رواية عشق المومنين(أبناء الساده) الفصل السابع وثلاثون 37 - بقلم نازك الحمراني

السلام عليكم

‏ ⁩‏اللهم في هذا الصباح نسألك صدق التوكل عليك وحُسن الإعتماد عليك وقوة اليقين بك
‏اللهم سخر جوارحنا لطاعتك واملأ قلوبنا بحبك يارب العالمين
...

عقيله//

اللّهُمَّ اجْعَلْ لِي قَدَمَ صِدْقٍ فِي أَوْلِيائِكَ وَحَبِّبْ إلي مَشاهِدَهُمْ وَمُسْتَقَرَّهُمْ حَتّى تُلْحِقَنِي بِهِم

الاستاذه گاعده والبنات يمي صاحو باسمي ارتبگت كانما اول مره راح اصعد الستيج بقيت

اردد((" اللهم إن توكلت عليك و سلمت أمري إليك، لا ملجأ و لا منجى منك إلا إليك، اللهم لا سهل إلا ما جعلته سهلاً و أنت تجعل الحزن إذا شئت سهلاً، اللهم اجعل الصعب لي سهلاً اللهم ذكرني منه ما نسيت اللهم اشرح لي صدري ويسر لي أمري و احلل عقدةً من لساني يفقهوا قولي "

رددت فوك الخمسين مره الى أن كالت الاستاذه بعد كلام منمق عن حفظ القران

كمت تمشيت لعنده سيتج صعدته وصلت للمكان الاكعد عليه قربو اليه السماعه بديت اقراء...

الى ختمت سورة الفاتحه الاساتذه صارو يسالوني باسم الايه او راس سطر السوره واجاوبهم اكمل

گالت الاستاذه
‏هنيئًا للمُنشغلين بالقرآن
‏الناس في شانٍ وهم في شان

بدو يسالون ايه وارجع أگملها یسألوني عن اول سطر من ايه ولازم أگمل بقیة الايه گلها
.ونوب صارت اسئله عشوائیه گل ایه ونهایتها
الحد متاكدو حفظي تمام واحگامي مضبوطه...

وگفت متلبگه رغم فرحتي بانجازي باحفظ القران الکریم حفظ گامل بلا نقص

بس عيوني بقت ادور سيد مهدي شفته اجى عليه گعد يم امي يباوعلي  بگل اعتزاز وهیبه فخر مايدري انا افتخر بيه

وعرفت قصد سید مهدي من گال
الإنسَان يتشَبه بِمعشوقِه
فإن كَان معشوقك الله وَ أولِياءَه كُنت هَادئًا ، قَويًا ، مُبتهجًا ، بصيرًا ، أما إذا كَانت معشوقَتك الدُنيا ، فتكون في حَالة من الاضطراب،وَ الضُعف،و الهَم، و انعدامِ البَصيرة..

نزلت من الستيج بعد ان گرموني بدرع
الذهبي للحفظ القران الگریم،

صارت خطواتي قريب اله كف اليه يحترم وگفتي ومن  ورى النقاب ابتسم اله گلي

-مبروك قارورتي وحلیلتي وسيدة قلبي يااحلى ابتسامه شافتها عيني

جاوبته بهمس

-وووين شفتني اضحك البوشي طبقتين

-قابل اشوفچ بعیوني مو تعرفين اشوفچ بگلبي انتي فخري،وستري،او ام بيتي تستاهلين هذا التكريم الراقي
"اللهم لك الحمد كما ينبغي لجلال وجهك وعظيم سلطانك
همست

-احبك

-وانا اعشقك

اوتعلمين كم أحُبكِ يا زرقاء العينين ..
ياعميقة العينين
أحبك حد ألتطـرفٌ
حد ألتصوفٌ
حد ألعباده
حُبكِ مثل المـوت مثل رجوع الروح للجسد
بل مثل الولاده

كلامه للان يسوي عندي رعشه

لزم ايدي حتى نرجع للبيت كالت امي ومنتظر

--ماكدر اجي وياكم تعبانه
رد سيد مهدي..

