رواية عشق المومنين(أبناء الساده) الفصل الخامس وأربعون 45 - بقلم نازك الحمراني

السلام عليكم.
ارجو قرائة الفاتحه على روح اختي الحبيبه(سجى)
......
أبناء الساده

أه ثم أه من ألم قلبيِ

"إنَّني أَراك ولا أاستطيع النظر لك اعرفك لكن لاأبقى قربك مااصعبه من شعور أصبحت اليومَ غريباً بعدَ أن كانَت كلّ هذهِ الرُّوحُ مَنزلي..

خليني أكمل ..ادموعي تصب عشره عشره..والقهر الي بداخلي محد يشوفه وللساني حالي يرردد دعاء علمته اليه غفران كالتي يحرسج متخلي لا جن ولا أنس يكدر يقربلچ بسوء اردده

""أَصْبَحْتُ اللّـهُمَّ مُعْتَصِماً بِذِمامِكَ الْمَنيعِ الَّذي لا يُطاوَلُ وَلا يُحَاوَلُ مِنْ شَرِّ كُلِّ غاشِمٍ وَطارِقٍ مِنْ سائِرِ مَنْ خَلَقْتَ وَما خَلَقْتَ مِنْ خَلْقِكَ الصّامِتِ وَالنّاطِقِ في جُنَّة مِنْ كُلِّ مَخُوفٍ بِلِباسِ سابِغَةٍ وَلاءِ أَهْلِ بَيْتِ نَبِيِّكَ مُحْتَجِباً مِنْ كُلِّ قاصِدٍ لِي إِلى أَذِيَّةٍ بِجِدارٍ حَصينِ الإِخْلاصِ فِي الاِعْتِرافِ بِحَقِّهِمْ وَالتَّمَسُّكِ بَحَبْلِهِمْ مُوقِناً أَنَّ الْحَقَّ لَهُمْ وَمَعَهُمْ وَفِيهِمْ وَبِهِمْ أُوَالِي مَنْ وَالَوْا وَأُجانِبُ مَنْ جَانَبُوا فَأَعِذْنِي اللّـهُمَّ بِهِمْ مِنْ شَرِّ كُلِّ ما أَتَّقِيهِ يا عَظيمُ حَجَزْتُ الأَعَادِيَ عَنّي بِبَديعِ السَّمَوَاتِ وَالأَرْضِ (( إِنَّا جَعَلْنَا مِنْ بَيْنِ أَيْدِيهِمِ سَدًّا وَمِنْ خَلْفِهِمْ سَدًّا فَأَغْشَيْناهُمْ فَهُمْ لَا يُبْصِرُونَ ))
بقيت اردد بيه احس ريجي يبس وانا اقرا دعاء وهو فوگاي عبالك ملك الموت بس رجفة كاضتني وخايفه مااريدة يوصلني رغم ماواصلني

ابتعد يلهث والعرك تارس وجهه رغم الدنيا باردة
يلهث مو لان اقترب مني وماتمكن ، يلهث من العصبيه ومن شي ماعرفت شنو بس اعتقد لان متعصب ماكدر يكمل ولا كدر يسوي شي

گام من یمي وانا مغمضه عيوني مستحيه منه من الخوف گل ظني نازع ملابسه وراح يحاول يقترب مني من جديد بس هو حتى قميصه وبطلونه لساه لابسهم

كعد للكاع روحه رايحه وجه بهت ومايكدر يوكف على حيله مد ايده طلع من المجر علاكه كل ظني قوطية ببسي بس فتحها ريحتها مو طيبه
شرب منها شويه وينفخ ويعض بصبعه بحرگه...

ادموعه تنزل وحده وری الخ یبچي بلا صوت
سحب باكيت الجكاير ورث جگاره یسحب منها دخان یملي ريته مثل الي يريد يطفي لهيب نار فشله
لملمت جسمي وتفطنت حتى ألگلبیه ممرفوعه مددت علی الچربایه وتغطيت ومنتظرته يخلص جكارته حتى اروح اسبح احس لعبت روحي من وضع غطيت وجهي واسمع صوت نحيبه انقهرت عليه،وضايجه منه بنفس الوقت لان هجم عليه وجهه صار يخوف

لفت راسي افكر بطريقه حتى أسبح شفت أكو حمام بلغرفه گمتپ سحبت روب لبسته جاي اروح للحمام الداخلي صوته اجاني

-الماي لساه ممتأسسس روحي بلحمام الي جوه الدرج
وگفت ضايجه عليه ودي اسئله شبيك تبچي وليش جسمك عرگان ويرجف قلقني لان هو ماقترب مني مقرب الرجل للمرأه

ولا تبين شي منه مجرد شمر ثگل جسمه علیه اي اعرف نفسي غبيه بامور المتزوجين بس أم دنيا چانت تسولف شغلات تخجل ويه صديقتها أم سناء أو أي شغله من الشغلات نوار مطبقها ولا سواها
اي فرحت لان ماوصلي ولا حتى كشف جسمي هذا الاريده وهذا طلبتي من رب العالمين وطلع دعاء غفران مستجاب وين اشوفها وابوسها من خدها واشكرها واكلها فدوه الشامتچ ام شامه

