رواية عشق المومنين(أبناء الساده) الفصل السادس وخمسون 56 - بقلم نازك الحمراني

صباح الخير
نازك الحمراني

.....
لطبيب ـ حاليا هو اتعدى مرحلة الخطر
ومر بحاله غيبوبة ف عدنه طبيب مختص شاف الصور عن جهازة التناسلي وكال احتمال جبير يكون هالشخص انثى مو ذكر..
او يسموهم الجنس الثالث

مريم : ضربه وحرگه وصعقة ابد ممتوقعتهه
رجلية ماشالت جسمي تمغصت ه وماحسيت بنفسي الا اني بالگاع واگعه ألتفت يمنى يسرى رافعه ايدي
لعبت نفسي مثل البطنه متروسه أگل ويريد يقيء

بثنين اديه ضريت خدودي واضرب واصيح بحرگه اني متزوجه جنس ثالث لااااا مااعرف شنوو مزوجه
ولا حتى أهلي يعرفون اي انه انه متزوجه بنت
اااني چنت متزووجه شخص خنثي

لااااا الدگتور متوهم لااااابدااا نوار مووووبنتتتت
شنو هاللعبان نفسسس ربيييييببي
شنو هاللعبااان نفسسس
بببنت متزوجه بببننتتت انه مزوووجه بننننننتتتت

ليشش ربي لييش لييييش لييييييييش گل هالصياح بداخلي مااا أگدر اترجمه للواقع غير بالبچي والدموع
دموعي تنزل ،وتحرك وجهي وانه ساااگته

مگدرت أوگف على رجلي مغطيه وجهي بيدي نزلتها واشوف ألتمو عليه الممرضين والممرضات بالمستشفى عبالهم اغمى عليه او بية شي

طلع على هوسه ألناس والممرضات ارشد والطبيب
رفعت راسي شفت ارشد يتناوعلي بريبة وحيرة
اكيد عرف سمعت گلشي تقدم عليه ارشد ماد ايده وسندني وگومني من مگاني گال للناس

ـ مشگووورين مشگووووورين يااااااااااااااجمااااااعه انا اسندهه لمرت اخوية اخذو راحتكم انا موجود اخذهه لمكانة..

اباوع عليه وعيني بعينه وعيونه تتهرب مني لزمت ايده حييل لان رجليه ترجف گوة شايلتني بالمشي اسحل بروحي ارشد ساگت ابد ماحچة ولا گلمة لان مصدوم من حچي الطبيب ومستحي مني سکوته وترني وضاغطه على ايده لأن خايفه خاف أوکع

بعدها بطني مغصه واريد اتقيء لازمه بطني وصلنة يم ام ارشد بعدها أموته نفسهه من البچي على نوار لأن بغيبوبه أول شافتنة غطت راسهه بالعباية

مديت راسي أباوع على ورى الدنگ شفت ابو ارشد گاعد نفس گعدته بالبيت العوچية بين رجليه وايديه اثنين على العوجية ومنتجي براسة على ايديه من شافنة ماهتم النة..

لملمت عبايتي بيدي گعدت على الکرسي يم عمتي ماأگدر أوگف ودي أحچي لأن بحلکي الف حچاية
أريد اسألهه
أريد اعرف يعرفون بابنهم لو ميدرون هو هييچ

تقرب أرشد يحاول يحچي وية امة يفهمها وعينه عليه لبالك يستمد القوه مني وانا أجبن خلق الله بس بعدة ماحچى ولمح اخوانه كلهم جايين من باب الاستعلامات

وصلو يمنه تجمعو يسالون عن حالة اخوهم وضعه
گال صادق

ـ كيف حال اخي نوار اليوم

رد ارشد بتوتر وهو يفرك ايده

ـ بخير بخيرر

رد صادق

ـأنتمنى دوام الصحه والعافية له.لگن لماذا للأن
الم يستفق من غيبوبته

عاط أرشد

ـ اكلك ماتسكت لخاطر الله بيا حال هسه احنا

جاوب صادق

ـ ولما السگوت اني اتسائل عن صحه اخي..

ردت عمتي

ـ لاتخبصنة بخرابيطك وتتجعبن لو تلصم حلگ لو تحچي مثل أخوانك

رد صادق

ـ اااه يالغة القرأن الكريم انتم تهينون لغة نبينا محمد

رد ارشد بعصبيه يدفع صادق

ـ صلوات الله عليه بس صدقااا صدقٱ يا اخي مووو
وووووگتك

رد صادق بخوف

-ماذا جرى ماذا حدث قل لي فقلبي من الخوف يلهث

غماه ارشد والتفت على امه بنرفزه يحچي

-اكلج يمة انتو تعرفوون بحال نوار لوووووو لاااااااااا

اتفاجئت عمتي  وگمز عمي من مگانه اجة علينه بگل صلافه متعصب

ـ شتقصد بحالة نواااااار ولك

واجه ارشد ابوه وگله

-الجواب عند الحجي ياااااابة أنت گلي احچلي نوار من أنولد چان بي شي

نظرات عمي ارتبگت من واثقه وتحدي الى أرباك لان
گل ولده واني واگفين ونريد نعرف ونسمع الحچي مستغربين شگاعد يصير

رد عمي بريج يابس

ـ چنة العافية ماااابي شي وحتى طهرته بيدي من اخذته للمضمد اليطهر

کال ارشد بثقه

ـيااأااااابه أاااشلوووون مااااابي شييييي والطبيب المختص يگول غير شيي

ردت عمتي وهي توکف يم صادق

ـ يممممممه ألطبيب شحچة شنيييييه گاااااااااااااال

صاح بيهه عمي

ـاااااااااااااگعددي بمگاانچ لااااااااااا تتهيلگين الاثبتي
صخم الله وجهچ يااااعجوز البين

گعدت عمتي بخوف منه

رد صااااادق

ـ رحم الله من افهمنا وفهمنا فــ انا واقف گ الخشبة التي لم تستوعب شيأ

رد رشيد بغضب

ـااااااااأشبيك اأااارشد احچي أخووونا نواار شبييي
شنو هالالغاااااااااز فهمونه شديصيرر

صاح عمي
ـ شهااااااااألملحه مووووو گاعد ااااگووووول مابي شييي هسة يطلع من الغيبووبة ويفضهه