-مو لازم تجون

-لاااااا خاله هم يله ارجع للبيت
باوست ماما وسلمت على اخويه ورجعنه انا وسيد مهدي و سيد علي...وصلنا للبيت سلمت على جده وسيد علي عافني ركض على عمه زينه..متعلم عليهم
كلت الها

-علويه بس اسبح من التعب واخذه منج
ردت
-لاااا هو تعبان ينام يمي
رحنا الغرفتنا اول مادخلت ورغم الوقت قريب للمغرب لكيت الغرفه متزينة ورد وشموع ونفاخ وكيكه باوعت اله بحب

-سيد مهدي شلون بمفاجاتك ماتخلص جاي اتعبك

-مااكو تعب انتي راحتي والحد مايخلص اخر يوم بعمري

-اسم الله على عمرك

-حبي اريد اعوضج عن كل تعب عن كل دمعه وكعت بسبي عن لحظة خداعي الج بليلة العرس

لأني اردد اللهم اصلحني قبل الوفاة وأحسن خاتمتي، وتوفني وأنت راضٍ عني، وسخِّر لي من يدعو لي بعد وفاتي."

-وانا احب كلشي جمعني بيك من أول يوم شفتك بيه وإلى الآن وحتى موضع الحادث الي صار الك والله ياسيد مهدي الموضوع ناسيته اصلا
دلالك
وحبك،
وحنانك مخليني حاسده نفسي عليك وعلى صدقك وعلى حبك
وعلى حسن تبعلك اليه

-ماكدر عقيله لازم على كد مااكدر اعوضج..

-اكثررر من هذا العوض

-اي أواكثر ان أحبج گأنج ولدتي مـن قلبي يعني اي شي اسوي الج هو لازم اسوي الج

‏ياقارورتي أحببتك حبـا لم يعـرفـهَ الا من خلق عيـنـاك الزرقاء

-طبع حبكَ على الجبين،وكأنكَ استجابةُ الله لي،
بعد سجودِي الطويل ..!

ياسيد مهدي ناتعرف أكول نوبات النعمه عمرها كصير والفرحه وقتها قليل والضحكه تنتهي بشهكه واخاف انت واحد من عدهن
لان من صدك أخاف هيج عليك

-اذا تخامين عليه لازم انتي اداريني ودلليني وتعتنين بيه وتريحيني،ركزي على كلمة أريحك

لزمت خده وامشي ايدي على لحيته

-منووو كايل بيك قصور انت كامل والكامل الخالق بس اريد منك طلب

-امري

-ديربالك على نفسك وتعتني بصحتك ،وابد ابد ابد ابد لا تأنب نفسك،على شي،صار وراح انت ماخدعتني

-لااااا خدعتچ سواه بقصد او غير قصد من خبيت عليچ

-اهووو یاسید والله انه ناااااسیه

-وانه اذكرررر عسى بتذكري اغفر النفسي،اغفر انانيتي

وفوك كول الي بدر مني ومن اهلي مارست عليچ غرور
رجل هملتچ حتی تحسین بقیمتي تالي انا حسيت بقيمتچ وبقیت ادورچ

-تدري سيد اشكد فرحت من فتحت گلبك وحچیت گولشی یدور بالك

-هووو مااعرف ليش قررت احچي يجوز سحر عيونچ
خلینه مكتفين بلقليل،لأن الباقي هو حب وذا طلعت حچي الحب كله ماتتحملين وتعال ياسيد مهدي شيل

-اممممم هوووو انا فد مره اشتكيت منك گول الي عندك كووووله وخليني اتحمله

غمز اليه بعيونه وكال

-اهاااا هاي منو عقيله هيج صايره كولي هذا السبوع متاكده چنتي تقرين قرأن وتخفظس لوووووشووو چنچ تقرین گیف ترضين زوجگ

-ههههه لااااا سید موو استحي انت هسه انت دكول اريد ادلعيني

-اي والله على طاري الدلع دلعيني دلعي اسمي

-مااكدر وانتم كله بلبيت يصيحون الك سيد مولاي وبعد
اخذ أللساني منهم يصحولك كله سيد

-مازال مادلعيني تعالي الحضني لزم وجهي بين تديه

وگانه يقول لها قتربي ! دعنيني اتنفسكٖ قليلاً
‏أود تقبيلكِ كما لو أنني أتذوقُ روحك.