وهسه اريد أصلي اهم شي صلاتي مو المهم الصار سكوته خلاني اترگه وما اسئله شي سحبت حجابي اريد اطلع
واشوفه وكف لف القوطيه بعلاگه سوده ودخلها بثلاجه مسح وجهه بثنین ادیه يمشي بتجاهي يلبس ويدگم الدگمتین لاخيرات بقمیصه اجی علیه ابتعدت خطوه خایفه منه تقرب مني لزم أيدي حييل

-مهجه ديرررربالچ تگولین الاحد آشرب فااأاااهمه بااالچ
هزيت راسي بسگوت بعد ایده بهدوء گالي بحنان

-ليش هلكثر ضعيفه

نصیت وجهي ردت أبچي رجع گال

- بس مع ذالك وجهج حلو

تبسم مد ايده يفتح الباب حتی اطلع
كتله

-آگلك

-گولي
-أانت دليني على الحمام

-مو تدللين امبينه خجلانه
محچیت شي خاف يتعصب...مشى جدامي يدليني الممر الي بيه غرفتنا مفروش مدات تشبه البسط طوال يم غرفتنه غرفه تعديتها بلا شعور گلبي نقبض عليها

البساط ألممدود اشوي من طرفه مرفوع عثر نوار بيه وانا گلشي ولا واحد يعثر يمي لو بعز الحزن اضحك من عثرر ضحكت التفت نوار عليه ضحك على ضحكتي

بس ضحكته عاليه شاركته الضحكه وامسح دموعي
تعدينه لغرفه الجدامنه وصلنا الجوه الدرج عرفت هنا الحمام من تصميم الباب اشرلي نوار وبعده يضحك وانه رغم ضوجتي بالي وگعته وهم آضحك هنا دخل رعد
تناوع علينه مصدوم بقى واكف وانا عيوني على ايده أشلون صامهن حيل يفتحهن ويسدهن دقايق مو هواي شرحت اذى البيه بشوفتنه وضحكتنه بس أبد ماراح أنقهر عليه

وعدني وخلف وعده
أمنت بيه وغدر بيه
نطاني گلمه وصدگته
أمل زرع بگلبي وحرثه
صعدني السابع سما
ونزلني السابع أرض

گالي ماراح تزوجين أخوي وتالي صار الزواج مايستاهل ولا يستحق أنقهر عليه رغم ودي اوضح الة ضحكتي
بس هسه أجت ضحكتي بلوقت الصح خلي يضوك ناري
يضوك قهري الشمرني بيه وعدني يلگی حل تالي قهرني
صارت نظرات بينه وبين نوار اثنينهم ساگتین نوار گال
-هذا الحمام واني منتظرج بلغرفة
راح نوار للغرفه ردت أدخل للحمام درت وجهي عليه رفعت أله حاجب بحقد وهو بعده على وكفته مشيت اروح للحمام مشى بساع ودخل للغرفة وطبك الباب حيل
سديت باب الحمام لگیت طبلة صغيرة كعدت عليها حاضنه جسمي بقهر أبچي اي أبچي أحبه حتى لو غدرني هو الي چنت منتظرته أي بس خوش حرگة
هسة شيكول هاهية نسيت وتمضحك واسولف ضليت ابجي بخنيك مااريد صوتي يطلع شلون افهمة مابينه شي ومااكدر انسى ولاتقبل شخص يقربلي
شللللون ياربي تعبت من حبه.....لا ماتعبت هو يستحق يستاهل اله احرك گلبه

كمت سبحت وغفت شامبو بشعري هواي كد السبري المخليته الشعري خلصت ولفيت روحي بروب ثخين ومنشفة جبيرة على شعري ومشيت سريعة للغرفة حتى لايشوفني رعد ويروح فكرة للبعيد
دخلت للغرفة أنهت آنتبهت نوار رجع الكعدته وبيدة قوطية ودموع صب انتبه عليه

رجع قوطية بثلاجة والتفت وحاجني ...
-نعيماا مهجة ..

-الله ينعم عليك
رحت للكنتور طلعت دراعة بيضة وياها ملابس داخليه رحت حمام بلغرفة بدلت ورجعت للميز بي مراية كعدت على كرسي وامشط بشعري نوار صاير وراي وصافن عليه شلون امشط غلست منه والتهت اخلي سيروم على شعري وامشط فكري راح لرعد ...
شنو هو مو بدوام شوكت رجع معقولة حضر العرس بس مااشفته بلزفه هسة هوة لابس تراكسود يعني من زمان جاي وماسوالي حل خليني اوجهه وحدي
شلون جان حالة من شافني بدلة العرس معقولة ضل ساكت وماحجى بكل بساطة سلمني لخوه
ماحس لاا ايد نخلت على ايدي وسحبت فرشة شعر
انتبهت لنوار
نصى عليه وبهداي كال

-اني امشطلج احب شعر طويل

-لا كملت اريد الفه بردت

-خليني اسرحه الج بعد

-ها ليش

-بلا ليش مو انا.

