رواية عشق المومنين(أبناء الساده) الفصل السادس وأربعون 46 - بقلم نازك الحمراني

السلام عليكم....
نازك الحمراني....ارجو قرائة سورة الفاتحه لروح اختي((سجى)

"أحببتُها حتّى جعلتني أقنع أنّ ما مرّ من العُمْرِ قبل مجيئِها كانَ إنتظاراً لَها

عقيله عقيله... حاجيني
أظلممت الدنيا بعيني وانا أشوف وجهه قارورتي أصفر وعيونها مفتوحات ترمش يعني عدله بس ماتتحرك مصطگه

آلف سؤال وسؤال براسي يتركضن وللحظه چا أنجنيت أشبيها عقيله وشنو صار بيها وليش هيج صار ليش تحول حالها من حال زين الهيچ حال وصلت

اي اعرف بيها گتمت وسکتت. وسكوتها خلاني أسگت بس هاي النتيجه

أشرت الأمي تاخذ أبني وتدخل جوه بقت عمتي زينه يممي

صرخت
-عقييييله عقيييييييله عقييييييله

‏قارورتي أن مايجمعني بكِ شيء أعمق من المحبة، أعجز عن شرح الأمر لك، لكنني بطريقةٍ ما أشعر أنك أنا.

ماگو جواب نزلت كرسي السياره أفتحه حتى عقيله تاخذ راحتها تتمدد وانا أفحصها نبضها ضعيف وجسمها بارد

ركبت السياره اسوق بسرعه عمتي بقت ورى ماكامت اطبطب على خدود عقيله وانا عين للشارع وعين العقيلتي أدعي ربي يقويها وتبقى عايشه الاجلي،وتقوى ماانهار حتى أتحمل منظرها وهي شبه حيه

مره أندب ياامي الزهراء مره أصيح بأسمها عقيله

أصار عند عقيله حسب خبرتي مو ضغط عصبي چان أسعفتها بأي شي يمي

الي بعقيله شي يخوفني ويخليني اخاف عليها أكثر
أعرف هي تعبت من گلشي بس بعد مااخذ حچیها راح اطلع من بیت اهلي وانهزم من کول العالم
نبقى بس انا وياها
خلاص اخذها المکان محد ينغص علينه حياتنا...

تناوعتلها وبصوت عالي راح احاسب گل شخص اله اید باذيتچ یاقارورتي بس گومي بسلامه اليه

لازم تگعدین علمودي وتتقوين صوت عمتي العلويه

-سيد سيد عينك للشارع والله ماعليها شي

-متاكده عمه

-اي والله سيد هاي انت المتدين تبهذلت احوالك شوف وجهك اشلون اتغير راح تتخربط مبين
ضغطك صعد

مجاوبت عمتي لان رنیت علی دگتوره سحر اول مفتخت الخط

-السلام عليكم..دكتوره بسرعه اريد تحضريلي سديه متحرك يستقبلنه باب المستشفى

غلقته ومختنك فد مره وصلت للمستشفى لكيت مجهزيلي السديه المتحركة بهداي مديت ايدي اسحب عقيله كعدتها على السديه عمتي تستر عقيله ركضت ادفع السديه بعد مگدرت گلیاتي اذني دكتورة سحر اجتي يمي

-استريح لا توكع علينه وزوجتك بعنايتنه

دخت اشرت العمتي تروح ويه الدكتورات العقيله وانا رحت للستشاريه يم صديقي بلا مااساله بدى يقيس ضغطي، ولكاه صاعد وقاس نبض،سحب جهاز السونار ياخذ الگلیتي

من الالم مقاومت مدري أشگد وانا امدد بلاسشاریه فزیت علی صوت المؤذن يقراء دعاء البهاء

والمقيمين يسحرون صاحولي اول مافزيت

-ارجع نام دكتور انت مو حيل صيام

مجاوبته نزلت رجليه من السديه دكتوره سحر دخلت شافتني ابتسمت

-حمد الله على السلامه شلونك هسه

-زوجتي اشلونها

-زينه الحمد الله

-يعني صارت زينه مثل ماانا هسه زين

-اي زينه زينه والله

-يعني تحجي مثل ماانا احجي وياج

-لا متحچي لان متعرضه الصدمه والصدمه قويه

بعد ماسمعت ألگالته تعصبت

-دکتوووووره أاااااشلون ماتحچي وليش

_مااادري

سحبت ابرة المغذي من ايدي بقوه حاولو يمنعوني يحچون عليه ترگتهم رحت أتمشى للردهه البيها عقيله،