رجعنا خطوات رأسن عثرت ميز المرايه..وكعت المزهريه ونكسرت..
الحظه ماهتمينه للمزهريه بس دكت باب غرفته حيل فززنه ركض سيد مهدي وانا تبعته لان صريخ عمه زينه خوفنه

فتح الباب سيد مهدي وانا صرخت شفت ابني سيد علي بيدها وعيونه مفتوحه

و ليشهد الله أنِّي رضيت، و لكنِّي مِن ضَعفي بَكيت.
....
........

غفران

عبــاءة ألرأس هي ليست للكبيرات!

-صدقتــي،يااختاه
فهي للكبيرات عقــلاً وأدباً وفهــماً وحشمــةً ولا تنــتقدها الاّ صغــيرة العقــل...

ورة يومين خابرتني ام دنيا على شركة جديدة ومكانها وكون اروح من وكت بثمانيه صبح وهية بعيدة
لازم اكعد من سبعة شيكعدني واني صافنه على مرايه وامشط بشعري واباوع لشعري الي شكم شيبه متوزعات ومبينات بلفرك شنو اني هيج كبرت والعمر تعدى والشيب مشى بشعري

اي كبرت وانا دأئما واكول مازوج أزغيره وهي
تكولي زوجي يمه العمر يمشي لحكيلج على طفل
يمكن شايفه شيباتي ليش كلهة مهتمين لمجتبى انو اوافق عليه

ويجوز صدك قسمتي ويه مجتبى زينه اني مااجاي أشوفه نتوالم هوة اطباعة تختلف عني
وحلو زايدة عن لزوم
اني وين وهوة وين لو اوكف بصفه استحي
من حلاته
اشكر وعيون ملونه و وجه ابيض على وردي مدري احمر ودايمااا انيق ومرتب

رجعت باوعت على مراية
واني همين حلوه و عيوني كبار وشامة بلخد وشفايفي حلوة بس خشمي ابد مالايق بس هم حلو

لااااااااا عيني مو مسألت حلاة ماتوالم طباعة وجماله
المستفز وعقيلة خابصتني طيب وحباب ومودب بس هوة يحب يضحك بس اني شوفه عدها استخفاف

لفيت شعري وخل اروح انام وقتت مبايلي لازم اضبط لاتروح مني وظيفة وصحت على امي

- يماااااااااااه اذا ماكعدت بسبعة تعاي كعدني ردت
عليه

- بس كون تكعدين وماااااااااااااااااا تعبييييييني

-ان شااااااء الله اكعد لازم ضبط الوقت ومتأخر

توضيت ونمت ادعي ربي يوفقني,الفجرر كعدت على صوت المنبه وهم فزيت على صوت امي والمنبه

رحت غسلت وجهي، بدلت وطلعت واني واكفه اخذت كلاص الجاي شربت شوية منه...جاي

طلعت صاحت امي

-تعاااااي ولج أتريكي

-ماااااااااالحك طريق بعيد نصه بسياره اخلصه مااااااا ألحك ماما

طلعت وامشي لاغفه عبايتي

أختاه العباءة ليست ذوقكِ أو #أمزاجكِ
بل هي شريعة منزلة من رب السماء
كالصلاة هي و بقية العبادات
ترى هل خَضعت صلاتك يوما لذوقك

وافكر مريم اليوم اشوفه هل مرة اريده تخلصلي سالفة شيسكت فضولي واني هل يومين بالي يمهة وراح شسوي بخطبته وبعد جم يوم

وصلت يم الشارع ركبت كيه وصلتني للمكان الي بلورقه وصلت للعنوان مشيت مسافه خمس دقايق وصلت لشركة او هي بيت جبير تقريب ومسويه شركه

دخلت امشي مااعرف وين اروح أتصلت على فتحت خط
-السلام عليكم

-وعليكم السلام

-خاله ام دنيا تعاليلي يم استعلامات متيهة وين اروح ردت عليه

- جايتج

اجت فرق غرفتين وتمشي ومتبسمه

- موووووووووووكتلج غرفة ثانيه

-تيهت والله

مشينه وسالته على مريم كالت اجت قبل شوية ودخلت يم اخوهة واشرت على غرفة الاولى وصلت غرفتنه وبيهة تلث ميوزة وشباك البرده مفتوحه الكاع سسراميك مطشر بخضار كالت