سكت وتردد يكمل..تناوعت اله وحتى نظراته اليه عبالك اخ الاخته او نظره عاديه مااعرف شنو افسرها يااما انا مابيه شي ينجذب او يثيره يااما يحب ويحب بقوه لان نظرته بلا مشاعر ولا أحاسيس
بقى يمشطلي ويحاول يكون فرحان بس عيونه ألحمرر وجه الاحمر من البچي زايد حلاة اكثر تبسم و گال
-لشوگت تبقین تصفنين هيج اني حلو وعجبتج
دنكت راسي بالله هذا شكلة
-ها مهجه انا حلو کا شاب جدامچ
بدون تردد يكفي رفضي اله جاوبته
-اي

-ماشي عندي حل يرضينا أحنا الطرفين

-وهو شنو

-شنو رأيچ أنكون اصدقاء قبل گولشي

هیزت الة راسي وسكتت
عاف فرشة وراح واني لمت شعري بقراصة
آلتفت عليه كاعد على جرباية لازم راسه بثنين اديه
حالته ماادري شبي يلوب يمكن شي يوجعه
تقربت آله اسائله

-شبيك نوار يوجعك شي

رفع راسه ودموعه صب على خده

-كلشي يوجعني جسمي مشنج والبيه صعب ماينحجي
ايحجي دموعه صب على خده خدوه وجهه صافي فد مره بياضه المشقر عجيب ولاااا يشبه رعد يجوز بس روعه ينطي صده بس شبه لا ابد انقهرت ودي أواسي
بس أندك باب ألغرفه وامه أتصيح

- يمة هذا عشاكم وليدي نوار

أجيت اروح افتح الباب سبقني يمشي سريع وفتح الباب الامه

دخلت امه شافت شگله مثل الی چان يبجي وجهه مغورك عاطت
-يمة نوير اسم الله شجاك
مارد عليها تناوعت اليه واله عافت صينيه بلكاع
خلت ايديه عل خده شبيك

-أنوير يمه وليدي
شمر نفسه عليها حضنها يبچي بشهگه

-يمة یماااااه مااگدر جسمي يوجعني من الخوف
كعدت على الچربابه وهو حاضنه تبوس براسه وتگله
-یمه غدي غدي شنوه اااااا شبيك شيوجعك

ياااااانضر عيني يمة نوير
گلها وبعده یبچي

-بطني مغصت من اخوف ورجليه وبعد مافاد ويايه شي
وابوي من يعرف يموتني

-لااااا يمه انحسدت ادري بيك ماتفوتلك گلها گالت بلعرس چنه أمريگي من الشگار ااوف یمه عیون عماتگم
عدل گعدته وایده متچتفه مدنج ویحچي

-يمة شتحجين ياحسد مااكدر اسوي شي خايف من ابوية مااكدر اسوي طلبه

خزرته شلون ولك مادبرته شكول الابوك للناس راح ننفضح
ورجعت حضنته وتبوس بي
وهوة بس دموعة صب ويشهك بلبجي كالتله انتة مو صاحي بهذا وضعك ...
و دكت على صدره وصاحت بصوت عالي
يماااااي يايمه ولگم ولیدي مسويلة سحرر وراح يتفرهد من أدية

تبسمت فاگة حلگي يعني شنو مسحور يعني ميكدر يوصلني اي مايگدر بداخلي فرحه گوه جاهدت حتی ماأبينها
على عياط امه اسمع ابوه يركض ويصيح

-هاااا ام أرشد هااااا

وصل لحد باب الغرفه وصاح

-بشرررررري شني السالفة
ردت عليه ونوار بحضنها

- الحك ألحك ابنك مسحور ومايكدر يدبر سالفة ..

-شنهي مايدبر لاااااتكوووولين ماايدبررررر ابني كدههه وكدووود واذا مسحووور السااادة موجودين والشيووووخ العلااااااج يمهم..

رعد//دخلت ابغرفتي مقهور بغصتي ماريد اطلع لان الشفته هواي عليه مريم تمشي ويه نوار وتضحك اله اعرف هي بنيه مو مثل الولد غصب عليها تتقبل واقعها بس معقوله بهيچ سرعه ،معقوله تعمدت تغثني اي تعمدت لان نظرانه اليه حاقده عليه،كارهتتي وتتلمس بنوار من ايده

ألمن أطلع بعد خليني ابقى معزول بغرفتي افضل من أطلع الف فكرة اجتي براسي اتمنى اطلع اصرخ واعيط على ابوية اعيط على امي السكتت

اتمنى اسوي شي يعبر عن خنكتني وحرگة كلبي بس كل خطوة محسوبة علية لا اكدر اعق بابوية ولا اكدر افضح البنية ولا اكدر اخذ موقف من نوار

خلیت موبایلي على الشحن منتظر اتصال من سيد سلمان والشحن راح يصفر رن موبايلي فتحته گال
سید سلمان
-مو ردتها مني السالفه جبتها الك
-أشلون

-گلت الابويه رعد يريد يبيع الگاع القریبه علی شارعنا لان مستعجل یرید یبني بيته مل من هوسة الجهال وعياط ابوه