مشيت خطوات استند على الحايط شفت عمتي من بعيد واكفه قلقه تقربت منها اول ماشافتني بقهر حچت

-هااا سید اشلون صحتك سوده عليه صاير بيك وجهك اصفر ليش مابقت ترتاح لخاطر عقيلة من شوف هيج تنهار اكثر لزمت ايدي أكعد عمه ارتاح لاتوكع ضغطت على ايدها من بين اسناني

-مريتي أشلووووونهااااا وينهاااا ليش وحدها عايفتهااااا
ردت

-امك امك يمها وامها اثنينهن مو عايفها بلعناية تحت المراقبة
بس طمنونة زينه لاتقلق تعال اغسل بس وجهك لاتشوفك بهيج وضع شصاير بحالك..

_ليييشش واگفه هنااا

_منتظر إخو عقيله وسيد مجتبى يجيبون علاج عقيله من برى وانا واکفه الهم

تقربت الها گلش من بين أسناني

_أله أندمهم أخووووانچ

تعديت عمتي ادخل غرفة عقيله فتحت الباب على كيف واشوفها متدمدة وجهاز القلب وصوندات على صدره
وحتى جهاز ضغط تقربت عليه واعية
امها تقرأ يمه قران وتبچي وعقيلة دموعه صب على خده وصافنه

مريتي تبچي قارورتي حبيبتي كعدت على الچربایه قریب الها

كيف اخبركِ بحبي للكِ كيف أخبركِ بأنك ثابته في قلبي وإنني اشتاق إليكِ في الثانيه ألف مرة.

دنكت على راسها وبستهها واحاجيها

_رويحتي ليش هاي دموع

التفت عليه
رفعت ايدي بابهام اصبعي مسحت دموعها

تريد تحاجيني مايطلع صوته
بس تگول اة اة فاگة حلگهااا تريد أطلع صوته ماكو اختفى مدت ايده على ركبته دلك بيه تريد بس تحچي ماكو أدموعها بدت أتصب ضلت بس تعيط تريد تحچي

هي مصدومه من نفسها مره‍ وانا مصدوم الف مره فهيت بدهشه تحاول تحاجيني وتأشرلي على حلگها وبلعومها متگدر

امهة وكفت وايدهة على حلگها مصدومة
امي واكفه على صفحة وتبچي بحرگه وندم

مريتي تحاول تحجي متگدر

رجعت سحبتها ألحضني أهدي بيهة أحاچيها اصبر بيها رغم مااعرف شنو حالتها

_لاتخافين يرجع صوتج
هدي أعصاب تعبتي وانتي حامل حضنتني وتتأوة
رجف جسمه اريد اسيطر ماكدر أحسهة راح تروح مني

رفعت رأسي ليفوك

_أماه فاطمة أغيثيني

أُنا عاهِدت زوجتي عَهداً أمامَ ﷲ وأمامَ هذا المَلأ أنَّ أصونَ هَذ الحُبَ ، وأنَّ أُحافِظَ على قَلبِهاه كـ أُم حُرِمَتْ مِنَ الضَنا لِاعوامٍ ، ثُمَ رَزَقَها ﷲ بِوَليِد

دمعتي وكعت اي نهاريت اي تعبت بهاي لحضة وأني عاجز مأاكدر اساعدها
صحت بصوت اليك المشتكى ربي

دخلت دكتورة سحر وگفت وخرته مني مددتها
تتأوة وتبحي سحبت ابرة وخلته بلمغذي
ابرة مهدئ سكنت عقيلة ونامت بس بعدها ترجف وتناشغ رغم نامت

تقربت دكتورة يمي
_سيد ترى على كيفك انت دكتور وتعرف الوضع أثر صدمة هيج صار بيهة انهيار وعدم الكلام

-دكتورة مأكدر اشوفه بهاي الحالة اول مرة أصير هيج بيهة
اعرف صار عده انهيار عصبي
بس مأتحمل كلشي ولا عقيلة