- ام دنيا اني وياج ومريم بس اني مو دايما اجي مرات اروح مكتب المحاسبه ندك الباب ودخلت مريم عيونها حمر وجوهن سواد وحلكها يابس وجه صفرر كمت الهة وسلمت

ام دنيا كالت

-يله خاله اترخص أستاذنت من عدنه اروح للمحاسبة وهاي يمج مريم وطلعت

كمت سديت الباب واجيت كعدت كبالها

-هاااااااااااااااشبيج هيح متغيرة وكاضيه صايرة بس أعضام اخاف جنتي سمينه هسة كشيتي تبسمت وكالت

-من يااااااااااااااقهر اتلكااااااااه من قررريب لو البعيد تعبت يأأختي مااكدر اتحمل فوك طاقتي

رديت عليها

//قل لن يصيبنا الاماكتب الله//طيته كلاص مي هااج شربي وسولفلي شصارلج وهيج متغيرة

-شسولفلج ابويه مكيف ومنتظر خطبه حاجت امي عود تكلهة على رفض

-كتلهة بفضول

-اوكفي اوكفي لاتخبطين عليهه السالفة ورجعي كملي رعد من جاب صناديك البسي شنو صار

ضحكت وعيونها غوركن

-اااااااه ين ذكرتني بهاي لحضة والفرحه

-اذكري وخن اكتل فضولي احب اسمع قصص اليحبون

-اي وين وصلنا للببسي شوفي هو مو اجى البيتنا و نزل الصندوك عيوني صدت بعيونه..متفأجا بي

وانا همينه صفنت بيه صفنه قويه وحفضت حتى شكلة متغير شوية مكورع راسه وشوي ضعفان من الجيش ماعرف ليش التفت ورايه رغم محد موجود

بس انا عيوني دمعت حاولت ماتنزل دمعتي ماعرف لي احساسي عرفته انا منتظره اشوفه ومنتظرته صار سنتين اي اعرف مشاعري جانت مو ناضجه من جان عمري١٣سنه بس هسه تاكدت من مشاعري
سنتين وانا كل يوم اندعي ربي اشوفه

بصراحه جنت ماعرف شنو حب ولا اعرف معناه جنت ،بس اريد اشوفه واداهره واضحك ويا

ومن صار عمري ١٥سنه عرفت اريد اشوفه وحسيت بشتياق كلش قوي لان هو دخل گلبي بذيچ الحظه وسد باب گلبي عليه

يمكن ضحكين عليه عمري خمسطعش وهيج افكر بس ماادري ليش بقيت متعلقة بيه وادعي اشوفه

-اي كملي وهوة شلون من شافج

-وج انتبه عليهه انا اريد اجي عليه طلع من الباب بسرعه بس ضل واكف مثل الي يفكر شنو يگول بلا مایلتفت اليه گال

-عمو دخلي جوه مايصير اطلعين الاي شخص لان ميصير

-ليش

-شنووووو لييييييش مايصير اطلعين بطارمه بلا ستر مايصيرررر

مسحت دمعتي ضايجه من اسلوبة المتعصب وكلامه بحديه واحسه حتى سنونه يطك سن بسن بس ارتاحيت من سمعت صوته جاوبته

-ترى انا لابسه شال وفستان طويل

التفت بعصبيه وعيونه حمر كانما كاتم دمعه

كال بغضب يقترب مني بيني وبينه اثنين كاشيات

-مااااااااااااا جاااااي تشوفين نفسچ شلوووون گبرانه وجسمچ بارز

بتوتر وفرحه كتله
-اصلا حتى اعضاء داخليه ماعندي اذكر واحد گلي هيچ
قرب سبابته علی للشفته وگال

-اشششششش لا تحچین زاید انتي اخت صديقي وانا لازم وغصب عنچ ابقی اگلچ عموووو يالة دخلي جوة دخليييييي لااااا ادخلج غصب عنج

-ليشششش عصبي

-استغفر الله

-عفيه شوكت اشوفك

رجع دار وجه وباوعلي بنضرة وحسرة
‏"نحن بحاجة لأشباهنا ليس بالملامح، بل أشباهنا بالطيبة والوضوح، بطريقة التفكير والتعامل."