اتناوع لارشد خزر ابوه وحچى بغضب

ـ ااااذااااا مااايحچي أبويه الطبيب گاااااااال نوااار خنننثى خنثى

گال صادق

-وكيف أقصد ماذا تقصد بگلمة خنثى

ألتفت عليه أرشد وعيونه الابوه

-معناهاااا يامثقف زماااانك أخووك الزغيررر مو رجال

گال رشيد

-قصدك أبنيه

رد أرشد

-لاااأا

عاط رشاد بنفاذ صبررر

-لا هو بنيه ولا ولد هووو يملك جهازين عضوووين
عضو ذکري وعضوو أنثوي

صاحت عمتي

-اااشلووون

رد ارشد

-الاشلون هاااااي يمچ أنتي,,أم,,ممممعقوله ماااچنتي تشوووفين شي غريب وانتي عندچ جدام نوار سبع

-هاااا مو چنت أنااا

-يمه چنتي شنووو شنووو يمه أبنچ بين الحياة وبين الموووت ووهو مايعرف بنفسه عندةة جهاازين عنده عضوووووووين ووو٦٠٪ هو ببببنت مو ووولد ليشش
والله حررررام ليش

هالخبر نزل صاعقة على اخوة نوار الگل مستغرب من کلام ارشد ووالهم انه صفنت على عمي لان ملامح وجهه تغيررت تعصب,والغضب ترس وجهه وصم على سنونه وضغط على العوچية شالهه وضربهه بالگاع وحچى ةبصوت حازم وخافت من بين اسنانه

ـ ااااانا أناااااااااا حجي أبووووو أرشد ماااااعندددي بنت ماعندي بنت عنددي وولد بس ولد وحتى ابني الزغير ووولد واسمه نواار

ردت عمتي

ـ شنو هالحچي ارشد فهمني شهالحچي

ـ يمة مثل مسمعتي ابنچ الزغير نوااار مو ولددد مو رجال مثلنة ااتذكرري يمعودة بطفولته چان اكو شي باارز علييه يعني معقوولة منتبهتي على جهااااااازة التنااااااسليي

رد صادق
ـ ماهذا ماهذا الكلام ماهذا الكلام بحق هبل
اخي نوار اصبح الان اختي نواره!!
كيف ذلك؟

رد عمي
ـ شيلو صادق من يمي لا انيمه بصف نوار بالسدية

رد ارشد

ـ عوووووووف صادق حجي اتذكر اتذگرو انت وامي اي شي عن نواار معقولة مانتبهتوو عليه بصغرة؟

گامت عمتي تحچي بتردد وخايفه من ابو ارشد

ـ هـ هـو يعن... ي

گال رشاد

ـ اي اي يمة ااحچي فهمينيي فهمي أرشد لاتسكتين السالفة تررة چجببيرةة مو هيييينه استغفر الله ربي
يمه ترى نوار مسگين فوك ابتلائه انتم عليه گووولي

جاوبت عمتي

ـ هووووو نوار من چان جاهل چانت غراضه يعني   

رد صادق

_امي لا نريد ألگلام عن أغراضه والعابه

دمغه ارشد بگصته

_ولك غراضه معناها اجهزته التناسليه

گملت عمتي

_غراض نوار چانت كلش ناعمة وصغيرة مو مثلگم

صاح ابو ارشد

ـ اااستغفرر ااالله مره تالي عمرچ تحچين هيچ جدام ولدچ

دارت عليه وبثقه صاحت

_گااااافي گاااافي خليني احچي ابو ارشد لاتسگتني

گال أرشد

ـ عوفهه حجي عوووووفهه يابة خليهه تحچي ترة الجاي تسوو حرام وکفر.... احچي يمة احچي گملي

گالت

ـ هو چان يختلف عنگم صح عندة بلبول بسسس ماعندة اثنين مثلگم بس وحده

الكل بهت واستغرب من كلامهه عاطو صادق وارشد ورشيد ورشاد..

ـ شنووووووو ماعنده اثنين بس وحده

جاوبت بمستحى

ـ اي يمة اي وبنفس الوكت جان ميشمر بولته مثلكم لا بولته جواه

ـ ماهذا يا اامااه كيف تسكتين عن حاالة ااخي بحق الله

،رد رشاد
ـ صدك جذب حجية شلون ما اخذتوو للطبيب ليش هيج عفتو ليشش سنين موهمينه هوو ولد ليش يمه
وانا أگول مخلص عمره لويطلع وياچ لو ويه ابويه
مايطلع وحده

صاح ابو ارشد

_مووو عنده صاحب امنين احمد غير صاحبه

تقرب ارشد

_احمد صارر من فتره بويه

صادق گال

_تتبادلون اطراف الحديث على مواضيع تافهه وتترگون الموضوع الرئيسي أمااااه لما لم ترسلو نوار الى طبيب مختص

جاوبت عمتي

ـ منوو كلك عفنااه ابد ماعفناه بس صار طلع الاربعين ابوك اخذة للطبيب وكلة مابي شي من يكبر يستعدل
وگال مانگدر هسه نحدد اله يگبر

التفتت ارشد على ابوه يستفهم منه.. بس راسا عمي عافهم وطلع برة المستشفى

صاح ارشد

ـوووووووووووووين راااااااايح ياابة

رد رشيد

ـ بلة هذاا حچي كل هالمصاايب بنوار وزوجتوو
ليش البنيه شنوو ذنبها منو يتحمل خطيتها نوووار عيشتووو بجسم مو جسمه شگلتو الروحگم

عاطت عمتي لان الذنب اخذها

ـ شبي نوار اشبي موووو گلتلگم ابوگم اخذة للطبيب وگال من يگبر يستعدل ابوگم عمره مايچذب أبد

رد ارشد

ـيمه اعرف معتبره ابوي شي مقدس ومايچذب ابد بس يااطبيب تحچين عنه نوار من عمرة اربعين يوم
بس من كبرر بالعمر غير تااخذو لاخصاائي متريدون تاخذوو احچولنه گولونه أحنة اخوته الكبار نتصررف

_مامقصرين ويه اخوك

_يمه انتي مريه فطيره اعرف ابويه معبي براسچ بس ييمه اعترفي الصار غلط وغلطتو بحق ذاك المسگين تعرفين شنو أحس هسه مااکدر أگلچ

جاوب رشاد

_حقك. ماعرف اشلون موقفك من گلك الطيب

_من گلي اتخبلت ونوب کلي الطبيب اخووك ٦٠٪ هو بنيية مدگلوولي من يگعد هالمسكيين شلوون راح يواجه نفسه شلوون يوواجه الناااس وفوگاهه زوجتووه مدگلوولي بياا عقل فگرتوووو وهملتوو هيج

ـ والله يمة مادري هو من گبر صار ميقبل اشوفه لا انة ولا ابوه

ـ بللة هذاا حچي من گبرر تشووفي غير من عمرة سنتيين تلااثة سبع سننييين بالزاايد..ميصير الاهمال

گال صادق

_أرشد يا أخي أين أبي لا اراه

ألتفت ارشد يدور عمي وانه اباع من بعيد من طلع الى أن وصل باب الاستعلامات.