درت وجهي على موجودين وحاجتهم

ارجوكم كلكم طلعون اريد اشوف مرتي أشوف حالهة

حجت امي ..
_يمة انت تعبان ومريض احنة يمه
شوف روحك راح توكع

_عوووووفيني يمة يمهة هاي راحتي مااكدر
اعوفهت لحضة خلوني وانتي هم دگتوره وياهم

طلعوو كلهم اجيت يمهة وتمددت
وياهة وحاجيهة

_قارورتي عرفج دومج قوية وصابرة ومؤكلة امرج للخلقج أدري هل مرة ضربة كسرت ضهرچ
وتاذيتي بس وداعت عيونج حقج مأعوفهة
رجعيلي عقيلة اني محتاجچ

رجعيلي حبيبه من شوفچ هيج اوكع انهدم ويجوز أمووت
أنتي قوتي من شوفج أصبر على وجعي
ومرضي وتقاوة بيج انسى كلشي
بشوفتج

‎ساعشقك حتى يقول العشق كفى..وانا لا اكتفي من عشقك‎

احجي ودموعي طاحت على خده قارورتي اكعدي شوفي حبيبج حتى مااكدر امشي
شوفتج هيج كسرتني

عفت ايدي على راسه
وقرأ دعاء
:«اللهم اشفه شفاءً ليس بعده سقم أبدًا، اللهم خذ بيده، اللهمّ احرسه بعينك التي لا تنام، واكفه بركنك الذي لا يرام، واحفظه بعزك الذي لا يضام، واكلأه في الليل والنهار، وارحمه بقدرتك عليه، وارحمه بقدرتك عليه، أنت ثقته ورجاؤه، يا كاشف الهم، يا مفرج الكرب، يا مجيب دعوة المضطرين، اللهم ألبسه الصحة والعافية عاجلًا غير آجل، يا أرحم الراحمين، اللهم اشفه، اللهم اشفه، اللهم اشفه»

رفعت راسي أمأه فاطمة أحلفج
بلمحسن شافي وعافي عقيلة
أماه فاطمه احلفج بشهيد كربلاء
خففي وجع عقيلة

شفتها نامت طلعت من الغرفة اريد اسال ليش ماتحجي مامعقولة هاي اول مرة طلعت لكيتهم
امي وامها وعمتي ومجتبى جاي تقربوا عليه يسألون

_ليش ماتحچي

_صار عدهة أنهيار عصبي
وما تكدر تحچي

تقربت على امهة أسأله

-عمة ام علي عقيلة قبل هم صار عده هيج وضع نقطعت عن كلام لان الحاله مو عرضيه ولا بصدفه هذا الشي مو بس أنا أگوله حتى ألدگتوره

-اي سيد مو اول مره قبل صار بيها

_أشلون ممكن أعرف

_چانت زغيره من ويه اهلها كسرت أستگان چاي وسميره بخيله كتلتها بلصونده واخذتها صعدتها بعز الصيف ألحار فوك السطح سحلتها ألحد چان عمود شدتها عليها وخلتها يوم من الصبح الى ثاني يوم الصبح بلا أكل ولا شرب وشاده حلكها وبطن حلكها كطنه عل سطح وحارة وشمس تصكع بيها

بحيث خابرنه ابوها هية بلمستشفى رحت شفتها رجليها صايره مثل قطعه سوده محرگه لان سطحهم چانو ذابين اله جير

حلكها داخله گطن ومشدود من حرك تصرخ مايطلع صوت أنهارت من ألوجع صرخه مگتومه أنقطعت الأوتار الصوتيه لان تصرخ وحلگها مشدود بخيط وخرست عن كلام.مثل هسة

_أڜگد بقت خرسه

_اربع اشهر

كعدت للكاع ومدت رجليه حيلي أنهد من سمعته صاير بيهه اردد الله واكبر على ظالم
الله واكبر

اجاني اخوي مجتبى ثنى كعد يمي ويحاجيني واني عايف اديه على راسي

-سيد قوي روحك عقيلة من تكعد تريدك واكف بحيلك لاتخليهه تنقهر بزايد من أشوفك منهار ومكسورتنكير انت سندها وصبرهة

-ياخوية شلون اوكف والله حيلي راح شلون أشوفه هيج
شكول وشحجي على لكان سبب
منين تتلكاه من ياحاقد