بقى ثواني واكف وطلع من البیت

بقیت واگفه وصوت الباب من سداه کانما فتح گلبي من جديد وتجدد للقائنا العفوي احبه رددت بيني وبين نفسي اي انا احبه واموووووت عليه ياااااربي احبببه

وحين اراك يتحقق بقلبي حلم جميلحيث أحلم أني أعـيش بعالمك يا عالـمي الـثاني

رجعت للبيت تلكتني امي گالت

-هاااا یمه شنو تسودنتي اضحكين وحدچ

-لااااا ماما هیچ الولد الدخل صنادیك الببسي عثر بصوندت الماي وضحكت
.
.-يله دخلي دخلي يمه ونزعي هذا النفنوف امبين اضلوعچ لبسي شي يبنچ تارسه شویه ادري وين تودين الاكل اليخطبچ شیلزمن عظم

ابتسمت وبالي يم رعد الي ماشاف عيوبي شاف بس جسمي شلون ناضج غمضت اعيوني متنهده ربي يسامحني على المشاعر الي عندي ياربي القلب سلطان جائر ماكو حاكم يحكمه

-بس ياغفران بهذا اليوم طالع يخبل فوك حلاته

-معقوله هلكد حلوه لو عين المحب عميه

-الصدك هوة طويل طبعا بس سليت واجلح صاير
بس بعيني حلو يخبل

-حرت وصفي اليه عدل يامريم

-خل اوصفه الج رغم ما اعرف اوصفه على يوم اواريج صورته من حسابه اسمر حنطاوي وجه عريض شعره كثيف واسود وحاليا اكرع بس مو كلش هو مخففه علمود الجيش والخوذه بشعره شكم شيبه موزعات
زايدات جمال
أعيونه وسط مو كبار بس من يخزر ينفتحن وسود خشمه حلو بي كبر شويه عندهة لحيه خفيفه صدك طويل بس جتافه عريض ومرتب

-هاي ماتعرفين توصفين فلم بعد ناسيه شي فصلتي

-شنسى ماممكن انسى

وهنا دك تليفون مكتب كمت لن مريم دموعه صبن
رديت وكلت

-الوو

واجاني صوت رجولي خشن

- سلام عليكم ست ام دنياا

-رديت وعليكم السلام

-منو ست ام دنيا لاا اني موضفة غفران

-ها ست غفران يمج ست مريم

-اي موجودة

- كوليله استاذ سلمان ايريدج
تجي
لن بعد نص ساعة اجتماع

-نعم استاذ ونسد نخط والتفت
على مريم عايفه ايديه على خده
حاجته مريم

- استاذ سلمان يريدج ويكول خل تجيني واجتماع بعد نص ساعة

-وي وي نسيت كلي تعالي نحضر الاجتماع
نسيت روحي يمج

-أكلج ولو تدخل مني بس ليش استاذ سلمان دايما اشوفه حزين

-شكلج على اخوي هم حاير بقهره وحالته زين منه ويطلع لشركة ويشتغل

-انتي ليش ماتكولين الأخوج على سالفة رعد او تكولين مااريد هذا اجة خطب

-لاا شكله اني عدي كلام وية رعد واذا رجعت وكتلهم مااريد هسة يكولون شغير رأيج
وابوية فرحان بلخطبة
تردي يموتني
اني منتظرته لرعد سويلي حل
يحجي هوة لهله او يلكالي حل

يااا غفران راح اموت من تفكير
حتى خواتي يكلولي شبيج نكلب حالج وتغيرتي مو بلبداية فرحانه

- أكو الهة مدبر لاتفكرين وتأذين روحج

//إِنَّ اللَّهَ عَلَى كُلِّ شَيْءٍ قَدِيرٌ///ويعوّضك الله سبحانه ، ويُعطيك الله من
فضله ويُغنيك عن كل العباد ويجبر قلبَك ، توكل
عليه دائماً وابدا

-ونعم باالله

-يله كومي أكلج ورى اجتماع مااعدنه شي
كمليلي

-أكملج وين اروح اشكي همي موزين ولكت وحدة تسمعني لن
عقلي راح طك من تفكير

دنيت عليها حت شبكتهة وطبطبت عليه
-كافي قهرتيني لااااااااتأذين روحج ياعيني

بهل لحضة ندك باب واني ضهري لباب
كلت تفضل سمع صوته

-وينج مريم فضيهاااااا تأخر الوكت

- جاية وياك ابو الاشبال

اضلت بس صافنه عليهم
أ
من تقرب اله ورفع راسه
وكال الهة

-شبيج مريم شنو باجيه لزم خدهز يمسح دموعها بيده وهوة اطول منهة ومدنك عليه ويمسح الخد الثاني