-اي وشگال

-گال هو يشتريها منك ينطك نص ونص الثاني بعد كم شهر شدگول

-اي والله بس ها على السعر الگتلك بيه

-مو خساره بيك حبيبي

غلقته كعدت متنهد محد يعرف الاريده بعد بقى بيت اريد الفلوس حتى اخذ أجازه و اسافر للخارج

سحبت ألحاف اتمدد على الچربایه وخلاص اسلم امري الرب السما اول ماحطيت راسي على المخده سمعت صوت امي وابوية وهوسة يم غرفتي راسا راح بالي يم مربم معقولة نوار ماذيهه بدون تفكير طفرت من مكاني وطلعت اركض شفتهم واكفين وونوار وياهم..

وصلت يم باب الغرفه اسئل بتوتر ودور مريم بينهم
-شبيكم شنو هالهوسة رفعت عيني صارت مريم كبالي

أنهزمت ورى الباب شعرهه رطب طويل طار وراهه ااخ المفروض تنزعين حجابج الي يامريم مو لنوار

اتوجيت على الحايط ماادخل من شفتهه ماساتره شعرها اداري نضراتي ومشاعري الي مو بيدي ربي مو بيدي واالله مو بيدي بقيت مرتجي على الحايط استمع تبرير من أهلي.... عاطت أمي

-بلوه وطاحت على راسنه

-خير شبيكم شنو هالصياح
نوار جاوب بنرفزه

-ـ مااكو شي ماكو شي ارجع لغرفتك رعد

مريم/ويه صياح عمتي دقايق رعد اجانه من غرفته انهزمت ورى الباب حسيت گلبي طار من مكانه اسمع صوته تعبان وكوة يحجي مبين عليه القهر مثل حالي عيني دمعت من حالته
بقیت خاتلة ماردت ابينلة روحي نوار ماقبل رعد يوكف يمنه وعمي گام اخذ رعد وگاله

-آرجع الغرفتك ماكو شي..
سمعتة من دخل و بابة طلعت راسي من ورة الباب وشفت عمي عدل وكفته ونفض أعگاله لزم نوار من جتفة وسحبة عليه وضل يتهامس وياه..
.
ماهمني كل الديصير اهم شي نوار ميكدر يتقربلي والله كريم بين ميفتحون السحر يحلهه الحلال..

عاط نوار بيهم
-مابية شي مو مسحوررررررررررررر شنو هالحجي
گال عمي ابو ارشد

ـ زين شنو هالحجي فهمنة بوية شنو ماتتكدر وليش وجهك هيج احمر وحالك متبهذل خاف مرتك ماتخليك تتقربلهه احجي لاتخجل

امه جاوبت
-اي يمه خاف هي السبب گول احچي
سمعت امة تحجي علية راسا انكمشت على روحي عزة همين وكعت براسي شلون شدة هاي ربي شيخلص هالليلة

رفع ايده نوار وبهداي يحچي

ـ بس نصوووووو صوتكمم لاتعلو وتصيحون لاتسووني فررررررجه بين اخوتي ابوس ايدگم گاااااافي فضايح عوفوني بحالي عوفوني

ـ استغفر الله.. جا فهمنة بووية شنو هالحجي الماصخ يعني هالحباية تخلي الفاار يصير حماار ويحبلة عشر نسوان طبك شنو تكول مأ اكدر وليش ماتكدر

ـگتلك بعدني متوتر وتعبان كلشي صار ركض ركض واصلا بعدني مماخذ على هالبنية مستغربهه يعني ياحجي يابويه انت هم رجال وتفهم

ـ انجب اني بنفس الليلة خلصت شغلتي وية امك ورفعت راس اهلي وراسي وانت حباية وممدبرهه يالاثول

ـ روح يابة رحمة لوالديك روح وعوفني خليني اتمدد جسمي كلة ياذيني ويون عليه وانت مستلمني غلط واهاين خليني اريد الف راسي واخمد وباجر الله كريم
هو الغلط والسب مالتك هو السبب

ـ صار يابة صار اذا اليوم ماسويت شي باجر اخذك للسيد يقرة عليك ونشوف شنو علتك
ـ الله كريم...

- هسه من رخصتكم محتاج انام
مريم // راحو وسد الباب نوار دخل راسا اتمدد على الفراش وضل يتكلب بقيت كاعدة على الكرويته الصغيرة مالت غرفتي اراقب نوار حالتة كلش تعبانة مرة يلزم راسه ومرة يلزم صدرة
كمز من الفراش لزم التيبل لامب وكوة اخذ نفس وجههة احمر

وعركان دقايق ما طول راسا كام اخذ المنشفة وطلع للحمام راح يسبح راسا كمت ولبست الجادر وتوجهت للقبلة بديت اصلي..واندعي

""اللهم أنت المعطي لمن دعاك ،يامن ترانا ولا نراك،وترزقنا ولا نبلغ ثناك...اجعل لنا بكل دعوة إجابة وبلغنا أقصي غايات السعادة
ربي اجعل حياتنا لا يضيق لنا فيها صدر،ولا يخيب لنا فيهاأمر ،واجعل لنا في كل خطوة توفيق وتيسير وأجر.
نسألك رضاك والجنه اكثر""
توسلت ربي أن يساعدني مااحيد عن طريق الحلال وان قلبي يتقبل واقعه..