عافنة ارشد وگال

_هسه أجي اروح ورى ابويه عبالي راح يتمشى

ركض أرشد ورو ابوه ووراه الولد يهدأون بي من ماوگف تبعو راحو وراه

گعدت يم عمتي مصدومه اني هسة شنو وضعي
متزوجه لو مطلقة زين هو زوجي لو زوجتي
اني المن متزوجه شنو هاللعبان نفسسس
متحملت الافكاار الوسخه البراسي خصوص من شمر نفسه عليه وراد يتقرب اليه

حسيت راح استفرغ من القرف گمت من يم عمتي ورحت للحمام اركض رغم مماگلة هواي استفرغت گلشي ابطني اتذكر وضع نوار ووضعي واستفرغ
تعبت من الاستفراغ واحس مصاريني طلعت وبلعومي انشحط وجهي ملامحه كلهه تغيرت
غسلت وجهي

دگ نقالي اتصلت عليه أمي شلت خط گالت

_هاااا يمه اشلونه أجيچ من أنشوف البنيه الرادها أخوچ

_يعني راح يخطب

_أي يمه اريد الخطوبه اتصير بس گون کلشي يمر بسلامه يمه مريم خاف يخابرچ يگلچ تعاي گليله باقيه يم عيالي

_ليشش يمه

_مو اخووچ حنين وگال. انا اجيبها وارجعها گتله لاااا عوفها يم عيالها وهي خطوبه ماشي بنيتي

_صاار يمه

غلقته سحت وجهي وطلعت يعني لازم ابقى وتحمل علمود العيب واعرف اذا أگول السلمان مايسگت ويعارگهم خل خطوبته تمر سلامات وأگله تمشيت لگيت اخوان رعد واكفين يم امهم

گال صادق

ـ مابكِ يا زوجه اخي ان وجهك جدا شاحب

رد ارشد

ـ غير من فرحتهه بيك

طفرت عمتي عليه وفززتني

ـ يمة صلوات على النبي يجوز حامل

باوعت عليهه بحزم وخنگه

_عمه تغشميين نفسچ لو تغشمين العالم لو تضحگين على منو بالضبط يااعمة ترى گلشي صار مگشوف

رد ارشد
ـ ليش هو اتقرب أل؟

دنگت راسي وحچيت.

_لا ابو ريتاج .مثل مگلتلك ام ريتاج

عاط ارشد

_صااااااااادق يله اخذ امي ومريم للبيت

گام من ألگرسي

ـ حاضر يا اخي حااااضر لبيك وسعديك

نفضت العباية وعدلتهه وعمتي همين گامت مشينة چى خطوة اجى عمي يمشي بعوچيته ويدك الكاع بيهه دك اليشوفه شگد حازم وشخصيته قوية يگول يهنيال اهلة بي ميدري هو شكد ظالمنه

اشرلنة بالعوجية يعني ارجعو لمگانگم

رجعنه للکراسي وگفنا واحد يم الثاني تجمعنة

کال النا بتحدي ولهجت أمرر

ـرااااح اطلعون كناااا أااي گلمة عن نوار وضع نوار مااااااتطلع لا لنسوانكمم ولا لاهلچ يا مريم

گتله

ـ بس اني اريد اروح ألاهلي

تقرب يخزرني يعدل عبايتهه

ـ مااااااگوووو روحه لاهلچ هذا بيتچ وانتي ابيتچ
تبقيييييين

جاوبته

ـ االله يخليك ياعمي لاتهوون السالفة ترة كلش چبيررة ولعبااااانه نفسي من کلشي

رد عليه

ـ گتلچ واكووولها هذاااااخر حچي عندي وااخر كلاام حررف ميطلع لاهلچ ويمشي الوضع على ماهو عليه

گال ارشد

ـ شنو يابه شلووووم يمشي الوضع على ماهو عليه
اكلك نوار بنننت تكلي يمشي الووضع

برف العوچيه دفع أرشد من صدره وعاااط

ـ مو بننننننتت. مووو بنت موو بنت فااااااااااهم لووو افهمگ ابو اارشد ميخلف بنااات
ااابووك كل خلللفتةةة وووولد ووولد ووبسسسس

ردت عمتي
ـ اي اي گلهم ولد بس لا تتعصب

عاط ارشد

ـ اانتو ابد مو صاااااحين وخلوني أحچيها هييييچ بيگم شيي عقلگم بييي شي دتفهموون شتحچوون لو هو عنااد وبس

رد عمي

ـ شنو هالاسلووب اارشد تنچب يلعود يلموءدب

گله أرشد

ـ يااااا ياتاج راسي موو أنتم طلعتووني من طوري
اانت فااهم شنو يعني ااخوية بنيية خنثثي

کله

ـ مووووو وگت حچيك انا تعبان واحتاج اسبح واصلي وانام خلو الكلام لباجر ومثل ما كلتلكم
حرررف ميطلع من السمعتووو
يلةةة كدامي للبيت

تمشينا انا وعمتي بقى ارشد ورشيد بالمستشفى
رشاد راح جدامنه گالت اله عمتي

_وانت يمه ووين رايح

_اروح ألمركز الشرطه اخذ اكل ألرعد لأن گلي ماياگل أگلهم وراد تراك وصابونه وخاولي وفرشة اسنان

_سلم عليه يمه

أفگر برعد هاااي غدرته الثانيه اليه يعرف اخوه هيچ وسگت أعاتب گلبي ليش حباه

رگبنه سيارة صادق حتى نرجع للبيت صعدت بالسيارة مهمومه أبجي بسگوت ودمعتي على خدي
لا يقبلون ارجع ألاهلي ولا شايفيلي صورة حل أله أنا أنتفض على وضعي