باوعت عليهم وذكر حنية علاوي اخوي حتى عيوني دمعت على حنيته شلون خايف عليه
رفعت راسي عليهم

قربها اله وخلاها جوة ذراعه ومشة
ورد سالها عليمن تبجين

-مااااكو شي ليضل بالك

رجع التفت عليه مركزة وياهم رأستن نزلت راسي وعدلت عباتي كال

-ست غفران ربع ساعة اجتماع كولي ست ام دنيا وتعالو ويه محاسب مشى مانتظر ارد او اجاوب
حاير باخته مريم كل اشوي يرجع يسالها بسسسس كوللي مقهورة
وتبجين ليش وكفوة برة غرفة يم باب
ردت عليه

-مقهورة على أفنان

................
...........................
.................................
اللهم إني أسألُكَ الرضا بما قسمت، والرضا لِما أعطيت، والرضا فيما منعت، واجعلني راضيًا مرضيًا

-اييي صح دخلييي جوووو دخلييييي

زنخته من ياخته انشكت من طول للطول صعدت فوكاااه اضرب وجهه بوكاسات.. ردت ضربة كلة مااحس اله أنجريت ودكم قميصي الفوك اثنين نشلعن و التفت واشوف الحارس
و اثنين شرطه واحد لازم ايدي واحد لازم ابو الكاسكيته والبنيه تصيييح
-الحكيييي يوووم الشرطه اخذت اخويه حسام

كمنا اثنينه راسن عمي ابو غايب كال للشرطه

-اهلا ليش ماتتفضلون تشربون شاي

كال واحد من ااشرطه

-لاااااا عمي ابو غايب اجينا على صوت الصياح وتالي طلع الشباب يتعاركون

-لاااااا مووو عركه اسالهم جاي يتشاقون
التفت النا عمي ابو غايب وجاوبنا انا وابو كاسكيته

-اي شقى شقى

كال الشرطي

-لااااا تكرررون الشقى بهيج ملحه

-صااااار
اثنينه كولنه

اجى عمي ابو غايب كالنه...

-يله تصالحو انتم جوارين ميصير هيييج

مد اخوها ايده وكال

-انت جارنه اهلا وسهلا

جاوبته

-خوووووش تعرف بلاصول اهلا وسهلا

هنا جاوبتني أخته عرفت هي اخت ابو كاسكيته
من الحارس

كالت اليه

-انت باي حق هيج تحجي ويه اخوي وليكول بلد تايهه لااااز عيني اذا تايهه احنا انعدله ونلزمه

اخوها اشر الها

-كااااافي. ميسم دخلي دخليييي جوووووه

-لااااا عيني حاجينا باسلوب وهاي النتيجه

جاوبتها

-معليج انتي من نحجي احنا الشباب تسكتين

حجيت هل حجايه ودخلت الشقتي رغم حجيتها بصوت ناصي اخوها مسمعني.

دخلت للشقه تعبان سبحت ولبست تراك قطني دفيت
ارتاح بيه من الطريق والبهذله الصارت اليه

كعدت على قنفه اباوع تلفزيون وتكلب قنوات الى ان غفيت فزيت على صوت نقالي صديقي حسين كال

-ووووينك حب ابسرعه الدكتور يريدك تجي
رحت للحمام سبحت وبدلت سويت توست جبن ومربى الفراوله..وخليت بلغلايه كهوه تريكت كمت ابدلت ركبت السياره

بين ما سوق بسياره شوارع بغداد ازدحام احاول اسوق بهدوء،بعيد عن التوتر بسبب ملحت عمامي او ساكت هل فتره الخاطر جدي

بس يجوز اتعصب انسى صارت جدامي سياره تكسي تسوق بسرعه حتى رادت طخ السيارتي اله شويه

بقيت ادك هورن لان ألمكان ضيك والسايق أمبين مستعجل بس استعجاله راح يموت الناس دكيت هورن ثاني نزعت مناظري الشمسيه شفت اليسوق بنيه ومتعصبه فوكاتها مبين من وجهه
رددت يافتاح ياعليم يارزاق ياكريم

