاشلٌ، عاجلًا أو آجلًا،
لأنَّ الشَّكل والأموال والشُّهرة بِلا ريبٍ
لن تمنَح الزَّوجين حياةُ مُستقرةً
وإنَّما التعامُل بالحُبّ والتفاهُم بينهُما
هو الَّذي سيجعلَل حَياتهما سَعيدة

سيد مهدي....
اجتمعو الدكاتره زملائي وياهم دكتورة سحر اجويي يباركون اليه فرحانين كالت دكتورة سحر
-هسه انصدك العلم لو الروحانيات

-شنو قصدك دكتوره

-يعني  من كلت رايح اخذها عند اهل البيت وهمه يطيبوهم ابصراحه الضحكه بقت داخلي حتى متزعل تالي انت طلعت الصح
جاوبتها

-دكتوره ترى اليقين هو الاصل انا يقين باأهل البيت هو الحقق طلبتي هواي  يرحون يزورون ويقيمون طقوس الزياره كامله لكن يقينهم بيه شك

-الله ينطيك على كد نيتك..مااعرف سيد مهدي دائما زوجتك من تجيني رغم اغلب نسائكم هنانه يلبسن عبائه
وبعض الاحيان انتقد طريقة التقييد بلبس لان الصار اليه
مو شويه خلاني اكرهه المتديين لان بسببهم وبسبب هتافاتهم الرنانه والدي اتوفى وانا صرت مسؤله عن أم مريضه واخوات اثنين يدرسن واخ اريده سند اليه
جاوبتها

-اعرف دكتوره سحر الي صار عليج فوك هواي وهواي لكن لا تتوقعين ابد فوك طاقتج لان رب العالمين ذاكر النه بسوره كريمه (("لايُكَلَّفُ الله نَفْسًا إلاّ وُسْعَهَا))
القصد من الايه هنا رب العالمين ما كلفج فوك طاقتج انتي كد الي يصير الج لان رب العالمين خالقج قويه يعني لاتستسلمين للظروف السيئه وتولولين على حالچ وتكولين مااكدر

-بس تعبت

-لاااااه ابد دگتوره التجيء الرب الكون بنيه قلبيه وراح تشوفين كلشي صعب وجاي تعاني هو مقدر عليچ والچ
فما حاجه تحملین نفسچ فوک الهم التفکیر الزاید والیأس والملل
‏وخليچ واثقه ثقه تامه  مهما تزعزعت أمورچ أومهما جری
‏إنو الله مقابیلها مدّچ بطاقة تخلیچ تجاوزین الصعب
كلمه اخيره لآ تكرهين  الأبتلاءات لأنهاماحيه للذنوب

ابتسمت الیه وگالت

-الله یهني عقيله بيك ويهنيك بيها ليش دائما احسك شي مميز جدا ونادر الوجود بلعافية على عقيلة هيج زوج وسند وحبيب

-ماكو شي مميز بيه بس هذا الحجي كايله الزملائي الاطباء انو أحنا سنهجرُ ونحلق يوماً ما الى السماء
فما كانت الأرضُ موطِناً و لن تكون.

-الله الله

كلمتها اشوي خجلتني اترخصت منهم

-عن اذنكم لان زوجتي ام سيد علي منتظرتني

واذا سألوك كيف تحبها؟
قل : خلط الله روحي بروحها.

ودعتها هی وبقیة الزملاء حتى  اروح للزياره لان هذا وعدي،وهذا عهدي الي قطعته اذا زوجتي طلعت سلامات.

طلعت ممر المستشفى استغفر ربي جائز كنت انا سبب حتى الدكتوره تنظرلي هيچ نظره قبل لا اوصل للكراج وكفت اطلع سبحتي استغفر ربي اذا اذنبت بهاي الحظه مااريد تاخذني العزه بلأثم

خاصه ونظرت الدكتوره مثل وحده مدهوشه رفعت راسي للسماء متذكرآ قول جدي
‏من علامات حب الله لك؛ أن يبعدك عن مواطن المحرمات ويبغظها في نفسك،
في حديث عن جدي رسول الله " فإذا أحببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي عليها"
فإذا صرفت بصرك عن محرم وأنت قادر على النظر إليه؛ فهذا علامة من علامات حب الله لك.

