رواية عشق المومنين(أبناء الساده) الفصل الخامس وخمسون 55 - بقلم نازك الحمراني

مساء الخير
نازك الحمراني

خالة ان شاءلله باجر ورة فطور اني جايكم
_هلابيك سيد بكل وقت

انتبهت على غفران فاتحة عيونه متفأجا بلي صار
وگانها بصدمه من الحچي ماحبيت أبقى أكثر عفتهن برزانه ابتعد افكر بردت فعلها هل هي رافضه شخصي أنا لو مضربه عن الزواج

ولا أحسن من اروح واخطب رسمي شوف الوضع واكعد وياهة جدام اهلها واقنعها بطريقتي بلقبول لأن صار ثلاث سنوات ماشفت بنت مثله قنعت أن تگون زوجه وحليله اليه وهية الوحيدة الحركت مشاعري الراگده

توجهت اريد أگمل عشقي بلحبيب وبدت دموعي تذرف نحو بيت اب هذه الامه نحو اب الغائب نحو أمير المؤمنين گاني لم أشبع عشقي بلمناجاة اقول قول عشق المؤمنين مناجي المهدي

سيدي، أيها المهدي مولاي ١١٨٥عام وانت تعيش مغيبٱ بشهورها وايامها وساعاتها وفي کل لحظه من تلك السنين تمر عليك وانت شديد الحزن
أي عبد أنا وانت تعيش١١٨٥عام مغيبٱ وانا لم أعش هم الغيبه ولا ظلمها لازلت أعيش لنفسي متمتع بفراقك والأبتعاد
.

گل عام تعيش هموم شيعتك ومحبيك وانا اعيش فقط لهمومي ونفسي وحالي ياسيدي انت الفرج انت الطريق عشق المؤمنين وانا لازلت امشي يمنيٱ يسار

فيارب المستضعفين وبقيته إن كنت قد كتبت علينا الفراق مع مهدينا، ورضيت لنا بالبعد عن غائبنا، فاجعلنا ممن يعيش معه هم غيبته، واسلب عني كل راحة ورخاء وگل شيء ما دام مهديي محمل بهموم الغيبة وأثقالها مسحت إدموعي رافع نحو بوابة الحب

رن نقالي قاطع خلوتي فتحت خط أختي ريام

-ألحك ابو الاشبال أبويه تخربط وانا ورجلي اخذناه

ألتفتت ألگبة امير امؤمنين أتوسله(ابويه مولاي ابويه)

جاوبتها

-وين أنتم

-بلمستشفى أخذناه

-جااااي جاااي

غلقته اتمشى متوتر أدور امي بين الزوار، هسه چانت هنانه خرب وين راحت امشي بين حضرت امير المؤمنين اتصفح وجوه الزوار عسى اشوفها تعديت الزوار امشي بسرعه بينهم وصلت يم باب الفرج شفتها بعید تسولف هي ونسوان وگفت علی صفحه
صحت

-یمه یمه

اترخص من عدهن واجتني تتمشى لزمت ايدها دنجت ابوسها

-يمه نرجع الكربلاء هسه

-يمه متونسه عوفني هنانه وارجع ويه ام دنيا

-لاااا شغل عندي بسرعه يمه فدوه الگلبچ مااگدر أمن عليچ يم أحد وهمين لا تنسين وصية الوالد لاتعوف أمك حتى وانت اتزور

_اي مو بعدني يايمه

_اعوضچ والله اعوضچ

_امري الله الواحد القهار

_راضيه مو بلا زعل

_يمه العندها وليد مثل ماتعرف الزعل

_ربي يحفظچ ييمه

اخذت ايدها امشي على ممشاها گوه مسيطر على نفسي ودي اشيلها واركض بس لازم نفسي حتى ماتتخربط ولا تحس صاير شي گالت

-یمه تری هسهجایه ویاك وامشي وچنك مستعجل غير اعرف وين راشد بيه

-يمه هيچ ياعيني ماكو شي أجاني شغل مستعجل
وما أگدر أعبره

-زين وعلاليگي هناك بقو

هسه أخابر أم دنيا رغم هي حريصه بس علمودچ
رفعت نقالي خابرت ام دنيا

-اشلونچ خاله'غراض امي'يمكم بقوو من ترجعون من الزياره جيبيهم

-ووين انتم

-راجعين للبيت عدنه شغل مهم

-صاااير شي محتاج شي

-متقصرين خاله

وكفت يم الشارع مقابيل باب الفرج الرئيسي ادير يمنى يسرى حتى أجافي دموعي وماتخذلني وگفت ماد ايدي اجر تكسي خصوص نصيت راسي گتله

-الگربلاء تاخذني الاجره بلي تامر بيه

-والله خويه ممجهز نفسي ويراد بانزين ودهن والدنيا لليل

-بطريق نشتري كلشي واحسبه عليه من غير الكروه
وذا تتعب انا اسوق بدل عنك

-اذا هيچ أصعد

صعدت السياره واتحاشا نظراتي امي، حتى ما تسال ولا اتحاچیني ماتحرجني السايق كالي

کعدت امي وسديت الباب وانا اجيت گعدت يمه اسلم

_الله بلخير
.
_الله بلخير والعافيه تعرف خويه بحياتي مجايه گروه هیچ ونوبه الدنيا لليل بس شفت وجهك قلق ومحتار وربي لايحيرك لهيچ قبلت بسرعه

-وانت المتفضل خويه

-لا استغفر الله
بقى يسولف وبالي مو يمه التفت على امي لازمه سبحتها وتسبح وتتناوع للشباك..رجعت النقالي راسلت ريام

-بشري ابويه اشلونه مو خليته يمج مابيه شي شنو الصار وهيج وگع

جاوبت مسج

-بعده جوه بلانعاش وهو مچان بيه شي بس چنه انسولف انا وياه عنك گال انا واخوي السبب حبينه فناء على احساب سيد سلمان زوجناها اله وهي حبته على حساب نفسها لاهو ارتاح ولا هي ونتيجه وليدي باقي لايريد يزوج وگارهه النسوان

گتبت

_اي بس مو سبب يترخبط

_لااا سبب لان انقهر عليك وانت بلا زواج لهسة

من كتبت ريام هيج بلا اراده طكيت باب السياره صميت ايدي عضيتها حتى متحس امي

السايق سگت عرف اگو شي ومااخبر أمي الى أن و كفنه يم بانزين خان نزل السايق يترس بانزين،وانا نزلت كلت الامي ترحين للحمامات اشرتلي اي اخذتها الحمامات البانزين خانه ،

ونار جمره بگلبي ماعرف اشلون اطفيها،رحت ورى بناية البانزين خان سندت ايدي على رگبي صرخت بصوت مكتوم كاز اسناني

بقيت على هاي الحاله الى ان صاح السايق

-الحجيه تريدك

غسلت وجهي بلمغاسل وجيت يمها

كالت

-يااااع يمه رررايح غاااد طلعلك جني واحد نشال

-مااكو شي يمه خلينه نروح

وكفتني
-وليدي صاااير شي وانت ماترضى تحجي

-سلامتج يمه
تمشيت ودموعي حابسها باجفاني، ماريد أضعف ماريد أعيد الصار بيه من ماتت فناء من چنت بزیاره وخبروني بيها هي محترگه

گانما انعاد گلشي وتجدد لزمت گلبي اردد بصبر وثبات رگبت السیاره،همست للسایق یاخذني العنوان ابويه
وصلنه امي گالت

-المن مستشفی هااااا

-اهدي يمه اهدي

-یمه سلمااان شبی ابوك

-جووه والله جووه مابيه شي بس تعبان
رغم رجليها توجعها ورغم تعب السفر
ورغم العمر الجبير
ركضت بلهفة رفيقة حياة بلهفة حبيبه وانا اتبعهاا وصيح عليها يمه مووو منااا تعاااي هنااااا

تتبعي صوتي بلا نظره ولا شوف مثل امرائه مكفوفه تستخدم طريقة برايل للوصول نحو رفيق الدرب هيچ صرت اشوف امي

صار خوفي خوفين مره على ابوي مره على امي متعلقه بوالدي وهو فتحت عينها من يتمرض تصير روحهها بيه
وهو بلمثل

لزمت ايدها منا لمن وصلنه للممر الغرفه لاكتنه ريام اختي امي حتى ماباوعت عليها امي تتبع نبضات گلبها وصارت هي الدليل

غلقت أمي النظر وفتحت عيون القلب الي ماتخطيء
دخلت جدامي واسمع صوت عتابها ويه ابويه وانا وكفت باب الغرفه مااكدر اشوف والدي متوجع

ولاااااا اكدرر اشوفه متئذي ابويه جبل شامخ
....التفت على لمسات اختي ريام

-روووح يريدك

تنهدت مرتاح لان ابوي صااحي..دخلت لكيت امي كاعده على الجربايه يمه وتقرا على راسه وهو يسولف وياهااا يصبر عليها ويگلها

_أم سلمان ترى بعدني بحيلي تبچين عليه وانا بعدني بحيلي لا عبالچ.جاوبته

_الحيل گلهة انشاء الله بيك يابو سلمان يروحي

شافني طبطب بئيده على چربايه گلي

_تعال تعاال بويه أريدك

نصيت بست راسه ا

_لحمد الله على سلامتك حجي ليش تخوفنه عليك

-مااابيه شي

-وهاااي هيج تهبطنه مولاي

-اي هيج حتى تفكر بزواج ماتحملني ذنب الصار ألك

- اي بوية مفكر بزواج ان شاء الله عن قريب بس اخذ الموافقة ان شاءلله تروح أنت وتخطب اليه

- اني اريد اشوفك مزوج ومرتاح
لأن احس بذنب بيوم زوجتك المرحومة وعانيت من هاي زواجه اريد ازوجك وافرح بيك واشوف جهالك
انا وعمك دمرناك

_حشى وعفت بويه ابدومالگم غرض ألکاتبه الله بعد

_يعني تزوج

_انت بس ارتاح واني راح ازوج وافرحك

رحت لدكتور كتبله خروج بس مراجعة دكتور مختص قلبية رجعنا بلثنتين بليل للبيت

أسحرنا وصليت صلاة ألليل ونمت من تعب گعدت ألصبح رحت لشركة وگلي امل اشوف غفران حتى لو من من بعيد اعرف ماتقبل ولا تسمح

يَجب أن يُكتب في عِينيها قصةٌ، وفي عناده قصة
وفي عفتها قصة وتُسمىٰ قصة "حُب عَباءة

وصلت يم مگتبها مالگيتها تفاجات ماخذة اجازة
ضجت ورجعت مضجور گملت دوامي بشافعات رجعت احضر گلام أشلون قنعها توافق برضاتها

هل بنيه حيرتني بعنادها وتعاملها الصعب وليش حتى ماداومت وشنو السبب وصلت للبيت أطئمنيت على ابوية جبت اله بقية العلاج ماقبل يفطر بقى على صيامه هذا طبع ابويه بگل رمضان مايفطر ابد لو مدري شيصير يبقى صائم ورثت منه هذا الطبع وحببني بيه وهم عمي حببني بضررورة أگمال واجب

ماضغطت عليه ترگته ورحت صليت من التعب نمت ما گعدت اله قبل الفطور وامي مسويه المشتهايه تعرف بيه احب هل أكله...