والكم والله نسمة مايوم شتكتلي مايوم كالت تذيت من أحد ومن اريد أحچي تسگتني

مأاكول حسبي الله ونعم الوكيل
على ظالم
حالته لوتحچي على اثر صدمة لو راح ضل بلكلام

كمت على حيلي اتوجة على حايط
عوفوني اني وزوجتي لحد يدخل علينا

دخلت للغرفة بعدهي نايمة كعدت يمها أشوية وخلص مغذي شلته منه باوعت على جهاز القلب زين الوضع

شلت صونداته وعدلت ملابسها زين وعدلت حجابه
لزمت ايدها وبوست باطن ايديه فتحت عينهت

تبسمت الهة
وكتله

_هلا بقاروتي هلا بفرحتي هلا بدنيتي
أبتسمت الي

عدلت المخاد وراها وكعدته

ضلت تأشر على بلعومه ليش ماتكدر تحچي
كتلها

_حبي توثفين بيه

هزت راسها معنى أي

_,مرور الايام تحجين
دنكت وضاجت

سمعت صوت الاذان المستشفى قريب على الحرمين
كومتهة تعالي يم شباك مشت ساندهةوايدي على خصرها صوت الاذان

والمناير والقبة تبين للامامين من بعيد والاضوية منظر يريح الكلب وكفت شوية ودموعه صبت
بس شفايف تتحرك

أحُب الأمان الذي بينُنا، أحُب الفكرة التي تطرأ عليّ دائمًا بأن كُل الذي عشته معك لن يتكرر، وأن كُل هذا الذي أشعُر به اتجاهك لن يحبّه أحد بقدري.. أحُب أننيّ الشخص الوحِيد الذي وصل إلى أعماقك.

وهنا عقيله شتريد تحجي ماكوووووصوت

حرت شكول الهة واني مأعرف شوكت وشكد تبقى على الوضع هذا
حاجته واني امسح دموعهةمرور الايام تحجين لاتخافين قارورتي شدة وزول اني يمج

شوية وعافت أيدي واحنا على رگفتنا جدام الشباك لزمت بطنها ونصت تناوعت للوجه أنعكش متوجعة تعصر بروحها تريد توكف متكدر

لزمتها اريد اسندها

_حبيبتي قارورتي شيوجعج متحچي بس تتناوع عليه وتأشر على بطنها خايفة تريد تحجي متكدر

كتله وانا لازم ظهرها امرغل بيه

_ بطنج توجعج شنو تقلصات بعد وكت
اشرتلي وهزت راسهة بلااااا
عصرت ايدي متوجعة

مشيتها للسرير كعدته خابرت على دكتورة تجي تفحصه

ضلت عقيله تتأوة وتبجي ومااعرف بس تأشر على بطنهة بهاي لحضة اصبرها اصبر روحي من اشوفه هيج واني مابيدي شي

مديت ايدي هلى ضهره واقرا عليه قران

على صوت بجيهة واهاتها ضلت تعت بقميصي تأشر على رجليه كلت تريد امرغل رجلها تناوعت والكاها نازفة ونازل الدم
على رجليه

‏"لا يليق بالمؤمن في تقلُّب أحواله؛ إلا أن يُحسن بربِّه الظنّ، ولو كانت النوازل تفتكُ به فتكا
......

....

المرأة التي تهتم بدين الرجل وعقليته وطريقة تفكيره قبل وسامته وأمواله غالباً تكون إمرأة واعية وراقية فكريا
أي مزوج

-ام دنيا وشلون مزوج ويريد يزوج مره ثانيه،شلون ترضيها اليه
أنكطع ألخط ومفهمت منها شي،لا وفوگاتها طلع مزوج
ومنو گال انا وجه زواج تمددت بین سبحتي الألكترونيه بيدي وبيدي استغفاري وبين هواي اشياء بالي ليش انا گلبي بعد ماانفتح الاي شخص

ليش مشروع اي خطوبه او اي زواج ارفضه،هل صدك انا معقده،والگل یشوفني ابالغ لو لان عباس شي خاص او مااتوقع الگی اله شبیه لو هذا سبب أقنع نفسي ارفض اي قسمه تجي لو كلمته من گالي ام شامه اريدچ
تبقین تحبیني الحد اخر نفس مسحت دمعتي بقهر اي حچایته هواي ماانساهن انا ماابالغ ولا مگبره الموضوع بس مااكدر أتقبل غيره
صدك نعجبت بحضور سيد.سلمان وأخلاقة وأحترامه بس ماتقبل