بست السبحه شاكر ربي على نعمة التوفيق والسداد
ركبت سيارتي متوجه الى انين العبرات

وتظُن أنك ذهبت إليه بإرادتك
لكنك لا تدري أن هو الذي إصطفاك لِلقائه..

قبل لا اوصل للحضره خابرت سيد مجتبى تلث مرات ماشال الخط بيدي النقال فعلا قلقت عليه  لان اعرفه ،مايتاخر على جوابي دزيتله مسج
(خابرني ضروري))
عفت الموبايل بسياره ونزلت الحضرت امامي، ودموعي صبن بلا اراده ،هاي انا مولاي رغم قصوري ،رغم ذنوبي،قبلتوني،انا وعيوبي ومرض زوجتي
.
كل خطوه امشيها صوب الامام الحسين عليه السلام جسمي يرجف من الخشوع،حتى نسيت الم رجليه رغن بروده المرمر،الي يوصل الحضرتين خطواتي صارت بطيئه للمقام الى ان وصلت للشباك ب چیت بحرقه
كملت رحت المقام ابا الفضل العباس عليه السلام وصلت لشباك ومثل مافرغت كل العلاج داخل الشباك طلعت محفظتي،وفرغت كل الفلوس الي بيها ومن ضمنها راتبي مستلمه ماصارف منه ولا ربع بعدها رجعت زرت الامام الحسين عليه السلام
وتشكرت منه،ومن حنيته،وحنانه صليت ركعتين الزياره
تمشيت داخل الصحن الحسيني شربت من مايه صار جدامي باب النذورات دخلت سلمت على صديقي زميل درس القران وكف اليه ماد ايده  يسلم كتله

-السلام عليكم

رد بابتسامه

-وووووعليكم  السلام ورحمة الله وبركاته وينك سيد اشو صاااار هوووواي ماجاينه لااااا تجينا

-اي والله حقكم بعد الزواج ومتطلباته والوقت المهم دائما للعائله

-احسنتم مولاي فعلا كلامك

سألته

-زين شنو اخبار سيد ابو زهراء

-منو ابو زهراء منهم

-سيد حامد

-اي وانت هسه خليتني بحيره اكثر مو انت تعرف زملائنا اغلبهم من عوائل حوزويه ويختارون الاسماء الاجملها كما قال الحبيب (خير الاسماء ماعبد وحمد)

- قصدي زميلنا بحفظ القران حامد الي شكله ناعم الضعيف والده سيد استشهد ٢٠١٥

-هاااا الي ترك درس علوم الرجال

- اي هوووو

-وين الكاه

-انتقل البيت والده تلكاه داخل درابين كربلاء الضيقه

-نفسه بيتهم القديم

-اي لعد منين يجيب ورواتب قليله اضافه ميقبل مساعدات من اي شخص رافض

-انشاء الله ابقى على تواصل وياك اروح اله

-سلم عليه هواي

-وعليكم السلام

-ا اخذت من باب النذورات علك وتربه
وطلعت بدعوات ان ارجع الى باب الله انا وزوجتي طلعت على اصوات الناس التبتهل وصوت بياع الملابس والعبي
رجلي اخذتني الدرابين كربلاء،ريحة الرطوبه والبخور تطلع من كل دربونه ادخل بيهأ

وحتى اصوات التلفزيون واضحه الى أن وصلت الباب خشبي ازرك ناصي والحيطان قديمه

مديت ايدي ادك الباب
ثواني وانفتح طلع سيد حامد اول ماشافني استبشر سلمت

-السلام عليكم
رد
-وعليكم السلام ادخل سيد مهدي طبعا لو ماجاي عليه اليوم چنت مقرر اجي الك للدوام

-يارب يكون خير

-باذن الله خير تفضل تفضل

دخلت مسلك اظلم الارضيه صبابه صار على ايدي اليمنى صاله زغيره ارضيتها ناصيه دخلني الها داير ميدورها جودليات كعدت على وحده منهن
اتناوع للقران الي مفتوح، والسجاده المفروشه والشباك الزغير تستره برده شفافه
اتاخر سيد حامد دقائق، رجع وبيده صينية وعليها ستكانين شاي قدم اليه واحد وكالي