كعدت افطر ابوي وانا وامي ومثل گل مره امي اول من تفطر ترفع ايدها وتدعي

-يااارب ياكريم ارزق وليدي الحرمه الي تصونه وماتعبه تحافظ عليه تحبه وتندعيله كل ييوم
بكل سجده وركعه

تبسمت الها
-تدرين يمه دعواتج مثل شعر شعبي وصرت أحفظهم گد ماتردديهم

-اي ضل تمزهد اعليه اريد اشوف جهالك يايمه مايصير هيج حتى شيبات منا ومناك طالعات الك

-حشا اتمزهد انتي الخير والبركه والحصن الحافظني
انشاء الله تفرحين والله

-تفرح امك يااا صدگ

-الوعد قرب لا تخافين

-هيييج بخت ام البنين لروح اهوس بحضرة ابنها

-انشاء الله يمه اليوم رايح ورة فطور البيت غفران اقابل ابوها واگعد وياهة خلوة شرعية ونتفاهم

_اي يمة انة حبيت البنية حبابة ومؤدبة وخلوقة ومن طينتنه أحسن ماختاريت وبجاه ام البنين ماتفشلك طالب هل عنوديه من ام البطل عباس

_والنعم منه ومن ابنه مايقصرون

گال أبوي

_هااا شنوو فاتني وماعرف

جاوبته

_لکيت التايهه التدليني

_منو الي خلتگ تکول هيچ

_‏وحده وجهه،مغفرةٍ ألكل الذنوب الي ارتكبتها طِوال حياتي

_الله عليگ أبني واگع واگع

_اي بويه کلش واريد دعواتك

_أنشاء الله روح أتوگل ومن تشوف الوگت الأجي بيه واروح للناس

_أنشاء الله بويه

كملنه الفطور گمت أغسل الصحون ويه أمي حضرت چاي صبيته وگعدنه نشرب سوه خلصنا بين سالفه وسالفه گملت أترخص منهم

رحت الغرفتي بدلت لبسي وگل معتاد وتعودت عليه لون الاسود طلعت بنطلون اسود وقميص ساده أسود مشطت شعري رتبت هندامي وتوكلت على الله

والواجهه تلبيتهم واني اگول حتى لو هم ترفض مااعوفها واحاول وياهة

‏فحين التقيت بكِ
لا أعلم ماذا حدث بعدها
كيف أعانق ظلها
كيف تغيرتُ من الداخل
كيف جعلتني اطوف حول نفسي

جعلتني ألمس سرعات نبضات قلبي
وكيف شعرت بأن العالم كله اختفى ومات
وحييت أنا على يديها من جديد.

وصلت بيتهم اردد بسلاح المؤمن الي يجلب الخير
ويدفع الشر

رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي))

دگيت الباب طلعلي ولد شاب يمكن اخوهة

_ السلام عليكم

_وعليكم السلام

_أنا سيد سلمان اريد الوالد بشغله

_تفضل هلا وسهلاااا بسيد

استقبلني ابو غفران ودخلني الاستقبال وهو يرحب ويهلي

كعدنه وبعدسلام وسوال ورغم عدم معرفته بيه فتحت ويا الموضوع

_عمي انا جاي وگلي أمل ماتردني

_گول أبني أنشاء الله خير

_جاي وگلي أمل أخطب بنتگم المصون غفران وأتمنى توافقون

_يجوز أول مره أشوفك بس أم علي مدحت بيك وبأخلاقك زرزانتك'ودينك'وخوفگ من الله واعرف من فتره دزيت تخطب بنتي وام علي هم مدحت بيك وانا أومن جدٱ بنظرتها للأنسان

_يعني أكول خير

_الخير أذا أجى فـ بأمر من الله ن شاءلله خير رغم گولشي أنتم احسن الناس وساده بخيتين ألگل يمدح ويمتدح بيگم

_أشگرك عمي زين شنو ألمانع

_,ماگو مانع وليدي بس تعرف البنيه مترددة من زواج ولاغيه فگرت الزواج من اسنين مع ذالك أنطينه مهلة انشوف ردها

جاوبته

_گل الوقت الحضرتگ بس انا انسان متمسگ وصعب أتمنى من رخصتك وذا تسمح ممگن أكعد ويه الأنسه
غفران بخلوه شرعية محلله دون أن تگون مخاه

وانت تعرف الي حق الروئيه والخلوه أن گنت مقتنع بيه زوج وكفء للانسه غفران وطبعٱ بحظوركم مو بعيد عن عينگم

_زين ياابني اتحقق القبول واختليت خلوه شرعيه شني راح تستفاد وهي رافضه

_ااشوف سبب رفضها سبب عزوفها عن الزواج سواء مني شخصيٱ او الزواج بشگل عام لان أني هاي ألمره ألثانيه اطلبت ايدها والمرة ثالثة اجيت بنفسي اشوف سبب

تعجب من طريقتي وتفاجا من الثقه الجاي بيها مع ذالك ماعترض کال

_ طبعاا سيد الك حق تگعد وياهة وبعد القرار الهة تقبل او ترفض مااكدر اغصبها

_لاا ان شاءلله ماگو غصب

_ماشي ابني أترخص اروح اصيح الهة

طلع ابوها وبقيت منتظر جيتها وطبيعتي كلش أكره الانتظار طلعت نقالي فتحت تطبيق حقيبة المسلم اقراء بيه قرأن منزله حتى أقتل وقت الانتظار وانا اقرا كملت جزء گامل وغفران وماگو

غلقت التطبيق ردت أگوم هلکت من الانتظار بس أتبهت الباب انفتح .دخل الاب

_اعذرنه عمي عطلناك بس تعرف

جاوبته حتى مااحرجه

_لا عمي اخذ راحتك گل الوقت ألگم

وانا أحچي ثواني اجت "أم" غفران لازمة غفران من يدها انتبهت غفران مدنگه راسها
سلمت الام وكعدت هية وغفران مقابيلي گالت

_شلونك خاله الوالدة ألبارحة مااشفناه من رجعنا

_اجاني اتصال ابويه متخربط بلمستشفى رجعنه مستعجلين بتگسي

_ان شاءلله سلامات مابيه لاا العافية

_اشگرچ انشاءالله ماتعبتو من الطريق

_لا بلعگس الحمله چانت هينه لينه

بقينه أنسولف بگل المواضيع وعن زواجي وشلون توفت زوجتي وانتبهت على غفران ولاشالت راسها ولا حچت وأي موضوع ماشدها حتى وفاة زوجتي ماخلاها ترفع راسها عرفت من هل ألحظه هي انسانه راسها يابس وعنيده

سألني والدها حتى يقطع صدمتي بنته

_وشلون طبيعة شغلك وذا عمك طالب بشرگته يعني شلون تعيش

_الحمد الله ألله مگني أعرف گلشي والگلشي وانشاء الله مهر غفران مقدور عليه من المليون لللميه مليون وأي شي تريده يصير

رد

_عمر الفلوس متقيم بس سألتک لان گلت الشرگه أصلها العمگ وانت امبين أنسان يعتمد عليك

_اي هو عمي والدي وحتى خالاتي أنا داير امورهم

_عمك وابوك لان محتاجيك بشغل خالاتك ليش

_خالاتي اربعتهن ماعندهن أولاد واثنين ارملات انا الي قائم بواجبهن

_بارك الله بيك أرحم ترحم

_اشگرك عمي

_زين سؤال اخير

_جواب

_أگيد عندك بنات عم خالات شعجب ماشفت وحده منهن او وحده تگون ألك زوجه وشريگه لو خالاتك عدهن بس جهال

_لااا بلعگس عند گل خاله اربع او خمس بنات بس أنا معتبرهن خووواتي لان گل يوم هنه جدام عيني

_خالاتك مافكرن ينطنگ وحده من بناتهن

_يفرحن بس يعرفني قافل وهن مايردن يخسرني بسبب زواج الاقارب يولد مشاگل

_تمام وليدي أنا أعتقد أعرف والدك لأن فتره من الفتراة داومت بفرقه ٤٤مثل فترتي

_اي يجوز

گام ابو غفران ماد ايده گال

_ ابقى على راحتگم. لان عندي أتصال مهم
أجى يطلع
ام غفران مدت ايده على غفران و شاورته
هم گامت وگالت

_ابقو على راحتگم اني هنا قريبة عليگم اخذني وياك أبو علي طلعت وعافت الباب مفتوح

عدلت گعدتي ألگل طلع بقينه أنا وياهة أتناوع الها متوتره,مرتبگه هذا الأنطباع الثاني,خجوله جدٱ الانطباع الثالث نظراتها تصنع القوه بس داخلها هش
هذا الأنطباع الرابع صعبه جدٱ الدرجة الهلاك وهذا أصعب أنطباع لان يتعبني وبقت على صمتها گتلها

_غفران أشلونچ

رفعت راسه وعيونه حمر مبينه باچية

ردت بحدة وتأنيب

_الحمد الله استاذ مثل مجاي تشوف اشلوني

تنهدت

_اشوف كل خير بوجهچ اني جاي اليوم وطلبت اشوفچ وبعلم اهلچ اريد اعرف ليش رفض كل مرة
بيه شي ماتحبي

حچت بحزن

_كتلك قبل وهسة الرفض مو الك شخصيا لان انت مو خصم اليه ولا عدو انا ألزواج گله رافضته لأن اعرف بروحي