وصلنة البيت نزلنه السياره ودخلنة اتلگونه البنات بالباب ما حجي لبيت شي لان ماريد اچذب حتى ارضي غرور أبو أرشد

سألتني أم سكينه

_اشلونه نوار

باوعت العمتي وسگتت تمشيت خطوات كلتلها

_زين الحمد لله

دخلت ألغرفتي اخذت ملابسي ورحت للحمام اسبح باوعت الغرفة رعد وانا مشتته وحاقده عليه

دخلت الغرفتي مددت سجادتي اصلي.. گملت لزمت القران حتى أرتاح واريح نفسي من هموم الدنيا سجدة سجدة الشگر رفعت واسي

واسمع هوستهم بالهول وگل أشوي صوت وصياح وجدال لان إجى عمي يعيط بيهم ويغلط ويصيح

جاي أگوم اصلي صلاة الحاجه أندگت باب غرفتي بقيت بالجادر وفتحت الباب لگيت ام ريتاج وام سكينة وباقي الچناين اباب غرفتي بيدهن صينية صغيرة بيهه لفات وكلاصات ببسي وخضرة
كالت ام ريتاج

ـ ماقبلتي تتعشين واكيد من الصبح على لحم بطنچ
أجينا نتعشى سوه

گتلهن

ـ تفضلن ليش واكفات بالباب.. دخلن خلن الصينية على المراية

گالت ام سكينة وتضحگ

ـ بابا أگلي على شنو مضربة عن الاكل منو يفيدچ من توگعين وانتي حتى لحمه مابيچ

جاوبتها

ـ موبيدي والله ابد ما اشتهي أي أگل

ردت ام ريتاج

ـخوش الصينية تبقى يمچ بس فهمينه شنو وضع نوار شنو بيه

بقيت مترردة بين احچي وبين ابقى ساكته بس أشلون اسگت والديصير كلة غلط بغلط
شلون اضل على ذمة نوار الممعروف شنو جنسة
سارحة بهواي افگار بس مدعرف اطلعهه واحچيهه

الى أن حچت ام ريتاج

ـ وج شبيچ شهالصفنةة

ـ خلي ازواجگم همة يحچون ألچن

ـ وليش ما انتي تحچين

ـ عمگم ميقبل نحچي شي

سألت ام سكينة

ـ اشو تكولين عمكم.. شنو اتخليتي عنة ومتريدي يصير عمچ

ـ هو ابو ازواجكم والطبيعي يصير عمكم بس اني شيصير مني يادوب صديق ابوية

حچت باستغراب ام سكينة

ـ شنو هالحجي الغريب

ـ ماغريب الا الشيطان
روحي الزوجچ صادق وهو يحچجيلچ

ـاي هووو. هذا حظي صااادق يفتت كلبي بالفصحى وتالي كلشي ما افتهم منه احچي أنتي ةيمعودة مريم شنو القصة..

(أشبيچ)ألگلمه صعبه عليه أحسها تأذيني و البية يخنني بعد ما اكدر اضم اكثر والله حرام الديصير بية حتى اهلي ممنوع احچيلهم

عدلت كعدتي ولزمت سبحتي ورفعت راسي اتناوع لوجوهم شفت علامات استفهام هواي
يكفي غلطت بالبداية وماحچيت لاهلي الصار وتالي وكع الفاس بالراس

قررت احجيلهم وشيريد يصير خلي يصير.. بديت اسولف ومن حجچيتلهم الگل بقى مصدوم
اي ردة فعل ماگو بوجوهن ولا حتى تعابير وجوهن مثل الفاهية وممستوعبات اليسمعنه..

زوجه رشاد ورشيد گامن يضحگن ممصدگات اليسمعنة عاطت بيهن ام ريتاج وسكتتهن

وندارت گالت

ـ اكلج صدك التحچي. لو ناصبة علينة

ـ اي والله واسالي ارشد هو يكلچ

جاوبت ام سكينة

ـ لاااانا اشوف صادق واكله يحچيلي بالتفصيل الممل

ـ بس من هسة اكلچن اذا عمي درة انتن عرفتن بوضع نوار راح تصير مشكلة جبيرررة ويطيح حظنه واني اولچن
ردت ام ريتاج..

ـ اسمعنن ديرن بالچن تحچن شي خلي تجي زلمنه وذاك الوكت نفتهم شديصير

ردت زوجه رشاد..

ـ اكلچ يعني زواجج شنو يعتبر بالدين

ـ لا تساليني لان نفسي ممتقبلة شي وتايهه ماعرف المن اسال

حچت زوجه رشيد

ـ انا لو بمكانچ ارجع لاهلي وما اضل ثانية هناا اوووع شنو هالقسمة يابة يساعدچ الله لاهو بنية ولاةهو وولد

ردت ام ريتاج

ـ يحتاج نسأل عالم دين بهالشي اعتقد زواجچ مشكوگ بامرة يعني اتصور يطلكوچ اذا صار بنية

ردت ام سكينة

ـ يااابة يا يطلكووهه هاي اذاا جانت متزوجه رجااال وتحول بنية مو متززوجه واحد ممعروف شنو جنسة يمكن ااصلا ممتزوجه مريم

نفسي كلبت من هالحچي اكثر واكثر خصوصا من اتذكر بداية زواجنه وابو ارشد انطى حباية لنوار وشلون حالة اتبهذل وحاول ينام فوگي وتالي اكتشف هو بنت مو ولد

رغم معدتي فاارغه بس على المي عايشة الا مگدرت اصبر حطيت ايدي على حلگي ورگضت للحمام اتقيئ طلعت عصارات معدتي المرة كلهه

حيلي انهد أتمنيت امي يمي اجني البنات يركضن وراية للحمام يدگن بالباب واني بالگاع واگعه مااگدر اجاوب مبية حيل لشي بس ابچي بدون صوت..

صارت ضجة برة كلش جبيرة الي يگول هاي حامل شلون هيج تتبلون على نوار..

والي يكول البنية مريضة جسمهه ضعيف وميتحمل لان مماكلة شي والي يحچي غير شي كل واحد يح جججةلبتيتي شكل

زمخ عمي بيهم بصوت عالي عرفت عرف بية حاجية الهم صرف كل واحد لمكانة ووكف يم باب الحمام وزمخ بية..