،هو الصبح امبين من أوله ثاني مره اشوفها وثاني مره شوفتها اذيه

عبرنا الترفك لايت وهي طخت سيارتي دكيت هورن يله وكفت سيارتها
نزلت مااريد اتعصب على اي ابنيه بس طخت سيارتي حيل عل أقل استفزها وكفت جدام سيارتها مرتجي على مقدمة سيارتي ولابس المناظر من نزلت عدلت وكفتي وكفت متكتف

ومن ورى المناظر اباوع الها ابتسمت الها بضوجة رغم ضايج تافافت أو ايدي بجيوبي سمعتها وانا أكول

شهل صدف الكلاسيكيه الرتيبه
اجت جدامي عصبيه كالت وهي تنكت بيدها بغنج ودلع

-هااااا عيوني شدا دكول

باوعت الها من فووووووووك ليجوه بنطلونها الجينز والقميص الطويل امخصر،والشعر المرفوع مثل كعكه وكم خصله نازله على وجهه تتحرك يمنى ويسرى بسبب الهوى العالي
جاوبتها

-صاحبت الصدف المثيره اذا هي متعصبه لويش تريد أتعصب الناس الي بشارع
رفعت ألسبابه وبعصبيه اصوت جريء كالت

-اووووولا نظراتك المستفزه وضحكتك الجامده لااااا تحاول اطبقهن عليه لان احذررررررك مني احذررررك
ثانيآ شنوووه وباي حق دا تحجي ويايه هيييچ وشنووو هایه آللهجه

وثالثآ انت ابدآ ماالك اي علاقه بيه سواء معصبه،مخبله اصلا انت منووو وشكووو توكفني وتوكف جدام سيارتي
مستحيل انت انسان مجنون

رفعت حاجبي بشمئزاز من أللسانها،وجرئتهة مشيت خطوتين ارتجيت على مقدمه سيارتها حاولت كد مااكدر
مااتعصب،ولا أبين انا عصبي جاوبتها بهدوء

-أولا أنتي طخيتي سيارتي،رغم ابتعدت من طريقچ وحاولت اخلي مجال الچ رغم الازدحام واصل الراسچ

ثانیآ ردتي اتصدميني قبل لانوصل بتقاطع
وثالثآ والأهم اصبعچ نزلي لااااا افكس عينچ بیه،ولو ما أنتي أبنيه و هذا الصوت العالي تمنيتچ رجال چان عرفتچ الله حق واخلیچ المجنون شلون یصیر .

.وزیدچ من الشعر بیت رابعآ اذا موكد السياقه لاتسوقين لان راح تروح ارواح بريئه بسبب روح مجنونه مثلچ

فگت حلگها وعیونها لان احاچیها بحدیه وهدوء..رجعت لبست مناظري دنجت وعيني الها طكيت بيدي مقدمة سيارتها وانا احاچیها

-هل مره سماح یابنت الناس وآللسانچ الطویل ماراح احاسبچ علیه لان هیچ وجهه صبوح وعیون ناعسه حریمه تسمع حچی يضوج
ركبت سيارتي عدلت كعدتي منطلق للمؤتمر لان مستعجل...

وهي هم بكل هدوء صعدت توقعتها راح تعاركني او تجي ورايه
رن عليه سيد مهدي،فتحت خط كال

-السلام عليكم

-وعليكم السلام

-ها سيد مجتبى شنو سويت

-شوف ياسيد مهدي راح اروح للمؤتمر هسه واستاذي رشح اليه كم صيدلانيه على معرفته من افتح الصيدليه بشارع فلسطين انا وصديقي راح يداومن بيها الصيدلانيات الرشحهن الاستاذ،

-الله يوفقك بس غض البصر من يجوك الصيدلانيات

-هههه واشلون اعرف هن كفو الصيدليتي انا وصديقي قابل اشمهن

-استغفر الله ربي واتوب اليه عضيدي غض البصر هو مو عدم النظر غض البصر هو عدم التمعن والتفحص

-وشتتوقع مني برأيك

-كل خير وثقه

-خل يبقى هذا عشمك بيه يخويه
جاوبني

-محتاج اجيك حبيبي

-لااااااه يخوي والله زين مابيه شي

-متاكد يبعد اخوك صوتك ماعاجبني

-وروح ابوي زين

-الله يحميك عود من تطلع من المؤتمر خبرني
-يصير خير

وصلت للمؤتمر...دخلت التقيت باصدقائي،وزميلاتي وهنا
صار بينا سوالف الى ان كمل المؤتمر..اجى استاذي حمزه