_بس أني متمسك بيچ واريدچ زوجة الي وأتمنى توافقين وصدگي ماتندمين على قرارچ
والج كل الوقت تتقبلين الوضع وراح اسولفلچ شي يگون مقنع الچ وعسى أن يگون بوابه أدخل بيها الدواخلچ

تناوعت بغضب

_أي دواخل تقصد

_ترى لا يروح بالچ انا ابد مو مثل هاي الشباب

_مثل أي شباب أنت مفهمت ترى الشباب صارو أنواع

عجبني مراوغتها تحب تكسب الحوار وتطلع هي المنتصره هيچ نظرتها للامور

جاوبتها بهدوء

_والدواخل هم أنواع

فشلت وخجلت گالت

_الانواع شنوه

_دواخل الجسد وهذا الشي مادي يذبل مروو الزمن
دواخل النفس والنفس إماره بسوء الا مارحم ربي
دواخل الروح وهذا الي وجدته بيچ

_انه

_أي أنت

_وشلون ومنين اجتك الثقه

_انا مستمع حذق ‏لخُطب الجمعه والمساجد من احد الخطباء حچى عن حور العين عرفت وتيقنت انو هذا الخطيب جاي يدليني عليچ

_وصدگت ترى انا ماافيد ,لا محد يتحملني

_أتحمل تناقضاتچ بگل الاحوال لان درستهم زين
نبرة صوتگِ المتمرده تروق لي تشتت أفگاري حينما لاتريدين الحديث أتحمل حتى لحظات صمتك لاني حينها ساصمت واتنهد تنهيد طويلة عاليه
تضارب المشاعر لديكِ بقبولي

_اي وبهذا الحچي راح تقنعني ترى أگدر أگلك اشبيه انا بس ما راح تفهم

_بس انا افهم شي واحد اول ماشفتچ أطبق الوعد

_ الوعد اي وعد

_الوعد هو الروئية

_اي روئيه

_انا شخص أومن باهل البيت واتباعهم أو أمن أي شي تسوي أمي عن طريقهم تعلمت شغله من أمي وسويتها وهي جبت السدار عگدت عگدة ام البنين
قبل لا انام وقريت على العگده سورة الفاتحه خمس مرات وخليت السداره جوه راسي مثل مگالت أمي

فا قريت عشر مرات هذا الورد (اللهم أني اسألك اليسر بعد العسر والفرج بعد الگرب والرخاء بعد الشده يااالله)گملت عشر مرات واي حاجة اطلبيها انا طلبت دليل عن زواجي

_سلام الله على ام البنين بس انا شنو دخلي

_لاااا الچ دخل...تحلمت
واكف كدام بيت جبير وحلو والاشجار محاوطته باب البيت من خشب
دكت الباب مرتين نفتح الباب والفتحلي الباب انتي غفران
بعباتج بحجابج الحلو بكل أحتشامج
رغم مچنت شايفچ اله مرات قليله بس ممنتبه

كعدت فرحان بلحلم وصار گل عقل وبالي أنتي الحلم خلاني أرگز بيچ بأسمچ بتصرفچ وعرفت انتي المنشوده وصار گلبي الأسمچ

_يعني شنو حبيت

_بدايه لااااااا ماحبيت فقط اعجاب لان انا انسان صاحب تجربه ماهتميت حتى من أعجبت بيچ و ام دنيا عليچ

_وشنو الجد

_الجد هواي خاصه بعد زيارة زاد صراري الچ شفت بيج الزوجة الي طالبها من الامام الحجة وابا الفضل
شفت تعبدچ خشوعچ عدم مبالاتچ بناس الموجوده

_عليهم السلام بس أستاذ اتمنى تعرف وضعي والمريت بيه

_اسمعي گلامي وانتي حكمي بعد

جاي استرسل دخلت امها وگعدت والتفتت على غفران وخزرتها اثر خزرتها كالت أم غفران

_هاااا بشرو ان شاءلله خير

جاوبت غفران

_أوافق بس بشروطي.....

غفران//رجعنا من زيارة گلبي بارد وارتاحيت نفسياا بس ضوجني لحيح امي وفشلتي صارت كدام
سيد سلمان شافها من تعصر بيدي لأ ردت احچي ويه امه وأگلها مااريد ازوج لاتتامل وتجي تخطب

اجة علينه وصاح على امي گلها جايكم باجر ورة الفطور

تفاجات بيه معقولة هو يحبني ومتمسك بيه بقيت على وکفتي شافني أحتاريت بأمره راح من عدنا ردت ألمحه بأي مگان حتى أکله برفضي بس راح بسرعه
وضجت لان شمر قنبله وراح والقنبله تنفجر بس عليه انه

گملنه الزياره ورجعنا بليل بلثنتين على سريع حضرت سحور أجبان وچاي وامي كاعدة يم ابوية وتبسبس
ورد عليها يضحك

_ كله الهلااا بيه مادام بعده مصر أذن هو انسان متمسگ بنتي ويعرف قيمتها واليعرف قيمة غفران انا من يمي أقيمه

_اي شاريها ويريدها ولا أگلك هو بوجهه سماحه وهدوء تحسه ثگيل ورزن وراگز وماگو مثله اثنين

_ياام أحمد انتي انسانه ماگو منچ واعرف گلامچ مو فراغ اله وانتي دارسه الولد زين

_اي درسته وذا الله يحبني يصير نسيبي

_انشاء الله

عفتهم يحچون طلعت نقالي خابرت ام دنيا

_اشلونچ خاله

_اهلا يمه راح يأذن شعجب مخابره هسه

_اسفه بس گلت أكيد گاعده اريدچ تاخذين اجازة لأن تعبت من السفر وهم مااريد اشوف سيد سلمان بصراحه أمي فرحانه بيه هي وابويه وانا رافضه مو بيدي وتعرفين ليش؟

_يمه گولي ياالله وهدي روحچ. انتي مو متعلم تتستخارين

_أي والله هو توضيت وقريت قران ودعيت ربي يسر امري تعبت وامي ضالة مصرة على اختياره

قريت قرأن وبقيت اقراء اله ان شفت الشمس طلعت يله نمت غفيت ذيچ الغفوه الحلوه فزيت على صوت نقالي موقته ألصلاة الظهر گمت أتوضيت متعجه على امي لا گعدتتي لاصيحت لاكفخت شكو اليوم بس لااااا مريضة گمت من فراشي ركض رحت الها رحت شفتها كاعدة تقرا قران جريت نفس الحمد الله مابيها شي خايفه عليها من الضغط

رحت توضيت واجيت يمها بست راسها گتلها

_شعجب ماما اليوم ماكو الموسيقى

سدت القران باسته والتفتت عليه

_عفتچ على راحتچ ألبارحة

_هااا

_اي هسه نظفت وگملت کلشي والفطور خلينه نگمله
جاي تقرين قرأن

_لا قريت الفجر راح اغلب عبد الباسط

طگت فخذي

_الله يرحمه وچ الرجال ميت ودورين مغالب وياه

_أحب أحچيچ

_تحبين تمرضيني

_عندچ العافيه يمه حگوم اسبقچ

گمت بدينه نحضر الفطور أنا ماما ونظفنه جهزت صينية الفطور اجة بابا اليوم من وكت أذن المغرب صلينه كعدنه نفطر وسوالفنه والضحگ گمت اسوي چاي لحگتني

أمي كالت
_ روحي سبحي وحضري روحچ

شلت دشداشتي وشميتهااا اشاقيها

_افيييييش شبية شو ريحتي تخبل قابل بيه ريحة موحلوه شحلاتني حتى وانه مصخمه

_ووچ رووووحي بسرعه بيچ ريحة البصل وطرشي تعط روحي سبحي وتحضري وصيري خوش بنية لو حلة الچ التكفخ

_لااااا يمعوده رايحه لا تصير عندچ. عاده تكرصين ودخلين النار من ورى تعنيفچ اليه

خزرتني مشيت من يمها مااگدر اعانده وهية مريضة
أدموع على خدي شسوي مااگدر مو بيدي ادري بروحي فگررررر من اوفق واحبه واتعلق بيه يجهز للعرس ومن يصير العرس يموت اي هذا انه وهذا وضعي محد يصدگ بيه ليش ولد الناس تموت من ورى حظي وفگري

دخلت للحمام أسبح وگل طقوس خطوبتي من عباس الله يرحمه رجعت هم سبحت وهم تحضرت وهم ورحت للغرفة وتلفلفت بلبطانية غطيت راسي وادعيت نوم

مرت ساعة ونص سمعت صوت ابويه يکول
اتفضل سيد دخلوو ورة شوية اجة ابوية للغرفة فتح الباب شافني بهل وضعيه راح امي و كالها

_ترى السيد طلب يكعد وياهة وبوحدهم يتفاهم

امي ردت عليه

_اي اي وشگو بيه خلوة شرعية شوية وتجي بس خليني اشوفها راح ابوية

اجت وگفت جدامي وهية تعيط بصوت ناصي تاشر بأصبعها وتحجچي بين سنونه

_ااااانتي صدك تردين تموتيني ووووووچ گووومي لااااا أگومچ غصب

_يمه

_وغمه

_گوووومي وچ ليش تخليني مراضية عليچ
وگلبي غاضب عليچ موو ماتتتوفقين

_يعني أزووووووج گووووه مووو حررام والله وهم راح تشبعيني راشديات مووو

_لاااا وعلى شنووووو ااااشبعچ راشديات ضلي نايمه مااااراح أضرب ولاااااااا أتوسل بس أگلچ شغلة وحدة ااااان رفضتي السيد وماقبلتي أطلعين اله موووووجود سجاااااااااد اخو مرحوم وعلى حچيهم همه متفضلين عليچ وياخذونج ويسترون عليچ

وذا مو سجاد أبن ام حاتم الي. مايلبس اجواريب وابشرچ ذاك اليوم لابس حذاء ابو الأصبع

طفرت من الفراش

_اله هاي يمه فدوه هم مايلبس جواريب وهم حذا ابو الاصبع وكراعينه تطلع فدوه لاااااا هذا غصب

_خوووش عوفي ابن ام حاتم انا هم ماحبيته بس مجرد ما يروح السيد من عدنه ويطلع اخابر ام عباس منا وأگلها هلا وسهلا بيگم وبعد بقت يمج

فتحت الباب وطلعت عافتني ابچي گمت أبدل لبست كلابية زيتوني طوخ وحجاب دنبسته وعباة اجى بالي الحذاء أبو الأصبع يبوو عليه هاي تاليتي وطلعت لكته منتظرتني

دخلنه لسيد وكعدت حتى راسي مارفعته وهمة يسولولفون على ابوه أشلون يتخربط
مااحس لا امي كرصتني وشاورتني شبيج تلطمين

سلم عليه نصيت راسي ما اباوع اله بس مرگزه بيده لابس سوار مگتوب بيه گتابه دينيه بخط گوفي
بلگف الأيمن محبس فضه داخله حجر أبيض يبرچ ألسبحه لونها فيروزي للافها على ايده والشواهد سيف ذو الفقار واشم فوگ الگف الأيمن يامه‍دي...