نص ساعه دخل نوار للغرفة وكف جدام المراية مشط شعرة وخلى المنشفة على جهه خلصت صلاة نزعت الجادر اجى صلى وراية.. عفتة ورحت شلت المنشفة علكتهه

عيوني للكومدي اشكال الوان المكياج كدامي جنت اتمنى هسة رعد بغرفتي وهو اليسد بابة عليه... شيصير لو هو بمكان نوار
شيصير لو رعد هسة الديصلي هنا
شيصير لو داخله هالبيت زوجه لرعد مو لنوار

شيصير لو هالفراش فراش رعدعيوني تدمع واحاول اكتمهه مابينهه كل شوي اخطف واباوع على نوار واشوفة مستغرق بصلاتة

عجيب هالولد شكد متناقض قبل شوي جان يشرب وهسة كاعد يصلي ويبجي ماعرف شلون راح اتفاهم وياه وشلون راح يكضي هالعمر احسة كلش متناقض هالنوار وبيه خلل هدوء بشخصيته ابد مو عصبي زين هيچ شخصیه تجنني اموت وماافهمها

شجاك ياعمي وخطبتني لابنك الصغير شيصير لو كايل رعد مو نوار.. ااااااااه يامرييييم ااااه ووولج شدسوين شدصخمين شلون هيج تفكرين

استغفرر الله استغفر الله عزة بعينج مريم عزة بعينج ياويلج من عذاب الله شلون هيج افگر واني صرت على ذمة
اخوه..هالكلمة وجعتني اگثر
على ذمة اخووو شهكت بالبجي بيني وبين نفسي هسة لو غريييب بيهه مجاال مو اخووو ربي

لو ماخذت روحي وخلصتني واالله تعبت وهاي اول ليلة اليي بهالبيت شلوون شلون راح اتقبل وضعي..
دخت ونعست ارید انام زین وین ..‌وهمین جوعانه واستحي

نوار//گملت صلاتي كعدت على السجاده اسبح حيلي مهدود رفعت راسي شفت مهجة تبجي وتمسح بدموعهه.. ياترى شنو مشكلتهه ليش هالكد بجت اليوم خاف همين مثل حالي ومتكدر تحجي...

العمى اي والله توة بعينك يا ابليس يعني اني ومرتي معيوبين؟ التم المتعوس على خايب الرجة..
گتلها
-كافي بجي مهجة مایصیر
كمت لميت السجادة وحطيتهه على جهه..اتقربت عليهه ووكفت وراهه واثنينة نباوع على بعض بالمراية..تدرين اليوم بجينة بجي لو ماشيین بجنازة عزيز گلبنة مو هالكد نبجي

دنجت راسي ومسحت دموعي بيدي.. شال كلينسة ونطاني اخذتهه منه ومسحت عيوني وخشمي..

ـ بللة اني عندي سبب وبچيت عليه بس انتي ليش تبجين
ـ حالي حالك همين عندي سبب
ـ اكدر اعرفة؟
ـ بلعت ريگي وضليت ساكته بللة هذا شنو اكلة احب اخوك وكاعدة ابجي..

ـ عادي براحتج اذا متحبين تحجين هالشي من حقج.. بس بقت بكلبي اسالج سؤال
ـ اي عادي أتفضل
ـلاااا هاي سالفة اتفضل ومدري شنو شيليهه خلينه على طبيعتنه ليش بهالرسمية تعامليني

ـ يله لاتهتم كول..
ـ اي عفية هيج الحجي..
انتي تحبين ؟
ـ اتفاجئت من كلمته دمي نشف بعروگي بس لا عرف شي عن موضوعي وية اخو.. شنو هالحجي

ـ شوفي من النهاية اني كلش سبور ومتفهم يعني ممعقولة هالبجي وتريدين تقنعيني ماكو شخص بحياتج

ـ يعني هسة انت من كعدت تبچي وخابص روحك علمود وحدة؟

ـ لاااااا آگید اني عندي اسبابي القوية بس انتي بنت يعني على شنو تبجين اذا ماچنتي تحبين واحد واني اخذتج منه

ـ لا موشرط بس اني مچنت مفكرة بالزواج وتقريبا انجبرت عليك
ـ وليش مارفضتيني
ـ كلتلك انجبرت ما اكدر اكسر كلمة ابوية... لاتزعل من كلامي الله يخليك

ـ ههههه لا يمعودة ليش ازعل بمرور الوكت تتعودين عليه صدكيني.. شوفي خلي نكون اصدقاء لا تعتبريني زوجج ابد اعتبريني صديقچ
استغربت من كلمته شنو لاتعتبريني زوجچ... يا عزة شهالحجي