-اي اشلونك اخبارك ابنك شلونه الدوام،شلونه وياك وين وصلت بحفظ القرأن الكريم

-الحمد الله الكل بخير وصلت بحفظ القران الى جزء ٢٠
ويارب اتوفق والحق زوجتي

-يارب امين

-وانت وين وصلت
-الجزء الثلاثون،مابقى اله القليل واحفظه على ظهر القلب حفظآ احكامآ وترتيلآ

-كيف بديت الحفظ او اي نظام تبعت

-تبعت نظامي الخاص بيه خاصه من سمعت بفضل
من يحفظ القران الكريم ان من يحفظه سوف يلبس الملائكة والديه تاجاً يوم القيامة مصنوع من اللؤلؤ وينادي الله تعالى حفظه القرآن يوم القيامة على الملأ
وانا اريد امي وابوي كد ماتعبو عليه اجازيهم واكون بار بيهم حتى بعد وفاتهم ويصيرون من أصحاب التيجان

-خوش ماتسوي والله

-الحمد الله بفضل الله وبحمده جاي أتوفق للحفظ أما بلنسبه أشلون وكيف حفظت القران ماكو  شي صعب يعني مثل ماتعرف كل سبت چنت اقرا سورة البقره وكل ثلاثاء سورة ال عمران لذالك اول مابلشت بحفظهن صار  سهل عليه فحفظتهن عل قلبي اما بقيت الاجزاء
انام بثمانية بليل حتى أكعد الصلاة أليل بكل نشاط ورى صلاة الليل ابلش  احفظ ورقه وجهه وگفا،وكلما التهي ارتب شغله بلبيت اسمع قران صوتي الى أن كملت
-ماشاء الله عليك الله يوفقك شنو وبيمن ردتني

-هااا ذكرت شفت روئيا بسم الله كلش حلوه انو انا وانت
نمشي بطريق المشايه، مثل قبل من چنه نروح انا ویاك واخوتنا الحوزويه وكفنه يم رجال وسط العمر او هيچ یطلع نهایة الثلاثين صاح عليه وانته اجيت ورايه نطاني
كلاص ماي بس شنو ألكلاص كرستالي شفاف يلمع والماي طعمه غير
چن درت علیك لكيتك صافن على الرجال گتلك شنو تعرفه گتلي أي هذا سيد جعفر والدي ألله يرحمه گتلك
شسالفه يجوز يشبهه وثانيآ انت ماشايفه على الصور حكمت هو والدك چن مد ایده الك وگالك ،،أشرب أبني اشرب الله يوفقك قربت قربت ألتفت اله سئلته شنو يقصد بكلمة(قربت)اختفى لان اجت موجة شباب مشايه
وانت وجهك مبتسم وگتلي((مازال ابويه سيد جعفر گال
قربت معناها الخير جاي))كملنه مشيتنه بطريق المشايه
واحنا نسولف بطعم الماي الي شربته انت وانا فزيت

-وشنو تفسير الحلم برئيك
-والله ياسيد مهدي ماعندي أي امنيه بحياتي بس أنو قبل مااموت أحفظ القران حفظ كامل هو واحكامه ومعانيه ،وحاليا تحقق لبالي أما انت شاب متزوج فأكيد أمنياتك تختلف
جاوبته
-هو امنيتي الله يحفظ اليه عائلتي ومايراويني بيهم سوء،أو فراق ويوفقني اعوض زوجتي دموع اليتم وقهر السنين ومااخليها تذرف دمعه طوال ماراسي يشم الهوى

-يارب يتحقق الي بالك

-أمين

-زين انت ياسيد حامد امنيتك جانت تزوج وترزق بنات اول وحده تسميها زهراء،وثانيه بتول 'وثالثه حوراء ورابعه أم زينب كل اسماء بناتك تيمنن بسيده المظلومه بي

-كانت امنيه وراحت من زمان

-وهسه ليش متريد تشتغل راتب الحوزه قليل مايكفي

-يكفيني والحمد الله قابل ورايه زوجه تريد لو أبن يبچي هاي هيه اليوم طماطه گلي،باچر دجاجه شوي تالي تخلص ماماخذين منها غير الزهد والطاعه

-الله يوفقك وبراحتك بعد مولاي اترخص ابو زهراء

-الله وياك ابو علي،لا تنسى الحلم مو تحچي الا
ي شخص لان رؤيا صالحه واذا ضطريت فقط الزوجتك