رفعت حاجبي عليه مکثر بلأكسسوارات وفوگها واشم أسم أمامنا الغائب يعني ابو الوشم

ماحبيت کلشي رغم لبسه الاسود بس گلامه خلاني متعجبه على صرارة ويريدني وتعجبت اكثر على سالفه من ام البنين والرؤية ألشافهه

وشلون متيقن انة الة مو الغيرة لااااااا يكول بعد زيارة اصريت أكثر حتى ما أبين رفضي چاوبته

_ما اارفضتك الة شخصيا فقط بشگل عام

جاي أكمل وا أگله أني صايره عندي عقدة من زواج
بس امي وابوية دخلو وگلت اله من خزرت امي

_ ان شاءلله خير

تبسم وضحك فرحان مااردت افشلة وحتى مابيبتسم اكثر جاوبته

_اوفق بس بشروطي

رد

_گل شروطچ مجابة بأذن الله

سگتت أفرگ بيدي رجع گال

_أنسه غفران أريد أسمع شروطچ

_شرطي الأول ماکوووووو عرس ولابدلة ولاااحتى موسيقى ولااااالازفة ولااأي حفلة ولااا أأأي
أحتفال لايمنه ولايمگم اي شي وکلشي يخص ألفرح ماكو هذااااا الأريدة

_أي شي أي شي

_أي أي شي

تنهد بحسره رجع گال

_ تمام أنسه غفران للأن گل شروطچ تم وموافق بس اني ناذر نذر العقد بحضرة الامام العباس عليه السلام

رفعت راسي صدت عيني بعينه وگفت

_أسفه أريد أترخص

وگف وگال

_تفضلي أخذي راحتچ

لغفت عبايتي رحت گبل ألغرفتي شمرت عبايتي على الچربايه شمرت نفسي ووووجهي على المخده ابچي صرخت حيييل بس المخده گتمت صرختي
محد يعرف خووووفي محد يعرف قلقي محد يحس بلي أحسسسه

عباس گال هيچ وراد هيييچ يااااربي ساااااعدني مااااريد ماااااريد....أي عباس گلي أمنيته يزوج هناك
بلأمام ونأجررر هناك غرفه ..وهسه سيد سلمان
ألگل يريد يرجعني النفس الدائره يرجعوني الوضعي
ماااابيه حييل صدمه وحب

بچيت حاضنه المخده اولول وهز جسمي محد يفهمني ويفهم أحساسي شوية اجت امي

ألتفت عليها مديت ايدي حضنتني وباست راسي

_ الف مبروك حبيبتي المشية الزلم ثالث يوم العيد

بعدت جسمها وبچي جاوبتها

_أرتاحيتييييي موووو يمه ليش ماما ليش ليش انتي أمي ووووماجاي تفهمني اني فگر وراح هم اموته
أاااااانه راااح اموت أبن الناااااس

وکفت ضايجه

_وووووووچ بنت الاوادم شنو هذا تفكير العندچ عباس الله يرحمه خلصت خبزته بهاااااي الدنيا اجى يومه ومااااااااااااات انتي لااول وحدة ولااخر وحدة خطيبهاااا يموت قبل زواجهاااا بأيام ستغفري ربچ
وباچر دوامچ

_لاااايمه قررت ولااااااااااروح لدوام باچر لان اخر يوم برمضان

_برررراحتچ يمه

خلصت هذاااا اليوم بس بچي وصلاة حتى السحور ما أگلت بس كعدت اصلي وارجع انام وحتى الفطور فطرت تمر والبن

الأكل تركته امي تحاچيني اضل اصرخ وابچي كلش تكأبت ونهاريت واحس الصدمه جايتني

أجتني أمي گالت

_أبوووچ ماعنده أفلوس يشتري ملابس لان سددنا ديون البنيان وانتي راتبچ وين حتى تشترين الچ شي

_راتبي گله نطيته المنتظر مابقى شي منه بس تلث الاف اريدهم مصرف أليه

_اعذرينه يمه

_ولااااا يهمچ يمه

تمددت مقهوره وگل الأعياد هيچ أخلصهن أنه أمنيتي ألبس لبسه جديده خاصه بيه گله البس ملابس عقيله
او اذا هدمنه جديده أثنينه نلبسهه وهسه شنوووو
شنووو الجد بحياتي قابله بهذا وضعي بس ولا ازوج

نمت وصبحت واول يوم العيد گعدت قبل أهلي سبحت وصليت صلاة العيد
رحت عايدت امي وابوية ومنتظر ورجعت للغرفة منتظرة عقيلة تجي راسلتها جوبتني ابنه متخربط على باچر تجي

ي لفت راسي ونمت لثنعش امي گعدتني

_گووومي يمه تغدي

_مااااااااريد شبعااانه

ضلت صيح

_انتي تردين تموتين روحچ لوتموتيني وچ حرام عليچ لييشششش يمه

_عتقيني رحمه الأهلچ

كمت توضيت حتى أصلي گملت صلاة وحتى مااضوجها كعدت يمها أگلت لگمتين بقيت ألعب بلخاشوگه انتظرتهم يخلصون لملمت الماعين غسلتهم رجعت غرفتي

گد التفکير الوجع براسي ماافارگني شربت علاج وكعدت اقرا قران

أليوم خلص بين الترتيب والخطار ثاني يوم كعدت ألصبح على صوت عقيلة گمت مشتاقتله وبس هية تفهمني

رحت غسلت وبدلت ودخلت سلمت عليها وعلى سيد مهدي باوستها وگعدت يمها عقيلة توجع الکلب بس تأشر وتسمع والسيد يتناوع الها بترگيز عبالك يفهم قصدها شنو تگول باشاراتها

ابوية حاجى سيد مهدي گله

_عمي أذا سامع بسيد سلمان صاحب ألشرگه**

رد عليه سيد مهدي

_سيد سلمان اعرفه وسامع بيه رجال معنى كلمة
رجل خلوق متتدين كفوء الغفران وبصراحه أنسان مهذب راقي محترم يجبرگ تحترمه گد ما رزن

ألتفت أليه سيد مهدي وگلي

_ الف مبروك أخيتي غفران ونعمة الاختيار صدگي مااراح تندمين بيوم على موافقتج

رديت

_الله يبارك بيك سيد

اشرت العقيلة وكمنا للغرفة اول مدخلت سديت الباب بچيت اشرت اليه بيدهة (معنى) شگو

هل کلمه چانت گفيله أحچي فرغت شگو بگلبي

طلعت مبايلها اليه وكعدت تكتب الي

_بارحه امي خابرت وسولفت عليچ وذكرت سيد سلمان واخلاقه وسيد مهدي عرفه وحمد بيه

وگال عنه

_أشگد مااني متقي الله سبحانه هو اكثر مني
ونعم الاختيار خل تطمن غفران

گتلها
_بس يا عقيله أنه خايفة من گلشي وتعرفين السبب

دخلت امي وگالت لعقيلة

_قنعيها يمه تحف ماتقبل وباجر المشية

_معليه مااحف شبية هذا الموجود

_لاا گلشي مابيچ بس شواربچ خاطات والشعر بوجهچ چنه شعر بزون منتوف

ضحكت عقيلة واشرت امي عود هية تحفلي

عقيله اشرت
جاوبتها

_عقيلة مااحف وعوفي شواربي لاتجيچ رفسة بطنچ وانتي حامل
ضحكت عقيلة وكتبت

_اخذچ للمركز دايما سيد ياخذني اله

_لامركز ولا هم يحزنون انتي كتلچ مااريد احضر

_شبيچ غفورة نسوان تچي عيب شوارب اثخن من شوارب منتظر اني حفهن على كيف وعدل حواجبچ

_لاااا بس شواربي لان مسويت عقدة امي والچ وشوفي بعد المن مضوجات

گتبت
_اهم شي لاتعصبين علينه هاي فرحتچ

_أبقيييي الليله يمنه اليوم

گتبت

_تدرين سيد ميقبل

گتلها

_راااااح احاچيهه بس أليلة أگله

رحت اني وعقيلة لسيد وكتله

_سيد مهدي خليها اليوم اريد عقيلة منك تبات فدوه

اشر العقيله تجي يمه راحت أله وكفت يمه وتتبسم

عاف ايده عل جتفها وكال

_شلون اگدر افارگها ليلة تقبلين مانام وماتغمض عيني اعوفه يمچ هسة منا ليل اجي اخذه وباچر ان شاءلله الصبح من وگت يمچ

ضحكت عقيلة وطلعنا انا وياهة گتلها

_خوووووو انتي مگيفه ومسلطنه حتى ما اعترضتي
شجاه هية لليلة عمي حبگم ساطرگم حتى ماشوفون چدامگم قابل بس أنتم مزوجين هااااي عود ردتچ عووون بس گلچ مااافارگچ أنتي سحتي ومعتي

صاحت امي

_تعااااااييمه صبي ويايه الغدة

رحت واشوف أمي مسويه سمچ شوي وتمن احمر وزلاطات صبينا غدا وتغدينه گملناه سيد ترخص وطلع وأشر لعقيلة وطلعت وراه

واني بعز ضوجتي فضولي يرگض كدامي باوعت عليهم من شباك عايف ايده على جتفها ويحچي بصوت ناصي مثل عشاق جدد عشاق ماگو غيرهم

مااگدرت اسمع شي نوب وگفها جدامه تدنه عليها وانة غمضت عيوني راح يبوسه بلممنوع شوفه تاليته باسها بكصتها وراح وهية اجت تدهرب مثل بطة وتضحك