ـمررررريم گملي وغسلي وجهچ ولحگيني للديواان بسرعه

طگيت وجهي بيدي اثنينهن من خوفي حتى بچيت شسوي وين اروح ماگو غير أخابر سلمان هو ينقذني من هالشدة

شفت عمي راح بسرعه طلعت من الحمام لغرفتي سديت الباب اخذت التلفون طلعت رقم سلمان بقيت أتصل عليه بس يرن وميجاوب

متت بچي ايدي ترجف وانه لازمه الموبايل أتلث مرات اتصل وماگو أندكت الباب ورأسن دخلت عمتي شافت التلفون بيدي احسهه مگسورة مثل گسرتي بس مابيدهه شي

گلتلي

_يله يمه عمچ ينتضرچ بالديوان

شمرت التلفون وگمت على حيلي مسحت وجهي
سحب كلينس مبلل مسحت وجهي زين وعدلت حجابي وطلعت امشي وراهه

اثنينه دخلنة الديوان ولگيناه گاعد بمگانه ولا عبالك صايرة مصيبة شگبرهه..

زمخ بينة

ـ كعدن هنا

أجيت وكعدت بالمكان الامرني بي باوعت عليه بنضرة هو فهمهه بس سوة نفسة ممهتم..

گالي وهو يتوجى على عوچيته

ـاااااااااااسمعي بنتي السمعتي اليوم ترة

صار يمتمت بكلامه ومديعرف شنو يحچي

گتله بستهزاء وخوف منه

ـكمل عمي شنو تريد تحچي

گال

ـ نوار مابي شي

حجت عمتي

ـ اي والله گال الطبيب من زمان مابي شي حتى عمچ  اخذه حاله حال اخوانه للمطهرچي وجابه اليه مطهر هل جدامچ
متشوفين زوجنا لو شاگين بيه واحد بلميه مااااااازوجه 

کتلها

ـ بس الطبيب سمعتة باذني هو

بعدني ماكملت رد ابو ارشد بغضب عليه

ـ وحتى لو تضح بي شي.. راح تبقين بهالبيت معززة مكرمة مصااااانه

وگفت بوجهه گتله

ـأشلون تقبلهه عمي لو عندك بنية تقبلهه عليهه تضل بين ناس غرب عنهه

گال
ـ هسة صرنه غرب؟

بچيت واحچي وياه اعرف نفسي من ابچي ما اعرف اصوغ الحچي گتله

_بس بصفتي شنو ابقى هنا؟

_بويه بعد عمچ بوقتهه الف حل موجود بس لاتحچين لاهلچ يا بنتي

جاوبته

ـ ماااااا أگدر بعد اريد اروح واالله تعبت ياعمي الله يخليك رجعني لاهلي فدوه الله يخليك

رد عليه لعدوء

ـأهلچ تروحيلهم والله تروحيلهم بس مو هسة
ابوچ ماصارله چم يوم من طلع من المستشفى وبعدة تعبان وهوو صاحبي مااتعبه أگثر

گتله

ـبس اريد اروح اشوفه

ـ خلي يكمل اخوچ سلمان خطوبته وروحي

أنصدمت من گلي خطوبة..

_خطوووبة شنو

ـ اي عمي مثل ماگلتلج.. اخوچ نوه يخطب بنية هالايام وخابرني ابوچ وكلتلة زوجهه نايم مستشفى وتريدهه تحضر عرس گالي خوش بقيها يمك

حسيت بكره مو طبيعي تجاه هالرجال بكل عين صلفة حطم حياتي وهسة يمنعني من روحه اهلي.. بدون وعي صرت اصرخ واعيط الغضب الچان بداخلي كلة طلع بهاللحظات

ماعرف شلون اترجم الغضب الجواية لكلمات اعتقد مست رجولتة
حتى ما اتذكر شنو حچيت بس كل الاتذكرة التمو البنات وصادق وعمتي تحاول تهدين بس ماگو فايدة.

أذگر کتله

_انت ظالم انت مجررررم انت مخادع انت متخاف الله انت كاااافر انت وانت وانت

زمخ عمي بصوت عالي

_أاااااام ريتااااج تتتعاي انتي العاقلة البيهن اخذيهه لغرفتهه وفهميهه

سحلني البنات للغرفة وبعدني ااصرخ واعيط واحچي گعدت بالغرفة ويمي البنات واخذت التلفون وشفت اربع مكالمات من سلمان رديت اتصلت اجتي ام ريتاج واخذت التلفون مني..

عطت

_عوووووفييييينييييي

ـ بس اهددي اعوفچ والله خابري ياهو التريدي بس اهدي اصبري شوي

ـ شأصبررر مااسمعتييي شلون يحچي وشنو حچىى ماسمعتتيي

ـ وياچ بكل گلمه واني وياچ مو ضدچ اني والبنات كلنة وياچ مستحيل وحدة من عدنة ضدچ بس اهدي خلي نتفاهم..

ام سكينه حبيبتي ناوليني كلاص المي

أنطوني شوي مي شربت وغسلت وجهي هديت وكعدن يمي يحجن وياية زوجه رشيد چانت ضد عمي گالتلي

"لاااا تبقين روحي لاهلچ وخابريهم وعاندي وگلبي الدنية على راسهم هذول ميتسحون عمي رجال طاغي ميخاف الله

بس سكتتهه ام ريتاج گالت. الها

ـاسمعي حبيبتي صح هو اخوچ بس ترة خطية تروحين وهذا حالچ متعرفين انتي متزوجه لو لا متعرفين مصيرچ شنو ولا تنسين سولفتيلي عن اخوچ جان ميريد يتزوج وهسة الله هداه يعني حتروحين تكأبيهم

وتبقين مدلغمه ومتگدرين تفرحين ومن يشوفچ هيچ اخوچ اكيد ماراح يعوفچ الا تحجيلة كلش يخطية ليش تنغصين فرحته خلي عقد اخوچ يعدي وروحيلهم

ـ جاوبتهه والدمعه بعيني

بس هذا اخوية الوحيد هذا سيد سلمان
شلون اعوفه بهيچ يوم

ـ اذا روحتچ تضرة وطير فرحتن ووتاذي بلاهه ياخيتي.. ماكو شي ينضم بس لاتنغصين فرحه اخوة الوحيد معليچ بعمچ وفگري بكلامي وراح تشوفي صحيح..