ـ ليش مستغربة

ـ ما اعرف حجيك غريب

-مهجة انتي تحبين المكياج الشعر هاي الامور لو لا

ـ مرررريم اسمي مريم

ـ اوك اوك مررريم

ـ قبل لا اجاوبك اريد اسالك بس استحي

ـ لااا خلينة نتفقق لا مستحه ولا خجلل بيناتنه اااابد
ـ يعني.. أ.. حسيت بوجهي صار احمر والكلمة ما طلعت مني

ـ اي كملي شنو

ـ يعني قبل نص ساعه جنت تعبان ومكسر وتبجي ومتضايق شو بس غسلت رجعت لطبيعتك

ـ هههههههههههه هو هذا السؤال الخجلتي منه
دنجت راسي واضحكت

ـ والله يامريتي واحد بالحمام شيسوي

ـ يسبح اكيد

حجيت هيج وطكهه بضحگه اخترقت اذني وحايط الغرفة.. عزاا صوتك عيب

ـ انتي كلش على نياتج.. يعني معقولة متعرفين شنو
ـ لا ما ارید اعرف لان هو واضح شي يخجل

ـ لا احنة منخجل من هالسوالف
ابوية نطاني الحباية وجسمي اتشنج فد مره و راسي چان راح ينفجر وجسمي عبالك مشلول
من سلحت ارتاحيت

ـ ها زين

ـ لاتخافين ترة اني مابية شي لا تمشين بكلام امي وعبالج صدك مسحور انا رجل طبيعي

خجلت من حجية خاف عباله ذابحه روحي علیه شلون اكلة اني اصلا ممهتمة واتمنى یبقی بعید عني
رجع گال
ـا حس روحي عايش شخصيتين يعني تدرين ليش ماكدرت وياج لانج متحبيني

ـ معقولة

ـ اي شعبالج هالشغلة تحتاج اثنين متكافئين اثنين بينهم كيميا اثنين بينهم حب

ـ لو على حچيك جان محد اتزوج الا عن حب بس اتلث ارباع العالم زواجهم تقليدي
ـ اني اختلف عن البقية

- تقرب مني وخلة ايده على شعري ويبرمة بصبعة وعيونه
تلمع من الاعجاب على شعري
رد عليه وكال ...
شكد احب شعر طويل وانتي شعرج حلو واني كل ماا اطول شعري يوصل متني ابويه ضل يحجي وكصه وها بعد دايما عوفي حمرة بنفسجي وردي احب هاي الاوان

وهسة على العموم خلي هالفترة تصير فترة تعارف بينة نعيش اصدقاء حبايب مو زوج وزوجته

ـ باوعت عليه بنضرات غريبة
من يحجي ويوصف يتعمق وعيونه تلمع ومعقولة اكو رجال يصبر هيج على زوجته وكلهة اصدقاء ضلت بس مصفنة

ـ لا تباوعيلي هيج اعرف راح اقصر بحقج وما انطيج حقج وهالامر كلش مضوجني بس أصبري عليه

ـ لالا انت فهمتني غلط

ـ لا تبررين هو الزواج قايم على شرط النكاح واني مامحقق هالشرط

ـ والله العظيم ما مفكرة بس بهالامر بصراحة يعني..
ـ اي لصراحه شنو گولي

ـ متخيلت هيج حباب ولطيف.
ومتساهل الوضع

ـ ههههههههه اووو راح اصدمجچ گد ماحباب شوفي اني هسه كاتلني الجوع وانتي
سگتت وعرف انا هم جوعانه

-وو ولچ شدكولين انزل اجيبلنة هالمقسوم ونطفح لن امي نزلت صينية وياهة برد الاكل

ـ ههههههه حلوة هاي نطفح
ـ اوكفي اروح اشوفلي شنو عدهم واجيبة.. بس هااا تاكليين
ـ ما اشتهي

ـ مو بكيفج يابة هسة تشوفين المحمر والمشمر وتدنى نفسج على الاكل..
طلع نوار من الغرفة وعاف الباب مفتوح شوي صارت غرفة رعد مقابيلي غرفتة صايرة ركن هم جيرانة بالحايط وهمين مقابيلنة يعني مين ما التفت اشوف باب وحايط غرفته..

ماگدرت اشيل عيني من الباب اباوع عليه وگلبي معصور تايهه بين مشاعري الحرام وبين عقلي اليمنعني حسيت مثل نسمة عطر اجتني من غرفته..
نسيت شعري مفتوح ونسيت مالابسة حجاب ونسيت اني بالبجامه بعد مانزعت كلابية وما ساترة نفسي..زين

كمت اتسحب يم باب غرفتي اشتم بعطرة الفواح عبالك رسايل تجيني منه تبجي يمي وابچي وياهه..
لزمت الباب وارتجيت عليهه غمضت عيني واستنشقت الهوى بشهيق قوي

رعد/ دخلت لغرفتي ميت قهر اضن نوار ماخذهه ومأذيهه وهيج التمو عليهم لان ماقبلو يحجون جدامي خجلو لأني... لأني حماهه