طلعت وکتلها

_ هاااااااااا راح تفارگيه سنة هو نص يوم شجاه سيد
يبذر بلبوس والحب

ضربتني على جتفي وخلت ايده على معنى اشش لايسمعوج بابا وماما جرتني من ايدي واشرت على شواربي (معنى)تحفهن

رحنه للغرفة وعفت راسي بحضنها وكتلها

_عفيه أشوية شوية مو تركضين بشواربي رگض

گلما تحف اشوي أگمز ورة ساعة يالة خلصته كملتهه شوغات جيت عقيلة وجودها يمي لهتني او غيرت من تفگيري شوية
كضته تكتب وتعلمني وحتى قرات على راسي قران

الحد ألليل أجة سيد واخذهة واني رحت انام
لصبح كعدت على صوت امي

_أگعدي ورانا شغل

كمت ساعة بتسعة غسلت وبدون ريوك نضفت
البيت لحد قبل صلاة كملت سبحت وصليت
وجاي امشط بشعري

دخلت عقيلة عليه للغرفة فرحت بجيتها

_أي عفيه خوش من ألصبح تجين هيدي زلمه مسوي عمليه ولازگه بيه

عاطت أمي

_عووووفي أختچ بحالها

ضحكت وتأشر على روحه وتهز براسه معنى

_لا لاا
كعدت يمي وطلعت نقاله كتبت

_سيد مهدي مريض جاي يتوجع من عمليه طلعتله سالفة وسيد مجتبى حاير بيه

گتلها
_شنو سالفه لاطلعين راسهة وسگتين لازم أعرف هووو حماچ موو عرس

گتبت

_مو وكت اسوالف خل نكمل ناس تجي بثلاثة
وانتي كلشي مامسويه

اجت امي جابت صينيه الغدة وگالت

_أتغدن بسرعه علمود تحضرن واشرت عليه تغدي لاريوك ولاعشة وعافتنه وطلعت

كعدنه ناگل ونسولف گملنه غسلت الماعين رجعت العقيلة لكيتهه دور بلكنتور بلملابس تأشر على نلابس شتلبسين

_كلشي ألچان مومهم

هزت ايده وماعجبه الحچي ضلت أتشوف ملابسي
طلعت فستان ازرق چويتي بي طوبه صغيرة بيضة شيفون بيه سرة دكم

لبسته ورهمت وياه شال بيجي رادت اخلي مگياج
گتلها

_مااريد أي مگياج

حاولت تقنعني بس رفضت شوية اجة منتظر كال

_ولك ابوشامة الي محد مقلد اله ووچ تعااااي شوفي كله هاي ألناس ووووالشيوخ والسادة واساتذة ومعممين جاية عليچ بس كلليلي هوة شايفچ زين هوة انتي اخوي ثاني زلمة خشن

بيدي فرچة شعر شمرته عليه وجيت اركض وراه
وامي اجت تعظ بصبعه وتكول

_خزيتنه نسوان طبت وانتي تردين تركضين ورى أخوچ هسة شيگولن قشمرونه بوحده خبلة

_اي خوش حل ماما گليلهم خبلة علمود يبطلون

غمتني بثنين اديها

_يااااربي أغفرلي هذا الذنب خاااف ورطت أبن الناس بيها يارب سامحني

صاح منتظر

_يمه ليش مگتيلهم عليها خبله

عاطت بيه امي

_ربي شمسويه وهيچ خلفه عندي

ضحگت عليه واهز بحواجبي وعقيله ضحگت علينه وامي غمتني بثنين أديها وراحت وكالت

_أمدددداچ وامداني بنيه وحده ومسطوره هذا حضي

اجت عقيلة وتاشر بيديه اربعة گتلها

_النسوان إجن اربعه مووو

هزت راسه(معنى)أي كضت ايدي وطلعنه للمطبخ

شوية واجت امي گالت مااطبين أسلمين عيب يمه لاااااا تصغرني جدام الناس ياله
ضجت من حچيها ودمعة عيني تقربت حضنتها أعرف تعبتها ويايه

اجت ايناس صاحبتي اول مادخلت هلهلت وکالت

_هلا وهلا وهلا يارب ايدي بيد غفران كووون هيچ سيد مفصل تفصال على الذوق حلو وغني وشهاده وكرزما بس عوزه شامه بخده ويصير گامل والگامل الله

تبسمت على حچيها دخلت جدامي للهول وانه وراها تلكتني ام سيد سلمان أول ماشافتني حضنتني وگالت

_هلا بعطية ام البنين وهلا بشمعة بيتي سلمت على باقيات وگالت هذن خالاته
كعدت يمهن مختنكة شوية والنسوان يسولفن گالو

_يله خلصت خلص گلشي قرواا الفاتحة

امه بصوت ناصي هلهلت وخالاته گالن گلهن

_ شني لاصفگة لاهلهولة شني بايگين بوگة

ام سلمان كالتلهن

_لااااا حبيبه أحنه نااااس فرحتنه بگلوبنه واشرتلي بعينه يعني تعرف شرطي والأريدة

گالت خالته الثانيه

_أريد أهلهل هم مايصير

أم سيد سلمان جاوبت

_لاااا عيني السيد مااايرضى

بقت أمي يمهن وايناس گل اشوي تفوت من يمهن ودنج وتحرك بجسمها بلگن يشوفنها ويخطبنها

إجت عليه گالت

_سأليهن عدهن رجال أليه منا منا حتى لو ماعنده شوارب هيچ اسمه رجال

تبسمت وگوه لازمه نفسي نص ساعة طلعو وسلمن نسوان وامه عافت بيدي ضرف وراحو وايناس رگضت للشباك فتحت ألبرده وفاگهه حلگها رجعت عليه گالت

_جعلني سبحه بيده لااااا جعلني محبس بيده لاااا جعلني هاااااي الدگمه بلقميص الي يم النحرررر

الله عليچ عنده اخ أبن عم أبن خال جوووارين
عقيله تستغفر من حچيها وانه أضحك أجت أم ايناس بارگت النه وسلمن وراحن

اجت عقيلة بارگت أليه وامي دخل ابويه باس راسي

_يااا حيل أبوچ زواجة ألدهر أنشاء الله والسيد يگول باجر بتسعة ألصبح انروح للحرمين هناك العقد

صحت بصوت عالي من المفاجأه

_يااااا يمه شجاه مستعجل

ماااحس أله كرصة بضهري يمكن شلعت وذرة مني والتفت والكاهااااا امي گالت

_صوووووووتچ سيد مهدي برة وشبيچ وجهچ يلطم وتعارضين خليه يمشي بفاله

عفتهم ورحت للغرفة واجت وراي عقيلة
تأشر راح أتروح للسيد. منتظرها برة سلمت وطلعت

غيرت ملابسي ونمت واي فرحة ماگو بگلبي

ثاني يوم كعدت ألصبح غسلت وشربت چاي والگيت اهلي مگملين گتلهم

_أنتضروني شسالفه شدعوه مستعجلين

_غيييرر على الموعد والشيخ الي داخل الحضره منتظرينه

_خوووش هسه بس أگمل رحت للحمام سبحت ولبست فستان بسيط بنفسجي طوخ لفيت الحجاب لفه للبنانيه ولبست العبائه طلعنه رکبنه سيارات

وهناااااك ووصلنه بين الحضرتين وابوي وامي مشو للامام العباس تبعتهم واريد حجه حتى کلشي يخرب

بس شفته سيد سلمان وياه وامه وابوه

اجة وسلم على ابوية وامي يبوس ايدهم واني هم سلمت على أمه وابوه
ورة شويه اجت عقيلة وسيد سلمو علينه

اجة وكف يمي واشر بيده وگال

_يله عمي هنا داخل الحضره الأمام العباس عليه السلام نعقد

گال أبوي

__ووين عمي بلضبط

_هنااااك أكو مگتب خاص للعقد والزواج داخله السيد الي راح يعقد ألنه

جاوبت أنه

_لاااااا ماااريد هناا ااااريد بلامام الحسين عليه السلام نعقد لأن

اجت امي وكفت يمي كرصتني وحصرتني البچيه
نزلن دموعي

رد عليه

_ماگووو فرق والله لگن أنا عندي نذررر

جاوبته
_مااااشي أنه اااااااريد بين الحرمين نعقد ماادخل للمكتب جوة

أجة سيد معمم من ألمكتب كال

_يله أتفضلو السيد منتظرگم حتى يعقد لأن وراگم أزواج هم حاجزين مااااکو وقت

عندت ودگيت رجل

_لاااااا لاا بين حرمين العقد يگون لو بلامام الحسين

أجى تقرب عليه ودنى يمي كلش بصوت ناصي كال

_انتي ليش متفهمني اناااا أبد ومستحيل ولا قصدي افرض عليچ رأي أو حتى أعاندچ

_ززززين ليش تمشي گلامگ حرفيٱ

_لأن أنا عگسچ عندي عهد بيني وبين الأمام العباس ابو فاضل تقبلين أخل و انقض عهدي وياه

ألتفت عليه اول مره تناوع اله

_عهد مال شنوو

_عهدي أذا قبلتي بيه اجيبچ ولبسچ الچادر الأبيض واعقد بحضرت أبا الفضل

_وين الچادر الابيض

بيده علاگه سوده فتحها وطلع عبائه بيضه منقوش عليها نقشات ذهبيه'مگتوب زواج سيد سلمان والسيده غفران ناوشها اليه والحظه اشوف گلشي بيه غريب وعنده طريقة أقناع رهيبه

لان بسرعه قنعتي وقبلت ادخل اعقد تمشينا الحضره العباسيه تمشينا ألمگتبه أو غرفه جانبيه دخلنا الها گعدنه على تخم قنفات دخل ورانه سيد معمم.وبدا
يتلو علينه طقوس العقد...

ونظرات سيد سلمان وهدوئه رغم عنادي هواي اتعجب اعرف نفسي بهيچ وضع لا إطاق وهذا الشي صار بيه بعد أستشهاد المرحوم

گملنه العقد گمنا سلم على الساده والتفت عليه همس

_مبارك عليچ عزيزتي وحليلتي أريدگ ثم أريدگ
وأتمنى أن تعثر بين ذراعي
گـ عثرة ضرير

خجلت وتسحبت على جهة إمه عزززا هذا يريد سوالف وهو گلي على راحتچ متت خچل وطمست بهدومي گان حالي يقول

شتانٌ ما بيننا أنا قطعت ثلج صاقع من الصدمه، ‏وأنت مهما ‏بردتُ في حبك حريق

لا تلمني ليس ذنبي هذا الجفاء
لكن إدراكي لما جرى مُرعباً.