بقيت كاعدة وابچي
رد خابرني سلمان رديت عليه سلم عليه وسالني عن حالي..

_اشلوونها دلوعت اخوها

_اااا بخير الحمدلله

ـصوووتچ ماعاجبني بيچ شي

_لاااا خويه مابيه. شي سلامتك

_تخفين عليه أمبين عليچ هواي باچيه شنو حالته خطرة نوار گووولي

ـ هااااا

ـأحچي يحتاج اجي صار شي عندة مضاعفات حالته رجعت خطرة

ـ لالالا خوية لا مابيه شي زين

ـاممم راح اغلس على صوتچ التعبان لان هسه رجعت

_وين چنت

_ رحت اليوم لرعد بالسجن خطية متبهذل فد مره.
ولا چنه صارله اقل اسبوع لحيته وجهه تعبان

ـ اي بعد سجن

ـ زين مناوية تجين لعقد القران مالتي

مسحت دموعي كتله وانا ابلع الغصه

_المن خطبت ياغالي

ـ هههههههه صديقتچ ياعزيزة أخوچ

ـ صديقتي؟ منو

ـ مطفية فد مرة كل هذا علمود حبيب الگلب رجلچ بحيث نسيتي صديقاتچ

ـ احجي منو يمعود

ـ غفران..

مصدكت غفران خطبهه سلمان صديقتي ومحاچيلي شي

_فدوه غفران والله تستاهل هاي البنيه الف مبررروك

گال بثقه

_مريومه مو مبروووك گولي مبارك

_ههههه والله ياسلمان الحچي وياك راحه بس والله من نهد زواجي اتصالات غفران أختفت او شبه انعدمت گل وحدة التهت بحياتهه

_هووو أنتن من تزوجن يلبنات تنسن بعضچن

_لااااا لا خويه لا تعمم علينه

_حشى اعمم التعميم للغة الجهل والتطرف

_عشت منگ نتعلم يخوي وان شالله بالعرس مالتك اجي يعني أول ما يطلع نوار من غيبوبته

_يله حبيبه اترخص محتاجه شي

_وصل سلامي لاهلي وامي ..

_غلقته بقيت بغرفتي محتاره شنو اسوي وشنو أعمل تذكرت ورد سواه اخوي سلمان من چان يمر بضيق وغم استخدم ذكر اليونسية

طلعت نقالي لان خازنه طريقته بلموبايل وشفت للمقاصد المهمة وهو قرأئة الآية بعدد (٧٠٠٠٠ مرة) لمدت ٧ايام أو عشر أيام أو اربعين يوم او ٧٠يوم و "لا إله إلا أنت سبحانك إني كنت من الظالمين".المهم اخلص السبعين الف والحاجه تنقضي

تمددت على الچربايه وطلعت من المجر سبحتي الألگترونيه وبديت أقرا لازم أختم العدد بيومين مااتحمل بعد ابقى أکثرر گد ماقريت شفت واصله ٢٠الف الحمد الله محد أجى عليه ألصبح گعدت أجتني أجتني أم ريتاج الغرفتي گالت

_أختچ اجت عليچ

غسلت وجهي ولبست حجابي وطلعت الها لگيتها واگفه بلگراج باوستها گتلها

_تعاااي طبي الله عليچ

_لاااا مستعجلين نروح الخطبة سلمان ليش ماتجين

دنگت راسي وللمره الثانيه أچذب عليها گتلها

_لأن رجلي يريدني أنت مگاني روحي باعي وجهي حتى هيچ اضيع فرحت سلمان

بقت تسولف وعاندت ماتدخل سلمت عليها وراحت
سمعت سوو العقد وريام بقت ترسلي الصور مالتهم والفيديوات وشلون اخوي سلمان فرحان ويضحك شايل چيس توفي ابو الخمس گيالو ويشمر بلحضره

شبعت بچي اتمنيت اكون وياهم بس حكم القوي
فرحت أخوي مااضيعها بسبب تعاست حظي ولو ماأگول تعاسه أگول عقوبه وتخفيف ذنب لأن چنت أحچي ويه رعد دون علم أهلي وربي يحبني ويريد يخفف ذنوبي

حاشا ربي يظلمني وحاشا يخلي الوجع اله وراه ذنب
وجزاء'وسبب

رجعت للبيت واشوف بوجوه ألگل نظرات شفقه وشي خجل صاح صادق عليه وهو يتريك

_أختاه هلمي معي الفطار شهي والعسل ينادي عليك

_الف عافيه خويه

گال رشاد

_والله ياخويه اله تاگلين

_ممشتهيه

کال رشيد

_الخاطرنه واحنا أخوانچ

_وعلى راسي ربي يديمگم

گال هادي

_ديله حتى بنتي توله تگول اريد عمه مريم

_هسه أجي بس أرتاح أگلو الف عافيه

دخلت الغرفتي شمرت الحجاب كعدت على الچربايه أبچي لگيت سبحتي الألكترونيه سحبتها حتى أگمل ألذگر وگلي يقين بس أگمل العدد ربي يفرج عني

رعد/// دخلت السجن والقهر انا داخله بلا سبب أو بلا ذنب الوضع جدا مزعج هنا لان السجناء حالتهم مو على بعضهم رغم أگو ولد ناس بس الوضع العام کله خرط وعبالك عصابات بينهم

أشگد أتمنيت باقي بلجيش وهوسته ولا هل وضع اعرف نفسي هذا مو مگاني ولت وضعي أصبر نفسي
وا گول ربي يريد يخفف ذنبي لأن طول عمري حافظ نفسي من ألحرام'والنظره المحرمه تالي صرت هيچ

أخلص وقتي بين قرائت القران والاستغفار وبين أثنين شباب أزغار أكعد وياهم أسولف عن التمسك بأخلاق الحميده

رغم صغر اعمارهم وبعدهم أحداث بس عرفت انسجنو بسب گيد من ولد عمامهم..يخلص لليلنه واحد يگعد الثاني على صلاة ألليل والعباده فيجوف ألليل والتوجه للذات الله

رغم ضايج ومقهور على وضع اهلي,وحالة أخوي نوار بس تأنيب الضمير أکل گلبي أگل هوو يصيح عليه من متوجع حتى ماصاح أمي ولا أبويه وانا أخونه بلمشاعر لأن أحب مريم أعرف نفسي جاهدت