-بأذن الله

ودعته اروح البيتنا والحلم من وصفاه كأنما عشته كزبر جسمي ومااعرف اكتم هيچ خبر اسولفه العقیله..وصلت للبیت سلمت علی جدي يمه عمي ابو عامر وابو امير
اول ماشافني ابو عامر كالي

-هاااا سيد مهدي چنگ تعرف بسالفة الگاع ومغلس
كعدت على تخم يم جدي
جاوبت عمي

-يااااگاع تقصد

رد عمي ابو امير

-حقك أذا كلشي بيدك ويمك منين تعرف ياگاع منهن
تنهدت استغفر

-استغفر الله ربي يعني مجاي افهم والله گاع المعمل ولااااا شنو
رد عمي ابو عامر

-لاااااه كاع حصصناابويه مسجلها باسمك

-قصدك الي صايره بلفرع المقابيل فرعنا
تمنيت يكولون اليه لاااا لان هاي كاعي ومسجله ا بيع وشرى
رأسن جاوب عمي

-أي أي هيه شسالفه ليش الك
كمت متعصب

-عمييي رحمه الأهلك اله هاااي الكاع،هاااااي تعبي وكدي
والكل يعرف بيش وشلون اشتريتها هااااي الكاأااع ألمن
ترى اليه ومالتي محد اله حق يمشي عليها مو دور يحچي بيهااااا اقسم ياعمي اقسم باالله لهناااااا واصل حدي وياااااكم
كام عمي معصب يصيح

-اي وشمدرينه احنا تحجي الصدك يجووز فلوس ابونا وهووو ساكت لان ابن العزيز
صاح جدي بعصبيه وهو يروح للقران الي معلك بحافظه
على الحايط لزمه بيده وكال الهم .

-شوووفي ياولدي اثنينكم جااين على هذااا اليتيم وعلموده رااااح اول مره احلف بلقران وحق هذاا القران
الكاع كاع وليدي سيد مهدي مووووووووش اليه ولااااا بفلوووسي والله شبیییگم ویه الیتیم اشبییگم

هناااا عمامي ضاجووو من جدي حلف بلقران وتفشلو
راسن سسوو روحهم مشغولين وكلم كام وتسحب من يمنه بسرعه

رحت الجدي لزمت ايده ابوسها اخذت القران من ايده
رجعته للحافظه وگتله
لییییش لیییش جدي تحلف

-تعبت يابعد جدك تعبت منهم .

-صحتك جدي اهم واهم

-يوليدي شسوي تعبوني

-الله يحفظك يله كوم نتغدى اشتم ريحة برياني
سندت ايده امشي المكان الطاوله وعيوني،ادور عقيله
كعدت جدي جاي اروح للغرفه مشيت خطوه كالي جدي

-هاااا يلمستخف عفتني

-هسه بسرعه واجي

رحت ادورها لكيتها تريد تدخل للغرفه دفعتها وسديت الباب

وحضنته ياقارورتي ياااحبيبة عمري ابشرج مو بشاره عاديه حتى صديقي متحلم بيها

-شنو البشاره ان شاء الله خير وجهك يبشر بخير قبل متحجي

-تحاليل نظيفه ومابيج لااا العافية عندج كيس يروح بلعلاج

وهاا واذا حملتي بعد احسن ينزل ويه طفل خل نشد حيلنا
شتكولين ياروحي

-الحمد لله والشكر قلبي طمأن وبرد  من رحت وانتخيتهم

-الحمد الله مايقصرون اهل البيت هسة منا وهيج نستعد للنووو شتكولين

-لاا سيد بعد مو هسة سيد علي بعده صغير

-خليت راسي على راسها وصعدت ايديه وحضنت ركبتي
ها يعمري شتكولين نعوف الغدة
ونسوي نونو سيد علي يراد يونسه ويلعب وياه

-لاا سيد جدك منتظرنه والعلوية منتظرتنة بعدين نتفق على هذا موضوع وانت هسة جوعان وراك علاج

بستها بكصته أخذت نفس قوي

-ااكدر على افراكج امنى
مااعوفج ولا لحضه يالة تدللين روح نتغدة وبعدة نتفق  راح اطلع قبلج والحكيني