بعدها طلعنه غرفة العقد ورحنه زرنا الامام العباس عليه السلام أخذ من أمه چيس من أمه چبير مد ايده بدى يشمر الحلويات على الزوار الگاعدين' گل خطوه
يشمر الحلويات والضحگه تارسه وجهه

نزع الستره ألابسه ناوشها الخالته وبقى يفتح أچياس الچگليت وويوزع ماخله واحد مانطاه

رجع بيده توفيتين نطاني وحده‍ گالي

-هااااي حلاة النذر اخر أثنين يگونن بيهن الحظ والبخت وتحقيق المراد نذري نذر حلووو حتى يتحقق

مااخذت التوفيه

مد ايده لزم أيدي باسهاااا وخلا التوفيه بيها

_المرررراد ماايرجع ياااغفران قلبي

اخذتها أمي وابوي فرحانين واكو بنات صورن شفتهن
بعدها رحنا ا الامام الحسين عليه السلام هنا بسبب الازدحام عثرت بيه همس

عطر الحبيب حين يلتصق بك
يصبح أعز من الروح ملبسگ

ردت أخرمش أخدودي دنيت على عقيله همست

_ووچ گلساع وشمر عليه حچايه والعياذ بااالله وکل شويه وگال گلمه والعياذ بااالله لحگي عليه لأن چنه ناوي على والعياذ باالله

ضحگت عقيله علىى الحچي مالتي واحنا نتمشى والسيد مهدي من صوبها رأسن گالت

_يحبچ

گلنا وگفنه اولهم سيد مهدي ألتفت عليها کالها

_هاااا ام علي گوووولي شنووو کلتي

عقيله بقت أيدها على حلگهاااا متفاجأه من نفسها مثل مااحنه متفاجئين سجد سيد مهدي مقابيل الحضره وگام الها گال ألنه لان شافنه فرحانين

_أذا حچت حتى لوووو گلمه معناهاااات صوتهااااا راااح يرجع يااااربي يااافرحتي بس أنا ويااافرررج بس ألييييييه يااااارب

بلحظة دهشه دموعنه نزلت وگل احنه التفتنه للقباب الذهبيه ندعي برجوع صوت عقيله

وانا لساتني خااايفه من سيد سلمان ابتعد مني وخلاني على راحتي وحتى من رگبة سيارته بقى سأگت مايسولف عرف أنا لساتني رافضه

أبد مااتناوعت أله وخااااايفه نفس الوقت ومرعوبه
الى أن رجعنا لبيتنه شو بيت أهلي مفتوح تمشينا والظاهر أمي تعرف لان من دخلنه تلكنه اخوات سيد سلمان سلمن حضرات صينيه البخت الانواع السبعه البيضه محطوطات بصينيه وکيگه أم طابقين وعصاير راني ألگزاز والنشرات والنفاخ

ضجت وهنا أول شروطي نگثوو وفوگاها مشغلات مواليد باسم الگربلائي ويصفكن فرحانات ضجت وبحرگه نزعت العبايه خليتها بيدي رحت لسماعة لأم بي ثري mb3لزمته وطفيته بقسوه

........

سيد مهدي//

وصلت لحد باب ألقبله شافني سيد حامد رفع ايده
يسلم لأن طلاب الحوزه متجمعه يمه...أشرت ألهم لايتحرگون قراء سيد حامد وبصوت حزين يوجع مملوء بلعشق الحسينيه وبفخر

دنيانه ظلام والخدمه ضوه
المايبجي حرام يطب ريته هوى
الماعنده حسين اخرررته لووووين
تاااليه يصيررر والماكووو سوووه
من حقي اهيييم محبوب رحيم
المايرضه يجيه يمشيه هوه
محد مثل گلبه الحنين ورحمته
ع السلب اخيام اخته تنزل دمعته
ونطانه خيمه وهوه طاحت خيمته...
دنيانه ظلام والخدمه ضوه
المايبجي حرام ايطب ريته هوه

الماعنده حسين آخرته لوين
تاليها يصير والماكو سوه

من حقي اهيم محبوبي رحيم
المايرضه يجي يمشيله هوه

بقى يقرا وانه زاد الوجع أبطني رغم أگابر؟؟
بس الصوت والمرثيه اخذتني الغير عالم مو هذا عالمنا الدنيوي ..
مديت ايدي اسحب الورقه البيها القصدية

ناوشني المايك حتى اقراء وياه مد ايده يشجعني
دنيت عليه وانا اردد المرثيه وهنا شفت نفسي باجمل واحلى مگان

القرائه الحسينيه جعلتني أكثر أُنسًا وسلامًا وحبورًا
إلى الله أقرب،
أنجلت همومي وتعبي ويه ابني وعقيلتي الي اختفى صوتهة ونحرمت من گلمة صباح الخير سيد مهدي

استرسلت بلقرائه وگان صارت ملجئ التجي بيه من هموم وتعب الدنيا فحلاوةَ الحياة هي القُربه من الله

خلصنا والناس ادموعها اتصب الناس حاولت تتقرب من عدنه بس أگو شباب شافو حالتي وكفو حاجز من الناس الي تريد تسلم علينه

طلعنه من الحضره انا وسيد حامد.منتعش من القرايه الاول مره اقراء احس نفسي خادم من صدك
رغم خدمتي للزوار من عمري اربع سنوات بموگبنه بس بعد اليوم شفت نفسي بمكان انا اريده

خاصه أگو مرضى چانو يراجعون يمي صاحو عليه دكتور مهدي استمر دكتور مهدي عشت
تشجيع ناس عاديه حسسني بقيمة الفرح فكيف بيوسف زماننا فكيف بغائبنا البعيد حين يرى ويسمع مانقول
رغم ان قلوبٍنا أغرقتها الذنوب، الطف بنا واجعلها تُبصر بريق وجودك

لزم متني سيد حامد..يسندني

-هااااا مولاي شحسيت من قريت ويايه
جاوبته

-الحد الان گلبي يخفق

-ليش مانگررهااا

-با اذن الله أكررهاأا ارجع من دوام المستشفى الظهر يم العائله ورى المغرب ايام الجمع اجي يمك

-وانا ابقى انتظرك وهسه تجي لاااا

-وين

-الاشبال المهدي

-شنو وين صايرين

-ياخذون دروس حوزويه

-اي اي اجي وهم حتى اشوف اعمارهم وشنو احجامهم كسوتهم عليه

-بارك الله بيك أنشاء الله يكون صدقه جاريه بيها شفاء أبنك سيد علي ويدخل وياهم

-يارب يارب ماگو شي بعيد عن رب العالمين وافرح بشفاء اوليدي

-انشاء الله سيد مهدي شو ضايج

-الدنيا هواي تختبرني بجمالي وراح,
وختبرتني والصحه على وشك الانهيار
وبأ ابني بين ان يعيش او يتحدد عمره
وبين بزوجه جمال صوتها وهي ترتل القران يخشع قلبي هم راح

وهسه أخوي وعضيدي

-لااااا تضوج هي هاي الدنيا دار شقاء عمر الدنيا ماچانت دار سعاده رغم الكل يدور السعاده ويموت ومايلگاها

-فعلا بس هسه وانت مکاني أذا أخوك خطاء شنو تتصرف

-اذا عنده اخ مثلك يرشده مايضيع

-وذا الفاس وكع براس

-اذن اخذه بلقول اللين وانت الي نتعلم منك مو احنه نعلمك مولاي

-بس احس ضايع سيد حامد هذا عضيدي اشلون اتصرف وياه الاختبار بـ الأخ اصعب شي

-ماكو شي صعب ونتأسى برسولنا ونبينا(ص)من صار عنده موقف صعب زلزل المؤمنين,وخلخل تجمعهم بس ماعاملهم بقسوه استخدم الاحتواء رغم تفرق الجموع وتقاذف الزمرة المؤمنة وگلوله أنت مقصر هنا الخطاب الألهي أجى وطالب النبي بذاك الظرف والضغط النفسي الصعب وکاله((لو كنت فظاً غليظ القلب لانفضوا من حولك))

_هوو مقرر ماللومه

_أبد أبد لااااا تلومه يضيع

_أشگرك سيد حامد دائما أنت الشخص الناصح المسدد رغم ماانطيك من مشکلتي فقط روؤس أقلام

_غير أنا صديقك والصديق مو الي يگعد وياك
ولا ألي يضحك وياگل وياك

الصديق هو الي من تحچي وياه تلگى الانس'والراحه ،والي من تحچي وياه يرتفع رصيد أيمانك باالله وان گل المشاگل الحياة ماهي أله بوابه تصغُر شأن الدنيا بعينك توجهك لذات الله فقط

_فعلا أنت هيچ سيد حامد أنت ألي أگدر أگول اله أحساسي أهواي أشياء تجمعنا أحس رب العالمين بعثك اليه حتى تگون مرايتي

_ما اجت صداقتنا بتحصيل حاصل ابد اذا ناس
فيا يا ابو علي المرحله بين شهادة والدي مرحله صعبه أنت هونتها عليه قومت أعوجاجي ونهياري وخليتني أرجع النفسي مو بس بگلامك حتى بدعائك

_يعني معناها أگدر أقنعك تزوج

_أي تگدر بس أله ألگى أنسانه أذا أصيح ألها خانوم

تگلي نعم سيد حامد

_هسه وصلت الفگره الي تريدها أيرانيه

_لا لا عراقيه اب عن جد بس هسه أجت للعراق

_اشوگت عرفتها

_لمحت طيفها حيث اختل القلب حيث أحسستُ
أن لم أتزوجها سأبقى وحيدًا الى الأبد

_يعني تناوعت

_نظره يتيمه نظره شرعيه واحده لا غير حيث بهذه النظره رئيت جمال خلق الله في أجمل صوره وقلت لها بقول أمها (خانوم)خانوم ألتفت أليه مبتسمه

_زين أمتى تقرر ترتبط بلخانوم

_اذا أذن الله الخانوم هي أتگون زوجتي لاغيرها

_انشاء الله قريبا انا اريد افرح بيگ رفيقي وحتى تبقى من تخابرها تخبصهه خانوم خانوم خانوم

_ يارب.. دعواتك النه ابو علي

_لن ننساگم من خالصه

ضحگنا واحنا نتمشا للدرابين الضيقه لبيوت بيها ناس تحب الله وال رسول الله وصلنه بيت بيه يجتمع طلاب الحوزه الباب شبه مفتوح مد ايده سيد حامد انفتح دخلنه البيت حاله حال اغلب البيوت
ناصي بباب خشبي مهتر

وشوف سيد معمم متوسط الغرفه على سجاده ومرتجي على مخده وداير ميدوره شباب اعمارهم بين ١٧والعشرين وياهم اطفال اعمارهم بين السبع والعشر سنوات سلمنا بهمس حتى مانكطع الدرس

والمحاضره جانت عن الدوله المهدويه،عن دعم الامام بغيبته باعمالنا وهنا گال الخطیب بحزن..