وهجرت بيت أهلي وخليت سيد سلمان يستعجل اليه بناء بيتي ورغم مگامل سگنت بيه بس مع ذالك بيني وبين نفسي أنا غلطت

هيج بقيت أصبر نفسي على الصار'اخوا يجون عليه يجيبولي اگل ملابس مصرف'يبقون يمي بلفتره المحدده بس محد ينطيني خبر عن نوار بس يگولون أليه هو تعدى مرحلة الخطر

عرفت عزوت أخواني 'بحيرتهم وخوفهم عليه هذا الي يجي وهذا اليشتري وهذا الي يفتر من مگان الثاني حتى أطلع

تالي عرفت حطو الي محامي الحطو احسة فاهي مدري هو يسوي روحه فاهي مدري ميفتهم كل شوي ومتفاجئ بسالفة من سوالفي خصوصا من عرف بية صارلي فترة طويلة ممداوم بجيش وگف ورى الزنزانه وگلي

_أنت شغلتك داچه وميفيدك شي

گتله

_وانت صدگ محامي بس لاتحل ولاتربط

ثاني يوم اجاني غير محامي مرتب وانيق ومبين ثكيل وگف بسألني أسأله هواي وعرفت اهلي مغيرين المحامي بس هذا ثگيل ومرتب وانيق چنه سألته

_منو حضرتگ ومنو وکلك

کال

_أنا المحامي*** من طرف سيد مهدي ابو علي استغربت

_صبر استاذ منو سيد مهدي ومنو ابو علي..
يعني مسامع بهيچ اسم واگيد انت غلطان بالشخص

_لااااا مغلطان بس ثق انا مارح أتركگ وهذا أسمي الكامل وعندگ أخ اسمه ارشد شوي ارتاحيتلة مبين فاهم شغلة

وهم اجرائات خروجك تاخذلهه اربع ايام او اسبوع بزيادة يله تطلع وراح أبدي اشتغل على قضيتك..

._الله يقويك واشكرك

_الشگر السيد مهدي

راح وبهالايام اجى وية المحامي شخص شاب بس وجهه متأذي شوي مبين متعرض لحادث رغم واضح هووواي محاول يصحح التشوه لگن الاثر باقي

طلعوني من السجن الغرفة الضابط وهناك لکيت نفس الشاب گاعد گلي المحامي

_هذا سيد مهدي الي وگلني وهو صديق ارشد أخوك

صافحته وكعدنة سوية گتله بحيره

ـسيد اسف والله لان بصراحة مچنت اعرف اخوية ارشد عندة صديق اسمة ابو علي

ابتسم الولد وكلي

ـ ولا اني

ـ يعني شلون ولا انت

ـ ماچنت اعرف اخوك الله يحفظه

وكفت على حيلي وباوعتلة بريبة..

_زيين منو حضرتك وشلون عرفتني ومنو دلاك علية؟

بقى گاعد مگانه ابتسم برزانه وهو مبتسم

_ههههه واضح العسكرية تمشي بدمك

هدأت وجاوبته

ـ سنين العسگريه بدمي انا وياهه عشرة

مد ايده

ـ استريح ليش واكف

ـ لازم اعرف انت منو وشلون عرفتني

ـ والدتي الله يحفظهه تعرف ووالدتك الله يخليهه

ـ امي؟
،ـ اي

ـ اريد افهم اكثر

ـ مو وقت تفهم..
حاليا انا جاي حتى اسهل امر طلعتك من هالمكان
وراهه الايام طويلة بيناتنه نكعد ونتعرف على بعض ومبين وجوهم خيرة وطيب

ـ عرفت جاي وجايب وياه ورقة من شخص رتبه جبيرة حتى يطلعني کالي

_أنت صار گم يوم وتطلع لگن غيابك عن الدوام دون أجازه خلاك تتعرض للفصل بحاله وحده ترجع اله اتقدم تقرير طبي من عدت اطباء يثبتون تعرضك الحادث المرض ويجوز يعطفون عليك ويرجعوك

_يعني بعد مااداوم

_أي اله يجي قرار المفصولين ترجع

ضجت وفرحت نفس الوقت ضجت لان راح أعيش وحدي بيتي وهذا الشي يخنك فرحت لان راح اطلع من السجن وابدي حياتي من الصفرر

مرت الايام بيني وبين ذول الشباب ألي أهلهم ما محتويهم بس داخلهم نظيف ودعتهم باب السجن گالي واحد منهم

_خلينه على تواصل

_هذا رقمي خاف تحتاجوني

نطينهم ورقه كاتب بيها رقمي

گال واحد من المسجونين

_يعني وشغلك شنوه تشتغل

جاوبتهم

_طلعتي من السجن مقابل طردي من الوضيفة
الحمد لله دفع الله ماكان اعظم....ويجوز فصلي من الدوام هم سبب المهم اطلع خنگه السجن بس تدرون يصير على دخولي السجن تقريبا ااسبوع او اكثر بكم يوم...

وطلعت من السجن و صادق. اجى عليه بعدني بملابس السجن ورحت للمستشفى اريد اطمئن على أخويه وصلت لامستشفى دخلت للغرفة لگيت نوار نفس نومته قبل لا انسجن

نايم واالصوندات والكهرباء بجسمه ومغطي ممكشف
من فوك استغربت گلت الارشد

_ ليش نوار مغطين جسمه من فوك لان هيج وايرات والصوندات كل شوي تنسحب وية الغطى
يعني ليش مغطي ترة الزلم عادي ينكشف صدرهم

سحبني ارشد من ايدي وطلعني برة..

ـ موووووووو وكت ألحچي رعد روح اسبح وارتاح وتعال عندي حچي هواي وياك

ـ خير شنو صاير شي

ـ اشياء مو شي واحد

ـ احچي شگووو

ـ هسة دمشيي للبيت جايني انت وگلڪ االسجن ترى ريحة السجن بيك روح اسبح واگلك لگمه بيهه خير وتعال عفيه مگاني

ـ اعرف ارشد ميحچي الا اسوي اليطلبة طلعنة انا وصادق باب المستشفى.

کتله

_ابو العتاهيه أكلك صاير شي وراية

ـ نعم الكثير من الاحداث والكثير من الامور

ـ احچي شنو صاير فهمني

ـ لا تقلق ان شالله خير ياأخي

ـ خاب ماتحچي مثل البشرر لخاطر اهلك

ـ وانا اتكلم لغة البشر يا اخي

ـ اهوو سولفلي لا أگتلك وارجع للسجن وانا ممنون.. گووول شصايرر

رد صادق

ـ كيف اتكلم في شيئ لم استوعبه بعد

ـ شنو الممستووعبة فهمني.