-تدلل سيد جاية وراك بس اعدل حجابي وغسل وجهي

طلعت لجدي لكيته كاعد ويسبح  رفع راسه وحجى هاا يلمستخف
عفتني ورحت لمريتك والك طيهة فكة

ضحكت من كل خاطري هااجدي غير مريتي وام بني وحبيبتي
وروح شوفه واطمن عليه وهل اجيتك يالة كوم جدي نتغدى
انته عايف علويتك وخال بالك يمي

-مو مريتك مريضة وانت مستخف تخش للغرفة متطلع لااا بساعات وخافن عليها منك

-جدي لاتركز وياي تتعب هاي حبيبة عمري

كعدنه داير ميدور الطاوله نتغدى امي وعقيلة وعمتي زينه
اله منتهى ماكوو
كالت امي الزنان

-روحي صيحي منتهى ليش ماتجي تغدة

صاح جدي بصوت حدي عوفيه
لاتصحيه لن سوي غلط مايكدر
يواري وجه

لا تجعلُ الحُب همكم اذا لم يكُن
بينكم احتراماً وموده،
فأساس الزواج هو التفاهم ومبدأ
الوصال لجيلاً مهدوي
........

وقلباً يَجمُعنا الىٰ نهاية المطاف
علىٰ حب مولانا الروؤف
ليكون جامع العشق
ذرية رضوية، مهدوية

غفران....
انقهرت كلش من سمعت المؤسسه راح تنسد للابد لان الراتب فايدني والسبب تنسد لان بناية المؤسسه يراد الها ترميم لان رجعت الاصحابها ،ولازم تنتقل المقرها الاصلي

ومقرها الاصلي بعيد كلش عليه الخبر قهرني بحيث من دخلت للمؤسسه لكيت العمال يشيلون باثاث الغرف الرئيسيه

رحت على غرفتي امشي بسرعه اعبر العمال لكيت ام دنيا كاعده ومريم ماكو سئلتها

-خاله ام دنيا صدك الي اشوفه

-اي يخاله صدك بعد هي الگاع چانت مؤجره واصحابها رادوها

-شوو ماضايحه

-اضوج يمعوده الرزق على الله
كعدت على الكرسي مالتي والجنطه خليتها على الميز

-ونعم باالله بس  صار هنا سنتين

-بعد اشبدينا

-زين مريم وين

-مريم عااااادي ممحتاجه الشغل

-ليششش

-هاااااي شنوو ليش معقوله ما أتعرفين مريم او اهلها من العوائل الاصيله الهنا

-لااااا والله بس مره وحده راوتني مريم صورة بيتهم
شفت بيت عاااادي كلششش

-بلعكس بيتهم من ارقى البيوت  ألبيت العايشين بيه يحچي قصص يابو قصص بيتهم مو شغله عاديه من بيتهم انطلقت الخطط الصارت ضد النكليز وثورة العشرين
بيتهم مثل مايسمونه أهل كربلا بيت الساده،الموسويين
هذا النسل الشريف الطاهر الي صلت قرابتهم توصلهم انو همه أحفاد النبي محمد صل الله عليه واله
مكانتهم بداربين كربلاء او الاحياء الشعبيه

رب العالمين منطيهم من فضله وماله بحيث بسنين الجوع الطحين يتوزع على العوائل الفقيره بلخفاء او بليل جدهم اشرف الاغر يعطي بدون ان يحسب حتى من مات موته

چانت مو عادیه
مات وهو ساجد باحد لیال القدر الکرام،وشیع تشیع مهیب واغلب الي شيعو العوائل المتعففه كد ماچان ینطیهم
رغم ابن اشرف الأغر ماطلع على والده

  لكن لابد ان الفرع يرجع للاصل حفيده  سلمان الأغر نسخه من جده  بكل تفاصيله ،واخلاقه،وأيمانه الفرق سلمان الأغر
عصبي وارثه الاعصاب من والده وهو جدآ متعلق بوالده
لذالك كلام والده يمشي،عليه مثل الابره والخيط فاذا مريم حچت ویاچ تری همه طبیعتهم هیچ یختلطون یخالطون الناس بدون لقب ومایدورون لاحسب ولانسب