-الامام لو ری ۳۱۳شخص مؤمن حقآ لخرج الينا مستبشر

هل لايوجد في هذا الكون ٣١٣مخلص لاااا نعم يوجد لگن يسقط شهيد،و يبقى بلا ناصر
بقت المحاضره مستمره وعيني على الاطفال گلما ينذگر اسم الأمام ينزلون راسهم ويخلون ايدهم

اتخيلت ابني سيد علي يمن الله عليه بشفاء ويجي حاله حال الاولاد هنا يشارگهم الدروس

اول ماخلص الشيخ الاطفال وگفو بشكل مرتب عددهم ١٢وبدو يقرأون عن السيده الزهراء عليها السلام
سالت سيد حامد

-شعجب اطفال وبلحوزه مو العمر الي يدخل الحوزه كون فوق ١٧

رد

-العمر واجب لكن رجاحة العقل اوجب وذا طفل
وعمره سبع سنوات يحمل عقل راجح يجوز له الانظمام وان يدرس دروس الحوزه حاله حال الشباب

_وهمينه يتخرجون وهمه أطفال

_اي يتخرجون وبعد كم يوم يصير محفل تخرج طلبة العلوم الحوزه بيهم اثنين من الأطفال اعتقد اعمارهم بين ١٤وا ١٣سنه مكملين البحث الخارجي والسطوح

_ماشاء الله ماشاء الله

_يوم الابنك وتفرح بيه

-انشاء الله

تقربنه سلمنا على السيد الي يدرس الطلاب وطلعنا نتمشى بطرقات كربلاء الوجع..لزمني ترخصت منه حتى ارجع للبيت
لان الوضع متازم مكدرت ابقى يما أكثر,لأن سيد حامد متعلم يصلي صلاة ألليل داخل الحضره الحسينيه

رگبت السياره ورجعت ويه سايق جدي للبيت والقلق على الوضع داخل البيت وشلون النفسيه اوليدي سيد علي قلقني وحزن قلبي على صحته بسبب ايده گلها مچگچه ابر والمعاصم صايره زرگ گد الگانولا

أول مانزلت يم بيتنه الباب شفته مفتوح..
لمحت جدي معصب ومحتار كأنما منتظرني شافني من نزلت هم يريد يكوم بس الحيل خذلة اشر براسة يعني تعال..
اجيت عليه اتمشى لازم بطني

-هاااجدي گول یاالله رحمة لاهلك ليش هيج حالك

-یا الله يااا الله
بس برودك هذاا معنااهه انت راضي على سوالف اخوووك ودماراته

-رحمه الجدك ياجدي اعرف الموقف صعب عليك وحتى عليه وعلى امي الي صار فوق طاقتنا وفوق مبادئنه لكن الامور ماهيچ تنحل يراد صبرر

ـ ياااصبرر ميين اجيب لاخووك الصبررر راخ يجلطني بتصرفاتهه

ـ اتقربت عليه بسته من راسه وكعدت يمة لازم عمليتي واحجي وياه.. عمر العصبية متحل مشكلة..

تذكر ياجدي من ضربته راشدي من يومهه الوضع طلع من سيطرتنه وصار سيد مجتبى يتصرف بعصبية

ـ ساالفة وصاارت بوقتهه وانت تعرف ليش ضربتةةة بس مو معناهه هيج يسووي بينةة

ـ ياجدي شوي اهدئ لخاطري.. العصبيه ابد ماراح تخدمنه

-ولك مهدي انت تشوف الاشوفه البنيه مدري اشلونها اااستغفرالله يااالله

- اي شفت..
بس هم المفروض مانحگم علیها
انت علمتنه منحكم على البشر من مضهرة اهم شي جوهرة
مو هذا كلامك

ـ استغفر الله

ـ خلي ننتضر ونشوف یجوز تطلع انسانه صالحه ليش نشيل غيبتهه وندخل باثمهه

- رغم علمتكم هالكلام وبعدني مقتنع بي بسسس تجااه هالبببنت لاا مااتوقع ولا انت تتوقع تطلع انسانه صالحه

- يا جدي هسه خلينة انفگر بلشي المهم افضل من ان نحرك گلبنه ونضوجة

-شنوو المهم اگثر من صخام اخوك.

- لا ياجدي لا انت العاقل الرزن جبير اهلك
المفروض تفكر بغير سالفة هسة

ـ ويااسالفة الافكرر بيهه اكبر من سالفة ااخووك

ـ ما ابتعدت هي همين بسالفة اخوية..

ـ ابو علي لاتضل تلوف بحجيك فهمني شكو

ـ االبنيه راح يجون اهلها البيتنه زيارة

ـ وهسة تفطنوو يجوون يشوفون اهل نسيبهم!

ـ واان ياجدي... يبقون هذول ضيوفك وبمضيفك جايين..
شلون تطردتهم؟

ـ مو جدك اليطرد الضيف
بس لاتطلب مني اسوي شي فوك طاقتي

ـ اتحمل لخاطرنة

ـ وووليش هووو ما تحمل لخااطري ليش

ـ اذا مو لخاطرة.. فلخاطري ولخاطر ابوي الله يرحمه
عدلت كعدتي وحطيت ايدي على چتفة..

ألجوارين كلهم شافو سيد مجتبى جاي هو وزوجته بالسيارة وراح ينقل الخبر مثل النار بالهشيم والماشاف راح يسمع..

وراح يطش الخبر وتصير سالفه ماتنرگع لان جيتهم بهالطريقة غريبة وتثير هواي تساؤلات

- چااا واناا شحجييت.. غير من صخام هالوجه

ـ طالما الناس شافو لازم نتصرف

ـ شنتصرف شنو الحل؟ خلي اشوف شلون راح تركعهه

-الحل تفتح القاعه مالتنه حتى نجهز العرس اليوم قبل باچر

_ ااانت صدك تحچي
اناااا اسوويلة عررس بالقاعه الچبيررة ليشش انضربت برااسي

_ لا حشاك..
بس لازم تسوي هالخطوة

ـ ووولك ابني شدتحججيي اذا اسويهه بالقاعه الچبيررة يعني قاابل عن تصرفاته الرعنة وقابل عن مررته ودگايگها

ـ ياجدي افهمني الله يخليك لا اتعبني والله مو حمل الي جاي يصيررر ورايه عملية أبني وزوجتي الي للان صوتها مايبشر بخير

_شتريد مني بويه

_گتلك جدي اذا مو ألخاطر مجتبى ولا لخاطري لخاطر ابونه النايم بتربته
ليش تجي حچاية بعد هالسنين وهو جوة التراب...
اتأفف ودمدم بكلامه

ـ لا اله الا الله

رديت

ـ محمد رسول الله.. ويا جدي اافهمني الله يخليك
الناس شلون نسكتهه

تضل انت الچبير والك سطوة بهالبيت وخلينه ناخذة على كد عقلة هالمرة..

ـ ويدمررنه مووو يدمررر سمعتنه

ـ لا مو لهل درجه هذا إخوووي ميصير ننسى كل وكفات سيد مجتبى وزيانته ويانه علمود زلة سواها

نگدر نعتبرهه بسيطة يعني الحمد لله البنت عدهه اهل وراح يجوونه هالايام مو جايبهه العياذ بالله من ملها لو غير مكان...
احلفك بوالدي ياجدي لاترفض

رد بغصه عليه

ـ حلفتني بكسرة ضلعي.. ما اكدر ارفض
،
ـ خلص... جدي قنعته اروح اقنع امي وعمتي وسيد مجتبى

_وشنيه راح يگون تصرفنه

_رااااح يگون ألعرس والحنه نفس اليوم ونسوي ثواب نذبح ذبيحه حتى اذا احد سال او گال منو هاي البنيه عند بين الساده احنا مجهزين كلشي وحتى اذا سالو ليش أاستعجلنه بزواج وبلا موعد نگلهم لأن ورانا سفر للهند وعملية سيد علي

-والله يامهدي هو لو مثل عقلك ماجان صار الصار

-بس يبقى اخوي وانت جدنا وهو غلط بس مازنا والعياذ باالله

-روح بويه خليني اشوف عمامك

-اجي وياك سيدنا

-وين تجي ياوليدي انت مسوي عمليه وماتكعد بس تفتر منا ومناك ويكفي هسة هلگت بالحچي روح ارتاح اخاف عليك من الوجع روح يا ابني

_تعلمت على الوجع.. زيين بس خليني اجي اساعدك بالحجي اعرف عمامي ماراح يسكتون

-وليدي رووووح نام وارتاح انا اعرف دماراتهم واعرف شنو يردون وشلون ااسكتهم

-صار جدي صار.. اترخص

دخلت للبيت عبرت الكراج وصلت للصاله لگیت امي كاعده اتولول وطگ بفخاذها وتلطم وجهها ويمها عمه زينه والعلويات عرفو ورايه هواي حچي

اتنهدت واخذت نفس دخلت رميت السلام وردولي.. اتقربت على امي شلت شيلتهه من المكان وكعدت يمها بست راس امي ابرد عليها

-يايمه مايصير گلگم على سيد مجتبى هییچ وتالی

ـ تسألني وتااالي اليي تسالني وتاالي

ـ اي يمة الچ اسالچ..
ميفيد النوح والدك واللطم والبچي

-چاا وشتريدني اسووي اانت ماشفت ااخووووك شعمل

ـ سوة كل خير ان شالله

ـ يااا يعني اانت مقتنع بيهاا ولگ يمه مدري منين جابه هل بلوة ونوب تنوص عليه وتتمايع