ـ حين تصل الى البيت وستعرف كل شي

ـ خاب دتطيرر انا صوچي احچي وياك
رحت للبيت واخماس تضرب اسداس براسي نزلت واتلكوني اهلي امي ونسوان اخوتي باوعت مريم مموجودة وياهم يمكن رايحه لاهلهه أحسن اريد ارجع رعد القديم

رعد الي عنده العرض اهم من کل افلوس الدنيا مووو رعد ليبوگ نظرات ويسجل حرام عليه

تمشييت من الصاله الديوان سلمت على ابوية حاول يحچي وروايه رحت لغرفتي اخذت ملابسي وطفرت للحمام

حلقت شعري بالمكينة وخففت لحيتي سبحت وطلعت لكيت امي طابخة تشريب لحم خطية علمودي وجوه الموجودين بالبيت متتفسر

احس شي بحلوكهم يريدون يحچون بس ميكدرون
اسالهم محد يجاوب الحيرة واضحه بعيونهم
شكد جنت نعسان وتعبان بس مكدرت اضل بالبيت اكلت لكمه على السريع وطلعت اركض راجع للمستشفى

ركنت السيارة ودخلت اباب الغرفة مالت نوار شفت مريم فارشة وصلة بالكاع ولابسة عباية وكاعدة تسبحح .. شوكت اجتي معقولة ماشفتهه من اجيت قبل شوي..

أتقربت وسلمت وهي ردتلي السلام باوعت عليه من جوة العباية عيونهه حمر ومبين تعبانه عرفت نوار بي شي.. شفت ارشد ورشيد.. شوكت اجتي مريم ونوار لهنا

جاوب ارشد

ـ انت رحت للبيت وهمة وراك بعشر دقايق وصلو

عطت بيه

ـ ااااااحچي شصاير وگفت گلبي شبي نوار
سحبني ارشد على جهه وطلعني من المستشفى بالحديقة الخارجية

كعدنة اثنينة على مسطبة فارغة وانا عيني عليه..
يمكن اكتشفو مرض خطير بنوار يجوز بي مرض خبيث

گتله

_رحمه الاهبل وجوهكككم متبشرر بخيييير فهمننيييي راحح يموت نوااار بي مررض خبييث لو مرض خطيرر ماله علااج فهمووني ترة تلفت اعصااابي

لزمني من جتفي وهدائني..

ـ يا رعد... نوار هسة الاطباء كالو

ـ ااااي احجيي شبيي

ـ طلع بنية مو ولد

باوعت عليه بنضرة استهزاأء بشرفكك مسووويلي هالدراااما هااااي كلهههه والوجووه المگلووبة والمتتفسرررر تالي يطلع مقلببب

_ولك ااناا ميت تععب نووم مناايم مثل البشرر وتالي كل هالرركض و يطلع مقللبببب

ـ مو مقلب والله العظيم مو مقلب

ـ اكلك شكااعد تحجي

ـ نواار عندةة جهاازيييينن الجهاز الذكري بي خلل مو طبيعي وميشتغل بشكل صحيح
فقط لتصريف البول منه لكن ميشتغل گ رجل
ومن فحصو الاطباء بهاليومين كالو 60% يكون انثى

_والجهاز الثاني شبيه

_الجهاز الثاني مغمور او مخفي

أشمأزيت من حچي ارشد وبعدت ايدة عني.. عطت

_شنووو هالحجيي بابااا گاافي لاتضل ناااصب عليه

ـ تعال اخذك للطبيب انت مو مال حچي

جرني من اايدي واخذني لغرفة الطبيب كل ثانية بالطريق واكول هسة يضحك ويگلي مقلب ومتحضر انطي بوكس على خشمة افلش وجهه لان لعب باعصابي

وصلنة للغرفة ودك الباب ودخلنة سلمنة على الطبيب وكعدنة وگال ارشد

_ ياريت دکتور تشرح الحالة لاخوي رعد

وبدة يحجي الطبيب وانا ممصدك الاسمعه مصدوم وباهت ومدكدر استوعب نوار بنت

كال الطبيب
ـ واكتشفنه بهاليومين انو اخوگم عندة رحم متكامل وجهاز تناسلي انثوي موجود لكن مغطى بجلدة بسيطة.. يعني مجرد عملية صغيرة وتعديلات بسيطة ويصير انثى كاملة.

ـ دكتوور رحمة لاهلك شدتحجيي انت متأكد هذاا اخوويه اخوووويه نواار

ـأي متأگد المريض نوار عنده الجهاز الذكري وعنده جلدة صغيرة لكن سبحان الله يتصرف البول منهه
اذا ضل على هالوضع اخوكم مستحيل يتزوج ويكون اسرة ويصير اب
لكن اذا اتحول انثى نسبة 80٪ يصير ام وتعيش حياة طبيعية گ اي انثى
ـ كاعدين نسمع للطبيب ومصدوم من الاسمعه ماكدر استوعب ولا اكدر اصدك يعني اخوي نوار صار اختي بديت اربط الاحداث من صغرنة

صح هو مايييع كلش مايع ومو قوي ماعندة قوتنه بالالعاب حتى من جنة صغار نلعب بالحديقة الخلفية جنة نروح نبول سوية بالحديقة هو مچان يگدر يشمر دراره مثلي ومثل اخوتي

ودائما ينضرب من امي لان يوصخ نفسة وتسبحه الى ان بطل ميقبل يسوي مثلنة گبر وهو نفس الحال خصوصا من بينية البيت وچان ابوي يفرض عليه يشيل سمنت وطابوك وجص ويانه وينقل للطابق الثاني

ان هواي ايام من التعب جسمه ينشل وميكدر يتحرك واحيانا يبجي لكن من يبجس بس كدامي ميقبل كدام احد يدمع..

حسيت بتأنيب ضمير قااتل وواحباط مرعب الدمعه وكفت بعيني من هالخبر

ثواني واجاني صوت زمخ من باب غرفة الطبيب..

ـ نوااار مايصيررر بنتت نوااار رجااال ويضللل رجاااال وهااااي هييية الدكتور ويايه شاهد
#يتبع