قريت سورة الفاتحه العباس والاخويه نمت كعدت على صوت الجامع يمجد،توضيت بسرعه حتى الحك على ركعتي( الشفع والوتر)صليتهم اشويه گلیاتي اذتني اليوم اخر ايام شعبان مااگدر اصوم لان متاذيه
رحت للمطبخ خليت قوري الچاي على النار جهزت ريوك بيض قلي
وجبن مثلثات
دخل ابويه

-صباح الخير بويه الجو مو بارد
-اي والله بويه هذا الشهر الرابع تقريب بارد وحندخل بشهر الخامس
-اي معناها من ندخل بلخامس والسادس راح ننسلك سلك من الحر
-اي بويه وانتي شلون ماتحبين الحر يله يله سوينه لگمه
-مو تدلل سويته وحضرته

دخلت ماما صبحت علینه کعدنه نتریك ونفتحت مواضيع هواي ولد عمي،يردون الهم مراه،ولد خوالي همين والحلو بلموضوع وابوي وامي رافضين زواج القرايب الحمد الله خلصانه من هاي سالفة ونك امي
كام ابويه يغسل
ودنيت على امي وشاورته
الحمد الله رافضين قرايب
ولا جا خبصتني عفته وكمت
اضحك ردت عليه

-هاي فالحه بيهة ضلي مكابلتني
وكاعدة والله بس يجيج واحد ابن وادم غصبن ماعليج تزوجين
ضلي ضحكي

-تدللين يمة بس خل يجي ابن الوادم والله كريم
بس تدرين حرامات ولد عمي ولد خالي راحو منج
ركضت وشمرت ورايه خاشوكة
ودور على شي شمره عليه

-انشوف ياغفورة عود كولي لااا
هاهية حكمتي على روحج

-يمه ابوية صيحج وفلتت منه

اغيرت ملابسي تنورة رصاصي وسترة نيلي وقميص ابيض عدلت حجابي وعباتي على ايدي رحت لغرفتهم اودعهم اروح للدوام وكتله يماااه يماااه
رايحة راح أدعيلج لبالج يماااه
وركضت
صاحت وراي تبقين زعطوطة

اجى الخط
رحت وافكر بأم دنيا،ليش هيج حچت ویایه
لیش تریدني اخذ رجال متزوج..
شبيه اني شعوزني واخذ متزوج
وعلى شرج
بس حتى ماشفت مرته بحنه مريم زعلانة يمكن مرته وهل يريد يزوج مالكى بس
غفران يزوجه هوة هذا حضي
وهسة تطلع مرته وكحة وتكتلني

وصلت للشركه.. واني مامنتبهة
من الافكار وافلام البراسي

نزلت جنطتي لغفت عباتي جاي اكعد اجت العامله

-ست غفران صار ربع ساعه سيد سلمان منتظرچ ويكول تجيني حالااا

-انا
-اي ست
راحت
وانا ليش ياستار ياربي شكو بس لاا يفصلني على ذاك اليوم وتخيلاتي بس لاا ممعقولة شسوت اني هية شكم فكرة براسي سوته رئيس عصابة وراح يخطفني معقولة سمعني لاا مااعتقد هيج اني ثولة واحجي بصوت عالي

ضلت مرتبكه اروح لو غلس
رجعت هاملة وكالت ست منتضرج
كتله جاية
شنو يريد مني رتبت عبايتي واخذت الجنطه رحت للمكتب واسمع واحد يگله هاااااا ابو الاشبال علیناااااا

هزیت ایدي ودور اسمه ابو الاشبال،يعني مخلف وعنده مريه ويريد يزوج عليها مایعرف اذا جاب طاري الزواج اله العب فلك لا وهسه امي بس تسمع انو ابو الاشبال يريد يخطبني تجيني

ركض وتگلي تقدملچ شاب ملتزم دینیآ صاحب لحیه سوده وسیم طول بعرض بعد شتردين
وابن حلال