-اختياره ويتحمل قراره وهوة راضي بيه مايفيد الحجي بعد

-والشمات شكول لناس شسد ياحلك وهية اجتهن على الحاظر
راح اصير سالفة بحلوگهن

-يمه ارضاء الناس غايه لاتدرك

-ليش هيچ حالك بارد يمه وانت الحار الماتنگحم

-الخوه والصله ،والدم أتحگم علیه اسایس اخوي
لأن هو عمره ماتخلى عني رغم عمره زغير صارلي اب وام واهل من صار الحاادث بيه هوو ياخذني للحمام هو يسبحني هو يمشطني
،هو يغير ملابسي هوو ايدي ورجليه وحولي وحواليه وهو الي صار سندي وعضيدي بگل وقت وحتی
من خطبت عقیله

هو الحارب عمامي من رفضو نرجع عقيله وفوووگ گل هااا الشي هو اخوي الوحيد المالي غيرررره

-يمه مهدي بس انا مامقتنعة بزواجه
شلون ناس راح تقنع ولاهية من ثوبنا ولا عادتنه

ـ الناس مارضت على احد وعلى كل شي تفك حلگهه
فلا تفكرين بالناس فگري براحة ابنچ

ـ وانت مقتنع هاااااااااي راح تريحه

ـ مو گلتلچ اختيارة وهو حر احنة كبرنه يا امي وميفيد احد ياخذ قرارت نيابة عنة خلي هو يجرب
.. ان كان خير الله يوفقة
وان كان شر الله ادعيلة الله يخلصة باسرع وقت بس هالنوح ميفي

ابنج الثاني عرس واحنة بس اثنين الچ ماعندچ العشرة غيرنه افرحي بهالوكت يا امي هلهلي بدل النوح اعناد بليي يكرهوچ ويگرهونه

وهمين خلي سيد مجتبى يشوف فرحتنه بزواجه ولا تسويهه غصة بگلبة لخاطر ابوية

ـ لو ابوك موجود چان ماقبل بهالبنية

ـ لو موجود چان هواي شغلات اختلفت بهالوقت..
يلة يا امي الله يرضى عليچ جهزي نفسچ نسوي عرس اشهار باچر ان شالله

ـ باااچـــر

ـ اي.. جدي راح يفتح قاعة الساده ونسوي العرس ويا امـي لاتشيلين هم لميسمو بأذن الله كلشي تتعلم وتصير مثلنا لاتفگرين زايد وافرحي عاد چم ولد عندج قابل حتى تبقين مقهورة وزعلانه بعرس اابنچ

-هوووو لأن انتو بس اثنين طلعت من هالدنية بيگم
متشووفني اكل بنفسي

ـ افرحـٕي يا امــي افـرحـي هذا عرس ولـيدچ
هيل وطش بالولاية

ـ اتمنى افـــرح..زيــن شلون تلحـگون تعزمـون؟

- كلشي سهل بهالوكـت
هسه راح ننشر منشور بصفاحتنه ويوصل خبر عرس ابنج لليابان وامريـكا

ـ هههه الله يفرحني بيكم يايمة

ـ اي هيج اريدچ تضحگين يا عطر الجنة..
هدي نفسچ فدوة لقلبچ
الصار صار والجرى مامنه رجعة ولازم نحتوي اخوي لا گلگم تعاندو وتلومونه تالي یتعب ولتعب یخلي يهج من اللبيت

-لااااا ادگولها ويسويها اعرف اخوك وعناده

-یسویها لان الملامه دمار والي ينلام هواي يتعب
عمه زینه امي بعدها ممستوعبه اعتمد عليچ تخابرین اقاربنا وانت کفأ لهيچ عمل

-انشاء الله وليدي الله يخليگم ويحفظگم ونفرح بيگم

بوجودك ياطيبة..اترخص لان تعبت من الحچي اكثر من المشي...
جاوبوني

اخذ راحتك
تمشيت اروح العقيله صار جدامي سيد مجتبى

-هااااا عضيدي انت مثل جدي واامي راح تغضب عليه لان دومگم تشوفني متهور

-حشاك من التهور بس ألصار غلط

-بس مـٕو حرام

-واكو اشياء مو حرام بس غلط مجتمعنا يرفضها

-مو انت تگول اهم شي رضاء الله

-وهم رحم الله امرأ جب الغيبة عن نفسه

- انت تعرف ليش سويت هيج

ـ بس ميصير نعالج الخطأ بخطأ

ـ وحبي الهه مو تعرف ياسيد مهدي انا حبيتها

-اي هو هذا الخلل عين المحب عميه

-لااااه سيد مهدي راقبتها وعرفت شنو هي من البدايه الحد هاي للحظه هي راقيه عدا عدهع شوي تصرفات طفولية

-البدايات دائما مبهرررة وبلنهايات تُمتحَن نبالة وصدق ودواخل الانسان

-وانشاء الله النهايه تبقى مبهرره ونبيله

-ماعتقد عضيدي مااعتقد

- لاتحبطني ابو علي

ـ الله يوفقك ويغير حالك لافضل حال

ـ زين والحل بعد هي صارت زوجتي واهلها على جيه ساعه ويجون النه

ـ وووولك شلووون تدخل عليييهةة وانت ماعاااقد شرعاااا

ـ لا ااصبرر مادخلتت ماادخلت عليهه حتى مالامسها حتى لو عقدنه عقد محكمه بس اقصد هي زوجتي

- االحل.. جدك يعقدلك و نجهز نفسنه الاشهار زواجك،

سيد حامد راح يكون القاريء للابتهالات
والقاعه العمال راح يفتحوها ينضفوها ويجهزوها وانت انشر بصفحتك وصفحتي اعلان الزواجك بقاعتنا

ـ جدي قبل يعقدلي ويسويلي عرس

ـ شنو تشك بقدرات اخوك بالاقناع

- عضيدي وسندي الله يحفظك الي..

_زين شلون اكيد الناس رراح تتفاجأ بلموعد

-گلمن وظروفه اتحجج بسبب عمليتي چنت ملتهيه
وستعجلت بسبب سفري للهند

-يعني انت راضي على زواجي

- ابتسمت بوجهه رغم كلبي يبچي وخايف عليه من الجاي.. بس ما اسرق بيوم فرحته على اليحبهه.. اتقربت عليه ووجريته لحضني..
الله يوفقك عضيدي
قرب شبگني

-اذا انت مو اخويه چان شنو حالي صار

-اذا أنت ماگو انا ماگو سيد مجتبى لان احنا مو بس اخوان(احنا واحد يغطي ويسند ويحمي الثاني)

جانت لحضات مليانه مشاعر اخوة بيناتنه احس بقوتي من يكون ويايه سيد مجتبى فما اكدر ارفضلة طلب ولا احزنه

عفته فرحان دخلت الغرفتي عقيله مدده السجاده تقرا قران يمها سيد علي بحضنها من دخلت سدت القران باسته سحبت مخده يمها زحزحت سيد علي من حضنها خلته على المخده

واجت عليه مخنوگه أخذتها من أيدها گعدتها على رجليه. أتفحص وجهه الملائكي,الخجول أتأمل عيونها الزرك وابحر بيهن حتى أوصل العمق لونهن
همست وانا الزم خدها

_اشبيها قارورتي

حرگت راسها (معنى) مشتاقه اليه

_انا اكثرر يگلبي باچر اخذچ نشتري ملابس ورانه عرس سيد مجتبى درات وجهه السيد علي هزت راسها( معنى )ماتروح

_لاااا تخافين عليه انا وياااتتاااچ وهسه عووفي کلشي أريدچ بس أليه

عيونها حچت انو مااتمگن منها انا مريض بعدني

جاوبتها

_ترى رمضان خلصنا بين قيام وقعود والعيد وضاعت فرحته وهسه لاااا ماكو عذر

زحت الچادر عن راسهااا تناثرات خصر شعرها الناعم وتناثرت وياهن مشاعري العاشقه تناسيت أنا رجل مريض وعندي عمليه فوق الكبرى بدت أيدي تبعد أخرررر حواف چادر الصلاة بينت رگبتها

أغلقت عيني عن ابواب الخطوره القادمه عند التمگین فتحت قلبي على مصرعيه لابواب رغبه العشق الحلال

الجلید بين احضاني على قدمي جالس لكن بدا بذوبان ليطلق أنذار بأن الاستسلام حلال ليزكم أنفي رائحة عطر چادر آلصلاة القيته بعيد عن مرماي

لينتشر شذى عطر رقبتها عطر المسگ والعنبر لیسلب عقلي مئجج نار الحلال تتبخر بها روحي گــ تبخيرة أم تحمي ولدها من جنون الغرام

بعدتها وكفتها على أقدامها اخذها بعيد عن مگان نوم آبني الى غرفه جانبيه صغيره هي منام طفل امشي حاضن جسدها من الخلف مسيطره عليه رغبت الحب والافتتان
رغبه الغت حدود التعب،

رغبه قتلت حدود ألوجع أخذتها الامس أناملها
مسير بعشق غير مخير بهجر الأجساد هي حليلتي أنسى بها مهاترات الزمان
.
صرت قريب عليها وجهه بوجهي أقتربت ألثم شفافها متمعن بعيونها الناعسه الزرقاء الي تشبه بحرٱ يستعد ان يطلق موج ياخذني سفينتي جسدي وقلبي الى
بر الأمان

درت جسدها حضنتها من الخلف،لتتحرك احاسيسها مع گل حرگه رغم الممانعه من الجليد الذائب لكن ارتخى الجسد رغمآ ' وحبآ' وا وجبآ, وعشقا

رجولتي بدأت تنادي انوثتها لتلبي النداء تارگه لي حرية الدخول
حرية الولوج لارمي اخر قطعه ستر تسترها
ووتتناغم الاجساد بعناق طويل
ولمسات أطول
وحرارة جسدان تحبس الانفاس
كنا معآ اقرب من ما گنا قبل ثملنا حبآ حتی کانت دقات القلب قویه صاخبه
بسبب عناقنا ا الثّمل، والذي انتهى ونحن نررد

-اللهم انا نوينا ان نغتسل غسول الطهر غسول العشق
.......

#يتبع