کعدت للگاع آعض ايدي اكتم صياحي ااااااااه يااااا نااار كلبيي
وابجي وكتم أصراخي واضرب
على كلبي هيد ووكف جاي تأذيني شلون شوفه بعد
هاي ضحكة هيج صار بيه
جا من صير عدهة طفل شلون ياربي امووت وماابقى
ولاا وظلمني

بكل عين قوية ابوية يباوع بعيني ولا كأن مسوي شي حسبي الله عليك من اب..يارب انا بشر مو معصوم يارب ساعدني اصير قوي وتقوه على حبي يارب مو موبيدي القلب سلطان ظالم

يارب اكثر شي ياذي الروح تبقى أبمكان موالها وانا روحي يمها وهيه يم أخويه يارب ساعد عبدك العاشك
اي يارب انت اقوى من الحيره الانه بيها سلمتلك أمري
طلعها يارب من روحي
خليها بعد لا تلامس گلبيي..
يارب قوني اذا فلت صبري وصاكت نفسي الها اسندني
مسحت دموعي ارتاحيت كد مابچیت وشگیت الربي
لزمت تلفوني احاول الهي نفسي شمرته
رحت اتوضى وكل خطوه من الوضوء امسح مية دمعه ودمعه فرشت سجادتي أصلي صليت المغرب والعشاء قضاء..لزمت سبحتي مره استغفره مره امسح گلبي بلسبحه احس اريد انهار كد مابچیت،ونحبت وتحسرت على روحي

،مشاعر ٣٥سنه گلهن فرغتها هسه
دموع ٣٥سنه گلهن طلعن هسه
٣٥سنه يعني گابت وهسه قررت اعبر عن گلشي صار اليه
گملت صلاتي لميت السجاده بست التربه ردت اتمدد ماعندي شي اسوي غير الصفنه والتفكير دخلت فيس وبقيت اكلب بالمنشورات لكيت بيج عليه تعليقات هواي

قريت بوست عن بنية تحب واحد واهلهه جبروهه تنخطب لابن عمهه وطالبة نصيحه صار، عندي فضول اقرة التعليقات ناس تشجعهه تنهزم وية حبيبهه وناس تكلهه ارضي بنصيبج حتى هالمصيبة مو مثل مصيبتي هذا ابن عمهه الاخذهه واني اخوية الاخذ حبيبتي.

بقيت اقرة بالتعليقات بلكي الگی كلام يريح گلبي ويطفي جمرته بس مالگيت شي فتحت التلفزيون بغرفتي مگدرت انام ولا اريد اگوم من مگاني فتحت التلفزيون رديت طفيته
لازم الگنترول اطفي واشغله ماطايق شي ولا طايق روحي.. اتمددت رديت گعدت گمت افتريت بالغرفه متحملت بقيت الوب من افگر بيهم سوية وتجمعهم غرفة وفراش واحد
هسه شدا یسوون سوه،هسه یلاعب حسنها،ویاخذ برائتها الحافظة انا عليها تناوعت للعلك الشتريته من چنت بمقام
ابا الفضل
لزمته بيدي حيل
انادي ياشيخ الزلم طلبتهه منك وماصارلتي

افزع زينب الطلبتي
لو ارد أناخهة وهل مره لا تردني
تعبت وبيكم تنخيت

كعدت بالكاع منهار من التفكير .. اجة بأذني صوت امي تصيح باسمي استغربت شتريد مني بهالوقت خاف صاير شي مسحت دموعي گمت على حيلي فتحت الباب اريد اطلع وصارت بوجهي مريم حسيت نغزة بگبي بقيت جامد بمگاني لان مغمضة عيونهه شعرهه المفتوح اثر المكياج باقي بوجهه ناطيهه جمال يذبح وذبحني

هذا الوجه الي لازم اغض بصري وما اتناوع اله حتى لوچان الیه تمنيت هاللحضة اصير اعمى ولا اشوف شي محرم عليه جمدت وركزت بالنضر اكثر عليهه
اتمعن بجمالهه بياض ركبتهه ینادیني اقتحم

عيونهه الذبلانة من البجي كحلتهه السايحه وشفافهه الحمرة الباقي بيهه اثر حمرة حاجبهه اليذوب رموشهه مثل غابة خناجر ايدهه الناعمة..كلشي بيهه يخليني ابجي مثل طفل فقد امة ويحضنها

مريم//

وگفت مغمض عيوني ربي معقولة هذا كلة وهم هذا عطرة المميز اليحبة ودائما يتعطر بي استشنقته مليت ريتي منه فتحت عيوني بهدوء امسح دمعتي
شفت رعد جدامي واكف رمشت يمكن أتخيل للحضات اثنينة رحنة لغير عالم جمدنة عيوني وعيونه بيناتنا بس خطوه واحده بقينه بمكانة بدون اي حركة نظراتنه هي الحچت

الوجع،والعذاب الي نعاني
تذكرت چذبته وغدره اليه رفعت حاجبي بحقد اله ردت احچي بس سمعنه صوت احد ديمشي اثنينة رجعنة الغرفنا راسا سديت الباب صرت ورى الباب اتنفس سريع واستغفر شلون هيج اتصرفت شلون هيج خليت الشيطان يغويني
ليش بقيت واكفة جدامه بالبجامه شلوووون ابجي وادك على صدري شلون سمحت النفسي اتحمل هيچ