دكيت الباب اسمع صوته
-اتفضلي ست غفران
تفاجأت الباب بعد مسدود اشلون عرف انا ورى الباب زين بس لا قراء أفكاري ديله بله شگول علیچ ام دنیا ‌قویت نفسي وقريت سورة الفاتحه دخلت مدنجه سلمت
-السلام عليكم
ردو اثنين
-وعليكم السلام....
رفعت راسي سيد سلمان مغنتب گل الواحد لابس اسود بسود اعتقد صاحبه دوم اشوفهم سوه گاله
-گوم سید گمیل اتوگل
-مو انت گلت عدنا شغل مهم
حچى سيد سلمان بعصبيه
-سيد گمیل آتفضللللل
گام سید گمیل طلع سد الباب أنه بعدني واكفه اشر بيده

-تفضلي ست غفران
اشرلي على تخم قنفات جلد كعدت حاضنه جنطتي
وهو وكف من مكتبه تمشى خطوات وكف جدام الجام
الي بغرفته فتح البرده السلايت خلى ايده ورى ظهره
لازم سبحه بيضه كل خرزه بيها ياأمنا الزهراء..محبسه العقيق والسبحه ،يدير بلخرزات وعيوني على اصابعه اشلون يسبح
بقى ثواني ساكت أتنهد وبلا مايدير وجهه اليه وعلى وگفت گال

-ست آعتقد آم دنیا گالت الچ عني واريد أتقدم الچ انا واعوذ من گلمة انا شخص مااحب الف والدوران ولا ادور سوالف....

-بس انت مزوج
حطيت ايدي على حلگي أي شجاني وچفصت
بقی واگف حتی ماألتفت وگمل

-من‌آنا طفل ومعجب بشخصیه،عمي الي حسيته قدوه الي بقت أمشي على مساره وخلقه،وتاخذ من عنده الاشياء الحلوه
يبقى هذا العم القدوه الك رغم احترامك الوالدك بس تشوف هذا العم افضل قدوة تروح وياه دورات قرأنيه تروح وياه حوزه دينيه..

رغم عمي ازوج بس مافارگته بقیت ویاه..وهم زوجته تاقلمت انا اعیش ویاهم لان ماصار عدهم اطفال تالي صار عدهم تؤم بنات فناء وافنان وصارن صديقات الاخواتي مريم
فصرت شاب بجامعه،وعمي زوجته بعد ولادت بناتها شالو رحمها بقيت وياه ارافقه باغلب سفراته تعلمت منه
اشياء راقيه تعلمت حبي الديني وحبي الاهل بيت النبوه
صرت من ارجع من الجامعه اروح لشركه اشتغل ويه عمي،وادير الحسابات بدت بنت عمي فناء بعدهي صغيرة ومدللة كلش بحيث كل طلاباته مجابة من اجي يصير اهتمامها بيه غير حتى والدها انتبهه وانا ابد ماانطيها امل لان مااحب فكرة الزواج بهيج عمر لان والدي زوج اخواتي صغيرات يعني مثل العقده عندي بسبب هل شي

فناء انسانه جميله لابعد حد جميله ودلوعه اي دلوعة والدها وحبيبته وضحكة البيت اول ميدخل عمي تتلكاه وتحضنه وشاقي مرات احس اكثر يمزه بين بنته ثانية افنان الي دوم
ساكته ومجنبه كلشي عدها طبع سكوت بس تسمع بس اليوجه الها كلام ترد حتى مرات زوجة عمي شوفه تحاجيه شبيج ساكته

مره من المرات خبرت عمي مااجي البيتهم لان عندي امتحان رجعت البيت اهلي شفت فناء لابسه سدار الصلاة يعني مخلصه صلاة الظهر راحت للمطبخ تبعتها شفتها تساعد امي بلأكل سالت امي

-عمه سيد سلمان هسه بلجامع لو بلجامعه
-لا بلجامعه ومن يجي دائما مصلي بمصلى الجامعه
-اي يعني حيجي على الغدا اريد اساعدج
-لااااا روحي كعدي بغرفة مريم انتي انا مكمله كولشي
-تمام اروح ارتب غرفة سلمان اذا ممحتاجتني