ولا مال عکس الاغنياءمتكبرين

-قصد‌چ مامحتاجین الشغل

-اي ممحتاجين

لملمت شغلاتي جاي اطلع اجت مريم وجهه يضحك كالت

-السلام عليكم

-وعليكم السلام

-همزين لكيتچن اخويه سلمان شركتها محتاجه موضفات ثقه ورشحتچن اثنینچن
وگفت فرحانه انا وام دنیا الي باوعت اليه وگالت
-موگتلچ الرزق علی الله وهسه  اترخص اسلم
معاملات متاخره عندي

كعدت مستبشره واجت يمي مريم سحبت كرسي وطكت رجليه كالت

-هاااا راح نشبع تكركر انا وياچ لان انا ویاچ غرفه وحد
-هااا صدك

-اي والله

-خوش بين ماتجي ام دنيا كملي قصة حبچ

-اووف اي والله بس خليني اشغل الغلايه اسوي كهوه
جريتها من ايدها

-لااااتجي ام دنيا كملي

-وين وصلت من ورى حيرتي بسالفتي كمت انسئ

-من وصلتي ولكتي بيتكم

-اي عيني لكيته بيتنا واوخوي يشغل التلفزيون وهو باوع عليه وجهه تحول من الضحك
الواحد متفاجيء راسن دنج وانا صاح عليه سلمان يله دخلي بسرعه
دخلت ركض من الخوف وبقيت قلقه هسه يفتن عليه ويكلهم هيچ تحچي عليكم

وابويه يزوجني ويبطلني
بقيت بلحمام اغسل وجهي وافكر طلعت بسرعه ابدل
بقيت بلغرفه متمغصه من الخوف وتعبانه كوه نمت للعصر كعدتني امي غسلت وياها ملابس وشريتهن والخطار رايحين

رجعت كملت دروسي، كويت صدريتي،الصبح جهزت نفسي لدوام طلعت بلا ريوك حتى سلمان اخويه سئلني شعجب مااكلت لا عشا لا ريوك كتله مااشتهي طلعت والطريق فكره تاخذني فكره تجيبني

واشوف واحد واكف يم الشارع ليودي للمجسرات نفسه ابو طويله مشيت اله بسرعه وجهه يضحك راسن صرت جدامه وبخوف كتله

-عليك العباس لااا تكول الابويه انا احچي عليك والعباس يبطلني،ومايخليني أكمل دراسه وثانيا انت كلت انا عابر سبيل مااتشوفيني بعد طلعت عابر بيوت
بسرعه چیتت علی بیتنا لیشش حرام علیک
ضحك وعدل وكفته كال

-والله مااكول الابوچ ولاااا احچي الاي احد ومنا وجاي بعد ماتشوفيني ابد ولا راح اجي البيتكم حتى تكونين مطمئنه

-كول والله

-اليحلف يدخل النار

-واليفتن

-هم يدخل النار

-اي حباب لاتجي بعد وعدتني

-وعد مااجي رغم اخوچ عزمني على اللعبه

-ابد أللعبه عدنا محلوه كلش لان انت طويل وتلفزيونه ناصي

-اي هم كلت يله اترخص
راح من يمي وبقت افكار تاخذني اله كل يوم كل شهر مانسيته ابد اذكر موقفنه

واضحك عليه الى أن ورى سنتين بين مانجهز الزواج أخويه ومخبوصين گالت امي روحي فتحي الباب جابو صناديك الببسي

طلعت للطارمه فتحت الباب وصرت وراه جاي اسده وشوف واحد دخل،وبيده الصناديك،ببسي، وتعبان نزل الصندوك بين مارفع راسه صارت عينه بعيني نفسه

كتله
-رعد

كال
-مريم
بهل لحظه رن نقالها تناوعت للشاشه كامت

كالت
-اترخص اخويه اجى وجهزي نفسچ باچر اداومین عدنا
كمت وياها كتله بتسائل

-عرس اخوچ قصدچ سید سلمان
-اي هو رعد جاب صناديك الببسي بعرس اخويه سيد سلمان
يالة خل اروح لن اليوم اخوي كلش مزاجه متعكر من كوة يحجي وهذا اخوي هم سالفته سالفة وتوجع الكلب

-يعني شفتي رعد بيوم عرس سلمان

-اي بيوم عرس سيد سلمان

#يتبع
شكرا جدا للمبدعه ganah01298631على الغلاف