یاربي جاي اسقط بأختبارك يارب قوني على نفسي يارب يارب
ركضت فرشت السجادة ولبست الاحرام سجدت ابجي ذنبي واتضرع لربي يغفرلي...
اللهم أخرجني من حولي وقوتي إلى حولك وقوتك ، ومن انكساري إلى عزتك ، ومن ضيق اختياري إلى براح ارادتك ، اللهم اغفرلي واصلحني وثبتني واسترني ووفقني واشفني وأحسن خاتمتي وصلّ اللهم وسلم على سيدنا محمد وعلى آله وصحبه أجمعين

رعد// دخلت تركض لغرفتهه سدت الباب وضليت واكف بمكاني اجى انور شايل صينية الاكل بيدة..
گالي

ـ شبيك خوية رعد ليش هيج واكف

ـ أ.. جنت اريد اروح اتوضى
ـ دتعاال تعال اتعشة ويانه وروح صلي
ـ لا بالعافية

ـ لاتكلي بعدك زعلان مني تعرف بية اخالف اخوتي كلهم الا انت غير انت الغالي

ـ لا تزودهه عليه نوار

ـ لا يا ابن ابوية مازود عليك غير العافية..
حطيت الصينية بالكاع ولزمته من ايدة..رعد انت اخوي وضلعي وسندي رعد لا تعوفني بهيج يوم ابوس ايدك
ـ يعني شنو اعوفك بهاليوم شبيك نوار
-بيه ماينحجي ولاا ينكال
اني مااا
واسمع صوت ابوية عااااط
نواااار اجة يمنه وعيونه تخوزر بنوار
ادخل لمريتك أضنه كتله جوووع تلحك على سوالف وعوف أخيك تعبان

" اللهمّ العدم لكلِّ شعورٍ لا يُطاقُ في قلوبنا "

.......
سيد مهدي//

ولن يكون الحب في الله إلا لو كان الإختيار بما يرضي الله
ولن تنبت زهرة الحب الطيب إلا اذا غرست في تربة طاهرة بقلب نقي أبيض

ألحظه كلشي أختل أحاول أكتم غضبي،لان جدي واكف وعقيله وجهه بدى لونه يتغير،وصار أصفررررر..ردت عمي يوگفها عند حدها بس شفته يبرر ،گانما مفتخر زوجته تجاوز وكل هذا ويكول شنو تسوي تضربهة

اني مااضرب مرة واعرف المن
اروح ويتصرفون وياهة
اذا زوجه مؤيد الهة اكو من يوكفه عن حده

تناوعتله واعرفه ليش هيچ سوی لان جدي أمن كل حلاله عندي بعد مانطاهم گل واحد بیت ومحل والباقي عندي أنا أگمل قسمته لا ماراح أظن هيچ لان انا وهمه ربینا بیت واحد ماعتقد یفگر ینتقم

وفلنفرض ينتقم خو يجي عليه مباشرتآ مو على عرضي
بس خلاص سواء هيچ ولا هیچ هو راضي وساكت على زوجته تجاوز وانا مااسگت وحاجته
يرد مرته

چنت لازم عقیله وساندها للتوگع ترگت بخطوات بطیئه آروح علی ام عامر حتی اعرفها مو انا الاسگت علی طعن عرضي قبل لا آصل الها عطت بيها
التفت الیه ترید تعیط سبقتها

-الزمييييييييي حدودچ واعرف
الي يوكفج عن حدج

بعدني ممگمل سید مجتبی طفر من مكانه و رفع ايده بگل قوته سطرها طاحت للگاع وگف یرید یخنگها من ربطتها اجی عمي مغضب رفع ایده لازم سچین يريد یطعن سيد مجتبى تلگیت السچین بیدي لزمتهة رغم وجع ايدي والسچین شگتني بس صرت وياه وجه بوجهه

جدي اثنينه التفتنا على صوت راشدي واشوف جدي ضرب سيد مجتبى الي تعصب وهدد جدي اله يتحداهم

عمامي ونسواهم يردون مجتبى الاحد بناته
سحبت ايديي جريت كنلسه اوكف الدم اخذت عقيله وطلعنا وامي تبچي وعقيله بل صوت نهائي كعدنه بسياره...بس دموعها تنزل امي گالت الها
-عقیله یمه حسبیها علیه وحقج مايضيع

بقت ساگته ایدي تصل عليه من البرد والدم اخذها عقيله ماكو ولا گلمه تبچي بسگوت حاولت امي عمه زينه وحتى سيد علي وهي ساگته ترید تحرگ شفافها
متگدر ورجفة ماخذته

آول مانزلنا من السیاره داخل الگراج عبرت افتح الباب حتی عقیله تنزل شفت وجهه مصتك وجامد وعيونه ليفوك غالب البياض عليهة وسنونه صاكتهن
#يتبع

شكرا للادمن كروب كافيه HH___arz

شكرا على الخاطره الشاعره نور شاكر

شكرا للادمن ganah01298631على الغلااف