سلمت عليه كلي روح الذاك الطابق الثالث راح تلكى ابن جارنا ولد ستوه تخرج ويريد يشتغل وهمين راح تلكه ابنيه عرف اتصير صديقة بنتي

-مشكور دكتور
تمشيت اروح للمصعد واشوفن وحده ورايه تتأفاف بقت واكفه ورايه ودردم الى ان نزل المصعد درت وجهي عليها تفأجت هية نفسها ابتسمت الها باستفزاز وهل شي عصبها اكثر
مديت ايدي ابتجاه المصعد

-اتفضلي

رفعت راسها ودخلت دخلت وراها مجتف ايدي ومنزلهن
اثنيننهن..وصل المصعد للطابق الثالث جاي اطلع هي طلعت سبقتنا وانا امشي وراها عبرنا الممر الي يوصل الغرفة الدكتور التفت عليه

-يااااخي ميصيير هناااا مكان عمل المن جاي حظي جابك اليه ليش اضيع الشغل الاريده
رفعت ايدي الراسي سويتلها حركه معنهه انتي مجنونه
سكتت وماردت رغم اعصابها فول اجت ادك باب غرفة الدكتور مديت ايدي افتح الباب كالت

-شنووو وييين
دخلت ونفذ صبري منهة كلشي ودي اسحلها من شعرها
دخلت واجى شريكي بصيدليه كالي
-همزين اجيت البنيه اجت بقت عليك تشوفها لان انا قبلت الشاب ...

-وينها الصيدلانيه
دخلت اول ماحچیت کعدت علی کرسی جلد متحرك
تفاجات من شافتني ..مديت ايدي اشرلها تكعد

-اتفضلي الصفنه ماتفيد ورانه شغل
أباوع الهة ضلت تكضرم شفته وجه صار احمر

واخذت ملفها وعرفت هي بعد وراها بحث تخرج وتريد تشتغل بقيت اتمعن بصورتها ولا قريت شي من الملف
كال زميلي.

-هاااا دكتور ترى هنه كلمتين
جاوبته

-اي صح..المهم كلامي للانسه انشاء الله تاخذين مني كلمه تفيدج الى اخر يوم تمارسين بيه مهنة الصيدله
لازم على طول تتعلمين كلشي يخص عالم الصيدله لان عالم دقيق على طول لازم تحدثين معلوماتچ بشكل مستمر یعني Uptodate بكول مجالات الصيدله

ثانيا لازمين تكونين هادئه لان راح يجونج ناس يردون ابر خبط شي تريد علاج كحه وشي علاجات المراض يسالون اسئله تحسيها تستفزچ...وانتي الي شفته منچ انتي عصبيه تكدرين تكونين اهداء

-اكيد

-زين والعصبيه الزايده الشفته من اشوي
كامت معصبه وتنافخ

-ترى اني اريد اشتغل ولسى ممتخرجه وكووووووومه صيدليات موجوده لاتظن حستقتل على صيدليتك
هااأ وخل بالي من
ساعه چانت بالي حچایه عنك انت شخص شايف نفسك ومنغرر هواي واستفزازك الي مو حلو وين تريد توصل نظراتك المستفزه ،ضحكتك كلش تشنج
وكفت معصب خازرها

-شووووفي ترررررى زودتيها ولاتظنين انا رافضتچ لکن اللسانچ جريئ هذاااا اله اكصه على يوم بيدي

مجرد ماكملت حجيي راسن طلعت دردم كعدت على الكرسي بيدي ملفهااا واضحك منتصرر كدرت اثيرهاااا وضوجه
لان مانسى اخوه ا عديم ذوق والاخلاق فوك متتعذر لااا ترادد وبخشم عالي

بس كلما تتعصب زيد حلاته هاي مو نضرة وحدة صارت
نضرات وينك ياسيد مجتبى شوف اخوك تايه بلعيون
نسيت من خابرني

حتى مأسألته على غفران

حجى وياهة لولاا
اووووووووف ياغفران طولتيه عليه

........

يتبع