-لا عمه ابقي سلمان وليدي هو يرتب غرفته حتى انا ميقبل انظفها
فرحت لان امي ماراح تخليها تروح الغرفتي صادف الجو
شتا نزعت القمصله حتريت لان ضايج انا بيا حال وبنت عمي،تحبني يجوز مااكون كفيء الها ويجوز مااراح تفهم عليه شنو انا وشنو اريده منها
بعدني على وكفتي طبكت القمصله اريد ادخل المطبخ حتى تشوفني فناء وماتجي الغرفتي مااشوفها اله وهي تركض وايده على صدري تعصبت كلش
من جرئتها
تعصبت بوقتها لان تناوعت اليه بعشق،وانا اريد اقتل هذا الاحساس التحسه تجاهي اريدها تنسى مشاعرها اليه نترت بيها رغم برائتها وحبها

-من تمشين انتبهي الخطواتچ
رادت تبچي
-اسفه والله مااقصد انو اطخ بيك
درت وجهي منها حتی مانطیتها اي نظره
-يله لاتبچین بس منا وجاي انتبهي لان عيب على بنيه شابه تركض بهيج طريقه

عفتها ورحت صوب امي بست راسها وامي تهز براسها
ضايجه واعرف شنو تفكر وشنو تريد كالت

-ليش هلكثر تنتر بيها ترى عمك من يسمعك.يزعل منك مايصير يايمه مو هاي الچنت تشیلها وتلاعبها لیش هسه
گارهه

-یمه جوعان وارید اگل من ایدچ الحلوه
اندك الباب كالت امي
-روح افتح الباب يمه اجى والدك وراح اصب الكم
طلعت من المطبخ اريد افتح الباب شفتها سابقتني فتحته شبگت ابوي ضجت وگلتلها

-لیش تفتحین الباب هاااااا
دارت وجهه عیونها متروسه دموع‌ مسحتهن ودخلت جوه البیت گالت الابوي
-راح ادخل اساعد عمتي نجهز الغدا
دخلت مريم اختي وفرحت بجيتها كعدنه نتغدى ناكل بهدوء وفنار ابد مخلت اي لگمه بحلگها تلعب بلخاشوگه تشیل التمن وترجعه للماعون گالت الها مریم

-گومي حبي العصر نسوي النه شي چنچ ممشتهیه گامن اثنینهن اول ماراحن گالي ابوي

-ليش هيچ ویه بنیت عمتك باچر عگبه یسمع عمك يزعل وهو يحبك
-بويه مولاي ترى انا ممسوي شي وذا حاچیتها بقسوه بس لان علمودها صارت ابنیه چبیره وهی تاراكض منا ومنا لتكون بويه عبالك بعدها ذيچ الطفله الزغيره الي اشيلها على چتفي
-لا بويه بس لا تنتر بيها

-اي هو ضجت من نترت بيها بس انا اخاف عليها خاف تشوفني مو بس ابن عم الها ويجوز حبيبب وهل شي حرام وميجوز

-اعرف بويه انت زلمه تخاف الله بس نكدر نحلل الحرام
-شلون بويه
-تزوجها

بوكتها باوعتله بضوجه وكتله بهدوء
-بويه ترى البينه قاصر يعني حتى اربعطعش ممكمله زين نفرض زوجتها باچر عگبه تتندم تاخذ شخص ضعف عمرها هي بعدها طفله والعمر جدامها يعني بوبه شيل السالفه من راسك ماازوجها ابد ابد ورفضت

-حاجته استاذ سلمان ولو قاطعك بس
ليش جاي سولفلي عن حياتك
بتفصيل
التفت عليه ونضرلي نضرة حزينه دنك راسه وتجاه عليه
حتى حسيته من يسولف غصة
بصوته حزنه طاغي عليه وصل يم مكتب وانتجى عليه وكاال..

-ست غفران اريد اكونين على بينه وتعرفين كلشي يخصني ومأراح اضم عليج شئ وبعد تبقى يمج ان قبلتي او رفضتي
بس أتمنى تتفهمني وتفكرين زين

-تمام استاذ حاجته ودنكت حست نضرته ربكتني وهوة يترجأني.. رجع يسولف ويتمشى لشباك

وصلت وين

هااا كمت من الأكل جاي اطلع الصاله صارت فناء بوجهي وبيدها صينية الجأي عيونه عليه وتبچي وتناشغ

مهما اجتهدنا في النسيان. حدث او كلمه واحده تعيد لنا عمراً من الذكريات

#يتبع